Post: #1
Title: حركات دارفـور - فصائل المعارضة .. مع من انتم ..!؟؟
Author: Tabaldina
Date: 02-24-2010, 10:08 PM
Parent: #0
..
.
اقصد بحركات دارفور فصائل المعارضة
الاخوة المناضلين المعارضين واخص بهذاالسؤال
الاخت الاستاذة / تراجى مصطفى ابوطالب _ المعارضة بهاملتون_
والاخ الاستاذ / محمد سليمان - المعارض بكاليفورنيا
فعندما وقع منى اركوى مناوى - حركة تحرير السودان
اتفاقا مع الحكومة .. رفض الاخوة المعارضين هذا الاتفاق
وابانوا موقفهم ..
الان ..
وقعت حركة العدل والمساواة .. خليل ابراهيم
اتفاقا ثانيا مع الحكومة .. لاقى الترحيب من البعض
والصمت المطبق من ابناء دارفور بفصيلهم الزغاوى
والفوراوى .. ومجموعات اخر
ولم يتبق لهولاء المناضلين الا الجناح الثانى لحركة جيش التحرير وهو جناح
عبدالواحد محمد نور ..وعدد من الجماعات التى تصف نفسها بفصائل
ومسميات عديدة
ولكن يبدو جلياً ان هذا الاتفاق لم يرض طموحات
تراجى ومحمد سليمان وعلى ما يبدو محمدين اسحق
والله اعلم ..
ويا ريت لو نعرف ماهى أرائهم وتصوراتهم للمرحلة القادمة
--------
حضوركم يشرفنا ؛
|
Post: #2
Title: Re: حركات دارفـور - فصائل المعارضة .. مع من انتم ..!؟؟
Author: Tabaldina
Date: 02-24-2010, 10:13 PM
Parent: #1
..
.
حرقت لى بوستى يا بشير
تضامنوا مع عبدالواحد محمد نور...
--------
ما مشكلة نقرا هنا ونتضامن هناك
|
Post: #3
Title: Re: حركات دارفـور - فصائل المعارضة .. مع من انتم ..!؟؟
Author: ذواليد سليمان مصطفى
Date: 02-24-2010, 11:12 PM
Parent: #2
هم ...ومن هم
ومن وهؤلاء
|
Post: #4
Title: Re: حركات دارفـور - فصائل المعارضة .. مع من انتم ..!؟؟
Author: العوض المسلمي
Date: 02-25-2010, 00:01 AM
Parent: #3
ننتظر معك يا تبلدينا تشريفهم ..
وان لم ياتوا حتي غدا فمن حقنا ان نقول رائنا ولا شنو ؟؟
__________________________________________
من اصبحت يتيم شلت همك ..
|
Post: #5
Title: Re: حركات دارفـور - فصائل المعارضة .. مع من انتم ..!؟؟
Author: Tragie Mustafa
Date: 02-25-2010, 00:06 AM
Parent: #3
يا تبلدينا سلام
نحن مع انسان دارفور الاغبش المغيب من كل هذه الاتفاقيات.
نحن مع الاتفاقيات العادله و الغير مرغمين الناس على توقيعها
بضغوط من المناديب الامريكان.
ابوجا صنعها روبرت زوليك وضغط لتوقيعها فانهارت دفاعات مناوي
واليوم الدوحه يصنعها اسكوت قريشن وانهارت امام ضغوطه العدل و المساواة
اولا وهاهي مجموعة التجاني سيسي في طريقها للانهيار اقصد التوقيع الغير عادل.
يا تبلدينا انت ادرى مشكلة دارفور هي مثل مشكلة السودان
اوتذكر قول القذافي ان:(الشعب السوداني شعبا عملاق يتقدمه اقزام)
هذا نفس الحال بقيادات دارفور
القضيه عادله
الاهتمام العالمي جيد
الشعب دفع ثمنا باهظا.
لكن القيادات قزمه لا ترى ابعد من انفها ومصالحها.
لذا ضيعوا القضيه وسيضيعون تباعا كما حدث لمناوي.
اسلامي دارفور لازم يفهموا بانهم ليسو اخطر باي حال من اسلامي الجلابه
وزي ما ادوهم سيك سابقا...هاهم وبعد اكثر من 10 سنوات و6 من انهار الدماء
برضو اخدو سيك ثاني!
علماني دارفور موجودين واصلين وكثر...الاصلين منهم لم يشاركوا بعد
في كل هذه المهازل
والمتشبرين في العلمانيه امثال عبد الواحد لم ينجحوا في
ادارة الامور بالشكل المطلوب
فخسروا المعركه.
عبد الواحد انغلق في قبليته( ولا يوجد علماني أصيل قبلي)....فخسر
بقية علماني دارفور ولم ينجح في الاحتفاظ حتى بعلماني الفور لانه
ظل يخلط بين العلمانيه و القبليه العمياء.
قلنا لهم من الاول تعلموا من تجربة الحركه الشعبيه....ابعدوا القلبيه عنكم
واحرصوا على المؤسسيه لانه وفاة د.جون قرنق شلت الحركه الشعبيه!!
لكن تقول لمنو؟؟؟
الجميع عملوا صم.وهاهي النتيجه.
الناس ما محبطه...وهذه الاتفاقيات الهزيله لن تحقق لا عداله ولا قصاص
لاهل دارفور.....!
اهل دارفور لم يثور بل ثار اهل الحركات وهاهم حقق بعضهم امنياتهم
اهل دارفور الحقيقين دفعوا الثمن فقط بفقد فلزات اكبادهم وابائهم وامهاتهم
هؤلاء الاطفال هم الثوار الحقيقين ولن يقبلوا بكل ما تم وكل ما جرى
فلا تقلق...نحن مرابضين بخندق الحق ولا نبيع دماء هؤلاء الابرياء.....
ولي عوده.
|
Post: #6
Title: Re: حركات دارفـور - فصائل المعارضة .. مع من انتم ..!؟؟
Author: العوض المسلمي
Date: 02-25-2010, 00:27 AM
Quote: بضغوط من المنديب الامريكان.
ابوجا صنعها روبرت زوليك وضغط لتوقيعها فانهارت دفعات مناوي
واليوم الدوحه يصنعها اسكوت قريشن وانهارت امام ضغوطه العدل و المساواى |
شنوووووو؟؟ ما سامع !!
يا تراجي خليك صادقة مع نفسك , مااياهم الامريكان الذين هللتي وجوطتي المنابر لما العجاجة ضربت السماء , جايه هسي تقول كده ؟
ما هي الادارة الامريكية التي قلنا ليكم ما بتغير شئ فقامت القيامة .اياهو اوباما يا تراجي فلا تغضبي ...
Quote: والمتشبرين في العلمانيه امثال عبد الواحد لم ينجحوا في ادارة الامور بالشكل المطلوب
فخسروا المعركه |
اها يا تراجي كمان ده اخر زول ما صالح الحكومة وده رائك فيه !!
Quote: لكن القيدات قزمه لا ترى ابعد من انفها ومصالحها.
لذا ضيعوا القضيه وسيضيعون تباعا كما حدث لمناوي. |
تراجي انتي لابعجبك العجب ولا الصيام في رجب؟؟
تراجي وتبلدينا مساكم الله بالخير ..
|
Post: #7
Title: Re: حركات دارفـور - فصائل المعارضة .. مع من انتم ..!؟؟
Author: الشفيع وراق عبد الرحمن
Date: 02-25-2010, 00:45 AM
Parent: #6
بالعربي كدهـ يا تراجي قولي نحن مع من لم ولن يوقع
صدقيني يا تراجي
قلت وساقول
الكل سيوقع
قبل شهرين:
حقكم راح يا ناس محمد سليمان وتراجي وكل تاجر بقضية دارفور
إذن
سيبقى فقط بعض قطاع الطرق والمرتزقة والمتسولين (في الميدان)
............................ومرتادي الفنادق (خارج السودان)
فهل ستبقي معهم
مشكور يا تبلدينا
|
Post: #8
Title: Re: حركات دارفـور - فصائل المعارضة .. مع من انتم ..!؟؟
Author: Tragie Mustafa
Date: 02-27-2010, 08:35 AM
Parent: #7
الغريبه تبيلدنا هجر البوست بتاعه.
|
Post: #9
Title: Re: حركات دارفـور - فصائل المعارضة .. مع من انتم ..!؟؟
Author: Tragie Mustafa
Date: 02-27-2010, 08:49 AM
Parent: #6
يا شيخ عوض
كدي عدل الاخطاء الفي الاقتباسات
وكمل معاي.
Quote:
كتبت تراجي:
Quote: بضغوط من المناديب الامريكان.
ابوجا صنعها روبرت زوليك وضغط لتوقيعها فانهارت دفاعات مناوي
واليوم الدوحه يصنعها اسكوت قريشن وانهارت امام ضغوطه العدل و المساواة |
ورد العوض المسلمي:
شنوووووو؟؟ ما سامع !!
يا تراجي خليك صادقة مع نفسك , مااياهم الامريكان الذين هللتي وجوطتي المنابر
لما العجاجة ضربت السماء , جايه هسي تقول كده ؟
ما هي الادارة الامريكية التي قلنا ليكم ما بتغير شئ فقامت القيامة .اياهو
اوباما يا تراجي فلا تغضبي ... |
لا يا حبيب ما ياهم الامريكان
نحن من زمان قلنا لكم بنراهن على الناطشين الامريكان
مش جماعات المصالح الامريكيه!
اوباما يا حبيب لسه ما بغضب منه بس قريشن الكذاب بجيب له تقارير مفبركه
وبيلفق ولعلمك بمساعدة دارفورين هم مستشاريه,
Quote:
وكتبت تراجي:Quote: والمتشبرين في العلمانيه امثال عبد الواحد لم ينجحوا في
ادارة الامور بالشكل المطلوب
فخسروا المعركه |
ورد العوض المسلمي:
اها يا تراجي كمان ده اخر زول ما صالح الحكومة وده رائك فيه !! |
عاد اكذب يا حاج عوض؟؟!!
ما قلت لك شعب عملاق يتقدمه اقزام!
والا فمال الذي يحدث مع عبد الواحد؟؟مافي زول فاهم؟؟!!
Quote:
وكتبت تراجي:Quote: لكن القيادات قزمه لا ترى ابعد من انفها ومصالحها.
لذا ضيعوا القضيه وسيضيعون تباعا كما حدث لمناوي. |
ورد العوض المسمي:
تراجي انتي لابعجبك العجب ولا الصيام في رجب؟؟ |
تخيل انا عجبي ساهل الا دي قضية اقليم كامل دفع ثمنها البعض من دمائهم
فلا مجاملة فيها.
كن بخير.
|
Post: #10
Title: Re: حركات دارفـور - فصائل المعارضة .. مع من انتم ..!؟؟
Author: العوض المسلمي
Date: 03-01-2010, 11:17 AM
Parent: #9
معاك يا تراجي والف سلام
Quote: نحن من زمان قلنا لكم بنراهن على الناطشين الامريكان
مش جماعات المصالح الامريكيه! |
والفرق شنو يعني ؟؟
Quote: تخيل انا عجبي ساهل الا دي قضية اقليم كامل دفع ثمنها البعض من دمائهم
فلا مجاملة فيها. |
اتفق معاك تماما ..
|
|