ما صحة شائعة تعيين شقيق عمر البشير رئيس لنادي الهلال ؟

أحد الاصدقاء ( مجنون كورة ) بعد استقالات اعضاء مجلس ادارة نادي الهلال اسر لي بانه يخشى من تعيين احد ( افراد المؤتمر الوطني ) كرئيس لنادي الهلال . تناقلت بعض مواقع الانترنت هذه الشائعة ومن خطورتهاعلى المناخ الرياضي ( الفاسد اساساً ) ارجو ان يكذب / يؤكد لي احد اعضاء المنبر من داخل السودان هذه الاشاعة ... لم اتعامل من قبل مع الشائعات ولكن إن صحت هذه سيخسر الهلال قبل ان تخسر الرياضة مجدداً . كلنا رأينا ما يفعله الوالي في المريخ وخوفي ان من يأتي سيكون انكأ واسوأ ..

قلبي على وطني

استاذ اسامة
تحياتي
في الخرطوم هنا بنسمع اقاويل كتيرة(ما متأكد من صحتها) بان نادي المريخ يدار بواسطة فلوس المؤتمر الوطني ولكن انا ارجح ذلك نسبة لان المريخ اصلا موارده ضعيفة نظرا لقلة جمهوره لو اعتمد على دخل المباريات مصدر الدخل الاوحد للاندية ولم نسمع باي استثمارات تخص نادي المريخ .
المهم الاصللاحات التي تمت في استاد المريخ ومغالاتهم في شراء اللاعبين الاجانب ووووو الخ كلها بتوضح انو في شئ ما طبيعي وجهة تريانة زاقفة خلف الحكاية دي .
وماممكن زول يجي يقول لي دا من فلوس جمال الوالي دا كلام ما بركب الراس ولا يعقل .. اها يا اخوي نحن كهلالاب وتهمنا مصلحة النادي وبنحلم بكأس خارجي قاري لو اخو الرئيس دا بيصرف علينا زي ما جمال الوالي بعمل حبابو .. لكن الخوف بعد المؤامرات الحاصلة على الهلال دي ناس المؤتمر يدمرو الهلال واحتمال بعد الانفصال يحولوه واو او ملكال .

Quote: اخو الرئيس دا بيصرف علينا زي ما جمال الوالي بعمل حبابو

Sorry
عبدالوهاب

I don't agree

يبقى نشجع


هلال كادوقلي

الأخ عبد الوهاب
اولاً اشكرك كل الشكر لمناداتي بكلمة استاذ وهي اكثر كلمة حبيبة لقلبي لما اكنه لهذه المهنة من احترام وتقدير .
لا اوافقك الراي بأن جمهور الهلال يهمه فقط الصرف حتى ولو اتى من الشيطان نفسه ..جماهير الهلال تعشق النادي وتحب له الخير ولا اظن ان الخير في اموال ملوثة بدماء الشعب السوداني .. انظر فقط لحال نادي المريخ يملك المال الوفير ورصيده من اسعاد جماهيره قليل ( اقصد في فترة رئاسة الوالي ) فحتى البطولة الوطنية الأم فاز بها المريخ في فترة رئاسته مرة واحدة دعك من الهزائم المذلة بالسبعات او بالاربعات داخل استادهم المزركش الجميل الذي دفع فيه الوالي ما دفع .... هناك لعنة ما في اموال الوالي تظهر جلياً في عدم التوفيق الذي لازم الفريق طوال فترة رئاسته .

فلذلك اخي الكريم جمهور الهلال ليس بحاجة لأموال المؤتمر الوطني ولو حتى ( عيّن ) البشير نفسه رئيس النادي .



مودتي .

Quote: فلذلك اخي الكريم جمهور الهلال ليس بحاجة لأموال المؤتمر الوطني ولو حتى ( عيّن ) البشير نفسه رئيس النادي .

والله ياريت احتمال يعالج ليكم مشكلة الصفر الدولي دي


وتجيبوا ليكم كاس خارجي كدا وتنتهوا من مشكلة الوصافـة الدوليـة دي



لانكم بصفركم دا زيكم وزي الفرق الأخرى (الموردة ........................... كتور جوبا)



من سايقه صلاح سايقـه صاح

نقولوا


سير سيــر يالبشيـــــــــر


ولو رفض ليكم سكـــوا التــرابي او الصادق المهدي (اصلكم كايسين الشهـره الدوليـة) والله صفركم الدولي دا مسمـار جحـا خلاكم تتمنوا المستحيلات


وكااااااااااااااااااااااك

ابومصطفى

ضد تعيين أي إنقاذي في رئاسة الهلال ..

و مع صلاح إدريس قلباً و قالباً

إلا إن ترشح ضده في جمعية عمومية أحد أبناء الهلال نظيفي اليد و فاز

وما الذي يمنع ان يعين البشير شقيقه او شقيق جار صاحب شقيقه رئيسا لنادي او وزيرا فهو قد عين نفسه رئيسا للبلاد وما عليها من عباد واندية ومشجعين وغير مشجعين فهنيئاً لهم وللاسرة الكريمة ودام العز