اثنين مساطيل .. راكبين عربية .. Nokat Shadeeeeeeda‏

Quote: شـايـقى واقـــف في بص شـاف بنت قـاعـــدة قـام عاين ليها . عــاينت ليه أبتـــسم ليها أبتســمت ليه غمـــز ليها . غمــزت ليه. أشـــــر ليها علي المحطة نزلت . . . قعـد محلــــــــــــــها اثنين مساطيل .. راكبين عربية الأول سايق والثاني راكب ورا .. الراكب ورا ساطل سطلة شديدة .. ماشين في شارع النيل .. السايق شاف ليه شجرة نصها التحت مضروب جير أبيض أفتكرها عسكري حركة .. راح واقف .. لما شافها شجرة ضحك وطلع طوالي .. بعد ما مشوا مسافة الثاني الراكب ورا .. قال ليه .. انت التافه دا قال ليك شنو ؟ واحد مسطول سألوه مالك زعلان ولا شنو ؟ قاليهم لا بس الوالد شوية متوفي في مسطول قال لي زميلو: أمبارح اليوم كلو بالي مشغول رد عليهو زميلو : يمكن يكون في زول رافع السماعة واحد مسطول ظهره واجعوا شديد قال لصاحبه.. ارسم على ظهري مربعات .. ورقمها لي من 1 الى 20 .. لما خلص .. قال ليهو " حُـك لي المربع رقم 15 مسطول فتح الثلاجه شاف الجلي برجف، قال ليهو : الكبكبة شنو ؟ داير اشرب مويه بس مسطول قامت ليهو حبة فوق عينو وقف قدام المراية وقال : هسه دي (ع) ولا (غ) أصلو ؟ مساطيل قاعدين يعوموا في نص الظلط .. جا واحد ماشي واستغرب واتلفت يمين وشمال لقي واحد قاعد بعيد يتفرج عليهم قال ليه يا ابن العم ما تنصح الجماعة ديل صاحبك السألوه طلع مسطول قال ليه والله أنا قلت ليهم المكان ده غريق ما تعوموا فيه حلفاوي مسطول مشى الحج طائف عكس .. الجماعه سبتوا قالوليهو مالك .. قال ليهم زايد شوط وعايز امسحو أربع مساطيل راكبين عربية أنقلبت بيهم لمن طلعو منها و شافوها مطفجة قالو ننفخ في العادم نستعدل العربية تلاته بينفخو وفي واحد واقف بعيد بضحك الجماعه أستغربو الزول ده بضحك ليه ؟ سألو البضحكك شنو يا زول ؟؟؟؟؟ قال أنتو حمير ............تنفخو و القزاز مفتوح مسطول عنده حمار ضاع منو .. طلع يفتش عليه قام لاقاهو حمار الوحش قال ليه : خلاص قايل روحك قشرته ما بعرفك؟ مسطول مثقف جدا قال لي صاحبو قل لي ماذا تقرأ أقل لك من أنت... قام صاحبو قال ليو.. ماذا تقرأ؟؟ قام المسطول قال ليو:: من أنت؟؟ مسطول دخل بيتو لقى عشرة جلابيب مشرورة في حبل الغسيل وقف قدامهم وقال : استووووووا رباطابي سايق عربيتو بسرعة في شارع عبيد ختم جا عند إشارة الشرقي ولعت احمر وكتبت 99 عاين للإشارة زعلان قال ليها انشالله تدخلك طب الخرطوم إمام جامع قطع الإشارة حمرا نزل من عربيتو سجد سجدتين سهو واحد غرق فى النيل مافى جنبو الا شايقى . قال للشايقى عليك الله انقذنى .. الشايقى قال ليه يازول ما تستغفر الله .... خلاص ده ما يومك ..... شايقى وجعلى ماشين فى الغابة فى الجنوب ..ظهر ليهم نمر عاتى وجاء هاجم عليهم الشايقى طوالي شال نعلينو فى ايدو . واستعد للجرى الجعلى قال ليهو شلته نعليك فى ايدك قايل نفسك بتقدر تسبق ليك نمر الشايقى قال للجعلى .. لا ياأخوي انا عارف نفسى ما بسبق النمر انا داير اسبقك انت

Quote: اثنين مساطيل اتلاقوا لاول مره في بيت واحد صاحبهم مروق عندو غرفه مكندشه واحد منهم شعر بالبرد و قال لصاحبه انا بردان من المكيف فرد ليهو اخونا على الفور وانا عادل من عطبرة *** واحد مسطول قال لي صحبه صدق انا مرات اشرب لي خمسه كاسات ما اسكر ومرات ثمانيه وبرضو ما اسكر ومرات جركانه وبرضو ما اسكر والغريبه مرات اشرب لي نص كاس واسكر , قام صاحبه قاليه انت عارف السكر دا توفيق من رب العالمين.. *** *** مسطول احوص دايرين يشنقوهو سألوه: امنيتك شنو؟ قال: اشوف نفر واحد بس *** مسطول لقي اثنين في المقابر بفتشو علي قبر ابوهم وهم بتغالطوا: ياهو ده لا ماياهو، ياهو ده لا ماياهو، قاليهم: انتو دايرين تدو هو فاتحه ولامصاريف *** *** زول مسطول قالوا ليهو: البنقو يؤدي إلى الموت البطئ قال: أنا زاتي ما مستعجل! *** *** مسطول سألوه عن الفرق بين الشهد والشهيد؟ قال: الإتنين بيتلحْسـو! *** *** مسطول تجاوز الاشاره الحمراء بتاعة المرور و بعد ثواني اتذكر انو غلطان فقام داس على الفرمله في الطريق العام و رجع للخلف لغاية محل الاشاره علشان يتحرك مع الاشاره الخضراء *** *** واحد مسطول سألوه عن الفرق بين الركشة والكارو قال في الكارو الحماره بره *** مسطول مرتو قالت ليهو ياخي قول لي كلمة تحسسني بالدفء والحنان .. قال ليها: بطانية *** مسطول سأل الدكتور قال ليهو فهمني كيف تحللوا البول وتحرموا الخمرة؟ *** مسطول عينوه مدير دار الايتام اول يوم طلب اجتماع مجلس اباء *** مسطول وقع في حفرة، حاول يطلع ثلاث مرات، قال دي آخر مرة اذا ما طلعت بمشي *** في مسابقة أسرع رسم، واحد مسطول رسم نقطة، سألوه ده شنو قال: فيل جاي من بعيد *** مسطول نايم في الحوش امو بتصحي فوقو قوم الشمس جات قاليها قوليها خشي واقفلي الباب *** سواق أمجاد راكب جنبو واحد سمــين لدرجة انو ما قادر يسوق، في واحد مسطول في الكنبة الخلفية قال للسواق: يا ابن العم شيل دركسونك وتعال معانا بي وراء *** *** مسطول سأل صاحبو قال ليهو: الشيء البقول ناووو وبطير ده شنو؟ قال: كديسة وشايتنها شلوت *** مساطيل قالوا دايرين يعملوا مظاهرة ضد امريكا لبسوا واحد صورة بوش وحرقوا*** *** مسطول سأل التاني: الطحنية دي بصنعوها من شنو؟ قال ليهو: من النشاره *** مسطول عمل عملية تجميل جاء داخل لاهلو بعد العملية قال ليهم على القسم ما عرفتكم *** مسطول في المدرسة سمع الاستاذ بقول المثابرة تولّد النجاح قال لى زميلوا: مــــــــتين هي المثابرة بقت دايه؟*** مسطول مشي للدكتور بشتكي من ضرسو، الدكتور قاليهو: احشي ليك؟ قاليهو لا .. لا .. اديني في صحن! • مسطول بيشرب الدواء قبل مواعيدو سالوه ليه قال ليهم: عشان افاجئ الجراثيم! • مسطول نام متأخر لقي الحلم بادي! • مسطول ابوه مات جا واحد سالو: الحاصل شنو؟ المسطول رد: والله الوالد شوية كدة متوفي! • مسطول لقى كنز... وقال: الحمد لله. بس باقي الخريطة ! • رباطابي اتصل بسودانير عشان يحجز فساله الموظف ذهاب واياب ؟ ‎قال ليهو لا خروج المهزوم! • جعلى عمل عملية جراحية .. نجحت قام عملها مرة تانية! • واحد بسال مسطول قال ليه: عليك الله ياخي بتعرف حدائق 6 ابريل وين؟ المسطول قال: حدائق 6 ابريييل !! حدائق 6 ابريييل ما قالو ليك سنة كم؟ • مسطول اتصل بوكالة سفر سأل السكرتيرة: لوسمحتى الرحلة بين السودان ويوغندا بتاخد كم ساعة؟ قالت ليهو: لحظة بس... قاليها: طيب شكرا! • مسطول صدم عمود كهربا قال: الله يلعن ناس المويه ديل ما لقو يختو برج موبتل إلا هنا؟! • مسطول ينقنق: السخانه، السخانه، والله دا كلو من ناس الكوره ديل شابكننا سودانا فوق سودانا فوق لمن تكلوا بينا جنب الشمس! • • مسطول مشى مع طفلو لي الدكتور فقال ليه: ياخينا ولدك دا (بسنن) .المسطول: صدق؟ كنت متوقع حاجة زى دي! • واحد مسطول عندو سبعة ولاد سمى نفسو سفن أب! • مسطول تناول نصف حبة أسبرين. سألوه: ليه؟ قال: عندي صداع نصفي! • مسطول سال صحبو: جرحتى دى كبيرة ولا صغيرة؟ صحبو رد: منااااااااااااااااااسبة! • ! • مسطول قرأ كتاب فلسفه، مشى لى صحبو قال ليه: قل لى من صديقك اقول لك من انت. سألو صحبو: من صديقك ؟ رد المسطول: من انت؟ • مسطول سالوه: ما اصغر شئ في الدينا؟ قال ليهم: شامة في ضهر نملة! • واحد سأل مسطول: شنو عكس تلميذات؟ رد المسطول: don’t tell me that • إبليس لقوه فى مطار الخرطوم مسافر سالوه: مالك؟ قال: (ناسكم) ديل كرهونا الواحد نبدأ معاه فقران ونوسوس ليهو: إستهبل غش اسرق انهب. ولمن خلاص يغنى يجيب لوحة يكتب فيها (هذا من فضل ربى)! • شايفك قدامي وما قادر أوصلك. وكل ما أحاول أقرب منك أخاف تصدمني. ومرات كتيرة أفكر فيك بلقاك إنت جاري وكل ما أسعى أفهمك ألقاك بتلف وتدور/ مسطول بتكلم مع لستك عربية

Quote: سكران جا راجع البيت متااااااااااااااخر : مرتو قالت ليهو كنت وين لحدي حسة قال ليها : كنت بلعب شطرنج قالت ليهو: شطرنج شنو وريحتك كلها عرقي ؟ : قال ليها يعني عايزة ريحتي تكون شطرنج

Quote: واحد مسطول مشي الصيدلية قال للدكتور : 'عايز لبن اطفال'. الدكتور: 'اسمو شنو؟' المسطول رد : 'اسمو اشرف' _______________________ مسطول بابه دقه....قال:'منو الفي الباب؟' قال ليهو:'افتح يا جدو انا حفيدك'.قاليهو:'يعني حتفيدني في شنو يعني؟' ______________

Quote: المسطول مشى بيت ناس صحبو دقه الباب جاتو اخت صحبو سألا حسن في ؟ قالت ليهو مافي فضل واقف سرحان قالت ليهو خلاس لما يجي بكلمو ليك قاليها كلميهو انتي قايلاني خايف منو؟؟ __________________________________________________ مسطول احوص بحضر ليهو في فلم عاطفي داير يدمع ... ريّل __________________________________________________ مسطول جابوليهو بنت قالوا: 'حتسميها منو؟' قال: 'هبة على عمتي علوية

Quote: مسطول مشى محل حلوانى العامل قال ليه سفرى ولا محلى رد المسطول : اقول ليك حاجه شكلو _____________________________________________________________________ اتنين مساطيل قاليهم العسكري ' وليه كلكم عيونكم حمرا'؟؟ قالوا ليهو: 'بنبقى لبعض'!! ____________________________________________________________________ حين تري السماء سقف لبيتك ..وتري القمر مصباح لغرفتك ..وتري النجوم متعتك. حينها تاكد .. انك مسطول ليس الاّ!! ________________________________________________________________________ مسطول بيسأل صحبو: 'شنو اسماء اخوانك؟'. قاليهو:'كلهم أسمهم عبدالله الا ابراهيم اسمو مصعب'!! ________________________________________________________________________

Quote: 'مولاي شخص بالباب جننا يريد أن يخش'. الوالي: 'ثكلتك أمك أوقفه عند الباب حتى آذن له بالخشوش'. (اتنين مساطيل بمثلوا مسرحية باللغة العربية الفصحى). __________________________________________________________ اتنين مساطيل بيحضرو في كورة والمذيع بيقول دربكة في خط الدفاع دربكة في خط النص دربة في ال18 وهوووب قووووووووووووون جوا القون. قام المسطول قال لي صاحبو: 'تعرف دربكة دا لاعب مية المية'. ____________________________________________________________

Quote: واحد مسطول في قسم الشرطة صدم 15 زول بسيارة الضابط قاليهو : دا شنو العملتو دا يازول قال: انا كنت سايق في الشارع .. فراملي فكت وفجا ظهر لي زول قدامي، صيوان عرس علي يميني و اولاد صغار علي شمالي. الظابط قاليهو : طيب ماكان تصدم الزول البراهو. قال ليهو: انا زاااتي قلته كدة .. لكن هو جري دخل بيت العرس!!! ___________________________________________________________________ مسطول.. بتاع الحركة قال ليهو: ما رابط الحزام ليه؟ قال ليهو: 'هو أنا بالله لابس بنطلون؟؟'! __________________________________________________________________________________ اربعه مساطيل سايقين عربيه والسطله راااابطه معاهم شديد قامو صدمو العربيه طفجوها طفيج شديد.. قالو خلاص احنا ننفخ العربيه دي من العادم..نزلو تلاته قعدو ينفخو فى العادم بخشومم...والرابع واقف بعيد بيضحك ضحك شديد... جوهو قالو ليهو:' بتضحك مالك؟' قاليهم:' إنتو عووره ولا شنو؟ بتنفخو في العربيه والشبابيك فاتحه؟' ________________________________________________________________________ مسطول مرتو قالت ليهو:'وأنا بصلي الكديسة أكلت عشاك.. قمت دقيتها قامت جارية'. قال ليها: 'ما مشكلة بكرة بجيب ليك كديسة تانية'!! _____________________________________________________________________________ مسطول مواعد ليهو واحد... شراهو مشي اشتكاهو في مكتب الحركه. بتاع البلاغات سالو:'نمره العربيه كم؟'. المسطول : 'ما عندو عربيه'. بتاع البلاغات: 'طيب نمره عربيتك كم؟'. المسطول: 'ما عندي عربيه'. بتاع البلاغات: 'طيب جاي مكتب الحركه ليه؟'. المسطول: 'عشان حركتو دي ما جميله'!! ________________________________________________________________________ مسطول عايزاه امه يساعدها بالسمبوسه قالت ليهو بتعرف تلف ؟ قال: خليكى عاقله ياحاجة! ___________________________________________________________________________ مسطول مشى يخطب من ناس قالوا ليه الشقة عليك قال اوكي بس البنات والبنقو عليكم ___________________________________________________________________________ واحد مسطول بيشرب سجارة وبيرجع البيت يفتح الباب بالمفتاح و يرقد ينوم مرة كان مقرش اشترى سجارتين ولع واحدة ونسى التانية لما رجع البيت عاوز يطلع المفتاح طلع السجارة التانية استغرب و قال ياربي أكون أنا شربت المفتاح ________________________________________________________________________ مسطول دقش ليهو واحدة سمينة جدا في الشارع قالت ليهو ماشايفني قال ليها والله شايفك لكن وين ما متذكر. *مسطول بشاغل واحدة بالتلفون.. __________________________________________________________________________ *اثنين مساطيل مارين جنب الجامعة , شافو طالب هندسة شايل ليهو مسطرة طويلة جداً ( تي سكوير ) قام المسطول سأل التاني ( لا حولا دي مسطرة شنو الطويلة دي؟ ) رد التاني : أكيد دي يكون سيف الجامعة البيقولوه دا ______________________________________________________ *مسطول بحب الكتشينة جاء ساطل سطلة ليها ضل دخل البيت امو قالت ليهو يا عثمان غطي البت دي قال ليها بعرج يا حاجة ______________________________________________________ *مسطول يوم عرسو ساطل سطله شديد، بعد الناس مشت دخل البيت جوه لقى العروس قاعدة، قال انا كنت عارف مع جوطتهم دى حينسو ليهم زول ____________________________________________ *مسطول عضاه دبيب.. قعد يضحك .... سألوه ليه بتضحك قال ليهم الدبيب راح فيها أصلى إنا عندي .. ايدز ــــــــــــــــــــــــــــــ *مسطول حاقد على احوص الاحوص بعمل لقيمات جلس المسطول جنب الأحول يرمى القيمات برا الزيت والمسطول يقول تش تش تش ــــــــــــــــــــــــــــــ مسطول مشي يخطب ليهو واحده اهلها قالوا ليهو البت(( بتقرا )) قال خلاص مافي مشكله وقت الفسحه بنجي ـــــــــــــــــــــ سطول قال لي زميلو: أمبارح اليوم كلو بالي مشغول رد عليهو زميلو : يمكن يكون في زول رافع السماعة ـــــــــــــــــــــــــــــــ مسطول امو صحتو قالت ليو يا ولد قوم الشمس طلعت قاليها دخليها واقفلي الباب ــــــــــــــــــــــــ مسطول من جماعتك خشي المستشفي لقي مكتوب عنبر السكري دخل طوالي لقي العيانين قال ليهم ويييييييييييييييين يا حلوين ـــــــــــــــــــــــــــــــــــ Quote: مساطيل فى هليكوبتر خلصو واحدة وقالو يرسلو واحد يجيب سيجارة حمرة اخونا اتعلق فى المروحة بعد فترة عاينو ليهو لقيهو معلق قالو ليهو اقعد لف لينا كدة لحدى ماتلقى الدكان قفل مع الجمعة دى --------------------------------------------------------

Quote: مسطول زار اثنين من اهلوا في المستشفى لقى واحد عنده حمى شديدة برجف والتاني مركبين ليهو درب، رجع البيت سألوه: الجماعة لقيتم كيف؟ قال ليهم واحد شغال هزاز والثاني في الشحن. ---------------------------------------------------------------------------- مسطول مشى يخطب اهل العروس جابو ليهو شاي لبتون قام رفع الخيط من الكباية وقال أهاااا من هسي بدينا في الكواديك.

Quote: مسطول وقف تاكسي وقال للسواق يابن العم توديني وين وادفع ليك كم؟ وسواق التاكسي برضوطلع مسطول قال ليه: انزل هنا وادفع البتدفعو مسطول سالوه اصعب موقف مر بيك قال كنت بحلق وبلوك في لبانة تاجر بنغو اتقدم لخطبة واحدة اهلها سالوه بتشتغل شنو؟ قال ليهم : فني تكييف مسطول لقى جدو بياكل في جلي قال ليه : والله ياجدي انت والجلي جهجهتو المعلقة مسطول سالوه من هو اكثر انسان صبور قال ليهم : واحد راجي نانسي عجرم في قناة اقرأ مسطول وزنه زاد مشى للدكتور فقال ليه الدكتور: حاول تمشي يوميا ثلاثة كيلو فبعد اسبوع اتصل بالدكتور قال ليه : انا الان قربت قربت للحصحيصا اواصل ولا ارجع

Quote: واحد مسطول في مدرسه الاستاذ قال ليهم اكتبوا موضوع انشائي (تعبير ) من عشرة صفحات فقام المسطول كتب في الصفحة الاولى ركب الرجل الحصان وفي الصفحة الاخيرة نزل الرجل من الحصان وباقي الثمانية صفحات كتب كبجك كبجك كبجك كبجك كبجك كبجك كبجك كبجك كبجك

Quote: مسطول قاعد جنب البحر فجاة سمع ليك بنات في رحلة بيصيحوا الحقونا في بنتين وقعوا في الموية قام صاحبك قلع هدومه وقع في الموية فقام طلع واحدة فقاموا البنات صاحوا دي ميرفت يالا طلع دينا........ عليكم التوقع حايفهم ايه

Quote: مسطول قالواليهو: عادل إمام مات قال ليهم: نكير الضحك شرطو!

Quote: مسطول عاوز يعرس في مرتو سمعت الشمار .....سالته صحي عاوز تعرس فوقي....؟ ياولية شوفي ليكي شغلة طيب انشاء الله يجيك ايدز....!!! ومالو....مااصلوا عندي من سنتيييييييييييين....!!!!

Quote: دي ميرفت يالا طلع دينا........ عليكم التوقع حايفهم ايه

رماها في البحر تاني

Quote: إبحث عن أي مرض في هذا الباحث الصحي أكتب اسم المرض مثلا : سكر - ضغط - انيميا...وهكذا سوف يعرض لك تقارير كامله وبأسرع وقت وشامله وان شاء الله تستفيدوا منه... http://www.sehha. com/searchwww. htm مع تمنياتي لكم بدوام الصحه والعافيه

شكراً أخي .. يا سيف يا ود البدوي ،

أضحك الله سنك .. خليتني من الصباح أضحك براي زي
المجنون المسطول وزميلي الفلبيني يعاين لي مستغرب ؟!
وقال لي ما معناه بتضحك براك مالك هل جننت ؟
قلت ليهو دي نكات بتاعت مساطيل بقرأ فيها ،
وأوعك تقول لي أحكيها لي ؟! خليني في جوي ؟!


مودتي ،




( ليمو )

اتنين مساطيل بحضرو في التلفزيون و البشير بشتم في اوكامبو
واحد قال للتاني ياخ الزول دا ما يسلم نفسه و يريحنا
التاني قال ليه لكن ما السودان ما عضو في المحكمة دي

رد عليه و طيب نحنا كنا اعضاء في المحاكم دي لما بقبضونا ؟

اخونا ليمو

امييين وشكرا للدعوات الطيبة..

فرحك يفرحنا..

والله صراحة كده قرفنا من ساس يسوس

وقلنا نفرفش شوية..

لك معزتي


سيف

Quote: رد عليه و طيب نحنا كنا اعضاء في المحاكم دي لما بقبضونا ؟

شكرا يا حمد

منطقهم معقول

يا للمساطيل من اصحاب خيال

مودتي

سيف

Quote: رماها في البحر تاني

صاح يا عفراء

شكرا علي المساهمة


مودتي

سيف

الله يفتح عليك
والله الواحد ما يعرف يقول شنوا

بس اتسلطت من النكات

رائع دوماً

thanks zoeliad

seif

the coming tragedy, how we can avoid it guys