اضراب الاطباء قندفة لا اكثر ولا اقل .. توجد صورة شهادة مرتب موظف قديم

ال المتضامنين مع الاطباء في اضرابهم .. بدون علم
ان المسؤلون يعالجون في الاردن
وهذا الاضراب موجه للجماهير وليس للحكومة
ولن يتضرر منه مسؤل واحد

ادناه شهادة مرتب موظف معين 7/3/1997م
حاصل على شهادتين دبلوم 3 سنوات في تقانة المعلومات وبكالوريوس في علوم الحاسوب
متزوج واب لثلاث اطفال



فان كان الاطباء وهم في مدخل الخدمة سيضربون لانه مرتبهم 600 جنيه
ماذا نفعل نحن من علمنا في هذه الدولة 13 عاام ومرتبنا 500 جنية

>>>

وليد اخوي مرتبك ليه مافيهو الدعومات دي
دعم نقابه 5

دعم طلاب 1

نداء الجهاد 1

رابطه المراه ...
وبعدين منو القاليك ديل اول مرتب للدكاترة

وحتى لو ؟؟
وين القندفة في المسألة
نحن مغتربين وبنتضامن مش مع الدكاترة
معاك انت زاتك في راتبك العرضتو لينا ده
محبتي واحترامس

اها يا استاذ السني
المرضى الحا ياجلوا امراضهم اسبوع الحا يتضامن معاهم منو ؟


الاستقطاعات مكتوبة مجمل بدون تفاصيل يا استاذ اسني

خالص الود

ازيك يا ولي
.
..
لازم يضربوا .. ديل ماسكين الناس من الحتة البتوجعهم .. انتوا كان اضربتو مافي زول بهبب ليكم ..
يعني شنو كان اضربتو عنها الحواسيب ما اشتغلت ههههه ..
لكن صحة الانسان لا تقبل اي توقف عن متابعتها .. والله انا ماحصل
خشيت مستشفى طلعتا بطني باردة من الاطباء .. ياخ ديل مرة خيطوا لي
يدي لو مشيت لي نقلتي كان خيط لي احسن من الدكتور دا
بعدين الدنيا انتخابات والدكاترة ما دايرين يطلعوا من المولد من غير حمص

يا ود الضوء

هاهاهاهاههاهاهاهاها
نحن لينا الله

Quote: لكن صحة الانسان لا تقبل اي توقف عن متابعتها .. والله انا ماحصل

اها تصدق انه حا تتوقف متابعتها

يلا وليد شد حيلك ودق الجرس لبقية المرشحين واكسحهم وجيب لينا حقنا وحق الاطباء من وزير الصحة.

يا ود العوض

اصبر وشوف الحا يحصل شنو .. فقد فتح الاطباء باب مواجهة مع الجهور مباشر
فمن سياتي حاملا طفله مريضا

ما حا يعرف لا عمر البشير ولا يحزنون
حا يعرف انو في دكتور ما عاوز يعالج طفله

اصبر وسترى ما سيحدث

الاخ وليد المبارك
السلام عليكم و رحمة الله
تبريرك هذا اشبه بتبرير البعض(لا ادري ان كان سيادتك واحد منهم) عندما نطالب بمحاكمة عمر البشير يقول البعض لماذا لا تتم محاكمة شارون و بوش ؟؟

ان يكون مرتبك اقل من مرتب طبيب خريج لا يعني ان مرتب الاخير جيد

اذا كان هذاهو منطقك الذي ستدخل به قبة البرلمان تأكد باننا في مصيبة

الاخ برقو

يعني انت من انصار الضغط على الحكومة لرفع المرتبات عبر اللآم وامراض عامة الشعب
يعني انت من انصار ان يؤجل البسطاء من عامة الشعب امراضهم اسبوع حتى يقيم الاطباء اضرابهم

المصيبة الكائنة الان وقبل ان ادخل قبة البرلمان هي ان يدعم امثالك اضراب اطباء في حين ان مرض البسطاء لا يضرب

بالنسبة لموضوع المحكمة سيادتي واحد من الناس القلتهم


سؤال انت في السودان ام خارجه ؟
عشان نعرف انك حاسي بالمصيبة النحن فيها فعلا
ولا متمتع بالهلس انشورنس ومتجدع في امراضنا نحن واطفالنا وبطالبنا ناجلها عشان تضغط سيادتك الحكومة

يا ولي
هسي داير تقنعنا بانّ شهادة المرتب المرفقة أعلاها، هي ذاتها أمها وأبوها، وما معاها أي حرباشات تانية؟
___
لو كنت مكانكم-بعد الشر- ما بعمل إضراب، بشيل بندقية عديل، وإتمرّد..

حبيبنا ود طيفور
في حربشات تانية
زي ما في حربشات تانية ما بتكون ظهرت في تفاصيل مرتب الطبيب

Quote: لو كنت مكانكم-بعد الشر- ما بعمل إضراب، بشيل بندقية عديل، وإتمرّد..

سلام

Quote: عشان نعرف انك حاسي بالمصيبة النحن فيها فعلا

المصيبة هي نظام الانقاذ الذي اختار الحلول السهلة في إدارة شأن الدولةو طبق سياسة رفع الدولة عن الخدمات وعلى راسهما التعليم والصحة فاصبح التعليم في المدارس الخاصة والعلاج بالمستوصفات الخاصة وصارا دولة بين الإنياء وناهبي المال العام والمستشفيات الحكومية ليس فيها شئ وتواجد الطبيب فيها مثل عدمه..
الشعب يموت والبشير يرقص..
مطالب الأطباء في جملتها تتضمن الكثير ولي سفقط المرتبات ونتمى أن لا يكون خالي من غرض سياسي لتنبه الشعب المفيب لما قامت به الانقاذ من فساد وافساد وتقصير في واجبات هي عين بقاء الدولة من عدمه..
احتراماتي

وهم الأطباء ديل يا وليد ما عندهم مسؤوليات وأولاد برضك عاوزين يربوهم زيهم زى أى واحد،
فكيف يعالج ولد مواطن وهو أولاده مافى واحد جايب خبرهم، أبوهم يقوم ويقع وفى النهاية تنوبه
ملاليم؟؟؟

Quote: ان المسؤلون يعالجون في الاردن وهذا الاضراب موجه للجماهير وليس للحكومة ولن يتضرر منه مسؤل واحد

القصة ما قصة مسؤولين ورعايا، القصة هناك مطالب عادلة،
مش لقطاع الأطباء فقط، بل لكل القطاعات وفئات الشعب السودانى،
و الذى خرجت جموع الأطباء هؤلاء من صفوفه.
بعدين يخيل لى أن أقسام الطوارئ والحوادث بها أطباء مناوبين
ولن تتأثر بحالة الإضراب، ولا أنا غلطان؟؟.
اها يا سيدى، يعنى لو فزت حتجى تقول للناس جنس كلامك ده؟؟
تحياتى يا رجل

Quote: وهم الأطباء ديل يا وليد ما عندهم مسؤوليات وأولاد برضك عاوزين يربوهم زيهم زى أى واحد، فكيف يعالج ولد مواطن وهو أولاده مافى واحد جايب خبرهم، أبوهم يقوم ويقع وفى النهاية تنوبه ملاليم؟؟؟

م لكنا قاعدين نوم ونقع
ولينا 13 سنة شغالين
واحتمال الاطباء الهسع مضربين اكون قبلتهم في كلياتهم وسكنتهم انا
ومرتبي اقلا من مرتبهم

Quote: القصة ما قصة مسؤولين ورعايا، القصة هناك مطالب عادلة، مش لقطاع الأطباء فقط، بل لكل القطاعات وفئات الشعب السودانى، و الذى خرجت جموع الأطباء هؤلاء من صفوفه. بعدين يخيل لى أن أقسام الطوارئ والحوادث بها أطباء مناوبين ولن تتأثر بحالة الإضراب، ولا أنا غلطان؟؟. اها يا سيدى، يعنى لو فزت حتجى تقول للناس جنس كلامك ده؟؟ تحياتى يا رجل

طيب وكت الموضوع ما مسؤولين ورعايا .. الاضراب ده توقيته جا مع الانتخابات ليه ؟

بالنسبة لفئات الشعب السودان هل تعتقد انه اضراب اسبوع حا يضرهم ولا حا ينفعهم
مرض اي مسئول او احد افراد اسرته .. طيارة والاردن طوالي

الاضراب المعلن اسبوع يا عبد الله
اسبوع كامل من الم والمعاناة
اسبوع تمام
والاسبوع ده كفيل بانه اي حالة غير حرجة بعده تصبح حالة حرجة ومستعصية كمان

ايوه لو فزت حا اقول جنس كلامي ده
حا اقول لا لاضراب موجة للشعب اكثر منه موجه للحكومة
اقول ليك شي
خليهم يعمموا لسته بمن في الحكومة واسرهم ويضربوا عن معالجتهم فقط
لكن يضربوا عن علاج المواطنين الغلابة الزينا كده
اكيد حا اقيف ضد الكلام ده
كان جوه برلمان ولا جوه صالون في ونه

خالص الود والتحايا

الإضراب ما غاية يا وليد، انا متأكد إنو الناس ديل إستنفذوا كل الوسائل،
وبعدين الحكومة لم تكن جادة فى حل قضاياهم، وهى من دفعت بهم
لهذا الخيار الذى لا يرضونه بالتأكيد، ماهى مقترحاتك لهم حتى ينالوا حقوقهم،
وحتى تنال كل قطاعات الشعب السودانى حقوقها من الحكومة؟؟
القضية قضية حقوق، يدوا الناس حقوقها وبعدين يشوفوهم لو قصروا فى
أداء واجباتهم، خصوصاً ونحن نرى كيف تصرف أموال الدولة على أوجه
غير ضرورية، وكيف أن المال العام يتمتع به اللصوص، ودون وجه حق،
فلماذا لا تدفع الحكومة للكل حقوقهم، ليس الأطباء فقط؟؟ أو دعنا نقول متى تدفع
الحكومة للناس حقوقها، أو حتى ولو جزء يسير من حقوقها إنشا الله؟؟

الاخ وليد
هذه الشهادة ليست لطبيب حديث التخرج
بل للطبيب العمومي و هو الكادر الطبي الذي اكمل فترة الامتياز و الخدمة الوطنية و نال شهادة التسجيل الدائم من المجلس الوطني
وظيفته هنا وظيفة دائمة و ليست وظيفة تدريبية

Quote: الاخ وليد هذه الشهادة ليست لطبيب حديث التخرج بل للطبيب العمومي و هو الكادر الطبي الذي اكمل فترة الامتياز و الخدمة الوطنية و نال شهادة التسجيل الدائم من المجلس الوطني وظيفته هنا وظيفة دائمة و ليست وظيفة تدريبية

الاخ امجد

موش ياها شهادة مدخل خدمة الاطباء في وظائف الدولة ؟
ولا انا غلطان

حبيبنا وليد
ثق تماما انه الاضراب ده
ضد الحكومة وليس ضد المواطنين
واي طبيب في السودان جاركم ولا قريبكم
لو مشيت ليه ما بمتنع من علاج المرضى وبالمجان كمان

وليد الاطباء في السودان مظلومين ظلم الحسن والحسين
ديل بعد يخلصوا الجامعة
يشتغلوا سنه امتياز وسنه خدمه
يعني سنتين ملح للحكومة
وبعد ده كلو عندم يتعينوا يتعينوا
بي 500 جنيه معقولة بس

ده حق مكفول لهم
نحن نتضامن مع الاطباء ومعاك انت كمان
ومع اي انسان مظلوم بالسودان

وللاسف كل السودان مظلوم ما عدا القلة

مرحب حبيبنا نقد


يا زول لو اضراب الاطباء ده ما بوقف علاجنا وبنلقى علاج وكت نمرض او على الاقل دكتور نقابله

ما عندنا اي مشكلة ان شاء الله يضربوا سنة

Quote: وليد الاطباء في السودان مظلومين ظلم الحسن والحسين ديل بعد يخلصوا الجامعة يشتغلوا سنه امتياز وسنه خدمه يعني سنتين ملح للحكومة وبعد ده كلو عندم يتعينوا يتعينوا بي 500 جنيه معقولة بس

ابدا يا نقد الاطباء من افضل شرائح المجتمع حالا
طيب العامل المرتبه كله 250 يقول شنو

كلنا قضينا الالزامية واشتغلنا سنة ملح للحكومة
الامتياز ده ما بعرفوا
لكن ممكن تضمن سنة الامتياز للطبيب وتحسب ليه

500 جنيه البشيلها الطبيب بعد سنتين
انا بشيل زيها هسع بعد 13 سنة
وغيري بشيل اقل منها بعد 20 سنة او اكتر
!!!!!!!!!!!!!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!!!!!!!!!

Quote: ده حق مكفول لهم

ما قلنا شي
هو حق مكفول ليهم ونحن برضو حقنا المكفول لينا اننا نعترض على اضرابهم ده

Quote: نحن نتضامن مع الاطباء ومعاك انت كمان ومع اي انسان مظلوم بالسودان

يديك العافية ياخ
وربنا يدي كل زول الفي باله

Quote: وللاسف كل السودان مظلوم ما عدا القلة

صدقت

خالص ودي

اما قلبك ميت يا وليد , البدخلك نت اليوم كله شنو انت؟

الاخوة منظمة تنادينا

اخوكم وليد الشفت بحاجتكم الماسة
الاخوة بورضاب الخرطوم
رفع الشيرنق عن الاخ وليد مطلب جماهيري

يا اساسي
هاهاهاههاهاهاهاهاهاهاهاهاهاها


طيب من زمان مالك ياخ
الا نبكي ليكم هنا

هاهاهاهاهاهاهاهاهاهاها


_____________
انا هين يا اساسي
والله انا مرتاح عديل كده

صفة رئيسية من صفات الكوز المنبري هو الاشادة بالنظام والتبشير له بعدة طرق أحيانا بشكل خجول وأحيانا أخرى بشكل مفضوح.

وهذه الصفة تمكنك من معرفة نوعية الكوز:


1. كوز.
2. كوز أمنجي.
3. كوز مفضوح.
4. كوز متستر.
5. كوز مقدود.
6. مغفل نافع.
7. كوز متعاطف.
8- و الاشياء المشابهة



يجب فضح جميع الكيزان وبعض المندسين الجبناء.
أنه لمخجل جدا أن يدعي البعض الوطنية وهم يقفون مواقف المتفرجين


ومعا لكشف عصابة مافيا الانقاذ وجميع المأجورين

لأكثر من خمس سنين و أنا أحارِب في كَدَسة مجاري و خيران اللجوء و خنازير العمالة و الإرتزاق
2004
و لكن تبيّن أنّهم جَاءُوا ليُزرعوا شوكة في خاصرة الشعب

و لكن تبيّن أنّهم جَاءُوا ليُزرعوا شوكة في خاصرة الشعب

1- المسح بأرض الأسافير.
2- تعريتهم و نزع ورقة الدولار عن سوءتهم.
3- داوِهم بالتي كانت هي الدّاء (كُلٌ بِمثلِه)

يجب فضح جميع العملاء و المُرتزقة و المأجورين بائعي ضميرهم

علاء الدين يا صديقي

ما تشتغل بالمكشكش ده كتير

ياوليد
ازيك ياخ ومشتاقين
غايتو انا واحد من الناس عشان منتشة ناس الحكومة دي ما اشتغلت ولا يوم واحد في الحكومة
ماممكن البحصل دا ابدا والله .. الحكاية دي مفروض تخضع لدراسة عاجلة من وزارة المالية
وضبط الاجور مع الحد المعقول للمعيشة ماممكن يكون مرتبي 600 جنيه في الشهر يعني اليوم 20 جنيه
كدي نوزعها :
رغيف اقل حاجة 5 جنيه في اليوم 150 جنيه في الشهر
فول 1 جنيه في للفطور فقط لانو العشاء بقى كماليات ساي يعني 30 في الشهر
1 جنيه فطور في 3 اطفال = 3 جنيه في الشهر 90 جنيه في الشهر
2 جنيه مواصلات في الشهر 60 جنيه
كهرباء 35 جنيه
ماء 25 جنيه
خضار + بصل + ربع رطل زيت = 3 جنيه في الشهر 90 (بدون لحم)
غاز 20 جنيه
ايجار 100 جنيه
كدا المجموع 600 جنيه بالتمام والكمال يامعلم

وطبعا المواطن المسكين المفروض انو ما يمرض ولا يتعالج
ولا يكون عندو تلفون
ولا يلبس
ولا يشتري كراسات للعيال
ولا يجامل في الافراح والاتراح
ولا يكسي العيال في الاعياد من دون الاستعانة باهله المغتربين
ولا ياكل لحم ولا سلطة هو ذاتو فاتح نفسو ليه ؟
وبلاش سجاير وتمباك وقرف

وفي النهاية عاشت الحكومات المتعاقبة التي حكمت البلاد والتي لم تحترم فينا حتى انسانيتنا
وعاش ابو هاشم وسيدي الصادق ونميري وعمنا عمر

تصدقوا اخوي مدرس من سنة 79 مرتبو 446 جنيه بس

وهبة يا حبيبنا
عليك الله اعزمني شيشة الليه ياخ
ياخ شحدتك مية مرة

Quote: تصدقوا اخوي مدرس من سنة 79 مرتبو 446 جنيه بس

اها شوف كمان
يعني اخوك ليه 31 سنة
لو كان اخوك ده اضرب ومعاه الاساتذه الدكاترة المضربين هسع ديل وما عاوزين يعالجوه كانوا ما قروا طب زاتو

يعني كيف زول عاوز متبوا يكون اكتر من القراه الابتدائية

!!!!!!!!!!!!!!!!!!!!!!!!!!
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

المشكلة لو في علاج ليها تنفتح كلها
وما تتعالج بانه يحرموا اخوك ده من العلاج
وهو ما حرمهم من التعليم


بعدين رغيف بي 5000 الن قايلنا بيت عذابة
انتو قاعدين تاكلوا رغيف بـ 5000
والله عافي منكم

سؤال لامنجية البورد السادة عيال السفاح قوش



من قتل د.علي فضل؟؟؟؟

..
.
والله يا الشفت انت زاتك بتستحق الإضراب
وايضا الضرب لانتظارك هذاالراتب الضئيل :)

--------

عموما بطريقتك دى وهجومك على الاطباء
اعتبر نفسك فقدت الطبقة الهاى فى المجتمع
واحتمال تسقط كمان فى الانتخابات

هاهاهاهاهاهاهاها
هاهاهاهاهاهاهاهاهاها

تقول شنو يا تبلدينا
ورافض اشتغل قطاع خاص
ورافض الهجرة كمان

شغلي في التعليم العالي بفتح لي ابواب تانية كتيره
خصوصا في مجال تخصصي وخاصة تصميم الصفحات

لو جبت ليك اللسته بتاعت الحاجات التانية بره الشغل
بتقول الزول ده متجدع


مستورة والحمد لله يا صديقي

Quote: عليك الله اعزمني شيشة الليه ياخ

يازول خالك سدرو بقى ضعيف مابستحمل الجرجرة
شلت العدة كلها اديتا لاولاد المسلمي
انا بعد شوية بمشي عليهم لو جيت بهناك نتونس
وانت والسيد جرجروا وانا بشجعكم

Quote: رغيف اقل حاجة 5 جنيه في اليوم 150 جنيه في الشهر فول 1 جنيه في للفطور فقط لانو العشاء بقى كماليات ساي يعني 30 في الشهر 1 جنيه فطور في 3 اطفال = 3 جنيه في الشهر 90 جنيه في الشهر

بعد كنسل العشاء و مرق فطورو و فطور أولادو
بياكلوا عيش أقل حاجة ب 5 جنيه في اليوم .. فتأمل!

Quote: وانت والسيد جرجروا وانا بشجعكم

خلاص بمرق وبجي عليكم
انا زاتي مشتاق ليكم

العزيز وليد، التحية.

Quote: الاضراب ده توقيته جا مع الانتخابات ليه ؟

بشوفك مركِّب مكنة رئيس، لا وإيه، رئيس موسوس كمان!!!
أنا زى ما قلت ليك أن سلاح الإضراب هو الملاذ الأخير للمطالبة بالحقوق
ودرج الجميع على تفاديه حتى لا يتأثر المواطنون من عواقب تنفيذه،
المهم فى الأمر هو أحد الأسلحة ((المشروعة)) فى المطالبة ليس بالحقوق الفئوية
فقط، بل بكافة الحقوق، ولكافة القطاعات، وقد سبق تجربته ليس فى السودان
وحده، بل وفى كل دول وبلدان العالم، هو وصنوه(العصيان المدنى)، وياما أسقط
حكومات، وبدل أحوال، وهو يشبه العلاج بالكى.
حسناً يا وليد، هب أنك قد نجحت فى الإنتخابات وصرت رئيساً لهذا البلد،
فماذا أنت فاعلٌ لمعالجة مطالب الأطباء هنا، بل وماذا أنت فاعلٌ
لتلافى حدوث حالات إضراب مماثلة فى شتى قطاعات العمل؟؟
إعتبر هذا السؤال جزء من "لا أقول برنامجك"، بل إعتبره معضلة(لأنه حقاً معضلة)
تواجه حكومتك وأنت حادى ركبها، ماذا تفعل لتعيد المضربين إلى العمل، وماذا ستفعل
لتمنع قطاعات أخرى من الدخول فى حالات إضراب/إعتصام أو عصيان مدنى لإقتلاع حقوقهم منك؟؟؟

تحياتى لك يا رجل.

حبيبنا عبد الله

والله لا مركب مكنة رئيس ولا حاجة .. انا زاتي ما بشبه الرؤسا


انا قلت ليك ما معترض على انه الاضراب سلاح مشروع
لكن الاعتراض عليه برضه مشروع

ولا كيف ؟

بالنسبة لسوالك عن اني لو بقيت رئيس فبقول ليك
البلد عاوزه اصلاح كتير
وبصراحة مرتبات الاطباء ما اوليوية في الاصلاحات المرجوه
لانها قياسا بعامة الشعب فير جدا

Quote: ولا كيف ؟

أكيد هذا حق مشروع، و وجهة نظر تستحق الإحترام أيضاً.

أعلم أنك قلبك على الناس، وعلى مصالح الناس يا وليد،
ما عنيته أن هذه الحكومة تدفع بالغالى والنفيس من أجل
ما لايعتبر أولوية، ولا حاجة ملحة، ولا حتى ما فيه مصلحة
للشعب، ودونك الترهل الذى تعانى منه حكوماتها العديدة، جيوش
الوزراء/وزراء الدولة، والوزراء الولائيين، الولاة والمحافظين،
كل منسوبيها، وكل من يدافع عن وجودها وبقائها (عمّال على بطّال)،
بكل هذا المال المهدر كان من الممكن تعديل رواتب لا الأطباء فقط،
بل وكل العاملين بالقطاع العام، وحتى الخاص الذى سيأخذ (حقه) من
دخل الدولة فى شكل خدمات علاجية وتعليمية وخلافه، لكن الواقع يقول أن
الحكومة لا تهتم، وكما قلت أنت فإنها تهرول للخارج للعلاج، لتعليم الأبناء،
وحتى لقضاء الإجازات، أما الناس فليموتوا بغيظهم ومطالبهم.
إذن أنا لا ألوم الأطباء ولا كل من يرفع سلاح الإضراب بقدر ما ألوم
الحكومة، والتى هى السبب المباشر من وراء المطالبة بالحقوق بهذه الوسيلة
التى تصب فى النهاية فى تعميق، وزيادة معاناة الناس وعذابهم.

شكراً لك يا حبوب، وبالتوفيق.

تسلم عبد الله

غلط الحكومة يا عبد الله ما من الليلة ولا من امبارح
ده غلط مستمر

العاوز اقوله انا
ما نستخدم بعضنا كسلاح نضغط بيه حكومة اساسا ما شغالة بينا

خالص ودي وشكرا على النفس البارد

وفي الاخر الاعوج رائي والعديل رائي

Quote: كلنا قضينا الالزامية واشتغلنا سنة ملح للحكومة الامتياز ده ما بعرفوا لكن ممكن تضمن سنة الامتياز للطبيب وتحسب ليه

الامتياز يا وليد عبارة عن سنة و نصف للتدريب في اقسام مختلفة من الطب
و دا غير الخدمة الالزامية التي يوديها الطبيب برضو
و كانت متبوعة زمان بحاجة اسمها سنة شدة

بعداك بتجي سنين العطالة الي أن تمن عليك الوزارة برقم وظيفي
يعني انتا بعد تعيينك في الامتياز ما بتواصل كموظف حكومة بل بتترفد
و تمشي و بعداك الحكومة تعينك لمن تقرر
اها الموهل العلمي التدريبي الاتكلمت عنه اماني دا
عادة بيكون موجود لكن بتفقد وظيفتك مباشرة اذا طالبت بالترقية لأنو كدا حتتفصل و تحتاج لرقم وظيفي جديد

يعني بالميت كدا الاخصائي عشان يكون اتسكن في درجتو دي بيكون بقا عندو 4 ارقام وظيفية

شفتا كيف

والله يا امجد حاسي بي حالتكم
لكن المرض حار يا امجد
يعني جيتونا محل اصلوا ما نقدر نقيف معاكم في اضرابكم
ما بقيفوا معاكم الا المرتاحين والمعاجرين والمغتربين

زول زي ساكت كده كضاب كان بارك ليكم اضرابكم ده

المهم ربنا يحل الامور
وتنهدي الحكومة وتدي كل زول ما يستحق


لكن اضرابكم ده
نهي اصلوا ما ماكم فيه

طبعا ده مع ودي واحترامي ليك يا محترم

انت وليد الشفت والله طلعت فارة غير مفتحة
شابك الناس انت هنا ولابرة
وانت القاعد جوة ماعارف المدرسين ديل اضربوا كمين مرة
ولاجياة لمن تنادي
بعدين اثبت لي منو البجي اقول السبب الدكاترة
ومنو القاليك يا عبدالرحمن لو اضربوا المحاسبين مافي زول بتاذي
ياخي لو اضربوا ناس فول الدكوة بتتاثرالشطة في السوق
انت اول مرة تشوفوا اضرابات ولا شنو
من اجل كل من ينادي بتعديل وضعه

يا محمد السني

ما لاذم اكون فاره كيف ما اكون فارة طالما اني قاعد جوه

شابك الناس هنا ولا بره عشان ما تجي الناس تنظر في مرضنا وتشبكنا تضامُنُت من وضع هم ما حا يتازوا منه

اثبت ليك شنو وما اثبت ليك منو ؟

ما انا هسع قلت ليك
انت ما شايفني زول ولا شنو ؟


فوق وضد كل من ينادي بتعديل وضعة عبر سحق من هم تحته

Quote: بعد كنسل العشاء و مرق فطورو و فطور أولادو بياكلوا عيش أقل حاجة ب 5 جنيه في اليوم .. فتأمل!

الايامات دي انا عاذركـ
كيفكـ من تعب الايام الفاتت ؟!
________
الحاجة البشتروها الشفع بجنيه دي بحشوها في شنو ؟
غايتو اليومين دي اصلك ما مركِّز !!

ألاخ المكرم/وليد محمد المبارك

مقارنة دخلك بالاطباء هي مقارنة مع الفارق... فالمرتبات علي حسب علمي يحددها القطاع الوظيفي و الدرجة الوظيفية و المؤهل الاكاديمي ...حسب اللوائح وقوانين العمل المعروفة ولكن هنالك اشياء اخري منظورة وغير منظورة ... اذ ان هناك راتب رسمي واخير غير منظور يتحدد وفق مدي الانتماء و الالتزام السياسي ...
ثم انك بحسب افادتك قد توظفت في عام 1997 (العشرية الاولي من عهد المثفبة) وانت من مواليد 1974 حسب البروفايل ..يعني انك توظفت و انت عمرك 23 سنة !!! وفي وزارة التعليم العالي !!! واستاطك عفوا اقصد بركاتك يا شيخ وليد...
مزيد من الشفافية... تعني ... مزيد من المصداقية

تحياتي ,,,

Quote: مقارنة دخلك بالاطباء هي مقارنة مع الفارق... فالمرتبات علي حسب علمي يحددها القطاع الوظيفي و الدرجة الوظيفية و المؤهل الاكاديمي ...حسب اللوائح وقوانين العمل المعروفة ولكن هنالك اشياء اخري منظورة وغير منظورة ... اذ ان هناك راتب رسمي واخير غير منظور يتحدد وفق مدي الانتماء و الالتزام السياسي ... ثم انك بحسب افادتك قد توظفت في عام 1997 (العشرية الاولي من عهد المثفبة) وانت من مواليد 1974 حسب البروفايل ..يعني انك توظفت و انت عمرك 23 سنة !!! وفي وزارة التعليم العالي !!! واستاطك عفوا اقصد بركاتك يا شيخ وليد... مزيد من الشفافية... تعني ... مزيد من المصداقية

عليه يا سيد فالح
اي زول معين بين 90 و 2000 بكون كوز في نظرك
قوم بلاش عوارة معاك

انت هسع يا فالح شفت ليك زول منتمي للحزب ده وشغال من سنة 97 ما بقى مدير
بعدين انا محل شغال ما واضح في المرتب التعليم
بطل عباطة واركب عربيتك ولا رسل زول يجي يشوف حالتي كيف
مدير ولا موظف عادي
رسلهم يسالوا ليك مصنف شنو في الوزارة


الدراو ديل بتجيبوهم من وين ؟؟؟
كل يوم بكري جايب لينا عباطة صنف جديد

Quote: الدراو ديل بتجيبوهم من وين ؟؟؟ كل يوم بكري جايب لينا عباطة صنف جديد

كاااااااااااااااكـ
أعصابكـ .. اعصابكـ يامعلم !!

ما يا عبد الوهاب زي العامل فيها مفتح ده
لو جا التعليم العالي المعروف لكل الناس
بلقاني قاعد في مكتب في اربعة موظفين


دي شنو العباطة دي

يعني هو عاوز يخوفني بانه حا يجدع ليه ريحة اني مؤتمر وطني في البوست

مع الاطباء حتى ينالوا حقوقهم

مرحب محمد فرح

شكرا على المرور

Quote: مع الاطباء حتى ينالوا حقوقهم

دا أكيد الهكر! عيب عليك يا هكر، جابت لها حسادة وخراب بيوت ؟

سلامات وليد..

والله يا وليد نحنا عندنا خلل ما عادى فى تقيمنا للحاجات البتحصل فى
بلدنا نخلى الجانى وطوالى نشب فى الضحية. عارف يا وليد للأسف لغة الإضراب
دى اللغة الوحيدة البتفهما الحكومة,ومن نهاية التسعينات لما كان مرتب
طبيب الإمتياز أقل من مية ألف (بالقديم) أى زيادة جات بعد إضراب أو تهديد
بالإضراب يعنى أصلأ ما حصل إنه الحكومة إتبرعت من تلقاء نفسها كدا وزادت المرتبات.

مع إحترامى ليك يا وليد لكن يا أخوانا وضع الأطباء مختلف.الناس بعد حساب
النبطشيات الواحد بشتغل قريب مية ساعة فى الإسبوع ما ممكن الناس تقارنا
بزول بشتغل خمسين ساعة فى الإسبوع.تانى حاجة يا وليد وبى منطق بسيط
لو أصلأ الناس قلبها على المرضى مفروض تقيف مع الأطباء ما ضدهم لأنه الليلة
دى يا وليد عدد الأطباء خارج السودان بسبب ضعف المرتبات وبيئة العمل
السيئة أصبح عددهم أكتر من عدد الأطباء داخل السودان.


مرة أخرى التحية والتجلة للأطباء وهم يقاتلون لإنتزاع حقهم فى حياة أفضل.

مرحب المعز

فعلا يالمعز عندنا خلل وكلامك سليم

بدليل انه لاطباء عملوا اضراب يتضرر منه الضحية ( الشعب)


اقيف معاهم في شنو يا هيثم ؟
لو في مراجعة للمرتبات تراجع جميع مرتبات الدولة والاطباء يقفوا في اخر الصف قياسا على بقية شرائح موظفي الدولة لانه وضعهم افضل منهم


بالنسبة لموضوع الساعات
الساعات الرسمية المعتمده قصاد مرتب الطبيب كم ؟
عشان نتحاسب ونشوف الدكتور بشتغل كم في الاسبوع
وبياخد كم

وعازين نعرف الافر تايم كم للساعة خارج الساعات المعتمده
عشان الحساب يكون لافق

وليد يا شفت

تعرف أنا ملاحظ أنو الجميع مسك في حتة الراتب وهل هو مجزي أم غير مجزي، لكن الجزئية المهمة التي سقطت من ذاكرتك سهوا (حسب قناعتي)،
وآخرين قد يكونوا تعمدوا اسقاطها، وهي تتعلق بالمستحقات المتأخرة، والتي لم اصرف من فترة طويلة، وهو أظن لا أحد فينا ممكن أن يعمل
بالجرورة، ودي القضية الجوهرية والهامة يجي أن نتساءل كيف عاش هؤلاء كل هذه الفترة دون راتب،

حبيبنا نادوس

Quote: وهي تتعلق بالمستحقات المتأخرة، والتي لم اصرف من فترة طويلة، وهو أظن لا أحد فينا ممكن أن يعمل بالجرورة، ودي القضية الجوهرية والهامة يجي أن نتساءل كيف عاش هؤلاء كل هذه الفترة دون راتب،

ده كلام سليم وفعلا بستحق اضراب
هم مفروض يبرزوها زاتهم ويعملوا عليها فوكسن اكتر من زيادة الراتب

طيب يا وليد
عشان نحسبها معاك

كل الاطباء باختلاف درجاتهم الوظيفية عدا الاخصائيين يعملون كالاتي
من 8 - 4 خمسةايام في الاسبوع = 8 ساعات
زائداً نبطشيتين 24 ساعة مرتين في الاسبوع (يعني تشتغل ال8 ساعات العادية و بعداك تتم باقي اليوم للصباح و بعداك تشتغل ال8 ساعات بتاع اليوم التاني حتى تمشي بيتكم)
زائداً تغطية يوم الجمعة او السبت مرة واحدة في الشهر دورياً ( يعني كل شهر عندك نبطشية بتاعة يوم جمعة و نبطشية تانية بتاعة يوم سبت غير نبطشياتك الدورية)

تعال بقا نحسب ديل كم ساعة في الشهر
8 ساعات في 3 يوم(شيل يومين النبطشية برا) في الاسبوع = 24 ساعة في 4 اسابيع = 96 ساعة
24 ساعة في 2 نبطشية في 4 اسابيع في الشهر = 192 ساعة
نبطشية يوم الجمعة = 24 ساعة
نبطشية يوم السبت = 24 ساعة

يبقى عدد الساعات البيشتغلها الطبيب في الشهر = 336 ساعة

كدا الحسبة كيف ...
اتكلمت يا سيدي عن اوفر تايم
مافي حاجة بالشكل دا
في حاجة اسمها حافز النبطشية و دي بتتصرف من المستشفى حسب التساهيل
و تتراوح قيمتها يا سيدي الفاضل بين 15 الف ادناه (بالقديم طبعاً) الي 75 الف اعلاه
و دي ما عن النبطشية الواحدة دي في الشهر كلو

و تقول لي ما نضرب يا خي

و ما تنسى يا وليد انو اطباء السودان عندهم تقليدهم القديم و واجبهم الساي البيميليه عليو ضميرهم في تغطية الحوادث وت ايفر ايس زا كيس
عشان كدا الليلة لو مشيت المستشفى يدك مكسورة عندك ملاريا عندك اي حاجة بتدخل في اطار الايمرجنسي ميدسن
حتلاقى الزول البيعالجك
و لو لاقيتو برا برضو حتلاقاهو حيعالجك لو تحت نور الشارع

امجد يا صديقي
انت زول مصدق عندي بعد كلامك الفوق ده

ولانك مصدق عندي


من حقكم تضربوا


والله النصيحة لي الله حالتكم اخير منها نحن

تحياتي ليك ولي فردك المضربين
وبالتوفيق ياخ

المهم كان في زول مواطن ساكت اتضرر من الاضراب ده
ياني شايل حسكم هنا في المنبر ده

سلامات مرة تانية يا وليد...

أنا ما عندى تفاصيل بالساعات المعتمدة والأوفر تايم هسا بس عايز
أضرب ليك مثل بى حالتى لما كنت شغال إمتياز فى المستشفى التركى
كنت غير الساعات العادية بشتغل نبطشيتين فى الإسبوع يوم الأحد ويوم
الأربعاء (من تمناية صباحأ لى تمناية صباحأ none stop) عارف كانت الساعة
بى كم? ألف ونص (بى القديم) يعنى أزيد حبة من نص دولار فى الساعة. يعنى
أقل من ساعة عامل اليومية والبغسل العربات وسواق الحافلة وبتاع الورنيش.


والله يا وليد كان عندى صاحبى كان بعول أمه وأخوانه الصغار وهو طبيب
إمتياز فى مستشفى الخرطوم كان بشتغل سواق أمجاد مع شغله كطبيب عشان
يقدر يوفى بى إلتزاماته عارف الزول هسا فى الإمارات ما عارف مرتبه كم هسا لكن بأى حال ما بقل من تلاتة مليون.

ولي يا شفت
ازيك وازي اولادك ... والبركة فيكم في ايداهور ( برة الموضوع ) .

اولا انت حكمت قبل ان تعلم ما هي دواعي الاطباء للاضراب وهل ستكون هناك تغطية ايام الاضراب ام لا ؟
حكمت بقدنفة الاطباء وانو مافي داعي للاضراب وانو من سيتاذى هو الشعب وليس الحكومة ..... ولكن يا صديقي الحكومة لا تأتي الا بلوي الدراع وهو اسلوب علمته الحكومة باجهزتها الكثيرة للشعب ..... فثارالبجة وثار اهل دارفور وثار النوبة ..... الاضراب كما قلت حق مشروع .. وكل تساؤلاتك هذه سيجيب عليها الاطباء الاعضاء هنا او لا قدر الله لو ذهبت لأي مستشفى ستجد من يهتم بك ويرعاك ..اضراب الاطباء في كل انحاء العالم لا يعني التوقف تماماً لأنهم يتعامون مع بشر واوجاع وامراض . يجب ان يقف معهم الشعب لا ان ( يكسر مجاديفهم ) .

لو راجعت نفسك شوية يا وليد حا تلقا الناس ديل والله العظيم مظلومين ولا يمكنهم باي حال من الاحوال ظلم الناس .

تحياتي
اسامة

اسامه يا صديقي
بتنا كيفنها وبردكم لسه في ولا نجهز ونقدم جوازنا


اها يا صديقي

Quote: اولا انت حكمت قبل ان تعلم ما هي دواعي الاطباء للاضراب وهل ستكون هناك تغطية ايام الاضراب ام لا ؟

لالا ابدا
الكلام ده ليه مده مدور في بوست الاخت دينا سالت الاسئلة دي والردود كانت بتجيني بالقطارة

Quote: لو راجعت نفسك شوية يا وليد حا تلقا الناس ديل والله العظيم مظلومين ولا يمكنهم باي حال من الاحوال ظلم الناس .

اتضح الكلام ده الان يا اسامه
خاصة في موضوع المتاخرات والاوفر تايم

موضوع زيادة الراتب لازلت على موقفي .. لا ذيادة لرواتب الاطباء بدون ذيادة لكل رواتب موظفي الدولة

خالص الود

________
ما ترسل لينا زيارة ياخ

الأخ / وليد

بعيدا عن مهاترات الإتهامات و لغة السخرية (رغم أن عنوان البوست لا يخلو عنها)
إن إضراب الأطباء إن لم تكن عدالته مما يتفق عليه العدو قبل الصديق فلا مبرر أخلاقي له على الإطلاق
و سأسعى هنا لتوضيح هذه العداله بمنطق بسيط يجلي التساؤلات المشروعه حوله بلا خوض في الشخصي أو السياسي فإن وفقت أكون قد كسبت نصيرا لقضايانا و إلا إستبانت على الأقل نقاط الإختلاف ليحكم كل ذي عقل بيننا فيما إختلفنا فيه و لك كل الود و الترحاب

أولا : لماذا الإضراب الآن في هذا التوقيت و شبهة السياسي:
بعضا من تاريخ
كانت مرتبات الأطباء عام 2002 تتراوح مابين 250جنيه و 550جنيه و بعد إضراب ناجح ضمنت فيه نقاط مهمة كتحسين بيئة العمل (توفير معينات التشخيص و العلاج) و الوظيفة الثابته (بدلا عن التشريد المسنمر كلما تقدم الطبيب مهنيا) وافقت رئاسة الجمهورية على حلول وسط تنفذ على مدى سنتين.
الذي حدث أنه تم التنصل من الإتفاق بعد مكتسبات مرحلة مابعد الإضراب (المرتبات الحالية)
الإضراب الحالي
هل تعلم أن اللجنة قد أخذت تفاوض الوزارة منذ أكثر من عام كامل حول قضايا المتأخرات و توظيف الأطباء و تفعيل إتفاق 2002 و واجهت عنتا و صلفامزريا طوال هذه الفترة، و هاك مثالا له حتى لا أكون ممن يلقون الكلم على عواهنه، تنصلت الوزارة من دفع علاوة التدريب الموحدة بحجة أنها لم تستلمها إطلاقا الشيء الذي دفع اللجنه لإفحامها بوثائق رسمية توضح إستلام وزارة الصحة لكل المبالغ من المالية منذ يناير 2008؟؟ أتعتقد أن الوزارة بعد ذلك إعترفت بالحق الموثق؟ للأسف أعلن الوكيل شفويا للجنه في ديسمبر 2009 أن الوزارة لن تصرف أي شيء و طردهم قائلا :"إفعلوا ماشئتم"
هذا الحدث هو مادفع اللجنة للدعوة للإضراب في هذا التوقيت و رفع مذكرة جديدة لرئاسة الجمهورية بتصور آخر بمبرر أن الأوضاع قد تغيرت كثيرا منذ ذلك التأريخ.
و هاكم رابط بالمذكرة ستقودنا للنقطة الآتيه لأنها ليست قضية مرتبات فقط
http://docs.google.com/Doc?docid=0AdUfxz9fGFDOZGZjZDQzb...MTNjYjM5NmRtdg&hl=en

ثانيا: هل هي فعلا قضية مرتبات فقط؟؟:
لأي حركة مطلبية بالضرورة شعار يلتف حوله منسوبيها و ليس بالضرورة زبدة مطالبهم، في حالة الأطباء تم إختيار المرتب لكونه شعارا سهلا و لأن الجمهور يعتقد ضلالا أن شروط خدمة الأطباء لهي مما يولد له النجباء .
هل الأطباء يمتازون بأفضل شروط خدمة في الدولة؟
من المعروف أن وزارات الصحة و التعليم هي في أسفل السلم الوظيفي بالدولة بالنسبة للمهنيين فلا يجوز إذا مقارنة (المتعوس مع خايب الرجا) ، إن مطالبة الأطباء ببساطة تستهدف شروط خدمة تماثل شروط أواسط الوزارات المدنية (بعيدا عن العسكرية) ، نحن لا نسعى لنكون أفضل موظفي الدولة (رغم أننا قد نستحق ذلك لما نضحي به من حياتنا مما لا مجال هنا لتفصيله) . في هذا الإطار قارنوا شروط خدمة المهندسين و العدليين و القضاة و الإقتصاديين ناهيك عن الدبلوماسيين و ذوي السيادة بنا نحن الأطباء المظلومين، أعتقد أن مطالبة الأطباء بشعار راتبهم هذا مبرر بما فيه الكفاية. قد تلتبس هذه النقطه بتوقعات الآخرين عن دخل الأطباء الحقيقي و هذا ماسأتناوله الآن.

ثالثا: هل الأطباء جزارين متخمي الجيوب:
هناك وهم خطير يعمم سلوك قلة من قدامى الأطباء المتخصصين ذوي الخبرة على كل الأطباء، إن أطباء الإمتياز و العموميين و النواب و صغار الأخصائيين (و أنا منهم) بريئون من تهمة الإسترزاق و عاطلون عن إكتساب الثروات لهذه الأسباب:
1- أغلب وقتنا نقضيه في المستشفيات خارج أوقات الدوام الرسمي متابعة للمرضى بالعنابر إضافة لساعات عملنا الطويلة جدا إضافة لساعات الدرس المتواصل . فلا وقت للجري وراء العمل الخاص أصلا.
2- العمل الخاص تحتكره مافيا من قدامى الأطباء (بإعتراف الوكيل شخصيا) نعمل مضطرين أجراء عندهم بشروط سيئة أيضا و لا تسمح هذه المافيا لأي طبيب آخر بأن يتجاوز حد الفقر.
3-الإمتياز و النواب ممنوعان قانونا من ا لعمل الخاص ، الإمتياز لأنهم غير مسجلين بشكل دائم و النواب لأنهم في فترة تدريبية (مدتها 4 سنين) و هم من تعتمد عليهم المستشفيات تماما.
خلاصة الأمر غالبية الأطباء ليس لهم أي "حرباشات" و لا نخرج الزكاه!! فلا تقارنا بمصممي الصفحات بملايين الجنيهات :) "دي مشاغلة ساي ماهجوم فأنا حاصل على ماجستير علوم حاسوب بالإضافة للطب وماشغال بيه حربشة"

رابعا: هل الإضراب خصما على الشعب و لا يؤثر على الحكومة:
بما أنك ياوليد عاملت الأطباء كموظفي دولة عاديين( يتقندفون على قولك) فلماذا تحتج عندما نختلف مع موظفنا و نعلن الإضراب أو حتى نستقيل بشكل جماعي؟ للأطباء بالتأكيد وضع خاص يجب الإعتراف به، لأننا محرومون من الأجر الإضافي (OVERTIME) في لائحة الخدمة لوضعنا الخاص كمثال.
إن تغطية الطوارىء تعني تواجد الأطباء بالمستشفيات و الحرص على أن لا يضار مريض كما أوضح الإخوة
و لكن بصدق هل هناك من يعتقد حقا بأننا لم نلجأ للإضراب إلا مضطرين؟
هل هناك من يعتقد حقا بأن وزارة الصحة يمكن أن تستجيب بأي وسيلة أخرى؟
نحن مفتوحين لكل الإقتراحات لكن خبرة الأطباء عبر العقود مع الصحة تثبت بما لا يدع مجالا للشك أن سياسة أخوي و أخوك لا تجدي مع الوزارة إطلاقا.
كنا نتوقع و نحن نعلن الإضراب منذ إسبوع أن تستجيب الوزارة و لو بـ 30% من حقوقنا قبل أن يصل يوم الإضراب لنعلقه فورا و نفاوض للبقية، و قد رفعنا الإضراب أول شهر فبراير (إضراب النواب الجزئي) بإتفاق جزئي و جدولة لحقوقنا التي إستلمتها الوزارة من المالية منذ يناير 2008م و خذلتنا مع ذلك الوزارة الموقرة بعدم التنفيذ.. رسالة الوزارة واضحة "نحن لسنا أخلاقيين، إن أضربتم و أحرجتمونا أعطيناكم حقوقكم و إن صدقتم وعودنا أخلفناها ولا نستحي" !!!

هناك خامسا و سادسا و سابعا
و لكن قطعت الكهرباء قول كل خطيب!
سأعود لكم عند عودة كهربائنا العزيزة (بالخرطوم 3)
لكم التحايا العاطرة
و شكرا على المتابعة
د.محمد قرشي عباس (نائب أخصائي)

الاخ وليد

هذه المره الاولى التى اتداخل معك فيها ........

علمت انك مرشح ولا اعلم اهو جد اما انها مزحه من مزحات البورد ...

وانا مغترب ايضا ..............

وللحقيقه عده اوجه ترانا نراها بها لانه لاتوجد حقيقه واحده ......

فى السيره حين خرج عمار بن ياسر ليقاتل فى صفوف على اغتم من كان بصفوف عائشه .لان هنالك

حديث للرسول (ص) ليلسر بانه ستقتله الفئه الباغيه فما كان من جماعه عائشه الا ان نشرو

بانه قتله من اخرجه وليس من دق عنقه .....واعادت هذه الفتوى كثير من متشككين ؟؟

هكذا هو اضراب الاطباء يمكنك ان تنظر له بعين شموليه كمترشح ؟

ويمكن ان تنظر له بعين واحده بانه مطلب غير عادل وان الحكومه والوزاره بريئه براءه الئب

من دم يوسف ......

ومن يتحمل الوزر هم الاطباء ومن ساندهم ..ولك مؤيدين ولهم مؤيدين وهذا لا يطعن فيك او فيهم

هكذا هى الدنيا ......................................................................

وانا ارى ان مطالبهم عادله ...وقلت قبل ذلك حين يضرب الاطباء لا يتملصون نهائيا من علاج

الحالات الطارئه المنقذه للحياه ولكن العمليات الغير منقذه للحياه تؤجل حتى فى فتره

عدم الاضراب ....واذا عددت لك عدد اضرابات الاطباء فى السودان منذ الاستقلال سيشيب راسك

وفى الدول التى تماثلنا فقرا .........

وهذا لا يعفيك اذا رايت نفسك مظلوما ان تطالب بحقك بالوسائل السلميه واخرها الاضراب ..

كنص منصوص عليه قانونا .....

اتعلم كم يصرف نائب برلمانى فى الشهر؟

.....................................................................................

معقول يا وليد بدل السكن 52 جنيه و بدل النقل 51 جنيه .. الناس ديل قايلنك ساكن في ركشة و لا شنو ..
يعني حتي حسابات عقل ما في ..
و الله حالتك تحنن .. حقه الواحد يفكر جادي يرسل ليك الجزمة ..

..
..

سؤال ..
الشبط الاشتريته لعمر الفاروق .. كنت داخل ليهو ختة و لا شنو ..

Quote: عشان كدا الليلة لو مشيت المستشفى يدك مكسورة عندك ملاريا عندك اي حاجة بتدخل في اطار الايمرجنسي ميدسن حتلاقى الزول البيعالجك

المذكور في الاقتباس هو ما كان يجب التطرق له في مقدمة البوست ...
ليتك لو طرحت تساؤلاً عن هذه الجزئية قبل إدانة من يطالبون بحقهم في العيش الكريم اخ وليد ...
تحياتي واحترامي

Quote: المذكور في الاقتباس هو ما كان يجب التطرق له في مقدمة البوست ... ليتك لو طرحت تساؤلاً عن هذه الجزئية قبل إدانة من يطالبون بحقهم في العيش الكريم اخ وليد ... تحياتي واحترامي

مرحب ود عكاشة

ابدا التقصير من الاطباء انفسهم
ما مرقوا التقاصيل دي الا بعد الهجوم عليهم او مرقوه باستحياء


لو كان ابرزوا قضيتهم كما فعلوا الان ما كان حوجونا الكلام ده كله


الغلط غلطهم وليس غلطي

فهم المضربون وهم اصحاب القضية
المهم حصل خير

خالص الود

حميده

ترسل الجزمة يا جبان .. انت جيت هنا ما جبتها
بعدين لو عاوز ترسل ما ترسل لي فيزا


بعدين شايفك لبت من اني اقابلك واحرجك واشتري ليك شبط زي عمر

والله عمر طمعني
رسل لي السعودية كلها من هناك
هاهاهاهاهاهاهاها
الزول اتحسس شديد

فقلت دي خطة حا العب بيها مع كل مغترب


اها يا زول انا رديت ليك في البتاع بتاع الموقع داك
ورينا همتك في التصميم
يار يت لو كان الشغل في مقاس
600 بكسل في العرض
300 بكسل في الارتفاع

مرحب عمر سعد

نعم انا مترشح
وده موقعي الالكتروني هو الان تحت التشيد لكن يومين كده ستجد فيه كل التفاصيل http://www.votefuture.org/

Quote: هكذا هو اضراب الاطباء يمكنك ان تنظر له بعين شموليه كمترشح ؟ ويمكن ان تنظر له بعين واحده بانه مطلب غير عادل وان الحكومه والوزاره بريئه براءه الئب من دم يوسف ......

لا هذا ولا ذاك

انظر اليه بعين مواطن احتمال سيتضرر منه
لا اذكر اني طيلة كتابتي عن هذا الاضراب اني قلت ان الحكومة بريئة

فما تقوليني كلام ما قلته

كلامي كله عن انه الاضراب سيتضر منه المواطنين اكثر من انه وسيلة اقناع للحكومة
كانت في معلومات غائبة

وكت ظهرت تفهمنا الامر

Quote: اتعلم كم يصرف نائب برلمانى فى الشهر؟

لا اعلم
في ناس في المنبر ده قالوا 8 مليون
وفي ناس خارجه قالوا 1

المهم لو كلامهم صاح
ده صرف بزخي وكلام فاضي

د.محمد قرشي عباس (نائب أخصائي)

شكرا على الشرح الضافي

وقد اقتنعت .. على الاقل من حقكم تضربوا بسبب المتاخرات وعدم وجود اوفر تايم على الساعات الاضافية التي تعملون ... بالنسبة لزيادة الراتب لسع انا على موقفي


المهم يا دكتور
شخصيا اقتنعت باسباب اضرابكم على المجمل .. وبعد ان تفضلتم ووعدتم بان لا يتضرر المواطن منه .. اقله على المستوى الطارئ

Quote: من المعروف أن وزارات الصحة و التعليم هي في أسفل السلم الوظيفي بالدولة بالنسبة للمهنيين فلا يجوز إذا مقارنة (المتعوس مع خايب الرجا)

المهم يا دكتور
لا ضغينة .. فما نفعله انا وانت والاخوه هنا ، هو سبب وجود منابر الحوار هذه
انا ما مقتنع ...
انت تمنطقني ..
لو حجتك قوية واسبابك مقنعة
بدون مكابره اقتنع ليك
واقول ليك
ربنا يوقفك

تنبزني او تحاول تهرشني نقلبها شكلة

بالتوفيق يا زول
وتحياتي للمضربين معاك

المعز حجاز
يا زول ربنا يوقفكم ويديكم حقوقكم

المهم يا صديقي براحة على المواطنين

قريت تفاصيل امجد فوق واقتنعت


بالتوفيق يا زول

Quote: بما أنك ياوليد عاملت الأطباء كموظفي دولة عاديين( يتقندفون على قولك) فلماذا تحتج عندما نختلف مع موظفنا و نعلن الإضراب أو حتى نستقيل بشكل جماعي؟ للأطباء بالتأكيد وضع خاص يجب الإعتراف به، لأننا محرومون من الأجر الإضافي (OVERTIME) في لائحة الخدمة لوضعنا الخاص كمثال. إن تغطية الطوارىء تعني تواجد الأطباء بالمستشفيات و الحرص على أن لا يضار مريض كما أوضح الإخوة

الأوفر تايم حق لكم المطالبه به, وهو 192 ساعه للأطباء حسب افادة أمجد,
مقابل 160 ساعه للموظفين في الوزارات الأخري,

فرق 32 ساعه يعني,

أما من ناحية الطبيب موظف دوله عادي, فهو موظف دوله عادي,
وماعارفه ليهو أي وضع خاص,
طبيعة العمل لا تعطي خصوصيه,
المهندسين علي سبيل المثال بيشتغلوا في ال (Field) وناس الجيلوجيا بيطلعوا الخلاء,
وناس الكيمياء بيعرضو حياتهم للخطر من طبيعة مهنتهم,

المعني: كل مهنه عندها خصوصيتها,

وانه الطبيب بيشتغل نبطشيه وللا On call فده لا يجعله موظف دوله "غير عادي" !

ده بس بيديه الحق يطالب بال أوفر تايم,

أما عن المرتبات فمازلت عند رأيي,
الطبيب حامل درجة البكالريوس مرتبه يساوي حامل درجة البكاريوس الموظف في الدوله,
وده شئ طبيعي,
و تعديل الأجور مطالبه منطقيه للجميع ,,

اماني الامين

يديك العافية يا ستي

وكلامك سليم 100%

تسلمي

الأخت / أماني الأمين
بدئا نشكر لك موقفك المساند لشرعية المطالبة بالحقوق لكل الفئات المهنية
و لكن ...
يبدو أنك إشتممت في تسمية "وضع خاص" آثار شوفينية طبية ما أو كبراً نربأ بأنفسنا عنه، لذا لزم التوضيح
أولا : على المستوى الرسمي:
هناك فعلا لوائح تستثني الأطباء من الأجر الأضافي (الذي أوردته للمثل فقط و ليس لإعتراضي عليه) لأن طبيعة العمل تلزمك بممارسة المهنة حتى خارج أوقات الدوام و النبطشية و الـ On Call فلابد لك من المرور على مرضاك و الكشف عليهم يوميا بالعنابر للتأكد من صحتهم و لا يغنيك وجود النبطشي لأنك الأدرى بمرضاك و خططك بشأنهم، فإن طالبت بأجر عن كل زيارة (كما تمارس بعض المستشفيات الخاصة الآن مع زيارات الأخصائيين القدامى) فسنغتني بشكل فاحش !! :) ، إن هذه اللائحة وضعت لحل إشكاليات كهذه( و هي كثيرة) و ليست للظلم ، و من المفترض أن يكون حافز المستشفى تعويضا عن هذا العمل الإضافي و لكنه لا يتناسب حاليا مع الجهد المبذول كما أوضح الإخوة آنفا.
ثانيا: على المستوى الأخلاقي:
كما أن للقضاة مثلا شروط خدمة مرتفعة نسبيا لتحريم العمل الخاص عليهم و تأمينهم ماديا لئلا يجنحوا نحو الحيف و الفساد فكذلك الأطباء ينبع وضعهم الخاص ليس فقط من مشاق المهنة (التي يتجاوزنا فيها جميعا الطلبه مثلا) أو مخاطرها (العدوى التي أبتلي بها عدد منا كالإيدز و إلتهاب الكبد الوبائي) و إنما من تسميتها بالمهنة الإنسانية، فالطبيب مطالب أخلاقيا ببذل أقصى المجهود و أفضل المتاح من العلم داخل و خارج أوقات عمله لئلا يضار مريض واحد من تقصير أو إهمال أو خطأ و لعمري إنها لمسئولية كبيرة تتقاصر دونها خصوصيات باقي المهن دون غمط لأصحابها في شيء من التقدير أو الإحترام.
ثالثا: على المستوى الواقعي:
نحن للأسف لا نعامل كموظفي دولة عاديين!! فماإن نتعين برقم وظيفي كإمتياز حتى يسحب منا و نفقد مرتبنا عند إكمالنا الفترة ثم بعد الخدمة الوطنية نعين من جديد بعد مجلس محاسبة صوري الغرض منه إسقاط حقوقنا في المعاش و المرتب في الفترة التي لا نجد فيها وظائفا في الوزارة (أنا شخصيا قضيت سنة و نصف عاطلا عن العمل بعد أداء الخدمة و تعرضت لمجلس محاسبة أدانني بالغياب بدون عذر رغم أنني كنت شهريا أتردد عليهم راجيا تعييني بأي مكان من السودان، و قد عينت فعلا بعد هذا الغمط بكسلا الجميلة و أنا من سكان توتي) ثم من جديد نفقد وظائفنا عندما ننجح في الجزء الأول من التخصص لتبدأ رحلة البحث عن وظيفة نائب لتتكرر هذه المهزلة بعد النجاح و الترقي لدرجة أخصائي!!
إن الوظيفة الثابته التي يتمتع بها كل موظفي الدولة نحرم نحن منها ببساطه ( و كمان معاها قلة أدب و مجالس محاسبة للحرص على قانونية الأشياء) ، و هذا غيض من فيض مما تغص به حلوقنا فلا تحسبونا فرحين بوضعنا الخاص حماكم الله منه أبدالدهر
أخيرا كما أوضحت نحن نود فقط أن تعاملنا الدولة كأواسط موظفيها ، لا نريد أن نتفضل عليكم بشيء فقط أعطونا كما تعطوا أواسط الوزارات و بصورة أوضح : إجمع أفضل شروط خدمة بالوزارات مع أسوئها و أقسم على إثنين و أكرمونا به، بلا وضع خاص بلا بطيخ :)

الأخ /وليد
شكرا جزيلا على تأكيد مبدأ الحوار و غاية منايره أولا
و نحمد الله على أن كسبنا مناصرا (برلمانيا مستقبلا) لقضايانا التي نحسها عادلة و بعض الإحساس إثم :)
(((و مابيناتنا المرتب :) أصلا هو شعار.. و تفاصيل المطالبات في الرابط المافي زول علق عليه هي الأهم:
من حماية للطبيب و توفير لمعينات العمل و مجانية العلاج ... إلخ))

د. محمد قرشي عباس (نائب أخصائي)
كسرة:
ماتفكي لي معاك شوية تصميم صفحات أخوك كويس في الـJava لووووووووووووووول

Quote: ماتفكي لي معاك شوية تصميم صفحات أخوك كويس في الـJava لووووووووووووووول

الأماني سلامات،

Quote: الطبيب حامل درجة البكالريوس مرتبه يساوي حامل درجة البكاريوس الموظف في الدوله, وده شئ طبيعي,

أسمحي لي يا صديقة في أن إختلف مع مقتبسك أعلاه،
في كل أرجاء العام، هناك مهّن إتفق عليها الناس، بانها صاحبة الأجر الأكبر، ولها خصوصيتها التي لا تقبل المزايدة، حامل بكلاريوس الطب يدرس ستة سنين، مضافاً إليها سنة الإمتياز، سبعة سنين يا أماني، حتى يتمكّن من مزاولة مهنته، أما عداه من حملة البكلاريوس تحتاج لأربعة أعوام فقط..
ثم ثانياً طالب الطب هو طالب متميِّز، وهذه قسمة ربانية بالإضافة لإجتهاد الطالب، والطالب الذي يدخل طب الخرطوم بنسبة 90% لا يستقيم أن أقارنه وأساوية بطالب آخر دخل جامعة شندي، أو كسلا أو القضارف أو جامعة القرآن الكريم بنسبة 50-60%..
مثلاً هنا-في كندا-، المحامون هم أصحاب الأجور العليا، طالب القانون قبل أن يبدأ دراسة القانون عليه بأن يتحصل على بكلاريوس - أربع سنين دراسة جامعية-، ومن ثمّ يصبح طالب قانون، هل من العدل أن نساوي خريج القانون الذي يدرس ثمانية أعوام مع غيره من الخريجين الذين يدرسون أربعة أعوام؟
___
يا أماني أيه الأفكار الإشتراكية دي، التي لا تحفذ المجتهد والنابغ؟ لو الأمر كذلك، لماذا أتعب نفسي وأرهقها ليلاً ونهاراً حتى أصبح طالب طب، ومن ثمّ طبيب لا تتوقّف دراسته أبد العمر؟ موش احسّن ما أتعب نفس ولا أذاكر ولا إجتهد و ألعب كورة وأنوم بدري، وأجيب لي نسبة 52% أدخل جامعة القرآن الكريم وأبقى إمام جامع حلتنا، أصلي بالناس أحياءاً وأمواتاً، ومرتبي وإمتيازاتي زي مرتب وإمتيازات طبيب يفصل بين الحياة والموت، أو مهندس يعمل على تطوير حياة الناس للأحسّن والأسهّل؟

Quote: المهم يا دكتور لا ضغينة .. فما نفعله انا وانت والاخوه ها ، هو سبب وجود منابر الحوار هذه انا ما مقتنع ... تمنطقني .. لو حجتك قوية واسبابك مقنعة بدون مكابره اقتنع ليك واقول ليك ربنا يوقفك

________

كامل التضامن مع الاطباء وكل المظلمين فى بلادى

يا كوتش
اسعدنا مرورك والله

أجمل حاجة يا ولي نفسك بقا بارد شوية ونزل عليك طول بال جميل كده ....

Quote: اسامة ياصديقي بتنا كيفنها

ياتو واحدة يا ولي الكبيرة ولا الصغيرة ؟

Quote: ما ترسل لينا زيارة ياخ

لو فزت في الانتخابات بكلم نائب دائرتنا هنا يقدم ليك زيارة عشان تشوفها بتخدم الناس كيف .. والله تتحير ايميل وتلفون ومكتب اربعة وعشرين ساعة بدون كلل ولا ملل بل بالعكس لمن تتصل ولا ترسل اول حاجة بتقول شكرا على ثقتك .

الأخ وليد
الحمد لله إنك اقتنعت بي إضراب الأطباء أخيراً وحقيقة كنت مستغرب لربطك بين إضراب الأطباء والانتخابات مع العلم بأنك أضربت أيضاً أيام الانتخابات بوصفك في التعليم العالي !!!!
فلنفرض أن الأطباء أضربوا من أجل زيادة المرتب فقط ألم يضرب دكاترة التعليم العالي الذين يصرفون مليونين ونصف من أجل 10 مليون بدل تذاكر ؟

إدانة إضراب الأطباء بوصفه (قندفة) تتطلب منك أيضاً إدانة إضراب التعليم العالي واضعاً في بالك أن مرتب أمجد المذكور أقل من مرتب مساعد تدريس في التعليم العالي !

وبالمناسبة لا يوجد إضراب ليس فيه ضرر

صفة رئيسية من صفات الكوز المنبري هو الاشادة بالنظام والتبشير له بعدة طرق أحيانا بشكل خجول وأحيانا أخرى بشكل مفضوح.

وهذه الصفة تمكنك من معرفة نوعية الكوز:


1. كوز.
2. كوز أمنجي.
3. كوز مفضوح.
4. كوز متستر.
5. كوز مقدود.
6. مغفل نافع.
7. كوز متعاطف.
8- و الاشياء المشابهة



يجب فضح جميع الكيزان وبعض المندسين الجبناء.
أنه لمخجل جدا أن يدعي البعض الوطنية وهم يقفون مواقف المتفرجين


ومعا لكشف عصابة مافيا الانقاذ وجميع المأجورين

صفة رئيسية من صفات الثقيل المنبري هو الدخول في كل البوستات مهما كان موضوعها رياضي سياسي إقتصادي
وهذه الصفة تمكنك من معرفة نوعية الثقيل:
1. ثقيل.
2. ثقيل مُغفل.
3. ثقيل مفضوح.
4. ثقيل و دمو تقيل.
5. ثقيل و أهبل.
6. ثقيل غير نافع.
7. ثقيل عبيط جداً.
8. و الثقالات المُشابهه
يجب فضح جميع الثقلاء وبعض المتثاقلين الهبلاء.
أنه لمخجل جدا أن يدعي البعض خفة الدم وهم يقفون مواقف المتفرجين


ومعا لكشف كل الثقلاء و العبطاء و الهُبل

معاً يا معشر الاطباء من اجل اسقاط المرشح الشفت
حملة اسقاط المرشح وليد محمد المبارك " الشفت " عضو المنبر العام

لماذا اضرب؟؟
1.اضرب لانني اطالب برقم وظيفي ثابت حتى لا اتعرض لما يشبه الفصل التعسفي بعد انتهاء فترة الامتياز واواجه بواقع العطالة
ووعود الوزارة بقوائم انتظار التعينات التي تظل تحت بند (سوف) واعطاء
رقمي الوظيفي لطبيب اخر جديد
2. اضرب لانني غير راضية عن راتبي الذي لايكفي حتى لسد تكاليف وصولي لمكان عملي يوميا ناهيك عن كفل المعيشة الكريمة لي او لاسرتي
3. اضرب لانني اريد فرصة جيدة للتدريب والتعلم حتى اكون مفيدة في كل موقع او وظيفة اشغلها.. لا ان اتحول الى عامل سخرة بدون تعريف واضح لحدود وظيفته
4. اضرب لانني ارى ان توفير سكن صحي وصالح لي ولزملائي هو من صميم حقوقي اثناء العمل
5.اضرب لانني ارى ان من حقوقي كبيب توفير وسيلة ترحيل تنقلني من مكان عملي الى مكان سكني والعكس.. وارى انني اولى بذلك بكثير من موظفي البنوك او المؤسسات الحكومية الاخرى فانا ارى ان طبيعة عملي تتطلب حضوري الى مكان عملي في زمن مضبوط حتى لو كان هذا الزمن الساعة 12 منتصف الليل
6. اضرب لانني اطالب وزارة الصحة بأن تكفل حق حمايتي اثناء عملي من كل المخاطر
7. اضرب لانني اطالب بحقي بان تكفل لي وظيفتي كل سبل الوقاية من الامراض المعدية وان تكفل لي حق علاجي منها ايا كان شكل المرض
8. اضرب لانني لم اجد لغة حوار للتعبير عن مشاكلي مع الوزارة بجدية.. واضرب لانني لم اجد وسيلة اخرى للضغط على الوزارة لاداء واجباتها البسيطة نحو موظفيها غير الاضراب
9. اضرب لانني ارى ان الصحة من اولويات حكومات الدول التي تخدم مواطنيها بحق
10. اضرب لان من حقي الاضراب وهو حقي الطبيعي والذي كفله لي دستور دولتي
11. اضرب حتى لا اتعرض وزملائي للضغط والتهديد والترهيب اثناء مزاولتهم لعملهم الانساني
اضرب لان لدي الاف الاسباب للاضراب

هنادي احمد
طبيبة امتياز

ألاخ المكرم/وليد ,,,

Quote: عليه يا سيد فالح اي زول معين بين 90 و 2000 بكون كوز في نظرك قوم بلاش عوارة معاك

هذه الفترة شهدت اكبر عملية ابادة وظيفية واحلال العناصر الموالية انفاذا لسياسة التمكين .. وهذا اصبح في حكم المعلوم يالضرورة ...

Quote: انت هسع يا فالح شفت ليك زول منتمي للحزب ده وشغال من سنة 97 ما بقى مدير بعدين انا محل شغال ما واضح في المرتب التعليم

والله الفلاح من الله لاكن شفنا الكثيرين من الذين كانوا ينتموا لهذا الحزب و دارت عليهم الدوائر نتيجة لتضارب المصالح ..فالكثيرين منهم فقدوا مواقعهم و ضيق عليهم و سدت عليهم كل المنافذ فاصبحوا علي زجههم هائمون ...

Quote: بطل عباطة واركب عربيتك ولا رسل زول يجي يشوف حالتي كيف مدير ولا موظف عادي رسلهم يسالوا ليك مصنف شنو في الوزارة

و الله الزي بيده روحي و روحك ليس بنا عباطة ... بل هو تسائل مشروع حول من اشرأب لوظية عامة مهمة تتعلق بالتشريع القانوني ,,, فطول بالك ولا يكن صدرك حرجا كانك تصعد السماء ايها النائب البرلماني المرتقب ... فعمر الفاروق عندما سؤل في زمتة صراحة لم يتشنج و يرفس ولم يزبد او يرغي بل اوضح و اجلي و ابان ... ليتك فعلت دون اسفاف او سخرية !! لعلك تكسب صوتا لحملتك الانتخابية .. او علي الاقل لا تستعدي لك عبيطا او درويشا ,,,

Quote: الدراو ديل بتجيبوهم من وين ؟؟؟ كل يوم بكري جايب لينا عباطة صنف جديد

الدراويش ديل مواطنين في الدوله التي تتطلع لان تكون من المشرعيين لها و المراقبين و المحافظين علي حقوقها التي من بينها الحق في الكرامة الانسانية... فكيف يا هداك الله تصف احد مواطنيك بالدروشة و العباطة ؟؟؟ هذا لا يناسب الصفة الدستورية التي تتطلع اليها !!! ام انه زمن الانحطاط في كل شيئ !!!

الاخت امانى

طبيعة العمل لا تعطي خصوصيه,

نعم تعطى خصوصيه اتدرين ان تكون معرض 10 مرات من اى مهندس او اى مهنه اخرى بان تعود الى بيتك وانت مصاب بايدز او التهب كبد وبائى اقلو او او او او او

اذا هذا فقط لا يعطيك خصوصيه فما الذى يعطى خصوصيه .......................

الاخت ناهد كيفنك عسااك بخير اضراب شامل هو الحل اضراب شامل هو الحل ولتصطحبومعكم كل متضرر وامسكو فى وليد ده اول زول يا زول يا تضرب او تغترب وتهرب وذلك اهون الشرين هااهاهاهاه

...................

كسره شفت ليك قوون غنيان دايما فقط الهداف هو البيدفعو فيهو كتير انت اخترت من زمان انك تكون وراء ..هاهاهاها

Quote: في كل أرجاء العام، هناك مهّن إتفق عليها الناس، بانها صاحبة الأجر الأكبر، ولها خصوصيتها التي لا تقبل المزايدة، حامل بكلاريوس الطب يدرس ستة سنين، مضافاً إليها سنة الإمتياز، سبعة سنين يا أماني، حتى يتمكّن من مزاولة مهنته، أما عداه من حملة البكلاريوس تحتاج لأربعة أعوام فقط.. ثم ثانياً طالب الطب هو طالب متميِّز، وهذه قسمة ربانية بالإضافة لإجتهاد الطالب، والطالب الذي يدخل طب الخرطوم بنسبة 90% لا يستقيم أن أقارنه وأساوية بطالب آخر دخل جامعة شندي، أو كسلا أو القضارف أو جامعة القرآن الكريم بنسبة 50-60%..

شكرا يا ياسر طيفور...

انا حأستغل طولت البال بتاعتك حقك الانتخابات دي واقول ليك...

انت داير تقارن شغلانتا النظيفة وظريفة دي، بشغل الاطباء.... حسي انت بي جاه الكومبيوتر، بتكون شغّال أكيد في مكتب أو معمل مكيّف، حتى لو الوزارة كلها شغاله بالمراوح... بعدين الأطباء ديل هم الناس الكانوا الأوائل في الثانوي.... ناس جابوا نسب عالية، عشان كده دخلوا طب... انا وانت وانور كينج، بعد اربعة سنين طلعنا ... ديل بعد الستة السنين، بقعدوا ليهم تاني كم سنة امتياز ومرمطه... وشفتات، الواحد فيهم يكون مساهر للصباح... ومرّات يصحّوه من نومه.... ولو أم أو زوجة ما بتشوف بيتها.... موضوعنا فيه عصرة مخ صغيرونه... لكن الناس ديل بسووا في حاجات عجيبة ياخ! ومسؤوليتهم بالتأكيد أكبر من مسؤولياتنا، ومستوى الضغط في عملهم أكبر... البيبي الجاي، ادخل مع زوجتك غرفة الولادة... كان ما أغمى عليك من الخلعة، وطلعت انت زاتك اضربت معاهم.... ههههههههههههههههه... حسي انت دوامك بخلص كم، الساعة اتنين، تلاته بالكتير! بديل ناس بشتغلوا بالليل... والصباح بدري، وفي اوقات غريبة.. حياتهم الاجتماعية شبه معدومه.... !

من ناحية اخرى، مرتبك أبداً أبداً أبداً ما كافي لشخص بخبرتك... وفي وظيفة حكومية... وفي ظل غلاء المعيشة الحالي... وده بعني انه في خلل كبير في ميزان الرواتب في السودان!

مريّم بت الحسين قريبتي سلامات،

Quote: انت داير تقارن شغلانتا النظيفة وظريفة دي، بشغل الاطباء

هسي يا مريّم عليك الله دي براها موش بتستحق علاوّة إضافية للأطباء، يسمونها علاوّة " قرّف وطمام بطن وإستفراغ"؟ المقارنة/المفاضلة من أساسها غير منطقية، من العدل أن لا نفاضل إلا ما بين شيئين/شخصين، يتشابهان في كمية وكيفية العمل تحت مُخدِم واحد، حتى في حالة الأطباء ذاتهم لا تكون المفاضلة عادلة إن إختلف المُخدِم وكيفية وكمية العمل.. نحن غايتو يا مريّم زي ما قلت شغلتنا نضيفة وظريفة، قدر قريشاتنا، حامدين شاكرين، وكان لقينا الزيادة ما بناباها؛ والمسؤلية ذاتها تختلف إختلاف الليل والنهار، يعني شنو لو سيرفّر، راوتّر، أبليكيشّن،...ألخ، ما إشتغّل او مات ذاتو؟ وما بين بني آدم؟ المسؤلية ذاتها هي أحد عوامل تحديد الإجور..
___
لا زم نحن نحترم ونقدر إجتهادات ومسؤوليات الناس وقدراتهم ومساهماتهم في بناء وتطوير المجتمع..

Quote: انت داير تقارن شغلانتا النظيفة وظريفة دي، بشغل الاطباء.... حسي انت بي جاه الكومبيوتر، بتكون شغّال أكيد في مكتب أو معمل مكيّف، حتى لو الوزارة كلها شغاله بالمراوح... بعدين الأطباء ديل هم الناس الكانوا الأوائل في الثانوي.... ناس جابوا نسب عالية، عشان كده دخلوا طب... انا وانت وانور كينج، بعد اربعة سنين طلعنا ... ديل بعد الستة السنين، بقعدوا ليهم تاني كم سنة امتياز ومرمطه... وشفتات، الواحد فيهم يكون مساهر للصباح... ومرّات يصحّوه من نومه.... ولو أم أو زوجة ما بتشوف بيتها.... موضوعنا فيه عصرة مخ صغيرونه... لكن الناس ديل بسووا في حاجات عجيبة ياخ! ومسؤوليتهم بالتأكيد أكبر من مسؤولياتنا، ومستوى الضغط في عملهم أكبر... البيبي الجاي، ادخل مع زوجتك غرفة الولادة... كان ما أغمى عليك من الخلعة، وطلعت انت زاتك اضربت معاهم.... ههههههههههههههههه... حسي انت دوامك بخلص كم، الساعة اتنين، تلاته بالكتير! بديل ناس بشتغلوا بالليل... والصباح بدري، وفي اوقات غريبة.. حياتهم الاجتماعية شبه معدومه.... !

وانت ليه يا مريم ربطيها بي الكمبويتر


هسع وريني البستحق مرتب اكبر الطبيب ولا استاذ الابتدائي ؟
اها وهبة خت مرتب اخوه استاذ فوق شغال 31 سنة مرتبة اقل من مرتب طبيب امتياز احتمال كبير يكون هو الدرسه وعلمه فك الخط .. يعني جزء كبير من تفوق طبيب الامتياز ده برجع للاستاذ داك

وهم تدريس الاطفال مبادي القراية والكتابة والضغط المناتج عنه اكبر من مليون عملية جراحية


بعين هنا عندنا في السودان البولدن القابلات ما الدكاترة .. انا تلاته شفع تابعن ولادتن بالثانية
الطبيب لا يدخل الا في حالة طارئه .. او عند اجراء عملية

خلي زول يرفع ليك تفاصل مرتب قابلة عشان تندهشي

يا عمر

Quote: كسره شفت ليك قوون غنيان دايما فقط الهداف هو البيدفعو فيهو كتير انت اخترت من زمان انك تكون وراء ..هاهاهاها

والله بالغت
هاهاهاهاهاهاهاهاهاهاهاهاها
هاهاهاها

هيثم الدراو

Quote: الدراويش ديل مواطنين في الدوله التي تتطلع لان تكون من المشرعيين لها و المراقبين و المحافظين علي حقوقها التي من بينها الحق في الكرامة الانسانية... فكيف يا هداك الله تصف احد مواطنيك بالدروشة و العباطة ؟؟؟ هذا لا يناسب الصفة الدستورية التي تتطلع اليها !!! ام انه زمن الانحطاط في كل شيئ !!!

انا ارد على المباشرين بمباشرة والبوست ده شاهد
لكن من يبطنون حديثهم .ذيك كده
خلاف الردود التي يستاهلون ما عندي


اما الانحاط هو العملته واشرت ليه في البوست ده بان وصفت كل من عمل في الفترة ما بين 90 / 2000 بانه موالي
وكمان بتقول معلوم بالضرورة

عندك احصائيات تثبت ده
ولا كلام مشاطات زي البتعمل فيه منذ دخولك المنبر

Quote: و الله الزي بيده روحي و روحك ليس بنا عباطة ... بل هو تسائل مشروع حول من اشرأب لوظية عامة مهمة تتعلق بالتشريع القانوني ,,, فطول بالك ولا يكن صدرك حرجا كانك تصعد السماء ايها النائب البرلماني المرتقب ... فعمر الفاروق عندما سؤل في زمتة صراحة لم يتشنج و يرفس ولم يزبد او يرغي بل اوضح و اجلي و ابان ... ليتك فعلت دون اسفاف او سخرية !! لعلك تكسب صوتا لحملتك الانتخابية .. او علي الاقل لا تستعدي لك عبيطا او درويشا ,,,

السخرية والاسفاف انت من بادر به فردت عليك بضاعتك
اما ان اكسب صوتا او اخسره فهذا ليس همي .. همي ان يصل ما اود ايصاله .. ومن بينها عدم التفويت للمغرضين بحجة ( خليك سياسي ) والرد عليهم بما يتناسب
اسال سوالك المشروع بصورة مباشرة .. بدون الغتغته والاشارات المصاحبة ليه .. حينها ستجد اجابة مباشرة
تعمل حركاتك دي .. ما تلقى الا ما يناسبها

وليد محمد المبارك احمد عبد الكريم
مرشح للمجلس الوطني
الدائرة 12 الثورة الشرقية

!

يا ابو حسين ما تشتغل بالمكشكش ده

ده فاطي سطر
وعنده سلك عريان

مرحب الاخ احمد عمر

ما تستغرب
اضراب الاطباء واضراب التعليم العالي الاثنين استغلال للانتخابات
اما اضراب دكاترة التعليم العالي عشان تزاكر الطيران .. مدان عندي ... ولا يعني في شي .. انا موظف دولة ولست استاذ جامعي .. لا اصرف مليونين ونصف .. ولا اعطى 10 مليون عشان تزاكر


اضراب اساتذة الجامعات ( قندفة ) زيه زي اضراب الدكاترة لو كان غرضة زيادة المرتب

Quote: وبالمناسبة لا يوجد إضراب ليس فيه ضرر

ضرر من ضرر يفرق
اصابة سطحية ضرر
كسر في عظم ضرر اكبر
توقف قلب ضرر مميت

Quote: لو مشيت لي نقلتي كان خيط لي احسن من الدكتور دا

هذا بوست من أجمل البوستات التي مرت على في هذه الدورة
شكري الجزيل للأخ وليد الذي كان صادقاً مع نفسه وهو غير مقتنع بالإضراب
وكان صادقاً مع نفسه وهو يعلن إقتناعه بالإضراب وفقاً للأسباب القوية التي ساقها د. محمد قرشي عباس .

شكري كذلك للأخ الدكتور محمد قرشي عباس على ( طولة ) باله وحرصه على تفنيد حجج مخالفيه الرأى بمنتهى الموضوعية والهدوء مما أكسبه مناصرين لقضيته.
مرافعة الأخ د. قرشي عصية على التجزيئ لكنني توقفت عند هاتين النقطتين

Quote: نحن للأسف لا نعامل كموظفي دولة عاديين!! فماإن نتعين برقم وظيفي كإمتياز حتى يسحب منا و نفقد مرتبنا عند إكمالنا الفترة ثم بعد الخدمة الوطنية نعين من جديد بعد مجلس محاسبة صوري الغرض منه إسقاط حقوقنا في المعاش و المرتب في الفترة التي لا نجد فيها وظائفا في الوزارة (أنا شخصيا قضيت سنة و نصف عاطلا عن العمل بعد أداء الخدمة و تعرضت لمجلس محاسبة أدانني بالغياب بدون عذر رغم أنني كنت شهريا أتردد عليهم راجيا تعييني بأي مكان من السودان، و قد عينت فعلا بعد هذا الغمط بكسلا الجميلة و أنا من سكان توتي) ثم من جديد نفقد وظائفنا عندما ننجح في الجزء الأول من التخصص لتبدأ رحلة البحث عن وظيفة نائب لتتكرر هذه المهزلة بعد النجاح و الترقي لدرجة أخصائي!! إن الوظيفة الثابته التي يتمتع بها كل موظفي الدولة نحرم نحن منها ببساطه ( و كمان معاها قلة أدب و مجالس محاسبة للحرص على قانونية الأشياء ، )

في ظني هنا تكمن المعركة الحقيقية

Quote: العمل الخاص تحتكره مافيا من قدامى الأطباء (بإعتراف الوكيل شخصيا) نعمل مضطرين أجراء عندهم بشروط سيئة أيضا و لا تسمح هذه المافيا لأي طبيب آخر بأن يتجاوز حد الفقر.

ألا يتفق معي د. قرشي أن هذه النقطة تخص الأطباء الذين ( يحرصون ) على العمل في ولاية الخرطوم ( فقط ).
بمعنى أن الأطباء الذين يعملون في الولايات لا يعانون من ( أمثال هذه المافيات ) ؟؟؟

فاتني أن أثبت موقفي المبدئي بأن

نعم لظروف وشروط عمل عادلة ومحفزة للإنتاج والإبداع لكل موظفي الدولة

من حقهم يضربوا وان يضرب معهم العيانين زاتهم...

اي عيان عندو حبة ما يبلعا...

واي درب يغزو في اقرب لحاف...

والمرقدين يطووا اللحافات والملايات ويرقدوا في الارض...


اما انت يا وليد فمن حقك تهضرب مش تضرب...

وبعدين:


المشاكل دي كلها بدت صغيرة صغيرة وكبرت حتي دخلت فيها خشوم العالم الكتر...

ابدوها من الجنوب....اللي كان ممكن مشكلتو تحسم في البرلمان...من سنة 55
عاينوا ليها انتهت متين...؟؟؟ واتحلت بي مطالب قد تكلف السودان الجنوب كله

دارفور...بدت صغيرة...قطاع طرق هنا وهناك...ونزاعات قبلية...وحريق حريقين
لامن دخلت العالم دا كلو وفرجتو فينا...وكان ممكن تتحل في وقتها بي منصب
منصبين...وشوية شمار تنمية ...

اها الاطباء ديل؟؟؟ وزارة الصحة دي عاجزة تكلف ليها لجنة منها ومن المضربين
لبحث هذه المطالب ...وتلبية ما تستطيعه منها الآن وارجاء ما تعجز عنه...
لمستقبل الايام...يمين طبيب واحد يقول لا مافي...حا يباركوها طوالي ويمشوا
علي مستشفياتهم...اما انها ما تعبرهم خالص...فهي لن تستطيع اجبارهم علي
العمل...واذا كان في مقدورها جلب اطباء من الخارج...فذلك يعني انها قادرة
علي اكثر من تلبية هذه المطالب في حدها الادني...

الأخ عاطف عمر
بدئا نشكر لك نشكر لك وقفتك المبدئية مع الأطباء

Quote: في ظني هنا تكمن المعركة الحقيقية

كما أسلفت فالمرتبات شعار للإضراب و الوظيفة الثابتة و فرص التوظيف جزء من كثير من المعارك الأساسية لهذا الإضراب
رجائا راجع الرابط الذي أوردته سابقا لتتعرف على مجمل الصورة
http://docs.google.com/Doc?docid=0AdUfxz9fGFDOZGZjZDQzb...MTNjYjM5NmRtdg&hl=en

Quote: ألا يتفق معي د. قرشي أن هذه النقطة تخص الأطباء الذين ( يحرصون ) على العمل في ولاية الخرطوم ( فقط ). بمعنى أن الأطباء الذين يعملون في الولايات لا يعانون من ( أمثال هذه المافيات ) ؟؟؟

هذه أحد نقاط سوء الفهم العديدة حول الأطياء و أشكر لك إثارتها .. فتأمل معي في واقعها:
يعتقد الكثيرين أن الأطباء يأنفون من العمل بالولايات و يتجاهلون واجبهم المهني و الأخلاقي تجاه أهلهم في ربوع السودان
و لكن ..
أتعلمون أنه لا توجد وظائف للأطباء (خاصة الأخصائيين) بأي من ولايات السودان حتى أكثرها حوجة!!
و تفصيل الأمر أن وزارة الصحة الإتحادية ترى أن هذا شأن ولائي و وزارات الصحة الولائية تعلن أنها لا تمتلك ميزانيات كافية للتوظيف، و هاكم مثالا : في العام الماضي تخرج 20 أخصائي جلدية و تناسلية و لم يجدوا جميعا إلا وظيفة واحدة بولاية الجزيرة حتى الآن (بإعتباري أتخصص في هذا التخصص أنا ملم أكثر بالأحداث فيه مع علمي بأن هذا هو الوضع في كل التخصصات الأخرى) ، و حتى هؤلاء القلة الذين يجدون وظائف تتملص الحكومة من إلتزاماتها بدعمهم فقد أسقطت وزارة المالية متأخرات حوافز 40 أخصائبا بالولايات لعام 2008 بعد أن تم إعتمادها لهم بعقود عملهم.
من الصعب أن يمارس الطبيب مهنته بالولايات بلا وظيفة حكومية بالمستشفى خصوصا الأخصائي للآتي:
1- لن يستطيع تحويل المرضى لوحدته بالمستشفى أو إجراء العمليات و المرور اللهم إلا في القطاع الخاص الضعيف بالولايات.
2-الإنقطاع عن الخرطوم يكون خصما على الترقي العلمي للطبيب و حضوره في الأنشطة الطبية الثرة بالعاصمة.
3-الإعتماد على العمل الخاص بالولايات يحرم الطبيب من التدرج الوظيفي بالوزارة و التأمين الصحي و .. إلخ
هذا يترتب عليه الآتي
لا حوجة لوجود مافيا (وهي في طور التشكل بالمدن الكبيرة) فشروط العمل و ندرة الوظائف و عدم منطقية العمل الخاص في غياب الوحدة Unit بالمستشفى يجعل من الولايات خيارا غير مرغوب فيه حتى تتغير سياسة الدولة و توفر وظائف محترمة للأطباء هناك أسوة بجيوش المحافظين و ذوي السيادة الآخرون.

Quote: 1- لن يستطيع تحويل المرضى لوحدته بالمستشفى أو إجراء العمليات و المرور اللهم إلا في القطاع الخاص الضعيف بالولايات. 2-الإنقطاع عن الخرطوم يكون خصما على الترقي العلمي للطبيب و حضوره في الأنشطة الطبية الثرة بالعاصمة. 3-الإعتماد على العمل الخاص بالولايات يحرم الطبيب من التدرج الوظيفي بالوزارة و التأمين الصحي و .. إلخ

د.ناهد، وزملاءها!

دي مأسااااااااااااة!

ومعاها بتجي الجهجه لناس الولايات، لما يمرض ليهم زول... !

Quote: اما انت يا وليد فمن حقك تهضرب مش تضرب...

شكرا عاطف عمر
يديك العافية و اسعدنا مرورك

مافي شي بخليني اغمط الاطباء حقهم.. ومافي بخليني ادافع عن حاجة ما مقتع بيها

ياسر طيفور ياصديق,
سلامات,

Quote: أسمحي لي يا صديقة في أن إختلف مع مقتبسك أعلاه، في كل أرجاء العام، هناك مهّن إتفق عليها الناس، بانها صاحبة الأجر الأكبر، ولها خصوصيتها التي لا تقبل المزايدة، حامل بكلاريوس الطب يدرس ستة سنين، مضافاً إليها سنة الإمتياز، سبعة سنين يا أماني، حتى يتمكّن من مزاولة مهنته، أما عداه من حملة البكلاريوس تحتاج لأربعة أعوام فقط.. ثم ثانياً طالب الطب هو طالب متميِّز، وهذه قسمة ربانية بالإضافة لإجتهاد الطالب، والطالب الذي يدخل طب الخرطوم بنسبة 90% لا يستقيم أن أقارنه وأساوية بطالب آخر دخل جامعة شندي، أو كسلا أو القضارف أو جامعة القرآن الكريم بنسبة 50-60%..

ياسر شكرا ياخ,
جيتني في حتتي العايزه زول من قبييييل يكتبها لي لووووووول

قلت لي طالب الطب بجيب 90% وهو طالب مجتهد؟
لووووووول
الكلام ده كان سنة كم ؟

ياياسرنا الذي بتورنتو, طالب الطب في الخرطوم الأنا قاعده فيها دي,
بجيب 60% وبيقرأ أجدعها طب,
انت ما قالوا ليك قراية الطب بقت أسهل حاجه في السودان الزمن ده؟
تدفع تقرأ طب زي الترتيب, وكان عايز في جامعة الخرطوم ما في أي مشكله,
تدفع بالدولار وتقعد في الكنبه الأولي طب طوالي ,

ده غير جامعة شنو كدا, وكلية شنو كدا الطبيه, (أجيب أسامي وللا ما في داعي)؟
أها ديل ما عليك الا تكون عندك ملايين وتقرّي فيها أيييي زول طب,
انت ده لو هسي جيت السودان, من غير ما تمتحن شهاده تاني, لو مشيت ليهو قلت ليهم بدفع ليكم تقروني طب,
تأمر بس يا ياسر, وطلبك مجاب !!

وأنا المريض (لاقدر الله) لما أمشي للطبيب العمومي "المضرب" ده ما بختار أقول ليهم عايزه من أبو 90%,
بجيبو لي من طرف ويا صابت يا خابت,
انت قايل كوارث المستشفيات والأخطاء الطبيه دي من شويه؟

ثم ثانيا, انت 90% دي مش لغاية قريب ده كان بجيبها أول السودان براهو؟
الاتغير شنو في الدنيا عشان الناس دي بقت تجيب 99%؟

نسبة الذكاء عند الشباب الجداد ديل ذادت عن أغبياء السودان الزمان وللا شنو؟

حأواصل معاك,

ياسر ومريم بت الحسين,
بما انو فكرتكم واحده فأسمحوا لي أرد ليكم مع بعض,

Quote: يا أماني أيه الأفكار الإشتراكية دي، التي لا تحفذ المجتهد والنابغ؟ لو الأمر كذلك، لماذا أتعب نفسي وأرهقها ليلاً ونهاراً حتى أصبح طالب طب، ومن ثمّ طبيب لا تتوقّف دراسته أبد العمر؟ موش احسّن ما أتعب نفس ولا أذاكر ولا إجتهد و ألعب كورة وأنوم بدري، وأجيب لي نسبة 52% أدخل جامعة القرآن الكريم وأبقى إمام جامع حلتنا، أصلي بالناس أحياءاً وأمواتاً، ومرتبي وإمتيازاتي زي مرتب وإمتيازات طبيب يفصل بين الحياة والموت، أو مهندس يعمل على تطوير حياة الناس للأحسّن والأسهّل؟

زي ما قلنا 52% دي ذاتها بتدخلك طب لو قروشك كتار,
ودي بصراحه عموما ما طريقة تفكير سليمه,
لأنه الفيصل في سوق العمل ما انت جبت كم في الشهاده السودانيه,
ولا انت اتخرجت بتقدير شنو,
دي تفاصيل أكاديميه بتنفعك لما تجي تحضر, وبتساعدك في ايجاد وظيفه,
لكن الفيصل الحقيقي اجتهادك وأداءك في مهنتك,
هل أي زول قرأ 8 سنين قانون في أمريكا ياياسر بقي محامي مرموق؟ خليها مرموق محامي شاطر؟ محامي ناجح؟
ياما أوائل دفع في سوق العمل بيكون الزول "الماري مرور الكرام" أنجح منهم بمراحل,

طيب طبيب الامتياز وللا الطبيب العمومي,
ده لسه عمل شنو في حياتو العمليه عشان يطالب بأجر أعلي من خريج البكالريوس دفعته,
بعدين منو القال ليك ياياسر نحن بنقرأ أربعه سنين؟
بنقرأ خمسه سنين يا سيدي, أها ناس طب فرق السنه السادسه ده عايزين عليهو "أوفر تايم" وللا شنو كمان؟
طيب أهو طب الجزيره وكم طب تاني كده, خمسه سنين, أها ديل دكاتره وللا عندك رأي؟

قول بنقرأ أربعه سنين يا ياسر, فهم انه في مهنه أحسن من مهنه, وللا مهنه أخطر ده فهم نمطي جدا منك,
كل مهنه عندها اسهامها وخطورتها ومخاطرها, وعامل البناء البيكون صايم رمضان وبيبني في مبني في عز الشمس عز الصيف,
معرض لخطر أكتر من الطبيب القاعد في مكتب مكيّف وصاري وشو للمرضي,
كل مهنه ركيزه في المجتمع لو غابت المجتمع بتضرر, ابتداءا من العامل البسيط لغاية الوزير,
ماتخلوني أكتب مخاطر كل مهنه هنا :)
وقصة جايب 90% وقريت سته سنين, دي في سوق العمل Meaning less
نجاح الطبيب في عمله من الصعب الحكم عليه وهو يادوب طبيب عمومي,
لما يمشي لقدام لو اجتهد ومشي صاح في دراسته حيلقي مقابلها ترقيه,
زي كل الوظائف الحكوميه الأخري,

عايزين تعالجوا مشكلة المرتبات, الموظفين كلهم متضررين,
وبيستحقوا النظر في أمرهم,

---
بعدين سؤال, انتو الممرضين ديل ما قاعدين يشوفوا ناس بيستفرغوا وبيموتوا؟
مابيشتغلوا نبطشيه؟
وللا عشان ما جايبين 90%؟
أنا بعرف ناس قارين تمريض وصحه عامه بنسب أعلي من كليات طب كتيره,
ديل يشملهم تذمّر الأطباء ده ولا ما معاهم؟

يا أطباء السودان الجدد,
طالبوا بحقوقكم لكن بلاش حكاية موظف غير عادي, ومهنه حساسه وماعارفه شنو,
والبتقولو عليهم ديناصورات ومحتكرين العمل الخاص ديل بيحقهم,
ديل الدكاتره زمن الطب عمله نادره, وفيهم زي بروف داؤود اللي لغاية ما اتوفي ما كان عنده عياده خاصه,
لكن دكاترة الزمن "الفيهو الطب همله ده" ,لما يادوب اتخرجوا قبل كم سنه وبيتعاملو في المستشفيات زي الزفت,
وأخطاؤهم أكتر من عددهم, وكمان يقولو عايزين وضع خاص !!!!!
بنقول ليهم "ذبحتونا" ..

Quote: جيتني في حتتي العايزه زول من قبييييل يكتبها لي لووووووول

يعلّم الله يا الأماني، ده شرّك أخونا محمّد E سليمان الذي بالسعودية ما نصّبو، ده كجامة عديل يا أماني، لو ما كتلك بشيل معاهو كراع ولا يّد، وعليه:

كلامي الفوق ده غير معني به أي طبيب وطبيبة وجّد طريقه للطب عن طريق القبول الخاص بكل أصنافه، أقاليم، مجاهدين، منافقين، وغيرهم من الطرق الغير شريفة، او دخل الطب بماله، أو بواسطة، أو عن أي طريق ملتوِ آخر، او درس الطب بكلية من "الكلالي" المنتشرة في الأقاليم..
وبالواضح موقفي يدافع عن الناس الشطار وأذكياء ومتفوقين من الإبتدائي حتى الجامعة..
__
لكن برضو ما ننسى في حالات، قد تكون قليلة، دخلت للطب بمالها، أو تعثرّت أثناء إمتحانات الشهادة السودانية، لمرض او لسبب آخر حال دون حصولها على درجة تمكنها من دخول الخرطوم او الجزيرة او جوبا، وقد يكون عندهم البوتنشيال في انو يكونوا أطباء مهرّة وناجحين..

___
لو في زول دخل الطب من مجال أدبي الرجاء مقابلتي بالمكتب

يا ياسر

بالمناسبة
في السنوات الاخيرة
اوائل السودان بدخلوا هندسة كهرباء الخرطوم .. اغلبهم

وكمان نسبة الدخول في القبول العام في هندسة كهربا بتكون اعلي
وبعده هندسة بترول


انت قدييييييييييييييييييييييييييييييييم
لمن كتابتك طالع منها تراب

هسع وريني البستحق مرتب اكبر الطبيب ولا استاذ الابتدائي ؟

Quote: هسع وريني البستحق مرتب اكبر الطبيب ولا استاذ الابتدائي ؟[/Q الاخ المرشح وليد كلامك ده سليم ميه فى الميه هل تعلم انو فى (هولندا) حسب قول صديقى انو اعلى مرتبات وحبره تكون لاساتذه الابتدائى وده كلام سليم واستثمارى درجه اولى مش يجيبو لى زول سقط من الابتدائى للعام يبقى مدرس ابتدائى يا حليل التعليم يا وليد .................. تعرف يا وليد البوست ده براحه لو عاينت ليهو بعين مرشح بتلقاهو برنامج عمل وبرنامج انتخابى .. لكن بشوفك مواقفك فى البوست ده مذبذبه يجيك واحد ناطى يخليك تتنصل من رجوعك المشرف والوقوف مع الاضراب حسب افادات امجد ود ناهد فلا تدع ارائك لهوى المنتقدين والكاوايييين تعرف يا وليد ليس للاضراب الاطباء علاقه بالانتخابات لان المشكله قديمه ومستفحله الرجاء قراءه المطالب وبدايه تاريخ المكاتبات مع الوزاره ستجد ان الحق حق بل من يقولو ن بانه موقف سياسى هم من يريد تسيس القضيه ولتعلم الاضراب يشمل كل الوان الطيف السياسى حتى المؤتمر الوطنى فيكون سياسى كيف ضد منو الا كان ضد المرشح وليد هاهاهاهاهاهاهاهاهاهاهاهاهاههااهاه بعدين لمن تنجح عايز منك طلب تعينى مدير مكتب قلت شنو .؟

---

Post: #103 Title: Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم Author: وليد محمد المبارك Date: 03-15-2010, 01:34 PM Parent: #102 مرحب حبيبنا عمر سعد Quote: لكن بشوفك مواقفك فى البوست ده مذبذبه يجيك واحد ناطى يخليك تتنصل من رجوعك المشرف والوقوف مع الاضراب حسب افادات امجد ود ناهد فلا تدع ارائك لهوى المنتقدين والكاوايييين ومالوا اذا جاء زول بمعلومات اكيده نفيد خلاف الكلام القالوه امجد وناهد ... مافها شي يعني القصة كلها بيانات ومعلومات ومدي صدقيتها زمان كانت المعلومات غايبة عني عشان كده كنت ضد الاضراب عندما توفرت لي المعلومات عبر الاخوان فوق ... ما خجلت اغير موقفي لانه موقفي ما مبني على دوافع شخصة او حزبية او خلافه الحكاية يا عمر قناعات .. والدكاترة فوق شرحوا قضيتهم .. واقنعونا ... خصوصا الحته بتاعت الاوفر تايم والمتاخرات .. بالنسبة للمرتب لسع انا عند رائي لكن حتى الاوفر تايم والمتاخرات اعتقد انها كافية انهم يعملوا اضراب لانه مافي زول بشتغل ملح مفروض الحكومة تدي الناس قروشا طالما انها بتشغلها فوق للساعات المعتمده ودي

---

Post: #104 Title: Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم Author: مريم بنت الحسين Date: 03-15-2010, 02:01 PM Parent: #101 يا اماني ازيك.... يا ستي... دخلوا بي 49%... دي انا اصلي ما بغالطك فيها... لكن، that applies to all disciplines التردّي الحصل، حصل لكل فروع التعليم، ما للطب براه.. رغم انه أثره في الطب بكون أكعب... بعداك السيستم كلّه فيه خلل... ده ما مربط الفرس، والحقيقة المفروض الاتخرج من كلية وين كده ما بعرف، ما يساووه مع الدخل جامعة الخرطوم... البدخلوا قبوا خاص، ما يتساووا مع الناس الاتقبلوا بعرق جبينهم.... لا من ناحية راتب، ولا رتبه، ولا سنين تدريب ولا غيره.... بعدين مطالب الدكاتره لتحسين ظروف العمل، والتدريب تصب في نفس الاتجاه..... وبرضه، احنا اتكلمنا عن انهم الشاطرين، وكده... ده ما السبب الرئيسي... السبب الرئيسي، انه الزول اتخرّج خلاص، بقى في يدّه مسؤولية حياة زول او موته.... المشرف عليه عشان يقدر يتابعه كويس، وما يقعد يتجارى بالعيادات، مفروض يكون مرتبه كافي... بالاضافة إلى كده، الزول ده بييييييي 49% دي، بعمل في حاجات صعبة، وبدخلوا في دوامات ودوّمات... وقرف شديد... وشغله صعب، ومتطالباته أصعب..و وضغوطاته، كبيرة.....التعويض ده، عن الطبيعة العمل... أم الخلل في التعليم في السوداني، فده نقول عنّه "موت الجماعة".... بقولوها كيف بالفرنسي؟ ;)

---

Post: #105 Title: Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم Author: ناهد محمد الحسن Date: 03-15-2010, 03:22 PM Parent: #104 قائمة العار --- إنظروا من يقف ضدكم أيها الأطباء الآن إفتعال أحداث عنف بإجتماع الإضراب و الأطباء يحسمون المأجورين

---

Post: #106 Title: Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم Author: ناهد محمد الحسن Date: 03-15-2010, 04:40 PM Parent: #105 الشرطة تتدخل لفض سرادق الأطباء بالميز بلا مبرر قانوني

---

Post: #107 Title: Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم Author: smart_ana2001 Date: 03-15-2010, 06:00 PM Parent: #106 امانى الامين....ينصر دينك. قلت اى حاجه عاوزه اقولها فى البوست دى. الدكاتره فى الدنيا دى كلها بيتعبوا فى البداية....فى امريكا ما فى دكتور بيحلم بماهية مهندس اول ما يتخرجوا من الجامعة. لكن ما فى مهندس بيحلم بماهية دكتور بعد حوالى 10 سنين فى الشغل. عادى اتعبوا هسى و بترتاحوا بعد شوية. مريم صحبتى و ياسر تيفور فى حاجه اسمها عرض و طلب....يعنى...ما فى زول بيدوه مرتب كويس عشان شغلوا حساس او مهنة خاصة. ابدا. لو فى مليون طبيب و فى حوجة ل 500 الف بس* . اكيد الحكومة ح تعمل فيهم كده. المواهى بتحدد بكمية الناس اللى بيمارسوا المهنة . لو كانوا شوية.. ح ياخدوا مواهى عالية. اذا كانوا كتار-ذى الاطباء فى السودان الان- ح تطلع عينهم. السبب الوحيد فى ان الاطباء فى امريكا - مثلا- مواهيهم عالية هو انهم عملة نادره و كل المستشفيات بتفتش على دكاتره. _____________________________________ * فى السودان اكيد محتاجين لدكاتره . لكن المشكلة فى امكانية الوزارة فى توظيف كل الناس ديل

---

Post: #108 Title: Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم Author: ombadda Date: 03-15-2010, 06:22 PM Parent: #107 Quote: عادى اتعبوا هسى و بترتاحوا بعد شوية. 12 سنة ومنتظرين ... أعتقد تقصدى نرتاح فى الاخرة... -------------------------------------

---

Post: #109 Title: Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم Author: smart_ana2001 Date: 03-15-2010, 06:30 PM Parent: #108 سلامات د امبده Quote: عادى اتعبوا هسى و بترتاحوا بعد شوية حقيقى انا اسفه لى الجملة دى. ما كان فى ليها داعى uncalled for لكن ذى ما قلت فى نهاية المداخلة الموضوع عرض و طلب. اما حكاية ان الاطباء امورهم بتمشى كويس فى النهاية دى واقع شايفنوا كلنا من الاطباء الكبار حولنا. ما شاء الله.

---

Post: #110 Title: Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم Author: ombadda Date: 03-15-2010, 07:01 PM Parent: #109 فى الولايات المتحدة طبيب الامتياز أو الخريج الجديد المتدرب بيسمى Resident ودة مرتب كالاتى حسب: (الراتب السنوى) RESIDENCY Resident - The Bottom of The chain 1st Year (PGY1): $34,000 - $45,000 2nd Year (PGY2): $37,000 - $47,000 3rd Year (PGY3): $38,000 - $49,000 مقارنة مع راتب أخصائى باطنية فى نيويورك: New York: $170,000 (خمسة أضعاف راتب المتدرب) ... وجماعتنا ديل يتغالطوا فى 250 دولار راتب طبيب الإمتياز و350 دولار راتب الأخصائى...(الراتب الشهرى) الناس دى ما بتطالب بى رغد العيش والرفاهية الناس دى بتطالب فى شىء يستر حالا وحال أسر.... Quote: إن المطلب الأساسي يتمثل في تحسين بيئة العمل وشروط خدمة الأطباء خاصة زيادة راتب الطبيب الذي يتراوح حاليا مابين 550جنيه للإمتياز و 750جنيه للأخصائي، إن هذا الراتب المخزي لا يكاد يقيم أود الأطباء رغم ظروف عملهم الصعبة و إلتزاماتهم الجمة. إن شروط خدمة العاملين في الوزارات المدنية الأخرى تتجاوز هذا السقف بكثير الشيء الذي يشي بهوان هذا الطبيب السوداني على الدولة.

---

Post: #111 Title: Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم Author: Elmuiz Haggaz Date: 03-15-2010, 07:26 PM Parent: #110 Quote: الناس دى ما بتطالب بى رغد العيش والرفاهية الناس دى بتطالب فى شىء يستر حالا وحال أسر.... شكرأ د.أمبدة... Quote: لكن دكاترة الزمن "الفيهو الطب همله ده" ,لما يادوب اتخرجوا قبل كم سنه وبيتعاملو في المستشفيات زي الزفت, وأخطاؤهم أكتر من عددهم, وكمان يقولو عايزين وضع خاص !!!!! بنقول ليهم "ذبحتونا" .. سلامات الأخت أمانى الأمين.. ما بتفتكرى إنه كلامك دا جارح وفيه تعميم مخل? حقيقة إستغربت صدوره منك. إحترامى.

---

Post: #112 Title: Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم Author: مريم بنت الحسين Date: 03-15-2010, 07:26 PM Parent: #110 سمارت ازيك وليد ده بقارن بين مرتبه هو، وبين مرتب طبيب كمّل خمسة سنوات، ووصل لمرحلة نائب أخصائي... قصة العرض والطلب هنا ما وارده، لسبب بسيط، إنه المفاضلة (المفروض) تحصل على اساس الكفاءة، ودي بتحكمها الجامعة، التدريب، الدرجات والمستوى الأكاديمي.... يعني لما يكون عندك 100.000 طبيب، منهم 90.000 ما مؤهلين، معناها انت عملياً عندك 10.000 ... الزيادة ديل، منهم البفتش للواسطة ويدخل، ومنهم البخلي الطب كله كله! ... ويفتش عن الرزق في اتجاه آخر... في النهاية الوزارة عندها capacity معينة عشان تعيّن عدد معيّن.. ما بهم كم العدد القاعد، البهم انا محتاج كم... وبالتأكيد انا عايز المؤهلين.... لو قريتي تفاصيل البوست ده، بتلقي المسألة موش عدم تمكّن من وزراة الصحّة، حتلقي المسألة فيها حقوق ضايعة في النص، وقروش وبدلات ما معروفة مشت وين... انت بتقارني بالولايات المتحدة العندها نظام ضمان اجتماعي، والمستشفيات عندهم تأمين على الأطباء، في السودان الاطباء ما عندهم ده كله..... المسألة ما مرتب، المسألة الأكل والشراب العديل ده...

---

Post: #113 Title: Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم Author: smart_ana2001 Date: 03-15-2010, 08:10 PM Parent: #112 مريم ...كيف حالك? انا ما بقول الاطباء مرتاحين و ما عندهم مشكلة و ما مفروض يشتكوا. ابدا. بس انا شايفه ان الاطباء فى السودان بتاعنا ده, اللى فيه كل شئ جايط, شنو البخلى حال الاطباء الكويس ? و صدقينى موضوع العرض و الطلب ده وارد فى اى حاجه فى الدنيا. عاينى للمهندسين - الان- فى السودان. خريج هندسة بيشتغل بمرتب ابتدائ حوالى مليون جنيه. بالبكلوروس بس. عارفه ليه ? لانه مع البترول ظهرت حوجه للمهندسين.

---

Post: #114 Title: Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم Author: Haytham Mansour Date: 03-15-2010, 08:59 PM Parent: #112 ألاخ المكرم/وليد محمد المبارك ,,,, Quote: مقارنة دخلك بالاطباء هي مقارنة مع الفارق... فالمرتبات علي حسب علمي يحددها القطاع الوظيفي و الدرجة الوظيفية و المؤهل الاكاديمي ...حسب اللوائح وقوانين العمل المعروفة ولكن هنالك اشياء اخري منظورة وغير منظورة ... اذ ان هناك راتب رسمي واخير غير منظور يتحدد وفق مدي الانتماء و الالتزام السياسي ... ثم انك بحسب افادتك قد توظفت في عام 1997 (العشرية الاولي من عهد المثفبة) وانت من مواليد 1974 حسب البروفايل ..يعني انك توظفت و انت عمرك 23 سنة !!! وفي وزارة التعليم العالي !!! واستاطك عفوا اقصد بركاتك يا شيخ وليد... مزيد من الشفافية... تعني ... مزيد من المصداقية تحياتي ,,, أعلاه كانت مداخلتي لك في هذا البوست الذي افترعته انت لتبخيس اضراب الاخوة الاطباء ...بينت من خلال المداخلة عدم استقامة المقارنة بين دخلك و دخل الاطباء ... ثم استهللت السانحة لممارسة حقي المشروع في استنكاه الانسان خلف اسم وليد محمد المبارك ..هذا الحق يسمي يا هداك الله بــ(الجرح و التعديل) ...الزي لفت انتباهي هو موقفك القاطع بان (اضراب الاطباء قندفة لا اكثر ولا اقل ) دون ان تورد الاسس التي انبني عليها هذا الاستخلاص !! سيما ان هذا الموقف صادر من شخص يري في نفسه الكفاءة لينوب عن الشعب اممارسة سلطة التشريع والرقابة... فاستعجبنا لظروف توظيفك ! فعزوناها الي البركات و الواسطات و هي لا تخرج من ذلك باي حال ... و دار في خلدنا ان موقفك هذا قد يكون استيفاء دين ماء او دفع عربون ماء تقية او ولاء و كله وارد ,,, خاصة و ان هنالك نظرية بدأت سماتها تتجلي ...مفادها ان العصببة الحاكمة و في سبيل ضمان اغلبية مريحة لها في البرلمان القادم انزلت كثير من عضويتهاالمعلنة و غير المعلنة كمستقلين بسيناريوهات مختلفة .. بحيث تكون نسبة المقاعد التي سوف تدعي العصبة الظالمة الحصول عليها بالاضافة الي نسب كوادرها من المستقلين بالاضافة الي المتوالين معهم من الاحزاب الكرتونية تأمن لها الاغلبية المطلوبة.. وبهذا يتم ايجاد غطاء لعمليات التزوير الكبيرة التي تم الاعداد لها في الانتخابات القادمة..فما زادنا ردك و اسفافك بوصفنا بالدروشة و العباطةالا مزيدا من الاستفهام ...فكان بامكننا ان نرد علي ذلك باساءة اشد و امضي فالسقوط و الانحطاط لا يحتاج الي مجهود ... ولكني اعف لساني و اربأ بنفسي ان اجاريك فيما انت فيه و ارجوا ان لا يغرك ترفعنا هذا الي التمادي في هذا الاتجاه ...

---

Post: #115 Title: Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم Author: حاتم علي Date: 03-15-2010, 10:58 PM Parent: #114 Quote: فى حاجه اسمها عرض و طلب....يعنى...ما فى زول بيدوه مرتب كويس عشان شغلوا حساس او مهنة خاصة. ابدا. لو فى مليون طبيب و فى حوجة ل 500 الف بس* . اكيد الحكومة ح تعمل فيهم كده. المواهى بتحدد بكمية الناس اللى بيمارسوا المهنة . لو كانوا شوية.. ح ياخدوا مواهى عالية. اذا كانوا كتار-ذى الاطباء فى السودان الان- ح تطلع عينهم. السبب الوحيد فى ان الاطباء فى امريكا - مثلا- مواهيهم عالية هو انهم عملة نادره و كل المستشفيات بتفتش على دكاتره. سلام يا اسمارت دا ما عرض و طلب و سوق مفتوح دي حرمنة راسا عديييل كدا في يا جماعة حاجة اسمها الحد الادنى لحياة كريمة دي ما سمعتوا بيها ؟ بعدين العرض و الطلب دا حق المهندسين ما حق الدكتارة ، المهندس بيشتغل في القطاع الخاص يعني يفتح الله يستر الله ، انا بديك كدا عجبك اشتغلتا ما عجبك اقطع وشك الدكاترة لأ ، مجبووووووورين يشتغلوا بالمبلغ الحددتوا ليهم الحكومة و بعداك بيقطعوا منهم شي زكاة و شي ضريبة و شي دعم الخ..... بعدين يا اسمارت المهندس بيتصرف خرطة من هنا ، تصميم من هناك ، انشالله توقيع تصاديق ساكت لكن الدكتور دا لازم يلم قروش ما بتاكلا النار عشان يحضر بس عشان يبقى بني آدم ويعترفوا بيهوا دكتور ياللا اتخيلي الواقع دا: انسان بيشتغل 60 ساعة في الاسبوع راتبه ما فايت 250 $ شهرياً يعني بالميت كدا 60 $ في الاسبوع. يعني الساعة بي 1 $ فقط لا غير !!! اها الدولار الوحيد دا تتفتكري حايوفر منوا كم سنت في كم سنة ضوئية عشان يحضر ؟ طبعاً انتي عارفة اني مهندس ----------------------------------------------------- تعليق على الناس البتقول انوا الاطباء ما مفروض يضربوا لأسباب إنسانية !!! انتو الانسانية دي ما شاملة الاطباء ؟!! هم ملايكة ما بشر ؟ الانسان مرات بكون عندو خلل في الانسانية بالمناسبة بمعنى ان مفهومه للانسانية لا يشمل غيره

---

Post: #116 Title: Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم Author: حاتم علي Date: 03-15-2010, 11:27 PM Parent: #115 Quote: عايزين تعالجوا مشكلة المرتبات, الموظفين كلهم متضررين, وبيستحقوا النظر في أمرهم, اماني الامين ازيك بطلي ملاواة للدكتارة المضربين ديل بلا سبب لووووووول يا اماني كون ان هناك ظلماً و حيفاً مسلطاً على الكل هذا لا يسقط حق البعض في المطالبة بحقوقهم المشروعة يعني باختصار كدا الما عاجبوا وضعوا الليضرب هو كمان ما تكسروا مقاديف الناس -------------------------------------- السيد وليد الشفت سلام و تحية وشكراً على البوست فقد اسهم في توضيح مدى عدالة قضية الاطباء و بما انك مرشح انتخابي في دائرة كمستقل تبنيك لمشاكل المظلومين سيكون خير عون لك في الحصول على اصواتهم وتذكر أن : شيوع الظلم - اي المرتبات الضعيفة - لا يبرر حدوثه من الاساس تحياتي

---

Post: #117 Title: Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم Author: ناهد محمد الحسن Date: 03-16-2010, 01:04 AM Parent: #116 الأخ/ حاتم علي أشكرك كثيرا أنت و الآخرين على وقفتك الكريمة فقد كفيتني الكثير من الرد و قد رددت سابقا على الأخت أماني و لكن يبدو أنها لم تلحظه بعد و لأهميته أكرره مرة أخرى هنا Quote: الأخت / أماني الأمين بدئا نشكر لك موقفك المساند لشرعية المطالبة بالحقوق لكل الفئات المهنية و لكن ... يبدو أنك إشتممت في تسمية "وضع خاص" آثار شوفينية طبية ما أو كبراً نربأ بأنفسنا عنه، لذا لزم التوضيح أولا : على المستوى الرسمي: هناك فعلا لوائح تستثني الأطباء من الأجر الأضافي (الذي أوردته للمثل فقط و ليس لإعتراضي عليه) لأن طبيعة العمل تلزمك بممارسة المهنة حتى خارج أوقات الدوام و النبطشية و الـ On Call فلابد لك من المرور على مرضاك و الكشف عليهم يوميا بالعنابر للتأكد من صحتهم و لا يغنيك وجود النبطشي لأنك الأدرى بمرضاك و خططك بشأنهم، فإن طالبت بأجر عن كل زيارة (كما تمارس بعض المستشفيات الخاصة الآن مع زيارات الأخصائيين القدامى) فسنغتني بشكل فاحش !! :) ، إن هذه اللائحة وضعت لحل إشكاليات كهذه( و هي كثيرة) و ليست للظلم ، و من المفترض أن يكون حافز المستشفى تعويضا عن هذا العمل الإضافي و لكنه لا يتناسب حاليا مع الجهد المبذول كما أوضح الإخوة آنفا. ثانيا: على المستوى الأخلاقي: كما أن للقضاة مثلا شروط خدمة مرتفعة نسبيا لتحريم العمل الخاص عليهم و تأمينهم ماديا لئلا يجنحوا نحو الحيف و الفساد فكذلك الأطباء ينبع وضعهم الخاص ليس فقط من مشاق المهنة (التي يتجاوزنا فيها جميعا الطلبه مثلا) أو مخاطرها (العدوى التي أبتلي بها عدد منا كالإيدز و إلتهاب الكبد الوبائي) و إنما من تسميتها بالمهنة الإنسانية، فالطبيب مطالب أخلاقيا ببذل أقصى المجهود و أفضل المتاح من العلم داخل و خارج أوقات عمله لئلا يضار مريض واحد من تقصير أو إهمال أو خطأ و لعمري إنها لمسئولية كبيرة تتقاصر دونها خصوصيات باقي المهن دون غمط لأصحابها في شيء من التقدير أو الإحترام. ثالثا: على المستوى الواقعي: نحن للأسف لا نعامل كموظفي دولة عاديين!! فماإن نتعين برقم وظيفي كإمتياز حتى يسحب منا و نفقد مرتبنا عند إكمالنا الفترة ثم بعد الخدمة الوطنية نعين من جديد بعد مجلس محاسبة صوري الغرض منه إسقاط حقوقنا في المعاش و المرتب في الفترة التي لا نجد فيها وظائفا في الوزارة (أنا شخصيا قضيت سنة و نصف عاطلا عن العمل بعد أداء الخدمة و تعرضت لمجلس محاسبة أدانني بالغياب بدون عذر رغم أنني كنت شهريا أتردد عليهم راجيا تعييني بأي مكان من السودان، و قد عينت فعلا بعد هذا الغمط بكسلا الجميلة و أنا من سكان توتي) ثم من جديد نفقد وظائفنا عندما ننجح في الجزء الأول من التخصص لتبدأ رحلة البحث عن وظيفة نائب لتتكرر هذه المهزلة بعد النجاح و الترقي لدرجة أخصائي!! إن الوظيفة الثابته التي يتمتع بها كل موظفي الدولة نحرم نحن منها ببساطه ( و كمان معاها قلة أدب و مجالس محاسبة للحرص على قانونية الأشياء) ، و هذا غيض من فيض مما تغص به حلوقنا فلا تحسبونا فرحين بوضعنا الخاص حماكم الله منه أبدالدهر أخيرا كما أوضحت نحن نود فقط أن تعاملنا الدولة كأواسط موظفيها ، لا نريد أن نتفضل عليكم بشيء فقط أعطونا كما تعطوا أواسط الوزارات و بصورة أوضح : إجمع أفضل شروط خدمة بالوزارات مع أسوئها و أقسم على إثنين و أكرمونا به، بلا وضع خاص بلا بطيخ :) و أيضا حول أوضاعنا Quote: Quote: ألا يتفق معي د. قرشي أن هذه النقطة تخص الأطباء الذين ( يحرصون ) على العمل في ولاية الخرطوم ( فقط ). بمعنى أن الأطباء الذين يعملون في الولايات لا يعانون من ( أمثال هذه المافيات ) ؟؟؟ هذه أحد نقاط سوء الفهم العديدة حول الأطياء و أشكر لك إثارتها .. فتأمل معي في واقعها: يعتقد الكثيرين أن الأطباء يأنفون من العمل بالولايات و يتجاهلون واجبهم المهني و الأخلاقي تجاه أهلهم في ربوع السودان و لكن .. أتعلمون أنه لا توجد وظائف للأطباء (خاصة الأخصائيين) بأي من ولايات السودان حتى أكثرها حوجة!! و تفصيل الأمر أن وزارة الصحة الإتحادية ترى أن هذا شأن ولائي و وزارات الصحة الولائية تعلن أنها لا تمتلك ميزانيات كافية للتوظيف، و هاكم مثالا : في العام الماضي تخرج 20 أخصائي جلدية و تناسلية و لم يجدوا جميعا إلا وظيفة واحدة بولاية الجزيرة حتى الآن (بإعتباري أتخصص في هذا التخصص أنا ملم أكثر بالأحداث فيه مع علمي بأن هذا هو الوضع في كل التخصصات الأخرى) ، و حتى هؤلاء القلة الذين يجدون وظائف تتملص الحكومة من إلتزاماتها بدعمهم فقد أسقطت وزارة المالية متأخرات حوافز 40 أخصائبا بالولايات لعام 2008 بعد أن تم إعتمادها لهم بعقود عملهم. من الصعب أن يمارس الطبيب مهنته بالولايات بلا وظيفة حكومية بالمستشفى خصوصا الأخصائي للآتي: 1- لن يستطيع تحويل المرضى لوحدته بالمستشفى أو إجراء العمليات و المرور اللهم إلا في القطاع الخاص الضعيف بالولايات. 2-الإنقطاع عن الخرطوم يكون خصما على الترقي العلمي للطبيب و حضوره في الأنشطة الطبية الثرة بالعاصمة. 3-الإعتماد على العمل الخاص بالولايات يحرم الطبيب من التدرج الوظيفي بالوزارة و التأمين الصحي و .. إلخ هذا يترتب عليه الآتي لا حوجة لوجود مافيا (وهي في طور التشكل بالمدن الكبيرة) فشروط العمل و ندرة الوظائف و عدم منطقية العمل الخاص في غياب الوحدة Unit بالمستشفى يجعل من الولايات خيارا غير مرغوب فيه حتى تتغير سياسة الدولة و توفر وظائف محترمة للأطباء هناك أسوة بجيوش المحافظين و ذوي السيادة الآخرون. الأخ سمارت أنا كمثال (و لست بالحالة الشاذه) أعمل كطبيب منذ 9 سنوات و تدرجت حتى الدرجة السابعه و لا يزال مرتبي أقل من مليون جنيه (بالقديم) مع العلم بأنني ممنوع قانونا من العمل الخاص كنائب في فترة تدريبية تستمر 4 سنوات، حكاية أتعبوا و بترتاحوا وهم يزرعه في عقول الجمهور قلة من قدامى الأطباء كما أسلفت اللهم إلا إذا تركنا السودان و هاجرنا في بلاد الله الواسعة، أتعلم أن هناك وكالة تدعى أمواج الخليج تفوج شهريا مالايقل عن 100 طبيب للعمل بالخليج!!! بالنسبة للحوجة .. بكل مقاييس الـWHO و فلسفات الرعاية الصحية السودان في حوجة ماسة للأطباء و هاك تفاصيل تشيب الرأس أولا في دراسة مهمة وجد أن نسبة الوفيات بالمستفيات البريطانية تتفاوت من منطقة لأخرى (من 3.4% إلى 13.6%) و العامل الأساسي في هذا التفاوت ليس جودة التشخيص أو عدد الحالات الحرجة و إنما نسبة المرضى للأطباء في المنطقة بشكل عام. ثانيا نسبة المرضى للأطباء بدول عدةهي كالآتي(عدد المرضى مقابل كل طبيب): Quote: Cuba 170 Belarus 220 Belgium 220 Greece 230 Russia 230 Georgia 240 Italy 240 Turkmenistan 240 Ukraine 240 Lithuania 250 Uruguay 270 Bulgaria 280 Iceland 280 Kazakhstan 280 Switzerland 280 Portugal 290 France 300 Germany 300 Hungary 300 South Korea 300 Spain 300 Denmark 310 Sweden 310 Finland 320 Netherlands 320 Norway 320 Argentina 330 Latvia 330 Ireland 360 Uzbekistan 360 Mongolia 380 United States 390 Australia 400 Kirgizstan 400 Poland 400 New Zealand 420 Great Britain 440 Qatar 450 Canada 470 Jordan 490 Tajikistan 490 Japan 500 Mexico 500 قارن هذا بالسودان Quote: Bangladesh 3.800 Haiti 4.000 Sudan 4.500 Nepal 4.800 Afghanistan 5.300 Cameroon 5.300 Cambodia 6.300 Zimbabwe 6.300 و لاحظ أن الدراسة تتحدث عن بريطانيا و كل ذلك التفاوت في الوفيات مع العدد الضخم للأطباء هناك مقارنة مع عدد السكان إذن 10 أضعاف الأطباء الحاليين لنبلغ مكانة بريطانيا(مهوى أفئدة الأطباء السودانيين حاليا فبها مايزيد عن 4000 طبيب سوداني) و 26 ضعف عددهم الحالي لنبلغ مكانة كوبا(المرتبه الأولى) و طالما الحكومة لا توظفنا (ليس لكثرتنا الفايته الحد كما تتوهمون) فلترتفع وفيات الشعب و لتهنأ بقانون العرض و الطلب الذي لم يفلح حتى في ميدانه الأصيل (الإقتصاد) عذرا إن إحتدت لهجتي قليلا فهذا الأمر يحز في نفسي كثيرا أن يتبطل الطبيب السوداني و الوطن يحتاجه بهذا القدر فقط لأن ميزانية الصحة تشكل 0.3% من الموازنة العامة !!! و لكم محبتي عدلت فقط لأنوه أنني كاتب هذه السطور و ليس د.ناهد للأمانة الأدبية د.محمد قرشي عباس (نائب أخصائي)

---

Post: #118 Title: Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم Author: ناهد محمد الحسن Date: 03-16-2010, 01:25 AM Parent: #117 و بالمناسبة حكى لي د.إيهاب و هو ممن حضروا إضراب عام 2002 أن رئيس الجمورية البشير قد إلتقى باللجنه حينها و عندما ذكروا له مرتباتهم قال لهم إن أخي نائب أخصائي و يقضي كل وقته بالمستشفيات أبعقل أن تكون هذه هي مرتباتكم فعلا؟؟!! و أصدر فورا قرارا جمهوريا كان فاتحة حل الأزمة رغم تنصل المالية منه لاحقا حيث زيدت المرتبات بنسبة 70% من المتفق عليه (لتصل مستوياتها الحالية) و لم ينفذ الـ30% الباقي من الإتفاق الذي كان مرجئاً لبداية السنة المالية، و لم تحسن بيئة العمل و لم و لم ولم... و أحيلكم مرة أخرى لمذكرتنا لرئيس الجمهورية ، عله يعيد الكره و يتدخل فيقي الأطباء و البلاد مغبة إضراب إضطروا إليه إضطرارا بعد الإستهانه بقراراته من وزارات الصحة و المالية في سالف الزمان و آجله. د.محمد قرشي عباس (نائب أخصائي)

---

Post: #124 Title: Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم Author: وليد محمد المبارك Date: 03-16-2010, 07:56 AM Parent: #116 السيد حاتم على Quote: و بما انك مرشح انتخابي في دائرة كمستقل تبنيك لمشاكل المظلومين سيكون خير عون لك في الحصول على اصواتهم وده واحد من اسباب فتح البوست ده فمن يُظلَم لا يعطيه ظلم اخرين له الحق في ظلم الناس وعندما تاكدت وبعد افادة الاخوه الاطباء هنا انه لن يتضرر المرضى من اضرابهم المعلن .. غيرت موقفي ولاحقا ان تبين انه قد تضرر مواطن عادي من اضرابهم وانهم استخدمو المواطنين ككرت ضغط للحكومة .. سيتغير مرة اخرى Quote: شيوع الظلم - اي المرتبات الضعيفة - لا يبرر حدوثه من الاساس هو حادث وما انا محدثه عليه ان كان من سبيل لرفعه فليرفع عن الناس اجمعين التمييز في الظلم.. ظلمين

---

Post: #123 Title: Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم Author: وليد محمد المبارك Date: 03-16-2010, 07:50 AM Parent: #114 هثيم : لا اله إلا الله Quote: ولكني اعف لساني و اربأ بنفسي ان اجاريك فيما انت فيه و ارجوا ان لا يغرك ترفعنا هذا الي التمادي في هذا الاتجاه ... قبل ان تعف لسانك عف افكارك فهي التي تحتاج العفة .. Quote: واستاطك عفوا اقصد بركاتك يا شيخ وليد... ده كتبته انت ولا كتبو ليك ؟ انا صبحك .. بيناتنا في علاقه ؟؟ طيب السماجة والاشارات السخيفة لزومها شنو ؟ تحترم نفسك تلقى الاحترام .. تعمل عكس ذلك ننحط معاك لاي مستوى بتتوقعه او ما تتوقعه Quote: و دار في خلدنا ان موقفك هذا قد يكون استيفاء دين ماء او دفع عربون ماء تقية او ولاء و كله وارد ما يدور في خلدك عندما تعلنه على الملا في شكل ايحاءات مبطنه زي ضحكة الترابي .. موش عبر اسئلة مباشر .. ببقى شي تاني خلاف الاستفسار او حتى الاستنكار Quote: خاصة و ان هنالك نظرية بدأت سماتها تتجلي ...مفادها ان العصببة الحاكمة و في سبيل ضمان اغلبية مريحة لها في البرلمان القادم انزلت كثير من عضويتهاالمعلنة و غير المعلنة كمستقلين بسيناريوهات مختلفة .. بحيث تكون نسبة المقاعد التي سوف تدعي العصبة الظالمة الحصول عليها بالاضافة الي نسب كوادرها من المستقلين بالاضافة الي المتوالين معهم من الاحزاب الكرتونية تأمن لها الاغلبية المطلوبة.. والله احتمال!!! لكن هذا الاحتمال لا يعنيني في شي !!! وكان ممكن تسالني عنه مباشرة عشان ارد ليك مباشرة والاهم من ده كله لو الحزب الحاكم بفكر بالطريقة الفطيرة دي ما كان حكم البلد دي 20 سنة البتقول فيه فوق ده بشتت اصوات الحزب الحاكم يعني بقسم اصواتهم في الدائرة بين نفرين منتمين ليهم حسب ما تفضلت يعني الحزب الحاكم لو عنده 60% من اصوات الدائرة احتمال تنقسم بين مرشحيهم الاثنين العلني والخفي ويجي زول تاني حركة شعبية او خلافة بي 35 من الاصوات ويفوز بالدئرة Quote: ارجوا ان لا يغرك ترفعنا هذا الي التمادي في هذا الاتجاه ... اصلك ما ترجوا شي حسب طريقتك ستجد الرد تتساخف اتساخف معاك تحترم نفسك تجد مني كل احترام اختار انت عاوز يعاملوك كيف .. وحا يسعدني البي ليك طلبك في الحاتين

---

Post: #119 Title: Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم Author: عاطف عمر Date: 03-16-2010, 05:45 AM Parent: #1 Quote: ياياسرنا الذي بتورنتو, طالب الطب في الخرطوم الأنا قاعده فيها دي, بجيب 60% وبيقرأ أجدعها طب, انت ما قالوا ليك قراية الطب بقت أسهل حاجه في السودان الزمن ده؟ تدفع تقرأ طب زي الترتيب, وكان عايز في جامعة الخرطوم ما في أي مشكله, تدفع بالدولار وتقعد في الكنبه الأولي طب طوالي , Quote: زي ما قلنا 52% دي ذاتها بتدخلك طب لو قروشك كتار, عندما قرأت ( بالأمس ) مداخلتي الأخت أماني تذكرت أشياء واستغربت لأشياء تذكرت قالة الأستاذ محمود محمد طه يصف كتاباً للدكتور مصطفي محمود بأنه " الخواطر الفجة الفطيرة ترسل إرسالاً شططاً في طرف الإفراط وشططاً في طرف التفريط " استغربت - لعدم رد الأخ وليد المبارك على المعلومات غير السليمة التي وردت لا باعتباره صاحب البوست لكن باعتباره المهني فما ورد في مداخلة الأخت أماني يدخل كما أعلم في صميم وظيفته أو قريباً منها. - لإنجرار الأخ ياسر طيفور صاحب المداخلة المتميزة وتراجع الأخت مريم بت الحسين صاحبة المداخلات العقلانية الواعية ، إنجرارهم وتسليمهم بما أوردت الأخت أماني من أغاليط دون التحقق والتثبت أين أخطأت الأخت أماني ؟؟ ليس صحيحاً أنه بنسبة 60% سوف تقرأ أجدعها طب ( وكان عايز في جامعة الخرطوم ما في أي مشكله, تدفع بالدولار وتقعد في الكنبه الأولي طب طوالي ) يتم القبول الخاص لمؤسسات التعليم العالي قبولاً عاماً أو قبولاً خاصاً بواسطة مكتب القبول وقد حدد مكتب القبول شروط القبول للتعليم الخاص وأصدر دليلاً يتم التقيد ( حرفياً ) به يقول " دليل القبول على النفقة الخاصة لمؤسسات التعليم العالي الحكومية للعام الدراسي 2009-2010 " في صفحة رقم 7 البند رقم ج " لا تقل النسبة المئوية لكل كلية عن 12% كحد أدنى من نسبة القبول العام للكلية المعنية " بمعنى أنه إن كان الحد الأدنى للقبول العام بكلية الطب بجامعة الخرطوم - مثلاً - كما هو هذا العام هو 91.3% فإن الحد الأدنى للقبول الخاص بنفس الكلية هو 79.3 % وحيث أن قانون القبول الخاص قد تم تقييده بحيث لا تتجاوز نسبة الطلاب المقبولين على النفقة الخاصة 25% من إجمالي الطلاب المقبولين على القبول العام ( الفقرة ب من نفس الصفحة أعلاه ) ، فإن التنافس على القبول الخاص يجعل الحد الأدنى لا يقل ( عملياً ) كثيراً عن القبول العام خاصة طلاب الشهادة العربية الذين منعتهم قوانين ( الخصم ) الجائرة من منافسة رصفائهم على القبول العام مباشرة . هذا عن الجامعات الحكومية أما الجامعات الخاصة فإنني أورد كمثال لها شروط القبول في جامعة العلوم العلوم الطبية والتكنولوجيا ( مامون حميدة ) حيث تشترط كحد أدنى للقبول بكلية الطب نسبة 80% شهادة سودانية أو ما يعادلها حسب تقييم إدارة التعليم العالي ( ناس وليد ديل زااااتم ) . Admission Criteria The minimum entrance requirements for admission to the faculty of medicine are either a Sudanese secondary school certificate or its #####alent with at least seven subjects obtained at one and the same examination. In case of O-LEVEL/IGCSE, a pass in each basic sciences subjects (Biology ,chemistry, mathematics ,physics, English language ) +any two other subjects Which qualify a candidate for admission (Obtained at one and the same examination). Minimum percentage required by Sudan school certificate or (#####alent after evaluation) In faculty of medicine 80%.[/B] http://www.umst-edu.org/medicine.aspx وغني عن القول أن هذا الحد الأدنى مرشح للإرتفاع بسبب المنافسة الشديدة عليه لنفس أسباب المنافسة على جامعات الحكومة المشروح أعلاه . لذلك أرى أن الأخت أماني قد تنكبت الطرق في مشاركتها وألحقت ظلماً كبيراً بكثيرين

---

Post: #120 Title: Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم Author: مريم بنت الحسين Date: 03-16-2010, 06:45 AM Parent: #119 Quote: بس انا شايفه ان الاطباء فى السودان بتاعنا ده, اللى فيه كل شئ جايط, شنو البخلى حال الاطباء الكويس ? و صدقينى موضوع العرض و الطلب ده وارد فى اى حاجه فى الدنيا. عاينى للمهندسين - الان- فى السودان. خريج هندسة بيشتغل بمرتب ابتدائ حوالى مليون جنيه. بالبكلوروس بس. عارفه ليه ? لانه مع البترول ظهرت حوجه للمهندسين. يا سمارت، لو الحال جايط، معناها من حقهم الاطباء يطالبوا بإنه الوضع يتصلّح... وبنفس منطق حاتم القاله فوق ده.... لو الناس حالهم مايل، اليضربوا.... انا ما بفتكر بأي حال، أنه الأطباء ديل كللللللللللللهم مكتفيين مادياً، وبضبروا للزيادة بدون داعي... ... ثانياً... الاضراب في من وراه ضرر كبير... يعني الناس ديل لو ما وضعهم الاصلي متضررين منّه، ما كانوا دخلوا في المشاكل دي كلها..... تعرفي يا سمارت، الطبيب ده بقع عليه، غير مسؤولية عمله، بتقع عليه مسؤولية تثقيف نفسه وتعليم نفسه، بما في ذلك البحث عن مراجع الطب الغالية وشراءها، والاشتراكات في المجلات العلمية الدورية.... عشان ما يطلعوا من التاريخ.... الاستاذ عاطف عمر... والله معاك حق، وانا آسفه (ما عشان شكّرتني هههههه) لكن بالجد كلامك صاح، كان مفروض نتأكد من المعلومات دي على الاقل عشان ما نضلل البقروا ... والحقيقة، انا ما كان قصدي على جامعة الخرطوم تحديداً... انا كان قصدي على الجامعات البي أسماء غريبة، البقت تخرّج طب... صحيح النسبة بتظل محفوظة، لكن برضه ده ما بمنع انه في ناس بقوا يدخلوا بمعدلات أقل... وطبعا يظل الأمر ما مثار النقاش حسي، باعتبار انهم اطباء واتخرجوا، وخرجوا لسوق العمل، وبنافسوا مع الموجودين..... تحياتي.. وشكرا ليك

---

Post: #121 Title: Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم Author: عاطف مكاوى Date: 03-16-2010, 06:56 AM Parent: #119 نقاط أرى أنه لابد من استبعادها ليستقيم امر نقاش هذا الموضوع : 1- أخطاء (بعض) الأطباء في (ممارسة المهنة)... لأنها قضية متشعبة ..وأس المشكلة فيها السياسات التعليمية. 2- مقارنة مطالبة الأطباء بتحسين أوضاعهم بفئات أخرى.... مقارنة غير منطقية, اذ أن كل الفئات المهنية في سوداننا لها تظلمات شبيهة... والواجب الوقوف مع كل فئة تطالب بحقوقها المشروعة حتي يأتي يوما تستوعب فيه الخطط العامة للدولة مشاكل الجميع , وتكون هموم الدولة حينها رفاهية الشعب وليس (جيوب الفئة الحاكمة). 3- عدد الخريجين من الأطباء في العقدين السابقين...... ليس من أخطاء هؤلاء الأطباء المضربين ... بل أرى أن باضرابهم هذا قد ساعدوا في لفت نظر المجتمع لخطورة سياسات التعليم الخاطئة ليتم تداركها مستقبلا.

---

Post: #122 Title: Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم Author: مريم بنت الحسين Date: 03-16-2010, 07:46 AM Parent: #121 I totally agree يا عاطف مكاوي... ما ممكن ناس شغّالين، وفعلياً هم موظفين دولة.. وبطالبوا بي حقوقهم، نقول ليهم انتو دخلتو بياتو نسبة... ولا في عاطلين عن العمل كتار...

---

Post: #125 Title: Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم Author: وليد محمد المبارك Date: 03-16-2010, 08:16 AM Parent: #122 Quote: - لعدم رد الأخ وليد المبارك على المعلومات غير السليمة التي وردت لا باعتباره صاحب البوست لكن باعتباره المهني فما ورد في مداخلة الأخت أماني يدخل كما أعلم في صميم وظيفته أو قريباً منها. كلامها سليم يا عاطف كلام الاخت اماني سليم جدا ووصلت مرحلة اقل من 60% طلالما انك سالت نرد ليك كليات الطب ما في الخرطوم بس في كليات طب في الولايات وهي ما عليها رغبة كبيرة في الدخول ونظام القبول الولائي بيدي الحق لابناء الولاية المعنية في بعض الولايات نسبة 50% من المقاعد حقت الكلية الفي ولايتهم يتنافسون فيها ما بينهم - اعني طلاب الولاية - عليه القبول الاول لكليات طب معينة في ولايات على القوبل الولائي لنفس الولاية وصل لاقل من 50% في بعض السنوات والسبب انه التقديم كان للكليات دي في القبول الاول على القبول الولائي كان ضعيف جدا لدرجة انه ما حصل العدد المخطط وده بخلي نسبة القبول تنزل لحدي 50% عديل موش 60 في الميه صحيح انه ارتفع في الدور التاني وبعد ما فطن المواطنين للحته ده واشتدت المنافسه لكن اتلقدم في الدور الاول دخل ولو كان في زول مفتح قاري علمي وناجح سبعة مواد قدم للكلية ديك كان دخل بـ 50%

---

Post: #126 Title: Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم Author: مريم بنت الحسين Date: 03-16-2010, 08:28 AM Parent: #125 يا وليد.. سواءاً الكلام ده صحيح ولا لأ... هل بتلقى من العدل انه زول يراجع في مكان قرايتك بعد ما اتخرّجته واشتغلته لأنك طالبت بتحسين ظروف العمل؟

---

Post: #127 Title: Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم Author: وليد محمد المبارك Date: 03-16-2010, 08:41 AM Parent: #126 يا مريم كلامك ده انا ما فهمته Quote: يا وليد.. سواءاً الكلام ده صحيح ولا لأ... هل بتلقى من العدل انه زول يراجع في مكان قرايتك بعد ما اتخرّجته واشتغلته لأنك طالبت بتحسين ظروف العمل؟

---

Post: #128 Title: Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم Author: مجدى محمد مصطفى Date: 03-16-2010, 08:41 AM Parent: #122 الأخ وليد السلام عليكم صوره شهاده مرتبك لا تعني أن أضراب الأطباء قندفه ساي كما تفضلت في العنوان . منطقك بتاع أنو المتضرر الأوحد من الأضراب هو المواطن وليس الحكومه التي (تتداوى) في الخارج منطق غير سليم , فالأولى أن تدين أستغلال المسئولين للدوله وأمكانياتها بالعلاج في الخارج بدل أنكار حق الأطباء في الأضراب ... والسؤال المهم يا سيد هو:- ما هو البديل الذي تراه مناسبا للأطباء بخلاف الأضراب؟!!!! يشيلو سلاح ! الشالوا سلاح شابكنهم خربتو البلد , والأضربوا شابكنهم متقندفين , يعني أنت داير الشعب السوداني ده يستسلم لمجرمي الأنقاذ ديل ولا شنو ؟!!! خليك واضح يا جميل درجت الأنقاذ طوال سنين حكمها العجاف أن تحارب الأضراب كوسيله للتعبير عن الرفض لسياسات معينه وواجهت الأضرابات بقوه عسكريه مفرطه , ولم تتواني للحظه من أعتقال وتعذيب وربما قتل ما تحدثه نفسه بأضراب . فالأضراب بالنسبه للأنقاذ عمل لا يختلف كثيرا عن حمل السلاح ضدها ... لذلك تحاربه بلا هواده . وبما أن قبضتها قد أرخيت كثيرا بفعل عوامل عده (عوامل التعريه) , فليس لها سوى محاوله أفراغ الأضراب من محتواه وتبخيسه وتصويره كأنه موجه أصلا ضد مصلحه المواطن . أهه يا سيد وليد سؤال صريح أنت البوست ده في أطار تحليلنا لنظره الأنقاذ للأضراب ولا يخلق من الشبه أربعين ! ------------------ تخريمه شهاده المرتب دي ممكن تجيب ليك هوا شديد خصوصا لو قدر لك ونلت عضويه البرلمان , غايتو ألقاك ساكن سطوح ولا راكب مظلل ولا معرس مرتين أجرجرك في المحاكم و وننشط فيك قوانين الأنقاذ (من أين لك هذا) مودتي

---

Post: #129 Title: Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم Author: مريم بنت الحسين Date: 03-16-2010, 08:46 AM Parent: #128 استغربته انك ما فهمتني! كلامي قاصده بيه الاطباء... هل من العدل اننا نراجع مكان قرايتهم، وسجلاتهم الاكاديمية بعد ما اتخرجوا واتوظّفوا، عشان هم مطالبين بتحسين الدخل.....؟ ده فيديو لمسيرة الاطباء http://www.youtube.com/watch?v=g3T2KiXe4pc

---

Post: #130 Title: Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم Author: وليد محمد المبارك Date: 03-16-2010, 08:49 AM Parent: #128 الاخ مجدي محمد مصطفى انت قريت البوست كله ؟ Quote: أنت البوست ده في أطار تحليلنا لنظره الأنقاذ للأضراب ولا يخلق من الشبه أربعين ! ابدا ما في نفس الاطار Quote: فالأولى أن تدين أستغلال المسئولين للدوله وأمكانياتها بالعلاج في الخارج مدان عندي Quote: شهاده المرتب دي ممكن تجيب ليك هوا شديد خصوصا لو قدر لك ونلت عضويه البرلمان , غايتو ألقاك ساكن سطوح ولا راكب مظلل ولا معرس مرتين أجرجرك في المحاكم و وننشط فيك قوانين الأنقاذ (من أين لك هذا) هسع انا ساكن مرتاح وراكب مظلل .. لكن ما عاوز اعرس مرتين من اين لي هذا من فضل ربي ولكل مجتهد نصيب

---

Post: #131 Title: Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم Author: وليد محمد المبارك Date: 03-16-2010, 08:53 AM Parent: #130 Quote: استغربته انك ما فهمتني! كلامي قاصده بيه الاطباء... هل من العدل اننا نراجع مكان قرايتهم، وسجلاتهم الاكاديمية بعد ما اتخرجوا واتوظّفوا، عشان هم مطالبين بتحسين الدخل.....؟ لا ما تستغربي لانه من اقحم موضوع قرايتهم وجامعاتهم انتم وليس نحن ما نحن الاقحمناه انتم اقحمتموه - واقصد بانتم المدافعين عن تميز الاطبار وبالتالي ضرورة تميز مرتبهم في الدولة - ونحن رددنا عليكم راجعي البوست عشان كده ما تشتغربي

---

Post: #132 Title: Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم Author: مريم بنت الحسين Date: 03-16-2010, 08:58 AM Parent: #131 Quote: لا ما تستغربي لانه من اقحم موضوع قرايتهم وجامعاتهم انتم وليس نحن ما نحن الاقحمناه انتم اقحمتموه - واقصد بانتم المدافعين عن تميز الاطبار وبالتالي ضرورة تميز مرتبهم في الدولة - ونحن رددنا عليكم راجعي البوست عشان كده ما تشتغربي مالك زعلته!! ايوه.. متميزين في البعملوا فيه... وفي الرسالة البأدوها... وكثيرين منهم، هم فعلاً اوائل الشهادة السودانية... بعضهم دخل عن طريق السياسات الخاطئة للتعليم.... لما انا ساندته قضيتهم، بكلامي عن انهم ديل الناس الشاطرين الكانوا بجوا الأوائل علينا.. مساندتي ما كانت مبنية على النقطة دي تحديداً.... بل على طبيعة عملهم...... لكن الرأي الآخر، ربط بين نسبة دخولهم للجامعات، والبطاله الحاصله بين الاطباء، وبين مطالبتهم بتعديل رواتبهم واوضاعهم المعيشية.... عرفته كيف انا قصدي انه not fair!

---

Post: #133 Title: Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم Author: وليد محمد المبارك Date: 03-16-2010, 09:10 AM Parent: #132 كل الناس دي بتادي في رسالة وضربت ليك مثل بالاستاذ الجاب مرتبه وهبة .. في زول بادي رسالة اكتر من الاستاذ بتاع الابتدائي ؟ ابدا اوائل الشهادة لسنوات خلت بقروا هندسة وما تغالطي في الحته دي والديل انه كلية هندسة كهرباء الخرطوم متصدرة نتيجة القبول وبعدها هندسة نفط لسنوات خلت Quote: بكلامي عن انهم ديل الناس الشاطرين الكانوا بجوا الأوائل علينا.. .... بل على طبيعة عملهم طبيعة عملهم ما اقسى من المهندسين ولا اخطر ولا اقدس من المعلمين ولا اجدى كل الاعمال الشريفة مكرمة .. مرتباتهم فير جدا .. قياسا على اخوانهم .. لكن المرتبات كلها ما فير هسع المفروض يعدلوا ليه مرتبه منو.. لو بقينا في مفاضلة الاستاذ الشغال من سنة 79 وبصرف 400 جنية ولا الكتور الشغال ليه 5 سنوات وبصرف 500 الاولوية لي منو كان من ناحية قيمة المرتب او حتى من ناحية طبيعة العمل ؟؟؟ __________ الموضوع ده خارج اطار الاضراب لانه اضرابهم عند مسوغات تانية قوية اقوى من تعديل المرتب منها الاوفر تايم ومنها المتاخرات ومنها تحسين بيئة العمل

---

Post: #134 Title: Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم Author: مجدى محمد مصطفى Date: 03-16-2010, 09:14 AM Parent: #132 الأخ وليد Quote: انت قريت البوست كله ؟ نعم قريت البوست كلو , وتابعت ردودك لكها , ولقيت أنك مركز في حتتين الأولى أنو مرتبات الأطباء كويسه وقارنتها بي مرتبك الجبت بيهو شهاده , والتانيه أنو المتضرر من الأضراب ده في الأساس هم الغبش المساكين . في الأولى مرتبك ليس هو مصدر دخلك الوحيد والدليل Quote: هسع انا ساكن مرتاح وراكب مظلل .. لكن ما عاوز اعرس مرتين من اين لي هذا من فضل ربي ولكل مجتهد نصيب يعني عندك من الوقت والأمكانيات والمعينات ما يجعلك مجتهد ويزيد نصيبك , وهذا ما لا يتوافر للسواد الأعظم من الأطباء وللسودانيين عموما . في الثانيه ما هو البديل الأمثل في نظرك ليقوم به الأطباء ليجعلوا الدوله تحسن شروط عملهم ؟ Quote: يشيلو سلاح ! Quote: الشالوا سلاح شابكنهم خربتو البلد , والأضربوا شابكنهم متقندفين , يعني أنت داير الشعب السوداني ده يستسلم لمجرمي الأنقاذ ديل ولا شنو ؟!!! هنيئا لك العيش الكريم والسكن المريح والعربيه المظلله بس ورينا البديل المعقول للأطباء شنو غير الأضراب

---

Post: #135 Title: Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم Author: مريم بنت الحسين Date: 03-16-2010, 09:19 AM Parent: #134 Quote: مرتباتهم فير جدا .. قياسا على اخوانهم .. لكن المرتبات كلها ما فير فيك الخير... وصلت تب!

---

Post: #136 Title: Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم Author: وليد محمد المبارك Date: 03-16-2010, 09:26 AM Parent: #134 الاخ امجد Quote: نعم قريت البوست كلو , وتابعت ردودك لكها , ما اظن ارجع اقراه تاني Quote: يعني عندك من الوقت والأمكانيات والمعينات ما يجعلك مجتهد ويزيد نصيبك , وهذا ما لا يتوافر للسواد الأعظم من الأطباء وللسودانيين عموما . نفس الزمن والمعينات الدوام حق الحكومة 8 ساعات خمسة يوم في الاسبوع .. دي البدو عليها مرتب الحكومة المفروض يكون متاوي بين الناس اي زيادة على الساعات دي بتكون افر تايم او حوافز عشان كده بنقول مرتب الاطباء فير جدا قياسا على مرتبي ومرتي الاستاذ داك الحكومة شايله وكتهم خارج الدوام الرسمي تديهم قروش خارج المرتب الرسمي اوفر تايم او حوافز اخرى Quote: ما هو البديل الأمثل في نظرك ليقوم به الأطباء ليجعلوا الدوله تحسن شروط عملهم ؟ عشان كده انت ما قريت البوست كله وما قريت ردودي كلها لو كان اضراب شامل كامل ببقى اضراب ما حقاني هم لاحقا في البوست ده زاتو وضحوا انهم اضرابهم غير شامل مع توضيح انه اضرابهم ما سببه المرتب بس وده خلاني اقتنع باضرابهم مع التحفظ على موضوع زيادة ( المرتب ) يعني انت بتعك ليك في موضوع انتهى من الصفحة الاولى بعد توضيح ما كان غائبا

---

Post: #137 Title: Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم Author: وليد محمد المبارك Date: 03-16-2010, 09:31 AM Parent: #136 Quote: د.محمد قرشي عباس (نائب أخصائي) شكرا على الشرح الضافي وقد اقتنعت .. على الاقل من حقكم تضربوا بسبب المتاخرات وعدم وجود اوفر تايم على الساعات الاضافية التي تعملون ... بالنسبة لزيادة الراتب لسع انا على موقفي المهم يا دكتور شخصيا اقتنعت باسباب اضرابكم على المجمل .. وبعد ان تفضلتم ووعدتم بان لا يتضرر المواطن منه .. اقله على المستوى الطارئ Quote: من المعروف أن وزارات الصحة و التعليم هي في أسفل السلم الوظيفي بالدولة بالنسبة للمهنيين فلا يجوز إذا مقارنة (المتعوس مع خايب الرجا) المهم يا دكتور لا ضغينة .. فما نفعله انا وانت والاخوه هنا ، هو سبب وجود منابر الحوار هذه انا ما مقتنع ... انت تمنطقني .. لو حجتك قوية واسبابك مقنعة بدون مكابره اقتنع ليك واقول ليك ربنا يوقفك تنبزني او تحاول تهرشني نقلبها شكلة بالتوفيق يا زول وتحياتي للمضربين معاك هاك يا مجدي دي مداخلة في الصفحة الاولى وده مصدرها Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم

---

Post: #138 Title: Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم Author: عاطف عمر Date: 03-16-2010, 10:11 AM Parent: #137 Quote: كلامها سليم يا عاطف كلام الاخت اماني سليم جدا ووصلت مرحلة اقل من 60% طلالما انك سالت نرد ليك كليات الطب ما في الخرطوم بس في كليات طب في الولايات وهي ما عليها رغبة كبيرة في الدخول ونظام القبول الولائي بيدي الحق لابناء الولاية المعنية في بعض الولايات نسبة 50% من المقاعد حقت الكلية الفي ولايتهم يتنافسون فيها ما بينهم - اعني طلاب الولاية - شكراً يا وليد لكن ركز معانا الله يرضى عليك أختنا أماني كلامها واضح Quote: ياياسرنا الذي بتورنتو, طالب الطب في الخرطوم الأنا قاعده فيها دي, بجيب 60% وبيقرأ أجدعها طب,انت ما قالوا ليك قراية الطب بقت أسهل حاجه في السودان الزمن ده؟ تدفع تقرأ طب زي الترتيب, وكان عايز في جامعة الخرطوم ما في أي مشكله, تدفع بالدولار وتقعد في الكنبه الأولي طب طوالي , أماني تتحدث عن كليات الطب في الخرطوم الـ ( هى قاعدة فيها ) وتتحدث عن 60% تدخل ( أجدعها طب ) وتتحدث عن جامعة الخرطوم بالتحديد وأنو ( ما في أي مشكله, تدفع بالدولار وتقعد في الكنبه الأولي طب طوالي , ) وذهبت أبعد من ذلك في تهكمها Quote: انت ده لو هسي جيت السودان, من غير ما تمتحن شهاده تاني, لو مشيت ليهو قلت ليهم بدفع ليكم تقروني طب, تأمر بس يا ياسر, وطلبك مجاب !! أين جامعات الولايات في حديثها هنا يا حبيب ؟؟؟ وهل يوجد بينها ما يمكن أن نصفها بأنها ( أجدعها طب ) ؟؟ وهل كلامها لصديقنا ياسر أنو ممكن يجيى راجع من غير ما يمتحن تاني و.... برضو صاح ؟؟ لذلك قلنا أنها ظلمت هؤلاء الذين لا ينطبق عليهم كلامك الخاص بجامعات الولايات ؟؟؟

---

Post: #139 Title: Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم Author: Amany Elamin Date: 03-16-2010, 10:59 AM Parent: #138 ياجماعه البوست ده مشي كده متين؟ وهسي أنا أبدأ من وين, عن اذنكم أبدأ من أخونا عاطف عمر, Quote: بجيب 60% وبيقرأ أجدعها طب,انت ما قالوا ليك قراية الطب بقت أسهل حاجه في السودان الزمن ده؟ تدفع تقرأ طب زي الترتيب, وكان عايز في جامعة الخرطوم ما في أي مشكله, تدفع بالدولار وتقعد في الكنبه الأولي طب طوالي , أول شئ عشان ما أتهم باني بتكلم كلام من راسي, أنا دي قريت في جامعة الخرطوم, وبحضر في أعرق كلية طب في الخرطوم, وعايشه وسط الأطباء, وأصحابي علي فكره, وبجمع عينات من المستشفيات, يعني لي حوالي أربعه سنوات بقضّي يومي كله في الوسط ده, وأصدقائي بدرسّوا في كليات طب, ولولا اني ما فاضيه للتدريس حاليا, كنت أقول ليك أنا زاتي بدرس في كلية طب, يا أخ عاطف, في كليات في الخرطوم دي حقت طب بتقبل ب 60% وهي كليات خاصه, ما عايزه أجيب أسامي لأني ما قاصده أشهّر بزول, لو قريت سياق الجمله حتلقاني ما قاصده جامعة الخرطوم بنسبة 60% تحديدا, لكن فرقت شنو؟ 12 %؟ قبول ولائي وخاص وأبناء شهداء؟ عارف 25% يعني كم طالب في السنه؟ ومنو القال انه الجامعه ملتزمه بال25% أو بال 12 %؟ أنا ما بتهكم, دي حقائق, دراسة الطب بقت "بزنس" وبضع الاف من الدولارات بتقرّي أجدعها طب في الخرطوم وفي السودان, ولو ياسر طيفور ده كمثال أو أي شخص أكمل دراسته الجامعيه في الشق العلمي, وأراد دخول كلية طب بعد تخرجه بدون الجلوس لامتحان الشهاده السودانيه مره أخري فذلك من السهوله بمكان, وأعرف من الأمثله ما لا يحصي ولا يعد, فرجاءا أنا ما بتكلم من أجل التهكم ولا جاهله بالأنا بتكلم عنه, بالجد بتجنب أتكلم عن جامعات بالأسامي ونسب قبولها لأني ما عندي غرض في التشهير بجهه ما,

---

Post: #140 Title: Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم Author: Amany Elamin Date: 03-16-2010, 11:16 AM Parent: #139 د. محمد قرشي: سلامات ومعذره علي التأخر في الرد, بس اتشغلت شويه أمبارح, Quote: نحن نود فقط أن تعاملنا الدولة كأواسط موظفيها ، لا نريد أن نتفضل عليكم بشيء فقط أعطونا كما تعطوا أواسط الوزارات و بصورة أوضح : إجمع أفضل شروط خدمة بالوزارات مع أسوئها و أقسم على إثنين و أكرمونا به، بلا وضع خاص بلا بطيخ يادكتور كلامك في مجمله سليم وجميل, ونحن ما غالطناكم في حقكم المشروع في المطالبه بحقوقكم, وليكم مننا كل الدعم في معركتكم, بس النغمه اللي استعملوها الأخوان د. ناهد ود. أمجد هنا في المنبر لتوضيح قضية الأطباء, كانت مستفزه قليلا, واستعملوا عبارات لا تخلو من ترّفع, وده البخلينا نوضح حقائق كتيره معلومه عن الأطباء والطب في السودان, وعن كافة الموظفين وأوضاعهم, ابتداءا من المعلمين لغاية العمال, وكلها مهن جليله, جميل انكم تثبتوا حقيقة أنه الطبيب ما بره من المنظومه المتشابكه المتضرره في معيشتها, ومهضومه حقوقها, ده خطاب بيكسبكم تعاطف المواطن البسيط, لكن أول ما حتقولوا نحن ما عاديين وشنو, حتفقدوا تعاطفنا وليس دعمنا, وحنقول ليكم الشعب السوداني كلو مطحون, والمريض الجايي من الشرق وللا الغرب اسبوع الخرطوم وماعندو قروش اقامه في الخرطوم ولا مكان اقامه ده, ومتجهجه في الخرطوم دي عشان يعمل عمليه ويرجع بلده, ما عنده وظيفه ولا رقم وظيفي, ولا عارفكم بتصرفو كم, لكن متضرر من اضرابكم ده أشد الضرر, واحتمال يشحد في شوارع الخرطوم عشان انتو مضربين, يعني بقيتو عليهو انتو والحكومه والزمن, عارفه دي مسئولية الحكومه لكن صدقني الموضوع ما بتجزّأ, هي منظومه متكامله متضرره, بنتمني كلها يتلقي ليها حل, بما فيها الممرضين وكل العاملين في الحقل الطبي وليس الأطباء فقط, عموما نحن ما نزعنا حقكم في الاضراب, نحن بس بنتناقش في نقاشنا ده, وذلك أضعف الايمان, تحياتي يا دكتور وشكرا علي كلماتك الراقيه ومتواضعه وقويه,

---

Post: #141 Title: Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم Author: Amany Elamin Date: 03-16-2010, 11:21 AM Parent: #140 د. المعز: Quote: سلامات الأخت أمانى الأمين.. ما بتفتكرى إنه كلامك دا جارج وفيه تعميم مخل? حقيقة إستغربت صدوره منك. اعتذار شديد اللهجه لو كلامي فيهو تعميم أو جارح, يمكن الجمله كانت عنيفه فعلا, عليه بعتذر للأطباء أصحاب المبادئ والعلم البيستحقوا احترامنا,

---

Post: #142 Title: Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم Author: Amany Elamin Date: 03-16-2010, 11:30 AM Parent: #141 الأخ عاطف عمر: Quote: ندما قرأت ( بالأمس ) مداخلتي الأخت أماني تذكرت أشياء واستغربت لأشياء تذكرت قالة الأستاذ محمود محمد طه يصف كتاباً للدكتور مصطفي محمود بأنه " الخواطر الفجة الفطيرة ترسل إرسالاً شططاً في طرف الإفراط وشططاً في طرف التفريط " شكرا جزيلا, كلامك ده في حقي أسميهو شنو؟ أنا علي حق يا أخ عاطف, وما كتبته حقائق من مشاهدات شخص في داخل الوسط الطبي, أثبت خطأ كلامي ان استطعت دون النيل مني, الموضوع ما شخصي ,,

---

Post: #143 Title: Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم Author: عاطف عمر Date: 03-16-2010, 11:55 AM Parent: #142 Quote: شكرا جزيلا, كلامك ده في حقي أسميهو شنو؟ أنا علي حق يا أخ عاطف, وما كتبته حقائق من مشاهدات شخص في داخل الوسط الطبي, أثبت خطأ كلامي ان استطعت دون النيل مني, الموضوع ما شخصي ,, لا عاش ولا كان من ينال منك يا أماني وسوف تجديننا أمامك نذود عنك ، لا لأنك في حاجة لدفاعنا إنما دفاعاً عن حرمة وحرية الكلمة . جاء في الأول كلامك عاماً بل وورد فيه اسم جامعة الخرطوم مما أعطى إنطباعاً أنها مثالك . جامعة الخرطوم نفسها ( لا نقدسها ) ولا نعصمها عن النقد إن وجد لكن نحترم حقها أوضحت أن كلامك غير سليم فيما يختص بالجامعات الحكومية والجامعات الخاصة ( الكبيرة ) وأوردت لها مثالاً جامعة العلوم الطبية والتكنولوجيا. وقدمت دفوعاتي جاء صديقنا وليد وقال أن كلامك سليم لأن جامعات الولايات ..... قلنا هذا ليس ما تعنيه أماني جئتينا بشئ آخر أن الـ 12 % لا يتم الإلتزام بها وهذا شئ نسأل عنه وليد ظني ويقيني أنه يتم الإلتزام به وبأكثر منه ( أخوك صاحب تجربة شخصية في تعليم أنجاله ) جئتك ولك شكري أن قدمت ردك على على الآخرين للقول بأن هناك جامعات وكليات خاصة ( أخرى ) تقبل بما قلت الجامعات التي تقع خارج النطاق الذي ذكرته لا معرفة لي بها وربما يكون لى رأى سالب في وجودها وهذا موضوع لو توفر لك الوقت وعملت عنه بوست سوف تجدينني بحول الله ضيفاً مقيماً فيه. إذاً كلامي يختص بما أوردته وما أوردته هو الغالب أوهو ( عضم ) طلاب الطب أو أطباء المستقبل وصفنا لحديثك أو تشبيهه بما قاله الأستاذ محمود عن ( كتاب ) الدكتور مصطفى محمود لا ينال مثقال ذرة من شخصيتك التي تجد عندي كل تقدير والتى أتمنى أن تكون كريماتي كلهن أو بعضهن في مثل ملكاتك وشخصيتك ودفاعك عما ترين . هسع لو جيتي وقلت أن كلام عاطف دا كلو ( كلام فارغ ولا يسوى مشقة قراءته ) صدقيني لن أعكس هذا الرأى على نظرتك لشخصي بل ( أحصرها ) في رأيك عن ( نظرتي المحددة لذاك الموضوع ) تحضرني أيضاً قالة حكيمة للأستاذ محمود محمد طه يصف فيها الدكتور حسن الترابي بقوله " نحب أن نوكد لمن عسى يحتاجون لتوكيد أن شخصية الدكتور حسن الترابي هى موضع حبنا ، لكن ما تنطوي عليه من زيف وجهل بالدين هى موضع حربنا " أنت لست مزيفة ولست بجاهلة لكنني أوردت المثل لتبيان فرق أن ننقد (الرأى ) و أن نتعرض للشخصية نعم الموضوع ما شخصي صدقيني سوف أنسحب من هذه الساحة إن وجدت أنني عاجز عن مقارعة الحجة أو أن مقارعتي للحجة يتم بالتعرض لشخوص الآخرين لك السلام وكل الإحترام

---

Post: #150 Title: Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم Author: وليد محمد المبارك Date: 03-17-2010, 07:41 AM Parent: #143 Quote: جئتينا بشئ آخر أن الـ 12 % لا يتم الإلتزام بها وهذا شئ نسأل عنه وليد ظني ويقيني أنه يتم الإلتزام به وبأكثر منه ( أخوك صاحب تجربة شخصية في تعليم أنجاله ) لا توجد اي تجاوزات في هذا الامر بتاتا بعدين يا عاطف كلية الطب جامعة الفاشر كلية في جامعة حكومية محترمة جدا ستجد ان كثير من الاطباء في الاضراب خرجين منها

---

Post: #144 Title: Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم Author: Amany Elamin Date: 03-16-2010, 12:04 PM Parent: #142 حاتم علي (صديقي) ومريم بت الحسين (صاحبتي) ,, ياجماعه نحن ما بدينا ملاواه مع الأطباء, بس الناس ديل لقيناهم بتكلموا معانا من فوق السحاب, عشان كده جبنا ليهم شوية حقائق عشان يغيروا خطابهم, هنا وفي المستشفيات كمان مع المرضي, وكتر خير د. محمد قرشي علي لغته اللطيفه المتواضعه, ده كله نقاش لا ينتقصهم حقهم في المطالبه بحقوقهم, ولو رجعتي لكلامي فوق يامريم حتلقيني قلت انه سوق العمل بيختلف عن الحياه الأكاديميه, ومعايير العمل بتختلف, وقلنا ديل خريجين جدد ومرتباتهم متساويه مع رصفائهم في الدرجه العلميه, جات د. ناهد قالت ما موظفين عاديين, وجاء د. أمجد قال أوفر تايم, قلنا لأمجد كلامك صاح من حقكم وقلنا ل د. ناهد لأ موظفيين عاديين, فيا مريومه ما تحكمي علي كلامي من فقره واحده أقريهو كله, وياحاتم حاضر حأبطّل ملاواه :) وتاني مره كل التوفقيق لكل صاحب حق في مسعاهو نحو استرداد حقه, ولا للتمييز الايجابي للأطباء,

---

Post: #145 Title: Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم Author: هواري نمر Date: 03-16-2010, 12:25 PM Parent: #144 Quote: جات د. ناهد قالت ما موظفين عاديين, وجاء د. أمجد قال أوفر تايم, قلنا لأمجد كلامك صاح من حقكم وقلنا ل د. ناهد لأ موظفيين عاديين, أماني تحياتي و احترامي... انت عارفة قصة (موظف غير عادي)...دي كيف؟؟ موش لانه هو احسن أو انجح أو اعلم..لالالالالا لانه توظيف الطيبب في الخدمة المدنية في السودان,ما يتم عبر مكتب العمل و من التخريج يبدأ طوالي التسلل الوظيفي بتاعه لالالا في مشكلة في الحكاية دي و مشكلة كبيرة جدا.. بعد التخريج و الخدمة الالزامية..شوفي في كم رقم طبي او سجل طبي ليهم.. يعني هو موش موظف اصلا و لا يدخل في السلم الوظيفي.. هو عبارة عن طبيب عــــــــاطل,ايوة تخرج و عمل الخدمة الالزامية و الامتياز....لكن سبحان الله عاطل..ما عنده وظيفة.. دي هنا المشكلة ال غير عادية.. لو كان زيو وزي اي خريج طوالي بعد الخدمة,قامو ناس مكتب العمل..عينوه و ادوه وظيفة...وبعد دااك تدرج في الخدمة المدنية,كان ممكن يعتبر عادي و هو المطلوب.. لكن للاسف في بلدنا ده ما حاصل,ودي المشكلى الكبيرة و الماعادية.. لك و لصاحب البوست كل التحية و الاحترام ____ ومع كل الاطباء حتي ينالو حقوقهم كاملة غير منقوصة... وكل افراد الخدمة المدنية

---

Post: #146 Title: Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم Author: Amany Elamin Date: 03-16-2010, 02:50 PM Parent: #145 معذره خطأ في المداخله :)

---

Post: #147 Title: Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم Author: Amany Elamin Date: 03-16-2010, 03:02 PM Parent: #146 الأخ عاطف عمر, شكرا علي توضيحك, وتحياتي لكريماتك, أنا نقاطي الأساسيه ببساطه: دعم لسعي الأطباء من أجل نيل حقوقهم المشروعه, وكامل تعاطفي مع المواطن اللي أكيد حيتضرر بطريقه أو بأخري من الاضراب, ولا للتمييز الايجابي للأطباء, مرحب بيك في النقاش ومافي زعل,

---

Post: #148 Title: Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم Author: Amany Elamin Date: 03-16-2010, 03:11 PM Parent: #145 الأخ هواري, سلامات ومعذره علي التأخر في الرد, Quote: لانه توظيف الطيبب في الخدمة المدنية في السودان,ما يتم عبر مكتب العمل و من التخريج يبدأ طوالي التسلل الوظيفي بتاعه لالالا في مشكلة في الحكاية دي و مشكلة كبيرة جدا.. أوّل حاجه مكتب العمل ده وين؟ ماعندي فكره اذا الخريجين بيشتغلوا عن طريق مكتب العمل !! حقيقي لسه في نظام زي ده في السودان؟ في مجالي الترقيه وزيادة المرتب رهينه بالدرجه العلميه, يعني لو ما حضرت ممكن أقعد عشره سنين بنفس المرتب ونفس الدرجه الوظيفيه, وده نفس حال أساتذة الجامعات, الأطباء -حسب علمي- بيمتحنوا امتحانات معينه بترقيهم في سلمهم الوظيفي, عموما الأطباء نقاطهم المتعلقه بالسلم الوظيفي بتاعهم من حقهم المطالبه باعادة تقييمها والاتفاق عليها مع القائمين علي الأمر, شكرا وتحياتي,,

---

Post: #149 Title: Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم Author: ombadda Date: 03-16-2010, 03:40 PM Parent: #148 أمانى سلام Quote: أوّل حاجه مكتب العمل ده وين؟ ماعندي فكره اذا الخريجين بيشتغلوا عن طريق مكتب العمل !! حقيقي لسه في نظام زي ده في السودان؟ أى موظف حكومة فى جمهورية السودان لا بد أن يمر عن طريق مكتب العمل ولا يستثنى من ذلك الطبيب.. والتدرج الوظيفى يتم بالفترات الزمنية.. (عن شخصى شغال 12 سنة فى وزارة الصحة ولا أحمل درجة علمية فوق الجامعية ..كل فترة زمنية أذهب لقسم شئون الأطباءبوزارة الصحة للترقية من درجة لأخرى(وبالطبع أرجع بخفى حنين للبيروقراطية وأشياء أخرى).... شىء أخر اخر درجة يمكن أن يصل لها الطبيب هى الدرجة الرابعة وفى السابق كان من الممكن بيصل حتى الدرجة الأولى وهى درجة سيادية... وشىء أخر هام نوه أليه الاخ هوارى بأن الطبيب ليست لديه وظيفة ثابتة ..يمنح رقم وظيفى عند بدء الإمتياز سرعان ما يسلب منه ليظل بلا وظيفة حتى يتحصل على وظيفة جديدة كطبيب عمومى وبمجرد إمتحانه الجزء الأول للتخصص يبدأ البحث لوظيفة نائب أخصائى وتلغى الوظيفة السابقة ..وعند إجتيازه إمتحان التخصص يبحث عن وظيفة أخصائى وتلغى الوظيفة السابقة... المشكلة أن هناك هناك إستقطاع المعاش الذى يذهب هباء بمجرد الإنتقال للوظيفة الجديدة..مثلا فى حالتى لو عدلت وظيفتى لأخصائى فإن إستقطاعات المعاش لفترة 12 عاما تذهب هباء وهو مبلغ ليس بالهين... كثير من الأطباء يجهل قوانين الخدمة المدنية زتضيع حقوقه بين أروقة المكاتب ..

---

Post: #152 Title: Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم Author: وليد محمد المبارك Date: 03-17-2010, 08:44 AM Parent: #149 Quote: شىء أخر اخر درجة يمكن أن يصل لها الطبيب هى الدرجة الرابعة وفى السابق كان من الممكن بيصل حتى الدرجة الأولى وهى درجة سيادية... وشىء أخر هام نوه أليه الاخ هوارى بأن الطبيب ليست لديه وظيفة ثابتة ..يمنح رقم وظيفى عند بدء الإمتياز سرعان ما يسلب منه ليظل بلا وظيفة حتى يتحصل على وظيفة جديدة كطبيب عمومى وبمجرد إمتحانه الجزء الأول للتخصص يبدأ البحث لوظيفة نائب أخصائى وتلغى الوظيفة السابقة ..وعند إجتيازه إمتحان التخصص يبحث عن وظيفة أخصائى وتلغى الوظيفة السابقة... المشكلة أن هناك هناك إستقطاع المعاش الذى يذهب هباء بمجرد الإنتقال للوظيفة الجديدة..مثلا فى حالتى لو عدلت وظيفتى لأخصائى فإن إستقطاعات المعاش لفترة 12 عاما تذهب هباء وهو مبلغليس بالهين... ده كلام غريب جدا وعشوائية ما بعدها عشوائية

---

Post: #153 Title: Re: اضراب الاطباء قندفة لا اكثر ولا اقل .. توجد صورة شهادة مرتب موظف قديم Author: حليمة محمد عبد الرحمن Date: 03-17-2010, 08:57 AM Parent: #152 كامل تضامني مع الاطباء في مطالبهم العادلة يستوي في ذلك من كانوا قبول عام او خاص.. الناس الشفناهم في الجامعة يقرأون والناس نيام.. لا يعرفون سبت ولا خميس ولا جمعة.. لا رحلات ولا خلطات.. روب ابيض وكتاب تؤبط (من تأبط).. يدخلون الجامعة مفتحين كالورد ويخرجون ذابلين وعيونهم اربعة.. وسقف الاكزام هول المخروط على شكل دبليو يذكرهم دائما بان اقل هفوة معناها ذاي وِل بيِ كيك اوف آند ويذرون.. والادهي والامر ان وقتهم ليس ملكا لهم.. في اي وقت مطلوب منه عيادة المرضى.. واسوأ شي لو كان الطبيب دا ساكن جنب اهله او علاقاته الاجتماعية كويسة..خلاص شقاء وفلس. ------------ غايتو يا الاطباء وااااااااا بورتكم..اسهمكم مع الفلس الحاصل دا نزلت في الواطة عند البنات. بعدما كنتو سوقكم حارة والناس في المناسبات يقولوا عايزين شاي دم الدكاترة.. طلعتوا بوش فول ما شبعانين..كُرْ