كيف تسوّق نفسك في العمل؟ «أنا غني جدا، هل تتزوجينني؟»

Quote: كيف تسوّق نفسك في العمل؟ كان أحد الأساتذة في الجامعة يشرح لطلبته أفكاره عن التسويق بطريقة مبسطة ومعبرة فقال: إذا رأيت فتاة جميلة في حفلة‏، فذهبت إليها وقلت: «أنا غني جدا، هل تتزوجينني؟»، فهذا هو «التسويق المباشر». وإذا كنت‏ في حفلة مع مجموعة من الأصدقاء ورأيت فتاة جميلة، فذهب إليها أحد أصدقائك وقال لها: «‏هو غني جدا تزوجيه»، فهذه هي «الدعاية». وإذا رأيت فتاة جميلة في حفلة، فذهبت إليها ‏وأخذت رقم هاتفها، ثم اتصلت بها في اليوم التالي وقلت: «أنا غني جدا، تزوجيني؟»، فهذا هو «التسويق عن بعد»!. ويضيف الأستاذ إلى طلبته قائلا: وإذا كنت في حفلة ورأيت فتاة جميلة، فنهضت وعدلت ربطة ‏عنقك (أو شماغك وعقالك!)، ثم ذهبت إليها وقدمت لها بلطف عصيرا، وبعد انتهاء الحفلة أوصلتها إلى سيارتها ‏وفتحت لها الباب، وأوقعت حقيبتها عمدا فالتقطتها لها، وقلت: «بالمناسبة أنا غني، ‏هل تتزوجينني؟» فهذه هي «العلاقات العامة». أما إذا أتتك الفتاة بنفسها في الحفلة وقالت «أنت غني جدا، هل تتزوجني؟» فهذا يعني قبول أو اعتماد المنتج. ويمضي الأستاذ قائلا: إذا رأيت فتاة حسناء في حفلة فذهبت إليها وقلت «أنا غني جدا.. تزوجيني»، فما كان منها إلا ‏أن ردت عليك بصفعة قوية على وجهك، فهذا هو رد فعل الزبون. وإذا رأيت فتاة جميلة في حفلة، فجلست إلى جانبها وقلت: «أنا غني جدا، تزوجيني»، فما كان منها إلا أن ‏قدمت لك زوجها الجالس إلى جانبها، فهذه هي «الفجوة بين العرض والطلب». وإذا رأيت فتاة جميلة في حفلة، فتوجهت إليها، وقبل أن تنبس ببنت شفة سبقك شخص آخر وقال: «أنا غني هل تتزوجينني؟» ‏فذهبت معه وتركتك، فهذه هي «المنافسة التي تأكل من حصتك السوقية». أما إذا رأيت فتاة جميلة في حفلة، فذهبت ‏إليها وقبل أن تقول: «أنا غني، تزوجيني» باغتتك زوجتك فجأة بدخولها إلى القاعة!.. فماذا تسمون هذا؟ سكت الطلبة وهم ينظرون إلى أستاذهم في حيرة. فقال هذا ما يسمى بـ«معوقات ‏الدخول إلى أسواق جديدة»! لا أقصد من هذه القصة «الغربية» الترويج إلى العلاقات المحرمة بين الجنسين، (حتى لا يهاجمني البعض تاركا مغزاها)، ولكنها ذكرتني بحال كثير من الناس الذين يخطئون في فهم الطريقة المثلى لتسويق أنفسهم في العمل، حينما يستخدم أحدهم أسلوب «التسويق المباشر» في مدح نفسه وإنجازاته بالعمل أمام مديره أو زملائه من دون مبرر مقنع، ناسيا أن ما يؤثر في الناس هو «التسويق غير المباشر» أو «الدعاية» التي تأتي من ثناء الآخرين على إنجازاتنا ومجهوداتنا. ومن هذه الصور المباشرة أيضا أن يقدم أحد سيرتنا الذاتية إلى شركة مهمة ويمتدحنا فتستقطبنا للعمل لديها. إذن فالعمل الجاد المنتج هو أفضل رسالة يوصلها المرء إلى الآخرين. بعض القياديين وحتى الموظفين لديهم مقدرة كبيرة على تسويق أنفسهم من خلال بناء صورة ذهنية إيجابية عن أنفسهم وعن العاملين معهم عبر ممارسة «العلاقات العامة» الجيدة مع الآخرين، فهم يؤمنون بأنهم يتعاملون مع بشر تحركهم دوافع وانفعالات، ولذا فإن هؤلاء «الأذكياء اجتماعيا» يدركون كيف يستميلون قلوب الناس نحوهم - سواء كانوا زملاءهم أو عملاءهم - بسحر العلاقات الطيبة. ومهما كانت جهودنا جبارة في العمل ولم نتحل بهذا النوع من العلاقات الدبلوماسية فلن نجد من يهتم بنا وقت الحاجة، بل لربما يكون هؤلاء خصومنا أو أول من يفرح بفراقنا عندما يشمون خبر استقالتنا، ليس لسبب سوى أنهم صاروا يكرهوننا بسبب تعاملنا الفظ معهم. يقول خبير أميركي مخضرم في التسويق، كنت أصغي إلى ندوته في سيارتي، إن وجودك «كمتخصص» بمجال معين على المواقع الاجتماعية مثل «فيس بوك» و«تويتر» وغيرهما هو بحد ذاته «تسويق غير مباشر لك ولإنجازاتك، لأن الناس لن تكف عن الحديث طواعية عنك مع الآخرين». تسويق الإنسان لنفسه ينبع من جهده وإنتاجه وأسلوبه في التعامل مع الآخرين، فهو المستفيد أو المتضرر الأول والأخير.

إذا رأيت فتاة حسناء في حفلة فذهبت إليها وقلت لها
أنا غني جدا .. تزوجيني .. و تزوجتك .. فهذا ما يسمى:
High exit barriers

Quote: أنا غني جدا، هل تتزوجينني؟»

ودا سؤال دا ؟؟ حتى بدون جدا دى ..













ــــــــــــــــــــــــ
رغم انه السؤال يكشف عن ريالة سايلة وعبط
لكن برصو ما دايره اقرا !!

Quote: أما إذا رأيت فتاة جميلة في حفلة، فذهبت ‏إليها وقبل أن تقول: «أنا غني، تزوجيني» باغتتك زوجتك فجأة بدخولها إلى القاعة

وتزوجتك تلك الفتاة, فهذا يسمي بالتضخم...

سلامات جنى
Nice topic, i like it
الكاتب الموضوع ده منو? اكيد ما امريكي
قبل ٥ سنوات كنت على وشك الانتهاء من الماجستير و بديت افتش على شغل. واحد زميلى رسل لى مقالات و مواضيع عن كيف تعمل انترفيو لوظيفة فى امريكا. اول ما قريت المواضيع ضربت ليه تلفون قلت ليه ده بالنسبة لى Shameless Marketing
قال لى ابدا دى الطريقة الوحيده اللى مكن تلقى بيها شغل. لازم فى الانترفيو تعاينى للناس فى عيونهم و تشكرى روحك. ما تقولى انا شاطرة قولى انا مجتهدة جدا قولى انا عملت وعملت وعملت .انسى اى حاجه علموها ليك اهلك عن التواضع.
و فعلا الانترفيو فى الشركة اللى انا شغاله فيها الان عبارة عن يوم كامل من 8 صباحا بيستلموك .كل حوالى ساعة ل 45 دقيقة بتكون مع زول و بعد ما يخلص منك بيرسلك للتانى. حتى الغذاء كان انترفيو بس مع 10 انفار . فى نهاية اليوم كنت قابلت حوالى 18 من الشركة.
بعد ما ا شتغلت معاهم عرفت انهم بيعملوا كده (8 انترفيوات )عشان لو كنت بتمثل او بتكضب فى حاجه على اخر اليوم بتكون تعبت و غالبا بتنسى.
لازم تكون فعلا فاكر روحك خطر و تتكلم عن روحك بكل ثقة (Which i call (Shameless Marketing
ً

Quote: إذا رأيت فتاة جميلة في حفلة‏، فذهبت إليها وقلت: «أنا غني جدا، هل تتزوجينني؟»، فهذا هو «التسويق المباشر».

جني سلامات


الزول دا قاصد ناسنا اياهم !

Quote: Shameless Marketing

تعرفي يا اسمارت ... لامن تكون في موضع الشخص ال(بيعمل) انترفيو ... بتكون مرهق اكتر من الشخص ذات نفسو ... لانك بتحاول تقرأ تفاصيله كلها من حركات الايدي الي تقطيب/ة حواجبه/ ها يعني ببساطه كل body language عشان ما(تتوكح) بزول (تليفه) ساكت ...خاصه لو بتعمل في قطاع حكومي وصحي ...

يعني لو سوقت نفسك شنو شنو ح تتعرف ح تتعرف لزول (عزال) ...

زمان عملت كورس بتتعلم فيهو كيف تختار الشخص المناسب للحته المناسبه ...(Criterion) او(Criteria) بتاعة الكورس لقيتها اصعب من الDegrees العملتها...

Quote: ولكنها ذكرتني بحال كثير من الناس الذين يخطئون في فهم الطريقة المثلى لتسويق أنفسهم في العمل، حينما يستخدم أحدهم أسلوب «التسويق المباشر» في مدح نفسه وإنجازاته بالعمل أمام مديره أو زملائه من دون مبرر مقنع، ناسيا أن ما يؤثر في الناس هو «التسويق غير المباشر» أو «الدعاية» التي تأتي من ثناء الآخرين على إنجازاتنا ومجهوداتنا. ومن هذه الصور المباشرة أيضا أن يقدم أحد سيرتنا الذاتية إلى شركة مهمة ويمتدحنا فتستقطبنا للعمل لديها. إذن فالعمل الجاد المنتج هو أفضل رسالة يوصلها المرء إلى الآخرين.

عارف يا جني اختلاف الثقافات دا حاجة عجيبة. النصيحة دي قد تكون صالحة في ثقافتنا لكن لو الواحد عمل بيها في ثقافات تانية ما حيشتغل كله كله. على الأقل في كندا و أمريكا المعاينة بتكون وسيلة للتسويق المباشر يعني حتى لو سألوك عن حاجة ما بتعرفها ما تقول ما بعرفها قول ممكن أتعلمها زي ما قبل كدا احتجت للحاجة الفلانية و اتعلمتها. عشان تدخل معاينة هنا تحتاج تقرا كتب عن كيف تلبس و تسلم و تقعد... يعني المعاينة ببساطة مسرحية و انت لازم تجهز نفسك تكون البطل حقها.

......











سلامات يا جنى .

Quote: وإذا رأيت فتاة جميلة في حفلة، فتوجهت إليها، وقبل أن تنبس ببنت شفة سبقك شخص آخر وقال: «أنا غني هل تتزوجينني؟» ‏فذهبت معه وتركتك، فهذه هي «المنافسة التي تأكل من حصتك السوقية».

أكتر ناس حرفاء فى موضوع التسويق دا هم (الشوام)

شخصيا إستفدت منهم كتير ، فهولاء الناس عندهم قدرة رهيبة على

تقديم فسيخهم فى كبابى الشربات ، لكنهم لا ينافسون بشرف ويعرفون

كيف يلتهمون حصص الأخرين فى السوق إعتمادا على ما يسمى ( بالإسفين)

و هو مصطلح ذو أصول مصرية و يعنى تضخيم أخطاء المنافسين فى السوق

و إظهار قلة كفاءتهم.



يعنى أكان معاك ( زلم) فى الشغل أخيرلك تصاحبهم

قالوا: "المال تِلتو ولا كتِلتو" .






تحياتى.





......

سلامات يا السنوسى
كلامك صحيح مية فى المية لكن كمان انا شايفه ان الناس (الامريكان بالذات) مديين موضوع تعابير الوش و ال eye contact اكتر مما يستاهل.
بعد شغلى مع نفس الناس ب 4 سنوات ,جاء مهندس جديد و عملوا ليه المليون انترفيو وساقوه الغذا وبعد ما مشى اهله اجتمعنا عشان نقرر ح نعينه ام لا. كل الناس قالوا الولد ظريف مهذب و شاطر. واحد من المدراء قال : ايوه الزول ده شاطر لكن اصلوا ما عاين لى فى عيونى , عشان كده ما ح نعينوا. قامت انا كل شياطين الدنيا نططت قدمى ,قلت للراجل عندك اى مشكلة غير موضوع العيون ده. قال لى : لا. قلت ليه :طيب اقول ليك حاجه انا لما جيت اعمل الامترفيو بتاعى معاكم قعدت اسبوع كامل اتمرن على موضوع العيين فى العيون ده. عارف ليه ?لانه فى ثفافتى عدم احترام تعاين للناس فى عيونها. الولد ده شاطر و لطيف جدا لو لو ما ح تعينوه عشان ما بعاين فى العيون احنا الخسرانيين. الناس اقتنعوا و عينوا الولد و هسى كل الناس بتشكر فيه.
احنا شغلنا كله Team work و اهم من ان الزول يكون شاطر انه يكون لطيف و التعامل معه سهل
لما نجى نعين زول لازم يكون شاطر (ما لازم شاطر جدا) و يكون easy going

Quote: كلامك صحيح مية فى المية لكن كمان انا شايفه ان الناس (الامريكان بالذات) مديين موضوع تعابير الوش و ال eye contact اكتر مما يستاهل.

الأخت سمارت
أنا بختلف معاك هنا لأنه الموضوع موضوع ثقافة متكاملة يعني بالنسبة لزول نشأ في الثقافة دي و لما يتكلم مع الناس ما يعاين ليهم في عيونهم ببقى الاستنتاج بإنه عنده مشكلة معينة في تعامله مع الناس استنتاج مقبول.
تكوني ما قصرتي لو حكيتي لينا عن المعاينة الكان جزء منها الغدا دي... بتذكر من النصايح البنصحوها إنو الزول ما يطلب حاجة غالية شديد و ما يطلب حاجة ممكن تبهدله أثناء الأكل زي الإسباغيتي... هل شعرتي إنهم كانوا متابعين الطريقة الكنت بتاكلي بيها؟

سلامات الاخ العوض كلامك صحيح لحد ما.
الشركة اللى انا شغاله فيها شركة متوسطة (7 او 8 الف موظف) و نوع الشركات دى (والشركات الاكبر منها) بيكون فيها موظفين من كل انحاء الدنيا و كل واحد جاى بثقافتو.
الحاجه الجميلة ان الشركة بتحاول تستوعب كل زول بثقافته. و ما بيحاولوا يخلوا كل الناس تبقى نسخة من بعض او فى الحقيقة نسخة مشوهة من الرجل الابيض. لما اشتغلت معاهم اندهشت جدا من ان الشركة بتهتم جدا بالDiversity .فى الاول كنت فاكرة انهم عاوزين بس يخلو شكلهم كويس مع عامة الشعب و الحكومة. نظام احنا بنعين ناس من كل الجنسيات. لكن انت اكيد عارف ان الشركات الكبيرة دى ما بتعمل حاجه لله فى لله. تم دعوتى انى اكون عضؤ فى لجنة الDiversity فى الشركة. و فى اللجنة دى عرفت ان فى كمية من البحوث اتعملت فى الموضوع ده و الجماعة ديل لقو ان الشركة البتكون فيها ناس من ثقافات مختلفة بتكون احس و هناك اسباب كتيرة جدا. منها (و ده ممكن يكون ابسطها) ان الناس من ثقافات مختلفة بتفكر بطريقة مختلفة و بالتالى ممكن انا المراة المسلمة الجايه من العالم الثالت بكون عندى حل لمشكلة مختلف من حل الرجل الابيض اللى عمره 60 سنى من ايدهو (مثلا). ما ضرورى حلى يكون احسن لكن اكيد ح يفتح ابواب جديده فى التفكير للمشكلة.
سبب تانى ممكن اكون انا مسلمة و يكون العميل برضو مسلم...ح يكون شغلنا بروفشنال لكن ده ما بيمنع انه العميل ممكن يرتاح لى بس بالسبب ده و ممكن نبقى اصحاب وو نتلاقى فى صلاة الجمعة فى المسجد و يتونس معاى و يحكى لى عن مشاريعهم الجديده و كده. و فى امثلة و اسباب كتيرة بتخلى الشركات الكبيرة تحاول تستوعب ناس من ثقافات مختلفة و ما تحاول تغيرهم و تغير ثقافاتهم. الكلام ده طبعا فى حدود المعقول و البروفشنال.
و الكلام الفوق ده ما بيمنع ان الناس (عموما) فى امريكا بتتعامل بالثقافة الامريكية ..لكن عشان كده كل واحد فينا (موظف فى الشركة ) لازم يمشى 4 sessions بتاعة Diversity كل سنة. و فى الحصص دى بيدرسونا ان الناس مختلفة و ان الاختلاف حاجه كويسه.

المعاينة بتاعتى دى ليها حوالى 6 سنوات الان . لكن ما اظنهم اهتموا انا طلبت شنو . لانى الان بسوق ناس جداد لانترفيوا غداء و ما قاعده اهتم الزول طلب شنو و حتى لما ارجع المكتب المدراء الكبار ما قاعدين يسالونى عن الموضوع ده. احنا شركة هندسية و اهم حاجه عندنا ان الزول يكون الشغل معاه ح يكون كيف. يعنى ما يكون زول صعب و شرير و الشغل معاه ح يكون جحيم. بتذكر ان فى الغدا اغلب الاسئلة كانت عن بحثى بتاع الماجستير و عن اذا كنت ناوية ارجع السودان تانى. و عن ان خطتى شنو لل5 سنوات الجاية.
لكن فى زول قبل كده ما عيناه لانه براى ..كلامه كان كتير جدا لدرجة انه ما هبش اكله نهائي..كلام كلام كلام. الجماعة قالوا ما بيستحملوا برى ذى ده. و خاصة انو نص الكلام قال مرتين بانه زول ما ذكى. كل اللى كانوا قاعدين فى الغدا قالوا :ليه قال بانه ما ذكى؟ اكيد ما واثق من روحه.



جنى معليش يا اخى ..استلمت البوست. بعدين انا مش رسلت ليك موضوع عن الاديان فى الفيس بوك ..ما هببتتنى فيه ليه...؟

Quote: Quote: أنا غني جدا، هل تتزوجينني؟ ودا سؤال دا ؟؟ حتى بدون جدا دى .. ــــــــــــــــــــــــ رغم انه السؤال يكشف عن ريالة سايلة وعبط لكن برصو ما دايره اقرا !!

الافتراض مشروط يا دينا :

Quote: إذا رأيت فتاة جميلة في حفلة‏، فذهبت إليها وقلت: «أنا غني جدا، هل تتزوجينني؟»