وحــــــــدة جــــــــهادية للأطــــــــباء... هــهههههه ...

Quote: فرضت الشرطة أمس، طوقاً أمنياً بميز الأطباء بعد وقوع أحداث عنف، وتشابك بالأيدي والكراسي بين أطباء مؤيدين للإضراب وآخرين مناوئين له مما أدى لإصابة عدد من الأطباء والطبيبات خلال الاجتماع الذي عقدته لجنة نواب الختصاصين بالميز لإعلان الإضراب عن العمل اليوم بالمستشفيات ولمدة أسبوع. ورصدت (آخرلحظة) اقتحام عدد كبير من الأطباء والعاملين بالمستشفيات لاجتماع اللجنة حاملين شعارات مناوئة للإضراب، وهتافات ضد الحزب الشيوعي، وأدى ذلك لاحتكاكات وتعارك بين الأطباء، وألغت اللجنة اجتماعها، وأعلنت إنفاذ الإضراب، اعتباراً من اليوم، بجميع المستشفيات عدا أقسام الطوارئ، باستثناء مستشفى الشعب حيث ينفذ فيه إضراب شامل. وعزا د. أحمد الأبوابي، رئيس لجنة النواب، في حديث لـ «آخرلحظة» استثناء المستشفى من تغطية الطوارئ، متهماً إدارتها بتعبئة وضغط العاملين، لإفشال اجتماعهم، وحددت لجنة النواب، بسحب الأطباء من أقسام الطوارئ، في حالة تعرض النواب للتهديد والتحرشات من قبل إدارة المستشفيات.

Quote: وقال د. كمان: إن وزارته ستتخذ قرارات صارمة على النواب الذين ينفذون الإضراب.من جانبها أعلنت الوحدة الجهادية للأطباء، بإدارة تنسيق الدفاع الشعبي إعلان حالة الاستنفار وسط قواعدها؛

يمين بالله دي ما (سبقم) فيها زول اصلوا ....

ياخي ده (مرض) شنو .... الهوس الديني ده ....

بغض النظر عن اتفاقنا مع الاضراب او اختلافنا مع المضربين الا ان تقيم الجهاد (عديل) مع زول اختلف ... وذكر بان ما يتحصل عليه من مخصصات و(راتب ) لا يكفي متطلبات قوت يومه في دوله كل مخصصاتها الماليه تذهب للجيوب الخاصه والمهام العسكريه ضد بني جلدتهم ...

يعني ناس الوحدة الجهادية للأطباء، حيمسكوا طبيب (ويخنقوه) او يضربوه (بمرق) او كراع كرسي مكسوره عشان قال : (الراتب ) وظروف العمل والمخصصات الصحيه للمرضي غير ملائمه وناقصه ...

يعني ناس الوحده الجهاديه دي رابطين (روسينهم) بعصابات (حمر) (وبخ بخ) ....


والله دي قصص ...

ياخي ما ممكن تكون بتعالج زول .. او بتحترف مهنه وتقوم تتشالق وتبقي (مجاهداتي) ...

وضد منو!!!! ضد زميلك في المهنه ...

والله يالكيزان اصلو ما بتتعلموا) ولا ح (تتعلموا)

ناس الوحده الجهاديه دي ... ح (يكتلو) طبيب رافع يافطه كاتب فيها ... مفروض المستشفيات تتصلح والخدمات الصحيه مفروض يولوها الاهتمام وبالتالي خدمات افضل للمريض ...

يعني ح (يجاهدوا) ويدقوا الاطباء عشان قالوا ابنوا مستشفيات زياده عشان تستوعب الجيش الهائل من ابناءنا الخريجين ...

اخونا بدر السنوسى,
اهو بقى على دى? يا زول, ديل اقاموا حفلات عرس الشهيد عدييل كدى.

العزيز زكريا ...تحياتي

Quote: اهو بقى على دى? يا زول, ديل اقاموا حفلات عرس الشهيد عدييل كدى.

والله الكيزان ديل حيروا ابليس زاتو في (الفسق) و الهوس الديني ....

زمان كان عندنا قرينا جاء من البلد وسمع اعراس الشهيد دي ... وقال الناس (مشوطنين) وعايزين ربط ...

ناس الوحده الجهاديه ديل ... ما يمشوا يبنوا مستشفيات في النخيل والعطرون وسربا ... وابو دليق ... وابوقسي وحاج سالا وابو هشيم والخندق واطراف الجزيره وملكال ويامبيو وجوبا ذاتها ... بدل (دق) و(كتل) الدكاتره الرافعين يافطات ومذكرين الحكومه بتقصيرها






قال وحده جهاديه قال

الوحدة الجهادية وحة صحية ما تغطي العمل فيها قال مستشفيات قال

الغريبة جدا انو الدكاترة قالوا مضربين وهو ح يغطوا الحوادث لكن الورقة الصغيرة الفوق الكوت دي عملت للجماعة زغللة عيون

الوحدة الجهادية

الحكومة ترعى التطرف داخليا ضد خصومها في اوضح الرسائل ان ما جرى وما يجري منذ نيفاشا وهم وخديعة كبرى هدفها فصل الجنوب والانفراد بالشمال
كنت اتمنى ان يكون اسمها الوحدة العلاجية او الوحدة الصحية او اي وحدة
لكن ديل الكلب عمرو ما ينعدل

الوحدة الجهادية من الدفاع الشعبي لدحر فلول الأطباء. هذا ما وصل اليه المؤتمر الوطني من بؤس شديد.