تانى حـــذاء فى وجه مسئول,,,الله ايه الحكاية ياجماعة

القدس (رويترز) - قال شهود إن أحد الحاضرين في قاعة محكمة رشق دوريت بينيش رئيسة المحكمة الاسرائيلية العليا بالحذاء فأصابها في وجهها يوم الاربعاء.

وقال المحامي تال رون لاذاعة اسرائيل "في وسط المداولات رأينا حذاء يطير من المكان المخصص للجمهور. واصاب القاضية دوريت بينيش بين عينيها. واسقطها على الارض.

"(المهاجم) صاح أنت فاسدة الحقت الضرر بنا.

"وقفز حراس امن المحكمة عليه فورا. بدا انه مجنون."

وقال صحفيون في قاعة المحكمة ان حذاءين القيا على القاضية ولكن الحذاء الثاني اخطأها. وقال زوج بينيش ان القاضية تلقت"ضربة قوية" اسقطتها من على كرسيها.

ولكنه قال للاذاعة"انها تشعر بانها افضل وتعتقد ان بامكانها مواصلة المداولات."

ووقع هذا الهجوم اثناء نظر استخدام الماريوانا لاغراض طبية. وقالت الاذاعة ان المهاجم رجل يبلغ من العمر 52 عاما له شكوى بشأن قضية منفصلة.



http://www.arabic.arabia.msn.com/news/middleeast/Reuter...206271Update.aspx[/B]

وبعدين مع الأحذية دى !!!



أبقوتة كيف أصبحت؟

أبو مركوب كان طائر الآن أصبح سلاح نووي وبالضرورة برضو طائر.

زمان المصريين في الأفلام الأسود وأحمر كانوا بيقولوا "مش فلوسك دي حا أديهالك عالقزمه الأديمه" ، والحمد لله الذي جعل هؤلاء المسئولين المستهدفين بالنعلات أن النعال التي إستهدفتهم طالتهم أم تمكنت فرق الأمن المتابعة من إصيطادها قبل وصولها إلى منصات التتويج إما فرنسية أو إيطالية أو ألمانية وربما أمريكية الصنع حتى وهي أحذية براند نيو ومسايره للموضه كمان ومضروبه polish لمن بترقش وحتى البولش ماركة كولونيل الشهير لا كيوي لا رماد وشوية زيت زي الورنيش البلدي.
غايتو كعب إن يوم شكيل أونيل حق ناس لوأنجلس ليكرز كان لحق زعل وفلق ليهو واحد بي جزمتو بتاعت كرة السلة والله فلقة زي ديك لا ينفع معها ناس أمن لا غيرهم تكون على طريقة الـ Slam Dunk وبعد الرمية وقبل ناس الأمن ما يقبضوا الرامي يقول وبي صوت عالي I love this game وعندها حتى الجمهور يكونوا وقعوا أرضاً.
بعدين برضو على قدر أهل الجزم تأتي العزائم ، فالذي يضرب بوش بالحذاء ليس كالذي يضرب ...... بالجزمه لأن الأخير إنضرب لمن قال بس ، والجزمة في القندول زي الحسنة في المنعول.
إنت تعال شقي الحال إبا القاسم الطمبوري دا فلق هارون الرشيد ولا والي الكوفه لمن بقت حذاءه بهذه الشهرة أوعك تحكي لي فيلم الطمع إنو شركوا ليهو بي فردة جزمة وفي نص الطريق رجع للأولي الفلم دا شايفو قبل كده بس ما داخل مزاجي.
بالمناسبة الجزم دي كلها جايه من العراق من أبو القاسم لغاية منتصر رامي بوش.

أنا غايتو ما برمي لي زول بي نعال لأن كل ما أملكه نعال واحد وبالتالي نعال في الرجل ولا عشرة في محلات أبو الفضل بلازا – والله دي نجرتها من رأسي دا لا عارف ابو الفضل ببيع موز ولا موبيليا – المهم فتكم بي عافيه وأبقوا عشره على النعلات وخاصة ماركة بوما الشهيرة.
===
ما يجب أن يكون عليه الصحفي قبل بدء المؤتمرات الصحفية لكبار المسئولين



جانب من مهارات قوات الأمن الخاصة (حرس الرئيس وكبار الشخصيات)



تمثال الحرية

سمعت في بوست في المنبر دا انو واحد مسئول لمن ضربوهوا بالحذاء تكفل بعلاج المعتدي عشان كدا اي زول عندوا مشكلة مصاريف علاج طوالي علي الاجتماعات و المؤتمرات الصحافية و بالجزمة لحدي فاتورة العلاج ما يطلع ثمنها