بين عبد الباقى الظافر و كامل اٍدريس غابت الاسئلة المشروعة و توهّط الغزل (فيديو يوجد)

اخونا الصحفى عبد الباقر الظافر و بعد سؤاله المهبب للاستاذ محمد اٍبراهيم نقد عن صلاته، هذا السؤال الاشتر الاشتر الذى وضعه تحت عاصفة من الانتقادات، كتب الظافر مقال مهبب أخر يسرد فيها نماذج من الاسئلة التى تقدّم بها لسياسيين و صنفت على انها اسئلة مُحرجه. طبعا الظافر مسكين يخلط خلط مريع بين طبيعة الاسئلة التى يقدمها، الثابت انه يلهث وراء الاثارة و لا يتحرّج حتى عن التهريج. من حقك كصحفى ان تتخير الاسئلة الحارقه، و ان تضع السياسى فى كورنة ضيقة خاصة فى ما يتعلق بادائه العام، لكن يجب ان تحسب كذلك ابعاد الاسئلة، فتبعد عن الشخصى و الاسرى، تبعد عن محاكمة الضمائر و اٍثارة الغوغائية، فهى لا تليق بمن اختار القرطاس و القلم كوسئلة لتناول الشأن العام.

المهم، الظافر قدّم نفسه على ان الصحفى مرسال الشارع العام. و فى حلقة السيد كامل ادريس اتيحت الفرصة لمستر الظافر، فلم يفتح الله عليه بسؤال ابداً، بل اطنب الظافر فى مدح الرجل و التغزل فيه حتى قلنا ليته يسكت.

يعرف القاصى و الدانى ان السيد كامل ادريس المدير السابق للوايبو قد اتهم بجريرة التزوير و التلاعب فى اوراقة الثبوتية (الرجل من محبى رياضة التلاعب بالاعمار كما قال مصطفى البطل). لماذا لم يتفتح الله عليك اها الظافر مرسال الشارع السودانى بأن تسأل كامل ادريس عن حقيقة قضية التزوير هذه و الرجل المرشّح لتولى اكبر منصب فى البلاد؟.

تابع الفيديو على اليوتوب فى الرابط ادناه بالضبط فى الدقيقة الرابعة و ثلاثين ثانية
http://www.youtube.com/watch?v=bonoxrmm9Sk

هنا مداخلة متميزة لحبيبنا ود شاموق يشرح فى قصة كامل ادريس و رياضة التلاعب بالاعمار
ما شاء الله، الرجل محترف كبير، تقول كان شغال جمب عمارة الضرائب فى الخرطوم

Quote: الزول دا زور في تاريخ ميلادو - بدل المرة - مرتين. المرة الأولى لمن عاوز يدخـل الوايبو كبر نفسو عشرة سنة عشان شروط الخبرة المطلوبة، لأنو عمرو الوكت داك كان 28 سنة والوظيفة المقدم ليها مطلوب خبرة 10 سنوات بعد التخرج من الجامعة، فقام أخونا في الله زاد عمرو عشرة سنة، وتاريخ ميـلادو من 54 هوب هوب هوب عملو 45. أها دا التزوير الأول. التزوير التاني لمن بقى متخارج من المنظمة ووصل السن القانوني للمعاش سنة 2005 - باعتبارو مولود 45 - قام أخونا في الله اتذكرإنو تاريخ ميـلادو الأصلي 54 ما 45 زي ما كان واهم الأمة، فقرر - كأي إنسان من العالم التالت - إنو يزور للمرة التانية والأخيرة في حياتو وهوب هوب جرّا الساعة عشرة سنة لي قدام وقال ليهم ياخوانا انتو غلطانين تاريخ ميـلادي شكلكم كتبتبوه بالغلط، أنا مولود 54 ما 45 . صاحبك قايل الجماعة عندهم قنابير، فتشو فتشو لمن لقو السي في القدم بيها سنة 82 للوظيفة، وراجعوها لقو ليك صاحبك كاتب تاريخ ميـلادو في الشهادة 45. المشكلة وين؟ المشكلة ما واحدة ديل مشكلتين. الأولى كان بقى مولود 54 فدا معناها إنو ما كان بيستحق الوظيفة الأولى لأنها عاوزة خبرة عشرة سنة زي ما اتفضلتا وذكرتا ليك، إلا إذا أخونا اتخرج من الجامعة واشتغل وعمرو 18 سنة، ودا ما حاصل لأنو اتخرج من الجامعة سنة 77! ولا الوظيفة البعدها الأترقى ليها بعد كم سنة في نفس المنظمة لأنها محتاجة خبرة 15 سنة، ولا البعدا، ولا البعدا، ولا حتى وظيفتو الأخـيرة كرئيس للمنظمة لسع محتاج ليهو تاني 5 سنة عشان يحصلا. أها طيب ولو قلنا مولود 45؟ كدا يبقى الراجل عاوز يبلف الجماعة وقام غير تاريخ ميلادو عشان يتحكر في وظيفتو ام ورقاً أخدر دي لي يوم القيامة 2015.

Re: السيرة الذاتية والبرنامج الانتخابي للدكتور كامل الط...رشح رئاسة الجمهورية

http://www.foxnews.com/projects/pdf/Idris.pdf

عليك الله عزيزى القارئ ... اعفص اللنك اعلاه يتساقط عليك ملف بى دى اف
عبارة عن تقرير مراقب او مراجع الشؤون الداخلية فى الوايبو ... اقرأ و متّع نفسك بالدهشة
مع البهلوان كامل ادريس الذى وصل الى قيادة احدى كبرى منظمات الامم المتحدة و هو بعد
فى الثالثة و الاربعين من العمر ممتطياً الحلبسة و التدليس.

كامل اٍدريس يصلى و يمارس التدليس من اجل المناصب، و نُقد لا يصلى لكنه اختار جيرة الفقراء
اختار الشرف و شظف العيش، و الحياة تحت ظلال السيوف .... الله ينعل الصحافة المعرّصه

متابعة
يا مان..واصل .

لمحة ابو السريع من التقرير توضح تاريخ عمل كامل ادريس بالمنظمة و الوظائف التى تقلدها و عمره فى كل حالة حسب
تواريخ الميلاد المتضاربة التى قدمها. مثل هذه المعلومات تعشى عنها اعين الصحافة المأجورة مدفوعة الثمن الصحافة البغى.

باسط المكى يا فردة هاك متّع نفسك بالدهشة! شوف كيف ماجستير الآداب فى اهايو يونفيرستى تحوّل بقدرة قادر فى طلب التقديم للوظيفة الى ماجستير فى القانون الدولى، طبعا مسافة بين الآداب و القانون

متع نفسك بالدهشة عزيزى القارئ.

عبد الباقى الظافر رجل كذّاب.
قال كامل اٍدريس اشتغل طلبة فى صغره و شايل قدح المونة فى كتفوا لانو تحمل المسئولية منذ الصغر
و على حد علمى ان كامل هذا ليس فى حوجة لذلك. الراجل ود جلابة كبار من جلابة ام درمان، راسمالية
راسخة ليست النبتات الطفيلية و الشيطانية التى ازهرت هذه الايام. بعدين فى الوكت داك التعليم كان مجان
فى جامعة الخرطوم كان الطلاب فى حالة عظيمة من الرفاهية مافى سبب يخلى زول يشتغل طلبة زاتو
طلبة بشتغلوها الطلاب هذه الايام ... ايام الحكام المصلين بئس الصلاة التى لا منعت فحشاء ولا نهت عن منكر.

سلام اخ ابوبكر صالح

كامل ادريس رجل انتهازي وعرفته مدينة جنيفا بسويسرا وكان رجلا غير محبوب ماعنده النخوة السودانية

وكل المجالس تتحدث عنه وبل تشمت لما حدث له ..

ده جاي يحكمنابياتوا فهم ياعبدالظافر !!!!!

لك الشكر الاخ ابوبكر مع كثير تحياتي

اخى عماد شمت
فى الحقيقة السيد كامل ادريس رجل عجيب، انا لا اعرف تفاصيل كثيرة عن شخصيته لكن تقرير مراجع الشؤون الداخلية
فى المنظمة يقول الكثير. ياخ الراجل ده ببالغ عديل، و بعد الفضيحة الدولية حقتو دى لازال يجد فى نفسه سعه و يتقدم للعمل
العام مرة اخرى. يا دى قوة عين!.



الاغرب من ده هو وجود الصحفيين عديمى الضمائر و اصحاب الذمم الخربة ديل. الصحفى رقيب على الاداء العام. و هو خط
الدفاع الرقابى الاخير للمجتمع تجاه الاداء العام و رجال الدولة. فاذا فسد هذا الخط و تم اٍختراقه بجنس هذه الطريقة التى
تجعل عيون الصحفى تعشى حتى عن تهم الفساد و التزوير المثبته فماذا نتوقع.

يا عبد الباقى الظافر نقد لا يصلى لكنه رجل شريف و اشرف بمراحل ممن كنت تتطبّل من امثال كامل ادريس

Dear Abu Bakr

Abdelbagi is an opportunist, and a gold digger journalist, you don't expect him to ask serious questions to Kamil Idris.
Like my good friends Mustafa, and Eltayeb, I smell rat about Kamil. I heard here in Beirut , and read in details several stories, and documents about his scandals. Kamil tarnished the good reputation of Sudanese in UN, and international organizations, a reputation built by good Sudanese experts in international organizations, people like the late Omer Abdelhamid Adil, Dr. Mohamed Abdullah Nour, Amir Abdullah Khalil and others who are known by their honesty, integrity,intelligence, and strong work ethics.. Abdelbagi needs to read the review of the consulting firm Ernst & Young to know the poor management skills of Kamil Idris. May be he needs to ask him if he always pays in cash just like he paid for the installation of his swimming pool in his villa near Geneva by the director of the WIPO building division.
Regards

شكرا استاذ المعز ابو نورة على هذه الاضاءة و الاضافة. ياخ السيد كامل اٍدريس مدهش بحق، و الجماعة الكيزان يقولوا ليهو انت فخر كل سوادنى و العياذ بالله، ماذا دهى السودانى حتى يفاخر بالمزورين و المدُلّسين؟. على كل ليس فى الامر عجب كبير ان يطبّل الكيزان لشخص مثل كامل اٍدريس فالطيور تقع سوا سوا على اشكالها. الظافر من شدة لهفته و غمرة اٍستعجاله لمسح الجوخ ذكر ان كامل كان رئيس لاكبر منظمة، لا ادرى كيف توصل الى الوايبو هى اكبر منظمة دولية، رغم انها منظمة فرعية من منظمات الامم المتحدة؟.

يا بقة الظافر، يا اختشى حبة و الله خجلتا ليك. فالح تسأل زعيمنا عن صلاتو و تطبّل للبهلوان الكبير دا؟. زعيمنا نقد ده لو كان يبحث عن الثروة كان مشى بقا رئيس منظمة بالدرب العديل موش بالحلبسة و التدليس.