عوضية عباس مرجان مرشحة الحزب الشيوعى للبرلمان ..تتحدث .

برنامجي لبائعات الشاي والأطعمة حيكون من أولوياته عمل مال دوار للنساء عشان ما يوفرن بيهو كل المواد التموينية البحتاجن ليها وبعدين تأمين مال رمزي لتحسين ظروفهن المعيشية، متمنية أوفر للنساء الغاز والسكر والدقيق والزيت وأهم شئ تأمين مال للنساء العاجزات يكون في شكل معاش، ومن همومي تكوين لجنة مباني من الشباب والعمال عشان نبني للنساء بيوت تأوي الجميع وتكفيهم شر التشرد والإيجارات، ونملكهم السكن بالأقساط ُ لمريحة، وكان جيت في البرلمان الجاي لازم نعمل صندوق لدعم التعليم ندفع بيهو مصاريف المدارس

لأنو نحن كنساء عاملات حريصات بعد دا ما يكون واحد في أولادنا ُأمي ولا شماسي، دايرين نشوف أولادنا دكاترة ومهندسين ومادايرين في مجتمعنا الصغير عاطل وما مسئول، دايرين نخلق ترابط وتعاضد بين كل الفئات ، وبعد دا برنامجي العام حا يطالب بالكهرباء والموية في الأحياء بتاعتي الما فيها كهربا وموية، وردمية للشوارع البتتراكم فيها مياه الأمطار-،وحأسعى لعمل وحدات صحية متطورة في الأحياء الما فيها وحدات صحية وتكون مجانًا عشان ما يكون عندنا زول تاني يشتكي من عدم قروش الدواء وعشان يشفوا الناس المصابين بالدرن، وفي برنامجي عندي فكرة عمل آبار كبيرة ومتينة عشان نجمع فيها مياه المطار بدل ما تغرقنا والموية البنجمعا دي نستفيد منها في ري المنتزهات الصغيرة التي ستقوم على أساسها داخل الأحياء عشان نخلق مجتمع سليم مبني على توفير كل الخدمات وسأربط برنامج العاصمة بالحضر بخلق وحدات للمراعي وا لخضرة، وتكون عندنا لجان مسئولة عن هموم الناس بدل اللجان الشعبية القاعدة ساي وعمل مشاريع اقتصادية للمنتجات المحلية الفائضة في الأحياء وتسويقها وتوظيف عائدها لتطوير الحي ا لمعين)..

الخرطوم الميدان
هي عوضية عباس مُرجان من مواليد مدينة السجانة (بالنُص) درست المراحل التعليمية الأولية بمدرسة السجانة (3) ثم المرحلة المتوسطة بالمدرسة الإرسالية الإنجليزية، أم لثلاث بنات وولدين، كافحت لأجل أن تخرج جيل قوي يتصدى لما يواجهه من مصاعب الحياة، تحملت قسوة الحياة ومرارة صعود دفار الكشة والقوانين القمعية التي حاربتها هي ورفيقاتها في لقمة عيشهِن. عوضية في البدء تعمل في بيع الشاي والأطعمة وعانت لفترة طويلة في العمل في القطاع غير المنظم وما يواجهه من مشاكل، وهي مرشحة الحزب الشيوعي السوداني في دوائر المرأة القومية للمجلس الوطني كان لنا معها الحوار التالي:-

مساكن

كهربا

وموية


تحتنا الظلمة تتهاوى

Quote: أم لثلاث بنات وولدين، كافحت لأجل أن تخرج جيل قوي يتصدى لما يواجهه من مصاعب الحياة، تحملت قسوة الحياة ومرارة صعود دفار الكشة والقوانين القمعية التي حاربتها هي ورفيقاتها في لقمة عيشهِن. عوضية في البدء تعمل في بيع الشاي والأطعمة وعانت لفترة طويلة في العمل في القطاع غير المنظم وما يواجهه من مشاكل، وهي مرشحة الحزب الشيوعي السوداني في دوائر المرأة القومية للمجلس الوطني

التحية لعوضية ولكل العوضيات

والشكر لعمر ادريس.

يبقى عاليا
والتحية للزميلة عوضية مرجان

الـحـبيـب الـحـبوب،
عمر ادريس،
تحياتي ومودتي،
و:
فـوق،
فــوق،
فـــوق،
UP

الأمن والأمان،
التعليم المجاني للجميع،
العمل،
الكل سواسية امام قانون علماني،
حرية الرأي والكمة والتعبير والصحافة والاجتماعات والتظاهر،
الصحـة،
مساكن،
كهربا،
وموية،

تحتنا الظلمة تتهاوى....

عمر إدريس .....سلام
الأبيات أدناه أهداها الدكتور مصطفى مدثر لرؤى الخضر ,أصغر المرشحات فى الإنتخابات ...وبعد إذنه ....انا أهديها للخاله و الزميله عوضيه عباس , فهى قطعاً ستكون سعيده بابنتها رؤى ....فلهن وللحزب الشيوعى السودانى منى كل الإجلال .

ثلاث رشقات بعبير الفرح لرؤى الخضر
____________________________________
رشقة أولى بعبير الصندل:
* ...وتبعثين من رمادنا!

رشقة ثانية برياحين صبية:
**.. ف"الطفلةُ المنسيةُ"
بين اقدامِ الرفاقْ
تطلعُ من غيابةِ الحزن القديمْ
وتسمقُ
مثلَ نخلةٍ حبلى
على الجرفِ الرؤومْ يهزمُ سمتُها نوحَ الرياحْ
وتنثر دون
مَنٍ خيرَها وعطاءها الدفاقْ


رشقة ثالثة بكرام الياسمين:
*** واسمع صوت يقول بالعالي
يا وطني هنيالك
دماء الشهدا كان فاتو
كان جايين دما عيالك
وارواح شعب عزتو بيك
وحاتك ما بتغلالك
نرخصا ليك شنو الغالي؟
ونطلع في الذرا العاليات
باشعار فرحك المالي
قلوبنا
وشابي زي حزنك
ونتفوق على الآلام
بآمال جايا من لدنك..

فوق فوق

إمراة تستحق الدعم والوقفة 000كما يستحق الحزب الشيوعي التحية والتجلة والاحترام
دعماً لها ولرفيقاتها 000000
شكراً لك ياعمر إدريس