Virus Mabezat ... Help يا عالم

يا اهل الاختصاص كل العده والهارديسكات الخارجية دخل فيها شقي الحال دا

يعني معقول افقد لي معلومات حجمها اكتر من 900 GB

المهم دي بيانات الفيروس المطلوب برنامج كارب يحل المشكله نهائي
ويطير المصيبة دي برا بدون ما يطلب مني افرمت الهارديسكات لانو دي اسهل منها
اقعد اعاين ليهو كدا و لا اطير بياناتي.

Quote: W32.Mabezat.B can infect executable files and encrypt data files. W32.Mabezat.B worm spreads via removable drives and unsecured network shares. It will also modify Windows registry settings to disable certain functionalities

شفت يا تامبا اخوك بقي ملطشة كيف , كورتنا فكت يامان والزمن بقي ضيف.
وانت عملتها لي عرس وحنك عوايل :)

مزيد من المعلومات

استخدم جهازين كمبيوتر باحدهما ً

windows - Vista
Avira antivir personal- Free antiviros


Windows 7

Eset NOD32 antivros 4

Free

علي استعداد لان افرمت اي من الجهازين ولكن ليست الهارديسكات الخارجية

Quote: شفت يا تامبا اخوك بقي ملطشة كيف , كورتنا فكت يامان والزمن بقي ضيف. وانت عملتها لي عرس وحنك عوايل :)

.. والله يا عمك من ما شفت البوست جيت جاري جري ..
ياخ إنت بقيت ملطشة عجيبة خلاص .. حننتني عديل كدا .. .. حليل أيامك وأيام العدة البتشتغل براهـا .. كان جا زول ماشي بي الشارع عندو (نزله) العدة جوه كلها تصفر .. .. والجرس يدق وصواريخ تطلع من الشباك وقنابل دخان تدخن
اصبحت ملطشة يا عمك .. ولا تصلح كمرجع .. نوم بدري بس تاني
..
.

معليش يا عمك حاليا ما بتقدر تستفيد مني بي اي حاجة غير الدعوات الصالحات
اوووعه يا منقه تقول لي دي كل البضاعة.. ؟ والله كدا ضيعتنا معاك .. والكبر حصل عليك وبقيت تجليها ثابته ..


معاوية حسين .. وبقيت فريق الاسعافات الاولية .. يا جماعة اللحقو (القرصان) دا .. الهارديسكات دي فيها ثروة قومية ما بتتلقي بالساهل الزمن دا ..

ما قلت ليك .. شوف ليك بوست يقعد يوم كامل زول يقول
الله يرفع عنك البلا مافي

اسه يا تامبا افهم من الناس دي انو الانتخابات اهم من هارديسكاتي دي ؟
والله لو عملت دراسه وعملت لي جدولين هنا اطلع ليكم الانتخابات دي
احسن منها تشجيع الهلال والمريخ. ياخ انا كرهتي في الدنيا الكوره والسياسة المافيها
لعب نظيف .

المهم نرجع لي موضوع الفايروس دا .وننتظر الناس العندها خبرة معاهو .

عمك تنقو

ازيك ... يا ربي انت زولنا داااااك ولا واحد تاني؟
في الحالتين هاك الرابط ده وقول للفيروس ده وداعا بس ما تنسى تبخر الكمبيوتر حقك تاني
http://www.4shared.com/file/232904053/af10fd3c/rmmabez.html
نزل البرنامجين ثم فك الضغط بواسطة اي برنامج لفك ضغط الملفات (winzip) أو (winrar)وشغلهم بس
لو ما عندك بخــــــور اكلم ليك السيالي وكوكو123 أو أي واحد من الشلة المنحرفة البطالة يرسلوا ليك بخــــــــور ســــره باااااااتع

مودتي

تحياتي اخ الامين

طبعا نزلت الملفات وفكيتها لكنها لاتعمل تطلب بان يكون المستخدم

ِyou must be administrator to run virus remover


الدبارة شنو ؟ البخور دا ما معانا نحن ناس عندناازمة .. :)

عمك تنقو يعني إت زولنا ولا لع؟

Quote: تحياتي اخ الامين طبعا نزلت الملفات وفكيتها لكنها لاتعمل تطلب بان يكون المستخدم ِyou must be administrator to run virus remover الدبارة شنو ؟ البخور دا ما معانا نحن ناس عندناازمة .. :)

اضغط على (صورة) ايقونة البرنامج بالزر اليمين للفارة واختار تشغيل كمدير للنظام

right click

then choose Run as administrator

وبرضو قول عووووووووك

مودتي

سلام

ممكن تستخدم الاداة دي والافضل تستخدما من الوضع الامن

http://www.grisoft.cz/filedir/util/avg_rem_sup.dir/rmmabez/rmmabez.exe

ونصيحه تانيه .. لو نسخ الويندوز العندك اصليه استخدم مكافح ميكروسوفت Essentials

في صفحة http://ninite.com/ بتلقي البرنامج اشر عليهو وعلي برنامج ImgBurn واضغط تحت علي قيت انستال ..لو الاداة الاولي ما ازالت ليك الفيروس او الدوده نزل الادوات دي http://rs504.rapidshare.com/files/129310556/zyzoom.iso وهي في شكل اسطوانه جاهزه للنسخ انسخا بي برنامج ImgBurn واعمل ريستارت للجهاز والاقلاع حايكون من الاسطوانه ووصل معاك الهارديسك الخارجي عشان الفحص يكون عام ..(الاسطوانه حا تعمل كم ريستارت في حال انها لقت الجهاز مصاب)

الاداة الاولي مقدمه من شركه avg وحسب ما قريت في الموقع انو بتحتاج بالاضافه للاداة برنامج avg anti virus وفي الموقع الفوق بتلقي النسخه المجانيه من المكافح ممكن تزيل الانتي فيروس العندك وتنزل الـ avg مع الاداة وبعد تتاكد من ازاله الفيروس ممكن تغير لي مكافح تاني

Quote: Win32/Mabezat If the infected computer is connected to LAN, disconnect it and re-connect only after all other computers have been checked and cleaned. * Download file rmmabez.exe * Then run the tool for removal of infected files. The tool will automatically scan all available discs and will try to heal the infected files. If an active virus is found in memory, the tool will ask the user to reboot the computer. Healing will be performed during operating system boot-up sequence, so any active virus cannot interfere with the healing process. * Update you AVG after restart and run a complete test.

http://www.avg.com/ww-en/93495

________

لو الحلول الفوق دي ما ازالت الفيروس ممكن نشوف المواقع التانيه ..بس حسب ما قريت الـ avg والنود المواقع الاولي الاكتشفت الدوده

كُر علي يا تنقو، ما تستاهل والله ههههههههههههههه

والله انا استاهل يا مريوم لكن الهارديسكات ما تستاهل ..
حليل زمن الخبر والقعدات الطويله في النت
اسه الواحد بقي زي الماجر ليهو عجلة ..

تحيات لي ابو النون ومحمود

اها يا عمك .. الوضع ماشي كيف ..؟
غايتو العدة الجابوها ليك الشباب ديل لو ما نجحت .. الهارديسك دا إلا فوقو ايدز ..

Quote: ياخ إنت بقيت ملطشة عجيبة خلاص .. حننتني عديل كدا .. .. حليل أيامك وأيام العدة البتشتغل براهـا .. كان جا زول ماشي بي الشارع عندو (نزله) العدة جوه كلها تصفر .. .. والجرس يدق وصواريخ تطلع من الشباك وقنابل دخان تدخن اصبحت ملطشة يا عمك .. ولا تصلح كمرجع .. نوم بدري بس تاني

لاحظت الحركة الفوق بتاعه انو ما اعرف اشغل الجهاز كأدمن ؟

تخيل دي خجلان منها لمن قفلت النت ومشيت .

وخجلت اسال تاني المهم الموضوع لسه معصلج لكن وحاتك الجمعة دي يا انا ياهو
قاعد ليهو بي روح قتاليه قديمة

الاحباء الامين ومعاوية ..

الحلول الفوق دي كلها ما جابت نتيجة .

المهم زودونا بمزيد من الحلول ولي الجمعة لي قعده في النت واشوف الحاصل شنو

شكرا جزيلا علي الدعم ..


تنقو

ممكن تعمل تقرير بي الاداة http://telecharger.kaspersky.fr/GSI/GetSystemInfo.exe

احفظ الاداه في الجهاز واعمل رون حاتعمل فحص سريع للجهاز وبتديك تقرير في سطح المكتب (ملف مضغوط) ممكن ترفع التقرير دا هنا http://www.mediafire.com/ او اي موقع ابلود ورسل لي الرابط في الخاص ..ممكن تعمل تقرير للجهازين وترفعوم لي

تحياتي معاويه

راجع بريدك الداخلي


احترامي

ما رضيتها ليك يا عمك تنقو
هسه كان ختيت لينا لحن الخميس
الفايروس داما كان إتحكر ليك في الكمبيوتر

نبدا بي التوشيبا ..

1-الخطوه الاولي احذف النود تماما من الجهاز
2- نزل نسخه ميكروسوفت انتي فيروس http://www.microsoft.com/Security_Essentials/ وحا تختار الخيار التاني Windows Vista/Windows 7 32‐bit
3- اعمل ابديت للبرنامج وفحص سريع
4- نزل التحديث دا http://go.microsoft.com/fwlink/?LinkID=87342 وبعد ما تعمل ليهو حفظ في الجهاز اعمل رياد كليك عليهو وبيكون بي اسم Mpam-fe.exe, واختار Run as administrator
5- بعدين اختار full scan للجهاز وخليهو يفحص لو ظهر اي فيروس للبرنامج بجسك مسج بي الاحمر تحت اضغط علي رون كلين

__________

الموضوع محتاج شويه صبر وطوله بال والفيروس دا بالذات الفورمات ما بتخارجك منو لو ما ازلتو من الجهاز قبل الفومات ..

الجهاز التاني

1- احذف الافيرا تماما من الجهاز
2 -نزل AVG Anti-Virus Free Edition من هنا

3- اعمل تحديث للبرنامج وفحص سريع
4- نزل الاداه الاولي من هنا
5 - احفظ الاداة التانيه من هنا

بعديها شغل الاداة الاولي والافضل من الوضع الامن او السيف مود

_______

حاولت اديك حلين واحد من ميكروسوفت والتاني من avg لكل جهاز ...بعد ما تنتهي من فحص الجهازين ممكن تاني تعمل تقرير وترفعو لي