Post: #1
Title: جرح....
Author: عليش
Date: 02-06-2010, 09:05 PM
Parent: #0
حــزنان ..
ومطلــوق همكـ ..
يا البحـر اليفيـض..
جرحين..
عصافير تحلق..
في دماك..
ملهوفه..
تسرقكـ ..حلمين..
ويــا ناركـ..
وكت ضجت..هواجس الشوق..
يا الهجـــروك..قبال ميعاد الحلم..
وفطموكـ بالقلق اليبـاس..
2 /
الحزن الأبيض :
العصافير الملونه..
...
قبـال توادع الحلم..
وسر الطين ..عشق..
قبال مطاراتك..تئن..
حزنا عليك..
نفس العصافير
ا لتشيل أتركـ..
وتغيب..حنـين..
عطرت سر رحيــلك..
و
روح غنـــاك..
و
ياغنــاك..
...
ياحزنان ..
وموادع في طرفو نعاس..
النيل ورحط الغيم..
مشرور..
فى داخلو يباس..
صوتك مبحوح الضلمة ..
وروح تناغمك صندل..
وات مجروح..
باقي غناك ,,
يتلون..عشب المطره..
الماخده قفاك مساس..
ولما تغيب من عين المدن..
التلفح وجع الناس..
ورجوع الكاس..
حنضل قيفك..
في نص.الضحكه.
وزيف الوناس..
وشفع حله..
بيجروا في دمك..بي اخلاص..
واللوح وسواس..الليل..
ونوم ...ياحزنان..
نوم ..
|
Post: #2
Title: Re: جرح....
Author: سلمى الشيخ سلامة
Date: 02-06-2010, 10:35 PM
وشن النوم على الحزنان جروحو تغطى عين الشمس
يافرع المحبة الاتهدل
وشن النوم
شن النوم على بنوت فريق الصى
والوجع البتح فى الراس يقول احى
احى على الولد المرق من بين ضفاير نيلو مجرتق بالعديل
بارياتنو الملايكة التغطى عين الليل وحيح
يا وجعا يفوق الروح
ويا الما وين ما تروح
حزنت من تالا حزنك يا ولد
وجيت اقش دمعك وواسيك كان بتواسى الحزن السكن القلب
وعشعش فوق يافوخ النيل
وفرد جناح الغربة ليل اسود من الحنضل غطى البلد منجم
|
Post: #3
Title: Re: جرح....
Author: عليش
Date: 02-06-2010, 11:00 PM
Parent: #2
اروررروكـ اناس البورد
سلمي بت سلامه كاتلالا كتيل...
اورورووك..
...
....
الي سلمي...التي تخصني بالعطر..
بتشبه وريد الروح..
مطرزة ف نعاس..
وشهقة إحسـاس..
زي مابيشهق زمن العري..
المصنوع من جلد التماس..
لما تتغطي بنهاراتـا الملونه والمساس..!!
تطوي الكلام في الجوف..
وشان تبني موال الحقيقة..!!
تقطعو النفس والنفاث..
والرحط الملون..
زي فراشات الغيوم..
دلوكه شترا..
والرقيص للحمي..
والحلق اليبــاس..
الحبيبه سلمي..
وحات التلج النازل ده مشتاقين كتابتك الجميلة دي..
إرتجال خارج النص :
بدينا بروفات تربيزة بالتلفون ود بت ام الحسين بقي زول وتب العرض شاايفو قدامي ..اها شن نفرك..
|
Post: #4
Title: Re: جرح....
Author: سلمى الشيخ سلامة
Date: 02-06-2010, 11:06 PM
Parent: #3
مبروك وبخيت ود بت ام الحسين
تبقى ترسلو لى مواعيد العرض لازم
عشان اشوف ود بت ام الحسين شن سوى ؟
اتمنى ليكم فى كل خطوة مسرحية
تحياتى للاميرة
|
Post: #5
Title: Re: جرح....
Author: عليش
Date: 02-06-2010, 11:06 PM
Parent: #3
Quote: يا وجعا يفوق الروح
ويا الما وين ما تروح |
|
Post: #6
Title: Re: جرح....
Author: عليش
Date: 02-07-2010, 02:59 PM
Parent: #5
الكلام ده غريق
|
Post: #7
Title: Re: جرح....
Author: عليش
Date: 02-10-2010, 07:01 PM
Parent: #6
سايقني الحنيْن مشواركْ
|
Post: #8
Title: Re: جرح....
Author: مصطفى عكر
Date: 02-10-2010, 09:58 PM
Parent: #7
دخول توووووشك
كيفنك ياود خالتى
ولى سلمى الشيخ سلامة سلام
من زولا يفصلو من الدكتور طارق الشيخ
"ابلكاش" و"شيش"
|
|