نريده وسيما ... مرشح رئاسة الجمهورية (ولاعزاء للشينين) هذا دلوي يابله

بيل كلينتون بدأ به عصر جديد ومفهوم أجد بالنسبة لامكانيات ومقدرات رؤساء البلاد في العالم أجمع ..إنتهى عهد الرؤساء التقليديين من ضخامة الجثث وكعبرة الهندام( بوريس يلتسن مثالا) وإنعدام اللون والطعم والرائحة (بوش الاب) وظهر رؤساء يتمتعون بوسامة وشباب نجوم السينما ووجاهة موديلات عارضي الازياء, فبعد فوز كليتنون قامت بريطانيا بتتبع الموضة وفصلت توني بلير حسب المواصفات الجديدة كي لا تفوتها عربة التقدم والرقي الاجتاحت العالم وكي تنافس أمريكا في شباب ووسامة رئيسها . روسيا كان الـعبء عليها أثقل فلابد من رجل تنطبق عليه شروط الوسامة ويملك القوة والبطش والعقلية الذكية لكي يدير إرث الامبراطورية الكبيرة فكان الاختيار الموفق جدا لبوتين فهو قمة الوسامة مع جسم رياضي رشيق وطول يذهل جميع نساء الارض بالاضافة لذكاء خرافي مكنه من لعب دوره بدهاء ويشهد على ذلك وظيفته في السفارة الروسية في المانيا (كجنايني وساقي ورد) بينما هو الاتاشي ورجل المحابرات الاول
نريد أن نلحق بالعالم الاول
نريد تتبع الموضة ولو بعد سبعتاشر سنة
نريد رئيسا من غير (كرش مدلدل) نريد رئيسا ذو لباقة عالية تجنبه حلفانات الطلاقات على الاثير وفي الفاضية والمليانة
مرحبا برئيس سوداني وسيم وذو لياقة بدنية عالية وجسم رياضي رشيق وبالتأكيد لباقة وذكاء


Bill Clinton


Barack Obama

Tony Blair

VladimirPutin

Dmitry Medvedev

Quote: روسيا كان الـعبء عليها أثقل فلابد من رجل تنطبق عليه شروط الوسامة ويملك القوة والبطش والعقلية

راوية
بعد انهيار سور برلين وكتاب الخاتم عدلان (آن اوان التغير)
تانى دايرة ترجعينا و تجمعى بين وسامة الايدلوجيا وبطشها طيب
ياراوية (الحوسية) انى اعتذر لرجاء الغير حوسية لقد تشابهت على
الراءات

وسيماً في العرسان خلوها.

الخردة يا شين قالو ليك عايزين زول وسيييم..
بالله يا ياسر ما تزعل مننا:))))

طبعا يا راوية أنا كوووولهم كوم وبوتين كوم تاني.. سكت الكلام

البدر يا امير.. داير تجيب لينا الهوا؟




* طبعا لقيت روحي كاتبة "يلتسن" الشين بدلا من "بوتين" الوسيم..

الامير بدر

Quote: تانى دايرة ترجعينا و تجمعى بين وسامة الايدلوجيا وبطشها طيب

هنا أستحضر عبارة أستاذنا ومعلمنا كلنا بكري أبو بكر رودا مردة هي رودا مردة
فـروسيا هي روسيا بنفس قوتها إن لم تكن أقوى وبوتين في إعتقادي من أقوى رجال السياسة في العالم الان بالمناسبة أنا (معجبة) بل متيمة بهذه الشخصية
ورسيا تحفظ توازن القوى وتتحالف متى تشاء مع الغرب وتفرض سياستها
الروس قادمون

الخردوات الاتنين الكرمبا ورجا
مرشحينكم ينظر في أمرهم
لو

إبتدوا وفي الحال برنامج غذائي حازم
مع جري خمسة أميال يوميا
و 60 بوش أب كبداية

ملاسي

Quote: وسيماً في العرسان خلوها.

طبعا العرسان وإختيارهم بتدخل فيها إستراتيجيات وتكاتيك وظروف تانية
اللارجا* والوضع الاجتماعي والحيرة في ندرة الرجال بعد ماكمل نصهم في كرري والنص التاني في حرب الجنوب






_____________
*
تماشيا مع الثقافة الفرنسية الوقعت عليك من يوم مباراة الجزائر
يسرني وضع كلمة فرنسية في الرد على مداخلتك
لايفوت على فطنة القارئ ان الكلمة معناها القروش

مبارك الفاضل
وسيييييييم
وليهو هيبة وينفع رئيس ونص
ترشيحه للرئاسة مناسب جدا
بس








________________
محتاج فصول بتاعة أنقر منجمنتAnger management
برشح ليهو شعار حملته يكون
Controlling Anger -- Before It Controls You

Quote: طبعا يا راوية أنا كوووولهم كوم وبوتين كوم تاني.. سكت الكلام * طبعا لقيت روحي كاتبة "يلتسن" الشين بدلا من "بوتين" الوسيم..

بوتين بالنسبة لي زي أبطال الاساطير والقصص الخيالية
بقعد أسمع في قصص عنه من الروس ولا بمل ولا أفتر
وهو بالمناسبة بالنسبة للروس بطل شعبي
وشخصية يرنوا الجميع لها ويعملوا على التشبه بها
القصة الحلوة
هو هسة لابد كرئيس وزراء وممشي الامور كالعادة لغاية مافترة ديميتري مديفيدف تنتهى ويرجع تاني رئيس لروسيا
شفتي الديمقراطية الحقة لووووول

أفورقي الرئيس الافريقي الوحيد البينافس ونقدر نقدل بيهو قدام الجمعية العامة صورته وضعت في البوست مخصوص كتحفيز للمرشحين

للعلم فقط هذا البوست مخصوص to exclude البشير









__________
لو أصر وحلف طلاق الولاية ماتطلع من بيت قريش...أقصد البشير
ممكن يجيب لينا أخوهو دكتور القلب
ماوسيم شديد لكن لطيف ومع شوية شغل ممكن يمشي

راوية

انت فتحت باب عاصي.

:).

حاولت افتش عن مرشح حالي للرئاسة..(السودانية طبعا)..بمواصفاتك دي..لكن..ممممممممممممم

لكن لو عملنا تصفية واتنازلنا عن حاجات قصاد حاجات.. اجمل مافي الموضوع انه البشير برضو حيطلع الطيشششششش.

:).

لكن ياراوية مفروض مع (الوسامة) برضو تختي الاتكيت..وطريقة الكلام..والثقافة العامة..واللبس..


ياخي موضوع لذيذ.

محبتي.

:).

Quote: راوية انت فتحت باب عاصي. :). حاولت افتش عن مرشح حالي للرئاسة..(السودانية طبعا)..بمواصفاتك دي..لكن..ممممممممممممم لكن لو عملنا تصفية واتنازلنا عن حاجات قصاد حاجات.. اجمل مافي الموضوع انه البشير برضو حيطلع الطيشششششش. :). لكن ياراوية مفروض مع (الوسامة) برضو تختي الاتكيت..وطريقة الكلام..والثقافة العامة..واللبس.. ياخي موضوع لذيذ. محبتي. :)

أميمة
ختينا الاتيكيت وكمان حنجيب أماني الامين بسلة الحمام بتاعتها كخبير أجنبي
لانه الحكاية دي مهمة شديد برضو
العملية فعلا عاوزة ناس متخصصين لتعليم المشي والكلام وكل فنون الاتكيت


__________
أإنتو يا أميمة ماترشحوا لينا عادل
ينفع ونص وخمسة
بس لازم يزامل مبارك الفاضل شوية في فصله

كان في إقتراح لتسمية البوست دا ( البشير يشمها قدحة) كيتا في المستشار وردا على بوسته

كدا يا راوية ماقصرتى خالس..
وكمان نعفى ليك النضالات الفاتتك والتى لاتحصى مثل طيارة سلفا كير وبسالة الطيار الروسى
وبونا ملوال الهشك للحركة الشعبية فى وشها...الخ الخ.

أما فى هذا الموضوع الحيوى فلازم يكون عندنا رئيس لقطة يعنى لما يجتمع سنة ألفين وتلاطاشر بسارة بلين يسيب ركبا..
بس إنتى نسيتى فى أمثلة الرؤساء الوسيمين السنيورة بتاع لبنان..

لكن أقول ليك حاجة والله والله لو شفتى الترابى أيام مثل العباسة بت هارون الرشيد والله ماتدى الجمبك..
عليك الله خلى رجاء تفتش ليك مجلة الوسط إرشيف اربعة وتسعين خمسة وتسعين, يمين تشوفى الصورة ولابس لبس العباسة تقولى جايى من بين الرصافة والجسر.

زى ماقلتى مبارك تورتة لذيذة لكن راكى فيها ضبان.
غايتو الإتحاديين لو عايزين رئيس بمواصفاتك دى عليهم بعقيل أحمد عقيل..
وناس الجبهة ينافسوهم بالشريف ودبدر..

المهم قسمتنا الوسامة عندنا ماكتيرة.

من الناحيه السياسيه اوافق راويه ان روسيا تحت قياده بوتين قادمه بقوه والمستقبل واعد لتحالف بينها وبين الصين والمانيا اذا تخلصت من الحكومات التي تركع لامريكا .
عن الوسامه حاليا ما شايفه زول وسيم اوسمهم بالنسبه لي كان الفرنساوي F.Mitterrand

مع إني ماعاوزه أتحشر في زمرته يوم القيامه لكن أعمل شنو
القلب وما يهوى
شكرا راوية أخيرا وجدت من يعبر عني

Quote: بعقيل أحمد عقيل

شوووووووووووفتو
شوفتو في أبهى حلله عريس وبنزف على عروسو
زي فلقة القمر
وأظرف سوداني مر علي
راقي ومهذب
ما إتكلمت معاهو ولا كلمة ومابعرفو شخصيا لكن دا الانطباع الجاني منه
لكن بيني وبينك الساسة السودانيين ديل بتكون متمكنة منهم الحسادة زول زي دا مابيدوهو فرصة


_____________
ماعارفة ليه كان عندي فكرة أنه حزب أمة؟
_________________
عدلنا أبهى معليش كتبتها الساعة ستة صباحا ومشيت نمت

Quote: عن الوسامه حاليا ما شايفه زول وسيم اوسمهم بالنسبه لي كان الفرنساوي F.Mitterrand

ميتران سمح طوله
دومة بالله نزلي لينا سقف مواصفاتك شوية عشان ندخلك لجنة الفرز

Quote: مع إني ماعاوزه أتحشر في زمرته يوم القيامه لكن أعمل شنو القلب وما يهوى شكرا راوية أخيرا وجدت من يعبر عني

ياوجن ياخ أنا السعيدة بيك وكوني عبرت عن مكنونات نفسك
وبالله أدي نفسك البراح الكفاية وحبي أوباما بعيونو الحزينة وملامحه الودودة شديد

سلامات ياراوية

غايتو بوتين حكاية , كلك على بعض حلو


بقترح تختيهو استاندرد , مع مراعاة فروق اللون

غيتو يا راوية بالغتي ...مدفيديف دا أقصر رئيس يمر علي روسيا ....

الروس ذاتم بيخجلو يقولو ليك رئيسهم طولو 162 سم ....و بوتين

.... نفس طول ساركوزي بتاع فرنسا ....165

شوفي هسي ساركوزي دا تعبان كيف



قارني دا مع اوباما 187 ...
المستشارة الألمانيه مريكل173 ...
قوردن براون البريطاني 180

توني بلير 183 ...
بل كلينتون 188.....

سماحه الزول في شنو ؟

Quote: ميتران سمح طوله دومة بالله نزلي لينا سقف مواصفاتك شوية عشان ندخلك لجنة الفرز

لا والله ياراويه فرانسواميترا دا سمح كله لظله رغم انه كبر سنا
اتخيليه دا لما كان في عز الشباب اكيد يرمي الزول فوق الشوك
غايتو ساركوزي دا بشبه مهرجين السيرك
ما بقدر انزل سقف المواصافات عشان ما تحشروا لي اوباما دا
الموضوع ما الطول وبس

الشِفت دقس!

دقس يا فارة

عاين بطقطق ليك الفارات ديل كيف






بعدين كان للجزمة
عاين الجزمة دي





عليك الله عاين ما فطستهم





حي انااااااااااااااااااااااااااااااااااااااااااا






هاهاهاهاهاهاهاهاها
واله الاول عديل كده

Quote: دقس يا فارة عاين بطقطق ليك الفارات ديل كيف

ياوليد شووووووووية Exercises وبتظبط

النجيضة يا شِفت: الكلام الأخلاق!

Quote: النجيضة يا شِفت: الكلام الأخلاق!

يعني ما عاوز تقرا وتواصل تعليمك ؟

Exercises ده بقوه وين يا ندى


ما تفيدونا ياخ

شوفى يا رايوة هالله هالله على الجد
انتى كدا تاااانى بتفتحى لينا فاتوح للقوات الهجين
والتدخل الاجنبى والاستعانه بصديق وقد نتضطر غير باغيين
للجمهور ..

المسالة دى لو عايزاها كدا

Quote: مرحبا برئيس سوداني وسيم وذو لياقة بدنية عالية وجسم رياضي رشيق وبالتأكيد لباقة وذكاء

اختى الساسه !! لو فتحتى خشم البقرة لباقة وذكاء دى ما بتلقيها
بس ياهو الدراب دا ..

غايتو اوصافك دى يا روويه اجدع ترزى ما يفصلها ليك ..

لكن بصراحه كلينتون دا فى شبابو كان خطييير يشبه كلب الخواجات الملون داك !

اذا فتحتى الباب للتدخل قولى لى عووك ..



الزول دا ما عندو ولد .. بى مخ جديد ؟
لكن عارفه القصة وين ؟ ماشفتى قرنق كان وسيم كيف ؟؟




























ـــــــــــــــــ
دلووك مقدود يا بله !! لوووووووب .

شوف عينى يارواية يانا القعدنا من غير رئس ,,,









________________________________

وليد يلعن ابو الثقة زاتها,,,,,

Quote: وسيماً في العرسان خلوها.

بختك ...أفرح ياعم

Quote: شوووووووووووفتو شوفتو في أبه حلله عريس وبنزف على عروسو زي فلقة القمر

ياراوية

حقو بالمناسبة دى تنزلى لينا بدور القلعة بصوت وداللمين!

Quote: نريد رئيسا من غير (كرش مدلدل) نريد رئيسا ذو لباقة عالية تجنبه حلفانات الطلاقات على الاثير وفي الفاضية والمليانة مرحبا برئيس سوداني وسيم وذو لياقة بدنية عالية وجسم رياضي رشيق وبالتأكيد لباقة وذكاء

[/IMG]

أها يا راوية



شوفي وجاهة الزعيم دي:

Quote: أها يا راوية شوفي وجاهة الزعيم دي:

وده أوسم رئيس مر على السودان











إلا ..................غفر الله له ..

والصادق المهدي ما ساهل في شبابو

راوية سلامات
وتحياتي...يا اخوانا البروف\معز بخيت
ما تنسوه...
موش برضو مترشح....اها شاعر و عالم و وسيم و أنيق...






______
بشار الاسد,الملك محمد السادس, سعد الحريري,الملك عبد الله الثاني...........اها كيف ديل معاكم

لكن بالجد ليه ما يكون الريئس \سودانية ,جميلة,رشيقة ولبقة...
خلونا نجرب و لو مرة واحدة......

غايتو يا راوية،،


صعبتيها شدييد،،،


على العموم،
ننادى معاكى،،،،


و أخشى أن..............................


























لا حياة لمن تنادى!!!!!!!!!!!!!

أما رئيس السودان القادم فيا هو ده :














لكن للأمانة تلزمه زيارة صالون رجالي معتبر ..بعداك بقعدن ليك كلللهم في البيت ..لووووول

يا اميره معاك معلم

Quote: يا اميره معاك معلم

ودا المكيفنا زاتو ياشفت,,

اها خلى لى اختك الاشراف على الازياءوعوجة بجيك مافى...
مسالة الاكسرسايس دى بنسقها ليك مع ندى,,,

برضو معاك معلمة,,,

غايتو من اسي لقيت شغلة فى الحكومة(مشرفة ازياء الريس)

يا اميرة

خلاس عيناك

لكن بالله ارفعي لي تقرير عن هالة دي
وهل هي مضمونة وانا بعرضة على المستشارين

بعد داك نشوف حا نعمل معاها شنو ؟

Quote: نريده وسيما ... مرشح رئاسة الجمهورية

I strongly second
مع توجس ان يصدق فينا قول "كما تكونون يولى عليكم"
ويغنى المرشحون رائعة نجيب سرور "ونجيب منين ناس"

البرلمان برضه لو سمحتي..

Quote: لكن بالله ارفعي لي تقرير عن هالة دي وهل هي مضمونة وانا بعرضة على المستشارين

ياوليد , اسما نددددددددددددى

يااميرة , جاااااهزة بس لازم الريس يرسل لى التذاكر والإقامة فى برج الفاتح وأنتى طالعة

Quote: ياوليد , اسما نددددددددددددى

يا زولة ما تصلحي الرئيس

Quote: يااميرة , جاااااهزة بس لازم الريس يرسل لى التذاكر والإقامة فى برج الفاتح وأنتى طالعة

انت قايله روحك ود الصايم

Quote: انت قايله روحك ود الصايم

حامضة وملعوبة .. هسي أشيل صورتي!

Quote: انت قايله روحك ود الصايم

Quote: حامضة وملعوبة .. هسي أشيل صورتي!

ياريس مش عصرت على شديد؟!! ود الصائم (كر على أمى الراجيانى)

حسة أنا ناوية أنزل مرشحة رئاسة اذا بقى فى بوست موازى بعنوان:


نريدها جميييييييييلة , مرشحة رئاسة الجمهورية

يا ود الصايم ... حرقتك موش ؟

شفت ليك رئيس جمجارة

اهو نحن قلنا نغير

Quote: وهل هي مضمونة وانا بعرضة على المستشارين

بمناسبة المستشارين دى ياشفت خليك مفتح وكلهم يكونو جكس(نساء)
حتضمن دقة,,,ترتيب,,,نظام,,,لبس,,,انضباط..وفاءءءء,,,واخلاص,,وكدا حتقدر تنجز كويس,
,ابعد قدرماتقدر من الرجال وخاصة الشينين لانهم ممكن يهدو فيك,,,
نرسل نجيب ندى ياريس(كخبيرة اجنبية) لانها ممكن تفيدنا,,,,
عليك الله فكرة عمل فريق نسائي دى ختها فى بالك والله حتنجح,,,

لووول حولناالبوست دعاية للشفت ياراوية,,

إحذرن الرجل الوسيم
رئيساً كان أم عريساً



الشناة فوقا البرَكة ..

Quote: الشناة فوقا البرَكة ..

دة كلام صاح, بالذات فى الخيار التانى

Quote: إحذرن الرجل الوسيم رئيساً كان أم عريساً الشناة فوقا البرَكة ..

تيسير عووضة ( الشناة فوقا البركة) دي مثا اسفيري وللا وردت في الاثر

وللا ساااااااااااي جات كدا بس

فضحك حتي كاد ان يتفقل من مقعده

Quote: إحذرن الرجل الوسيم رئيساً كان أم عريساً الشناة فوقا البرَكة ..

وقيل الشناة شناة الجيب

تيسير بالجد دي دقستي فيها

والدليل

بركة البشير دي مشت وين؟؟ّّّّ

:).

Quote: لكن بالجد ليه ما يكون الريئس \سودانية ,جميلة,رشيقة ولبقة... خلونا نجرب و لو مرة واحدة......

دا الكلام يا هواري ومرشحتي للرئاسه هي
دينا خالد
حتي لو بقت تشبه بت ام بوعلو

ياراوية

انا ضد الفكرة طبعا لازم الرئيس يكون شين ودشن ، ذكرتيني فيلم بريف هارد لي ميل جيبسون

لمن ملك بريطانا قال عايز واحد يمشي يتفاوض مع ولاس اها ولد الملك حنكوش وشهادة عربية قال ليهو انا بمشي اتفاوض معاهو اها ابوهو مقرم وابن كلب قال ليهو لو رسلتك انت مش ح يفكر يحرر بلدو بس ده ح يطمع في بريطانا كلها لووووووووووووووووووولز

تحياتي

زاتوووو

Quote: إحذرن الرجل الوسيم رئيساً كان أم عريساً

لوووووووووول بري يا تيسير يا بتي الراجل الشين يفرفر في سدر العدو
انا بفكر في الجنريشين البتولد عشان كدا عريس شين نهي نهي

Quote: انا بفكر في الجنريشين البتولد عشان كدا عريس شين نهي نهي

والله يا ماما دوما ما قاعدة ..مرات أولاد الأقل جمالا بطلعوا حلوين حلا تحير ..






ــــــــــــــــــــ



عليك الله الأقل جمالا دي ما عجبتك ..

Quote: Quote: لكن بالله ارفعي لي تقرير عن هالة دي وهل هي مضمونة وانا بعرضة على المستشارين ياوليد , اسما نددددددددددددى

يا ندى،،
صدقينى،
هالة برضو بتنفع،،

و أميرة ح تشهد،،،

و بما إنو وليد دة زول صاحب أصحابنا،،
إحنا إنشاءالله نظبط ليهو "لوك" ما يخرش المية،،

و ببلاش،،

بس فيلا و عربيةو رصيد فى البنك،،،،

يا بـــــــلاش،،،،،،،

Quote: و بما إنو وليد دة زول صاحب أصحابنا،، إحنا إنشاءالله نظبط ليهو "لوك" ما يخرش المية،،

بما أنكن اتلميتن في مرشحنا!
يبقى هو زاتو الح ـ يخُر! مش اللوكـ بتاعو بس!

Quote: إحذرن الرجل الوسيم رئيساً كان أم عريساً الشناة فوقا البرَكة ..

الله يجبر بخاطركـ يا تيسير ..
طول عمري بقول عليكـ زولة عاقلة ..


* الفيكـ أتعرفت يا ماما دوما

* راوية : بنصرها ليكـ ...

خالد بن عبدالله - ممثل الشينين في المنبر

Quote: خالد بن عبدالله - ممثل الشينين في المنبر

بري يا خالد ولدي انت سماحه الوليدات لحدهم انا قاصده نوع ساركوزي دا

والله يا راوية ما بعرف القنعت منها فيهم اكتر ياتها، الوسامة أو الـ brains


_____
أقترح يعدّل الدستور ويفتح باب الإستيراد.. على مصراعيه

Quote: أقترح يعدّل الدستور ويفتح باب الإستيراد.. على مصراعيه

أثني











دااااايرين جورج كلوني ..

Quote: دا الكلام يا هواري ومرشحتي للرئاسه هي دينا خالد حتي لو بقت تشبه بت ام بوعلو

l

ماما دومة..
تحياتي و احترامي...
وأنا اثني معاك.... مرشحتك للرئاسة...



___

فيكم الخير!

Quote: ومرشحتي للرئاسه هي دينا خالد حتي لو بقت تشبه بت ام بوعلو

أنا أثني يا دومة

رايوه ضحكتيني ببوستك اللذيذ ده ..

Quote: ختينا الاتيكيت وكمان حنجيب أماني الامين بسلة الحمام بتاعتها كخبير أجنبي لانه الحكاية دي مهمة شديد برضو

هههههههههه

عليييييك الله ياراويه شفتي ليك ناس بيعزّوا الشيب غيرنا؟
الشعوب دي كلّها ما بتشوفي ليك شعره بيضاء في راس راجل اطلاقا ..
لكن لو عاينتي لصورة ياسر عرمان الفوق دي الشيب ما يديك الدرب هههههه
أها زي ديل نصّوت ليهم كيف؟
عايزين شغل كتير والزمن ضيق ياراويه, الانتخابات زاتها علي وشك هههههههه

المهم جيبوا لينا صوّر مرشحي الرئاسه هنا عشان نشوف الأقرب حسب مواصفات راويه هههههه
وبعدين نبدأ معاهو مشروع التأهيل

-----
ماما دوما أوباما وجيه والله,
وعندو كاريزما فظيعه هههههه

Quote: والله يا ماما دوما ما قاعدة ..مرات أولاد الأقل جمالا بطلعوا حلوين حلا تحير ..

بري يا داليا حافظ بتي امك دومه تلعب علي المضمون
مرات دي ما تنفع

Quote: أقترح يعدّل الدستور ويفتح باب الإستيراد.. على مصراعيه

............
إزيك يا راوية

Quote: سلامات ياراوية غايتو بوتين حكاية , كلك على بعض حلو بقترح تختيهو استاندرد , مع مراعاة فروق اللون

والروقة ياندى
رايق رايق رايق وراسي كدا وتقيل
على قولة المصريين حمار(من أحمر) وحلاوة
_______

حكاية بوتين إستاندرد دي تعجيزية وكدا
خلينا ننزل السقف شوية بالنسبة للمواصفات

Quote: غيتو يا راوية بالغتي ...مدفيديف دا أقصر رئيس يمر علي روسيا ....

*الصادق يا أخوي ساركوزي دا أنا إتجنبته مخسوس
خفيف كدا وقزعة وعلى قول زينب يشبه البلياتشو
أصلو ما الخلف المفروض يكون لي ناس زي ديستان وميتران
*وبعدين مديفيدف دا قلنا ليك قاعد تيمبرري لما يرجع سيدها
أما سيدها بالله مابنسمغ فيهو ولا كلمة وعلى قول دومة الحكاية ماطول(يستثنى)
*طبعا أطول ناس في العالم لاقوني ناس بحر الادرياتيكي (صربيين)
*ود جيران غوردون براون كنت عاوزة أجيب صورتو لكن لقيتو حيحرجني ويقوي عين الساسة السودانيين ويفتح نفسهم
*الالمان طولهم فارع منطقة بتسبرج في امريكا او قول بنسلفانيا معروفة إن سكانها المان اديهم الطول والضخامة ....عمالقة بس

وسماحة الزول في الطول والعلا



______________
أوباما حا أكتب عنه معلقة براها نرجو الاطلاع عليها لاحقا

..
.

ديل 3 دفعة واحدة .. عيبيهم لينا

وفيما يخص ابوعاج وحسبما اذكر فى ايام الصبا
كان لمن يقولو جاى عابر بشوارع المدينة
والله النسوان بجن جاريات يشوفنو بفساتين النوم ..


_______

فى ذمتك عرمان دا ما اوجه من بلير
وبوتن واوباما زاتوووو ..

ما تكون رئيسة
تحياتى

راويه والمتداخلين
سلام
بوست دمو خفيف يا راويه

Quote: حسة أنا ناوية أنزل مرشحة رئاسة اذا بقى فى بوست موازى بعنوان: نريدها جميييييييييلة , مرشحة رئاسة الجمهورية

دى منال ح تنافسك فيها يا ندى....ههههههههه

Quote: لوووووووووول بري يا تيسير يا بتي الراجل الشين يفرفر في سدر العدو انا بفكر في الجنريشين البتولد عشان كدا عريس شين نهي نهي

دى ضحكتنى لحدى ما دمعته.....

رفقاً بالشـينين....ما تجيهم نفسيات...الأيام دى النفسيات ممكن توديك التوج..
وفى روايةٍ.... أو ممكن تعالجك على حساب الدوله

فى بوست عارضين الأزياء
حالفين بالتقطعهم....واحد فيهم واحد فيهم يعمل ليهو حتة عضل مافى....
وعايزيين ينافسو دولياً قال....!!!!ههههههه


تحياتى للجميع
إقبال

Quote: نريده وسيما ... مرشح رئاسة الجمهورية (ولاعزاء للشينين) هذا دلوي يابله

يا راوية عملتيها ظاهرة غايتو
قصدك بكرى ابوبكر وود الصائم ما يترشحوا والا شنو؟؟

Quote: أقترح يعدّل الدستور ويفتح باب الإستيراد.. على مصراعيه

نجوان لو كده انا ارشح ده

والله دا امتع بوست،،بعدين في مساحات للاماني وكدا

ولطالما ان هناك مشروعية في الاحلام :: ومن حقي كمواطنة عادية اختار الـ Look بتاع مرشحي

عايزاه يكون ممشوق وبهي الطلعة ، ويكون بيستعمل جل لشعره (كيرلي على خفيف)، عايزاه كمان يلبس نضارة شمس عشان المحافظة على جمال العيون ، وعايزاه كمان دائما شاك (اصلو ما يتأكد) واخيرا عايزاه يكون بيشاهد foxmovies ، ولا يتعاطي الصعوط ، ومهذب الشارب غير ملتحي

و

عريض المنكبين شلولخ



بالنسبة ليك يا وليد ، اذا كنت طارح نفسك كرئيس وكدا ، انصحك بانك تنسحب ،، شوف المجالس التشريعية بتقسم معاكـ

Quote: بالنسبة ليك يا وليد ، اذا كنت طارح نفسك كرئيس وكدا ، انصحك بانك تنسحب ،، شوف المجالس التشريعية بتقسم معاكـ

ان شاء الله تبوري

Quote: ماما دوما أوباما وجيه والله, وعندو كاريزما فظيعه هههههه

والله يا اماني بتي لا هو لامرتو ما دخلوا كنكوجي دا ابدا
الكريزما حصرا لبيل كلنتون وبس

يا راويه
الالمان ديل غايتوا كل رؤساءهم شناه عينه
غايتوا الزول السمح فيهم معاي بجاي

نسوان المنبر لقنها فرصة لفش الخلق..

حقو ياراوية تختى إيميل عشان نسوان الخارج يتفشن.

شكيتك على الله بورتى على بوستى ههههه

اتكسروا هنا

رجال ونسوان

لااا حولااااا.. بالله كل الناس ديل رايح ليهم رئيس سمح,,. ههههههههه


غايتو صور الأزهري والمهدي في السيتينات ممكن تنافس بالرغم من إبتسامات ملاسي..

في الستينات ما كان في زول شين.. وكل يوم قاعدة أستغرب طيب ليه وليداتهم طلعو شينين؟

ــ

يا راوية أنا الفرنسيين من زمن لوي الرابع عشر ونابليون مافي زول فيهم ملأ عيني غير "دومينيك دوفلبيان".. ساركوزي القزعة مبهدله بالمحاكم وعايز يسجنه عشان حيترشًح للرئاسة الجاية.
"كوتشينر ممكن ينافس. بس الطول برضو مشكلة.. أطنه 152 سم..




تيسير.. الكلام الجبتيهو ده ما ليهو اي تجارب تشفع ليهو:))
غايتو زي ما الرجال بيفتشو على المرة السمحة. لا نقبل بأقل من رجل سمح برضو.. هههههههه


يا دوما أنا غايتو بعرف لي الماني تاني وسيم.. خليه في سرك دلوقت:)))


الشفت.. ما تسمع كلام ناس اميرة وندى وشمايل الهدًام.. ممكن تنافس بمواصفات البوست.. بس خلي راوية تجي تقول ليك المطلوب عشان تبقى مية مية..


أماني الأمين.. وحاتك لو بس ياسر صبغ شعراية واحدة بكرة تلاقي ملاسي فتح 3 بوستات.. راجعي الأرشيف عن بوستات الصبغة:))))

Quote: في الستينات ما كان في زول شين.. وكل يوم قاعدة أستغرب طيب ليه وليداتهم طلعو شينين؟

يا رجاء
يمكن النصف الآخر

يا بلة أنا ما قلتا الرجال الكانو بس سمحين.. وحاتك الرجال ما كانوا بيعرًسو غير النسوان السمحات.. قارن بين أمك وابوك. وتاني تعال قارن بينك وبين اي أخت من اخواتك..

عندي خالي - الله يرحمه - كان بيقول: أي أم اسمح من بتها. وكان بيدلل على كده ببنته وأمها. وبينا وبين أمنا:))))


ــــ

أدعم وسامة.. أوبس ترشيح مبارك الفاضل الوسيم. وبالمناسبة ما تتخيل بريده بس عشان فيه شبه غير طبيعي مع أبوي الله يرحمه.

Quote: عايزاه يكون بيشاهد foxmovies ، ولا يتعاطي الصعوط ، ومهذب الشارب غير ملتحي ]

الله يسالني يا شمائل انت قاصداني

Quote: لا والله ياراويه فرانسواميترا دا سمح كله لظله رغم انه كبر سنا اتخيليه دا لما كان في عز الشباب اكيد يرمي الزول فوق الشوك غايتو ساركوزي دا بشبه مهرجين السيرك ما بقدر انزل سقف المواصافات عشان ما تحشروا لي اوباما دا الموضوع ما الطول وبس

ميتران شفت ليهو صورة باليونيفورم في الحرب العالمية التانية
وسيم وسيم ورقيق جدا
من صورته إتخيلت حبيبته حتكون كيف وبيحبوا بعض قدر شنو؟

لكن لازم نشتغل معاك شديد عشان تغيري رايك في أوباما

Quote: الشِفت دقس!

ود الصايم
خليك معانا وراء الكواليس
جنود مجهولين وكدا
نعمل لنصرة الوطن

دايرينو يرإس البلد ولا عشان تشاركوا بيهو في مسابقة ملك جمال الرجال
حكمة اليوم
الرجال في شنو والنسوان في شنو

Quote: حقو ياراوية تختى إيميل عشان نسوان الخارج يتفشن.

والله فكرة
طبعا معروف حننزل الايميلات الممكن تنزل
وحنحافظ على سرية المعلومات
[email protected]

شمائل
إنت متأكده إنك عاوزه رئيس ولا شيتن تاني

Quote: شمائل إنت متأكده إنك عاوزه رئيس ولا شيتن تاني

هههههههههههه

-----

ياجماعه لو بقيتوا علي الاستيراد,
أنا شايفه دنزل واشنطن الجابو ليكم د.محمد حسن ده أنسب زول ..

قلتو شنو؟

جمال خلقة وأخلاق ..


أرشحه لنيل رضا الأستاذة راوية ليتم تأهيله للترشيح للرئاسة القادمة ,.

حقارتكم في الرجال بس

أنا أرشح آمنة عوض الكريم

يا حليلكم و الله

والله يا راوية عين العقل... وعلى كده مرته حتكون زولة زوق كده.. وclassy... ما دايرين زول مدبّل (ده بستثني اتنين من الناس المترشحين حسي)... عايزين السيدة الاولى تكون fashion icon ... وتكون رشيقة ... وكل يوم تجينا بي توب كيف، وبي حنّة كيف.. وتكون بتتكلم تلاته لغات... وحبذا لو تكون شهادة عربية... تقعد تتونس ليك ما رانيا العبدالله وتنافسها كمان...

الله يجازيك يا رواية، مالك فاتحه علينا الباب ده

Quote: ياجماعه لو بقيتوا علي الاستيراد, أنا شايفه دنزل واشنطن الجابو ليكم د.محمد حسن ده أنسب زول .. قلتو شنو؟

انا موافقة يا أماني

على الاقل الزول قريبنا برضو وفيري كريزماتك ومهذب بشكلللل وباين علبه رومانسي....(رومانسي دس عشان منال)

هههههه.

:

Quote: وسماحة الزول في الطول

في داعي لاحراج مرشح المنبر وليد الشفت يا راوية؟ ههههههههههه
بوست حريمي بامتياز خفيف الظل .

بس يا جماعة الخير الوسامة و الجمال حسب كلام ملكة جمال مصر لا تكفي و انما الجاذبية هي السمة المحددة لشخصية الرجل . و ضربت ملكة جمال مصر مثالاً بالكوميدي يونس شلبي حيث ذكرت ان يونس شلبي و رغم دمامة شخصيته البائنة الا انها شخصية جذابة . كما ان اللون و الحجم ليس محدداً لوسامة الرجل و انما السحر و لكم ذلك في ابن السودان البار جون قرنق الذي احبه كل الشعب السوداني . ذكرت فنانة لبنانية قبل سنوات و اظنها نجوى كرم بانها مكسرة عديل كده في بوتين و تعبدو عباده و تشوف فيهو فتى احلامها ههههههه ضحكت و الله العظيم و انا بقرأ البوست دا . يا جماعة الزول العامل ذي الطير الضاربو البرد دا عاجبكم فيهو شنو ؟


عن نفسي ارشح الدكتور امين حسن عمر لرئاسة السودان فهو رجل المرحلة بمواصفاتكم هذه .

دانزيل واشنطون أكتافو واقعه وأسنانوا over lapping ....ما بينفع...
كر على أوباما قال ما نازل دوره تانيه...وا خوفجانا مكينى كان

دانزيل واشنطون أكتافو واقعه وأسنانوا over lapping ....ما بينفع...
كر على أوباما قال ما نازل دوره تانيه...وا خوفجانا مكينى كان

مريوم.. سيدة أولى مين.. إحنا من الصباح نقع ونقيف في الوصيف هههههه. تجي تصدمينا تقولي لينا أنيقة شنو كلاسي شنو.. الله يسامحك

أنا عندي نظرية إنه أي راجل وسيم مرته شينة. والدليل ولد عمنا أوباما.. طبعا في حياتي ما شفتا لي مرة شينة زي ميشيل دي. مرة سألت سؤال: إنه لما اوباما ده رسًلو ليه الصور بتاعت العروس نسوا ما رسلو ليه ناس بيونسيه وهالي بيري.. لووووول


غايتو "دينزل واشنطون" معاكم فيهو يا أميمة.. ويا إقبال سنونه كانت واضحة لما كان صغيروني. هسع قيمة وسيما:)))


وبهذه المناسبة أزف لجميع المكسرات أنه "براد بيت" في طريقة للإنفصال من الشينة أنجلينا جولي.. زغروودة بالله


ــــ

أححححم.. حبة جد للبوست الجد:))

يا راوية مرشحي حاتم السر حلو خلقة وأخلاق.. يالله أبدي لينا الشورت ليست

يا رجويه غايتو نااس حلالنا والحلال المجاوره شرقا وغربا ح يصوتوا لي سكينجوا دا عشان ولدنا
واولادنا سمحيييييييييييييييييين سماح عينه

أميمه :
ياسلام مبسووطه اننا اتفقنا ..
صدقي ممكن نعمل ليهو حمله انتخابيه ما حصلتش ..

Quote: الزول قريبنا برضو وفيري كريزماتك ومهذب بشكلللل وباين علبه رومانسي

وما حنتعب في التأهيل بتاعه للرئاسه لأنه متأهل جاهز ..
بالعكس يمكن يعلم لينا السودانيين فن القيافه والكاريزما العجيبه حقته دي ..

أميمه وأنا مرشحنا دنزل واشنطن ...
انضموا الينا ,, شعارنا دنزل واشنطن للتغيير ..

-----
ماما دوما ميشيل دمّها تقيل ومابحبها فعلا, لكن شوفي أوباما عشان تقتنعي:


ع

اقبال ما سامعاكي, قلت شنو؟



شعار المرحله:
دنزل واشنطن يا بلاش .. واحد غيرو ما يلزمناش :)

Quote: ماما دوما ميشيل دمّها تقيل ومابحبها فعلا, لكن شوفي أوباما عشان تقتنعي:

حرام عليك يا اماني ياخ.

ياخي الفديو مبالغة...مافي اجمل من كده.

ماما دومة لو ما اقتنعت ليك غايتو بعد ده....تكون بالغت عديل معانا.

:).

لوووووووووووووووووووووول يا اماني واميمه يا عسولات اوباما ابدا ما قدر يقنعني ولن يستطيع
ما بقدر اشوف فديوهات او يوتيوب الله يجازي عمكم شاو باو ماو دونق بونق

هوي يا بنوت بتجيبوا لينا من برا البلد مالكن
اسه من ناس البورد ديل
عماد عبد الله مالوا ؟؟!!
بت الكلب يا الشعيريه
________________________---
مدام عماد ما تزعلي مني والله انا عندي Herr قمرا وركبو ليها كرعين الا برضو وارد برا

Quote: مدام عماد ما تزعلي مني والله انا عندي Herr قمرا وركبو ليها كرعين الا برضو وارد برا

:).

ماما دومة مادام كده طيب ماتترشحي انت لانك من البلد وخليه هو يكون الفيرست مان.

والله انا اصوت ليك.

:).

الاخت|راويه
السلام عليكم

ولماذا لا تكون وسيمه...السيده مرشحه رئاسه الجمهوريه..

كفي وكفي لكل العهود المضت ...عهد برانا نحييه برانا............

امل فينا امل باكر امل يتفجر مع مستقبل باكر وما ننسي يوم باكر.....باكر

نريده ليوم باكر...الرئيس القادم

ولك مليون تحيه اختي راويهB]

Quote: وبهذه المناسبة أزف لجميع المكسرات أنه "براد بيت" في طريقة للإنفصال من الشينة أنجلينا جولي.. زغروودة بالله

يارجا, خشمك فيو اللبن ياخ (بالله زول يجى يشرح لينا المقولة دى)

Quote: وتكون رشيقة ... وكل يوم تجينا بي توب كيف، وبي حنّة كيف.. وتكون بتتكلم تلاته لغات... وحبذا لو تكون شهادة عربية... تقعد تتونس ليك ما رانيا العبدالله وتنافسها كمان...

يامريم سلامات

رشيقة , تمام

تلاتة لغات , برضو تمام

توب ياسلام على التوب وسيد التوب, حنة!؟يازولة مش بالغتى؟

شهادة عربية دى , لزوم شنو؟

Quote: حسة أنا ناوية أنزل مرشحة رئاسة اذا بقى فى بوست موازى بعنوان: نريدها جميييييييييلة , مرشحة رئاسة الجمهورية

Quote: دى منال ح تنافسك فيها يا ندى....ههههههههه

إقبال
نوووو واى ياخ, مش فى لجنة بعدين ولاكيف؟

Quote: عايزاه يكون ممشوق وبهي الطلعة ، ويكون بيستعمل جل لشعره (كيرلي على خفيف)، عايزاه كمان يلبس نضارة شمس عشان المحافظة على جمال العيون ، وعايزاه كمان دائما شاك (اصلو ما يتأكد) واخيرا عايزاه يكون بيشاهد foxmovies ، ولا يتعاطي الصعوط ، ومهذب الشارب غير ملتحي

مواصفات شمايل دى ما بناباها،
لكنها ذات أجندة خاصة،،،

إحنا البهمنا،،
البالاحمر الفوق دة،،
و عشان كدة نزلوا لينا الـCV (الكاملة) بتاعة المرشحين كلهم،
و الكاملة هنا لا تعنى اقل من بيستخدم ياتو ديودرانت،
و بيلبس ياتو نوع من (الجزم).... و كدة،،

عشان كلامنا هناك ما يقع واطة،،،،

تعرف يا دكطور محمد حسن ، انا برااااااي قلت كدا

نجوان ، شايفة زي العندك شكـ ، لكن تصدقي قصدي الرئيس الواااحد دا


وكمان يا وليد نريده روح رياضية





ندعم بشددددة هذا الترشيح المستورد

طب انتو لو عاوزين دنزل ده

ما ترشحو الفاضلابي

ما بشبهو






والاتنين فنانين

ماما دوما من المحلي أكيييييييد عماد عبدالله يكسب :)


بالنسبه للاستيراد يا أميمه , رجاء, شمائل ..
دينزل واشنطن اختيار صادف أهله :)


وليد:
دنزل واشنطن يا بلاش .. واحد غيرو ما يلزمناش :)

عيبيه لي

Quote: هوي يا بنوت بتجيبوا لينا من برا البلد مالكن اسه من ناس البورد ديل

هوىىىىى يامامادومةبطلى حقارة هو نحن لو لوكانو متوفرين كان راوية اضطرت فتحت البوست داويقينا الاعمى شايل المكسر...
وبعد دالم ينجح احد,,

اميمة وامانى شريكتكم فى واشنطن ومحل تقبلو معاكم لحدوووووت مانلقى واشنطن سودانى الملامح والهوى,,,,,

من البوست دااكتشفت انوالرجال السودانيين ديل حاقرين بينا ساى..ومجرد قوة عين وطولة لسان,,,

لم ينجح احد,,,,

Quote: شهادة عربية دى , لزوم شنو؟

اها ياندى خلى ناس بت الحسين يدعمو مرشحة الشهادة العربية ونحن ندعم مرشحة الشهادة السودانية ونشوف منو الحيكسب,,,

شهادة سودانية وىىىىىىىىوى,,

غايتو يامريم دى حقارة منك ,,

Quote: : عايزاه يكون بيشاهد foxmovies ، ولا يتعاطي الصعوط ، ومهذب الشارب غير ملتحي ] الله يسالني يا شمائل انت قاصداني

Quote: تعرف يا دكطور محمد حسن ، انا برااااااي قلت كدا ويقولوا لم ينجح احد جنس حسادة نسوان مش واشنطن ده حقي ورشحتو هسي بسحبو

Quote: توب ياسلام على التوب وسيد التوب, حنة!؟يازولة مش بالغتى؟

ندى ازيك.. وبركة بوست الرئيس الوجيه العرفنا بيك... والله يا بتّي سناء خالد عملت فيني حركة سودنة وافتخار بالارث السوداني الايام دي... عشان كده انا مع انه السيدة الاولى حقتها، تتكلم انجليزي (رص) وحنّتها تقول يا ليل... كمان تمشي تتحنن عند الحنانات الناشئات، عشان الناس تعرفهم وتساعدهم.. وتكون في event يسألوها، الحننك منو على وزن who are you wearing...وتزدهر صناعة التياب التقليد لتياب السيدة الاولى.... شهادة عربية دي ما بالضرورة قاريه برّه.... قصدي على الprototype بتاع زوله لبّيسه... وبتعمل makeup خفيف... وألوان ظريفة.. وعطور راقية...

رجاء العباسي، نادر بقول ليه مثل كده "كل كنز حارسه جان"... وبتفق معاك تماماً في نظريتك انه الراجل السمح مرته بتكون شينه.... والعكس صحيح.. والمثال الآخر الممكن اديك ليه "جيدا" مرت ويل سميث.. قصيرة.... انا حسي ما اشترطته انها تكون سمحه.. انا دايراها مجيّهه... ومثقفة... وكشفه كده يا اخوانا.. واهم شي بتكون رشييييييييقة... نوع بتمشي الgym ... تعكس ذوق راجلها...


اصلا راوية فتحت لينا الباب، خلينا نحلم...

Quote: رفقاً بالشـينين....ما تجيهم نفسيات...الأيام دى النفسيات ممكن توديك التوج.. وفى روايةٍ.... أو ممكن تعالجك على حساب الدوله

لوووول يا اقبال المرضي
رفقا بهم يمنع لباس الجزم وانتعال البراطيش

وليد,,,,

قنعت منك,,,بقيت على ترشيح فاضلابى?

اها اسي انت ولا فاضلابى?

Quote: من البوست دااكتشفت انوالرجال السودانيين ديل حاقرين بينا ساى..ومجرد قوة عين وطولة لسان,,, لم ينجح احد,,,,

لووووووووووووووووووووووول عسل عسل يا بت الشيخ والله كيفيتني جنس كيف

لم ينجح احد

أميره الشيخ بركه الجيتي ..

Quote: شهادة سودانية وىىىىىىىى

مش كده؟
تلاته لغات بنتكلم ..
style و class أوي أوي ..
كاريزما ماحصلتش, رانيا العبدالله ذاتها مابتنافس :)

بالنسبه لدنزل واشنطون فتم تزكيته حتي الان من قبل أربعه عضوات وعليه تم قبول الترشيح ..

----
ماما دوما صورة البروفايل خطيره :)
ياحليلكم :)
لو ما كنت من محبي الأفريكانيه كنت عملت ليهو حمله انتخابيه ما حصلتش,
المشكله هو يقوم يحرجنا وما يرضي لووووووووول

وليد:

Quote: عيبيه لي ..

تنقصه الكاريزما ..
الصوره ما فيها أي روح :(
كمان واضح انه مهزوز بتأثير الثقافات الخارجيه ..


نحن من الداخل مرشّحنا عماد عبد الله,
بيمثل السودنه الخالصه , وبرضو فنّان :)

من الخارج دنزل واشنطن بتزكية أربعه عضوات دفعه واحده :)



* التعديل لاضافة انه مرشحكم عادي الي تحت الوسط :) ..

Quote: والمثال الآخر الممكن اديك ليه "جيدا" مرت ويل سميث..

يعني يا مريم ما ممكن تكوني طباخة وعزالة ..















ده أخر مرشح لي لأنو الموضوع ده لو بقى عكسي والجماعة جو جارين بلوبيز وجولي ..أنا سخصيا بتعقد..





بوست هواهو بااااارد ...ودعناكن الله

Quote: تنقصه الكاريزما .. الصوره ما فيها أي روح :( كمان واضح انه مهزوز بتأثير الثقافات الخارجيه ..

وده المرشح الوحيد الذي يستاهل ترشيح الجكس


ولا عندك راي يا راويه

اها جابت ليها ..



ساندرا بولوك .. المحسية بت اللزينا .





الدماعة إتضايقوا ..مع أننا بنهظر ..

راوية و رجاء و اميمة و الماما دوما و بقية العقد النسائي
مرور للسلام

البوست ذكرني دق الريحة و يا حليل دق الريحة

طبعا ما حأعلق علي اي من المواصفات المقترحة لعدة اسباب لا يسعني الوقت للتبحر فيها هنا
من باب التحية لكن هذا الفيديو






لمن اتفرج علي فيديو زي ده بتسائل كيف وصل بنا الحال الي هذه النقطة وكل نظريات العلوم الاجتماعية قامت علي حتمية التطور الا ان فى حالة بلدنا الوضع هو من قبيل الregressive development

شوفو الناس دي كانت بتغني و تعبر باريحية من غير خوف من رقيب خارجي او داخلي بسبب ثقافة الهوس و التهوس الاسلامواجتماعي علي الاقل علي مستوي الحريات الشخصية
... اي كان مرشحكن او مرشحتكن وسواء من ابان كروش و تلاليش او من الفصيلة السبعينية ( و طبعا حتي فعل الطبيعة شغال ضد السودانيين) وطبعا دي خيارتكم الماخترتوها شفتو كيف
يا ريت نقدر نرجع لمحة من ذاك الزمن الذي لا عيب فيه حق التعبير عن الفرح وهز الكتف
فواصلن مطالبكن العادلة بفعل المزاج و ربما الغير عادلة بفعل الجينات و ياريت تركزن برضو علي اللباقة و الذكاء العاطفي و الذكاء الاجتماعي فاكثر ما يغيظ ان تجد مسؤل يتأتي و يربط كل جمله بيعني و يعني

وتصبحون علي وطن او كما قال

بكري الجاك

التعيدلين لانزال الفيديو بشكل مابشر بدلا من انزال اللنك

سلامات.. يا جماهير

انا غايتو ما بيخارج معاي غير جيفري مورغان دا كعريس..اوووووووبس قصدي كرئيس

Quote: انا غايتو ما بيخارج معاي غير جيفري مورغان دا كعريس

رشا سالم ..ماااااكترتي المحلبية ..





ـــــــــــــــــ




أزيك ياخ ..

سلامات راوية والمتداخلات جميعهن

الريس القادم ما دايراهو يكون أقل من الزول دة



باتريك ديمبسي الشهير بـ "د. ديريك شيبرد" في Gray's Anatomy


tall,

handsome,

attractive

and he has the most wonderful hair I ever seen








ولو طلبتو ترشيح واحدة كمان ..

ممكن أرشح نفسي

لكن الـfirstman على وزن الـfirstlady

لازم يكون بالمواصفات أعلاه ..

ولا نامت أعين المرشحين الحاليين لكل المناصب

أمثال وليد الشفت وياسر بيناوي

صور الممثلين الملعوب فيها دي ......... ننزل ليكم واحدة زيها لــ omer osman تقولوا رئيس شنو ده يبقي الامين العام للامم المتحدة

يا دلوية..ازيك انتي دي..

انا والله ما كترت المحلبية ولا حاجة..اصلو مادام عايزين نستورد

اخير نستورد جينات محسنة:) البيخلينا نمشي لغاية اميركا ونجي راجعين

براجل لونو زينا وشعرو زي شعر رجالنا شنو؟

اخير لينا جيفري دا دمو ايرلندي اظنو ..دم خفيف يعني

.......

زمان كان في قصيدة بتاعت حلمنتيش فيها فكرة استيراد جينات

من اوروبا عشان تحسين الاجيال السودانية القادمة

انا من المشجعين جدا للفكرة دي..بس ماما دومة سبقتني عليها ههههههههه

Quote: نريده وسيما

الموضوع ده عن رئيس جمهورية ولا عن عريس يا راوية؟ ;)

Quote: اها ياندى خلى ناس بت الحسين يدعمو مرشحة الشهادة العربية ونحن ندعم مرشحة الشهادة السودانية ونشوف منو الحيكسب,,, شهادة سودانية وىىىىىىىىوى,, غايتو يامريم دى حقارة منك

loooool عجبتني صفة حقّارة دي يا أميرة...

ولو دايره النصيحة، وحات الله تفوز الشهادة العربية...اسأليني انا دي.... إلا لو الكلام انه البنات بقن أكتر من البنات يكون صحي، يبقى تفوز السودانية....

Quote: خير نستورد جينات محسنة:) البيخلينا نمشي لغاية اميركا ونجي راجعين براجل لونو زينا وشعرو زي شعر رجالنا شنو؟

رشا سالم,,,,,,

كداحتشمتنى فينا بشاشا ونبقى فى العقدة عقدة لون وكدا...

غايتو يارشا نحن* من انصار بلاك كاريزمتك ولا وايت مجهجه




______________________________________________
امانى,,,رجاء...اميمة,,,,دلوش..شمائل,,اميرة

راوية
تحياتي
البوست ده ذكرني اختى الصغيرة كانت بتخاف من صورة الجزولى دفع اللة وتبكي بالجد لمن تشوفها فى التلفزيون

Quote: صور الممثلين الملعوب فيها دي ......... ننزل ليكم واحدة زيها لــ omer osman تقولوا رئيس شنو ده يبقي الامين العام للامم المتحدة

يا جنابو ..
ما يكون كلام ساي بس
نزل الصورة وخلينا نحكم في اللول




To: رشا سالم

سلامات رشا وتحياتي
إنتي رشا طب الجزيرة ولا أنا مشبهاكي؟

Quote: أمثال وليد الشفت وياسر بيناوي

هسه يا نهلة وليد دا ذنبو شنو ... ماتقولي ياسر بيناوي وحاتم شناب


لكن اقول ليكي حاجة الوسامة هينة
انتو بس فوزوني برئاسة الجمهورية وانا ببقي ليكم الوسامة ذاتا



خالص الود

Quote: سلامات رشا وتحياتي إنتي رشا طب الجزيرة ولا أنا مشبهاكي؟

ياني رشا جامعة الجزيرة..يانهلة بس اوعك تقولي اتخرجنا متين..

سلامي ليكي يا عسل..

Quote: امانى,,,رجاء...اميمة,,,,دلوش..شمائل,,اميرة

يااميرة كلكم علي عيني وراسي..

لكن انتو قلتو دايرين تستوردوا..لاقاكي فكهاني سوداني مشي استورد ليهو

لالوب ولا دوم ولا نبق؟؟ كلهم بيستوردوا التفاح والعنب والاصناف الما متوفرة

في البلد..اها نحنا دايرين رئيس يشبه جيفري دا..يصحي من الصباح يشوف

وشو في المراية يقوم يتكيف ويصدر قرار بصرف مرتب نص شهر لكل موظفي الدولة

وهاك يا قرارات جميلة وسيمة ..:)

يعني هسه في زمتك لو جانا رئيس سمح زي جيفري دا ..الجفاف والتصحر بيجينا؟

دا لو جا السودان المطرة حتصب الصباح الصباح ..

البترول حيدفق لما الشفع يلعبوا ام الحفر..

ياخي دا قبل ما يبقي رئيسنا خلانا بقينا شعراء ونكتب قصايد:

يا جيفري السمح ..الليلة حوبتك جات

فوق عمر البشير زايد كتير درجات

كفاية عليناطلتك البهية ام وجنات ههههههههههههههههههههههههههههه
......

النمشي نفك سلك الدي اس ال قبل ما طارق يصحي.هههههههههههههههههههه

يا رشا ازيك

فاقدنك في الرياض

كا ضميناك لي لستة الوزارة بتاعة الريس ابو جهينة

اها يا شباب
قلنا ليكم قبيــــــــــــل من الصفحة الاولي,د\معز ..موش مرشح
للرئاسة.. ؟؟


اها رائكم شنو؟؟

هوارى...سلااااام...........

نحت بدينا الاستيراد من الصفحة الاولى والا مسالةالقوات الهجين تحسم لينا المسالة اذا ثبت هناك تزوير بالانتخابات,,,

Quote: نحت بدينا الاستيراد من الصفحة الاولى والا مسالةالقوات الهجين تحسم لينا المسالة اذا ثبت هناك تزوير بالانتخابات,,,

اميرة
سلامات.. وفاقدنك في (ناس الليل)..
اها قلتي لي الاستيراد...
طيب رائك شنو...في ناس التنس؟؟؟؟
فيدرر و لا نادال...
وبالعدم كده....نجيب كاكا البرازيلي....
قروش و وجاهة و احسن لاعب في العالم...



______
عايتو انا من انصـــــــار الريئس تكون واحدة ست
وعلي الاقل زي وزيرة خارجية مورتانيا...
(الجماعة بتاعننا كتبو فيها شعر عديل!!!!!!!!!)

سلام يا رايوة,,,
أين أنت!!!!!

بوست ذو (أجندات) مختلفة

واللة فى ناس عاصرين الفراش دا جنس عصرة واحدة,,

والبكا بحررو أسيادولكن نحن دينزل واشنطن دا ما بنبدلو إلا بياسر عرمان كان مشى الحلاق ولا ما مشى !!,,,,


الغريبة قبل كم سنة كانو بغنو(الشنبو حش)!!!
الله ينعل أبو العولمة على أبو الدش زاتو,,,
غير معالم الدنيا وأفكار البنّوت,,


تحياتى,,

نساء المنبر وآنساته

أرفعوا أقلامكم عن مرشحي الرئاسة

عجبتني
بجد عجبتني
فكرتي أول البوست نبعد البشير دا بعيد عشان كفانا شنا
ونهندم عرمان ولا حاتم السر ونكون عملنا التغيير
لكن لقيت تطلعاتكم عالية
شديد
يمين بنات زي الفل
جاياكن بس أقضي غرض وأرجع

جمال خلقة وأخلاق ..

أرشحه لنيل رضا الأستاذة راوية .. ليتم تأهيليه للترشح للانتخابات القادمة ..

:).

أريتو يا راويه
من بؤيك لباب السماء

فترنا من الشنا و حاة الله

لكن فلان ده بي حاله ده معرس ليه مره زي فلقه القمر
ماشاء الله و عيني بارده العين قدر الريال
و الحاجب زي الهلال
مالها وداد؟؟؟ يحميها من عين خلقه ... سمحتن


اها و بي النسبه لي انها تكون جميله و حنتها كيف و توبها كيف
انا برشح ندى القلعه

والله البشير ما احسن منها بي كتير
يمكن هي بي سماحتها و قشرتها احسن منه
وفي عوامل مشتركه هو اتكلم عن الكديسه و هي اتكلمت عن القرد... في التلفزيون

استغفر الله من جنينه الحيوانات

Quote: الرئيس السمح لازمنا ... Thu, January 28, 2010 3:04:32 PM From: Homa Mohmd [Chat now] ... Add to Contacts To: [email protected] أووووووووول شئ النبى فيك قولى لى بله موسى شكرا شان قليك ختى الايميل ..شكرا جدا قدر نفيستى فى الاندياح دى بعدين ياخ شكرا على الموضوع زااااااااتو الحلو زيك يا ستى والله صراحة لازمنا شديد رئيس سمح نفسى قبل ما أموت أقعد أسمع لى خطاب رئيس كدة ولا إفتتاح ولا تخريج تحت رعاية السيد الرئيس بدون ما افكر فى انو بتاع الكاميرا دا راسو بقوليهو شنو لمن يصور من قريب كدة ؟؟ ياخ فترنا من الحبوب والشنبات الما مواسية والدقون الما محلوقة !!! وخلقة الله ما بناباها لكن البشتنة لزوما شنو ؟؟؟؟ ياخ الله يقطع البدلة السفارى واليوم الجابا السودان زاتووو ..انا متاكدة الزول الفصلا دا فى آخر لهاة تفكيرو ما بتخيل الكرش الحتتحشر فيها معقولة لكن ؟؟؟؟ عشان رئيسنا زينة وإن شاء الله ما يخلينا المرشحين حاليا ديك كلهم ضاربين ضربة السواد فى المنظر ..السياسة زاتا طبعا زاااااتا مع خلقة الله مااااااا بنقدر نقول فيها شئ أبداً أبداً فأنا مع خيار إنو يفتحو الباب للإستيراد وشئ تانى يحددو سقف السن بى 45 سنة كدة ..ولو قلتو خير فى الباب دا بلاى زول ينزل لى صورة بالاك الألمانى ... ياخ دا كان قالينا النسوان نمشى نجاهد بنمشى ..مش رئيسنا ولا شنو؟؟ أو دينزل واشنطون والنائب طوااااالى الممثل جاك إفرون أو باتريك ديمبسى وليد والله تمام .. لكن يا ناس هاله ما تقصرو معاهو :-) شكرا كتير خاااااااااالس خالس أكيد يا راوية إيميل ما معانا هناك ههههههههه صاح؟؟؟ ملاوزة منك أنا

Quote: خلقة وأخلاق ... Thu, January 28, 2010 11:55:26 AM From: mohamed musa [Chat now] ... Add to Contacts To: [email protected] محمد الحسن محمد الحسن . المرشح لرئاسة جمهورية السودان من قبل حزب الإصل (921KB) الاستا>ة / راوية شوفي الوجاهة دي وشوفي الفهم على اليوتيوب تحت عنوان mohamed elhassan is running for prsedincy of the sudan او محمد الحسن لرئاسة جمهورية السودان او ه>ا الموقع www.alislahalwatani.com موسى

Quote: ياخ الله يقطع البدلة السفارى واليوم الجابا السودان زاتووو ..انا متاكدة الزول الفصلا دا فى آخر لهاة تفكيرو ما بتخيل الكرش الحتتحشر فيها معقولة لكن ؟؟؟؟

معقولة بالله الناس دي كاتمة الحاجات دي كلها جواها؟











_____

راوية غايتو ما بسألك هههههه

غايتو ياسمحات المنبر كان ما إتفقتوا
شوفوا الزول الفى صورة بروفايلى دى , أكيد
حتتفقوا عليهو ,, خلقه وأخلاق وكمان حبوبتوا
سودانيه من المسالمه .




ياراويه والله مشتاقين كتير ,, معقول أرجع وألقاك
مافى ؟ بعد ماتلقى رئيس وسيم رسلى لى تلفونك .

اهم حاجه لو عنده صلعه يحلق الافرو الوراء بلاش من حلاقة عبدالرحمن عبدالله و جارنا الدكتور اللمن اشوفه بقرب امشي امسكه من كل قنبور بوره و اجرهم ليه. و ما يتراقص و يعرض زيه و زي سيد الحواشه في اي مناسبه و يكون مالي مركزه و ما هبيل و عوير و يعرف يتكلم و بلاش من اه اها اها و انحنا والله الكديس و الفار و غيره.


زوجته لازم تكون متعلمه و ما تقول هيا يا جماعه ده عمر في الرادي, و اهم حاجه تلبس احذيه مناسبه لثيابها و ثيابها تكون جميله و راقيه و بتعرف يكون مظهرها حسن و اوعى من جزمة الزيزي و حاجه فاطنه, يعلم الله شفت السيده الاولي لابسه الزيزي في الامم المتحده و قابضه الشنطه الكبيره زي شنط الدايات و مكشره و واقفه جنب الملكه رانيه و الملكه رانيه تشبه البيه و تزيد عليه.

اما السفاري الله يحرقه و يحرق الجابه السودان, ياخي اسمها البدله الكنغوليه اها انتوا بتلبسوها ليه؟؟ كراهيتي في الدنيا البدله الكنغوليه. يا اخواني بترفعوا صور كيف عندي صوره حارقاني دايره اختها

راوية بتذكر وأنا صغيرة بتفرج في فيديو الإستقلال..وجا زول وسيم وطويل ببدلداكنة انيقة وشعر wavy ومستنياهو
يرفع العلم...يا سلام فارس احلام بلادي...فجأة جاء الأزهري(مع كامل احترامنا لتاريخه) لابس بدلة بيضاء
(كجنتي في الدنيا البدلة البيضاء) وفت فت فت...رفع العلم..يعني ما كان يدي فرقة لمبارك زروق


أؤيد رأي رجاء..دوفيليبان هو الاوسم بلا منازع (كينيدي برضو كان وسيم)


لكن في الهسي ديل...محتاجين تعديلات كتيرة

مبارك الفاضل needs to lose some weight داسي روحو ساي تحت الجلابية

ياسر عرمان دا داير makeover كامل...الاوت فيتس بطالات كلها

frankly they ALL lack elegance and charisma

السيد الصادق...لسة عندو كل الcharm

Quote: زوجته لازم تكون متعلمه و ما تقول هيا يا جماعه ده عمر في الرادي, و اهم حاجه تلبس احذيه مناسبه لثيابها و ثيابها تكون جميله و راقيه و بتعرف يكون مظهرها حسن

إن كان ذلك كذلك .. فالمرشح الأنسب في هذه الحالة هو كامل إدريس.

حسين ملاسي يا ولدي انت اوجه من صورتك دي كثير
النبي الصوره الشينه دي الصورك ليها منو ؟؟

Quote: ياسر عرمان دا داير makeover كامل...

Extreme makeover





_________
أتمنى العودة لهذا البوست في أقرب وقت

Quote: وسماحة الزول في الطول

الكلام العرض ..يا راوية ..

تحياتي ..

Quote: أتمنى العودة لهذا البوست في أقرب وقت

لا لا يا راوية لازم ترجعي....

لقيت ليك طلبك..

الكيزان ما بفكوها..إلا ينقرضوا..

يكون حسوني كبر...





كنت دايرة أطرح ليكم أبوه.. لكن خفتكن تلحقنّي فاطمة خالد

ارشح

كدا بقى بالاغلبيه الساحقه



اتنين يمشن يحنسوا لينا

Quote: ارشح كدا بقى بالاغلبيه الساحقه اتنين يمشن يحنسوا لينا

يا دلال...
ويا أمانى

Quote: شعار المرحله: دنزل واشنطن يا بلاش .. واحد غيرو ما يلزمناش :)

ما قلنا ليكم:-

Quote: دانزيل واشنطون أكتافو واقعه وأسنانوا over lapping ....ما بينفع...

شايفاكم بتزوروا فى السجلات الإنتخابيه...
عادوكم الجماعه ولا شنو...؟؟؟؟

شايفه المُرشِحات عماد عبدالله.(ع.ع ) .. مع الفارق بدون الألف ...وبس...هههه ههههه

أنا ح أطالب بأنى أكون مراقب دولى....

ودى
إقبال

Quote: اتنين يمشن يحنسوا لينا يا دلال... ويا أمانى

والله فرحت جنس فرح .. قلت خلاص ح يرسلونا لووووووول


تزوير شنو يا اقبال النسوان ديل ما يخشوا في قصه الا ينجضوها .. نحنا كمان بنلعب زي الرجال

في ذمتك حسه دينزل دا ما قيمه وسيمه

Quote: دنزل واشنطن يا بلاش .. واحد غيرو ما يلزمناش

يعني الزول بس يغيب ليهو شويتين يجي يلقى إنتفاضة شعبية ضد الشناة..

عفيت منكن يا سمحات بلادي والمنبر.. (لا شناة بعد اليوم) ده حيكون شعار المرحلة الحالية والمقبلة بإذن الله:))))



بالمناسبة أو مرة في حياتي أول أمس اسمع غنية بتاعت بنات إسمها "قنبلة".. قالو ليكم: سماحة الزول في الطول والعلا
ووصفو الزول ما خلوا سلاح ما جابوه في الوصف..
أها إحنا ريًسنا المقبل عايزينه يفوق إيران زاتها في السلاح النووي ويشكًل تهديد لأوباما.. أوووبس لأمريكا..ههههههههه



سنًوية.. حسًوني بسم الله ما شا الله.. ربي يحميهو الوسيم العسل. وأسمه بس كفاية:)
قلت لي ما جبتي صورة أبوه الخوفة من تبقي فاطمة خالد.. مباااالغة
لكن المثل بيقول: لو شفتا محمد في شنو بتعرف فاطمة الفي شنو.. يعني مافي داعي.. خلاااس إتخيلنا. وحيفوز بالتزكية كمان:)))))


يا شابات خلاص بقيتن على دينزيل؟ بالمناسبة لو "مأمأتو" شويتين في ياسر. وأظن بعد الإكستريم ميك أوفر. يمكن يديه شوية ملامح:)))
يا داليا ما تفرحي شديد.. ههههههه

أميمة.. ما بصدق جبتي (جوني ديب).. يا دوب شفته.. ده يفوز حتى ولو بقى قرصان:))


ـــــ

حاااتم.. حاااتم.. أوووه أووه (ما بتاعت صابون إيريال بالله)

Quote: الرئيس الوسيم ... Sat, January 30, 2010 2:00:33 PM From: Europe european ... Add to Contacts To: [email protected] بسم الله الرحمن الرحيم السيده الجميله رااويه والتحيه لي كل المشاركااات في البوست انا طبعا مااصدقته انو شوفته ايميلك لانو حقيقه بقرا في ا لبوست ونفسي نفسي كان اشارك ومعاي صديقاتي هنا لانو حقيقه البوست ده وقع لينا في جرح وجرح عميييق وبي صورة اوسع نحنا ممكونين وصابرين ( زي الحبن) داير يفتحوا وينضفوا كلنا عارفيييييييين الله سبحانه وتعالي جميييييل يحب الجمال ومن الحته دي نحنا حنبدا في تصفية الشينين والشينات اولا رئيس الدوله والله نحنا نتمني من جووووه قلبنا ربنا يزيح مننا الغمه دي وهي عباره عن غمايم مش غمه وحده الشنا - البشتنه- عدم الزوق- عدم الرقي - عدم الايتيكيت- عدم لغة المخاطبه- عدم تعليم واسع اجباري الرئيس السوداني يخضع لي الاتي: كل الرؤسا والملوك بياخدوا دورات في فرنسا وامريكا والنمسا وبريطانيا عن الايتيكيت وعن المرحله القادمه انك رئيس دوله وانك بتمثل شعب بي حااااااااالوا *نحنا السودان بي وين مع حلفان الطلاقات وحرم وفلان تحت جزمتي لا تعرفوا رئيس لا تعرفوا تاجر مواشي * اجباري السفر لي اكبر مدرسه في سوسيرا اتعلم كل اصوول الايتيكيت *يكون متعلم ما تعليم جيش لانو زمن الجاي ده ما زمن جيش ده زمن تكنلوجيا وزمن تطور حضاري وثقافي بعرف اقله حاجه ثلاثه لغات بي طلااقه انجليزي /فرنسي/ و الماني ( زهجنا من المترجمين الملصقين جنبهم ديل) لانو حقيقه التعليم المنفتح مهم لانو فاااااااقد الشئ لاايعطيه اكيد نحنا رئيسنا بره العولمه بتاعت التكنلوجيا دي لازم بلدنا تكون الطيش في التعليم لكن لو رئيسنا متعلم ( كمبردج وانتي طالعه لي فووق اكيييييد حاجه غير ) * اجباري كل رئيس يكون عندو شخص يعلموا يتعامل مع كل موقف بي طريقه معينه يعني في لحظات الغضب في لحظات الصدمات مش نحنا ر ئيسنا متشنج السنه كلها *اجبااري الرئيس يكون عندو اخصائي تغذيه يعني ينظم ليهو اكلوا وصحتوا والاكل ده زاتوو مهم بخلي الشخص يفكر ويتخذ قررات سليمه ونحنا متاكيدن رئيسنا ده بكون ضاارب ليهو صحن قرع بي كسره قبل يطلع يقول اي قرار علشان كده اي شي بكون ماااا مظبوط والافكار بكون حصل ليها بياات شتوي *مدرب عالمي لي الرياضه علشان الكرش واللغلوغ والجضوم اهمه شي الياقه البدنيه العقل السليم في الجسم السليم لازم لازم رئيسنا يكون انسان بشوش وانسان عندوا كا ريزما قبول مش منفر ويكون مقنع * *نجي لي حته مهمه جدا الرئيس في اسلوب السلام والجلوس ( ما في شي غاايظنا مطلع عينا غير طريقة الجلوس ياخ تلقيهم زي القاعدين في صالون بيتم وده برجعنا لي الياقه البدنيه والكرش ماا مديه فرصه لي الجلوس *يكون عندو طاقم كامل مهتم بي ليبسوا( مصممين لي البدل) فترنا من الجلالليب دي والعمم دي ونحنا وصلنا نتيجه لي ابحاث طويله انو العمه دي سبب الكارثه هو براهو المخ صغير يقوموا يغتوا زياده هي ما ناقصه اما البدله السفاري ده بدل علي عدم الزووووووووووووووق والكسل واي زول بلبس بدله سفاري طوالي بنعرفوا زول كسلان لانو ما عايز يخسر 10 دقايق في اختيار والتنسيق نجي لي الجلحاات و الوجه : في حاجه اسمها اخصائين تجميل وشعر يعني عندك صلعه في حته وجلحات في حته( الراس زي حواشة القمح) احلقوا كلوووووووووووووو يعمل Facial لي الوجه بي المناسبه رجال ما يجونا ناطين ده عيب وده شنو ده اسمو نظااافه وترتيب الوش عامل زي قعر الصاج الزيت الزيت الزيت والحبوب ارحمووونا الوسامه الوسامه في التريب والنظافه والياقه والاتيكيت ولاا عزااااااء لي الشينين بجيك تااااااااااااااني لي السيدة الاولي( حقيقه السيدة الطييش في كل شي) سلام ميمي

Quote: sudanese presidentially ... Sat, January 30, 2010 5:23:55 AM From: slma elsuni [Chat now] ... Add to Contacts To: [email protected] yasir Tayfor (abtiffa) very handsome very smart

أحي

مرشحنا* لرئاسة الجمهوريه مكتسح لحد الان الأصوات اكتساح عنيف :)
فارس رئاستنا دينزل واشنطون, (بالرغم من احتجاجات اقبال),
فائز حتي الان بتأييد العديد من العضوات الكريمات,
ومازل شعارنا "دينزل واشنطن يا بلاش .. واحد غيره ما يلزمناش .."

نرجو من راويه اجازة مرشحنا,
كما نرجو من المفوضيه الالتفات الي مطالبنا والنظر اليها بعين الاعتبار ..

------
*امانى,,,رجاء...اميمة,,,,دلوش..شمائل,,اميرة,,, دلال, والمتصفحه هوما

صوره أخري لمرشحنا,

عشان راويه تجيزه لينا:

يا شبابنا ..

ما شبه الأمريكي ما عندنا كتير في السودان ..

مش الفنان قال (بنحب من بلدنا ما بننسى البلد سودانية تهوى عاشق ود بلد) ..

فعلاً الصدور مخابي العجائب ..


على كل حال:

يريدونني وسيماً أو رشيقاً أو ممشوقاً أو طويلاً ..

وأنا لاااااااااااا بل شهيداً شهيداً شهيداً ..

من أقوال الرئيس الراحل ياسر عرفات ..[/B]

Quote: yasir Tayfor (abtiffa) very handsome very smart

ماكـ هين!
شِفت الليل أب .. كراعا برّه!

يا أمانى و الشلة (شلة معجبين ود واشنطون)،،

دينزل ما بناباهو،
لكن حقيقة خايفين عليهو من الإستلاب الثقافى،،
بكرة يجيكم يحلف طلاق،،،
لووووول،

دايرين زول من جوة (لو فى أى إحتمال)،
يكون ماسك نفسو من الشغلة دى طواعية،،،

Quote: بالمناسبة أو مرة في حياتي أول أمس اسمع غنية بتاعت بنات إسمها "قنبلة".. قالو ليكم: سماحة الزول في الطول والعلا ووصفو الزول ما خلوا سلاح ما جابوه في الوصف.. أها إحنا ريًسنا المقبل عايزينه يفوق إيران زاتها في السلاح النووي ويشكًل تهديد لأوباما.. أوووبس لأمريكا..ههههههههه

باين عليك طولتى من السودان يارجاء( قنبلة) دى ليها مدةنازلة

لكن ياراوية الرئيس لازم يكون قنبلة عديل زى ما قالت رجاء!!!

بوست ظريف

تحياتى

ياشابات يا طموحات يا متفائلات بسودان جديد من مجاميعو ابتداء بالريس والسيدة الاولى وانتهاء بالرعية

سلااااااااااااام,,,,,,

من حقنا نطالب بريس حسب رغبتنا وبرضو من حقنا نسعى لتحقيق الهدف بكافة الوسائل المشروعة
بما فيها الاستيراد والتهجين ,,,,,

لكن زى ما قلت(ماما دومة اكدت) لم ينجح احد ,,,

لذلك نطالب بفترة انتقالية (فك حيرة ) يتم فيها تعيين رئيس يملاء المقعد دا لحدى ما نلقى لينا رئيس

ممكن ننتظر واحد فى اولاد ماما دومة او ولد سناء خالد دا يكبر شوية,, ورانا شنو؟؟ ..
ماهو من الله خلقنا مصاقرين الشنا


ياجماعة حد يصحى الريس* دا نحن معجبيين اوى


_____________________________________
دينزل واشنطن

رجوية ياحبيبة

جوني ديب زول عجيب...

Not just because he's handsome

but he has a tremendous presence

Powerful personality appeal

you can see intelligence pouring from his eyes
!!!!!!!!!!!

BUT, he's a free spirit and hard to control,,hehehhe.

from the way he dresses to choices

عشان كده كان وجاهة بس ...اكيد...حتى لو قرضان...

لكن هو زاتو مابرضه يكون رئس,,,لانه شخصيته متمردة...

But, look at this Powerful presence

amazing




:).

والله جنس حسادة ..

معقول الزول الوسيم ما عرفتوه؟؟


يا جماعة دا أخونا عبداللطيف بكري عضو المنبر ..


وهو مرشح سواء لمنصب الرئيس أو منصب العريس ..

أنا أرشح آمنة عبدالكريم الأمين أحمد (بنت كيكي)رئيس للجمهورية

و نسرين سوركتي (النائب الأول)

من لوحتك دي يا كوستاوي في اتنين سيبعدان واشنطون من تصدر القائمه
وهما
معتصم دفع الله
القيافه وفايت الناس مسافه
وبعده عماد عبد الله

Quote: he has a tremendous presence Powerful personality appeal you can see intelligence pouring from his eyes

لكن يا اميمة شدة ما كبيتي الجرسة
لمن فتحتي بيت بكا عدييييييييييييييييييييييييييييييل

احتراما للعلاقات الازلية اتضامن معك:D

Quote: لكن يا اميمة شدة ما كبيتي الجرسة لمن فتحتي بيت بكا عدييييييييييييييييييييييييييييييل احتراما للعلاقات الازلية اتضامن معك:D

د.محمد

الجمال لما يكون معاها ملامح الذكاء بكون قاتل.يعني مادوب جرسة بس.
ده اعتراف ضمني .هههههههه.

بعدين دي دعاية انتخابية وكده.

:).

أدلات تبش يا أمانى

Quote: أدلات تبش يا أمانى

لوووووووووووول يا اقبال ..
الكاريزما دي مالك ما شايفاها؟..

kan 3agabkum

هووووي يا كوستاوي,
عليم الله نحن ما سائلين في نسرين سوركتي ذاتها,
مش تجيب لينا صورة الشبح وللا الشخصيه الأسطوريه حقتك دي,


شيل صورك دي,
ماتعمل تشويش لحملتنا النتخابيه,


لسه عندنا صور كتيره لمرشحنا دنزل واشنطن عايزين ننزلها

Quote: لسه عندنا صور كتيره لمرشحنا دنزل واشنطن عايزين ننزلها ]

بما ان ديزل هو مرشحي الذي اكتسحت به قوائم الترشيح

ونسبة للتضامن الكامل منك ومن اماني الفرجوني فقد تم تعيينكن في المكتب الاعلامي
الخاص بمرشحنا

دينزل دينزل

رئيسنا قيافة

كويس انو البوست دا ظهر لانى كنت كايسه و ما لاقيه






يا القلتوا عاوزين الوجاهة رايكم شنو؟

Quote: كويس انو البوست دا ظهر لانى كنت كايسه و ما لاقيه ¿

يا عمك القصة ما وجاهة ساي
اهم حاجة الموديل

اها انت في لصورة دي موديل كم
ستينات والا سبعينات

Quote: اها انت في لصورة دي موديل كم ستينات والا سبعينات

2010
ينفع الموديل دا