Post: #1
Title: نكات الخيال الواسع الجزء التاني
Author: عمر الفاروق عبد الله الشيخ
Date: 03-20-2010, 07:26 AM
هندي أسلم ... فقالوا له
لازم تسمي قبل الاكل والا الشيطان ياكل وياك
مر يومين وهو ياكل وناسي يسمي
في اليوم الثالث .... طلع له الشيطان وقال له
رفيق يرحم امك .. سَمّي ... صار عندي بواسير من الشطة
|
Post: #2
Title: Re: نكات الخيال الواسع الجزء التاني
Author: عمر الفاروق عبد الله الشيخ
Date: 03-22-2010, 06:53 AM
Parent: #1
شايقي وجعلي يتغالطو كل واحد يقول للتاني
ياخي نحن جدنا العباس عم الرسول صلي الله عليه وسلم
رباطابي كان حاضر الغلاط:
انتوا ابو لهب ده ما كان عم الرسول صلي الله عليه وسلم ولا شنو؟
|
Post: #3
Title: Re: نكات الخيال الواسع الجزء التاني
Author: عمر الفاروق عبد الله الشيخ
Date: 03-22-2010, 08:27 AM
Parent: #2
مسطول قاعد قدم بيتهم مر عليه جماعة من الحيران سألهم:
المسطول: ماشين وين؟
الجماعة: ماشين لمحمد صالح
المسطول: ماله
الجماعة: عندو حنة
المسطول: الله يكتب سلامته
|
Post: #4
Title: Re: نكات الخيال الواسع الجزء التاني
Author: عمر الفاروق عبد الله الشيخ
Date: 03-22-2010, 08:34 AM
Parent: #3
أربعة مساطيل قالوا عاوزين يقلدوا الخريف واحد قلد صوت الرعد وواحد قلد صوت البرق
وواحد قلد صوت المطرة
والرابع شال المرتبة وخشة بيها جوة
مسطول ودا ولدو الصغير المستشفى ،،، الدكتور قال ليهو ولدك دا ما عندو حاجة بسنن بس
المسطول قال ليهو : انا زاااااااتو كنت شاكي فيهو من ولدو.. شكلو ما ريحني
مسطول جابو ليه فاتورة الموية لقاها 2 مليون قال خلي بالك الجماعة ديل دخلو مطرة امبارح كلها في حسابي
شايقى دخل مع ابنه سوبر ماركت الولد قال لأبوه : بأحب الشوكولاته
أبوه قاله : حبها ورجعها مكانهاا
واحد مسطول القاضي بيسال فيه: انت معرس منو ؟
قال ليه: واحده
قام القاضي قال ليه انت بتهظر في واحد بعرس واحد اكيد حايعرس واحده
قام المسطول قال ليه: غريبه انا اختي معرسه واحد؟
|
|