لله ومحبة فيكم كلكم .. تعالوا طيبوا خواطركم ..

يا اخوانا بي صراحة كده .. الايامات دي الجو هنا ما لذيذ ..
بعيدا عن السياسه .. في ناس هنا شغاله كفيت في بعض على كلام اخونا شول ..
يا اخوانا الدنيا شنو فيها ..؟ كلمة طيبة .. وعشره حلوه .. وعلاقات صادقه ..
لييييه الناس تختلف في البسيطه وتجرجر بعض في المهاترات المافي ليها لزوم ..
كدي .. نقول باسم الله ونطيب النفوس .. يلا نقول بسم الله ..
وادخلوا باليمين وسمو ا وابدوا بي تطييب الخواطر ..

عاد البدخل هنا ويقول البوست ده فارغ شكيته على الله ..
قصدي الناس كلها تكون حلوه .. وتعتذر لي بعض من المساخات الحاصله هنا ..

تحياتي ،

Quote: عاد البدخل هنا ويقول البوست ده فارغ شكيته على الله ..

ههههههههه

بي العكس بوست موفق، وموفق جدا كمان..

خاصة في زمن زي البنمر بيهو حاليا ده ، مرحلة مفصلية ومش إحتمال بل أكيد حيتوقف عليها تاريخ السودان المقبل..في مرحلة زي دي مفروض نكون أقرب لي بعض من كده،

وعمرو الخلاف ما ولّد غير خلاف !

أعصروا علي بعض يا جماعة،
شان ساريتنا ما تنهار..
صفّا واحدا كالنار !!

أو بعبارة أخرى:

ضيقوا ليتسّع الطريق !مودّتي

العفو والعافية لكل إنسان أو إنسانة أو أي فئة أسئت إليها أو ظلمته/ظلمتها فى النت أو خارج النت، وأعفو عن كل من ظلمني والعفو العافية للجميع

وشكراً يا رمز العفاف والصدق واسمٌ على مُسمى

بوست لذيذ

حسن .. كيفنك

Quote: وعمرو الخلاف ما ولّد غير خلاف !

يا اخوي قلبي وجعني ادخل من الصباح المكتب واول شيء اعمل تمام هنا ..
ادخل اشوف المحن .. نحن قاعد نتنفس هنا عشان كده عايزين النفوس تكون متطايبه ..
نحن ناقصين مشاكل .. ده شنو ده ياخ .. كلمة واحده تجرجر لمليون كلمة مافى محلها ..
غايتو الله يطيب النفوس ..

مودتي الكبيرة ليك ..

Quote: غايتو الله يطيب النفوس ..

الباقي هيّن.

مودتي،

عفاف يا حبيبة ..


مسعاك طيب ..

Quote: العفو والعافية لكل إنسان أو إنسانة أو أي فئة أسئت إليها أو ظلمته/ظلمتها فى النت أو خارج النت، وأعفو عن كل من ظلمني والعفو العافية للجميع

كلام النذير ده بعبر عني .. وربنا ينضف دواخلنا ..آمين

معاوية .. اداني تحية ..

Quote: بوست لذيذ

معاوية .. نزل يدك دي هههه وما تناكف في البوستات .. سمح
انت زول طيب يشهد الله ..

Quote: معاوية .. نزل يدك دي هههه وما تناكف في البوستات .. سمح انت زول طيب يشهد الله ..

والله يا عفاف زول ما يهبشنى احترموا واشيلو فوق راسي
لكن اي واحد يقل ادبو ويعمل فيها فرعون ! برشو ليك لمّن يآمن زاتو
مودتى الاكيدة

معاوية .. صبحامك زين ..

Quote: لكن اي واحد يقل ادبو ويعمل فيها فرعون ! برشو ليك لمّن يآمن زاتو

بالعكس تديهو كلمتين طيبات .. وتكسر عينه وتخليهو يحترمك غصبن عنه ..
ونحن نقول شنو .. ؟ ومعاويه يقول شنو ..؟ لا لا لا يا معاوية ارجع لي اصلك .. طيب !

Quote: يا اخوانا بي صراحة كده .. الايامات دي الجو هنا ما لذيذ .. بعيدا عن السياسه .. في ناس هنا شغاله كفيت في بعض على كلام اخونا شول .. يا اخوانا الدنيا شنو فيها ..؟ كلمة طيبة .. وعشره حلوه .. وعلاقات صادقه .. لييييه الناس تختلف في البسيطه وتجرجر بعض في المهاترات المافي ليها لزوم .. كدي .. نقول باسم الله ونطيب النفوس .. يلا نقول بسم الله .. وادخلوا باليمين وسمو ا وابدوا بي تطييب الخواطر .. عاد البدخل هنا ويقول البوست ده فارغ شكيته على الله .. قصدي الناس كلها تكون حلوه .. وتعتذر لي بعض من المساخات الحاصله هنا ..

بت الصادق ازييك؟؟؟؟
والله كلام بتاقل بالدهب ، التسامح اجمل شئ
فى الوجود واسوأ شئ تنوم وفى زول زعلان منك

النذير .. يا طيب

Quote: والعفو العافية للجميع

الله يعافيك يا اخوي .. واربنا يقبل عفوك ..
تسلم جبرته بي خاطري ..

داليا .. يا نفحة من النفاج ..

Quote: كلام النذير ده بعبر عني .. وربنا ينضف دواخلنا ..آمين

تعرفي يا داليا ندخل هنا من الصباح نعشم في الاخبار الطيبة ..
تلقى ليك وش مشكله دون سبب مقنع .. وردود شيء عجيب ... معقول !! ..
على قول ود الصائم داخلين هنا للنجيضة ..

تسلمي يا الغالية

حواء بت سليمان .. انشاءالله انتي طيبة ..

Quote: والله كلام بتاقل بالدهب ، التسامح اجمل شئ فى الوجود واسوأ شئ تنوم وفى زول زعلان منك

تعرفي .. كلمتك دي حلوه انه الواحد ينوم زعلان ولا مزعل زول ..
اها كان راح فيها .. بعدين المبرر شنو للزعل ..
ده كلام دنيا ساي يا اختي ..
والله يطيب النفوس ..
تحياتي للمعاك ..

ناس تتمنى متين تشوفهم وتسأل الله تلقاهم .. وتتعرف عليهم عن قرب ..
لكن تتاسف لما تدخل في بوست وتشوف المناكفات .. تتراجع 100 خطوه للخلف ..
يا اخوانا نطيب نفوسنا ونبداء بالاعتذار والتنازل ونترك صورة حلوه لي بعض ..
ونخلي شوقنا لي بعض تحفه الكلمة الطيبة .. والمعاملة اللطيفة ..
عشان كده نحاول نبعد بقدر الامكان عن المناكفات الجارحه ..
ولا ما كده ؟؟ ..

الحبيبة عفاف،

انت زولة جميلة

لكن في ناس هنا أعداء للجمال

وربنا يزيل ما في النفوس من حقد وحسد وضغينة

ويشفي مرضانا..

والعفو والعافية

د. معز .. سلام يغشاك شقيش ما تكون ..

Quote: لكن في ناس هنا أعداء للجمال وربنا يزيل ما في النفوس من حقد وحسد وضغينة ويشفي مرضانا.. والعفو والعافية

اللهم آمين ,,
ربنا يسمع منك .. يا رب ..
تعرف يا دكتور ..
لو كل واحد فينا نظر للدنيا دي بجانب الطيبة ..
والكلمة السمحة .. والتنازل لبعض .. نكون احلى ناس ..
ونحن معروفين بالطيبة والحنية ..
تسلم .. والعفو والعافية هنا وهناك ..
مودتي لجديتك ..

تعرفى يا عفاف أجمل حاجة تعصر الزول البيناقش فيك بدون ما تسئ ليهو ولا تقول ليهو كلام يجرحوا ... لأنك لما تسئ ليهو بتديهو الفرصة إنو يهرب منك "لو إنت بتفترض نفسك عاصرو شديد فى النقاش" والهروب بيكون طبعاً بنيران مضاد وبعدداك ما تلوم إلا نفسك بين إنك كان ممكن تجبر عدو (عدو حوار طبعاً) يحترمك ويحترم موافقك حتى وإن لم يكن هو موافق عليها وبين إنو تزيد العداوة حتى يصل مرحلة السك سك زى الحاصل فى البورد ده.

عفاف أختى الله يديكى الفى مرادك والله ينضف القلوب "ما بالضرورة كلهم يتفقوا على رأى واحد ... بس بالضرورة يحترموا آراء بعض".








____________
قلتى لى شغالين كفيت على قول شول

شول .. يا اخوي كيفنك يا المبروك ..
تعرف يا شول كلامك كله هنا عين العقل ..

Quote: "ما بالضرورة كلهم يتفقوا على رأى واحد ... بس بالضرورة يحترموا آراء بعض".

وده العقل زاتو ..
اهم شيء احترام اراء بعض عشان ما يجرجرو في الفارغه ..

Quote: قلتى لى شغالين كفيت على قول شول

وبعد شويه بشتغلو حاجات تانيه .. الله يستر بس ..

جميل أن يتفق الجميع على ضرورة الإعتذار وثقافة الإعتذار ، غير أننا جميعاً تعوذنا هذه الثقافة ونفتقر إليها ، فعادة نكون متحمسين لأنه لم يطلب منا الإعتذار أو ربما لم يقع منا في هذا الموضع أو ذاك ما يوجب علينا الإعتذر. لكن ما أن يكون فإننا ومع شديد الأسف نتعنت ونصل حد لى أعناقنا ونتكبر على الحقيقة ظناً منا أن في ذلك قوة. والواقع أن هذا سلوك أقل ما يوصف به أنه جبان فالقوة في الإعتذار والفضيلة في الإعتراف بالخطأ.
التسامح والتصافي أمر جميل لا يكون إلا بقبولنا للآراء المضادة وإن إختلفنا معها لأنها تبقى وتظل أفكار وآراء. لذلك يجب علينا أن نسمو بحوارنا فوق التعصب والأفكار المسبقة عن الآخر ومن ثم إصدار الأحكام.
====
كان الأنفس بتأتلف العنقريب بشيل ألف
من كتاب حبوبتي في ديوانها
باب ثقافة العنقريب
صفحة 14
====
البدورك بقرش ليك الظلط
والمكجنك يتمنى ليك الغلط
باب ثقافة أصر ليك في الضلمه
صفحة 22
لنفس المؤلفة
====
البندورو بنولع ليهو اللمبه
والبناباهو بنحرش ليهو الكليه
النسخةالمعدلة من القول أعلاه

Quote: جميل أن يتفق الجميع على ضرورة الإعتذار وثقافة الإعتذار ، غير أننا جميعاً تعوذنا هذه الثقافة ونفتقر إليها ، فعادة نكون متحمسين لأنه لم يطلب منا الإعتذار أو ربما لم يقع منا في هذا الموضع أو ذاك ما يوجب علينا الإعتذر. لكن ما أن يكون فإننا ومع شديد الأسف نتعنت ونصل حد لى أعناقنا ونتكبر على الحقيقة ظناً منا أن في ذلك قوة. والواقع أن هذا سلوك أقل ما يوصف به أنه جبان فالقوة في الإعتذار والفضيلة في الإعتراف بالخطأ. التسامح والتصافي أمر جميل لا يكون إلا بقبولنا للآراء المضادة وإن إختلفنا معها لأنها تبقى وتظل أفكار وآراء. لذلك يجب علينا أن نسمو بحوارنا فوق التعصب والأفكار المسبقة عن الآخر ومن ثم إصدار الأحكام.

يزين به رأس الصفحة ...
تسلم يا lmulaomar ..
حقيقي كلام يجب الوقوف عنده حتي يتم فهمه بفهم ..

ليس في هذه الدنيا
ما يستدعي العداوة والبغضاء
ياست العفاف والنقاء

Quote: لكن اي واحد يقل ادبو ويعمل فيها فرعون ! برشو ليك لمّن يآمن زاتو مودتى الاكيدة

والله قوي ..
احييييك

عفاف
تحياتي كل عام وانت بخير
وانشاء الله دائما الناس بخير
ومتعافين ..احييييي فيك روح السماح
والتسامح

السعي الي تغيير ياتي بازدهار وتطور وحرية راي وعدل وعدالة يحتاج الي مساحة من التسامح -لا التنازل عن حق- وهو الدافع الي لملمة الاطراف والتماسك والتقدم الي الامام للوصول ...الضعف هو في قول فالت وقفز الي الحلوق لخنق الكلمة وقفل مجاري انسياب السماحة ....

معك وليعيننا الله جميعا

الوقور .. ابوبكر .. سلام طيب ..

Quote: السعي الي تغيير ياتي بازدهار وتطور وحرية راي وعدل وعدالة يحتاج الي مساحة من التسامح -لا التنازل عن حق- وهو الدافع الي لملمة الاطراف والتماسك والتقدم الي الامام للوصول ...الضعف هو في قول فالت وقفز الي الحلوق لخنق الكلمة وقفل مجاري انسياب السماحة .... معك وليعيننا الله جميعا

اكيد يا سيدي دون التسامح والمبادرة الطيبة من اي الطرفين ..
لايوجد اي تقدم .. والمعامله بين البعض تكون في غاية التعسف ..
والتنازل في رائي الشخصي ليس هو اذلال للشخصية بقدر ما هو اكرام لها ..

وانا معك ليعيننا الله جميعاً ..

مع التقدير الزائد ..

باسط المكي ..

Quote: وانشاء الله دائما الناس بخير ومتعافين ..

امين يارب ..
ونكون بروح وجمال الشخصية الحنينه الفي البروفايل دي ..
تسلم

استاذ - باسط مكي .. سلام يغشاك..

Quote: والله قوي .. احييييك

غايتو انا ما بوافقك هنا ..
نحن نطيب في النفوس وانت تحييه .. ياخ هو قال برش بالكلام الما حلو ..
نقوم نحن نشجعو ... لالالا يا معاوية اوعك تعمل كده ..
استاذ باسط نهون شويه .. طيب ..

مودات كتار تغشاك

عفاف
اسمحى لى اديك نموذج من العكننة البتجي للواحد في صمة الخشم
الإهداء للأخ المحامي معاويَّة عوّض الكريم..
وشوفى معاوية دا مسالم كيف ! بس براااها بتجينى مدردقة ..

Quote: بت الصادق ازييك؟؟؟؟ والله كلام بتاقل بالدهب ، التسامح اجمل شئ فى الوجود واسوأ شئ تنوم وفى زول زعلان منك

كلام حواء ده عجبني وبعبر عني وبزيدو انه مهما بعدت المسافات فان امكانية القيا والتقارب اقرب مما نتصور ..
والكلام البطلع تاني ما برجع , علشان كده ننقي السنتنا من قول الشين ..

وتحياتي يا عفاف ..

العوض .. طيب الفال ..

Quote: والكلام البطلع تاني ما برجع , علشان كده ننقي السنتنا من قول الشين ..

تعرف جريت لي خيط مهم هنا ..
لسانك ده هو ما بيت القصيد زاتو ..
ان هينته هانك وان صنته صانك ..
وصراحة في ناس لسانها فالت على الاخر ..
وده ما كويس في حقنا نحن البندخل عندهم ..

تسلم يا العوض .. وخليك قريب ..

Quote: قصدي الناس كلها تكون حلوه .. وتعتذر لي بعض من المساخات الحاصله هنا ..

الاخت / عفاف تحياتى

فعلان بوست رائع فالدنيا ما تستاهل مشحنات وخلافات

الهم انى نى اسلك العفو والعافية

وشكرا اخت عفاف

سلامات يا عفة


يا زولةليك وحشة والله
مقربة اقوليك قدامي قطيع من الاغنام وكدا

ألأخت/عفاف العفيفة بت الصادق بابكر....

Quote: عاد البدخل هنا ويقول البوست ده فارغ شكيته على الله

فارغ..وستين..فارغ ياعفاف..



























بوست فارغ من ألأحقاد والكراهية والنكد.....لك التحية والمودة..ويديك من الخير قدر الفى نيتك من صفاء وجمال ومحبة...

عفاف بت الصادق وكل المتداخلين تحية و احترام

المشكلة انو الناس اغلبها لا تتعلم من تجاربها > الليلة يشاكلوا ده وبكرة يسامحوا ده
شغالين خالف تذكر والسلام ، غير انو اساسا القارئ بيحتقر مثل هؤلاء و النبذ هو منطق العاااااجز .
وكتيير من البوستات الجميلة بتبوظ ( او ببوظوها اصحابها ) بمثل هذه الممارسات القبيحة .......
لكن هنالك شئ مهم يجب على السيد بكرى اذا اراد لهذا المنبر الاستمرار بشكل جيد > تطبيق اللائحة
تطبيق كامل و لكل الاعضاء المنحرفين عن المسار حيث ان العقاب عظة للآخرين اذا ارادوا
الاستمرار فيجب ان يكون باحترام > حيث انو مسالة الناس تتشاكل و بعداك يجوا الناس
ويشبكونا باركوها و العفو و العافية و ترجع ريما لعادتها القديمة و سماح و ثانى
اكسيد الكربون و يتفتح بوست بنفس مفهوم هذا البوست وهكذا دواليك مسألة بقت مملة
وتفقد المنبر بريقه الذى كان يتميز به > فقط تطبيييق اللائحة لكل المارقين

وده اللائحة وشوفوا النقطة رقم 2 ومفروض بكرى يوضح للناس شكل العقاب شنو فى كل نقطة على حده >

قوانين المنبر العام ولوائحه


المنبر العام بسودانيزاولاين دوت كم هو منبر حر للنقاش بالشبكة الدولية مفتوح لجميع السودانيين دون تمييز بسبب الانتماء السياسي أو العقائدي أو الفكري، وجميع الآراء والأفكار والمواد المنشورة فيه تعبر عن وجهة نظر كاتبيها ولا تعبر بالضرورة عن رأي إدارة الموقع وذلك دون إخلال بقوانين وضوابط النشر المعمول بها دوليا وهذه هي قوانين المنبر ولوائحه، والتي سوف يبدأ العمل بها ابتداء من يوم 28 ديسمبر 2005

ا- يمنع منعاً باتاً التدخل في شؤون إدارة المنتدى. ولإدارة المنتدي كامل الصلاحية في حذف , تعديل , نقل أو إغلاق أي موضوع/مداخلة أو إيقاف عضوية أي مشترك دون ذكر الأسباب.
2- على جميع الأعضاء الالتزام بأدب الحوار والاختلاف واحترام الرأي الآخر. ولا يجوز لأي عضو أن يسب أو يشتم أي عضو آخر أو يكفره بسبب رأيه أو معتقده.....
3- لا يجوز سبّ الأديان وكريم المعتقدات، أو إساءة الأنبياء والرسل، وذلك دون الإخلال بحرية الاعتقاد والرأي ودون مصادرة لحرية البحث العلمي وحق الاجتهاد......
4- يمنع إعادة نشر مواضيع محذوفة سابقا أو مخالفة قوانين المنتدى أو مواضيع تم قفلها من قبل الإدارة .....
5- يمنع الدعاية لمواقع تخل بإحدى بنود قوانين المنتدى .....
6-يجب الإشارة إلى حقوق المؤلف والٍملكية الفكرية عند النقل أو الاقتباس وذلك بوضع اسم المؤلف إذا كان معروفا أو وضع نقاط بين قوسين (....) إذا كان المؤلف غير معروف......
7- لا يجوز استخدام نظام الرسائل الخاصة (الماسنجر) في أي فعل مخالف لأحكام هذه اللائحة او استخدامه فى الدعاية لمواقع اخرى .....

8- على العضو توجيه ملاحظاته إلى أمين الموقع عند وجود تجاوز من قبل الأعضاء عبر البريد الإلكتروني، ويمنع منعا باتا توجيهها في المنتديات الأخرى

9- يمنع الدعاية التجارية دون أذن مسبق أو الاتفاق مع إعلانات سودانيزاونلاين .....

10- عدم نقل مواضيع/مداخلة/أيميل/....الخ من شخص غير عضو بالمنبر أو من منبر آخر تشوه/تصور/تدين/....عضوا بالمنبر

11- عدم السماح لشخص غير عضو/ة بالمنبر بأن ينشر/يشارك مستخدما حساب عضو/ة بالمنبر بدون علمه

12- لا يسمح لأي عضو الإعلان عن استقالته بطريقة فيها تشهير بالمنبر أو إدراته أو أعضائه، ويجوز للإدارة سحب العضوية من ذلك الشخص فورا وطلب/موضوع الاستقالة من المنبر فورا. ولكن يجوز لأي شخص أن يعلن بأسلوب هادئ بعيد عن الإثارة عن توقفه أو غيبته لأي سبب من الأسباب ..

13- تمكين أي شخص يتعرض للإساءة من أحد الأعضاء من عنوان هذا الشخص لمقاضاته حيثما كان... تسلم هذه المعلومات فقط للجهة القضائية بخطاب رسمى عند طلبه على أن يكون بالبريد العادى المسجل وليس الكترونيا.. كما يحق للإدارة تجميد/سحب العضوية من العضو/ة فى حالة رفض إعطاء الاسم الكامل والعنوان للجهة القضائية بالنسبة للأعضاء القدامى أو من لا تتوفر معلومات لدى الإدارة عنه.



14- لا يجوز لأي عضو أن يسجل في المنبر الحر بأكثر من اسم أو لقب واحد وتسحب العضوية فورا من كل عضو يثبت اشتراكه أو تسجيله بأكثر من اسم أو لقب.

15-على كل عضو مسجل باسم مستعار أن يزود الإدارة باسمه الحقيقي وعنوانه الصحيح إذا طلب منه وأي عضو يمتنع عن ذلك أو يتبين أنه أدلي باسم وعنوان غير صحيحين تسحب منه العضوية فورا



16- يكفل المنبر الحر لكافة الأعضاء حرية التعبير والرأي والبحث العلمي والاجتهاد ومناقشة جميع الأفكار والمواضيع الدينية والفلسفية والسياسية والاجتماعية والاقتصادية والفنية وسائر ضروب العلم والمعرفة، مع ضرورة التزام الأعضاء بالحوار الموضوعي واحترام حق الآخرين في الاختلاف معهم/ن.

-17 الفصل الفوري لكل من يهدد بالـقـتـل أو يدعو إلى قـتـل أو اغـتـيـال أي شخص أو نـشـر مادة تدعو إلى، أو تؤيد، ذلك. ولا يجوز منح ذلك الشخص العضوية مرة أخرى تحت أي مسوِّغ.

-18 لا يسمح اغراق المنبر/السيرفا بصورة متعمدة برفع مواضيع لعضو/ ة معين او بمواضيع معينة الى الصفحة الاولى او بشكل لا نهائي أو بفتح عدد لا نهائي من البوستات في وقت واحد….أو فتح بوستات مختلفة من نفس العضو لنفس الموضوع

19- سوف يتم سحب عضوية كل من يستخدم الماسنجر فى رسائل تامرية ضد الموقع او اعضائه



20-لن تسمح الإدارة بـتحديث المكتبة الارشيفية لأى عضو/ة اذا ثبت اخلاله/ا باللوائح اكثر من مرة إذا أعتقدت الإدارة أو كان لديها ما يحملها على الأعتقاد بأنَّ ذلك الشخص يسعى لتدمير الموقع أو الإضرار به.



21- لن تخصص مكتبة ارشيفية لأي عضو/ة اذا تأكد انتهاكه /ا للوائح و قوانين المنبر اكثر من مرة

22- سوف يتم مسح اى بوست للتزكية او ضياع كلمة السر او خلافه فى المنبر العام
23-يمنع منعا بات جمع التبرعات خارج نطاق منظمة الموقع والتى سوف ترى النور قريبا







ترسل كل الشكاوي والتظلمات والطلبات والقرارات الإدارية من والى العنوان : [email protected] ولا تنظر الإدارة في الرسائل والمكاتبات التي ترد عبر الماسنجر أو التلفون أو خلافه.

....
تدعو إدارة سودانيزاونلاين جميع الوطنيين/ت والشرفاء/ت إلى مساعدتها وذلك بتنبيهها فى حالة تجاوز أى عضو/ة للائحة عبر البريد أعلاه وذلك لعدم تواجدنا بصورة مستمرة ويومية،

سوف تسرى هذه القوانيين على كل المواضيع والمداخلات التى كتبت ابتداء من يوم 27 ديسمبر 2005.





ادارة سودانيزاونلاين دون كم

9 ابريل 2004

وده الرابط > http://www.sudaneseonline.com/law2005.htm



________________

نتمنى انو يكون ده آخر بوستات العفو و العافية
وانو الناس تعيش فى هذا الحوش متسامحين
سودانيين حلوين ، و اختلاف الرأى لايفسد
للود قضية ...

الاخت العزيزة
عفاف
بس لو الناس تذكر الموت

عفاف ,,,,

تسلمى من كل شر ,,,

فى ناس هنا خلاص بقت مابتعرف غير تعكنن على الناس
والكلام الشين دا سااااااااااهل بس ماسمح.........


اى زول لو راجع نفسو مرة ومرتين وحس بمرارة الاساءة ما حايسئ اكيد....

تسلمى وتحياتى يااصيلة

اوووه ... ناس الدوحة ..
بت الشيخ .. يا اصيله ..

الايامات دي انتو بالذات يا ناس الدوحه .. بحركم زائد ..
وكثافتكم عاليه .. غايتو سحرووكم .. لانه الحاصل عندكم ما بشبهكم ..
يلا قولي للهناك .. انسو الحاصل وافتحو صفحة جديده مع بعض ..
ونحن عشمنا كبير فيهم لانه هم اكبر من البحصل ..

وانتي يديك العافيه معاهم ..

اوع اكون في الكلام الفوق ده اذيت اي واحد فيهم ..
لانه والله وضعهم ما بعجب وخاصه الحكاية على الملاء ..
وهم كبيرين في نظرنا واحترامنا ليهم ماشي في زياده ..

مودتي ليكم جميعاً
ا

هدى بت عبدالمنعم .. سلام يغشاك انتي وإسماعيلك ..

Quote: بس لو الناس تذكر الموت

خمسة كلمات تحمل في معناها خمسمائة معنى ..
احيييييييي يا هدي يا أختي الله يطيب العمل ..

تحياتي لي كتاكيتك ..

الغاليه عفاف .... تحياتي
انشاءالله دائما كل الناس هنا في المنبر ده يكونوا متسامحيين ومتعافيين .
عارفه يا عفاف . السني دائما بيقول لي الحياة اقصر مما نتصور . عشان كده ما لازم نحنا نقضي نص عمرنا زعل وخصام ولازم نكون متسامحين ومتعافييين في كل معاملاتنا مع الاخرين . وبيقول لي من الساهل انو الواحد يخسر الناس لكن من الصعب تكتسب حب الناس واحترامهم.
وشكرا ليك يا غاليه علي البوست الجميل ده .
احتراماتي

الاخت عفاف سلام وتحية
هذه الرسالة وصلتني بلاميل علها تبعث الثقة في نفوسنا..











أراد رجل أن يبيع بيته وينتقل إلى بيت أفضل



فذهب إلى أحد أصدقائه وهو رجل أعمال وخبير في أعمال التسويق ،



وطلب منه أن يساعده في كتابه إعلان لبيع البيت



وكان الخبير يعرف البيت جيداً فكتب وصفاً مفصلاً له



أشاد فيه بالموقع الجميل والمساحة الكبيرة



ووصف التصميم الهندسي الرائع ، ثم تحدث عن الحديقة وحمام السباحة .. الخ !

وقرأ كلمات الإعلان علي صاحب المنزل الذي أصغى إليه في اهتمام شديد


وقال...أرجوك أعد قراءة الإعلان



وحين أعاد الكاتب القراءة



صاح الرجل يا له من بيت رائع !


لقد ظللت طول عمري أحلم باقتناء مثل هذا البيت



ولم أكن أعلم إنني أعيش فيه إلي أن سمعتك تصفه


ثم أبتسم قائلاً من فضلك لا تنشر الإعلان


فبيتي غير معروض للبيع !

الصادقة \عفاف الصادق,,, تسلمي يا أصيلة,, يا ريت كل الناس زيك تسامح وتجامل بالكلام الطيب


المحبة بتجيب المحبة ,, والمناكفة والعداوة بتوسع الهوة والشقاق بين الاخوان نسال


الله ن يجمعنا علي الاخوة والمحبة دايما, ونعفو ونسامح بعض وما نشيلة تقيييييييييييل


الفانية فيها شنو شايلنو معانا بعدين,,, ربنا يصلح حالنا جميعا ويسترنا دنيا واخره.


شكرا يا غفاف وربنا يكرمك , ومافي زول في المنبر ما بقدر ويحترم الاخت عفاف الصاق


سفيرة النوايا الحسنة,,, لحسن وجمال اخلاقها وتعاملها الراقي الجميل ,,وتسلمي يا غفاف.

سيف الدولة .. صباحك زين

Quote: المحبة بتجيب المحبة ,, والمناكفة والعداوة بتوسع الهوة والشقاق بين الاخوان نسال الله ن يجمعنا علي الاخوة والمحبة دايما, ونعفو ونسامح بعض وما نشيلة تقيييييييييييل الفانية فيها شنو شايلنو معانا بعدين,,, ربنا يصلح حالنا جميعا ويسترنا دنيا واخره.

اي نعم نسأل الله ان يجمعنا بالمحبة ..

تعرف يا سيف يا اخوي لما واحد فينا يفتح بوست يتخيل انه فتح صالونه في بيته ..
واستقبل فيهو ضيوفوا .. وفى الحالة دي لازم يكون في احترام بينه وبين ضيفه ..
والسبب الفتح بيهو الصالون .. بالتالي بكون في احترام المضيف لي ضيفه ..
غايتو بحاول ابسط الكلام عشان الناس تصل لي حل في الموضوع ده ..

وانت لك التقدير

عماد الشبلي .. يا فنان

Quote: هذه الرسالة وصلتني بلاميل علها تبعث الثقة في نفوسنا..

انشاءالله يارب رسالتك تكون وصلت بي فهمك ويفهموها يارب ..
تسلم يا عماد ..

بت وهبي .. الملقوفه .. هههه
وجودك يسعد ..

Quote: وبيقول لي من الساهل انو الواحد يخسر الناس لكن من الصعب تكتسب حب الناس واحترامهم.

امسكي في كلام بعلك ده قوي .. وما بيصيبك إلا خير ...
تحياتي للاستاذ القامة ..

اسماعيل عباس .. اخو الانسانية ..
فارغ..وستين..فارغ ياعفاف
تعرف لما شفته المداخله الفوق دي ..
قلت خلاس اقفل البوست ما دام جات من اسماعيل .. معناها خربانه ..

لكن بعد نزلت شويه ولقيت دي ..

بوست فارغ من ألأحقاد والكراهية والنكد.....لك التحية والمودة..ويديك من الخير قدر الفى نيتك من صفاء وجمال ومحبة...

قلته خلاس الدنيا بي خيرها ..

شكرا يا اسماعيل وصراحة انت من الجديرين بالاحترام والتقدير ..

د. نجاة .. يا حبيبة ..

Quote: يا زولةليك وحشة والله

وانتي كمان يشهد الله في سماء نفسي ومنى عيني اشوفك .. واسعد ..

Quote: مقربة اقوليك قدامي قطيع من الاغنام وكدا

تعرفي يا الغالية انتي بالذات في حتات كده لما اشوفك فيها بزعل ..
خليك حليمه .. وعدي لغاية عشرة .. حتى تردي .. سمح ..
ويلا نتلاقى تاني عشان الكلام كتيييير وكله هنا ما بجي ..

واكيد معزتي ومودتي وغلاتك عندي لا توصف ..

خالد درق .. سلام كتير ..

Quote: فعلان بوست رائع فالدنيا ما تستاهل مشحنات وخلافات

رائع رائك في الدنيا الفانيه دي ..
وفعلا ما تستاهل مشاحنات وخلافات ..
كتير حبايبنا كانو معانا في البورد ده .. هسه وين ؟؟ الحمدلله ..

مودتي يا خالد ..

اساذنا موصلي .. يا ناثر الفرح ..

Quote: ليس في هذه الدنيا ما يستدعي العداوة والبغضاء

والله لو فكرنا انه الواحد ممكن يشهق وما يحصل يزفر ..
كان عرفنه انه ما دائم فيها إلا الكلام الطيب ..
تسلم..

يا زولة قومي لفّي!

الاخت الاستاذة عفاف

لك التحية و التقدير


كلامك فى المليان و له معان كثيرة و كبيرة أتمنى ان يعيه الناس

و يتخذوه نقطة تحول فى علاقاتهم و مداخلاتهم مع الاخرين ...

اشكرك يا زينة


أخوك الطيب رحمه

طارق الكوتش .. يسعد صباحك ..
افوو عليك جبته المليان وجيت ..
تعرف مداخلتك ثره جدا جدا .. وحصه يجب فهمها ..
ومشكور على جلب المفيد والمفيد هنا ..

Quote: نتمنى انو يكون ده آخر بوستات العفو و العافية وانو الناس تعيش فى هذا الحوش متسامحين سودانيين حلوين ، و اختلاف الرأى لايفسد للود قضية ...

نتمنى ذلك وزي ما قلته .. والحوش لما يكون نضيف واهله حنان ...
مابتكون عندك رغبة تطلع منه .. وعشمنا كل الموجودين في الحوش ..
يكونوا قدر الثقة والكرم الموجود هنا ..
يكفي انه عندنا مكان نفضفض فيهو ..

ولك الود يا كوتش ..

الطيب رحمة قريمان .. يا نعم الصديق ..

Quote: كلامك فى المليان و له معان كثيرة و كبيرة أتمنى ان يعيه الناس و يتخذوه نقطة تحول فى علاقاتهم و مداخلاتهم مع الاخرين ...

يا ريت يا الطيب .. والله ما كان الناس عاشت في بلاوي زي دي ..

تسلم ..

ود الصائم .. سلام صافي ..

Quote: يا زولة قومي لفّي!

بعد طلتك البهيه .. وضحكتك الصادقه المجلجله دي ..

صدقني .. حا اعمل الفات .. الفات .. والف سبعه لفات ..

بس انت ابقى طيب ..

القول ما قاله شول :

Quote: تعرفى يا عفاف أجمل حاجة تعصر الزول البيناقش فيك بدون ما تسئ ليهو ولا تقول ليهو كلام يجرحوا ... لأنك لما تسئ ليهو بتديهو الفرصة إنو يهرب منك "لو إنت بتفترض نفسك عاصرو شديد فى النقاش" والهروب بيكون طبعاً بنيران مضاد وبعدداك ما تلوم إلا نفسك بين إنك كان ممكن تجبر عدو (عدو حوار طبعاً) يحترمك ويحترم موافقك حتى وإن لم يكن هو موافق عليها وبين إنو تزيد العداوة حتى يصل مرحلة السك سك زى الحاصل فى البورد ده. عفاف أختى الله يديكى الفى مرادك والله ينضف القلوب "ما بالضرورة كلهم يتفقوا على رأى واحد ... بس بالضرورة يحترموا آراء بعض".

ربنا يا عفاف يخلي ليك قلبك الأبييييييييييييييييييييييييييييييييييض دا ويزين بالتسامح كل حياتك
أمبارح ما طالباني حليفة نمت بعد تعب شديد وكان الألم يعتصرني لأني مررت على بوست
ووجدت أن صاحب البوست قد ظلم أحد المتداخلين ظلما عظيما وهممت أن أكتب له
أنك يا أخي إذا أردت أن تدافع عن الحق فيجب أن تحرم على نفسك الظلم الذي حرمه الله على نفسه وثم جعله محرما بين عباده

اللهم أجعلنا من المتسامحين والطيبين
اللهم قوينا بحجتنا وليس بفظاظة ألفاظنا يا كريم

الله يطيب خاطرك دنيا و اخره

عارفه يا عفاف احلى حاجه في الدنيا تنوم و بالك هادي و ماعندك مشكله مع اي انسان

رغم انه انا الحمد لله ماعندي مشكله مع اي زول
لكن برضو العفو و العافيه
يمكن من غير ما أشعر أكون غلطت على انسان

تسلمي يا عفاف

الاختلاف في مسائل عامة هذا هو مبدؤنا فيه : مقارعة الحجة بالحجة والود محفوظ للجميع .
لا للشخصنة والخوض في خصوصيات الناس سباً أو قذفاً - فكرة البوست راقية ....عميق الود والمحبة

عبدالرحمن الحلاوي .. سعيده بيك هنا ..

Quote: الاختلاف في مسائل عامة هذا هو مبدؤنا فيه : مقارعة الحجة بالحجة والود محفوظ للجميع . لا للشخصنة والخوض في خصوصيات الناس سباً أو قذفاً - فكرة البوست راقية ....عميق الود والمحبة

ايييوه . ده المقصود بالظبط .. نحن معروفين بمقارعة الحجة ..
واي ركن فيهو نقاش .. في اي مكان لايخلو مننا .. ودي صفه يشهد الكل عليها ..
لكن نقاشنا يكون هادف وراقي .. ونختلف في اي صغيرة وكبيرة .. لكن في حدود ..
من غير تجريح وكلام فارغ وغير مقبول ..
وخاصة انه سودانيز ون لاين عندها زوار اكتر من الاعضاء ..
وبعكس عندنا كل صغيرة وكبيرة .. لكن لما تكون فيهو الفاظ جارحة ..
ما حا اسمح لي اقرب زول لي يدخل هنا .. عشان ما ياخد فكرة سئيه ..
غايتو .. الله يزين الحال .. والكلام الطيب يكون المبداء ..

لك الود

Quote: عبدالرحمن الحلاوي .. سعيده بيك هنا ..

عفاف تحيات طيبات ...أحفظ هذه العبارة وأرددها ( شهوة ان تكون الخصومة في عزها واضحة
غير مخدوشة بالعناق الجبان ) و ( ليس المؤمن بطعان ولا لعان ....) ( ...وإذا خاصم فجر ...) ما أجمل التوسط والاعتدال !!
تحية باقية

الحلاوي .. تحية زكية ..
وطلتك هنا مهمه عشان كده:-

Quote: أحفظ هذه العبارة وأرددها ( شهوة ان تكون الخصومة في عزها واضحة غير مخدوشة بالعناق الجبان ) و ( ليس المؤمن بطعان ولا لعان ....) ( ...وإذا خاصم فجر ...) ما أجمل التوسط والاعتدال !! تحية باقية

حقيقي كلام عقل .. ولابد من الاستفاده منه ..
تسلم يا الحلاوي ..

عفاف

بوست موفق

وانشاء الله كل من عنده خلاف مع شخص

بعد دخوله لهذا البوست بتراجع

وترجع المياه الي مجاريها

انشاء الله

تحياتي

محمد طه .. اووووب قبضتك ..
تعرف بوستيك اياهو .. والله زعلته شديد لما دخلته ..
بغض النظر عن الاطراف المعاك بس ما كان منطقي نهائي ..
ولا بشبه انسان بعز مصطفي سيداحمد ..
الانسان بكل ما تحمله كلمة انسانية من معنى ..
بس صراحة عجبني البوست بتاعك بالخصوص وكبرت في النظر ..
ربنا يقبل منك يارب .. وانشاءالله دي تكون ليك عتره واتصلحت ..

Quote: وانشاء الله كل من عنده خلاف مع شخص بعد دخوله لهذا البوست بتراجع وترجع المياه الي مجاريها

انشا ءالله يارب وعشمنا انه البينا كلنا هنا ..
يكون اكبر بكتير من العليهو الان ..
ونسأل الله ان يديم الود بيناتنا كلنا ..
ونكون مثل يحتذى به ..

وربنا يحفظك ..

شكرا لوجودك هنا..

بت الهناء .. والمنى .. والسرور

Quote: رغم انه انا الحمد لله ماعندي مشكله مع اي زول لكن برضو العفو و العافيه يمكن من غير ما أشعر أكون غلطت على انسان

يا سلام عليك يا رهف المشاعر ..
وانشاءالله محل ما تمشي ما تعتري .. قولي آميييييين

جعفر .. كيف حالك

تعرف .. كلام شول منطقي جدا جدا ..
يعني نحن معروفين مافي حد بيخلي حقو لي حد ..
لكن تعامل بالمثل حتى لو كانت الاساليب ما تعجب ..
فا .. ده الكلام الما مقبول نهائي ..

Quote: اللهم أجعلنا من المتسامحين والطيبين اللهم قوينا بحجتنا وليس بفظاظة ألفاظنا يا كريم

ورحم الله أمريء عرف قدر نفسه ..

لك الود

أختنا عفاف.....

يامن أكن لها من التقدير ما تعجز عنه الحروف....

Quote: قلته خلاس الدنيا بي خيرها .. شكرا يا اسماعيل وصراحة انت من الجديرين بالاحترام والتقدير ..

وانت كذلك.......واصلى على نهجك الجميل ده..اكيد فى ناس حا تسمع للنداء أو تستجيب..

نهجك ده لا يسلكه إلا ذوى القلوب الناصعة...أمثالك....أسأل الله لك التوفيق..

اسماعيل ..انت جيت تانى وانا فرحانه ..

Quote: واصلى على نهجك الجميل ده..اكيد فى ناس حا تسمع للنداء أو تستجيب..

يا ريت يا اسماعيل يا اخوي ..
اكيد الاختلاف لابد منه .. المصارين في البطن بتتلخبط ..
لكن كمان شويه نرجع لي طيبتنا واصلنا وتربيتنا ..
ونخلي قبيح القول .. ونحترم الكبير .. الكلام الشين منكور ..
وما معقول زول يدخل بي كلام شين .. تكون عندك رغبة تشوفه وتلاقي ..

مودتي بلا حدود

العزيزة بت الصادق
الخلاف الذي ينشب بين الحين والآخر هو على الإطلاق ليس خلاف شخصي بين اثنين أو أكثر، وهو شيء
طبيعي لكن يجب ألا ينسحب على علاقات الناس الشخصية..
وأنا دخلت هنا لأعبر عن محبتي للجميع بدون فرز وأطلب السماح من كل إنسان أخطأت في حقه...
ومشكورة يا عفاف لكونك فتحت نفاج للتسامح والمحبة..

نصر الدين .. نهارك سعيد ..

Quote: الخلاف الذي ينشب بين الحين والآخر هو على الإطلاق ليس خلاف شخصي بين اثنين أو أكثر، وهو شيء طبيعي لكن يجب ألا ينسحب على علاقات الناس الشخصية..

بالظبط وده الفهم المقصود .. ولو مافي عداوه مافي محبة ..
والحياة حلوه بي مرها .. والناس لابد من اختلافها ده امر طبيعي .
لكن الاختلاف يوصل لتجريح بالقول .. وفي الاخلاقيات .. ده غير مقبول ..

Quote: وأنا دخلت هنا لأعبر عن محبتي للجميع بدون فرز وأطلب السماح من كل إنسان أخطأت في حقه...

تسلم يا نصر الدين وانشاءالله البين الناس يبقى عامر ..
وتتسامح وتحب لي بعض السمح .. والكلمة الطيبة حسنة ..

تسلم ..

ياعفاف الصادق بجد انتي كلامك طيب وكمان طيب ..
وكمان معاك هذا الانسان شول كلامه طيب ..
وطيبة اللسان تجعلكم في قلوبنا جميعا ..
بوست موفق ..
وبوجود امثالكن/م اكيد هناك تطور كبير في قبول الأخر بدون اساءة ..
والاساءة تعبر عن عجز الانسان في مقارعة الحجة بالحجة عشان كدا تلقاه يلجأ الى الاساءة عشان ينتصر لذاته ويخلي الطرف التاني يترك له الساحة لنصر وهمي يزيد من تعنت صاحبه في الاستمرار فيما هو فيه من ضخامة هشة يزيلها يوما ما شخص سرابي وهمي اقوى منه في اللسان الغير ممسوك والذي لايتورع عن قول اي شيء في سبيل الاساءة وجرح الغير ..
فلنسمو ..
شكرا عفاف الصادق ..

محمد ود ابراهيم .. كيفنك

Quote: والاساءة تعبر عن عجز الانسان في مقارعة الحجة بالحجة عشان كدا تلقاه يلجأ الى الاساءة عشان ينتصر لذاته ويخلي الطرف التاني يترك له الساحة لنصر وهمي يزيد من تعنت صاحبه في الاستمرار فيما هو فيه من ضخامة هشة يزيلها يوما ما شخص سرابي وهمي اقوى منه في اللسان الغير ممسوك والذي لايتورع عن قول اي شيء في سبيل الاساءة وجرح

والله كلامك و وصفك للحاصل ... واضح وضوح الشمس ..
عشان كده حقو الناس ما تتمادى فى المهاترات ..
ومرات الموضوع سبب النقاش يكون راح حاصل فارق ..
ربك يهون .. ويا لطيف تلتطف في القول ..

تحية صادقه لشخصك الكريم ..

الأستاذة عفاف

مساء الخير

بوست موفق جدا .. اذ ما أحوج الناس الى أن تنسرب بينهم المودة مهماكان الإختلاف .. !!


فالنسرج أشرعتنا صوب بعضنا كي لا نضيع ... !!

تحياتي

Quote: عاد البدخل هنا ويقول البوست ده فارغ شكيته على الله

ههههههههه



عفاف ربنا يديك العافيه

Quote: عاد البدخل هنا ويقول البوست ده فارغ شكيته على الله ... قصدي الناس كلها تكون حلوه .. وتعتذر لي بعض من المساخات الحاصله هنا

الأستاذة بت الصادق
متبرين منو ما منا البقول كلامك شين
أنتي الصادقة بت الصادقة بنية الكاملين
كلامك سمح تب محفوف بالعديل والزين
الممسوخ شيلوه معاكم أدوه جانب اللين
بخور الباطن كليمة طيبة ما بتدفع فيها ملين

تخريمة:
يا أخوانا "الشكية لي أبيدا قوية"، أقول ليكم حاجة ... في بعض الزملاء الواحد منهم بيفتقد للمنطق
وأدب الحوار ... وبيفتكرك عدوا له ... ويطالب أعضاء المنبر بمقاطعة بوستاتك .. والأغرب من كدا
بطالب الباشمهندس بكري أبوبكر بإبعادك عن المنبر العام .. منتهى التطرف... طيب إذا أبعد كل من يخالفوك
الرأي ... حتحاور وتتكلم مع مين... مع نفسك ؟
أحسب أنه ينبغي علينا على أسوأ الفروض أن نحافظ على شعرة معاوية بيننا... وحوش أبوبكر يسع الجميع.
وعلى ذكر "شعرة معاوية" فهذه مناسبة لنعيد التذكير بقصتها، فقد روي أن أحد الإعراب في عهد
خلافة معاوية بن أبي سفيان، حضر مجلس من مجالس معاوية، وخاطب معاوية قائلا: يا خليفة المسلمين، نرى
الإنتفاضات هنا وهناك في دولة بني أمية، وانت على رأس الدولة عشرون عاما واليا وعشرون عاما خليفة، لم
يتقول أحد على الحكم، كيف سلس لك قيادة الأمة؟
فقال معاوية بن أبي سفيان قولته الكاملة المشهورة وهي: "أني لا أضع سيفي حيث يكفيني سوطي
ولا أضع سوطي حيث يكفيني لساني ولو كان بيني وبين الناس شعرة ما أنقطعت، كانوا إذا أمدّوها
أرخيتها وإذا أرخوها مددتهها".

الأحباب خلوا بيناتنا شعرة معاوية

سلمتم جميعا

الاخت عفاف

سبق وان كتبت موضوع من قبل سنتين هنا عن ثقافة الاستهلاك وثقافة الانتاج وابنت فيها ان المجتمع المنتج لا يابه افراده للمعارك الجانبية بعكس مجتمعات الاستهلاك التي تتصيد الاخطاء لتخلق منها ما تظن انه موضوع مهم
على كل نسال الله ان يهدئ من النفوس

عِفة ....


أريتني لو كنت أول المتداخلين


كان ح أكتب ليك مداحلة
بفتح الخاء

تضمن ليك رؤية واضحة و شفافة لي نفس خط بوستيك دة


بس عشان جيت متأخر كالعادة


ما عندي غير فوق

وبالمناسبة


بوست غير موفق !!


عشان مافي زول يتهمني بتكسير التلج!!!


في السقط دة!!!

*

حامد محمد حامد .. صبحك زين ..
ممنونين لوجودك هنا ..

حبيب نورة .. ونستاذن نورة (حبيبنا كلنا)
صباحاتك ندية ..

Quote: ما عندي غير فوق

يعلي مقامك .. تعرف يا حبيب نورة والله قبل ما اكون زميله هنا ..
كانت تستهويني بوستات ناس كتار هنا ..
لكن الايامات دي الناس فقدت المنطق .. وفقدت الرونق ..
ياخ .. معقول تدخل من الصباح تشوف كلام مكتوب .. تدخل وين ما تعرف ..
تخجل من روحك عديل وتعتذر ليها وتتخارج من البوست ..
يلا بعد داك من حقك طبعا تقيم صاحب البوست .. اها كده كويس ..

Quote: عشان مافي زول يتهمني بتكسير التلج!!! في السقط دة!!!

يا اخوي كسير تلج شنو ؟؟ الايامات دي كسير طوب ودراب عديل كده ..
ربك يطيب النفوس ..

و .. كن كما انت ..

د. محمد حسن .. تحية كبيرة ليك ..

Quote: سبق وان كتبت موضوع من قبل سنتين هنا عن ثقافة الاستهلاك وثقافة الانتاج وابنت فيها ان المجتمع المنتج لا يابه افراده للمعارك الجانبية بعكس مجتمعات الاستهلاك التي تتصيد الاخطاء لتخلق منها ما تظن انه موضوع مهم على كل نسال الله ان يهدئ من النفوس

جميل ما كتبته .. النقاش الغير مجدي يخليك تلف وتدور في حلقه واحده ..
وبالتالي لا وقت للمجادلات الغير مجدية ..
حقو الناس تفكر في المفقود اكتر من الموجود..
لان الموجود اكتره غير مقبول .. والمفقود هو الاجمل ..

تحياتي

الكريم ود الكرم / حمد ابراهيم محمد .. كيفنك ..

Quote: الأستاذة بت الصادق متبرين منو ما منا البقول كلامك شين أنتي الصادقة بت الصادقة بنية الكاملين كلامك سمح تب محفوف بالعديل والزين الممسوخ شيلوه معاكم أدوه جانب اللين بخور الباطن كليمة طيبة ما بتدفع فيها ملين

تسلم على الكلام الطيب وليك اضعاف مثله ..

Quote: يا أخوانا "الشكية لي أبيدا قوية"، أقول ليكم حاجة ... في بعض الزملاء الواحد منهم بيفتقد للمنطق وأدب الحوار ... وبيفتكرك عدوا له ... ويطالب أعضاء المنبر بمقاطعة بوستاتك .. والأغرب من كدا بطالب الباشمهندس بكري أبوبكر بإبعادك عن المنبر العام .. منتهى التطرف... طيب إذا أبعد كل من يخالفوك الرأي ... حتحاور وتتكلم مع مين... مع نفسك ؟

واختلاف الراي لا يفسد للود قضية ..
كتير اخوان طالعين من بطن واحدة أرائهم مختلفة ..
لكن بيأكلوا في ماعون واحمد وبتلاقو في حته واحده ..
وده الشيء البديهي يحصل .. لكن تجريح بعض بالالفاظ السخيفة ده ما مقبول نهائي ..

Quote: فقال معاوية بن أبي سفيان قولته الكاملة المشهورة وهي: "أني لا أضع سيفي حيث يكفيني سوطي ولا أضع سوطي حيث يكفيني لساني ولو كان بيني وبين الناس شعرة ما أنقطعت، كانوا إذا أمدّوها أرخيتها وإذا أرخوها مددتهها".

ياريت تكون شعرة معاوية مرجعنا جميعاً
مودتي لك ولكل من معك ..

Mohamed Foto7li ... يسعد صباحك ..

Quote: ههههههههه

اضحك .. اضحك يا اخوي .. والله ضحكتك كالكلمة الطيبة ..
والله يديك العافية انت كمان ..

طارق كانديك .. يومك سعيد

Quote: فالنسرج أشرعتنا صوب بعضنا كي لا نضيع ... !!

تعرف يا طارق يا اخوي .. مافي شيء بيضيع مكانة الانسان غير لسانه ..
وصدقني تقييم الانسان يبداء من اللسان .. والكلمة الطيبة حسنة ..
واحترام الشخص لي نفسه بيخلي الناس تحترمة وحتى لو كان مخطيء ..
وفي نفس الوقت اسلوبه جميل ..

تحيات طيبات

Quote: يا اخوانا الدنيا شنو فيها ..؟ كلمة طيبة .. وعشره حلوه .. وعلاقات صادقه ..

كلام صاح ياعفاف .........

جنابو .. صباحك مبارك..

Quote: كلام صاح ياعفاف .........

ولا يصح إلا الصحيح ..

تحية (برفع الكاب)

أُختي عفاف،
والله العظيم الدنيا دى ما فيها خير.
أقول قولى هذا، وأستغفر الله لى
ولكم...

معاوية المدير .. يا اخو الانسانية .

Quote: والله العظيم الدنيا دى ما فيها خير. أقول قولى هذا، وأستغفر الله لى ولكم...

نهائي ما فيها خير .. خيرها في معاملة الناس بالحسنه ..

ويغفر لينا وليك ..

تسلم

Quote: لله ومحبة فيكم كلكم .. تعالوا طيبوا خواطركم ..

أُستاذة عفاف
صباح الخير

ربّنا يطيّب النّفوس
ويجعل المحبّة والوعي والعدل ميزاننا لقياس الأمور

لفتة بارعة تستحق الإشادة



بوست ملان

لؤي .. يا هلا بالطله البهيه ..

Quote: ربّنا يطيّب النّفوس ويجعل المحبّة والوعي والعدل ميزاننا لقياس الأمور

يا سلام .. كلام موزون ..
ربنا يجبر بالخاطر ..

مودتي

أُختي عفاف،
الدنيا عندما يرحل عنها إنسان فاضل وخيّر،
أهلنا بيقولوا: الدنيا ما فيها خير.
أي بمعنى إنها لو فيها خير لما تركت الأخيار
يرحلون عنها. لأنها بوجودهم تكون نضرة
وجميلة.
لذلك فهي ليس فيها خير حتى يتعارك الناس
من أجلها، ولاتستحق كلّ هذا لأنها ليست دار
خلود. إنما دار زوال وفناء. عشان كده أهلنا
لمان يكونوا إتنين مشاكلين يقولوا للواحد: أمش
صالح أخوك الدنيا دى ما فيها خير. أي خليك إنت
خيّر ولاتخسر إخوانك من أجل دار زائلة.
العبارة بسيطة يا عفاف لكنها عميقة المعاني وتحتاج
لإنسان متمكن حتى يوفيها حقها. أهلنا ديل عندهم
الحكمة.
يا ناس المنبر والله العظيم الدنيا دى ما فيها خير
فجملوها بصالح الأعمال...

معاوية المدير .. ربي يطول عمرك ..

Quote: أُختي عفاف، الدنيا عندما يرحل عنها إنسان فاضل وخيّر، أهلنا بيقولوا: الدنيا ما فيها خير. أي بمعنى إنها لو فيها خير لما تركت الأخيار يرحلون عنها. لأنها بوجودهم تكون نضرة وجميلة. لذلك فهي ليس فيها خير حتى يتعارك الناس من أجلها، ولاتستحق كلّ هذا لأنها ليست دار خلود. إنما دار زوال وفناء. عشان كده أهلنا لمان يكونوا إتنين مشاكلين يقولوا للواحد: أمش صالح أخوك الدنيا دى ما فيها خير. أي خليك إنت خيّر ولاتخسر إخوانك من أجل دار زائلة. العبارة بسيطة يا عفاف لكنها عميقة المعاني وتحتاج لإنسان متمكن حتى يوفيها حقها. أهلنا ديل عندهم الحكمة. يا ناس المنبر والله العظيم الدنيا دى ما فيها خير فجملوها بصالح الأعمال...

كفيت ... و ,,, وفيت ..
يسلم خاطرك وينجبر ..

يعني almost أغلبية في المنتدى يتفقون على أهمية هذا الموضوع ويذهبون إلى الحد الذي يستنكرون فيه مثل هذه الممارسات وشخصنة الأمور حتى وإن كانت الشخصية التي نقاتلها أو نتهجم عليها غير معروفة لنا إلا من خلال مقالات فقط أى أنها شخصية سايبيرية ، تاني أكرر وأقول طيب إذا كان ذلك كذلك أها المشكلة وين إذن

almulaomar صبحك الله بالخير والسرور

تعرف كلامك في المداخله الاعلى جميل جدا ..
وخاصة مختطافته من كلام حبوباتنا .. ودي امثال جميله ..
ولو اتعمقنا في امثال اهلنا الكبار البضروبها نجدها مدرسة بفصول كاملة ..
اها نجي لى كلامك هنا ..

Quote: يعني almost أغلبية في المنتدى يتفقون على أهمية هذا الموضوع ويذهبون إلى الحد الذي يستنكرون فيه مثل هذه الممارسات وشخصنة الأمور حتى وإن كانت الشخصية التي نقاتلها أو نتهجم عليها غير معروفة لنا

يا almulaomar بمجرد ما دخلنا هنا وخاطبنا بعض ودخلنا في حوار مشترك ..
إذا نحن بينا التواصل .. اي كان نوعه إذا التقينا اما لا ..بس كانت بينا كلمة ..
فلماذا لا نجعل هذه الكلمة طيبة بيننا سبب في تحقيق شوفتنا لي بعض ..
مهما تكون الشخصية غير معروفة يجب احترامها لكي يزيد الاحترام اكتر عندما نعرفها..

Quote: أنها شخصية سايبيرية ، تاني أكرر وأقول طيب إذا كان ذلك كذلك أها المشكلة وين إذن

شخصية سايبيريه في حالة انه الشخصية دي اغلقت نفسها في هذا الاطار .. فهذا من حق الشخصية ..
اما إذا فرضت نفسها ودخلت في جدال ونقاش مهما كان نوعه .. فيفترض احترام النقاش ..
وتبادل المواضيع بالنفس البارد .. فالموجودين هنا .. مهما كانت أساليبهم ونوع نقاشهم ..
علينا احترامهم . بمجرددخولهم هنا في هذا المكان . واحترام المكان في احترام الموجودين فيهو .

لك كل الود مني ..

استاذة / عفاف

صباح الخير

شكرا علي هذا البوست التسامحي الجميل

وقالو قديما :


الكلمة الطيبة وانت كانت كاذبة تحيي
والكلمة الخبيثة وان كانت صادقة تميت

دائما اطيب خاطر الغالي

واسامحك لو نسيت

هارون دياب .. يا كريم كيف حالك ..

Quote: الكلمة الطيبة وانت كانت كاذبة تحيي والكلمة الخبيثة وان كانت صادقة تميت

يكرر .. للاستفادة ..


شكرا لوجودك هنا ..

شكرا .. هارون ..
شكرا .. للمبدعة اسرار ..
والف رحمة تنزل على المرحوم عثمان حسين ..

ونردد..

Quote: دائما اطيب خاطر الغالي واسامحك لو نسيت

Quote: "أني لا أضع سيفي حيث يكفيني سوطي ولا أضع سوطي حيث يكفيني لساني ولو كان بيني وبين الناس شعرة ما أنقطعت، كانوا إذا أمدّوها أرخيتها وإذا أرخوها مددتهها".

دي شعرة معاوية ..

الأستاذة عفاف - سلام

عرف عن معاوية بن أبي سفيان، باني الدولة الأموية، الدهاء السياسي
والحكمة البالغة في تولي زمام الامور، ومن أقواله:
"ما من شيء ألذّ عندي من غيظ أتجرّعه".
قيل لمعاوية‏:‏ أيّ الناس أحبّ إليك قال‏:‏ أشدّهم لي تحبيبًا إلى الناس‏.
وقال: "إنّي لأرفع نفسي من أن يكون ذنبٌ أعظم من عفوي، وجهلٌ أكبر من حلمي، وعورة لا أواريها بستري، وإساءة أكثر من إحساني"‏.
وقال معاوية لعبد الرحمن بن الحكم‏:‏" يا ابن أخي إنّك قد لهجت بالشعر فإيّاك والتشبيب بالنساء فتعيّر الشريفة، والهجاء
فتعيّر كريمًا وتستثير لئيمًا، والمدح فإنه طعمة الوقاح، ولكن افخر بمفاخر قومك وقل من الأمثال ما تزيّن به نفسك وتؤدّب به غيرك‏".

سلمتم

الخصام والتسامح فى سياق الاغنية السودانية

من اين تجئ تلك الجفوة فى اغنياتنا ؟ولماذا نغنى للخصام ؟فيما التسامح احلى ؟إذا علمنا ان طبيعة البشر تحوى تلك الخاصية فى متنها ، مع ذلك هناك من لا يرتضى الاعتذار مهما كان المعتذر ، ونزعم ان للاغنية السودانية دور فى تركيبتنا النفسية والمزاجية الى حد كبير فهى تشكل المرجعية لكثير من الناس باعتبار ان الاذاعة كانت هى مصدر التلقى الوحيد اذا علمنا ان معظم المستمعين من انصاف المتعلمين والاميين يحفظون ما تنبر به حفظا اصما ولم تسهم بالتالى فى احكام السيطرة المعرفية الدقيقة كما تعمل الاذاعة فى السابق التى استطاعت ان تجذب المستمع لمدة طويلة ونزعم ان عنصر الجذب ذلك ما تزال اصداؤه ممتدة ولانزعم بغير ذلك للاذاعة السودانية التى كونت المخيلة وكثير معارف للمواطن العادى لكنها لم تبادر الى توعيته سلوكيا مع انها كانت تقدم الكثير من البرامج الدرامية ومعروف تاثير الدراما فى البشر بخاصة الذين لم يتلقوا تعليما ، لكنها تركت (الاذاعة) الامر للغناء فصارت الاغنية رسول المحبة والكراهية فى آن واحد
و باتت تكرس بالتالى لمفهوم عدم قبول الاعتذار كقيمة اجتماعية مما يؤكد بعض زعمنا فى ان الكثير من الاغنيات تحمل تلك الثيمة
انا لو عارف خصامك
لى ايامو بتطول
كنت ما اترددت لحظة
لما حار بى الدليل
لكن الشاعر والمغنى فى سياق آخر يعودا ملؤهما الاسف وينسيا معا
انسي ظلمك وارجع احن لك
وانسى كل الراح قبيل
اذن نحن امام (ثيمتين) فى اغنية واحدة ، الاولى كانت الخصام ، الاخرى كانت التسامح لكن لان تلك النزعة تأصلت فى سياق الاغنية فانها مرة اخرى تنحو باتجاه الخصام وهذه المرة مع سبق الاصرار والترصد
جاى تفتش الماضى
خلاص الماضى ولى زمان
قطيعة ابدية لا لسبب سوى ان الشاعر محتشد داخله بتلك النبرة المتعالية الرافضة للتسامح

وعزة نفسى مابية على اسلم نفسى ليك تانى
سنين الهجر بيناتنا وحاجات تانية حاميانى

ولن يدرك احد قط ماهى هذه ( الحاجات التانية ) فهى مسكوت عنه محظور على كل الناس ان يعرفوا او يدركوا ماهو ؟
مع اننا نجد ان فنان آخر عثمان حسين اثرى وجداننا وحاول الى صياغته صياغة انسانية وتعمد الى ارساء قيمة التسامح فى سياق اغنيته ، اذ يقول


دايما اطيب خاطرك الغالى واسامحك لو قسيت

مع اننا ندرك ان البساطة والتسامح لا تعنى الضععف ، لكن هنا فى السودان تعنى الضعف وتجد ان من يعتذر يوسم بتلك الصفة بل انه يوضع فى خانة الخواجة او الهندى اى فى كلا الحالتين ( الغريب ) مع ان التسامح مكتوب فى امثالنا ( المسامح كريم ) لكن فى الغناء لا مناص من انه مهزوم ،انظر الي هذه الكلمات

من بعد ما فات الاوان
الليلة جاى بتعتذر
وترجع ايامنا الزمان ؟
من وين اجيب ليك العذر

بالقطع انت لن تشتريه من البقالة او الحانوت ، لكنه فى دفق مشاعرك ان كانت قد تبقت والسؤال هو هل كانت الجريمة تعادل العقاب ؟

لو طلعت القمرة وجيت
لو حلفت برب البيت
ما بريدك مهما بقيت
غلطة كانت وتانى ابيت

هل هى( هاشمية)ام قوة ؟ ام تحدى ؟ لكننا واجدون من يكرس لقيمة انسانية تكمن فى التسامح

برضو غلطان بعتذر
سامحنى غلطان بعتذر

وهنا يحدث ثمة تداع من جانب الحبيب باتجاه حبيبه

لو مر اسمك فى البعيد شايلو الصدى
وبل النسايم الحلوة بقطر الندى
خليك امين فى العشرة لاخر مدى
كيف تنسي لهفة قلبى ليك
تنسى الحنان الكان لديك

وتجد آخرا مستميتا فى حبه مهما كانت درجة الخصومة للحد الذى يجعلنا نضعه فى خانة ( تعذيب الذات )

تخاصم وتفتكر احساسى يتبدل ؟

وفى اغنية اخرى يقودنا الى حد التعاطف معه

اعمل ليك ايه لو ترجعلى تانى ؟
اعزف ليك عود ويغرد كمانى

ولعلنا لا نجد تفسيرا لتركيبة الشخصية السودانية الا من خلال الاغانى فهى معلمه الاول ومربيه الذى لم يحسن تربيته لانه جعل منه شخص هوائى بلغة اهل علم النفس ومتقلب المزاج الى حد كبير

استاذة عفاف

اهنيك علي فتحك لهذا الموضوع الذي ان دل فهو يدل علي قلب كبير ونفس متسامحة
فعلا كثرت موخرا المناكفات وارتفعت اصوات الخلافات وهي سلوك غير متحضر
يمكن للجميع ان يحلوا خلافاتهم بالحوار والنقاش بعيدا عن التعصب
للاسف هناك بعض الاقلام تفتقد لاسلوب الحوار الراقي وتنحو للاساءات وهنا تبدا المشكلة

عموما العفو والعافية
وربنا يهدئ النفوس

Quote: دي شعرة معاوية ..

وحاتك يا عفاف صلعتي عدمانة أسم الشعرة،
يعني جبنة عدييييل كده.
مشكورة على المجاملة...








العكسة دى ظريفة قلت العبها على الطاير
نرطب بيها البوست شوية.
معذرة...

الله محبة
والعفو اسمى الفضائل
لك محبتي ابدية
ولكم العفو والعافية

بت الصادق كيفنك
آخرها كوم تراب
انا غايتو عافي من الناس كلها
ومتمني الناس كلها تعفى مني

طارق ود جبريل ..
تحية من المشرق للمغرب .. والورود تتناثر بين المسافات ..

Quote: انا غايتو عافي من الناس كلها ومتمني الناس كلها تعفى مني

تعرف ياطارق يا اخوي المحبة والخوة الصادقة والزمالة والرفقة الطيبة ..
تبداء بالكلمة السمحة .. والمعاملة الحسنة .. ولابد من وجود الكلمة الطيبة ..
عشان الناس محبتهم تقودهم لاكتساب فضل كلمة محبتك لاخوك في محبتك لله ..
ودام السمح بينا كلنا يارب ..
نسأل الله ان نلتقى في اليوم العظيم و في محبة رسولنا وحبيبنا وقدوتنا ..
سيدنا محمد صلى الله عليه وسلم ...

لك الود

استاذنا .. محمد السني .. سلام ومحبة ..

Quote: الله محبة والعفو اسمى الفضائل لك محبتي ابدية

ولك كل الود والتقدير ..
يا صاحب الورد الجميل ..

معاوية .. كيفنك

Quote: العكسة دى ظريفة قلت العبها على الطاير نرطب بيها البوست شوية.

وجودك يزين البوست يا اخوي
مرحب بيك والمكان مكانك .. ياطيب القول ..

معاوية .. كيفنك

Quote: العكسة دى ظريفة قلت العبها على الطاير نرطب بيها البوست شوية.

وجودك يزين البوست يا اخوي
مرحب بيك والمكان مكانك .. ياطيب القول ..

معاوية .. كيفنك

Quote: العكسة دى ظريفة قلت العبها على الطاير نرطب بيها البوست شوية.

وجودك يزين البوست يا اخوي
مرحب بيك والمكان مكانك .. ياطيب القول ..

الكريم .بكري .. سلاك يغشاك

Quote: للاسف هناك بعض الاقلام تفتقد لاسلوب الحوار الراقي وتنحو للاساءات وهنا تبدا المشكلة

يجب علينا التصالح مع انفسنا اولا وغسل الاحقاد من دواخلنا ..
وان نميز ونضع لانفسنا مكانة قبل ان نضعها لغيرنا ومن ثم نبداء النقاش ..
الله يطيب النفوس ..

تسلم

Quote: ليس في هذه الدنيا ما يستدعي العداوة والبغضاء ياست العفاف والنقاء

كلام الاستاذ ( الموصلي) ده كلام فنان
وفي الفانية دي كلنا ضيوف
ولكن المعامله الطيبة والكلام الطيب
والبسمة العريضة في وجه الغير وتطييب الخواطر
لاتصدر إلا من بداخلة فنان






-----------------------
شكرا ياست العفاف والنقاء على هذا البوست الطيب

وليد ود عبداللطيف .. سلام صافي ونقي.

Quote: ولكن المعامله الطيبة والكلام الطيب والبسمة العريضة في وجه الغير وتطييب الخواطر لاتصدر إلا من بداخلة فنان

يجب ان يكون كل السمح والطيب في دواخلنا ..
حتى تصل المحبة الصادقة لي نفوسنا ..
والمحبة تبداء بالكلمة الطيبة ...
وعدم التجريح في القول ..
والكلام الشين منكور .. والكلمة هي البتقيم الشخص وتحدد مكانته ..

لك الود اطنان يا وليد ..

استاذة سلمي بت الشيخ ..
سعيدة انا وانتي تزيني البوست بالكلام المنتقى الجميل ..
ولاختيارك :

Quote: الخصام والتسامح فى سياق الاغنية السودانية

حقيقة مداخله جميلة فيها كثير من المعاني النفيسه ..

Quote: ولعلنا لا نجد تفسيرا لتركيبة الشخصية السودانية الا من خلال الاغانى فهى معلمه الاول ومربيه الذى لم يحسن تربيته لانه جعل منه شخص هوائى بلغة اهل علم النفس ومتقلب المزاج الى حد كبير

انحني اليك إجلالا ..

وارجو المواصلة

حمد اخوي .. يسعد صباحك

Quote: ولكن افخر بمفاخر قومك وقل من الأمثال ما تزيّن به نفسك وتؤدّب به غيرك‏".

والمثل بقول .. الملافظ الحلوه تسعد صاحبها ..
لو تقول كلام جميل وتسعد بيهو غيرك حتما يسعدك قبل غيرك..\

شكرا حمد .. وخليك قريب ..

سألني بعد الزوار لسودانيز ون لاين عن بعض المهاترات التى تتم بين الاعضاء ..
وناقشة وحاولت ارفع من قدر الناس الاصلو مرفوع فى نظري , للناس الما بتعرفهم ..
لكن لم اجد احدهم يقنع بما اقول .. واجزمت لهم بان تلك اختلافات داخل المنبر ...
ولكن خارجه اخوة اعزاء .. وذلك تجميل مني ..

حسن الملافظ .. يعكس شخصية المتلفظ ..

وبما انه الايامات دي كل الاجواء ملبده بالسياسة وما ادارك ما السياسة..
وتقرير المصير للناس القاعده منتظرة المستقبل الاتي ..
بالله عليكم اتجادلوا واشرحو برامجكم بالاساليب البترقى للسياسة ..
مش تدونا كلمة حلوه وبعدها لفظ لا يقبل ..
الوقت لا يحتمل القول القبيح ..
ونحن في انتظار فطالحة المنبر .. حتى نطلع بالمفيد سياسيا ..


وسودانا فوق بالقول والفكر الجميل ..

الأستاذة عفاف – سلام كتير كتير

أحسب أن هذا البوست مهم، وأهميته في أنه أولا: يطرح قضية الحوار للوصول إلى اتفاق أو توافق على بعض القضايا التي تهم وطن أو مجتمع معين، ثانيا: هو حوار لإيجاد نوع من الإلفة والحميمية وتعاطي إنساني بين مجموعة من الناس قدر لهم أن يكونوا في موقع معين أو لنقل حوش "بكري أبوبكر" تحديدا.
وينبغي أن لا يمر على هذا البوست مرورا عابرا مثل ما سبقه كما قرأنا هنا، وأمل من الإخوة اعضاء المنبر أن يولوه الاهتمام اللازم حتى نضع بوصلة وخريطة توجه سلوكنا نحن الآخر ونلامس إنسانية الإنسان.

الله تعالى يقول: "ولو شاء ربك لجعل الناس أمة واحدة ولا يزالون مختلفين . إلا من رحم ربك ولذلك خلقهم " ..

وتعريف الحوار لغة: الحور هو الرجوع عن الشيء إلى الشيء.
وفي لسان العرب: يتحاورون أي يتراجعون الكلام.
وفي الاصطلاح: مناقشة بين طرفين أو أطراف، يقصد فيها تصحيح كلام، أو إظهار حجة وإثبات حقّ، أو دفع شبهة ورد الفاسد من القول والرأي.
* والحجة والبرهان* .. من أهم ضوابط الحوار.
وقد قيل : " إن كنت ناقلا فالصحة ، أو مدعيا فالدليل " ..
ومن آداب الحوار كما يقول العلماء –كابي حامد الغزالي في الاحياء- أن تحاوره فلا تتعرض لشخصه ,ولا لنسبه وحسبه واخلاقه, وانما تحاوره على القضية. والحرص على حسن الكلام، والبعد عن التجريح والاتهام .. والبعد عن الغمز والهمز واللمز ..
ويقول الشافعي أيضا: والله لوددت أن يظهر الله الحق ولو على لسان الخصم.
يقول احدهم وهو يحاور خصمه:
أكنيه حين أناديه لأكرمه
ولا القبه والسوءة اللقبُ
كذلك اُدبت حتى صار أدبي
إني وجدت ملاك الشيمة الادبُ
يقول الشعر الفحل ابو تمام يمدح الخليفة المتوكل:
وتراه يصغى للحديث بقلبه
وبلبِّهو لعله ادرى به!

يقال أن عيسى عليه السلام راي كلباً تزاحم في طريقه , واراد عيسى عليه السلام ان يدخل من الطريق ,فقال عيسى للكلب مر بسلام ! قالوا: يا روح الله تقول للكلب مر بسلام ! قال: لا أريد أن أعود لساني البذاءة.
ويقول عليه الصلاة والسلام : " ليس المؤمن بالطعان ولا اللعان ولا الفاحش البذئ "
المسلم مثل النخلة ترميها بحجر فترد عليك رطباً, تسب المسلم يقول: سلاماً, (واذا خاطبهم الجاهلون قالوا سلاما) ]الفرقان:63 .
وهنا دستور الأخلاق بالفطرة عند حاتم الطائي الجاهلي، يقول:
وكلمة حاسدٍ من غير جرم
سمعتُ, فقلت مُرّي فانفذيني
وعابوها عليَّ ولم تعبني
ولم يندي لها أبدا ًجبيني
وروي عن الخليفة عمر بن عبدالعزيز أنه دخل إلى جامع بني أمية في دمشق للصلاة, وكانت السراج مطفأة ,فداس برجله رجلاً نائماً فقام النائم وقال: أحمار الذي وطأني ؟ قال: لا, أنا عمر بن عبد العزيز ولست حماراً !
وسالم بن عبد الله بن عمر العالم الكبير زاحمه رجل في الطواف فنظر إليه الرجل فقال لسالم: أنت رجل سوء , قال : ما عرفني إلا أنت !
ومن ضمن ذلك يقول خليفة المسلمين أبوبكر الصديق – رضي الله عنه، حين أراد رجل سبه فقال له: والله لاسبنك سبا يدخل معك القبر – أي مع أبي بكر رضي الله عنه- , قال أبوبكر: بل يدخل معك في قبرك ولا يدخل معي في قبري !
وأيضا حاتم الطائي يقول:
وأُعرض عن سبِّ الكريم إدخاره
وأعرض عن شتم اللئيم تكرما
روى أنس بن مالك رضي الله عنه عن النبي صلى الله عليه وسلم أنه قال: فإذا رأيت شحا مطاعا، وهوى متبعا، وإعجاب كل ذي رأي برأيه، فعليك بخويصة نفسك ودع أمر العوام.
ويقول الشافعي لبعض من حاوره في مسالة اختلفوا فيها : إليس من الحق أن نبقى إخوة ولو اختلفنا في مسالة ؟ قالوا: بلى, قال : فنحن إخوة, أو كما ورد عنه في سيرته.

سلمتم

الاكرم حمد .. تحية مقدرة

Quote: أحسب أن هذا البوست مهم، وأهميته في أنه:أولا: يطرح قضية الحوار للوصول إلى اتفاق أو توافق على بعض القضايا التي تهم وطن أو مجتمع معين، ثانيا: هو حوار لإيجاد نوع من الإلفة والحميمية وتعاطي إنساني بين مجموعة من الناس قدر لهم أن يكونوا في موقع معين أو لنقل حوش "بكري أبوبكر" تحديدا. وينبغي أن لا يمر على هذا البوست مرورا عابرا مثل ما سبقه كما قرأنا هنا، وأمل من الإخوة اعضاء المنبر أن يولوه الاهتمام اللازم حتى نضع بوصلة وخريطة توجه سلوكنا نحن الآخر ونلامس إنسانية الإنسان.

لك الشكر وانت ترفع البوست لاهميته .. حقيقي كل ما كتبته هنا هو المعنى بالظبط .. وكل القصد من هذا البوست هو تقدير الناس لبعضها البعض والتواصل دون اللجوء للالفاظ الجارحة .. ومهما الناس اختلفت هناك ما يجمعها وهي سودنتنا وطيبتنا وتربيتنا ..

لك الود

Quote: الله تعالى يقول: "ولو شاء ربك لجعل الناس أمة واحدة ولا يزالون مختلفين . إلا من رحم ربك ولذلك خلقهم " ..

نسأل الله ان ينزل رحمته عليهم جميعاً .. وان يثبت الكلم الطيب ..

اخي حمد

Quote: وتعريف الحوار لغة: الحور هو الرجوع عن الشيء إلى الشيء. وفي لسان العرب: يتحاورون أي يتراجعون الكلام. وفي الاصطلاح: مناقشة بين طرفين أو أطراف، يقصد فيها تصحيح كلام، أو إظهار حجة وإثبات حقّ، أو دفع شبهة ورد الفاسد من القول والرأي. * والحجة والبرهان* .. من أهم ضوابط الحوار. وقد قيل : " إن كنت ناقلا فالصحة ، أو مدعيا فالدليل " .. ومن آداب الحوار كما يقول العلماء –كابي حامد الغزالي في الاحياء- أن تحاوره فلا تتعرض لشخصه ,ولا لنسبه وحسبه واخلاقه, وانما تحاوره على القضية. والحرص على حسن الكلام، والبعد عن التجريح والاتهام .. والبعد عن الغمز والهمز واللمز .. ويقول الشافعي أيضا: والله لوددت أن يظهر الله الحق ولو على لسان الخصم. يقول احدهم وهو يحاور خصمه: أكنيه حين أناديه لأكرمه ولا القبه والسوءة اللقبُ كذلك اُدبت حتى صار أدبي إني وجدت ملاك الشيمة الادبُ يقول الشعر الفحل ابو تمام يمدح الخليفة المتوكل: وتراه يصغى للحديث بقلبه وبلبِّهو لعله ادرى به!

كفيت ..و....وفيت

Quote: ويقول الشافعي لبعض من حاوره في مسالة اختلفوا فيها : إليس من الحق أن نبقى إخوة ولو اختلفنا في مسالة ؟ قالوا: بلى, قال : فنحن إخوة, أو كما ورد عنه في سيرته

اخي حمد .. تحية كريمة ..
تعرف مهما اختلفنا ومهما كانت هناك وجهات نظر لانتفق فيها .. يجب ان يتم ذلك بالحوار الهادئ وبالكلمة الطيبة .. ليس هناك سبب يجعلنا نحقر بعضنا باالكلمات السخيفة دون مراعاة للغير .. وفي نفس الوقت نعي بان الكلمة النتنه تبقى لاصقه بصاحبها ولا تنسى .. فلماذا نترك الاثر القبيح يسيطر على الطيب فينا ..
والشيء المؤسف والمؤسف جدا .. هناك اشخاص دون ذكر الاسماء يختلفون مع بعضهم ويقحمونا معهم بالفاظهم الغظة .. وده شيء غير مقبول .. نحن ارتقينا للوصول الى هنا فلماذا لا نحترم المكان الذي جمعنا .. نحن كلنا ضيوف بعضنا البعض فلنحترم انفسنا كضيوف وكمضيافين ..

مودتي لكم جميعاً

Quote: يا اخوي قلبي وجعني ادخل من الصباح المكتب واول شيء اعمل تمام هنا .. ادخل اشوف المحن .. نحن قاعد نتنفس هنا عشان كده عايزين النفوس تكون متطايبه .. نحن ناقصين مشاكل .. ده شنو ده ياخ .. كلمة واحده تجرجر لمليون كلمة مافى محلها .. غايتو الله يطيب النفوس ..

وحات الله مليان لمن مدفق يا عفاف

تسلمى و الله اديك الف عافية والعفو العافية للجميع حين ميتين

حباب يوسف ود ابوسنينه ..

Quote: وحات الله مليان لمن مدفق يا عفاف تسلمى و الله اديك الف عافية والعفو العافية للجميع حين ميتين

والله يا يوسف يا اخوي ما طالبني حليفه ..
تدخل البوست يكون ماشي كويس وتعرف وتفهم الحاصل شنو في الدنيا دي ..
وخاصة نحن المعتمدين على المواضيع المهمة والاخبار من هنا ..
فجاءة ينحرف البوست ويتبشتن وتندم على الدخلك فيهو ..

ياربي تهديئ النفوس ..

Quote: ويقول الشافعي أيضا: والله لوددت أن يظهر الله الحق ولو على لسان الخصم. يقول احدهم وهو يحاور خصمه: أكنيه حين أناديه لأكرمه ولا القبه والسوءة اللقبُ كذلك اُدبت حتى صار أدبي إني وجدت ملاك الشيمة الادبُ يقول الشعر الفحل ابو تمام يمدح الخليفة المتوكل: وتراه يصغى للحديث بقلبه وبلبِّهو لعله ادرى به!

حقيقي مدرسة

Quote: أحسب أن هذا البوست مهم، وأهميته في أنه أولا: يطرح قضية الحوار للوصول إلى اتفاق أو توافق على بعض القضايا التي تهم وطن أو مجتمع معين، ثانيا: هو حوار لإيجاد نوع من الإلفة والحميمية وتعاطي إنساني بين مجموعة من الناس قدر لهم أن يكونوا في موقع معين أو لنقل حوش "بكري أبوبكر" تحديدا. وينبغي أن لا يمر على هذا البوست مرورا عابرا مثل ما سبقه كما قرأنا هنا، وأمل من الإخوة اعضاء المنبر أن يولوه الاهتمام اللازم حتى نضع بوصلة وخريطة توجه سلوكنا نحن الآخر ونلامس إنسانية الإنسان.

يا عالم ..

Quote: عاد البدخل هنا ويقول البوست ده فارغ شكيته على الله .. قصدي الناس كلها تكون حلوه .. وتعتعاد البدخل هنا ويقول البوست ده فارغ شكيته على الله .. قصدي الناس كلها تكون حلوه .. وتعتذر لي بعض من المساخات الحاصله هنا .. ذر لي بعض من المساخات الحاصله هنا ..

والله كان عفاف الصادق العلمتنا الاستماع للإداعة يكون تلومت في حقك
علا معدنك لا يقل عنها مثقال خردلة

شكرا لدعوتك الإنسانية المأنسنة
وربنا يجنب النفوس شرورها ومرضاها

اخونا ادم صيام .. سلام يغشاك

Quote: والله كان عفاف الصادق العلمتنا الاستماع للإداعة يكون تلومت في حقك علا معدنك لا يقل عنها مثقال خردلة

الاستاذة عفاف الصدق حمدالنيل .. علمتنا كل جميل ..
وانا ... عفاف الصادق بابكر الما حمدالنيل ..
وافخر ان يقترن أسمي بإسمها.. شريكة أستاذي ابوعركي البخيت

تسلم لمرورك العطر ..

Quote: وربنا يجنب النفوس شرورها ومرضاها

اللهم آميييييييييين

سبحان الله لما فتحت البوست ده اتخيلته انه الواحد لو فارق البسيطه ..
يخلف شنو وراهو ..؟ وسألت نفسي كتييير .. واظن الكلمة الطيبة ..
هي المفرده الوحيدة الباقية في حياة الانسان ومماته ..

رحم الله معتصم بقدر ما ترك اثر طيب في نفوس الجميع ..
وكان لنا غدوه حسنة وفي موته مدرسه تعلمنا منها ان الدنيا فانيه ..

ولا تبقى إلا الذكرى الطيبة