الرجال العشرة البلهاء

الرجال العشرة البلهاء


03-26-2010, 08:35 PM


  » http://sudaneseonline.com/cgi-bin/sdb/2bb.cgi?seq=msg&board=260&msg=1269632157&rn=0


Post: #1
Title: الرجال العشرة البلهاء
Author: عبدالله ود البوش
Date: 03-26-2010, 08:35 PM

عنوان درس في المطالعة بالسنة الرابعة الابتدائية زمن ناس ضا ضرب
وثم ماذا بعد السلم التعليم الجديد
كل ما في الموضوع عشرة رجال دخلوا البحر استحموا وكلما يعدهم واحد
يقول دخلنا عشرة وخرجنا تسعة .... وفي النهاية اكتشفوا انهم بلهاء
لان الذي يعد لايعد نفسه معهم ....
بعد نهاية الدرس قام اخونا عطاالمنان عبدالرحمن عطاالمنان وقال للاستاذ
وهم من البداية كيف عرفوا انهم عشرة ؟
فاحتار الاستاذ ولم يتوقع بان احد التلاميذ يمكن ان تمر عليه الخدعة كما
مرت على ادارة المناهج وقتها .....وكما مرت عليه هو نفسه وكل الاجيال
السابقة كانت تتلهف للدخول في سنة رابعة عشان يدرسوا الرجال العشرة البلهاء
وبالمناسبة اخونا عطاالمنان عبدالرحمن عطاالمنان قد فقد عقله وهو في نهاية
المرحلة الثانوية لانه كان يحمل افكارا على ما اعتقد اكبر مما كان يتم تدريسه
حيناذاك وتخلبطت عليه الاشياء بينما هو كان واقعا وبينما هو يفكر فيه ....
وبين الشد والجذب والتنقاضات تاه عقله ولم يجد من يرشده لانهم لم يعرفوا لارشاده
سبيلا فضاع ابن عمتي فاطنة بت ود العيس جراء مناهج استغرب كيف وضعت وهل كانت
هناك ايد خفية تحت اخراجها ....
ولو رجعنا بذاكرتنا لوجدنا العجب العجاب ....
هل كانت السذاجة لهذه الدرجة ام هنالك اجندة خفية كانت تمرر غصبا عنهم ؟
مجرد اسئلة خطرت بالبال وانا اتذكر :
طه القرشي مريض
حمد سلخ الخروف والخروف سلخ حمد
وزيدان الكسلان وزينب بنت من بنات كرفان

Post: #2
Title: Re: الرجال العشرة البلهاء
Author: عبدالله ود البوش
Date: 03-26-2010, 08:41 PM
Parent: #1

اندرو والاسد
مريم الشجاعة .... وقبل ان ننقل للصف التي تدرس به
كنا نقول مريم الشجاع عم طريق السمع
.
.
محمود الكذاب !!!!!!!!!!!

Post: #3
Title: Re: الرجال العشرة البلهاء
Author: عبدالله ود البوش
Date: 03-26-2010, 08:43 PM
Parent: #2

يوم يتم تدريس درس الرجال العشرة البلهاء
كل التلاميذ فعلا يشعرون بانهم بلهاء
وامكن وادين تسيل ريالتهم عديل كد عشان اتموا البلاهة لحدها

Post: #4
Title: Re: الرجال العشرة البلهاء
Author: عبدالله ود البوش
Date: 03-26-2010, 08:45 PM
Parent: #3

ليوم الليلة كلما اشوف زيدان احس بانو كسلان

Post: #5
Title: Re: الرجال العشرة البلهاء
Author: عبدالله ود البوش
Date: 03-26-2010, 09:00 PM
Parent: #4

في معهد الكليات التكنولوجية كان يدرسنا مادة القانون التجاري
الاستاذ بشير الخواض .... الله يرحمه ...
وقد كان يدرس هذه المادة الجافة بطريقة ممتعة حببنا فيها ..
وفي النص الثاني من السنة نفسها تم تغيره بالاستاذ بخاري .. الله يطول عمرو
وبعد نهاية اول محاضرة مشينا للعميد وقلنا ليهو ما دايرن استاذ بخاري
رجعوا لينا بشير LAW ... طبعا الادارة لم تهتم بكلامنا ... والحاضرة التالية
جانا استاذ بشير ... وفرحنا افكرناه جا راجع ... ولكنه حقيقة جاء عشان اقنعنا
بالاستاذ بخاري ...
وقال اسمعوا هنا استاذ بخاري دا احسن مني كتير من الناحية الاكاديمية
ولكن الفرق انا خريج بخت الرضا ... وضرب لنا مثلا وقال لمن خريج بخت الرضا
يدرس درس زيان الكسلان بكون عارف هدف الدرس وهو الف المد ويركز على ذلك باظهار
حرف المد ويظهر هذا الحرف عندما يقرأ زيدان ويرفع يدو فوووق ويقول زيدااااان
الكسلااااااااااااان حصد النااااااس .... زينب بنت من بنااااات كرفااااان
ولكن لمن اجي واحد خريج ثانوي علي يقرش الدرس قرش زيدان الكسلان وفوووو والتلاميذ
يطلعوا كيت من الدرس ......

Post: #6
Title: Re: الرجال العشرة البلهاء
Author: عبدالله ود البوش
Date: 03-26-2010, 09:06 PM
Parent: #5

نود ان ندغدغ الذاكرة بعناوين لدروس اخذت حيزا كبيرا من ذاكرتنا وقتها
واثر هذه الدروس علينا ....
وياحبذا لو تداخل ذوي الاختصاص للبيان والتوضيح لتعم الفائدة
.
.
قصة ارخميدس مازالت توشوش على ذاكرة من اتجه نحو العلوم الادبية والاجتماعية
فاخذ منها بداية القصة حتى صاح ارخميدس وجدتها وجدتها ولم يعرفوا ماذا وجد
حتى يومنا هذا الا من اتجه نحو دراسة الفيزياء وعرف تفاصيل القصة على مقاعد
الجامعة وما ادري لماذا كانت العجلة لذاك الزخم ؟

Post: #7
Title: Re: الرجال العشرة البلهاء
Author: عبدالله ود البوش
Date: 03-26-2010, 09:22 PM
Parent: #6

البوست دا علاقتو شنو بالانتخابات ؟
كييييييييف
مش الناس ديل كلهن درسوا الرجال العشرة البلهاء ؟
وتيب .....

Post: #8
Title: Re: الرجال العشرة البلهاء
Author: عبدالله ود البوش
Date: 03-26-2010, 09:24 PM
Parent: #7

مافي زول عندو صورة الرجال العشرة البلهاء ؟

Post: #9
Title: Re: الرجال العشرة البلهاء
Author: عبدالله ود البوش
Date: 03-26-2010, 09:26 PM
Parent: #8

يا وليد المبارك انت من ناس ضا ضرب ولا ضا ضابط ؟

Post: #10
Title: Re: الرجال العشرة البلهاء
Author: عبدالله ود البوش
Date: 03-26-2010, 09:53 PM
Parent: #9

الثعلب المكار

خطف الغراب جبنة من بيت عرس وطار ورك في الشدرة
جاه الثعلب المكر وقال له صوتك جميل فاسمعي نشيدك يا حلو
الغراب غنى والجبنة وقعت ليهو بريدة بروب ان شاء الله تبقى ليهة باربحاء وعقاب شهر
وقتها حزن جدا للغراب وكرهنا الثعلب .....
ولكن لماذا لم يقل عطا المنان كما قال واحد من شفع الزمن دا
الغراب كان بليد .... لو غراب الزمن كان خت الجبنة براحة وغنى للثعلب ...
يا ليل ما اطولك
والثعلب اقول ليهو
قوم لف

Post: #11
Title: Re: الرجال العشرة البلهاء
Author: SHIBKA
Date: 03-26-2010, 10:49 PM
Parent: #10

كان في قصة بتاعة الغراب الذكي اللي عايو يشرب موية والموية في قعر القلة ورمى الحصى لغاية ما الموية طلعت فوق وشرب

دا نوع من الذكاء

Post: #12
Title: Re: الرجال العشرة البلهاء
Author: عبدالله ود البوش
Date: 03-27-2010, 09:51 AM
Parent: #11

الاخت العزيزة SHIBKA
مرورك يسعدني
الدرس دا يا شبكة كان عنوانو الغراب النبيه
الملاحظ في تلك الفترة ترابط الاجيال وكل دفعة تشوق الدفعة التي تليها
هذا الدرس كان في الصف الثاني الابتدائي وكنا في شوق ونحن في سنة اولى
لمعرفة تفاصيل الدرس لاننا كنا نتلقى العنوان فقط
ونسبة لانه كان يأتينا بالسمع زي ما بقول ود الصائم نقرأ بالاضان
كنا فاكرين اسمو الغراب النبي
وهنا يدخل عامل التشويق لمعرفة الغراب النبي
.
.
تحياتي وتقديري الشديد يا شبكة ( ياخ غيري اليزر حقك دا ) اصلوا ما بشبهك

Post: #13
Title: Re: الرجال العشرة البلهاء
Author: عبدالله ود البوش
Date: 03-27-2010, 09:21 PM
Parent: #12

ولامرة واحدة ما شفناك منشبكة في زول
ولافي زول منشبك فيك
كل تعاملك راقي ورزين
.
.
تحياتي

Post: #14
Title: Re: الرجال العشرة البلهاء
Author: Abureesh
Date: 03-28-2010, 00:27 AM
Parent: #13

سلام عبد الله وبوست خفيف و(ذكى)
وأخير الرجال البلهاء، نحن هسى عندنا عشـرة، وكل واحد يحسب نفسه فقط.


المهم..

أحكى قصـة الثعلب وابو مركوب لو حافظها..

مالى اراك حزينة هكذا يا حمامة؟
ومالى لا أكون حزينة وليس لى فراخ كبقية الحمام
وأين فراخك؟
لقد تعود ثعلب مكار أن يأتى الى كل يوم، ويخوفنى ويهددنى.... الخ القصـة

Post: #15
Title: Re: الرجال العشرة البلهاء
Author: Mohamed Suleiman
Date: 03-28-2010, 01:56 AM
Parent: #14

زمان:
برز الثعلب يوما في ثياب الواعظينا ...

الآن مع ناس الإنقاذ:
برز المرفعين يوما في ثياب الواعظينا

Post: #16
Title: Re: الرجال العشرة البلهاء
Author: Yousif A Abusinina
Date: 03-28-2010, 06:01 AM
Parent: #15

ود البوش يا راقى

تحياتى يا جميل

هو منو الذبح الخروف مسعود ذبح الخروف او حمد
مسعود ذبخ الخروف والخروف ذبح مسعود
والعشرة وينهم الان ؟؟؟؟؟؟؟؟؟؟؟؟؟؟

Post: #21
Title: Re: الرجال العشرة البلهاء
Author: عبدالله ود البوش
Date: 03-28-2010, 07:05 AM
Parent: #16

الاخ Yousif A Abusinina
الزول الزين يوسف أبوسنينة
ياخ والله مشتاق ليك عديل كدا
لكن زنقة غسال يوم الوقفة

Quote: هو منو الذبح الخروف مسعود ذبح الخروف او حمد
مسعود ذبخ الخروف والخروف ذبح مسعود
والعشرة وينهم الان ؟؟؟؟؟؟؟؟؟؟؟؟؟؟


ياخوي هوي ديل اتو ناس مسعود الذبح الخروف
نحن ناس حمد لبد

Quote: والعشرة وينهم الان ؟؟؟؟؟؟؟؟؟؟؟؟؟؟

بتسأل منهم اسع يا ابو سنينة ؟
بعد قربوا امشوا لاهاي ؟

Post: #20
Title: Re: الرجال العشرة البلهاء
Author: عبدالله ود البوش
Date: 03-28-2010, 06:57 AM
Parent: #15

Quote: زمان:
برز الثعلب يوما في ثياب الواعظينا ...

الآن مع ناس الإنقاذ:
برز المرفعين يوما في ثياب الواعظينا


الاخ Mohamed Suleiman
تحياتي

كدا الفلم انتهي
والنور ولع
وعايزين ناس لم يدرسوا قصص الثعالب والحمامات والنعجات الثلاث
.
.
شكرا لتلخيصك البوست في كلمات
تحياتي وتقديري

Post: #17
Title: Re: الرجال العشرة البلهاء
Author: عبدالله ود البوش
Date: 03-28-2010, 06:51 AM
Parent: #14

الاخ محمد عثمان Abureesh
تحياتي
صراحة الناس ديل اي قصة ثعلب في المطالعة طبقوها فينا
واشك في ان مؤلفها كبيرهم الذي كلهم اياها
.
.
ابومركوب دا مش الكان مرسوم والعضم داخل في حلقومو
وجاء الثعلب طلعوا من حلقومو واكلو
.
.
ولاحظ التطابق مع حياتنا اليومية حاليا
.
مرورك دائما ممتاز ... تقديري الذي تعلم

Post: #18
Title: Re: الرجال العشرة البلهاء
Author: SHIBKA
Date: 03-28-2010, 06:53 AM
Parent: #13

اخي عبد الله

Quote: ولامرة واحدة ما شفناك منشبكة في زول
ولافي زول منشبك فيك
كل تعاملك راقي ورزين



الناس ديل جيت عشان اتشبك فيهم
لقتهم مشبكين خلقة ولقيت نفسي احسن المتشبكين


تسلم على كلماتك الجميلة في حقي

Post: #19
Title: Re: الرجال العشرة البلهاء
Author: SHIBKA
Date: 03-28-2010, 06:56 AM
Parent: #18

وين حفل شاي

بتاع سلافة

سلافة كان عندها حفل شاي ولبست فيهو فستانها المزركش

ولغاية سنين بعد سنة تانية دي كنت فاهمة انو المزركش دا حاجة جميلة خلاص
وبعدها عرفت انو ملون كتير لما الوانه تزغلل العيون

Post: #22
Title: Re: الرجال العشرة البلهاء
Author: شول اشوانق دينق
Date: 03-28-2010, 07:06 AM
Parent: #19

أضرار الذباب ... والحقن بدواء يسمى الأماتين

بعدين... وا وا وا العمل صعب ولا نقدر عليه وحدنا

وما تنسو الفول فولى زرعته وحدى و... إلخ




سلام يا ود البوش

Post: #26
Title: Re: الرجال العشرة البلهاء
Author: عبدالله ود البوش
Date: 03-28-2010, 07:59 AM
Parent: #22

الاخ الوقور شول اشوانق دينق
Quote: أضرار الذباب ... والحقن بدواء يسمى الأماتين

بعدين... وا وا وا العمل صعب ولا نقدر عليه وحدنا

وما تنسو الفول فولى زرعته وحدى و... إلخ


لاحولاااااااا ياخ انت قديم قدم الكسرة
يا خوي اللولة دي ما ادونا ليها
لكن وا وا العمل صعب دي حقت القرود البتحككوا ديلك
والفول فولي دي حقت الدجاجة الكوزة الجماعة زرعوا الفول وفي الاخر غالتتن وشالتو منهن
وخلت خشمن ملح ملح

شول والله سعيد بمرورك ومشاركتك يا زول يا زين
تحياتي وتقديري

Post: #24
Title: Re: الرجال العشرة البلهاء
Author: عبدالله ود البوش
Date: 03-28-2010, 07:35 AM
Parent: #19

Quote: وين حفل شاي

بتاع سلافة

سلافة كان عندها حفل شاي ولبست فيهو فستانها المزركش

ولغاية سنين بعد سنة تانية دي كنت فاهمة انو المزركش دا حاجة جميلة خلاص
وبعدها عرفت انو ملون كتير لما الوانه تزغلل العيون


يابتي شبكة
انتو ناس حفل شاي وفساتين مزركشة .......
ونحن ناس حمد لبد
وكمان عمك ابوسنينة قال من زمن ناس مسعود ذبح الخروف والخروف ذبح مسعود
بالله شوفي الكلام دا وامش عادي وكمان معاهو صورة الخروف يسلخ في مسعود
قالت فستان مزركش قالت
نحن يا بتي قرايتنا كلها حيوانات

Post: #23
Title: Re: الرجال العشرة البلهاء
Author: عبدالله ود البوش
Date: 03-28-2010, 07:25 AM
Parent: #18

Quote: الناس ديل جيت عشان اتشبك فيهم
لقتهم مشبكين خلقة ولقيت نفسي احسن المتشبكين


تسلم على كلماتك الجميلة في حقي


بنيتي العزيزة شبكة
اعلم تماما انك لن ترضي كلامي هذا ولكن لابد ان اقوله
ومن لا يشكر الناس لا يشكر الله
وعلى الاقل عشان الناس اقتدوا بيك يا شبكة
ما اروع الشبك اذا كانت مثل شبكك
كل اعمال البر والخير شبكة اول المنشبكين فيها
كل بوست فتح للعون ومساعدة المحتاجين شبكة اول من يلح بمشاركاتها وتنشبك فيهو
كل من فقد عزيزا لديه دمعات شبكة تنهمر فيه وتواسيه
كل زغرودة انطلقت تكون شبكة متشبكة فيها
.
والكل يعلم ذلك ولم آتي بجديد بل هي شهادة من الجميع
فقط كنت كاتبها على مضض لاني اعلم بانك لا تحتاجيها ولاترغبين فيها
وليتنا كلنا شبك مثل شبكك يا شبكة الخير والاحسان
تحياتي .... تقديري .... احترامي ... الذي تعلمين .. بنيتي
عمك ود البوش

Post: #25
Title: Re: الرجال العشرة البلهاء
Author: Yousif A Abusinina
Date: 03-28-2010, 07:56 AM
Parent: #23

Quote: وكمان عمك ابوسنينة قال من زمن ناس مسعود ذبح الخروف والخروف ذبح مسعود
بالله شوفي الكلام دا وامش عادي وكمان معاهو صورة الخروف يسلخ في مسعود
قالت فستان مزركش قالت
نحن يا بتي قرايتنا كلها حيوانات

حيونات متوحشة هههههههههههههههههههه

[مادام جابت ليها عممة خليك فى الدود فى العود احسن
يا وجهه الشبك
مودتى وتحياتى يا راجل ياعسل

ولجيع المتداخلين

Post: #27
Title: Re: الرجال العشرة البلهاء
Author: عبدالله ود البوش
Date: 03-28-2010, 08:38 AM
Parent: #25

Quote: الدود فى العود


يا ابو سنينة
طبعا كان في دفتر تحضير الدرس
وفيهو خانة : المستفاد من الدرس
تخيل معي ماذا كان يكتب المدرس وقتها في هذه الخانة
البورد دا ما فيهو مدرسين قدام
يورونا بالضبط كدا كتبو شنو في خانة المستفاد من درس الدود فوق العود
لو ديل عيالنا الان ..... ح يقولوا يعععععععععع

شكرا يا يوسف يا جميل
ما عندك صورة من كتابي الاول ؟ الفوهو الولد الرافع اصبعوا فوق داك

Post: #28
Title: Re: الرجال العشرة البلهاء
Author: عبدالله ود البوش
Date: 03-28-2010, 09:00 AM
Parent: #27

أرجو من الاخ عمر دفع الله ان يمدنا بصورة او رسمة للرجال العشرة البلهاء
بحسبما يتفق
مع الوضع الراهن .....
يا ريت

Post: #29
Title: Re: الرجال العشرة البلهاء
Author: عبدالله ود البوش
Date: 03-28-2010, 09:58 AM
Parent: #28

أكرر الطلب من الاخ عمر دفع الله
رسمة كاركتيرية للرجال العشرة البلهاء ورئيسهم يعد فيهم دون ان يعد نفسه
عشان نختم بها البوست ونولع النور

Post: #30
Title: Re: الرجال العشرة البلهاء
Author: عبدالله ود البوش
Date: 03-28-2010, 10:06 AM
Parent: #29

.