Post: #1
Title: بت زي الورد
Author: خدر
Date: 03-22-2010, 11:17 PM
|
Post: #2
Title: Re: بت زي الورد
Author: خدر
Date: 03-22-2010, 11:20 PM
Parent: #1
البت دي لو بكري اداها باسوورد ما اظن بشوف لي شجرة في بروفايل قريب 
|
Post: #3
Title: Re: بت زي الورد
Author: esam gabralla
Date: 03-22-2010, 11:24 PM
Parent: #2
و على مهل
ينسل نقيض الأمر من الأمر
يكبر و يستعصي و تغالب مولده الأيام
|
Post: #5
Title: Re: بت زي الورد
Author: كمال سالم
Date: 03-22-2010, 11:30 PM
Parent: #3
يا الله ياخضر !!!!!
أريتها بتى وأعقر !!
|
Post: #4
Title: Re: بت زي الورد
Author: وجن
Date: 03-22-2010, 11:25 PM
Parent: #2
ياااااااه
البلد لسه بخير مادام فيها زي اختي دي
تسلمي ويسلم تمك بت أمي
شكر خدر
|
Post: #6
Title: Re: بت زي الورد
Author: عبد الحكيم نصر
Date: 03-22-2010, 11:32 PM
Parent: #4
انها مناهل ابراهيم خريجة جامعة الخرطوم كلية الزراعة
وهي زميلة لنا في هذا المنبر اعتقلت ضمن النساء المعتقلات
ابان محاكمة لبني وهي شابة تحمل السودان بين جوانحها..
لكي التحية والتقدير اختي مناهل غابات
تعرضت مناهل للفصل من الكلية لمواقفها الشجاعة واعيدت
تحت الضغط..
|
Post: #7
Title: Re: بت زي الورد
Author: esam gabralla
Date: 03-22-2010, 11:32 PM
Parent: #4
دى الحاجات البتبوظ اعصلب الجماعة
بعد العشرين سنة و اعادة صياغة الانسان السودانى و الملايين الاتصرفت في كده و التجهيل و التعتيم و قفل طاقة اى هواء صحى ينعش الروح و العقل ...
بعد ده كلو .... تجى بت رصاصة زى دى .... في الصقيعة تقول للانقاذ:
تعبك راح شمار في مرقة
فوق الارض
لا تحت الطغاة
تحيا الحياه
تحيا الحياه
تحيا الحياه
يا سلام عليك ملانة قوة و همة و بسالة
|
Post: #8
Title: Re: بت زي الورد
Author: عبد الحكيم نصر
Date: 03-22-2010, 11:44 PM
Parent: #7
| Quote: البت دي لو بكري اداها باسوورد ما اظن بشوف لي شجرة في بروفايل قريب |
مناهل زميلة في بورد بكري ولكن للاسف لا تكتب هنا بانتظام ربما لانشغالها بامور الحياة
فبعد تخرجها لم يتم تعيينها مما اضطرها للعمل في غير مجال تخصصهاوتنقلت في عدة وظائف
وهي تعول اسرتها حيث ان اباها عاجز بعد ان بترت رجله لاصابته بالسكر..
مناهل انسانة مناضلة لها مواقف قوية ومساهمات مشرقة في الشان العام وتهتم كثيرا بمأساة
اهلها في حلفا الجديدة ووادي حلفا وقضايا السدود في دال وكجبار..
للاسف من الفيديو يظهر ان مناهل فقدت وظيفتها حيث كانت تعمل في شركة خاصة للبريد..
لكي التحية المناضلة مناهل..
|
Post: #10
Title: Re: بت زي الورد
Author: Afraa Sanad
Date: 03-22-2010, 11:49 PM
Parent: #7
وجات يانوره أفة للدود البنقر فوق عشيما داخرنو فيك
ياسلام على وعيك وجمالك يابنية
|
Post: #9
Title: Re: بت زي الورد
Author: Mohamed Elnaem
Date: 03-22-2010, 11:47 PM
Parent: #4
خدر سلام
دى مناهل إبراهيم ....البت دى يا خدر خاتيه الشق من ايام الجامعه , تعرضت للفصل من كلية الزراعه جامعة الخرطوم قبل عامين , لقيادتها مع رفاقها إعتصام طلابى كبير و تعرضت لمضايقات و تحرشات شديده طالتها حتى فى حيها الذى تسكنه . كما انها تعرضت للضرب من قبل زبانية الأمن فى أحد مراكز التسجيل الإنتخابى بالكلاكلات حينما كانت مراقب عن الحزب الشيوعى ....باختصار مناهل دى موية نار عديل كده , وقد خبرناها فى احلك الظروف ايام الجامعه فما لانت و لا هانت و الله الزوله دى تختها فى جراح الثوره السودانيه المزمنه دى تبراء
|
Post: #31
Title: Re: بت زي الورد
Author: Frankly
Date: 03-23-2010, 09:27 AM
Parent: #2
دا دليل صحة وعافية سياسية وفكرية تشكر حكومة الوحدة الوطنية عليها
ومساحة كبيرة في حرية التعبير وفّرتها في سودان اليوم
|
Post: #11
Title: Re: بت زي الورد
Author: مزن ابوعبيدة النيل
Date: 03-22-2010, 11:51 PM
Parent: #1
.
hats off
.
|
Post: #12
Title: Re: بت زي الورد
Author: عثمان محمد كرار
Date: 03-22-2010, 11:53 PM
Parent: #11
والله ماشاء الله طيب الناس دي بيقولو مامخلينهم يتكلمو كيف البت بتكورك في نص السوق ديموقراطيه صاااا لكن الله حريات لكن
|
Post: #13
Title: Re: بت زي الورد
Author: خدر
Date: 03-23-2010, 00:01 AM
Parent: #12
| Quote: والله ماشاء الله طيب الناس دي بيقولو مامخلينهم يتكلمو كيف البت بتكورك في نص السوق ديموقراطيه صاااا لكن الله حريات لكن |
و يري عثمان كرار الشوك في الورود و يعمي ان يري فوقه الندي إكليلا
خليك دقيق يا ناخب
|
Post: #14
Title: Re: بت زي الورد
Author: خالد العبيد
Date: 03-23-2010, 00:01 AM
Parent: #12
وقد خبرناها فى احلك الظروف ايام الجامعه فما لانت و لا هانت و الله الزوله دى تختها فى جراح الثوره السودانيه المزمنه دى تبراء
تحية واحترام لمناهل ومن هنا نسير
|
Post: #15
Title: Re: بت زي الورد
Author: ابو القاسم حسن
Date: 03-23-2010, 00:15 AM
Parent: #14
هي التي استقبلت الاعتقال بالورود
|
Post: #16
Title: Re: بت زي الورد
Author: ابو القاسم حسن
Date: 03-23-2010, 00:23 AM
Parent: #15
زي الورد وتحمل الورد
|
Post: #18
Title: Re: بت زي الورد
Author: Amani Al Ajab
Date: 03-23-2010, 00:25 AM
Parent: #14
شكراً لك الأخ خدر..
هذه شابة من ذهب ...
ماخاب شعب ولدها ...
لا اجد كلمات تعبر عما يجيش في صدري حين سمعتها ...
لقد ألهبت حماس الجماهير ولمست الوتر الحساس لمعناة شعبنا الصابر الصامد البطل ...
لك مني التحية والاجلال الانحناء...
أنت يامناهل مبعث الامل والنور ...
كوني النجمة عزيزتي مناهل ...
|
Post: #19
Title: Re: بت زي الورد
Author: Amani Al Ajab
Date: 03-23-2010, 00:25 AM
Parent: #14
حذف للتكرار
|
Post: #17
Title: Re: بت زي الورد
Author: Adil Osman
Date: 03-23-2010, 00:24 AM
Parent: #1
|
Post: #21
Title: Re: بت زي الورد
Author: مريم بنت الحسين
Date: 03-23-2010, 05:40 AM
Parent: #20
gives me chills
|
Post: #22
Title: Re: بت زي الورد
Author: عمران حسن صالح
Date: 03-23-2010, 06:20 AM
Parent: #21
سقطت سقطت يا كيزان
رسالة من بت زي الورد
حفظها الله من كل شر
|
Post: #23
Title: Re: بت زي الورد
Author: Ashraf el-Halabi
Date: 03-23-2010, 07:11 AM
Parent: #22
سلامات مولانا خدر
| Quote: خريجة جامعة الخرطوم كلية الزراعة |
أمس لما شفت الفيديو في بوست نجلاء تخيلت انو الشابة دي خريجة مسرح
يمكن عشان قدرتها العجيبة على جعل الجمهور يشارك في صياغة الخطاب بدل الاستماع فقط
كانت لما صوت يعلا من وسط الجمهور تقيف تسمع وتلتقط جملته وتنسج عليها وتواصل المخاطبة في سلاسة عجيبة
صراحة مناهل تفرق كتير عن باقي شباب قرفنا الشفناهم هنا
برافو مناهل
|
Post: #24
Title: Re: بت زي الورد
Author: أبو ساندرا
Date: 03-23-2010, 07:23 AM
Parent: #23
مناهل إبراهيم
نجلاء سيد أحمد
و أخريات
بنات ندخرهن ليوم بكرة
عندما تشرق شمس الفكرة
ونفتح النوافذ للصباح الجديد
نحو سودان جديد
|
Post: #25
Title: Re: بت زي الورد
Author: عمران حسن صالح
Date: 03-23-2010, 07:30 AM
Parent: #24
فوق
|
Post: #26
Title: Re: بت زي الورد
Author: عاطف مكاوى
Date: 03-23-2010, 07:30 AM
Parent: #23
بت زي الورد ............................ وكفي!
|
Post: #27
Title: Re: بت زي الورد
Author: داليا حافظ
Date: 03-23-2010, 08:33 AM
Parent: #26
*
|
Post: #28
Title: Re: بت زي الورد
Author: Dalal Ezzaldin
Date: 03-23-2010, 09:05 AM
Parent: #27
*
وعزاز بت زي الورد
|
Post: #29
Title: Re: بت زي الورد
Author: سفيان بشير نابرى
Date: 03-23-2010, 09:12 AM
Parent: #27
الله عليك يا مناهل
الله عليك يا صديقة
انتي زي ما انتي
قوية وثابته
وسودانية صميمة
الله عليك .
|
Post: #30
Title: Re: بت زي الورد
Author: Sana Khalid
Date: 03-23-2010, 09:17 AM
Parent: #27
أنا سعيدة حد الرغبة في البكاء
..
هناك ضوء في آخر النفق
ما دام في العصب بعض حس..
شكرا للبت الجمرة
|
Post: #32
Title: Re: بت زي الورد
Author: Dalal Ezzaldin
Date: 03-23-2010, 09:29 AM
Parent: #30
*
|
Post: #33
Title: Re: بت زي الورد
Author: Amani Al Ajab
Date: 03-23-2010, 01:44 PM
Parent: #32
up
|
Post: #34
Title: Re: بت زي الورد
Author: امير مصطفى احمد
Date: 03-23-2010, 01:57 PM
Parent: #33
هل يمكن ان نقول ان حركة قرفنا امتداد جديد للحزب الشيوعي في الشارع السوداني
| Quote: كانت مراقب عن الحزب الشيوعى |
المعلن انها حركة لمجموعة من الشباب الساعية لاسقاط المؤتمر الوطني
ولكن هذه المجموعة مدربة وكوادرها محنكة وحتى طريقة اداراتها لمخاطباتها والشعر الذي يقال تشبه طريقة كوادر الحزب الشيوعي في الجامعات .
فهل يمكن للحزب الاعتراف بمولوده الشرعي ام ان نظرية (الكيزان) في تغطية جهة الانقلاب تتكرر بذات الطريقة.
|
Post: #35
Title: Re: بت زي الورد
Author: Elawad Eltayeb
Date: 03-23-2010, 02:34 PM
Parent: #34
|
Post: #36
Title: Re: بت زي الورد
Author: خدر
Date: 03-24-2010, 10:58 AM
Parent: #35
مناهل ابراهيم
|
Post: #37
Title: Re: بت زي الورد
Author: Amani Al Ajab
Date: 03-24-2010, 08:36 PM
Parent: #36
up
|
Post: #38
Title: Re: بت زي الورد
Author: Amira Elsheikh
Date: 03-24-2010, 09:48 PM
Parent: #37
اونغم ابراهيم
ممكن برضو ثورة ابراهيم
او نضال
ممكن شموس
يا الله ,,,,
|
Post: #39
Title: Re: بت زي الورد
Author: Tumadir
Date: 03-24-2010, 09:54 PM
Parent: #38
شجرة ام سوسة حلفنا ندوسا
فى نصايص الليل وفى وانتظار الويل
فى حر النهار وفى وسط الغبار
وسط الناس الباكية وساكتة وما عارفة تقول لى منو
وسط الشفع والنسوان ..جنب العامل وجنب العاطل وجنب الشايل هم الاسرة وبس ما عارف يقول يامنو
فى عينو ووشو كلب الامن
فى عين البوليس وسلاحو
دوغرى كلامكم ما اتأخرتو ولا اترددتو وقلتو الحق
المسكوت منو ..والداسنو والناسينو ومتناسينو ما خليتو فرضا ناقص
نحن مدينين ليكم بنضالكم ..وبالحرية الشمسها كانت تحت الهم مدفونة وباكية
نحن مدينين ليكم بالكلمة ..وشرف الكلمة ..غلبنا نقولها ...
توقيتكم صاح
ومكانكم صاح
وكلامكم صاح
نحن مدينين ليكم بالصاح
وصحى قرفنا ...
قرفنا قرفنا
من ماتوا الشهدا ...وديل ما زحوا ونحنا قرفنا
من ما اتشردوا ناس دارفور وديل ما حسوا انحنا قرفنا
من ما شردوا ناس كجبار والموية اندلقت فى واديه الخصب قرفنا
من ما فتنوا الشرق فى بعضو ...وقرروا يقعدوا نحنا قرفنا
من ما دمروا كم مشروع ..وملوا جيوبهم منو قرفنا
من ما قامت اخلاق الفرد بدل الحلة .
.وصوت الفرد يعلو على الحلة
ومصالح الفرد بقت اكبر من مصلحة الحلة ..البلد القرية ..الوطن الغالى ...ونحن قرفنا
دوسوا الشجرة ام سوسة ...وخاطبوا وقولو كلامكم ..نحن قرفنا
قولو الما قدرنا نقولو ...وسووا الما عرفنا نسويهو
مددكم دافر وغمر ارواحنا
دموعنا انفجرت من عرفتكم والوعى المسئول ...للهم
..واسباب الهم الشايلو "الزول"
زول سودانى ...
مش مفروض يكون متكرم وجبهتو عالية يعيش فى بلادو من غير "هم"
من اجل الناس الماتو سلام
من اجل الغرقوا سلام
من اجل الاتعذبوا والاتشردوا ألف سلام
من أجل الساكنين فى معسكر
من اجل المشوا للمهجر
من أجل اللاكوا الحنضل
من اجل شباب واطفال وصغار وكبار باتوا جياع ودموعهم نشفت وضلوعكم ظهرت ...
ألف سلام .
|
Post: #40
Title: Re: بت زي الورد
Author: Tumadir
Date: 03-24-2010, 09:58 PM
Parent: #39
تعرف يا طارق ابو عبيدة
انا كنت بترجم لى يسرا بتى فى الكلام البتقول فيه نجلاء سيد احمد
ولمن وصلنا حتة الاطفال الببيعوا الاكياس
والله ويعلم رب الشمس والقمر ...اننى اجهشت بالبكاء حتى لم اعد استطيع أن اشرح نفسى
وكانت يسرا وهى منتظرة الباقى ...بتبكى معاى ....
كانت لحظة تعليم عالى بالنسبة لينا الاتنين ...لى طفلة بتعرف مأساة وطنها الماشافتو بى عينها ...ولى أم حتموت بالحسرة على وطن حبتو وماتت بحبو
شكرا لك يا نجلاء سيد احمد لأنك اهديتينا هذه اللحظة السامية الحضور ...ولانك بتهدى لى شعب كامل ...املو فى بكرة وبتهدى لى جيل كامل دروس مجانية فى البطولة والكرامة
بت زى الورد
|
Post: #41
Title: Re: بت زي الورد
Author: Hussein Mallasi
Date: 03-24-2010, 10:02 PM
Parent: #40
لو كان الكيزان بيسقطوا بالجعير كان سقطوا من زمان.
|
Post: #42
Title: Re: بت زي الورد
Author: Safa Fagiri
Date: 03-24-2010, 11:24 PM
Parent: #41
بسقطو بي شنو
يا حسين?
just to
know..
..
|
Post: #43
Title: Re: بت زي الورد
Author: قيقراوي
Date: 03-25-2010, 00:17 AM
Parent: #42
Quote: المعلن انها حركة لمجموعة من الشباب الساعية لاسقاط المؤتمر الوطني
ولكن هذه المجموعة مدربة وكوادرها محنكة وحتى طريقة اداراتها لمخاطباتها والشعر الذي يقال تشبه طريقة كوادر الحزب الشيوعي في الجامعات .
فهل يمكن للحزب الاعتراف بمولوده الشرعي ام ان نظرية (الكيزان) في تغطية جهة الانقلاب تتكرر بذات الطريقة. |
لا ختير لكن ّ!!
دي عرفتا براك ؟
يا خدر اعترف سرررررررريع ؟! . . احسن ليك
و الله يا امير كلامك دا يحير رسسسسسسسسسسسمي !!
ياخ " قرفنا " دي اكتر حاجة تشرف اي حزب او مجموعة سياسية في خلال الـ 21 سنة العجاف الفاتو ديل
تقوم تشيل الشرف دا كلو و تديهو للشيوعين ساي كدا بس ؟!
------------
بعدين التحتو خط دا كلام عجيب !!
المشكلة شنو في الكلام ( المعلن ) ؟ . . حكاية ( الساعية لاسقاط المؤتمر الوطني ) ما بتشمل الشيوعيين ؟
بعدين انت مشكلتك شنو ذاتو اسي ؟
|
Post: #44
Title: Re: بت زي الورد
Author: على جويلى
Date: 03-25-2010, 03:01 AM
Parent: #43
وطارق ابوعبيدة غابات
|
Post: #45
Title: Re: بت زي الورد
Author: Hussein Mallasi
Date: 03-25-2010, 07:53 AM
Parent: #44
Quote:
بسقطو بي شنو يا حسين?
just to know.. |
بيسقطوا بالشعر؛ الغنا؛ و الكتابة في سودانيزأونلاين.
|
Post: #47
Title: Re: بت زي الورد
Author: Safa Fagiri
Date: 03-25-2010, 02:14 PM
Parent: #45
كلام جميل!
حسين..
You should apologize
....
you know why
|
Post: #46
Title: Re: بت زي الورد
Author: خدر
Date: 03-25-2010, 10:33 AM
Parent: #40
الحصل مع يسرا يا تمادر طبيعي , الما طبيعي هو الامل الانقطع جوه السودانيين من التغيير
عشان كده لمن الخلوق دي كلها بتقول انو الانقاذ دي نبت مُنبت كانت صادقة .
منو في اولاد الناس بقدر يعمل العملوهو ناس الامن في اولاد السودانيين ؟
منو ود امو البقدر يكذب و ينافق قدر قادة الانقاذ ؟
ياخي ديل قطعوا الامل في التغيير جوه اي مواطن بي قدرتهم علي تغيير جلدهم مع كل هجمة
داخلية كانت او خارجية؟
ابكو يا تمادر ده خبر بستحق البكا فعلا , انو الامل لسه موجود .. ده خبر ما شوية
تحياتي ليسرا و الباقيين
|
Post: #48
Title: Re: بت زي الورد
Author: nada ali
Date: 03-25-2010, 02:47 PM
Parent: #46
رائعة!
لها التحية و لشباب/ات قرفنا
|
Post: #49
Title: Re: بت زي الورد
Author: Adil Al Badawi
Date: 03-26-2010, 04:26 PM
Parent: #48
| Quote: لو كان الكيزان بيسقطوا بالجعير كان سقطوا من زمان. |
ذا سايمون كاول أوف سودانيز أونلاين!
لكين كلام سايمون دا ما تسفهوهو؛ على الأقل من باب إت إز تو ليت أولريدي فما أراه أن حزب المؤتمر الوطني قد أعدّ عدّة السطو على أكبر ما يمكن من كيمان الناخبين الثلاثة كما يلي:
1. كلّ كوم المصوّتين للمؤتمر الوطني وهؤلاء فيهم المتعشّي تَبْ لكنّه ممكن يكاتل عدييل إن ظهر تهديد بأن تُسحب الصينية من أمامه وهنالك الحاري وقد تقدّم تقدّماً ملحوظاً نحو الصينية وهذا ناخب لن يتردّد في أن يحمي مصلحته في بقاء الصينية في مكانها وإن دعا الأمر أن يجُر عُكّازو جنبو. أما المتعشّم فأمله أن تصيب المتعشّين تخمة فيفكّوا العضُم بشيءٍ من أريحية وهذا يقلقه من يرى فيهم مجرّد جوعى للثروة والسلطة يتربّصون بهذه الصينية اللعينة وعليه فهو سيصوّت، ببساطة، للمؤتمر الوطني وهذه ثقافة (على سخافتها) اعتمدها غير قليل من الناس و يعوّل على فعاليتها كثير من مؤيّدي المؤتمر الوطني. قول 50%، على الأقل، من مجمل الأصوات راحت في غضب الله.
2. تسهم دعاية المؤتمر الوطني وما يسمّى بمنبر السلام العادل الموجّهة تحديداً ضد عرمان وباقان بالاضافة إلى اصطفاف بعض المنابر الجنوبية إلى جانب المؤتمر الوطني بصفته ضمان (أكان بالحق أكان بالباطل) لمصالح الجنوبيين عقب الانتخابات، في أن يقتطع المؤتمر الوطني قدراً مقدّراً من أصوات الشماليين المتوقّع ذهابها للحركة الشعبية ومما حار به الدليل من أصوات الجنوبيين بالشمال وبالجنوب. قول خمسة إلى عشرة في الميّة من الأصوات راحت كمان في غضب الله.
3. يوفّر مرشّحو عصا نايمة وعصا قايمة (وربّما لدى بعضهم مصالح مباشرة في صينية عشا المؤتمر الوطني وإن ترشّحوا عن أحزابٍ عتيقةٍ قد تفتّت) يوفّر هؤلاء فرصاً ذهبية لمرشّحي المؤتمر الوطني حينما يتفرّق دم الأصوات المتوقّع ذهابها لبقيّة الأحزاب بين قبائل هذه الأحزاب. قول كمان خمسة إلى عشرة في الميّة من الأصوات راحت وأسهمت في فوز مرشّحي حزب غضب الله.
خلاصة الأمر؛ توقّعاتي، والله يكضّب الشينة، أن يفوز حزب غضب الله بهذه الانتخابات بنسبة ستين إلى سبعين في المية إن لم يكن بأكثر.
وبالله ما تنسوا، لمّا تطلعوا من البوست، تصحّوني من الكابوس دا.
|
Post: #50
Title: Re: بت زي الورد
Author: Balla Musa
Date: 03-26-2010, 04:43 PM
Parent: #49
ياخى أنا عندى إحساس أن الخطورة على الإنقاذ تأتى من هؤلاء البنات:
لبنى حسين
ناهد محمد الحسن
مناهل إبراهيم
نجلاء سيد أحمد
وأخواتهن...
|
Post: #51
Title: Re: بت زي الورد
Author: Balla Musa
Date: 03-26-2010, 04:50 PM
Parent: #50
بلد ناهد ولبنى
|
Post: #52
Title: Re: بت زي الورد
Author: Elmuiz Haggaz
Date: 03-26-2010, 05:18 PM
Parent: #46
| Quote: ابكو يا تمادر ده خبر بستحق البكا فعلا , انو الامل لسه موجود .. ده خبر ما شوية |
شكرأ خدر...
أرى فى قرفنا بذرة مشروع كبير(أكبر من مجرد حملة لإسقاط الكيزان تزامنت مع الإنتخابات) حزب سياسى ربما أو تحالف واسع او جماعة ضغط,
شخصيأ كنت فى غاية الإحباط من الحاصل كله وما شايف أى مخرج لكن رؤية هولاء الشباب وقد تجاوزوا إنتماءآتهم الحزبية أعادت لى الأمل فى
هذا الشعب المعلم.ديل أحفاد ثوار أكتوبر وأبناء صناع أبريل بثبتواالليلة إنه عشرين سنة من القهر والتنكيل والتشريد وتوظيف المناهج الدراسية والإعلام
لصالح نظام فاشى عجزت عن إنها تغير الإنسان السودانى.
|
Post: #53
Title: Re: بت زي الورد
Author: مناهل ابراهيم
Date: 03-27-2010, 05:23 PM
Parent: #52
شكرا خدر وشكرا بنات وابناء بلادى هذه اشاده من اناس احترمهم جدا
باختصار انا بنت سودانيه اتوق لحياه كريمه فى بلدى وساعمل لهذامهما كلفنى
|
Post: #54
Title: Re: بت زي الورد
Author: خدر
Date: 03-27-2010, 06:42 PM
Parent: #53
تستحقي يا مناهل نشّد علي يدك , شفتي الزملاء كلهم إحتفو بي بذرة الثورة الما انطفت
و انتو إستلمتوها من القبلكم , ما عارف اشكركم ولا اشكر حواء السودانية
بس خلو بالكم من روحكم و من بعض .. فقدان واحد منكم خسارة كبيرة
و نحن كفانا خسائر
|
Post: #55
Title: Re: بت زي الورد
Author: حاتم الياس
Date: 03-27-2010, 06:50 PM
Parent: #54
محترمة جداً....وجديره بالأحترام...
|
Post: #56
Title: Re: بت زي الورد
Author: قيقراوي
Date: 03-27-2010, 11:35 PM
Parent: #55
Quote:
ذا سايمون كاول أوف سودانيز أونلاين!
لكين كلام سايمون دا ما تسفهوهو؛ على الأقل من باب إت إز تو ليت أولريدي
|
يا بدوي نان كاول يكيل و يطفف ساي لكن !!
كاول عامل فيها جايي في علبا ؟
المستقبل فضاء مسكون بكائنات اكتر منا ذكاء و جمال
جيل الوعد هدا اشرق مشاكل الصباحات دفئاً و ضياء
اها " قرفنا " دي في حسابات سايمون كانت في ؟!
نحن و سايمون و دي جنرس ذاتا  جيل مهزوم ساي . . او قول مهجوم راسو ما عديل كلو كلو !
لكن هزيمة المؤتمر الوطني قايلا بعيدة مع شباب قرفنا ديل ؟
هي الهزيمة دي كيفنها اكتر من خسارة رهان إعادة صياغة الانسان السوداني ؟
الشعب دا يقتل و لا يموت ، و قادر على اجتراح المعجزات . . . و دا رهان مجيد . . مسألة وكت يا سيمون ما اكتر . . و ح تشوف
بس ادوهم خاتركم و ابعدوا عنهم سايمون و نظرياتو المعلبة و المحسوبة سلفاً دي . . نحنا جيل كلام ساي ياخ !!! كفنا . .
خلو الامل يعيش و يعشعش . . بعد ينفرز العيش من العويش ، يا زول خلوهم يتلمو ا القرموط و ود الموية .. و باقي الجماعة كلهم متل لمة ابو السرة - بس المرة دي ما على اليانكي - علي تيجان العروش الخروع الهش العويش المكنكشين لينا فيها فوق العشرين سنة دي ، اصلو النار تعلب فوق عقال العرش . . جااااااكم
الني للنار و ديل اولاد نجااااض و بنات دغريات
تأمل
Quote:
باختصار انا بنت سودانيه اتوق لحياه كريمه فى بلدى وساعمل لهذا مهما كلفنى
|
برضو تقول لي الطيارة فيها بوري
بكرة ح يبنوا مدائن ضو
ما بيعكر صفو الجو صفارة حرب
تشطب من قاموس الدنيا
الضرب . . الشك . . الخوف
او كما قال
-----------
مشتاقين و الله يا بدوي
و مدد يا سيدي
| Quote: فما أراه أن حزب المؤتمر الوطني قد أعدّ عدّة السطو على أكبر ما يمكن من كيمان الناخبين الثلاثة |
انت قايل المطمم بطننا منها شنو برا الكلام دا
الشغلة دي مجرد مسرحية ساي انتبهوا لتصريحات البشير في هذا اللقاء يا أولو الألباب
عليك الله شوف جنس المغايس دي !!
اسي جنس الشتارة دي ما بتخلي الزول يقرف اسسسسسسسسي دي . . لو ما قرف في الواحد و عشرين سنة الفاتو ديل ؟
|
Post: #57
Title: Re: بت زي الورد
Author: قرشى محمد عبدون
Date: 03-28-2010, 03:45 AM
Parent: #56
احييكى بشدة ايتها الكنداكة الرائعة
النضال كان اوله كلمة كما تعلمنا ولا هناك نضال اقوى من النضال بالكلمة
اشرف خلق الله ناضل بالكلمة لثلاثة عشرة عاما اومايزيد ولاقى ما لاقى من عنت ومشقة وعذاب
وتسخيف وتقزيم ولكن هيهات
يدخرون جل وقتهم للسخرية هنا فى سودانيز اونلاين صباح ومساء وفى نفس الوقت لايرون دورا له..اوكما قال احدهم بأنهم احلاس المنبر..ولكن للسخرية حدودوللتبخيس حدودوبئس الساخرين الذين يبلغ سخريتهم هذا الحد
Be yourself Manahil
شكرا اخ خدر
|
Post: #58
Title: Re: بت زي الورد
Author: Adil Al Badawi
Date: 03-29-2010, 09:18 PM
Parent: #57
سلام يا قيقا ومشتاقون ثم وكيفنّك ياخي على أبواب الأرشفة الصغرى والأرشفة الكبرى!
اشارتنا، سايمون وأنا (!)، ذات مدى قصير جدّاً يتعلّق بسراب الانتخابات الذي ينساب من بين أصابعنا فأملنا، سايمون وأنا (!)، أنّ الكيزان (في المدى البعيد) “will all be dead” وهذا، في حدّ ذاته، يدعو لتقديم التحيّة لك على حماسك لشباب "قرفنا" وعبرك لحماس هؤلاء الشباب وإن كان ذلك من باب التأكيد على جدوى keep politicking or die trying
الأكيد، في تقديري، أنّ الممارسة السياسية بالسودان لم تعد لعبة حماسة فالخراب مهول ولعلّك تذكر حديثنا عن كلبش الاستقطاب السياسي والاجتماعي الرامي إلى كنكشة إلى الأبد والأمل، إن كان ثمّة بريق أمل في نفق هذه الكنكشة، فهو يتمثّل في المزيد من الانخراط في النشاط السياسي من منطلق مغاير للوضع الماثل بين أيدينا حيث بصلة الممارسة السياسية متعدّدة الطبقات: طبقة مصالح لأفراد فطبقة مصالح لجماعات فمصالح مجموعات فكيانات والمزعج أن الأمل في صمود العمل السياسي (قول الحركات السياسية وحتى المجتمع المدني) حيال هذا التحدّي جد ضعيف (تحت أي راية سارت جيوش لبنى وإلى أين انتهت؟!) فالأحزاب السياسية الغنية (جدلاً) بعنصر التنظيم الذي تفتقر إليه (جدلاً) حركة "قرفنا" لم تصمد ودونك أنّنا نفطر، من بعد طول صيام، على بصلة المؤتمر الوطني لكن العزاء أنّ رحم الغيب لا يخضع لكشف تحديد نوع الجنين.
تحيّاتي لك وللأستاذ خدر وللأساتذة المشاركين.
|
Post: #59
Title: Re: بت زي الورد
Author: Elawad Eltayeb
Date: 03-29-2010, 10:23 PM
Parent: #58
سقطت سقطت يا كيزان
دي رؤية الشباب والشابات البيصنعو المستقبل
الفطام حار يا كيزان
خاصةً بعد رضاعة من ثدي الأمة
دامت عقدين من الزمان
مصت الحليب والأخضر
وجابت الدم من شرايين الشعب
وبدت آثارها في نواجذكم القبيحة
العاضة على كراسي الحكم بكل ثمن
أشبعوا سقوط
سقطت سقطت يا كيزان
|
Post: #60
Title: Re: بت زي الورد
Author: قيقراوي
Date: 03-30-2010, 00:45 AM
Parent: #59
سقطت سقطت يا كيزان
سلام يا بدوي و شكراً العوض للمدخل دا
اكتر ما عجبني في الفيديو - صراحة كلو عاجبني ما اكضب عليكم - لكن التحولات الدراماتيكية في ( موقف ) الزولة العبرت عن انها ما شايفة ( مجانية ) و كان بدأت ( مداخلاتها ) بتأمين على حق الملهمة مواهب ( صاحبة المنبر ) في حرية التعبير ، اها لاحظت انتهت لشنو ؟
سقطت سقطت يا كيزان
سقطت سقطت يا كيزان
سقطت سقطت يا كيزان
شايف الانا شايفو يا بدوي ، و لا نحسبوا في مجرد ( حماسة الشباب ) ساي ؟
في شوفي انو الطغمة توها خاسرة صوت . . و ياله من صوت عزيز
لو كلو واحد اوقد شمعة و تش عين الضلام بالضوء ، و فيما يليه بس ، كل حسب طاقته - قدر قدرتو - كم ح يخسر الظلام لصالح باكر ضواي ؟
ياخ انحناءة كبيرة لمواهب و شباب قرفنا لمجرد اتاحة ( منبر ) على الهواء الطلق لاطلاق زفرات حارة زي زفرات المغبونة دي
دا ما مكسب
غايتو بحماسي دا شايف الضوء في نهاية النفق بفضل تراكم نضالات ( لبنى / رانيا موسى ( ديسمبر 2009 ) / ناهد محمد الحسن / مواهب ابراهيم . . و للزولة صاحبة الهتاف و لـ ( مريم الاخرى ) المصابة مع رانيا في هبة ديسمبر 09
سقطت سقطت يا كيزان
سقطت سقطت يا كيزان
سقطت سقطت يا كيزان
رفقاً بنا يا قوارير
و تحية كبيرة لشباب قرفنا
-----------
السودان الجديد ما بتبني بافكار و تكيكات قديمة
ودا رأي و إن بقى زي ضنب الكلب ؟!
قديماً قيل : العديل رأي و العوج برضو رأي
|
Post: #61
Title: Re: بت زي الورد
Author: mutwakil toum
Date: 03-30-2010, 06:36 AM
Parent: #60
Quote: تسلموا ياشباب انا مناهل ابراهيم وليس مناهل بدر الدين من ضمن المعتقلات تم فتح بلاغ واخراجنا بضمان مع العلم انه تم اعتقالنا من امام المحكمه ونحن جلوسا نحمل اللافتات ونمسك ايادى بعضنا البعض ونسمع الفظيع من شرزمه من المتاسلمين لا ادرى كيف ينطقوا هذه الالفاظ فى نهار رمضان حملونا على دفار العسكر وتفنن فينا ذاك السائق الماهر فى التعذيب باخذ الفرمله بطريقه ترمينا ارضا الى ان جرحن بعض النساء من كثرة الضرب ومن الفرمله التى ترميك على سياج الدفار الحاده ذهبنا الى الحراسه وفينا الاستاذه زينب بدر الدين التى جاءتها غيبوبة سكرى لكنها صمدت وارادوا سجننا فى زنزانه 4*4 لكن الدكتوره ناهد فريد وضحت بحكم انها طبيبه ان ه لا يمكن حشر 46 مراه فى زنزانه مثل هذه لانه سيتم اختناق لهن ووفيات فباصرار السجينات توجهنا الى زنزانه اخرى اخرجوا منها ثلاثه اطفال صغار الن من المشردين واودعونا فيها اسعفنا جزء من الجريحات وطالبنا بضرورة نقلهم الى المستشفى وبعدها ادرنا اجتماع للترتيب على الخطوات القادمه وتقييم وتحليل التجربه . كان هناك اتصالات تتم من الخارج ببعض الموبيلات التى استطعنا ان نخبيها عنهم حينما فتشونا ومنعونامن حيازة اى شئى وعبر الاتصال جاء اتصال بنجاح محاوله من الحركه الشعبيه باتصال مع الكيزان ومحاولة على عثمان لاعفاءنا رفضنا جملة وتفصيلا اى محاوله للاعفاء واننا كثوريات يجب ان نضحى ونعتقل ولا نقبل بغير المقاضاه وبعدها جلسنا نغنى اغانى ثوريه وهتافات حماسيه كما اطربونا علويه/الاتحاد النسائى ورباح الصادق المهدى باغانى الاستقلال وكل الثوريات ونحن نغنى من داخل الزنزانه اجمل اغانى الحريه والديمقراطيه . ومع الاتصال بالمحاميت من الخارج تم فتح بلاغ واخراجنا بضمان وذهبنا بحافلة مواصلات اجرناها بشير من السجينات الى جريدة اجراس الحريه ونحن نهتف هتافات ثوريه الى ان عقدالمؤتمر الصحفى بجريدة اجراس الحريه.
الزميله/ مناهل ابراهيم |
|
|