وجه آخر للجزمة الرئاسية ... وجهة نظر "ليس إلا"

معروف عن الشعب السوداني انو ما بيرضى الحقارة....
لو اخوك ود امك وابوك حقرك او اهان كرامتك بيكون عندك موقف ...
ودي سمه متأصلة فينا....
مجرد سؤال ....
كم شخص رفض واستنكر الحقارة والمهانه المصاحبه لرمي الجزمة ...
حتى لو كان عندو راي في "المرمي بها"...
كم شخص استنكر كلام اوكامبو وقرار المحكمة الدولية...
وعادي تلقى الواحد يقول ليك "والله انا لا بأيد البشير ولا من ناسو لكن الحقاره ما بنرضاها"
المهم عندنا انو سوداني في المقام الاول...
كم زول لما ح يمشي لي صندوق الانتخابات ممكن يقول
"معارضة شنو ياخ... اذا دا نوع الناس المعاهم الله يكون في عون البلد..والله ديل ما يستاهلو ابدا الواحد يديهم صوتو"
باعتبار انو دا سلوك مرفوض في ثقافتنا والتي تؤمن بتوقير الكبير واحترام ولي الامر...
داخل هذا المنبر يوجد الكثيرون ممن لا يوافقون على هذا السلوك...
ولكن تبقى مواقفهم المعارضه من الحكومه والرئيس ثابته..
ولكن ..
ما مدى تأثير هذه الجزمة على راي عدد لا يستهان به من المواطنين البسطاء وهم ذاهبون الى صندوق الاقتراع؟؟؟
وليه يترمي بيها في التوقيت دا بالذات والناس قاب قوسين او ادنى من الانتخابات؟؟
.
.
.
مجرد وجة نظر .. ليس إلا.