يا عواليــــــــق !!!!!!!!

Post: #1
Title: يا عواليــــــــق !!!!!!!!
Author: عمران حسن صالح
Date: 02-17-2010, 02:13 PM

أبوي حكايتو غريبة مع الرجالة ..
كل شي عندو ليهو علاقة بالرجالة ..
عيونكـ دي كان بقت بيضا شديد يربطه ليكـ بالرجالة
الرجال دايما عينو ( حمره وشراره )
والعجب لو إستحميت شديد واتسرحت وبقيت نضيف
والسوط لاحقكـ لاحقكـ كان لمه في ( بريل كريم الأخدر ) الداسيهو جوه جزمتكـ
اللبان ممنوع ، حق الحريم .
تسلم على زول وانت قاعد ، شغل حريم
" تشكـ " القميص داخل البنطلون ، حق حريم ( بتدور تظهر جعيباتكـ انت مره ;
ده طبعاً بعدما سافرت للجامعة وتعلمت تلبس بنطلونات وسُمِح لكـ بذلك باعتبار وضعكـ الجديد ، علماً بأن أولاد الحلة ينظرون إليكـ نظرة دونية طالما لبست البنطلون " بقيت خايب تلبس البنطلونات ؟؟ - سؤال استنكاري .
واستمر الوضع على ماهو عليه حتى كبرنا وعرفنا الحق من الباطل وصار أبي صديقي فأطلق سراحنا بوصيتين إضافيتين :
لا تسرق لا تشرب البنقو
الحاجات دي عندنا في ديار الشايقية (مروي وما حولها ) مختوم بها كل الآباء ، جيل أبي ومن قبلهم ، لا أدري الآن كيف هي النظرة للـ ( بريل كريم ) وأكل اللبان ولكني سمعت مئات القصص عن جدي ( أرباب ) الذي كان يربط العاق من أولاده ( حسب فهمو ) إلى عود زريبة البهائم بالساعات الطوال تحت الشمس لخطأ في الغالب فيهو تصرف حريمي ( برضو حسب فهمو ) ...
من الأشياء التي أعرفها عن جدي أنه لم يعرف الضحكـ إلا نادراً ، وهي مجرد همهمة في حالة الفرح الطاغي وأنه ضرب عمي وهو طفل لأنه وصف أحدهم بكلمة ( عواليق ) ..
الغريبة سبب الضرب كان واضح عندو !!
قال ليهو ما لقيت غير نبذ الحريم ده ؟؟؟
أرى أنه كان محقاً في هذه بالذات .

_______________________________________________________________________________________
أنا زول مولود في الضلمه جنب البحر وسط النخيل (أبو دوم مركز مروي ) وأمي بت عم أبوي ما يجي واحد من شايقية لندن ديل يغالطني

Post: #2
Title: Re: يا عواليــــــــق !!!!!!!!
Author: على محمد على بشير
Date: 02-17-2010, 02:32 PM
Parent: #1

سبحان الله يا عمران

تتصور قعدت اتخيل ليك فى عمنا حسن صالح
واقف قدام البيت وخاتى يدو فى عربيتو البيضاء ديك
ولمن نجى ما شين بى جنبو نتضاير ونعاين فى الواطه
ونسلم بى صوت مبحوح

راجل هيبه بشكل ..

تخريمه

هى العربيه كانت بيضاء والا انا وهمان ؟

Post: #4
Title: Re: يا عواليــــــــق !!!!!!!!
Author: د.محمد حسن
Date: 02-17-2010, 02:40 PM
Parent: #2

اخونا عمران صالح

كنت عايز اتداخل

لكن لقيت الموضوع شايقي مركز
اثرت الانسحاب

تخريمة

عواليق براها بتكون ناقصة عندنا في امدرمان لازم تتبعها

الليق الليق
يا عواليق

نشوفك بعدين ان شاء الله

Post: #6
Title: Re: يا عواليــــــــق !!!!!!!!
Author: عمران حسن صالح
Date: 02-17-2010, 03:10 PM
Parent: #4

Quote: لكن لقيت الموضوع شايقي مركز
اثرت الانسحاب
دكتورنا الحبيب ..
أظنكـ ما لفيت الحوش الليله ، كدي شوف ليكـ فيديو من النازلات هنــا وتعال لي تاني ..

Post: #8
Title: Re: يا عواليــــــــق !!!!!!!!
Author: د.محمد حسن
Date: 02-17-2010, 03:22 PM
Parent: #6

Quote: أظنكـ ما لفيت الحوش الليله ، كدي شوف ليكـ فيديو من النازلات هنــا وتعال لي تاني ]

ما يا الحبيب ده سبب ازاي

عشان كدة قلت ليك شايقي بحت

ولا عزاء للججنوبيين

قال عواليق

هرمت اللغة وشخت فينا يا عمران

Post: #11
Title: Re: يا عواليــــــــق !!!!!!!!
Author: عمران حسن صالح
Date: 02-17-2010, 04:24 PM
Parent: #2

Quote: ونسلم بى صوت مبحوح

Post: #3
Title: Re: يا عواليــــــــق !!!!!!!!
Author: عمران حسن صالح
Date: 02-17-2010, 02:37 PM
Parent: #1

فيا سيدي لو كان جدي (حياً ) لأمر أبنائه بضربكـ ..
وطالما الأمر (بلغة) اليوم قد تعدى الضرب
فأظن أن أبنائه سيفعلون ما (يطمئن) رجولتهم بان من (يأتمنونه ) على أشيائهم قد تربى وفقا لتربية ( عدم استخدام مصطلحات الحريم ) ..
فالدم كما أظن ما زال نقياً ( رغم ) صوت الساوند ( الضخَم) صوت الطنبور ..
بس ما غيرو

Post: #5
Title: Re: يا عواليــــــــق !!!!!!!!
Author: فتحية شامي
Date: 02-17-2010, 03:09 PM
Parent: #3

عمران شديدابوى
الجيت منهم طويبين؟
التحيه باللهجه دى عشان تعرفنى شايقيه
موضوعك ظريف وزكرنى واحد قريبنا زمان لما دخل االثانوى كان بالقسم الداخلى
ومع لوازم الداخليه اشترى فرشة اسنان
ابوهوضربو ضرب شديدوقال ليه عايز تتسوك انت مره ؟
ــــــــــــــــــــــــــــــــــــــــــــــــــــ
اما قصة عواليق دى بقت عادى ذى الزبادى
دى بقت كلمه راقيه تتقال فى الندوات السياسيه والحملات الانتخابية

Post: #10
Title: Re: يا عواليــــــــق !!!!!!!!
Author: عمران حسن صالح
Date: 02-17-2010, 03:26 PM
Parent: #5

Quote: دى بقت كلمه راقيه تتقال فى الندوات السياسيه والحملات الانتخابية
عساها تقيف لحدي هنــا يا فتحية ، أخشى أن تتطور وتصل لي حتات تانية ( أعمق )

Post: #7
Title: Re: يا عواليــــــــق !!!!!!!!
Author: محمد يوسف الزين
Date: 02-17-2010, 03:13 PM
Parent: #3

طيب يا عمران الشايقي الضكران
تنصح قوش بياتو نبزة رجالية؟

في تقديري كله نوع من الابتذال
في موقف من المفترض أن تعلو فيه القامات لا أن تنحط

Post: #9
Title: Re: يا عواليــــــــق !!!!!!!!
Author: عمران حسن صالح
Date: 02-17-2010, 03:23 PM
Parent: #7

Quote: طيب يا عمران الشايقي الضكران
تنصح قوش بياتو نبزة رجالية؟
في تقديري كله نوع من الابتذال
في موقف من المفترض أن تعلو فيه القامات لا أن تنحط
لا أظنكـ تقصد أن يختار من سييئ الحديث ما يشير إلى شي له علاقة برجولته
إلا أنني أقصد إن كان فعلاً سيفعل مره أخرى فالأحرى أن يختار شيئاً يقنع أهلي به ( لا زالت بعض الأشياء لدينا هكذا )

Post: #12
Title: Re: يا عواليــــــــق !!!!!!!!
Author: haroon diyab
Date: 02-17-2010, 04:40 PM
Parent: #9

يعني جدك ده كان سمعني

قلته ليك..... يارشاشة

بيكنسل اقامتي عديييييييييييييل كده

Post: #13
Title: Re: يا عواليــــــــق !!!!!!!!
Author: ismeil abbas
Date: 02-17-2010, 05:32 PM
Parent: #12

يا عمران الحبيب..............

نتشلخ أديداس وندخل البوست ده وللا شنو؟؟؟؟

Quote: لا تسرق لا تشرب البنقو

ولاتكذب......دى زيادة من أبوى ود عم امى...الجموعى..

كان جنو وجن الكذب.....الله يمتعو.. بالصحة والعافية..ويرحم والدتى...

وانا فى سادسة إبتدائى دخلت سينما العرضة وما كلمتو..والله عرف كيف ما عارف..الصباح قال لى إنت دخلت السينما امس..قلت ليهو نعم..قال لى عشان ماكذبت خليتك وتانى لما تجى تدخل السينما كلمنى امشى معاك..أيقنت بأن هذه إشارة تربوية..لآشياء سلوكية سيئة كانت تمارس حينها..

كلمة عواليق ويامعفن..ممنوعة عندى فى البيت ..سب سالب...

بوستاتك فيها معانى كما سبق ان قلت لك.....لك التقدير وألأحترام...

Post: #14
Title: Re: يا عواليــــــــق !!!!!!!!
Author: محمد الفاتح خالد حسون
Date: 02-17-2010, 06:24 PM
Parent: #13

الاخ عمران حسن صالح

السلام عليكم

سالف الذكر الذي ادخل في القاموس الانتخابي كلمة عواليق ,برغم انو ذكرني

العميد مدير الضرائب السابق بتاع التفاح الامريكي ( أنا بتكلم معاك باللاوندي )

نفس الماركة و البراند نيم .

الرد عليهم ليس برد الفعل واستخدام المركوب و نفس الكلمات و ما شابه ذلك .. الرد

هو ان نكون كشجرة الصندل كلما طرقتها المطارق تذداد عطرا و لا تفوح منها روائح نتنة

أخي عمران

نذداد سقوطاً بما تقترفه أيادينا و ليس بما يوصموننا به السفهاء فكل إنا بما فيه ينضح

كن كالدم انقي ما يكون لحظات الغضب من كل فايروس عليق .

Post: #15
Title: Re: يا عواليــــــــق !!!!!!!!
Author: ابو جهينة
Date: 02-17-2010, 06:31 PM
Parent: #14

أبو محمد العمران

غايتو أبوك لو شاف واحد ( شاقي شعرو و مادي .... ) إلا يفرغ فيهو كلاشنكوف و محل الرهيفة التنقد.

ولا شاف واحد مطول ضفر أصبعو الخنصر و بيحك شعرو .. ( الكتراااااااااااابة )

تخريمة : هناك أندية ( للعواليق ) بأوربا و عموم الغرب .. لو أبوك شافم كان رسل ليهم إنتحاري مفخخ

دمتم

Post: #16
Title: Re: يا عواليــــــــق !!!!!!!!
Author: مجدي كنة
Date: 02-17-2010, 07:20 PM
Parent: #15

نحن يا عمران عشان مناطقنا كانت مدخل الحضارة للسودان ... كان بوصونا نتسحم شديد وعيونا تكون
بيضا .. ونلبس البنطلون المكوي .. ولو ما شكيتو الله قال بقولك !!!!

ويا فينا اري .. هكر في ..نور الا باركا

Post: #21
Title: Re: يا عواليــــــــق !!!!!!!!
Author: عمران حسن صالح
Date: 02-17-2010, 07:56 PM
Parent: #16

Quote: نحن يا عمران عشان مناطقنا كانت مدخل الحضارة للسودان ... كان بوصونا نتسحم شديد وعيونا تكون
بيضا .. ونلبس البنطلون المكوي .. ولو ما شكيتو الله قال بقولك !!!!
عشان كده من يومكـ ( ناعم )
Quote: ويا فينا اري .. هكر في ..نور الا باركا
الله يسامحكـ

_______________________________________
أعرف أنكـ تعرف رمزية النص ولا أعرف ليه لفيت اللفة دي حولها

Post: #20
Title: Re: يا عواليــــــــق !!!!!!!!
Author: عمران حسن صالح
Date: 02-17-2010, 07:52 PM
Parent: #15

Quote: ولا شاف واحد مطول ضفر أصبعو الخنصر و بيحك شعرو ..
أبو جهينة يا ريس
ده كلام من التاريخ خلاص ، الحكاية الآن جاطط عليهم ، بقوا يعاينو بس ( دون تعليق ) ...

Post: #19
Title: Re: يا عواليــــــــق !!!!!!!!
Author: عمران حسن صالح
Date: 02-17-2010, 07:49 PM
Parent: #14

Quote: الرد
هو ان نكون كشجرة الصندل كلما طرقتها المطارق تذداد عطرا و لا تفوح منها روائح نتنة
يا محمد الفاتح يا صديق ..
الأحلام مشروعة ، لأن الحقيقة ما وصلنا المرحلة دي " كل الساسة الحولنا كده " ، فقط الأعجوبة في الصورة المفروض تصلنا من الناس ديل من خلال الشعارات ، والممارسة على أرض الواقع التي تكذب كل الشعارات المرفوعة

Post: #18
Title: Re: يا عواليــــــــق !!!!!!!!
Author: عمران حسن صالح
Date: 02-17-2010, 07:41 PM
Parent: #13

Quote: بوستاتك فيها معانى كما سبق ان قلت لك....
أبو السباع يا صاحبي ..
حسيت بيكـ (زوغت) وما جبت طاري الحديس التاني " السين خطأ مطبعي مقصود "

Post: #17
Title: Re: يا عواليــــــــق !!!!!!!!
Author: عمران حسن صالح
Date: 02-17-2010, 07:39 PM
Parent: #12

Quote: يعني جدك ده كان سمعني
قلته ليك..... يارشاشة
بيكنسل اقامتي عديييييييييييييل كده
هارون دياب يا وصيفابي
إجمالاً الكره زاد كل بيت سوداني والوالد هلالابي موووووووووووت وهو من غرز فينا العشق الأزرق .

_________________________
تاني ما في حاجة بخصوص (عواليق دي )

Post: #22
Title: Re: يا عواليــــــــق !!!!!!!!
Author: عمران حسن صالح
Date: 02-17-2010, 10:08 PM
Parent: #17

أهلنـــا بساطتتم بدت من حد السزاجة ..
ولسع واقفة في حدها البدت بيهو ..
عشان كدي كلام متل : البلد بلدنا والما عاجبوا ....( ظلت راسخة رغم إنو المرحوم عمر نور الدايم انتقل إلى رحة ربه ) .
عشان كدي عواليق دي ياها الرسخت لى جنا الجنا ...

Post: #23
Title: Re: يا عواليــــــــق !!!!!!!!
Author: عمران حسن صالح
Date: 02-18-2010, 00:59 AM
Parent: #22

>

Post: #25
Title: Re: يا عواليــــــــق !!!!!!!!
Author: عبدالله ابوشوارب
Date: 02-18-2010, 01:39 AM
Parent: #23

الاخ عمران حسن
تحية واحترام

القصة بتاعت عواليق دي ذكرتني حاجات كتيرة مع الوالد اطال الله عمره
ومع جدي ودابوشوارب رحمة الله عليه
مرة وانا طفل مشيت زواج خالي وعملت لي حنة في اصبعي الصغيير
وتاني يوم في الغدا ( طبعا لازم الكل يكون حاضر ) انا غامت يدي
عشان ابوي ما يشوف الحنة قام ابوي قال لي دا شنو الفي يدك دا
قلت ليهو : دي حنة قال لي :الحنة دي بتاعت الحريم خلاص امشي بهناك اكل مع الحريم
وقفت علي حيلي وقعدت ابكي ، قال لي بتكي ليه ما عاوز تأكل مع الحريم ؟
قلت ليهو: ااي ما عاوز اكل مع الحريم
قال لي : خلاص امشي امرق الحنة دي وتعال اكل
مشيت الحمام وبي حجر الكرعين كرشت اصبعي لحدي ما جاب الدم
وجيت لقيت الغدا خلاص قرب يكمل
ولمن وريتو اصبعي حتي قعدت للغدا
ومن ديك تاني الا حنة الزواج

Post: #29
Title: Re: يا عواليــــــــق !!!!!!!!
Author: عمران حسن صالح
Date: 02-18-2010, 07:17 AM
Parent: #25

Quote: مشيت الحمام وبي حجر الكرعين كرشت اصبعي لحدي ما جاب الدم
مراحب يا أبو شوارب
صعبتها على زولنـــا ده شديد ياخي ..
ده محتاج ليهو حجر جبل كامل عشان بشيل الكلمة دي من روسين الناخبين ( الواعين والما ناقشين )

Post: #24
Title: Re: يا عواليــــــــق !!!!!!!!
Author: معاوية المدير
Date: 02-18-2010, 01:05 AM
Parent: #22

عمران أخوي. يا قول أهلنا : شِن تقول في مُداح الرسول،
عينُن في المسيد ويبيتو عِن جاد السيّد.

يعني يا عمران ما ننوم والا شنو؟
بالله العظيم بقينا ما نفتح عِوينا تنا من النوم،
نلقى مشتمننا ومشتمين \ابواتنا وأهلنا
ولاعنين أبو خاشنا.

مرّة يا عمران أبوي عليه رحمة الله، لقاني فاتح الرادي
وبسمع في أغنية حمد الريّح البيقول فيها: حبيبتي إن
يسألوك عني قولي لهم يحبني كثيرا.
قال لي: يا ولد أقفل الغناي الخايس ده، داير تبقي
خايس زيو!؟

غايتو بقينا زرزور في إيد عِيآل...

Post: #26
Title: Re: يا عواليــــــــق !!!!!!!!
Author: عفاف أبو حريرة
Date: 02-18-2010, 02:39 AM
Parent: #24

Quote: أنا زول مولود في الضلمه جنب البحر وسط النخيل (أبو دوم مركز مروي ) وأمي بت عم أبوي ما يجي واحد من شايقية لندن ديل يغالطني

ده اقوي توقيع مره علي في حياتي
ابوك تمام وانت ميه ميه ومحمد انشاء الله ح يكون مليون في الميه

Post: #27
Title: Re: يا عواليــــــــق !!!!!!!!
Author: عبد المنعم ابراهيم الحاج
Date: 02-18-2010, 03:28 AM
Parent: #26

سلامات ياعمران

والتحية لآبائنا في العالمين ..كمان أوعك من الحلاقة القطعية
"ياكاريه"..أو نمرة 2 ..أو تخليه لامن الشمش تقلب راس الشعر
أحمر..عندنا زول قريبنا..حياتو كلها يمرق من الساعة خمسة صباحا
يجع فقايس الليل..عندو كم ساقية في حتات مختلفة..آها يوم رجع بدري
قبل المسلسل بي شوية كدا..يعجبك زمان لما يكون الحلة كلها فيها
تلفزيون واحد..مع دخلتو كان مع فاصل دعاية "بسكويت بركة .."
OR SENDAI BAD I DON'T REMEMBER "..بالذات
في الحتة اللي بتقول..." رايع وشايع" ..مع مؤثر المحاذير بتاعت
التلفزيون..بيفسد الأخلاق..ضرب التلفزيون بي عصاتو...
وأردف بغضبوإستنكار:
- قلة أدب..رايع وشايع!!!!
ومن يومها راحت على الناس متابعة مسلسل..

أها هسة عواليق قوش دي هينة لانو ماعندو غيرها طالما بيتخاطب
مع الناس وعينو على نجوم الكتف.. حتى لو كان لابس جلابية..

لك التحية

Post: #28
Title: Re: يا عواليــــــــق !!!!!!!!
Author: آدم صيام
Date: 02-18-2010, 05:56 AM
Parent: #27

Quote: الغريبة سبب الضرب كان واضح عندو !!
قال ليهو ما لقيت غير نبذ الحريم ده ؟؟؟
أرى أنه كان محقاً في هذه بالذات .

عمران حبابك
والله الجد كده ولا بلاش
الغريبة نسختو مرت عليّ في زمن الصبا (العم صباح الخير)

بالله الخطاب السياسي مش انحدر برضو؟
أنا الكلمة دي ما بطيقها كل كلو للزوجتها المميعة

إستكي يا أخي!

Post: #33
Title: Re: يا عواليــــــــق !!!!!!!!
Author: عمران حسن صالح
Date: 02-18-2010, 11:08 AM
Parent: #27

Quote: أها هسة عواليق قوش دي هينة لانو ماعندو غيرها طالما بيتخاطب
مرات كتيرة يا عبد المنعم تحس بي رهبة بعض الأسماء ، لارتباطو بي مُسمَى وظيفي أو كمية أخبار مسموعة ( وتحت تحت ) ، لامن يجي يتكلم تتمسح كل الصورة بتاعة ( الأبهة) الخاتيها في راسكـ ..
دي ياها عملية الراجل (البيض) ده

Post: #31
Title: Re: يا عواليــــــــق !!!!!!!!
Author: عمران حسن صالح
Date: 02-18-2010, 08:56 AM
Parent: #26

Quote: ده اقوي توقيع مره علي في حياتي
الله يجبر بخاطركـ ياعفاف

Post: #30
Title: Re: يا عواليــــــــق !!!!!!!!
Author: عمران حسن صالح
Date: 02-18-2010, 07:20 AM
Parent: #24

Quote: قال لي: يا ولد أقفل الغناي الخايس ده، داير تبقي خايس زيو!؟
العجب حسي جابت ليها خياسة وعدم معرفة بالغنا ....
أستاذنا كابلي له طريقة أحيانا داخل موسيقاهو الجميلة والجيده ، فقط بيقلب صوتو بطريقة (لينة) شوية .
ده كان سبب كافي انو نسمعو داخل البيت بي صوت خافت جداً مخافة زعل كبارنــا ....

Post: #32
Title: Re: يا عواليــــــــق !!!!!!!!
Author: على احمد النعيم
Date: 02-18-2010, 09:35 AM
Parent: #30

Quote: Quote: قال لي: يا ولد أقفل الغناي الخايس ده، داير تبقي خايس زيو!؟

الاخ الكريم عمران

لقد اعجبنى جداً هذا البوست وتعليقاً على هذا الاقتباس اود ذكر هذه الحادثة التى تشبه ما ذكرته فى بوستك تماماً:

فى قرية من قرانا التى تراصت على ضفاف النيل شمال الخرطوم توجد وكما تعرف اشجار النخيل منها العالى جداً والذى لا يوجد فيه كرنوف .. او كرنوفه متهالك !! المهم جاء وقت حصاد البلح ... ساق احد الآباء ابنه لذلك الحصاد المرتقب .. كان هذا الرجل قاسيا جدا لدرجة تفوق التصور (ويسمى ابو جريو) طلب الاب من ابنه ان يتسلق نخله من النوع الباسق وذات كرنوف بالى متهالك !!!!!!! اطاع الابن اوامر من لا يعصى امره وتسلق النخلة.
افلح الابن المغلوب على امره فى الصعود اعلى النخلة وبدأ فى قطع السبيط ورميه الى اسفل حيث يوجد ابيه ... بعد ان فرغ الابن من مهمته اراد وبالطبع النزول وعندما تجاوز الجريد الاخضر لم يك خلفه وامامه الا ذلك الكرنوف البالى المتهالك ... امسك بكرنوفة متهالكه ووضع رجله على اخرى كذلك.. وعندما تبين له انه ساقط لا محالة من هذه النخلة الباسقة الى تلك الارض الدلجة نادى اباه الذى كان يجمع ما تناثر من بلح بعد ان انفرط من عقد سبيطه... قائلاً يا بوى لقنى الشوال ... يعنى خلنى النقع فيهو بدل هذه الدلجة التى تكسر الحجر !!

فماذا كان رد ابيه؟؟؟؟؟

قال له آجنا هوى ألبع الواطه زيك وزى الرجال
ولم يعره التفاتاً

هؤلاء خلقوا من عجينة اخرى !! اليس كذلك ؟؟؟

والتحية لكم بلا حدود

Post: #34
Title: Re: يا عواليــــــــق !!!!!!!!
Author: فايزودالقاضي
Date: 02-18-2010, 12:00 PM
Parent: #32

عمرا، ..ٍسلامات ..

Quote: لا تسرق لا تشرب البنقو

شايف الخمرة ماجابوا سيرتها ولا اصلاً ماكانت موجودة ؟!!!

زمان في الحلة حبوبة السهوا كانت بتسف تمباك فهل التمباك معروف للجنسين فى بلاد شايق ..

Post: #35
Title: Re: يا عواليــــــــق !!!!!!!!
Author: عمران حسن صالح
Date: 02-18-2010, 04:36 PM
Parent: #34

Quote: شايف الخمرة ماجابوا سيرتها ولا اصلاً ماكانت موجودة ؟!!!
زمان في الحلة حبوبة السهوا كانت بتسف تمباك فهل التمباك معروف للجنسين فى بلاد شايق ..

هيييييييييييييييييي يا فايز نحنا التمباكـ والمريسة ما داسنها خلي اللف و الدوران ..
أبوي عرسو فيهو عشرة أزيار مليانة وجاهزة مع السوط لي يوم العرس ....

Post: #36
Title: Re: يا عواليــــــــق !!!!!!!!
Author: محمد المرتضى حامد
Date: 02-18-2010, 04:50 PM
Parent: #35

شكرا يا عمران على رسالتك التي بعثت بها من خلال هذا البوست.
محبتي.

Post: #38
Title: Re: يا عواليــــــــق !!!!!!!!
Author: عمران حسن صالح
Date: 02-18-2010, 08:17 PM
Parent: #36

Quote: شكرا يا عمران على رسالتك التي بعثت بها من خلال هذا البوست..
الأستاذ محمد المرتضى ..
أظن أن الأمر إذا وصل إلى أهلي سيكون له ما بعده ...

Post: #37
Title: Re: يا عواليــــــــق !!!!!!!!
Author: عمران حسن صالح
Date: 02-18-2010, 08:14 PM
Parent: #32

Quote: هؤلاء خلقوا من عجينة اخرى !! اليس كذلك ؟؟؟
وهؤلاء أيضاً أخي على احمد النعيم

Post: #39
Title: Re: يا عواليــــــــق !!!!!!!!
Author: عبدالمجيد الكونت
Date: 02-18-2010, 08:22 PM
Parent: #1

Quote: فأطلق سراحنا بوصيتين إضافيتين :
لا تسرق لا تشرب البنقو

عمران ازيك
العرقي كان غلبك هين بتدخل اصبعك في حلقك وتطرشوا لكن البنقوا كان غلبك بتركب الشارع عشان كدي وصوك بي عدم المشي عليه

ده كلام واحد عجووز كده في حلتنا

Post: #40
Title: Re: يا عواليــــــــق !!!!!!!!
Author: عمران حسن صالح
Date: 02-18-2010, 09:06 PM
Parent: #39

Quote: ده كلام واحد عجووز كده في حلتنا
يعني ما إنت يا كونت ؟؟
والنجيضة (يا قول ود الصايم ) كبارنــا حافظين دون دراسة وتلفزيون ومنشورات دورية ووظائف سلطانيـــة ..
تسلم يا سيدي

Post: #41
Title: Re: يا عواليــــــــق !!!!!!!!
Author: أبو الحسين
Date: 02-18-2010, 09:28 PM
Parent: #40

Quote: شكرا يا عمران على رسالتك التي بعثت بها من خلال هذا البوست.

نان هي رسالة نصاح هي...

شكراً جميلاً قريبي عمران... وليتهم يعلمون...

Post: #42
Title: Re: يا عواليــــــــق !!!!!!!!
Author: عمران حسن صالح
Date: 02-18-2010, 09:39 PM
Parent: #41

Quote: نان هي رسالة نصاح هي...

ختمكم بارز يا أبو الحسين ، الله يكفينا شر مقبل أيامـــو

Post: #43
Title: Re: يا عواليــــــــق !!!!!!!!
Author: الفاتح الصادق حامد
Date: 02-18-2010, 10:28 PM
Parent: #42

غوش طلع حنكوش

بوست مميز جدا يا عمران

صحى زمان النسيبة بتقول ( بتى دى ما بديها الا لزول رجلينه مشققات ) ؟

Post: #44
Title: Re: يا عواليــــــــق !!!!!!!!
Author: GamarBoBa
Date: 02-18-2010, 10:37 PM
Parent: #42

تعرف يا عمران
العنوان يشهد الله شفته كم مرة
افتكرت انو بوست مكرر كبوستات المنبر في تناولهم لحدث
وهسة فتحته

قريت فيه مداخلتك الاولي بتمعن وما قريت تاني لزول وجيت رديت ليك طوالي

البعرفه كلامك ده ما في مروي بس
كلامك ده عندنا برضو شمالكم في السكوت والمحس...عواليق دي تحديدا في استاذ بتكلم عربي (وافد)في مدرسة صواردة قالها لطالب المدير طلب نقله وقد كان.

تشكر يا سيد علي الكتابة الجميلة

Post: #45
Title: Re: يا عواليــــــــق !!!!!!!!
Author: عمران حسن صالح
Date: 02-19-2010, 01:29 AM
Parent: #44

قمر بوبا ..
أهلا بسناير الحوش ، وزيارتكـ يا سيدي تحفزني أكثر ..
Quote: فيا سيدي لو كان جدي (حياً ) لأمر أبنائه بضربكـ ..
وطالما الأمر (بلغة) اليوم قد تعدى الضرب
فأظن أن أبنائه سيفعلون ما (يطمئن) رجولتهم بان من (يأتمنونه ) على أشيائهم قد تربى وفقا لتربية ( عدم استخدام مصطلحات الحريم ) ..
فالدم كما أظن ما زال نقياً ( رغم ) صوت الساوند ( الضخَم) صوت الطنبور ..
بس ما غيرو
الكوت باقي الكلام الفوق نزل بعد أكثر من مداخلة من الأخوان وهو بالنسبة لي زبدة الأمر كله .

Post: #46
Title: Re: يا عواليــــــــق !!!!!!!!
Author: وليد شريف
Date: 02-19-2010, 11:35 AM
Parent: #45

نحن فعلاً عواليق لأنو لينا عشرين سنة قاعدين نتعولق

Post: #47
Title: Re: يا عواليــــــــق !!!!!!!!
Author: عمران حسن صالح
Date: 02-19-2010, 04:34 PM
Parent: #46

Quote: نحن فعلاً عواليق لأنو لينا عشرين سنة قاعدين نتعولق
يا وليد شريف مالكـ إختصرتها قدر ده ؟؟ نسيت ستاشر نميري ؟؟ ولا كل فترات العسكر السابقة والديمقراطيات الغلط في غلط ..؟؟؟

Post: #48
Title: Re: يا عواليــــــــق !!!!!!!!
Author: عمران حسن صالح
Date: 02-22-2010, 10:26 PM
Parent: #47

Quote: فالدم كما أظن ما زال نقياً ( رغم ) صوت الساوند ( الضخَم) صوت الطنبور ..
والمقصود طبعاً ( الطبع والأخلاق ) وليس أيِ إشارة أخــرى

Post: #49
Title: Re: يا عواليــــــــق !!!!!!!!
Author: Tagelsir Elmelik
Date: 02-23-2010, 00:24 AM
Parent: #48

Quote: شايقية لندن

شايقية الدوحة كيف؟؟؟ :)

Post: #50
Title: Re: يا عواليــــــــق !!!!!!!!
Author: Shams eldin Alsanosi
Date: 02-23-2010, 00:36 AM
Parent: #49

السهل الممتنع

Post: #51
Title: Re: يا عواليــــــــق !!!!!!!!
Author: عمران حسن صالح
Date: 02-23-2010, 07:06 AM
Parent: #49

الجميل تاج السر الملكـ
ياخي أفرحني مروركـ والله يديكـ العافية ..
شايقيتنا العندهم (طين ونخيل ) وجالسين حارسنهم بيسموا الشايقية (إنتماء فقط ) شايقية لندن حقارة بس ياخي
أها شايقية الدوحة لو بروحوا الشمالية إجازات بس ، ان شاء الله كل وين ووين بنشيل عنهم العباره

Post: #52
Title: Re: يا عواليــــــــق !!!!!!!!
Author: عمران حسن صالح
Date: 02-23-2010, 07:16 AM
Parent: #41

لكـ التحية والود أخي شمس الدين

Post: #53
Title: Re: يا عواليــــــــق !!!!!!!!
Author: ابراهيم الصغير
Date: 02-23-2010, 08:51 AM
Parent: #52

بوست موفق يا عمران .. يا ابن عمي وكلو رجالة ....
حقيقة والله نعل بنات ( عواليق ) ..
في البلد لواختفت من كلامك النبرة ساكت وما شافو فيهو الجرة المشهورة والكسرة المتوارثة ..
معناه ( خلاس ..؟.؟؟ قلبت حسك ... ؟؟؟ دار تبقي زي ولاد لا فوق.؟؟؟)
ياولد اعدل حسك دا .. وانضم زي الناس والله اقوم عليك اخلي ضهرك وبطنك واحد ... انت خايس ..؟؟؟ )
رجعتنا يا عمران والله البلد ..

Post: #54
Title: Re: يا عواليــــــــق !!!!!!!!
Author: عمران حسن صالح
Date: 02-23-2010, 02:04 PM
Parent: #53

Quote: ( خلاس ..؟.؟؟ قلبت حسك ... ؟؟؟ دار تبقي زي ولاد لا فوق.؟؟؟)
شكراً ابراهيم

Post: #55
Title: Re: يا عواليــــــــق !!!!!!!!
Author: عمران حسن صالح
Date: 03-16-2010, 08:38 AM
Parent: #54

ده ( عودي ) في الإنتخابات

Post: #56
Title: Re: يا عواليــــــــق !!!!!!!!
Author: عمران حسن صالح
Date: 03-26-2010, 05:59 PM
Parent: #55

أنتظر أن تأتي النتيجة بكلمة ( لا ) ..
الناشفة حقت أهلي
ما بعده تحانيس
مع إني عارف حا يلقى ليهو ( نفَاج ) يجينا بيهو ..
بس كدي خلونا نرسمه للزمن
لا
ونااااااااااشفة

Post: #57
Title: Re: يا عواليــــــــق !!!!!!!!
Author: خالد المحرب
Date: 03-26-2010, 06:40 PM
Parent: #56

Quote: اللبان ممنوع ، حق الحريم .
تسلم على زول وانت قاعد ، شغل حريم

عمران ابوك دا كلامو صاح
مع اختلاف الزمن لكن لحدى الان
اهلنا الكبار الواحد كان ما سلمت عليه
بى نتله وهزه ايد لامن الهزه تصل كتفه
بقول ما الزول سلم على سلام اغيبش
وتمطق اللبان لى المره كعب ما بالك الرجل

Post: #58
Title: Re: يا عواليــــــــق !!!!!!!!
Author: عمران حسن صالح
Date: 03-28-2010, 08:48 PM
Parent: #57

مراحب بود المحرب

_____________________________

معليش يا شيخ غوش سامحناكـ بعد ما سمعنا غيركـ ...
الله معاكـ .
؟
؟
؟
أضغط ، شاهد ، لا تستغرب فقط استغفـر

Post: #59
Title: Re: يا عواليــــــــق !!!!!!!!
Author: وجن
Date: 03-28-2010, 09:27 PM
Parent: #58

أها عاوزين نعرف عمران
بقول لحمودي شنو
نفس الشي ولا في اختلاف

Post: #60
Title: Re: يا عواليــــــــق !!!!!!!!
Author: عمران حسن صالح
Date: 03-29-2010, 06:17 AM
Parent: #59

Quote: أها عاوزين نعرف عمران
بقول لحمودي شنو
نفس الشي ولا في اختلاف
الثوابت ثابتة يا وجن إلا أن الأمر ( تطوَر ) إلى حد ما في باقي الأمور
وإجمالاً (العين الحمرا) مطلوبة إلى حين ومن ثم مافي طريقة غير الصحوبية

Post: #61
Title: Re: يا عواليــــــــق !!!!!!!!
Author: الصادق صديق سلمان
Date: 03-29-2010, 07:02 AM
Parent: #60

الأخ عمران ياجميل

المر اول مرة ادخل بوستك الحلو دا والذي يذكرني يأجمل الرجال الذين عرفتهم في حياتي والذين كنت اعتبرهم من رجال بكل ما تحمل هذه الكلمة من معني.

المر عندنا في الجعليين قد يكون اصعب بكثير لأمور كلكم تعرفونها عن الجعليين رغم اقتناعي الخاص والكبير ان جميع قبائل السودان مشتركة في ما ذكرت.

الوالد اطال الله في عمره صديق سلمان الحبيب جاء من العمل في يوم ما وكنت قد حضرت من المدرسة ووقتها كنت في تانية متوسط وكنت جوعان فاعطتني الوالدة شوية اكل اصبر بيهو لحدي ما يجي ولكن لحظي السيء شلت لي لقمتين بس جاء داخل فنظر إلى مغاضباً وقائلاً (تاكل براك زي النسوان).
ومن يومها ياعمران لا اقوى على الأكل لوحدي.

الصادق

Post: #62
Title: Re: يا عواليــــــــق !!!!!!!!
Author: عمران حسن صالح
Date: 03-29-2010, 08:23 AM
Parent: #61

مراحب أخي الصادق صديق
بعد ما سمعت كلام الترابي عن البشير صدقني حا أردد كلمة عواليق دي تاني عااااااااااااادي ..

Post: #63
Title: Re: يا عواليــــــــق !!!!!!!!
Author: الصادق صديق سلمان
Date: 03-29-2010, 09:34 AM
Parent: #62

ياعمران

Quote: بعد ما سمعت كلام الترابي عن البشير صدقني حا أردد كلمة عواليق دي تاني عااااااااااااادي ..

هو قال شنو ودللذين - الزول دا مابتوب اصلو

الصادق