Post: #1
Title: إنتو ما ملاحظين المرشح البشير إنفعالاته في زيادة متطردة ؟!
Author: emad altaib
Date: 03-30-2010, 11:15 AM
Parent: #0
ــــ
|
Post: #2
Title: Re: إنتو ما ملاحظين المرشح البشير إنفعالاته في زيادة مطردة ؟!
Author: emad altaib
Date: 03-30-2010, 11:18 AM
ــــ
كامل الأسف في العنوان في كلمة متطرة
التصحيح
مطردة
|
Post: #3
Title: Re: إنتو ما ملاحظين المرشح البشير إنفعالاته في زيادة مطردة ؟!
Author: emad altaib
Date: 03-30-2010, 11:21 AM
Parent: #2
ـــ
الزول ده ما عندو مستشارين نفسيين؟!
|
Post: #5
Title: Re: إنتو ما ملاحظين المرشح البشير إنفعالاته في زيادة مطردة ؟!
Author: emad altaib
Date: 03-30-2010, 11:24 AM
Parent: #3
ـــ
من ملاحظتي ليهو عبر الشاشات
أصبح ينفعل شديد وبصورة وأضحة في كل كبيرة وصغيرة ؟
|
Post: #4
Title: Re: إنتو ما ملاحظين المرشح البشير إنفعالاته في زيادة مطردة ؟!
Author: Medhat Osman
Date: 03-30-2010, 11:23 AM
Parent: #2
نعم ملاحظين.
امبارح هدد ناس الحركة الشعبية بالغاء الاستفتاء لجنوب السودان
اذا تم تأجيل الانتخابات.
طبعا يكون بلع الكلام ده قدام سلفاكير في هذه الاثناء.
|
Post: #6
Title: Re: إنتو ما ملاحظين المرشح البشير إنفعالاته في زيادة مطردة ؟!
Author: emad altaib
Date: 03-30-2010, 11:34 AM
Parent: #4
ـــ
Quote: نعم ملاحظين.
امبارح هدد ناس الحركة الشعبية بالغاء الاستفتاء لجنوب السودان
اذا تم تأجيل الانتخابات.
طبعا يكون بلع الكلام ده قدام سلفاكير في هذه الاثناء. |
الأخ مدحت شكراً علي الملاحظة.
أعتقد هي واضحة جداً في نبرات صوته وتشنجات العضلات الوجه.
فعشرون عام من الحكم كفيلة أن تحول الشخص من عسكري بحت إلي سياسي ماهر
يبتعد بقدر المستطاع عن الإنفعالات والتشنجات.
تعتبر (الملاحظة) أحد أدوات المعرفة.
|
Post: #7
Title: Re: إنتو ما ملاحظين المرشح البشير إنفعالاته في زيادة مطردة ؟!
Author: خالد عويس
Date: 03-30-2010, 11:49 AM
Parent: #6
عماد ياخوي ملاحظة الحاج وراق كانت في محلها..الزول دة في أم ضوا بان - أظن - زبدو مرق !!
بعدين انت ما لاحظت رقيصو في بورتسودان؟ داك رقيص بني آدم نصيح؟
|
Post: #8
Title: Re: إنتو ما ملاحظين المرشح البشير إنفعالاته في زيادة مطردة ؟!
Author: emad altaib
Date: 03-30-2010, 11:59 AM
Parent: #7
ــــ
Quote: عماد ياخوي ملاحظة الحاج وراق كانت في محلها..الزول دة في أم ضوا بان - أظن - زبدو مرق !!
بعدين انت ما لاحظت رقيصو في بورتسودان؟ داك رقيص بني آدم نصيح؟ |
والله يا خالد قرأة ملاحظة الحاج وراق
لكن الشفتو اليوم إنفعال زيادة
يا خي أقول ملاحظة تانية مذيعة قناة الجزيرة فيروز زيّاني وهي تقدم في الخبر
ومنتظر أن تأتي الصورة والصوت أصبحت علي ووجها علامات دهشة وأستغراب.
ما شفت الرقيص أبداً والله كان عندك نزلوا لينا والعندو ينزلوا بالله
|
Post: #9
Title: Re: إنتو ما ملاحظين المرشح البشير إنفعالاته في زيادة مطردة ؟!
Author: خالد عويس
Date: 03-30-2010, 12:10 PM
Parent: #8
أنا شفتو في التلفزيون..مصاريني اتقطعت بي الضحك..زولك اليومداك حتاهو قرض..والمشكلة إنو (مشاتر)..وهو في جهة والموسيقى في جهة.
يا زول فيروز زياني براها؟ برة السودان الزول دة فضيحة عدييييييل.
بعدين الرقيص دة هم فاكرنو شطارة منهم..عشان يتموا بيهو كلامو..زولك ما بيعرف لي النضم..أها عشان الخطاب كلو ما يحصل 5 دقايق لازم تكون في رقصة كـ(دخلة) ..بعدين شوية كلام خارم بارم..يبدا باللازمة بتاعتو ديك..(أنحنا جينا شان نقول ليكم)..وتاني رقصة..وبعداك شتات..!
|
Post: #10
Title: Re: إنتو ما ملاحظين المرشح البشير إنفعالاته في زيادة مطردة ؟!
Author: emad altaib
Date: 03-30-2010, 03:12 PM
Parent: #9
ــــ
والله ياخالد أخوي
قدر ما قرأة في سيرة النبي محمد عليه أفضل الصلاة والتسليم
ما لقيتو وحاشاه أصلاً ما إنفّعل ولا زعِل ولا زعل وكان غضب يغضب لشيء أغضب الله.
لكن جنس ديل إنفعالوا فوق أم كم ؟
|
Post: #11
Title: Re: إنتو ما ملاحظين المرشح البشير إنفعالاته في زيادة مطردة ؟!
Author: الفاتح الصادق حامد
Date: 03-30-2010, 03:48 PM
Parent: #10
الحبيب عماد
البشير دة ما تعصروه كدى .. كفاية العصر الطلع عينو وخلاه يجقلب ليل ونهار ويقطع زياراتو من الحبش الى سرت وبالعودة الى سنار .
الزول دة بالليل ما بنوم عشان كدة بالنهار بطلعو كلو فى الاعلام نبز ... والخواجات اولاد اللزينا ربنا ختاهم من ضمن ادوات دعاء المظلومين ومشت فيه .. اوكامبو شايل جنازيرو وحايم خلى الزول يقابض فى الكلام ولمن ينتهى من لغة الاسكافى ديك يتمها رقيص حنان بلو بلو ما بتلحقو وحيقطع نفسا فى سباق الجبجبة .
فى مرة من المرارات البشير قاعد فى الاحتفال وفى زول جمبو زهجان شديد داير يلحق السوق والسخانة عصرتو قام مسك المايك وقال ليهم ( يا جماعة .. ما ترقصوا لينا الزول دة خلونا النمشى ) ...
|
Post: #14
Title: Re: إنتو ما ملاحظين المرشح البشير إنفعالاته في زيادة مطردة ؟!
Author: emad altaib
Date: 03-30-2010, 05:53 PM
Parent: #11
ــــ
الحبيب الفاتح سلامات
نحن قاعدين نعصر علي (الظلط) .
وكلامك حول عدم النوم وتأثير علي الإنفعال حقيقي , والزول ده قبل فترة قليلة قال خايف من المسؤلية والخوف برضو له تأثير كبير وإضافة للمشاكل الزايدة الكبيرة كل يوم , وهاجس المحكمة الجنائية.
بالنسبة لي الرقيص والهجيج أعتقد المشكلة في المستشار ين بتاعنو شكلهم طابور خامس وتلقاهم بيضحكوا عليه لمن يشوفوه قاعد يرقص .
وكان الله في العون يا بلد.
|
Post: #12
Title: Re: إنتو ما ملاحظين المرشح البشير إنفعالاته في زيادة مطردة ؟!
Author: عثمان جلال الدين
Date: 03-30-2010, 04:27 PM
Parent: #10
البشير ما براو المنفعل
كلهم فقدوا المنطق بعد أن اتضح لهم موقف الشعب منهم وما ارتكبوه من جرائم يطرح امامهم
دا طبعاً إضافة لانفضاح تزويرهم والخطوات التي تسير لابطاله من القوى السياسية وادراكهم أنهم خاسرين ولن يكسبوا الشرعية الدولية التي يسعون لها..
ياخي بتاعين المفوضية الغير نزيهة عبد الله والاصم والفريق الهادي منفعلين بفضحهم وانكشاف عمالتهم خلي ناس نافع وزمرته من الذسن تلاعبوا ويتلاعبون بالبشير يمنةً ويسرة..
نسأل الله أن يزيد انفعالهم لأنهم رعوا وحموا الفساد والمفسدين وحرموا أبناء الشعب من التعليم والصحة والخدمات واصلوا ظهره بالجببايات لصالح منسوبيهم والانتهازية التي تحيد بهم حتى تحول السودان..
الرقص الهستيري لن ينجيك يا بشير والحل الوحيد هو التنحي عسى أن يرحمك الله..
تحياتي
|
Post: #13
Title: Re: إنتو ما ملاحظين المرشح البشير إنفعالاته في زيادة مطردة ؟!
Author: Zoal Wahid
Date: 03-30-2010, 05:10 PM
Parent: #12
Quote: نسأل الله أن يزيد انفعالهم لأنهم رعوا وحموا الفساد والمفسدين وحرموا أبناء
الشعب من التعليم والصحة والخدمات واصلوا ظهره بالجببايات لصالح منسوبيهم
والانتهازية التي تحيد بهم حتى تحول السودان.. |
|
Post: #15
Title: Re: إنتو ما ملاحظين المرشح البشير إنفعالاته في زيادة مطردة ؟!
Author: ibrahim alnimma
Date: 03-31-2010, 00:59 AM
Parent: #13
عزيزي الاستاذ عماد بعد التحايا:
بصراحة أنا مغرم جداً بلقاءات البشير الحية لاسيما التي يقل فيها الرقص ، فالرجل كل تفلتاته تمت
في غمرة الزعل والحماقة المباشرة 000طبعاً ياصديقي هناك مسافة شاسعة بين العقل والانفعال ، فالقيادة
لن تكون صديقة لمن تلازمه العاطفة بديلاً للعقل ، هل تعتقد ان البشير متيم بحب الموسيقي ؟ربما اذا
استوثقنا عميقاً لوجدناه قاطع الغناء في افراحه الخاصة 000ولكن الرقيص هو طريقة مناسبة لتناسي
المآسي والالام التي حفرها في بطون السودانين 000والاهم من ذلك يعتبر افضل طريقة للهروب قدماً من
الكلام والمباشر 000الم تلحظ ياصديقي ان كل الدراب الصادر منه جاء مباشراً :
1- يبلو ويشرب مويته؟؟؟؟؟؟؟
2- تحت جزمتي ؟
3- اعترافه ببيوت الاشباح؟؟ابان مؤتمر الاعلامين بالخارج والقائمة تطول
لذلك تجدني احرص علي متابعة لقاءته المباشرة00000
|
Post: #16
Title: Re: إنتو ما ملاحظين المرشح البشير إنفعالاته في زيادة مطردة ؟!
Author: خالد حاكم
Date: 03-31-2010, 01:26 AM
Parent: #15
الاخ عماد
تحياتى
الزول ده مفتكر اوكامبو حيرتجف ويقع من كرسيه بصوته الجهورى وانفعاله الزائد ومفرداته البذيئة والسوقية!
|
|