يا ناس نجوم الغد بالنيل الأزرق لماذا الواعد شول دينق لم يأتي معكم للدوحة ؟

هنالك دعاية في قناة النيل الأزرق عن حفل لبعض متسابقي برنامج نجوم الغد ، ومن خلال الدعاية لاحظت أن الموهبة شول دينق لم يتم اصطحابه للدوحة فما هو السبب يا ترى وما هي المعايير لأصطحاب مثل هذه المواهب الواعدة ؟ فهل شول دينق في مركز متأخر أم أن له أسباب خاصة لم تدعه يحضر للدوحة مع بقية الواعدين ؟ أم هنالك تهميش قد حدث له أيضا ؟ أتمنى أن أجد توضيح أو تصحيح لبعض المعلومات التي زكرتها إذا كنت مخطيئ في أي معلومة ؟ مع تمنياتي بنجاح الحفل .

عزيزي دينق
لك كل التقدير
سؤال مشروع بالجد الود موهبه ويستحق كل الاحتفاء
نتمني اجابه سريعه

تصحيح للأسم . شول منوت وليس شول دينق.

لكي لا تختلط الأشياء .. مجموعة شول التي تضم فهيمة ستقيم حفلا يوم الجمعة 5 فبراير في المسرح القومي، أم درمان لكي يتم اختيار ثلاثة منهم .. مجموعة الدوحة تم اختيارها قبل أشهر وهي ليست من بين المتسابقين الحاليين لأنها شاركت في مسابقات سابقة قبل مجموعة شول.. والمسألة لا تحمل ولا تحتمل أي تفسيرات أخرى
مع موفور الود والمنى أخي دينق وأمنياتي الشخصية بفوز فهيمة وشول.

والله يا دينق اساسا لو شول منوت دا بغنى التراث
ال اتفرض علينا بفعل حكومات المركز العنصرية دى ذاتها
الله معاه ،، وقالوا سمح الغنا فى خشم سيدو دا الجلابة
البغنوه راقدييين ما داير لى شول منوت ...

لكن لو شول جايى يثرى الساحه الثقافية القاحلة والمجدبة
بفعل لواكة اغانى بتعبر عن ناس واحديييين فى السودان الكبير دا ..
لو جاى ومعاه نوع جديد .. وتراث غييب مننا دهور ولو جاى ومعاه
اضافة من الجنوب الحبيب ومزيكتو وايقاعتو الساحرة عشان تبقى جزء
من وجداننا كشعب سودانى مرحب بيه

وكلنا معاك هنا ح نقول لا لتغييب جزء عزيز من تراثنا
لا لفرض ثقافة وتراث واحد على بلد متععدد ومتنوع الثقافات
دخلت عشان اقول الكلام دا لقيت الود شول
بعييد فى انتاج الازمة وبيردد فى نفس الدوامة ...

لو شول بردد فى ود المك وعز العرب يبقى يا دينق كانك
لا رحت الغزو ولا غزيت !!!!!!!!!














ـــــــــــــــــ
معقول يا دينق !!!

يا دينق كلامى الفوق دا معناه انو شول
لو بغنى غنا زيو وذى باقى نجوم الغد
ببقى ماعنده تمييز بوصفه جنوبى ،، يشفع ليه
بالمطالبه بانو ما يستثنو .. وبركة ذاتو الماساقو
لانو ود المك دى .. فى الدوحة فى الف زول بغنوهوا


وانا فى رايى نوع مشاركات شول دى
بتدى اشارات سالبة وبتعمق من الازمة ..












ـــــــــــــــــــــ
جيت تانى لانى مغيوظة وعارفاك فى الويك اند وكدا
قلت اتفسح فيك ..

Quote: هنالك دعاية في قناة النيل الأزرق عن حفل لبعض متسابقي برنامج نجوم الغد ، ومن خلال الدعاية لاحظت أن الموهبة شول دينق لم يتم اصطحابه للدوحة فما هو السبب يا ترى وما هي المعايير لأصطحاب مثل هذه المواهب الواعدة ؟ فهل شول دينق في مركز متأخر أم أن له أسباب خاصة لم تدعه يحضر للدوحة مع بقية الواعدين ؟ أم هنالك تهميش قد حدث له أيضا ؟ أتمنى أن أجد توضيح أو تصحيح لبعض المعلومات التي زكرتها إذا كنت مخطيئ في أي معلومة ؟ مع تمنياتي بنجاح الحفل .

يا اخ دينق شول مشترك اليوم بالحفل لختامى بالسمرح القومى بامدرمان لاختيار نجوم الغد لهذا الموسم
اما المتواجدين الان بالدوحة هم من نجوم الغد للسنوات القادمة

ونتمنى حضور الاخ شول في الاعوام القادمة للدوحة وخاصة وانه يمتلك حنجرة سودانية نادرة وقوية

Quote: لكن لو شول جايى يثرى الساحه الثقافية القاحلة والمجدبة بفعل لواكة اغانى بتعبر عن ناس واحديييين فى السودان الكبير دا .. لو جاى ومعاه نوع جديد .. وتراث غييب مننا دهور ولو جاى ومعاه اضافة من الجنوب الحبيب ومزيكتو وايقاعتو الساحرة عشان تبقى جزء من وجداننا كشعب سودانى مرحب بيه وكلنا معاك هنا ح نقول لا لتغييب جزء عزيز من تراثنا لا لفرض ثقافة وتراث واحد على بلد متععدد ومتنوع الثقافات دخلت عشان اقول الكلام دا لقيت الود شول بعييد فى انتاج الازمة وبيردد فى نفس الدوامة ... لو شول بردد فى ود المك وعز العرب يبقى يا دينق كانك لا رحت الغزو ولا غزيت !!!!!!!!!

طيب لو شول ده مابعرف غير ثقافة ود المك وعنده موهبة
وصوت جميل بتفتكرى مفروض يكبتها عشان مايساهم فى نشر
وتمكين ثقافة اعداءه ولا كيف؟
انا ماعارف ليه التربص الغريب دة وتحين الفرص فى كل صغيرة
وكبيرة لتدوير مصطلحات التهميش وثقافة المركز

شئنا ام أبينا ثقافة المركز هي خليط أو خلاصة ثقافات الهامش
فقط تختلف حسب زاوية الرؤية لكل منا .. والله أعلم

الأخوة الأعزاء
واولهم
ديــنــق
التحيات والأمنيات الطيبة
خفل اليوم تقيمه مجموعة سودانية جديدة في الدوحة ولكنها مفتوحة للجميع في كل انحاء الدنيا
( تجمع رواد منتديات الهلال )
وهي مجموعه اعضائها من رواد المنتديات الأسيفيريةآلت على نفسها العمل الثقافي والفني والتراثي بجانب العمل الطوعي في المجال الرياضي العام وهي مجموعة متجانسة ونشطة في شهور قليلةقدمت العديد من الفعاليات الناهضة في دعم العمل الرياضي والفني والانساني ,,
اما بخصوصو حفلنا كانت الفكرة ان نقيم حفلات بعدد مقدر من نجوم الغناء الشبابي ..ولكن الأحلام لاتتحقق .. فمجموعة شول ، وفهيمة ، هي المجموعة المتنافسة هذا الموسم ولن تجد الفرصة للمشاركة في احتفالاتنا وحتى في المشاركة داخل السودان قبل المنافسة النهائية ..
نحن نمثل رواد يتبعون شعار ـــ الله الوطن الهلال ،ـــــ
وهذا يعني ان الوطن في داخلهم متوحدا فيهم ـ وطن واحد متوحد بمحبتنا ...
لهذا في موسمنا القادم سوف يكون ضمن فناني حفلاتنا كل المجموعة الباقية من شبابنا الواعد واولهم الفنان شول ، وكما قالوا اخوتي واخواتي ان ياتي بغنائه الخاص واعتقد ان هذه المرحلة سوف تاتي بصورة طبيعية لان كل الفنانين بيبدو الغناء بالتقليد واغاني مسموعة ثم مرحلة انتاجهم الخاص من مناطقهم البيئية والجغرافية واغانيهم التي حلموا بها هذا شئ طبيعي ولا خوف عليهم ..
مثل الفنان عمر احساس غنا العديد من اغنيات الوسط واعاني ملحنة على الموسيقى السائدة ولكن كل هذا لم يمنعه من خلق اسلوب خاص به في الغناء التراثي والغناء بأشكاله المختلفة هناك مرحلة تفرض نفسها على الفنان وهناك مرحلة يفرض فيها الفنان نفسه على جماهيره ,,
امنياتنا بالنجاح والتوفيق لكل فنانينا واتمنى ان تنجح حفلات ((التجمع )) اليوم بالرغم من الحزن الذي
يحتل فؤادنا واقدم اعتذاري لمجموعتي ولكل من ساهم في الأعداد لهذه الحفلات باعتذاري عن حضورها واولهم فنانيينا الشباب لحزننا على فقيد الشباب ،معتصم عبد الحليم ,,
كما اعرف كيف تعبوا في تحويل هذه الحفلات لأسبوعين ليتيحوا لأهل الدوحة المشاركةةوالاستمتاع بحفلات الاستقلال
بل وقدموا مشاركتهم بان يتيحوا الفرصة للفنان شريف
الفحيل بالمشاركة في حفل العملاق شرحبيل فنان الجاز الملك
هولاء فتية نذروا نفسهم للعمل العام يتيحوا الفرصة لكل فناني بلادي لايمانهم الراسخ بوحدة الوطن
للجميع محبتي

Quote: لكن لو شول جايى يثرى الساحه الثقافية القاحلة والمجدبة بفعل لواكة اغانى بتعبر عن ناس واحديييين فى السودان الكبير دا .. لو جاى ومعاه نوع جديد .. وتراث غييب مننا دهور ولو جاى ومعاه اضافة من الجنوب الحبيب ومزيكتو وايقاعتو الساحرة عشان تبقى جزء من وجداننا كشعب سودانى مرحب بيه

والله يا دينا برضو مرحب بشول هو بغني باغاني المركز ..الهو ملك مشاع للجميع ..بغنيهو المن الشرق والمن الغرب ومن أي جهة في السودان ..مافي شي بمنع شول يغنيهو ..وفي رأي بالعكس جميل جدا أنو شول متصالح مع ثقافة تانية ..لكنها برضو من بلدو ..حلو لو شول غنى تراث منطقتو لكن مافي شيء بفرض عليهو ده ..

حلو جدا انو عمر إحساس متمسك بغنى منطقتو ..وصديق احمد كذلك كمثال..،لكن بالمقابل لمن وردي غنى بالعربي فات الكبار والقدرو مافي

شيء بمنع شول أغني بغنى اي منطقة في السودان بأي لغة وباي لهجة ..، المهم يكون موهوب .


ـــــــــــــــ

يا دينق أنا ما متابعة نجوم الغد شديد لكن لو تم تغييب دينق بقصد فده شيء مرفوووووض ..

يادينق ياخي الزول والله حبينا لأنو فنان ولأنو سوداني ودبلدنا
عشان كدا عليك الله ما تكرهنا فيهو من انت ودينا بي كلامكم عن
التهميش الحاشي افكاركم دا وتطمموا لينا بطنا من كل حاجة
حلوة بجيبها الوطن المليون ميل مربع دا.

اها شول مانوت امس الجمعة حصل على المركز الثالث وتم تكريمه
تكريماً كبيراً بعد فهيمة وشموس وهؤلاء الثلاثة فعلاً هم كانوا
احسن ثلاثة في المجموعة للأمانة.

ارقد عافية يا كمندان

الصادق

وييييينك يا بشاشا عشان تعيننى على افكار الجلابة
المنسوجه فى كلام جميييل ومنمق لتمرير اجندة المركز
داليا حافظ واحمد التيجانى نموذجا لوووووووووووول.

والله يا جماعة نحن ما قلنا دينق ما يغنى غنانا .. يغنننى
ذى ما داير .. لكن لو هو بغنى فى غنا ناس المركز (لوووول)
مافى اى سبب يميزو كجنوبى ويتيحوا لى الفرص
خلى ينافس مع رفاقة ويبعدو ويتامروا على ذييييو وذى غيرو
بس .. اس سيمبل اس ذات ..

لكن لو كان شول بيمثل بغناه تراث مغيب ومهضوم
ولم يجد حظه بسبب الاقصاء ال اتفرض طوال الفترة الفاتت
لو كان شول بمثل غناء الجنوب .. كنا نطالب لية
بتساوى فرص مع الباقيين بل بى تمييز ايجابى على حساب
بقية الفرص ..

لكن لو هو بغنى ود المك .. يدافر مع ناس ود المك
ما يجى دينق يتجرس ليه هنا .. بس دى الفكرة ..












ـــــــــــــــــــــ
هى الدوحة دى حلوة يعنى .. بركة الما جا
هسه كان ح يلاقى ناس .... ومنو ومنو الشينين ديك ..

Quote: لكي لا تختلط الأشياء .. مجموعة شول التي تضم فهيمة ستقيم حفلا يوم الجمعة 5 فبراير في المسرح القومي، أم درمان لكي يتم اختيار ثلاثة منهم .. مجموعة الدوحة تم اختيارها قبل أشهر وهي ليست من بين المتسابقين الحاليين لأنها شاركت في مسابقات سابقة قبل مجموعة شول.. والمسألة لا تحمل ولا تحتمل أي تفسيرات أخرى

شكراً علقم
هذا ما دخلت لأقوله

________________________

رأى خاص من شخص غير متخصص ( مجرد مستمع للأغاني )

في ظني أن لجنة المسابقة قد ( تخوفت ) من مثل كلام أخونا دينق هذا لذلك أوصلت شول لهذه المرحلة .
شخصياً لم أجد فيه أى إضافة يمكن أن يقدمها للأغنية السودانية - لو سار على نفس هذا النهج الذي ينتهجه حالياً -
ربما ميزته الوحيدة حالياً أنه شاب جنوبي يتغنى بأغاني أهل الشمال في مرحلة مفصلية تأتي قبل شهور من حق تقرير المصير ، لا يريد أحد أن يوصم مستقبلاً أنه قد تسبب في ( إنفصال الجنوب )
قد شهدنا أن هذا اللجنة قد إنتقدت ( تقريباً ) كل المتسابقين لكنها لم تجرؤ في أى مرحلة من مراحل المسابقة على توجيه أى نقد له رغم وجود ما يبرر ذلك ورغم أن هؤلاء الأيفاع الواعدين هم في حاجة ماسة لنقد من كانوا في مثل خبرات أعضاء هذه اللجنة.
إستبعدت هذا اللجنة متسابقاً بإمكانيات عالية لم ينكروها عليه لكن كانت حجتهم أنه لم يستطع الخروج من ( عباءة ) الفنان الكبير إبراهيم عوض . فلو طبقت هذه اللجنة ذات المبدأ مع الواعد شول لوجدوا أنه قد قدم ( تقريباً ) كل مشاركاته ( الحماسية ) بطريقة وااااحدة
طريقة الفنان القلع عبدالحفيظ أو هى خليط مع الراحل خلف الله حمد

Quote: رأى خاص من شخص غير متخصص ( مجرد مستمع للأغاني ) في ظني أن لجنة المسابقة قد ( تخوفت ) من مثل كلام أخونا دينق هذا لذلك أوصلت شول لهذه المرحلة . شخصياً لم أجد فيه أى إضافة يمكن أن يقدمها للأغنية السودانية - لو سار على نفس هذا النهج الذي ينتهجه حالياً - ربما ميزته الوحيدة حالياً أنه شاب جنوبي يتغنى بأغاني أهل الشمال في مرحلة مفصلية تأتي قبل شهور من حق تقرير المصير ، لا يريد أحد أن يوصم مستقبلاً أنه قد تسبب في ( إنفصال الجنوب ) قد شهدنا أن هذا اللجنة قد إنتقدت ( تقريباً ) كل المتسابقين لكنها لم تجرؤ في أى مرحلة من مراحل المسابقة على توجيه أى نقد له رغم وجود ما يبرر ذلك ورغم أن هؤلاء الأيفاع الواعدين هم في حاجة ماسة لنقد من كانوا في مثل خبرات أعضاء هذه اللجنة. إستبعدت هذا اللجنة متسابقاً بإمكانيات عالية لم ينكروها عليه لكن كانت حجتهم أنه لم يستطع الخروج من ( عباءة ) الفنان الكبير إبراهيم عوض . فلو طبقت هذه اللجنة ذات المبدأ مع الواعد شول لوجدوا أنه قد قدم ( تقريباً ) كل مشاركاته ( الحماسية ) بطريقة وااااحدة طريقة الفنان القلع عبدالحفيظ أو هى خليط مع الراحل خلف الله حمد

عاطف عمر
ياخي من كلامك انت يفترض تكون متخصص وليس مستمع فقط
مايدهشني ومن غير عنصرية وسياسة
وكيف وصل الى هذه المرحلة اكيد ظلموا واحد وتركوه يصل الى هذه المرحلة
انت الناس دي بتستعبط علينا
ده كلام فاضي وناس ماعندها ضمير بتربط الفن بالسياسة
طبعا الود شول ود محبوب لانه استطاع لفت انتباه المستمع
بأن بغني اغاني غريبة عن بيئته بالجد صعبة وهو اجتهد
ويفترض يكرم على هذا المجهود
ولكن ليس يوصلوه الى هذه المرحلة على حساب متسابقين

يا دينق شول منوت مجتهد فقط ومن الافضل يجلس في الخرطوم
وحتى اذا مشى امريكا وقام بتمثيل السودان ليس غريبة عندنا
لان كثيرين مثلونا في العهود السابقة وهم اصلا ما عندهم علاقة بالمنشط


يا دينق هي بقت على الغناء >>>