الشعبية

جيناكم يا حبايبنا بعد غربة وشوق
احبتي اهلي اخوتي ناس النجمة
السلام عليكم ورحمة الله وبركاته
اولا لاتسعني الفرحة بدخولى من الباب عديل ببركات اخونا وحبيبنا الباشمهندس بكري الله يديهو العافية
ثانيا ببركات الاخ الاستاذ / الحاج حمد الذي جمع الاحباب والاخوان والاخوات وربنا يجمع شملنا في ساعات خير شكري الكثير لاخواني الذين رشحوني لنيل الباسوورد والشكر اجزله لاخي الاستاذ عادل محمد عثمان
اخي وليد والله زيارتك دي وجمعتنا فى منزل الاستاذ / طارق مرغني كما قلت كانت فوقنا الملائكة بعده مباشرة وبعد ان سطرت لك المداخلة ومعها الصور لك وللاخ العمدة الكبير الاستاذ/ عماد وذكرت لك فى المداخلة بان اغير من الكج / حبيبى عابدون ( آبدوون) طوالي وصلت الباسوورد الظاهر الفكي بتاعك دا يا وليد قوي خلاص يعني بعد دا نتبرك فيك عابدون ذاتو يتبرك فيك
اخوتي جميعا بدون فرز بالنجمة وكذلك الاخوة ببحري طراوة لكم مني جزيل الشكر والمودة وانشاء الله اكون عند حسن الجميع الف الف شكر لك اخي بكري وودحمد بان جمعتني باحبتي واخوتي الذين اعرفهم والذين لم تسمح لي الظروف بمعرفتهم لكم الود جميعا والى لقاء والسلام ختام

فيصل عبد الله / الرياض

ما قلت ليك يا فيصل
تبارينا بتلاقي حاجات حلوه
وصباحات خير

ياعبدون تعال بارك لصاحبك

الاخ / فيصل الف الف الف ميروك لحصولك الباصورد واتمنا لك اقامة طيبه فى حوش الشعبية الكبير

مودتى

وليد شيل شيلتك طبعا راجيك الكتير عشان نعرف التكنلوجيا
اخوك دخل المنبر العام من اوسع ابوابه الظاهر انا
ضليت الطريق لنجمة الشعبية شفتا اللهفة بتعمل شنو الله يكون فى العون لك الود

Quote: وليد شيل شيلتك طبعا راجيك الكتير عشان نعرف التكنلوجيا اخوك دخل المنبر العام من اوسع ابوابه الظاهر انا ضليت الطريق لنجمة الشعبية شفتا اللهفة بتعمل شنو الله يكون فى العون لك الود

ياخي ما تعمل نايم
عشان عبدون مايضحك عليك ويقول انك برلوم
وانا قلت ليهم هناك انك فتحت بوست مرحب بنفسك

الاساذ خالد لك شكري وتقدير هذا بفضل الله ثم بفضلكم وترشيحكم
لي الله يديكم العافية وذي ما قال اخونا وليد ما تنسانا من التعليم
نحنا ناس ديناصورات رانكرس ما بنعرف التكنالوجيا الجديدة بتاعة الشباب


دكتور عماد صحبك دا اظنه نايم واقع وسط الملايين ما قادر يفتح لو صحي
اكيد حيتهجم ويبارك لوليد ويقوليهو تلحقني وتنجدني .
ببركاتك الدخلت فيصل عبد الله من الباب

يا وليد صحبك لمن يصحي نكون قطعنا شوط واكيد حيعلق ويمكن تختلط
عليهو الامور من الهجمة طبعا ما حيصدق ما عارف يكون قرا المداخلة
قبل الدخول من الباب ولا لسه نايم غايتو حيفاجأ الله يكون فى عونه
هو اظنه لحي هسع مخلوع من الملايين وصحبك عامل نايم وبقى مشغول
يوم فى الشارقة ويوم في دبي .

وين ياخي رقم الاستاذ/ طارق يمكن اتصل بيهو اليوم او يمكن اقابلة
لانه قريب من الميدان بتاع امل السودان ارجو ارساله
لكم الود

حبابك الف فيصلنا

من زمان راجينك

الشكر للاخوان بكري ابوبكر وعادل والحاج

وكل من جعل تواصلك معنا ممكنا

مرحب حباب فيصل
ارجو ان يطيب لك المقام
تحياتي
عبدالوهاب - الشعبية جنوب

الله عليك يا وهبه
وينك ياراجل شايفك مهيص فى زواج بنت الاستاذه الكبيرة سلمى
اخيى وهبة شكرا لك ولك ودي وانشاء الله اكون عند حسن ظنكم
شكري وتقديري

أخي الدكتور عماد
متعك الله بالصحة والعافية
والف شكر على الوردة الظريفة الحمراء المورقة المليئة بعبق ورائحة اهلنا ناس الشعبية
لك كل الود ولا تنقطع من نفحاتك الجميلة اخي دكتور / عماد لك الشكر اجزله

اخيرااااااا ... مبرووك
والله يافيصل يادابو جيت داخل المكتب وفتحت المنبر واول شىء وقع عينى على موضوعك ..
الف مبروك يازول والشكر كل الشكر للاخ بكرى وعادل ود الدكتور زى مايحلو لوليد مناداته والشكر موصول لى وليد وخالص الشكر للاخ عادل على صالح والاخ حاج حمد راعى هذا الحفل البديع ..

اها يافيصل كدة بالباب جيتنا عديل .. حمد الله على السلامة .
لكن بعد كدة انا بقترح نلملم الفرشات والبطاطين دى وكلنا نمشى ونعمل الكلام دا من خلال البوست الرسمى ..

مليون مرحب بالغالي فيصل عبد الله

والشكر لابن الشعبية البار عادل عثمان ..

** الاخ قيصل عبدالله..
** صباحك خير وجُمعتك مُباركه..
## مبروك الدخول للحوش الكبير وعقبال نشوفك فى الحيشان الصغيره (ست الهوى والطراوه ونجمتها)
(ودام الود بيننا)
(ابو محمد فؤاد)

## كسره:- عابدون لك الحق فى التعويض عن فترة الرعايه قبل فك التسجيل وقيام وليد بتسجيل اللاعب ومن ثم أصبح اللاعب حراً طليقاً..

Quote: ## كسره:- عابدون لك الحق فى التعويض عن فترة الرعايه قبل فك التسجيل وقيام وليد بتسجيل اللاعب ومن ثم أصبح اللاعب حراً طليقاً..

بالله با ابومحمد فؤاد لاعب زي دا يكون مدمر
وجالس احتياطي مع عند عبدون
اها اخوك اليوم الاستلموا خليتو لاعب حر
بعد كده تعال شوف الباصات البينية والغير مرئية

حباب فيصــل


حمد لله على السلامة


ابقــه داخــل ليــه جــوهـ ..


الشعبية وهلهــا فى الحوش يرحبون بيــك ..


بدر الدين ( الشعبية جنوب مربع 8/9 )

اخي بدر لك مني الف شكر وتقدير واتمنى ان يجمعنا الله في ساعة خير
وربنا يقدرنا على جزاكم واتمنى ان تواصل شايفك مقل فى مداخلاتك
لك منى الشكر والتقدير

اخوك / فيصل

الاخ سعادة المستشار / ابو محمد فؤاد
تحية طيبة مباركة فى هذه الجمعة المباركة
اخي عبد الكريم لن انسى هذا اليوم الذي جمعني بك والاخ الحبيب سعادة المستشار ود البوب عندما كتب رقم هاتفك وشوقا مني لاخي حسن طه اتصلت ومنها علمت ان هناك بوست خاص بالشعبية واهل بحري ولكم كنت سعيدان اجتمعت بكم وباهلي ناس الشعبية وكذلك ببحري طراوة مع الاخ الحبيب كمال كرار وقد وجدت الكثير الكثير من الاصدقاء والاحبة الذين جمعتني بهم الظروف وكذلك من لم اقابلهم ولكن اسمع بهم فاخي عبد الكريم لكم مني جزيل الشكر واتمنى من الله ان يجمعنا فى ساعة خير باذن الله
لك منى الف تحية ومودة
اخوك / فيصل عبد الله

شكرا اخي العمدة الكبير والله اخجلتم تواضعنا بهذ الكرم الفياض
وانشاء الله اقدر اجازي الجميع لك مني الف شكر اخي عماد وارجو ان
تواصل فى برنامجك وتمتعنا بالتحف والابداعات الجميله
وجمعة مباركة
مع خالص التحايا والود

شكري وتقديري لكل من قام بالتهنئة بدخولى عبر الباب بدلا من شبك اخونا الحبيب
الود الظريف ( آبدوون ) الف الف شكر لك اخي ( آبدوون ) وربنا ما يحرمنا منكم
جميعا واخي وليد الشاب الظريف ابو لجين واسيل
لكم مني اجمل التحايا ولنا لقاء عبر بوست الشعبية

اخوكم / فيصل عبد الله

والله لقيتها يا الكوارتى قام ليك ( ريش )
أخى الكريم الشكر لله ومن بعد صاحب
الحوش الباشمهندس بكرى أبو بكر الله
يديه الصحة والعافية أشكرك يا غالى

الف مليوووووون مراحب اخى فيصل
وانشاء الله تفيد وتستفيد

اخي على محمد على

لك مني خالص الود واشكر لك شعورك النبيل تجاهي
اخي من ناحية تقيد اصلها موقدة والاخ هلبلب ما مقصر
ديل عيل فور ناس نار القرآن والله رجل ما ساهل
وقف معاي وقفة رجال إلا أن نلت تصريح الدخول من الباب
الله يديهو العافيه ولكم مني التحايا والتجلة اخي على

اخوك / فيصل

الاخ هلبلب
تحية عطرة يا وليد دارفور
ما عارف اقول شنو ذى ما قالو اهلنا الكوارتة
الله لا جاب يوم شكرك ياهلبلب يا اخو الاخوان طبعا ما قصرت
من زمان راجين الباسوورد وكنت انت السبب بعد الركمنديشن
لحبيبك الباشمهندس بكري وطوالى ما قصر الله يديكم العافية
ويجعلك زخرا لنا والعقبى للواطة ( الارض) زي الصحفيين والمترجمين
والذى منه

اخوك / فيصل

الاخ هلبلب
تحية عطرة يا وليد دارفور
ما عارف اقول شنو ذى ما قالو اهلنا الكوارتة
الله لا جاب يوم شكرك ياهلبلب يا اخو الاخوان طبعا ما قصرت
من زمان راجين الباسوورد وكنت انت السبب بعد الركمنديشن
لحبيبك الباشمهندس بكري وطوالى ما قصر الله يديكم العافية
ويجعلك زخرا لنا والعقبى للواطة ( الارض) زي الصحفيين والمترجمين
والذى منه

اخوك / فيصل