Post: #1
Title: راتب الموظف السوداني $$$$$$$$$$$$$$$$$$$$$$$$$ بين البشير و أوباما (نكتة مهداءة لإضراب الأطباء)
Author: Basheer abusalif
Date: 03-18-2010, 06:11 AM
في جلسة بين الرئيس السوداني عمر البشير والرئيس الأمريكى باراك أوباما،
دار الحوار التالى:
البشير:
فخامة الرئيس ... كم متوسط راتب الموظف الأمريكى في الشهر؟
أوباما:
حوالى 5.000 دولار.
البشير:
وكم بيصرف شهريا؟
أوباما:
حوالى 2.800 دولار.
البشير:
يعنى يبقى معاه 2.200 دولار!! بيعمل بالمبلغ الباقي ده شنو؟
أوباما:
فى الحقيقة لأننا دولة ديمقراطية، احنا ما بنسألو.
أوباما:
وانتم يا فخامة الرئيس... كم متوسط راتب الموظف عندكم؟
البشير:
حوالى 100 دولار.
أوباما:
أووو!!! ... وبيصرف كم؟
البشير:
حوالى 1.000 دولار.
أوباما:
ومن وين بيجيب الفرق الكبير ده؟؟؟!!!!
البشير:
فى الحقيقة لأننا دولة ديمقراطية زيكم بالضبط، احنا كمان ما بنسألو.
!!!!!!!!!!!!
__________________
نكنة وصلتني عبر الإميل، و تحكي عن واقع يعيشه كل موظف سوداني
و أقرب دليل إضراب الأطباء الحالي
و بعد ده كله البشير لسه بيحلم يحكم الموظف ده اربعة سنة تاني
|
Post: #2
Title: Re: راتب الموظف السوداني $$$$$$$$$$$$$$$$$$$$$$$$$ بين البشير و أوباما (نكتة مهداءة لإضراب الأط
Author: MOHAMMED ELSHEIKH
Date: 03-18-2010, 09:19 AM
Parent: #1
يا ربي ناس المعاشات الزينا كدى يكون معاشهم كم بنس؟
كيفك يا اخ بشير
يا خي استفسر عن مهندس زمان في السلكية و اللاسلكية اسمو مين ....ابوسالف حزب امة وكان معتقل في بداية الأنقاذ الزول دا قريبك؟؟؟
و هو ويين دي الوكت ان كنت بتعرفو مع صادق ودي.
|
Post: #3
Title: Re: راتب الموظف السوداني $$$$$$$$$$$$$$$$$$$$$$$$$ بين البشير و أوباما (نكتة مهداءة لإضراب الأط
Author: Basheer abusalif
Date: 03-19-2010, 08:58 AM
Parent: #2
المهندس عبدالله بشير أبوسالف..بدار الهاتف قديما
من أوائل من شردتهم الإنقاذ مع الكثيرين مثله مع أنه من الكفاءات النادرة
وتلقي تدريب عالي في هذا التخصص مع خبرة طويلة إكتسبها بجهده..
لكن لأنه(حزب أمة) شالوه للصالح العام من الشهور الأولي فإنتهي به الأمر لفتح (بنشر) للساتك العربات يسترزق منه بالسوق الشعبي
حتي (البنشر) سكوه فيه (بالضرائب) و (الإعتقالات)الي أن أغلقه.
كان ممثلا لحزب الأمة في التجمع النقابي
هو إبن عمي.
|
|