Post: #1 Title: بالحيل آ جني أي والله ..... (فيديو)! Author: هواري نمر Date: 01-30-2010, 08:44 AM
أنا أخو البت اللكعت قرن الخمرة النازة على وردان الصبوة الراكزة الجنيات الهازة .. صدورن لازة ورقّ النص زي خيت الشلة بالحيل آ جني إيه والله ...
Post: #2 Title: Re: بالحيل آ جني أي والله ..... (فيديو)! Author: هواري نمر Date: 01-30-2010, 08:46 AM Parent: #1
الي المسانيح ودشيقوق وطارق جبريل... وكل الزملاء و الزميلات مع عاطر تقديري و احترامي.....
Post: #3 Title: Re: بالحيل آ جني أي والله ..... (فيديو)! Author: هواري نمر Date: 01-30-2010, 08:49 AM Parent: #2
الجنيات الحزمو الجبة وعرق الشتوي عليهم نايا و صب قول ما ذلة .. رجالا حصدوا الحبة عيشهن هاد و انكال واتعبّ ومنو كتير في الواطا انكبّ وباقي مصوبر واقف قبة الحمد آلاف .. الشكر آلاف الحمد آلاف الشكر آلاف العيش الرقد أصناف أصناف الولد الكال.. عزام .. حلاف...ضياف الرزق الجانا مدلة.. الحلق الجاف اتبلة بالحيل آ جني إيه والله
الوادي الجانا مترقن مدّ جناحو الطايل شرقا وغربا القبلي بروقو على القلعات يضّربن الدكن البعدن قربن فوق صنقور المحلة الطالت كبن قول للمحلة بيوتك خربن قول ما دلة.. الحلف الجاف اتبلّ بالحيل آ جني إيه والله
مرحاتنا شرابهن يوت ماغبن شبعانات في الشقل أب شوك ما شبن الحمل ولدن وربن حلماتن تقلن.. جرّن.. فوق سيقانن كبن اللبن العاتم في ضرعاتن جبّن المغصة إن كان ضرعاتن خربن
Post: #4 Title: Re: بالحيل آ جني أي والله ..... (فيديو)! Author: هواري نمر Date: 01-30-2010, 08:52 AM Parent: #3
القرعة آ وليد .. السعن آ بنية القربة كمان... كبوها المية المغصة إن كان ضرعاتن خربن شوفو النعمة السالت فوق قيزان الرملة ناس البندر لبن; الشاي بالعملة
سمح الخمج الفوق أسيادو سمح العز المن أجدادو الجنيات المشو ما عادو كان بالردة أكان اتنادو غرب حامد وشرق بلة كانوا بحلبو الضرع الدلة كانوا بحضرو الخير القدحو معلا الجنيات ما كفرت بنعمة الله بالحيل آ جني; إيه والله
ذات في يوم والغيمة تهتّف مطرا نقّع فوق نوار الطلح الفقع ريحة البرم إن جاتك عطرا فايت خمر الفوق أردافا مجضع شفنا الوادي يقشقش في دمعات; الليل والتعل الشايل بدا يتفقع
تلب حامد فوق مخلوفة أب زور واتربع طلق الرسن أب زمة وسوّا خبيبا بدّع هوّد في رقّاب الصي لا قوه ثلاثة زبيدية خالفين سيقانن فوق السنكيت ورقاب ألبل بيناتن مرخية محجوبات بالخرز; الفصلو السوميت كل واحد درقة وسيف وطبنجية وباقي جرابن مليان دلميت الجنيات اتقبلو وضاقو الحارة; وضاقو المرة وكان حجازن صقر الجو
Post: #5 Title: Re: بالحيل آ جني أي والله ..... (فيديو)! Author: هواري نمر Date: 01-30-2010, 08:56 AM Parent: #4
حامد كان عارفين ضاقوه رجال قبالكن شوفو أرزاقكم أخير من ضو حامد عوج الطندب آ وليدات عوج الطندب نار القصب الهبلت ما بتعدلو شوفو شلوخو مطارق رقدن وكل تلاتة يمين سياف اتقبلو حبوب القارح ... ما ذلة ولدا ما ختالن زلة شن قولك فيهو عليك الله بالحيل آ جني إيه والله
وينا مراتع الدرت الباسط دايما ببكي عليهن وين بنوت الحلة البكّر عصرا بدري يسون في شاهيهن بعد الليل ما يهّود ونحن نهّود.. عاد أماتن ينادن ليهن
نمشي على القيزان نتقادم.. أقيس الخطوة مع التاتاي ومشيهن والله البعد الحاصل ما نساني وحاتكن في قمراتنا بشوفو وشيهن الا النضم أب غنة اللهج السكر وين بلقاهو بنات الريل الدوب ليهن الخوف يا ناس كان يبقى الشوق الحاصل بينا معشعش فيهن مقنع سابل وين بلقاهو طرفا ذابل وين بلقاهو وعين بتدنقر من واليهن الوجنات الشعّن بقّن ود العين النايم زرقن مو زايغ رسيان وميقّن زولهن كان خدران ومحقّن من الشوفة عروقو يطقّن
كان الدنيا بصح تتخلا كن بركن معاهن فوق رملاة الحلة الا كمان بنشوفا مذلة الجنيات الغابت جابت إنت الجيب بس قايلو قميص افرنجي وكرتونات كرملّة لا لا وحاتك حاشا وكلا ديل يوم عادوا اتلافو الجاهل بحقوق الله ديل كم لحقو البشهق ضايق وداوو العلة
الولد الجاي حقايب سفرو تقال.. تقال من جنس كتاب ومجلة الحكمة النضم إياهو الكان.. الحكمة الولد اتوضا وصلّ عادة البلد الدخلت فيهم سكنت .. سكنت ماب تتخلا نحن كمان طارين الحلة ودرنا الطلة نشيلا معاهم فرح وميتة حلاة الموت كان في عبدلة
Post: #6 Title: Re: بالحيل آ جني أي والله ..... (فيديو)! Author: هواري نمر Date: 01-30-2010, 08:58 AM Parent: #5
النص منقول من مكان الفيديو من اليويتوب.. اتمني التصحيح, اذا وردت اي أخطــاء
Post: #7 Title: Re: بالحيل آ جني أي والله ..... (فيديو)! Author: هواري نمر Date: 01-30-2010, 09:28 AM Parent: #6
Quote: أنا أخو البت اللكعت قرن الخمرة النازة على وردان الصبوة الراكزة الجنيات الهازة .. صدورن لازة ورقّ النص زي خيت الشلة بالحيل آ جني إيه والله ...
Post: #8 Title: Re: بالحيل آ جني أي والله ..... (فيديو)! Author: هواري نمر Date: 01-30-2010, 09:39 AM Parent: #7
الشاعر الدكتور\محمد بادي له كل التحية و التجلة.. تفرد في الكلمات..ابداع في الالقاء... شعره ملئ بالكثير من الصور اليومية المعاشة عامية حتي النخاع ,بلاغة كاجمل ما تكون وفصاحة اهل الريف و فطرتهم السليمة..
Post: #9 Title: Re: بالحيل آ جني أي والله ..... (فيديو)! Author: هواري نمر Date: 01-30-2010, 10:07 AM Parent: #8
*
Post: #10 Title: Re: بالحيل آ جني أي والله ..... (فيديو)! Author: Medhat Osman Date: 01-30-2010, 10:21 AM Parent: #9
علي ما اعتقد الزول ده بيقول كلام كويس ترجم لينا يا هواري نمر ولك التحية اخوك نوبي من شمال السودان اعرف قليل جدا من العربية والعامية السودانية
Post: #11 Title: Re: بالحيل آ جني أي والله ..... (فيديو)! Author: Medhat Osman Date: 01-30-2010, 10:33 AM Parent: #10
مع انو معظم الكلام ما فهمتو وعاوز افهم لكن عجبني
Quote: عوج الطندب
ده معناه عوج الدرب؟؟؟؟؟ ياخي نحن يادوب فهمنا عوج الدرب تقول لينا عوج الطندب!!!!!
Post: #12 Title: Re: بالحيل آ جني أي والله ..... (فيديو)! Author: هواري نمر Date: 01-30-2010, 10:38 AM Parent: #10
Quote: اخوك نوبي من شمال السودان اعرف قليل جدا من العربية والعامية السودانية
يا مدحت يا قريبي اخوك برضو ...نوبي..دناقلة يا رسول الله.. ارقو ...السرارية.. الاصل و الجذور و الاعمام الخيلان و الاهل والجدود لكن تقول شنو من دناقلة الصعيد يعني في الرطانة (كلام و معرفة) صفر كبير.. للاسف!!!
لو عايز الترجمة خلي العريبي ود شيقوق يجيك... تسلم يا حبيب علي المرور...والتعقيب
Post: #13 Title: Re: بالحيل آ جني أي والله ..... (فيديو)! Author: هواري نمر Date: 01-30-2010, 10:45 AM Parent: #12
___ د\محمد بادي علي ما اعتقد اصلا من الشايقية و يكتب بلغة اهل البادية.. والريف...
ملاحظة يا مدحت مثلا في الشمال هناك هل في اختلاف بين لهجة المزارعين؟؟؟؟ و لهجة الرعاة؟؟؟؟
Post: #14 Title: Re: بالحيل آ جني أي والله ..... (فيديو)! Author: Medhat Osman Date: 01-30-2010, 10:53 AM Parent: #13
Quote: هل في اختلاف بين لهجة المزارعين؟؟؟؟ و لهجة الرعاة؟؟؟؟
لا والحمد لله ياخي نحن لغتنا ساهلة حتي ما عندنا مذكر ومؤنث
Post: #15 Title: Re: بالحيل آ جني أي والله ..... (فيديو)! Author: أبو عبيدة البصاص Date: 01-30-2010, 10:56 AM Parent: #10
Quote: بالحيل آ جني أي والله
اي والله
Post: #16 Title: Re: بالحيل آ جني أي والله ..... (فيديو)! Author: هواري نمر Date: 01-30-2010, 11:23 AM Parent: #15
شكرت ابوعبيدة علي المرور الجميل
_____ مدحت يا قريبي.. الطندب.:::.نبات شوكي و يكثر في المناطق الجافة و السافنا الفقيرة و هو شوكي و لا بحتاج الي مياه كثيرة...حاد الاشواك...ينمو في شكل شجيرات صغيرة وقد تجد اسماء قري تحمل الاسم,او اسماء مشايخ صوفية و خاصة منطقة الجزيرة
بكرة انشاءالله ارجع و اترجم لك بعض الكلمات التي قد تكوت غريبة بعض الشئ
Post: #17 Title: Re: بالحيل آ جني أي والله ..... (فيديو)! Author: معاوية المدير Date: 01-30-2010, 11:33 AM Parent: #16
Quote: ذات في يوم والغيمة تهتّف مطرا نقّع فوق نوار الطلح الفقع ريحة البرد إن جاتك عطرا فايت خمر الفوق أردافا مجضع شفنا الوادي يقشقش في دمعات الليل والتعل الشايل بدا يتفقع
تلب حامد فوق مخلوفة أب زور واتربع طلق الرسن أب زمة وسوّا خبيبا بدّع هوّد في رقّاب الصي
يا هواري، يديك العآفية. دي تهويمة في قمّة الروعة والجمال...
ريحة البرم وليس ريحة البرد حيب إعتقادي...
Post: #18 Title: Re: بالحيل آ جني أي والله ..... (فيديو)! Author: هواري نمر Date: 01-30-2010, 11:37 AM Parent: #17
Quote: ريحة البرم وليس ريحة البرد حيب إعتقادي...
تمام يا ود المدير... ح اقوم يالتصويب..
ياخي ما تدينا شوية و نورنا عن قريبك ,د\ محمد بادي....
Post: #19 Title: Re: بالحيل آ جني أي والله ..... (فيديو)! Author: Amira Elsheikh Date: 01-30-2010, 11:39 AM Parent: #17
ياسلااااام عليك ياولد ياهوارى,,,,,,,,,,,,,
_____________________________________
انتو رفدتونى ولا شنو?
Post: #20 Title: Re: بالحيل آ جني أي والله ..... (فيديو)! Author: هواري نمر Date: 01-30-2010, 11:44 AM Parent: #19
Quote: انتو رفدتونى ولا شنو?
أنت عاد فاضية لينا من تقديم الحفلات.. ههههههههههههههههه تاني ما بترجعي لي ناس الليل..
_____ انت مسجلة غياب شديد.. ح نرفع تقرير للسيد ريس سمار الليل طارق جبريل حتي ينظر في امرك...
تقديري و احترامي...
Post: #21 Title: Re: بالحيل آ جني أي والله ..... (فيديو)! Author: حافظ حسن ابراهيم Date: 01-30-2010, 11:45 AM Parent: #19
هواري مساء النور ... قدرة علي الكتابة وحياتك ما في بعد نضميك دي الا كلنا نرمي السلام و نجي صادينا برواقة ياو بلديات
Post: #22 Title: Re: بالحيل آ جني أي والله ..... (فيديو)! Author: هواري نمر Date: 01-30-2010, 11:48 AM Parent: #21
Quote: ... قدرة علي الكتابة وحياتك ما في بعد نضميك دي الا كلنا نرمي السلام و نجي صادينا برواقة ياو بلديات
مكنتك دي,تاني ما بتقسم فيني يا بلدينا...
_____الدنيا عندي صباح ,بدري شديد...... محتاج اتكلم معاك ..كثير جدا جدا بس اديني يومين كده
اخبارك و صحتك
Post: #23 Title: Re: بالحيل آ جني أي والله ..... (فيديو)! Author: Amira Elsheikh Date: 01-30-2010, 12:13 PM Parent: #22
Quote: أنت عاد فاضية لينا من تقديم الحفلات.. ههههههههههههههههه تاني ما بترجعي لي ناس الليل..
وانت قايل تقديم الحفلات دابالنهار ولاشنو??
لوووول لقيتك متابع خالص,,
كان بقت على التقديم هينة ماخفى اعظم,,,,,,,,,,,,,,,,,,,,, قرررربت ارجع الليل بس لازم حفلة استقبال ,,,,,,,,,,,,,
Post: #24 Title: Re: بالحيل آ جني أي والله ..... (فيديو)! Author: الطيب شيقوق Date: 01-30-2010, 01:02 PM Parent: #23
Quote: فوق نوار الطلح الفقع
هيييييييييييييع ود النمر دا النوار ولا بلاش
Post: #25 Title: Re: بالحيل آ جني أي والله ..... (فيديو)! Author: الطيب شيقوق Date: 01-30-2010, 01:02 PM Parent: #23
Quote: فوق نوار الطلح الفقع
هيييييييييييييع ود النمر دا النوار ولا بلاش
Post: #26 Title: Re: بالحيل آ جني أي والله ..... (فيديو)! Author: معاوية المدير Date: 01-30-2010, 01:19 PM Parent: #25
Quote: ياخي ما تدينا شوية و نورنا عن قريبك ,د\ محمد بادي....
ســــــــلام هواري، تاني وتالت كمان، الـبـرم: هو نُوآر شُدر الطلح، لونو أصفر وشكله مدوُر ممسوك مع الفرع بعود رفيع جداً مما يجعل شكل النُوآرة زي حلاوة حربة بتاعت الأطفال. له رئحة جميلة جداً خاصةً في زمن الخريف لمان تصب المطر، ويختلط البرم مع روث البهايم في المُراح وتجيك ريحتو مع الزِيّفة. أخخخخخخخخخ يا أنا...
لو في حاجة تاني قول عُووووك بس...
Post: #27 Title: Re: بالحيل آ جني أي والله ..... (فيديو)! Author: Abobakr Shadad Date: 01-30-2010, 02:26 PM Parent: #26
. . .
أخى الدكتور محمد بادى
سلام عليك أيها الرائع سلاما
سلام عليك عبر فضاءات الالكترون
وتحية قلبية من محب لك لا تعرفه عساها
تأتيك فتجدك كما أريد لك و أتمنى
حكمت علينا بعض أقدارنا أن نطلب
حميمية التواصل عبر شاشات البلور
الى لقاء قريب ان شاء الله
الشكر لكم آلاف آلاف ...
.
Post: #28 Title: Re: بالحيل آ جني أي والله ..... (فيديو)! Author: Abobakr Shadad Date: 01-30-2010, 02:44 PM Parent: #27
. . .
وياهواري ويا كل الاحباب
امتعتونا بهذا البوست الجميل
الشكر لكم آلاف آلاف ...
Post: #29 Title: Re: بالحيل آ جني أي والله ..... (فيديو)! Author: طارق جبريل Date: 01-30-2010, 11:32 PM Parent: #28
Quote: الي المسانيح ودشيقوق وطارق جبريل... وكل الزملاء و الزميلات مع عاطر تقديري و احترامي.....
