ضد كرتى والبشير : إدعموا ترشيحى فى الدائرة 7 شندى الجنوبية

وضد كل باطل


معا :

لنجعلهم يهوون الى الارض التى منها اتوا


وسيحلون عليها ضيوفا يوما ليسوا هم بذاكريه


اليوم.





ارجو دعم ومساندة كل شرفاء بلادى


وكل من نبض قلبه حبا لهذا الوطن العزيز




خالد عنان عمر

ضد كرتى والبشير وضد كل باطل وضد كل زبد ذاهب جفاء

هذا ما انا عليه وهذا ما ساكون عليه الى ان يرث الله

الارض ومن عليها .

الى كل شرفاء بلادى

والى كل من ينبض قلبه بحب هذا الوطن المحتل

معا وبعونكم وعزمكم وقوتكم ومساندتكم


لنعود معا الى الوطن

نائبا عنكم

وعن كل شريف وامين ووطنى وصادق


وعن الحركة الشعبية لتحرير السودان

ومن اجل سودان واحد موحد


لنكن معا ضد كرتى والبشير فى الدائرة 7 شندى الجنوبية

وفّقك الله

ربنا يوفقك يا عزيزي...
أهم حاجة تركز حملتك على فساد الإنقاذيين!

Quote: وفّقك الله

الاخ محمد احمد الريح

اشكرك جدا وجزاك الله عنى خير الجزاء

Quote: ربنا يوفقك يا عزيزي... أهم حاجة تركز حملتك على فساد الإنقاذيين!

الاخ العزيز انور كينج

تحياتى لك بقامة الوطن الجريح

واننا ماضون فى مسيرة متصلة وسسنستاصل شافة هؤلاء المفسدين

بعون الله الكريم

ود عنان ماك راجل هين

وانت اهلا للترشيح والفوز.



ولو لا الالتزام الحزبى لسرنا من امامك وخلف


موفق.

Dear Khalid

The opposition forces in Shendi should have one candidate other wise NIF/ National Congress would win. You need to negotiate with the non Elmirgani, non- govt factions of the DUP, Umma party, SCP, to agree on one candidate.
Regards

اخونا خالد

سير وعين الله تراعاك

نسق مع الآخرين يا اخي...كما نصحك اخونا المعز ابو نورا.

ويا ريت تكتب لينا كل مرحشين دائرتك

من بقية الاحزاب قد ينجح البعض في قيادة نقاش معكم لتوحيد الصف الوطني.

ربنا مع كل محارب مخلص ضد الفساد.

Quote: سير وعين الله تراعاك نسق مع الآخرين يا اخي...كما نصحك اخونا المعز ابو نورا. ويا ريت تكتب لينا كل مرحشين دائرتك من بقية الاحزاب قد ينجح البعض في قيادة نقاش معكم لتوحيد الصف الوطني. ربنا مع كل محارب مخلص ضد الفساد.

الاخت العزيزة تراجى

تحياتى وودى العميق لك ولكل من معك

بالطبع سيكون هناك تنسيق للمواقف بين كافة القوى السياسية

فى المنطقة وانا وبعض الوطنيين نسعى للم شمل كل القوى فى

مواجهة المؤتمر الوطنى واتمنى ان نصل الى ترتيبات جيدة

فى غضون الايام القادمة


المرشح الاهم هو الباشمهندس عثمان على حميد عن الاتحادى الاصل

وهو المرشح الذى الحق الهزيمة بمرشح الجبهة الحالى على كرتى

فى العام 86 وبفارق كبير جدا -- ولم تتضح الصورة بالنسبة لبقية

الاحزاب الاخرى حتى الان .



شكرا الاخت تراجى

Quote: Dear Khalid The opposition forces in Shendi should have one candidate other wise NIF/ National Congress would win. You need to negotiate with the non Elmirgani, non- govt factions of the DUP, Umma party, SCP, to agree on one candidate. Regards

المعز ابو نورة الدائرة دى من الله خلقها اتحادية

اذا ما نسق مع ناس الميرغنى فضل فى الدائرة منو ؟؟؟

وزى ما بقول راعى الشيشة (( غايتو جنس غايتو))

ود اب نورة المعز العزيز

كلامك فى محلو ودا كلام السياسة وانت باين عليك مذاكر كويس جدا هناك

انا ساسعى جاهدا الى تنسيق مواقفى مع الاخرين (الوطنيين كاملى الدسم)

رغم ان هناك بعض العوائق وكثير من المواقف الرمادية التى لا نجد لها

تفسيرا واضحا -- مع ذلك فابواب الحوار لا زالت مفتوحة بيننا

واتمنى ان نتوصل لاتفاق مرض يجعلنا نتفق على مرشح واحد وقوى قادر على

خوض عباب المعركة بكامل شرفها ومواثيقها,


تقديرى العميق لكم

Quote: ود عنان ماك راجل هين وانت اهلا للترشيح والفوز. ولو لا الالتزام الحزبى لسرنا من امامك وخلف موفق.

الخليفة تحياتى الوافرات وودى لكم على الدوام

اشكرك على ثناءك على شخصى الضعيف واتمنى ان

اكون عند حسن ظنكم على الدوام.

مودتى تبراك

.

.

موفق بإذن الله

المهم ممارسة أصول السياسة السليمة في مخاطبة قواعد الدائرة وإستمالتهم، واحرص على ألا تنفرهم أو تتسلل منك محبطات، فهذا وقت إستثنائي، ومرحلة ما بعد الصدمة أشد وأخطر من الصدمة نفسها

لا تعتمد على الفساد وحده، فهم تدربوا على الخروج من زنقاتها!!

معاك بقلوبنا ودعواتنا


ســـلام

د/ محمد مصطفى الطاهر
عضو الحزب الوطني الإتحادي
المكتب السياسي للحزب الإتحادي الديموقراطي- الموحد
المكتب السياسي للحزب الإتحادي الديموقراطي- المؤتمر الإستثنائي

Quote: إنسحب مرشح الحركة الشعبية بولاية نهر النيل من العملية الانتخابية في وقت اعلن فيه انضمامه للمؤتمر الوطني واودع مرشح الشعبية في الدائرة الجغرافية القومية رقم 7 شندي الجنوبية خالد عنان عمر خالد إقرار أمام مفوضية الانتخابات بالولاية أقر فيه بسحب ترشيحه واودع صورة من الاقرار لدى مكتب الحركة وقال خالد في تصريح صحافي أمس لـ(لرائد) إن انسلاخه من الحركة تبعه تلقائيا إنضمامه للمؤتمر الوطني وأكد أن ذلك تم بإرادته ودون مفاوضات من أي شخص ووصف المؤتمر الوطني بأنه يمثل الضمير الحي للأمة واعتبر أن التفريط في الانضام إليه يعني تفريطا في الأمن القومي ووفي ذات الوقت أعلن خالد بأنه سيقود الحملة الانتخابية لمرشح الوطني في ذات الدائرة الأستاذ علي أحمد كرتي واعتبر أن مساهمات الوطني في بناء ونهضة المنطقة تحتم على كافة أبنائها الوقوف مع مرشح الحزب وليس ضده الجدير بالذكر أن خالد عنان هو عضو اللجنة التنظيمية للمؤتمر العام الثاني الحركة الشعبية وعضو المكتب القيادي بالولاية ومن أسرة العمراب المعروفة في منطقة حجر العسل.

انسحاب مرشح الحركة الشعبية .....

مرحب بيك ياخالد في باحة وساحة المؤتمر الوطني.



قلنا ليك زمان الكلام ده


الحمدلله انك عرفت ؛أن تاتي متاخرا خير من ان
لا تاتي.

****************

هههههههههههه .... ياخ دا راجل ما بتختشى زاتو..


هسه كان ضد الفاسدين ... و فجاء جداً ما ينضم الا لزمرة الفاسدين ديل زاتهم؟

Quote: الاخت العزيزة تراجى تحياتى وودى العميق لك ولكل من معك بالطبع سيكون هناك تنسيق للمواقف بين كافة القوى السياسية فى المنطقة وانا وبعض الوطنيين نسعى للم شمل كل القوى فى مواجهة المؤتمر الوطنى واتمنى ان نصل الى ترتيبات جيدة فى غضون الايام القادمة

ولله في خلقه شؤون ؟؟؟؟؟؟؟؟؟؟؟؟؟؟؟؟
كيف دي ياخالد ورينا كيف ؟؟...

Quote: ضد كرتى والبشير

يا بكور صاحبك ده أقرّب لأخينا في المعارضة الشفيع،
المهم أنا حاجزو في نهاية الإسبوع، داير آخد بيهو جكة حول الدائرة 7، وبعد داك بسلمو للمؤتمر الوطني fat-free عشان يسمنوهو بطريقتهم..
___
لكن والله ده إستنكاح "عنان" بيان..

كامل تضامني مع قريبي خالد عنان

خالد عمر
الكلام دا صاح؟

والله والله والله أنا الان كرهت روحي دي , مش لأنو انضم للمؤتمر الوطني لانو المنضمين ليهو كتار ولا لانو ترك الحركة الشعبية لانو الخلوها كتار بس الكهرني روحي دي انو الزول دا افرتض فيني كواحد من اعضاء المنبر دا الغباء المحكم وما احترم حتي عقول ناس اخرين عقولم كبييييييييييييييييييييييييييييرة , زول يسعي الي اسقاط مرشح يتحول بقدرة قادر لقائد لحملته الانتخابية , زول يقسم يقول ان الامر الذي فيه سيكون عليه حتي يرث الله الارض ومن عليها لا حوة لاقوة الا الله استغفر الله

ياجماعة بالراحة علي زولنا ده ؛

ليكم اللحم ولينا العضم ؛

بعدما تخلّصوا منو سلمونا ليهو صاغ سليم ؛

ياياسر طيفور

الجكة بالله خليها خفيفة عشان مايقع ليك علي قدّومو.

Quote: المهم أنا حاجزو في نهاية الإسبوع، داير آخد بيهو جكة حول الدائرة 7، وبعد داك بسلمو للمؤتمر الوطني fat-free عشان يسمنوهو بطريقتهم.. ___ لكن والله ده إستنكاح "عنان" بيان..

هههههه







غايتو حكايات كانتر برى السودانية تستحق نسخة جديدة

اذا صدقت صحيفة الرائد
خالد مثال لاسؤ سياسي (اذا جاز لنا ان نطلق عليه السياسي) و قلما تجد امثال هذا الذي تم شراءه في مزاد النتانة السياسية
سقوط سيلازم هذا الخالد مدى حياته
اين ضمير هذ الي يسمى بخالد

Quote: لكن والله ده إستنكاح "عنان" بيان..

هههههههههههههههههههه
والله ضحكتني يا طيفور

Quote: ضد كرتى والبشير وضد كل باطل وضد كل زبد ذاهب جفاء هذا ما انا عليه وهذا ما ساكون عليه الى ان يرث الله الارض ومن عليها

ثم

Quote: ووصف المؤتمر الوطني بأنه يمثل الضمير الحي للأمة واعتبر أن التفريط في الانضام إليه يعني تفريطا في الأمن القومي ووفي ذات الوقت أعلن خالد بأنه سيقود الحملة الانتخابية لمرشح الوطني في ذات الدائرة الأستاذ علي أحمد كرتي

Quote: إن انسلاخه من الحركة تبعه تلقائيا إنضمامه للمؤتمر الوطني وأكد أن ذلك تم بإرادته ودون مفاوضات من أي شخص

في راسو ريشة


--------------------------------------------------------------------------------------------------------



هذا زمانك يامهازل فامرحي

Quote: كامل تضامني مع قريبي خالد عنان

عمر صديق You made my day










____________________
لن ينفع فى هذا الوطن سوى الضحك على الأشياء ... كل الأشياء صراحة (فل إستوب)

اجمل و أميز بوست في الدورة دي من الارشفة










__

التوثيق الأبيض...لليوم الأسود!

ربنا يكضّب الشينة...صحيفة الرائد لا تنفصل عن فساد الإنقاذيين وتغبيشهم للوعي وإطلاقهم للشائعات
مسيلمة بإختصار!

هو أصلا رشح نفسو عشان يكبر ثمن البيعة

أحل الله البيع و حرم الربا ....



* عادي و بتحصل في أرقي العائلات ..

الاختشوا ماتوا.

Khalid
I am not a supporter of SPLM, but
you should be ashamed of yourself. You remind me of the late journalist Ahmed Taifour who was an active supporter of the Eritrean Liberation Front in 1960s, then he converted to become an Ethiopian intelligence agent and wrote the book of " Hagigat Althora Elaratrya" Khalid is a modern time version of the late Ahmed Tayfor.
Elmoiz Elgamri Abunura

Quote: ود عنان ماك راجل هين وانت اهلا للترشيح والفوز. ولو لا الالتزام الحزبى لسرنا من امامك وخلف موفق.

خليك انت يا خالد عنان هسع عليك الله
كلامى دا هسع الحسوا كيف .

واقول لناس (( اب تفة)) ديل شنو ؟

up

الحمد لله انا ربنا عماني من البوست دا في بداياتو و لولا عناية الله لكنا في حيص بيص مع دكتور ودمحجوب لموضوع لحس الكلام
اشكرك يا رب

Quote: الحمد لله انا ربنا عماني من البوست دا في بداياتو و لولا عناية الله لكنا في حيص بيص مع دكتور ودمحجوب لموضوع لحس الكلام اشكرك يا رب

ود الشيخ ياخى بلاش شماته


دا كلو منك يا ود عنان

Quote: هو أصلا رشح نفسو عشان يكبر ثمن البيعة

كستاوى اداكم النجيضة
********************************
د عمر (ود محجوب)
التزامك الحزبى عفاك من اى حرج كان حا يسببوا ليك حسن النية

غايتو الحركة الشعبية دي طلعت حركة ساي...

this post is too valuable to let go, so just lift up

الحركه الشعبيه تستاهل
زول ينضم ليهم قبل سنتين فقط يقبلوا ترشيحه ؟!!!!
عنان دا النوع البياكل بارده ما اكل حاره
اها بعد اترشح خاف يسقط وحقوا يروح
قام طوالي حول محل اللحم السمين
حتي كان سقط بيكون اتمسح كويس

أنه العهر السياسي .

Quote: أنه العهر السياسي .

إنت أحمد موسي ما قال ليك :قدّيتنا؟

البوست ده يجب ان يكون عاليا خفاقا علي مر كل الدورات الاسفيرية..!!
تعبيرا عن حالة من احوال الاستهبال السياسي وابتزال المواقف والمبادئي ...
وذبحها علي قارعة الانتخابات...
شكراخالد عنان
شكرا سودانيز اونلاين لمنحنا هذا المشهد الذي يجعل الامر في غاية التراجيديا كون مثل الاخ كاتب هذا البوست هو من سيذهب ان شات الاقدار لتمثيل هذا الشعب السوداني في البرلمان..
في الماضي وقبل سطوة الاعلام وشفافيته كانت مثل هذه الاشياء تدور في الخفاء وغمتي ولكن العولمة والمعلومة والمقدرات التي طلت مع العصر الجديد للتوثيق لذاكرة هذا الشعب جعلت من تداول من هذه الحالة الخالد عنانية ممكنة ونقاشها وتفكيكها والنظر اليها من جوانب ممكنة..!!!
انه عصر هلفتة المبادي وذبح الخطاب السياسي وتبديل القناعات مثلما تتبدل الملابس...!!!
...............
فهل يا خالد لانزال علينا العمل ضد كرتي والبشير..؟؟؟
ونعم ترشيحك وانت الان مع كرتي والبشير في سرج واااحد...
مسخرة والله وحكاية

هذا نتاج سياسة الكم التى إتبعتها الحركة الشعبيةإبان وصولها إلى الخرطوم بعد نيفاشا.













___________________
الرئيس المقبل ود سعيد عرمان مسئول عن هذا.

Quote: Quote: أنه العهر السياسي . إنت أحمد موسي ما قال ليك :قدّيتنا؟

تعرف يابشير فعلاً ميمان لا يتعلمان مستحي ومتكبر
اها دينق أوزون ده متكبر ...
الماعارفه مفردة (العهر السياسي) دي السودان فارقها نهايات القرن الفائت
(الزول ده ماجه قريب ولا شنو ؟؟؟)
قلنا أتصل (إن شاء الله ) في المسنجر نديك مفردات جديدة لنج متسقة وعهد العولمة والفيس بوك
تاني يجيك ناطي يقول ليك (العهر السياسي) وهو متخيل جاب ديب السياسة من ديلها
ياخ روح ... تاني قدّيتنا ...!!!!

انت مالك ومال البشير والموتمر الوطني ولولا خصوصية المنبر لذكرت اسمك يادكتوّّّّر.......عيل اكتب اسمك فمن ماذا تخاف ياهذا

Quote: خليك انت يا خالد عنان هسع عليك الله كلامى دا هسع الحسوا كيف . واقول لناس (( اب تفة)) ديل شنو ؟

كامل تضامني مع ود محجوب؛

يعني دفقّتا مويتكـ علي الرهاب؟



_______

تحياتي ياود محجوب.

أمين محمد سليمان (أمين ياسمين) لقيت ليك منافس :)

Quote: اجمل و أميز بوست في الدورة دي من الارشفة

Quote: اها بعد اترشح خاف يسقط وحقوا يروح

الأخت الكريمة دوما

خالد عنان من ابناء المنطقة وهو يعرف تماما
قبل ترشحه انه لن ولن ولن يفوز فى هذا الدائرة

ولكن للأمر ما وراءه .

Quote: حزب غير شرعى وبن سفاح حملت به مجموعة مارقة فاسدة وخانت ثقة الشعب الشرعية الممنوحة لمنتخبين شرفاء فى ظل انتخابات حرة ونزيهة نالت منها الجبهة ما لا يزيد عن 5% من اصوات الناخبيبن فانقلبت على الشرعية الدستورية فى صباح 30 يونيو المشؤوم -- تسلطت السلطة بنت سفاح الانقاذ على رؤوس الخلق وقتلت وسجنت وشردت ما شاء الله لها من خلق الله -- حتى اصبح ما يقارب ال 20% من الشعب مشردا خارج حدود البلد الام -- ثم لما خلا لها الجو و(تمكنت) عاثت فى اموال الناس الحرام فسادا -- واكلت الاخضر واليابس وتركت جل الشعب اما متسولا او جائعا او مريضا او نزيلا بالمصحات -- رفعت الحكومة المشئومة شعارات منافقة مثل هى لله هى لله والطاغية الامريكان ليكم تدربنا وامريكا روسيا قد دنا عذابها -- واعلنت حرب الجهاد ضد كفار الجنوب حسب زعمهم -- واستضافت كل شذاذ الافاق فى العالم تحت مسمى المؤتمر الشعبي العربي والاسلامى -- ثم ما لبثت بعيد ذلك بقليل حتى سقطت كل الاقنعة الزائفة وتلاشت الشعارات -- حدث ذلك بعيد الضربة المفزعىة التى تلقاها مصنع الشفا فى كوبر فى اواخر التسعينيات حيث لم يستطع وقتها والى زمن طويل بعيد الضربة من اين اتتهم النيران الصاروخية المدمرة التى اطلقتها احدى فتيات المارينز من عرض البحر الاحمر -- فايقن الكيزان السمان منذ ذاك تالوقت انهم ليسوا بمناى من احد ولو كانو فى بروج مشيدة -- وبدا الخوف يدب فى اناس استكانوا للحياة وذاقوا حلاوتها -- اناس اتون من اتون الجوع والفقر والعوز وفجاة وجدوا انفسهم من الاكابر -- سكناهم العمارات الشاهقة بدلا من درادر الجالوص ونساءهم حسناوات القرية بعد ان كانوا اكثر الناس حظا من القبح و الدمامة وركوبهم اللاندكروزر الفاره بعد سرج العصى على حمار اعرج -- فخرج علينا مجتمع شاذ شذوذ الطفرة الوراثية وانقلبت فجاة كل معايير المجتمع صاحب ذلك بالطبع انهيار كامل للطبقة الوسطى التى كانت تمثل عماد الوطن -- فاضحى الوطن طبقتين لا غير : حاكمة ثرية ومحكومة ترزح تحت نير الفقر المدقع ..................

ده اخر موضوع كتبه خالد عنان في منتديات حجر العسل


http://www.hajaralasal.com/vb/showthread.php?t=5315

Quote: حين ادرك عرابو الانقاذ بنت السفاح السياسي والعسكرى انهم تحت الضغط وانهم تحت خط النار خاصة بعدما رؤوا ما حل بحليفهم الاسبق صدام بدأوا يفكرون بطريقة درب السلامة لا الحول قريب !!! فكان الانقلاب على الترابي وجماعته اول الغيث بعد الضغوط الغربية الكبيرة على على على عثمان وجماعته فاكلت الثورة ابوها مخالفة للمقولة الفرنسية (( الثورة تاكل بنيها )) -- ثم بدا مشروع التنازلات الهائل فى السودان : تفكيكك المؤتمر الشعبي العربي الاسلامى -- طرد بن لادن وتسليم من اوقعه حظه العاثر فى يد العصابة الانتهازية الى امريكا ابتداء من كارلوس وانتهاء باتباع بن لادن الذين انتهى بهم المقام فى منتجع غوانتانامو ولا يزالون -- ثم اتفاق نيفاشا والتنازلات الكبيرة التى قدمها على عثمان وقتها بالتوقيع على بروتوكولات نيفاشا السته مكرها لابطل -- واصبح بذلك كل من سماهم الترابي شهداء فطائس والعهدة على ذات الرجل !! ولا زال القوم يقدمون المزيد والمزيد من التنازلات واعتقد ان لا مانع لدى هؤلاء ان يتنازلوا عن كل تراب الوطن ولو ظلوا يحكمون الخرطوم وحدها ...........

المصدر نفسه

الاستاذ عوض الكريم
واصل في تعرية الرجل
باظهار كمية التناقض في جعبة عنان
هات الحنظل
من حجر العسل

Quote: عشرون عاما من الاحتلال والنهب والسفح واللفح والنفاق والكذب على الذقون تمارسه عصابة الجبهة الفاجرة على الملأ وبلا حياء ولا مخافة من رب عظيم

كتبه خالد عنان : منبر حجر العسل

http://www.hajaralasal.com/vb/showthread.php?t=3737

بسم الله
الويكند بدأ، ونحن جينا..
___
ونبارك لأخينا عنان الإنضمام للحزب الفاجر الذي يمارس الإحتلال والنهب والسفح واللفح والنفاق والكذب..

Quote: ضد كرتى والبشير وضد كل باطل وضد كل زبد ذاهب جفاء هذا ما انا عليه وهذا ما ساكون عليه الى ان يرث الله الارض ومن عليها .

أسفا على الحبر الذى أهدر فى كتابة الكلمات أعلاه !!
بل أسفا على شرف الكلمه ,, أوأسفا على كلمة الشرف !

إنه
يدعم
البشير
وكرتي
!
!
!
!
!
!
من (الان) فصـــــــــــــــــاعداً

قبـــــــــــــــل ان يرث الله الارض ومن عليها

المبكي اننا نقرأ مثل هذا الرفض للظلم فنصدق ان امثال خالد معنا في خندق واحد

والله ما قادر إستوعّب الحاصل ده،
يظهر إنو أخونا عنان أخذ جرعة من مصل فاسد، منتهي الصلاحية، فأتلفت الخلايا المنوط بها حماية المباديء والقيّم والمعتقدات، وأصابت ذاكرته في مقتل، ومن ثمّ شلّت حركة خلايا الحياء والخجل..
___
"Say what you mean and mean what you say"

ياياسر طيفور بالله أعمل بوصيتي ليك الفووق ديكـ.

يا دكتور بشير سلامات،
موش المثل بقول التركي ولا المتورّك،

وعليه نقول: الجبهجي ولا المبجهج..
___
ياخ عنان ده عينو قوية، وكان ما أخاف الكضب، رموش ذاتو ما فيها..

Quote: لكن والله ده إستنكاح "عنان" بيان..

يا ود طيفور
بالله شفت جنس الردحي -الفي الإنقاذ- دا؟!!!!!
جنس الردحي دا من أول دقيقة جا داخل فيها المنبر دا

ذكرني بالراجل البسئ لإمراة بانها ساقطة وبعد يومين
تلقاهو قاشر ومتأنق وقاعد معاها في كوشة زوجآ لها!!!!!!

حكمتو بالغة!

الله يسألني يا هدير،
شغل عنان ده شغل جديد، AnanGate
أجدّ من السودان الجديد ذاتو،
فاق كل الظنون والخيال،
في واحد من الكيزان سأل:
لو في مرشح مات، الناس تعمل شنو؟
فتشو بجاي وجاي، لقو ليهم حل وصرفة لحالة الموت،
أها حالة عنان دي دي أظرّط من الموت،
لكن ما أظن القوانين ومشرعوها ذاتهم فكروا في حدوث AnanGate،
ولا حتى الأعراف ذاتها، ما في حالة مماثلة منذ ان خلق الله الأرض وجعل عليها الناس والنظم
عشان الناس تهتدي بأمرها..
__
يا هدير دي حالة لا تفسير لها غير: قدر الله وما شاء الله فعل، قضاء وقدر، قُفل باب الترشيح، وجفّت الدوائر..

اللهم لا تضلنا بعد إذ هديتنا

Quote: ووصف المؤتمر الوطني بأنه يمثل الضمير الحي للأمة واعتبر أن التفريط في الانضام إليه يعني تفريطا في الأمن القومي ووفي ذات الوقت أعلن خالد بأنه سيقود الحملة الانتخابية لمرشح الوطني في ذات الدائرة الأستاذ علي أحمد كرتي

خالد

سلامات

كنت قد أشرت لنوع من الهشاشة وعدم النضج السياسي فيما يتعلق بسلوكك السياسي في مداخلة لي في بوست إنضمامك للمؤتمر الوطني

التصريح أعلاه ، يدعم هذا التحليل

فيه قصر نظر ...وحماس زايد كما هو الحال في عبارة

حتى يرث الله الأرض ومن عليها

عجبي

ياربي لاتخولقنا ولا تعولقنا

اسع عليكم الله ده يسوو فيهو شنو ده

يا خالد يا أخوي
مهما يكون التمن فقبض الجمر أهون.



***
سلام خاص للأخ الدكتور محجوب.. وخلينا نسمع صوتك.

أها يا أخوانا.. خالدونا سجل وين الليلة?

هلا يا شبيبة
وبصراحة دراما عنان قيت كما اسماها ياسر طيفور حكايتها حكاية...
والقصة دي زي الكورة المعكوسة كورنر من الفريق (اكس)...وقومي انتي يا الكورة وبطريقة كيف كيف كده
خشي في القوون بتاع الفريق (واي)...!!!
خالد مارس مايسمي بالتحول الشديد المفاجي وعمل تنويع لعب سياسي مفاجي .. احرف جزار مراقب للعملية السياسية في العالم ما حيقدر يطلع من الحكاية دي ربع كيلو بتاع منطق و عقلانية.....!!!
خالد وبعد كلامه الكثير القالو اكثر من قولة مالك في المريسة والنيران التقيلة الكان فاتحها في السادة الموتمر الوطني واشياعه..ثم الهوبا التي عملتها بتخلي المشهد زي مكنة العربية الخلطت فجاة الزيت بالموية والقصة خربت خراب شديد خلاااص..
والموضوع ده باذن الله عاوز نقلة لفريق (ورا) وونسة ما بين عشة صابونة وعوضية شرقرق في جلسة بعنوان
(الهواء قلب يا صابونة)

والله يا عنان حيرتنا و محنتنا

لكن الشيك شكلو تقول

ورينا ياخي و اشرح ظروفك إمكن نلقى لقيك مخرج

بئس القول ما قاله المتناقض "على كرتى" فى حق الاستاذ ياسر عرمان ... !!!!

كتب عنان

Quote: ضد كرتى والبشير وضد كل باطل وضد كل زبد ذاهب جفاء هذا ما انا عليه وهذا ما ساكون عليه الى ان يرث الله الارض ومن عليها .

محن نقول شنو

والله خجلان ليك

Quote: شغل عنان ده شغل جديد AnanGate

Quote: لكن ما أظن القوانين ومشرعوها ذاتهم فكروا في حدوث AnanGate ولا حتى الأعراف ذاتها، ما في حالة مماثلة منذ ان خلق الله الأرض وجعل عليها الناس والنظم عشان الناس تهتدي بأمرها..

يا ياسر طيفور
قلت لي دي عنان قيت عدييييل كدا ؟!
هههههههه

غايتو دي ما سبقك عليها زول

Quote: لكن والله ده إستنكاح "عنان" بيان..

بل قل إستغباء عنان بيان ..


______
الزول دا باقيليك ممكن يكون محل ثقة إني مور؟!!!!

Quote: ياربي لاتخولقنا ولا تعولقنا اسع عليكم الله ده يسوو فيهو شنو ده

يا منال
جبر الله كسركم

ما تعملي شئ غير إنك تخلي روحك رياضية
وتدخلي هنا تباركي:

نعم -- إنضممت إلى المؤتمر الوطنى .

الشئ شنو ؟
الزول دا لا جاء أعتذر
ولا حتي تبرير خائب (دعوني أعيش... ومن أجل أبنائي)؟؟؟؟

المهم
آخر الكلام

السياسة لمن تقرب من السلطة بتقي صعبة شوية
السلطة عندها حاجتين إسنمهم ذهب العز وسيفه
زولنا دا لو كب الزوغة من هزة سيف المعز بنتعاطف معاه (ولو علي مضض!!!)
بس لو خمش ليهو وقية وقيتين من ذهب المعز الغالي اليومين ديل ما بننساها ليهو

انخفاض رهيب في اسعار اغلي السلع عالميا في السودان

صراحة لما كتبت الكلام داك ما كتا خاتي ( بيع النفس و المبادئ بي السهولة دي ) معاهم في راسي



لكن غايتو شكرا ليك يا خالد اثبتا لي انو في حاجة اسواء من سؤ ظني

حبيبنا ياسر طيفور هالك النعم العنانية دى:

نبشركم بسقوط المؤتمر الوطنى فى دوائر شندى الاربعة وقبل الله السبعة
Re: ابناء جنوب شندى بولاية الخرطوم يبايعون الاستاذ/ علي كرتى ( صور )
لماذا اصبح الكيزان يخجلون من كلمة (( كوز )) ؟؟

قالوا المعايش جبّّاره.
الكلام دا كل رجل شريف و اٍمراة شريفة، لكل رجل يصون الوعد و لكل اٍمراه تلزم شرف الموقف
و الكلمة أعلموا انكم ابطال هذا الزمن الردئ المكّدس بالمسوخ التى تباع و تشترى على قارعة الطريق.

up




...



مساعدة لوجه الله

التحايا للجميع

وددت لو أننا قبل ادانة خالد عنان أدنا منهج السياسة السودانية ،

ليس ذلك دفاعا عن خالد عنان وهو صديق قديم وأجد من الصعوبة الدفاع عنه في وضعه الحالي ،

ولكن خالد عنان في احسن احواله ظاهرة اسفيرية ،

أعني ان غالب كسبه السياسي كحركة شعبية هو في منابر الانترنت حسب ما بدا لي ،

بينما الكثير ممن ادانوه بوجه حق في غالب الاحوال وبغير ذلك في احوال اقل ، اقول بينما هم يوالون احزابا فعلت قياداتها اسوأ مما فعل خالد بما لا يقاس من

المراحل !


اكرر مرة اخري انني لن استطيع الدفاع عن خالد وان رغبت !

فليس أسوأ مما قام به خالد الا تبريراته الفطيرة ،

وليس أسوأ من وضعه او حاله السابق الا ان يتداعي للتبرير له والترحيب به في حزبه الجديد ممن تصيبك كلماتهم بالطمام !

فوق

Quote: شغل عنان ده شغل جديد، AnanGate

بالدليل خالد عنان باع للمؤتمر الوطنى الترام

استروا الراجل يا جماعة .

Quote: ولكن خالد عنان في احسن احواله ظاهرة اسفيرية ، أعني ان غالب كسبه السياسي كحركة شعبية هو في منابر الانترنت حسب ما بدا لي

دكتور الوليد


تحياتي



ان كان خالد عنان وهو كان زعيما للحركة الشعبية بجنوب شندي ومرشحها في دائرة شندي الجنوبية وعضوا في مؤتمرها العام الاخير ضاهرة اسفيرية !!!!!!!!!!!!!!


فان ذلك الوصف هو نقص في الحركة الشعبية قطاع الشمال وليس في خالد


ومع كل نحن نرحب به في المؤتمر الوطني اسفيريا


وندعوك يوم الجمعة القادمة بعد الصلاة لحضور الالاف من ابناء حجر العسل يدشنون الحمة الانتخابية ويرحبون بانضمام خالد عنان واخرين


____________________________________________________

ويا خالد عنان علبك الله تجيب معاك صاحبك الدكتور ان وافق وممكن تطلعو المنصة لو رغب

التحايا يا عمر صديق

Quote: ان كان خالد عنان وهو كان زعيما للحركة الشعبية بجنوب شندي ومرشحها في دائرة شندي الجنوبية وعضوا في مؤتمرها العام الاخير ضاهرة اسفيرية !!!!!!!!!!!!!! فان ذلك الوصف هو نقص في الحركة الشعبية قطاع الشمال وليس في خالد

لا أري في كلامي ما يشير الي النتيجة التي توصلت اليها ،

الي ذلك اكرر كلامي مرة اخري ، وليس خالد عنان وحده ، كل المرشحين الذين يكتبون في النت او غالبهم حتي لا نقع في شرك التعميم هم ظواهر اسفيرية ،

أعني ذلك العدد من الناس الذين لم يسمع بهم الناس الا عبر النت ،

هل تعتقد ان خالد عنان لو لم يكن عضوا بسودانيزاونلاين وشارك بكتاباته كعضو بالحركة ثم الان منسلخ عنها ،

هل تعتقد ان الناس هنا علي الاقل كانوا اهتموا بانسلاخه او دخوله المؤتمر ؟

يعني هل خالد هو وحده من ترك الحركة او غيرها للمؤتمر ؟ بالقطع لا ! ولكن وجوده هنا هو الاختلاف !

بالنسبة لمسألة النقص فيمن فأنا لم أشر الي ذلك باعتباره نقصا في خالد ! ولا اتفق مع استنتاجك المبني علي ذلك بالتالي .

Quote: وندعوك يوم الجمعة القادمة بعد الصلاة لحضور الالاف من ابناء حجر العسل يدشنون الحمة الانتخابية ويرحبون بانضمام خالد عنان واخرين

زرت حجر العسل قبل عدة سنوات مع مجموعة من الاصدقاء لزيارة خالد ،

لا أظن بأي حال من الاحوال ان تعداد السكان هناك يبلغ العدة الاف كما ذكرت !

ويا سيدي لم نقف مع خالد ايام كان يدعو الناس للوقوف معه ضد الفساد فكيف نقف معه الان وهو يؤيد من وصمهم قبلا بالفساد !

مع شكري الجزيل للدعوة .

up

بالدليل خالد عنان باع للمؤتمر الوطنى الترام

لستما انت ورغيم الا كاذبين تتحريان الكذب حتى تكتبون عند الله من الكذابين

Quote: لستما انت ورغيم الا كاذبين تتحريان الكذب حتى تكتبون عند الله من الكذابين

ده كلام زعل ساكت

اها يا زول إنت إترشحته ولا لا

جيب معاك المستندات إذا كانت الاجابه نعم

Quote: لستما انت ورغيم الا كاذبين تتحريان الكذب حتى تكتبون عند الله من الكذابين

حسبُك يا صديقي رغيم ،، فكذاب الامس عنده صادق اليوم وكاذب اليوم قد يصدق غدا
اختشي يا هذا فالصدق والكذب آخر ما تتكلم عنه ،،

Quote: حسبُك يا صديقي رغيم ،، فكذاب الامس عنده صادق اليوم وكاذب اليوم قد يصدق غدا اختشي يا هذا فالصدق والكذب آخر ما تتكلم عنه ،،

انا لم اكذب عليك ايها المدعو احمد صديق ولا تعرف عنى شيئا ومع ذلك تصدر احكامك الاثمة

اتق الله فيما تكتب ان كنت تعرف الله

Quote: ياربي لاتخولقنا ولا تعولقنا اسع عليكم الله ده يسوو فيهو شنو ده

يا ولية ما تحترمى نفسك وتبطلى لغة الفاتيات دى

Quote: يا ولية ما تحترمى نفسك وتبطلى لغة الفاتيات دى

حقيقة يا عنان إنت المحتاج تحترم عقول الناس وما تتجاسر على الزميلة، لماذا لم ترد على الرجال بنفس هذه الصورة؟
___
الصمت أفضل من التبرير الفطير..

الاخ/خالد

تحياتي ؛؛

PTO