صحيفة الخرطوم والدور الجديد وغير المحايد الذي تلعبه

صحيفة الخرطوم والدور الجديد وغير المحايد الذي تلعبه


03-25-2010, 12:56 PM


  » http://sudaneseonline.com/cgi-bin/sdb/2bb.cgi?seq=msg&board=260&msg=1269518174&rn=32

Post: #1
Title: صحيفة الخرطوم والدور الجديد وغير المحايد الذي تلعبه
Author: طارق ميرغني
Date: 03-25-2010, 12:56 PM
Parent: #0

صحيفة الخرطوم اليومية والسياسية والمستقلة هي الصحيفة السودانية الوحيدة المتاحة للسودانيين في دول الخليج وغيرها.
كانت في منتصف التسعينيات تلعب دورا مهما كواجهة للمعارضة السودانية بحكم ان مؤسسها من قياديي الحزب الاتحادي الديمقراطي.
وكان لها كتاب مميزون حينها أمثال المرحوم خالد الكد والدكتور عبد الله علي ابراهيم وفضيلي جماع وصلاح يوسف وغيرهم وكلهم تخلوا عنها مؤخرا.

حسب علمي وحتي تاريخه ان دكتور الباقر رئيسها ومديرها العام عضو في المكتب السياسي للحزب الاتحادي الديمقراطي .
لا احد يجادل في توجه الصحيفة لانها خاصة اولا وثانيا لانها غير حزبيه ولا صلة لها مباشرة بالحزب الاتحادي.

كنا نتمني ان تواصل لعب دورها المحايد بحكم الفرصة الكبيرة المتاحة لها في الخارج
لكن في الفترة الاخيرة حادت عن توجهها المحايد و
صار توجهها انقاذيا اكثر من أي صحيفة للمؤتمر الوطني.
Post: #2
Title: Re: صحيفة الخرطوم والدور الجديد وغير المحايد الذي تلعبه
Author: طارق ميرغني
Date: 03-25-2010, 12:58 PM
Parent: #1

نشرت الصحيفة في عددها الصادر صباح اليوم وفي صدر صفحتها الاولي ما يلي:

استطلاع للرأي يرجح فوز البشير بنسبة 84%

اظهرت نتيجة استطلاع للرأي العام حول الانتخابات أجرته إدارة الشئون السياسية والإعلام بالأمانة العامة لمجلس الوزراء احتمال فوز مرشح المؤتمر الوطني المشير عمر البشير لرئاسة الجمهورية بنسبة 83% يليه ياسر عرمان بنسبة6،6 % ثم الصادق المهدي بنسبة 4,5 % ومحمد إبراهيم نقد 0،7 %.
وذكرت القراءة التحليلية للنتائج الإحصائية للاستطلاع أن النسبة التي أحرزها مرشح الوطني مقارنة مع مرشحي الأحزاب الاخري تعكس أن هناك قناعة جماهيرية بتجربة الإنقاذ خلال ال 20 عاما الماضية والحرص علي استكمال مشروعها وذهبت القراءة التحليلية للاستطلاع إلي سقوط المروحة (تشتيت الاصوات ) التي ارتكزت عليها احزاب المعارضة.
Post: #3
Title: Re: صحيفة الخرطوم والدور الجديد وغير المحايد الذي تلعبه
Author: يوسف محمد يوسف
Date: 03-25-2010, 01:00 PM
Parent: #1

Quote: صار توجهها انقاذيا اكثر من أي صحيفة للمؤتمر الوطني.



نؤيد !!
Post: #4
Title: Re: صحيفة الخرطوم والدور الجديد وغير المحايد الذي تلعبه
Author: osman righeem
Date: 03-25-2010, 01:09 PM
Parent: #3

Quote: صار توجهها انقاذيا اكثر من أي صحيفة للمؤتمر الوطني.




كلوا بي تمنو
Post: #5
Title: Re: صحيفة الخرطوم والدور الجديد وغير المحايد الذي تلعبه
Author: طارق ميرغني
Date: 03-25-2010, 03:56 PM
Parent: #4

الاعزاء يوسف وعثمان مشكورين علي المشاركة

لو تم نشر هذا الاعلان او المنشور او الاستطلاع للمرة الاولي لقلنا انه خبر اكثر من عادي

لكن ان ينشر الاستطلاع واكثر من مره وفي الصفحة الاولي

لا اعتقد ان هذا يخلو من غرض
Post: #6
Title: Re: صحيفة الخرطوم والدور الجديد وغير المحايد الذي تلعبه
Author: osman righeem
Date: 03-25-2010, 04:02 PM
Parent: #5

Quote: حسب علمي وحتي تاريخه ان دكتور الباقر رئيسها ومديرها العام عضو في المكتب السياسي للحزب الاتحادي الديمقراطي .



............ تعبت الاجسام و تقدم لها اللئام

و كانت المفارقة بسيطة بين الدين والدنيا و الوطن

وكراع لابسه مركوب في الطوف و رجل انيقه في المركب


و علي رأي من قال

المال عند بخيله و السيف عندجبانه
Post: #7
Title: Re: صحيفة الخرطوم والدور الجديد وغير المحايد الذي تلعبه
Author: طارق ميرغني
Date: 03-25-2010, 04:02 PM
Parent: #5

لو كانت الصحيفة تنطق بلسان أي حزب لما كلفتنني عناء الكتابة لكن ان تدعي كما جاء علي صدر

صفحتها الاولي

" يومية ... سياسية ... مستقله"

فأي استقلال هذا ؟
Post: #8
Title: Re: صحيفة الخرطوم والدور الجديد وغير المحايد الذي تلعبه
Author: osman righeem
Date: 03-25-2010, 04:06 PM
Parent: #7

Quote: " يومية ... سياسية ... مستقله"


و صاحب العقل يمييز
Post: #9
Title: Re: صحيفة الخرطوم والدور الجديد وغير المحايد الذي تلعبه
Author: طارق ميرغني
Date: 03-25-2010, 04:07 PM
Parent: #8

ليس هذا الخبر وحده الذي يسترعي الانتباه ولكن في الفترة الأخيرة صارت الصحيفة اكبر واجهة دعائية

حزبية للرئيس البشير
Post: #10
Title: Re: صحيفة الخرطوم والدور الجديد وغير المحايد الذي تلعبه
Author: طارق ميرغني
Date: 03-25-2010, 04:10 PM
Parent: #9

لو كان صاحبها منسوب للمؤتمر الوطني لوجدنا له بعض العذر لكن أن يكون

عضوا بالمكتب السياسي لأكبر حزب سياسي منافس

للمؤتمر الوطني لشيء مدهش !!!!!!!!!!!
Post: #11
Title: Re: صحيفة الخرطوم والدور الجديد وغير المحايد الذي تلعبه
Author: osman righeem
Date: 03-25-2010, 04:11 PM
Parent: #9


ميزانية الحملة الدعائية للمواطن عمر حسن

6 مليار جنيه

وجحا أولي بلحم تورو
Post: #12
Title: Re: صحيفة الخرطوم والدور الجديد وغير المحايد الذي تلعبه
Author: طارق ميرغني
Date: 03-25-2010, 04:18 PM
Parent: #11

واصل معي اخي عثمان فقد فقعوا هؤلاء الرجال مرارتنا....!!!

لي سؤال .....


اين نتيجة مرشح الاتحادي حاتم السر في الاستطلاع ؟؟؟

ام سقط سهوا
Post: #13
Title: Re: صحيفة الخرطوم والدور الجديد وغير المحايد الذي تلعبه
Author: طارق ميرغني
Date: 03-25-2010, 04:22 PM
Parent: #12

العجيب في الخبر أن الاستطلاع أجرته إدارة الشئون السياسية والإعلام بالأمانة العامة لمجلس الوزراء

الكل يعلم أن هؤلاء في النهاية موظفين لا حول لهم ولا قوة ربما يرأسهم الوزير كمال عبد اللطيف أو

كمال عبيد....

فماذا تتوقع أن تكون النتيجة ؟
Post: #14
Title: Re: صحيفة الخرطوم والدور الجديد وغير المحايد الذي تلعبه
Author: osman righeem
Date: 03-25-2010, 04:26 PM
Parent: #13

Quote: اين نتيجة مرشح الاتحادي حاتم السر في الاستطلاع ؟؟؟

ام سقط سهوا



سقط سهوا .......... انا ابوك يا رغيم


خلاص نفتوا يا استاذ طارق ؟؟؟؟
Post: #15
Title: Re: صحيفة الخرطوم والدور الجديد وغير المحايد الذي تلعبه
Author: طارق ميرغني
Date: 03-25-2010, 04:30 PM
Parent: #14

Quote: خلاص نفتوا يا استاذ طارق ؟؟؟؟


نفت ابوه اصلو الباقي لينا شنو ؟؟؟
Post: #16
Title: Re: صحيفة الخرطوم والدور الجديد وغير المحايد الذي تلعبه
Author: طارق ميرغني
Date: 03-25-2010, 04:46 PM
Parent: #15

هل إدارة الشئون السياسية والإعلام بالأمانة العامة لمجلس الوزراء جهة محايدة

حتي نأخذ بنتيجة استطلاعها؟
Post: #17
Title: Re: صحيفة الخرطوم والدور الجديد وغير المحايد الذي تلعبه
Author: خالد المحرب
Date: 03-25-2010, 04:51 PM
Parent: #16

Quote: كنا نتمني ان تواصل لعب دورها المحايد بحكم الفرصة الكبيرة المتاحة لها في الخارج




ادروب ظروف ياطروقى
Post: #18
Title: Re: صحيفة الخرطوم والدور الجديد وغير المحايد الذي تلعبه
Author: طارق ميرغني
Date: 03-25-2010, 05:19 PM
Parent: #17

اخي خالد المحرب

ماذا لو كانت نتيجة الاستطلاع 10 % فقط لصالح البشير هل كانت ستعلنها

لجنة مجلس الوزراء ؟
Post: #19
Title: Re: صحيفة الخرطوم والدور الجديد وغير المحايد الذي تلعبه
Author: احمد خليل
Date: 03-25-2010, 06:12 PM
Parent: #18

تحياتى
الباقر هو الباقر (من يومو) لا جديد!!!
شوية مواقف لزيادة ( التسعيرة)
سبحان الله الذى يغبر ولا يتغير
Post: #20
Title: Re: صحيفة الخرطوم والدور الجديد وغير المحايد الذي تلعبه
Author: osman righeem
Date: 03-25-2010, 07:11 PM
Parent: #19

Quote: نفت ابوه اصلو الباقي لينا شنو ؟؟؟



أمور الغواصات صارت معلومة بالضرورة لكل مهتم بالشأن الاتحادي

ولكن للمصلحة العامة حنبدا الفت !!!!!

و اوعو من الفتتت
Post: #21
Title: Re: صحيفة الخرطوم والدور الجديد وغير المحايد الذي تلعبه
Author: ود محجوب
Date: 03-25-2010, 07:29 PM
Parent: #20

Quote: اين نتيجة مرشح الاتحادي حاتم السر في الاستطلاع ؟؟؟

ام سقط سهوا




الأخ الكريم طارق ميرغنى تحياتى

الباقر فاتح جريدة الخرطوم للايجار

وهو تاجر غير نزيه لا غير .

الباقر بحب حاتم السر حب مبالغ فيه.
ويهمه اسقاط حاتم اكثر من البشير والمؤتمر الوطنى.
ياخى دا شخص ................ لا حول ولا قوة الا بالله
الخمسة فوق الإتنين.
Post: #22
Title: Re: صحيفة الخرطوم والدور الجديد وغير المحايد الذي تلعبه
Author: اسعد الريفى
Date: 03-25-2010, 10:45 PM
Parent: #21

الاخ طارق ميرغنى
بعد السلامات والتحيات
أذكر أننى قرأت فى الموسوعة الاسبرطية لانماط الانتخابات الديموقراطية أنهم " فى أسبرطة" طبعا يعملون وفق المبدأ الفيثاغورثى القديم و الذى هو " أطعم الفم ، تستحى العين" و هو عين المبدأ الذى أهتم به الفراعنة لاحقا.
أما مسألة الاستطلاعات فالية الاستطلاعات التى تجرى تؤكد أن السلطة تولى إهتماما برأى الناخب و الشارع الذى تمثله ، على المستويات القاعدية لجان الحى أو اللجان الشعبية تصعيدا حتى أعلى قمة الهرم .. أعود للاستطلاعات و وفقا للاحصاءات من افضل و أنبل الاستطلاعات و تعتبر مؤشر حقيقى لرأى "المستطلعين" و مؤكد أن المستطلعين و هم عادة شريحة احصائية يتراوح عددها بين الواحد و الاثنين أو الثلاثة و لا يخفى عليكم انها شريحة لها وسط حسابى و منوال ووسيط و يمكن قراءتها بيانيا.
Post: #23
Title: Re: صحيفة الخرطوم والدور الجديد وغير المحايد الذي تلعبه
Author: طارق ميرغني
Date: 03-26-2010, 00:20 AM
Parent: #22

اخي احمد خليل

طيب كان الباقر يعملها حلوه

مثلا الم تقم أي جهات محايدة باستطلاعات غير هذا لتشرفنا الصحيفة بالاطلاع عليه ؟؟
Post: #24
Title: Re: صحيفة الخرطوم والدور الجديد وغير المحايد الذي تلعبه
Author: عمر دفع الله
Date: 03-26-2010, 03:09 AM
Parent: #23

يا أخ طارق إنت لسع ما فهمت السبب ?

أمشي أقرأ كلام شوقي بدري وساعتها ستعرف سر التحول النوعي في قصة الدكتور الاكذوبة.
Post: #25
Title: Re: صحيفة الخرطوم والدور الجديد وغير المحايد الذي تلعبه
Author: طارق ميرغني
Date: 03-26-2010, 07:45 AM
Parent: #24

يا ود مجوب

لكني كنت اعتقد ان صحيفة تحترم قراءها

من المفترض تشير او تعلق علي ان الجهة التي قامت بالاستطلاع

بأنها جهة حكومية ومن مجلس الوزراء وليست جهة محايدة

بدلا من ان تكرر الخبر اكثر من مرة كانها تسبح بحمد الحكومة
Post: #26
Title: Re: صحيفة الخرطوم والدور الجديد وغير المحايد الذي تلعبه
Author: عبدالكريم أحمد الامين
Date: 03-26-2010, 09:19 AM
Parent: #25

** إبن خالى..
** صباحك خير وجُمعتك مُباركه..
## فى السودان مقُوله شائعه بتقول :- الـــكـــاش بــيــقــلــل الــنــقــاش ..
** ومن عندى بقول :- الجماعه ديل إبليس ذاتو مُمكن يطلعوا بحقو من التربيزه المكنكشين فيها دى ,, فى زول لقى ليهو جمام وبيغرف منو ومافى زول قال ليهو :- عينك فى رأسك بتتوقع شنو !!!!
(ودام الود بيننا)
Post: #27
Title: Re: صحيفة الخرطوم والدور الجديد وغير المحايد الذي تلعبه
Author: يوسف محمد يوسف
Date: 03-26-2010, 10:23 AM
Parent: #26

بعدين يا اخوانا .. فى حاجة اسمها قروض و تسهيلات بنكية و منح اراضى و غيره

كل ذلك ... لا يستثمر فى الاوجه الصحيحة التى طلبت و منحت من اجله ..

و انما فى بناء العمارات و ( الفلل ) و الاستمتاع بما لذا و طاب من طعام و ملبس و سيارت البنز و الهمر ..

ثم الاسفار الى بلاد الفرنجه و صحارى البدو ..

بعدين يبدأ اهل الدين شوية نقاش مع المديّن من اجل التسديد .. و يبدأ التفكير حتى فى بيع الذمم !!

كله من اجل نعيم زائل و بهرجة جوفاء .. تقول لى محايد و ما ادراك ما محايد ؟

يا عمنا .. كلو بحقو !!
Post: #28
Title: Re: صحيفة الخرطوم والدور الجديد وغير المحايد الذي تلعبه
Author: Safia Mohamed
Date: 03-26-2010, 11:25 AM
Parent: #27

.
Quote: ظهرت نتيجة استطلاع للرأي العام حول الانتخابات أجرته إدارة الشئون السياسية والإعلام بالأمانة العامة لمجلس الوزراء احتمال فوز مرشح المؤتمر الوطني المشير عمر البشير لرئاسة الجمهورية بنسبة 83% يليه ياسر عرمان بنسبة6،6 % ثم الصادق المهدي بنسبة 4,5 % ومحمد إبراهيم نقد 0،7 %.
وذكرت القراءة التحليلية للنتائج الإحصائية للاستطلاع أن النسبة التي أحرزها مرشح الوطني مقارنة مع مرشحي الأحزاب الاخري تعكس أن هناك قناعة جماهيرية بتجربة الإنقاذ خلال ال 20 عاما الماضية والحرص علي استكمال مشروعها وذهبت القراءة التحليلية للاستطلاع إلي سقوط المروحة (تشتيت الاصوات ) التي ارتكزت عليها احزاب المعارض


سلام

الغريبة مش في ايراد الخبر بس
كمان في عدم التحليل

يعني الله ما فتح عليهم انه
يقدموا اي قراية للسيناريو السيسي
من تغبيش وعي وهيمنة اعامية وانعدام حريات وغيره

ياخي انا بتكلم مع واحد اول امبارح
قلت ليها بتصوتي لمنو
قالت لي للبشير
قلت ليها ليه

قالت ليل هو يعني في زول تاني بصوتوا ليه ، نحن ما قالو لينا سجلو عشان تصوتوا للبشير

المهم
سلام
Post: #29
Title: Re: صحيفة الخرطوم والدور الجديد وغير المحايد الذي تلعبه
Author: طارق ميرغني
Date: 03-26-2010, 11:40 AM
Parent: #28

صديقي اسعد الريفي

المشكله انو استجلاب الصحف من البقاله صار كنوع من الادمان غير المجدي كالتدخين تماما

صحيفة الخرطوم من هذا النوع

الحق لله انا باقرأ لعدد من الكتاب المتميزين حسب نظري

امثال الزبير سعيد وياسر عبد الفتاح وصديقي ياسر فضل المولي والواثق عبد الرحمن المحامي

واحيانا محمد شريف علي.

اليوم صباح الجمعه صحيت من ضو وذهبت واحضرت الخرطوم

لانه ما في بديل لها وثانيا كما تعلم اتابع الاخبار الثقافية والفنية

وغصبا عني اقرا الصفحة الاولي المزينه دوما بصورة القائد الملهم

واليوم العنوان الكبير بالاحمر

البشير لا الغاء ولا تاجيل للانتخابات

عمرك يوم قرات عنوان يقول الميرغني قال ايه في كسلا ولا نقد ينتقد البشير

او حاتم السر يصرح بالشي الفلاني

وتقول لي اتحادي .....!!!!!
Post: #30
Title: Re: صحيفة الخرطوم والدور الجديد وغير المحايد الذي تلعبه
Author: د.محمد حسن
Date: 03-26-2010, 11:55 AM
Parent: #29



3 ريال

يعني 90 ريال في الشهر

يعني 1084 ريال في السنة
عليك اللع ما حرام عليك يا طارق
حتجي تقول لي هي بريالين
لا
في ريال حريق اعصاب
Post: #31
Title: Re: صحيفة الخرطوم والدور الجديد وغير المحايد الذي تلعبه
Author: طارق ميرغني
Date: 03-26-2010, 12:07 PM
Parent: #30

اخي عمر دفع الله:
Quote: يا أخ طارق إنت لسع ما فهمت السبب ?

أمشي أقرأ كلام شوقي بدري وساعتها ستعرف سر التحول النوعي في قصة الدكتور الاكذوبة.


ياخي لو تكرمت علينا ايراد كلام شوقي بدري هنا بسكت اند بيست وتكون مشكور

ابشرك اخي عمر

فقد واصلت صحيفة الخرطوم بعدد اليوم الجمعه حملتها الدعائية لعمر البشير وافردت الصفحة الرابعة كاملة للحديث عن استطلاع امانة مجلس الوزراءولا ادري حين ايراد اسماء المرشحين لماذا ياتي اسم عمر البشير اولا
اما كان من الاجدي ايراد اسماء المرشحين حسب الحروف الابجدية مثلا ؟
تحدث الموضوع عن اختيار المرشحين لمبررات موضوعية.

من صياغ الحديث تدري الي أي كفه تميل الصحيفة:

بدأت كالعادة بالتحدث عن المرشح عمر حسن احمد البشير اولا وجاء في صياغ الحديث انه رشحته هيئة شعبيه خرجت بترشيحه من الاطار الحزبي التنظيمي للبعد القومي
وحين تحدث عن المرشح الصادق المهدي قالت انه يؤسس حملته الانتخابية علي ادعاء بانه صاحب الشعبية الاكبر في البلادثم واصل:
وهو يمثل نموذجا للاحزاب الهيكلية التقليدية التي تدعي انها تمثل الشعب السوداني تمثيلا مطلقا

يعني باختصار البسير رشحته هيئة شعبيه وبعده قومي اما الصادق المهدي فيؤسس حملته علي ادعاء انه يمثل الشعب السوداني !!!!

ياخي اخجلوا .......!!!!!!
Post: #32
Title: Re: صحيفة الخرطوم والدور الجديد وغير المحايد الذي تلعبه
Author: طارق ميرغني
Date: 03-26-2010, 12:21 PM
Parent: #31

ابن عمتي المستشار عبد الكريم

لا ادري ان كان الموضوع برمته عباره عن اعلان تجاري مدفوع الاجر ام غير ذلك لانه لم يظهر أي تعليق من

الصحيفة او ورد اسم محرر او قسم سياسي اوخلافه
Post: #33
Title: Re: صحيفة الخرطوم والدور الجديد وغير المحايد الذي تلعبه
Author: عبدالكريم أحمد الامين
Date: 03-26-2010, 12:51 PM

Quote: لا ادري ان كان الموضوع برمته عباره عن اعلان تجاري مدفوع الاجر ام غير ذلك لانه لم يظهر أي تعليق من الصحيفة او ورد اسم محرر او قسم سياسي اوخلافه

** إبن خالى ..
## وجهة نظرى المتواضعه فى عملية الشراء والبيع التى تتم فى وسط الاحزاب السودانيه من قِبل المُتحكمين فى مفاصل الامور السودانيه لاتخفى على أحد فشنطة على الحاج المتروسه بالورق الاخضر "ابو صلعه" لتوقيع الإتفاقيات المضروبه قبل المفاصله تحولت لعلى حاج آخر يقوم بهذا الدور والدليل هو ان :-
** المؤتمر بقى :- أثنين وطنى وشعبى ..
** حزب الاُمه :- بقى أربعه أحزاب ..
** الاتحادى :- بقى خمسه أحزاب ..
** الحزب الشيوعى :- بقى أثنين ..
** الحركه الشعبيه :- بِقت حركتين ..
## السودان ذات نفسو وبالطريقه دى حيكون :- سودانيين ,,, دا لو مابقى أربعه دول (على حسب مُثلث حمدى)..
** للأسف الإعلام الحالى يُسبح بإسم الريس الاوحد وكلو بتمنو .. وبعد يفوز إحتمال :- العُمره تكون فى كافورى ,, والحج فى حوش بانقا ..
(ودام الود بيننا)
Post: #34
Title: Re: صحيفة الخرطوم والدور الجديد وغير المحايد الذي تلعبه
Author: محمد أحمد الريح
Date: 03-26-2010, 01:21 PM
Parent: #33

Quote:

لا ادري ان كان الموضوع برمته عباره عن اعلان تجاري مدفوع الاجر ام غير ذلك لانه لم يظهر أي تعليق من

الصحيفة او ورد اسم محرر او قسم سياسي اوخلافه



كلّو بتمنو!! والإختشوا ماتوا
Post: #35
Title: Re: صحيفة الخرطوم والدور الجديد وغير المحايد الذي تلعبه
Author: طارق ميرغني
Date: 03-26-2010, 02:34 PM
Parent: #34

استاذ يوسف محمد يوسف

سمعنا حقيقة الكثير والمثير بخصوص الدفع الرباعي

وده موضوع اتمني ان يطرقه الناس بموضوعيه
Post: #36
Title: Re: صحيفة الخرطوم والدور الجديد وغير المحايد الذي تلعبه
Author: طارق ميرغني
Date: 03-26-2010, 10:24 PM
Parent: #35

Safia Mohamed

شكرا علي المشاركة

اما بخصوص مرشح الحركة الشعبية فقال الاستطلاع" ... وتدعي في ذلك انها تمثل جنوب السودان بثقله

السكاني.......من خلال كتلة بشرية قد تبدو موحدة صوتا ..."

يعني الصادق المهدي يدعي والحركة تدعي ومرشح المؤتمر الوطني رشحته حركة شعبيةخرجت من الاطار الشعبي

للبعد القومي....!!!

اللهم لزمنا الصبر
Post: #37
Title: Re: صحيفة الخرطوم والدور الجديد وغير المحايد الذي تلعبه
Author: Yassir Tayfour
Date: 03-26-2010, 10:43 PM
Parent: #36

كل الأشقاء الذين اعرفهم لا يحترمون هذا الباقر..
Post: #38
Title: Re: صحيفة الخرطوم والدور الجديد وغير المحايد الذي تلعبه
Author: طارق ميرغني
Date: 03-27-2010, 08:26 AM
Parent: #37

سعادة د. محمد حسن

المشكله اخي مفيش بديل فهي كما تعلم الوحيدة المتوفرة بالخليج

ونحن ناس مرضي كما تعلم
Post: #39
Title: Re: صحيفة الخرطوم والدور الجديد وغير المحايد الذي تلعبه
Author: عبد الرحمن خليل
Date: 03-27-2010, 11:34 AM
Parent: #38

الأخ/طارق ميرغني

صدقت بقولكم

Quote: المشكله اخي مفيش بديل فهي كما تعلم الوحيدة المتوفرة بالخليج




حيث لو لا ذلك، لما خسرنا ريالين فيها، حيث إن مشاركات بعض الكتاب فيها لا يرقى إلى مستويات الصحف الحائطية بالمدارس سواء من حيث النواحية اللغوية أو المواضيع المطروحة والتي يتسم اغلبها بالسطحية والضعف ويغلب عليها الانطباعات الشخصية، ثم الطامة الكبرى ما تسميه الصحيفة بصفحات المغتربين فيها والتي لا يكاد يخلو عدد منها وهي مناطقية وضيقة الأفق وتكتب بها مواضيع لا علاقة لها بالمنطقة نفسها ويدخل اغلبها في ابواب الاقوال الماثورة والحكم وغيرها من أمور سطحية.
Post: #40
Title: Re: صحيفة الخرطوم والدور الجديد وغير المحايد الذي تلعبه
Author: وليد الطيب قسم السيد
Date: 03-27-2010, 04:19 PM
Parent: #39

تحياتى

Quote: كنا نتمني ان تواصل لعب دورها المحايد بحكم الفرصة الكبيرة المتاحة لها في الخارج
لكن في الفترة الاخيرة حادت عن توجهها المحايد و
صار توجهها انقاذيا اكثر من أي صحيفة للمؤتمر الوطني.


انهم يرون ما لا ترون

ماتعكسه الخرطوم هوحقيقة ما يحصل فى السودان وهى بحق وحقيقه
صحيفة محايده ولقدلعبت دور كبير فى عكس مايحصل داخل السودان بحياد كامل
نتمنى من بقية الصحف ان تحزو حزوها........

دكتور الباقر رجل موسوعه وملم بالشان السودانى وفوق ده لا يخاف فى الحق لومة لائم
وهو الكادر الاتحادى المعروف لكن حينما يكون الامر السودان بتجده سودانى فقط عنده السودان
قبل الحزب ولو كان كل سودانى بيحمل روية دكتور الباقر لوجدناالسودان الاول عربيالايهمه
الحزب بقدر ما يهمه السودان ولاينظر لى الامور نظرة ماديه والا كان فات الارباب وال المهدى بهناك........
حينما كان معارض مثلما يعارض المعارضون قدم ماله ووقته وهو ينطلق الان من منطلق قوة ولا يهمه
سوا ان يقدم صحافة صادقة نقيه محايده بما تعنيه الكلمة من معنى
Post: #41
Title: Re: صحيفة الخرطوم والدور الجديد وغير المحايد الذي تلعبه
Author: طارق ميرغني
Date: 03-27-2010, 05:13 PM
Parent: #40

اخي محمد احمد الريح

كان لا يضير احد وكنا قدرنا له فعله ان اعلن انتماءه للمؤتمر الوطني

فنعرف الكثير من السياسيين المحترمين فيه

لكن ان يعمل بنظام رجل جوه ورجل بره سيفقد الكثير من قراءه كما هو حادث الآن
Post: #42
Title: Re: صحيفة الخرطوم والدور الجديد وغير المحايد الذي تلعبه
Author: طارق ميرغني
Date: 03-27-2010, 11:21 PM
Parent: #41

الاعزاء وليد الطيب قسم السيد
ياسر طيفور
محمد احمد الريح

مع تقديري التام لوجهة نظر الجميع
فحتي اللحظه لم اقدح في شخص الدكتور الباقر- غض النظر عن رأي الكثيرين فيه- فما يهمني والكثيرون توجه صحيفة الخرطوم فلو تجاوزنا شخص مالكها والذي اتشرف بمعرفة اسرته فهي من وجهة نظري والكثيرين قد حادت عن استقلاليتها المعلنة .
ولا يعني ان توجهها الذي ربما لاقي هوي في نفس اخي الطيب او ربما صادفت توجهه السياسي انها لم تحيد عن توجهها الذي تابعته شخصيا منذ منتصف التسعينيات .
Post: #43
Title: Re: صحيفة الخرطوم والدور الجديد وغير المحايد الذي تلعبه
Author: وليد الطيب قسم السيد
Date: 03-28-2010, 06:01 AM
Parent: #42

صحيفة الخرطوم اليومية والسياسية والمستقلة

اجدكلمة محايده عليها شوية.....

ان تكون معى فانت حبيبى و إلا فأنت عدوى و بالتالى سوف اقتلك واقتل صحيفتك
Post: #44
Title: Re: صحيفة الخرطوم والدور الجديد وغير المحايد الذي تلعبه
Author: طارق ميرغني
Date: 03-28-2010, 11:06 AM
Parent: #43

سا اخي وليد

انا رجل ديمقراطي اؤمن بها حتي النخاع وعليه فصفات مثل القتل والعداوة خاصة في المجال السياسي

لا امارسها سوي اكانت العداوة او القتل السياسي او الحقيقي

اما من ناحية ان صحيفة الخرطوم محايده الآن .... فلا اظن

ولو التفتنا الي اخي الباقر قليلا فربما هو يجلس الان "علي الهبشه "من المؤتمر الوطني

شأنه شأن صديقه فتحي شيلا " وستظهر لك الايام صدق قولي وقريبا " كمان"

وهذا حق مكفول له ولغيره لكن ان تقول صحيفته مستقله ؟؟؟

............برضو ما اظن...!!!
Post: #45
Title: Re: صحيفة الخرطوم والدور الجديد وغير المحايد الذي تلعبه
Author: طارق ميرغني
Date: 03-28-2010, 08:30 PM
Parent: #44

Quote: نتمنى من بقية الصحف ان تحزو حزوها........


اخي وليد هذه نظرة شمولية

نجاح الصحف في جو ديمقراطي يتطلب التنوع في توجهاتها من اليمين

كما مالت الخرطوم الي اليسار مرورا بالوسط
Post: #46
Title: Re: صحيفة الخرطوم والدور الجديد وغير المحايد الذي تلعبه
Author: awadharoun
Date: 03-28-2010, 10:34 PM
Parent: #45

الباقر اعلن في الدمام في احتفال الرياضيين هنا قبل ايام انه يدعم البشير في الانتخابات
Post: #47
Title: Re: صحيفة الخرطوم والدور الجديد وغير المحايد الذي تلعبه
Author: وليد الطيب قسم السيد
Date: 03-29-2010, 07:29 AM
Parent: #45

تحياتى اخى طارق

انا عايشت الخرطوم فى الخرطوم ثم فى القاهرة ثم فى الخرطوم
وفى كل المراحل كان شغلها الشاغل السودان قبل الحزب...
الرجل اتحادى اتحادى وقد يقاتل من اجل ذلك وما قاعديخلط الامور
ببعضها البعض كما يفعل الاخرون...الخرطومستقلة تماماعن كل ماهو حزبى


الحبيب عوض هارون

لم تفهم ما يقصد الرجل......يقصد سوف يدعم الوطن وليس الوطنى...

دمتم حيثما كنتم....
Post: #48
Title: Re: صحيفة الخرطوم والدور الجديد وغير المحايد الذي تلعبه
Author: طارق ميرغني
Date: 03-29-2010, 01:11 PM
Parent: #47

Quote: الرجل اتحادى اتحادى وقد يقاتل من اجل ذلك وما قاعد يخلط الامور
ببعضها البعض كما يفعل الاخرون...الخرطومستقلة تماماعن كل ماهو حزبى



Quote: الباقر اعلن في الدمام في احتفال الرياضيين هنا قبل ايام انه يدعم البشير في الانتخابات
الحبيب عوض هارون


Quote: لم تفهم ما يقصد الرجل......يقصد سوف يدعم الوطن وليس الوطنى


كيف يستوي عقلا اخي وليد ان يدعم الباقر "الوطن"- اي البشير- كما اشرت

ولا يدعم مرشح حزبه حاتم السر وهو عضو في المكتب السياسي

ولا اعتقد لو ان هذه قناعته بالفعل ان يكون مؤهلا لعضوية المكتب السياسي
Post: #49
Title: Re: صحيفة الخرطوم والدور الجديد وغير المحايد الذي تلعبه
Author: طارق ميرغني
Date: 03-29-2010, 07:03 PM
Parent: #48

الحمد لله اخي وليد

وشهد شاهد من اهلها:

في عدد الخرطوم الصادر صباح اليوم وفي صفحة المحقق تحت إشراف توفيق بدري

وتحت عنوان: الوطني... أسلوب الشهادة

محاولة التأثير علي الناخبين عبر الانسقة الاتصالية المختلفة ومباشرة أو غير مباشر وهو ما يعرف بالدعاية الانتخابية حق مشروع تمارسه الأحزاب في الانتخابات – أي انتخابات.
بعض تلك الأساليب الدعائية تكون ظاهرة وأخري متخفية وحزب المؤتمر الوطني بحكم وجوده في الحكم وقمة السلطة والثروة كان أكثر الأحزاب استخداما للدعاية في هذه الانتخابات بأساليبها المختلفة ومن بين تلك الأساليب الدعائية التي استخدمها المؤتمر الوطني أسلوب الشهادة وهو أسلوب يعمد فيه القائم بالدعاية إلي أسانيد وحجج أو أقوال أو بيانات من شخص أو جهة تبدو محايدة تدعم شهادته أو المعلومات أو البيانات الصادرة عنها موقف الشخص أو الحزب القائم بالدعاية، وقد برع حزب المؤتمر الوطني في استخدام هذا الأسلوب حيث درج علي نشر نتائج استطلاعات للرأي تؤكد اكتساحه للانتخابات بفارق كبير عن منافسيه بعض تلك الاستطلاعات صادرة عن هيئات ومؤسسات محلية وأخري مرتبطة بدوائر خارجية فد يبدو محايدة جدا ما يجعل تأثير هذا الأسلوب من أساليب الدعاية اكبر حيث انه يعتمد علي الإيحاء لجمهور الناخبين بقدرة الناخب أو الحزب في اكتساح الانتخابات خاصة إذا كانت نتائج بلك الاستطلاعات تحمل فارقا كبيرا بين الحزب ومنافسيه وقد صدرت مؤخرا العديد من هذه الاستطلاعات مؤشرات فوز المؤتمر الوطني أو مرشحه لرئاسة الجمهورية بفارق كبير عن منافسيه.
وأي كانت موضوعية تلك الاستطلاعات من عدمه فان تأثير هذا الأسلوب من أساليب الدعاية الانتخابية يبقي محدودا ومحصورا في فئات معينة هي فئات الناخبين السلبيين أو أولئك الذين لم يحددون وجهتهم حتى قبل عملية الاقتراع بوقت وجيز أو الناخبين غير المنتمين لأحزاب ، هؤلاء يكون تأثير الدعاية فيهم اكبر ويكونون هدفا من أهداف أشكال الدعاية المتخفية.
Post: #50
Title: Re: صحيفة الخرطوم والدور الجديد وغير المحايد الذي تلعبه
Author: طارق ميرغني
Date: 03-30-2010, 11:51 AM
Parent: #49

من البدع

لقاء مطول في الصفحة الاخيره لعدد اليوم مع طفله عمرها تسع سنوات

فقط لانها تؤيد مرشح المؤتمر الوطني عمر البشير.......!!!!!!
Post: #51
Title: Re: صحيفة الخرطوم والدور الجديد وغير المحايد الذي تلعبه
Author: موسي عيسي
Date: 03-30-2010, 12:39 PM
Parent: #50

العزيز طارق مرغني كيف حالك الحمد لله الواحد سلك

و الفوني كلها تمام الان .

بخصوص جريدة الخرطوم و ما ادراك ما الخرطوم و الله الواحد فينا بقى ما عرف نفسو من البحصل في السودان

عبارة عن شنو هو خوف من المؤتمر الوطني هو نفاق هو استسلام من شعب بقي مغلوب علي امره علشان كده

غالبه البسوي ،الشباب وصلوا قبل خمسة ايام سالتهم كيف السودان قالوا و الله ما كويس كل حاجة غالية

و العجب العلاج يعني مصاريفك البترسلها لينا دي كله رايحه علاج و مواصلات للفواتح و زيارات للمستشفيات

و نحن ما عارفين راسنا من قعرنا طيب السبب شنو في حال دا تقول ليك و الله ناس الحكومة هم السبب، نسمع

جعجعة و لا نرى طحين !!! طيب الانتخابات تقول ليك و الله الناس بقولوا لو ما صوتوا لعمر البشير

ناس الامم المتحدة بحتلوا السودان علشان كده المرة دي تصوتوا للبشير بس ؟ طيب انتو مقتنعين من دا

تقول لي لا والله ما دايرين البشير لكن قالوا البلد بتخرب ّ!! البخربها منو ! ما عارفين ؟؟

و الله يا طارق انا حتى هذه اللحظة بفكر جادي في مسح خريطة السودان السابقة من الذاكرة و بنحاول نعيش

اللحظة المتبقية من العمر في جو غير مشوش فكريا لاننا اصبنا باحباط ما ليه حد و زي الباقر دا بقوا

ما ليهم حد .

و اهلنا زمان قالوا يا طارق تعيش طويل تشوف كثير و اصبحت الصورة مقلوبة و الغلط هو الصاح !!!
Post: #52
Title: Re: صحيفة الخرطوم والدور الجديد وغير المحايد الذي تلعبه
Author: عبدالله احيمر
Date: 03-30-2010, 01:36 PM
Parent: #51

Quote: يقصد سوف يدعم الوطن وليس الوطنى...



يعني البشـير هـو الوطن والوطن هـو البشـير

ســبحانه الله من زوبان الوطن في شــخص

و يا هــو دي
Post: #53
Title: Re: صحيفة الخرطوم والدور الجديد وغير المحايد الذي تلعبه
Author: طارق ميرغني
Date: 03-30-2010, 06:06 PM
Parent: #52

اخي موسي

والله خوفنا من الاحباط الذي يصلنا مرحلة ان نتخلي عن سوداننا

السودان ليس ملك المؤتمر الوطني او البشير

هؤلاء يا صديقي عصابه سطت بليل وسرقت وطن

يجب اسقاطهم لننعم بالحرية والديمقراطية

حيجي واحد ينط ويقول لي ديمقراطية الميرغني والمهدي ؟؟

ومن هسع بقول ليهو آآآآآآآآآآآآآي

الديمقراطية لن تتجزأ

والانقلب علي الديمقراطية لا يمكن ان يهبها
Post: #54
Title: Re: صحيفة الخرطوم والدور الجديد وغير المحايد الذي تلعبه
Author: عبدالكريم أحمد الامين
Date: 03-31-2010, 01:12 AM
Parent: #53

Quote: من البدع
لقاء مطول في الصفحة الاخيره لعدد اليوم مع طفله عمرها تسع سنوات
فقط لانها تؤيد مرشح المؤتمر الوطني عمر البشير.......!!!!!!

** إبن خالى ..
** صباحك خير..
## مافى بدع ولاحلجه من الخاتيها فى رأسك ,, اصلو البت دى لما فتحنا الخيره لقينا أنها حتكون مدام كورى القادمه للسودان ذو التوجه اللاحضارى وفى روايه أُخرى التوجه الحُمارى..

Quote:
الديمقراطية لن تتجزأ
والانقلب علي الديمقراطية لا يمكن ان يهبها

** هذه هى زبدة الكلام ..
(ودام الود بيننا)