Post: #1
Title: والله خجلت ليك ياعمر البشير !!
Author: كمال سالم
Date: 03-23-2010, 00:55 AM
بالأمس القريب أعلنت أجهزة إعلام النظام المترنح
بأن الرئيس البشير قد تلقى دعوه من الرئيس الفرنسى
ساركوزى لحضور مؤتمر الفرانكفونيه المنعقد بفرنسا
فى شهر مايو القادم .
والخبر تناقلته كل أجهزة الإعلام العالميه منقولا من
وكالة السودان للأنباء .
واليوم أصدر قصر الأليزيه هذا البيان :
| Quote: Quote: قال قصر الاليزيه ان الرئيس الفرنسي نيكولا ساركوزي طلب من السودان المشاركة في القمة الفرنسية الافريقية المقرر عقدها في مايو أيار لكنه اوضح ان الرئيس السوداني عمر حسن البشير يجب الا يحضر. ووجهت المحكمة الجنائية الدولية العام الماضي اتهامات للبشير بارتكاب جرائم حرب وجرائم ضد الانسانية في دارفور وقد يعتقل لدى وصوله الى فرنسا المؤيدة القوية للمحكمة. وقال مكتب ساركوزي ان البشير لن يكون محل ترحيب. وقال مسؤول //الرئيس ارسل بالفعل خطابا الى عمر حسن البشير طالبا منه ان يرشح الشخص الذي سيمثل السودان في القمة الفرنسية الافريقية// موضحا ان الزعيم السوداني نفسه لا يمكنه الحضور. وكان من المقرر اساسا ان تعقد القمة في مصر لكن لما كانت فرنسا قلقة من ان تدعو القاهرة البشير شخصيا توصلت لاتفاق بنقل الاجتماع الى مدينة نيس الفرنسية مما يترك لباريس مسؤولية توجيه الدعوات. وكان البشير قد الغى زيارة الى تركيا العام الماضي بعد تعرض انقرة لضغوط من الاتحاد الاوروبي كي لا تستضيفه بسبب لائحة اتهام المحكمة الجنائية الدولية. وتشير تقديرات الامم المتحدة الى ان 300 الف من سكان دارفور لقوا حتفهم فيما شرد اكثر من مليوني شخص في اعقاب تمرد اندلع عام 2003 واخمد بطريقة وحشية. والبشير الذي كان القائد الاعلى للقوات المسلحة خلال الصراع متهم بالتعذيب والقتل الجماعي. ونفى جميع التهم الموجهة اليه. وذكرت وكالة الانباء السودانية ان ساركوزي عبر ايضا في خطابه للبشير عن امتنان فرنسا لاطلاق سراح رهائن فرنسيين بالمنطقة في الاونة الاخيرة. وافرج عن اربعة رهائن فرنسيين في الشهرين الماضيين بدارفور. وخطف ثلاثة في دول مجاورة لكن مصادر بهيئات اغاثة قالت انهم جميعا محتجزون في دارفور. |
نودى وشنا وين ؟؟
خجلان ليكم كلكم ياناس المؤتمر الوطنى !!
خجلان ليكم كلكم ياكيزان البورد !
خجلان ليك شديد يامكتب رئيس الجمهوريه الصحفى !!
خجلان ليك شديد يامصطفى عثمان إسماعيل !
وخجلان ليك أشد ياعمر ود هديه !!!!
|
Post: #2
Title: Re: والله خجلت ليك ياعمر البشير !!
Author: كمال سالم
Date: 03-23-2010, 01:14 AM
Parent: #1
| Quote: Quote: تسلم الرئيس عمر البشير مساء أمس رسالة خطية من نظيره الفرنسي ساركوزي تتصل بالعلاقات الثنائية بين باريس والخرطوم ودعوة السودان للمشاركة في القمة الفرانكفونية المقبلة المقرر عقدها في مايو المقبل.وعبر ساركوزي بحسب (سونا) أمس، في رسالته الخطية عن تقديره للجهود التي بذلها البشير لإطلاق سراح الرهينة الفرنسي أخيراً.من جهته وعد رئيس الجمهورية بتلبية الحكومة الدعوة للمشاركة في القمة.من ناحية ثانية اجرى البشير اتصالاً هاتفياً امس بالرئيس المصري محمد حسني مبارك اطمأن خلاله على صحته |
كمان وعد ,, ههههههههههههههههههههههههههه
|
Post: #3
Title: Re: والله خجلت ليك ياعمر البشير !!
Author: محمد زكريا
Date: 03-23-2010, 01:15 AM
Parent: #1
ياخ لهم العذر لكن الجواب مكتوب بالفرنساوي..وانت عارف التنقليزي يلا يلا
|
Post: #4
Title: Re: والله خجلت ليك ياعمر البشير !!
Author: تبارك شيخ الدين جبريل
Date: 03-23-2010, 01:37 AM
Parent: #3
يا شماتة أبلة ظاظا فيك يا كمال سالم ...
(أبلة ظاظا مين؟)
... المهم ....
|
Post: #5
Title: Re: والله خجلت ليك ياعمر البشير !!
Author: نصار
Date: 03-23-2010, 01:57 AM
Parent: #4
فرنسا شنو يا قريبي ياخي
في الاطلس ما يشوفها
لو قالوا ليهو تعال بقول ليهم
باللهي
رايك شنو باللهي بس حندكة كدا
اخد لي فرة لاستراسورج اشرب قهوة
اجي متراوح
ياخي الواحد حاسي بنفسه مؤهل
للرئاسة اكتر من اخونا في الله دا
|
Post: #6
Title: Re: والله خجلت ليك ياعمر البشير !!
Author: عاطف مكاوى
Date: 03-23-2010, 03:16 AM
Parent: #5
الغريب يا كمال أن تجد من يقول لك أنه ليس من المهم أن يتحرك رأس الدولة
خارج البلاد ليكون مؤهلا للقيادة ................ ويقولون ذلك وهم يقارنون بلادنا (المليون
ميل مربع وأكثر من 300 لغة وكم لا يحصي من القبائل المتداخلة وأطول نهر في العالم
وبلاد تتوسط حضارتي العرب والأفارقة بدولة مثل سلطنة عمان وقابوسها الذى لا يتحرك)
طيب المتريس ليها شنو ؟
|
Post: #7
Title: Re: والله خجلت ليك ياعمر البشير !!
Author: معاوية محمد الحسن
Date: 03-23-2010, 06:56 AM
Parent: #6
كمال
تحياتي
وبعد ده يقولوا ليك نحن حصل كضبنا عليكم ياجماعة ؟
|
Post: #8
Title: Re: والله خجلت ليك ياعمر البشير !!
Author: تبارك شيخ الدين جبريل
Date: 03-23-2010, 01:01 PM
Parent: #7
شوف يا عاطف مكّاوى ...
Quote: الغريب يا كمال أن تجد من يقول لك أنه ليس من المهم أن يتحرك رأس الدولة
خارج البلاد ليكون مؤهلا للقيادة ................ ويقولون ذلك وهم يقارنون بلادنا (المليون
ميل مربع وأكثر من 300 لغة وكم لا يحصي من القبائل المتداخلة وأطول نهر في العالم
وبلاد تتوسط حضارتي العرب والأفارقة بدولة مثل سلطنة عمان وقابوسها الذى لا يتحرك)
طيب المتريس ليها شنو ؟ |
موضوع العدالة الدولية دا - وخصوصاً المحكمة الجنائية الدولية - موضوع طويل وشائك ... ومن الغباء إننا نعاين ليهو من منظور أزمتنا السياسية المحلية فى السودان ...
انا شخصياً ما بنتظر "أبلة ظاظا" (أو خالتى فرنسا كما صوّرتها الممثلة القديرة عبلة كامل وللمعلومية انا ما جبت سيرة أى زول تانى والكلام دا ما يتحسب جزؤ من عمايلى)
ما بنتظر ابلة ظاظا تحدد لى اكون طرف فى المحكمة الجنائية ام لا ... والحد من حركة الرئيس بى حجة انو مطلوب جنائياً هو حد من تمثيل السودان واستفزاز للسودان يضاف لى استفزاز محاولة فرض المؤسسة الظالمة والملتوية وغير المحايدة الإسمها المحكمة الجنائية الدولية ...
صدقنى ... لو أنا عندى أدلة مادية على إنو البشير مذنب جنائياً (سكّين فيها دم وبصمات مثلاً) حأقعد اهتف ليهو لغاية ما "ابلة ظاظا" تطلع منها ... تمشى تشوف ليها حنك بيش مع غينيا الفرنسية ولاّ أى داهية ... بعد داك انا والبشير بنصطفل ...
انتو ما بتخجلوا من الجقلبة عند من لا يهمه امركم بتاتاً ... أياً كان موقف البشير منكم ... لو ما عندكم تاريخ مشرق ولا زؤية جاذبة للشعب ولا حتى بصيص أمل سياسى؛ موقف أو تحالف أو شجاعة تقلعوا بيها السلطة ما عندكم؟
حلّكم الوحيد التباكى عند ابلة ظاظا؟
والله انا ارحم لى مليون مرة انو شعبى يرزح كدا للدين ... تحت نير الظلم البشيرى ...
تحت تحت ... يا شماتة ابلة ظاظا فينى انا دا ....
... المهم ...
|
Post: #9
Title: Re: والله خجلت ليك ياعمر البشير !!
Author: عمر عشاري
Date: 03-23-2010, 11:49 PM
Parent: #8
والله أمر مؤسف ياكمال ويدل على سذاجة الدبلوماسية السودانية في الوقت الراهن
فلا علاقات دولية تقوم على أساس من الدراية والحنكة ولا موقف متصل يفرح به السذج
|
Post: #10
Title: Re: والله خجلت ليك ياعمر البشير !!
Author: كمال سالم
Date: 03-24-2010, 02:40 PM
Parent: #9
*
|
Post: #11
Title: Re: والله خجلت ليك ياعمر البشير !!
Author: BAKTASH
Date: 03-24-2010, 08:27 PM
Parent: #7
فوق
|
|