معقوله بوست للجكس والكسير

معقوله بس الحاصل ده


يعني يجي زول يفتح بوست


ونشارك بطيب خاطر


وفي النهايه نلقي صاحبنا\ صاحبتنا



مكسر\ه


الله يجبر كسرك ويعرس ليك ياخ


عشان تعرف الكسير الجد جد



:)

ما تكون قاصدني

الحبيب محمد زكريا


اكيد ما قاصدك انت



بس بيني وبينك قاصد كم نفر من الناس التاوقة وزاغة من الكم وخمسين نفر ديل


:)


معزتي واحترامي

أندريه
ونحن أناس لا تكسر بيننا لنا الجكس دون العالمين أو القبر
مع الإعتذار للشاعر أبو فراس الحمداني في قبره
أندريه الكسير هو حالة كده لم يتفق ناس علم النفس على تسميتها بعد خاصة وأن المُكسر والمُكسر فيه أو به شخصيه تتمترس من وراء حجاب وربما تكون العكس تماماً في النوع ما بقيت سايبيرية يعني الواحد يقول ليك مثلاً دولي تقوم تتريح وتتصلح وتتنحنح وتكب الحنان ظناً – والظن في الحته دي بالذات إثم (وفعل) – أنك تخاطب دلال ، وتتفاجأ و قد لا تفعل بحسب صبر أيوب لدى الطرف الأغر (عفواً الآخر) وممارسته للعبه أريكا ، عمياء إلى أن تعفص الخط وتنتهي اللعبة بخسارتكم للمنافسة ، أها إتخيل دولي دي تطلع ليك واحد لابس ليهو نضارات والرأس نصف رأس أو قل خمسة وعشرون بالمائة والباقي صحراء جرداء والشنب نص رباط المهم حاجه تحير وتغير إتجاه الزول. هنا يمكن أن تحدث العديد من الصدمات في أدناها الصدمة العاطفية التخلي الواحد يمرق من النت.
يا أخي خليهم يكسروا ويتكسروا ويتدشدشو ديل ناس بشوفو في المرأة شكلها لا عقلها.
واحد جمبي سخيف كده قال لي سمعت ليك شاعر غني لي عقل إمرأة مش كلهم العيون والسنون والنهود والشعر والمش عارف إيه.
أندريه ودعتك الله يا أخوي الزول دا كان ما قام من جنبي حا يقدني بي دخان سجارتو البرنجي دي

Quote: ونحن أناس لا تكسر بيننا لنا الجكس دون العالمين أو القبر مع الإعتذار للشاعر أبو فراس الحمداني في قبره أندريه الكسير هو حالة كده لم يتفق ناس علم النفس على تسميتها بعد خاصة وأن المُكسر والمُكسر فيه أو به شخصيه تتمترس من وراء حجاب وربما تكون العكس تماماً في النوع ما بقيت سايبيرية يعني الواحد يقول ليك مثلاً دولي تقوم تتريح وتتصلح وتتنحنح وتكب الحنان ظناً – والظن في الحته دي بالذات إثم (وفعل) – أنك تخاطب دلال ، وتتفاجأ و قد لا تفعل بحسب صبر أيوب لدى الطرف الأغر (عفواً الآخر) وممارسته للعبه أريكا ، عمياء إلى أن تعفص الخط وتنتهي اللعبة بخسارتكم للمنافسة ، أها إتخيل دولي دي تطلع ليك واحد لابس ليهو نضارات والرأس نصف رأس أو قل خمسة وعشرون بالمائة والباقي صحراء جرداء والشنب نص رباط المهم حاجه تحير وتغير إتجاه الزول. هنا يمكن أن تحدث العديد من الصدمات في أدناها الصدمة العاطفية التخلي الواحد يمرق من النت. يا أخي خليهم يكسروا ويتكسروا ويتدشدشو ديل ناس بشوفو في المرأة شكلها لا عقلها. واحد جمبي سخيف كده قال لي سمعت ليك شاعر غني لي عقل إمرأة مش كلهم العيون والسنون والنهود والشعر والمش عارف إيه. أندريه ودعتك الله يا أخوي الزول دا كان ما قام من جنبي حا يقدني بي دخان سجارتو البرنجي دي

الملا الحبيب


نقول شنو ونسيب شنو بس


وبعيد ما البرنجي اطيب من ابو نخله ذاتو :)


وصورة البروفايل ذاته رهيبه :)


بس بيني وبينك انا قاصد ناس الاشهار ديل

والمحاصره في حته ضيقه


محبتي واعتزازي

أندريه
زميلة المنتدى رشا كتبت تحت عنوان "لابد من العودة وإن طال الغياب" وفي البوست دا بالذات يعني تقدر تقول أنني قمت شخصياً بتكسير لوح إلا ربع تلج.
زولي أب سجارة برنجي قال لي دا ميل فطري وإن كان البعض بديها كوز من عندو يعني بزودها حبتين وهنا الواحد بيكون كسر ليهو لوح كامل

Quote: بديها كوز من عندو

اها دي مصنفه بالقويه :)

يا معلم!

عشان ما تقول تاوقنا وزوقنا ..
سلام يغشاك في القبل الاربعه ..

في انتظار الباقي ..

Quote: يا معلم!

معلم تلج والا بطيخ


حدد علشان الواحد يلبس عدة الشغل



وبعدين يالحبيب انا طالبكم اكلت بطيخ انت وشول في جناين الكدرو


معقوله بس



محبتي الاكيده

ستي عفاف الله يسلمك ويسعد كل ايامك



احترامي وتقديري