Post: #1
Title: الصادق المهدي يضع البشير في مأزق ... بقلم: خالد عويس
Author: عبدالمجيد الكونت
Date: 02-09-2010, 01:22 PM
Quote: بعد مرور قرابة الأسبوعين على التحدي الذي طرحه مرشح حزب الأمة القومي للرئاسة، السيد الصادق المهدي، على الرئيس عمر البشير، بطلبه مناظرة تجمعهما، بل وتشمل كل مرشحي الرئاسة، لم يفتح الله على جماعة المؤتمر الوطني بكلمة واحدة سلبا أو إيجابا.ففي الحوار الذي أجراه معه، في منزله في أم درمان، سأل مقدم برنامج "بلا حدود" على قناة الجزيرة واسعة الانتشار، الزميل أحمد منصور، سأل السيد الصادق المهدي: هل تقبل بقيام مناظرة بينك وبين الرئيس البشير؟ فأجاب المهدي:لا أقبل، بل أطلب.
رمى الصادق المهدي، بكل حنكة واقتدار، بالكرة إلى ملعب المؤتمر الوطني، لكنهم غضوا الطرف إلى غاية الآن، وخرجوا بالصمت "الثقيل" عن لا ونعم.وكم هو قاسٍ فعلا أن يصمت الذين اعتادوا الكلام، واعتادوا التهديد والوعيد، على وعيد "ناعم" من قبل رئيس حزب الأمة، الذي يدرك أن الدعوة التي وجهها لجميع منافسيه، بمن فيهم البشير، المعنيّ بها فعلا، هو البشير لا سواه، فالمهدي على وفاق مع غالبية المرشحين الآخرين الذين تتفق برامجهم في حدها الأدنى على إنهاء الحكم الديكتاتوري الذي استمر عقدين حتى الآن وخلّف مأساة وطنية تجل عن الوصف.
كيف السبيل إلى هذه المناظرة إذن؟
في اعتقادي أن حال البشير حيال هذه المناظرة كحال من يدفعه الآخرون - عاريا وبلا سلاح - إلى ساحة منازلة، غريمه فيها بكامل عدته وعتاده، لا، بل ويرجو الآخرون في هذه الحال منه، نصراً مبينا.لكن الآخرين لم يدفعوا البشير إلى غاية الآن إلى قبول هذه المخاطرة فهم، بل وهو نفسه، يعرفون نتائجها
الوخيمة سلفا، ولا مناص في هذه الحالة من تجاهل الدعوة الواضحة المبثوثة إلى أركان الأرض الأربعة إلى المبارزة.
مستشارو البشير وبطانته يعلمون أن موقفه أصلا ضعيف، ولولا استشعارهم الخطر لما بادروا إلى طرق أبواب الحركة الشعبية لاستجداء تنازل السيد ياسر عرمان لفائدة البشير.الغريب أنهم هُرعوا إلى الحركة الشعبية، في حين أن بعضهم لا يزال مصرّا على ضمان فوز البشير وبفارق كبير عن الآخرين.لا، بل وفضحوا أنفسهم بهرولتهم إلى جوبا طلبا لنصرة الحركة الشعبية - الكافرة، النصرانية في عرفهم - وهم الذين حركوا سابقا جماعاتهم لاصدار بيان يكفّر من ينتمي إليها، بل ولم يتركوا رذيلة إلا وألصقوها بياسر عرمان وباقان أموم تحديدا.الأنكى من ذلك أن خال الرئيس، الصحافي النحرير والمثقف الخطير والعلّامة الذي بزّ الخلق أجمعين، الطيب مصطفى بشرنا بالويل والثبور، وعظائم الأمور، والمراقص التي ستفتح في قلب عاصمتنا الحضارية، والحانات التي ستبذل شرابها للعطشى في الشوارع المتوضئة في الخرطوم، إذا فاز ياسر عرمان بالرئاسة، هذا الـياسر الذي لا يصلح حتى لقيادة أسرته حسب الطيب مصطفى، الذي قال فيه ما لم يقل مالك في الخمر، ولم يشجب أحد قادة المؤتمر الوطني كلامه هذا حتى ولو من باب الدبلوماسية والمصالح مع الحركة الشعبية.
وبعد تمنع الحركة الشعبية ورفضها الواضح لاستجداء المؤتمر الوطني، وانكشاف ظهره بهذه الطريقة، وانتعاش آمال السودانيين في إمكان الإطاحة بالبشير وحزبه، لو توفرت للإنتخابات أدنى شروط النزاهة - وفي تقديري، هيهات - فليس أمام المؤتمر الوطني سوى غض الطرف نهائيا عن مناظرة كهذه، سواء مع الصادق المهدي أو مع ياسر عرمان،.
البشير الذي لم يجد شيئا يذكره ضد رئيس الوزراء السابق سوى اضاعة وقت البلاد في كثرة الكلام، يعجز اليوم عن دفع هذا الاستحقاق الإنتخابي ، فكيف بحزب يكون واثقا كل هذه الثقة في فوز مرشحه الرئاسي، ثم لا يستطيع دفعه لإجراء مجرد مناظرة مع مرشح آخر؟
وكيف لا تتوفر أدنى ثقة بالنفس لدى هذا المرشح الرئاسي لخوض غمار مجرد مناظرة يطرح من خلالها رؤاه وتصوراته وبرنامجه الإنتخابي، اللهم إلا إذا كان برنامجه أفرغ من فؤاد أمّ موسى؟
وكيف يستقيم بالفارس الجحجاح أن يلوذ بالفرار من مجرد مناظرة، لا معركة عسكرية؟
أليست هذه فضيحة تُضاف إلى فضائح المؤتمر الوطني، ودلالة واضحة على صعفه وضعف مرشحيه؟
كيف سيقنع شعبه إذن هذا المرشح؟
كيف سيقنع الناس وهو عاجز عن مقارعة الحجة بالحجة، والمنطق بالمنطق؟
كيف وهو وحزبه يختبئون من مجرد مناظرة، ولا يفتح الله عليهم بكلمة واحدة حيالها؟
أهو الخوف؟
أهي الثقة المعدومة بالنفس؟
أهو الشعور بقصر القامة الفكرية والثقافية والسياسية حتى بعد 20 عاما من السلطة؟
أهو الاحساس الدائم بأن العماد الرئيس لهذه التجربة كلها هو حزب السلطة وأجهزة الأمن ومنطق القوة لا قوة المنطق؟
أم أن البشير - بعد تجربة صلاح قوش مع أهل منطقته - يخشى أن يكون على كل لسان، خاصة أن غريمه لا تنقصه السخرية، ولا الثقافة، ولا الفكر؟
كان عنترة بن شداد يقول دائما إنه يبدأ المعركة بضربة على عنق رجل ضعيف تهتز لها قلوب الفرسان، لكن، حتى ذلك الرجل الضعيف التعيس كان على الأقل شجاعا في دخوله إلى ساحة الوغى.
فكيف بساحة يصول ويجول فيها فارس متوعدا آخر، وداعيا إياه للنزال، والآخر متحصن بصمت غير بليغ على الإطلاق، فهل تُرى سيتزحزح البشير عن موقفه وينزل إلى الحلبة الساخنة؟ |
|
Post: #2
Title: Re: الصادق المهدي يضع البشير في مأزق ... بقلم: خالد عويس
Author: علاء الدين يوسف علي محمد
Date: 02-09-2010, 01:38 PM
Parent: #1
Quote: الصادق المهدي يضع البشير في مأزق ...
|
يا كونت
مالي أسْمعُ جعجعةً ولا أرى طحينا
|
Post: #3
Title: Re: الصادق المهدي يضع البشير في مأزق ... بقلم: خالد عويس
Author: عبدالمجيد الكونت
Date: 02-09-2010, 01:50 PM
Parent: #1
| Quote: وكيف لا تتوفر أدنى ثقة بالنفس لدى هذا المرشح الرئاسي لخوض غمار مجرد مناظرة يطرح من خلالها رؤاه وتصوراته وبرنامجه الإنتخابي |
ومن أين له هذه الثقة أستاذي خالد وهو الذي بدأ حكمه بالكذب حين قال انه جاء الى الحكم وليس له اي حزب والأن سينهي حكمه مطلوب للعدالة الدولية ومتهما بجرائم حرب ضد شعبه من أين سيجد مثله ثقة في النفس ليقارع رجل يمثل ضمير امة في قامة السيد الصادق
|
Post: #4
Title: Re: الصادق المهدي يضع البشير في مأزق ... بقلم: خالد عويس
Author: اكرام الصادق الحسن
Date: 02-09-2010, 01:54 PM
Parent: #3
| Quote: من أين سيجد مثله ثقة في النفس ليقارع رجل يمثل ضمير امة في قامة السيد الصادق |
|
Post: #5
Title: Re: الصادق المهدي يضع البشير في مأزق ... بقلم: خالد عويس
Author: اكرام الصادق الحسن
Date: 02-09-2010, 01:58 PM
Parent: #4
Quote: كيف وهو وحزبه يختبئون من مجرد مناظرة، ولا يفتح الله عليهم بكلمة واحدة حيالها؟
أهو الخوف؟
أهي الثقة المعدومة بالنفس؟[/QU
|
Post: #6
Title: Re: الصادق المهدي يضع البشير في مأزق ... بقلم: خالد عويس
Author: عبدالمجيد الكونت
Date: 02-09-2010, 01:59 PM
Parent: #3
Quote: يا كونت
مالي أسْمعُ جعجعةً ولا أرى طحينا |
علاء الدين يا اخوي
الجعجعة وعدم وجود الطحين قاعد يسمع فيها الشعب السوداني كله طوال واحد وعشرين سنة بل معاها رقيص كمان
الجعجعة في رئيس بلد لا يستطيع القيام بأداء مهامه الدستورية في التجمعات الدولية والسفر الخارجي
الجعجعة في شعارات امريكا روسيا قد دنا عذابها الاتحولت بي قدرة قادر لتطبيع استخباراتي مع ال cia
الجعجعة في ناس قالت عايز تنقذ بلد وحكمت عشرين سنة والمحصلة اتقسمت البلد لي اتنين ويمكن تكون اكتر
الجعجعة في من يحكم بأسم الدين ويختلس 39% من ميزانية الدولة ولا رقيب ولا حسيب
الجعجعة في 88 الف مصاب بالايدز في دولة المشروع الحضاري
|
Post: #57
Title: Re: الصادق المهدي يضع البشير في مأزق ... بقلم: خالد عويس
Author: عبدالمجيد الكونت
Date: 03-18-2010, 11:34 PM
Parent: #6
-
|
Post: #7
Title: Re: الصادق المهدي يضع البشير في مأزق ... بقلم: خالد عويس
Author: adil amin
Date: 02-09-2010, 01:59 PM
Parent: #3
| Quote: ومن أين له هذه الثقة أستاذي خالد وهو الذي بدأ حكمه بالكذب حين قال انه جاء الى الحكم وليس له اي حزب والأن سينهي حكمه مطلوب للعدالة الدولية ومتهما بجرائم حرب ضد شعبه من أين سيجد مثله ثقة في النفس ليقارع رجل يمثل ضمير امة في قامة السيد الصادق |
ناس حزب الامة دايرين درس عصر...ذى ما قال عثمان عبدالله مرة هنا
رايكم شنو في مناظرة بين
سيد الصادق ومنصور خالد
طال ما الحكاية فكر
اما جرائم الحرب ما بدت مع البشير وان جاءت في نظام عالمي جديد
مجزرة الضعين 1987 جرائم ضد الانسانية ايضا وحدثت في عهد رئيس الوزراء ويتحمل مسؤليتها تماما كما يتحمل البشير جرائم دارفور
|
Post: #8
Title: Re: الصادق المهدي يضع البشير في مأزق ... بقلم: خالد عويس
Author: عمر عبد الله فضل المولى
Date: 02-09-2010, 02:04 PM
Parent: #7
منصور خالد مع احترامي له هو رجل بتاع مقاولات من نميري للحركة الشعبية ممكن اي حزب يتفق معاه على شغل معين ويؤديه بمهارة عالية فهوالرجل الذي قدس النميري وجعله كالثور في مستودع الخزف
|
Post: #10
Title: Re: الصادق المهدي يضع البشير في مأزق ... بقلم: خالد عويس
Author: عبدالمجيد الكونت
Date: 02-09-2010, 02:27 PM
Parent: #7
Quote: ناس حزب الامة دايرين درس عصر...ذى ما قال عثمان عبدالله مرة هنا
رايكم شنو في مناظرة بين
سيد الصادق ومنصور خالد
طال ما الحكاية فكر
اما جرائم الحرب ما بدت مع البشير وان جاءت في نظام عالمي جديد
مجزرة الضعين 1987 جرائم ضد الانسانية ايضا وحدثت في عهد رئيس الوزراء ويتحمل مسؤليتها تماما كما يتحمل البشير جرائم دارفور |
استاذ عادل الف مرحب حبابك
درس العصر لايحتاجه ناس حزب الامة بل يحتاجه الذين يعتاشون على كتابات بقايا سدنة الشموليات
ناس حزب الامة هم من يعلمون الناس الدروس الصباحية والمسائية ومعاني حب هذا الوطن ومعاني النزاهة في العمل السياسي
اما أمر المناظرة الذي بصدده البوست هو مناظرة بين مرشحين في الانتخابات الرئاسية لجمهورية السودان في ابريل 2010 لذا حددنا فيها الأسماء وطالبنا بها اما ان كنت تبحث عن مناظرة فكرية لكاتبك المبجل منصور خالد فأيضا لامانع لدينا منها ايمانا منا بأثراء الساحة السياسية والفكرية ببعض النقاشات الجادة ولكني لا أرى ان هنالك وقت للسيد الصادق المهدي الان لمناظرة كاتبتكم النحرير وزير خارجية العهد المايوي وارشح كاتبنا الشاب صاحب هذا المقال الأستاذ خالد عويس لهذه المناظرة فهو بالتأكيد خير من يمثل حزب الأمة في اي مناظرة وفي أي زمان ومكان تشتهون .
جرائم الحرب في السودان الكل يعرف من ارتكبها ويرتكبها من انقاذيون ومشاركون للانقاذيون بصورة ما وان كنت تملك أدلة أو اي شبهات على ان السيد الصادق المهدي رئيس الوزراء الشرعي كان له اي علاقة تثبت تورطه في الضعين أو غيره فالمحاكم موجودة والسيد الصادق لم ولن يتخفى ويهرب مثل ما يفعل البشير الان
السيد الصادق قلنا ونكرر قولنا بحر من العلم والنزاهة والوطنية لا يؤثر فيه لغو من يلغو ولا ترهقه عناءات المرضى والحاقدين وادرانهم التي يحاولون الصاقها بها
ولك الف شكر على المرور عادل امين
|
Post: #9
Title: Re: الصادق المهدي يضع البشير في مأزق ... بقلم: خالد عويس
Author: Adil Osman
Date: 02-09-2010, 02:18 PM
Parent: #1
| Quote: سأل مقدم برنامج "بلا حدود" على قناة الجزيرة واسعة الانتشار، الزميل أحمد منصور، سأل السيد الصادق المهدي: هل تقبل بقيام مناظرة بينك وبين الرئيس البشير؟ فأجاب المهدي:لا أقبل، بل أطلب. |
هل طلب السيد الصادق رسميآ من عمر البشير ان يناظره؟
ومن ينظم هذه المناظرة؟
تلفزيون السودان؟
قناة الجزيرة؟
قناة العربية؟
قناة الحرة؟
اتمنى ان ارى هذه المناظرة. فهى ستضيف الى رصيد السيد الصادق، وستخصم من رصيد عمر البشير وحزبه.
وستكون تمرينآ ديمقراطيآ فى الحملات الانتخابية ومواجهة الجمهور عبر شاشات التلفزيون.
شكرآ يا خالد عويس.
|
Post: #11
Title: Re: الصادق المهدي يضع البشير في مأزق ... بقلم: خالد عويس
Author: عمر عبد الله فضل المولى
Date: 02-09-2010, 02:45 PM
Parent: #9
ماذا يفعل المارشال البشير
هل يقول حنثت بالقسم لان الترابي امره بذلك والترابي عنده مقدس ؟؟
ماذا يقول عن اعدام 28 ضابط في شهر رمضان ؟؟ ماذا لوتداخلت اي من ارامل هؤلاء الذين اعدمهم بالتلفون وطالبت بالقصاص ؟؟ هل سيقول البشير لانهم ارادوا الانقلاب على الحكم ؟؟ وهل جاء هو عبر انتخابات ام جاء على ظهر دبابة ؟؟؟ .
ماذا يقول عن حلفه بالقسم والطلاق عن عدم دخول قوات اجنبية ثم تراجعه عن ذلك
|
Post: #12
Title: Re: الصادق المهدي يضع البشير في مأزق ... بقلم: خالد عويس
Author: ABDALLAH ABDALLAH
Date: 02-09-2010, 03:14 PM
Parent: #11
ســلام يـا احـباب
مــن الطـبيعى ان تكـون هـنالك مـناظـره بين الـمرشـحين.
فـى امـيركا كانت هـنالـ ثلاث مـناظرات بين بـراك اوباما
وجـون مـاكـين.
كل واحــد عـرض برنامجــه عـلى الناخببن.
|
Post: #13
Title: Re: الصادق المهدي يضع البشير في مأزق ... بقلم: خالد عويس
Author: هاشم نوريت
Date: 02-09-2010, 03:17 PM
Parent: #12
للاسف مافى حد فى مازق غير سى صادق صاحب شركة الصادق واولاده قدس سرهم
|
Post: #15
Title: Re: الصادق المهدي يضع البشير في مأزق ... بقلم: خالد عويس
Author: عبدالمجيد الكونت
Date: 02-09-2010, 03:56 PM
Parent: #13
| Quote: للاسف مافى حد فى مازق غير سى صادق صاحب شركة الصادق واولاده قدس سرهم |
اخ هاشم نوريت تحية
من السهل جدا ان نكتب اي شي ولكن من الصعب جدا ان ندرك حقيقة التصاق ماكتبناه مع الواقع
اطلق لكيبوردك العنان ياهشام نوريت وقل ماتريد لتخبرنا عن شركة الصادق المهدي واولاده ونوع الاستثمار فيها وطبيعته
ولكننا هنا نطالب بمناظرة سياسية برامجية فكرية بين الرئيس المطلوب دوليا ومرشح الرئاسة عمر البشير ورئيس الوزراء الشرعي ومرشح الرئاسة ايضا السيد الصادق المهدي
|
Post: #14
Title: Re: الصادق المهدي يضع البشير في مأزق ... بقلم: خالد عويس
Author: عبدالمجيد الكونت
Date: 02-09-2010, 03:51 PM
Parent: #12
Quote: ســلام يـا احـباب
مــن الطـبيعى ان تكـون هـنالك مـناظـره بين الـمرشـحين.
فـى امـيركا كانت هـنالـ ثلاث مـناظرات بين بـراك اوباما
وجـون مـاكـين.
كل واحــد عـرض برنامجــه عـلى الناخببن. |
شكرا استاذ عبد الله للمرور الكريم
نعم من الطبيعي ان يحدث ذلك فهل للبشير وحزبه المقدرة على هذه المناظرة
نتمنى ذلك
|
Post: #16
Title: Re: الصادق المهدي يضع البشير في مأزق ... بقلم: خالد عويس
Author: Nader Abu Kadouk
Date: 02-09-2010, 04:05 PM
Parent: #14
سلام كونت و عويس
دي مناظره غير عادله
غايتو البشير إلا إشففوا
هو فاضي من النبيح والقسم والرقيص
|
Post: #17
Title: Re: الصادق المهدي يضع البشير في مأزق ... بقلم: خالد عويس
Author: عبدالمجيد الكونت
Date: 02-09-2010, 05:00 PM
Parent: #16
Quote: سلام كونت و عويس
دي مناظره غير عادله
غايتو البشير إلا إشففوا
هو فاضي من النبيح والقسم والرقيص |
خالص الاحترام اخ ابوكدوك
افضل ما في المناخ الحالي هو وجود مساحة لتعليم هؤلاء ماهية الخطاب السياسي العقلاني وماهية البرامج السياسية بعيدا عن الضجيج وفقاعات الرقيص التي اتخمو بها زاكرة هذا الوطن طوال عقدين من الزمان
نتمنى ان يتحلى البشير وطغمته ولو ليوم واحد بالمصداقية ويجعلوا أمر هذه المناظرة ممكن الحدوث حتى يرى العالم حجم البون الشاسع الذي بيننا في مصداقية مانقول ومانفعل وبينهم فيما يقولون ومانفعل وخطاب الحقائق جاهز والجرد التاريخي لحساباتهم موجود انشا الله
|
Post: #18
Title: Re: الصادق المهدي يضع البشير في مأزق ... بقلم: خالد عويس
Author: على عجب
Date: 02-09-2010, 05:03 PM
Parent: #16
|
Post: #19
Title: Re: الصادق المهدي يضع البشير في مأزق ... بقلم: خالد عويس
Author: عبدالمجيد الكونت
Date: 02-09-2010, 05:06 PM
Parent: #18
|
Post: #21
Title: Re: الصادق المهدي يضع البشير في مأزق ... بقلم: خالد عويس
Author: عبدالمجيد الكونت
Date: 02-09-2010, 05:09 PM
Parent: #18
Quote: يعني البشير محتاج لي مناظرة عشان الناس تعرفو ..
لكن المهم موش الكلام الطلع بيه الصادق المهدي
دين ابو اهلنا المهم متي يرعوي الصادق المهدي
ويختشي ، ويترك الشعب السوداني يتوحد بدل
هذا التسلط الطائفي البغيض؟. |
Quote: الكلام الطلع بيه الصادق المهدي
دين ابو اهلنا المهم م |
شكرا اخ علي عجب على الأسلوب (الراقي والمهذب) وشكرا أيضا للانقاذ التي اخرجتك الينا
|
Post: #20
Title: Re: الصادق المهدي يضع البشير في مأزق ... بقلم: خالد عويس
Author: othman mohmmadien
Date: 02-09-2010, 05:09 PM
Parent: #16
وأقبل الصباح
وسكت
عن الكلام المباح
|
Post: #22
Title: Re: الصادق المهدي يضع البشير في مأزق ... بقلم: خالد عويس
Author: Balla Musa
Date: 02-09-2010, 05:17 PM
Parent: #20
الصادق المهدى يستطيع أن يغلب أى مرشح رئاسة الآن فى الكلام فهذا هو قمة إنجازاته منذ نعومة أظفاره.
لكن لو وجدت صحافة حرة طليقة من كل القيود ومقتدرة سوف لن يتسلق منصبا عاما آخر إلا أن يستطيع حاكم نيويورك السابق فعل ذلك..
|
Post: #23
Title: Re: الصادق المهدي يضع البشير في مأزق ... بقلم: خالد عويس
Author: عبدالمجيد الكونت
Date: 02-09-2010, 05:31 PM
Parent: #22
Quote: الصادق المهدى يستطيع أن يغلب أى مرشح رئاسة الآن فى الكلام فهذا هو قمة إنجازاته منذ نعومة أظفاره.
لكن لو وجدت صحافة حرة طليقة من كل القيود ومقتدرة سوف لن يتسلق منصبا عاما آخر إلا أن يستطيع حاكم نيويورك السابق فعل ذلك.. |
هذا اعتراف اولي بواحدة من مقدرات الصادق المهدي في الخطابة ولكن الا تتفق معي ان هذه الخطابة لاتعطى الا للمتمكن من الشئ الذي يخطب فيه
اعترافك هذا يدخل فيه ضمنيا اقرارك بنزاهة وتاريخ هذا الرجل الي ان جرد حسابه مع الاخرين فهو متفوق عليهم انشا الله
الصادق المهدي اخ بلة موسى لايمكنني واياك محاسبته كفرد ولكن كتنظيم ان اخفق في ادارة البلاد كما هو حادث الان للمؤتمر الوطني علما بان المؤتمر الوطني يحكم منفردا طوال العشرون عام الماضية بينما حزب الامة كان يحكم مؤتلفا مع احزاب اخرى في فترة الديمقراطية الثالثة الموؤدة
نتمنى معك وجود صحافة حرة ومهنية اخ بلة في النظام الديمقراطي المقبل لمتابعه الدولة وسياسات الحكومة لا صحافة فوضوية مخربة مثل صحافة حسين خوجلي ومن شايعه .
الف شكر على المرور
ولازلنا نطالب البشير وطغمته بالمناظرة
|
Post: #24
Title: Re: الصادق المهدي يضع البشير في مأزق ... بقلم: خالد عويس
Author: عمر عبد الله فضل المولى
Date: 02-09-2010, 05:44 PM
Parent: #22
| Quote: لكن لو وجدت صحافة حرة طليقة من كل القيود ومقتدرة سوف لن يتسلق منصبا عاما آخر إلا أن يستطيع حاكم نيويورك السابق فعل ذلك.. |
وهل تسلق المناصب تحدده انت بهذه الطريقة ام يحدده الناخب ؟؟ ام انه كلام والسلام
|
Post: #25
Title: Re: الصادق المهدي يضع البشير في مأزق ... بقلم: خالد عويس
Author: Haytham Mansour
Date: 02-09-2010, 07:23 PM
Parent: #24
ألاستاذ الفاضل/علي عجب ,,,,
Quote: يعني البشير محتاج لي مناظرة عشان الناس تعرفو ..
لكن المهم موش الكلام الطلع بيه الصادق المهدي
دين ابو اهلنا المهم متي يرعوي الصادق المهدي
ويختشي ، ويترك الشعب السوداني يتوحد بدل
هذا التسلط الطائفي البغيض؟. |
قد كنت قبل هذا تستحوذ علي اعجابنا,,, وبعدهذا اصبح امرك عندنا عجب !!!!
اليك عجبي و تعجبي ,,,
|
Post: #26
Title: Re: الصادق المهدي يضع البشير في مأزق ... بقلم: خالد عويس
Author: خالد عويس
Date: 02-10-2010, 06:15 AM
Parent: #25
أعزائي جميعا
عنوان مقالي مضلل شوية، فالصحيح - طبعا - أن الصادق المهدي وضع نفسه في "مأزق" حين طلب مناظرة تجمعه بالبشير!!
يا ها غايتو زي حكاية الامبراطور أحمد الصادق مع "المدعو" محمد وردي !!
غايتو البشير لو لمّ في الصادق المهدي أو ياسر عرمان بيجهجه باكاتهم..ولو عايز يتعبهم أكتر..يقول ما فاضي ويرسل ليهم عبدالرحيم محمد حسين..عشان الشعب السوداني يستمتع لي يوم الدين !
بعدين منو القال ليكم البشير حيزوغ من أي مناظرة؟
البشير يوم متين زاغ من حاجة زي دي؟!
نشّف ريق زينب البدوي، وحاصرها حصار عمرها ما شافتو!!
البشير لو جاهو أوكامبو ذاتو يناظرو خليك من الصادق المهدي !!
حجة كدة ومنطق البشير يمسح بأي زول البلاط..ما شاء الله عيني باردة..علم وفكر ومنطق..كلام مرتب..مش زي الصادق المهدي اللي تقول راميهو جمل!!
مش ياهو الصادق المهدي بتاعكم ده اللي جنّو طلاق و"جزم" ولا واحد تاني؟!
مش ياهو ياسر عرمان بتاع "الناس في شندي شافوا الطيارات وهي جاية تضرب مصنع الشفاء" ولا زولا تاني؟!
ده عليك الله يناظرو ليهو شنو؟
بالله ده بني آدم بيعرف عسكرية..؟
لأ..والتاني يتصلو بيهو ناس بي بي سي عشان يسألوهو باعتبارو وزير (الدفاع) يقول ليهم: والله أنا ما عارف لكن ما بنخليهم !!
وصحي..ما خلاهم..أدبهم أدب المدايح ووراهم العين الحمرا..لي درجة انو رفعوا لافتات في المظاهرات: قرية (فطيسة) تحذر أميركا لآخر مرة.!
ومنها أمريكا تاني ما قربت على السودان..ختت شر ناس قرية (فطيسة)..الناس ديل ما مضمونين..كمان يقوموا يجهجهوا حنانها بي صاروخ عابر للقرى ولا يدوها عصاية في نص نافوخها!!
مش ياهو الصادق المهدي القاعد يتفاصح لحد ما إسرائيل جات ضربت قافلة في شرق السودان؟!
ده بالله يقول في المناظرة شنو؟
كالهر يحكي صولة الأسد؟؟
لينا 20 سنة هرد مصارينا عليّ إن لاقيتها ضرابها..وإسرائيل وأميركا..لمن ضربوهو لا شفنا ضرابو ولا شفنا حاجة..جعجعة سااااااكت !!
أها بعد ده كلو إلا ينظم المناظرة دي عادل إمام وتكون منقولة لي شعوب الدنيا كلها عشان لزوم التسلية والضحك..يا خوانا خلوا الناس يضحكوا شوية..اضحك مع المشير..!
الكونت يا حبيب..البشير ده مناظرة مع نفسو ما بيقدر عليها..تقول لي الصادق المهدي؟
|
Post: #27
Title: Re: الصادق المهدي يضع البشير في مأزق ... بقلم: خالد عويس
Author: نيازي مصطفى
Date: 02-10-2010, 07:08 AM
Parent: #1
ياخي ذكر الامام دا بيجنن ناس عديل ..كدي بالله عاين للبوست دا خلى ناس تدردق كيفن .. دي براها مناظرة .
|
Post: #28
Title: Re: الصادق المهدي يضع البشير في مأزق ... بقلم: خالد عويس
Author: حمزاوي
Date: 02-10-2010, 07:29 AM
Parent: #27
يا الكونت اخوي
ارحموا عزيز قوم ذل
قلت السيد الامام الصادق عايز يناظر مين
عجبي !!!!!
هي الدنيا دي حصل فيها شنو
|
Post: #29
Title: Re: الصادق المهدي يضع البشير في مأزق ... بقلم: خالد عويس
Author: جعفر محي الدين
Date: 02-10-2010, 09:01 AM
Parent: #28
الحبيب عبد المجيد الكونت
السلام عليكم ورحمة الله وبركاته
والتحية موصولة عبركم للحبيب خالد عويس
| Quote: فأجاب المهدي: لا أقبل بل أطلب |
ناس المؤتمر ديل ناس ليهم بالظاهر، وبقروا على حسب فهمهم فهم وقفوا عند لا أقبل
واعتبروا الإجابة نهائية !!!
|
Post: #30
Title: Re: الصادق المهدي يضع البشير في مأزق ... بقلم: خالد عويس
Author: عبدالمجيد الكونت
Date: 02-10-2010, 12:49 PM
Parent: #27
| Quote: ياخي ذكر الامام دا بيجنن ناس عديل ..كدي بالله عاين للبوست دا خلى ناس تدردق كيفن .. دي براها مناظرة . |
هلا بيك نيازي ياحبيب
ياخوي اصحابنا ديل كانوا متخيلين الحكاية لعبة لكن بعد كده الا يشوفوا ليهم جحر ضب يضاروا فيه
تحت تحت قالوا العقارات اسعار زايدة في ماليزيا ما عارفين السبب شنو
|
Post: #31
Title: Re: الصادق المهدي يضع البشير في مأزق ... بقلم: خالد عويس
Author: ليلي عثمان عبيد
Date: 02-10-2010, 01:07 PM
Parent: #1
أهو الشعور بقصر القامة الفكرية والثقافية والسياسية حتى بعد 20 عاما من السلطة؟
كنتي اهلنا قالو القلم ما بزيل بلم خليك من السلطة.
|
Post: #32
Title: Re: الصادق المهدي يضع البشير في مأزق ... بقلم: خالد عويس
Author: adil amin
Date: 02-10-2010, 03:30 PM
Parent: #31
| Quote: جرائم الحرب في السودان الكل يعرف من ارتكبها ويرتكبها من انقاذيون ومشاركون للانقاذيون بصورة ما وان كنت تملك أدلة أو اي شبهات على ان السيد الصادق المهدي رئيس الوزراء الشرعي كان له اي علاقة تثبت تورطه في الضعين أو غيره فالمحاكم موجودة والسيد الصادق لم ولن يتخفى ويهرب مثل ما يفعل البشير الان |
العزيز الكونت
تحية طيبة
الدرس الاول
الديموقراطية والانتخابات تقع في مستويين
1- اجرائيlegality وهو ما نصت عليه قانون الانتخاب لمنصب رئيس الجمهورية
2- اخلاقيlegetamcy.وهو الارث السياسي لشخص المنتخب وفقا للمادة(ان لا يكون قد مارس اشياء تخل بالشرف والمرؤة
اذا انت تفتكر منصور خالد فقط هو الذي ادان التاريخ السياسي المشين للامام بتاعك
انتم لا تقرؤاون اطلاقا وتشكلون النخبة الاقل وعيا في البورد وفي السودان
1- المحجوب في كتاب الديموقراطية فى الميزان ادان الصادق والترابي
2- محمود محمد طه في كتبه السياسية
3- منصور خالد في كتبه
4- فرانسيس دينق السودان صراع الرؤى
5- ابيل الير جنوب السودان والتمادي في نقض الموايثق والعهود
6- جون قرنق(رسالة جون قرنق للسيد الصادق المهدي)
7- فتحي الضو(سقوط الاقنعة
8- محمد سليمان كتاب حروب الموارد والهوية ركز على الهوامش
9- النوبة وحروب الابادة افريكا رايتس
10 مجزرة الضعين والرق في السودان سليمان بلدو ود.عشاري
وكل الكتب دي ان جبت منها مقتطفات موثقة هنا عبر عشر سنوات في البورد وناسك ديل كلهم معانا هناواحد ساكت هبب ناحيتا مافي بس في ناس غيركم بقرو..
....
بعدين الانتخابات الراسية الان ليس لى ناس جمهورية العاصمة المثلثة فقط او ام حجار ذى زمان
دي على نطاق السودان كله...حيث جرائم الحزب في حق انسان الهامش وخايفنكم تحتاجو بعدين لبندول نافع على نافع بعد اعلان النتيجة
|
Post: #33
Title: Re: الصادق المهدي يضع البشير في مأزق ... بقلم: خالد عويس
Author: سيف اليزل الماحي
Date: 02-10-2010, 04:28 PM
Parent: #32
.
الصادق المهدي لم يستطع أن يدافع عن الديمقراطية،
ولذلك لا جدوى من الحديث عن مناظره بينه وعمر البشير،
إلا أن يكون ذلك من باب "فش الغبينة" على طريقة حزب الأمة
والتي تقول: "من فش غبينتو خرب مدينتو"!
مع تحياتي
سيف اليزل
.
|
Post: #37
Title: Re: الصادق المهدي يضع البشير في مأزق ... بقلم: خالد عويس
Author: عبدالمجيد الكونت
Date: 02-11-2010, 11:06 AM
Parent: #33
Quote: الصادق المهدي لم يستطع أن يدافع عن الديمقراطية،
ولذلك لا جدوى من الحديث عن مناظره بينه وعمر البشير،
إلا أن يكون ذلك من باب "فش الغبينة" على طريقة حزب الأمة
والتي تقول: "من فش غبينتو خرب مدينتو"!
مع تحياتي
سيف اليزل
|
الف مرحب بك اخي سيف اليزل
الصادق المهدي دفاعه عن الديمقراطية يتمثل في صراعه مع الانقلابيون منذ صبيحة الانقلاب في 1989 وحتى صبيحة اليوم في فبراير2010 ,
مستخدما كل الأساليب في الدفاع الديمقراطية المستلبة دفاعا مدنيا واخر عسكري واخر تفاوضي
. واحد وعشرون عام لم تلين من عزيمته فلم يشارك هؤلاء الانقاذيون جريمتهم في حق الشعب السوداني وكثيرون هنا يتحدثون الان عن الجماهير السودانية ويتلكمون عن الديمقراطية وهم شركاء للانقاذ أو اجراء لها أو كومبارس في فلمها السلطة والاغراءات
والصادق المهدي هو الوحيد الذي لم يشاركها هذا
اما ان كنت تقصد حماية الديمقراطية من الانقلابيون فحماية الديمقراطية ليست من مسؤلية الصادق المهدي وحده وانما مسئولية الجميع من اول مواطن وحتى رئيس الوزراء مرورا بكل مؤسسات المجتمع المدني ومؤسسات الدولة التي منها القوات المسلحة التي اتت بالانقلابين
مع احترامي لك
|
Post: #52
Title: Re: الصادق المهدي يضع البشير في مأزق ... بقلم: خالد عويس
Author: عبدالمجيد الكونت
Date: 03-07-2010, 11:48 AM
Parent: #37
.
|
Post: #34
Title: Re: الصادق المهدي يضع البشير في مأزق ... بقلم: خالد عويس
Author: الصادق الزين
Date: 02-10-2010, 04:42 PM
Parent: #32
[Quote: الصادق المهدى يستطيع أن يغلب أى مرشح رئاسة الآن فى الكلام فهذا هو قمة إنجازاته منذ نعومة أظفاره.
لكن لو وجدت صحافة حرة طليقة من كل القيود ومقتدرة سوف لن يتسلق منصبا عاما آخر إلا أن يستطيع حاكم نيويورك السابق فعل ذلك.. |
بله موسى
السيد الصادق هو الشخص الذى يسعى الى وجود
صحافه حره و طليقه و لا يخشى من ذلك شئ , رغم تلفيقاتكم و المشكل انكم
تفعلون كل فعل منكر و خبيث و للاسف باسم الدين
و من ثم تكممون افواه الصحافه الحره حتى لا تفضح امركم
و يقينى رئيسكم يفعل اكثر مما فعله حاكم نيويورك السابق
ولو مكذبنى اسال السيده حرمه المصون الثانيه!!!
|
Post: #35
Title: Re: الصادق المهدي يضع البشير في مأزق ... بقلم: خالد عويس
Author: ABDALLAH ABDALLAH
Date: 02-10-2010, 07:29 PM
Parent: #34
Quote:
اذا انت تفتكر منصور خالد فقط هو الذي ادان التاريخ السياسي المشين للامام بتاعك
انتم لا تقرؤاون اطلاقا وتشكلون النخبة الاقل وعيا في البورد وفي السودان |
الاخ عـادل امــين , تحـياتى
لـيس بهـذه الطـريقه يـمكن مـقارعـة الـحجـه بالـحجـه , وذكـرك لـكل
مـا كـتب سـلبا عـن السـيد الصـادق الـمهدى لا يعـتبر ســندا قـانونيا
يؤكـد زعـمك بـانه ارتكـب مـا يخـل بالشـرف او الامـانه.
بـدل اطـلاق الكـلم عـلى عـواهنه هـكذا , اكـرر مـا قـاله لك الاحـباب
مـن قـبل ,اذا كـان لـديك مـا يثبت ارتكـاب اى جـرم مـن حـزب الامـه او قـيادته فعلـيك بالقضـاء, ومكان اقامة امـامنا معـروفه لديكـم.
عـموما هـذا البوسـت يتحـدث عـن مناظـره بين الـمرشـحين , والـمناظره
تعـتبر احـد اسـاليب الـممارسـه الديمقراطيه , لـم تحـدثنا عـن وجـهة
نظـرك فى هذه النقطـه الاسـاسـيه بل تداخلت باسـلوب مـهاجـمـه يـدل
عـلى انـك لا تؤمـن بالـنظام الديـمقراطـى اصــلا.
|
Post: #38
Title: Re: الصادق المهدي يضع البشير في مأزق ... بقلم: خالد عويس
Author: عبدالمجيد الكونت
Date: 02-11-2010, 11:11 AM
Parent: #35
Quote: الاخ عـادل امــين , تحـياتى
لـيس بهـذه الطـريقه يـمكن مـقارعـة الـحجـه بالـحجـه , وذكـرك لـكل
مـا كـتب سـلبا عـن السـيد الصـادق الـمهدى لا يعـتبر ســندا قـانونيا
يؤكـد زعـمك بـانه ارتكـب مـا يخـل بالشـرف او الامـانه.
بـدل اطـلاق الكـلم عـلى عـواهنه هـكذا , اكـرر مـا قـاله لك الاحـباب
مـن قـبل ,اذا كـان لـديك مـا يثبت ارتكـاب اى جـرم مـن حـزب الامـه او قـيادته فعلـيك بالقضـاء, ومكان اقامة امـامنا معـروفه لديكـم.
عـموما هـذا البوسـت يتحـدث عـن مناظـره بين الـمرشـحين , والـمناظره
تعـتبر احـد اسـاليب الـممارسـه الديمقراطيه , لـم تحـدثنا عـن وجـهة
نظـرك فى هذه النقطـه الاسـاسـيه بل تداخلت باسـلوب مـهاجـمـه يـدل
عـلى انـك لا تؤمـن بالـنظام الديـمقراطـى اصــلا. |
استاذ عبدالله شكرا للمرور وأسف للتأخر في الرد
ياحبيب اخونا عادل امين ده ما عنده شي زول جعجاع ساكت وينضم والمكرفون معلق في ضهروا
غايتو كان جا بكرة الصباح دغش واخد الحصة حقتوا دي يمكن يفهم البوست ده مفتوح لي شنو ؟
|
Post: #36
Title: Re: الصادق المهدي يضع البشير في مأزق ... بقلم: خالد عويس
Author: عبدالمجيد الكونت
Date: 02-11-2010, 10:51 AM
Parent: #32
Quote:
العزيز الكونت
تحية طيبة
الدرس الاول
الديموقراطية والانتخابات تقع في مستويين
1- اجرائيlegality وهو ما نصت عليه قانون الانتخاب لمنصب رئيس الجمهورية
2- اخلاقيlegetamcy.وهو الارث السياسي لشخص المنتخب وفقا للمادة(ان لا يكون قد مارس اشياء تخل بالشرف والمرؤة
|
استاذ عادل امين صباح الخير
تعرف ياصديقي انت فعلا لا تحتاج لدرس عصر لأن درس العصر بياخدوه كل الطلاب الأذكياء منهم والأغبياء مواصلة لدروس اليوم الاعتيادية لكن انت تحتاج لحصة صباحية ودي بدوها لنوع محدد من التلاميذ المابقدروا يستوعبوا الدروس يجيبوهم قبل طابور الصباح ويراجعوا ليهم عشان في اعتقاد كبييير انه وقت الصباح البدري داك مهما تكون العقول مقفولة ومطينة ممكن الناس تفهم عشان كده انا بقترح تجيي بكرة بدري تاخد حصة صباحية من اي واحد في الاحباب ديل
عشان كده بطل البرطمة البتبرطم فيها دي وقول كلام في اطار البوست واطار المناظرة المطلوبة فيه وفي تقديري ان مرشحنا للرئاسة ونحن مستعدون تمام لكل المحاكمات والاتهامات التي تعتاشون من تلفيقها فقط عليكم ان تكون (ا Documented) في هذه الاتهامات الا فلن تعدو ان تكون مقولات حكامات لن ننتبه لها والحكم كما قلنا هو الجماهير والقراء ياصديقي.
Quote: اذا انت تفتكر منصور خالد فقط هو الذي ادان التاريخ السياسي المشين للامام بتاعك
انتم لا تقرؤاون اطلاقا وتشكلون النخبة الاقل وعيا في البورد وفي السودان
1- المحجوب في كتاب الديموقراطية فى الميزان ادان الصادق والترابي
2- محمود محمد طه في كتبه السياسية
3- منصور خالد في كتبه
4- فرانسيس دينق السودان صراع الرؤى
5- ابيل الير جنوب السودان والتمادي في نقض الموايثق والعهود
6- جون قرنق(رسالة جون قرنق للسيد الصادق المهدي)
7- فتحي الضو(سقوط الاقنعة
8- محمد سليمان كتاب حروب الموارد والهوية ركز على الهوامش
9- النوبة وحروب الابادة افريكا رايتس
10 مجزرة الضعين والرق في السودان سليمان بلدو ود.عشاري
وكل الكتب دي ان جبت منها مقتطفات موثقة هنا عبر عشر سنوات في البورد وناسك ديل كلهم معانا هناواحد ساكت هبب ناحيتا مافي بس في ناس غيركم بقرو.. |
منصور خالد الذي يعجبك هذا يا صديقي كان وزير خارجية لنظام عسكري شمولي وهذه في حد زاتها تقدح في أهلية الرجل وأحقيته في انتقاد النظام الديمقراطي أو حتى التحدث فيه
فهو بهذا المنصب لم ولن يكون مؤهلا لمحاكمة من يؤمن بالنظام الديمقراطي وفاقد الشي لا يعطيه ومع كل هذا نحن نحترم كتابات اي شخص مهما كانت مواقفه مننا حتى لو كان تاريخه من الأنظمة الديمقراطية صفرا كبيرا مثل كاتبك المبجل هذا .
اما مسألة انكم الفئة الأقل وعيا أو الأكثر وعيا ومثل هذا الكلام الممجوج الذي تعودنا سماعه كثيرا من أمثالكم فهل يا صديقي لي الشرف بأن تضعني في زيل هذه القائمة الأقل وعيا في تصنيفك وتعطيني مقياسك للوعي (الوعيميتر) الذي حددت به وجودنا في اسفل هذه القائمة .
عزيزي عادل امين كل العقائدين واحادي الفكرة يتبعون نفس منهجك هذا فمن ليس معي هو ضدي وانا الصحيح وغيري هو الخطاء ,
صبية الجبهة الأسلامية قرأو كتابين أو ثلاثة لسيد قطب وشيخ حسن الترابي فظنوا انهم خلفاء الله في الأرض وكفروا كل من اختلف معهم.
انت وبعض من صبية الأسافير قرأتم كتابين او ثلاثة لمحمود محمد طه ومنصور خالد فظننتم أنفسك الفئة الأكثر وعيا واعتقدتم ان الأخرين يعيشون في ظلمات من الجهل
حقيقة انا ارثى لك ولحالك ولمدى الحنق الذي يستولى عليك فيجعل مداخلاتك بهذا الشكل .
ياعزيزي هذا بوست افترع لمناظرة مرشحي الرئاسة فتداخلت انت فيه طالبا مناظرة مع شخص لاعلاقة له بالامر وكلت ما كلت , فقلنا يمكن ان الرجل قد تشابه عليه البقر علينا ان نحترم رأيه ونرد عليه , ذهبت وجئت حاملا معك مقياس للوعي فقست لنا اطوالنا واحجامنا واوزاننا واعطيت لنفسك السمين وتركت الغث للأخرين فهنيئا لك وعيميترك هذا ياصديقي فانا لا يشرفني ان ادافع بكتابات الشموليين ضد الديمقراطين ولو لبسوا جلابيب الديمقراطية واثوابها مثل منصور خالدك هذا
س سؤال اعدم الاسلاميون محمد محمد طه فهل كان محقين في اعدامه ام ان ماكتبوه من مرافعات جعلت الحكم في صالحهم وعادم بسببها محمود محد طه وهل يحق لي الاعتداد بكتابابتهم لتبرير اعدام محمود محمد طه ان اختلفت مع الجمهوريين ياصديقي ؟؟
.
Quote: بعدين الانتخابات الراسية الان ليس لى ناس جمهورية العاصمة المثلثة فقط او ام حجار ذى زمان
دي على نطاق السودان كله...حيث جرائم الحزب في حق انسان الهامش وخايفنكم تحتاجو بعدين لبندول نافع على نافع بعد اعلان النتيجة |
شخصيا لا اهتم بكلام معارض يغتدي بمقولات نافع لذا انت هنا لاتستحق الرد والسلام
|
Post: #39
Title: Re: الصادق المهدي يضع البشير في مأزق ... بقلم: خالد عويس
Author: adil amin
Date: 02-12-2010, 04:02 PM
Parent: #36
حبايبي ناس حزب الامة
اتلميتو في الردح الاجوف
الحقيقة..انتو مش عايزين درس عصر بس
دايرين فرمتة كمان....لان الهارد ديسك بتاعكم ما بجمع...بفعل تاثير((الراتب)))
وثانيا عندكم منطق بشبهكم تماما....تركزو على الكاتب وليس الكتابات
الناس الذين ذكرتهم لكم تعتبر كتبهم رفرنس
والمناظرة بتفتش تاريخك السياسي من يوم دخلت الحلبة السياسيةوماترتب عليه من مخازي واالام
بعدين بوست (هكذا تكلم وليد مادبو))
ما شفتو ولا شنو
امشو ارجعو اقرو كلام مادبو وخلو العنتظة الفاضية
وبالمينشيت كده
الامام تقدس سره
ليس له ادنى علاقة بالديمقراطية ولا حقوق الانسان(اقرا رسالة قرنق)
واذا انتو عايزين تقبحو كل اعلام الفكر المعاصر عشان خاطر امامكم....ومستفيدين من تدني الوعي في البورد وعدم متابعة الكتب الموثقة النزلناها هنا باطن وماقربتوها
الناس في الهامش يا مترفين عرفو تماما من هو السيد الصادق المهدي وبالتجربة المرة...واتمردوعلى حزب الامةوالمركز..
وان شاء الله بعد الانتخابات
برسل ليكم بندول اكسترا...عشان تفوقو من السقوط المدوي
وتعالو لي كلكم في بوست مادبو....ومعاكم الاسطورة بحر العلوم عبدالمحيط الهادي( عثمان محمدين)
عشان تشوفو الوثائق وبالتفاصيل المملة
|
Post: #40
Title: Re: الصادق المهدي يضع البشير في مأزق ... بقلم: خالد عويس
Author: عبدالمجيد الكونت
Date: 02-13-2010, 10:17 AM
Parent: #39
Quote: حبايبي ناس حزب الامة
اتلميتو في الردح الاجوف
الحقيقة..انتو مش عايزين درس عصر بس
دايرين فرمتة كمان....لان الهارد ديسك بتاعكم ما بجمع...بفعل تاثير((الراتب)))
وثانيا عندكم منطق بشبهكم تماما....تركزو على الكاتب وليس الكتابات
الناس الذين ذكرتهم لكم تعتبر كتبهم رفرنس
والمناظرة بتفتش تاريخك السياسي من يوم دخلت الحلبة السياسيةوماترتب عليه من مخازي واالام
بعدين بوست (هكذا تكلم وليد مادبو))
ما شفتو ولا شنو
امشو ارجعو اقرو كلام مادبو وخلو العنتظة الفاضية
وبالمينشيت كده
الامام تقدس سره
ليس له ادنى علاقة بالديمقراطية ولا حقوق الانسان(اقرا رسالة قرنق)
واذا انتو عايزين تقبحو كل اعلام الفكر المعاصر عشان خاطر امامكم....ومستفيدين من تدني الوعي في البورد وعدم متابعة الكتب الموثقة النزلناها هنا باطن وماقربتوها
الناس في الهامش يا مترفين عرفو تماما من هو السيد الصادق المهدي وبالتجربة المرة...واتمردوعلى حزب الامةوالمركز..
وان شاء الله بعد الانتخابات
برسل ليكم بندول اكسترا...عشان تفوقو من السقوط المدوي
وتعالو لي كلكم في بوست مادبو....ومعاكم الاسطورة بحر العلوم عبدالمحيط الهادي( عثمان محمدين)
عشان تشوفو الوثائق وبالتفاصيل المملة |
هلا بالأخ ((وعيوفيتش)) التسمية دي جاية من اجادتك لاستخدام مقياس الوعي ميتر
اعتقد ان البوست كان واضح وصريح في طلب مناظرة بين مرشحي الرئاسة ولكن انت تعمى نفسك أو تتعامى عن ذلك فتارة تطلب مناظرة مع شخص خارج اطار الفئة المعنية بالبوست وتارة تقدح في تاريخ وسياسة الحبيب الامام مستشهدا بكتابات اخرين ومتارة تقول كلام غير مفهوم وتارة تمارس هوايك المفضلة بقياس وعي الجماهير . المهم
الفرفرة الكتيرة دي خليها وما تستشهد بي لي كتابات اخرين وجيب لي وقائع
انا سألت سؤال ولم تجب عليه فان كنت تقدر على الاجابة عليه كفيتيني وكفيت نفسك كل هذا الغثاء الذي تلقى واتمنى صادقا ان اسمع أجابتك طال ما انت تؤمن بان كل أراء الاخرين تجاه من أختلف معه صحيحة ارجوا منك ان توضح لي ذلك حول هذه النقطة والتي سألتك عنها سابقا
Quote: س سؤال اعدم الاسلاميون محمد محمد طه فهل كانو محقين في اعدامه ام ان ماكتبوه من مرافعات جعلت الحكم في صالحهم واعدم بسببها محمود محد طه.
وهل يحق لي الاعتداد بكتابابتهم لتبرير اعدام محمود محمد طه ان اختلفت مع الجمهوريين ياصديقي ؟؟ |
|
Post: #41
Title: Re: الصادق المهدي يضع البشير في مأزق ... بقلم: خالد عويس
Author: سيف اليزل الماحي
Date: 02-13-2010, 04:15 PM
Parent: #40
.
Quote: اما ان كنت تقصد حماية الديمقراطية من الانقلابيون فحماية الديمقراطية ليست من مسؤلية الصادق المهدي وحده وانما مسئولية الجميع من اول مواطن وحتى رئيس الوزراء مرورا بكل مؤسسات المجتمع المدني ومؤسسات الدولة التي منها القوات المسلحة التي اتت بالانقلابين
|
الأخ الكونت
تحياتي ..
هذا الحديث لايقنع أحد، الصادق المهدي هو المسئول الأول والمباشر عن حماية النظام الديمقراطي
في ذلك الزمان .. لكن الصادق كان ومازال ملك النظريات الطوباوية بلا منازع!
مع أكيد إحترامي
سيف اليزل
.
|
Post: #42
Title: Re: الصادق المهدي يضع البشير في مأزق ... بقلم: خالد عويس
Author: عبدالمجيد الكونت
Date: 02-13-2010, 04:37 PM
Parent: #41
Quote: هذا الحديث لايقنع أحد، الصادق المهدي هو المسئول الأول والمباشر عن حماية النظام الديمقراطي
في ذلك الزمان .. لكن الصادق كان ومازال ملك النظريات الطوباوية بلا منازع! |
نعم اخ سيف اليزل السيد الصادق يعتبر مسئول عن الديمقراطية وحمايته ومسئوليته هي التي جعلته يكون المحارب الأشد والاشرس لها طوال الواحد وعشرون عام من عمر الانقاذ ولكن اليس على المؤسسة العسكرية التي أطاحت بالنظام الديمقراطي ايضا هذه المسئولية
الديمقراطية ليست تعليمات من رئيس الوزراء فقط ولكنها نظام متكامل كان يجب على المؤسسة العسكرية ان تكون من ضمنها وتقوم بواجبها فيه دفاعا عن النظام المنتخب وليس انقلابا عليه وبالتالي تحميل مسئولية الانقلاب لشخص رئيس الوزراء دون النظر الى تصرفات الأخرين فيه تحميل اكثر مما ينبغي
مع وافر احترامنا
|
Post: #43
Title: Re: الصادق المهدي يضع البشير في مأزق ... بقلم: خالد عويس
Author: محمد حسن العمدة
Date: 02-13-2010, 06:03 PM
Parent: #42
Quote: متي يرعوي الصادق المهدي
ويختشي ، ويترك الشعب السوداني يتوحد بدل
هذا التسلط الطائفي البغيض؟ |
لغة غير مقبولة ابدا يا علي عجب وفعلا عيش رجبا ترى عجبا
السمعنا من اصحاب مثل هذه اللغة كثير خاصة في زمن صحافة اسحق فضل الله والهندي عز الدين والطيب مصطفى ...
عموما السيد الامام .. رئيس حزب الامة القومي لم يفرض نفسه على احد ابدا ولم يحكم السودان قط الا عبر صناديق انتخاب حر ونزيه
على الكثيرين ان يرعو في كتاباتهم حسن الادب والتهذيب ومخاطبة الاخر الديمقراطي بما يحب ان يعامل كذلك ...
|
Post: #44
Title: Re: الصادق المهدي يضع البشير في مأزق ... بقلم: خالد عويس
Author: محمد حسن العمدة
Date: 02-13-2010, 06:18 PM
Parent: #43
Quote: اذا انت تفتكر منصور خالد فقط هو الذي ادان التاريخ السياسي المشين للامام بتاعك
انتم لا تقرؤاون اطلاقا وتشكلون النخبة الاقل وعيا في البورد وفي السودان |
تالله انك لفي ضلالك القديم
عادل امين انت من يجيبو سيرة حزب الامة دا الكاروشة تمسكك مالك ؟
حسع امانة في ظمتك دي الكونت دا جاب سيرة ادانة منصور خالد ( زويلك النويخب الذي ادمن الفشل ) ؟؟!! للامام ؟؟!!
دا كلام الكونت حرفيا :
| Quote: جرائم الحرب في السودان الكل يعرف من ارتكبها ويرتكبها من انقاذيون ومشاركون للانقاذيون بصورة ما وان كنت تملك أدلة أو اي شبهات على ان السيد الصادق المهدي رئيس الوزراء الشرعي كان له اي علاقة تثبت تورطه في الضعين أو غيره فالمحاكم موجودة والسيد الصادق لم ولن يتخفى ويهرب مثل ما يفعل البشير الان |
وين هنا اشار الكونت او ذكر بالحرف ادانة منصور ؟؟!!
انت بتطالب اعضاء حزب الامة بالقراية وانت نفسك ما قادر تقرا صاح كتابة الكونت كيف نضمن الكتب القريتا دي وجبتها هنا انك قريتا صاح ؟ انت ما سمعت بالبيت البقول ما بفهم المكتوب البقرا بالقلبة ؟؟؟ اهو ديل نوعك دا ... يذاكر ليهو كلمتين تلاتة ويقرا ليهو مقدمة كتاب ويجي يتفنجر بيها 
اخلاقيا لو بتتحدث عن الاخلاق منصور خالد لا يمتلك حق ادانة ولو تاريخية لحزب الامة منصور خالد سكرتير السكرتير العام لحزب الامة البك عبد الله خليل شخصية انتهازية كان يطمع في تسلق سريع عبر حزب الامة ولما لم ينجح قدم اوراقه للسفاح نميري الذي كافاه بتقليده منصب وزير الخارجية ومناصب اخرى وفر هاربا في نفس ليلة دخوله الخرطوم عندما رفعت قوة الانتفاضة مطلبا بمحاكمته كاحد السدنة ولم يجد بد من العمل تحت امرة الجنرال د قرنق ليحمي نفسه بمعنى ان انتمائه للحركة الشعبية ايضا كان بعقلية انتهازية ... منصور خالد تجرع الفشل حتى عجز الاطباء عن علاجه ولم يجد حرجا بعد كل هذا ان يقنع بمنصب رئيس مجلس ادارة الصمغ العربي ؟!!! هذا هو جل ما يستطيعه منصور خالد ...
منصور خالد لا يقدر على العمل الا تحت مظلة الاخرين كما لا يقدر عادل امين الا على الدفاع عن الاخرين امثال منصور خالد وليس لديه شيئا ليقدمه سوا بعض خزعبلات تنشر في الحوار المتمدن ليندهش بها وحيدا
|
Post: #45
Title: Re: الصادق المهدي يضع البشير في مأزق ... بقلم: خالد عويس
Author: على عجب
Date: 02-13-2010, 09:24 PM
Parent: #44
عبد المجيد الكونت
هيثم منصور
محمد حسن العمدة
اعتذر لكم عن هذه اللغة غير المهذبة والجارحة
ولكل من تاذي منها.
وقد قمت بحذف المداخلة ربما يكون في
ذلك تصحيحا للموقف.
كامل الود
|
Post: #46
Title: Re: الصادق المهدي يضع البشير في مأزق ... بقلم: خالد عويس
Author: Haytham Mansour
Date: 02-13-2010, 09:39 PM
Parent: #45
ألاستاذ الفاضل/علي عجب ,,,,
Quote: عبد المجيد الكونت
هيثم منصور
محمد حسن العمدة
اعتذر لكم عن هذه اللغة غير المهذبة والجارحة
ولكل من تاذي منها.
وقد قمت بحذف المداخلة ربما يكون في
ذلك تصحيحا للموقف.
كامل الود |
بهذا زال التعجب ..وذاد الاعجاب ,,,
نتمني ان تتضافر الجهود بشكل ما لبناء دوله الحق و القانون وطنا يسع جميع ابناءه ونفخر بالانتماء اليه,,,
لك التحية والاجلال ,,,
|
Post: #47
Title: Re: الصادق المهدي يضع البشير في مأزق ... بقلم: خالد عويس
Author: محمد حسن العمدة
Date: 02-14-2010, 05:37 PM
Parent: #46
علي عجب
انت رجل شجاع وتستحق الاحترام
لك التقدير وتمنياتي بالتوفيق
|
Post: #48
Title: Re: الصادق المهدي يضع البشير في مأزق ... بقلم: خالد عويس
Author: عبدالمجيد الكونت
Date: 02-15-2010, 10:51 AM
Parent: #47
Quote: علي عجب
انت رجل شجاع وتستحق الاحترام
لك التقدير وتمنياتي بالتوفيق |
شكرا اخ علي عجب على الشجاعة في الاعتزار وكلنا نخطي والاشجع هو من يقدم اعتزاره
كثير من الود وفيض من الاحترام
|
Post: #49
Title: Re: الصادق المهدي يضع البشير في مأزق ... بقلم: خالد عويس
Author: عبدالمجيد الكونت
Date: 02-15-2010, 06:20 PM
Parent: #48
| Quote: ياخي ذكر الامام دا بيجنن ناس عديل ..كدي بالله عاين للبوست دا خلى ناس تدردق كيفن .. دي براها مناظرة . |
|
Post: #50
Title: Re: الصادق المهدي يضع البشير في مأزق ... بقلم: خالد عويس
Author: عبدالمجيد الكونت
Date: 02-16-2010, 01:40 PM
Parent: #49
*
|
Post: #51
Title: Re: الصادق المهدي يضع البشير في مأزق ... بقلم: خالد عويس
Author: عبدالمجيد الكونت
Date: 02-21-2010, 11:08 AM
Parent: #1
| Quote: مستشارو البشير وبطانته يعلمون أن موقفه أصلا ضعيف، ولولا استشعارهم الخطر لما بادروا إلى طرق أبواب الحركة الشعبية لاستجداء تنازل السيد ياسر عرمان لفائدة البشير.الغريب أنهم هُرعوا إلى الحركة الشعبية، في حين أن بعضهم لا يزال مصرّا على ضمان فوز البشير وبفارق كبير عن الآخرين.لا، بل وفضحوا أنفسهم بهرولتهم إلى جوبا طلبا لنصرة الحركة الشعبية - الكافرة، النصرانية في عرفهم - وهم الذين حركوا سابقا جماعاتهم لاصدار بيان يكفّر من ينتمي إليها، بل ولم يتركوا رذيلة إلا وألصقوها بياسر عرمان وباقان أموم تحديدا.الأنكى من ذلك أن خال الرئيس، الصحافي النحرير والمثقف الخطير والعلّامة الذي بزّ الخلق أجمعين، الطيب مصطفى بشرنا بالويل والثبور، وعظائم الأمور، والمراقص التي ستفتح في قلب عاصمتنا الحضارية، والحانات التي ستبذل شرابها للعطشى في الشوارع المتوضئة في الخرطوم، إذا فاز ياسر عرمان بالرئاسة، هذا الـياسر الذي لا يصلح حتى لقيادة أسرته حسب الطيب مصطفى، الذي قال فيه ما لم يقل مالك في الخمر، ولم يشجب أحد قادة المؤتمر الوطني كلامه هذا حتى ولو من باب الدبلوماسية والمصالح مع الحركة الشعبية |
|
Post: #53
Title: Re: الصادق المهدي يضع البشير في مأزق ... بقلم: خالد عويس
Author: عبدالمجيد الكونت
Date: 03-18-2010, 10:06 AM
Parent: #51
لا زلنا نتوقع من البشير ان يجد شيئأ من الشجاعة لمناظرة السيد الصادق المهدي
|
Post: #54
Title: Re: الصادق المهدي يضع البشير في مأزق ... بقلم: خالد عويس
Author: محمد حسن العمدة
Date: 03-18-2010, 10:13 AM
Parent: #53
انا ارى ان تتم كتابة طلب رسمي للمناظرة ودعوة احدى الفضائيات وافضل السودانية ليتم هزيمة البشير داخل القناة التي وظفها عشرين عاما للتغبيش على الناس ... ان رفض الطلب وهذا متوقع ارى ان يتم توزيع بيان على الصحف بذلك ..
البشير قاعد في السهلة ساي واي واحد من اطفال الخلوة بجيب اخرو
|
Post: #55
Title: Re: الصادق المهدي يضع البشير في مأزق ... بقلم: خالد عويس
Author: عبدالمجيد الكونت
Date: 03-18-2010, 10:22 AM
Parent: #54
|
Post: #56
Title: Re: الصادق المهدي يضع البشير في مأزق ... بقلم: خالد عويس
Author: Waly Eldin Elfakey
Date: 03-18-2010, 01:59 PM
Parent: #55
الاخ الحبيب الكونت .... هيثم وود العمدة
ارجو شاكرا ازالة الاقتباسات من مداخلة علي عجب من مداخلاتكم
ما دام هو قد سحب مداخلته و اعتذر عنها ........ له و لكم التحية
مناظرة شنو ياخ ...... هو الامام لو قال عاوز يناظر البشير نحن بنخليه
انت بتبالغوا ذاتكم ومعاكم خالد عويس ذاتو
|
Post: #58
Title: Re: الصادق المهدي يضع البشير في مأزق ... بقلم: خالد عويس
Author: ALZOLZATOO
Date: 03-19-2010, 00:04 AM
Parent: #56
Quote: الديمقراطية ليست تعليمات من رئيس الوزراء فقط ولكنها نظام متكامل كان يجب على المؤسسة العسكرية ان تكون من ضمنها وتقوم بواجبها فيه دفاعا عن النظام المنتخب وليس انقلابا عليه وبالتالي تحميل مسئولية الانقلاب لشخص رئيس الوزراء دون النظر الى تصرفات الأخرين فيه تحميل اكثر مما ينبغي
|
|
Post: #59
Title: Re: الصادق المهدي يضع البشير في مأزق ... بقلم: خالد عويس
Author: عبدالمجيد الكونت
Date: 03-19-2010, 00:45 AM
Parent: #56
Quote: الاخ الحبيب الكونت .... هيثم وود العمدة
ارجو شاكرا ازالة الاقتباسات من مداخلة علي عجب من مداخلاتكم
ما دام هو قد سحب مداخلته و اعتذر عنها ........ له و لكم التحية |
حااضر ياحبيب
نأسف اخي علي عجب لعدم انتباهي للامر مسبقا
Quote: مناظرة شنو ياخ ...... هو الامام لو قال عاوز يناظر البشير نحن بنخليه
انت بتبالغوا ذاتكم ومعاكم خالد عويس ذاتو |
يا حبيب خلينا نمتع روحنا بالأمام شيويه وهو يعطي هذا الانقلابي درسا في السياسة واحترام الشعوب
|
|
|