لعضوية سودانيز أون لاين فقط (إحذروا هذا الإيميل) من صحيفة أجراس الحُرِّيّة (للتمويه)

يصل فقط لعدد من أعضاء الأون لاين و أعتقد إنو الطريقة التي تم بها جمع الإيميلات أحد برامج الـ Email Extractor أو "شافطة الإيميل" وهي كثيرة و قادرة على جمع الإيميلات من أي موقع أو من معظمها.
وصلتني رسالة مُشابهة من قبل و جدت أنّها تحتوي على فايرس.
و مُرسِلها يختار بعض الجهات بدهاء ينسب إلأيها الرسالة حتى يفتحها المُستقبِل وهو مُطمئنّاً كاختياره لأجراس الحُرِّيّة هُنا مع علمه بأن غالبية كُتّاب المِنبر من المُعارِضين.
(ما عارف إنو في لِسْتتو في ناس زيّنا كِدة)
و دوماً تأتي في شكل فيديو يُطلب مِنك إنزاله بخبث شديد و حالما تقوم بذلك يكون جهازك قيد التدمير.
فاحذروا.



الإيميلات بالأحمر هي التي كانت في قائمة التراسل للمُرسِل

علاء
سلامات يا رجل وتشكر كتير لتنبيه الناس لهذا الامر الهام
كمبيوتري الايامات دي بتجابن علي شديد وبتعامل معاي معاملة
مش حلوة, فقلت اكيد عمنا الهاكر دخل بين البصلة وقشرة كمبيوتري
داير يبوظ علي علاقة خمسة سنين من المحبة المستديمة. اها انت
لما افردت ايملات الضاحايا ديل مريت برااااااحة براااااحة كدا
شيل كيبورديني في ايدي لما اححححححححح طلعنا براءة هههههههه
المهم تعرفت على بعض الضحايا منهم ابا كبير زاتو اب صلعة
لكن د. نجاة الله يكون في عونا مضروبة يا هو وهوت ميل
يعني امنها الاسفير بقى في كف عفريت لوووووووووووووووووووول


تسلم مرة تانية يا علاء وليك التحيات

حبيبنا الخير
سلامات و شكراً للمرور و الإهتمام

كتب كوستاوي

Re: قذف الحذاء في وجه الرئيس عمر البشير.. هل توافق؟ (تصويت) صوّت هنا


ورد الاخ حاتم علي الذي احتج هو وحمورعلي حذف احد البوستات الذي يحتوي علي روابط ملغمة ومن ضمنها نفس الرابط
Re: قذف الحذاء في وجه الرئيس عمر البشير.. هل توافق؟ (تصويت) صوّت هنا
هنا
Re: الرئيس البشير الذي قوبل بمسيرات عفوية عقب صدور مذكر... يقذف بحذاء(يوجد فيد


شكرا اخي علاء

ونرجو من الاخوة والاخوات توخي الحذر...

لمزيد من التنبيه واخذ الحيطة والحذر...


علاء سلامات..

شايف اللستة مليانه ووطارق جبرين في البداية


وعمنا في النهاية....

وبينهم تاه الكثيرون لو عملوا كلك....!!!

لمزيد من التنبيه واخذ الحيطة والحذر...

or from [email protected] with any attachment
like the following

Quote: (نسبة لهجمات الحزب الحاكم انا انصح بشدة تحميل برنامج الانتى فايروز avira 2010 وهو يعتبر افضل انتى فايروز حتى الان وترتيبة رقم 1 وهو افضل من Kaspersky Norton ولاهمية الموضوع ارجو استخدامة ومرفق معة الكراك )

Quote: نسبة لهجمات الحزب الحاكم

بااااااااالغت لكين

الاخ علاء تحياتي

شكراً على التنبيه ، كدي خليني نرد على الاخ الحبيب مجدي :

Quote: ورد الاخ حاتم علي الذي احتج هو وحمورعلي حذف احد البوستات الذي يحتوي علي روابط ملغمة ومن ضمنها نفس الرابط

البوست الذي حذف كان يتهم مجموعة من الاعضاء معنا هنا بأنهم (هكر) فقط لإيرادهم خبر قذف الرئيس السوداني بالحذاء ، حيث كان الخبر جديداً والناس بين مشكك و مكذب للخبر ، بينما انا و حمور كنا نؤكد ذلك الخبر حسب روابط من وكالات الانباء ، و لما كان الناس متخوفين من فتح اي رابط حاول حمور احضار صور لمواقع وكلات الانباء التي تثبت الخبر لكن البوست اصبح في خبر كان و راجع هنا حواري مع الاخ حمور و تحسرنا كان نابعاً على ضياع (مجهودنا) في تأكيد الخبر وقتها هنا:

Re: الرئيس البشير الذي قوبل بمسيرات عفوية عقب صدور مذكر... يقذف بحذاء(يوجد فيد

الفكرة يا اخي مجدي ان احدهم ربما من من درج على تسميته بالهكر هنا حاول استغلال هذا الخبر لتوزيع ملف للتجسس عن بعد remote access hacking file عبر ايميل الصحيفة المذكورة ، و قد سبق لي ان نبهت الاستاذ ماضي ابو العزائم ايضاً عندما جلب الايميل الذي ورده من تلك الصحيفة هنا :

Re: شهود عيان: رجل يرشق الرئيس السوداني بحذائه والسودان ينفي!!

وقام الاستاذ ماضي مشكوراً بازالة الرابط.

على فكرة الفايل الموجود على الايميل امتداده Scr و دا ما ال extension العادي لي فايلات ال media

حسب تحليل مضاد الفايروسات لدي Norton Internet Security 2010 هذا الفايل درجة خطورته : (متوسطة) و درجة انتشاره (نادرة) حيث تعرض له (10) اشخاص فقط بين كل مستخدمي منتجات شركة symantec المصنعة لمضاد الفايروسات norton في كل العالم ، و لكنه يعتبر فايل (غير امن) و (غير موثوق) به البتة.

تحياتي

Quote: البوست الذي حذف كان يتهم مجموعة من الاعضاء معنا هنا بأنهم (هكر) فقط لإيرادهم خبر قذف الرئيس السوداني بالحذاء ، حيث كان الخبر جديداً والناس بين مشكك و مكذب للخبر ، بينما انا و حمور كنا نؤكد ذلك الخبر حسب روابط من وكالات الانباء ، و لما كان الناس متخوفين من فتح اي رابط حاول حمور احضار صور لمواقع وكلات الانباء التي تثبت الخبر لكن البوست اصبح في خبر كان

الاخ حاتم

تحياتي


لم يكن الاهتمام بوجود هكر بقدر ما كان الاهتمام بالروابط التي انزلت فقد كانت كلها ملغمه وبها فيروسات مدمرة بما فيها الروابط التي

اتي بها حمور وبشهادة الاخت تراجي التي نبهت لذلك ايضا في نفس البوست الذي تم حذفه..ومن ضمن الروابط هذه الرابط الذي تم ارساله

بالايميل..وشكرا لاجتهادكم ..والبوست تم حذفه لخطورة الروابط التي فيه علي اجهزة الكمبيوتر بما تحويه من فيروسات وفوايل تجسسيه

وقد اتضح لك ذلك بعد حين..

لك الشكر وللاخ حمور...


..

Quote: علاء سلامات يا رجل وتشكر كتير لتنبيه الناس لهذا الامر الهام كمبيوتري الايامات دي بتجابن علي شديد وبتعامل معاي معاملة مش حلوة, فقلت اكيد عمنا الهاكر دخل بين البصلة وقشرة كمبيوتري داير يبوظ علي علاقة خمسة سنين من المحبة المستديمة. اها انت لما افردت ايملات الضاحايا ديل مريت برااااااحة براااااحة كدا شيل كيبورديني في ايدي لما اححححححححح طلعنا براءة هههههههه المهم تعرفت على بعض الضحايا منهم ابا كبير زاتو اب صلعة لكن د. نجاة الله يكون في عونا مضروبة يا هو وهوت ميل يعني امنها الاسفير بقى في كف عفريت لوووووووووووووووووووول تسلم مرة تانية يا علاء وليك التحيات

شكرا اخي الخير محمد عوض..

واللسته بتكون اتفرعت منها لست لذا نرجو اخذ الحيطة والحذر...

وهذا ايميل الاخ بكرى ابوبكر ومعه المرفقات تاليه نرجو عدم فتحه ومسحه علي الفور..

ولكم الشكر..

Quote: or from [email protected] with any attachment like the following Quote: (نسبة لهجمات الحزب الحاكم انا انصح بشدة تحميل برنامج الانتى فايروز avira 2010 وهو يعتبر افضل انتى فايروز حتى الان وترتيبة رقم 1 وهو افضل من Kaspersky Norton ولاهمية الموضوع ارجو استخدامة ومرفق معة الكراك )

KEEP IT UP PLEASE

الليلة ووووووب يا علاء يا اخي
انا شلاقة عملت كلك ونزلت الفيديو كمان
الكلام دا الصباح قبل ما اشوف بوستيك دا اسع


اسع والحل شنو في رايكم!!!!!!!!


يلا سجن سجن .... غرامة غرامة

Quote: الليلة ووووووب يا علاء يا اخي انا شلاقة عملت كلك ونزلت الفيديو كمان الكلام دا الصباح قبل ما اشوف بوستيك دا اسع اسع والحل شنو في رايكم!!!!!!!! يلا سجن سجن .... غرامة غرامة

تلقيها عند الغافل ...
دايره تلحقى كمبيوتر البخش امات طه...

شكراً يا علاء.....

UP
للفائدة

(وردية ليل الرياض)

بالله قوم لف .. يا أبو خلية .. و ألعب غيرا

أسع تلقاك دا أنت وبصفقة مالية مع جماعية الكيزان و المنافقين
عاملين الفايروس بتاع أجراس الحرية دا!

وجاااي عامل فيها مُرشد وشيخ (شريف) للمناضلين

وتاني
قوم لف ,, عامِل جلحاتكـ ذي جناح الضُبان

تخريمة
اليومين دي مختفي وين انت! .. جايينا مع الفايروس دا كده ذي الشيطان.
وشايف مياده برضو ظهرت علي حِس الفايروس الحِذائي دا

انا برضو جاءني الايميلي ده ورفضت اعمل دون لود
كثر خيرك يا علاء....وشكرا يا بكري
بس لو فتحت بوست باسمك يمكن العضويه تنتبه اكثر.
تحياتي.

قلب المؤمن دليلو

الحمد لله الما فتحتو وقلبي اباه ساي بس الإيميل ده والله !!


علاء أخوي الغالي

إن شاء الله لاتفوت لا تموت ياود الرجال وتسلم البطن الجابتك يارب ,,

Quote: اليومين دي مختفي وين انت! .. جايينا مع الفايروس دا كده ذي الشيطان. وشايف مياده برضو ظهرت علي حِس الفايروس الحِذائي دا

احمد محمد بشير
بتلمح لي شنو سياتك
اعمل حسابك... واتعظ من العملته (انا) في غيرك
واتكلم على قدرك
وقع ليك
دا تحذير نهائي
قايلنا زيك ما عندا شغلة ومرطبين على حس الاعانات واللجوء
ولا قايلنا ما عندنا شغلة غير سودانيز اونلاين
يا زفت انت نحن نخش سودانيز دي وكت ما تسمح ظروفنا

ميادة

بالله الكلام الكاتباهو فيني دا كلو عشان أنا سألت من غيابكم !!!

أنتو الحصل شنو في السودان دا ....!

الناس بقت عجيب خلاص ..

Quote: الليلة ووووووب يا علاء يا اخي انا شلاقة عملت كلك ونزلت الفيديو كمان الكلام دا الصباح قبل ما اشوف بوستيك دا اسع اسع والحل شنو في رايكم!!!!!!!!

سلام اخت ميادة

هل فتحتي الفايل بعد ما نزلتيهو ؟ عملتي عليهو دبل كليك مثلاً ؟

اذا كان الاجابة (نعم) :
--------------------

1. هل لديك مضاد فيروسات قوي ؟ هل نبهك لشئ ؟

2. اذا لم ينبهك مضاد الفايروسات او لم يكن لديك من الاساس عليك بالاتي :

أ. فصل الكومبيوتر من الانترنت
ب. الحصول على مضاد فايروسات قوي اقترح عليك استعمال : Norton Internet Security 2010
ج. تنظيف جهازك بمضاد الفايروسات بعد تثبيته و تحديثه من الانترنت update
د. بالعدم اللجوء للمختصين ناس computer maintenance

اذا كانت الاجابة لا:
-----------------

1. امشي للمكان البتنزل فيهو الفايلات عندك عادة في الجهاز
2. فتشي عن فايل اسمه
Sudan_shoes.scr

3. عندما تجديه اعملي كليك واحد عليه - بمنتهى الحذر - ما دبل كليك سيظهر لك الفايل مظللاً
4. اضغطي في الكيبورد مفاتيح : (SHIFT+DEL) معاً اهم شي تضغطيهم معاً
5. حاتجيك شاشة ناطة فيها السؤال دا :
Are you sure you want to permanently delete this file ?

6. اختاري Yes

و اهم شي يكون عندك مضاد فيروسات قوي و معمول ليهو update من الانترنت بصورة دائمة

تحياتي

Quote: كان الاهتمام بالروابط التي انزلت فقد كانت كلها ملغمه وبها فيروسات مدمرة بما فيها الروابط التي اتي بها حمور وبشهادة الاخت تراجي التي نبهت لذلك ايضا في نفس البوست الذي تم حذفه

و الله يا مجدي انت داير تلبسني تهمة ساي في الموضوع ده ..
الروابط التلاتة الختيتا كانت رابط موقع رويترز و موقع المصري اليوم و ايجبت نيوز ..
لكن اظنكم كلكم كنتو ملاوزين مافي زول فيكم عاين لامتداد الرابط او داسو.( الفايروس يمكن معرفتو من نوع امتداد الملف او الرابط دايما)

Quote: و الله يا مجدي انت داير تلبسني تهمة ساي في الموضوع ده ..

كلا اخي حمور.

Quote: و الله يا مجدي انت داير تلبسني تهمة ساي في الموضوع ده .. الروابط التلاتة الختيتا كانت رابط موقع رويترز و موقع المصري اليوم و ايجبت نيوز .. لكن اظنكم كلكم كنتو ملاوزين مافي زول فيكم عاين لامتداد الرابط او داسو.( الفايروس يمكن معرفتو من نوع امتداد الملف او الرابط دايما)

اهلا يا حمور
انا من قبيل بحاول اوصل المعلومة دي لي الاخ مجدي
الرابط الفيهو الفايروس دا من الاصل تم وضعه في اول بوست اتفتح عن الخبر
وحتى الرابط نفسه حتى لو فتحتوا ما بنزل الفايروس مباشرة
بوديك لي موقع بتاع sharing files on the web
اسمه zshared

الموقع نفسه موقع عادي ، بس الفايل دا الموجود فيه sudan_shoes.scr
هو الخطر و ما بنزل مباشرة الا انتا تطلب انزاله في جهازك و تأكد ذلك
و تنزيله بياخد وقت لان حجمه 22 ميقا بايت و لا يبدأ عمله الا بعد تعمل
ليهو تشغيل بعد انتهاء تحميله يعني تعمل عليهو دبل كليك

أما الروابط الانتا جبتها يا حمور فجميعها روابط عادية لوكالات انباءو صحف محترمة
مثل رويترز و المصري اليوم و ايجبت نيوز و ما فيها حاجة البتة

حتى بتذكر انك طلبتا من الاخ مجدي في البوست المحذوف انو يفتش في القوووقل
عن الخبر و برضو حايصل لنفس النتائج و من نفس المواقع و الوكالات الاخبارية
نفسها لانها كانت في top search بتاع القوووقل وقتها لتفردها في ايراد الخبر
ودي حاجة عادية جداً بالمناسبة



المحير هو : حالة التخوف الشديد من الاخ مجدي من الموضوع دا من امبارح
مجدي انتا حصل اتهكرتا قبل كدا ؟


التعديل : لاضافة معلومة عن حجم الفايروس

المزعلني يا حاتم انو مجدي ضرب لي تلفون.
لكن ما سألني من الروابط الانا نزلتها دي.
شكلو خاف تفيرسو لو سأل منها.


مجدي ده ضاق عضات دبايب كتيرة .. عشان كده بقى يخاف حتى من عقارب الساعة.

ـــــــــ
يا مجدي كلا كيف و انت لحدي هسه بتؤكد انو الروابط الانا جبتها كانت مفيرسه ؟ و كمان بتشهد لي تراجي.
يا زول تغير كلامك ده وله انزل ليك الروابط دي تاني هنا ؟

Quote: مجدي ده ضاق عضات دبايب كتيرة .. عشان كده بقى يخاف حتى من عقارب الساعة.

كامل التضامن مع الاخ مجدي

حكمة اليوم
----------

الضايق عضة الهكر
يخاف من رابط الخبر


تكتروا كلامكم حسة بخت ليكم الرابط الاصلي الفيهو الفايروس ظاااااتو

موش الروابط - البريئة - بتاعتك يا حمور دي

هاكم الامثال دي اقروها كل ثمانية ساعات مرة بتغنيكم عن الهاكر


خزن ملفك على قدر ذاكرتك

ضنب الماوس أعوج

أبعد عن الفيروس وغنيلو

فلاشك حصانك .. إن صنته صانك

كل واحد يعمل إيميل على السيرفر اللبريحو

الفايروس جاك يا تارك النورتون

اللي جهازو ما فيو فايروول ما يرمي الناس بالتروجانز

هذا الويندوز من ذاك الدوز

الديسك اللي يتعبك فرمته

يا هارد ما دخلك فيروس

كل هارديسك بما فيه ينضح

الإنترنت كان ما فيه شق ما بقول طق

النورتون شكروه قال داك كاسبر سكاي

الهكر ما بهددوه بالاختراق

الجاية من الشبكة يتحملا اللابتوب

الما شفتو في الفيستا بخلعك

قلبي على اللابتوب وقلب اللابتوب على الإنتل

الضايق الفيروس بيخاف من دخول الفلاش

جو بساعدوه على تصليح كمبيوتره دس الباسويرد

سيد الرايحة بفتش خشم قوقل

مايكروسوفت تجقلب والشكر لليونكس

طابعة الليزر عين الشمس

حلم البنتيوم 2 في الاكس بي

سمح الغناء في الميديا بلير

الماشاف الكمبيوتر بخلعو الأتاري

تحياتي

زاتوووو

ميادة انتي اليومين دي ماعاجباني
مالك أختي
مالك بت أمي
نفسك بقى حار
ومابتحملي الهبشه
انت اتغيرتي والله ماكنتي كده وما تعودت منك الألفاظ دي
لكن مابلومك من عاشر القوم
معليش بس بالجد اليومين ديل لاحظت ليك انجرفتي مع التيار
براحه براحه كده حاولي ترجعي ميادى العرفناهاوخلي العدوانية
دي لانها ماصفة فيك بالعكس اناعارفة انك بتحاولي تدافعي بيها عن نفسك لكن ماكده صدقيني
وماعيب انك تنتمي لجهة معينة وتظهر ولاءك ليها لكن تبقى العبرة في الاسلوب الجميل والنقي البتعبر بيه عن آرائك

طبعا انا علي اعصابي

الايميل جاني من عمر الفاروق

وعملت فيها معلم وقمت فتحت الشغلة.....!!!!!

المهم مالقيت حاجة......!!!!!

تاني جاني ايميل من عمر الفاروق برضو ( اللهم طولك ياروح...)

قال انو الايميل مامنو ( من العليهو يعني ......؟)

اها اعمل شنو.....؟

بوظتو اعصابنا

بالله وبسرعة

الرد......الرد

نفس الإيميل جاني بإسم بكري أبوبكر ... واستفسرت من بكري، ورد علي مشكور:

Quote: this is virus not from me ----- Original Message ----- From: Mohammed Abur-reesh To: [email protected] Sent: Saturday, January 23, 2010 12:20 AM Subject: Please confirm if this e-mail sent by you Dear Mr. Bakri, I received the following mail. Can you, please, confirm if you sent it, or somebody is pretending to be you Thanks, Mohammed Aburreesh محمد أبوالعزائم أبوالريش --- On Fri, 22/1/10, sudaneseonline wrote: From: sudaneseonline Subject: هام To: [email protected] Date: Friday, 22 January, 2010, 15:42 نسبة لهجمات الحزب الحاكم انا انصح بشدة تحميل برنامج الانتى فايروز avira 2010 وهو يعتبر افضل انتى فايروز حتى الان وترتيبة رقم 1 وهو افضل من Kaspersky Norton ولاهمية الموضوع ارجو استخدامة ومرفق معة الكراك download antivirus

ممكن تلاحظوا إنو عنوان إيميل بكري مكتوب: [email protected]، يعني حرف الـ B والـ A مكتوبات (كابيتال)، بينما في عنوان بكري الصحيح، الحرفين (small)

شكراً

اخي علاء

شكرا للتنويه











---------------------------------------------------------------------------------------------
ياريت تحذف الصوره الاولي عشان ناس الهكرز بخترقو الايميلات وبجهجهو ناس العضويات

تحياتي