Post: #1
Title: رايك شنو في رفع معنويات وتعزيز شخصية الصغار؟
Author: سامى عبد الوهاب مكى
Date: 02-18-2010, 09:43 AM
واحد من أجمل المناظر البشوفا لي زي كم شهر منظر في روضة مقابلانا
لمن يجي الترحيل والأولاد والبنات ينزلو في بت صغيرة لمن مبالغة طولها زي كم بوصة كدا
لمن تجي تنزل بتقيف في سلم الحافلة وعمك سواق الحافلة راجل كبير جداً يدنقر يبوسا في ضهر يدها!
الكلام دا كل يوم وانا بقيت اخرم للمنظر دا عديل!
غايتو أنا شايف الزول دا بيرفع من معنويات التمبوشة دي ويعزز ثقتا في روحا بصورة مبالغة!
رايكم شنو توروني السلبيات البتنتج من التصرف دا ولو في اجابيات تانية!
|
Post: #2
Title: Re: رايك شنو في رفع معنويات وتعزيز شخصية الصغار؟
Author: عفاف الصادق بابكر
Date: 02-18-2010, 11:29 AM
Parent: #1
سامي .. كيفنك ..
موضوعك جميل جدا ..
تعرف اجمل شيء في الانسان انك تذرع فيهو الثقه في نفسه ... مهما كان عمره .. وبالتالي ذرع الثقه بكون الشخصية .. وعند الاطفال بتكون معنوياتهم جميله جدا .. وده نوع من انواع التربية الراقية .. كونه تذرع في الطفل الثقة من صغره بالتالي بتكون شخصيته قوية واساسه متين .. وذرع الثقة بتكون رفع المعنويات وتقوية شخصيته واحساسه بوجوده واشياءه المهمة ..
برجع ليك بعد مداخلات الاخرين للاستفاده اكتر ..
|
Post: #3
Title: Re: رايك شنو في رفع معنويات وتعزيز شخصية الصغار؟
Author: سامى عبد الوهاب مكى
Date: 02-18-2010, 11:44 AM
Parent: #2
| Quote: كونه تزرع في الطفل الثقة من صغره بالتالي بتكون شخصيته قوية واساسه متين .. وزرع الثقة بتكون رفع المعنويات وتقوية شخصيته واحساسه بوجوده واشياءه المهمة |
2
|
Post: #4
Title: Re: رايك شنو في رفع معنويات وتعزيز شخصية الصغار؟
Author: هضيبي علي سعيد
Date: 02-18-2010, 01:27 PM
Parent: #1
مشهد جميل ..
واكيد الاموره ح تكون روحها المعنوية في السماء ...
مشكور ع الموضوع الجميل يا سامي
|
Post: #5
Title: Re: رايك شنو في رفع معنويات وتعزيز شخصية الصغار؟
Author: فيصل محمد رشوان
Date: 02-18-2010, 02:52 PM
Parent: #4
نرفع البوست لرفع معنويات الكبار أولاً (حسب وصيةابو الجوخ) 
شكر للحبيب سامي على الموضوع الجميل
وانه بفتكر أنه مثل هذا الموقف يحبب الأمورة في الروضة ويجعلها تبدأ صباحها بمعنويات كبيرة
شكرا عمنا سائق الحافلة
ويا ربي ما تحرم بيت من الأطفال
|
Post: #6
Title: Re: رايك شنو في رفع معنويات وتعزيز شخصية الصغار؟
Author: محمد عمر الفكي
Date: 02-18-2010, 03:00 PM
Parent: #5
سامي
اكيد كل الصغار بيحتاجوا لتعزيز الثقة فيهم حتى يكبروا ويكونوا واثقين من انفسهم ولو واحد فيهم لعب في الهلال مثلاً وجلط تجيلطة زي بتاعة (مرق) مثلاً نهتف ونقول له (ولا يهمك واثقين منك).
انا عندي مشكلة مع عبد الرحمن الفي صورة البروفايل دا، مزعج ومشاغب بدرجة غير عادية ووالله قربت امشي لاستشاري اطفال يشوف لي حل معاه فبالله لو في اخصائي تربوي يوريني حل معاه لانه هو صاحي خراب غير عادي تجي تمسكه من الخراب البكاء يجيب ناس المقابر وحكمة الله البكاء دمعة واحدة ما فيه.
|
Post: #7
Title: Re: رايك شنو في رفع معنويات وتعزيز شخصية الصغار؟
Author: سامى عبد الوهاب مكى
Date: 02-18-2010, 04:37 PM
Parent: #6
طلع لي عمو البطحاني الخرخار.
عليكم الله المريخاب ما يعلقو على البوست دا جبتو لي الكلام في واحد في منتدى المريخ قال لي بيجاملو فيك عشان مريخابي
هههههههه
|
|