إنفلونزا السبسبه

صبينة الشوم والروم..



ما قلنا شي ..


لكن ليس للدرجة دي.

في زيارتي الأخيرة للسودان عيدئذِ ..


لفت انتباهي .. بل (عوج رقبتي ) عديل..

موضة (فلفة) و(وسبسبة) و (لولوة) الشعر ..

علي الليمان مافي صبياً شعرو (منفوش)

(جت) عليهن (رويساتُن) (ملولوات)

بيني وبين نفسي قلت:

انفلونزا الخنازير هينه

لكن انفلونزا السبسبة دي
يعالجوها كيف؟


قالوا الشي دا بلولوهو (بالجل).!!!


يا حليلك آ الكركار .
أمانه ما بُرت لك جنس بوره.

الشعر يلولوهو زي ما دايرين..
أول كتاحة بتجيب أجلو.

لكن يا ربي (الكراكير) التحتو فيهن شي

والله قرع سااااااااكت ؟

شافعاً للعوض أخوي..

داكي الليله لقيتو مقابل ( المُمنضرا)

إيديهو ( مجلبطات) بي شيتاً يشبهلي (الفُرصه)
يشيل ويجلّط فوق (صنيقيروا)..

- ها جنا دا شنو البتسوي فيه دا ؟
- دا (جل) يا عمك ..

ما فهمت شي .. مرقت


وعرفت إني ( دقه قديمه)..


برضك تقول لي :

أحب (أبخنفس)
أريت (أبصلعه) طاير ؟

عجيب أمركم يا أبو حوه دايرين الجيل التاني يكون كوبي من الـ First Generation إنت ما سمعت بي بت ناس هناي لمن لبست إستريتش ونهروها في الحلة وقالو ليها دا شنو يا بت لابسه محزق قالت ليهم "لا لن أعيش في جلباب أبي" ورفعت رأسها لي فوق وإرتفعت معه خصلة شعرها فظهرت عينها اليسرى التي كانت تغطيها الخصلة وهي عملية مضادة لكلمات سال من شعرها الذهب حيث أنه هنا صعد إلى الأعلي ، وهي تسريحة تعرف في أوساط المزينيين والمصففين بالتسريحة أو القصه الفرنسية وهي تعتبر النسخة المطورة من المشاط الذي عرف في عصور قد خلت بالسودان قفل ، ومع إنه أبوها الله يرحمه ما سعي ليهو جلابيه لا عاديه لا بتاعت نوم الراجل السنه كلها بي بنطلون كوره بالرغم من جهله الفاضح بجميع ضروب الرياضة البدنية والذهنية
أها الجنا خلوهو اليفلفل ويسبسب فهذا زمان السبسبة وعصر الفلفلة كما تقول الأغنية ما تخاف حا تطلع ليها أغنيه وهو الزمن دا في أسهل من كتابة الأغاني لأبي جبه السيسباني.
أما في شأن المادة الهلامية المسماة بالجل ، فهي مادة ثبت بعد إختبارها في المعامل والمختبرات عندنا مدى خطورتها حيث أنها تسبب الملاريا والقشرة. وراجع ليك بمزيد من الجل ومشتقاته النباتيه والحيوانيه والبتركيماوية.

Quote: عجيب أمركم يا أبو حوه دايرين الجيل التاني يكون كوبي من الـ First Generation إنت ما سمعت بي بت ناس هناي لمن لبست إستريتش ونهروها في الحلة وقالو ليها دا شنو يا بت لابسه محزق قالت ليهم "لا لن أعيش في جلباب أبي" ورفعت رأسها لي فوق وإرتفعت معه خصلة شعرها فظهرت عينها اليسرى التي كانت تغطيها الخصلة وهي عملية مضادة لكلمات سال من شعرها الذهب حيث أنه هنا صعد إلى الأعلي ، وهي تسريحة تعرف في أوساط المزينيين والمصففين بالتسريحة أو القصه الفرنسية وهي تعتبر النسخة المطورة من المشاط الذي عرف في عصور قد خلت بالسودان قفل ، ومع إنه أبوها الله يرحمه ما سعي ليهو جلابيه لا عاديه لا بتاعت نوم الراجل السنه كلها بي بنطلون كوره بالرغم من جهله الفاضح بجميع ضروب الرياضة البدنية والذهنية أها الجنا خلوهو اليفلفل ويسبسب فهذا زمان السبسبة وعصر الفلفلة كما تقول الأغنية ما تخاف حا تطلع ليها أغنيه وهو الزمن دا في أسهل من كتابة الأغاني لأبي جبه السيسباني. أما في شأن المادة الهلامية المسماة بالجل ، فهي مادة ثبت بعد إختبارها في المعامل والمختبرات عندنا مدى خطورتها حيث أنها تسبب الملاريا والقشرة. وراجع ليك بمزيد من الجل ومشتقاته النباتيه والحيوانيه والبتركيماوية.

تعرف يا Mula

لم أكن أتوقع أن تكون (الشعور) (مجلجله) لهذه الدرجة الملتوية.
هذا بشان الجنيات أما البنيات كلامن تاني والله..

علي الليمان حضرت لي كم حفله، والصباح كلهن نازلات فيني شكل:
- تقيت بقيت ما بتسلم مالك ، أمبارح مالك ما سلمت علي ؟
وواحده تانيه:
- شايفاك ( منطّر) عيونك ساكت في البنات حتي سلام الله ما أديتنا ليه.!!
- بالله إنتي كنتي في الحفله ؟
- هي سجم خشمي .. الجابت ليك (قزازة) البارد دي أنا.

تضربني وتلجمني الدهشه وتلحقني (أمات طه) ..
حرم كلهن ينشافن سمحات ..
يا حليل زمنا البت السمحه تنقرا نقر في نص (قرع ود العباس)..

ياخي ديل زمنهم عجيب ومرقع بالديكورات والرموش والظلال وووو

والله الواحد لو ما عمل حسابو ..
كان عمتو (كلتوم) ذاته شاغلها
علي حين غفله من (رقيبي).
أو رقيبها.

برضك تقول لي:
سال من شعرها الذهب
والسودان قفل ؟

يا خي دا Open
لما ما فيه باب زاتو

كل اود

ومنتظرك

عمتي (كلتوم) تحاول (دردقتي):
- يا جنا الحفله دي كلها ما لقيت ليك بنيةً نخطبها ليك ؟
سؤال لا يخلو من إنبهارها (المسكينه) بالـ ٍshow الذي تجهل مرتكزاته.
(شِن) عرفه المسيكينه بالـ (العدسات اللاصقة، والماسكرا و أب نجمه ووو).؟
؟
- والله يا عمتي إنتي أختاري البتعجبك وانا موافق ، لكن عندي شرط..
- شرّط زي ما داير .. أها شنو شرطك.؟
- البتختاريها دي نسوقه أنا وإنتي علي الماسوره ديك نغسله من راسه لي (نعلاته)، وبعداك بوريك ..

تضحك (تهي تهي تهي) وتردف:
- نان آ عشاي ما بتبقي (سحارة كرده).
- أنا غير دا ما عندي شرط.

لفحت توبه و (إتخارجت) بعد ان عرفت أن العبد لله :

آسراهو سماحةً قاسيه ..
بت البلد الثابته وراسيه
سماح التايه الماهو ملفق
ولاهو مزيف بي كريمات.

مكونات الجل أعلاه قالوا:

المواد الاساسية :
carbapol (carbomer)
TEA (triethylamine)
alcohol 30-40%
glyceren as humectant
PG (proyline glycol)
D.W
اضافات اخرى:
aloe vera oil
colorents
flavors

شكرا
شكراشكرا
شكراشكراشكرا
شكراشكراشكراشكرا
شكراشكراشكراشكراشكرا
شكراشكراشكراشكرا
شكراشكراشكرا
شكراشكرا
شكرا

أيها الجل

فلا (خُلال) ولا (مشط)
بيجدي معاك


الله يكفينا شر (اللولوه) الصناعيه دي

البنوت يا أخي تسمى لولوة شعرهن – شفت نون الجكس دي كيف أخوك أظن ولا العلامة الفراهيدي – الفريز ، أها سكتنا وقلنا ليهم طيب نعمل شنو ، فقالت خبيرة التجميل هنايه أن لكل وجه تسريحه تناسبه ، فقلنا كيف ما كل وشوشنا زي بعض قالت لا في الوجه الدائري والمستطيل والمثلث وغيره ... قلنا نعرف كيف وشنا دائري ولا نصف هلال ، قالت فض فوها يتم إحتساب المسافة بين الجبين الهلا وبين الذقن ، أها نقوم نقسم الناتج على ثلاثة ، ونقوم نقيس المسافة بين أرنبة الأنف والدقن ونقارن بين النتيجتين إذا كان الأولي أكبر من التانيه فالوجه يكون مثلث متساوي الأضلاع أو قائم الزاوية لا فرق ، وإذا كانت التانيه أكبر (واحد لعنه هنا) قال لي يكون وشه مكنه ، وآخر تبرع وقال يكون متخلف أو منغولي ، المهم المسألة بقت قياس وإنت وأمانتك ويمكن أن ترمي نص النتيجه البحر.
أها بنوتنا لأنهن لا يصففن شعورهن بطريقة علمية أي أنهن يعملن copy من أى صاحبه أو صديقه وهاك يا paste ومع تشابه نوعية الأكل والموبايلات والكلام كان لابد أن لا تستطيع أن تفرزن أو تفرق بينهن في الحفلة أو في غيرها ، ونحن approaching الألفية الكم كده ما عارف بدخول العام ألفين وعشره ما أنفكت جارتنا هنايه تسأل كل طائر مرتحل في رحلة العودة إلى الوطن عما إذا جاب دواء أى دوا تصور !!! عندها مرض أو فلنقل هواية جمع الأدوية والحبوب بالقدر الذي يؤهلها لأن تفتح أجزخانه من مخزونها الإسترتيجي من الأدوية.
يا أخي أنا كالعهد بي صررجت أو بمعني أكثر دقة أصبحت off point لذلك وجب على أن أقف قبل متابعة السير.

كلامك يا حبوب له أبعاد كتيره ،،
لكن بمناسبة (الدوا)..
عماً لينا زعلان من بتو (الجنها شكيه)،،
- البت دي جنها تلملم في (الدِويات)، النهار ماطال تتشكي : الشقيقه، القطيعه ، الطمه ، قشة النفس ، الزواريق ...إلخ.

تدخل عمتنا ،،،
- سلووووووم ناس إدريس طيبين؟
يرد :
- حباب بت عباس أبقي لا داخُل. مالك ماسكه ضهرك آسايبه؟
- والله عندي طعنه مسخت علي اليوم دا ، ما بلقالي عندكن حباب (حبوب) للداهية دي؟
- أدخلي لا جوه علي غوالي بتي ، حرّم حبوب السعر تلقيهن عندها

أما التسريحات والوجه الدائره وما انبرم علي شاكلته بجيها بي رواقه


كل الود

يا ملا صاحبك الكلو سنون دا وشو (مدور) ؟

دا

دا

دا

دا

غايتو جِنس حثادة

Quote: غايتو جِنس حثادة

حسادة الـ (ياباني)

و

الـ (تايواني)


كل زمن بي مصايبو يا حبيبه ( مو كدي ) ؟


جمعه مباركه يا حبوب



كل الود