فى أمريكا : فى أحتفال شركتنا بالتنوع الثقافى .. حاز (مشروبى ) الكركدى كأفضل مشروب !

ى أمريكا : فى أحتفال شركتنا بالتنوع الثقافى .. حاز (مشروبى ) الكركدى كأفضل مشروب !

مأكولات ومشروبات من جميع أنحاء العالم .. شاركت هذا العام بمشروب الكركدى ..

تحت مسمى: عصير الأزهار السودانى ..

حتى الأن فايز بالإجماع ..

هللويييا الكركدى ..



سوف أعرض لكم الصور وبعض من الملصق فى العرض

بريمة

.
.

بريمة صديقي

أهم حاجة قدمت الكركدي في كاسات كريستالية ولا في عبار ؟

:)

الكركدي مشروب جميل جداً وكمان سمعت إنو بخفض ضغط الدم.

تحياتي وتقديري.
.

يا بريمة كان سويت فيهو خميرة كان حيعجبهم اكتر.

أزهرى2
سلام

قبل قليل جاءنى مدير الوحدة يهنئنى بالمشاركة .. ويسأل عن كيفية زراعة الكردى وحصاده وأين يوجد فى الأسواق الأمريكية ..

والله الكركدى الناس بتحبه حب مبالغ فيه ..

جبت حافظة كاملة إنتهت مع إنى مستعمل كبايات صغيرة الحجم.

الكبايات شفافه عشان يشوفوا لون العيصر ..

البيض نايمن معى نوم فى الكركدى ..

شيئ فوق تصورى.

بريمة

.
.

بريمة يلا شد حيلك وخلي عقليتك تجارية زي الشوام والحضارم .

أمريكا بلد الفرص

إستثمر ليك كم الف دولار كده وأعمل ليك مشروع لتسويق الكركديه كمشروب جميل وصحي .

أو قدم المشروب لشركة مشروبات عملاقة وبكرة نلاقيه مالي العالم

كركديه كولا أو سفن كركديه

فرصة لاتعوض للربح والثراء:)
.
.

سيف
سلام

Quote: يا بريمة كان سويت فيهو خميرة كان حيعجبهم اكتر.

المرة الجاية ح أرويهم شربوت لما يقولوا بس .. الناس ديل بشربوا أى حاجة.

بريمة

أزهرى 2

تصدق الجامايكين .. غالطونى فى أن المشروب أيضا يزرع عندهم .. أنا ماسك بيدنى وكرعينى أن أصل النبات من كردفان ..

وهذا الأسم ماركة مسجلة: Sudanese Flowers Juice

عصير الأزهار السودانى ..

بريمة

هنا إحد ملصقاتى:

Quote: Sudanese Flowers Juice (locally known as: Karkade) Karkade (hot or cold drink) is the infusion made from the calyces (sepals) of the Hibiscus sabdariffa flowers, a herbal tea drink consumed both hot and cold by people around the world. It is also referred to as roselle - another common name for the hibiscus flower Hibiscus tea has a tart, cranberry-like flavor, and sugar is often added to sweeten the beverage. The tea contains vitamin C and minerals and is used traditionally as a mild medicine. Hibiscus tea contains 15-30% organic acids, including citric acid, maleic acid, and tartaric acid. It also contains acidic polysaccharides and flavonoid glycosides, such as cyanidin and delphinidin, that give it its characteristic deep red colour. Bir Adam

بريمة

Quote: Sudanese Flowers Juice

لحد هنا كويس جدا جدا يا بريمه والف مبروك..
بس اوعك تدقس وتديهم او حتى توريهم البذور او طريقة الزراعة..
إذا عملت كده تكون طبظت عينك وعين بلدك.

محمد على
سلامات ..

عرضت صور النبات .. وجبت صور لزراعته يبدو عليها من الهند ..

حاولت أرفعها لكنها كبيرة الحجم.

كلمة عصير الأزهار هى كلمة السر .. الناس تجينى من أخر الصفوف ..

يسألوا .. Where is the flower juice

وأنا أشير بيدى .. Here here

مبالغة .. يا أخوانا السودان محتاج لألية لتسويق الكركدى ..

والله accross the board أمريكا الشمالية والجنوبية .. البيض والسود والأسبانتش .. كلهم أعجبهم الكركدى.

تسمع

Have you tried the flower juice, hurry hurry
!

بريمة

العبار بريمة.

الكركدي موجود في أمريكا، خصوصا في الولايات الجنوبية.

دينق

عشان كده .. الجامايكين شكلهم على حق ! .. وقالوا يسموه Sarin ولكن توصلت معهم لبعض الأختلاف فهم يضيفون له الكحول .. يعنى بعملوه عبابير عدييل .. ويتعاطونه فى أعياد الكريسمس.



بريمة

هذه الصورة واضحة ليس من السودان ولكن عرضها كطريقة لزراعة المحصول .. أو بالأحرى نبات محصول الكركدى ..

بريمة

هذه الصورة أيضا قمت بعرضها وتقديم نسخ لمتناولى المشروب.

والصور البوستر فى أحجام كبيرة .. بينما التى أناولها للزوار فى أحجام صغيرة.

بريمة

هذه الصورة وضعها الصديق الأخ محسن الفكى فى إحد المنابر وأستعنت بها .. لتوضيح هيئة وشكل المحصول بعد الحصاد ..




بريمة

ومن الأكلات .. ضربت الأنجيرة الحبشية بالزقنى ..لما قلت بس .. معنا حبشية متخصصه فى الزقنى ..
هسع شوف ما قادر نشوف .. مرخم رخيمة طير أبون غنم الشبع فى الجراد بعض الحرائق فى السافنا.

بريمة

استاذ بريمة سلام

والله الكركدي بتحب
نحن برضو هنا الخواجات لما يجونا بيعجبهم شدييد خاصة شاي الكركدي

اها قاموا شبكونا كل ما زول يجي مسافر ليهم يقولو ليه جيب لينا كركديه


ونحن لما نمشي ليهم ندوس في مكناتهم شي كبتشينو وشي ما بنعرفو
مرة قعدت لي اسبوع وزني زاد خمسة كيو من شيتاتن الفي المكنات ديك
خلي بالك الزول بتعجبو الحاجات الغريبة والجديدة

المهم لو داير تعمل بزنس نجن جاهزين
خبرة طويلة في تجارة البهارات ومن بينها الكركديه
نوصله لحد عندك بس ابدا لينا


صفية

الأستاذة صفيه

سلامات ...

دون مجاملة دا مشروع تجارى يفتقد خطة التسويق فقط ..
وأول محاوله ال catching name
عصير الأزهار السودانى .. ومفكر أشيل كلمة سودانى .. لأن الناس كانت تداهمنى على أسم ال Flower Juice

والغريبة أنا عرضت للمنافسة فى بداية الأمر مشروبين

Sudanese Flower Juice
Sudanese Flour Juice

الأول طبعا الكركدى ..
الثانى أقصد به الحلومر .. وأنا محاول أغير الأسم عشان أفوز بيهو المرات الجاية ..

كدى ألقوا لى Catching name للحلومر .. وأنا لازم أجربه فيهم لو طلعت بنفس القبول بتاع اليوم يكون برضو الحلومر جاهز للتسويق.

تحياتى وكتر خيرك ..

بريمة

الحلومر أسمه ما أتهضم للخواجات .. حكاية الواحد يحاول يسقيهم مشروب من الذرة grains أبدا ماواقعه ليهم لأنهم بعروفوا شيئ عن الغلات والحبوب ..

لكن المرات الجاية لو ما دخلونى المنافسة ح أجيبه مشروب للأختبار .. Just for test

وسوف أشوف النتيجة.

بريمة

خليت السواقين و الطباخين و كمان قبلت علي الكركدي (الأنقارا)????


الكركدي دا جنسو شنو
عربي ولا نوباوي

Quote: الكركدي دا جنسو شنو

يا كوستاوى .. ألحق الجامايكين عندهم ليهو وصفة .. قالوا الكنجمورو ما تلحقو ..

..

الجماعة بشربوا ومتأسفين .. Why not to put alcohol in it

وكمان .. How we will drink it like this, it is just like water

والجامايكاويه المديرة قالت لما تعمل ليهو الوصفه .. حاجة ما تخلص!

بريمة

hibiscus


موجود و معروف في امريكا و على فكره شركة تازو بتاعت الايس تي عندها شاي كركدي مخلوط مع رمان, الدومينيكان بيخلطوه مع السفن اب, يعني معروف في امريكا و بيجيبوه من جامايكا

دانيه

نعم كلامك صحيح .. لكن الطعم تغيير قليلاً نسبة للأضافات ..

ثانياً هم يسوقونه على أساس أنه Herbal tea

وأنا عرضته للجماعة .. على أساس إنه: عصير أزهار ..

بريمة

إنتى يا دانية مالك طوالى واقفة لى بريمة فى حلقو ما تخليهو يتفسح شوية باقى هو فرحان بأمريكا دى شديد
give him a room to show off.

بس اعملوا جسابكم منو شوية يا (رجالة). هناك اراء طبية تفيد بتثبيطه الموقت للهرمونات الذكورية
و اللة اعلم

عفراء

Quote: إنتى يا دانية مالك طوالى واقفة لى بريمة فى حلقو ما تخليهو يتفسح شوية باقى هو فرحان بأمريكا دى شديد give him a room to show off.

غايتو يا عفراء الأدوار البتمثلها معاى الناس أفلام هليوود ما تلحقها .. هسى أنت وKing of Ring لو كان مثلتوا ذى دا كان بقيتوا ناجحين جد جد ..

غايتو كل يوم قاعد أكتشف فى المواهب .. فى بوستى الفات البتحدث عن منع المهن الهامشية أكتشفت أن زولة من كتاب القصة الخياله .. بالجد حتى لو لم تكتبها بعد ..

وهسى براك شايفه .. أكتشاف King of the Ring سودانية.

لعلمك دانيه مثالية .. بتتكشف لو حاولت تمثل .. لكن The King or the ring

بريمة

يا بريمة
كيف حالك
مبروك الانجاز
فتحت باب مهم
مصنع ألبان بابنوسه ..تحول لمصنع تجفيف ألكركدى
لكن لا يوجد سوق لمسحوق ألكركدى الليلنا ..
أى جهة عاوزه كركدى ..تحدد مقوعها وين ....
الكركدى هو البترول الأحمر
تحياتى
قور

يا دكتور دقور

شكراً على المرور .. يا دكتور الحكومة يجب أن تحرك ناس التسويق .. بمواصفات الطلب الكركدى مرغوب من جيمع خلايق الأرض ..

الإسويون هنا برضوا أحبوه ..

ال Hand-outs بتاعاتى كلها شالوها ..
تسمع الواحد يقول: I will give it another try


وبعدين الناس لازم تجد المسمى المناسب .. ليس بالضرورة الأسماء تطابق أسماءنا السودانية ..

أسم للكردى مثل Roselle .. واقع لرزم الجماعة فى الأسواق .. أسمى الأخترعه Sudanese flower Juice رهيب عدييل ..

هم عايزين إسم They can relate it to something else they already know


وبالجد .. نحن ما شاطرين فى مسألة التسويق .. لكن بعد دا عينى ح أفتحها ريال أب عشرة.

بريمة

*****

بريمة

ياريت المزارعين يزرعو الكركدي في بلدنا بالطريقة الفي الصور الفوق دي......... فعلا مشروب سحري بس ما بيحصل حبيبنا قونقليس دارفور ( التبلدي ). 

سلامات يابريمه ...
الكركدي موجود في أمريكا بس بسيطين جدا البعرفوهو ..
بجينا في واشنطون من كليفورنيا وغالبا ما بجي من الجنوب ...

بالله الكيس فيهو عشره حبات بالعدد ومكتوب عليهو Hisbuscuss كما ذكر واحد من الأخوان ..
طبعا الأيامات دي سوقو ماشي تمام مع النزلات والسعال ...

ناسك البيض ديل بيحبو أي حاجه ملح خصوصا البوفيهات المفتوحه ...

كتر من الكركدي والعرديب مامعروف أمكن تضرب معاك ...

تحياتي ...

محمد الشابك
سلامات ..

أها قاعدين تسوقوا الكركدى كيف .. نورنا ..

بريمة

بريمه
ماك طيب
ويا اخوي الامريكان ديل بشربو اي حاجة
وبالذات لما تكون مجان وكمان طعمها حلو
والكردكدي موطنه اقليم مناخي تتوفر فيه متطلبات زراعة الكركدي من تربة وامطار ويمتد عبر دول كثيرة
يعني موطنه مش كردفان بس
واختك زراعية ومن كردفان كمان
بعدين الكركدي او انقارا كما يسميه اهلنا في كردفان راااقد في امريكا
غايتوعندنا في كونتيكت تمشي اي مطعم جمايكي لو طلبت jerk fish طوالي يقترحو عليك الكركدي كمشروب اظنهم عارفينو بقطع العطش..وعندهم كركدي رهييب طاااعم وبااارد وما تروي منو ابدا
غايتو قبل علي الحلو مر
بس اوعي من ترجمته علي انو مشروب sweet and sour drink
وتسلم

أمل
سلامات .. يا بت كردفان ..

Quote: والكردكدي موطنه اقليم مناخي تتوفر فيه متطلبات زراعة الكركدي من تربة وامطار ويمتد عبر دول كثيرة يعني موطنه مش كردفان بس

نعم موطن الكركدى إقليم مناخى .. ومع ذلك قارنيه بالصمغ العربى .. موطنه أقليم مناخى ولكن ثبت أن أجود أنواعه فى السودان ..
وأخوك زراعى قديم كمان .. قبل ما أتحول لحاجات تانية .. وأظن أن موطن الأصل السودان .. فمثلاً السمسم معروف أن موطنه الأصلى هو أثيوبيا ..

غايتو الجمايكين بيعملوا حاجات عجيبه .. شنو علاقة Jerk Fish بالكركدى .. بهضم السمك ولا شنو؟

عجبنى الأسم Sweet & Sour Drink ..

من تجارب كثيرة سبقت وسمعتها من ناس كتار أن كثير من الشعوب حينما يشربون الحلومر .. يقولون أنه Ice Tea

رأيك شنو لو نجرنا ليهو إسم Sudanese Ice Tea .. ح تضحكى من المسمى لكن أحتمال كبير يقبض .. والسنة الجاية تسمع منى الأكيدة.


بريمة

اخي بريمة ...كيف الحال



مبروك على الجائزة رغم انك ما وريتنا الجائزة شنو؟؟

مادام الكركدي وجد اعجاب الامريكان .. المرة الجاية

شارك بمشروب الكٍركٍر وبعدين التبلدي ..ما اعتقد لهم معرفة بهذين

المشروبين ..ح تحصد كل الجوائز انشاء الله

الف مبروك .. وخالص التحايا

تقصد ( الكٍركٍر)؟؟؟


ولا القديم؟؟؟

وبالمناسبة يا بريمة يوجد كركدي أبيض ... جربتو؟؟

ول أبا حسن
جيداً جيت

شنو الجاب الكركر للعصير ..؟؟ .. الكركر ثمرة تؤكل على طريقة أكل النبق .. ولكنها أكبر حجماً .. وهى مكونة من عدة بذرات .. بدل تنهى ببذرة واحة فى حالة (مص) النبق تنتهى بعدة بذور فى شكل شرائح متراصه جنب بعضها فى حالة الكركر ..

ما تأكلنا حنك ..


بريمة

حماد
ول أبا سلامات ..

Quote: وبالمناسبة يا بريمة يوجد كركدي أبيض ... جربتو؟؟

والله يا ول أبا ما قصرت تب .. أخوك نساهو كلا كلا ..

طيب الأن عندى مشروب واحد بألوان مختلفه ..

وما دام المشروب أبيض شفاف .. من السهل أضيف عليه صبغ مختلفه ..



بريمة

الاخ/ بريمة

.. سلام

الظاهر عليك ما متابع آخر أخبار العصاير والمشروبات .. وهي ان مشروب

الكركر اصبح من المشروبات الحديثة والمعروفة..بالسودان والسعودية كمان.

انا في رمضان الماضي أي قبل اقل من شهرين شربت عصير الكِركِر .. في افطار

جماعي .. جابو واحد اخونا من السودان وطلب منا ونحن مجموعة شربه قد

كنت من الشاربين ..وهو مشروب لذيذ .. واحلى من الكركدي بتاعك (الشال الجائزه)

والسويت ليه بوست..

ولو ما مصدقني أسال اخونا عبد الرحمن طبيق .. فقد كان معنا في الافطار

وبعد اخذ شهادته ..لي معاك كلام تاني..؟؟

ول أبا حسن

صدقتك تب .. ويداب أنتبهت لقول الأستاذ ول أبا حماد .. بقوله الكركر القديم ولا الجديد.

ما فى طريقة تجدعوا لينا كركر .. أو حتى تشوفونا صورة المشروب ..


أستغربت الكركر .. البقى مشروب ..

كده قول لى .. شدرة أم مديكة سوا منها عصير ولا مازال ..؟؟

بريمة

بريمه... هل يمكن تسويق القنقليس والعرديب من خلال عرضكم ؟ يا أخى جرب منتجات التبلدى الجميلة دى يمكن تجد رواج عالمى من هنا.












الفاتح

الفاتح

سلامات .. يا أخى أحتمالات النجاح كبيرة .. لكن المشكلة العين بصيرة واليد قصيرة ..

بالجد يبدو أنا عايز شركاء .. ناس يوردوا لى المحصول وناس يدعموا المحلات التى يمكن أن يفتحها الواحد برأس المال ..


وأنا جاهز .. للكركدى، االقونقليز والعرديب (العرديب معروف أكثر من أى حاجة تحت إسم Tamarax ..)

إذا وجدت الدعم سوف أقوم بأختيار المحلات المناسبة لفتح البيزنس .. الأسماء المناسبة .. الديكور والعمال ..

والأهم نحن على أعتاب أعياد رأس السنة ..


يازول الناس ديل عايزين شغل بسيط جداً .. حتى الأن الجماعة بأتى إلىّ بسألونى Where I can the flower juice

بريمة

Quote: صدقتك تب .. ويداب أنتبهت لقول الأستاذ ول أبا حماد .. بقوله الكركر القديم ولا الجديد.

بريمة..

اعتقد ان الاخ/ حماد يقصد مشروب القضيم(القديم).. ده كمان ما سمعت به .مثل الكركر؟؟

مازلت غير مواكب .. وخليك مع الكركدي!

تحياتي..

ول ابا بريمة..حبابك

Quote: جبت حافظة كاملة إنتهت مع إنى مستعمل كبايات صغيرة الحجم.

حافظة شنو يا بريمة؟..
ياخي انا قبل تلاتة ساعة دخلت بيتي كرتونة فيها خمسين رطل.. قربت اجدعها في الـgarbage bin
و انت شايل ليك ترمسة؟..
let us make a deal
تسويق عديييل..!

كبر

ول أبا كبر
سلامات ..

يا زول 50 رطل بشربوها ناس حلتنا بس ..


بريمة

مازلت منتظر أرائكم .. حول تسويق محصول الكركدى فى أمريكا ..


بريمة