Post: #1
Title: جمـــال بحـــري !!
Author: Amany Elamin
Date: 03-09-2010, 08:30 AM
Parent: #0
صباح الخير ,,
عثرت بمحض الصدفه علي أغنيه جديده لطه سليمان,
الأغنيه اسمها "جمال بحري",
وبما اني من أهل بحري وعاشقيها وبالرغم من اني لا أستمع عادة لطه سليمان,
الا اني اثرت الاستماع الي الاغنيه لأسمع ماذا قال طه عن بحري,
ولدهشتي وجدت أغنيته تذكر مناطق لا نعتبرها "معشر سكان بحري"
داخل حدود منطقة بحري اطلاقا,
اغنية طه سليمان أشعر بها لاتتحدث عن بحري التي نعرف,
شعرت بضرورة ترسيم حدود بحري للحفاظ علي مسماها,
علي ماذا تطلق كلمة "بحري"؟
السؤال للأعزاء ناس "بحري طراوه" ..
ولكل محبي بحري,
---
الأغنيه لمن يود الاستماع ..
[B] طه سليمان - جمال بحري [/B]
[SIZE="1"]♫ أغاني سودانية»» ♪ SUDANIANA ♪ مكتبة الأغاني السودانية أغاني سودانية فيديو اغاني سودانية[/SIZE]
|
Post: #2
Title: Re: جمـــال بحـــري !!
Author: محمد عبد الماجد الصايم
Date: 03-09-2010, 08:42 AM
Parent: #1
ناس الحاج يوسف كيف؟
|
Post: #4
Title: Re: جمـــال بحـــري !!
Author: محمد عبد الماجد الصايم
Date: 03-09-2010, 08:44 AM
Parent: #2
أها لو عندكـ اعتراض في الكباشي
تكوني اتلومتي مع آل المسلمي!
|
Post: #3
Title: Re: جمـــال بحـــري !!
Author: Amany Elamin
Date: 03-09-2010, 08:43 AM
Parent: #1
بحري التي أعرف,
موطن الاباء والأجداد,
تتكون من مجموعة أحياء قديمه جدا,
كانت بدايتها علي ما أظن من حلة خوجلي وحلة حمد,
هجرة محس توتي الي ضفة النيل المواجهه والاستقرار هناك,
ودليل قدم تاريخ المنطقه قبة الشيخ خوجلي أبو الجاز,
والشيخ حمد ود أم مريوم, بعمر يناهز مئات السنوات,
هذه المنطقه علي حد علمي هي أقدم مناطق بحري,
تماثلها في القدم منطقة "خور شمبات" و"حلفاية الملوك",
ثم تم التوسع لتشمل علي سبيل المثال أحياء,
مثل الأملاك (منطقة سوق بحري), الختميه,
حي المزاد, الشعبيه, الدناقله, الصبابي,
دي في اعتقادي مجموعة الأحياء التي نطلق عليها منطقة "بحري"
أما ما عداها فتوسع أفقي يقع في تخوم المنطقه ولا يحمل نفس المسمي,
الخوجلاب علي سبيل المثال منطقه عريقه جدا,
وتنتمي في الأصل الي حي "حلة خوجلي" من حيث السكان,
ولكن لا تسمي الخوجلاب, ولا نطلق عليها في مسمانا "بحري" اطلاقا,
وكذلك عموم منطقة شرق النيل, تحمل مسمياتها,
ولاتعتبر تنتمي الي مسمي بحري الحقيقي !!
ياناس بحري تعالوا نحافظ علي مدينتنا الحبيبه بحري,
وعلي حدودها مرسومه بعنايه وعلي مسماها بمنتهي الوضوح ..
|
Post: #5
Title: Re: جمـــال بحـــري !!
Author: Hussein Mallasi
Date: 03-09-2010, 08:46 AM
Parent: #3
ناس أمدرمان حلوا المشكلة دي باستحداث محليتي كرري و امبدة.
|
Post: #6
Title: Re: جمـــال بحـــري !!
Author: محمد عبد الماجد الصايم
Date: 03-09-2010, 08:48 AM
Parent: #5
والله فوق زوزو!
حقيقة
حقيقة
حقيقة
|
Post: #11
Title: Re: جمـــال بحـــري !!
Author: Amany Elamin
Date: 03-09-2010, 09:01 AM
Parent: #6
لووووووول ياود الصايم ,,
دي كتلتني بالضحك,
القالها ده تعبان من ناس بحري شديد لووووول
بعدين يعني كيف طه سليمان يقول "الجيلي" بحري ؟!!!!
وأنا الكنت مستنيه الغنيه تصل بحري يقوم ينهيها "الله فوق زوزو" ؟!!!!!!!
|
Post: #12
Title: Re: جمـــال بحـــري !!
Author: محمد عبد الماجد الصايم
Date: 03-09-2010, 09:04 AM
Parent: #11
| Quote: وأنا الكنت مستنيه الغنيه تصل بحري يقوم ينهيها "الله فوق زوزو" ؟!!!!!!! |
دي معاناها إلخ إلخ إلخ
هسي بي سببكـ الليلة سمعنا:
ماشة معاكـ عسل .. أنا ليكـ كيفن أصل!
وماشة معاكـ باسطة .. والدنيا ليكـ باسطة!
يالله
أهو ماشة معاكـ حــلاوة
|
Post: #37
Title: Re: جمـــال بحـــري !!
Author: Amany Elamin
Date: 03-09-2010, 10:38 AM
Parent: #12
| Quote: دي معاناها إلخ إلخ إلخ |
|
Post: #10
Title: Re: جمـــال بحـــري !!
Author: Amany Elamin
Date: 03-09-2010, 08:57 AM
Parent: #5
ملاسي سلامات,,
| Quote: ناس أمدرمان حلوا المشكلة دي باستحداث محليتي كرري و امبدة. |
طيب شرق النيل محليه برضو قايمه بذاتها المفروض,
ناس الحاج يوسف والجريف شرق, لغاية العيلفون وأم دوم وبقية المنطقه ,
لكن المنطقه شمال الحلفايه أول مره أعرف انه طه سليمان تحديدا معتبرها بحري !!
نطالب باستحداث محليه للمنطقه وترسيم حدود بحري ,,
|
Post: #7
Title: Re: جمـــال بحـــري !!
Author: Amany Elamin
Date: 03-09-2010, 08:50 AM
Parent: #3
ود الصايم صباح الخير,
الحاج يوسف ياها الحاج يوسف,
يعني شرق النيل,
أووووعه تكونوا بتقولوا ساكنين بحري ؟ّّ!! لوووووووول
طيب الكباشي كيف يعني؟
الكباشي دي برضو ياها الكباشي,
الا لو كلمة "بحري" دي غيروها !!
بعدين عندي سؤال جادّي,
"أبو حليمه" دي وين؟
جهة الكدرو والدروشاب وكده؟
لأنو دي برضو ما بحري ..
---
معا لترسيم حدود بحري,
عشان ود الصايم ومن لف لفه ما يقولوا معانا لوووول
|
Post: #8
Title: Re: جمـــال بحـــري !!
Author: محمد عبد الماجد الصايم
Date: 03-09-2010, 08:53 AM
Parent: #7
Quote: "أبو حليمه" دي وين؟
جهة الكدرو والدروشاب وكده؟ |
هسي عليكـ الله في زول من بحري ما بحرف أبو حليمة وين؟
كان ما من بحري .. ما بتمشي رحلات كمان!
أيوا ياخ!
بعد الكدرو
السقاي
أبو حليمة
|
Post: #18
Title: Re: جمـــال بحـــري !!
Author: Amany Elamin
Date: 03-09-2010, 09:23 AM
Parent: #8
ود الصائم,,
Quote:
أيوا ياخ!
بعد الكدرو
السقاي
أبو حليمة |
وتيب ؟
أنا بستنجد بقروب (بحري طراوه),
الكدرو السامراب الدروشاب أم القري لغاية الجيلي ,,
المنطقه دي اسمها بحري؟
---
قلت لي سمعت ماشه معاك قشطه, وماشه معاك بسبوسه؟
|
Post: #133
Title: Re: جمـــال بحـــري !!
Author: Mubarak kunna
Date: 03-10-2010, 05:12 PM
Parent: #18
فوق بحري فوق
|
Post: #19
Title: Re: جمـــال بحـــري !!
Author: محمد عبد الماجد الصايم
Date: 03-09-2010, 09:24 AM
Parent: #8
غايتو أخدت لي سياحة ما بطالة!
___
هو بكري أخانا الذي في أرزونا وقّف أكـواد
الأغاني متين .. قاتل الله الهكر ياخ!
|
Post: #9
Title: Re: جمـــال بحـــري !!
Author: حافظ حسن ابراهيم
Date: 03-09-2010, 08:54 AM
Parent: #7
Quote: معا لترسيم حدود بحري,
|
دا إنقسام يا أماني و بصورتك دي بتخلي الوحدة ما جاذبة
--------------
نسينا السلام ذاتو يا خي
كيفك اماني و زوراك الفي و الجايين
|
Post: #13
Title: Re: جمـــال بحـــري !!
Author: Amany Elamin
Date: 03-09-2010, 09:06 AM
Parent: #9
حافظ ازيك ياصديق,
وصباحك خير,
| Quote: دا إنقسام يا أماني و بصورتك دي بتخلي الوحدة ما جاذبة |
لكن الوحده بوضع اليد, وللا بالاتفاق؟
نرسّم الحدود بعدين ممكن نتفق مع محبي بحري علي حسن الجوار,
علي تقاسم السلطه والثروه, علي الوحده ذاتو لو حكمت,
خليك معاي في حركة تحرير بحري وترسيم حدودها :)
تسلم ياصديق,,
|
Post: #14
Title: Re: جمـــال بحـــري !!
Author: حافظ حسن ابراهيم
Date: 03-09-2010, 09:12 AM
Parent: #13
| Quote: خليك معاي في حركة تحرير بحري وترسيم حدودها |
والله!
دي تلقيها عند الغافل يا أماني نناضل ليكم نحنا و تجي تأكل الثروة و السلطة براكم
يا ود الصايم بالله يدك معانا نحرف البوست الجهوي دا ....
أنا أصلاً اليومين دي مرفود من الشغل بحسن السير و السلوك
و داير أخش كورس بتاع لئامة أها قلت أبدا من بوست الجهوية أماني الامين *
------------------------------------
غايتو نتعلم الحجامة في قفا اليتامي........ بإعتبار أماني دي ما شكالة شديد و لا إتعلمت
|
Post: #15
Title: Re: جمـــال بحـــري !!
Author: محمد عبد الماجد الصايم
Date: 03-09-2010, 09:17 AM
Parent: #14
| Quote: يا ود الصايم بالله يدك معانا نحرف البوست الجهوي دا .... |
نحرفو نوديهو شارع الغابة مثلا؟
|
Post: #16
Title: Re: جمـــال بحـــري !!
Author: ombadda
Date: 03-09-2010, 09:21 AM
Parent: #14
امانى سلام..
سكنا فى بحرى فى الفترة ما بين سنة 78
كل ما اتذكره هى عبارة نرددها عند اقتراب عربة (....) لتفريغ الجرادل الممتلئة ب(......)
العبارة هى (العيفونة الليمونة) ...وبعدها نلوذ بالفرار ... والويل لمن يمسكوه عمال عربة (....)
حيغطسوا راسو فى أقرب جردل...
غايتو امبدة وهواءها النقى وحيشانها الواسعة نعمة
|
Post: #21
Title: Re: جمـــال بحـــري !!
Author: Amany Elamin
Date: 03-09-2010, 09:32 AM
Parent: #16
يادكتور سلامات,,
بوست الكانسر الظاهر في زول عمر لي فيهو عمل,
كل ما أقول بسم الله عشان أرفعو ونواصل قلبي ياباهو لوووول
| Quote: غايتو امبدة وهواءها النقى وحيشانها الواسعة نعمة |
أول شئ سنة 78 دي أنا لسه ما اتولدت,
لكن ناس بحري الزمن داك بيكونوا ما سمعوا بحاجه اسمها أمبده لسه
بعدين في أهدأ وللا هوا أجمل من هوا بحري وحيشانها؟
بالمناسبه انتو كنتوا ساكنين وين في بحري؟
|
Post: #20
Title: Re: جمـــال بحـــري !!
Author: Amany Elamin
Date: 03-09-2010, 09:27 AM
Parent: #14
هوي ياحافظ,
Quote: يا ود الصايم بالله يدك معانا نحرف البوست الجهوي دا ....
أنا أصلاً اليومين دي مرفود من الشغل بحسن السير و السلوك
و داير أخش كورس بتاع لئامة أها قلت أبدا من بوست الجهوية أماني الامين *
|
يعني السودان ده كلو مرسّم حدوده وباقي عليها عشره,
حقارتكم فينا نحن ناس بحري عشان هادئين ومسالمين؟
ياناس بحري,
طه سليمان ما براهو الظاهر لوووووول
---
وهبه ده مالو اتأخر كده لوووووول
|
Post: #17
Title: Re: جمـــال بحـــري !!
Author: جلال جبريل
Date: 03-09-2010, 09:22 AM
Parent: #13
الخدار المرشوش دا قاصد بيهو
خدار النيل
ولا جرجير الخدرجية يا أماني؟؟
وبعدين قال جناين الخوجلاب لي قلبو محتكرة
وهناك النيل بغازل في أرض بِكرة
هني بي صراحة كان دخل فيها كلمة كسرة كانت بتظبط 100%
|
Post: #22
Title: Re: جمـــال بحـــري !!
Author: حافظ حسن ابراهيم
Date: 03-09-2010, 09:33 AM
Parent: #17
| Quote: نحرفو نوديهو شارع الغابة مثلا؟ |
الغابة , المشتل , أم طرقاً عراض ما فارق بس في النهاية يتحرف و السلام و لا أقول ليك حاجة وديها امبدة يا خي
Quote: غايتو امبدة وهواءها النقى وحيشانها الواسعة نعمة
|
بس دي كيف يا أم بدة؟ و لا نظام القرد في عين أمو غزال.... انت عارف ذكرتني أمي جات من البلد كرت الخرطوم أها وقت جات راجعة سألناها : الخرطوم كيف؟
الله ينعل ابو الخرتوم ( التاء دي طاء لكن في لسان بتاع رطانة لسا ما اتعالج منها)... الله ينعل ابو الخرتوم حيشانم الديقات ديل... و الله الزول لو داير يتمغي الا يمرق برا الشارع...
أخوي الصغير برضوا حماكم الله بعرف من الجنون الوراثي رد عليها
والله الكديسة الما لحقت اللحمة و قالت هي زاتها عفنة......
بالله شتت الكور دي كويسة و لو ما قادر نشوف وهبة النادوها داير يسوي شنو؟
تدعي وهبة ندعو حيدر الزين
---------------------
------------------
قال أبو حليمة ما بحري كيف يعني؟
معاً لاجل ابو حليمة البحراوية أم عن جدة
|
Post: #23
Title: Re: جمـــال بحـــري !!
Author: محمد عبد الماجد الصايم
Date: 03-09-2010, 09:41 AM
Parent: #22
Quote: الله ينعل ابو الخرتوم حيشانم الديقات ديل...
و الله الزول لو داير يتمغي الا يمرق برا الشارع... |
|
Post: #24
Title: Re: جمـــال بحـــري !!
Author: حافظ حسن ابراهيم
Date: 03-09-2010, 09:47 AM
Parent: #23
يا ود الصايم انا قلت ليك احرق ما قلت ليك أضحك؟
----------------------
يوم كدا شفت ليك ضحك حرف ليهو بوست
|
Post: #26
Title: Re: جمـــال بحـــري !!
Author: محمد عبد الماجد الصايم
Date: 03-09-2010, 09:58 AM
Parent: #24
هي نعمل شنو يا عمكـ
بقيت علينا إنت وأمكـ!
القافية كيف باللاي؟
|
Post: #27
Title: Re: جمـــال بحـــري !!
Author: Amany Elamin
Date: 03-09-2010, 10:02 AM
Parent: #24
ياحافظ,
والله ود الصائم بيضحكته دي يحرف أجدعها بوست :)
Quote: بالله شتت الكور دي كويسة و لو ما قادر نشوف وهبة النادوها داير يسوي شنو؟
تدعي وهبة ندعو حيدر الزين
|
وهبه صاحب المقوله الشهيره,
"أولاد الديم ما خلوا لأولاد بحري حاجه"
ماكان عارف حينها انو كلمة "بحري" تم تحريفها قدر ده :)
أمّا حيدر الزين فقوّات صديقه ..
حافظ انت زاتك باين لي من كلامك مع د. أمبده بتحب بحري وناس بحري,
ما تعمل فيها معارضه ساي لووووول
|
Post: #25
Title: Re: جمـــال بحـــري !!
Author: Amany Elamin
Date: 03-09-2010, 09:56 AM
Parent: #17
جلال جبريل:
Quote: الخدار المرشوش دا قاصد بيهو
خدار النيل
ولا جرجير الخدرجية يا أماني؟؟
وبعدين قال جناين الخوجلاب لي قلبو محتكرة
وهناك النيل بغازل في أرض بِكرة
هني بي صراحة كان دخل فيها كلمة كسرة كانت بتظبط 100% |
انت كان خدار النيل وللا الجرجير مالك مابيهو؟
مزارع بحري دي في أجمل منّها؟
--
انت مش أخو طارق جبريل؟
|
Post: #28
Title: Re: جمـــال بحـــري !!
Author: حافظ حسن ابراهيم
Date: 03-09-2010, 10:09 AM
Parent: #25
Quote: هي نعمل شنو يا عمكـ
بقيت علينا إنت وأمكـ!
ياخي بلا يخمك
|
ايو كدا تمام... بشوية إجتهادات و إعتقادات ممكن تبقي شاعر ظليل (كلمة قريبة من ظليل يا خي)
والله يا ود الصايم دي ضحكت فيها ضحك بس مشكلتي ما بعرف أختت الوشوش,,, بالله في واحد بعرف الحركة
دي يجدع لينا هنا وشين تلاتة مكشرات... و الله لا يضيع أجر من أحسن عملاً
-----------------------
بالله الب الاحمر دي من انتاجي انا شخصياً بعدين ما تكلنا حنك وقت القصيدة دي الفوق تتم و تتلحن
|
Post: #29
Title: Re: جمـــال بحـــري !!
Author: محمد عبد الماجد الصايم
Date: 03-09-2010, 10:14 AM
Parent: #28
هي نعمل شنو يا عمكـ
بقيت علينا إنت وأمكـ!
ياخي بلا يخمك
شوف ليكـ بورد يلمّكـ!
أها يا حافظ
بيت بيتين تاني وبكره
نلاقي طه سليمان بغني فيها!
|
Post: #30
Title: Re: جمـــال بحـــري !!
Author: حافظ حسن ابراهيم
Date: 03-09-2010, 10:17 AM
Parent: #28
| Quote: أمّا حيدر الزين فقوّات صديقه |
أماني ... أماني من متين حيدر مين القوات صديقة دا... أها كمان كنور بقت من بحري؟
Quote: حافظ انت زاتك باين لي من كلامك مع د. أمبده بتحب بحري وناس بحري,
ما تعمل فيها معارضه ساي لووووول |
أماني للمرة التانية بقول ليك لو دايرا تفاوض ممكن نخت السلاح و نجي نتفاوض لكن بشرط ان اكون والي لولاية شمبات .... وود الصايم أخوي دا ندمج ليهو حلة خوجلي و حمد ولاية واحدة و ييبقي عليهم والي
و يا دار ما دخلك شر؟
--------------------
ختي في بالك نحن هسا ماسكين ابو حليمة , و أم ضريوه , و تاني وين يا ود الصايم؟
|
Post: #32
Title: Re: جمـــال بحـــري !!
Author: محمد عبد الماجد الصايم
Date: 03-09-2010, 10:20 AM
Parent: #30
| Quote: ختي في بالك نحن هسا ماسكين ابو حليمة , و أم ضريوه , و تاني وين يا ود الصايم؟ |
حافظ يا عمكـ
حليمة وضريوة ديل أخوات ولا تشابه أسماء ساي؟
|
Post: #33
Title: Re: جمـــال بحـــري !!
Author: Amany Elamin
Date: 03-09-2010, 10:25 AM
Parent: #30
حافظ باحافظ ..
| Quote: أماني ... أماني من متين حيدر مين القوات صديقة دا... أها كمان كنور بقت من بحري؟ |
أشرح ليك ياسيدي,
حيدر الزين صاحب عمو وهبه لحام ستالين,
والاتنين بيطلقوا عليهم قوي الظلام يعني حاجه واحده,
وعمو وهبه بحراوي أصيل ..
فأكيد حيدر معانا ضد تحريف حدود بحري,
واطلاق مفردة "بحري" علي أبو حليمه وأم القري, والجيلي ..
Quote: أماني للمرة التانية بقول ليك لو دايرا تفاوض ممكن نخت السلاح و نجي نتفاوض لكن بشرط ان اكون والي لولاية شمبات ....
وود الصايم أخوي دا ندمج ليهو حلة خوجلي و حمد ولاية واحدة و ييبقي عليهم والي و يا دار ما دخلك شر؟ |
لووووووول
مرحبا بأبو حليمه في رحاب مدينة بحري,
ههههههههههههههههه
|
Post: #31
Title: Re: جمـــال بحـــري !!
Author: Amany Elamin
Date: 03-09-2010, 10:17 AM
Parent: #25
Quote: قال أبو حليمة ما بحري كيف يعني؟
معاً لاجل ابو حليمة البحراوية أم عن جدة |
لووووووول ياحافظ,
والله العظيم ما قايله روحي بسمع لي غنيه اسمها جمال بحري,
ألقي فيها أبو حليمه والجيلي,
مع احترامي الكامل لكل المناطق دي,
لكن هم زاتو لو قالوا ليهم بحري حيضحكوا
|
Post: #34
Title: Re: جمـــال بحـــري !!
Author: حافظ حسن ابراهيم
Date: 03-09-2010, 10:29 AM
Parent: #31
Quote: هي نعمل شنو يا عمكـ
بقيت علينا إنت وأمكـ!
ياخي بلا يخمك
شوف ليكـ بورد يلمّكـ!
أو قبر يضمك |
الظليل ود الصايم دي حتكون رائعة 2010 ... و منها نطلع لين بقرشين تلاتة
انا ال ب الأحمر
-------------
أها يا أماني قلت لي بحري مالا؟
|
Post: #38
Title: Re: جمـــال بحـــري !!
Author: Amany Elamin
Date: 03-09-2010, 10:44 AM
Parent: #34
| Quote: أها يا أماني قلت لي بحري مالا؟ |
قلت ليك بحري البعرفها أنا,
ياها الفي القصيده دي:
Quote:
في ربوع بحــــــــري لاقيته
في ربوع بحري لاقيتــــــه بسم حياني حيتـــــــــــــــو
*************
في ربوع بحري لاقيتــــــه وماكان املي القــــــــــــاه
فتح قلبي وسكن فيــــــــــه بخمره حبه اسقــــــــــــاه
قلبي علي الضني اتعلـــــم وحين ما اطراه اتالــــــــم
مابسلاه يا احبــــــــــــــاب ومهما فؤادي اسقــــــــاه
*************
طالعين كنا في نشــــــــوه علي البلديه مرينــــــــــــا
ناجينا الطيور في الروض وقلنا ليها سامرينـــــــــــا
سامرتنا بالتغريــــــــــــد وريناها معي الريـــــــــــد
قمنا وقالت اطرونـــــــي وقلنا ليها اطرينــــــــــــــا
*************
عبرنا الكبري والكبـري راجعين بقعه ام درمـــان
مزجت دموعي بدموعه والجو كان امان في امان
*************
ودعته ورجعت بـــراي لاروح لافكــــــــر لاراي
انا قلبي التركته وراي غائب مني ليه زمــــــان |
--
بحري شارع البلديه وماجاوره :)
|
Post: #35
Title: Re: جمـــال بحـــري !!
Author: عبود عبد الرحيم
Date: 03-09-2010, 10:34 AM
Parent: #31
سلام يا أماني
بعيداً عن المغني الذي وصفتيه (بالفنان) دا
نقول أن بحري (كانت) أكثر المدن هدوءاً
بس بعد كبري (المك نمر) الحكاية جااااطت !!!
ـــ
زول من (حلة خوجلي) منذ عشرة سنوات ... بس !!
|
Post: #39
Title: Re: جمـــال بحـــري !!
Author: Amany Elamin
Date: 03-09-2010, 10:50 AM
Parent: #35
عبود عبد الرحيم سلامات ,,
Quote: بعيداً عن المغني الذي وصفتيه (بالفنان) دا
نقول أن بحري (كانت) أكثر المدن هدوءاً
بس بعد كبري (المك نمر) الحكاية جااااطت !!! |
أنا قلت علي طه سليمان فنّان؟
ما قلت والله, قلت طه سليمان حاف :)
المك نمر عيبو انو جاب لينا ناس أمدرمان مارين بعندينا
ياسلااااااااام,
| Quote: زول من (حلة خوجلي) منذ عشرة سنوات ... بس !! |
بالله ساكن الحي الأمامي جوار الاسبتاليه؟
<object width="425" height="344"><param name="movie" value="http://www.youtube.com/v/boK2RugTMSU&hl=en_US&fs=1&&quo...;/param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/boK2RugTMSU&hl=en_US&fs=1&"; type="application/x-shockwave-flash" allowscriptaccess="always" allowfullscreen="true" width="425" height="344"></embed></object>
|
Post: #36
Title: Re: جمـــال بحـــري !!
Author: بشير جبريل علي
Date: 03-09-2010, 10:37 AM
Parent: #31
Quote: والله العظيم ما قايله روحي بسمع لي غنيه اسمها جمال بحري,
ألقي فيها أبو حليمه والجيلي, |
أماني .. سلامات ..
طه سليمان بقصد جمال بحري المستوردة من الصومال .. (ذات السنامين)
ودي ..
|
Post: #40
Title: Re: جمـــال بحـــري !!
Author: بشير جبريل علي
Date: 03-09-2010, 10:54 AM
Parent: #36
Quote: هي نعمل شنو يا عمكـ
بقيت علينا إنت وأمكـ!
ياخي بلا يخمك
شوف ليكـ بورد يلمّكـ!
أو قبر يضمك
خلاص قمت لجنك
ودا أنت الراجنك
أقوم أشيل حجر وأفنك |
ياخ دي من البحر القصير ..بتقطع النفس ..
واحد مركب مكنة شاعر ..
عندي معاكم ثلاثة بيوت في العشوائي ..بالخط المائل ..
عشان تحفظوا لي حقي المادي ..
تحياتي ..
|
Post: #41
Title: Re: جمـــال بحـــري !!
Author: ياسر عبدالعزيز الطيب
Date: 03-09-2010, 10:55 AM
Parent: #36
الأخت أماني
تحياتي
Quote:
تماثلها في القدم منطقة "خور شمبات" و"حلفاية الملوك",
|
تصحيح بسيط:
خور شمبات ده في أمدرمان لكن اظنك قاصدة شمبات قلب بحري (بكل عنصرية).
((والله فوق زوزو والله فوق شمبات)).
Quote:
الخوجلاب علي سبيل المثال منطقه عريقه جدا,
وتنتمي في الأصل الي حي "حلة خوجلي" من حيث السكان,
ولكن لا تسمي الخوجلاب, ولا نطلق عليها في مسمانا "بحري" اطلاقا,
|
تصحيح تاني:
بحري دي ممتدة على حدود النيل الغربية من حلة حمد لحدي الجيلي، يعني المناطق دي كلها مناطق أصيلة في تكوين بحري وارتبطت بيها قبل كتير من المناطق الجديدة المافي خلاف على أنها جزء من بحري زي المغتربين والصافية مثلاً.
وتقبلي احترامي
|
Post: #43
Title: Re: جمـــال بحـــري !!
Author: Amany Elamin
Date: 03-09-2010, 11:16 AM
Parent: #41
أهلا بيك أخ ياسر:
Quote: تصحيح بسيط:
خور شمبات ده في أمدرمان لكن اظنك قاصدة شمبات قلب بحري (بكل عنصرية). |
شمبات البقصدها أنا,
شمبات الحله, لأنه ده هو الحي العريق,
أمّا أي شمبات غير كده فانضمت لاحقا,
Quote: تصحيح تاني:
بحري دي ممتدة على حدود النيل الغربية من حلة حمد لحدي الجيلي، يعني المناطق دي كلها مناطق أصيلة في تكوين بحري وارتبطت بيها قبل كتير من المناطق الجديدة المافي خلاف على أنها جزء من بحري زي المغتربين والصافية مثلاً. |
غير صحيح,
البتتكلم عنها دي قري تقع شمال بحري,
مع التوسع العمراني الأفقي للعاصمه بقت ما في حدود بتفصلها عن بحري,
بحري البعرفها أنا حدها الحلفايه,
وفي الحلفايه اللاسلكي كانت أقصي حدود بحري شمالا,
الباقي دي كلها قري ومناطق قائمه بذاتها,
بحري المدينه بتشمل في حدودها المغتربين والصافيه كأحياء حديثه بدون شك,
تحياتي واحترامي,,
|
Post: #131
Title: Re: جمـــال بحـــري !!
Author: Mubarak kunna
Date: 03-10-2010, 04:12 PM
Parent: #43
فوق بحري فوق
|
Post: #44
Title: Re: جمـــال بحـــري !!
Author: حافظ حسن ابراهيم
Date: 03-09-2010, 11:17 AM
Parent: #41
Quote: هي نعمل شنو يا عمكـ
بقيت علينا إنت وأمكـ!
ياخي بلا يخمك
شوف ليكـ بورد يلمّكـ!
أو قبر يضمك
خلاص قمت لجنك
ودا أنت الراجنك
أقوم أشيل حجر وأفنك ] |
*
يا الله يا الله شوف الكلمات يا ود الصايم ... بشير موهبة موهبة و محتاجة لرعاية حقيقية
يا سيد بشير كأعلان بتاع حسن نوايا كدا نحنا بنقوم نقتسم معاك الإسم... اصلاً كان اسمنا حافي-حايم
الحرفين الاوائل من اسم العبد لله(حافظ), الياء من ود الصايم , الحاء البعديها من إسم والد العبد لله طيب الله ثراؤه (حسن), و ايم الأحرف الاخيرة من ود الصيام.... هسي الإسم حيتغير يا ود الصايم لانو جاتنا موهبة ما حصلت في المستقبل القريب الشاعر (بشييييييييييير) لكن يا بشير انا بتنازل ليك عن حرف من نصيبي في الإسم لانو إسهاماتك شوية جات متأخرة عشان كدا إسمنا الجديد حيكون
(حابي-حايم)
----------------------
اللون الأخضر لبشير
و انا ال ب الأحمر
وود الصايم كائن مائي لا لون له
|
Post: #45
Title: Re: جمـــال بحـــري !!
Author: Amany Elamin
Date: 03-09-2010, 11:22 AM
Parent: #44
Quote: هي نعمل شنو يا عمكـ
بقيت علينا إنت وأمكـ!
ياخي بلا يخمك
شوف ليكـ بورد يلمّكـ!
أو قبر يضمك
خلاص قمت لجنك
ودا أنت الراجنك
أقوم أشيل حجر وأفنك |
قد تبين أنهم ما أتوا لحوار,
محاولاتكم لحرف البوستات أصبحت مكشوفه ,
ميزانيات كبيره مرصوده وما عارفه شنو , الخ الخ الخ
التجاهل .. التجاهل .. التجاهل ..
|
Post: #42
Title: Re: جمـــال بحـــري !!
Author: Amany Elamin
Date: 03-09-2010, 11:10 AM
Parent: #36
بشير جبريل سلامات,
Quote: أماني .. سلامات ..
طه سليمان بقصد جمال بحري المستوردة من الصومال .. (ذات السنامين)
|
لأ وانت الصادق,
هو قاصد الجمال الواحد ده,
بس هو الظاهر ما عارف بحري دي وين !!
|
Post: #46
Title: Re: جمـــال بحـــري !!
Author: عبدالكريم أحمد الامين
Date: 03-09-2010, 11:24 AM
Parent: #42
** بت الامين.
** مساءك خير..
## إذا زرتى المفوضيه العُليا لست الهوى والطراوه :-
بحري طراوة... ويا ناس بحري .. قالوا بتحبوا يلا حبونا..]
## تجدين كل الديناصورات البحراويه من حلة الميرى الى واوستى و ودرملى ,, ومن الصبابى وحمد وخوجلى الى ابودليق ..
** يكفى بحرى أنو هواها بيرد الروح..
(ودام الود بين الجميع)
(ابو محمد فؤاد)
|
Post: #47
Title: Re: جمـــال بحـــري !!
Author: ياسر عبدالعزيز الطيب
Date: 03-09-2010, 11:34 AM
Parent: #42
موضوع جميل للنقاش...
معاك 100% إنه شمبات الحِله هي الأصل وهي قلب بحري الأناقاصده تحديداً، وإمتداد شمبات دي زيادة لشمبات من زمن قريب جداً وانا عندي فيها مليون راي بالرغم من إنه معظم أهلنا ناس الحِلة إتجبروا يرحلوا ليها لظروف التخطيط.
أنا تصحيحي ليك لإنك قلتي (خور شمبات) و الخور ده في أمدرمان جهة وادي سيدنا ويمكن سموهو كده لأنه مقابل لشمبات.
Quote:
غير صحيح,
البتتكلم عنها دي قري تقع شمال بحري,
مع التوسع العمراني الأفقي للعاصمه بقت ما في حدود بتفصلها عن بحري,
بحري البعرفها أنا حدها الحلفايه,
وفي الحلفايه اللاسلكي كانت أقصي حدود بحري شمالا,
الباقي دي كلها قري ومناطق قائمه بذاتها,
بحري المدينه بتشمل في حدودها المغتربين والصافيه كأحياء حديثه بدون شك,
تحياتي واحترامي,, |
سؤال قبل مانواصل، بس عشان أعرف جهة الحوار:
إنتي بتتكلمي عن بحري المحددة حسب رأي الحكومات بالمجالس، ولا بحري الأصل البنعرفها من ولدونا؟؟؟
لو الحكاية بتوزيع حكومات ومجالس، حتلقي إنه بحري دي مع كل حكومة عندها حدود مختلفة،
أما لو بالمستقر عند الناس أصلاً وبحكم القدم، أنا بأكد على كلامي الفات، لأنه زمااااااااان كانوا بيقولوا: فلان ناظر الخط. أها ناظر الخط ده مسئول من بحري السوق لحدي الجيلي.
شكراً تاني
|
Post: #48
Title: Re: جمـــال بحـــري !!
Author: Amany Elamin
Date: 03-09-2010, 11:49 AM
Parent: #47
أبو محمد فؤاد:
Quote: ** بت الامين.
** مساءك خير..
## إذا زرتى المفوضيه العُليا لست الهوى والطراوه :-
بحري طراوة... ويا ناس بحري .. قالوا بتحبوا يلا حبونا..]
## تجدين كل الديناصورات البحراويه من حلة الميرى الى واوستى و ودرملى ,, ومن الصبابى وحمد وخوجلى الى ابودليق ..
** يكفى بحرى أنو هواها بيرد الروح.. |
تابعت البوست الجميل لمده طويله,
لكن لما مشي خالص بقيت ما قادره أتابعه,
ممكن اخد اجازه من الشغل عشان أخلص منه كله :)
ياريت لو تفتوا لينا هنا بموجز عن حدود بحري, والمنطقه اللي بيطلق عليها بحري بتشمل شنو؟
تسلم علي زيارتك,
|
Post: #52
Title: Re: جمـــال بحـــري !!
Author: وليد عبد اللطيف
Date: 03-09-2010, 12:28 PM
Parent: #48
اماني الامين
ياخي والله انا من الصباح ببكي وبكلم امي
اجي واشوف بوستيك ده
يعني ما ازيتينا شديد
(خور شمبات ) هو الخور الفاصل بين الشعبية وشمبات
يعني تبدا شمبات من الخور ومقابر شمبات الجديدة
بيت بكاء في بحري ولا حفلة في .............
---------------
اماني بجيك صادي وتحياتي لكل ضيوفك
|
Post: #60
Title: Re: جمـــال بحـــري !!
Author: Amany Elamin
Date: 03-09-2010, 01:48 PM
Parent: #52
وليد عبد اللطيف سلامات:
سامحني علي موجة الحنين لبحري الانتابتك بسبب البوست,
ربنا يخلي الوالده وتحياتي ليها ..
Quote: (خور شمبات ) هو الخور الفاصل بين الشعبية وشمبات
يعني تبدا شمبات من الخور ومقابر شمبات الجديدة |
أيوه كده, بصراحه ياسر حيّرني,
لأني سمعتها كده من جدي الله يرحمه,
أكيد في انتظار عودتك,
|
Post: #49
Title: Re: جمـــال بحـــري !!
Author: Amany Elamin
Date: 03-09-2010, 12:01 PM
Parent: #47
Quote:
سؤال قبل مانواصل، بس عشان أعرف جهة الحوار:
إنتي بتتكلمي عن بحري المحددة حسب رأي الحكومات بالمجالس، ولا بحري الأصل البنعرفها من ولدونا؟؟؟
لو الحكاية بتوزيع حكومات ومجالس، حتلقي إنه بحري دي مع كل حكومة عندها حدود مختلفة،
أما لو بالمستقر عند الناس أصلاً وبحكم القدم، أنا بأكد على كلامي الفات، لأنه زمااااااااان كانوا بيقولوا: فلان ناظر الخط. أها ناظر الخط ده مسئول من بحري السوق لحدي الجيلي. |
ناظر الخط دي وظيفه حكوميه؟
الظاهر انت البتتكلم عن بحري الحكوميه,
أنا بتكلم عن بحري التاريخ والأصل,
حمد وخوجلي وشمبات الحله كأعرق المناطق,
ما عندي شك انو مناطق الكدرو وأم القري والجيلي,
مناطق عندها احدثياتها وتاريخها,
ومتصله جدا ببحري المدينه,
بس تظل قري شمال بحري المدينه,
كلمة بحري في عرفنا (ونحن من أعرق وأقدم سكان بحري),
تعني أحياء بحري الذكرتها ليك فوق كمركز, والأحياء المجاوره ليها كامتداد ليها,
---
عرفتك انت أخو ناس شبكه :)
|
Post: #50
Title: Re: جمـــال بحـــري !!
Author: ياسر عبدالعزيز الطيب
Date: 03-09-2010, 12:16 PM
Parent: #49
Quote: ناظر الخط دي وظيفه حكوميه؟
|
لا ما حكومية. أنا قلت ليك لو بعدنا عن الكلام الحكومي، يعني دي وظيفة أهلية زي العمدة وشيخ الحِلة.
Quote: الظاهر انت البتتكلم عن بحري الحكوميه,
|
أبداً أنا كلامي ده كله عن بحري الأصل، التاريخ، بحري الأهلية.
Quote: ما عندي شك انو مناطق الكدرو وأم القري والجيلي,
مناطق عندها احدثياتها وتاريخها,
ومتصله جدا ببحري المدينه,
|
أم القرى دي ماعندها أي علاقة بالكدرو والجيلي وشمبات الحَلة، زيها زي الدروشاب والسامراب و إمتداد شمبات ونبته، وكل المناطق الواقعة شرق شارع المعونة.
أنا قلت ليك إنه المناطق الواقعة على النيل هي الأصل المكون لبحري وبعد كده جات الزيادة الجديده شرق الشارع دي.
| Quote: كلمة بحري في عرفنا (ونحن من أعرق وأقدم سكان بحري),تعني أحياء بحري الذكرتها ليك فوق كمركز, والأحياء المجاوره ليها كامتداد ليها |
العرف ده أنا ذاتي معاكم فيهو لأني أنا ذاتي من أعرق وأقدم سكان بحري
| Quote: عرفتك انت أخو ناس شبكه :) |
لقيتك عرااااااااااااافه لكن
|
Post: #53
Title: Re: جمـــال بحـــري !!
Author: بشير جبريل علي
Date: 03-09-2010, 12:31 PM
Parent: #50
| Quote: هو قاصد الجمال الواحد ده |
اهاااااااا ..الذي إستشهد في معركة ذات الموز ..بتخوم أمدرمان ..
كان كدي يا أماني .. أنا مشيت بعيد ..خلاص ..قايلها إبل الصومال..
|
Post: #56
Title: Re: جمـــال بحـــري !!
Author: Amany Elamin
Date: 03-09-2010, 01:05 PM
Parent: #50
ياسر يا ود البروف :
Quote: أم القرى دي ماعندها أي علاقة بالكدرو والجيلي وشمبات الحَلة، زيها زي الدروشاب والسامراب و إمتداد شمبات ونبته، وكل المناطق الواقعة شرق شارع المعونة.
أنا قلت ليك إنه المناطق الواقعة على النيل هي الأصل المكون لبحري وبعد كده جات الزيادة الجديده شرق الشارع دي. |
كده يادوب فهمتك,
انت بتتكلم عن محاذاة النيل, وشرق ظلط المعونه,
بتفق معاك انو محاذاة النيل هي المناطق العريقه,
وشرق الظلط أحياء مستحدثه,
بس محتاجين لضبط مصطلح كلمة "بحري",
الخوجلاب كمثال منطقه تقع بمحاذاة النيل,
وهم أصلهم مجموعه من أبناء الشيخ خوجلي أبو الجاز,
استقروا هناك وأقاموا وتكاثروا حتي تحولت المنطقه من قريه الي منطقه قائمه بذاتها,
بيتصلوا بقرابه قويه ونسب عادة مع ناس حلة خوجلي,
لأنهم زي ما قلت ليك أصلهم واحد,
مع ذلك الخوجلاب لا يطلق عليها بحري اطلاقا,
لأنو الخوجلاب قريه شمال بحري وان حاذت النيل وعرقت أصلا ,,,
فاهمني؟
| Quote: العرف ده أنا ذاتي معاكم فيهو لأني أنا ذاتي من أعرق وأقدم سكان بحري |
أكيد أسرتك بعرفها تماما,
نحن كده اتفقنا, خلينا معا في لجنة ضبط مصطلح "بحري" ,, :)
|
Post: #51
Title: Re: جمـــال بحـــري !!
Author: تيسير عووضة
Date: 03-09-2010, 12:22 PM
Parent: #49
والله يا ناس بحري بعد دا إلا نرحل نخلي ليكم البورد
بحري طراوة
الشعبية نجمة
جمال بحري
وحلو شمبات مقيلا
أتوقع للبوست دا تلاتة أجزاء
في كل جزء 120 مداخلة
في كل مداخلة مئة حبة
المنبر دا ما فيهو زول من الخرطوم يعمل لينا ملاحم زي دي
دا حتى ناس الخرطوم بتحبوا
يخشوا للزول في قلبو
حذفنا الوشو الضاحكة عشان البورد الأيام دي عندو سوء هضم لوووووووولز
|
Post: #58
Title: Re: جمـــال بحـــري !!
Author: بشير جبريل علي
Date: 03-09-2010, 01:12 PM
Parent: #51
Quote: هي نعمل شنو يا عمكـ
بقيت علينا إنت وأمكـ!
ياخي بلا يخمك
شوف ليكـ بورد يلمّكـ!
أو قبر يضمك
خلاص قمت لجنك
ودا أنت الراجنك
أقوم أشيل حجر وأفنك
حافي أضحك الله سنك
وبارك لك في فنك
وأبعد الحساد عنك
بما إني منهم وأنك ] |
ياحافظ .. حافظ على حقوق المواهب ..ورموز الإبداع ..
حرام بعد المجهود الجبار ..البذلتو دا ..يكون نصيبي
حرف واحد أتيم ..(بالطريقة دي حنفض الشراكة لأنو الوحدة غير جاذبة)
ملحوظة لعناية المتلقي: إنتاجي الإدبي بالأسود العريض .. لأني لا أعرف التلوين واللف والدوران والذي منو ..
أخشي ما أخشي ..عدد شعراء العصيدة ..يفوق عدد بيوتها ..لأن حافظ وود الصايم أحدهم يؤلف صدر البيت والآخر يؤلف عجزه رغم صغر مساحة القطعة كما ترون ..ما عشوائي وهامش ..وقد يكون معهم شركاء في الظل ..مين عارف ..لذلك شعاري الإنفضاض ..الإنفضاض ..
|
Post: #59
Title: Re: جمـــال بحـــري !!
Author: Amany Elamin
Date: 03-09-2010, 01:31 PM
Parent: #51
تايسا ياحاقده :
| Quote: والله يا ناس بحري بعد دا إلا نرحل نخلي ليكم البورد |
انتي ماسمعتي بحري يا ناس بجيها عشان محبوبي فيها؟
حتي الما من بحري بيكونوا بحبوا ناس بحري وبيغنوا ليهم كمان :)
بحري سر الهوا يا تايسا :)
--
مشتاقين والله ياعسل :)
|
Post: #54
Title: Re: جمـــال بحـــري !!
Author: Hisham Ibrahim
Date: 03-09-2010, 12:49 PM
Parent: #47
Quote: إنتي بتتكلمي عن بحري المحددة حسب رأي الحكومات بالمجالس، ولا بحري الأصل البنعرفها من ولدونا؟؟؟
لو الحكاية بتوزيع حكومات ومجالس، حتلقي إنه بحري دي مع كل حكومة عندها حدود مختلفة،
أما لو بالمستقر عند الناس أصلاً وبحكم القدم، أنا بأكد على كلامي الفات، لأنه زمااااااااان كانوا بيقولوا: فلان ناظر الخط. أها ناظر الخط ده مسئول من بحري السوق لحدي الجيلي.
|
يسلم كيبوردك يا ود د. عبد العزيز الطيب
هشام
|
Post: #55
Title: Re: جمـــال بحـــري !!
Author: Hisham Ibrahim
Date: 03-09-2010, 12:53 PM
Parent: #47
Quote: إنتي بتتكلمي عن بحري المحددة حسب رأي الحكومات بالمجالس، ولا بحري الأصل البنعرفها من ولدونا؟؟؟
لو الحكاية بتوزيع حكومات ومجالس، حتلقي إنه بحري دي مع كل حكومة عندها حدود مختلفة،
أما لو بالمستقر عند الناس أصلاً وبحكم القدم، أنا بأكد على كلامي الفات، لأنه زمااااااااان كانوا بيقولوا: فلان ناظر الخط. أها ناظر الخط ده مسئول من بحري السوق لحدي الجيلي.
|
يسلم كيبوردك يا ود د. عبد العزيز الطيب
ياسر إنت خليت الجيش والا شنو ؟؟
معرفة قديمه أنا
هشام
|
Post: #57
Title: Re: جمـــال بحـــري !!
Author: جلال جبريل
Date: 03-09-2010, 01:11 PM
Parent: #25
| Quote: انت مش أخو طارق جبريل؟ |
انا أخو البت اللكعت قرن الخمره النازه
على وردان الصبوه الراكزه
|
Post: #61
Title: Re: جمـــال بحـــري !!
Author: بكري اسماعيل
Date: 03-09-2010, 01:50 PM
Parent: #57
Quote: تماثلها في القدم منطقة "خور شمبات" و"حلفاية الملوك",
|
والله فيك الخير يا أماني ما طلعتينا ناس ضهاري زي بوست ناس بحري طراوة
|
Post: #63
Title: Re: جمـــال بحـــري !!
Author: Amany Elamin
Date: 03-09-2010, 02:12 PM
Parent: #61
هلا يابكري:
| Quote: والله فيك الخير يا أماني ما طلعتينا ناس ضهاري زي بوست ناس بحري طراوة |
هههههههه
شوف عايز الحقيقه؟
شمبات الحله من أقدم أحياء بحري, وياها بحري الأصليه,
الحلفايا في ناس كتار بيعتبروها منطقه قايمه بذاتها,
تاريخها قديم ومعروف,
يعني حتي الحلفايا أهلنا المتشددين بيعتبروها "ما بحري"
عليه شوف نفسك من ياتها فيهم تعرف نفسك أكيد بحراوي وللا نص نص ههههههه
|
Post: #72
Title: Re: جمـــال بحـــري !!
Author: Kamal Karrar
Date: 03-09-2010, 07:01 PM
Parent: #61
Quote:
والله فيك الخير يا أماني ما طلعتينا ناس ضهاري زي بوست ناس بحري طراوة |
بكري إسماعيل...
تحياتي ليك وللأهل....
يا أخي منو القال عنكم ضهاري... والقال كده بيقصد يقول out skirts
والعتب على الترجمة...
بعدين الضهاري مالها يا بكري... الضهاري هي الأساس.. والماعندو.. ضهاري
ينضرب على بطنو,,,,
تحياتي يا بكري
|
Post: #62
Title: Re: جمـــال بحـــري !!
Author: smart_ana2001
Date: 03-09-2010, 02:03 PM
Parent: #57
سلامات يا أماني صحبتي و سلا لناس بحري و ناس الخرطوم اللي جو يتفرجوا
و سلام خاص لناس امبده، ناس الشيخ دفع الله الصايم.
مساكين إحنا ناس الصافية البقينا بيجمعونا بناس المغتربين و المذاد و الشعبية. و يقولوا علينا احيا جديده.
يا جماعة عشان البوست ده يمشي صاح و نعرف منو القديم و منو الجديد، ختو تواريخ. الكلام ساي كده ما بينفع.
مثلا أنا عارفه انو والدي عليه رحمة الله اشتري قطع اراضي من حاج الصافي و بناها في سنة ستين. و كان بيقول لي انو لما بني البيت كان من البيت بيشوف البحر غربا و سكة حديد شرقا و المؤسسة جنوبا.
الحاجة اللي أنا متأكده منها ان الشعبية اتبنت في حكومة عبود.
اها .... باقي التواريخ
بعدين بحري شارع المعونة. اي حته غير كده. بحري اسما لكن ما فيها روح بحري. صح؟
|
Post: #64
Title: Re: جمـــال بحـــري !!
Author: Amany Elamin
Date: 03-09-2010, 02:23 PM
Parent: #62
سمارت صحبتي,
ازيك ومشتاقين :)
شوفي ياستي,
Quote: مثلا أنا عارفه انو والدي عليه رحمة الله اشتري قطع اراضي من حاج الصافي و بناها في سنة ستين. و كان بيقول لي انو لما بني البيت كان من البيت بيشوف البحر غربا و سكة حديد شرقا و المؤسسة جنوبا.
الحاجة اللي أنا متأكده منها ان الشعبية اتبنت في حكومة عبود.
اها .... باقي التواريخ
بعدين بحري شارع المعونة. اي حته غير كده. بحري اسما لكن ما فيها روح بحري. صح؟ |
ياسمارت بحري الأصليه أقدم من كده بكتير,
الصافيه بحري ليس في ذلك شك,
لكن ما بحري العريقه,
لما نتكلم عن أحياء زي حلة خوجلي وحلة حمد,
بنتكلم عن تواريخ زي 1156هجرية الموافق 1743م
ده تاريخ وفاة الشيخ خوجلي وتأسيس الخلوه والقبه بحي حلة خوجلي حسب وصيته لإبنائه بإنشاء الخلوة والمسجد والمسيد مكان دفنه
يعني 267 سنه بالتمام والكمال هو عمر حي حلة خوجلي كمثال,
ياريت ياسر عبد العزيز يورينا عمر شمبات الحله كم؟
ووليد عبد اللطيف أو عمو وهبه يكلمونا عن الشعبيه,
الصافيه حديثه جدا يا سمارت,
وبحري الأصليه ما شارع المعونه :)
بحري القديمه بمحاذاة النيل راجعي حوارنا أنا وياسر :)
تحيات كتار :)
--
التعديل لأضافة صورة قبة الشيخ خوجلي,
علي اليمين القبه الخضراء هي مدفن الشيخ خوجلي وهي مشرفه علي النيل,
العلي اليسار ده المسجد الجديد, تم افتتاحه قبل كم سنه يعني جديد جدا,,
|
Post: #65
Title: Re: جمـــال بحـــري !!
Author: almulaomar
Date: 03-09-2010, 02:53 PM
Parent: #62
بحري مدينة وبحري شرق النيل في سنة 1956 للميلاد كان سكانها حوالي 39،100 نسمة وفي آخر إحصاء في العام 2007م قبل 3 سنوات - النسمات - ما بتاعت النيل أو المنطقة الصناعية مع إختلاف الروائح النسمات هنا من نسمه ما مشكلة المهم سكان بحري وصلو لي
1.725.570 نسمه بدون العشوائي ، وبحري هي المنطقة الوحيدة الفي السودان لمن تجي المحطة وتكون عاوز تركب الحافلة الكومسنجي يقول ليك بحري نفر ، طبعاً لو كنت ماشي أم درمان أو الحلة الجديدة ما ممكن يقول ليك بحري نفر ، حتى لو قال نفر والسفر برضو ما حا يقول بحري ما عليكم أصلو أنا من بحري وأنا عكليت شديد والما عجبوا يفتح ليهو بوست عن أبو سعد لأنني ما بعرفها كويس.
يا حليل بحري كان فيها أكبر منطقة صناعية نموذجية وكان فيها النقل النهري صرح يبني السفينة زي الما كان شئ وفيها أيضاً السكة الحديد وفيها وفيها ودا كلو إتلحس. وهي أصغر مساحة من أمدرمان والخرطوم. وبحري القديم غير بحري الآن ومن أشهر أحياءها الشعبية والمزاد (جنوب وشمال) وحلة حمد وحلة خوجلي والدناقلة (جنوب وشمال) والديوم والختمية والأملاك وكرش الفيل وكوبر وشمبات (الحلة والأراضي) والحلفايا (عشان بكري أبوبكر ما يزعل) والصافية والإشلاقين (المزاد والسوق) و..... وبها (4) دور سينما.
كثير من الناس تغنوا لي بحري
المرحوم رمضان زايد كان بيقول
يا بنات بحري قالو بتحبو مره حبونا نحنا من بحري
|
Post: #66
Title: Re: جمـــال بحـــري !!
Author: مزمل خيرى
Date: 03-09-2010, 03:02 PM
Parent: #65
Quote: ودليل قدم تاريخ المنطقه قبة الشيخ خوجلي أبو الجاز,
والشيخ حمد ود أم مريوم, بعمر يناهز مئات السنوات,
|
والله يا أمانى ماطالبانى حليفة لى اكثر من شهرين فكرت فى بوست خاص عن منطقة حلة حمد بالتحديد
ومشيت صورت قبة الشيخ حمد ومسيد ابوالجاز ومعظم معالم منطقة حلة حمد ، بس قلت اجمع معلومات كاملة
وبعد داك ارفع البوست .. قريب انشاء الله حينزل ..
تابعى بس !
|
Post: #76
Title: Re: جمـــال بحـــري !!
Author: Amany Elamin
Date: 03-09-2010, 09:00 PM
Parent: #66
مزمل خيري:
Quote: والله يا أمانى ماطالبانى حليفة لى اكثر من شهرين فكرت فى بوست خاص عن منطقة حلة حمد بالتحديد
ومشيت صورت قبة الشيخ حمد ومسيد ابوالجاز ومعظم معالم منطقة حلة حمد ، بس قلت اجمع معلومات كاملة
وبعد داك ارفع البوست .. قريب انشاء الله حينزل .. |
ياسلام, ده خبر جميل,
حلة حمد حي عريق,
وفيهو أساطين بحري, الناس القدام وبعرفوا بحري وتاريخها,
ده بوست ما ساهل,
أجمع معلومات ونحن في انتظار حكاويك :)
ولو عرفنا حاجه أكيد حنتدخل ونشارك,
في الانتظار :)
|
Post: #67
Title: Re: جمـــال بحـــري !!
Author: Emad Ahmed
Date: 03-09-2010, 03:09 PM
Parent: #65
الأخت أماني
سلام
بوست رائع دون شك
وبرؤية مغايرة عن بوستات بحري الموجودة
في المنبر .
متابعين
كل الإحترام والتقدير
|
Post: #68
Title: Re: جمـــال بحـــري !!
Author: Kamal Karrar
Date: 03-09-2010, 03:14 PM
Parent: #67
أماني الأمين...
سلامات بحرواية مليانة طراوة..
بالله أنت من بحري... يا سلام عليك..
وعلى كل ناس بحري...
|
Post: #69
Title: Re: جمـــال بحـــري !!
Author: smart_ana2001
Date: 03-09-2010, 04:31 PM
Parent: #68
مشتاقين بالكتر يا أماني
يا بنتي أنا مامغالطات في قدم حلة حمد وخوجلي.
أنا زعلانه في ان الصافية بقت بتتحسب مع المغتربين و المذاد و الشعبية
بعدين حكاية بحري شارع المعونة دي ما قصدي برضو ان اقدم اجزا بحري في شارع المعونة. ابدا. قصدي ان الان
اكرر الان شارع المعونة هو قلب بحري. شيلي شارع المعونة و ختي بدله زقاق صغير ما فيه كل المحلات و الزحمة و شوفي بحري ح تبقي بحري.
و أظن ان شارع المعونة هو اقدم شارع ظل في بحري.
و ما سمعتي الاستاذ بيغني (أنا دستوري نازل في الصافية و بنتاها)؟
-----------------------
الاستاذ -طبعا- مقصود به طه سليمان
|
Post: #70
Title: Re: جمـــال بحـــري !!
Author: نوفل عبد الرحيم حسن
Date: 03-09-2010, 06:18 PM
Parent: #69
| Quote: ناس أمدرمان حلوا المشكلة دي باستحداث محليتي كرري و امبدة |
الغريبه انه كرري مثلا تعتبر اقدم احياء ام درمان تاريخا
بل تعتبر من اقدم المناطق في ولاية الخرطوم والسودان عموما
بعض مناطقها يرجع تاريخها الي العصر الحجري والاخر الي 400 سنه قبل الميلاد
اين كانت ام درمان بحدودها التي يريدونها الان في ذلك الوقت ؟
اي زول جاء اشتري بيت ولا أجر بيت ولا دخل مع المهديه القريبه دي
عايز ينفي سكان ام درمان الاصليين ويحصر حدود ام درمان في مناطق بعينها
والكلام دا بنطبق علي بحري وقري شمال بحري ايضا يا اماني
فهي اعرق واقدم من الاحياء التي تطلقي عليها الان مسمي بحري
.....................
عندك فكرة يا اماني عن نشأة حلة حمد ؟
عن الصراع التارخي الذي حدث فيها قبل ان تصبح حلة حمد ؟
تحياتي
|
Post: #71
Title: Re: جمـــال بحـــري !!
Author: السبع
Date: 03-09-2010, 06:44 PM
Parent: #70
هوووووووووي يا اماني نحن ناس ضهااااااااااااري
نحن الاصل والناس فرع
بكلم ليك بكري يحذف البوست دة لو طلعتي ناس حلفاية الملوك ناس ضهاري
التوقيع : ملك سابق من حلفاية الملوك والان جندي ما لامي فيها
بالمناسبة يا اماني الفنان الشهير النور الجيلاني من ابو حليمة
اخيرا دي خواطر ملك صغير
برجع ليك لانه بحري مافي زيها
|
Post: #73
Title: Re: جمـــال بحـــري !!
Author: سامى عتبانى
Date: 03-09-2010, 07:15 PM
Parent: #71
والله بحرى جميلة
|
Post: #74
Title: Re: جمـــال بحـــري !!
Author: ياسر عبدالعزيز الطيب
Date: 03-09-2010, 08:29 PM
Parent: #73
Quote: بنتكلم عن تواريخ زي 1156هجرية الموافق 1743م
ده تاريخ وفاة الشيخ خوجلي وتأسيس الخلوه والقبه بحي حلة خوجلي حسب وصيته لإبنائه بإنشاء الخلوة والمسجد والمسيد مكان دفنه
يعني 267 سنه بالتمام والكمال هو عمر حي حلة خوجلي كمثال,
ياريت ياسر عبد العزيز يورينا عمر شمبات الحله كم؟
|
شمبات الحلة أول نشأتها كان سنة 1740م
|
Post: #86
Title: Re: جمـــال بحـــري !!
Author: Amany Elamin
Date: 03-09-2010, 09:53 PM
Parent: #74
ياسر عبد العزيز:
| Quote: شمبات الحلة أول نشأتها كان سنة 1740م |
شكرا علي المعلومه المهمه :)
|
Post: #84
Title: Re: جمـــال بحـــري !!
Author: Amany Elamin
Date: 03-09-2010, 09:49 PM
Parent: #73
سامي عتباني:
خريطتك أصليه,
دي بحري سر الهوا :)
شكرا وعارفه العتبانيه ساكنين حلة حمد :)
|
Post: #83
Title: Re: جمـــال بحـــري !!
Author: Amany Elamin
Date: 03-09-2010, 09:43 PM
Parent: #71
السبع:
Quote: هوووووووووي يا اماني نحن ناس ضهااااااااااااري
نحن الاصل والناس فرع
بكلم ليك بكري يحذف البوست دة لو طلعتي ناس حلفاية الملوك ناس ضهاري
التوقيع : ملك سابق من حلفاية الملوك والان جندي ما لامي فيها
بالمناسبة يا اماني الفنان الشهير النور الجيلاني من ابو حليمة
اخيرا دي خواطر ملك صغير
برجع ليك لانه بحري مافي زيها |
والله منك خوف,
طالما في البورد من 2008,
وعندك تسعه مداخلات, اختصيتني بواحده فيهم الليله,
فشكلك فعلا واحد من ملوك الحلفايا,
زي توت عنخ امون القاعد في بيت ناس أمين محمد سليمان لوووووول
ياسيدي الحلفايا بعد ما اتذكرت موضوع سيد الحوش ده,
فهي بحري ونحن ديل الضهاري,
بس ما تزعلوا مننا لووووول
مرحب بعودتك في مداخلتك العاشره في البورد :)
|
Post: #85
Title: Re: جمـــال بحـــري !!
Author: Amany Elamin
Date: 03-09-2010, 09:49 PM
Parent: #71
السبع:
Quote: هوووووووووي يا اماني نحن ناس ضهااااااااااااري
نحن الاصل والناس فرع
بكلم ليك بكري يحذف البوست دة لو طلعتي ناس حلفاية الملوك ناس ضهاري
التوقيع : ملك سابق من حلفاية الملوك والان جندي ما لامي فيها
بالمناسبة يا اماني الفنان الشهير النور الجيلاني من ابو حليمة
اخيرا دي خواطر ملك صغير
برجع ليك لانه بحري مافي زيها |
والله منك خوف,
طالما في البورد من 2008,
وعندك تسعه مداخلات, اختصيتني بواحده فيهم الليله,
فشكلك فعلا واحد من ملوك الحلفايا,
زي توت عنخ امون القاعد في بيت ناس أمين محمد سليمان لوووووول
ياسيدي الحلفايا بعد ما اتذكرت موضوع سيد الحوش ده,
فهي بحري ونحن ديل الضهاري,
بس ما تزعلوا مننا لووووول
مرحب بعودتك في مداخلتك العاشره في البورد :)
|
Post: #82
Title: Re: جمـــال بحـــري !!
Author: Amany Elamin
Date: 03-09-2010, 09:36 PM
Parent: #70
هلا يا أخ نوفل:
Quote: الغريبه انه كرري مثلا تعتبر اقدم احياء ام درمان تاريخا
بل تعتبر من اقدم المناطق في ولاية الخرطوم والسودان عموما
بعض مناطقها يرجع تاريخها الي العصر الحجري والاخر الي 400 سنه قبل الميلاد
اين كانت ام درمان بحدودها التي يريدونها الان في ذلك الوقت ؟
اي زول جاء اشتري بيت ولا أجر بيت ولا دخل مع المهديه القريبه دي
عايز ينفي سكان ام درمان الاصليين ويحصر حدود ام درمان في مناطق بعينها
والكلام دا بنطبق علي بحري وقري شمال بحري ايضا يا اماني
فهي اعرق واقدم من الاحياء التي تطلقي عليها الان مسمي بحري |
كلام مهم, أظني بديت فيهو فوق,
يا سيدي نحن لما نقول الخوجلاب ما بحري,
ده مامفروض يعني أي حاجه لناس الخوجلاب,
مش بس لأنه الخوجلاب فعلا ما بحري,
لأ لأنه الخوجلاب منطقه عندها تاريخها,
ورجالاتها المعروفين واحداثياتها المعلومه,
واسهاماتها في المنطقه,
نحن ما بنتبرأ من من منطقه أو بننفيها,
صدقني تاريخ بحري بيقول بحري مجموعة أحياء
لاتشمل منطقة شمال بحري (أي شمال الحلفايا)
وان عرقت تاريخا دي مناطق مستقله عن بحري المعروفه,
Quote: عندك فكرة يا اماني عن نشأة حلة حمد ؟
عن الصراع التارخي الذي حدث فيها قبل ان تصبح حلة حمد ؟ |
العارفاهو انه الشيخ حمد ود أم مريوم والشيخ خوجلي أبو الجاز أولاد خالات (حسب ما أذكر),
وانهم الاتنين تتلمذوا علي يد الشيخ أرباب العقائد اللي هو خالهم,
وانو الشيخ حمد كان أكبر سنا من الشيخ خوجلي,
وانو سكان المنطقه دي (مريوماب), محس برضو لكن بسموا نفسهم (مريوماب),
دي علي وزن خوجلاب كده :)
صراع شنو؟ أحكي لينا لو عندك معلومه ,,
شكرا علي مداخلتك وواصل ,
|
Post: #79
Title: Re: جمـــال بحـــري !!
Author: Amany Elamin
Date: 03-09-2010, 09:18 PM
Parent: #69
Quote: يا بنتي أنا مامغالطات في قدم حلة حمد وخوجلي.
أنا زعلانه في ان الصافية بقت بتتحسب مع المغتربين و المذاد و الشعبية
بعدين حكاية بحري شارع المعونة دي ما قصدي برضو ان اقدم اجزا بحري في شارع المعونة. ابدا. قصدي ان الان
اكرر الان شارع المعونة هو قلب بحري. شيلي شارع المعونة و ختي بدله زقاق صغير ما فيه كل المحلات و الزحمة و شوفي بحري ح تبقي بحري.
و أظن ان شارع المعونة هو اقدم شارع ظل في بحري.
و ما سمعتي الاستاذ بيغني (أنا دستوري نازل في الصافية و بنتاها)؟ |
أوكي اَي قوت يور بوينت لووووول
شارع المعونه فعلا بقي قلب بحري النابض,
من البلديه مرورا بسعد قشره لغاية السوق المركزي ولاَخره,
موضوع منو الأحدث الصافيه وللا الشعبيه وغيرها ما عارفه,
أكيد خيجوا أصحابها يفتونا :)
لكن طالما والدك الله يرحمو أشتري من حاج الصافي نفسو,
تبقو من أوائل ناس الصافيه,
علي فكره الأستاذ (اياهو) والعديد من الأساتذه الأجلاء من جيله
بيغنوا دستوري نازل في (بحري) وبناتها لوووووول
----
مبروك صورة د. هاوس الجديده :)
|
Post: #78
Title: Re: جمـــال بحـــري !!
Author: Amany Elamin
Date: 03-09-2010, 09:11 PM
Parent: #68
كمال كرار,
ناس "بحري طراوه" الأصليين :)
Quote: أماني الأمين...
سلامات بحرواية مليانة طراوة..
بالله أنت من بحري... يا سلام عليك..
وعلى كل ناس بحري... |
من بحري وبحري القديمه كمان,
معانا في ترسيم الحدود وضبط مصطلح "بحري"؟ :)
تحيه بحراويه ليك وللأسره وشكرا علي المرور ,,
|
Post: #77
Title: Re: جمـــال بحـــري !!
Author: Amany Elamin
Date: 03-09-2010, 09:05 PM
Parent: #67
الأخ عماد أحمد:
Quote: بوست رائع دون شك
وبرؤية مغايرة عن بوستات بحري الموجودة
في المنبر .
متابعين |
هلا بناس "بحري طراوه" ,
عارفه في ناس ممكن يفهموا البوست علي انه جهويه أو تعصب لمنطقه معينه,
وهو ما كده بقدر ما هو توضيح تاريخ منطقه,
ومحاولة وضع التسميات بصوره صحيحه,
بعدين أي منطقه مذكوره (ما بحري) So what?
كلها في النهايه مناطق عندها تاريخها وأصحابها الأصليين,
شكرا في انتظار افادتك في الموضوع,
|
Post: #75
Title: Re: جمـــال بحـــري !!
Author: Amany Elamin
Date: 03-09-2010, 08:57 PM
Parent: #65
الملاعمر..
| Quote: يا حليل بحري كان فيها أكبر منطقة صناعية نموذجية وكان فيها النقل النهري صرح يبني السفينة زي الما كان شئ وفيها أيضاً السكة الحديد وفيها وفيها ودا كلو إتلحس. وهي أصغر مساحة من أمدرمان والخرطوم. وبحري القديم غير بحري الآن ومن أشهر أحياءها الشعبية والمزاد (جنوب وشمال) وحلة حمد وحلة خوجلي والدناقلة (جنوب وشمال) والديوم والختمية والأملاك وكرش الفيل وكوبر وشمبات (الحلة والأراضي) والحلفايا (عشان بكري أبوبكر ما يزعل) والصافية والإشلاقين (المزاد والسوق) و..... وبها (4) دور سينما. |
فعلا دي بحري البنعرفها,
أوجزتها في تلاتة أسطر بأجمل ايجاز ..
طبعا نسيت انه بكري أبوبكر من الحلفايا :)
هسي عليه أنا بغير أقوالي, والحلفايه قلب بحري النابض لووووووول
شكرا وفي انتظار عودتك,
|
Post: #80
Title: Re: جمـــال بحـــري !!
Author: خالد درق
Date: 03-09-2010, 09:23 PM
Parent: #75
الاخت ... امانى ... سلام
يكفى ان البوست يحمل اسم جمال بحرى ...
وياخى بحرى دى سرها باتع ولا كيف ....
مودتى ...
|
Post: #87
Title: Re: جمـــال بحـــري !!
Author: Amany Elamin
Date: 03-09-2010, 10:00 PM
Parent: #80
خالد درق البحراوي,
Quote: يكفى ان البوست يحمل اسم جمال بحرى ...
وياخى بحرى دى سرها باتع ولا كيف .... |
أغنية جمال بحري (الأستاذ) طه سليمان, "حسب مقولة سمارت :)
ما قصّر فيها وكتر خيرو,
بس يذاكر شويه ويعرف بحري دي وين هههههه
شارك معانا في ترسيم الحدود :)
|
Post: #81
Title: Re: جمـــال بحـــري !!
Author: Kamal Karrar
Date: 03-09-2010, 09:28 PM
Parent: #75
نضع ليكم علامة من علامات ترسيم الحدود
"حي البدوان"....
"حي الزهور"...
أها البيعرف الحيين ديل وين...
يتم إختياره في ترسيم الحدود....
ناس بحري طراوة يمتنعون لأنهم داخل الهيئة
|
Post: #88
Title: Re: جمـــال بحـــري !!
Author: Amany Elamin
Date: 03-09-2010, 10:14 PM
Parent: #81
هلا بكمال كرار وب (بحري طراوه) ,,
Quote: نضع ليكم علامة من علامات ترسيم الحدود
"حي البدوان"....
"حي الزهور"...
أها البيعرف الحيين ديل وين...
يتم إختياره في ترسيم الحدود....
ناس بحري طراوة يمتنعون لأنهم داخل الهيئة |
حي الزهور ده أظنو الدناقله شمال, صاح؟
حي البدوان ده لو استنيت للصباح بجيب ليك خبرو,
ناس بيتنا نايمين لووووول
بس شكلها تسميات لوكال داخل الأحياء,
بعدين تعرف أنا شئ مزوغني من بوست بحري طراوه غير كلام الفطاحله ده مافي,
نحن ناس صغار والله مابنعرف لقصص الناس القدام الغميسه دي
ومعلوماتي مصدرها حكاوي أهلنا الكبار,
وشوية كتب اتكلمت عن تاريخ المنطقه,
لكن لو جبت ناس بيتنا الكبار أكيد حيشاركوا في البوست بتاعكم زي الورد لووووول,
المهم لو نجحت في الامتحان طوالي تبدوا لينا في ترسيم الحدود
عشان نرسل نسخه منو لطه سليمان :)
|
Post: #89
Title: Re: جمـــال بحـــري !!
Author: كمال ادريس
Date: 03-10-2010, 03:11 AM
Parent: #88
البروف محمد هاشم عوض في حوار اجريته معاهو ذكر انو والدو هو مؤسس حلة الدناقلة بعدما جمع قروش من اهلو الدناقة واشترى الاراضي من الانجليز وجمع الدناقة من كل العاصمة في ذلك الحي ومن هنا جاء الاسم.
غايتو لو طلتوا شمبات الاراضي خارج بحري المقصودة نقوم نرجع استيلا تاني... بالمناسبة صاحبة البوست وضيوفا عازمك عشا في استيلا في تاني ايام عيد الاضحي.
بوست مفيد شكرا يا اماني
|
Post: #90
Title: Re: جمـــال بحـــري !!
Author: ياسر عبدالعزيز الطيب
Date: 03-10-2010, 06:23 AM
Parent: #89
الأخ وليد صباحك زين
Quote:
(خور شمبات ) هو الخور الفاصل بين الشعبية وشمبات
يعني تبدا شمبات من الخور ومقابر شمبات الجديدة |
الخور الفاصل بين شمبات والشعبية ده نحن في شمبات بنسميهو خور الشعبية
(والظاهر إنكم في الشعبية بتسموهو خور شمبات)
وده في حد ذاته بيوري كرم وأصالة ناس بحري (كل واحد متنازل للتاني).
لكن ياأماني:
Quote: أيوه كده, بصراحه ياسر حيّرني,
لأني سمعتها كده من جدي الله يرحمه,
|
ربنا يرحم جميع أمواتنا، لو سألتي أي زول من جهة وادي سيدنا بيقول ليك خور شمبات ده بهناك، وهو مقاصد لحدود شمبات الشمالية.
|
Post: #91
Title: Re: جمـــال بحـــري !!
Author: ياسر عبدالعزيز الطيب
Date: 03-10-2010, 06:27 AM
Parent: #90
الأخ هشام
Quote: يسلم كيبوردك يا ود د. عبد العزيز الطيب
|
يديك العافية ياحبيبنا
Quote:
ياسر إنت خليت الجيش والا شنو ؟؟
معرفة قديمه أنا
هشام |
ياخ فعلا معرفة قديمة لأنه أنا بطلت الموضوع ده من سنة 2001.
ياخ ذكرني بالله عليك لأنه الكبر دخل
|
Post: #92
Title: Re: جمـــال بحـــري !!
Author: ياسر عبدالعزيز الطيب
Date: 03-10-2010, 06:31 AM
Parent: #91
الزول الجميل عماد
رائع تلفونك الأمبارح ده والله.
|
Post: #93
Title: Re: جمـــال بحـــري !!
Author: omer osman
Date: 03-10-2010, 06:48 AM
Parent: #92
البسمعكم بتتكلموا عن بحري وما بحري يقول بحري دي (العمارات) ......
قوموا لفوا كلكم وراء ودالصايم ده ......
هو يقول : راحات راحات
وانتو تقولوا : اولاد العمارات
والله كان بحري ماعارف ...................
|
Post: #94
Title: Re: جمـــال بحـــري !!
Author: Emad Ahmed
Date: 03-10-2010, 07:51 AM
Parent: #93
| Quote: شكرا في انتظار افادتك في الموضوع, |
الأخت / أماني
سلام
أول انتخابات اجريت في دائرة بحري القديمة في العام 1954 م
تم فيها تحديد حدود بحري وهي تشمل الأحياء التالية :
حلة الميري ( الوابورات ) , حلة حمد , حلة خوجلي ,
حلة الدناقلة , الصبابي , الديوم , الختمية , الاملاك ,,
تلك هي حدود بحري القديمة .
وجدير بالذكر بان الشيخ المرحوم علي عبد الرحمن الأمين
الضرير هو من فاز في تلك الدائرة ممثلا للحزب الاتحادي وشغل
منصب وزير المعارف في أول حكومة وطنية برئاسة اسماعيل الأزهري ..
ونسبة لتمدد الأسر توسعت رقعة بحري فشملت أحياء المزاد والشعبية
والميرغنية والصافية والمغتربين وغيرهما من أحياء بحري الطرفية ..
( شمبات وحلفاية الملوك تعتبر مناطق قائمة بذاتها لعراقتها ) .
تحياتي وإحترامي
|
Post: #95
Title: Re: جمـــال بحـــري !!
Author: وليد عبد اللطيف
Date: 03-10-2010, 08:10 AM
Parent: #94
Quote:
الأخ وليد صباحك زين |
زين ولا تي ام تي
يازول انت ما عرفتني ولا شنو
انت ماياك ياسر المحامهي بتاع شمبات
ولك شقيق بيغني مع عقد الجلاد
ولك سقيق اخر كان من احرف لاعبي الكرة الطائرة بنادي شمبات
ياريت ما اكون غلطان
------------------------
اماني يظهر ح تعملي فرع تالت لناس بحري هنا يقوموا يدونا عين ناس عمر عثمان الحاقدين ديل
|
Post: #96
Title: Re: جمـــال بحـــري !!
Author: طارق ميرغني
Date: 03-10-2010, 08:39 AM
Parent: #95
اختنا اماني
اولا احييك لدفاعك المستميت عن بحري
مما يدل علي اصالتك البحراويه
وعليه انابة عن سكان بحري وعن ديناصورات بوست بحري طراوه
قررنا منحك العضوية الكاملة في البوست
وطيب من زمان ليه ما شايفنك بي هناك.
ثانيا بخصوص معلومة الاحياء القديمة ببحري والتي لا تقل عن الحلفايا او شمبات كما ذكرتي
اؤكد ان الحلفايا تعتبر تاريخيا اول منطقة سكنت في العاصمة
ومن ثم هجرة المحس الذين يعتبرون اول من عمر العاصمة
في توتي والمقرن وبري المحس
ولا شنو ؟
|
Post: #116
Title: Re: جمـــال بحـــري !!
Author: Amany Elamin
Date: 03-10-2010, 10:58 AM
Parent: #96
ياهلا بفطاحلة بحري طراوه,
الأخ طارق ميرغني,
Quote: ثانيا بخصوص معلومة الاحياء القديمة ببحري والتي لا تقل عن الحلفايا او شمبات كما ذكرتي
اؤكد ان الحلفايا تعتبر تاريخيا اول منطقة سكنت في العاصمة
ومن ثم هجرة المحس الذين يعتبرون اول من عمر العاصمة
في توتي والمقرن وبري المحس |
تسلم علي عضوية بحري طراوه,
شرف لينا والله :)
بالنسبه لي (الحلفايا) أكيد كلامك صحيح,
لقيت التعريف ده ليها في مجموعه في الفيس بوك تحمل اسم (حلفاية الملوك)
Quote: يجدر بنا ان نشير الى ان الحلفاية لم تكن فى كل الازمان مدينة الحلفاية بحدودها المعروفة لدينا الان بل كانت تشمل فى بعض الازمان منطقة واسعة تضم الحلفاية وما حولها وتشمل فيما تشمل منطقة الخرطوم بحرى اذ ان اسم بحرى لم ينتشر الا موخرا كما يشير الى ذلك اسم السينما المسماة بسينما حلفايا فى الاملاك وذلك لايعنى ان معالم بحرى الحالية لم تكن موجودة ولكن نشأتها حديثة العهد وهذه النشأة مرتبطة بالشيخ خوجلى وقبته الشهيرة والحلة المسمية على اسمه اما المنطقة الواقعة بين الحلفايا والى حلة حمد كانت عبارة عن غابات كثيفة
والحلفايا كانت عاصمة لدولة الفونج والعبدلاب او كما يطلق عليها السلطنة الزرقاء
فالحلفايا عريقة كما التاريخ واهلها من اطيب الناس وهم اهل خلاوى وشعر وغناء ويكفيهم الشيخ ود ضيف الله مثالا والرائع ادريس جماع شعرا
واللواء حسن بشير نصر عسكريا
واصل تسمية الحلفاية اختلف فيها ولايعرف بالظبط حتى الان اما الحاق اسم الملوك بها فكان لان بها ملوك العبدلاب ومن بعدهم اتى ملوك من الشايقية
والحلفايا تقع حاليا شمال مدينة بحرى |
ده الرابط بتاعهم: http://www.facebook.com/topic.php?uid=38775370918&topic....php?gid=38775370918
الاقتباس بيأكد انه (بحري) كمسمي بدأ بحلة خوجلي وحلة حمد,
ثم شمل لاحقا الأراضي المجاوره,
حأواصل معاك في مداخله منفصله,
|
Post: #118
Title: Re: جمـــال بحـــري !!
Author: Amany Elamin
Date: 03-10-2010, 11:21 AM
Parent: #116
أواصل مع الأخ طارق ميرغني:
محس حلة خوجلي وحلة حمد,
تاريخهم ما بدأ في العاصمه مع الأحياء الحاليه,
أكيد تعلم انه أصلهم يرجع لجزيرة توتي التي يبدأ تاريخها منذ القرن الثالث عشر الميلادي:
Quote: ويقول أهل جزيرة توتي إن جدهم من قبيلة الخزرج النجدية المعروفة، وأن نسبه ينحدر من صلب
الصحابي الجليل أبي بن كعب الخزرجي الأنصاري، ويقولون إن أجدادهم "العظماء" نزحوا مع قبيلة المحس من شمال السودان .. ثم وفدوا لهذه الجزيرة الصغيرة في القرن ال 13الميلادي
وإستقروا فيها .. لموقعها الآمن من وحوش الغابات التي كانت تغطى ما يعرف الآن بالعاصمة المثلثة .
وكان لعلماء توتي دور عظيم في نشر الدعوة الإسلامية والاشعاع الحضاري في آن، حيث انطلق من جزيرة توتي الشيخ ارباب العقائد وأنشأ الخلاوي والمسجد بالخرطوم .
ومع شُعلة العلم التي أوقدها هذا الشيخ بدأ عمران الخرطوم وهكذا الحال في مدينة بحري التي إرتحل إليها الشيخ الولي خوجلى أبو الجاز وكذلك حينما إرتحل الشيخ ادريس ود الأرباب لمدينة العيلفون.
ويقال أن التقاء سيدنا موسى بن عمران عليه السلام مع الخضر عليه السلام المشار إليه في سورة الكهف قد كان في هذه الجزيرة عند صخرة فيها. |
زي ما عارف انه تاريخ مملكة العبدلاب أكثر حداثه من تاريخ جزيرة توتي:
| Quote: وبعد صراع طويل ظهرت مملكة العبدلاب بقيادة عبدالله جماع علي انقاض مملكة علوه وامتد نفوذ مملكة العبدلاب علي اجزاء كبيره من سودان وادى النيل وكان ذلك في منتصف القرن الخامس عشر الميلادى . |
توتي القرن الثالث عشر ومملكة العبدلاب القرن الخامس عشر,
طيب بين جزيرة توتي وبحري حلة خوجلي وحلة حمد نهر النيل بيعبروهو السكان بمركب خشبي بسيط في أقل من عشره دقائق,
عليه ما أعتقد انه العلاقه بين توتي وبحري حديثه,
بس فعلا بحري أبتدات علي الضفه كتجمع سكاني منتظم بعد وفاة الشيخ خوجلي حيث طلب من أولاده نقل مسجده ومسيده من توتي (المقر الأصلي لمسجده القديم وأصله وعشيرته)
الي الضفه الأخري من النيل, وهناك بدأت بحري المدينه,
وفعلا تاريخ منطقة بحري منفصل عن تاريخ الحلفايه,
يبقي أنا بتفق معاك يا أخ طارق ميرغني علي قدم تاريخ الحلفايه وانفصاله عن تاريخ (بحري),
لكن مسألة انه الخرطوم بدأت بالحلفايه وليس توتي عندي فيها رأي كبير :)
الخرطوم عمروها المحس في المقام الأول, وتاريخ قدومهم من الشمال الي توتي وانتشارهم بعدها في الخرطوم هو الأقدم,
تحياتي وفي انتظار تعقيبك,
--------
معلومة انه موسي بن عمران والخضر اجتمعوا في توتي دي عاجباني بشكل لووووول
|
Post: #136
Title: Re: جمـــال بحـــري !!
Author: خالد سند
Date: 03-10-2010, 07:08 PM
Parent: #118
سلااااام
شمبات عاصرت مملكة الفونج
المرحوم الخاتم عثمان اونسة محتفظ بنحاس العبدلاب وكان هناك اتجاه للاحتفال بمرور كم مية سنة كده علي مملكة العبدلاب وهي تقريبا من 1453 م ... عدوها شوفوها كم
|
Post: #143
Title: Re: جمـــال بحـــري !!
Author: Amany Elamin
Date: 03-11-2010, 07:54 AM
Parent: #136
هلا بالأخ خالد سند ..
Quote: شمبات عاصرت مملكة الفونج
المرحوم الخاتم عثمان اونسة محتفظ بنحاس العبدلاب وكان هناك اتجاه للاحتفال بمرور كم مية سنة كده علي مملكة العبدلاب وهي تقريبا من 1453 م ... عدوها شوفوها كم |
شمبات وللا الحلفايه؟
تشكر علي المرور ,,
|
Post: #142
Title: Re: جمـــال بحـــري !!
Author: ناصر فراج
Date: 03-11-2010, 00:28 AM
Parent: #118
الاخت الكريمة
امانى والأوخوة الكرام
من الشيق والممتع الحديث عن مدينة بحرى الجملية والمدينة التى عشفها بعشق وطن , ونحن نحدد او نرسم حدود الى مدينة من اقدم مدن الخرطوم ان لأ نذكر حى الوابورات او حلة الميرى الذى يعتبر من اقدم احياء بحرى وهو الحى الذى يقبع فى داخل المنطقة التجارجية القديمة بالنسبة الى كل بحرى وهذة المنطقة بالتحديد بالتضامن مع حى حلة حمد والأملأك والختمية هى بحرى القديمة والدليل على ذلك زريبة العيش والدكاكين الخاصة بهيئة الاوقاف لصالح مسجد بحرى العتيق وهى اول تجمع للطواحين التى تقع جوار العياشة كم كنا نسميها والشى الممتع والجميل ان جميع ابناء بحرى القديمة يعرف بعضهم البعض من خلأل المداراس ومن خلال النشاط الرياضى ومن لم يمارس الرياضة ولم يلتقى بالأخر عن طريق تعرف علية فى المناسبات التى كانت تسمع فى هذة المناطق بكل وضوح . بحرى حلوة كبيرة وتسع كل انسان اما انت اخى ودالصايم ما تزعل امشى كدة اى مربع فى الحاج يوسف لو ماليقت نص ناس المربع من سكان بحرى القدام . اما نحن ناس حلة الميرى لينا الله بعد ما دمرونا تدمير لكن بحرى جملية حقا من ريفها الى حضرها وبحرى ما عندها حدود ولكم التحية جميعا ولكل اهل السودان
|
Post: #144
Title: Re: جمـــال بحـــري !!
Author: Amany Elamin
Date: 03-11-2010, 08:13 AM
Parent: #142
مرحب بيك يا أخ ناصر فرّاج,
| Quote: من الشيق والممتع الحديث عن مدينة بحرى الجملية والمدينة التى عشفها بعشق وطن , ونحن نحدد او نرسم حدود الى مدينة من اقدم مدن الخرطوم ان لأ نذكر حى الوابورات او حلة الميرى الذى يعتبر من اقدم احياء بحرى وهو الحى الذى يقبع فى داخل المنطقة التجارجية القديمة بالنسبة الى كل بحرى وهذة المنطقة بالتحديد بالتضامن مع حى حلة حمد والأملأك والختمية هى بحرى القديمة والدليل على ذلك زريبة العيش والدكاكين الخاصة بهيئة الاوقاف لصالح مسجد بحرى العتيق وهى اول تجمع للطواحين التى تقع جوار العياشة كم كنا نسميها والشى الممتع والجميل ان جميع ابناء بحرى القديمة يعرف بعضهم البعض من خلأل المداراس ومن خلال النشاط الرياضى ومن لم يمارس الرياضة ولم يلتقى بالأخر عن طريق تعرف علية فى المناسبات التى كانت تسمع فى هذة المناطق بكل وضوح . بحرى حلوة كبيرة وتسع كل انسان اما انت اخى ودالصايم ما تزعل امشى كدة اى مربع فى الحاج يوسف لو ماليقت نص ناس المربع من سكان بحرى القدام . اما نحن ناس حلة الميرى لينا الله بعد ما دمرونا تدمير لكن بحرى جملية حقا من ريفها الى حضرها وبحرى ما عندها حدود ولكم التحية جميعا ولكل اهل السودان |
أكيد الوابورات من أحياء بحري الأصليه ومعروفه,
وهي تماما كما ذكرت,,
دكاكين هيئة الأوقاف مازالت موجوده لمحتها منذ فتره أثناء مروري جوارها,
طبعا كبري المك نمر شق المنطقه وغيّر فيها كتير, الا ان الدكاكين القديمه بالذات مازالت قائمه,
أبناء بحري بيتعارفو بسهوله وسلاسه, والغالبيه جمعتهم مدارس بحري المشهوره,
(بحري الأميريه بنين وبنات, بحري الحكوميه بنين وبنات) ,
التعارف سهل بين ناس بحري برضو لأنه ساكني الحي عادة بيكونوا كلّهم أقارب بطريقة ما,
يعني الحي كله بيكون ساكنيه بينهم قرابة ما, وغالبية المنازل تحوي نفس الأسر من مئات الأعوام,
تسلم علي المرور وعلي المعلومات الجميله,
|
Post: #97
Title: Re: جمـــال بحـــري !!
Author: خالد درق
Date: 03-10-2010, 08:43 AM
Parent: #95
Quote:
شارك معانا في ترسيم الحدود :) |
الاخت / امانى .. تحياتى
تتكون مدينة بحري من عدة أحياء صغيرة مثل: حلة حمد ؛ حلة خوجلي ؛ المزاد ؛ الختمية ؛ المغتربين ؛ الصافية شمبات الحلفايا ؛ الكدرو ؛ الأملاك ؛ الديوم حي الميرغنية وهو حي عريق. -الدناقلة جنوب وشمال -الصبابي - الشعبية -كوبر -العزبة كافورى ،
بحرى يا بحرى
مودتى .....
|
Post: #98
Title: Re: جمـــال بحـــري !!
Author: بكري اسماعيل
Date: 03-10-2010, 09:09 AM
Parent: #97
سلام يا أماني
أنا مولود في شمبات الزراعة وعندي بيت في الشعبية شمال وحالياً أسكن الحلفايا وأتشرف بالإنتماء ليها فلو إعتبرتونا مناطق قائمة بزاتها برضو خير وبركة أحسن من نكون تابعين ومربوطين بي حيين تلاتة عمرها ما اتعدى المية سنة واللا شنو ؟
ويا كمال كرار ياخي انا من شفت بداية بوستيكم الكلام حرقني لكين أكلتو في حناني ولو عايز تعرف الطراوة الجد جد تعال اسكن الحلفايا وما حا تندم ..
أما ود الصايم دة يا أماني أديهو طلقتين لأنو من الضهب الحاج يوسف دي مفروض تكون تابعة لمحافظة البطانة ..
|
Post: #99
Title: Re: جمـــال بحـــري !!
Author: وليد عبد اللطيف
Date: 03-10-2010, 09:22 AM
Parent: #98
Quote: ويا كمال كرار ياخي انا من شفت بداية بوستيكم الكلام حرقني لكين أكلتو في حناني ولو عايز تعرف الطراوة الجد جد تعال اسكن الحلفايا وما حا تندم ..
|
بكري اسماعيل
ياخي انت بحراوي اصيل
بعدين ياخي الحلفايا سكنها الراحل المقيم عوض دكام اظرف ظرفاء السودان
وسكنها الكثير من المشاهير من نجوم فن ورياضة وسياسة
نحب نتعرف بيك اكثير
وين بيتك في الشعبية شمال يعني في اي حلة
|
Post: #100
Title: Re: جمـــال بحـــري !!
Author: خالد درق
Date: 03-10-2010, 09:35 AM
Parent: #99
| Quote: وعندي بيت في الشعبية شمال |
الاخ / بكرى اسماعيل .... سلام
ياخى انت مننا وفينا طيب تعال مارى فى بوست الشعبية نجمة الدار درك
مودتى ....
|
Post: #121
Title: Re: جمـــال بحـــري !!
Author: Amany Elamin
Date: 03-10-2010, 11:56 AM
Parent: #98
الأخ بكري:
| Quote: أنا مولود في شمبات الزراعة وعندي بيت في الشعبية شمال وحالياً أسكن الحلفايا وأتشرف بالإنتماء ليها فلو إعتبرتونا مناطق قائمة بزاتها برضو خير وبركة أحسن من نكون تابعين ومربوطين بي حيين تلاتة عمرها ما اتعدى المية سنة واللا شنو ؟ |
ياسيدي انت بحراوي ميه الميه,
وما محتاج شهاده من ناس بحري زاتو,
معقول زول قضي حياتو بين التلاته أحياء دي,
وكمان مولود في شمبات الزراعه يكون ما بحراوي,
موضوع بحري والحلفايا سببه انه تاريخ المنطقتين مختلف,
هل تعلم انه الحلفايا تقع علي بعد سبعة أميال شمال بحري الأصل؟
يعني جغرافيا برضو في اختلاف,
عموما النقاش لأجل الفايده,
وما في زعل يا صديق :)
|
Post: #122
Title: Re: جمـــال بحـــري !!
Author: Amany Elamin
Date: 03-10-2010, 12:02 PM
Parent: #121
بكري اسماعيل:
| Quote: أما ود الصايم دة يا أماني أديهو طلقتين لأنو من الضهب الحاج يوسف دي مفروض تكون تابعة لمحافظة البطانة .. |
لووووووول
|
Post: #129
Title: Re: جمـــال بحـــري !!
Author: حسن طه محمد
Date: 03-10-2010, 01:11 PM
Parent: #98
بحري ليس لها حدود
بحري عالم
يجمع كل شئ جميل
وبحري طراوة .. وصفاء
الحق يا ود كرار
|
Post: #145
Title: Re: جمـــال بحـــري !!
Author: Amany Elamin
Date: 03-11-2010, 08:16 AM
Parent: #129
هلا بسعادة المستشار حسن طه,
Quote: بحري ليس لها حدود
بحري عالم
يجمع كل شئ جميل
وبحري طراوة .. وصفاء
الحق يا ود كرار |
مرورك بالبوست واحتفاءك ببحري أسعدني جدا ,,
|
Post: #120
Title: Re: جمـــال بحـــري !!
Author: Amany Elamin
Date: 03-10-2010, 11:53 AM
Parent: #97
الأخ خالد درق:
| Quote: تتكون مدينة بحري من عدة أحياء صغيرة مثل: حلة حمد ؛ حلة خوجلي ؛ المزاد ؛ الختمية ؛ المغتربين ؛ الصافية شمبات الحلفايا ؛ الكدرو ؛ الأملاك ؛ الديوم حي الميرغنية وهو حي عريق. -الدناقلة جنوب وشمال -الصبابي - الشعبية -كوبر -العزبة كافورى ، |
شكرا علي افادتك القيمه,
بس عند سؤال:
الكدرو؟؟؟؟؟؟؟
عندي مية خط تحت الكدرو ,
وفي انتظار افاده ناس بحري بهذا الشأن,
|
Post: #124
Title: Re: جمـــال بحـــري !!
Author: ياسر عبدالعزيز الطيب
Date: 03-10-2010, 12:07 PM
Parent: #120
Quote: شكرا علي افادتك القيمه,
بس عند سؤال:
الكدرو؟؟؟؟؟؟؟
عندي مية خط تحت الكدرو ,
وفي انتظار افاده ناس بحري بهذا الشأن, |
أماني ازيك....
أهـا الكدرو دي لو مابقت بحري، شمبات و حلة حمد وخوجلي ديل ذاتهم مابحري!!!!
كلو إلا الكدرو(الأسباب يمكن سؤال شبكة مثلاً عنها).
بالجد كده: الكدرو زيها زي باقي المناطق الواقعة على ضفة النيل، تعتبر مكون أصيل لبحري.
إحتمال تكوني ملخبطه بينها وبين أم القرى والسلمة (الواقعات شرق شارع المعونة) لأنه الساكنين هناك مرات بيقولوا إنهم من الكدرو والموضوع ده عمل لبس.
إحترامي
|
Post: #146
Title: Re: جمـــال بحـــري !!
Author: Amany Elamin
Date: 03-11-2010, 08:20 AM
Parent: #124
Quote: أماني ازيك....
أهـا الكدرو دي لو مابقت بحري، شمبات و حلة حمد وخوجلي ديل ذاتهم مابحري!!!!
كلو إلا الكدرو(الأسباب يمكن سؤال شبكة مثلاً عنها).
بالجد كده: الكدرو زيها زي باقي المناطق الواقعة على ضفة النيل، تعتبر مكون أصيل لبحري.
إحتمال تكوني ملخبطه بينها وبين أم القرى والسلمة (الواقعات شرق شارع المعونة) لأنه الساكنين هناك مرات بيقولوا إنهم من الكدرو والموضوع ده عمل لبس. |
لووووووول يا ياسر,
عرف السبب وبطل العجب,
غايتو الا كان نجاملك ساي,
أصلو نحن نجامل بكري أبوبكر عشان ساكن الحلفايه,
ونجامل ياسر عبد العزيز عشان كدراوي الهوي :)
أصلا ناس بحري مجاملين وما بحرجوا زول؟ لووووول
---
يا ياسر, الكدرو عريقه وأي حاجه,
لكن (ما بحري), بس ممكن نعمل تزوير عشان خاطرك,
لوووووووول
|
Post: #132
Title: Re: جمـــال بحـــري !!
Author: عاطف رميتي
Date: 03-10-2010, 04:29 PM
Parent: #97
بحري دي بقى كل البعرفا والمابعرفا يتكلم عنها
الشعبية من اقدم احياء بحري ولا شنو يادرق
صاحب البوست انت يازول من شقيش في بحري ؟؟
|
Post: #148
Title: Re: جمـــال بحـــري !!
Author: Amany Elamin
Date: 03-11-2010, 08:26 AM
Parent: #132
عاطف رميتي (البرلوم) ..
Quote: بحري دي بقى كل البعرفا والمابعرفا يتكلم عنها
الشعبية من اقدم احياء بحري ولا شنو يادرق
صاحب البوست انت يازول من شقيش في بحري ؟؟ |
يعني انت برلوم وليك في البورد شهر وشويه,
وقلبك قوي قدر ده؟
أوّل شئ صاحبة البوست ما صاحب البوست,
تاني حاجه البرالمه عادة بيخشوا البوستات الزي دي كما يلي:
تقيف انتباه, وتقول: بسم الله الرحمن الرحيم, السلام عليكم, الاسم: عاطف ... الميلاد بحري ... السكن حاليا بحري......
ومعاها سؤال: ممكن أشارك معاكم؟
مش داخل تستجوب وبحري دي كل من هب ودب بتكلم عنّها, وصاحب البوست انت من وين لووووووووول
انضبط يابرلوم لوووووووول
|
Post: #157
Title: Re: جمـــال بحـــري !!
Author: عاطف رميتي
Date: 03-12-2010, 03:04 AM
Parent: #148
.
|
Post: #101
Title: Re: جمـــال بحـــري !!
Author: ياسر عبدالعزيز الطيب
Date: 03-10-2010, 09:44 AM
Parent: #95
الأخ وليد
انت قاصد إم تي إن صاح؟؟؟
لقيتك مطرطش خلاس لكن....
لكن بالجد ماعرفتك، وقدر ماعاينت في الصورة دي غلبني
Quote: يازول انت ما عرفتني ولا شنو
انت ماياك ياسر المحامي بتاع شمبات
ولك شقيق بيغني مع عقد الجلاد
ولكaسقيق اخر كان من احرف لاعبي الكرة الطائرة بنادي شمبات
ياريت ما اكون غلطان
|
يازول والله حاشاك الغلط.. ياني زاتي، لكن أنا كنت قايلني أنا أحرف لاعب طائرة ده!!
|
Post: #102
Title: Re: جمـــال بحـــري !!
Author: البدري عبد الله
Date: 03-10-2010, 10:02 AM
Parent: #101
ياسر ... سلامات ومشتاقين يا زول
| Quote: لكن أنا كنت قايلني أنا أحرف لاعب طائرة ده!! |
الاقتباس اعلاه يحول لعناية السيد/ اسامة عبد العزيز الطيب ...وصديقه السيد / حاتم حسن ضيف الله
|
Post: #114
Title: Re: جمـــال بحـــري !!
Author: ياسر عبدالعزيز الطيب
Date: 03-10-2010, 10:47 AM
Parent: #102
البدري ( صاحب اخوي الكبير)(وش عامل فيها رايح)
اخبارك وأمورك.
Quote: ياسر ... سلامات ومشتاقين يا زول
Quote: لكن أنا كنت قايلني أنا أحرف لاعب طائرة ده!!
الاقتباس اعلاه يحول لعناية السيد/ اسامة عبد العزيز الطيب ...وصديقه السيد / حاتم حسن ضيف الله
|
اتذكرت حنكول وأسامة براهم مالك؟ وين ناصر فتحي، وسمؤال وأحمد سليمان؟؟؟
إييييه زمن!!
لكن بالمناسبة إنت موقعك شنو من ناس بحري ديل؟؟
(وش زي وشك اللخدر البيضحك فوق داك)
|
Post: #111
Title: Re: جمـــال بحـــري !!
Author: Amany Elamin
Date: 03-10-2010, 10:40 AM
Parent: #94
أهلين بافادتك يا أخ عماد:
Quote: أول انتخابات اجريت في دائرة بحري القديمة في العام 1954 م
تم فيها تحديد حدود بحري وهي تشمل الأحياء التالية :
حلة الميري ( الوابورات ) , حلة حمد , حلة خوجلي ,
حلة الدناقلة , الصبابي , الديوم , الختمية , الاملاك ,,
تلك هي حدود بحري القديمة .
وجدير بالذكر بان الشيخ المرحوم علي عبد الرحمن الأمين
الضرير هو من فاز في تلك الدائرة ممثلا للحزب الاتحادي وشغل
منصب وزير المعارف في أول حكومة وطنية برئاسة اسماعيل الأزهري
ونسبة لتمدد الأسر توسعت رقعة بحري فشملت أحياء المزاد والشعبية والميرغنية والصافية والمغتربين وغيرهما من أحياء بحري الطرفية ..
( شمبات وحلفاية الملوك تعتبر مناطق قائمة بذاتها لعراقتها ) . |
معلومه قيمه جدا,
ده لب Core بحري,
أو بحري ست الاسم,
ماعارفه موضوع شمبات والحلفايا ده عامل ربكه في البوست,
مازلت مصره انه شمبات الحله تحديدا من حيث تركيبتها السكانيه وتاريخها,
تنتمي لبحري, قبل ما تتوسع في شكل شمبات الحاليه ...
الحلفايه موقعها الجغرافي معزول, وتاريخها مختلف وعندها خصوصيه,
مع ذلك في من يعتبرها (بحري) وفي من يعتبرها حاله خاصه,
لسه في انتظار الافادات وحسم الموقف,
شكرا وواصل معانا :)
|
Post: #108
Title: Re: جمـــال بحـــري !!
Author: Amany Elamin
Date: 03-10-2010, 10:30 AM
Parent: #93
Ooooooooops
جنابو عمر عثمان
Quote: البسمعكم بتتكلموا عن بحري وما بحري يقول بحري دي (العمارات) ......
قوموا لفوا كلكم وراء ودالصايم ده ......
هو يقول : راحات راحات
وانتو تقولوا : اولاد العمارات
والله كان بحري ماعارف ................... |
العمارات؟ عليم الله نحن ما سائلين في قاردن سيتي :)
بحري دي سحر خاص بيعرفوهو أهلها, والناس البيحبو بحري وناسها,
وقت ربنا (غم عليك) "دي زي بتاعت هلال رمضان لوووووول"
وران علي قلبك وما عرفت تحب بحري وناس بحري,
نسأل الله ليك الهدايه,
محبة بحري سر الهي, ما بلقوهو العوام لووووووول
بعدين أجمل ما في ناس بحري اعتزازهم بنفسهم وثقتهم في روحهم,
لدرجة انو زي كلامك ده يضحكوا عليهو بدون نقاش,
محروم ياجنابو, محروم اللي ما بيحب بحري :)
أسمع شرحبيل عشان تفهم حاجه:
<EMBED align=middle src=http://www.sudani.ws/s-data04/sharhabilahmed/bahri.mp3 width=250 height=50 autostart=TRUE">
|
Post: #103
Title: Re: جمـــال بحـــري !!
Author: Amany Elamin
Date: 03-10-2010, 10:03 AM
Parent: #89
صباح بحراوي خالص لناس بحري الحلوين,
سعيده بتفاعل البحراويين الجميل,
والمشاركه الرائعه في ترسيم حدود بحري,
وحملة ضبط مصطلح (بحري),
وجمال بحري ما جمال مغشوش :)
|
Post: #105
Title: Re: جمـــال بحـــري !!
Author: مزمل خيرى
Date: 03-10-2010, 10:14 AM
Parent: #103
أمانى ،،
احسن اشارك معاك فى البوست بالصور بدل بوست تانى .!
|
Post: #107
Title: Re: جمـــال بحـــري !!
Author: مزمل خيرى
Date: 03-10-2010, 10:26 AM
Parent: #105
مسجد الشيخ حمد ود أم مريود العتيق فى منطقة حلة حمد
|
Post: #109
Title: Re: جمـــال بحـــري !!
Author: مزمل خيرى
Date: 03-10-2010, 10:31 AM
Parent: #107
قبة الشيـخ حمد ود أم مريوم فى مقابر حلة حمد ..
|
Post: #110
Title: Re: جمـــال بحـــري !!
Author: مزمل خيرى
Date: 03-10-2010, 10:36 AM
Parent: #109
ضريح الشيخ حمد من الداخل ويظهر فى الصورة حارس الضريح الذى سمح لى بالدخول والتصوير .
|
Post: #106
Title: Re: جمـــال بحـــري !!
Author: Amany Elamin
Date: 03-10-2010, 10:21 AM
Parent: #103
هلا بكمال أدريس وبناس (بحري طراوه),
| Quote: البروف محمد هاشم عوض في حوار اجريته معاهو ذكر انو والدو هو مؤسس حلة الدناقلة بعدما جمع قروش من اهلو الدناقة واشترى الاراضي من الانجليز وجمع الدناقة من كل العاصمة في ذلك الحي ومن هنا جاء الاسم. |
ياريت لو ذكرت لينا التاريخ يا أخ كمال,
واضح انه قبل الاستقلال, بس سنة كم؟
Quote: غايتو لو طلتوا شمبات الاراضي خارج بحري المقصودة نقوم نرجع استيلا تاني... بالمناسبة صاحبة البوست وضيوفا عازمك عشا في استيلا في تاني ايام عيد الاضحي.
بوست مفيد شكرا يا اماني |
لا حولا استيلا؟
هو كافتيريا وللا مطعم استيلا ده لسه في؟
البيت السوري مالو؟
ياشباب بحري كمال ادريس عازمكم عشاء تاني يوم في عيد الضحيه الجاي,
في (البيت الســــــوري), حتي قريب وداخل حدود بحري ست الاسم :)
لووووووووول
|
Post: #112
Title: Re: جمـــال بحـــري !!
Author: مزمل خيرى
Date: 03-10-2010, 10:43 AM
Parent: #106
معهد الشيخ خوجلى ابوالجاز فى منطقة حلة خوجلى ،،
|
Post: #115
Title: Re: جمـــال بحـــري !!
Author: مزمل خيرى
Date: 03-10-2010, 10:53 AM
Parent: #112
معهد الشيخ خوجلى ،،
|
Post: #123
Title: Re: جمـــال بحـــري !!
Author: Amany Elamin
Date: 03-10-2010, 12:06 PM
Parent: #115
مزمل خيري:
الله يملاك عافيه,
ويعدلها عليك محل ما تقبل,
صورك دي ما سبقك عليها زول في البورد,
دي تاريخ وجمال لا يضاهي,
لو لقيت فرقه بمشي أصور ليكم برضو شوية صور من المنطقه نفسها,
تسلم يا مزمل,
|
Post: #113
Title: Re: جمـــال بحـــري !!
Author: حسن عبدالله
Date: 03-10-2010, 10:46 AM
Parent: #1
العزيزة اماني...
لك التحية...
معزرة بس لازم اقول ليك وانت ليه تسمعي الزول دا...
نحن ناس بحري نعرف من الفنانين...
خضر بشير
ايوب فارس
ابو داود
محمد ميرغني
وحديثا ياسر تمام..
كيف بس ناس سمعت مثل هؤلاء ويجي يسمع طه سليمان...
لك الود
|
Post: #117
Title: Re: جمـــال بحـــري !!
Author: Kamal Karrar
Date: 03-10-2010, 11:14 AM
Parent: #113
Quote: ويا كمال كرار ياخي انا من شفت بداية بوستيكم الكلام حرقني لكين أكلتو في حناني ولو عايز تعرف الطراوة الجد جد تعال اسكن الحلفايا وما حا تندم ..
] |
بكري إسماعيل...
ياخي كلامك ده كلام زعل ساكت....
بس حقك علينا... وأنا متأكد أن الذي ذكر ما ذكر كان عايز يجعل حدود معينة وده إجتهاد ورأي شخصي..
بعدين يا بكري الحلفايا.. دي جيناها كثير..وعندنا فيها زملاء وأصدقاء...
وبيتكم زاتو يا بكري زرته... وفعلا الطراوة عندكم جد جد...
والعنوان ده للترميز ليس إلا... وكلمة طراوة مشهورة ببحري... وطراوة بحري جاية من أعماقها الأستراتيجية
في شمبات والحلفايا... وحتى الخليلة...
يا بكري يا أخي أكان زعلان.. أها أنا استسمحك وأعتذر منك...
طيب خلاص شارك في الشعبية... لأنو بيتكم في الشعبية قديم قدم قيام الشعبية...
ولو ما أخاف أجلي شوية يا وليد بيت بكري في نهاية شارع المواصلات وأنت متجه من الشرق للغرب..وعلى الجهة اليمنى
يمكن قبل بيت أو بيتين يعني بعد المدرسة...
تحياتي يا بكري
|
Post: #119
Title: Re: جمـــال بحـــري !!
Author: وليد عبد اللطيف
Date: 03-10-2010, 11:38 AM
Parent: #117
Quote: انت قاصد إم تي إن صاح؟؟؟
لقيتك مطرطش خلاس لكن....
لكن بالجد ماعرفتك، وقدر ماعاينت في الصورة دي غلبني |
انا تعرفني انت كنت فاضي
قراية وكسر في معهد شمبات وفي مكتبة كلية الزراعة
ونحن كنا ناس بتاعين كرة قدم وكرة طائرة
والقراية بنجيكم ليها في زنقة الامتحانات
مع دكتور خالد المبشر واسحاق شمبات ومنير سليمان وسلام سليمان
شقيق (الفنان طه سليمان)
يازول انت ماشمباتي ولا شنو كيف ماتعرفي وانا كنت متخصص فيكم في كرة القدم والطائرة
وشقيقك اسامة كان افضل لاعب في شمبات
Quote: اتذكرت حنكول وأسامة براهم مالك؟ وين ناصر فتحي، وسمؤال وأحمد سليمان؟؟؟
|
ناصر فتحي حضر السعودية ورجع استقر في السودان
اها نسيت كمان ناس (قرض وعادل مطّا ودارقيل وكمال كيخا وعصام مامون )
اذا نسيتهم تكون خلاص كبرت
|
Post: #125
Title: Re: جمـــال بحـــري !!
Author: Amany Elamin
Date: 03-10-2010, 12:08 PM
Parent: #119
وليد عبد اللطيف:
Quote: انا تعرفني انت كنت فاضي
قراية وكسر في معهد شمبات وفي مكتبة كلية الزراعة |
ده مش عمر عبد العزيز؟
ياسر الفي زراعه مش عمر؟
|
Post: #127
Title: Re: جمـــال بحـــري !!
Author: Emad Ahmed
Date: 03-10-2010, 12:19 PM
Parent: #125
| Quote: البروف محمد هاشم عوض في حوار اجريته معاهو ذكر انو والدو هو مؤسس حلة الدناقلة بعدما جمع قروش من اهلو الدناقة واشترى الاراضي من الانجليز وجمع الدناقة من كل العاصمة في ذلك الحي ومن هنا جاء الاسم. |
إضافة لماذكر أعلاه أضيف الأتي للفائدة وهو منقول من بوست بحري طراوة :
في أواسط عشرينات القرن الماضي نشأ حي الدناقلة العريق الذي يقع في قلب مدينة الخرطوم بحري و يحده من الجنوب مستشفى بحري وغربا حلة خوجلي وشرقا حي الديوم وشمالا شارع المدارس ويفصل ( الخور الكبير ) والذي قام ببنائه العلم الراحل نصر الدين السيد الحي إلى نصفين جنوب وشمال . كانت تلك المنطقة عبارة عن غابة وتسمى ( تمربونة ) ونبعت فكرة إنشاء الحي عندما تجمع نفر من قبيلة الدناقلة الساكنين في ذاك الوقت في حلة حمد وحلة خوجلي والوابورات وذهبوا إلى المفتش الانجيلزي وطالبوا بمنحهم قطع سكنية وتم ذلك بالفعل ليتم بناء أول منزل في حي الدناقلة جنوب وهو منزل آل إبراهيم بادي ومن أوائل الأٍسر التي سكنت في بداية تأسيس حي الدناقلة جنوب آل محمد أحمد عوض وآل ميرغني سيد احمد وآل عثمان عبدون وأل سعيد محمد علي وآل حاج إسماعيل وآل محمد علي التوم وآل إبراهيم بادي وآل عبد الوهاب حامد وآل يعقوب صالح وآل محمد الأمين ابوقرين و أل الشيخ عبد المتعال وآل إبراهيم علي سعد وآل مصطفى فضل المولى وآل محمد فضل المولى وآل محمد طه ومن ثم توالى التوسع ليمتد إلى حي الدناقلة شمال ويشمل ويعم كل أطياف القبائل السودانية . و الذي قام بتخطيط الحي هو المرحوم المهندس محمد فراج سعيد والغريب انه حتى وفاته في العام 2005 م لم يمتلك منزل ببحري أسوة بالزعيم نصر الدين السيد .
|
Post: #128
Title: Re: جمـــال بحـــري !!
Author: بكري اسماعيل
Date: 03-10-2010, 12:33 PM
Parent: #119
تحياتي لي ناس بحري
يا وليد وخالد درق بيتنا فاتح في ناس سيف الدين الفحل وكل شباب الحلة الحلوين حبايبنا ناس وليد عبد الباسط وسراج وحامد والأخ المفضال جداً رضوان بالله الزول ده مشى أمريكا واللا لسة ؟ والفاتح كمت لاعب فريق الشعبية قرا وراي في ود السائح وعماد مصطفى جمب خور شمبات دفعتي ، ملعون أبو الذاكرة الخربة النستنا الناس ، أما أمجد عبدون كرار وعمار عوض سليم ديل أخواني الكبار ..
يا كمال كرار ياخي اللا لا جاب الزعل ياخ بس مشي لي موضوعي داك ... ههه .. لو ما مشى هسي بنقوم نتمرد ونبيع بيتنا الفي الشعبية زاتو ..
|
Post: #126
Title: Re: جمـــال بحـــري !!
Author: Amany Elamin
Date: 03-10-2010, 12:16 PM
Parent: #113
حسن عبد الله:
Quote: العزيزة اماني...
لك التحية...
معزرة بس لازم اقول ليك وانت ليه تسمعي الزول دا...
نحن ناس بحري نعرف من الفنانين...
خضر بشير
ايوب فارس
ابو داود
محمد ميرغني
وحديثا ياسر تمام..
كيف بس ناس سمعت مثل هؤلاء ويجي يسمع طه سليمان... |
بحري لو ما أخرجت غيرهم من الفنانين لكفاها..
(الاستاذ) طه سليمان عامل أغنيه جاده جدا اسمها (جمال بحري),
وبصراحه الأغنيه مختلفه عن أغانيه من عينة: (ماشه معاك عسل) و (يالاعب معاي ضاغط) ,
لكن بس محتاجه لضبط مصطلحات عشان هو ما عارف علي ماذا تطلق كلمة (بحري),
شكرا لزيارتك البوست ,
|
Post: #130
Title: Re: جمـــال بحـــري !!
Author: وليد عبد اللطيف
Date: 03-10-2010, 01:42 PM
Parent: #126
Quote:
تحياتي لي ناس بحري
يا وليد وخالد درق بيتنا فاتح في ناس سيف الدين الفحل وكل شباب الحلة الحلوين حبايبنا ناس وليد عبد الباسط وسراج وحامد والأخ المفضال جداً رضوان بالله الزول ده مشى أمريكا واللا لسة ؟ والفاتح كمت لاعب فريق الشعبية قرا وراي في ود السائح وعماد مصطفى جمب خور شمبات دفعتي ، ملعون أبو الذاكرة الخربة النستنا الناس ، أما أمجد عبدون كرار وعمار عوض سليم ديل أخواني الكبار ..
|
يابكري اسماعيل
ياخي انت ما ود حله
ونحن تربينا في ميدان الصداقة مع الكابويات
ناس وليد عبد الباسط وسيف الفحل وهشام كرار
وطبعا رضوان قاعد في جده وصاحبك مرطب هنا
-----------------------------
اماني فيك الخير ببوستيك ده (والله انا خايف تكوني انتي كمان بت حلتنا )
|
Post: #134
Title: Re: جمـــال بحـــري !!
Author: Mubarak kunna
Date: 03-10-2010, 05:44 PM
Parent: #130
Amany Elamin
Quote: "أبو حليمه" دي وين؟
جهة الكدرو والدروشاب وكده
|
يابحراويه الكلام دي شين منك
اناخايف وليدعبداللطيف يشيل
منك الجنسيه البحراويه
سمعتي باغنيه كدراويه للفنان نور الجيلاني
وهو من سكان أبو حليمه
|
Post: #135
Title: Re: جمـــال بحـــري !!
Author: Mubarak kunna
Date: 03-10-2010, 05:58 PM
Parent: #134
الاخت Amany Elamin
Quote: شمبات البقصدها أنا,
شمبات الحله, لأنه ده هو الحي العريق |
سلام من الشعبيه
شمبات الحله
شمبات صرص
بُقر شمبات
المرسي شمبات
كليه الزراعه شمبات
شمبات الاراضي
اها رايك شنو فى الاحياء العريقه دي من حاضره شمبات
اي شمباتي من الاصدقاء ملقب بكلمه قرع
لانهم بحبوا ملاح القرع في وجبه العشاء
تحياتي للاخ الشمباتي راشد قرع
لوووووول
خور شمبات ده من الجهه الشرقيه فاصل بين المزاد شمال وحي الصافيه
من الجهه الغربيه فاصل بين الشعبيه شمال وشمبات
تحيات صغيرتي
هدي
دمتم
|
Post: #137
Title: Re: جمـــال بحـــري !!
Author: وليد عبد اللطيف
Date: 03-10-2010, 07:40 PM
Parent: #135
Quote: ده مش عمر عبد العزيز؟
ياسر الفي زراعه مش عمر؟ |
اماني الامين
اخونا ياسر كان بدرس قانون في جامعة القاهرة فرع الخرطوم
ومن بناتنا في الشعبية درسوا معهم حنان وهويد عبد الله
ومها الفضل .وجمعتنا علاقات طيبة مع اولاد زراعة جامعة الخرطوم
وناس المعهد ياخي لم تتخيلي مستوى العلاقة
صراحة ايام لم ننساها أبدا
|
Post: #138
Title: Re: جمـــال بحـــري !!
Author: وليد عبد اللطيف
Date: 03-10-2010, 08:03 PM
Parent: #137
ود كنه
ياخي انت امريكا علمتك الجفا
Quote: تحيات صغيرتي
هدي
دمتم |
ياخي بالله اخبار الاولاد شنو ومالك منقطع
وياخي شمبات دي عالم براه
وتعال نحجيك بهذه المناسبة
في يوم تم سؤال
الاستاذ الفنان ( خضر بشير ) في احدى المجلات ماذا تهوى
قال:
اهوى الزهور في تبسّمة
اهوى الطيور في ترنمه
اهوى الطبيعة الحالمة
وكانه يختصر الوصف في طبيعة شمبات
-------------------
ودكنه ماتطول الغيبة وتحياتي للاسرة
|
Post: #139
Title: Re: جمـــال بحـــري !!
Author: عبدالكريم أحمد الامين
Date: 03-10-2010, 09:08 PM
Parent: #138
** بت الامين ..
** صباحك خير ..
## بوستيك دا حيكون زى إنانيا 2 ,, بحرى (1) وبحرى (2) ..
## قالو ليك :- زول بحرى مابيطلع منها لو أدوهو قصر فى إى حته فى العاصمه ,, والبعرس منها أهلو يقنعو منو تانى مابشفوهو إلا فى المُناسبات ,, والبعرسا زول من بحرى بتنسا اهلا..
**التمازج والإلفه الموجوده فى بحرى قل أن تجديها فى إى مكان آخر بالعاصمه ,, الماقرأ معاك بيكون أخوهو قر معاك او ود جيرانو ..
## بحرى هى المدينه الوحيده فى العاصمه والتى كان لها مجلسان :- بـــلـــدى ,, وريــفــــى..
## البلدى :-[/U] يختص بإدارة أحياء بحرى القديمه وهى :- حلتى حمد وخوجلى ,,الاملاك ,, الدناقله شمالها وجنوبها ,, حلة الميرى ,, الديوم ,, الصبابى ,, الختميه ,, كوبر ,, كرش الفيل ,, شمبات ,,الحلفايا, المنطقه الصناعيه ,, ومن ثم إنضمت فى بداية الستينات أحياء المزاد شماله وجنوبه والشعبيه شمالها وجنوبها والصافيه والميرغنيه والسايح..
## الريفى :- وهذا المجلس كان مُختصاً بريفى بحرى ويشمل شرق النيل مناطق ابودليق وام ضواً بان والعيسلات والعليفون والدبيبات والحاج يوسف (سانت جوزى) "تدليع للحاج يوسف عشان ود الصائم مايزعل" وماجاورها وفى شمال بحرى يمتد إختصاص المجلس الريفى من الكدرو الى واوستى و ودرملى ..
## ومن ناحية أُخرى يمتد إختصاص مجلس ريفى بحرى الى شمال أمدرمان مناطق :- الباعوضه والسروراب والجزيره إسلانج والماطق المجاوره ..
## ويمتد إختصاص مجلس ريفى بحرى الى جنوب الخرطوم مناطق:- الكلاكلات الى جبل الاولياء ويشمل ذلك المناطق التى تقع فى هذا الحيز المكانى ..
## سجلات أراضى هذه المناطق (التابعه للخرطوم وامدرمان) وكل مايتعلق بها إدارياً كان يُدار من مجلس ريفى بحرى ,, وتم فك هذا الإرتباط فى نهاية السبيعنات..
** وعشان كده بحرى وناسا عالم جميل (بس مُش بتاع زين)
(ودام الود والإحترام بين الجميع)
(وبــحــــرى طـــراوه وحــلاوة وعُـــشـــره ومـحـبـه )
(ابو محمد فؤاد)
|
Post: #140
Title: Re: جمـــال بحـــري !!
Author: Mubarak kunna
Date: 03-10-2010, 09:43 PM
Parent: #138
Quote: ود كنه
ياخي انت امريكا علمتك الجفا
|
الغالي العالي
جدا وليد
العين مابتعلي علي الحاجب
والله اتصلت عليك اكثر من مره
بس انت الظاهر عليك مشغول
بقدر الحاجه دي
لكن اتصالي بالاخ الفاضل يوميا
بس انت رد علي تلفونك
دي رقمك ولاغيرتوا 966557456728
|
Post: #141
Title: Re: جمـــال بحـــري !!
Author: وليد عبد اللطيف
Date: 03-10-2010, 10:33 PM
Parent: #140
| Quote: دي رقمك ولاغيرتوا 966557456728 |
نعم بالحيل
ياخي اعمل رنه بس تلقانا ردينا عليك
ياخي تلفونات امريكا قالوا شبعانة
من الطرائف ونسبة لفروقات الوقت يوم اتصلت على عادل علي صالح
يازول لقيت الساعة عندكم اربعة صباحا
من ديك حرمت الاتصال على ناس امريكا
بالله تحياتي للفاضل انتو يظهر البنات شغلوكم
Quote: ** بت الامين ..
** صباحك خير ..
## بوستيك دا حيكون زى إنانيا 2 ,, بحرى (1) وبحرى (2) ..
## قالو ليك :- زول بحرى مابيطلع منها لو أدوهو قصر فى إى حته فى العاصمه ,, والبعرس منها أهلو يقنعو منو تانى مابشفوهو إلا فى المُناسبات ,, والبعرسا زول من بحرى بتنسا اهلا.. |
ياسعادة المستشار ( ابو محمد فؤاد)
شكلها اماني الامين بتدخل بالناس الغابه
ماتنسي انها نشيطة ورياضية درجة اولى
وانا خايف تكون هي من زرعة الغام لبوست الشعبية
وهكرته والان له يومين على هذا الحال
|
Post: #147
Title: Re: جمـــال بحـــري !!
Author: وليد عبد اللطيف
Date: 03-11-2010, 08:20 AM
Parent: #141
Quote: Quote:
مزمل خيري:
الله يملاك عافيه,
ويعدلها عليك محل ما تقبل,
صورك دي ما سبقك عليها زول في البورد,
دي تاريخ وجمال لا يضاهي,
لو لقيت فرقه بمشي أصور ليكم برضو شوية صور من المنطقه نفسها,
تسلم يا مزمل, |
|
اماني الامين
وباقي الاخوان جهجهتونا
ياريت يكون الرد بعد اخر مداخلة
|
Post: #149
Title: Re: جمـــال بحـــري !!
Author: طارق ميرغني
Date: 03-11-2010, 08:28 AM
Parent: #147
مشكوره اختنا اماني علي الردود
والحمد لله لميتي في كمال كرار وخالد ووليد وهؤلاء هم فطاحلة بحري
|
Post: #150
Title: Re: جمـــال بحـــري !!
Author: Amany Elamin
Date: 03-11-2010, 08:42 AM
Parent: #149
الأخ عماد أحمد:
| Quote: في أواسط عشرينات القرن الماضي نشأ حي الدناقلة العريق الذي يقع في قلب مدينة الخرطوم بحري و يحده من الجنوب مستشفى بحري وغربا حلة خوجلي وشرقا حي الديوم وشمالا شارع المدارس ويفصل ( الخور الكبير ) والذي قام ببنائه العلم الراحل نصر الدين السيد الحي إلى نصفين جنوب وشمال . كانت تلك المنطقة عبارة عن غابة وتسمى ( تمربونة ) ونبعت فكرة إنشاء الحي عندما تجمع نفر من قبيلة الدناقلة الساكنين في ذاك الوقت في حلة حمد وحلة خوجلي والوابورات وذهبوا إلى المفتش الانجيلزي وطالبوا بمنحهم قطع سكنية وتم ذلك بالفعل ليتم بناء أول منزل في حي الدناقلة جنوب وهو منزل آل إبراهيم بادي ومن أوائل الأٍسر التي سكنت في بداية تأسيس حي الدناقلة جنوب آل محمد أحمد عوض وآل ميرغني سيد احمد وآل عثمان عبدون وأل سعيد محمد علي وآل حاج إسماعيل وآل محمد علي التوم وآل إبراهيم بادي وآل عبد الوهاب حامد وآل يعقوب صالح وآل محمد الأمين ابوقرين و أل الشيخ عبد المتعال وآل إبراهيم علي سعد وآل مصطفى فضل المولى وآل محمد فضل المولى وآل محمد طه ومن ثم توالى التوسع ليمتد إلى حي الدناقلة شمال ويشمل ويعم كل أطياف القبائل السودانية . و الذي قام بتخطيط الحي هو المرحوم المهندس محمد فراج سعيد والغريب انه حتى وفاته في العام 2005 م لم يمتلك منزل ببحري أسوة بالزعيم نصر الدين السيد . |
معلومه قيّمه جدا عن حي الدناقله,
علي ذكر الخور الكبير,
المصرف ده تعرض لاعادة هدم وبناء في الفتره السابقه متكرره,
ماعارفه المشكله شنو, وحتتحل متين, لكن أشعر انه ناس حي الدناقله متضررين جدا,
من محاولات (الجهات المختصه) الفاشله في بنائه بصوره سليمه ورصف الظلط أعلي منه !!!!
شئ مؤسف :(
تسلم,,,
-------
لووووول يا أخ عماد,
تجولت قليلا في (بحري طراوه) لقيتك انت بالذات تحدثت عن "والدي" في البوست هههههههه
|
Post: #151
Title: Re: جمـــال بحـــري !!
Author: Amany Elamin
Date: 03-11-2010, 08:50 AM
Parent: #149
الأك مبارك كنه:
Quote: سلام من الشعبيه
شمبات الحله
شمبات صرص
بُقر شمبات
المرسي شمبات
كليه الزراعه شمبات
شمبات الاراضي
اها رايك شنو فى الاحياء العريقه دي من حاضره شمبات |
تشكر علي ذكر أحياء شمبات المعروفه دي,
وأضيف من عندي شمبات الهجره :)
وأحلي هديه لناس شمبات:
رائعة (ابن بحري المبدع) أبو داؤود : في شمبات حليل مجلسنا :)
http://www.sudani.ws/s-data01/abdalazizmohameddowd/ya_einey_ya_eieny.mp3
|
Post: #152
Title: Re: جمـــال بحـــري !!
Author: ياسر عبدالعزيز الطيب
Date: 03-11-2010, 08:53 AM
Parent: #149
Quote: لووووووول يا ياسر,
عرف السبب وبطل العجب,
غايتو الا كان نجاملك ساي,
أصلو نحن نجامل بكري أبوبكر عشان ساكن الحلفايه,
ونجامل ياسر عبد العزيز عشان كدراوي الهوي :)
أصلا ناس بحري مجاملين وما بحرجوا زول؟ لووووول
---
يا ياسر, الكدرو عريقه وأي حاجه,
لكن (ما بحري), بس ممكن نعمل تزوير عشان خاطرك,
لوووووووول |
(بغض النظر عن هواي الشخصي)......
وقلبي مشغول بصبيه... شايله النوم من عينيا..كدراويه
الكدرو ياأماني عريقه شديييييد وجزء أصيل من بحري شئنا أم أبينا.
عارفة ونسة بحري وتاريخها انا عرفت معظمه من الناس الكبار الفي الكدرو لما كنت ساكن هناك.
هم فعلا كانوا بعيدين بحساب المسافة عن بحري المدينة، لكن الإرتباط التاريخي ليهم بيها قديم جداً.
بجيك بالروقة..لإثبات إنه بحري دي من أول نشأتها كانت كبيرة وممتدة شمالاً.. والزيادة الجديدة الحصلت ليها حصلت من جهة الشرق.
|
Post: #153
Title: Re: جمـــال بحـــري !!
Author: Amany Elamin
Date: 03-11-2010, 09:11 AM
أبو محمد فؤاد:
Quote: ## البلدى :- يختص بإدارة أحياء بحرى القديمه وهى :- حلتى حمد وخوجلى ,,الاملاك ,, الدناقله شمالها وجنوبها ,, حلة الميرى ,, الديوم ,, الصبابى ,, الختميه ,, كوبر ,, كرش الفيل ,, شمبات ,,الحلفايا, المنطقه الصناعيه ,, ومن ثم إنضمت فى بداية الستينات أحياء المزاد شماله وجنوبه والشعبيه شمالها وجنوبها والصافيه والميرغنيه والسايح..
## الريفى :- وهذا المجلس كان مُختصاً بريفى بحرى ويشمل شرق النيل مناطق ابودليق وام ضواً بان والعيسلات والعليفون والدبيبات والحاج يوسف (سانت جوزى) "تدليع للحاج يوسف عشان ود الصائم مايزعل" وماجاورها وفى شمال بحرى يمتد إختصاص المجلس الريفى من الكدرو الى واوستى و ودرملى ..
|
جئتنا من سبأ بنبأ يقين ,,
معلومه قيمه جدا وقطعت جهيزة قول كل خطيب :)
يا ياسر عبد العزيز سامع؟
الكدرو ريفي بحري
وده كلامي القلتو من أول البوست,
المنطقه شمال بحري مجموعة قري تقع شمال بحري المدينه :)
وياناس الحلفايه أبسطوا, طلعتو ما ضهاري لوووووووول
(ده مع اني لسه مصره انه في شكك في أمركم هههههه)
عموما نرجع ونقول دي بحري الحكوميه,
بحري الأهليه ما ظنيت تشمل الحلفايه لوووووووول
تسلم يا أبو محمد فؤاد ,,
|
Post: #154
Title: Re: جمـــال بحـــري !!
Author: Amany Elamin
Date: 03-11-2010, 09:21 AM
Parent: #153
وليد عبد اللطيف,
صباح الخير,
Quote: شكلها اماني الامين بتدخل بالناس الغابه
ماتنسي انها نشيطة ورياضية درجة اولى
وانا خايف تكون هي من زرعة الغام لبوست الشعبية
وهكرته والان له يومين على هذا الحال |
لا حولا, طلّعتني هكر عديل,
معقوله هكر بحراوي؟
عارف عادة بفتح بوستات وبيغلبني أواصل فيها لأنه وقتي ضيق,
وأغلب الوقت بقفل البوست وفي ناس لسه ما رديت عليهم,
لكن بوست بحري ده مستمتعه بيهو لدرجه ما تتصورها,
بصراحه ناس بحري حتي في البوستات غير :)
شكلو حيكون شعار البوست بحري غير (علي وزن جده غير لووول),
اعتذاري لبوست بحري طراوه والشعبيه,
بس ممكن الناس تعمل "ريفريش" هنا شويه, وللا شنو؟
تسلم ياصديق :)
|
Post: #155
Title: Re: جمـــال بحـــري !!
Author: عماد الدين عبدالله
Date: 03-11-2010, 10:52 AM
Parent: #154
Quote:
Quote: ## البلدى :- يختص بإدارة أحياء بحرى القديمه وهى :- حلتى حمد وخوجلى ,,الاملاك ,, الدناقله شمالها وجنوبها ,, حلة الميرى ,, الديوم ,, الصبابى ,, الختميه ,, كوبر ,, كرش الفيل ,, شمبات ,,الحلفايا, المنطقه الصناعيه ,, ومن ثم إنضمت فى بداية الستينات أحياء المزاد شماله وجنوبه والشعبيه شمالها وجنوبها والصافيه والميرغنيه والسايح..
## الريفى :- وهذا المجلس كان مُختصاً بريفى بحرى ويشمل شرق النيل مناطق ابودليق وام ضواً بان والعيسلات والعليفون والدبيبات والحاج يوسف (سانت جوزى) "تدليع للحاج يوسف عشان ود الصائم مايزعل" وماجاورها وفى شمال بحرى يمتد إختصاص المجلس الريفى من الكدرو الى واوستى و ودرملى ..
|
الأخت أماني لك كل الود والاحترام
كم يوم متابع ومستمتع ببحري وناس بحري وحبهم لبحري
واقول اتداخل معاكم اقول خلاص عماد عثمان وابو محمد فؤاد
وخالد ووليد بيوفوا ويكفوا وكمان وهبة طارق وكمال والحاج حمد
ما شاء الله كل فطاحلة بحري ضيوف عندك يا سلام عليكم يا بحراوية
وانا بقول ليك امسكي في كلام ابو محمد فؤاد فهو وضح ما تسالين عنه
احب بحري وناس بحري وخاصة شارع المدارس ( شارع بيتنا )
تحياتي واحترامي لك ولكل المشاركين
|
Post: #156
Title: Re: جمـــال بحـــري !!
Author: وليد عبد اللطيف
Date: 03-11-2010, 12:28 PM
Parent: #155
اماني الامين
Quote:
شكلو حيكون شعار البوست بحري غير ( علي وزن جده غير لووول),
اعتذاري لبوست بحري طراوه والشعبيه,
بس ممكن الناس تعمل "ريفريش" هنا شويه, وللا شنو؟
تسلم ياصديق :) |
صراحة بوستيك دا جهجه
لان ظهرت به ناس معنا في المنبر
ولم كنا نعرفهم وعرفناهم عندك هنا
بعد كده ورونا الحل ياجماعة
نتباع منبر الشعبية ولا بوست الشعبية
نتابع بوست بحري طراوه ولا منبر بكري
ولا جمااااااااااااااااااااااااااااااااال بحري
يعني أم اسيل ترفدنا من البيت ولا شنو
غايتو يا اماني خليك قريبة للتفاوض وتقريب وجهات النظر ( وخليك في صفي )
لو حصل شيء وما تبقي لي ( نيران صديقة )
-------------------------------
البوست اصبح معلق فوق رقبتك وما أظن تاني يقيف
|
Post: #158
Title: Re: جمـــال بحـــري !!
Author: عاطف رميتي
Date: 03-12-2010, 03:09 AM
Parent: #156
Quote: يعني انت برلوم وليك في البورد شهر وشويه,
وقلبك قوي قدر ده؟ |
الاخت اماني حاجاريك في كلمة ( برلوم ) مع اني مامقتنع بمسمى الكلمة دي
أول حاجة أنتي ماتطلعي نفسك من محيط البرالمة لأنو مافات على تسجيلك أكثر من سنة وكم يوم ويوجد من بالمنبر من هم أعلى منك شأن وأقدم ولوج فيه ... ( مع اني لا اقيم الناس هنا بتواريخ تسجيلهم )
والاهم من ذلك انو مافي حاجة اسمها سنير ولا برلوم في حوش بكري دا طالما أنتي ذي زيك رسلو ليك الباسوورد..
فالسيادة هنا للمنطق والمقدرات والمؤهلات والعقل راجح ... (( ياصاحبة الشأن العالي ))
قالت ( برلوم) ...
100 لووووووول
| Quote: أوّل شئ صاحبة البوست ما صاحب البوست, |
وثاني حاجة المهم والاهم صلب الموضوع وليس مسمى كاتب الموضوع
وثالث حاجة ماجاوبتيني على سؤالي علما بأنني مابحب اسأل أو اطلب مرتين ؟
|
Post: #159
Title: Re: جمـــال بحـــري !!
Author: خالد درق
Date: 03-12-2010, 08:06 AM
Parent: #158
الاخت ... امانى ... سلام
والله البوست لما كل ناس بحرى ياخى بحرى دى فيها الحنان ذاتو ولا كيف .. شوفى الناس دى بس ظهرت كلمة بحرى فى البوست وجاك المحبين لبحرى جرى يدخلون
بحرى ست الهواء ...
امانى انتى وين فى بحرى .....
مودتى ...
|
Post: #160
Title: Re: جمـــال بحـــري !!
Author: Amany Elamin
Date: 03-12-2010, 08:19 AM
Parent: #159
جمعه مباركه لكل البحراويين :)
وصباح الخير عليكم,,
|
Post: #161
Title: Re: جمـــال بحـــري !!
Author: Amany Elamin
Date: 03-12-2010, 08:31 AM
Parent: #160
الأخ عماد الدين عبد الله:
يا هلا بيك ونوّرت جمال بحري,
Quote: ما شاء الله كل فطاحلة بحري ضيوف عندك يا سلام عليكم يا بحراوية
وانا بقول ليك امسكي في كلام ابو محمد فؤاد فهو وضح ما تسالين عنه احب بحري وناس بحري وخاصة شارع المدارس ( شارع بيتنا ) |
فطاحلة بحري نوروني وفعلا لقيت عندهم الخبر اليقين,
شارع المدارس محطه مهمه في حياة كل بنات بحري,
قضينا فيهو سنين الدراسه الجميله,
ومنو انطلقنا للحياه الجامعيه وللحياه من بعد,
مستصحبين ذكريات وصداقات جميله في كافة بقاع بحري,
صديقاتي من مدارس بحري هم صديقاتي الحقيقيات,
مهما لفيت وعرفت, فضلوا هم صديقات عمري المابغير شئ علاقتي بيهم,
ولسه عندنا لمات دوريه ومتواصلين جدا,
وعلاقاتنا امتدت لأسرنا اللي بقوا بعرفوا بعض وأصدقاء أكتر مننا :)
مش قلنا علاقات بحري لايمكن تنقطع :)
تسلم يا أخ عماد علي ذكر شارع المدارس الحبيب,
|
Post: #162
Title: Re: جمـــال بحـــري !!
Author: Amany Elamin
Date: 03-12-2010, 08:37 AM
Parent: #161
صباح الخير يا أخ وليد:
Quote: صراحة بوستيك دا جهجه
لان ظهرت به ناس معنا في المنبر
ولم كنا نعرفهم وعرفناهم عندك هنا
بعد كده ورونا الحل ياجماعة
نتباع منبر الشعبية ولا بوست الشعبية
نتابع بوست بحري طراوه ولا منبر بكري
ولا جمااااااااااااااااااااااااااااااااال بحري
يعني أم اسيل ترفدنا من البيت ولا شنو
غايتو يا اماني خليك قريبة للتفاوض وتقريب وجهات النظر ( وخليك في صفي )
لو حصل شيء وما تبقي لي ( نيران صديقة ) |
التعارف التم هنا بين البحراويين أسعدني جدا,
بس كلو ولا زعل -أم أسيل-
لو هي بحراويه خليها تتابع معانا يمكن نطلع معارف :)
لو مابحراويه ومتضرره فأنا من هسي في صفها لو اشتكت لووووول
| Quote: البوست اصبح معلق فوق رقبتك وما أظن تاني يقيف |
ياسيدي البوست ملك للجميع,
في وجودي أو في غيابي بوست يحمل اسم بحري
أكيد لكل البحراويين, وأمانه في عنقهم :)
تسلم وسلامات لأسيل وأمها :)
|
Post: #163
Title: Re: جمـــال بحـــري !!
Author: Amany Elamin
Date: 03-12-2010, 08:41 AM
Parent: #162
عاطف (الما برلوم):
Quote: الاخت اماني حاجاريك في كلمة ( برلوم ) مع اني مامقتنع بمسمى الكلمة دي
أول حاجة أنتي ماتطلعي نفسك من محيط البرالمة لأنو مافات على تسجيلك أكثر من سنة وكم يوم ويوجد من بالمنبر من هم أعلى منك شأن وأقدم ولوج فيه ... ( مع اني لا اقيم الناس هنا بتواريخ تسجيلهم )
والاهم من ذلك انو مافي حاجة اسمها سنير ولا برلوم في حوش بكري دا طالما أنتي ذي زيك رسلو ليك الباسوورد..
فالسيادة هنا للمنطق والمقدرات والمؤهلات والعقل راجح ... (( ياصاحبة الشأن العالي ))
قالت ( برلوم) ... 100 لووووووول |
لاحولا, لقيتك جادّي جدّيه !!
Quote: وثاني حاجة المهم والاهم صلب الموضوع وليس مسمى كاتب الموضوع
وثالث حاجة ماجاوبتيني على سؤالي علما بأنني مابحب اسأل أو اطلب مرتين ؟ |
لا صعّبتها شديد والله
|
Post: #164
Title: Re: جمـــال بحـــري !!
Author: Amany Elamin
Date: 03-12-2010, 08:52 AM
Parent: #163
خالد درق صباحك خير,
(جمال بحري) استراحه صغيره و(بحري طراوه) هو الأصل طبعا :)
وعموما بحري كلمه جاذبه بتجمع كل محبيها للالتفاف حوله بمحبه ,,
| Quote: امانى انتى وين فى بحرى ..... |
طبعا ده سبب تاني مزوغني من (بحري طراوه),
أنا ياسيدي من بحري القديمه,
وعلي ثقه انو كل ناس (بحري طراوه) حيعرفوا أسرتي,
وشرف لي اني أتعرف بيهم,
لكن أكيد انت عارف البورد ومحنه,
عليه بتحاشي أتكلم عن نفسي أو أسرتي في البورد,
خصوصا انه بوست بحري ده ممكن يجيب وصف بيوت عادي لوووووول
أسمحوا لي اني أحتفظ بخصوصيتي لأسباب متعلقه بالبورد وحاله المايل,
وانه مقروء وفيهو هكر وقصص كتيره بايخه ممكن الواحده تتعرض ليها هنا,
ويسعدني أتشرف بيكم في لمّات بورداب الخرطوم متي ساقتكم الرحال لأرض الوطن,
تسلم يا أخ خالد وأرجو تفهم ما أسلفت :)
|
Post: #165
Title: Re: جمـــال بحـــري !!
Author: Amany Elamin
Date: 03-12-2010, 11:52 AM
Parent: #164
"بحرينا" حسب افادة "قووقل ماب" :
|
Post: #166
Title: Re: جمـــال بحـــري !!
Author: GamarBoBa
Date: 03-12-2010, 01:03 PM
Parent: #165
جمعة مباركة ياجماعة
اماني كدي بالله خليني اديكم عزف منفرد أو صولو خارج الزمن علي قول اخونا ياسر طيفور
ياخي انا كم يوم كدة بقرا البوست ده واضحك،عجبتني فكرة كنكشتك في حدود بحري الانتي بتريها كويس ورفضك البات للمستلبين بالمدنية زي ناس ود الصايم،واصلا بوستيك ده برضو جا وانا قبل كم يوم بقرا في عطاء لتأهيل مناطق أثريه في ولاية الخرطوم
ياخي ضحكت ضحك شديدخلاص
مزمل خيري ما قصر غايتو جاب صورة قال دي قبة مريوم وانتي ما قصرتي قلتي دي معالم اثرية.
وناس امدرمان عندهم كومين تراب اسمهم الطابية اي والله كومين تراب وبوابة اسمها عبد القيوم وشابكننا التاريخ والاصالة ولا ما بعرف شنو
انتو يا ناس جادين ولا بتهظروا
البلد دي في شماله وغربه وشرقه في معالم تحير الدنيا وآلاف السنين من التاريخ البسعنا كلنا ،حكمة الله بقت الكنكشة في تاريخ ليه 100 سنة بس.وللاسف نفس التقصير الحكومي والاستهتار حتلحق بحري القديمة حقتك الاشتروا الديار القطرية وشركة الشال واجهاتها البحرية وما حتلقوا هوا تتنفسوه خليكم من معالم كانت محببة لديكم.
جملة الايمان كشخص لابس نضارات من الريف واطراف البلاد الانا جاي منها بحري مدينة زيها وزي العمارات وامدرمان و والحاج يوسف ودي مدن ما وصلت مرحلة يحتفوا بيهاكمدن قديمة ولا تاريخية ولا حتي المعالم الفيها تستحق تأهيلها بالتسوير لانها معالم معاصرة وحتي ما فيها ابداع
بحري وامدرمان ديل ما روما ولا اثينا عشان يحتفوا بيهم كدة
نجيكم في السمح يا جماعة
|
Post: #167
Title: Re: جمـــال بحـــري !!
Author: خالد درق
Date: 03-12-2010, 01:34 PM
Parent: #166
Quote: بحري وامدرمان ديل ما روما ولا اثينا عشان يحتفوا بيهم كدة
|
GamarBoBa...
اولا سلام ..
ثانيا.. ياخى والله كل واحد بقيم مدينة التولد فيها ونشاء فى اكنافه وبعدين بحرى نحنا بنشوف احسن من روما واثينا بتعتك دى وبنشوف احسن من مدن العالم وكل واحد حر صح عشان انت تجى تقول يحتفوا بهاوانت زاتك من وين عشان تقيم ، ياخى حبنا لبحرى ماله حدود ...
فتك بعافيه...
|
Post: #168
Title: Re: جمـــال بحـــري !!
Author: GamarBoBa
Date: 03-12-2010, 02:27 PM
Parent: #167
خالد درق
ما تتضايق
روما وأثينا ديل مدن تاريخيه قديمة انا ما بتكلم عن روما احسن من بحري ودي اصلا ما بتتقاس كدةاناقار
انا بتكلم قيمة تاريخية للمدن تحديدا بحري ووامدرمان لانو مافي زول في الخرطوم بقول نحن ناس تاريخ واصالة
حكاية انا من وين ما ضرورية انا سوداني من الاطراف،لا يهم من الفاشر او سواكن او مروي او دنقلا لانو القيمة التاريخية المفروض يحتفوا بيها السودانيين من ناحية اولويات موجودة في المدن الذكرتها كأمثلة.
انا ما عايز اشتت مضمون البوست لانو فيه تعارف ودي قيمة جميلة وانتو حبكم حاجة وتقييم الناس لما ترونه حاجة تانية
برضو فتناكم بعافية
|
Post: #169
Title: Re: جمـــال بحـــري !!
Author: Amany Elamin
Date: 03-12-2010, 06:44 PM
Parent: #168
قمربوباا ,,
مساء الخير,
أبداك من وين؟
نبدأ من ناحية تاريخ؟
طيب,
عارف انو الكلام ده ما مفروض يجي منك,
انت قايل قبل التلمائة سنه (اللي هم عمر بحري) ديل نحن ما عندنا تاريخ وللا ما عندنا أصل؟
خليني أحكي ليك عن أقدم حي في بحري, (حلة خوجلي),
مش انت بتنتمي للنوبه في الشمال؟ طيب تاريخ الناس ديل ياهو تاريخكم ياموسي,
شوف تسلسل النسب بتاع الشيخ خوجلي يمكن تفهمني,
صاح بحري المدينه حديثه نسبيا بحكم الاف السنوات الخلفوها الأجداد خلفهم في الشماليه,
وزحفوا جنوبا لتوتي, مع دخول العرب وبنوا حضاره جديده في ملتقي النيلين,
الحضاره المره دي كانت بداية الدوله المدنيه الحديثه في الخرطوم,
الطرق الصوفيه وتعليم القران, والتعليم بصوره أشمل,
ولاحقا الانجليز واسهامات المنطقه في المؤسسات الحكوميه,
واسهامات المنطقه لاحقا في تحرير السودان,
ما محتاجه أحكي ليك عن انه السيد علي الميرغني تربي في حلة خوجلي,
وانه أول رئاسه لجمهورية السودان اتعرضت علي أحد أبناء الشيخ خوجلي ورفضها,
وانه حكومة اسماعيل الأزهري كانت معروفه بحكومة حلة خوجلي لأنهم كانو بيتلموا ويناقشوا أهم المواضيع هناك,
ياقمربوبا محس بحري واللي عمروها من توتي بيشاركوكم في التاريخ العمرو الاف السنين واللي كلنا بنفخر بيهو,
وبيفخرو زياده عليهو, بتأسيس مدينه زي الخرطوم,
ومنو البيقدر يلغي دور الخرطوم كمدينه من تاريخ السودان المعاصر؟
لينا حق نفخر بتراثنا طالما أقدم تراث في المنطقه,
طالما قدنا نهضه وعمران في مدينة الخرطوم,
ورجالنا علامه في جبينها, تاريخيا وثقافيا, واجتماعيا,
بحري ياقمربوبا ما زي العمارات والحاج يوسف,
بحري مدينه سبّاقه, زي ما أمدرمان القديمه رائدة نهضه ثقافيه وفنيه حديثه,
وحقنا نفخر بيها,,
حأواصل معاك,,
|
Post: #170
Title: Re: جمـــال بحـــري !!
Author: Amany Elamin
Date: 03-12-2010, 07:11 PM
Parent: #169
Quote: مزمل خيري ما قصر غايتو جاب صورة قال دي قبة مريوم وانتي ما قصرتي قلتي دي معالم اثرية.
وناس امدرمان عندهم كومين تراب اسمهم الطابية اي والله كومين تراب وبوابة اسمها عبد القيوم وشابكننا التاريخ والاصالة ولا ما بعرف شنو
انتو يا ناس جادين ولا بتهظروا
البلد دي في شماله وغربه وشرقه في معالم تحير الدنيا وآلاف السنين من التاريخ البسعنا كلنا ،حكمة الله بقت الكنكشة في تاريخ ليه 100 سنة بس |
ليه ياقمربوبا؟
الخلّي الطابيه كوم تراب, والأهرامات في الشمال اثار شنو؟
مش كله تراب لكن قيمته في رمزيته التاريخيه؟
التاريخ انه الأقدم أفضل؟, وللا التاريخ صناعه مستمره ؟
أهو الطابيه دي عندها قيمه ورمز تاريخي,
ولو الليله انت ما شايفو تاريخ, بعد ألف سنه حيفضل مكتوب في تاريخ السودان كعلامه فارقه,
بحري القديمه بداية تاريخ مدينه بحجم وأهمية الخرطوم,
بداية دوله مدنيه حديثه عاصمتها وركيزتها في الخرطوم,
وحتي لو بعدنا عن محس الخرطوم كبدايه لبحري المدينه,
كل أهالي بحري القديمه جو من أنحاء السودان المختلفه,
من مناطق التراث والتاريخ الانت حكيت عنه,
وكان ليهم اسهامات معروفه في تاريخ السودان المعاصر,
الفرق بيننا وبين منطقه زي الحاج يوسف أو العمارات,
انو أجدادنا زحفوا ووضعوا حجر أساس وحرروا شهادة ميلاد مدينه وبنوها بانجازاتهم واسهاماتهم,
مش لقوها جاهزه وعاشوا فيها كيفما اتفق,
نحن بنفخر بأجدادنا ديل, وهم رموز تاريخيه في جبين السودان المعاصر,
ورموز في حياتنا نحن, ومن حقنا نحتفي بيهم,
وكمان نشارككم الاحتفاء برموزنا في بقاع الوطن المختلفه,
مش انتو الساس والرأس؟
عليك الله انت بالذات تاني لما تلقي زول من بحري ما تنظر ليهو نظرة الريفي القادم من عمق التاريخ,
واللي هي نظره لاتخلو من استعلاء علي فكره,
أفخر بيهو وقول "ده ود عمي وده ضريب دمي",
وخليك متذكر انو نحن ما مقطوعين من شجره,
نحن معبقين بالتاريخ زيكم, بس سبقناكم للمدنيه,
وبنينا الخرطوم "العاصمه المثلثه" ,,,,,,,,
---
الغنيه دي معلقه معاي مما قريت مداخلتك,
<object width="480" height="385"><param name="movie" value="http://www.youtube.com/v/3gQF-mZUj4k&hl=en_US&fs=1&&quo...;/param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/3gQF-mZUj4k&hl=en_US&fs=1&"; type="application/x-shockwave-flash" allowscriptaccess="always" allowfullscreen="true" width="480" height="385"></embed></object>
بس ماتركز مع حكاية مصري سوداني دي, كويس؟ :)
|
Post: #171
Title: Re: جمـــال بحـــري !!
Author: وليد عبد اللطيف
Date: 03-12-2010, 07:12 PM
Parent: #169
لا عليك الله ما تواصلي با اماني مع موسى
ياخي موسى كان له مواقف مشرفة ايام التهجير
بعدين بحري ماحتاجة نشرح تاريخيها ومن هم رجالها
وبحري ما يجهلها إلا الجهلا
يعني انت اي زول بجي يقول كلام وراي راح نقعد
نضيع زمنا ونواصل معاه وحسب كلامك قلتي مشغولياتك
كثيرة يا اختي شوفي المهم ثم المهم
وريحي نفسك
|
Post: #172
Title: Re: جمـــال بحـــري !!
Author: وليد عبد اللطيف
Date: 03-12-2010, 07:32 PM
Parent: #171
يا اماني
انت ناس قمر بوبا ديل قبل كده
موش قالوا حلفا دغيمة ولا باريس
اليوم جاي يقول لينا انتو فاكرنها
روما ولا اثينا
قمر بوبا ماتضايق
وهاك الهدية دي ليك انت اولا وبع كد لباقي الزوار
وكاتبها زميلنا( فاروق ابو حوة )عضو المنبر وعاجباني جدا
بشوف
في زحمة الخرطوم
سماح إنسان
حِدا بحري
ومعلّق قلبو
بي امدرمان
دُغش داقِش
لظي الأسواق
أكيد في بالو
كوم (دلميت)
خدار البيت
وباقة الزيت
فواتير الجن اللخبيت
ديون التاجر (العِكليت)
وباقي الرصّه
والعولاق
قصادو الشُفّع القُصّر
عصافيراً جفاها الريش
فراق أم زين حرق قلبو
يعافر في حلال العيش
يدارق بالصبر غلبو
وماضي الزكري
في المُعلاق
شقاوة زول فقد خِلو
حراق الروح هوا يقِلو
يفِنو في آخر الأصقاع
برغم مرارة الأوجاع
صبر صبراً كما أيوب
ركز شامخ طويل الباع
برغم الحاضر المقلوب
وموت الفرحه
في الأحداق
وإن قلت البال
مالبال باللخمه معبا
قد طال الليل قد طال
إن طال ببقالو مسبّه
كم ليلاً مشي يدبّي
في نهاراً يقلي الحبه
قد باع مايملك
عِدِم الحبه
لو حاجاتهُم يوم تتلبي
ساق للسوق (البَهَم) التبّ
وكوم (حِِملاناً) ليهن ربّي
سته (بَطَطَن) ليهُن حبّ
إلا القدر الشاين خبّ
شال الوالده بعيداً خبّا
سب وتبّ
تبّ وسبّ
السوق الكبّ
زيت فوق لهباً شبّ
يا هبابه أديهُن هبّه
إنتي ضميرك ودّر وغبّي
ديل يتامي
وشوف
ومحبه
وحاتكم يا عباد الله
يكابس من حَمَار الله
عشان أرزاقو ما انذلّ
ينوم مهموم بهم بلدو
خبارو بدِس رغيف ولدو
يقوم في حلقو خنجر هم
يعافر العبره تندلّ
يصاقِر لي روادي الجن
إمكن كواريكًن تَصِن
وإمكن ترخص الغله
ويروح مجروح
مفارقه الجِتّه حيل الروح
فلا قِدرت (نصايبو) تروح
ولا غرقت سفينة نوح
يتمتم في دعاه يقول:
متين
ننحلّّ
يالله ؟
ويرجع في عقَاب اليوم
وجع فوق قلبو
كوم مردوم
(مغس) من قسوةَ الحالة
ومن أسيادنا وانجالا
صبرنا نكابد أفعالا
غصب خلونا عتّاله
عشان يتعدلو نرتَاله
(نُخَب) واطيانا بي نعالا
ملت (إضنينا) أقوالا
وبرضو الحاله بطاله
وحات المولي يا عالَم
ما عشمان سوي حاجتين:
أول حاجه نتفكّ
من الفي الغابه منفكّه
وما سائلين
من أحوالنا
من اطفالنا
ومن التموين
أول حاجه نتفكّ
من الحتّونَا زي فكّّه
من الباعونا (للتمكين)
من الزرعونا جوه الطين
من الما راعو فينا الدين
أول حاجه نتفكّ
وتاني الباقي
الله بعين.
|
Post: #174
Title: Re: جمـــال بحـــري !!
Author: GamarBoBa
Date: 03-12-2010, 07:56 PM
Parent: #172
لا حولااااا
يا جماعة انا ذي ما ذكرت في المداخلة انو الموضوع انا حعزف فيه منفرد
وبعدين انا فكرة اختزال بحري في مناطق محددة هي كان مدخل وخلاني اكتب لانو زي ما انا قلت ليكم ما اقتنعت بفكرة بحري وامدرمان وصلوا يبقوا مدن ذات طابع تاريخي وامدرمان تحديدا ريفها هي ذات الطابع الاسلامي الممكن بخلاويها وشيوخها هم الاقرب لانهم يكون عندهم الطابع التاريخي وممكن نجيب نماذج مش امدرمان محل الاذاعة ولا بيت المال
عارفة الطابية الانتي بتتكلمي عنها شخصيا ما بعتبرها معلم لانو ما ممكن اسوق لي سائح اجنبي امشي اوريه كوم تراب لا فيه ابداع ولا معلما ممكن يعمر لسنين طويلة،لكن بقلب جامد ممكن اسوقه اوريه اثر سوداني في مصوع وسواكن وبحكي عظمة وابداع انسان عاش في المنطقة
يا أماني انا ما عايز استرسل في الموضوع لانو واضح انو كلامي بضايق الشباب حسب ما حسيت
شباب معليش وشكرا يا وليد لكن لاول مرة احس انو خشيت بوست بالغلط في المنبر ده
تحياتي ويبقي الود ونأمل ان يصل البوست مبتغاه وشكرا
|
Post: #173
Title: Re: جمـــال بحـــري !!
Author: Amany Elamin
Date: 03-12-2010, 07:42 PM
Parent: #171
الأخوان وليد عبد اللطيف وخالد درق,
قمربوبا من حقه يسأل,
ومن حقه يتعجب,
وليه علينا نحكي ليهو عن بحري وقيمتها وتاريخها,
ونشرح ليهو الفرق بين بحري القديمه وغيرها ,
بنقدر نحكي ليهو عن تاريخنا,
أما عن محبتنا لبحري وتميزها فده المابنقدر نشرحه ليهو,
دي علاقه خاصه بيننا وبين أرضنا وأرض أجدادنا,
بيننا وبين النيل المحتضن بحري وملتف حولها بحنان,
بيننا وبين مزارعنا علي النيل, سقوها الأجداد بعرقهم,
وسابوها نتنسم فيها رائحتهم ونعفر أقدامنا بترابها المختلط بخطاويهم,
ونمشي نزور مرقدهم نقيف ليهم وقفة تجله واحترام وتوقير,
ونبكي علي أزقة بحري وشوارعها الفارقوها ودروبنا المابقوا فيها,
علاقه ما بتتحكي وما ممكن تتفسر,
علاقة دم ومحبه وشراكة تاريخ,
-------
بعدين قمربوبا أحسن ليهو نكون متشبثين بأرضنا دي,
من نمشي الشماليه نعمل ليهم ضيق ونسألهم عن أراضي أجدادنا الهناك,
وللا شنو ياقمر؟
|
Post: #175
Title: Re: جمـــال بحـــري !!
Author: Amany Elamin
Date: 03-12-2010, 08:58 PM
Parent: #173
| Quote: وبعدين انا فكرة اختزال بحري في مناطق محددة هي كان مدخل وخلاني اكتب لانو زي ما انا قلت ليكم ما اقتنعت بفكرة بحري وامدرمان وصلوا يبقوا مدن ذات طابع تاريخي وامدرمان تحديدا ريفها هي ذات الطابع الاسلامي الممكن بخلاويها وشيوخها هم الاقرب لانهم يكون عندهم الطابع التاريخي وممكن نجيب نماذج مش امدرمان محل الاذاعة ولا بيت المال |
ياقمر,
كده انت وفرت علي كلام كتير,
ماعارفه ليه الناس فهمت انه حدود بجري العايزين نرسمها هي بحري الحديثه؟!!
بحري البنتكلم عنها في البوست هنا مجموعة أحياء قديمه جدا,
مش بس قديمه عمرا, لأ شكلا كمان, أحياء عريقه ومازالت تحمل منازل الأجداد فيها وخلاوي وطرق صوفيه وقبب ومساجد عتيقه,
أحياء مافي فرق بينها وبين الريف غير انها قلب المدينه وفيها خدمات,
دي النحن عايزين نحافظ عليها من الزحف العمراني الجائر في العاصمه,
والتوسع الأفقي, وكمان من الخلط بينها وبين مناطق أخري ذات تاريخ لكن مختلف عن تاريخ بحري النشأه والتكوين,
صحيح في وسطها نشأت أحياء حديثه, لكن هي زي فكرة شمبات الأراضي,
أراضي ناس بحري واتوسعوا فيها وبنوا فيها أحياء حديثه,
عموما أنا شخصيا كنت مستمعه بالحوار معاك,
وكنت بتمني يستمر لانه لسه عندي كلام كتير معاك,
بحترم رغبتك في التوقف لكن بتمني ترجع البوست وتواصل تشرح وجهة نظرك عادي,
معليش لو شباب بحري ديل لأنهم غيورين عليها احتدوا شويه,
ماتزعل ياقمر, أنا متأكده انها حتكون بداية صداقه بينك وبينهم,
لأني فاهمه انك ما قاصد تقلل من قيمة بحري, وناس بحري ماناس زعل :)
|
Post: #176
Title: Re: جمـــال بحـــري !!
Author: خالد درق
Date: 03-12-2010, 09:01 PM
Parent: #173
Quote: الأخوان وليد عبد اللطيف وخالد درق,
قمربوبا من حقه يسأل,
ومن حقه يتعجب,
|
الاخت / امانى ... سلام
ياخ الاخ قمر بوبا هو ما سال اوتعجب فى بحرى بال ...هو بخص قيمة بحرى العريقة من تاريخ واصالة وحضارة وبضحك فى مداخلات الاخوان
| Quote: ياخي انا كم يوم كدة بقرا البوست ده واضحك[/red] |
اه يامانى زى ده تجوبى بشنو وهو من الاول بيسخر من مدينة كل السودان عارف بحر ى هى شنو
Quote: أما عن محبتنا لبحري وتميزها فده المابنقدر نشرحه ليهو,
دي علاقه خاصه بيننا وبين أرضنا وأرض أجدادنا,
|
ودى فعلا ما بنقدر نجواب ليهو لان حب يحرى علا قه حمم بين ناس بحرى ...
| Quote: واضح انو كلامي بضايق الشباب حسب ما حسيت |
الاخ / قمربوبا نحنا ما بنتضايق بس انت كلامك كان غير عن بحرى وبحرى دى العشق الابدى فى كل اهل بحرى
ولك منى الف سلام بحراوى ....
|
Post: #177
Title: Re: جمـــال بحـــري !!
Author: GamarBoBa
Date: 03-12-2010, 09:38 PM
Parent: #176
| Quote: ياخ الاخ قمر بوبا هو ما سال اوتعجب فى بحرى بال ...هو بخص قيمة بحرى العريقة من تاريخ واصالة وحضارة وبضحك فى مداخلات الاخوان |
اي ضحكت ولسة بضحك..ما قاعد اضحك علي زول ولا علي نشأة زول ولا بعترض في حب زول لارضه لانه انا تحديدا مهدد بأرضي للزوال من حكومة المركز
وضحكت تحديدا علي مداخلة ودالصايم لما جا سأل ناس الحاج يوسف كيف
ضحكت لما حسين ملاسي قال ليكم ناس امدرمان حلواالموضوع ده باستحداث محليتين لفض اشتباك امدرمان القديمة من الامتدادات الجديدة
ما اضحك ليه؟؟؟
اقدر حبكم لبحري واي زول نشأ في حتة محددة ما بستبدلها بالدنيا وانا دخلت الحوار بمدخلين الاول تاريخ بحري وامدرمان - وامدرمان دي كررتها اكتر من مرة - العايزين يعملوا ليهم معالم أثرية والتاريخ والاصالة.
ويمكن بحري ليها خصوصيتها لكن امدرمان تحديدا استوعبت الثقافات والاعراق واخرجتها بشكل لم يخدم قضية انسان السودان
يعني الموضوع ما بخص بحري تحديدا بل الفكرة عامة ومعاها امدرمان وبالمناسبة انا عشت في بحري والدناقلة جنوب تحديدا زمن طويل من عمري وبعرف بحري وبحبها
__
في كذا تعبير منفلت وموجه لي بالمناسبة فوتهم ما لأي شي بس لانو زي ما قلت ليكم دخولي نفسه ما كان موفق وبقدر حبكم لمكان نشأتكم
مرة اخري وتقديرا لمرامي البوست وقيمة التعارف دعوني اذهب
__
انا ساكن الشجرة حاليا..... قبل سنين عملوا يافطة كبيرة جدا في نهاية الشجرة وكتبوا عليها وداعا مدينة الخرطوم
ناس العزوزاب جوهم ليك شايلن عكاكيز وعصي وشالوا اليافطة رموها الواطة وحلفوا ليهم قالوا تاني تعملوا عملية زي دي نحن نحتل الشجرة
تحياتي وابقوا طيبين
|
Post: #178
Title: Re: جمـــال بحـــري !!
Author: GamarBoBa
Date: 03-12-2010, 09:52 PM
Parent: #177
أماني معليش المداخلة الفاتت وصلت ناقصة
اشكرك جدا علي انك طلبتي من المواصلة وانك ادرتي بوست حقك دون تحيز حتي علي بحري
احتمال نلقي سكة يا اماني في نفاج تاني ونتحاور في المحاور القلتيها
منها حكاية الارض الضاقت بناسها والممكن تضيق لو رجعت ليها مع انو العكس هو الحاصل
حكاية الهوية الاتمرحلت وبقي في جزء قاعد قبله وجزء عمل حياة جديدة في مساحات تانية منها بحري وامدرمان
حكاية انو في ناس شافت المدنية قبل التانين
حكاوي تانية كتيرة
ممكن تتلقي نفاجات تانية والحوار يكون سلس اكتر من كدة
__
ويقولوا لينا انتو النوبيين عنصريين ورطانة و و و علي اليمين انتو ذاتكم يا ناس بحري قبيلة ومتعنصرين اكتر مننا
|
Post: #179
Title: Re: جمـــال بحـــري !!
Author: Mubarak kunna
Date: 03-12-2010, 10:17 PM
Parent: #178
GamarBoBa
مرحب بيك في بحري
وفي حيشان بحري
في كل احياء بحري
مرحب بيك في
في حي الباطنيه وحي المشرحه وحي الاسبتاليه وحي الجراحه
واهدي اليك صوره المبدع الفنان الشمباتي
جوهره بحري خضر بشير
|
Post: #180
Title: Re: جمـــال بحـــري !!
Author: وليد عبد اللطيف
Date: 03-12-2010, 10:42 PM
Parent: #178
Quote: بحترم رغبتك في التوقف لكن بتمني ترجع البوست وتواصل تشرح وجهة نظرك عادي,
معليش لو شباب بحري ديل لأنهم غيورين عليها احتدوا شويه,
ماتزعل ياقمر, أنا متأكده انها حتكون بداية صداقه بينك وبينهم, |
معقول يا اماني
نزعل او نحتد مع قمربوبا
لاتنسي الراجل من عندنا
ولنا قاسم مشترك مع بعض
وهوية لانستطيع ان نفرض بها او نقبل فيها
وزي ده بنشيلوا فوق الراس قبل العين
شوفي طوالي قال علينا عنصريين
يعني كلام بريمة لصقوا لينا
ياقمربوبا والله نهايتها كوم تراب
والله لاجاب الزعل بينا
ياخي دا شيء طبيعي الناس تتعصب لمنطقتها
وانا وانت ممكن نتقابل هناك ومن حظك عزام فرح هنا مافي
| Quote: ويقولوا لينا انتو النوبيين عنصريين ورطانة و و و علي اليمين انتو ذاتكم يا ناس بحري قبيلة ومتعنصرين اكتر مننا |
اها ياقمربوبا دي من الاشياء التي لم احبها في اهلنا ورجعتنا مليون سنة للوراء
|
Post: #181
Title: Re: جمـــال بحـــري !!
Author: خالد درق
Date: 03-12-2010, 10:54 PM
Parent: #180
الاخ / قمربوبا زى ما قالت الاخت امانى ....
ان شاء الله تكون معرفت خير
تحياتى لك ..
|
Post: #182
Title: Re: جمـــال بحـــري !!
Author: عبد الرازق سعيد
Date: 03-13-2010, 08:57 AM
Parent: #181
Quote: كشخص لابس نضارات من الريف واطراف البلاد الانا جاي منها بحري مدينة زيها وزي العمارات وامدرمان و والحاج يوسف ودي مدن ما وصلت مرحلة يحتفوا بيهاكمدن قديمة ولا تاريخية ولا حتي المعالم الفيها تستحق تأهيلها بالتسوير لانها معالم معاصرة وحتي ما فيها ابداع
بحري وامدرمان ديل ما روما ولا اثينا عشان يحتفوا بيهم كدة |
يا أبو نضارات أحسن تقول كلام أفضل من كدة
يعني لو أخذنا على سبيل المثال منطقة سوبا "شرق" عاصمة دولة علوة المسيحية (1504 - 504م) وهي إحدى مكونات مدينة بحري نجد أن تاريخها يرجع إلى أكثر من 1500 سنة وبعد كل هذا تقول بحري ذي العمارات وقاردن سيتي ،
هذا إذا لم نرجع إلى الوراء (قليلاً) للفترة المروية "أكثر من 5000 سنة" حيث سنجد أن هذه الفترة "المروية" تمثلها في مدينة بحري كل من منطقة الجيلي ، الكدرو والجريف شرق الخ ....
وأحسب أن هذا معلوم لكل باحث ، دارس أو مهتم بالتاريخ والآثار سواء كان يلبس نضارات أو بدون لوووووووووول
أماني والأخوان الأعزاء لكم الود كله
بوست في غاية الأناقة والجمال
|
Post: #183
Title: Re: جمـــال بحـــري !!
Author: عبد الرازق سعيد
Date: 03-13-2010, 10:02 AM
Parent: #182
| Quote: ويقول أهل جزيرة توتي إن جدهم من قبيلة الخزرج النجدية المعروفة، |
معلومة عرفتها أمس من البروف أحمد عبد الرحمن العاقب في برنامج أسماء في حياتنا
مفادها أن ناس توتي بعد فيضان 48 صدر قرار بتعويضهم المنطقة الواقعة من حي المرغنية وحتى السكة الحديد شرقاً يعني المنطقة التي تشمل أحياء الشعبية والمزاد والمغتربين حالياً وتم تسوير المنطقة لهذا الغرض لكن أهالي توتي رفضوا هذا الأمر وأصروا على عدم مغادرة أرض الأجداد مهما كانت الظروف وحدثت أعمال عنف توفى فيها أحد الأشخاص من ناس توتي فتم إلغاء هذا القرار
ولو كان وافقوا لما كان هناك ميرغنية أو شعبية أومزاد ومغتربين ولتحول بوست الشعبية نجمة إلى "توتي" نجمة في سماء بحري ، فعلاً العلاقة بين توتي وبحري ممثلة في شمبات ، حمد وخوجلي ضاربة في أعماق التاريخ
|
Post: #184
Title: Re: جمـــال بحـــري !!
Author: GamarBoBa
Date: 03-13-2010, 10:32 AM
Parent: #183
مبارك كنة تحياتي واشكرك للترحيب وتسلم وبحري فيها غير خضر بشير شخصيات اخري اثرت الحياة السودانية في مختلف المناحي
____
وليد...مسألة انو الموضوع ده رجعنا مليون سنة لورا بتفق فيها معاك لكن ما انا القلت كدة ..قلت ليك الناس بقولوا علينا كدة وده كلام قاعد اسمعه شخصيا كتير
____
عبدالرازق
Quote: يا أبو نضارات أحسن تقول كلام أفضل من كدة
يعني لو أخذنا على سبيل المثال منطقة سوبا "شرق" عاصمة دولة علوة المسيحية (1504 - 504م) وهي إحدى مكونات مدينة بحري نجد أن تاريخها يرجع إلى أكثر من 1500 سنة وبعد كل هذا تقول بحري ذي العمارات وقاردن سيتي ،
هذا إذا لم نرجع إلى الوراء (قليلاً) للفترة المروية "أكثر من 5000 سنة" حيث سنجد أن هذه الفترة "المروية" تمثلها في مدينة بحري كل من منطقة الجيلي ، الكدرو والجريف شرق الخ ....
وأحسب أن هذا معلوم لكل باحث ، دارس أو مهتم بالتاريخ والآثار سواء كان يلبس نضارات أو بدون لوووووووووول |
طيب ما ده الانا قلته
انا شن قلت؟
سر الاحتفاء بالمعالم بتاعة 100 سنة مضت ومحاولة ترسيم حدود حديث فكرتها شنو لبحري وامدرمان؟؟
كلامك كله بدعم موقفي تماما
|
Post: #185
Title: Re: جمـــال بحـــري !!
Author: خالد درق
Date: 03-13-2010, 09:00 PM
Parent: #184
الاخت / امانى ... والاخوان المداخلين ... سلام
بحرى دايما تكون فوق ...
رقع البوست فوق فوق فوق
مودتى .....
|
Post: #186
Title: Re: جمـــال بحـــري !!
Author: Amany Elamin
Date: 03-13-2010, 09:55 PM
Parent: #185
الأخ عبد الرازق سعيد:
هلا بيك في (جمال بحري),
Quote: معلومة عرفتها أمس من البروف أحمد عبد الرحمن العاقب في برنامج أسماء في حياتنا
مفادها أن ناس توتي بعد فيضان 48 صدر قرار بتعويضهم المنطقة الواقعة من حي المرغنية وحتى السكة الحديد شرقاً يعني المنطقة التي تشمل أحياء الشعبية والمزاد والمغتربين حالياً وتم تسوير المنطقة لهذا الغرض لكن أهالي توتي رفضوا هذا الأمر وأصروا على عدم مغادرة أرض الأجداد مهما كانت الظروف وحدثت أعمال عنف توفى فيها أحد الأشخاص من ناس توتي فتم إلغاء هذا القرار
ولو كان وافقوا لما كان هناك ميرغنية أو شعبية أومزاد ومغتربين ولتحول بوست الشعبية نجمة إلى "توتي" نجمة في سماء بحري ، فعلاً العلاقة بين توتي وبحري ممثلة في شمبات ، حمد وخوجلي ضاربة في أعماق التاريخ |
معلومه قيمه جدا,
البعرفو عن ناس توتي انه تم اغرائهم والضغط عليهم كثيرا لمغادرة الجزيره,
لكنهم متشبثين جدا بأرضهم ولايوجد مايمكن أن ينتزعها منهم,
علاقة بحري بتوتي علاقة قرابه ودم وتواصل مستمر لم ولن ينقطع,
شكراعلي تشريفك البوست,
|
Post: #187
Title: Re: جمـــال بحـــري !!
Author: Amany Elamin
Date: 03-13-2010, 10:01 PM
Parent: #186
خالد درق,
تشكر علي ابقاء (جمال بحري) موجود في حين غيابي وانشغالي,
.
.
.
تسلم,
|
Post: #188
Title: Re: جمـــال بحـــري !!
Author: Amany Elamin
Date: 03-13-2010, 10:11 PM
Parent: #187
قمر بوبا:
شايف أسامي الأحياء الجابها ليك أخونا مبارك كنه دي:
| Quote: مرحب بيك في حي الباطنيه وحي المشرحه وحي الاسبتاليه وحي الجراحه |
لوووووووووول
ده رعب عديل,
الأسامي دي بصراحه بتخوف, وناس بحري ديل ما بستقبلوا بيها أي زول,
هسي لو جيت قلت ناس بحري بتحبوا كان قالوا ليك مرحب بيك في حي الزهور
|
Post: #189
Title: Re: جمـــال بحـــري !!
Author: وليد عبد اللطيف
Date: 03-16-2010, 08:11 AM
Parent: #188
Quote:
لوووووووووول
ده رعب عديل,
|
وفي الشعبية
حلة الزهرة وحلة النجوم وحلة الميرغني وحلة النسر وحلة الجهاد وحلة المجاهد
وحلة الهدف وحلة الصديق وحلة الصداقة وحلة الشعلة وحلة الفلاح
-----------------
ياجماعة معقول بحري تمشي خور شمبات اها انا انتشلتوا ليكم من هناك
|
Post: #190
Title: Re: جمـــال بحـــري !!
Author: عمر عشاري
Date: 03-16-2010, 08:48 AM
Parent: #189
أماني
وضيوفها الكرام
سلامات
بوست موفق وفيهو معلومات قيمة
سؤالي
مربع 18 شمبات بنفع معاكم ولا نتخارج ؟
أناطبعا على حسب فهمي ساكن بحري
وشغال في بحري
ومابرضى فيها ولا كلمة
فعليكم الله ماتحرجونا بالله
الفصاحة الصرفناها في نبذ ناس أم درمان والخرطوم بتخلينا قاعدين في السهلة لو قلتو نحن مامعاكم
|
Post: #191
Title: Re: جمـــال بحـــري !!
Author: ياسر عبدالعزيز الطيب
Date: 03-16-2010, 09:03 AM
Parent: #190
عمر عشاري ازيك
Quote:
سؤالي
مربع 18 شمبات بنفع معاكم ولا نتخارج ؟
|
مربع 18 ده مابعيد شويه من بحري دي؟؟؟
Quote:
أناطبعا على حسب فهمي ساكن بحري
وشغال في بحري
ومابرضى فيها ولا كلمة
|
ده الكلام الصاح وكلام العقل
Quote:
فعليكم الله ماتحرجونا بالله
الفصاحة الصرفناها في نبذ ناس أم درمان والخرطوم بتخلينا قاعدين في السهلة لو قلتو نحن مامعاكم |
غايتو طالما جابت ليها جِرسه وخوف من الشماته، لو ناس بحري ديل نكروك، أنـا بتوسط ليك وبأويك عشان صاحب اخواني الصغار.
تحياتي واحترامي
|
Post: #192
Title: Re: جمـــال بحـــري !!
Author: ياسر عبدالعزيز الطيب
Date: 03-25-2010, 07:10 AM
Parent: #191
**
|
Post: #193
Title: Re: جمـــال بحـــري !!
Author: عزالدين عباس الفحل
Date: 03-25-2010, 09:14 AM
Parent: #192
بحـــري من المدن الرائعة ،
بناسها الطيبين ،
وشوارعها ،
ومدارسها ،
وجامعاتها ،
وعلي خدر بحري ترقد احدي كليات جامعة الخرطوم ،
بحري ملئة بالمبدعين ،
والشعراء الفطاحلة ،
والساسة ،
وكل نمط المثقفين ،
واهل الفن ، وناس الكورة ،
وطبول الجمال ،
وحنين الخيال ،
بحــري اية ،
بحــري معين لا ينضب ،،،
عزالدين عباس الفحل
ابوظبي
|
Post: #194
Title: Re: جمـــال بحـــري !!
Author: وليد عبد اللطيف
Date: 03-25-2010, 10:40 AM
Parent: #193
Quote: بحـــري من المدن الرائعة ،
بناسها الطيبين ،
وشوارعها ،
ومدارسها ،
وجامعاتها ،
وعلي خدر بحري ترقد احدي كليات جامعة الخرطوم ،
بحري ملئة بالمبدعين ،
والشعراء الفطاحلة ،
والساسة ،
وكل نمط المثقفين ،
واهل الفن ، وناس الكورة ،
وطبول الجمال ،
وحنين الخيال ،
بحــري اية ،
بحــري معين لا ينضب ،،، |
عز الدين الفحل (ياشيخنا )
ما تركت لينا شيء نقولوا في بحري
|
Post: #195
Title: Re: جمـــال بحـــري !!
Author: عماد الدين عبدالله
Date: 03-25-2010, 02:30 PM
Parent: #194
بـحـــــري فووووووووووق
تحياتي واحترامي
|
Post: #196
Title: Re: جمـــال بحـــري !!
Author: حمزه بابكر الكوبي
Date: 03-25-2010, 03:41 PM
Parent: #195
Quote: يا ياسر, الكدرو عريقه وأي حاجه,
لكن (ما بحري), بس ممكن نعمل تزوير عشان خاطرك,
لوووووووول |
ياسر عبدالعزيز الطيب زميل التخته كيفك ياراجل ومشتاقين
وبالله عليك رش اماني دي رش تقيل .....................
مره علشان ماعارفه تفرز بحري كويس ومقسمه الكيمان
ومره تانيه علشان عرفت انها صاحبة SHIBKA
ود العسيلاتي
|
Post: #197
Title: Re: جمـــال بحـــري !!
Author: حمزه بابكر الكوبي
Date: 03-25-2010, 03:44 PM
Parent: #196
صاحبة البوست لك التحايا ولكل فطاحلة بحري
يااماني بحري القديمه وبحري الجديده .......كيف معاك ؟؟؟؟؟!!!!!
مش حل يرضي الجميع ؟؟؟
|
|