Post: #1 Title: إرهابى أمريكى أبيض يفجر طائرته الخاصة فى مبنى إدارة الضرائب أنتقاماً .. وأخرس الميديا صمتاً! Author: بريمة محمد Date: 02-20-2010, 02:57 PM
قاد الرجل طائرته بعد أن حشاها بعبوات ناسفه .. وقد أحدث التفجر حرائق تعالى دخانها فى السماء .. وقتل شخصين وجرح عدد كبير من المصابين ..
الميديا فى أمريكا أعتبرت الرجل غاضب على إدارة الضرائب .. وأن المذكرات التى تركها فى الأنترنت .. قائلاً فيها أن قضيته مع إدارة الضرائب لا حل لها غير الحسم .. إنها إشارة إلى أن الرجل يحمل ضغينة ضد إدارة الضرائب ..
وهذا هو الكيل بمكيالين .. أن الأرهاب لا لون له ولا دين له .. ومن أيهمها أتى يجب أن يدان بأنه أرهابى .. وأن لا تتعدى الأدانة مرتكب الجرم
والأن هل يصبح البيض أرهابيون بفعل هذا الرجل .. كما يحصل للمسلمين بفعل بعض الأهاربين منهم؟
بريمة
Post: #2 Title: Re: إرهابى أمريكى أبيض يفجر طائرته الخاصة فى مبنى إدارة الضرائب أنتقاماً .. وأخرس الميديا صمتاً Author: عمر عبد الله فضل المولى Date: 02-20-2010, 03:05 PM Parent: #1
الحبيب المهندس بريمة ايها الرجل الصادح دائما بالحق لك التحيات الطيبات
الارهاب لا لون له فاي شخص ومن اي ديانة ومن اي دولة يمكن ان يكون ارهابي وعلى راس هؤلاء بوش الاكبر والاصغر .
Post: #4 Title: Re: إرهابى أمريكى أبيض يفجر طائرته الخاصة فى مبنى إدارة الضرائب أنتقاماً .. وأخرس الميديا صمتاً Author: بريمة محمد Date: 02-20-2010, 03:10 PM Parent: #2
الحبيب عمر سلامات
قام الأرهابى .. بحرق منزله قبل التوجه إلى المطار ليفجر طائرته الخاصة فى مبنى إدارة الضرائب .. الغريب فى الأمر أن اليمين المتطرف أعتبر الرجل بمثابة البطل .. !
بريمة
Post: #3 Title: Re: إرهابى أمريكى أبيض يفجر طائرته الخاصة فى مبنى إدارة الضرائب أنتقاماً .. وأخرس الميديا صمتاً Author: عبد الحكيم نصر Date: 02-20-2010, 03:05 PM Parent: #1
ومن أيهمها أتى يجب أن يدان بأنه أرهابى
اعــــــــــــــد
قاد الرجل طائرته بعد أن حشاها بعبوات ناسفه
دي لغة وين دي؟
Post: #5 Title: Re: إرهابى أمريكى أبيض يفجر طائرته الخاصة فى مبنى إدارة الضرائب أنتقاماً .. وأخرس الميديا صمتاً Author: بريمة محمد Date: 02-20-2010, 03:15 PM Parent: #3
صورة الأرهابى جو إستاك .. الذى فجر مبنى الضرائب الفدرالية فى ولاية تكساس ..
بريمة
Post: #6 Title: Re: إرهابى أمريكى أبيض يفجر طائرته الخاصة فى مبنى إدارة الضرائب أنتقاماً .. وأخرس الميديا صمتاً Author: بريمة محمد Date: 02-20-2010, 03:21 PM Parent: #5
Post: #7 Title: Re: إرهابى أمريكى أبيض يفجر طائرته الخاصة فى مبنى إدارة الضرائب أنتقاماً .. وأخرس الميديا صمتاً Author: rani Date: 02-20-2010, 03:23 PM Parent: #5
Post: #8 Title: Re: إرهابى أمريكى أبيض يفجر طائرته الخاصة فى مبنى إدارة الضرائب أنتقاماً .. وأخرس الميديا صمتاً Author: بريمة محمد Date: 02-20-2010, 03:30 PM Parent: #7
Post: #9 Title: Re: إرهابى أمريكى أبيض يفجر طائرته الخاصة فى مبنى إدارة الضرائب أنتقاماً .. وأخرس الميديا صمتاً Author: بريمة محمد Date: 02-20-2010, 03:42 PM Parent: #8
رانى
شكراً على أحضار الفيديو للتوثيق لهذه المفارقات العجيبة .. كيف يكون الأرهاب إن لم يكن الرجل إرهابى؟
وذهبوا لتوصيفه بأنه بطل .. ويجب تذكره !!!
بريمة
Post: #10 Title: Re: إرهابى أمريكى أبيض يفجر طائرته الخاصة فى مبنى إدارة الضرائب أنتقاماً .. وأخرس الميديا صمتاً Author: rani Date: 02-20-2010, 03:45 PM Parent: #7
He is what? Hero what's the F... are you talking about? He murdered innocent people and you calling him a "Hero". He's just a crap of ####, if he decided to go he should go by himself, he doesn't need to take innocent people with him. He is sick, and you are the same ####, you calling him hero. go find a life instead of making this kind of crap videos. he is a murder and nothing else.
Post: #11 Title: Re: إرهابى أمريكى أبيض يفجر طائرته الخاصة فى مبنى إدارة الضرائب أنتقاماً .. وأخرس الميديا صمتاً Author: rani Date: 02-20-2010, 03:54 PM Parent: #10
Quote: رانى
شكراً على أحضار الفيديو للتوثيق لهذه المفارقات العجيبة .. كيف يكون الأرهاب إن لم يكن الرجل إرهابى؟
وذهبوا لتوصيفه بأنه بطل .. ويجب تذكره !!!
بريمة
سلامات بريمة عارف المتخلف العامل الفيديو دا. هو نفسو ذول مريض. يطلق علي قاتل بطل . كيف يكون بطل وهو قاتل ابرياء لا زنب لهم ... ادخل البروفايل بتاع الغبي العامل الفيديو دا عشان تتاكد انو دا واحد مريض لاغير.
شكراً بريمة لفتح البوست
Post: #13 Title: Re: إرهابى أمريكى أبيض يفجر طائرته الخاصة فى مبنى إدارة الضرائب أنتقاماً .. وأخرس الميديا صمتاً Author: عمار محمد حامد Date: 02-20-2010, 04:11 PM Parent: #11
Quote: ومن أيهمها أتى يجب أن يدان بأنه أرهابى
اعــــــــــــــد
قاد الرجل طائرته بعد أن حشاها بعبوات ناسفه
دي لغة وين دي؟
يا وهم والله فضيحة البتعمل فيهو ده امشي اتعلم الكتابة اولا وتعال انقل الاخبار .انت ليه بليد كده في العربي ؟إملاء صفر.صياغة لغوية .صفر. نحو صفر.معلومات عامة صفر.حتي التاريخ صفر .
بس انت لو ما عندك بكري بداريك وبيمسح اي حاجة ضدك والله امسح بيك الارض
Post: #12 Title: Re: إرهابى أمريكى أبيض يفجر طائرته الخاصة فى مبنى إدارة الضرائب أنتقاماً .. وأخرس الميديا صمتاً Author: بريمة محمد Date: 02-20-2010, 04:01 PM Parent: #10
رانى
هدأ بالك وأفهم عنوان بوستى ..
Quote: He is what? Hero what's the F... are you talking about? He murdered innocent people and you calling him a "Hero". He's just a crap of ####, if he decided to go he should go by himself, he doesn't need to take innocent people with him. He is sick, and you are the same ####, you calling him hero. go find a life instead of making this kind of crap videos. he is a murder and nothing else
الفيديو الذى أتيت به .. هل أستمعت له قبل أن توضعه هنا .. !!! ماذا قال فيه الشخص .. ألم يقل أن جو أستاك بالنسبة له بطل .. ويجب تذكره هكذا!! ثم ثانياً لماذا أستعمال F word فى حقى هل لديك مشكلة شخصية معى .. فقط أريد أن أعرف?
بريمة
Post: #14 Title: Re: إرهابى أمريكى أبيض يفجر طائرته الخاصة فى مبنى إدارة الضرائب أنتقاماً .. وأخرس الميديا صمتاً Author: JOK BIONG Date: 02-20-2010, 04:16 PM Parent: #12
بريمة جيت!!! سلام جوك
Post: #15 Title: Re: إرهابى أمريكى أبيض يفجر طائرته الخاصة فى مبنى إدارة الضرائب أنتقاماً .. وأخرس الميديا صمتاً Author: بريمة محمد Date: 02-20-2010, 04:17 PM Parent: #12
Quote: بس انت لو ما عندك بكري بداريك وبيمسح اي حاجة ضدك والله امسح بيك الارض
معقولة بس يا عمار .. تتهم زول مثل بكرى بأنه يقف معى ضدكم .. ؟؟
يا أخى أنتم ناس فطاير ساكت ..
بريمة
Post: #16 Title: Re: إرهابى أمريكى أبيض يفجر طائرته الخاصة فى مبنى إدارة الضرائب أنتقاماً .. وأخرس الميديا صمتاً Author: عبد الحكيم نصر Date: 02-20-2010, 04:20 PM Parent: #15
تعرف يا بريمة الزول ده يكون يهودي؟ زينا كده؟ انت مش قلت النوبيين يهود؟
Post: #17 Title: Re: إرهابى أمريكى أبيض يفجر طائرته الخاصة فى مبنى إدارة الضرائب أنتقاماً .. وأخرس الميديا صمتاً Author: بريمة محمد Date: 02-20-2010, 04:21 PM Parent: #15
جوك
Quote: بريمة جيت!!! سلام جوك
مرحب بيك .. وجيداً جيت ..
بريمة
Post: #19 Title: Re: إرهابى أمريكى أبيض يفجر طائرته الخاصة فى مبنى إدارة الضرائب أنتقاماً .. وأخرس الميديا صمتاً Author: عبد الحكيم نصر Date: 02-20-2010, 04:28 PM Parent: #17
Quote: يا أخى أنتم ناس فطاير ساكت ..
كيف فطاير يعني؟
ياخي عملت لينا اهباط والله
Post: #20 Title: Re: إرهابى أمريكى أبيض يفجر طائرته الخاصة فى مبنى إدارة الضرائب أنتقاماً .. وأخرس الميديا صمتاً Author: JOK BIONG Date: 02-20-2010, 04:29 PM Parent: #17
Quote: مرحب بيك .. وجيداً جيت ..
بريمة
ظاهر عليك تلفونك بتاع زمان اتغير.. اتصلت بك وما في زول رفع سماعة؟!!! تحيات جوك
Post: #21 Title: Re: إرهابى أمريكى أبيض يفجر طائرته الخاصة فى مبنى إدارة الضرائب أنتقاماً .. وأخرس الميديا صمتاً Author: بريمة محمد Date: 02-20-2010, 04:33 PM Parent: #17
حكيم
لو لديك رأى مرحب به ..
ما تحرق أعصابك معى .. أنت ح تجن يا زول ..
بريمة
Post: #23 Title: Re: إرهابى أمريكى أبيض يفجر طائرته الخاصة فى مبنى إدارة الضرائب أنتقاماً .. وأخرس الميديا صمتاً Author: Tragie Mustafa Date: 02-20-2010, 04:40 PM Parent: #17
بريمه شكرا لك للكتابه عن الرجل المعتوه هذا
وارى انك وراني لستو مختلفين أقرأ رد راني بالعربي
كتب بريمه:
Quote:
Quote: رانى
شكراً على أحضار الفيديو للتوثيق لهذه المفارقات العجيبة .. كيف يكون الأرهاب إن لم يكن الرجل إرهابى؟
وذهبوا لتوصيفه بأنه بطل .. ويجب تذكره !!!
بريمة
رود راني لبريمه:
سلامات بريمة عارف المتخلف العامل الفيديو دا. هو نفسو ذول مريض. يطلق علي قاتل بطل . كيف يكون بطل وهو قاتل ابرياء لا زنب لهم ... ادخل البروفايل بتاع الغبي العامل الفيديو دا عشان تتاكد انو دا واحد مريض لاغير.
شكراً بريمة لفتح البوست
يبقى انتو االثنين ما مختلفين.
ثانيا: رجاء الاخوة الشكلهم عندهم غبائن قديمه مع بريمه
ليتنا نتعلم مقولة لكل مقام مقال.....
اختلافاتكم القديمه مع بريمه انا مثلكم اختلف معه ببعض الرؤي لكن بنخبر البوستات للقراء لما نحمل خلافتنا ونحوم بيها. عيب كده وحياتك.
والمنبر مليء بالاخطاء والاملائيه و الطباعيه....يعني جاءت على بريمه؟؟!!
رجاء ركزوا في موضوع البوست.
نرجع لموضع البوست
عارف يا بريمه هذا اليمين المتخلف لو اتيح لهم اي نقد لسياسة اوباما حيفعلوا فلا تهتم بهم هم تجار سياسيه.
Post: #25 Title: Re: إرهابى أمريكى أبيض يفجر طائرته الخاصة فى مبنى إدارة الضرائب أنتقاماً .. وأخرس الميديا صمتاً Author: عبد الحكيم نصر Date: 02-20-2010, 04:48 PM Parent: #23
استاذة تراجي سلام
Quote: رجاء الاخوة الشكلهم عندهم غبائن قديمه مع بريمه
ليتنا نتعلم مقولة لكل مقام مقال.....
اختلافاتكم القديمه مع بريمه انا مثلكم اختلف معه ببعض الرؤي لكن بنخبر البوستات للقراء لما نحمل خلافتنا ونحوم بيها. عيب كده وحياتك.
والمنبر مليء بالاخطاء والاملائيه و الطباعيه....يعني جاءت على بريمه؟؟!!
بريمة وبشاشا عندما تعمدوا اكراه النوبيين في بوست تعارف لم اراك تقفين في جانبنا ما الجديد اليوم؟ ام ان بوست النوبيين ليس به قراء؟ علي فكرة الغبائن دي ما قديمة وكل ما عليك الدخول لبوست النوبيين لترين افعال بريمة وصفنا باليهود والابارتايد
Post: #18 Title: Re: إرهابى أمريكى أبيض يفجر طائرته الخاصة فى مبنى إدارة الضرائب أنتقاماً .. وأخرس الميديا صمتاً Author: عمار محمد حامد Date: 02-20-2010, 04:28 PM Parent: #15
Quote: يا أخى أنتم ناس فطاير ساكت ..
قاصد منو بأنتم ؟انت عارف يا العشا بلبن انت الظاهر عليك زول دلاهة وعلي نياتك وزول يعني ممكن نتسلي بيك لما الواحد يكون زهجان
وانا يا زول بعتذر ليك علي كلمة معفن ما المفروض اقولها ليك لكن عندك هبالة مبالغة وكمان بليد في العربي بصورة رهيبة
Post: #22 Title: Re: إرهابى أمريكى أبيض يفجر طائرته الخاصة فى مبنى إدارة الضرائب أنتقاماً .. وأخرس الميديا صمتاً Author: عبد الحكيم نصر Date: 02-20-2010, 04:33 PM Parent: #18
المشكلة يا عمار عامل فيها زول مفتح بالله شوف الكلام الفوق ده عدل مرتين وغلطان الغلطة المهببة دي
ودي الضربة القسمت ظهر البئير
Post: #24 Title: Re: إرهابى أمريكى أبيض يفجر طائرته الخاصة فى مبنى إدارة الضرائب أنتقاماً .. وأخرس الميديا صمتاً Author: عمار محمد حامد Date: 02-20-2010, 04:46 PM Parent: #22
حكيم مسقامي .
الزول ده بالجد عندو عقدة نقص و الهبالة دي كلها نتيجة لهذه العقدة والله انا بقيت احن عليهو شديد بس هو داير يعمل فيها شفت علينا
Post: #27 Title: Re: إرهابى أمريكى أبيض يفجر طائرته الخاصة فى مبنى إدارة الضرائب أنتقاماً .. وأخرس الميديا صمتاً Author: بريمة محمد Date: 02-20-2010, 04:50 PM Parent: #24
جوك سلام
Quote: ظاهر عليك تلفونك بتاع زمان اتغير.. اتصلت بك وما في زول رفع سماعة؟!!! تحيات جوك
راجع الماسنجر .. فى أنتظارك
بريمة
Post: #28 Title: Re: إرهابى أمريكى أبيض يفجر طائرته الخاصة فى مبنى إدارة الضرائب أنتقاماً .. وأخرس الميديا صمتاً Author: عمار محمد حامد Date: 02-20-2010, 04:57 PM Parent: #24
Quote: والمنبر مليء بالاخطاء والاملائيه و الطباعيه....يعني جاءت على بريمه؟؟!!
رجاء ركزوا في موضوع البوست.
تراجي يا حبيبة الشعب .والله ما في اي زول عندو طغينة منو وما في زول داير مشكلة معاه انا قاصد النوبيين بس الزول ده بيجيب اخبار ومواضيع هو ما عندو بيها لا علم ولا فكر ولا مضمون .وخاتي نقره معانا واي زول بيغلط معانا يتحمل نتيجة غلطو
والقصة ما اخطاء املائية بس اي واحد بيغلط. لكن هو العربي قراه من الشباك
Post: #29 Title: Re: إرهابى أمريكى أبيض يفجر طائرته الخاصة فى مبنى إدارة الضرائب أنتقاماً .. وأخرس الميديا صمتاً Author: عبد الحكيم نصر Date: 02-20-2010, 04:57 PM Parent: #24
Quote: الزول ده بالجد عندو عقدة نقص و الهبالة دي كلها نتيجة لهذه العقدة والله انا بقيت احن عليهو شديد بس هو داير يعمل فيها شفت علينا
عمار يعني نعتقه؟ طيب منو الحيصلح ليهو غلطاته الاملائية؟
طيب يا بريمة ودعناك الله اعفو عننا انا عافي منك غايتو دنيا وآخرة واعتبر مداخلاتنا دي محبة وعربون صداقة لا تمحيها مضاربات البورد
اسمع سلم لي علي البئير الضهره مقسوم
Post: #26 Title: Re: إرهابى أمريكى أبيض يفجر طائرته الخاصة فى مبنى إدارة الضرائب أنتقاماً .. وأخرس الميديا صمتاً Author: ذواليد سليمان مصطفى Date: 02-20-2010, 04:48 PM Parent: #3
Quote: قاد الرجل طائرته بعد أنحشاها بعبوات ناسفه
هذه حشوة
Quote: دي لغة وين دي؟QUOTE]d]
ولكن اللغة لغة سليمة
وانتم الاعراب الناطقين بها
ونحن غير ناطقين بها
شكراً بريمة لايردادك الخبر
وهذا قوماً لايفقهون
فانت اوجزت فلك الشكر
Post: #30 Title: Re: إرهابى أمريكى أبيض يفجر طائرته الخاصة فى مبنى إدارة الضرائب أنتقاماً .. وأخرس الميديا صمتاً Author: Abureesh Date: 02-20-2010, 05:02 PM Parent: #26
بريمة سلامات..
بعد الزول الحاول يفجر جزمتو، بقوا يخلوا الناس تقلع جزمها فى المطار
والنجيرى الفجر حاجة فى بطنو، إخترعوا شئ يوضح اى حاجة فى البطن
ومع تفجيرات سبتمبر ما يخلوا زول يشيل موس واللا مقص.. وأى زول دارس طيران عندهم فى القائمـة
دحين الزول دا قالوا مهندس برمجة.
Post: #31 Title: Re: إرهابى أمريكى أبيض يفجر طائرته الخاصة فى مبنى إدارة الضرائب أنتقاماً .. وأخرس الميديا صمتاً Author: بريمة محمد Date: 02-20-2010, 05:03 PM Parent: #26
تراجى
Quote: اختلافاتكم القديمه مع بريمه انا مثلكم اختلف معه ببعض الرؤي لكن بنخبر البوستات للقراء لما نحمل خلافتنا ونحوم بيها. عيب كده وحياتك.
تذكرى يا تراجى بوستك فى نيوسودان .. عن الجماعة بقولوا عن البقارة شنو؟
منذ ذاك الوقت .. كل يوم واقع لى فى لقم عيار تقيل!
الأختلاف سنة الديمقراطية .. ولا يعرف قيمته من لم يذق طعم طعمها ..
بريمة
Post: #33 Title: Re: إرهابى أمريكى أبيض يفجر طائرته الخاصة فى مبنى إدارة الضرائب أنتقاماً .. وأخرس الميديا صمتاً Author: بريمة محمد Date: 02-20-2010, 05:08 PM Parent: #31
باشمهندس أبوالريش
Quote: دحين الزول دا قالوا مهندس برمجة.
تصدق مت من الضحك .. يا أخى الما عندها ضنب بحاحى لها ربها ..
بريمة
Post: #34 Title: Re: إرهابى أمريكى أبيض يفجر طائرته الخاصة فى مبنى إدارة الضرائب أنتقاماً .. وأخرس الميديا صمتاً Author: عبد الحكيم نصر Date: 02-20-2010, 05:09 PM Parent: #31
كل يوم واقع لى فى لقم عيار تقيل!
اها يا ذو اليد دي سليمة دي
Post: #32 Title: Re: إرهابى أمريكى أبيض يفجر طائرته الخاصة فى مبنى إدارة الضرائب أنتقاماً .. وأخرس الميديا صمتاً Author: عبد الحكيم نصر Date: 02-20-2010, 05:04 PM Parent: #26
Quote: ولكن اللغة لغة سليمة
وانتم الاعراب الناطقين بها
ونحن غير ناطقين بها
شكراً بريمة لايردادك الخبر
وهذا قوماً لايفقهون
فانت اوجزت فلك الشكر
سليمة كيف يا ذو اليد؟ تحياتي
Post: #35 Title: Re: إرهابى أمريكى أبيض يفجر طائرته الخاصة فى مبنى إدارة الضرائب أنتقاماً .. وأخرس الميديا صمتاً Author: بريمة محمد Date: 02-20-2010, 05:12 PM Parent: #32
حكيم
Quote: عمار يعني نعتقه؟
أمش يا آكل التركين .. العتق جزء من ممارسات أجدادنا..
بريمة
Post: #36 Title: Re: إرهابى أمريكى أبيض يفجر طائرته الخاصة فى مبنى إدارة الضرائب أنتقاماً .. وأخرس الميديا صمتاً Author: عبد الحكيم نصر Date: 02-20-2010, 05:18 PM Parent: #35
Quote: أمش يا آكل التركين .. العتق جزء من ممارسات أجدادنا..
بريمة التركين الذي قسم ظهر البئير كااااااااااااااااااااك
ــــــــــــــــــــ اسمع يا بريمة اللون البنفسجي البتكتب بيهو من وين؟؟افدني افادك الله
Post: #37 Title: Re: إرهابى أمريكى أبيض يفجر طائرته الخاصة فى مبنى إدارة الضرائب أنتقاماً .. وأخرس الميديا صمتاً Author: Tragie Mustafa Date: 02-20-2010, 05:33 PM Parent: #36
عمار يا غالي شكرا لك يا اخي على كلماتك
Quote: تراجي يا حبيبة الشعب .والله ما في اي زول عندو طغينة منو وما في زول داير مشكلة معاه انا قاصد النوبيين بس الزول ده بيجيب اخبار ومواضيع هو ما عندو بيها لا علم ولا فكر ولا مضمون .وخاتي نقره معانا واي زول بيغلط معانا يتحمل نتيجة غلطو
والقصة ما اخطاء املائية بس اي واحد بيغلط. لكن هو العربي قراه من الشباك
اها يا حبيب شايف انت غلطه برضو وهي ضغينه وليست طغينه. وانا ذاتي غلطه كم غلطه طباعيه امشي اعدل قبال ما يجين شيل الحال(ههههه)
بريمه درويش يا عمار اي طيب له طبظاته العجيبه و الغريبه ولكن قلبه ابيض صدقني ولو حصلت لك مصيبه تلقاهوا اول زول جنبك. ثانيا خلافه اخلاقي....اي لايمتد لغير النقطه التي اختلف فيها معك. لذا صدقني لا تعتبوا عليه.
وبتلقى باقي تفاصيل في ردي على عبد الحكيم. كن بخير
تخريمه: وافتقدناك مؤخرا بالمنبر يا تكون غاطس في بوستات يمكن ما دخلتها لكن رجاء لا تختفي المرحله البمر بيها الوطن تحتاجنا جميعا فالنتحد في خندق الحق.
Post: #39 Title: Re: إرهابى أمريكى أبيض يفجر طائرته الخاصة فى مبنى إدارة الضرائب أنتقاماً .. وأخرس الميديا صمتاً Author: Tragie Mustafa Date: 02-20-2010, 05:42 PM Parent: #37
اخي الفاضل عبد الحكيم نصر تحياتي وتقديري
Quote: استاذة تراجي سلام
Quote: رجاء الاخوة الشكلهم عندهم غبائن قديمه مع بريمه
ليتنا نتعلم مقولة لكل مقام مقال.....
اختلافاتكم القديمه مع بريمه انا مثلكم اختلف معه ببعض الرؤي لكن بنخبر البوستات للقراء لما نحمل خلافتنا ونحوم بيها. عيب كده وحياتك.
والمنبر مليء بالاخطاء والاملائيه و الطباعيه....يعني جاءت على بريمه؟؟!!
بريمة وبشاشا عندما تعمدوا اكراه النوبيين في بوست تعارف لم اراك تقفين في جانبنا ما الجديد اليوم؟ ام ان بوست النوبيين ليس به قراء؟ علي فكرة الغبائن دي ما قديمة وكل ما عليك الدخول لبوست النوبيين لترين افعال بريمة وصفنا باليهود والابارتايد
عارف يا عبد الحيكم
اولا لو قلت لي الاخت تراجي هي عندي اقيم واحن واتشرف بان تسمح لي بمنادتك اخي عبد الحكيم وان رايت انك اصغر مني كثيرا فمرحبا بالخاله تراجي(ههههه).
ثانيا: وحياتك لم اطلع على البوست اياها الا لو وضعت لي الرابط اعدك اديه طله مش عشان اتأكد من كلامك فانا اكدت انه برميه مرات خرماج وهذه متعوده عليها منه......الا ما يستحق الدهشه اذا اثبت لي انه برميه وبشاشا يوما ما تفقوا؟! فدي وحياتك عايزه زفروده (ههههه) كدي النوشفهم اتفقوا في شنو اولا.
ثالثا يا حبيب حكاية يهود دي برميه صرفها لينا كلنا وحاية خوتك(ههههههه) لدرجة ان صدقنا ان الشعب السوداني كله اصوله يهوديه(هههههه) ويهود ما شيتميه يا غالي اريتنا في شطارة اليهود ونجضاتهم ووعيهم ومقدرتهم على عقد التحالفات.
الا ابارتيد دي بمشي افتشها وشوف لصقها لكم ليه.
ما تزعل يا غالي الشوت الضفاري في المنبر ده خليه ساي.
واضحك وهظر مع بريمه فهو رجل طيب. لوك في دينق اسوة حسنه.
كن بخير
وبرجع لكم لاحقا...عليك الله ضع لي الرابط عشان بس اشوف الفيلم ده. كن بخير.
وبرضو زي وصيتي لعمار عايزنكم في التقليه الانتخابات قربت و الفيلم سخن لا تجعلوا الكيزان يصرفوننا عن همومنا. تراجي.
Post: #43 Title: Re: إرهابى أمريكى أبيض يفجر طائرته الخاصة فى مبنى إدارة الضرائب أنتقاماً .. وأخرس الميديا صمتاً Author: عبد الحكيم نصر Date: 02-20-2010, 06:04 PM Parent: #39
بريمة قدس الله سره وصفنا باقذع الالفاظ في بوست افترع من اجل التعارف..ويشهد الله لم ارد عليه ..الي ان اتصل بي احد الاخوة من امريكا ..وهو في حالة دفاع عن بريمة وان النوبيين يشتمون بريمة وووو(المتصل نوبي قريبي) فطلبت منه الدخول الي البوست والاطلاع عليه ثم العودة وعندما عاد قلت له اذهب الي صديقك بريمة وقل له ان يتوقف..فقال بريمة رافض انه يخليك وقال انه حيفتح ليكم راسكم... طيب جينا دورنا فيهو والبوست الوصل 13 صفحة في اقل من شهر وقف بسبب بريمة واستفزازه للنوبيين وايقاف عدد من الاعضاء لانهم ردوا علي سخافات بريمة... كده وريني انا خسران شنو تاني بعد ده؟ بريمة هذا الصباح افترع بوست باسمي... مضحك جدا ومشي الخور.. وتانيا بريمة زول لذيذ..يعني غلطات املائية كلنا بنغلط بس بريمة مدعي العروبة وجده ابو جهل وووو يجي يقول لينا اهباط وقسمت ظهر البئير.. احترمك جدا واقدر مداخلتك... وشروطي معروفة بريمة يمشي بوست النوبيين ويشيل عفنه كله ويرفع البوست باعتذار للنوبيين... بالمناسبة انا جدي يهودي وده تاريخ معروف يعني ما بتعقد من كلمة يهودي بل بفتخر...ولكن بريمة جابها في شكل شتيمة.. اها قصرت معاهو..
Post: #38 Title: Re: إرهابى أمريكى أبيض يفجر طائرته الخاصة فى مبنى إدارة الضرائب أنتقاماً .. وأخرس الميديا صمتاً Author: rani Date: 02-20-2010, 05:38 PM Parent: #35
Quote: الفيديو الذى أتيت به .. هل أستمعت له قبل أن توضعه هنا .. !!! ماذا قال فيه الشخص .. ألم يقل أن جو أستاك بالنسبة له بطل .. ويجب تذكره هكذا!! ثم ثانياً لماذا أستعمال F word فى حقى هل لديك مشكلة شخصية معى .. فقط أريد أن أعرف?
بريمة
بريمة اخوي براحة كده بريمة متين استعملت معاك F انت شكلك قريت كلامي دا في حالة استعجال واكيد ما عندي معاك اي مشكلة شخصية وبالمناسبة لو رجعت فوق حتلقاني شاكرك لفتح البوست كدي هدي بالك وحاول راجع مداخلاتي مرة تانية. وبالاخص الموضح باللون الاحمر ادناه وقول لي لو لقيتني قاصدك.. ودي راني السماني
Quote: He is what? Hero what's the F... are you talking about? He murdered innocent people and you calling him a "Hero". He's just a crap of sh*it, if he decided to go he should go by himself, he doesn't need to take innocent people with him. He is sick, and you are the same sh*it, you calling him hero. go find a life instead of making this kind of crap videos. he is a murder and nothing else.
-------------
شكراً تراجي للتوضيح لاخ بريمة.
احترامي
Post: #40 Title: Re: إرهابى أمريكى أبيض يفجر طائرته الخاصة فى مبنى إدارة الضرائب أنتقاماً .. وأخرس الميديا صمتاً Author: عبد الحكيم نصر Date: 02-20-2010, 05:48 PM Parent: #38
راني يا عزيزي بريمة معذور ياخي الزول ده مما يشوفني بتجيهو الكبكبة!!! عليك الله زول يكتب 5 كلمات ويعدل 3 مرات ويغلط 4 غلطات تقول عليهو شنو؟
Post: #41 Title: Re: إرهابى أمريكى أبيض يفجر طائرته الخاصة فى مبنى إدارة الضرائب أنتقاماً .. وأخرس الميديا صمتاً Author: rani Date: 02-20-2010, 05:49 PM Parent: #38
عبد الحكيم نصر سلامات اخوي
لو ممكن حاول غير الصورة النزلتها فوق دي لانو خربت البوست.
Post: #44 Title: Re: إرهابى أمريكى أبيض يفجر طائرته الخاصة فى مبنى إدارة الضرائب أنتقاماً .. وأخرس الميديا صمتاً Author: عبد الحكيم نصر Date: 02-20-2010, 06:11 PM Parent: #41
راني العزيز
Quote: لو ممكن حاول غير الصورة النزلتها فوق دي لانو خربت البوست.
مرفق ليك واحدة مصغرة هنا ممكن تستعملها
ياخي لو عدلتها بكون اثبت لبريمة كلامه انه ناصر بيستعمل الباسوورد بتاعي..طوالي حيفتح بوست يقول (ناصر يتداخل وحكيم يحذف)
معليـــــــــــــــــــــش
Post: #42 Title: Re: إرهابى أمريكى أبيض يفجر طائرته الخاصة فى مبنى إدارة الضرائب أنتقاماً .. وأخرس الميديا صمتاً Author: عمار محمد حامد Date: 02-20-2010, 05:56 PM Parent: #38
Post: #49 Title: Re: إرهابى أمريكى أبيض يفجر طائرته الخاصة فى مبنى إدارة الضرائب أنتقاماً .. وأخرس الميديا صمتاً Author: بريمة محمد Date: 02-20-2010, 07:27 PM Parent: #48
شكراً يا رانى للتوضيح
Quote: شكراً تراجي للتوضيح لاخ بريمة.
احترامي
ضع كووت حول المداخلة .. حتى نفهموا أنها منقولة
بريمة
Post: #50 Title: Re: إرهابى أمريكى أبيض يفجر طائرته الخاصة فى مبنى إدارة الضرائب أنتقاماً .. وأخرس الميديا صمتاً Author: rani Date: 02-20-2010, 08:35 PM Parent: #49
Quote: شكراً يا رانى للتوضيح ضع كووت حول المداخلة .. حتى نفهموا أنها منقولة
بريمة
بريمة سلام
مالك الليلة انت يا اخوي؟
دا منو القال ليك انو هي منقولة؟ ومنقولة من وين؟
با سيدي دا ردي للعامل الفيديو ولي اي زول بيعتقد انو القاتل بطل..
سلام تاني راني السماني
Post: #51 Title: Re: إرهابى أمريكى أبيض يفجر طائرته الخاصة فى مبنى إدارة الضرائب أنتقاماً .. وأخرس الميديا صمتاً Author: عبد الحكيم نصر Date: 02-20-2010, 08:43 PM Parent: #48
البوست بتاعنا عفن ؟؟؟؟؟
Quote: وكانت الضربة التي قسمت ظهر البئيرـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــتــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
علي الاقل ديل بيكتبوا املاء احسن منك.. ياخي انت زي ما قالت تراجي زول درويش.. اسمع محمود درويش قريبك؟
Post: #52 Title: Re: إرهابى أمريكى أبيض يفجر طائرته الخاصة فى مبنى إدارة الضرائب أنتقاماً .. وأخرس الميديا صمتاً Author: بريمة محمد Date: 02-21-2010, 00:17 AM Parent: #51
