جزم المنبردا مسكون

سامع بسودان فور اول

قلت اشق السوق

علي الجزيمة شفت البوستات

لقيت اقل كلمة فسيفساء

ياخي ديل

لا عندهم كااااك


لا عندهم كلمة ماسورة

لا عندهم كلمة ابلع

بالغو ياخ

كدي عليك شوفو الاقتباس دا

علي الطلاق زي ما قال شرف ود احمد يابس

دا الكتبو ما يقراهو

Quote: سبيل عبر الحديقة - عميق كجرعة نبيذ مهلا نحو الأدغال يقودني السبيل الهاديء. ياللروعة, تحت القمر , حين تكون زرقاء السماء , حتى المقاعد عند الشفق تزهر . تجذبني السكينة .أبقلب يقظان تهيم على وجهك ?. نافذتك على الأجرام الذهبية تطل . ليلة نائية وشاحبة تداعب بالريح وجهك الداني .

رقيصا زي دا

ما عندنا ليهو رقبة

وزي ما قال كابلي

سيبونا في لعبنا

يا خليل يا عسل انت
الوداك شنو يا ولدنا تضهب بهناك
(ههههههههههههههه)

قال فسيفساء قال!!
بتاكل دي يا برعي؟؟!!(ههههههه)




طيب المسكون ياتوا انا قايلاه منبرنا

وجيت اثبت ذلك واقول لك فتش لي بوست

بتاع اعتقال الطالب اسعد علي عبد العزيز
وحاتك ما لقيته للصفحه الرابع!

وانا نعسانه.....واياك بالتضهب بهناك يا ولدنا
تقوم تخرب لينا يا اخي تجينا بفسيفساء وحاجات مهببه زي دي
نحن انصاف المثقين و البسطاء ناكل نيم بعدها في بوستاتك(كااااااك)
ونسطح تسطيحة عدوك فرفقا بنا يا اخ العرب!

Quote: سامع بسودان فور اول قلت اشق السوق علي الجزيمة شفت البوستات لقيت اقل كلمة فسيفساء

ههههههههههه

إنت البوديك تهبش شنو

تبرم شعرك وتلبس نضاره وما تجازف

Quote: وانا نعسته.....واياه بالتضهب بهناك يا ولدنا تقوم تخرب لينا يا اخي تيجينا بفسيفساء وحاجات مهببه زي دي نحن انصاف المثقين و البسطاء ناكل نيم بعدها في بوستاتك(كااااااك) ونسطح تسطيحت عدوك فرفقا بنا يا اخ العرب!

دكتور مشرف


انت الناس ديل بجيبو الكلام دا من وين

علي الطلاق حيرونا في راسنا

يا خليل صحح انتو الدنيا عندكم صباح
مالك ملخبط بيني وبين ود المشرف؟؟

اها انا بوستي لقيته
الحقوا الطالب (أسعد علي عبد العزيز) قبل ان نجده جثه مثل محمد موسى!
يبقى منبنرا ما مسكون.

كلام (غُلاد) خلاص


ودا حلقاً ما عندنا ليه (إضنين).



خليل روق وبطل (دُواحه).



تحياتنا

Quote: خليل روق وبطل (دُواحه).

ابو حوة

تاني مشية لينا بي هناك مافي

Quote: يا خليل صحح انتو الدنيا عندكم صباح مالك ملخبط بيني وبين ود المشرف؟؟ اها انا بوستي لقيته

يا ترجرج

يعني انتي مدخلة حمارك مع حمير الكتبة

ما بتقدري علي الكلام

خليك هنا مع اخوانك ديل

Quote: ههههههههههه إنت البوديك تهبش شنو

كدوك

ما قلنا نعمل اصتباحة وكدة

هلا يا ابو خليل
وزي ماقالو ليك الناس
انت البوديك زااتو بشنو يا ابو خليل..؟؟
بقيت تبصبص في اسطح اسفيرية حداثية وعاوز تتثقف من وراء خالك كيكي ولاشنو..؟؟
يازول المفردة بهناك ليها شنة ورنة وبحمموها ليك ثلاثة مرات في الكلك ثم تفك في الفضاء الاسفيري
كمنفستو ثقافي واركلوجيا مثقفاتية..!!
مشيتك دي يا ابو خليل موشر خطير وضروري ح ارسل ضدك شكوي لحسن ماكردة وود ابو سلس وكرجول
يجو يشيلوك من الاسفير ده (كرنقلي) ويرجعوك الكراكير والجخانين... لانك بالطريقة دي بكرة حتجي تكتب لينا بوست بعنوان..
( بوح الدهشة في بنفسج شعر حسن طلب واخرون) لووووووووووووول

Quote: ( بوح الدهشة في بنفسج شعر حسن طلب واخرون) لووووووووووووول

تنهدات والكلام لكيكي

صبت مياه غزيرة في طاحونة المتشائمين

Quote: لا عندهم كااااك لا عندهم كلمة ماسورة لا عندهم كلمة ابلع

يا خلّي كلو في
give a break تعادل "قوم لف" مالتنا - او كما قال
يلا قس على ذلك بالنسبة لكااااك و ماسورة
أما "أبلع " دي فقطع شك بتعادلها " شايف كيف " أو " ولاّ شنو يا فلان" أو " يا عزام ما تعمل لينا زحمة هنا بي كرورك دا"

Quote: نحن انصاف المثقين و البسطاء ناكل نيم بعدها في بوستاتك(كااااااك) ونسطح تسطيحت عدوك فرفقا بنا يا اخ العرب! دكتور مشرف

خليل ,, يا خوى القالت نحن انصاف مثقفين وبسطاء والى آخره دى تراجى ..













..
انا مثقف مطلق وبكتب معاكم هنا بالغلط
مكانى هناك لا يزال شاغرا ..

ياسلااام ياخ ...

غايتو ياخليل بالرغم من الضوابط الصارمة والاستاذية التى تمارسها ادارة
المنبر الا انو فيهو ناس كتابيين ..يمين حسن موسى يشهيك فى الكتابة ويمتعك
بالقراءة ...امانه ماكتاب ....وبولا كمان ماساهل ...لكن لكل دور اذا ماتم
نقصان ...


تنهدات :

الكلام لكيكى والترجمة لخليل ( انها عوالم اركلوجية موغلة فى الدهشة ) ....

Quote: أما "أبلع " دي فقطع شك بتعادلها " شايف كيف " أو " ولاّ شنو يا فلان" أو " يا عزام ما تعمل لينا زحمة هنا بي كرورك دا"

ود البشري

والله لما لقيت عزام بي غادك

قلت الزول دخل بالواسطة ول شنو

Quote: المنبر الا انو فيهو ناس كتابيين ..يمين حسن موسى يشهيك فى الكتابة ويمتعك بالقراءة ...امانه ماكتاب ....وبولا كمان ماساهل ...لكن لكل دور اذا ماتم نقصان ...

يا محمد

يا خوي الكتابة الزي اكل المستشفي ما بنتفع مع خالك

نحن بتاعين باص وخانة

Quote: انا مثقف مطلق وبكتب معاكم هنا بالغلط مكانى هناك لا يزال شاغرا ..

يا دكتور مشرف

خليك هنا عليك الله

تمشي بهناك ناس مرافي وسفن ونوارس

يجهجهو دفاعك ساكت

Quote: تمشي بهناك ناس مرافي وسفن ونوارس يجهجهو دفاعك ساكت

يا خليل الدكتور مثقف طليعي..
ولو مشي بهناك الناس ديل يشربو موية وما يروا...

ما شايف صحبك العنبلوق النوبي خامج السوق بهناك كيففففف

Quote: ما شايف صحبك العنبلوق النوبي خامج السوق بهناك كيففففف

تعرف يا كيكي

لو عائز تمشي هناك لازم تقرا ديوان المتنبي ورباعيات الخيام وكليلة ودمنة

والحب في زمن الكوليرا والفتاة التي طارت عصافيرها

لازم تكون مسلح سلاح تقيل

والا موضوعك بتشطف ساكت

Quote: لو عائز تمشي هناك لازم تقرا ديوان المتنبي ورباعيات الخيام وكليلة ودمنة والحب في زمن الكوليرا والفتاة التي طارت عصافيرها لازم تكون مسلح سلاح تقيل والا موضوعك بتشطف ساكت

تعرف يا ابو خليل انا عندي راي ..
مافي اي اسلحة يا ابو خليل لمن ينضمو بيها
والقصة كلها (رهبة اللغة) وحاجز وهمي ولو ختيت سفةو برمت شنبك تلك البرمة الشهيرة
حرم تنضم زي نضميهم دي وزيادة... تحيرهم هم زاااتهم ...
فمافي ماسمتك كده يا صديق لمن ينضمو بيهو كاردب سمسم

Quote: حرم تنضم زي نضميهم دي وزيادة... تحيرهم هم زاااتهم ... فمافي مسامتك كده يا صديق لمن ينضمو بيهو كاردب سمسم

والله كان كدي يا كيكي الحكاية فيها ملعوب


والمقاربات ممكنة في تلك المطبات الاسفيرية

Quote: والمقاربات ممكنة في تلك المطبات الاسفيرية

الايامات دي انا مستلف من الوعي الاسفيري بتاعك مفردة (كركبة)
وشغال بيها زي العجب ... اها الجاني شنوووووو..؟؟

يا اخوي المفردة الاسفيرية الابوالرخاء زيها مافي ومريحة في التناول الاسفيري..
تقوم تخش في نوارس وبوح وسفن حرم كيبوردك ينعوج

Quote: والفتاة التي طارت عصافيرها

دى بالذات كنت حافظها وحبيت بيها 3 بنات

Quote: اليوم دي انا مستلف من الوعي الاسفيري بتاعك مفردة (كركبة) وشغال بيها زي العجب ... اها الجاني شنوووووو..؟؟

يا سلام علي كلمة كركبة

مريحة جدا وتفتح لك افاق اسفيرية موغلة في التجريد

خلي يا هندسه
وانت طالع من هناكـ قول الكلمة ديكـ ، المشفره اب صلعه ولا يهمكـ شي ... ( بدايته ط.................................)

Quote: وانت طالع من هناكـ قول الكلمة ديكـ ، المشفره اب صلعه ولا يهمكـ شي ... ( بدايته ط.................................)

عمرانو

سيب المسخة بتاعتك دي انت مش هسع قادم من المدينة

هههههههههههههههههه

Quote: دى بالذات كنت حافظها وحبيت بيها 3 بنات

طيب يا دكتور مشرف

وزيد معاها العجوز والبحر ولمن تدق الاجراس

ممكن تمشي هناك بقلب قوي

Quote: جزم المنبر دا مسكون

الحته بتاعت جزم دى مباغته جدا يا خليل ..
مش كده ؟..
بتدخلك فى اجواء النَصْ بإمتاع مجنون وماهل .. أو كما اشارت سبابته

Quote: لو عائز تمشي هناك لازم تقرا ديوان المتنبي ورباعيات الخيام وكليلة ودمنة والحب في زمن الكوليرا والفتاة التي طارت عصافيرها لازم تكون مسلح سلاح تقيل والا موضوعك بتشطف ساكت

الله فى يا خليل الله فى ... يعنى حدنا هنا بس؟ ... ضفرنا ساى ما عايزنو بى غادى




____________________
باصاتك مع كيكى حرّم يجهجهوا دفاع إيطاليا

Quote: بتدخلك فى اجواء النَصْ بإمتاع مجنون وماهل .. أو كما اشارت سبابته

نعم يا دكتور

الموضوع في حوجة لجلد الذات وممارسة الصهيل

ليرسو طائر الفينيق بعد طول ارتحال

Quote: الله فى يا خليل الله فى ... يعنى حدنا هنا بس؟ ... ضفرنا ساى ما عايزنو بى غادى

شول يا صديقي

من المهم بما كان ان تتلاقح الاخيلة والافكار في ظل هذا المنتوج

وتكوين مخرجات ثقافية وانسانوية كمال الترابي امبارح

صباحات مترعة بالفرح

تداعب زهرة اللوتس

هلا يا اقحوان ومدارات ..
وناسك بالهناك ديل مادام عاجباهم (جغرافيا الوزة) وملموين فيها كده
ما تشوف ليهم خالك سجميان يمشي ليهم ضحوية ضحويتين كده ويجي

يا عمكـ .. المسكون شنو بالضبط
جزم المنبر بس ولا شراريبو كمان؟

Quote: يا عمكـ

ياعمك انت تمشي بهناك بالكاكااات بتاعتك دي
حسن موسي ده راسسسسسمك راسسسسسمك

صدّق يا كيكي يا عمكـ أنا مقتنع
بعكس كلامكـ دا .. زول زي صحبكـ
حسن موسى (بدون واي فكّني) ما ممكن يخت
زول بتاع كاكات عدو ليهو!
ياخ دا بعاين لناس محسن وحسبو كيف كيف!
لمن يجي يعاين لناس ود الصايم وأخوهو الكاشف

Quote: أخوهو الكاشف

اخوك الكاشف ده نعلو ما وهبة,,؟؟؟

هووووي يا ود الصايم هوووي

___________________
يا زول كااااك بتاعتك دي لو مشيت بيها حينضمو فيها زي شهر ونص عن (جدل الكوميديا)
واركلوجيا الضحكة عند العامة وهل كااااك دي زاااتها كتعبير ضحكنوجي اسفيري ليهو اثر في الوعي الضاحك عند المتلقي...(يا زول يحيروك في كااااك دي زاااتهالمن ما تعرفها
وبعد ما يحيروك تترسم وتشيل كاااكك وتطلب الله

Quote: لمن يجي يعاين لناس ود الصايم وأخوهو الكاشف

give me a break

Quote: give me a break

الترجمة: كيكي .. قوم لف!
ولا أترجما ليكم بطريقة التنقيط بتاعت (تبّا لكـ)؟

Quote: الترجمة: كيكي .. قوم لف! ولا أترجما ليكم بطريقة التنقيط بتاعت (تبّا لكـ)؟

هوووي يا زول...هوووي

ود البشري عاوز يعمل انفصال ازموزي
وانا ما شايف حل الا واحد منكم يمشي سودانفورل..
المهم اتفقو وقولو لينا عوووك ابو خليل جاهز ممكن ياخد ليهو خفسة بهناك ويجيب الاخبار

أخوي الكاشف يا حليلو!!




___
وهبة خليهو ساي اليومين ديل
بقى خبير بتاع كماين عدييييل!

تحياتي وسلامات خلي

ذكرتني قصة صديقنا ( م ) .
ضمتنا داخليات البركس
وجه لنا أحد زملاء الدراسة ( العاصميين ) دعوة لحضور حفل زواج شقيقته في حى العمارات بالخرطوم
إتفقنا وكنا جميعنا ( إقليميين ) على أن نتناول عشاء الداخلية المعتاد بـ فوله أو عدسه ثم نذهب
فقطعاً كل ما سوف يقدم لنا هناك سوف يكون في خانة ( التحلية ) .
كان لصديقنا ( م ) وجهة نظر أخرى
هى أننا ( ما وش نعمة ) وأصلو ( مرمى العدس والفول ما بترفع ) .
أكلنا وذهبنا
ولم يأكل م ووذهب معنا
لم نفرز ما يجب أكله باليد مما يجب أكله بالملعقة أو الشوكة
نحن لم نخسر كثيراً باعتبار أن الشغلانية كلها بالنسبة لنا ( تحلية ) و سد فراغات
خسر م كل شئ فقد رجع للداخلية جائعاً

يفتش أنصاص الليالي في الصفرة
عله يجد بقايا عدس أو فول


_________________

وقعت أحداث الطرفة في بداية الثمانينات

Quote: وهبة خليهو ساي اليومين ديل بقى خبير بتاع كماين عدييييل!

اي شايف خرفانو تتطاقش... لكن انا عدم المتابعة عامل لي موية في الركب الاسفيرية..
وهبة مميز في الهجوم الضاغط ... فاحسن ليهو يقرض علي الخاصية دي ..

Quote: المهم اتفقو وقولو لينا عوووك ابو خليل جاهز ممكن ياخد ليهو خفسة بهناك ويجيب الاخبار

انسد الافق

ليل وعتمة


بيني وبينك الدوار



يا ود الصائم بتعرف تكتب شعر زي دا

Quote: يا ود الصائم بتعرف تكتب شعر زي دا

بعرف أكاكي فيهو!


كيكي .. خلّي ود البشرى يمِش
عشان ملاسي يفتّ ليكـ حنان حنانو!

Quote: كيكي .. خلّي ود البشرى يمِش عشان ملاسي يفتّ ليكـ حنان حنانو!

صدق يا ود الصائم

قالو عائزين زول اعمل ليهم اسابيع البورد

وانا رشحت ليهم ود البشري


الراجل عنده خبرة

يا خلّو .. الأسابيع ما نجح بي سيدو
نجاح في شيالين أباريقو!






__
لقيتني كيف يا الكاشف؟

Quote: كيكي .. خلّي ود البشرى يمِش عشان ملاسي يفتّ ليكـ حنان حنانو!

نتيجة الاستفتاء الجماهيري تقول انك المفروض تمشي ياعمك
وبالله بطل البطبطة... الكع كااااكك دي ويمم كيبوردك شطر معقل الاقحوان
...
وملاسي ده لو فتاك وراك رجالة بجاي ممكن نعمل ليك حركة حركتين كده

Quote: وملاسي ده لو فتاك وراك رجالة بجاي ممكن نعمل ليك حركة حركتين كده

صدق ملاسي بنفع هناك

اديهم الروشتات بتاعتو دي وخلاص

Quote: صدق ملاسي بنفع هناك

هووي يا ابو خليل ما تدردق الراجل ساااكت بعدين نفتش ليهو في الاسافير دي وما نلم فيهو..
يا اخوي نوعية سطور ملاسي دي الناس ديل مكجننها كجينة السواد..
وممكن يلمو ليك في ملاسي ده يطلعو ليهو ديشليون تهمة ثقافية 0(يحيرو ليك في حنانو)..
وعينك ما تشوف الا بوستات علي شاكلة
كبسلة الوعي الاركلوجي (ملاسي نموذجا)..
تجويع المفردة عند ملاسي واسفير التلكس..
وعينك حتشوف نضمي ابن لذينة...

فملاسي محلو هنا ما يقوم يسمع كلامك ده
وبعدين يعوق روحو ساكت

Quote: كبسلة الوعي الاركلوجي (ملاسي نموذجا)..

ممكن يكون عنوان بوست

ميتافيزيقيا الجدل الاساسي عند حسين ملاسي

Quote: هاهي تعود بقلمها الرشيق مثلما يعود طائر السنونو شفيفا مخترقا كوهات الضباب كتابة رشيقة يا ويعلم الله تشهي الاخر جلسة القرفصاء في رحي الحديث عن الامكنة وعطرها وذاكرتها الجمالية... واصلي يا وحديثنا عن شهيق الامكنة

_________________
زمان في الداخلية في موسكو كان معانا طالب دكتوراه يشرب لمن يغلبو
يقوم من محلو . وبعد دا كلو يكورك إنتو قايلني سكرت ؟ والله ماسكرت .
-----------------------
على سبيل التحية والمتابعة
وأمل الإتيان بالمزيد .

Quote: _________________ زمان في الداخلية في موسكو كان معانا طالب دكتوراه يشرب لمن يغلبو يقوم من محلو . وبعد دا كلو يكورك إنتو قايلني سكرت ؟ والله ماسكرت

يا بقج..
يا زول انا كنت متيقن بانك ستعود كونك نمرود اسفيري..
(روحك الاسفيرية محرقاك وشايفك مسخر مفردة الاوريات في كمين نوعي
وقريت طوالي نواياك النمرودة
والبوست ده فيهو روح اخوية وفكاهةويعز علي ان اعصرك وامصرك فيهو ..
ولكن في اطار التريبات الامنية انا بقترح ليك تشيل بقجك دي وتمشي بيها البوست القمت منو صوووف داااك
وانا بجيك ماري بهناك (القنك درس زي ما قال صالهو)...
.........................................
وبصراحة حالك الاسفيري فعلا بقي بحنني وكماينك كلها فاضية ومافيها نكهة وحماس بخلي الزول يفرقطها ليك في راسك كويس...
فيا تمكن زي الناس او تخلي شغلة الشفع البتعمل فيها دي ياخي

Quote: تعرف يا ابو خليل انا عندي راي .. مافي اي اسلحة يا ابو خليل لمن ينضمو بيها والقصة كلها (رهبة اللغة) وحاجز وهمي ولو ختيت سفةو برمت شنبك تلك البرمة الشهيرة حرم تنضم زي نضميهم دي وزيادة... تحيرهم هم زاااتهم ... فمافي ماسمتك كده يا صديق لمن ينضمو بيهو كاردب سمسم

وبعدين يا بقج انت قايل وروحك اكتشفت الذرة
وما الكلام ده انا قلتو بعضمة كيبوردي ... تاني البقج والانبعاج ليك شنو

سنو نو؟

الأخ عبد الكريم
السلام عليكم ورحمة الله

Quote: والبوست ده فيهو روح اخوية وفكاهة

طيب ياخي ما تعتبر مداخلتي في سياق الفكاهة والدعابة !
مداخلتي لم تخرج عن صلب موضوع البوست ياخي !
بعدين مداخلتك دي:

Quote: حرم تنضم زي نضميهم دي وزيادة... تحيرهم هم زاااتهم ... فمافي ماسمتك كده يا صديق لمن ينضمو بيهو كاردب سمسم

أنا قريتا والله .
ومشيت جبت لخليل إثبات بالنموذج لكلامك
المشكلة وين ؟

Quote: يا عزام ما تعمل لينا زحمة هنا بي كرورك دا

للتوثيــــق ..
حتى عودة المذكور أعلاه من المنفى الإختياري
أو الإجباري
لا أذكر ...

إجباري يا عمكـ .. إجباري

Quote: طيب ياخي ما تعتبر مداخلتي في سياق الفكاهة والدعابة !

كده ممكن نديك الامان ...ولو بعين نايمة وعين قايمة..
لانو انا مشكلتي معاك مشكلة سياق...ومادام انت قلت انهافي سياق فكاهة بكون السياق مفهوم عندي
علي الاقل..
ورغم انو يا محمد بصراحة لو قلت ليك ح اقرقر معاك وكاااك طوااالي كده بكون غشيت عليك وعلي روحي.
ولكن لو جاتني تطمينات موكدة ممكن الزول يفكر يضحك معاك ضحكة نص كم كده..
لانو يا زول انا قدمت السبت زماااان في البوست الاخير داااك..
فعشان كده يا زول اضحكو ضحككم في البوست ده وانا لو هفت معاي ح اجي ضحك معاكم نص كم كده وافرتق..!!
ولكن ضحك ساااااااكت كده في السهلة وبدون ضمانات دولية ومعاك انت نهيييييي..
(بتكون يا ابو حميد مكمن لي في ضحكتي المسكينة دي)..

Quote: فعشان كده يا زول اضحكو ضحككم في البوست

شكرا يا أخ عبد الكريم

Quote: سنو نو؟

اها يا عمك
سنونو دي انا لبست ليها ردا وسفيت ليها تمباك ونفلتها
تاني القبقبة لزومها شنو يا رجرجة لوول

Quote: والقصة كلها (رهبة اللغة) وحاجز وهمي ولو ختيت سفةو برمت شنبك تلك البرمة الشهيرة حرم تنضم زي نضميهم دي وزيادة... تحيرهم هم زاااتهم ...

ودا بيان بالعمل من عبارات الأخ عبد الكريم :
طائر السنونو
كوهات الضباب
صهيل الكتابة
شهيق الأمكنة
رحي الحديث
تقوليك عطر الأمكنة !
تقوليها رحى الحديث ؟
إنت رحى دي موش ياها الطاحونة ؟
موش ممكن تكون طاحونة من طواحين التمباك في سوق الفاشر ؟

Quote: شكرا يا أخ عبد الكريم

مرحب يا محمد
وعندك عندي عدد واحدة ضحكة نص كم تجي تشيلها نهاية البوست

Quote: ودا بيان بالعمل من عبارات الأخ عبد الكريم : طائر السنونو كوهات الضباب صهيل الكتابة شهيق الأمكنة رحي الحديث تقوليك عطر الأمكنة ! تقوليها رحى الحديث ؟ إنت رحى دي موش ياها الطاحونة ؟ موش ممكن تكون طاحونة من طواحين التمباك في سوق الفاشر ؟

وايوه كده تمام..
ويلا يا محمد فعل لينا الية جلب النموذج والمثال.. وشوف لينا مثال تاني ياريت من نفس الكاتب
حتي يكون هناك (تناص كوتي)..
وكثر الامثلة والنماذج للجماهير عشان تفهم الجدلية ما بين (رهبة اللغة وسفة التمباك)..
والمرة دي تمباك الفاشر خليهو ياخد راحة شوية ...شوف لينا مقاربة بطواحين التمباك في الروصيرص
واهم شي شحن المفردة باللون الاحمر حتي يحصل ليها اظهار رقم

Quote: مرحب يا محمد وعندك عندي عدد واحدة ضحكة نص كم تجي تشيلها نهاية البوست

أويوا خلك كدا
“It is the ability to take a joke, not make one, that proves you have a sense of humor.”
Max Eastman

Quote: It is the ability to take a joke, not make one, that proves you have a sense of humor.” Max Eastman

يا زول انا برضو

(لا حظ الثمب اب ده برضو نص كم..وانا ماعندي اي مانع انو يكون كم كامل يا محمد لو صفت النفوس)

Quote: ..وانا ماعندي اي مانع انو يكون كم كامل يا محمد لو صفت النفوس)

كيف تتعامل مع شخص مجرم يمارس القرصنة الإليكترونية حسب مزاعمك التي لا تقوى على إثباتها ؟
_______________________
النفوس صافية إن شاء الله
الناس كلها في المكان دا تستحق الاحترام
والمعاملة بمعيار واحد !
في التعاطي مع مشاركات الأعضاء المعادلة هي :
حبشي=ود الصائم=محسن خالد=محمد عادل=محمد الحبر=فضيلي جماع=معز عمر بخيت
=ملاسي=أبو الريش=منال=إشراقةمصطفى=تراجي=جيهان حسن الطاهر =شارلس دينق=.....=إلخ

Quote: كيف تتعامل مع شخص مجرم يمارس القرصنة الإليكترونية حسب مزاعمك التي لا تقوى على إثباتها ؟

ده سياقك الفكاهي يا العشاء ..
طبعا من الضروري اثباته ان اليتك للكمكنة صار فيها تطور نوعي ..وبقيت تلعب بولتيكا الاسافير
وتحاول جاهد اختراق الدفاعات عبر خطط بت لذين خلاص...(لكن طبعا عليك ان تجتهد اكثر.. واكثر ثم اكثر..
1-داير تفتح مواضبع جاي وجاي وروؤس مواضيع دشمانية قديمة ...اول غير لي السايق الختيتو فوووق ده
(وخليني اعرف السياق الجديد بتاعك هل هو القديم دااااك ولا الفكاهة ولا الفكاهة المفخخة)..
2- داير تواصل في الفكاهة وسياقها الذي قلت بانك اتيت لبها..(فانا ضحكتي النص كم زاااتها ياعمك سحبتها ومافي قرقرة في محيط فكاهي مفخخ ولايجوز زاااو حسب الشرع بتاعي)
3-بالنسبة لي انت زول انا سامحته عقب دشماننا قبل غيابك من المنبر وصفيت اشيائي تجاهك لو داير اثبات مزاعم ونقة جديدة ..كدي خلينا نرجع وبنظام للمكان الذي افترقنا فيه ونحن متسامحين ..ثم نبداء من جديد وبمظلة وسياق معلوم..ونشوف))
4-ولكن تخش علي بسياق ضحك وعاوز تضحك معاي ضحك مفخخ فانا ياعمك (زول دمك بشتغل تحت سياق واااحد والله)
وحتي الضحك النص كم القلتو فوووق ده عصرت علي روحي عصر ..لاني ما مستعد ليهو بحكم تراكم الدشمان بيننا قبل يومين ونيف...

غير السياق ورتب اشيائك وتعال يا زول
ممكن نتفاهم معاك او ممكن ما نتفاهم معاك والله اعلم

وبالمناسبة حكاية احترام الجميع في هذا المنبر دي من الاشياء التي لا اختلف معاك فيها
الا من تكبر وتجبر ومارس الغاغا الاسفيرية فهذا النوع له البوت والنبوت الاسفيري دون تردد

Quote: وبالمناسبة حكاية احترام الجميع في هذا المنبر دي من الاشياء التي لا اختلف معاك فيها

ممتاز يا أخي الكريم عبد الكريم
نبحث عن مساحات الاتفاق
لذلك أتجاوز عن اتهاماتك الباطلة
لي بالتعدي على المنبر .
______________
نرجع لموضوع البوست ونعود المزيد

Quote: ممتاز يا أخي الكريم عبد الكريم نبحث عن مساحات الاتفاق لذلك أتجاوز عن اتهاماتك الباطلة لي بالتعدي على المنبر .

وطبعا دي خياراتك انت يا محمد
داير تتجاوز... علي كيفك
داير تمشي .. بيها لقدام برضو علي كيفك
..............
داير تنداح بيها علي بنفسج الشفق عند لحظات غروب الشموس برضو علي كيفك

اولا يا خليل عنوان بوستك مضلل

ثانيا ياخي انا ضحكت زي العوير في البوست ده
باصات بينك وبين كيكي ..تحليلات ودالبشري والصايم وكل الحضور

زي زيك بعض مرات بعمل استكشاف اسفيري كدة ويبدو انو ادارة فور اول عندها ذكاء لانها عشان تشغل الناس بتقوم توقف شريحة زول عنده رصيد بجاي عشان يجي يدور الموضوع من هنا

عن المفردات يا جماعة انا شخصيا ذهلت يعني ديك لو الله رماني فيهم ما كان عندي سكة اكتب الا ارجع لتميهدي الماجستير بتاع الفيزياء الرخيته داك

والمستغرب ليه خالس خالس..الشباب البهظروا معانا بجاي بمشوا هناك بركبوا ليهم مكنة مبالغ فيها
وشي تاني انو البضاعة كاسدة بهناك تماما يعني هم بقروا وبكتبوا مافي زول غيرهم حرم بخش الموقع ده اصلا.
شوفوا المقارنة دي
سودانيز اون لاين
جريدة الصحافة
فوراول بالاضافة الي موقع ادبي ثقافي زي موقعهم داك في المقارنة التانة
الطيش بإمتياز



مع ملاحظة انو المتواجدين في سودانيز اون لاين بمعدل 1200 شخص فقط في الدقيقة..وضربوا باقي النسب...
ناس عاملة غاغة من مافي

Quote: والمستغرب ليه خالس خالس..الشباب البهظروا معانا بجاي بمشوا هناك بركبوا ليهم مكنة مبالغ فيها وشي تاني انو البضاعة كاسدة بهناك تماما يعني هم بقروا وبكتبوا مافي زول غيرهم حرم بخش الموقع ده اصلا.

قمرنا وين البدور غابو عني


لو شفت البوستات هناك ما بتطلع منها باي output

كلام كبار كبار مافيهو التكتح

سماحة جمل الطين غايتو

الله في

Quote: الا من تكبر وتجبر ومارس الغاغا الاسفيرية فهذا النوع له البوت والنبوت الاسفيري دون تردد

ثم يرد بعد ذلك مدحورا مذموما

Quote: ثم يرد بعد ذلك مدحورا مذموما

بالله عليك ؟
إنتو ما تتصالحو مع أنفسكم !
الكتابة التي تتشكون منها بعضكم يمارسها بانفصام غريب !
يا هو دا قدامك سنونو وشهيق كتابة ورحى حديث وصهيل كتابة !
الكتابة هنا عموما تدخل في جنس التواصل وكلام المجالس الشفاهي المباشر
الذي يتبادله الناس في المقاهي والأسواق ومحطات الحافلات وعند ستات الشاي
وخيم البكيات وفي رواكيب عزل الكاوا.

إلخ .....

Quote: بالله عليك ؟ إنتو ما تتصالحو مع أنفسكم !الكتابة التي تتشكون منها بعضكم يمارسها بانفصام غريب ! يا هو دا قدامك سنونو وشهيق كتابة ورحى حديث وصهيل كتابة ! الكتابة هنا عموما تدخل في جنس التواصل وكلام المجالس الشفاهي المباشر الذي يتبادله الناس في المقاهي والأسواق ومحطات الحافلات وعند ستات الشاي وخيم البكيات وفي رواكيب عزل الكاوا.

وسليمان انت العندك مشكلة في المخيخ الاسفيري الايسر بتاعك..
وانفصام اسفيري
1- يا زول قلنا ليك فوووق الكتابة دي احنا زااتنا بنقدر عليها... تاني شنو
2-نواياك التي تحاول ان تخفيها خلف (الفكاهة) تمحورت وتحولت الي فكاهة مفخخة ثم الي حالة ابنعاجية(وصدقني ا تجربتي مع الابنعاج الاسفيري اصلا مابتلبد).. بتعكس تماما حالة انفصام ازموزي اسفيري
3- اي مداخلة ابنبعاجية جديدة حتقراء في سياقها الذي ازحت عنه الستار في اقرب ملف..
وبعدين بالمناسبة
4- الانفصام الاسفيري انت ساسو وتاج راسو وما تاريخ وجودك في هذا البوست الا تعبيرا وتجسيدا لمايسمي بالانفصام الاسفيري الحاد المنبعج..
فبالله يا زول ما تعمل لينا سافوتة ..وحدة سياقاتك عشان ما نقول ليك منفصم اسفيري وبالدليل القاطع

Quote: ثم يرد بعد ذلك مدحورا مذموما

زولك اتسلسل علي طريقة عمنا بتاع
ياجماعة اناما شيطان انا عمكم فلان الفلاني ادوني كاس معاكم


وكدي يا خلي نرجع للموضوع علي قولة _(عمر اومو)..
اتخيل لي فيصل عباس لو مشي للبشرية دي بهناك اكيد ح بجننهم جنون قبورة
بالمفردة الطالعة صاح زي باصات سامي عزالدين عليه الرحمة

Quote: الكتابة هنا عموما تدخل في جنس التواصل وكلام المجالس الشفاهي المباشر الذي يتبادله الناس في المقاهي والأسواق ومحطات الحافلات وعند ستات الشاي وخيم البكيات وفي رواكيب عزل الكاوا.

محمد e سليمان

نحن اولاد ام نخيل ديل بنعزهم معزة خاصة

عليك الله امش بي سماحتك دي

مالك ياخي

كاو ا بالكاء

يا خليل وعبد الكريم
أكون كضبت عليكم لو قلت لكم إن مشاركاتكم في هذا المنبر
تقع عندي خارج إطار:
جنس الونسة والتواصل وكلام المجالس الشفاهي المباشر
الذي يتبادله الناس في المقاهي والأسواق ومحطات الحافلات وداخل الحافلات
وعند ستات الشاي وخيم البكيات ولمات السمايات وفي رواكيب عزل الكاوا
وعند أكشاك الشاي بالبركس وفي عنابر المستشفيات وفي سوق البصل وزرائب البهائم
وفي انتظار العيادات الخارجية وفي صفوف المخابز وبيوت الأعراس وجنب دكان الحلة...إلخ .

Quote: أكون كضبت عليكم لو قلت لكم إن مشاركاتكم في هذا المنبر تقع عندي خارج إطار: جنس الونسة والتواصل وكلام المجالس الشفاهي المباشر الذي يتبادله الناس في المقاهي والأسواق ومحطات الحافلات وداخل الحافلات وعند ستات الشاي وخيم البكيات ولمات السمايات وفي رواكيب عزل الكاوا وعند أكشاك الشاي بالبركس وفي عنابر المستشفيات وفي سوق البصل وزرائب البهائم وفي انتظار العيادات الخارجية وفي صفوف المخابز وبيوت الأعراس وجنب دكان الحلة...إلخ .

ياخي ده كلام زين..
والحتات دي هي نبض الناس والواقعية في حياتنا..
انت ما في شي جابرك علي الكضب وهنا ما قلت الا الحقيقة
يا كبير المقيمين للاداء الاسفيري في السايبر السوداني...
ومادام جبت سيرة سوق بصل فلايسعني الا ان اقول ليييييك


قوم لف يازول

Quote: ياخي ديل لا عندهم كااااك لا عندهم كلمة ماسورة لا عندهم كلمة ابلع

والله ياخليل لما تمشى للناس ديل بهناك
يحسسوك بانك خلف الله بتاع السفرة

Quote: تعرف يا ابو خليل انا عندي راي .. مافي اي اسلحة يا ابو خليل لمن ينضمو بيها والقصة كلها (رهبة اللغة) وحاجز وهمي ولو ختيت سفةو برمت شنبك تلك البرمة الشهيرة حرم تنضم زي نضميهم دي وزيادة... تحيرهم هم زاااتهم ... فمافي ماسمتك كده يا صديق لمن ينضمو بيهو كاردب سمسم

كيكى
انا عارف انه اخر نفخ البسطاء ليك فى اونلاين
نهايته بتنتج اوهام زى كلامك الفوق دة

Quote: داير تنداح بيها علي بنفسج الشفق عند لحظات غروب الشموس برضو علي كيفك

ياخ انعل ابو الكمنجات زاته
والله ياكيكى ايامك من الوازا للكمنجات
ابعديلات راح منك

Quote: : هاهي اميمة سند تعود بقلمها الرشيق مثلما يعود طائر السنونو شفيفا مخترقا كوهات الضباب كتابة رشيقة يا اميمة ويعلم الله تشهي الاخر جلسة القرفصاء في رحي الحديث عن الامكنة وعطرها وذاكرتها الجمالية... واصلي يا اميمة وحديثنا عن شهيق الامكنة _________________ زمان في الداخلية في موسكو كان معانا طالب دكتوراه يشرب لمن يغلبو يقوم من محلو . وبعد دا كلو يكورك إنتو قايلني سكرت ؟ والله ماسكرت . -----------------------

والله يا محمد E لقيتك بطنك غريقة
يا اخى الهدنة والسلم دى مكتسبات الناس تعض عليها
بالنواجز والله الكركبة الاسفيرية الحصلت بينك وكيكى كلفتنى
مكالمة long distance ما تغلى عليكم ولكن مالى اراك تعشق
المربعات الصفرية

Quote: ياخ انعل ابو الكمنجات زاته والله ياكيكى ايامك من الوازا للكمنجات ابعديلات راح منك

يا ابو صلعة بالله ابعد منطقة الكوارث دي..
الكيزان ايام الجامعة في اقل كعة بحتلو النشاط وبعلنوهو منطقة عمليات..
والكمنجات يا احمد لها صدي ورنين علي حواف المشهد والمقاربة عبرها قادرة علي ارسال
تقاطعات الرحي والسنونو

Quote: Quote: وهبة خليهو ساي اليومين ديل بقى خبير بتاع كماين عدييييل! اي شايف خرفانو تتطاقش... لكن انا عدم المتابعة عامل لي موية في الركب الاسفيرية.. وهبة مميز في الهجوم الضاغط ... فاحسن ليهو يقرض علي الخاصية دي ..

حرام عليكم ياجماعة!!!
انا بلعب ضاغط ؟
انا والله من شدة ما اندقيت في المنبر دا
بفكر العب حارس مرمى
اها الدق العام بجينا من زي كواسة خليل
يحوووووم ويجينا بمصيبة

Quote: اها الدق العام بجينا من زي كواسة خليل يحوووووم ويجينا بمصيبة

وهبة

فتشت لحسن موسي ما لقيتو


انشاء الله يطلع زي حسن كرنقو

Quote: انا والله من شدة ما اندقيت في المنبر دا بفكر العب حارس مرمى

يا اخوي الخانة بتاعة حارس المرمي دي اتحجزت زمااااان
لناس عزاز علينا جاف االنوم عيونا...


_____________________
هجومك بقي ضاغط يا وهبة وشايفك واقع بخس وقايم كرانجو في ملفات كثيرة
وماتشاتك فيها الق اسفيري ذو مخيلة ثرة..

يا معلم

Quote: Quote: يا عزام ما تعمل لينا زحمة هنا بي كرورك دا للتوثيــــق .. حتى عودة المذكور أعلاه من المنفى الإختياري أو الإجباري لا أذكر ...

دي يا ها زاتها يا عزام جلب الاقتباسات تجعل متابعة الخيط صعبة - أو نحوها
نسخة سودانيز المبسطة صنعت خصيصا لقليلي الثقافة

Quote: فتشت لحسن موسي ما لقيتو

ياخليل
لو داير تعرف حسن موسى صحي صحي
امشي بهناك واعمل شيرس بـ لاهوت الورطة او ملاسي
بتجيك بوستات كتيرة افتح البوستات الباسم حسن موسى
ومتّع نفسك .. شوف الناس البطنقعوا علينا ديل بهناك بتدقّو كيف
رش هو جنس رش ... ياخ الرش الثقافي دا موباااالغة
وعمك حسن موسى دا عبارة عن فاتية أسفيرية ثقافية لا يشق لها غبار

Quote: قوم لف يازول

إنت زعلت ولا شنو ؟(:

Quote: إنت زعلت ولا شنو ؟(:

الزعل دلالاته شنو حسع يا زول..؟؟؟
وحقو لوااحد يرشك بتهمة جديدة مفادها انك زول منعزل عن محيط نبض المحيطة حولك..
لو فكرت وقدرت شوية بتلقي قوووم لف دي مستلهمة من حكاية السوق ولغته القلت احنا بنكتب بيها هنا..
قليلا من الخروج من مدارات واخيلة الذات المنبعجة يامحمد
صدقني حيحصل عندك التصالح التاريخي وترتاح من هيييك نوازع

اها ياجماعة الليلة البوح علي مرافي سوق البصل حاصلة فيهو شنو..؟؟
وغدا ياخلي تتفجر ينابيع وبرتكانة
وتنمو في اطراف الرواكيب زهرة الليفة
تتسلق القشوش بدلال و بسمة وغنج...
ويصيح اطفال الكراكير....
هيييي هنا قامت ليفة

Quote: اها ياجماعة الليلة البوح علي مرافي سوق البصل حاصلة فيهو شنو..؟؟ وغدا ياخلي تتفجر ينابيع وبرتكانة وتنمو في اطراف الرواكيب زهرة الليفة تتسلق القشوش بدلال و بسمة وغنج... ويصيح اطفال الكراكير.... هيييي هنا قامت ليفة

nice try
بالله يا كيكى ذكرنى اجيب سيرتك
لما اكون بتونس مع المثقفين
(ناس هاشم صديق وكامل خالى وكمال كيلا والجيلانى الواثق)

Quote: بالله يا كيكى ذكرنى اجيب سيرتك لما اكون بتونس مع المثقفين (ناس هاشم صديق وكامل خالى وكمال كيلا والجيلانى الواثق)

تعرف يا ود التجاني كامل خالك ده هو زااااتو المثقف الجاب لينا الكفاوي دي كلها...
طبعا قيل والعهدة علي الراوي انو ناس كامل وسبدرات لمن كانو في الجامعة هم الدخلو لغة جديدة علي مستوي الاركان.. والقصة جرت ..كلام علي شاكلة
انا زي داير اقول في الحتة دي..
وانا زي بعتقد ..وانا زي بتفق معاك ..
وعملو نقلة في مستوي خطاب الجامعة حتي علي مستوي المشافهة اليومية
وهكذا...

________________________________________
تتقاطر في كاجات القطاطي احزمة
تناجي جوع الزول الراقد في عنقريب
شارب مريسةومازي بشربة ورل..
وتموتو احزمة القطاطي في الكراكير جوعا..
وشوربة السلطة والثروة تلهطها الكلاب..

يعني يا هندسة لو الواحد مشى بهناك يمكن عادي يجي فاطي سطر

خليل وكيكي .. تعرفو انتو بترفدو القاموس الاسفيري
بمصطلحات اسفيرية ذات دوزنة عالية التركيز .. وفائقة العمق ... شكلكم قريتو
كتاب ( المتاوقة عبر الرقراق ) أو كتاب ( اندياح شاهق النبض ) ......... تقبلو غشوتي

Quote: انها الكتابة وممارسة الصهيل الذاتي في رحلة ما بين الانسان وتجاربه وافكاره ثم تاتي الوسائط الاخري لكي تخرجه دراما مكتوبة تتيح للاخرين التجوال ما بين حروفها..

Quote: الصهيل والكتابة هي مثل الماء للانسان الذي تملك ادواتها....وارقي مراحلها التصاقا بالوعي الانساني هي ان يشاركه فيها الاخريين لذا نجد الشعر الجزل قد رحل وعبر التاريخ من مدارات زمنية بعيدة راحلا الي زمننا هذا وستطول رحلته طالما هنالك عقل انساني وجدان انساني منتج له... شعر حدثنا عن الحبيبة وسير العشق عن الحروب وسيرة الخوف والشجاعة حدثنا عن الترحال والمنافي حدثنا عن الشعوب واحلامها والافراد واحلامها... انها الكتابة... لاحقا نتمني ان نناقش هل لديها سقف اخلاقي او فريم يقصق اجنحتها عن تطلع من الشان الخاص الي العام

المصدر مكتبة الأخ عبد الكريم
الصهيل ؟؟؟؟؟؟؟
الصهيل دا زمان قالوا لينا هو صوت الخيل

الرابط الصحيح هو حباب السراويل والكمنجات...!!!!

Quote: الصهيل ؟؟؟؟؟؟؟ الصهيل دا زمان قالوا لينا هو صوت الخيل

هلا يا سياق ..
وايوه الصهيل هو صوت الخيل.. ولكن في ورشتنا الاركونقدية اتحنا مساحات لتسميات تعبر عن دواخل النفس البشرية.. فلذا استعرنا من الخيل صوتها وقلنا الصهيل للمفردة البتجي بنقاء وحروفها بتكون مشحونة بدلالة جمالية..
واما المفردة التي تاتي في فضاء مشحون بنوازع النفس البشرية عندما تنهزم فقد اسميناها في تلك الورشة بالانبعاج ..
هنالك تيار يصف هذه الجزئية بالتهتك ولكني لدواعي اركوزوقية لا اتفق مع هذا التيار..
ولكن اتفق مع هذا التيار في الملامح السريرية والاسفيرية لتلك الحالة..
.......

طيب رحى الحديث
وشهيق الأمكنة ؟

في نفس البوست وعلي مسافة اسفيرية ليس ببعيدة من مفردة الصهيل يا محمد
ستجد ايضا هذه النفلة..

Quote: والشجن وتاملات النفس البشرية في جمال الحياة واحيانا في كل اشيائه الاخري قطار يا ود المشرف ينطلق حاملا في داخله كل الحالات اللامتنهاية من مكونات النفس البشرية التي تغذي الروح.. ففي اشياء كالمارد عندما يخرج من الجب ويرسل الي الاوراق...يصعب كبح جماحه وعالي التمرد

ودي كلها من مخرجات الورشة الاركونقدية

Quote: طيب رحى الحديث وشهيق الأمكنة ؟

افهم انو الصهيل انتهينا منو..؟؟


اختم لي علي نهاية ملف الصهيل ده ..!!
وبعدها ممكن نمشي لرحي الحديث وشهيق الامكنة او ممكن ما نمشي...
.....................

لانو انت يا ابو الشباب اخطبطوطي وبكرة بعد بكرة ممكن ترجعني للصهيل دي تاني..
فخطوة خطوة بالله..

التوقيع لعبده تامجرتا


انعل دورواكا شيقي

Quote: انعل دورواكا شيقي

وفي مقولة اخري
اووووووووواكا شيقو

Quote: وفي مقولة اخري اووووووووواكا شيقو

او ممكن تكون قوردو ابما



التوقيع للترابي

كلما رتقناها انفتقت

Quote: او ممكن تكون قوردو ابما

في مفردة يا ابو خليل عند الهوسا اسمها
(قدوووووو) ومعناها شتات خالي محطات,, فاسمح لي ارخي (0كركبة) بتاعتك ديك شوية
واعمل لقدووووو دي فسحة اسفيرية جمعة جمعتين كده..
ويقال في امرها..
ساتا قدووووووووو

Quote: واعمل لقدووووو دي فسحة اسفيرية جمعة جمعتين كده.. ويقال في امرها.. ساتا قدووووووووو

تذكر بيلو لما دائر يعمل فيها

مثقفاتي

وقال للزول دقيقة عشان (الخنك ) درس

شنو يا جماعة ؟
نرجع للنورس والسنونو والفينيق (:
أنا كنت متأكد إنكم تسعون لتأكيد الانتماء
صاحب بالين كضاب. ركاب سرجين وقاع.


هل تريد المزيد من الكتابات الشفيفة ؟

Quote: وقال للزول دقيقة عشان (الخنك ) درس

وبذكر برضو ود الزين سواق المساحة لمن عاوز يقول (عسي ان تكرهو شيئا فهو خيرا لكم)
قال

خيرا شرا تكرهو

Quote: هل تريد المزيد من الكتابات الشفيفة ؟

عندما اشرابت الاعناق في ساحة البوح الشفيف

وكان التكوين في سفر الخلود

رايت زنبقة كان نورها من كوكب دري



التوقيع لفاطمة بت الحسين

ابوي دقاني ودقو شن سوالي

اخوي سافر بطريق وراني

جوة النار يا الله

Quote: صاحب بالين كضاب. ركاب سرجين وقاع.

بالين منو محمد.؟؟
انت ياخي بالله امشي معانا في البوست بتسلسل ونظم
انت البالين..
1-داير تعرف (رحي وشنو كده ماعارفها ديك )بجهة
2- وداير تمشي في الكتابة الشفيفة..

خلينا نتهي من صهيل ونقفل ملفها...
وبعد داك ممكن نفتح معاك شوال جديد

Quote: خلينا نتهي من صهيل ونقفل ملفها... وبعد داك ممكن نفتح معاك شوال جديد

صهيل مداد سكبته علي ورق سفرجل



الكلام لود تمبك

ما تدونا كاس عشان نتعرف علي الاخوان ديل

صهيل الكتابة ونهيق القراءة بين رحلة الفينيق وشهيق السنونو
مزيدا من الانبعاج يا اي سليمان
سيفتح كوهة التامل في حصير الذات المتاكلة...


تبكي بس ..!!

خلى البلى

تعرف ذكرتنى زمان كان عندنا منتدى اسمو منتدى الاتنين بدار المعلمين ..

كانو فيهو ناس معاويه البلال والسر السيد ودوكه وفريد والمرحومه .... ابراهيم عصافير

نادر السمانى معتز المهم كميه كبيره من المنظراتيه ....اها يوم قام جانا امفريب

واها بداء النضم كان الموضوع عن المدارس النقديه اها اتشبك امفريب فى الموضوع اها المداخله

بتاعتو زى ساعه كده اخدت ....اها فى واحد جنبى لمن انتهت المداخله قال كلام جميل ............

اها انتهت الندوه مشيت لى امفريب قلت ليهو والله فى زول جنبى قال كلامك جميل ...لكن انا ما فهمتو

كلامك ده اصلو فكدى انت تقييمك انو كلامك جميل ..ياخى قال لى ده كلام اكاديمى يعور الراس

ضحكته ومشيت وبعاين لى صاحبى شظرا قال كلام جميل ياخ .....ايام لها ايقاع .......

موضوعك ده جميل لو اتفرع لى دور الثقافه ودور المثقفاتيه. ودورهم فى تنميه الوعى

ونشره للبسيط قبل نصف المثقف واللغه هل هى غايه فى حد ذاتها ام هى وسيله تواصل مع الاخرين

هل تقعير اللغه من ادوات المثقف ؟ ام ان تبسيط المعنى للمتلقى هو الاهم ؟

ووووووووووووووووووووووووووو وحاجات وحاجات وحاجات وقلم واستيكه ...

طيب دا حاتعمل معاه شنو يا ريس ؟

Quote: ونشره للبسيط قبل نصف المثقف واللغه هل هى غايه فى حد ذاتها ام هى وسيله تواصل مع الاخرين هل تقعير اللغه من ادوات المثقف ؟ ام ان تبسيط المعنى للمتلقى هو الاهم ؟ ووووووووووووووووووووووووووو وحاجات وحاجات وحاجات وقلم واستيكه ...

النخبة وادمان الفشل يا عمر سعد

مزالق خلف جدران صدئة
وكشات تقام في الفضاء
تعدم ايقونة التفكيك
وكشات تقام في الفضاء
تعدم ايقونة التفكيك

شوفت يا عبد الكريم أنا زول مسكين كيف ؟
بكري يحذف لي بوستاتي
وإنت تتهمني بحذف البوستات مع علمك بضعفي
في تقنية المعلومات
يا جماعة أنا زول مسكين ساي
الغنماية تاكل عشاي

Quote: يا جماعة أنا زول مسكين ساي الغنماية تاكل عشاي

خلاص قمنا علي كتل الحيل والاستهبال..؟؟
بكري حذف البوست بتاعك امشي شوف بكري بتاعك ده وين واشتكي ليهو ..؟؟
وبعدين كون الغنمياية تاكل عشاك دي برضو مشكلتك انت والغنماية تمشي تحلها هناااك مع الغنماية..

Quote: وإنت تتهمني بحذف البوستات مع علمك بضعفي في تقنية المعلومات

وبعدين حكاية علمي بضعفك في تقنية المعلومات دي جبتها من وين..؟؟
امتحنتك انا..؟؟
ولا عملت ليك اختبار عشان اعرف مستواك ضعيف ولا غيره..
كل البعرفو عنك انك مهندس نظم..!!

Quote: وبعدين كون الغنمياية تاكل عشاك دي برضو مشكلتك انت والغنماية تمشي تحلها هناااك مع الغنماية..

حاضر .
بس أهم حاجة إنت ما تكون زعلان الباقي علي أنا والغنماية هين .

سلام يا خليل و كريم و الحبشي و كل المشاركين
البوست ده شفتو زي الساعه واحده صباحا ، من الضحك ما قدرت أنوم !!
يا كريم إنت بتتعامل مع الحبشي ده بسوء نيه مووووبالغه و الغريب إنو الحبشي بجي يثبت صحة كلامك .
محمد الحسن ده : قد يكون من أكثر علما (علما دي شامله كل حاجه ) في هذا المكان ، لكن زول عندو المقدره علي إثارة الكركبات الإسفيريه قدر الحبشي ده : من ما الله خلقني ما شفته !

يا أمين أنا زول مسكين ساي
بس الناس ديل متلقين حجج

ياخي دة بوست عايز مترجم عدييييل







يا خلي بالله ترجم لي دي
صهيل الأمكنة وشفق الزمان

الأخ طارق جبريل
تحياتي
شنو علمت لينا في الدكشنري(:

يا خلي نسيت اقول ليك دخلها لي في جملة بتاعة ريدة كدة
محتاج اتجدع بيها في حتة تانية

Quote: يا أمين أنا زول مسكين ساي بس الناس ديل متلقين حجج

يا محمد ، شكلو في حاجات قديييمه قبل ما أجي أنا هنا ده ، ما عندي بيها علم ، أنا بتكلم عن بعد ما أنا جيت و بقيت متابع .
(اولن) إنت ما زول مسكين ساي .
(سانين) الناس ديل متلقين حجج صاح ، لكن إنت سبب القصه دي : ما ممكن ياخي بوست بتاع هظار زي ده تمشي تجيب كوتات لكريم قبل مية سنه عشان كتب فيها كلام كبار و بيشبه كلام فوراول الهو بينتقدو ده ! السؤال هل مجمل كلام كريم هنا كلام كبار زي الجبتو ده ؟
هل ما ممكن يكون الزول المصنف جادي جدا مثلا ما عندو عدد من المداخلات فيها هظار ؟ أو العكس ؟!
جيبتك للكوتات دي يا محمد يا أخوي ما ممكن تكون بحسن نيه أبدا !
عموما يا شيخنا أنت تمتلك كل المقومات البتخليك زول عميق و حلو : ما عارف ليه بتصر إنك تثبت عكس كده ليه ؟!!

Quote: الأخ طارق جبريل تحياتي شنو علمت لينا في الدكشنري(:

ابو حميد ياخي دكشنري شوايقة شنو ودينكا شنو
انا لقيت نفسي مهمش مع البوست دة
ياخي انا طلعتة اكذوبة كبيرة

ثمة ما لا يقال هنا ..
وغبار الصهيل أيقظ البنفسج فجرا
والضوء تمام بدره الا قليلا ..
تضاحكنى الحبيبه..
لاسقط - سهوا - فى الغياب
كان ( كيكى ) يمارس كل تلك الحروف شبقا الى انثى النوارس والصهيل
كان معى فى الغياب يؤكد إنتماءا سحيقا للبحر والمسأله ..
للرمل اغنية الموات الاخير
للعابرين دمى نحو المقصله ..
غباش الاجابات الليئمه وليل الخمر ..
ضجيج الاسئله
وطوبي للخليل..

نشيد الخروج الأخير ..


إنبهم الطريق نحوهم الا قليل الشوارع .. هذا نشيدى اليها والصلاة .. يتكئ الصوت على قارعة القلب وينمحى وجودا مهتك البكاره , تبا لهذا الانبهام العمد , تبا لهذا الانهطاق

* التعديل .. كان إنبثاقا آخر ليس الا ..
أو كيف ما اتفق

أتساءل الان عن سيرورات البوست فيما سيأتى من حريق ؟..
وداعا خليل ...

تحياتي يا عبد الكريم

Quote: سيفتح كوهة

"كوهة" ما عرفتها
قمت سألت قوقل
قام قالي : http://www.google.com/search?hl=en&safe=active&q=%D9%83...%D8%A9&start=10&sa=N

فتحت الرابط دا
http://www.alrs9.com/vb/showthread.php?p=69190
لقيت توقيع بنوتة كيوت في آخر البوست
حاولت أنقله ليكم قالوا لي لازم تشارك مرتين .
_________________
المهم دي الجملة الوحيدة اللقيت فيها "كوهة":

Quote: وأخفت "الخيانه" نفسها في كوهة زباله و ذلف "الولع" بين الغيوم ومضى "الشوق" إلى باطن الأرض و "ألكذب" قال بصوت عال : سأخفي نفسي تحت الحجارة . ...

Quote: يا كريم إنت بتتعامل مع الحبشي ده بسوء نيه مووووبالغه و الغريب إنو الحبشي بجي يثبت صحة كلامك .

أمين خال حمــور .. اسمح لي أقول ليكـ غلطان!!

يا ود الصائم
الكلام دا موش إنت جئت وشاركت فيه وضحكت ؟
راجع الصفحة الأولى من البوست دا ؟

Quote: أمين خال حمــور .. اسمح لي أقول ليكـ غلطان!!

طيب عشان الكلام ما يكون مجانيا
أمامك مداخلاتي في البوست دا كلها
تعال وريني محل الغلط عشان أعتذر عنه !

Quote: أمين خال حمــور .. اسمح لي أقول ليكـ غلطان!!

Quote: طيب عشان الكلام ما يكون مجانيا أمامك مداخلاتي في البوست دا كلها تعال وريني محل الغلط عشان أعتذر عنه !

ود الصايم و الحبشي
شكلو يا واحد فيكم يا الإتنين ما فهمتو كلامي !!

Quote: تجيب كوتات لكريم قبل مية سنه عشان كتب فيها كلام كبار و بيشبه كلام فوراول الهو بينتقدو ده !

بالضبط كدا يا أمين !
عبد الكريم جاء يشارك صاحبه خليل
في التهكم من المثقفاتية وكلامهم
الدراب دراب. قمت جبت نموذج لكلام دراب دراب بتاع مثقفاتية
كتبه عبد الكريم بنفسه -و الكلام من الربع الحي بالمناسبة ما قبل مية سنة- خليل
لقى نفسه أمام مواجهة مع دراب صاحبه وتعامل مع الموضوع بنظرية صاحبي وصاحبك
وسكر الليل أخير من سكر النهار

يا حبشي عمليتكـ بتاعت أمس دي مزعلاني عديل!
شنو بتهدد فيني .. عاوز تفلقني بمداخلتين تلاتة يعني ولا شنو؟
ياخ دا بورد وكل واحد ما عندو فيهو غير الكيبورد
غير الكيبورد ما عندكـ التكتح هنا!

Quote: شنو بتهدد فيني .. عاوز تفلقني بمداخلتين تلاتة يعني ولا شنو؟

ياود الصائم منو هدد منو بالله ؟
الكلام دا إنت كنت مشارك فيه ياخ راجع الصفحة الأولى من البوست دا.

محجوب عبيد ..... له الرحمة والمغفرة
في سنواته الاخيرة تعاقدت معه جامعة الملك سعود بالرياض لتدريس مادة الفيزياء
فتقدم الطلاب بشكوى لمدير الجامعة بانهم لايفهموا شئيا من الاستاذ محجوب عبيد
فاجتمع معهم مدير الجامعة وقال ليهم :
نحن اصلا محجوب عبيد ما جبناهو عشان تفهموا منو حاجة ..... جبناهو عشان سمعة الجامعة

Quote: بالضبط كدا يا أمين ! عبد الكريم جاء يشارك صاحبه خليل في التهكم من المثقفاتية وكلامهم الدراب دراب. قمت جبت نموذج لكلام دراب دراب بتاع مثقفاتية كتبه عبد الكريم بنفسه -و الكلام من الربع الحي بالمناسبة ما قبل مية سنة- خليل لقى نفسه أمام مواجهة مع دراب صاحبه وتعامل مع الموضوع بنظرية صاحبي وصاحبك وسكر الليل أخير من سكر النهار

يا حبشي
ما تشيل نص كلامي و تخلي باقيهو !!
كريم كتب كلام كبار في مداخله إنت جبتها : هل ده بيعني إنوي مشاراكاتو هنا ؟
مافي زول في منبر أب صلعه ده بيكتب باسلوب سهل و دارجي زي هذا العبدالكريم !! كونك جبت ليك كوت كوتين ليهو فيهم كلام كبار لا يعني إنو مجمل مشاركاتو كده ، كلها ما ممكن تتم 1% من كتاباتو الكتيره جدا جدا هنا !!
ناس فوراول العكس تماما : ممكن يكتبو كلام دارجي عادي في مداخله مداخلتين ، لكن باقيهم كلو كلام كبار ! و ده سبب النقد !

ياخي ده الكلام الكنت بقول ليك فيهو : مرات يا الحبشي بتديني الإحساس إنك جاي زول مكاجره و دواس بلا سبب !

Quote: يا حبشي عمليتكـ بتاعت أمس دي مزعلاني عديل! شنو بتهدد فيني .. عاوز تفلقني بمداخلتين تلاتة يعني ولا شنو؟ ياخ دا بورد وكل واحد ما عندو فيهو غير الكيبورد غير الكيبورد ما عندكـ التكتح هنا!

هسي يا حبشي ، بعد كم شهر أجي أشيل مداخلة ود الصايم دي و اكوتها و أجي أقول (شوف محمد الصايم ده زول بتاع مشاكل كيف ؟)
هل يستقيم هذا الكلام ؟!!!

Quote: وأحسن نقفل الموضوع دا على كدا ما دام في تقدير لحاجات تانية

أوكي
خلينا نقفل الموضوع دا على كـدا
ودا ما برضو ما بغير موضوع الزعل!

يا أمين تحياتي
لا أحبذ في الحوار طريقة إنك تفترض لي رأي أو موقف من عندك وتقوم تجي ترد عليه

Quote: مافي زول في منبر أب صلعه ده بيكتب باسلوب سهل و دارجي زي هذا العبدالكريم !! كونك جبت ليك كوت كوتين ليهو فيهم كلام كبار لا يعني إنو مجمل مشاركاتو كده

وين أنا قلت مجمل مشاركاتو كدا؟
وين حاولت أثبت إنو مجمل مشاركاتو كدا؟

Quote: مرات يا الحبشي بتديني الإحساس إنك جاي زول مكاجره و دواس بلا سبب !

الإحساس شيء والإثبات بالاقتباس شيء تاني!
هل تريد أن أثبت لك خطأ إحساسك ؟

تعرف يا حبشي ممكن نخش في نقاش حول الموضوع ده يبقي بوست عديل ، لكن مافي داعي ليهو لانو ما حا نستفيد أي حاجه بغض النظر عن منو صاح و منو غلط !
الموضوع ده ندفنو هنا و نستمتع بباقي البوست . أرجو إنو كريم ما يفتح السيره دي و يواصلو لينا هو و خليل في فن الاركلوجيا !!

Quote: تقوليك عطر الأمكنة ! تقوليها رحى الحديث ؟

بمشي وبتاتي .....من المحطة لفريق القطاطي..
الاغنية الفوووق دي هي اول اغنية تمتم علي الاطلاق في السودان..
وفي هذه اللحظة والابصلمونج الاسفيري يغادر المرافي ليعلن عن عهود التمتم
من العدل تحية الرائدات ام زوايد وام بشائر

امين تحياتي وتقديري...

والنقاش مع ابو الشباب ده ممكن يطلع المناقش في ام صفقا عراض..
وانت نص عمرك ضاع لانك ما حضرت بوست شهير في هذا المنبر تم تفكيك استايله الاسفيري ده
صامولة صامولة..من حيث الاستايل والكمين والدافع وميكانيزم الكوت الاسفيري عنده اي سليمان..
وايضا هنالك بوست اخر قد يكون ساهم في ضياع نص عمرك الاسفيري.. بوست ليهو ضل واين لذينة
وهو البوست الذي غادر بعده اي سليمان ملاعب هذا المنبر ...وكان ساعتها موشحا بروح الاعتذار للجميع
وروح المطالبة من الجميع ان يسامحوه... ففعلنا...
هنالك سؤال يلوح في الافق الان لماذا عاد هذا الرجل وهو موشحا بسيرة انبعاجه السابق.. هل
1- الانتقام
2- ام ابنعاجه الذي اجبر علي الاعتذار منه (هو مجمل خطابه الاسفيري ولايستطيع العيش والعمل الاسفيري الا في ظله...!!
وان كان الامر هو رغبة الانتقام ... فليطل سؤال اساسي (كيق تعمل الية الانتقام عند الانسان بعدما قال بعضمة لسانه سامحوني)...
ما يجري من هذا الرجل هو وليمة دسمة لمعرفة اسرار النفس البشرية وتفتح بالمناسبة (كوهة دراسة وتحليل
وبحث) لعلماء النفس في كل ارجاء العالم ..تفتح لهم مساحات خضراء لدراسة (السايكو اسفير عند البني ادم عموما)... فالنموذج يعج بالكثير والمثير من منحيات النفس البشرية وتعرجاتها وحركتها ما بين
(اعتذار- تحدي- رقد قش- نفش ريش_ ثم ضحك __ثم عصلجة ثم من..)
تحياتي يا زول ..
وتمتع مع وجبة هذا البوست الذي سيسافر الي مرافي بعيدة في اركلوجيا التمتم
والابو صلمونج الاسفيري

جاءكم النور أحمد علي
http://sudaneseonline.com/forum/viewtopic.php?t=4392&sid=...6691c3202ef3c8d0c9bb

ياخليل المسكونةهي شباك الهلال :




بالله الصورة ديما تنوم بيها براك وريها لطارق الكوتش معاك ..

ازيكم ياناس البوست كلكم فردا فردا


__________

Quote: بالله الصورة ديما تنوم بيها براك وريها لطارق الكوتش معاك ..

حموده يااحمر يا وهاج تسمح لى ارد عليك واقول ليك >












قم لف ولفلف معاك هارون دياب

http://www.al-fr.net/athkar/12.htm

كنت سعيدا حين رجعت وشعري لم يبيض

خلفنا صعوبات الجبال امامنا صعوبات السهول

الكلام لمثقفاتي سابق




نقل الكاشف الغناء السوداني بكلمة واحدة


حينما قال

وحبيبنا كااااااااان ضوء القمر


هذه الجرة في كلمة كاااان هي النقلة

Quote: نقل الكاشف الغناء السوداني بكلمة واحدة حينما قال وحبيبنا كااااااااان ضوء القمر هذه الجرة في كلمة كاااان هي النقلة

وبدلوكتين تحولت لاحقا الي سبع دلاليك نقلت تومات كوستي الغناء الي مرحلة التمتم..
وبمشي وبتاتي من المحطة لفريق القطاطي كانت نقلة حقيقية في الغناء السوداني الذي صار الي ما صار اليه الان...
في فنانة كده يا ابو خليل اسمها (ام كم) 1907 دي يعتقد بانها اول من بداء الغناء بتاعة الدلوكة دي ولكن لم تجد الرواج الذي كما في حالة تومات كوستي...

وشكرا علي الكسرة الاسفيرية...!!

تندهش النوارس علي ضفاف البحار
وتراتيل الجوعي هي النشيد
تدوزن رمال البحر... وزبد البحر
ولا نشيد الا وصفدته اغلال النفس

Quote: تندهش النوارس علي ضفاف البحار وتراتيل الجوعي هي النشيد تدوزن رمال البحر... وزبد البحر ولا نشيد الا وصفدته اغلال النفس

علي ترانيم المساء

كانت تراتيل مشدوهة

عرصات وبهو

وزرقة ومدي

رحيق علي الضفة

وغبار وصدي

Quote: رحيق علي الضفة

ابندرق لو كان عندو باصوريد هنا ..
كان قاليك
شنو..؟؟
رحيق... رحيق ده في الطاحونة ياااخ..
..............
طبعا تتذكر حكايته الشهيرة في القعدة التي انشد احد افرادها
عشة كلمينا
ميري زكرينا..

وقبل ما يتم القصيدة درق مسك ليك في ميري ده قوووي...

وشبك الزول ميري...؟؟
ميري..؟؟؟
ميري دي ست عرقي يااااااخ..


ولحدي ما القعدة انتهت والقصيدة دي الناس نسوها
درق كان لسسسسسع معلق في حكاية ميري ست العرقي دي
وكل خمسة دقائق يشبك ليك المثقفاتية
ميري..؟؟
ميري..؟؟
ميري دي سسسست عرقي يااااااااخ

Quote: ولحدي ما القعدة انتهت والقصيدة دي الناس نسوها درق كان لسسسسسع معلق في حكاية ميري ست العرقي دي وكل خمسة دقائق يشبك ليك المثقفاتية ميري..؟؟

وخرج ود الربيع من الشبكة

وصار يردد عندما اصتكت السيوف لمدة نصف ساعة

Quote: اصتكت السيوف

ايووه
عندما اصتكت السيوف وارتفعت الرماح
ربيعة..
عندما اصتكت السيوف وارتفعت الرماح
ربيعة...
وهكذا

سمعت يا ابو خليل (بعلي برنجي) وعوالمه الضاجة بالكيري..
بديها لفة خلف قوس كراكير المنافي وبجي بديك دمعة علي برنجي صاحب العوالم الضاجة
بالكيري

Quote: علي ترانيم المساء كانت تراتيل مشدوهة عرصات وبهو وزرقة ومدي رحيق علي الضفة وغبار وصدي

شنو يا اخوانا قلبتوها عيد القيامة بتراتيل وشمعدانات

Quote: شنو يا اخوانا قلبتوها عيد القيامة بتراتيل وشمعدانات

هوووي يا ابو صلعة هووي
ابو خليل ده خليهو اليومين دي المفردة عندو متجلية

متابعين بنصف ابتسامة وكوم اعجاب ...

Quote: خليل وكيكي .. تعرفو انتو بترفدو القاموس الاسفيري بمصطلحات اسفيرية ذات دوزنة عالية التركيز .. وفائقة العمق ... شكلكم قريتو كتاب ( المتاوقة عبر الرقراق ) أو كتاب ( اندياح شاهق النبض ) ......... تقبلو غشوتي

هلا يا منتصر..
ويعلم الله مداخلتك دي ركبت ليها رقشة اسفيرية عشان اطلعها من جخانين البوست...
وطبعا زي ما انت شايف البوست حصلت فيهو (كيرفات) وكان فيهو كورة لب لب كده..
وكتاب اندياح شاهق النبض ده انا ما قريتو ولكن نضمي ابو خليل الشايفو ده بكون (ترس) من الكتاب ده

وانا لو لميتني في كتاب (المتاوقة عبر الرقراق ) سنة ونص ستكون المفردة الاسفيرية عندي مستحمية ولابسة نضيفة وجاية المنبر ده بدري...



وطارق جبريل اركلوجيا العذاب
والدكتور الطليعي ود المشرف سيكون لنا معهم جولات ومناظرات في الورشة التي ستمتدد حول جزئية العلاقة ما بين المثقف الطليعي واركلوجيا العذاب..
مناقشين طارق جبريل وود المشرف واخريين في ما سياتي في هذه المساحة الوريفة الشفيفة والتي تشابه العنبة الرامية جنب بيتنا..

وكل الود

Quote: أتساءل الان عن سيرورات البوست فيما سيأتى من حريق ؟.. وداعا خليل ...

دكتور مشرف

احسب ان تغبيش الوعي ضد صيرورة الاشياء

Quote: يعني يا هندسة لو الواحد مشى بهناك يمكن عادي يجي فاطي سطر

طارق جبريل



انها كرة ثلج تتدحرج او فقاعة هواء ستتمخض عن لا شي

Quote: متابعين بنصف ابتسامة وكوم اعجاب ...

منتصر لك هدية

اغنية مثقف

سرق عشقك صباحاتي مواعيد عشقي ما بتنهد

واغنية تربالة

نحاول نبرز الاخلاص وزادنا البهجة والنشوة

ونفتح في قلوب الناس مشاتل من حنان حلوة

Quote: احسب ان تغبيش الوعي ضد صيرورة الاشياء

شايفك يا خلي نفلت البوست بلغة عالية لمن بقي داير ليهو سلم..

صيرورة الازمنة واحداثيات الذاكرة


_______________________________________
بمناسبة عالية دي..
واحد من اهلنا الكزو ديل بحكي لصحبو قال ليهو
ياخي عملت لي فرن الي و الفرن قام خسر...

صحبو قال ليهو ياخي انت زااتك عاملو اليييي(يقصد عالي) ليييييه ياخ
كنت تعملو وااااتي

وهكذا

Quote: شايفك يا خلي نفلت البوست بلغة عالية لمن بقي داير ليهو سلم.. صيرورة الازمنة واحداثيات الذاكرة

نعم يا كيكي

يجب علي تيميشنكو ان تعترف بهزيمتها في انتخابات اوكرانيا


ولن تكون ثورة برتقالية

خليل الجمال
جابتنى زرزرة محمدE سليمان
للمثقفاتى كيكى

Quote: خليل الجمال جابتنى زرزرة محمدE سليمان للمثقفاتى كيكى

وشنو يدك فاضية كده اقلتها ياخي اتنهد..



تنهدات والكلام لحبوبتي..
قلنقلن عوجاء ووواحدما تجي



بتعرف القلنقلن يا بدر

Quote: ثورة برتقالية

الثورة البرتقالية والزنابق هي الرحيق

Quote: بتعرف القلنقلن يا بدر

انت زعلت يادكتور

Quote: انت زعلت يادكتور

برضو دايرني ارشك بواحد تهمة تفيد بعدم الماممك بالمحيط السوداني بتاعك..

قلنقن دي يا بدر ما كلام زعل بل هي مستلهمة من لهجة غاممضة كده في جنوب السودان وتقال للزول البنجوس

ههههههههههههههههههههههههههههههه

هلا يا دكتورة
وتحياتي
وشايف وليمة اعشاب الاسافير دي عجبتك شديد
فانداحت الهاها وتساقطت رطبا جنيا
وكل التقدير

Quote: جابتنى زرزرة محمدE سليمان للمثقفاتى كيكى

نعم يابدر الدين
محمد E اظهر مهارات عالية فى فنون الزرزرة المغلفة بادعاءات الونسة
والظرافة ولكن استشعار كيكى سارع بكشف غرض الزول دة من قولة تيت واستدعى
المدفعية وانا بصراحة بعيب عليه هذا الاسلوب الذى فهمه كل من الحبشى وملاسى
وبقت كوهة (على قولته) بهاجموه منها كيكى لو عايز يتجاوز الناس ديل اول حاجة
يتعلم البرود ويخلى الحنبكة then he should keep low profile for a while
لحد ما الجماعة ديل يشوفوا ليهم دروة تانى

ياخ ممكن ترقى لينا كيكى من مثقفاتى لمثقف ؟

Quote: ياخ ممكن ترقى لينا كيكى من مثقفاتى لمثقف ؟

اهاااااا
ده الكلام البجيب الزرزرة والزرزور زاااتو...
ياخوي خليني قاعد في محلي كعنقالي وجنقو طليعي احسن لي



___________________
حبايبي الحلوين ديل يا ود التجاني انا شافطهم شفط السنين وكل الكمونية بتاعة الكتلوج بتاعهم
موجودة عندي في دراسة باسم(الانبعاج والاحتقان الاسفيري).. وهي جاهزة للنشر في اقرب فرصة
للنقاش والتعليق والتنبيه لانو شايف البورد ده فيه جيل جديد ما حضر (الكعة ام دق) التي قمنا بنشر تلك الدراسة الاركو تفكيكية

يظل (المشكل) قائما والتقاطعات شائكة

بين النخبوي والسلطوي ولابد

من حلول براغماتية

Quote: ياخ ممكن ترقى لينا كيكى من مثقفاتى لمثقف ؟

تنهدات: ميزة كيكى الوحيدة انه صاحب خليل
وعيب خليل الوحيد انه صاحب كيكى

Quote: تنهدات: ميزة كيكى الوحيدة انه صاحب خليل وعيب خليل الوحيد انه صاحب كيكى

يقول مصطفي سيد احمد يا بدر



حبوك حب قدر الحروف الحائمة في بطن الكتب

قدر الخيال ما مد ايدو علي سحب

Quote: موجودة عندي في دراسة باسم(الانبعاج والاحتقان الاسفيري).. وهي جاهزة للنشر في اقرب فرصة للنقاش والتعليق والتنبيه لانو شايف البورد ده فيه جيل جديد ما حضر (الكعة ام دق) التي قمنا بنشر تلك الدراسة الاركو تفكيكية

كيكي

اراك تمارس الشوفونية الاسفيرية

يا كيكي وخلي
مرة في مهرجان اصيلة الثقافي كنت قاعد جنب الطيب صالح الله يرحمه
كان في واحد مثقفاتي سوداني بيتكلم عن الطناص والابستمولوجيا وحاجات كدة غُلاد غُلاد
قام الطيب صالح قال لي: انت يا طارق يا ولدي الزول دة عايز يقول شنو

Quote: تنهدات: ميزة كيكى الوحيدة انه صاحب خليل وعيب خليل الوحيد انه صاحب كيكى

دى الحياة ياخ
ابس & داونز

Quote: انت يا طارق يا ولدي الزول دة عايز يقول شنو

هلا يا اركلوجي
وزولا قطع راس الاسطوري الطيب صالح ده اكيد بكون لغتو موغلة في الاندياح والطناص..

صحبي هاشم كرار صاحب السهل الممتنع في كتابته عمل ليهو شطحة كده
قطع راسنا وحيرنا فيها عندو قصة قصيرة اسمها (بروستريكا التمباك)...

ح أقول كل حاجة ... ح أقول كل حاجة

ح أغني وأهوهو ... ح مأمأ وأصوصو ... ح نهق ونونو

لكن في النهاية .. بحب السنونو .. بحب السنونو .. بحب السنونو


إهداء لود الصائم من ( حمد ) ..

الإهداء بعد إذن صاحب البوست وكيكي ..

نبحث عن ملاذات امنة

Quote: تنهدات: ميزة كيكى الوحيدة انه صاحب خليل وعيب خليل الوحيد انه صاحب كيكى

بدر
التنهدات دي ناقصة ضروري تورينا (الكلام لمنو)..


وان لم يكون هنالك خليل لاخترعنا من نواصي مدن الجزيرة فتي واسميناها (وليدا)

Quote: والتقاطعات شائكة

ولاتزال الشواطي ترسل مزاميرها صوب شهق السفن

Quote: والتقاطعات شائكة

ولاتزال الشواطي ترسل مزاميرها صوب شهق السفن

الأخ الكريم احمد التجانى احمد
تحياتي وشكري لك مشاعرك وعلى المكالمة الطويلة بحقنا
الأخ الكريم عبدالكريم الامين احمد
تحياتي كلامك والاقتباس الجبتو صاح ماعندي اعتراض عليه
أنا فعلا اعتذرت عن غلظة غير موفقة في حوارات سابقة
الغريب والمدهش هو أنك لم تكن طرفا مباشرا في أحد هذه الحوارات .
ما اعتذرت عنه هو استخدام كلمات قاسية لا تليق (بالمناسبة لم أكن المبادر بالتعدي).
ما زلت نادما على إطلاق تلك الكلمات !
وأحرص الآن على عدم إطلاقها !
خلاف ذلك فأنا على موقفي نفسه من القضايا الحوارية التي كانت محل الخلاف.
آخر هذه القضايا كان الفتوى المكذوبة على الشيخين الخميس والغامدي!
ومن الغريب يا أخانا عبد الكريم أن الأخت الكريمة التي انبرى الناس للدفاع عن حقها
في مناقشة تلك الفتوى حتى بعد ثبوت انتحالها ، جاءت واشتكت من انتحال اسمها في السايبر!
--------------------------------------------------------------------------------------
ختاما :
“It is the ability to take a joke, not make one, that proves you have a sense of humor.”
والعفو والعافية .

اتابع هذه المساجلات الاسفيرية الممتعة
بين الشد والجذب
احس بمتعة الكلمة
كيكي سلمت يداك
السنباطي
متابع الادهاش الهندسي
محمد E
هكذا يجب ان يكون الرجل
يعرف كيف يعتذر
لكم جميعا الود

Quote: It is the ability to take a joke, not make one, that proves you have a sense of humor

no women no cry

Quote: اتابع هذه المساجلات الاسفيرية الممتعة بين الشد والجذب احس بمتعة الكلمة كيكي سلمت يداك السنباطي متابع الادهاش الهندسي

تحياتي يا حمد
وشكرا علي المرور الدافي بساحات الارائك الاسفيرية
وكل الود

Quote: والعفو والعافية .

سلام يا محمد
ومافي عوجة يا زول والله يهدينا ويهدي الجميع..
وكن بالف خير وبركة

Quote: ح أغني وأهوهو ... ح مأمأ وأصوصو ... ح نهق ونونو لكن في النهاية .. بحب السنونو .. بحب السنونو .. بحب السنونو

لووووووول
تحياتي يا فتح الرحمن محمد..
ولك الرحيق وللسنونو بساط من ارخبيل الدهشة

تعديل لزوم الانضباط الاسفيري..

Quote: تحياتي يا حمد فتح الرحمن.. ولك الرحيق وللسنونو بساط من ارخبيل الدهشة

انه ليس حمد فتح الرحمن يا انسان

بل اصاب عيونك بقايا من طشاش واصبحت الرؤية عندك ضبابية

Quote: انه ليس حمد فتح الرحمن يا انسان بل اصاب عيونك بقايا من طشاش واصبحت الرؤية عندك ضبابية

يا الله ياخي..
عفوا اخي فتح الرحمن محمد ولك العتبي حتي ترضي..
فلقد اصابني مسا من الحول واعجبو كيف بي حول..

وهي فرصة ياخ وفي حضور سيرة الاخ حمد فتح الرحمن ان نرسله التحايا تحملها من هنا
اجنحة طائر السنونو واسراب من طيور القطا وابن حبوكل

Quote: وهي فرصة ياخ وفي حضور سيرة الاخ حمد فتح الرحمن ان نرسله التحايا تحملها من هنا اجنحة طائر السنونو واسراب من طيور القطا وابن حبوكل

جندل البيدق كل الفرسان والطوابي

وبدات عورة الملك في الظهور

Quote: وبدات عورة الملك في الظهور

وهل ايعلت بيلات الملوك
ام صاحت الديوك علي نهر السلطة....؟؟؟
سؤال ميتافزيقي يفتح كوهة علي جدران الواقع السياسي المعاش..
وسطوة السلطة والثروة

Quote: سؤال ميتافزيقي يفتح كوهة علي جدران الواقع السياسي المعاش.. وسطوة السلطة والثروة

فلنمارس التداعي لتجسير الهوة

ورتق ما انفتق

كيكي فاهم حاجة

Quote: الحرية حرية القلب ضلال « في: 11 10, 2009, 05:54:58 » -------------------------------------------------------------------------------- ضلال (1) قلبي معطفكِ، وأنا جدارية نسيتْ أنْ تتقيأ الوجوهَ البليدةَ، نثرتُ هويتي في وجوهِ العابرين، فانبرى لي سأمُكِ المدونُ بهامشِ قامتي، كم منَ الأملِ اقترفنا حتى تبيَّنا القيدَ الأسودَ من سوارِ وهمٍ. (اقبلْ علي) هكذا كنتِ تطويني بين كراريسكِ، أو (متعبة أنا) هكذا كنتِ تضعيني على رفِّ المباهاة. وبينهما، كم من الضلالِ رانَ علينا، وكم من الخشيةِ نحرنا، لنعيدَ الضلع على عِوَجِهِ، دونَ أنْ تنبسَ شفتاكِ عن : هيت لك! وكم استحمَّ قلبي في وعائك، وكم من الصلوات فاتتنا لنكمل ضلالنا البهي..على حافةِ الفراقِ... وعلى نصلِ غيابٍ يبدأُ بعدَ قليلٍ، امتزجنا ككلماتٍ صادفتْ لحنها القاتلِ، فأضحتْ تميمةً منسيةً لليالٍ تهبطُ على صقعٍ بعيد. قلبي معطفك.. وأنت ضلالي الممتد، مذ تعمدت بفيضك....ومذ استقر كوكبك على مذراة قلبي...قلبي معطفكِ... وأنا أرنو إلى مصباحين أطفأتْهما أمي يومَ رحلتْ... أنيري مدلَهمَّ عمري قليلاً.. لا توبة عن ضلالٍ لم يكتملْ! تهترئُ المعاطفُ وقلبي لا يبلى، كيف لقلبٍ حي ألا يبلى! شتاءُ وجهكِ يلفعني كلّما أوقدتُ القلبَ، والقصائدُ فاكهةٌ منسيةٌ. أحتزمُ كلّ يقيني، لأجاهرَ بقلبي، فتهرولُ سفنك في رملٍ يائسٍ. أنا المنكمشُ، وصحراءٌ لا تني تمتدُّ، سنرسمُ للسرابِ جداولَ أكثر بهجة، ونزينها بشهرزاد الحكايات، سنبتذلها كل يوم ...إلى أن تحيضَ الحكايةُ، ولن ننسى الودق كلما تداعى وجه. ليبق وجهك معصيتي، وليبق اسمك تعويذة لراهب يفسق في ظل ربته، بعيداً عن الحكايات المترصدة. كم تترصدنا الحكايا...كم نفر منها... كم تتوعدنا بخلود بارد ونحن نهرع نحو جحيم التواري. منك أخرج إلى قدري، مولَغاً بمائك... يَسِمُ عمري بلهفة لا تهدأ. سأتوه في كوكبك، تسردني قُراك في بهيم ظلمتها، تعتقلني أحراشُك في حفيفها المنذر، وأسقط فيك، أهوي على سفح رغباتك، وأصعدُ اللهفة إلى أعلى الحلم...وأصدق أني كنت... ولم يكن إلاك. قلبي معطفك....أنيري مدلهم قصيدي لا يكتمل الضلال دون أغنية. سجل

Quote: رسائل: 13 على انحدار قبلة « في: 02 09, 2010, 08:15:43 » -------------------------------------------------------------------------------- كنتُ الخاسرَ الوحيد سنةٌ تعلو أخرى وَ أزيدُ هطولاً وَ لا زلتُ أودّعُ رحيلكـِ في كلِّ غروب وَ أضجُ بِـِ حضوركِ معَ كلِّ صباح لا زالت قهوتي ثملى بكِـ ,. وَ عطركـِ يتغلغلُ بينَ ثنايا قمصاني لِـ يعاكسني في أكثرِ مواقفِ حياتي جديّة مَن يزيحُ كسوفَ رحيلكـِ المرهقِ عنْ يؤيؤِ أيامي المتعبة وَ يملأُ خطواتي قوةّ الركضِ إليكـِ منْ يُسعفَ قلمي الجريحِ ِ مِن طولِ ما نزفَ على ورقٍ عاقر شوقاً إليكي كفاني عني ,.. فـَ كيفَ أنتـِ ؟ سنتيمتراً واحداً هوَ الحدُّ الفاصلُ بينَ عَرَقي وَ عطركـِ بينَ جنوني وَ تعقلّكـِ بينَ عصياني وَ تمرّدكـِ سنتيمتراً فقط كانَ كافياً لـِ يتسرّبَ الحب خارجاً وَ تملأُ العتمة زوايا المكان كنتُ ممتلأً بالغياب سابحاً في بحورِ خيبةٍ ,.. لا نجمة فيها تقودني لـِ ضفائرِ شطآنكِـ الحلمُ يتآكل وَ الشوقُ أنهكهُ الحرمان كانَ حزني كافياً لـِ أنْ أجدَ طيفكـِ دوماً بينَ أكوامِ الزحام فـَ كيفَ أنتـِ ؟ أنا كنتُ أريدُ أنْ أعودَ إلى الوراءِ قليلاً ,. لـِ أقولَ لكِـ كلاماً كثيراً منذُ زمنٍ لمْ أنعمْ أنا برفقتكِـ

Quote: والقصائدُ فاكهةٌ منسيةٌ.

يا سسسسلام علي القصائد التي صارت فاكهة منسية..

ويا سلام علي الضلال الذي لايكتمل دون اغنية

الزول ده حلق في عوالم باطريوس اله الدهشة والاندياح
وعاد الي مداراتنا بما لذا وطاب من الاركو

Quote: ويا سلام علي الضلال الذي لايكتمل دون اغنية

وكان النهر في ضلاله القديم

Quote: لو شاء الله أن ينسى انني دمية من خرق وأن يهبني حفنة حياة أخرى، سوف أستغلها بكل قواي. ربما ما قلت كل ما أفكر فيه لكنني حتماً سأفكر في كل ما سأقوله. وسأمنح الأشياء قيمتها، لا لما تمثله، بل لما تعنيه، سأنام قليلاً، وأحلم كثيراً، مدركاً أن كل لحظة نوم خسارة لستين ثانية من النور. وسوف أسير فيما يتوقف الآخرون، وسأصحو فيما الكلّ نيام، لو شاء ربي أن يهبني حفنة حياة أخرى سأرتدي ملابس بسيطة واستلقي على وجه الأرض عارياً ليس من جسدي وحسب بل من روحي أيضاً، وسأبرهن للناس كم يخطئون ..لو اعتقدوا انهم لن يكونوا عشاقاً متى شاخوا، فهم لا يدرون انهم يشيخون اذا توقفوا عن العشق. للطفـــل ســـوف أعطي الأجنحة، لكنني سأدعه يتعلّم التحليق وحده، وللكهول سأعلّمهم ان الموت لا يأتي بسبب السنّ بل بفعل النسيان. لقد تعلمت منكم كثيراً أيها البشر... تعلمت ان الجميع يريدون العيش في القمة غير مدركين ان سرّ السعادة في كيف نهبط من فوق. وتعلّمت ان المولود الجديد حين يشد على اصبع أبيه للمرّة الأولى يعني انه أمسك بها الى الأبد. تعلّمت أن الإنسان يحق له أن ينظر من فوق الى الآخر فقط حين يجب أن يساعده على الوقوف. بل تعلمت منكم أكثر! لكن، قليلاً ما سيسعفني ذلك، فما ان انهي توضيب معارفي سأكون على شفير الوداع. ...قل دائماً ما تشعر به وافعل ما تفكّر فيه.... ..لو كنت أعرف انها المرة الأخيرة أراكِ نائمة كنت آخذك في ذراعيّ وأصلّي ان يجعلني الله حارساً لروحك. لو كنت أعرف أنها دقائقي الأخيرة معك لقلت «أحبك» ولتجاهلت، بخجل، انك تعرفين ذلك. ,هناك بالطبع يوم آخر، والحياة تمنحنا الفرصة لنفعل خيراً، ..لكن لو أنني مخطئ وهذا هو يومي الأخير أحب أن أقول كم أحبك، وكم انني لن أنساكِ. .. لأن الغد ليس مؤكداً لا للشاب ولا للكهل. ربما هذا آخر يوم نرى فيه من نحب. ..فلنتصرّف، لئلا نندم لأننا لم نبذل الجهد الكافي لنبتسم، لنحنّ، لنطبع قبلة، ...أو لأننا مشغولون عن قول كلمة فيها أمل. ,احفظوا قربكم ممن يحبكم وتحبّون، قولوا لهم همساً انكم في حاجة اليهم، ,احبوهم واهتموا بهم، وخذوا الوقت الكافي كي تقولوا: نفهمكم، ,سامحونا ، من فضلكم ، شكراً، .. وكل كلمات الحب التي تعرفونها. ..لن يتذكر أحد أفكاركم المضمرة، فاطلبوا من الربّ القوة والحكمة للتعبير عنها ..وبرهنوا لأصدقائكم وأحبائكم محبتكم لهم. ........ غابرييل غارسيا ماركيز

Quote: زيتونة و"الرخمه" أوباما! يا إخوان أحد يطمنا على السيدة "زيتونة".. هل حصلت على الإقامة؟ يا حسافة فرحتنا فيك يا باراك يا ابن حسين أوباما .. طلعت "رخمه" للأسف! والله لو أن المملوحة "زيتونة" – سليلة الحسب والنسب الأوبامي – عمة لأحد الزعماء العرب لرأت الحشمة والمجد والعز الذي تحلم به: أولاً: سيتهم هذا القاضي الذي رفض منحها الإقامة بالخيانة، وسيرمى "وراء الشمس". (وراء الشمس: منطقة كونية لم تستطع وكالة ناسا الوصول إليها ولم تكتشفها سوى الأجهزة الأمنية العربية). ثانياً: ستمنح زيتونة مخططا كبيرا تبيعه لأحد الهوامير.. وتدخل عالم نساء الأعمال من أوسع الأبواب وأعلى النوافذ! ثالثاً: ستمنح أعلى وسام في البلد! رابعاًً: ستصبح المسؤولة عن أي نشاط اجتماعي وثقافي ورياضي.. وسيتسابق الكتاب العرب للحديث عن "نظرتها الثاقبة" و"فكرها العبقري" وحسن إدراكها للأمور". خامساًً: سيأتي شاعر شعبي ليقول عنها ما لم يقله أبو نواس في الفودكا، وذلك عبر قصيدة حلمنتيشية تحمل عنوان "عمة الشعب" سادساً: سيكون هنالك في كل مدينة شارع يحمل اسم "شارع زيتونة".. ويا ويل رئيس البلدية ويا سواد ليله إن لم يكن هذا الشارع مرصوفا ومنارا ومزروعا بأجمل الورود. سابعاً، ثامنا، وتاسعا، وعاشرا: ستجدون أبناء هذا القاضي، وكل من يمت له بصلة قرابة، يشحذون عند أقرب مسجد! هل قلت: لو كانت عمة أحد الزعماء؟! والله كان يكفيها أن تكون عمة وكيل وزارة فقط لتأتيها الإقامة وهي في منزلها.

انواع المتلقي


متلقي ناقد

ومتلقي رافض

ومتلقي مفاوض

الحيرة ضلال

والضلال قلق