في ناس زينا كدى ؟؟؟؟؟؟؟؟؟؟؟؟؟؟؟؟؟؟؟؟؟

ليه إنسان السودان (بالذات الرجال)
دايمآ في حالة ( صرة وش)
في كل زمان ومكان يعني الواحد منهم مابتذكر ايام ابتسم فيها كتير
إلا ايام عرسه (على مااظن) كان يومين كان تلاتة وغصبآ عنو لزوم يجامل الناس
أهل واصحاب وكدى
هو زول ما بحب يبتسم (إلا عند اللزوم) هو عايز كدى! المتعلم بكون قرأالحديث( تبسمك في وجه أخيك صدقة)
بس ماعايز يعمل بالحديث! بي كيفك !
لحدي ما اصبحت القطامة وصرة الوشوش ماركة مسجلة بالزول (الرقم 11 بين الحاجبين)
محل ما اعاين الاقي الناس صارة وشها ده شنو دا؟
لمن نحن زاتنا النسوان بقينا زيهم .ومالو نحن البحمينا نصر وشوشنا شنو!
امنية:

متين اشوف الناس تتدفق بشاشة وسرور
يلا ......ابتسم تبتسم دنياك

صر وشك......... صروا براك

ماتظلميهم يارشا ياخ

ببتسمو لكن خارج الديار







غايتو نحنا بنستثنى

شكرآ منال
مافي ظلم ولا حاجة أنا بكره الظلم والظالمين
يعني إنتي شايفة غير الأنا شايفاهو؟

o والله يا رشا ظلمتي الاغلبية من الشعب السوداني.
o ممكن نكون شوية العصبية زيادة ،وانا واحد منهم ، لكن البشاشة على وجوه كل السودانيين.
o اهو ((منال )) مثال.

سلام : رشا
أصبت ... صحيح نحن نضن كثيراً بابتسامتنا حتى لأقرب الأقربين ( الزوجة ) ولكن المسألة لها أسبابها المنطقية بالنسبة لشخصي الضعيف لا أبتسم كثيرا - على الرغم من إني لا أحمل شيء لأحد في هذه الدنيا - وذلك نسبةً للهموم , والمشاكل الما بتنتهي , علاوةً على حرارة الجو للذين يعيشون داخل السودان ...

Quote: ليه إنسان السودان (بالذات الرجال) دايمآ في حالة ( صرة وش)

ما أن تزول نعومة ( ركابينة )......
أى بعد الفطام بقليل.....
حتى يلقب ب (جمل الشيل)
وما أدراك يا رشا ب( الشيل)
إنة الشيل ال(تقيل)
وأوعك....ممنوع أن تميل
وكل يوم تزيد المحاميل
شايل الأهل.... وكم من زميل
يلقاها من وين المسيكين العليل؟؟؟
البسمة راحت مع ( شليل )

لك التحية والتقدير/د/يوسف
فليدم النقاء لقلبك
ما تنسى تبتسم

ودي

الأخوة/ الأعزاء

معاز
حسان
شكرآ للمرور
اخي/معاز برضو انت عملت زي منال
اتفقتوا علي حكاية ظلم
الما مصدق بس يعاين في المراية
اخي/حسان
شليل وين راح
اكلو التمساح
اها..البسمة خطفتها الحديه!!
ولا شنو!!

تعظيم سلام
للأخ/ ود الصايم
الرجل الضاحك
الذي يجعلك ايضآ تضحك
من غير سبب
بعدين هسه المنبر ده غيروا هو في زول مبتسم حتى
و من هنا أنا بطلق عليهو
لقب/ الرجل الضاحك
هنيئآ له بذلك
والسلام ختام
اختك /رشا بابكر

.
. .
.

[1]
سافر الزوج السوداني الى القاهرة لعمل سريع. شاهد على كوبري قصر النيل زوجا و زوجة يتكئان على سور الكوبري و الزوج يحتضن زوجته. قال لها:
- شايفه القمر يا حبيبتي ؟
قالت الزوجة :
- شايفاه يا حبيبي.
فقال لها :
- انتي بقى قمر حياتي.
اعجب الزوج السوداني جدا بهذا الحوار ، بمجرد عودته دعا زوجته للسير على كوبري شمبات.
اتكأ على السور و قال لها :
- شايفة القمر يا حبيبتي ؟
فقال الزوجة بانفعال :
- طبعا شايفاهو .. قايلني عميانة ؟


[2]
اعترض الشرطي رجل و امرأة يسيران في الشارع و هما يضحكان. فقال الرجل للشرطي :
- دي زوجتي يا جنابو.
فنهره الشرطي :
- انت قايلني عوير ؟ في راجل بيضحك مع مرتو كده ؟

[3]
ازيك يا رشا.

ازيك يا رشا:
انا في رايي قبل العرس بكون سخانة الجيب وسخانة الجو وهموم العرس..
اما بعد العرس فبيكون السبب دة:

Quote: السر بشهر العسل سمعت الصحيفة المشهورة بهذه الزيجة استمرت لمدة ستون عاماً ، و زادت الدهشة عندما وصلت تقارير المراسلين تقول أن الجيران أجمعوا على أن الزوجين عاشا حياة مثالية ، و لم تدخل المشاكل أبداً إلى بيت هذين الزوجين السعيدين . هنا أرسلت الصحيفة أكفأ محرريها ليعد تحقيقاً مع الزوجين المثاليين ، و ينشره ليعرف الناس كيف يصنعون حياة زوجية سعيدة .. المهم المحرر قرر أن يقابل كلا الزوجين على انفراد ، ليتسم الحديث بالموضوعية و عدم تأثير الطرف الآخر عليه . و بدأ بالزوج سيدي ، هل صحيح أنك أنت و زوجتك عشتما ستين عاماً في حياة زوجية سعيدة بدون أي منغصات ؟ نعم يا بني و لما يعود الفضل في ذلك ؟ يعود ذلك إلى رحلة شهر العسل فقد كانت الرحلة إلى أحدي البلدان التي تشتهر بجبالها الرائعه ، و في أحد الأيام ، استأجرنا بغلين لنتسلق بهما إحدى الجبال ، حيث كانت تعجز السيارات عن الوصول لتلك المناطق . و بعد أن قطعنا شوطاً طويلا ، توقف البغل الذي تركبه زوجتي و رفض أن يتحرك ، غضبت زوجتي و قالت : هذه الأولى. ثم استطاعت أن تقنع البغل أن يواصل الرحلة . بعد مسافة ، توقف البغل الذي تركبه زوجتي مرة أخرى و رفض أن يتحرك غضبت زوجتي و صاحت قائلةً : هذه الثانية ثم استطاعت أن تجعل البغل أن يواصل الرحلة بعد مسافة أخرى ، وقف البغل الذي تركبه زوجتي و أعلن العصيان كما في المرتين السابقتين ، فنزلت زوجتي من على ظهره ، و قالت بكل هدوء : و هذه الثالثة . ثم سحبت مسدساً من حقيبتها ، و أطلقت النار على رأس البغل ، فقتلته في الحال ثارت ثائرتي ، و انطلقت اوبخها ، لماذا فعلت ذلك ؟ كيف سنعود أدراجنا الآن ؟ كيف سندفع ثمن البغل ؟ انتظرت زوجتي حتي توقفت عن الكلام ، ونظرت إليّ بهدوء و قالت : هذه الأولى ........!!!!!! ومن يومها وأنا ساكت .....

تحياتي يا رشا

غايتو ود الصائم ما معانا

لانو

بيمتلك ضحكة تم تصديرها واستخدامها للحالات العندها هستيريا الضحك

اخي/ حمور
اهلآ بيك
الظاهر المسألة دايرة بحث
لازم في اسباب!
تقديري

كدي اديني سبب واحد ما يخليه يصر وشه

ينوم ما متعشي
والكهرباء قاطعة
يصحي الصباح يلقى ما في صابون
يمشي يشتريها يلقى سعرها زاد
وبرضو يشتريها
ويجي البيت
يخش الحمام يلقى الموية قاطعة
يمرق
يغسل وشة بالربريق
يامرة جيبي الشاي
الغاز قطع
امشي الدكان جيب فحم وسكر
يمشي يجيب السكر والفحم
يشرب الشاي حنضل حنضل
يركب الحافلة عشان يمشي الشغل
بتاع المرور يوقف الحافلة عشان يشيل المعلوم
يمشي المكتب
يلقة اولاد المصاري البيض رقوهم وادوهم حوافز
اواصل والا كفاية

واحد صر وشه وقع منه

اخوي/ علاء
كيف حالك
صعبت علي
وبالجد دي مصيبة
وانشاء الله متين ح تتكلم؟
على العموم أنا عارفه!!
تقديري

بالله يارشا لما تلقي حل .. أدينا خبر !
بقينا صارين طبيعي والله النكتة مابتضحكنا !!

اخي/ البشير
لك التقدير
أنا في تقديري الأبتسامةشي والضحكة شي
اما ضحكة أخونا ود الصايم فكرت اعيد فيها النظر
طال ماهو أخ وزميل بالمنبر!
ودي

تسلم د/ محمد
( جبتها)
ولسه في حاجات نسيتها!

شكرآ بلا حدود

اخوي/ المسلمي
الحمد لله أنت رجل نبيل بأعترافك ده
والله نزل مني هم الذنب . في ناس قالت ظلمتينا
نحن اكتر ناس بشوشين وضاحكين
( لزوم بضحكوا علي)
لك تقديري

عــارفه يا رشروشه ..

وش ود الصايم دا عــادي جدا ممكن تستعمليهو بدل (وش ضاحك) في البورد دا ..لووول

يعني ممكن تكتبي : والله يا فلان بهزر معاك (وش ود الصايم) وهاكزا .. لووول (او وش ود الصايم)

---
بوست لطيف .. تحياتي ..(وش ود الصايم)

إزيك يا رشا ..

ياخي الواحد يصحى الساعة 6 قبل ما تشرق الشمس تلقيها مولعة ..
تشرق الشمس محل تودي وشك ما تعرف ..
طبيعة البلد الساخنة والجافة سبب أولي ..
ثانياً الحياة المعيشية صعبة ولا راحة فيها الواحد طوالي جاري وراء لقمة العيش ..
الإلتزامات كثيرة ..
يعني مافي وقت للراحة والإستجمام وبالتالي الإبتسام ..
كذلك نحن شعب صارم القسمات الواحد طوالي ( صاري ) وشه ودا نابع من تربية يمكن ..
لأنو علمونا كده وإتعودنا أن ناخد حقنا بيدنا وأي حاجة ناخده بالرجالة ..
وبعد داك ممكن تحشري من بين كل هذا وذاك ..
السياسة ..
الرياضة ..
والفن زاتو ..
وهلم جرا ..
وشوفي كمية البلاوي الفيهم ..
أها بعد دا الرقم حداشر دا نشيلو نوديهو وين
طبعاً الرقم 11 صنع خصيصاً للسودانيين والمشي كداري طول اليوم ..

اهلين د/داليا
مدام أخونا الجميل تمبس
صدقيني سعيدة لمرورك اللطيف
والعارفاهو أنا انو بعلك
رجل منتهى الطيبة
وكمان بحب اضحك!
إلا يكون بطلوا بعد الع..........

لك محبتي

مشكور أخي معتصم ع المرور
انا شايفه انو زول السودان ده
مشكلتو جواهو
لأنو دايمآ الأشياء الجوه بتنعكس على وش الزول
ولحدي ما نبحت في الجوه
نشوف باقي الجماعة عندهم شنو
احترامي

رشا ازيك ..
غايتو و الله بنكت ( نقول نكت ) و نضحك ماوجدنا الى ذلك سبيلا لكن ...
حكاية التبسم دى عندنا ليها فهم .زز
فى البلد السخنة و ضاغطة دى التبسم هبالة وعدم شغلة ..

لك التحية:أخي أنور
تظل الأبتسامة والضحكة
جواز مرور لقلوب الأخرين


دمت طيب

شكرآ لكل المتداخلين
وعذرآ فأني على سفر
وربما لا أكون موجودة
لفترة ما
لذلك لن استطيع الرد
لكم تقديري

دقيقة ياخ قبل ما تمشي!
معقولة بس!!



النجيضة: الدنيا هموما ما بتخلص!
أضحكـ .. واضرب الفهم بالفرح!
أنا لو ما ابتسمت بجيني وجع رجلين!

قال طه :
أخوك يا ريا اخوك وكت الخيول يدبكن
أخوك يا ريا اخوك وكت الرماح يتشبكن
أخوك جبل الثبات وكت القواسي يحبكن
كم بكيت وكم قشيت دموع الببكن
الاخت رشا
المعروف عننا بنضحك والدمعه في عيونا
ومابقسمو اللقمه معانا بوكلونا ليها في خشمنا
حنان ببكو لي وجعنا وكبااااااااااااار بكفكفو دموعنا
بعد القسي الفي سودانا ده كان كانو بضحكو في الهينه والقاسيه
الرماد كالنا كلنا ما حماد براه

Quote: المعروف عننا بنضحك والدمعه في عيونا ومابقسمو اللقمه معانا بوكلونا ليها في خشمنا حنان ببكو لي وجعنا وكبااااااااااااار بكفكفو دموعنا بعد القسي الفي سودانا ده كان كانو بضحكو في الهينه والقاسيه الرماد كالنا كلنا ما حماد براه

ده كلام ما بعده كلام

Quote: ده كلام ما بعده كلام

عارف يامحمد الراجل السوداني الوحيد الممكن يشيل البيبي
وكمان الشنطه
وشايل هموم الحياه وهموم البيت والناس الفيه
الشرقي الوحيد
والموسف السودانيه يا سطحيه يا
يعني يا تعمل ليك ابو العريف وهي البتفهم كل شي وعاوزه
تغير سير الحياه كله وكل شي عندها قلط
ولا يكون كل همها الحنه والدخان
واحمد الله كان ماكانت مهووسه بالعده والمليات
الا من رحم الله