Post: #1
Title: شمــــــــــــار رئاسي إذن !!!
Author: عمران حسن صالح
Date: 03-29-2010, 03:34 PM
والشَمار " خشم " بيوت
والبيوت زاته " خشم " بيوت
في الأردن في قانون رادع لكل من تسول له نفسه شتم الملكـ إسمو ( قذف مقامات عُليا )
يعني لو البوليص مسككـ مهبب ليكـ كلام فارغ للملكـ بودوكـ وراء الشمس
لكن كان سبيت الذات الإلهية في شارع عام وبشهود فسيتم حبسكـ ( في حالة كان السب والشتم في شهر رمضان ) وفيما عدى ذلكـ فلا بأس !! حبسكـ في رمضان لسب الذات الإلهية في شارع عام ينتهي بانتهاء شهر العبادة . وممكن عادي بعد داكـ تعيِد مع أهلكـ .
فتأمل !!!
الجن الكلكي مُسمَى دارج في شوارع الله السودانية ، وعادي لو محمد عمران سألني عن الزول الواقف يأِشر للعربات في صينية القندول بقول ليهو السالفة وأنا مطمئن حتى لعدم فهمو ، إتخيلتو كان معاي لسبب ما في الحاج يوسف ومرينا حضرنا الترابي وقام سألني : بابا يعني شنو راكب غرَابية ؟؟
أقول ليهو شنو ؟؟ يقصد عربية يا ميدو :)
شكيناكـ لي الله كان كسَرت " مقاديف " تربيتنا لي وليداتنا
يكون يا ربي ده زاتو الجن الكلكي اللابس ملكي !!؟؟
حاولت أشوف عمي قوقل عندو شنو عن الجن الكلكي قام قال لي :
قالو زهجانه واظنك
ما عرفتي سؤالي عنك
يا اللِذّيْذَه الكلكي جنك
عايز اكون انا ابقى منك
هنـــا
قتَ قوقل زاتو جنَ ورردت ليهو السؤال ، ردَ لي بالصورة دي :
هنـــا
قوقل ده مرات عليهو حركات " مجرد جماد " عشان كدي غلبني أسألو عن كلام الترابي ده بسموهو شنو
وقتَ أسأل البشر :
حسي كلام الترابي ده نعتبرو قذف مقامات عُليا ؟؟ وباسم الدين ؟؟
دين الترابي ده مالو زي دين الأردنيين ؟؟
|
Post: #5
Title: Re: شمــــــــــــار رئاسي إذن !!!
Author: عمران حسن صالح
Date: 03-29-2010, 05:04 PM
Parent: #4
هل يُعقل أن يستمر اسمكـ : المُفكٍر الإسلامي والشيخ ودي طريقة إدراتكـ لمعركة خسرتها بيديكـ ؟؟
|
Post: #8
Title: Re: شمــــــــــــار رئاسي إذن !!!
Author: عمران حسن صالح
Date: 03-29-2010, 08:18 PM
Parent: #7
بي سبب الغضب الشديد السمعتو من خشم الراجل المخرف ده تداخلت في بوست الفيديو المنزلو الزميل عمر فضل المولى : Quote: تباً لأخلاق تحمل رايتها أنت وبهذه الأخلاق النتنة القذرة
أسلوب لا يتعامل بها إلا المومسات الما عندهم حاجة يخسروها ..
وعندهم استعداد يطلعوا ( فوق الصفيحة ويطلعوا الفضيحة )
يا لكـ من قذر وأنت تسعى لكسب أراضي فقدتها بأسلوبك الحقير هذا
أكره بشيركـ
ولكني وعزة ربي أكرهكـ حد الموت وأتمناهو لكـ بطريقة تتعفن فيه كجيفة نتنة
حسبي الله ونعم الوكيل عليكـ يا بلد
ولعنة الله تخشاكـ أيها الحقير ...
أنت وبشيركـ الذي ربيت |
اتصل صديق عزيز وقال لي ما تعودنا على عنف كلامي منكـ
بالجد فكرت فيها يعني لازم انفعالنا يكون على شاكلة كلامي الفوق ده ؟؟
أو على شاكلة رد الزميل الجا وقال ياخي البشير ده ما جعلي ، بل بديري ( كان هذا قمة انفعاله )
ورأي آخر يقول يا البشير انت ما نتاج عربي مع زنجيه !!
|
Post: #9
Title: Re: شمــــــــــــار رئاسي إذن !!!
Author: عمران حسن صالح
Date: 03-29-2010, 08:36 PM
Parent: #8
نظام رتب أموره بدقة متناهية وفرض حاجاتو زي ما هو عايز
جاطط الامور بخروج الترابي ومن ثم بي كلامو الأخير قفل خط الرجعة وبالتالي انفصال نهائي ..
هل دور الناس أن يشتموا بالمقابل أم أن هناكـ طريقة تانية تخلي المزيد من الناس يبتعدوا عن النظام ويتم إستغلال الإنتخابات بقول كلمة لا بوضوح وقناعات جديدة ؟؟؟
|
Post: #10
Title: Re: شمــــــــــــار رئاسي إذن !!!
Author: عمران حسن صالح
Date: 03-29-2010, 09:24 PM
Parent: #9
إذا كانت شرطة الأردن تمجد السلطان أكثر من تمجيدها لله وهي أصلاً لا تستند إلى مرجعية دينية وبالتالي لا يهمها شي
فما بال الترابي الذي أسانيده دينية حسبما يقول ( ويرددون ورائه ) ..؟؟؟
كيف نجتهد اكثر في توصيل فكرة الإسلام السياسي الذي يبيح فعل كل شي
وإلى هذه الدرجة من الفجور في الخصومة .
|
Post: #11
Title: Re: شمــــــــــــار رئاسي إذن !!!
Author: عمران حسن صالح
Date: 03-29-2010, 09:57 PM
Parent: #10
أن يصل الشيخ إلى مرحلة القول بهذا الفجور الذي لم يفعله شياطين الدنيا فذلكـ قمة تفاهة الإسلام السياسي
|
Post: #12
Title: Re: شمــــــــــــار رئاسي إذن !!!
Author: عمران حسن صالح
Date: 03-30-2010, 06:07 AM
Parent: #11
الترابى والهكر واحد
|
Post: #13
Title: Re: شمــــــــــــار رئاسي إذن !!!
Author: عمران حسن صالح
Date: 03-30-2010, 06:15 AM
Parent: #12
| Quote: بابا يعني شنو راكب غرَابية |
مداخلة من عصام جبر الله على الـ facebook : Quote: مقاديف تربيتنا بس؟
ديل كسرو قامتنا و قيامتنا و هامتنا
نسأل الله الخاتمة سريعآ ... حسنها ذاتو ما عاوزينو
معليش مضطر اكتب هنا لأنى لى اسبوع ما قادر اخش المنبر
سلام و الجاتك في تربيتك عوقتك تب |
|
Post: #15
Title: Re: شمــــــــــــار رئاسي إذن !!!
Author: عمران حسن صالح
Date: 03-30-2010, 10:36 AM
Parent: #14
Quote: الجن الكلكي مُسمَى دارج في شوارع الله السودانية ، وعادي لو محمد عمران سألني عن الزول الواقف يأِشر للعربات في صينية القندول بقول ليهو السالفة وأنا مطمئن حتى لعدم فهمو ، إتخيلتو كان معاي لسبب ما في الحاج يوسف ومرينا حضرنا الترابي وقام سألني : بابا يعني شنو راكب غرَابية ؟؟
أقول ليهو شنو ؟؟ يقصد عربية يا ميدو :)
شكيناكـ لي الله كان كسَرت " مقاديف " تربيتنا لي وليداتنا |
|
Post: #17
Title: Re: شمــــــــــــار رئاسي إذن !!!
Author: عمران حسن صالح
Date: 03-30-2010, 02:32 PM
Parent: #16
الاعتماد على ( حب ) الناس لأن يكونوا قريبين من الله ( بالفطره ) جعلهم يهللون لكل من يرفع راية لا إله إلا الله ...
اعتمد عليه المهدي وكانت نسبة الأمية عالية ، لم يفكر أحد إن كان الأمر لأسباب دنيوية أو دينية
واستمر آل الميرغني في ذات الإتجاه وكان حب الناس الفطري للدين هو الوسيلة .. لست بصدد الفتوى في حقهم ولا يهمني ذلكـ العهد بأيِ حال ولا رأي لي في قناعات من اتبعوهم ( زمان أو الآن ) فذلكـ لهم رأي
وحزب ينتمون إليه صدق من يقودوه أم كذبوا .
وتطور الأمر واستمر أمر إستغلال اللافتات وبصورة أقوى ومن خلال كل الميديا المتوفره
والأمية لا زالت تمشي بين الناس
وظهر من يحبون الدنيا باسم الدين
وتردد المُسمى الأشهر ( الإسلام السياسي )
وأخذت قذارات هذا الإسم تطفو إلى السطح قليلاً قليلاً ..
هل حان دور ( الصفوة) في تلقين الناس وتعليمهم عن الفرق بين لافتة ولافتة ؟؟؟
|
Post: #19
Title: Re: شمــــــــــــار رئاسي إذن !!!
Author: Tagelsir Elmelik
Date: 03-30-2010, 05:01 PM
Parent: #18
يا عمرااااان
حسبي الله ونعم الوكيل
الشيخ مالو جاب سيرة الركبان تاني؟؟
البحير اصوات التهليل الكورالي المصاحبة من على البعد!!!!
خليك من المقامات العليا
المقامات السفلى دي جنت و لا شنو
اتمنى من الله ان تكون الأصوات المهللة في الخلفية مجرد ( فوتوشوب) طبعا بسبب
من أن الفوتوشوب اصبح اكتر سوفتوير متهمة بالتزوير
و الا فالتراب كال خشم اماتنا لو الناس البهللو ديل طلعو جد جد.
|
|