Post: #1
Title: ذاكرة البركس
Author: Mohamed E. Seliaman
Date: 03-03-2010, 05:38 AM
1-شاي كاكاو أولاد أم روابة
|
Post: #2
Title: Re: ذاكرة البركس
Author: Mohamed E. Seliaman
Date: 03-03-2010, 05:42 AM
Parent: #1
بعض أولاد الهندسة كانوا بختلسوا مراتبنا .
طالب العمارة يجي الغرفة تعبان ومرهق يلقى مرتبته وملايته مافي 
|
Post: #3
Title: Re: ذاكرة البركس
Author: Mohamed E. Seliaman
Date: 03-03-2010, 05:53 AM
Parent: #2
أنا شخصيا سكنت في أربعة أنواع من الداخليات الجامعية :
1-داخلية مخصصة للأولاد فقط في جامعة مختلطة.
2-داخلية مختلطة في جامعة مختلطة.
3-داخلية في جامعةمخصصة للأولاد فقط .
4-داخلية مختلطة( الحوش واحد لكن الأولاد في عماير والبنات في عماير).
|
Post: #4
Title: Re: ذاكرة البركس
Author: Mohamed E. Seliaman
Date: 03-03-2010, 05:58 AM
Parent: #3
لكن للبركس ذاكرة خاصة وأسرار وملفات...
|
Post: #5
Title: Re: ذاكرة البركس
Author: Mohamed E. Seliaman
Date: 03-03-2010, 06:16 AM
Parent: #4
لكن حكاية المراتب دي حكاية !
|
Post: #6
Title: Re: ذاكرة البركس
Author: Mohamed E. Seliaman
Date: 03-03-2010, 06:36 AM
Parent: #5
أما حالة انفصام البركساوي
بين البركس والمين رود فدي حاجة غير
|
Post: #7
Title: Re: ذاكرة البركس
Author: محمد عيسي محمد
Date: 03-03-2010, 06:48 AM
Parent: #6
ماتنسي أخوانا ناس الملح قرود شجرة السينما الجنب داخلية النشر
|
Post: #8
Title: Re: ذاكرة البركس
Author: Saifelyazal Elmaki
Date: 03-03-2010, 07:20 AM
Parent: #7
التحية لاستاذنا محمد E سليمان فعلا ذاكرة البركس مليئة بالطرائف
التحية ليك محمد
| Quote: ماتنسي أخوانا ناس الملح قرود شجرة السينما الجنب داخلية النشر |
تعرف يا محمد ناس قرود شجرة السينما ديل أظرف ناس في الجامعة
مره وأنا ما عندي فكرة عن الشجرة دي
واحد من اصحابنا قال لي عازمك سينما
يا زول انا جهزت ليك حالي وقلت ليهو ارح
الزول للنشر عدل . . طلعنا فوق والظاهر هو من الناس
المداومين على السطوح لانو كرسيه كان موجود
المهم لاحظت في كمية من الشباب في الشجرة
ولما الفيلم اقطع
شغل يا ابوصلعة واخر صفافير التقول حاجزين لوج
الفيلم كان فيهو كاسوري تمام
واحد من اصحابنا انفعل مع الفيلم وتمايل
فأخذ الفرع يتمايل معه
وفجأة سقط داخل السينما
السينما على بكرة أبيها تضحك
زولك قام اتنفض زي الما حصل شيء
ورفض الجلوس داخل السينما وعاد لفرعه المحبب
|
Post: #9
Title: Re: ذاكرة البركس
Author: Mohamed E. Seliaman
Date: 03-03-2010, 03:18 PM
Parent: #8
الأخ محمد عيسي محمد
تحياتي
صدقني ما نسيتها حكاية الملح دي
بس إنت خطفتها من كيبوردي
__________
تشكر يا كريم
|
Post: #10
Title: Re: ذاكرة البركس
Author: Mohamed E. Seliaman
Date: 03-10-2010, 07:11 PM
Parent: #9
| Quote: يجي الغرفة تعبان ومرهق يلقى مرتبته وملايته مافي |
|
Post: #11
Title: Re: ذاكرة البركس
Author: إسماعيل حسن
Date: 03-11-2010, 03:18 PM
Parent: #10
يا محمد سلامات
فعلا البركس ما بتنسي .
والعاملين فى البركس ما بيتنسوا ابدا .. وفى بالي شخصية نور الدين الحرس (ان شاء الله ما اكون نسيت الاسم)، يا اخي ده كانت لديه ذاكرة خرافية وبيحفظ سكان البركس وش وش اي زول وافد بيعرفه من نظرة واحدة وياخذه الي الشارع ، وعداوته مع اي وافد خاصة كما تعرف ان المملحين فى البركس كانوا اشكال والوان طلاب جامعات اخري وتكاسة وموظفين وهلم جرا. وناس الملح المربوط بالسفرة يمكن ان يهربوا من كشات نور الدين ولكن بصعوبة إذ فى بعض الاحيان بيكون مرابط فى باب اي سفرة او حايم بين سفر البركس ، لكن الجماعة الساكنين وببيتوا فى البركس من غير طلاب الجامعة كانت مشكلتهم كبيرة ، لانهم كانوا بيحتاجوا لطواقي خفاء حتي يزوغوا منه. أو الشخصية التانية عمك موسي (وبرضه من ناس ام روابة) الكان مسؤول عن الاسكان والمراتب ده كان بيزازي الجماعة( وطبعا فى الغالب الاعم برالمة) الذين تعجبهم النجيلة ويفرشوا مراتبهم عليها بالله مع دغش الرحمن تلاقيه خالعك ومصحيك من النوم وقبال ما تستوعب الحاصل شنو يجر مرتبتك منك والي المخزن على طول ولو لم تخني الذاكرة مكتبه كان فى الطابق الارضى بداخلية السوباط، عاوز ليك وسطاء او سناير عشان يرجعها ليك وبعد تحذير شديد اللهجة حتي لا تكررها مرة تانية.
يا سلام ايام البركس كانت جميلة للغاية.
ودمت
|
|