Post: #1
Title: ***** المشـــاهدة لغـير المتـــزوجات فقــط ****
Author: منال
Date: 01-12-2010, 02:31 PM
Parent: #0
المشاهدة لغير المتزوجات فقط
الرومانسية فى المسلسلات المدبلجة اصبح حلم يراود السودانيات
فى صحوهن ومنامهن
واصبح البعض يفكر بان تضم الافلام والمسلسلات الرومانسية
الى قائمة الممنوعات السوداء
التى يحظر تعاطيها من قبل الزوجين حتى يضمنو
بقاء حياتهم الزوجية على قيد الحياة
احدى السودانيات قالت وهى بتشاهد نور ومهند
الحياة النحنا عايشنها دى بتسموها حياة(وش متعاطف معاها)
الساعة الرابعة مساء كل يوم تكون اغلبية نساء السودان فى ثبات عميق
الله يصبرنا عليك ياشهر فبراير شكلك جاينا مولع ناااار ..
|
Post: #2
Title: Re: ***** المشـــاهدة لغـير المتـــزوجات فقــط ****
Author: سيف النصر محي الدين محمد أحمد
Date: 01-12-2010, 02:55 PM
Parent: #1
Quote: الساعة الرابعة مساء كل يوم تكون اغلبية نساء السودان فى ثبات عميق
|
كان احسن لو قلتي "اغلبية نساء الخرطوم " .
السودان بلد كبير زي ما عارفه .
|
Post: #3
Title: Re: ***** المشـــاهدة لغـير المتـــزوجات فقــط ****
Author: صديق الموج
Date: 01-12-2010, 03:07 PM
Parent: #2
منال كيف حالك
غايتو السودانيين بقوا
(امة مهند)
لووووووووووول،،،
|
Post: #4
Title: Re: ***** المشـــاهدة لغـير المتـــزوجات فقــط ****
Author: على محمد على بشير
Date: 01-12-2010, 03:34 PM
Parent: #3
والبنوم نسوان السودان العصر شنو يا منال ؟
وبرضو دايرات يعاملوهن زى نور وهن نايمات
|
Post: #12
Title: Re: ***** المشـــاهدة لغـير المتـــزوجات فقــط ****
Author: منال
Date: 01-12-2010, 10:13 PM
Parent: #4
Quote: والبنوم نسوان السودان العصر شنو يا منال ؟
وبرضو دايرات يعاملوهن زى نور وهن نايمات |
هههههههههههههههههه
لاحولااااا ياعلى
ياخ ما نايمات مع المسلسل
بكونو خارج الشبكة من 4 ل 5
|
Post: #10
Title: Re: ***** المشـــاهدة لغـير المتـــزوجات فقــط ****
Author: منال
Date: 01-12-2010, 10:06 PM
Parent: #3
Quote: منال كيف حالك
غايتو السودانيين بقوا
(امة مهند)
لووووووووووول،،، |
بالضبط كده ياصديق
|
Post: #9
Title: Re: ***** المشـــاهدة لغـير المتـــزوجات فقــط ****
Author: منال
Date: 01-12-2010, 10:03 PM
Parent: #2
Quote: كان احسن لو قلتي "اغلبية نساء الخرطوم " .
السودان بلد كبير زي ما عارفه . |
مااابتفرق ياسيف ....
|
Post: #5
Title: Re: ***** المشـــاهدة لغـير المتـــزوجات فقــط ****
Author: الرشيد البصيلى
Date: 01-12-2010, 03:57 PM
Parent: #1
يا منال خليها على الله ما سمعتى بالقصة دى :
الراجل جاى من الشغل مع المغربية ديك والزولة مع المسلسل طنشت الحلة والكسرة ...وبعد الصلاة ناداها :
يا مرة إنتى الليلة مافى غدا ولا عشاء ... ردت المسكينة اصبر شوية بجيك هسى ، الراجل ضايق المرة وقال ليها يا مرة قوم هسسسى جيبى الغدا دا ، قالت ليهو انتى مضايقنى كدا ليه ، الليلة ان بقيت مهند ما بجيبو ليك ..... الراجل شرب سجارتو وجا سلما ورقتا _____ وعييييييييييييييك ، تانى تجو المولد ؟؟
|
Post: #6
Title: Re: ***** المشـــاهدة لغـير المتـــزوجات فقــط ****
Author: منال
Date: 01-12-2010, 04:14 PM
Parent: #5
الرومانسية شي يتعلق بالشخص ولذلك يفتقده البعض وليس الكل
ولذلك لانعيب كل النساء بان حياتهن لاحياة بدون الرومانسية
بس حياة مملة وبدون طعم ...
|
Post: #7
Title: Re: ***** المشـــاهدة لغـير المتـــزوجات فقــط ****
Author: بكري عباس علي
Date: 01-12-2010, 05:42 PM
Parent: #6
منال
ليتهم يفهمن
الفرق بين التمثيل والواقع
يستطيع اي سوداني ان يمثل الرومانسية كما اداها مهند
هي بضاعة يجيد الاتراك تسويقها وتنساق بناتنا خلفها واهمات
ولكن بناتنا يبدان بالمقارنات الظالمة فتبدا المشاكل
يجب ان نحلم بقدر ما تسمح ظروفنا
عندما تصبح هي نور بامكانه هو ان يكون مهندا
|
Post: #8
Title: Re: ***** المشـــاهدة لغـير المتـــزوجات فقــط ****
Author: فايزودالقاضي
Date: 01-12-2010, 08:41 PM
Parent: #7
| Quote: عندما تصبح هي نور بامكانه هو ان يكون مهندا |
تبقى نور ولاتبقى لمبة النسوان ديل وااااااااحد .....
ولا كيف يامنال ؟!!ّ!
|
Post: #11
Title: Re: ***** المشـــاهدة لغـير المتـــزوجات فقــط ****
Author: منال
Date: 01-12-2010, 10:09 PM
Parent: #8
ياجماعه مافى زول يجى يمسك لي البوست ده
انا اصابعينى وجعونى من الكيبورت ...
|
Post: #13
Title: Re: ***** المشـــاهدة لغـير المتـــزوجات فقــط ****
Author: طارق جبريل
Date: 01-12-2010, 10:21 PM
Parent: #11
الرسول يا منال
الناس العاجبها في نور دي شنو
احرف جزار ما يطلع منها ربع كيلو أليل لحمة
اما الولد العامل متل اللفاش كيري دة
النبي فيكن اوبرا وينفري ما ارجل منه
|
Post: #15
Title: Re: ***** المشـــاهدة لغـير المتـــزوجات فقــط ****
Author: منال
Date: 01-12-2010, 10:27 PM
Parent: #13
Quote: الرسول يا منال
الناس العاجبها في نور دي شنو
احرف جزار ما يطلع منها ربع كيلو أليل لحمة
اما الولد العامل متل اللفاش كيري دة
النبي فيكن اوبرا وينفري ما ارجل منه |
لكن ياطارق هم ماعاجبهم الولد
عاجباهم عمايل الولد ( لقيتنى كيف)
|
Post: #14
Title: Re: ***** المشـــاهدة لغـير المتـــزوجات فقــط ****
Author: معتصم محمد صالح
Date: 01-12-2010, 10:24 PM
Parent: #11
Quote: ياجماعه مافى زول يجى يمسك لي البوست ده
انا اصابعينى وجعونى من الكيبورت ... |
هو بتمسك لكن ؟؟
|
Post: #16
Title: Re: ***** المشـــاهدة لغـير المتـــزوجات فقــط ****
Author: منال
Date: 01-12-2010, 10:29 PM
Parent: #14
آآآآآى بتمسك يا استثنائى انت ....
|
Post: #23
Title: Re: ***** المشـــاهدة لغـير المتـــزوجات فقــط ****
Author: فايزودالقاضي
Date: 01-12-2010, 11:26 PM
Parent: #16
| Quote: آآآآآى بتمسك يا استثنائى انت .... |
مادام صاحي يامعتصم امسك البوست لغاية الصباح ..
|
Post: #57
Title: Re: ***** المشـــاهدة لغـير المتـــزوجات فقــط ****
Author: الزبير بشير
Date: 01-13-2010, 01:16 PM
Parent: #16
عرفنا نور و مهند
عاوزين نعرف منال و وووووووووووووووووووووووووووووو
|
Post: #17
Title: Re: ***** المشـــاهدة لغـير المتـــزوجات فقــط ****
Author: Omayma Alfargony
Date: 01-12-2010, 10:40 PM
Parent: #11
منال تحياتي
والله انا مستغربة في مهند البعجب ده عامل زي الكديس..الداقاه مطرة هذا من ناحية الشكل.
مع احترامي لذوق (المعجبات).
:).
أما عن الرومانسية..
دي وهمة ساي الواقع غير كده خالس سواء للغربيات او الشرقيات الرجال في الدنيا دي وااااحد.
فيهم الرومانسيين وفيهم المحافظين وفيهم التقليديين(حتى في امريكيااو اليابان او الصين مثلا).
وفي الخليط رومانسي في المناسبات وتقليدي في غيرها. :).
بعدين تستطيع المرأة ان تخلق واقعا رومانسيا لاسرتها حسب معطيات مجتمعها(اتخيل لكن التطبيق لسة ماحصل). :).
والله الساتلايت عامل عمايل في السودان.
والله فعلا الاعلام ده وسيلة خطيرة للتوجبه ووضع الناس في حالة سبات وشغلهم عن الواقع.
تحياتي وودي.
|
Post: #19
Title: Re: ***** المشـــاهدة لغـير المتـــزوجات فقــط ****
Author: منال
Date: 01-12-2010, 10:59 PM
Parent: #17
منQuote: ال تحياتي
والله انا مستغربة في مهند البعجب ده عامل زي الكديس..الداقاه مطرة هذا من ناحية الشكل.
مع احترامي لذوق (المعجبات). |
هم يختى عاجباهم عمايلو ماشكلو
Quote: أما عن الرومانسية..
دي وهمة ساي الواقع غير كده خالس سواء للغربيات او الشرقيات الرجال في الدنيا دي وااااحد.
فيهم الرومانسيين وفيهم المحافظين وفيهم التقليديين(حتى في امريكيااو اليابان او الصين مثلا).
وفي الخليط رومانسي في المناسبات وتقليدي في غيرها. :).
بعدين تستطيع المرأة ان تخلق واقعا رومانسيا لاسرتها حسب معطيات مجتمعها(اتخيل لكن التطبيق لسة ماحصل |
عموما مشكلة التعامل والرومانسيه عند الأسره السودانيه
تحتاج علاج من الجذور وتربية أجيال عليها
اها شوفى زى القالت بلاى دى حياة دى النحنا عايشنها ..
|
Post: #18
Title: Re: ***** المشـــاهدة لغـير المتـــزوجات فقــط ****
Author: منال
Date: 01-12-2010, 10:41 PM
Parent: #8
Quote: تبقى نور ولاتبقى لمبة النسوان ديل وااااااااحد .....
ولا كيف يامنال ؟!!ّ! |
النصيحة لله يافايز فى الرومانسية ماواحد ....
|
Post: #20
Title: Re: ***** المشـــاهدة لغـير المتـــزوجات فقــط ****
Author: قيقراوي
Date: 01-12-2010, 11:16 PM
Parent: #18
| Quote: النصيحة لله يافايز فى الرومانسية ماواحد .... |
لوووووووووووووول
ما في حاجة اسمها رومانسية !!
دي اشاعات كرسوا ليها الانقليز و القوى الاستعمارية ساي 
|
Post: #24
Title: Re: ***** المشـــاهدة لغـير المتـــزوجات فقــط ****
Author: فايزودالقاضي
Date: 01-12-2010, 11:30 PM
Parent: #20
Quote: لوووووووووووووول
ما في حاجة اسمها رومانسية !!
دي اشاعات كرسوا ليها الانقليز و القوى الاستعمارية ساي |
هههههههههه
مجبورين ياقيقراوي .. مافي بديل .. ده الموجود في الكون ...
|
Post: #21
Title: Re: ***** المشـــاهدة لغـير المتـــزوجات فقــط ****
Author: فايزودالقاضي
Date: 01-12-2010, 11:17 PM
Parent: #18
Quote: تبقى نور ولاتبقى لمبة النسوان ديل وااااااااحد .....
ولا كيف يامنال ؟!!ّ! |
| Quote: النصيحة لله يافايز فى الرومانسية ماواحد .... |
طبعا كلامي كان رد لكلام اخونا بكري يامنال وهو بيتكلم عن بناتنا-السودانيات-
لذلك انا بحسب تجاربي المتعددة شايف مافي فرق كتير بينهم .. وماعندهم اي رومانسية
واكبر مقلب لينا .. ومحسوبات نسوان ساي وهم مفروض يلعبو كورة بعد ده ...بلا الدافى وبلا وارغو ...
اها رايك شنو ؟!!
|
Post: #22
Title: Re: ***** المشـــاهدة لغـير المتـــزوجات فقــط ****
Author: smart_ana2001
Date: 01-12-2010, 11:20 PM
Parent: #21
| Quote: ومحسوبات نسوان ساي وهم مفروض يلعبو كورة بعد ده |
Oppppps
|
Post: #25
Title: Re: ***** المشـــاهدة لغـير المتـــزوجات فقــط ****
Author: عمران حسن صالح
Date: 01-13-2010, 06:00 AM
Parent: #22
| Quote: لذلك انا بحسب تجاربي المتعددة شايف مافي فرق كتير بينهم .. |
لووووووووووول ، تعال لي أهلنا الشايقية نديكـ
______________________
انت يا منال ابو حمودي ما بجي بي جاي 
|
Post: #26
Title: Re: ***** المشـــاهدة لغـير المتـــزوجات فقــط ****
Author: Hassan Elhassan
Date: 01-13-2010, 06:24 AM
Parent: #25
بالمناسبة عندما عرض هذا المسلسل في العديدمن المحطات العربية نال أعلى درجات المشاهدة وأثار ملاحظات هامة حول قضية الرومانسية.
واليكم هذه القصة ولصاحبة البوست التحية
شيء من الرومانسية على قطار ريدينغ
لمحته في محطة ووترلو يسرع الخطى للحاق بقطار الثامنة بعد يوم ممطر داكن السحب عاشته سماء لندن ، ورغم تدافع المغادرين عبر أرصفة القطارات التي تتلوى كالثعابين عاد بخطوه إلى الوراء ليقف قبالة المكتبة الصغيرة لتك الفتاة الايرلندية الشقراء لشراء عدد من صحيفة ايفيننغ استاندرد المسائية .
وضع مفكرة صغيرة على طاولة المكتبة وهو يدخل يده في جيبه لإخراج بضع سنتات لبائعة الصحف ، ومع صافرة القطار حمل صحيفته مسرعا نحو القطار رقم 40 المتجه إلى مدينة ريدينغ مخلفا وراءه تلك المذكرة .
حاولت اللحاق به لإعطائه مفكرته الصغيرة إلا ان عجلات القطار المنسابة بين القضبان كانت أسرع من أن يلحق بها أحد .
بدأت أقلب في تلك المذكرة عسى أن أجد رقما او عنوانا بريديا أو أي معلومة تدليني على صاحب المفكرة ، شخبطات في أعلى الصفحة ثم تليها صفحات خالية لكن شيئا لم يكن في الحسبان قد جذب انتباهي في نصف المذكرة ربما كانت رسالة لم تكتمل شدتني إلى مجهول ذلك الرجل الذي ابتلعه قطار ريدنغ . خط بقلمه في رسالته التي تنم عن رومانسية عالية
عزيزتي سانيا :
أعرف إنك قرأت الكثير من الكلمات المكتوبة ، والكلمات المكتوبة على رأي غسان كنفاني تخفي عادة حقيقة الأشياء خصوصا إذا كانت تعاش وتحس وتنزف أحيانا .
ولكني عندما أمسكت هذه الورقة لأكتب إليك كنت أعرف أن شيئا واحدا فقط أستطيع أن أبثه على سطورها وأنا أثق من صدقه وكثافته بل وملاصقته إلى مفاصلي وتفاصيلي أتدرين ماهو ذلك الشيء هو أنني أحن إليك كثيرا بأكثر مما تتصورين وأشتاق إليك أكثر مما تتوقعين وأسابق أحيانا أشواقي لرؤيتك وتنتابني غيمة حزن لاأقدر على إزاحتها عندما تهمين بالرحيل دون أن أقدر على استبقائك للحظات إضافية في كافتيريا المؤسسة .
لا أقول لك إني أحبك ، لأن هذه الكلمة ربما استهلكت وزيفت، فهي كثيرا ما يرتديها البعض كربطة عنق جميلة في مناسباتهم العاطفية، لكن إحساسي بك يسري في جسدي بكل مضامين الحنين إليك مثلما يسري الدم الساخن في شريان من يحب ويعشق ولا يهمني ماذا يسمى ذلك المارد أو ماذا تسمينه أنت عندما تكتبين عمودك الأسبوعي في مجلة مساء لندن.
صدقيني بت أحتاج إليك كثيرا وأحتاج إلى أن أرتمي بكل حنيني في بؤرة نهرك الممتد الذي تسبح فيه روحي وروحك في هذه المدينة التي تجيد الاختباء تحت معاطف لانكشير ويورك شير الصوفية العتيقة .
كم تمنيت عزيزتي سانيا لو كنت طليقا لأنام وأصحو أمام شرفتك حتى تشرق الشمس على غدنا الجميل . لكن تلك القيود لم تطال مشاعري وأحاسيسي بل بقيت أثرا ماديا لحياة معتادة لا تبرح أن تكون كمهام روتينية لا نبض فيها ولا روح.
لكنك مليكتي أضئت كل شرفاتي ومذاقاتي وتفاصيلي على نحو لم أحسه من قبل ، أعلم خوفك وهواجسك أعلم كل شيء. أصبح غيابك يكبر في صدري بصورة تستعصي على العلاج ، يدهشني أنني وكأنني أراك لأول مرة لكنني بعد تأمل صوفي في هامش الصمت اكتشفت أن حضورك في دواخلي كان ساكنا منذ زمن طويل ربما حالت أشياء دون أن تجد سبيلها إلى موج العين التي أرهقها الترقب . صدقيني أحيانا لا أجد حاجة لن أطل من خلال ذلك الحاجز الزجاجي الذي يفصل مكتبك عن سكرتارية التحرير لأنك تسكتينني ولاتبارحين سكناك .
كم تمنيت مليكتي لو احتفظت بك إلى الأبد ، تصوري كيف ستكون حياتي كيف سيكون حديثي وصحوي وسكوني ، كيف ستتدفق الكلمات كيف سأبدو أمام المرآة تزداد وسامتي مع كل قبلة تطبعينها على بضعة سنتيمترات من وجهي .
اسمحي لي الآن أن أتوقف عن الكتابة لأن القطار يدخل محطة كالبم جينكشن وعلىّ الاستعداد للنزول لتفادي زحام ووتر لو والحصول على موضع قدم في المترو بيكادلي ولكني حتما سأواصل الكتابة إليك في رحلة العودة على صفحات هذه المذكرة الصغيرة .
أقفلت المذكرة وظللت أنتظر عند نهاية كل يوم من أيام العمل في محطة ووتر لو قرب رصيف قطار الثامنة رقم 40 وعلى مقربة من الايرلندية الشقراء بائعة ايفيننغ استاندرد المسائية طوال أيام الأسبوع علي ألمح ذلك الشاب الرومانسي بين أصحاب المعاطف السوداء لكن دون جدوى .
|
Post: #27
Title: Re: ***** المشـــاهدة لغـير المتـــزوجات فقــط ****
Author: أميرة فاروق عبد العال
Date: 01-13-2010, 06:45 AM
Parent: #26
Quote: منال كيف حالك
غايتو السودانيين بقوا
(امة مهند)
|
ديل (نسوان السودان) ياصديق..
الرجال ديل شوف ليهم (أمة) تانية..
|
Post: #28
Title: Re: ***** المشـــاهدة لغـير المتـــزوجات فقــط ****
Author: أميرة فاروق عبد العال
Date: 01-13-2010, 06:47 AM
Parent: #27
Quote: ياجماعه مافى زول يجى يمسك لي البوست ده
انا اصابعينى وجعونى من الكيبورت ... |
إنت مادام بيغلبك،
بتهبشي مالك؟؟
مشتاقين يا جنو..
|
Post: #29
Title: Re: ***** المشـــاهدة لغـير المتـــزوجات فقــط ****
Author: فايزودالقاضي
Date: 01-13-2010, 06:57 AM
Parent: #25
ياابا محمد ..ٍسلامات
| Quote: لووووووووووول ، تعال لي أهلنا الشايقية نديكـ |
شرف لينا ياعمران والله ..بعدين ماتنسي شقيق ابوي متزوج شايقية وبنت عمي متزوجها شايقي وكده انا خال شوايقة ..
الشايقيات قالوا صعبات يدقوا الرجال .. صح ولا صديق فاكيها إشاعة ؟!!!
عموماً نسايبنا ديل مافيهم كلام ..والتالته منهم مابنأباها ...
|
Post: #30
Title: Re: ***** المشـــاهدة لغـير المتـــزوجات فقــط ****
Author: منال
Date: 01-13-2010, 07:37 AM
Parent: #29
Quote: إنت مادام بيغلبك،
بتهبشي مالك؟؟
مشتاقين يا جنو.. |
ههههههههههههههه
انتى عارفه انا الرومانسية بتغلبنى ؟؟
العالم دى عايزه ليها دروس
مشتاقين كميات ومشتاقين لبثبوثتك (وش اكل شعيريه حسى)
|
Post: #32
Title: Re: ***** المشـــاهدة لغـير المتـــزوجات فقــط ****
Author: منال
Date: 01-13-2010, 07:52 AM
Parent: #21
Quote: وماعندهم اي رومانسية
واكبر مقلب لينا .. ومحسوبات نسوان ساي وهم مفروض يلعبو كورة بعد ده
...بلا الدافى وبلا وارغو ... |
ماقلت الا الحق
ومابقول ليك البعض
السودانيات كلهم فاقدات الرومانسية ...
|
Post: #31
Title: Re: ***** المشـــاهدة لغـير المتـــزوجات فقــط ****
Author: منال
Date: 01-13-2010, 07:43 AM
Parent: #5
Quote: يا منال خليها على الله ما سمعتى بالقصة دى :
الراجل جاى من الشغل مع المغربية ديك والزولة مع المسلسل طنشت الحلة والكسرة ...وبعد الصلاة ناداها :
يا مرة إنتى الليلة مافى غدا ولا عشاء ... ردت المسكينة اصبر شوية بجيك هسى ، الراجل ضايق المرة وقال ليها يا مرة قوم هسسسى جيبى الغدا دا ، قالت ليهو انتى مضايقنى كدا ليه ، الليلة ان بقيت مهند ما بجيبو ليك ..... الراجل شرب سجارتو وجا سلما ورقتا _____ وعييييييييييييييك ، تانى تجو المولد ؟؟ |
وشنو كان اداها ورقته يعنى مافى غيرو ؟
تشوف ليها واحد زى مهند (وش شمتان )
|
Post: #33
Title: Re: ***** المشـــاهدة لغـير المتـــزوجات فقــط ****
Author: Amira Elsheikh
Date: 01-13-2010, 08:05 AM
Parent: #31
Quote: والله انا مستغربة في مهند البعجب ده عامل زي الكديس..الداقاه مطرة هذا من ناحية الشكل.
مع احترامي لذوق (المعجبات).
|
وزى نملة السكر يااميمة,,,حسب رواية كيكى,,,,,
لووووول,,,,,,,,,,,,,,,,
|
Post: #34
Title: Re: ***** المشـــاهدة لغـير المتـــزوجات فقــط ****
Author: Solafa Alagib
Date: 01-13-2010, 08:19 AM
Parent: #31
كان تقولى المشاهدة لغير المتزوجات والمشاركة للمتزوجات ,,,,, ديل ما اسياد الشي زاتو
صباحك سكر يامنال,,,, وصباح جميييييل لكل القراء والمشاركين
اغسل يدي من فطور (يزن) وبجيك رااااااجعة
ابقوا بخير
د: سلافا العاقب
|
Post: #35
Title: Re: ***** المشـــاهدة لغـير المتـــزوجات فقــط ****
Author: فايزودالقاضي
Date: 01-13-2010, 08:30 AM
Parent: #34
Quote: مابقول ليك البعض
السودانيات كلهم فاقدات الرومانسية ... |
ده كلامك انت كلبنانيه مواليد صنعاء كدي نسمع كلام السودانيات ...لعيبة الكورة ديل !!!
|
Post: #36
Title: Re: ***** المشـــاهدة لغـير المتـــزوجات فقــط ****
Author: منال
Date: 01-13-2010, 08:36 AM
Parent: #34
| Quote: كان تقولى المشاهدة لغير المتزوجات والمشاركة للمتزوجات ,,,,, ديل ما اسياد الشي زاتو |
يادكنورة المامتزوجات ديل لسه على البر
وممكن يتعلمو
لكن المشكله فى المتزوجات ياكافى البلاء
الوحده مابتقدر تفول لزوجها بحبك
بتخجل وكمان هو زاتو مستحيل يقول ليها بحبك
Quote: صباحك سكر يامنال,,,, وصباح جميييييل لكل القراء والمشاركين
اغسل يدي من فطور (يزن) وبجيك رااااااجعة |
فطور الهنآ (يقطع الريجيم نحنا الجوع كاتلنا)
النبى ماتغيبى يادكتورة ...
|
Post: #37
Title: Re: ***** المشـــاهدة لغـير المتـــزوجات فقــط ****
Author: داليا حافظ
Date: 01-13-2010, 08:49 AM
Parent: #36
Quote: لكن المشكله فى المتزوجات ياكافى البلاء
الوحده مابتقدر تفول لزوجها بحبك
بتخجل وكمان هو زاتو مستحيل يقول ليها بحبك |
ديل أزواج سنة كم ؟
يعني شنو رومانسية يا منال ؟
|
Post: #39
Title: Re: ***** المشـــاهدة لغـير المتـــزوجات فقــط ****
Author: Amira Elsheikh
Date: 01-13-2010, 08:59 AM
Parent: #37
| Quote: ده كلامك انت كلبنانيه مواليد صنعاء كدي نسمع كلام السودانيات ...لعيبة الكورة ديل !!! |
منال,,,,سلااام,,,
فايز ودالقاضى يرتكب فى الفاولات وواقع فينا شلاليت وانت ولا على بالك
والله انامنك اديو كرت احمر عديل,,
فايز ياحقاار,,
|
Post: #45
Title: Re: ***** المشـــاهدة لغـير المتـــزوجات فقــط ****
Author: فايزودالقاضي
Date: 01-13-2010, 09:29 AM
Parent: #39
بت الشيخ بتنا .. ازيك ...
| Quote: فايز ودالقاضى يرتكب فى الفاولات وواقع فينا شلاليت وانت ولا على بالك |
اها يااميرة اتهام الفاولات ده يؤكد انك في الملعب ...خانتك شنو يابت الشيخ ..
| Quote: والله انامنك اديو كرت احمر عديل,, |
منال شايفة السودانيات ماعندهم رومانسية ..اها الكرت ده الا ترسله ليك ..
بتناديني ؟!!!
|
Post: #51
Title: Re: ***** المشـــاهدة لغـير المتـــزوجات فقــط ****
Author: Amira Elsheikh
Date: 01-13-2010, 10:15 AM
Parent: #45
| Quote: اها يااميرة اتهام الفاولات ده يؤكد انك في الملعب ...خانتك شنو يابت الشيخ .. |
طبعا فى الملعب لكن شكلك عايز تلعبنى دفااع يافائز
تلقاها عند القافل,,,,
امسك الفاول دا عندك,,
هو نحن نبقى رومانسيات كيف??ماانتو شغالين فينا فليق من يوم ما اتولدنا,,
يابت اتكلمى كويس..اضحكى كويس,,,امشي كويس,,,ماتفرحى كويس,,,ماتتجملى كويس,,ماتتكلمى مع الاولاد,,وماوما وما,,,
مش نحن نتاج تربيتكم دى,,,فجأة تتنكرو وتتطلعونا لعيبة كورة ياسبحان الله
ولا الرومانسية دى بشتروها من السوق بعد الزول يكبر,,
ياقول داليا هى الرومانسية دى شنو??
اوع يكون حركات المسلسلا ت والفيديوكليبات بتاعة اليومين دى هى الاستاندر بتاعكم
|
Post: #58
Title: Re: ***** المشـــاهدة لغـير المتـــزوجات فقــط ****
Author: فايزودالقاضي
Date: 01-13-2010, 10:21 PM
Parent: #51
اميرة ..ازيك ..
Quote: هو نحن نبقى رومانسيات كيف??ماانتو شغالين فينا فليق من يوم ما اتولدنا,,
يابت اتكلمى كويس..اضحكى كويس,,,امشي كويس,,,ماتفرحى كويس,,,ماتتجملى كويس,,ماتتكلمى مع الاولاد,,وماوما وما,,, |
ده كلوا عشان نحافظ ليكم عليكم يااميرة .. لكن نتيجتها بقيتو لعيبة كورة ...العيب فيكم مافي التربية ..هههههههه
Quote: مش نحن نتاج تربيتكم دى,,,فجأة تتنكرو وتتطلعونا لعيبة كورة ياسبحان الله
|
انت مانتاج لتربيتي فانا وانت نتاج لتربية واحدة...يازولة الحقوا نفسكم قبل ماتبقوا جياشة من لعيبة كورة ...لانو الشغلة شايفها ماشة في الاتجاه ده ...
Quote: ياقول داليا هى الرومانسية دى شنو??
اوع يكون حركات المسلسلا ت والفيديوكليبات بتاعة اليومين دى هى الاستاندر بتاعكم |
ماللدرجة دي يابت الشيخ ..نحن دايرين المرة بس تبقى مرة وماتشاركنا في الرجالة ..
بالمناسبة مبروك لينا الدافي
|
Post: #64
Title: Re: ***** المشـــاهدة لغـير المتـــزوجات فقــط ****
Author: Amira Elsheikh
Date: 01-15-2010, 02:18 PM
Parent: #58
| Quote: ده كلوا عشان نحافظ ليكم عليكم يااميرة |
تحافظو علينا ليكم ....دا الاصح
| Quote: انت مانتاج لتربيتي فانا وانت نتاج لتربية واحدة |
صح نتاج تربية واحدة لكن نحن بنتفصل حسب احلامكم انتو
| Quote: ماللدرجة دي يابت الشيخ ..نحن دايرين المرة بس تبقى مرة وماتشاركنا في الرجالة .. |
اها بافائز انا امتنع عن التعليق على الكويتشين الفوق لحدى ما افهم
شنو مقصود بمرة مرة وشنو فهمكم للرومانسية ... وشنو الرجالة المشاركنكم فيها
والله مافاهمة ,,,, وممكن نصل لنقطة مشتركة بدل الفليق البتسوى فيها دا
وكان اقتنعت والله اجيب ليك الحجار ومعاها صوتها عنج ..
___________________________________________________
الله يبارك فيك.... انشاءالله الموسم دا يكون موسم خير
|
Post: #40
Title: Re: ***** المشـــاهدة لغـير المتـــزوجات فقــط ****
Author: منال
Date: 01-13-2010, 09:01 AM
Parent: #37
| Quote: ديل أزواج سنة كم ؟ |
كل القرون مدام سودانيين
| Quote: يعني شنو رومانسية يا منال ؟ |
يعنى مثلا اقول لي واحد افتح لي بوست (يابت بهظر)
غايتو بورداب الخرطوم ديل اتلومو فينى ...
|
Post: #41
Title: Re: ***** المشـــاهدة لغـير المتـــزوجات فقــط ****
Author: humida
Date: 01-13-2010, 09:02 AM
Parent: #37
| Quote: لكن المشكله فى المتزوجات ياكافى البلاءالوحده مابتقدر تفول لزوجها بحبك |
و الله يا منال انا ما عارف دراساتك التحليلية دي بتجيبها من وين ..
و لا انتي بتحكمي من واقع ما بشبه واقع الناس حاليا ..
ما داير اردد ليك سؤال داليا انه ديل ازواج سنة كم ..
لكن بطلب منك .. قراءة جديدة للواقع ..
|
Post: #46
Title: Re: ***** المشـــاهدة لغـير المتـــزوجات فقــط ****
Author: منال
Date: 01-13-2010, 09:33 AM
Parent: #41
Quote: و الله يا منال انا ما عارف دراساتك التحليلية دي بتجيبها من وين ..
و لا انتي بتحكمي من واقع ما بشبه واقع الناس حاليا ..
ما داير اردد ليك سؤال داليا انه ديل ازواج سنة كم ..
لكن بطلب منك .. قراءة جديدة للواقع .. |
من الواقع طبعا ياحميده
واقع نعيشه في السودان كثير من الرجال مابتعاملو مع زوجاتهم برومانسية
وواقع مماثل له ايضا بعض من النساء السودانيات فيهن غلظة وحدة كبيرة جداً
وماليهم اى صلة بالرومانسية
يعنى بالعربى كده عندهم عيب
|
Post: #38
Title: Re: ***** المشـــاهدة لغـير المتـــزوجات فقــط ****
Author: Solafa Alagib
Date: 01-13-2010, 08:57 AM
Parent: #34
القال ليكم منو كل السودانيات فاقدات الرومانسية ,,,,,يخوانا البيوت دى فيها ياما فيها ,,,,
هى الرومانسية دى شنو؟؟؟؟
الرومانسية ماهى الكلمة الطيبة والبسمة الطيبة والاكلة الطيبة والريحة الطيبة والنومة الطيبة والهدمة الطيبة
عشان كدا بتختلف باختلاف الزول والوزلة والبيئة والنشاة,,,, في ناس حسب تربيتم الواحد بشوف قمة الحب والرومانسية
منو لزوجتو انو يقول ليها,,, سلام عليكم,,, بصوت جهورى (جمهورى على قول واحدة بعرفا),,لما يجى داخل من الشغل ,,,
وتلقاها هى زاتا لما قلبا يشح زى الموية لما تشربا بعد نهار سخن شدييد في رمضان.
|
Post: #42
Title: Re: ***** المشـــاهدة لغـير المتـــزوجات فقــط ****
Author: Solafa Alagib
Date: 01-13-2010, 09:09 AM
Parent: #38
غلطانة والله يامنال,,,,
والله بيقول لي بحبك,,, والله بقول لي وانا كمان,,,,والله بيقول لي بموت فيك,,,, والله بالجد مابلقي كلام اقولو,,,بيقول لي شكرا علي
الغدوة الجميلة دى,,,, وبيقول لي انا اسف غلطت في حقك بخصوص الموضوع الفلانى(ودى برضو رومانسية بالمناسبة)
وعادى اجى مارة بجنبو بطنى تفور واقول ليهو بحبك,,,,
ليه نستحي من الحب ؟؟؟؟ الرسول عليه الصلاة والسلام احب زوجاتو,,,, احنا احسن من الرسول عشان مانحب ازواجنا
واوعكم تقولوا لي الحب تصرفات,,, وسلوك وكلام الزوغان دا,,, الحب دا بحتاج مرة مرة لدفقة كلامية وااااضحة,,, بحبك يا فلان
واكيد,,اكيد,,,اكيد,,,, في مئات (لو ما الآف) الازواج زينا كدا واكتر يمكن
د:سلافا
|
Post: #43
Title: Re: ***** المشـــاهدة لغـير المتـــزوجات فقــط ****
Author: منال
Date: 01-13-2010, 09:10 AM
Parent: #38
| Quote: وتلقاها هى زاتا لما قلبا يشح زى الموية لما تشربا بعد نهار سخن شدييد في رمضان. |
يعنى ده من السلام بس (وش مندهش)
طيب لو قاليها ياقلبى يودوها الحوادث
وقال انا بنوم واقوم على الرومانسيه اتارينى طلعت ماناقشه حاجه
الناس من السلام قلبا يشح
تعالى تانى يادكتوره النبى الليله انا مقبله معاكم هنا
|
Post: #44
Title: Re: ***** المشـــاهدة لغـير المتـــزوجات فقــط ****
Author: khaleel
Date: 01-13-2010, 09:19 AM
Parent: #43
مهند ما عندو حاجة
عامل كدا زي دحش الكوشة
ونور (مبربحة
مافي حتة تمسكا منها
|
Post: #47
Title: Re: ***** المشـــاهدة لغـير المتـــزوجات فقــط ****
Author: Habib_bldo
Date: 01-13-2010, 09:38 AM
Parent: #44
منال صباحك ورد
اها يا منال لو عملنا عمايل مهند وبقينارومانسيين
ح تبطلن حفرة الدخان والنقة الكتيرة وتبقن زي نوووووووووووور؟؟؟؟؟؟؟؟؟؟؟؟
|
Post: #49
Title: Re: ***** المشـــاهدة لغـير المتـــزوجات فقــط ****
Author: محمد كابيلا
Date: 01-13-2010, 09:54 AM
Parent: #47
Quote: اها يا منال لو عملنا عمايل مهند وبقينارومانسيين
ح تبطلن حفرة الدخان والنقة الكتيرة وتبقن زي نوووووووووووور؟؟؟؟؟؟؟؟؟؟؟؟ |
الكورة إنتهت ..!!
والنتيجة عند منال .؟
كل الود
محمد كابيلا
|
Post: #50
Title: Re: ***** المشـــاهدة لغـير المتـــزوجات فقــط ****
Author: منال
Date: 01-13-2010, 10:01 AM
Parent: #47
Quote: منال صباحك ورد
اها يا منال لو عملنا عمايل مهند وبقينارومانسيين
ح تبطلن حفرة الدخان والنقة الكتيرة وتبقن زي نوووووووووووور؟؟؟؟؟؟؟؟؟؟؟؟ |
النفة عرفناها ليه يبطلو حفرة الدخان ؟؟
|
Post: #53
Title: Re: ***** المشـــاهدة لغـير المتـــزوجات فقــط ****
Author: فايزودالقاضي
Date: 01-13-2010, 10:55 AM
Parent: #47
| Quote: ح تبطلن حفرة الدخان ؟؟؟؟؟؟؟؟؟؟؟؟ |
لا رومانسية لا حفرة دخان ؟!!!!!!!!!!!!!!!
يااخوي انت معانا ولا ضدنا ؟!!!!!!!
|
Post: #48
Title: Re: ***** المشـــاهدة لغـير المتـــزوجات فقــط ****
Author: شول اشوانق دينق
Date: 01-13-2010, 09:40 AM
Parent: #44
Quote: مهند ما عندو حاجة
عامل كدا زي دحش الكوشة
ونور (مبربحة
مافي حتة تمسكا منها |
|
Post: #52
Title: Re: ***** المشـــاهدة لغـير المتـــزوجات فقــط ****
Author: المسافر
Date: 01-13-2010, 10:22 AM
Parent: #48
Quote: الساعة الرابعة مساء كل يوم تكون اغلبية نساء السودان فى ثبات عميق
|
السبات النسوي
ها ها ها
|
Post: #54
Title: Re: ***** المشـــاهدة لغـير المتـــزوجات فقــط ****
Author: احلام وهبي
Date: 01-13-2010, 12:22 PM
Parent: #52
منال معليش حادخل ليك في البوست رغم انو لغير المتزوجات فقط
اولا مسلسل نور و مهند انا من الحلقات الاولي جليتو ( يعني بقيت ما بشوفوا )
عارفه يا منال لما تعبري عن مشاعرك في اي وقت واي لحظه دي بتكون اجمل حاجه لانها بتجي من غير اي تكلف . وانا متزوجه لي 14 سنه ما حصل بنادي زوجي باسمو بقول ليهوه يا عمري ( عارفه هسه في ناس كتار حيجوا بيقول لي بتكتري المحلبيه ) لكن دي الحقيقه ودائما بنحتفل باعياد ميلادنا وعيد زواجنا . وصدقيني يا منال اجمل حاجه في الدنيا لما زوجك هو يكون حبيبك وصديقك . ولما اصحابكم وهواياتكم تكون مشتركه بيناتكم دي بتخلي الحياة اعمق واحلي مهما تكون فيها صعاب ولا مشاكل لكن في لحظه بتنسي كل حاجه .وما معني كلامي انو نحن ما بنختلف ولا ما بنتشاكل والله بنتشاكل لما تقولي هسه كل واحد حيمشي في جه وتاني ما نتلما لكن ما تمر ساعات وكل حاجه تهداء . عارفه يا منال زوجي بيقول لي الحياة اقصر مما نتصور يعني مافي داعي للنكد . هي يا منال هسه الناس يجوا يلطشوني في كلامي ده . بالله عليك الله ما تخليني افك آخري في الكلام . لانو الكلام كتير ما بنتهي .
|
Post: #55
Title: Re: ***** المشـــاهدة لغـير المتـــزوجات فقــط ****
Author: Amira Elsheikh
Date: 01-13-2010, 12:26 PM
Parent: #54
| Quote: هي يا منال هسه الناس يجوا يلطشوني في كلامي ده . بالله عليك الله ما تخليني افك آخري في الكلام . لانو الكلام كتير ما بنتهي . |
سمحونة....فكى اخرك ساى امى ماعاش اليلطشك وخسوسا نحن عارفين البير وغطاها,,
|
Post: #56
Title: Re: ***** المشـــاهدة لغـير المتـــزوجات فقــط ****
Author: احلام وهبي
Date: 01-13-2010, 12:41 PM
Parent: #55
اميره يا حبيبه الكل مشتاقييين
وتسلمي علي الكلام الحلو زيك .
|
Post: #59
Title: Re: ***** المشـــاهدة لغـير المتـــزوجات فقــط ****
Author: معاوية عوض الكريم
Date: 01-13-2010, 10:37 PM
Parent: #56
حضرنا مؤخرا ..
واقفين ويـن ؟
|
Post: #60
Title: Re: ***** المشـــاهدة لغـير المتـــزوجات فقــط ****
Author: Omayma Alfargony
Date: 01-13-2010, 11:55 PM
Parent: #59
أميرة
قلتي لي نملة سكر
:)
مبالغة لكن ماخلى ليه حاجة... الخالق الناطق.:)
انا بعرف بنات سودانيات كتير بموتو في شكله ومنهم بنات صاحباتي طوالي بدخل فيهم شمال
لكن لولا اختلاف الاذواق لباروا الاولاد..رغم انه نوع مهند في السودان ده ماكتير وربما معدوم.
ربنا بحبنا.:).
اما عن الرومانسية..فهي تختلف لانه مايكون رومانسي غربا قد يكون غير ذلك شرقا.
يعني متخيلة معاي حاج احمد لابس العمة والجلابية وماسك عكازه المضبب..اها يقوم..يطبخ العشاء لام العيال
(مادليفيري)..تبيخخخخخخخ..اها ويولع ليه شمعتين ويكون جايب ليها عقد دهب هدية..ويجي يقول يقول لها
مده غمدي عينيك وتعالي معاي..يمسكه من يدا لحدي الصالة حيث تربزة العشاء فيها صحنيين وشوكتيين وسكنيين وشمعتيين...وورود..اها يقول ليها افتحي عينيك..اها يجر ليها الكرسي ويقعدها زي الجنتلمن كده:)..وطبعا هي بتكون مخلوعة ومنططة عينيها ومافاهمة الحاصل شنو..اها يقوم يغرف ليهم العشاء...ويحكي انه عمل مشروممز بالفراخ وصوص الجبنة مع باسته باستيلي مع نكهة البقدونس.:).
وبعد العشاء والتحلية يقدم ليها العقد ومعاه كلمات حب جميلة ووردة اكزوتك. (مستوردة من امريكا اللاتنية).:).
:).
مودتي يا أميرة.
|
Post: #61
Title: Re: ***** المشـــاهدة لغـير المتـــزوجات فقــط ****
Author: وجن
Date: 01-14-2010, 00:14 AM
Parent: #60
سلافا أسمحي لي اقول ليك اني بحبك برضو
بس ما من البوست دا انا قررت أحبك وأحب كلامك من زمااان
من بوستااات فاتت
منال انت وود القاضي
أنا مخاصماكم
|
Post: #62
Title: Re: ***** المشـــاهدة لغـير المتـــزوجات فقــط ****
Author: قيقراوي
Date: 01-14-2010, 01:15 AM
Parent: #60
| Quote: تلقاها عند القافل,,,, |
قافل على غطاء عام و لا عندو جوكرين ؟
| Quote: امسك الفاول دا عندك,, |
يا ود القاضي
-------------
يا اميرة عفيناكم من الكورة الكشتينة كيف ؟
ما تشيل هم يا فايز يا فردة كان قاصدة عمك " الغافل " عاوزة تضهبك ؟ دا ا نا عارف محلو اعتبر نفسك وصلتا
اها ياشباب وصلتو وين ؟ ما اقتنعتوا انو " الرومانسية " دي مفهوم استعماري كرسوا ليو الانقليز ؟
|
Post: #63
Title: Re: ***** المشـــاهدة لغـير المتـــزوجات فقــط ****
Author: Solafa Alagib
Date: 01-15-2010, 12:24 PM
Parent: #62
وجن يا عسل
كل زول بحب البشبهو
وانا كمان بريد كلامك وسلامك وفهمك وقلبك الكبير
دامت لك الصحة واحبابك
سلافا العاقب
شكرا يا مناااااااااال
|
Post: #65
Title: Re: ***** المشـــاهدة لغـير المتـــزوجات فقــط ****
Author: مريم بنت الحسين
Date: 01-15-2010, 03:23 PM
Parent: #63
منال وزوّارها الكرام...
تحية وسلام ومحبة
اسموحي لي أعلّق على سيناريو أميمة الفريجوني ده.. فيها شنو كان يوم الجمعة عمل ليك داك الفطور، بيض بي طماطم ولا فول بجبنه... ومعاه كباية الشاي الماخمج.. مافي داعي للشموع.. ولا للإسورة الدهب.. انت ما بتختي ليه الوجبات كلها طول الاسبوع!
الرومانسية هي تعمّد تذكير الاخر بإنك بتفكر فيه... وده تعريفي الشخصي... ممكن يلقى منّك إيميل جميل، يلقاه لما يصل المكتب(ده لو الحاج مواكب).... او تكتبي ليه ورقة بتاعت post it صغيرونه كده، وفيها كلمة كلمتين حلوات.. لما تكوني عامله ريجيم مثلا، يقوم يقطع ليك سلطة فواكه... اثناء ما انت بتاخدي في حمام.. وتجي تلقيها منتظراك..
ولما يمر على زواجكم تلاته سنين.. يديك تلاته وردات...
اهم ما في الموضوع انتو الاتنين تساهموا.. والموضوع والله تعليم وتعويده ... والافكار ما بتنتهي.. والحياة بتبقى فيها حلاوة كده...
|
Post: #66
Title: Re: ***** المشـــاهدة لغـير المتـــزوجات فقــط ****
Author: Amira Elsheikh
Date: 01-15-2010, 04:36 PM
Parent: #62
| Quote: اها ياشباب وصلتو وين ؟ ما اقتنعتوا انو " الرومانسية " دي مفهوم استعماري كرسوا ليو الانقليز ؟ |
قيقا يافردة...
اسى مش فى فرق كرة قدم نسائية مالية الدنيا ؟؟
وتييييييييييييب
|
Post: #67
Title: Re: ***** المشـــاهدة لغـير المتـــزوجات فقــط ****
Author: Omayma Alfargony
Date: 01-15-2010, 11:11 PM
Parent: #66
Quote: اسموحي لي أعلّق على سيناريو أميمة الفريجوني ده.. فيها شنو كان يوم الجمعة عمل ليك داك الفطور، بيض بي طماطم ولا فول بجبنه... ومعاه كباية الشاي الماخمج.. مافي داعي للشموع.. ولا للإسورة الدهب.. انت ما بتختي ليه الوجبات كلها طول الاسبوع!
الرومانسية هي تعمّد تذكير الاخر بإنك بتفكر فيه... وده تعريفي الشخصي... ممكن يلقى منّك إيميل جميل، يلقاه لما يصل المكتب(ده لو الحاج مواكب).... او تكتبي ليه ورقة بتاعت post it صغيرونه كده، وفيها كلمة كلمتين حلوات.. لما تكوني عامله ريجيم مثلا، يقوم يقطع ليك سلطة فواكه... اثناء ما انت بتاخدي في حمام.. وتجي تلقيها منتظراك..
ولما يمر على زواجكم تلاته سنين.. يديك تلاته وردات...
اهم ما في الموضوع انتو الاتنين تساهموا.. والموضوع والله تعليم وتعويده ... والافكار ما بتنتهي.. والحياة بتبقى فيها حلاوة كده... |
عزيزتي مريم
ازيك يا ست الفهم...
والله انا معاك مية المية وبتفق معاك تماااااااااااااااااااما.
انا بس حبيت اقول (بطريقة ساخرة شوية) انه الرومانسية جد موجودة بس طبعا طريقته مختلفة شوية
وبتختلف من انسان لى انسان ومن بيئة لاخرى.
بس ممكن ناس تكون عايزاها تتطور شوية احتمال.
وانا شايفه انه الاهتمام هو الرومانسية....
اهتمام باعياد ميلاد بعض..
عيد زواجهم..
الاهتمام بالتفاصيل الصغيرة..
.
.
.
.
بس انا مع منال انه فعلا في رجال سودانيين ما بهتموا وبتعاملوا مع الزواج بطريقة ذكورية
وبدافع الواجب..
لكن ده مافي السودان بس ده في الدونيا كلها.
بعدين لو الامم التانية حاجاتم واضحة,,نحن لسه عايشين في تابوهات كتيرة..ممكن يكون في رومانسية
بين زوجين بس ما بنكون واضحة وباينة زي ما في الغرب بسبب عاداتنا وتقاليدنا..
لك ودي مريم.
|
Post: #68
Title: Re: ***** المشـــاهدة لغـير المتـــزوجات فقــط ****
Author: منال
Date: 01-16-2010, 06:51 AM
Parent: #67
يا الهى ثم يا الهى
دكتورة سلافا
اميمه الفرجونى
اميرة الشيخ
وجن
احلام وهبى
مريم بت الحسين
استمتعت بقراءتكم فآردت تسجيل الاعجاب
فلي الدهشة ولكم رحيق كلماتى وما بين سطورى ...
|
Post: #69
Title: Re: ***** المشـــاهدة لغـير المتـــزوجات فقــط ****
Author: Amira Elsheikh
Date: 01-16-2010, 01:39 PM
Parent: #68
| Quote: اما عن الرومانسية..فهي تختلف لانه مايكون رومانسي غربا قد يكون غير ذلك شرقا. |
بالضبط يااميمة ,,,
مافى قاعدة ثابتة اسمها الرومناسية ولافى استنادر او معيار ممكن نقيس بيهو نوع ودرجة الرومانسية,,,,
دى تفاعلات انسانية بين شخصين بتنتج لغتها وسلوكهاالخاص بيها مافيها انك تشف اوتقلد زول تانى,,,,,
المشترك فيها الاحساس بس بعد دا ك طرائق التعبير مختلفة باختلافنا نحن زاتنا,,,,
ومايشعرنى انا(اميرة)دى بالرومانسية قد لايكون لديه اى وقع رومانسي على اميمة او وجن وهكذا,,
شان كدا كتاب شنو للسعادة ووصفة شنو كدا ماعارفة للرومانسية دى كلها كلام بخص تجربة الكاتب/ة فى لجظة ما ومكان ما,,,,
المشاعر والاحاسيس مابتخضع لاى وصاية ,,,,ولامحكومة بتجارب الاخرين,,,,
|
Post: #70
Title: Re: ***** المشـــاهدة لغـير المتـــزوجات فقــط ****
Author: ALZOLZATOO
Date: 01-16-2010, 02:09 PM
Parent: #69
منال ازيك
ضروري جدا يكون في رومانسية بين الزوجين
بعدين ماتسمعوا كلام المسلسلات والجرايد ده كلو كضب ساكت اسع مهند تلاقيهو فاشل رومانسيا مع زوجتو
بعدين انتو بتعملوها ظاهرة حتى لو الواحد عمل السبعة وزمته برضو مابيعجبكم العجب ولاالصيام في ذو القعدة والدليل على ذلك دعاية المحاميد للاثاث الراجل ماشي يشتري للمدام عفش وفي النهاية بتقول ليهو روح انت نحن بنجو مع العفش لوووووووووووووووووولز الله ينعل ابو الرومانسية ذاتو اسع عليك الله دي زوجة يتشروا ليها بنبر
ستنا وعبد الجليل - مسلسل سوداني رومانسي
تحياتي
زاتوووو
|
Post: #71
Title: Re: ***** المشـــاهدة لغـير المتـــزوجات فقــط ****
Author: فايزودالقاضي
Date: 01-16-2010, 02:17 PM
Parent: #70
لكن بتبالغوا ياجماعة ...الواحد ياخد إجازته السنوية باعتبار البوست خلص تلغوا ليه الاجازة ؟!!
Quote: منال انت وود القاضي
أنا مخاصماكم |
لمة موفقة ياوجن ......
|
Post: #72
Title: Re: ***** المشـــاهدة لغـير المتـــزوجات فقــط ****
Author: منال
Date: 01-16-2010, 09:08 PM
Parent: #71
اخاف عليك من حروفى
صدق ... او لا ....
الله يصبرنا عليك يافبراير جايينا ملهلب ....
|
Post: #73
Title: Re: ***** المشـــاهدة لغـير المتـــزوجات فقــط ****
Author: قيقراوي
Date: 01-16-2010, 11:30 PM
Parent: #72
Quote: مافى قاعدة ثابتة اسمها الرومناسية ولافى استنادر او معيار ممكن نقيس بيهو نوع ودرجة الرومانسية,,,,
دى تفاعلات انسانية بين شخصين بتنتج لغتها وسلوكهاالخاص بيها مافيها انك تشف اوتقلد زول تانى,,,,,
المشترك فيها الاحساس بس بعد دا ك طرائق التعبير مختلفة باختلافنا نحن زاتنا,,,,
ومايشعرنى انا(اميرة)دى بالرومانسية قد لايكون لديه اى وقع رومانسي على اميمة او وجن وهكذا,,
شان كدا كتاب شنو للسعادة ووصفة شنو كدا ماعارفة للرومانسية دى كلها كلام بخص تجربة الكاتب/ة فى لجظة ما ومكان ما,,,,
المشاعر والاحاسيس مابتخضع لاى وصاية ,,,,ولامحكومة بتجارب الاخرين,,,, |
اميرة يا اميرة
يا ستهن و الله من كترة ما تردد :
الرومانسية ، التبيخ . . الرومانسية ، التبيخ . . الرومنسية ، التبيخ
حتى ظننت ان ما يستفاد من هذا الحديث انهن شي واحد
رواه قيقا راوي
ما قلت ليكم " القوى الاستعمارية " هي الافرزت كلمة " رومانسية " دي ؟
اسي دا ما استعمار ؟ الزول في يوم اجازتو - تحت دعاوي الرومانسية الزايفة - يجي يطبخ برضو ؟
يا رجال العالم و قواه العاملة نايمة عليكم بالبطيخ فهو سهل الطبيخ
---------------
اماني انت تابخة " باسم " ولا شنو يا فردة ؟ الجمجمة شنو فينا كمان ؟!
|
Post: #74
Title: Re: ***** المشـــاهدة لغـير المتـــزوجات فقــط ****
Author: Amira Elsheikh
Date: 01-19-2010, 02:14 PM
Parent: #73
جنس تبيخ هو,,,,
اااااخ,,,,,ياكيبوردينى
|
Post: #75
Title: Re: ***** المشـــاهدة لغـير المتـــزوجات فقــط ****
Author: برير احمد إبراهيم
Date: 01-19-2010, 04:43 PM
Parent: #74
على كلامك يا ود القاضى ....
عندنا بت جيراننا حربيه جدا ....
فى يوم ماشه مع اخوها فى الشارع ... لقوا قدامهم الخور
اخوها قال نطيت الخور ومشيت افتش لى طوب اختوا ليها
عشان تعدى الخور ... كان لقيتا ليك جمبى ..
الزوله تلبت زى الماحاصل حاجه .. لووووووول
لعيبة كورة وبس
|
Post: #76
Title: Re: ***** المشـــاهدة لغـير المتـــزوجات فقــط ****
Author: وجن
Date: 01-22-2010, 03:20 AM
Parent: #75
.
|
Post: #77
Title: Re: ***** المشـــاهدة لغـير المتـــزوجات فقــط ****
Author: نوفل عبد الرحيم حسن
Date: 01-22-2010, 11:43 AM
Parent: #76
Quote: على كلامك يا ود القاضى ....
عندنا بت جيراننا حربيه جدا ....
فى يوم ماشه مع اخوها فى الشارع ... لقوا قدامهم الخور
اخوها قال نطيت الخور ومشيت افتش لى طوب اختوا ليها
عشان تعدى الخور ... كان لقيتا ليك جمبى ..
الزوله تلبت زى الماحاصل حاجه .. لووووووول
لعيبة كورة وبس |
|
Post: #78
Title: Re: ***** المشـــاهدة لغـير المتـــزوجات فقــط ****
Author: حسن محمود
Date: 01-22-2010, 08:25 PM
Parent: #77
الاخت منال
تحياتي ..
موضوع المسلسلات التركية المدبلجة جميل وفعلا يشغل الكثير من النساء
في كل البلاد العربية فعلا مستحق دراسة .. اسباب هذا الاهتمام الزايد
هل بسبب ان النسوان فاقدات الرومانسية من الرجال وهم جادين اكثر من اللازم
لكن الايام دي يقدم برنامج بقناه LBC اسمه قسمة ونصيب دة اخطر من التركية
سحب البساط من المسلسلات التركية.. بدل التمثيل بقى واقع ..الرومانسيةوالحب
بقوا لايف live مباشرة على الهواء وكمان 24 ساعة على قناه خاصة
زوجتي متابعة للبرنامج.. واجي من الشغل .. شوف يحى قال لنوال
كلام حلو ..كيت وكيت ..وملاك متسلطة وغاشة مهدي لانو شخصيتو ضعيفة
..وهكذا تعرفت على المشاركين في البرنامج رغم عني.. هي تحكي
وانابالي مشغول بأشياء تانية ومضطر اجامل واسمع لانه في نظري
برنامج فارغ ومضيعة وقت ..
|
Post: #79
Title: Re: ***** المشـــاهدة لغـير المتـــزوجات فقــط ****
Author: كمال الشادي
Date: 01-22-2010, 09:58 PM
Parent: #78
الاخت العزيزة منال
لا اتفق معك في عنوان البوست
كأنو المتزوجات ( فات فيهم الفوات ) و البتحصل من غير المتزوجات بتكون محظوظة !!!
لا اتفق معك اختي منال
------------
في اعتقادي الشخصي ان الاخت منال في طرحها للموضوع بأنه | Quote: اصبح حلم يراود السودانيات |
ولم تقل يراودني انا شخصيا
هي بذلك تشير للمشكلة الحقيقية
وهي أننا شعب لا نعرف كيف نبوح بمشاعرنا ( الايجابية ) لمن نحب
نحن من اكثر شعوب الارض التي تغنت بحب الام ، ونحن من اكثر شعوب الارض التي تقدس الام ونحترمها
بالله عليكم كم مرة واحدة فيكم قال لي امه يا امي انا بحبك شدددددددددددددددديد
الاب قيمة عالية جدا في مجتمعنا وعندما نغني له نتصور هذا الاب كانه مصارع
دائما الاسد الهصور والشايل السيف والعوارة بتاعة اغاني الحقيبة
يعني هل يعقل الا يوجد في السودان كله اب حنون يبكي لفراق اولاده ويعانقهم ويبوسهم
هذا المخلوق مطحون في السودان
المخلوق الاسمو الاب
دينو طالع
تخيلو بالله في كم اب في السودان سمع كلمة يا أبوي وحشتني شديد ومشتاق ليك
انا بحبك يا أبوي اكتر من روحي
لو عايزين تعرفو تأثير كلمة انا بحبك
شوفو الحديثين الشريفين ديل وإتأملوهم :
(1) " إذا أحب أحدكم أخاه في الله فليعلمه فإنه أبقى في الألفة و أثبت في المودة"
(2) " إذا أحب أحدكم صاحبه فليأته في منزله فليخبره أنه يحبه لله "
القصة ما عارفا بالتحديد لكنها تحكي عن صحابي جا داخل والرسول في وسط اصحابه في المسجد
والصحابي جاي بعد انتصار في معركة للمسلمين وقف في نص الجامع وسأل الرسول صلى الله عليه وسلم
من احب الناس اليك يا رسول الله
قال عائشة
قال ثم من ؟ قال ابوها
رأي شخصي :
الرسول صلى الله عليه وسلم ما قال المدام ولا ام العيال ولا ام المؤمنين ( للناس الوهم البيخجلو يذكروا اسم زوجاتهم - على فكرة زوجتي اسمها حسناء وفي الحتة دي انا افتخر إني ما راجل وهم !!! )
الرسول صلى الله عليه وسلم اعلن حبه لزوجته في مجتمع قبلي متشدد ، يعني تصريح واضح لاي زوج انه يعبر بحبه لزوجته امام كل الناس كل الناس ( ودي برضو للناس الوهم البيعتقدو إنو لو مسك يد مرتو قدام الناس ما راح يطلع راجل ، أم لو عبر لزوجتو عن حبه قدام اخته أو اي واحد من اهله راح يعتبرو لا مؤاخذة ما راجل )
الرسول صلى الله عليه وسلم لمن الراجل احرج وسأله ما قصدت من نسائك يا رسول الله وإنما من الرجال قال له ابوها
بالله تخيلو ابوبكر الصديق بكل قدره ينسب إلى عائشة ... با الله ما أعظمكم يا رسول الله ...
ارجع لموضوع الاخت منال
منال انا اعتقد بأنها فتحت بوست وفتحت جرح
ارادت أن تصرخ صرخة حقيقية ليس لاجل نساء السودان وإنما لها شخصيا في المقام الاول
ولدائرة معارفها في المقام الثاني وللاشخاص الذين تعرفهم ويعانون من عدم وجود الرومانسية في حياتهم
خلونا صريحين
انا شفت المسلسل وما تابعتو
الولد البطل مهند
جميل
ووجيه
ووسيم
وابيض
وشعره ناعم
وعيونو حلوة
وأحلى من أي راجل سوداني
ومن حق منال وكل المعاها يحلمو إنو راجل بالوجاهة والحلاوة دي يحبها ويقول ليها كلام حلو ورومانسي
البت البطلة نو
جميلة
ورقيقة
وناعمة
ومثيرة
وأنثي
تخلي اي راجل سوداني يحلم إنو يمسك يدها ويحبها ويضمها ويبوسها ويسمعها بتقول ليهو كلام حلو ورومانسي
خلونا واضحين وشوفو الحقائق بعيون مفتوحة
ما تقلبوا الموضوع هزار وضحك ونكت
نحن شعب ( السودانيين ) شعب جاد صحيح محترم لكن جاف صحيح بنحب لكن ما بنقول وبنقطعها في حشانا صحيح بنتزوج لكن لمدة شهر العسل بس
الرومانسية ما زي ما قالت واحدة من الاخوات هنا إنها صبخة حلوة أو دعوة حلوة أو الكلام الفاضي ده
الرومانسية هي الرومانسية
الرومانسيةإنو اجي داخل من البيت القى زوجتي مبخرة البيت ومولعة الشموع ومشغلا لي الموسيقى البحبها ومنيمة الاولاد ولابسا لي أحلى قميص نوم إشتريتو ليها الاسبوع الفات أو إشترتو هي مفاجأة لي
الرومانسية إنو اجي داخل البيت شايل لزوجتي شوكلاته ولو بريال لانها بتحب الشكولاتا وبتحب المفاجأت
الرومانسية إنو زوجتي توصلني لباب البيت وانا طالع الشغل وتبوسني قدام اولادي
الرومانسية إنو لمن اصل المكتب الصباح اتصل عليها تلفون واقول ليها بحبك ووحشتيني
الرومانسية إنو بعد ثلاث ساعات في الشغل ابعت ليها رسالة على جوالها وأذكرها اني مشتاق ليها
الرومانسية إنو اسامحها لمن تغلط في حقي ، واقبل اعتذارها لمن تعتذر
انعل صليبكم
وجعتو لي قلبي
راجع تاني اكيد !!!!!!!!!11
|
Post: #80
Title: Re: ***** المشـــاهدة لغـير المتـــزوجات فقــط ****
Author: كمال الشادي
Date: 01-22-2010, 10:14 PM
Parent: #79
في بوست جميل في المنبر الحار شاركت ولازلت اشارك فيه اسمه لو ماكنت سوداني وده الرابط بتاعو
لو ما كنت سوداني..موضوع للنقاش
في البوست ده النقاش كان جميل وجاد
ووصلنا لنقطة صاحب البوست الاخ والمهندس علاء الدين محمد بابكر هندسة الخرطوم
اقترح اننا كلنا نخش في تجربة اننا نعبر لاقرب الناس لينا عن حبنا
نقصد
امك
ابوك
اخوك
اختك
زوجت
بنتك
ابنك
تخيلو في ناس لمن البوست وصل المرحلة دي زاغو منو تماما وبقو ما بيكتبو
وانا متابع العداد بتاع البوست يخشو كلهم يتاوقو ويخافو يكتبو
بعض التجارب الانكتبت تضحك وبعضها كان شجاعا يستحق التقدير
المهندس علاء الدين وفي تلفون طويل معه افصح لي بإعتراف خطير
إنو عشان يقدر يمسك يد مرتو في الشارع سافر القاهرة عشان يمارس هذا الممنوع مع زوجته
المرأة تحب أن يحبها الرجل
وأجمل مافي الحب الذي تحبه المرأة أن يكون علنا وامام كل الناس وبصوت عالي ومسموع
عشان كده الخواجات لمن واحد عايز يطلب يد صديقتو للزواج
يختار اكثر الاماكن ازدحاما بالناس المابيعرفهم ويقول ليها تزوجيني
يا وهم
دي ما أفلام
دي حياتهم الحقيقية كده
يا وهم
مرتك عايزاك تحبها في البيت نعم ، لكن في الشارع وانت ماسك يدها وفي المستشفي وإنت متكلها وهي عيانة ( لاسمح الله )
يا وهم
مرتك عايزاك تتكلم عنها قدام اهلك واهلها وتقول مافي زول أحلى منها لمن تلبس التوب الاخضر ( مثلا )
مش لمن تطبخ يا وهم !!!
وإنتي يا منال ( اقصد كل السودانيات )
يا وهم
زوجك مش تلاجة تختي فيها الاكل والطبيخ وبس
زوجك ابن بيئة بنت ستين كلب
ما فيها ريحة الرومانسية
الحمل كلو عليك
حركيهو يا وهم
لو هزيتيهو شوية راح يتدفق ينبوع الحنان والكلام الحلو
ابدي انتي يا وهم
اعملي حركتين تلاتة بتاعة رومانسية وهو راح يحصلك
يا وهم
سيبك من الانشغال طول اليوم بالمهام الجسام والمسئوليات العصيبة
خصصي يوم
يكون غدا الاولاد براهم
وإنتي وزوجك براكم
وختي مناديل ملونة وشموع وموسيقى
لمن يجي من الشغل اقعلي ليهو الجزمة ودلكي ليهو رجليهو
يا وهم
حا يحبك اكثر
عامليهو زي الطفل
قلعي ليهو ملابسو
وغيري ليهو هدومو
واحضنيهو وحبيهو
حباك بلا
وجعتو لي قلبي
راجع تاني
|
Post: #81
Title: Re: ***** المشـــاهدة لغـير المتـــزوجات فقــط ****
Author: كمال الشادي
Date: 01-22-2010, 10:29 PM
Parent: #80
بكري عباس على قال
Quote: يستطيع اي سوداني ان يمثل الرومانسية كما اداها مهند
هي بضاعة يجيد الاتراك تسويقها وتنساق بناتنا خلفها واهمات
ولكن بناتنا يبدان بالمقارنات الظالمة فتبدا المشاكل |
حرام عليك يا بكري
الدنيا كده
بس نحن ما شايفنها
عليك الله ده كلام ده يا بكري
| Quote: يجب ان نحلم بقدر ما تسمح ظروفنا |
Quote: اما الولد العامل متل اللفاش كيري دة
النبي فيكن اوبرا وينفري ما ارجل منه |
كيف تسمي الحلم حلم إذا حتى في الحلم عايزنا نمد رجلينا قدر اللحاف
ملعون ابو اللحاف المبارينا عمرنا كلو
الحلم إنك تسافر بخيالك لعوالم لاتستطيع ان تصلهاوانت صاحي
الحلم حلم يا بكري
يا صديقي طارق جبريل
ده شنو
Quote: اما الولد العامل متل اللفاش كيري دة
النبي فيكن اوبرا وينفري ما ارجل منه |
عليك الله يا طارق إنت بي صلعتك دي والله مهند بي شعرو المغتي إضنينو
وإنتي يا منال ردك على صديقي طارق جبريل كان اسخف من كلام طارق
Quote: لكن ياطارق هم ماعاجبهم الولد
عاجباهم عمايل الولد ( لقيتنى كيف) |
قولي ليهم الولد عاجب كل السودانيات
وعمايل الولد عجبا كل السودانيات
مش دي الحقيقة( لقيتيني كيف ؟ )
قصة طريفة :
اعشق الفنان كاظم الساهر
وإعتدت ان اجلس له في الصف الاول في مارينا كل سنة
في حفلة الصيف تلك التي تكون حدثا هناك كل عام انا وزوجتي واولادي
عشقي لكاظم
اضع له الاطار الذي افهمه
فنان يقدم فن راقي انا احد المتلقين له
شخصية عامة له من المعجبين كثر
بفنه وشخصه
وانا احدهم
صديقي الفلسطيني معي بالرياض فراس
شاب وسيم جدا
يعتقد أنه أوسم من راغب علامة
يحقد على لاني اعشق كاظم الساهر وغنائه
قال لي مرة كلام بمعني
لايصح ان تحب هذا الرجل بكل هذا الكم
يجب أن تغار منه
سألته اغار من ماذا
قال من حب النساء له
قلت له أين انا وأين كاظم الساهر
مبروك عليه كل نساء الكون
هل من الممكن ان نفرق بين :
حب السودانيات لمهند وغيرتنا منه؟
حب السودانيات لرومانسية مهند مع نور وعجزنا نحن ؟
ارجع اكيد تاني !!!!!
|
Post: #82
Title: Re: ***** المشـــاهدة لغـير المتـــزوجات فقــط ****
Author: كمال الشادي
Date: 01-22-2010, 10:35 PM
Parent: #81
يا منال
بتكون مصيبة لمن واحدة انثي سودانية تعترف بإنو
Quote: واقع نعيشه في السودان كثير من الرجال مابتعاملو مع زوجاتهم برومانسية
وواقع مماثل له ايضا بعض من النساء السودانيات فيهن غلظة وحدة كبيرة جداً
وماليهم اى صلة بالرومانسية
يعنى بالعربى كده عندهم عيب
|
يا منال ده ما عيب
ده شاسي مفتول
عارفا يعني شنو شاسي مفتول
يعني العربية كلها في الباي باي
لمن توصفي المرأة السودانية بإنو فيها غلظة وحدة كبيرة جدا
ملعون ابو الحريم الزي كده
وهي إسمها انثي على شنو لمن تكون غليظة
يا منال
مبروم على مبروم ما بيلفش
يعني بالعربي كده
راجل غليظ
ومراة غليظة
يعني الواحد متزوج ولد عمو زي ماقالو اهلنا الكبار
|
Post: #83
Title: Re: ***** المشـــاهدة لغـير المتـــزوجات فقــط ****
Author: كمال الشادي
Date: 01-22-2010, 10:41 PM
Parent: #82
الاخت الغالية سلافة العجب
اخصص هذه المساحة لك
اقف إحتراما لك
أحني هامتي تقديرا لك
اخلع القبعة إئذانا بدخول هانم وأي هانم إلى هذا البوست
أنت الاضافة الحقيقية الوحيدة في هذا البوست
تستحقين كل الاحترام والتقدير ليس لحبك لزوجك
ولكن لانك اعلنتيها هنا انك تحبينه واخبرتي من لا يعرفن كيف يحببن ازواجهن
أحترم هذا الرجل الذي اسمه زوجك
وانحني له إحتراما وتقديرا
فهو سعيذ في هذه الحياة بإنسانة رائعة مثلك
يا سلافة البتعملي فيهو ده امسكي فيهو قوي
وسيبك من الوهم ديل
حبي زوجك في الصيف وفي الشتاء كما فيروز
بالليل وبالنهار
براكم وقدام الناس
والماعاجبو يضرب راسو بالحيطة
إنتي مبسوطة ؟
وزوجك مبسوط ؟
تذكري
العائلة أهم شيء في الدنيا
والبيت أهم مكان في الوجود
أخوك
كمال
|
Post: #84
Title: Re: ***** المشـــاهدة لغـير المتـــزوجات فقــط ****
Author: كمال الشادي
Date: 01-22-2010, 10:44 PM
Parent: #83
الاخت العزيزة سلافة
أعجبني كلامك
Quote: غلطانة والله يامنال,,,,
والله بيقول لي بحبك,,, والله بقول لي وانا كمان,,,,والله بيقول لي بموت فيك,,,, والله بالجد مابلقي كلام اقولو,,,بيقول لي شكرا علي
الغدوة الجميلة دى,,,, وبيقول لي انا اسف غلطت في حقك بخصوص الموضوع الفلانى(ودى برضو رومانسية بالمناسبة)
وعادى اجى مارة بجنبو بطنى تفور واقول ليهو بحبك,,,,
ليه نستحي من الحب ؟؟؟؟ |
لمثلك
تخلع القبعات
وتنحني هامات الرجال تقديرا وإحتراما
|
Post: #85
Title: Re: ***** المشـــاهدة لغـير المتـــزوجات فقــط ****
Author: وجن
Date: 01-23-2010, 02:12 AM
Parent: #84
والله يا كمال ياشادي
كلامك جميل ومزدان وعقد ألماس عديل كده نلفه حولينا رقابنا
تسلم وبركة الرفعناالبوست عشان تشوفوا وتتحفنا بالينابيع الإتفجرت دي
وأسمح لي أهدي ليك حاجة صغيروووونة ونقطة في محيط كلماتك العذبة سلمت وسلم يراعك الدَّفاق
الأزواج السعداء
|
Post: #86
Title: Re: ***** المشـــاهدة لغـير المتـــزوجات فقــط ****
Author: وجن
Date: 01-23-2010, 03:31 AM
Parent: #85
جيت راجعة أقول ليك أوعى منال تجي تشبكك ان كلامه دا عام وهي ماقاصدة وووو
قاصدة إنت يا منال
وأهو قابضنك هنا بالثابتة
يعنى مثلا انا دائما بقول لزوجى انت ليه ما بتقول لى بحبك
دا كلامك صاح ولا ما صاح
يلا تعالي اديني أضانك الكلام ما بكون كده
بكون كده
تقولي ليو قول لي بحبك أي مالو إستنطقيومرو واتنين وتلاته لغاية مايتعود عليها
ويقوله ليك براه بعد داك يبقى هو يشحد فيك ويقول ليك
منال عليك الله قولي بحبك اها وكان قعدتي تتعززي تبقي انتي المارومنسية يا شينة
بعدين طالما هو من حزب البيان بالعمل ومعنكشك بالدهب رومنسية أكثر من كده شنو لووووول
على فكره يوم واحد ماشفت نور ومهند
أنا من أنصار أسمر لووووول
|
Post: #88
Title: Re: ***** المشـــاهدة لغـير المتـــزوجات فقــط ****
Author: منال
Date: 01-23-2010, 06:23 AM
Parent: #86
Quote: وأهو قابضنك هنا بالثابتة
يعنى مثلا انا دائما بقول لزوجى انت ليه ما بتقول لى بحبك |
فعلا ياوجن انا بقول لزوجى انت ليه مابتقول لي بحبك ؟
ودايما بقول لي يعنى انا لازم اقول يعنى ماباين فى تصرفاتى معاك ؟
رغم انو انا شايفه لازم يقول
بعدين انا ماحصل شفت نور ومهند
عشان انا شبعانه رومانسية (وش زاراهو وجن )
وجن تانى ماتفتشى ...سمح ؟؟؟؟؟
|
Post: #87
Title: Re: ***** المشـــاهدة لغـير المتـــزوجات فقــط ****
Author: منال
Date: 01-23-2010, 06:12 AM
Parent: #79
| Quote: الرومانسيةإنو اجي داخل من البيت القى زوجتي مبخرة البيت ومولعة الشموع ومشغلا لي الموسيقى البحبها ومنيمة الاولاد ولابسا لي أحلى قميص نوم إشتريتو ليها الاسبوع الفات أو إشترتو هي مفاجأة لي |
غايتو ياكمال لقيت خيالك واسع خلاص
سودانية شنو البتولع الشموع وتشغل الموسيقى
عشان تنتظر زوجها
شكلك بتشوف افلام عربى كتير (وش مبتسم)
Quote: الرومانسية إنو زوجتي توصلني لباب البيت وانا طالع الشغل وتبوسني قدام اولادي
الرومانسية إنو لمن اصل المكتب الصباح اتصل عليها تلفون واقول ليها بحبك ووحشتيني
الرومانسية إنو بعد ثلاث ساعات في الشغل ابعت ليها رسالة على جوالها وأذكرها اني مشتاق ليها |
ده وين الكلام ده ؟؟؟
|
Post: #89
Title: Re: ***** المشـــاهدة لغـير المتـــزوجات فقــط ****
Author: Mohamed E. Seliaman
Date: 01-23-2010, 06:46 AM
Parent: #87
السلام عليكم ورحمة الله
Quote:
دراسة: مشاهدة الأفلام الرومانسية تضُر بالعلاقة الزوجية وجدت دراسة أجرتها مجموعة من العلماء في جامعة Heriot Watt الأسكتلندية، أن كثرة مشاهدة الناس للأفلام الرومانسية، قد تدفعهم إلى توقع المزيد من الإيجابيات غير الواقعية في علاقتهم الزوجية في الحياة.
وأشارت الدراسة التي أجراها فريق مختص في دراسة العلاقات الزوجية، على 40 فيلماً رومانسياً، صدروا في هوليوود بين عامي 1995 و2005، إلى أن العديد من المشاكل التي يشكو منها الأزواج في جلسات الاستشارة الزوجية، تتماشى مع المشاكل التي تطرحها هذه الأفلام.
وعادة ما تتمحور هذه النوعية من الأفلام حول العلاقة المثالية بين الرجل والمرأة، اللذين يظهران على درجة عالية من التفاهم قد يكون عبر إشارة أو إيماءة معينة.
ويقول الدكتور بايران هولمز من فريق الجامعة، إن "الاستشاريين عادة ما يتلقون شكاوى من الأزواج بسبب سوء فهمهم لبعض، ويكون السبب عادة لاعتقادهم أن الحب الحقيقي قادر على جعل الشريك يفهم ما يريده الآخر، بدون الحاجة إلى الطلب منه أو منها."
وأضاف هولمز أن نفس هذه الصورة وجدناها في الأفلام الرومانسية خلال دراستنا.
وأجريت الدراسة على مجموعتين، الأولى تتكون من 130 شخصاً، طُلب منهم مشاهدة فيلم Serendipity الصادر عام 2001، وموضوعه "الحب المُقدر"، أما المجموعة الثانية فقد عُرض عليها فيلم درامي عادي.
وأشارت نتائج الدراسة إلى أن المجموعة الأولى أبدت إيماناً أكبر بالقدر، وعلى الرغم من أن الدراسة قد أُجريت على مجموعة صغيرة، إلا أن الدكتور هولمز أكد أن الدراسة "قد تكون إشارة لآثار الأفلام الرومانسية."
وقالت رئيسة قسم تحليل ونقد الإعلام في كلية الاتصال الجماهيري بجامعة أريزونا، ماري لو غالسيان، التي قامت بدراسة مماثلة عام 1990، إنه "من الصعب تحديد أسباب الدوافع الرومانسية في الإنسان، وآثار الأفلام الرومانسية ما زالت غير مؤكدة."
وأضافت غالسيان أن النقاش ما زال مستمر حتى اليوم، حول حقيقة الدور الذي تلعبه أفلام العنف مثلاً، في التأثير على سلوك الإنسان، لأن البعض يعتقدون أن هذه الأفلام ما هي إلا وسيلة للتنفيس عن العنف والغضب الذي قد يمتلكه الإنسان في داخله، وهو بالتالي شيء جيد.
ولكن غالسيان، التي تلقي باللوم في فشل علاقاتها الشخصية مع الرجال على هذه النوعية من الأفلام، تحذر الناس من مشاهدة الكثير منها.
ويختلف فيليب هودسن، أستاذ في الرابطة البريطانية للاستشارة والعلاج النفسي، مع بقية العلماء، حيث يقول إن الأفلام الرومانسية قد تؤثر على الأزواج بعد فترة من استمرار العلاقة، إلا أنها تعتبر مصدر للابتهاج والأمل للعديد من الأشخاص غير المتزوجين.
وأضاف هودسن أن "الناس بحاجة إلى تخيل وجود حياة مثالية، لتساعدهم في تخطي مصاعب الحياة، وهذه الأفلام قادرة على إقناعنا بوجود هذا الأمل." |
|
Post: #90
Title: Re: ***** المشـــاهدة لغـير المتـــزوجات فقــط ****
Author: فايزودالقاضي
Date: 01-23-2010, 07:02 AM
Parent: #87
برير ..ٍسلامات ..
Quote: على كلامك يا ود القاضى ....
عندنا بت جيراننا حربيه جدا ....
فى يوم ماشه مع اخوها فى الشارع ... لقوا قدامهم الخور
اخوها قال نطيت الخور ومشيت افتش لى طوب اختوا ليها
عشان تعدى الخور ... كان لقيتا ليك جمبى ..
الزوله تلبت زى الماحاصل حاجه .. لووووووول
لعيبة كورة وبس |
ياخي انا شفت مرة واحدة شاتت كورة لاولاد صغار لامن شكيت أنها تكون راجل وكمان كرنقو بتاع الهلال ...غيتو ربناأكيد خاتي لينا الحور العين بعد الاختبار الصعب ده ..
|
Post: #91
Title: Re: ***** المشـــاهدة لغـير المتـــزوجات فقــط ****
Author: كمال الشادي
Date: 01-23-2010, 08:12 AM
Parent: #90
يا منال
صباح الخيرات والبركات
والوجوه الحلوة
صباح الناس المرتاحة
صباح الباشوات
صباح التورتات والبسمات الحلوة
صباح الوجنات المبتسمة
صباحك فل
ده شنو يا منال
Quote: غايتو ياكمال لقيت خيالك واسع خلاص
سودانية شنو البتولع الشموع وتشغل الموسيقى
عشان تنتظر زوجها
شكلك بتشوف افلام عربى كتير (وش مبتسم) |
الكلام ده لانو صادر منك إنتي ست البوست ده فأنا راح احاسبك عليهو
انا مش راح أكتب تاني هنا
ألا أذا إعتذرتي عن الكلام ده وسحبتيهو
اذا ما إعتذرتي عن الكلام ده وسحبتيهو معناتا إنتي ما قتنعة اصلا بالانتي كتبتيهو
وعشان اذكرك
إنتي كتبتي البوست ده بحثا عن رومانسية وجماليات حلوة ما نضيفها لحياتنا الزوجيه
وانا دخلت هنا لانها دعوة راقية
وما بتجي إلا من انسانة راقية
إننا نتبادل الاراء والخبرات عشان نضيف اشياء حلوة لحياتنا وحياة زوجاتنا وازواجنا واولادنا
مرة تانية بوستك هو بحث عن الدرب
وانا واحد من الناس وريتك الدرب
واي واحد يقترح حاجة أو يقول حاجة ايجابية إنتي توقفي معاهو بصفتك ست البوست
إنتي ما شفتي فيصل القاسم في الاتجاه المعاكس والله شنو
عايزا تشوتي ضد التيار
انا طوالي بعتذر منك وبعتبرها فرصة سعيدة إنو اتعرفت عليك وعلى الشباب الحلوين الهنا ديل
انا في إنتظار اعتذارك وسحب الكلام
عشان نبدأ نكتب كلام حلو تاني
|
Post: #92
Title: Re: ***** المشـــاهدة لغـير المتـــزوجات فقــط ****
Author: كمال الشادي
Date: 01-23-2010, 04:09 PM
Parent: #91
*
|
Post: #93
Title: Re: ***** المشـــاهدة لغـير المتـــزوجات فقــط ****
Author: كمال الشادي
Date: 01-23-2010, 06:34 PM
Parent: #92
يا منال
ردي علي
انا منتظرك
ما ممكن تكوني سيد البوست
وتدعي للرومانسية
وأديك سيل رومانسية وخيالات
وتوقفي ضدي
إنتي معانا
والله مع الحكومة يا منال ؟؟
|
Post: #94
Title: Re: ***** المشـــاهدة لغـير المتـــزوجات فقــط ****
Author: منال
Date: 01-23-2010, 06:39 PM
Parent: #93
Quote: إنتي معانا
والله مع الحكومة يا منال ؟؟ |
معاكم طبعا
بس انا يادوب داخله وشفت كلامك ده
ادينى دقايق بس وبجيك صادة .......
|
Post: #95
Title: Re: ***** المشـــاهدة لغـير المتـــزوجات فقــط ****
Author: علاء الدين محمد بابكر
Date: 01-23-2010, 07:05 PM
Parent: #92
سلامات للناس الحبيبة والناس البتفتش عن كلمة حب..ولو بالكضوب..
الحب ما شكل، يالناس البتموت في اشكال نور ومهند..
الحب..روح..
وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً
إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ ..
زواج..ثم
سكينة..ثم
مودة..
ورحمة..
و
و
يتفكرون..
مش دة الحب زاااتو؟؟
ولا شنو ياشادي...
|
Post: #96
Title: Re: ***** المشـــاهدة لغـير المتـــزوجات فقــط ****
Author: كمال الشادي
Date: 01-23-2010, 08:25 PM
Parent: #95
اهلا بالست منال ست البيت وست الحوش
شوفي يا منال
كلامي الفوق داك وتهديدي انسيهو تماما إكراما ليك ولي بوستك الحلو ده
وإكراما للضيف العزيز الغالي الهل علينا بي هنا وهو المهندس علاء الدين
بوستك ده خلا وجن تعدي علينا بي غادي في المنبر الحار
وخلا علاء الدين الرجل الرائع الراقي يجيك بي جاي
إنستري معانا يا ست البيت
بعد ده النقاش جاد
خلاص
علاء الدين كلامك صاح
الحب جوهر واصل وليس قشور ومواصفات حسية
الحب احساس في الدواخل بين الارواح وليس بين الاشكال
اتفق معاك قلبا وقالبا
ولكنا ليس هنا بصدد الاختلاف بشأن الحب
الجميع هنا متفقون انهم في حالة حب
المتزجون وغير المتزوجين
الكل هنا يحب يا علاء الدين
نحن في واحة الحب
الحب في بوست منال ده مصيبتو مصيبة
منال بتحاول تجد مقويات وإمدادات للحب عشان ما يموت في مستنقع الروتين اليومي
ويتحول إلى عادة وحياة مملة
عشان كده اختنا منال بتسأل أين الرومانسية في حياتنا يا علاء
عرفت الكونسبت
الرومانسية
يا الله اتحفنا يا جميل
|
Post: #97
Title: Re: ***** المشـــاهدة لغـير المتـــزوجات فقــط ****
Author: حمد محمد احمد
Date: 01-23-2010, 09:13 PM
Parent: #95
شكرا الاخ شادي
قرات البوست كلو
واكثر ما اعجبني وضوحك في الطرح
..
انا ضد اباحة الخصوصية
اعتقد ان قمة الرومانسية ان تكون التفاصيل لكم فقط ( انت وهي )
وان المراة تحتاج للكلمة الجميلة والانيقة والمعبرة والصادقة
وكذلك الرجل يحتاج للمثل ..
طالما اني استطيع ان اعبر لها عن حبي واحترامي
فلا داعي ان انشر ما بيني وشريكتي على الملأ
الرومانسية ان تحس بهدوء الحياة التي بينك وشريكة حياتك واهلك
الرمانسية هي انسياب الحياة بلطافة .. تكفي نظرة لتعرف اي شئ
الامان الذي تعيشة ... ليس امان ممل او فارغ من العاطفة بل امان ملئ ..
رايي الشخصي .. لا احبذ ان امسك يد زوجتي وانا في الشارع .. احتراما لنفسي ولها وللاخرين
فالشخص يستطيع ان يعبر عن حبه لكن بخصوصية .. فهو اجمل هكذا ( راي شخصي ) قد يوافقني البعض وقد يخالفني اخرون
...
الرجل المحترم الواثق
يعرف كيف يتعامل مع زوجته
لا يحتاج ان يقلد فلان او علان لان التعبير عن مدى عمق علاقته مع زوجته ياتي تلقائيا
لا يحتاج منها ان تدفعة ان يقول لها الكلام الذي تحبة بالتصريح الواضح
الدافع للتعبير يكون بالمعاملة... جمال المعاملة.. وحلو الحديث ..
..
|
Post: #98
Title: Re: ***** المشـــاهدة لغـير المتـــزوجات فقــط ****
Author: كمال الشادي
Date: 01-23-2010, 10:16 PM
Parent: #97
الاخ الفاضل حمد
رأيك على العين والرأس
وهو قطعا صحيح مية في المية
لاننا لا نملك ميزان محدد نقيس به كيلو رومانسية أو مترين ونص حب
طالما انا متصالح مع نفسي ومع زوجتي بهذه الحالة
( يجب الا تكون حالة مرضية )
التعود على الحالة السلبية يجعلها تبدو مألوفة وعادية
ارجمع وأقول العزيز حمد
طالما هناك شكوى إذن هناك خطأ في مكان ما
لكن طالما انا متصالح مع نفسي ومع زوجتي واقول كل ما عندي ولا اشتكي من قصور في البوح بالمشاعر
إذن انا صح وهي صح
لكن هناك الحد الادني يا حمد
وهناك الاطار الذي يراه الكل
الاطار وضعه رسولنا الكريم صلى الله عليه وسلم
( اذا احب احدكم احدا فليقل له )
ليس عبثا
فالبوح بالحب له تأثير غير عادي ( وتذكر تجربتنا التي قادنا فيها الاخ المهندس علاء ) في التعبير والبوح بمشاعرنا لاقرب الناس الينا
انا بحب امي جدا
وهي إمرأة عظيمة اقسم بالله
السيدة بت عباس ود السيد عبد الحفيظ
امي
إمرأة غير عادية احبها بطريقة غير عادية غير كل اخواني وغير كل اخوانها
أحترمها جدا
واتصل عليها بشكل مستمر وانا في الغربة
هي لا تشتكي من تقصير من جانبي في حقها
ولا يمكن أن يجول بخاطرها اني ابن عاق مثلا لا سمح الله تعرف اني اسمع كلامها ولو على نفسي
هي لا تشتكي من أي شيء في علاقتي معها
لكن
ما الذي سوف يضاف إلى هذه العلاقة اذا غيرت لغة الحوار معها
بدلا من كيفك يا أمي وكيفك يا حاجة
طمنيني على صحتك وكيف الضغط
وإنشاء بتاخدى الدواء في مواعيدو
وحشتيني يا أم كمال إنتي نور عيونا وإنتي بركة حياتنا أنحنا عايشين في الدنيا دي بي حسك وبي دعواتك لينا
انا وزوجتي واولادي بنحبك جدا يا أمي
هل يغير هذا في العلاقة ام لا
عزيزي حمد
يا أخوانا مسؤلين من الخير
ست البوست ده مشت وين ؟؟
|
Post: #99
Title: Re: ***** المشـــاهدة لغـير المتـــزوجات فقــط ****
Author: كمال الشادي
Date: 01-23-2010, 10:21 PM
Parent: #98
الاخ الفاضل حمد ، المهندس علاء
كل الاخوان والاخوات في البوست الحلو ده
الواحد لما يعود نفسو يقول كل المشاعر الممكنة لكل الناس البتستاهل في التوقيع الصح
بيكون مرتاح ومتوازن
علاقات العمل والجيران وكل العلاقات الرسمية بتكون واضحة ومريحة
العلاقات العاطفية
الاسرة والاب والام والابن والابنة بتكون مليانة عاطفة
والاهم
رومانسية
|
Post: #100
Title: Re: ***** المشـــاهدة لغـير المتـــزوجات فقــط ****
Author: حمد محمد احمد
Date: 01-23-2010, 10:46 PM
Parent: #99
الاخ العزيز الشادي
الرسول صلى الله عليه وسلم علمنا
ولا بد من تتبع تعاليمه لانها صاح ولا تقبل النقاش
مثلا
هل الافضل ان تصلي النافلة في خلوة بينك وبين ربك
ام تكون صلاتك امام الناس
..
الرسول عليه الصلاة والسلام علمنا ان الصلاة فيها سر وفيها جهر
كمان العلاقات فيها كده وكده
امك الله يديها العافية ويطول عمرها عارفاك بتحبها
لكن لو قلت ليها الكلام الفوق ده بكون ابلغ واجمل ( لكن يكون بيناتكم )
..
وزي ما قلت انت الحياة توازن
..
نرجع لموضوع الرومانسية
لست من انصار العبارات المستهلكة
او المواقف المفتعلة
يجب ان تكون العلاقة حقيقية واثقة
انت ما تحس بحاجة غلط وهي كذلك
ونحنا قلنا في البوست حقنا باختصار ( الزمان والمكان والحال )
واقصد بالزمان
زمن الاباحة بالمشاعر فليس كل زمان مناسب
واقصد بالمكان
ما في اي حتة تقوم تقول كلامك
والحال
هي الحال النفسية للمتلقي .. ما ممكن تقول لي زول مشغول ومنهمك في الشغل .. ولا عاوز ينوم
كلام رومانسي
...
شادي
نحن دايما منتظرنك في منبرنا
ومعك اخرون
...
شكرا وجن على المرور علينا
|
Post: #101
Title: Re: ***** المشـــاهدة لغـير المتـــزوجات فقــط ****
Author: بكري عباس علي
Date: 01-23-2010, 11:26 PM
Parent: #100
كمال الشادي
انا قصدي من الحلم علي قدر ظروفنا انه بناتنا بقن يحلمن بفارس احلام نفس مواصفات مهند ويحي وامثاله
صحيح بناتنا وعايشات في اوهام المسلسلات التركية ورومانسية التمثيل عشان كده انا مصر علي انه لازم احلامهم تكون واقعية شوية
شكرا سيدي علي مرورك الضافي الذي اعطي الموضوع رونقا وتشرفنا
|
Post: #102
Title: Re: ***** المشـــاهدة لغـير المتـــزوجات فقــط ****
Author: كمال الشادي
Date: 01-24-2010, 04:02 AM
Parent: #100
عزيزي حمد
كلامك الفوق صاح مية المية
خليني أنقل ليك صورتين متناقضتين
وإنت وريني ليه كده
اتنين بيحبو بعض في السودان
ربنا وفقهم وإتزوجو
مشو شهر العسل في القاهرة
لقو الناس كلها زي ما بقول الشاعر اتنين اتنين
اي زول ماشي وماسك يد المعاهو
ودي حقيقة
فشيء طبيعي إنهم يمسكو يد بعض في الشارع وقدام الناس كلها
خصوصا اهم لسه في شهر العسل
المنظر ده شفتو عشرات المرات
تكون ماشي في واحد من شوارع القاهرة يلفت إنتباهك اولا حاجة ريحة العروس
خمرة ودلكة ودخان
تتلفت تلقي ايادي متشابكة
واتنين لسه بيبدو حياتهم
وتحس بالفرحة
نفس الاتنين ديل يخلص شهر العسل
آخر منظر في مطار القاهرة
وهو داخل المطار ماسك يد عروستو من يدها والاصابع متشابكة
( يعني قناعة تامة بالموقف )
بمجرد خروجوهم من مطار الخرطوم بعد الوصول إليه بساعتين ونص
كيف المنظر ؟
خصوصا انو في ناس منتظرهم في المطار
مايقدر يمسك يد عروستو الكان ماسك يدها قبل شوية قبل ساعتين
والايادي متشابكة
قول لي ليه يا حمد ؟
|
Post: #103
Title: Re: ***** المشـــاهدة لغـير المتـــزوجات فقــط ****
Author: كمال الشادي
Date: 01-24-2010, 04:15 AM
Parent: #102
الاخ العزيز بكري عباس على الموقر
تحية طيبة
بنتاتنا من حقهم يحلمو بالرومانسية الموجودة في المسلسلات التركية وبالرومانسية الموجودة في الدنيا كلها
لكن لو حلمو بي واحد شكلوا أو خلينا صريحين وجاهتو ووسامتو زي مهند ده يبقى انا وإنت ضعنا يا بكري
وعشان نردها ليهم
انا اقوم احلم بواحدة زي نجوى كرم
وإنت تحلم بي واحدة زي باسكال مشعلاني
وإنشاء الله ما حد حوش !!!!!!!!!!!
|
Post: #104
Title: Re: ***** المشـــاهدة لغـير المتـــزوجات فقــط ****
Author: رشا بابكر
Date: 01-24-2010, 10:13 AM
Parent: #100
عزيزتي/منال
بكل تأكيدالموضوع لمس الكثيرين
وانتي عارفة زي ماأناوغيري عارفين
انو ثقافة الرومانسية غير موجودة في قاموسنا نحن السودانيين
مش بين الزوجين وبس لا!!
شوفي حتى في حياتنا اليومية اسلوب التعامل طابعوا الجدية والشدة
وما عارفة ده سببوا شنو لو عارفة وريني.
انا عن تجربتي كل حياة بين زوجين ما فيها رومانسية
ما بتعتبر حياة . والشخص الرومانسي
بديك احساس جميل بالحياة وبخلي ايامك ملونة بكل الوان الطيف
واقولها بصدق الراجل السوداني محتاج للرومانسية
عشان نسقط عنه صفة التصقت بيهو وسط اخوانا العرب
بان الزول صعب حبتين.وبقول لكل الزوجات خلن الرومانسية
معنى جميل ملموس ومحسوس مع ازواجكن تشوفن وجه اخر جميل للحياة
بالمناسبة:الحمد لله لم اشاهدهذاالمسلسل
دمتي
حبيبتي..منال
|
Post: #105
Title: Re: ***** المشـــاهدة لغـير المتـــزوجات فقــط ****
Author: منال
Date: 01-24-2010, 10:44 AM
Parent: #104
Quote:
عزيزتي/منال
بكل تأكيدالموضوع لمس الكثيرين
وانتي عارفة زي ماأناوغيري عارفين
انو ثقافة الرومانسية غير موجودة في قاموسنا نحن السودانيين
مش بين الزوجين وبس لا!!
شوفي حتى في حياتنا اليومية اسلوب التعامل طابعوا الجدية والشدة
وما عارفة ده سببوا شنو لو عارفة وريني.
انا عن تجربتي كل حياة بين زوجين ما فيها رومانسية
ما بتعتبر حياة . والشخص الرومانسي
بديك احساس جميل بالحياة وبخلي ايامك ملونة بكل الوان الطيف
واقولها بصدق الراجل السوداني محتاج للرومانسية
عشان نسقط عنه صفة التصقت بيهو وسط اخوانا العرب
بان الزول صعب حبتين.وبقول لكل الزوجات خلن الرومانسية
معنى جميل ملموس ومحسوس مع ازواجكن تشوفن وجه اخر جميل للحياة
بالمناسبة:الحمد لله لم اشاهدهذاالمسلسل
دمتي
حبيبتي..منال |
الزول الصعب حبتين ده يارشا
الرومانسية موجودة جواهو لكن اظهارها هى المشكلة
السودانيين بطبعهم شعب كابت للاحاسيس
صديقتى قالت مرة رسلت لزوجها مسج رومانسى
رد عليها قاليها انتى الليله عندك حمى ولاشنو ؟
يعنى لو حصل عبرتى عن مشاعرك ولو بصورة عفوية تجدى الدهشة والعيب
اها انا بتخيل لى انو السودانين بالذات من الصعب يكونو رومانسيين
(ياجماعه براحه علي )
|
Post: #107
Title: Re: ***** المشـــاهدة لغـير المتـــزوجات فقــط ****
Author: ismeil abbas
Date: 01-24-2010, 11:46 AM
Parent: #105
ألأخت/منا ل السلام عليكم..
كلامك مطلق على العموم....هناك البعض..منهم جميل وعايش حياة منتهى الرومانسية....عندى صديق بورينى رسائله مليانة شوق وحنين..وهم متزوجين ولهم ولد....ربنا يحفظهم..كان كتبت بوست أتمنى ان تشاركى فيهو..المرة لو ولدت الجنى ما بتدى الهنى..
Quote: السودانيين بطبعهم شعب كابت للاحاسيس
صديقتى قالت مرة رسلت لزوجها مسج رومانسى
رد عليها قاليها انتى الليله عندك حمى ولاشنو ؟
يعنى لو حصل عبرتى عن مشاعرك ولو بصورة عفوية تجدى الدهشة والعيب
اها انا بتخيل لى انو السودانين بالذات من الصعب يكونو رومانسيين
(ياجماعه براحه علي ) |
ممكن التعبير بدأ متأخر وبدون مقدمات...وهذه ألأشياء لوما كانت من البدايات من الصعب تعلمها على الكبر إلا بأتفاق الطرفين...صاحبتك دى شاتت ساى قبال ما تنسق مع راجله...
نحن شعب عاطفى فعلآ قد لا نحسن التعبير بصورة جيدة..وهذا راجع لتربيتنا....
ألمرأة بعد تلد الجنى ما بتدى الهنا..
تقديرى وأحترامى.....
|
Post: #106
Title: Re: ***** المشـــاهدة لغـير المتـــزوجات فقــط ****
Author: بكري عباس علي
Date: 01-24-2010, 11:31 AM
Parent: #104
استاذ كمال
Quote: وعشان نردها ليهم
انا اقوم احلم بواحدة زي نجوى كرم
وإنت تحلم بي واحدة زي باسكال مشعلاني
|
والله انا خايف احلم بباسكال واصحي من الحلم تجيني شيزوفرينيا (انفصام ) عشان كدة خلينا نحلم قدر ظروفنا
ياخي انا زول بحب الواقعية شديد
تحياتي
|
Post: #108
Title: Re: ***** المشـــاهدة لغـير المتـــزوجات فقــط ****
Author: حمد محمد احمد
Date: 01-24-2010, 05:46 PM
Parent: #106
Quote: كيف المنظر ؟
خصوصا انو في ناس منتظرهم في المطار
مايقدر يمسك يد عروستو الكان ماسك يدها قبل شوية قبل ساعتين
والايادي متشابكة
قول لي ليه يا حمد ؟ |
الاخ الاكرم كمال
البيئة ليها اثر
الواحد لو مسك ايد مرتو او قل عروسو قدام امو وابوهو واهلو كلهم
اول زول حا يتكلم معاهو امو
تجرو بعييد من الناس وتقول ليهو يا ولد انت مطرطش
تقابض في مرتك قدام الناس مالك
ما هي مرتك وحا تعيش معاها عمرك كلو ضايق مالك ؟؟!
يا كمال نحنا مربيين على العيب
يا ولد ما تلعب مع البنات
يا بت ما تلعبي مع الاولاد
العزل بين البنت والولد منذ الصغر
...
|
Post: #109
Title: Re: ***** المشـــاهدة لغـير المتـــزوجات فقــط ****
Author: كمال الشادي
Date: 01-24-2010, 07:28 PM
Parent: #108
يا حمد يا خوي
مالك عايز تعمل لي زي منال
مرة معانا
ومرة مع الحكومة
Quote: البيئة ليها اثر
الواحد لو مسك ايد مرتو او قل عروسو قدام امو وابوهو واهلو كلهم
اول زول حا يتكلم معاهو امو
تجرو بعييد من الناس وتقول ليهو يا ولد انت مطرطش
تقابض في مرتك قدام الناس مالك
ما هي مرتك وحا تعيش معاها عمرك كلو ضايق مالك ؟؟!
يا كمال نحنا مربيين على العيب
يا ولد ما تلعب مع البنات
يا بت ما تلعبي مع الاولاد
العزل بين البنت والولد منذ الصغر
|
نقاشنا هنا هو البحث عن الرومانسية في حياتنا
وبشكل غير مباشر إتفقنا إنو لما تكون الدنيا كلها ماسكا يد بعض في القاهرة
اقوم انا امسك يد مرتي في الشارع مع الناس
وده يصبح سلوك عادي
لكن برضوسلوك لذيذ وجميل وانا حبيتو ومرتي حبتو
وأهم حاجة فيهو رومانسية
ليه ؟
لانو بيشبع جانب مهم في انوثة المرأة
إنها تمشي في الشارع وتقول شوفو الراجل الماسك يدي ده بيحبني
مش كده يا منال ويا وجن
والله انا ما بفهم في الحريم !!!
يقوم اخينا في الله يجي المطار وتلاقيهو الست الوالدة
وعيب يا ولد
والكلام الذكرتو
هدف البوست عايزين الحاجة الحلوة العملها السيد العريس في القاهرة
يحاول
بقول يحاول مش يحارب
ولو ما قدر ليهو اجر المحاولة
دورنا إننا نشجعو ونقول ليهو حاول عليك الله حاول مع الحاجة وقول ليها
انا عارف انها مرتي وماطايرة مني لكن احب امسك يدها
والتجي تجي
وانشاء الله محدش حوش
|
Post: #110
Title: Re: ***** المشـــاهدة لغـير المتـــزوجات فقــط ****
Author: وجن
Date: 01-25-2010, 02:20 AM
Parent: #109
مش كده يا منال ويا وجن
والله انا ما بفهم في الحريم !!!
والله بتفهم ونص وخمسة
أنت أبو المفهومية زاتو
مره من المرات واحد كاتب في استيس على الفيس بوك كلام زي دا
مابذكر التفاصيل لكن بذكر إنبرى لي واحد عائش في السودان وقال لي انا مستحيل
أعمل حركة زي دي ( يمسك يد زوحته في الشارع ) المهم بتذكر ان في نهاية النقاش قال لي انتي زوله حساسه
ودي رومنسية منك ساي لكن أنا بستغرب إن الحاجة دي صعبة على ناس عائشة في السودان إتربت على الحب والحنان
ومسموح ليها تمارس حقوقه الإنسانية بالطريقة البتشوفه مناسبه
أنا عن نفسي كان مامسك يدي في أي مكان بتعنكش براي وأتابطه
الرومنسيه نحن البنخلقه في حياتناممكن تكون مكتسبة من محيطك وممكن تتعود عليها لوحدك حتى تصبح عادة لديك
وأهم حاجه ماننسى اننا نزرعه في أجيالنا الجاية
على فكره أنا معجية جداً بصديقك المنسى وطريقة تعامله مع زوجته بالله تحياتنا ليه
منال في سودانيات صدقيني بشعلن الشموع ويفتحن الغنى ويبخرن البيت والشفع كان ماناموا يرسلوهم الجيران عديل
عشان ينعموا بحبة رومنسية في وسط كل ضغوطات الحياة دي
ماتظلمي السودانيات يامنال
لآن البيئه والتربية لعبن دور في تشكيل شخصياتن فالعندهن رومنسية اليعلمن ويعودن رجالن والماعندهن اليعلومهم ويعودوهم رجالن
والحياة شراكه وتبادل مصالح ولا ماكده
حمد أخوي منبركم عالم جميل وخالي من ضوضاء المنبر العام كما قال الشادي فلا تشكرني على زيارته لاني ساكررها مرارا وتكرارا
هذا وانا تأنس نفسي بناس هندسه منذ سنين مضت (أيام الجامعة وكده) حيث كانت لنا شله مقدره منهم وكانوا يعلم الله نعم الأخوان
ولكن حال الدنيا لم نسمع عنهم منذ التخرج
|
Post: #111
Title: Re: ***** المشـــاهدة لغـير المتـــزوجات فقــط ****
Author: عمر عشاري
Date: 01-25-2010, 11:45 AM
Parent: #110
لا حولاااا بوست سمح ...لابدين بيهو براكم
|
Post: #112
Title: Re: ***** المشـــاهدة لغـير المتـــزوجات فقــط ****
Author: كمال الشادي
Date: 01-25-2010, 12:30 PM
Parent: #111
ديييييييييييييييييييييييييينك
يا عشاري
يادوووووووووووووووب شفتو
أها ورينا إبداعاتك
وإنداح هنا
انا راجيك
يا فردة
|
Post: #113
Title: Re: ***** المشـــاهدة لغـير المتـــزوجات فقــط ****
Author: كمال الشادي
Date: 01-25-2010, 12:33 PM
Parent: #112
يا عمر عشاري
خلينا نهبشك في الاول
إنت معانا والله مع الحكومة
في ناس بيحبو وعايزين يعيشو رومانسيات
لمن تديهو واجباتو يتسحب ويتملص
عايز تعيش رومانسيات جميلة من الطرف الثاني
خطيبتك والله زوجتك
( صاحبتك ما معانا )
الشباب هنا كلهم متزوجين واخوك عندو ثلاثة عيال
حدد موقفك
هل انت من النوع الممكن يمسك يد زوجتو ويجي كاسح بيها قدام الناس
واليحصل يحصل
والله بتخاف
أها زي ما قالت منال
لقيتني كيف ؟
|
Post: #114
Title: Re: ***** المشـــاهدة لغـير المتـــزوجات فقــط ****
Author: كمال الشادي
Date: 01-25-2010, 12:38 PM
Parent: #113
يا حمد
كلامك هنا راجعتو وعندي ليهو رد
Quote: يا كمال نحنا مربيين على العيب
يا ولد ما تلعب مع البنات
يا بت ما تلعبي مع الاولاد
العزل بين البنت والولد منذ الصغر |
يا حمد اغلب المجتمعات العربية بتربي اولادها على العيب والفصل بين الاولاد والبنات
اعتقد مافي مجتمع في الحتة دي اسؤا من المجتمع السعودي
يعني ظروف شغلي ودتني بعض المدن في السعودية زي القصيم أو تبوك
اقسم بالله اقعد في البلد ثلاثة ايام عمل
استأجر سيارة الف لبيها الليل والنهار
ما تشوف إمرأة بالغلط لا في الشارع لا في السوق
ومع ذلك هناك ظاهرة غريبة كل الصحف السعودية تكتب عنها بقوة وانا اشاهدها يوميا
الشباب في سن العشرينات المتزجين جداد
اقسم بالله حاجة تشرح النفس
ماسك يد مرتو في السوق
والاصابع متشابكة
وطظ في الدنيا كلها
والماعاجبو يحلق حواجبو
ظاهرة شباب ينتفض على قيود المجتمع
وحجتهم
طالما إنتو حارمننا الاختلاط ومربننا على عادات متزمتة جدا
لمن اتزوج مافي زول يفتح خشمو معاي
مرتي وانا حر معاها
زي ما قالت منال
لقيتني كيف ؟
|
Post: #115
Title: Re: ***** المشـــاهدة لغـير المتـــزوجات فقــط ****
Author: حمد محمد احمد
Date: 01-25-2010, 01:11 PM
Parent: #114
Quote: يا حمد يا خوي
مالك عايز تعمل لي زي منال
مرة معانا
ومرة مع الحكومة
|
كمال الشادي
انا بضرب امثلة
وبقول في حاجات متوقعة تحصل
..
زي ما قلت يا شادي
عندكم السعودية اكتر بلد متشددوالشاب ماسك زوجتو وماشي بيها
السؤال البطرح نفسو
هل مسك الايد واظهار المحبة امام الناس دليل على عمق العلاقة
ولا ممكن الغلاقة تكون عميقة بدون اظهارها للناس ؟؟
|
Post: #116
Title: Re: ***** المشـــاهدة لغـير المتـــزوجات فقــط ****
Author: كمال الشادي
Date: 01-25-2010, 01:36 PM
Parent: #115
يا حمد يا خوي
كيفنك
لك حبي وإحترامي
Quote: هل مسك الايد واظهار المحبة امام الناس دليل على عمق العلاقة
ولا ممكن الغلاقة تكون عميقة بدون اظهارها للناس ؟؟ |
الاجابة على سؤالك لا طبعا
مسك اليد لا يعتبر دليل على عمق العلاقة
والاجابة التانية ممكن تكون العلاقة عميقة برضو بدون اظهارها امام الناس
لكن ده ما موضوعنا
ال كونسبت Concept هو الرومانسية
سؤالي اليك
هل مسك اليد يعتبر إضافية رومانسية لانوثة الانثي ؟
هل مسك يد الزوجة يرضي غرورها ولا يؤذي مشاعر أي من الماشين في الشارع ويشاهد هذا المنظر ؟
هل مسك يد الزوجة ينقص شيء من قيمة الرجل كرجل أو كقيمة انسانية ؟
السؤال الاهم ؟ وهو الاطار الفكري والديني الذي يحكمنا
هل نحن بنعمل في حاجة حرام لو مسكت يد زوجتي في الشارع وقدام الله وخلقو ؟
|
Post: #117
Title: Re: ***** المشـــاهدة لغـير المتـــزوجات فقــط ****
Author: حمد محمد احمد
Date: 01-25-2010, 01:57 PM
Parent: #116
نرجع للفكرة الاساسية
Quote: هل مسك اليد يعتبر إضافية رومانسية لانوثة الانثي ؟
هل مسك يد الزوجة يرضي غرورها ولا يؤذي مشاعر أي من الماشين في الشارع ويشاهد هذا المنظر ؟
هل مسك يد الزوجة ينقص شيء من قيمة الرجل كرجل أو كقيمة انسانية ؟
السؤال الاهم ؟ وهو الاطار الفكري والديني الذي يحكمنا
هل نحن بنعمل في حاجة حرام لو مسكت يد زوجتي في الشارع وقدام الله وخلقو ؟ |
نمسك كلامك سؤال سؤال
اولا مسك اليد يعتبر اضافة هذا لا شك فيه ...
مسك اليد يرضي غرورها وبعض النساء لا ترضى بذلك وتقول ليك احتشم
اما الماشين في الشارع فديل ثقافات مختلفة فيهم من يفرح ويغبطك على ما انت فيه
وفيهم من لايهتم ولا يكترث
وفيهم من يقول ليك فكها بصوت عالي كانك اتيت منكرا
اما السؤال المهم نحن ما بنعمل حاجة حرام لو مسكت ايد زوجتك
السؤال الاهم :
هل كل الحلال يفعل امام الناس ؟؟ ( مثلا علاقتك الخاصة مع زوجتك وهي حلال هل تقدر على فعلها امام الناس )
هل تستطيع تقبيلها في الشارع ؟؟
...
اديك مثال بسيط لشئ جربته
عندما اكون قاطع الشارع ومعاي المدام والاولاد وتكون حركة السيارات كثيفة
امسك بيدها ويد الاولاد ... النتيجة الحركة كلها تقيف عشان خاطر الراجل الخايف على مرتو وبحبها ده
اما اذا كل واحد ماشي براهو قطع الزلط ببقى مشكلة !!
|
Post: #118
Title: Re: ***** المشـــاهدة لغـير المتـــزوجات فقــط ****
Author: حمد محمد احمد
Date: 01-25-2010, 02:14 PM
Parent: #117
الاخ العزيز الشادي
طبعا انا بخت ليك احتمالات تعجيزية عشان نستفيد من النقاش ونطلع بى نتيجة
...
احكي ليك الحكاية دي
اختي الكبرى زوجة دبلوماسي كانو يعيشو في هولندا
كانت هي وزوجها يتمشيان في حديقة عامة وكان زوجها يسبقها بمسافة كبيرة
صادف تلك الايام مؤتمر للشواذ ولديهم دعاية ودعم اعلامي قوي
وجد زوج اختي اثنان من الشواذ ( عجايز ) قاعدين في مقعد من مقاعد الحديقة في جلسة رومانسية
ناداه احدهما لتعريفه بالمؤتمر المزمع قيامه
فتضايق زوج اختي
ساله الشاذ سؤال : هل انت متزوج ؟؟
رد عليه نعم
فساله : واين زوجتك ؟؟
فاشار عليها وكانت على بعد ثلاثين مترا
فقال له الشاذ انه يحب صديقه اكثر من محبته لزوجته
والدليل انهم منذثلاثين سنة لم يمشي مع صديقه الا متلاصقين ولا يترك مثل هذه المسافة بينهما
..
الخلاصة اخليها عليكم
|
Post: #119
Title: Re: ***** المشـــاهدة لغـير المتـــزوجات فقــط ****
Author: كمال الشادي
Date: 01-25-2010, 03:05 PM
Parent: #118
الرد على المداخلة الاولى
الاخ الفاضل حمد
تحية طيبة وإحترامات لا حدود لها
Quote: اما السؤال المهم نحن ما بنعمل حاجة حرام لو مسكت ايد زوجتك
السؤال الاهم :
هل كل الحلال يفعل امام الناس ؟؟ ( مثلا علاقتك الخاصة مع زوجتك وهي حلال هل تقدر على فعلها امام الناس )
هل تستطيع تقبيلها في الشارع ؟؟
...
اديك مثال بسيط لشئ جربته
عندما اكون قاطع الشارع ومعاي المدام والاولاد وتكون حركة السيارات كثيفة
امسك بيدها ويد الاولاد ... النتيجة الحركة كلها تقيف عشان خاطر الراجل الخايف على مرتو وبحبها ده
اما اذا كل واحد ماشي براهو قطع الزلط ببقى مشكلة !! |
1- أول حاجة سؤالي هل بنعمل في حاجة حرام مام جاوبت عليهو ، وانا عرفت اجابتك إنو حلال لانك بتعمل الحلال ده .
2- هل أستطيع تقبيل زوجتي في الشارع ؟ لا طبعا وارفض ذلك حتى لو كنت في اي مكان في العالم.
3- علاقتي الخاصة بزوجتي حلال هل اقدر امارسها قدام الناس . نفس الاجابة السابقة
لكن إنت بمتسك يد مرتك في ا لشارع لمن يكون زحمة وعايز تقطع الشارع
وردة فعل الشارع بتكون إنو كلهم بيوقفو للراجل الخايف على مرتو وبيحبها
ياحمد والله حيرتني معاك
انت عامل زي ود الموية
يا أخي ما عيب قولي لي قدام الناس ديل كلهم
الحاجة حلوة
وجميلة
ورقيقة
وبتعجب الزوجة والحبيبة
وده سلوك ديني وإجتماعي راقي جدا
وانا حمد ده ما بقدر اعملو
والله اصفق ليك
واوقف ليك إحتراما
بس ما تقدر تتزاوغ
|
Post: #120
Title: Re: ***** المشـــاهدة لغـير المتـــزوجات فقــط ****
Author: كمال الشادي
Date: 01-25-2010, 03:12 PM
Parent: #119
الرد على المداخلة الثانية
بتاعة ال
| Quote: اختي الكبرى زوجة دبلوماسي كانو يعيشو في هولندا |
معليش يا حمد
قريبك ده بصراحة hopeless case
ده مافي منو اي رجا في الحتة البنتكلم فيها دي
واذ ما خدو قدوة بالنسبة ليك
يبقى واطاطك اصبحت
شفت الراجل الشاذ قال عليهو شنو ؟
كده كويس ؟
جبتو لينا الكلام
وخليتونا نتلوم مع الخواجات !!
عايز اقول حاجة ....
التعود على الوضع الخطأ
حتى في حال عدم الشكوى
والتعود عليه
والتأقلم
يعتبر مرض
وصاحبه قطعا حالة مرضية
تحياتي
|
Post: #121
Title: Re: ***** المشـــاهدة لغـير المتـــزوجات فقــط ****
Author: كمال الشادي
Date: 01-25-2010, 03:22 PM
Parent: #120
الاخوات العزيزات في ا لبوست
تسجيل غياب واضح
مع إنو سيد البوست واحدة ظريفة ومن مدافعي الحق العام للرومانسية
دي عشان الرومانسية
وعشان كل الاخوات في البوست
|
Post: #122
Title: Re: ***** المشـــاهدة لغـير المتـــزوجات فقــط ****
Author: كمال الشادي
Date: 01-25-2010, 05:08 PM
Parent: #121
*
|
Post: #123
Title: Re: ***** المشـــاهدة لغـير المتـــزوجات فقــط ****
Author: حمد محمد احمد
Date: 01-25-2010, 05:29 PM
Parent: #122
الاخ الحبيب الشادي
Quote: يا أخي ما عيب قولي لي قدام الناس ديل كلهم
الحاجة حلوة
وجميلة
ورقيقة
وبتعجب الزوجة والحبيبة
وده سلوك ديني وإجتماعي راقي جدا
وانا حمد ده ما بقدر اعملو
والله اصفق ليك
واوقف ليك إحتراما
بس ما تقدر تتزاوغ |
انا قاصد المراوغة يا شادي
قول لي ليه ؟؟
عشان الموضوع ياخد ابعادو
وبعدين الخلاصة بتجي براها
..
بعدين حكاية hopelesscase دي انا موافقك عليها
|
Post: #124
Title: Re: ***** المشـــاهدة لغـير المتـــزوجات فقــط ****
Author: حمد محمد احمد
Date: 01-25-2010, 05:37 PM
Parent: #123
الاخت منال
محتاجنك عشان توجيه الحوار
وابداء الراي
|
Post: #125
Title: Re: ***** المشـــاهدة لغـير المتـــزوجات فقــط ****
Author: كمال الشادي
Date: 01-25-2010, 05:59 PM
Parent: #124
*
|
Post: #126
Title: Re: ***** المشـــاهدة لغـير المتـــزوجات فقــط ****
Author: حمد محمد احمد
Date: 01-26-2010, 09:03 AM
Parent: #125
* *
الشادي
الناس خلو البوست
..
|
Post: #127
Title: Re: ***** المشـــاهدة لغـير المتـــزوجات فقــط ****
Author: كمال الشادي
Date: 01-26-2010, 09:48 AM
Parent: #126
حمد
اكان البوستات الاسيادها حريم كلها كده
الواحد بعد ده يتخير بوستات العزابة بس
|
Post: #128
Title: Re: ***** المشـــاهدة لغـير المتـــزوجات فقــط ****
Author: Amna Mohamed Arh
Date: 01-26-2010, 09:53 AM
Parent: #127
سلام لكل الناس الهنا،،،
منال صاحبة البوست سلام خاص
حمد،،
كمال الشادي،،،
البوست جميل والنقاش مكسب
واصلو الموضوع اخدت شكل جادي ومفيد
حتى لو الناس مشت تأكدوا انهم حيجو راجعين
|
Post: #129
Title: Re: ***** المشـــاهدة لغـير المتـــزوجات فقــط ****
Author: حمد محمد احمد
Date: 01-26-2010, 02:17 PM
Parent: #128
ما شاء الله
الهندسة ماشة تتحول بي جاي
امنة مرحب بيك
ادينا رايك وخاصة انك من الشريحة المقصودة بالبوست ده
الرومانسية هي شنو ؟؟
التركيبة الاجتماعية وتاثيرها على سلوك الجنسين ؟
ذاكري كويس
وجاوبي قدر ما تقدري
|
Post: #130
Title: Re: ***** المشـــاهدة لغـير المتـــزوجات فقــط ****
Author: كمال الشادي
Date: 01-26-2010, 02:25 PM
Parent: #128
عشان الركود الاعترا البوست
خلونا نفتح موضوع جديد عشان نضح دماء جديدة في البوست
وحات قال بوست شحمان ولابدين بيهو براكم
سحرو لينا
الموضوع
تقبيل يد المحبوبة ( الزوجة )
|
Post: #131
Title: Re: ***** المشـــاهدة لغـير المتـــزوجات فقــط ****
Author: كمال الشادي
Date: 01-26-2010, 02:31 PM
Parent: #130
الشعوب تقبل اليد
تقبل يد الحكام خوفا وطمعا
تقبل يد شيوخ الفلوس طمعا وطمعا
وتقبل يد شيوخ الدين رهبة وقربانا
تقبل يد الام إحتراما وتقديرا ووفاءً
تقبل يد ا لاب حنواً وإحتراما ورفعة
تقبل يد المحبوبة والزوجة حبا وإحتراما وتقديرا ورعلواً
نحن في السودان نهوى اوطانا
نحن في السودان ولا واحد من كل الشعوب دي
ما أظن في زول ممكن يبوس يد البشير
ومافي زول مجنون ممكن يبوس يد الترابي
ولا في واحد مسطول ممكن يبوس يد صلاح ادريس
وعمري ما سمعت بي سوداني مية في المية ( مية في ا لمية يعني مافيهو دم من برة مصري والله مغربي والله شامي ) بيبوس يد أمه
وزيها يد الاب المطحون تجيب وتجيب وتجيب وتشقى عمره مافي زول باس يدو
اما الغلبانة الاسمها الزوجة
( زمان على فكرة كان اسمها المحبوبة ) ايام الجامعة والتكيسس
اقول ا لغلبانة دي عمرو في سودانا السجمان ده مافي زول فكر يبوس يدها
ممكن زول منكم يقول لي ليه ما بنبوس يد زوجاتنا
اكان شكرا
والله تقديرا
والله حتى رغبة ً
وعشان حمد مايجيني ناطي خليني اقول
براك
وجوه البيد
وكمان جوه غرفة النوم
وبعد منتصف الليل
والعيال نايمين
ومافي زول شايفك إنت ومرتك براكم
ليه ما بتبوس يدها
يا عمي الراجل
وياسيد الرجالة
ويا الاسد الهصور وعنتر الشايل سيفو
عيب والله حرام ؟
|
Post: #132
Title: Re: ***** المشـــاهدة لغـير المتـــزوجات فقــط ****
Author: كمال الشادي
Date: 01-26-2010, 02:43 PM
Parent: #131
قبل ان نبدأ في تلقى الردود
خلوني احكي ليكم قصة رائعة لصديق عزيز لي باس يد واحدة
------
ايام الجامعة
انا قريت في مصر
وعشان ما في زول يعرف يحدد الزمان والمكان والاشخاص
اقول كنا 125 الف طالب وطالبة موزعين على 18 جامعة مصرية
واحد من ال 125 الف ديل صاحبي وعمل الحكاية الغريبة دي
-------
صاحبي كان بيحب واحدة معاهو في الجامعة
كل الناس كانت عارفة علاقتو بيها ، ولانو انسان محترم كان الناس متأكدين إنو جاد وراح يتزوجها بعد التخرج مباشرة اكان ما قبلو
---
فجأة إختنا في الله راحت اجازة السودان ورجعت لابسا دبلة وشوية كشاكيش لزوم إنها اتخطبت وكده
صاحبي حساس ورائع الخبر في البداية هداهو هد
بعد فترة ليست طويلة خرج من عزلته وواجه الحقيقة
اول كلمة قالها لي هي الخسرانة
ماراح تلقى واحد زيي
---
مرة كان في تجمع طلابي ( وزيادة في التموية مش راح نقول هو شنو )
كانت اختنا في الله واقفة وسط صاحباتها متألقة ( لانها كانت جميلة جدا )
جا صاحبي شاقي الناس ووقف قدامها وسلم عليها
الناس اتكهربت
لحظة سكون وصمت
ورفض ان يفك يدها
للحظة ولجزء من الثانية وأظنه ثانيتين أو اكثر توقف الزمان
وفي غفلة من كل شيء صاحبي قرب يد البت من وجهه وباسا
قدام الناس كلها
في يوم طلابي حاشد جدا
ومافكا يدها
وهو ماسكها قاليها
اقسم بالله العظيم لو تفتشي السودان بتاعك ده كلو
ماراح تلاقي راجل راقي زي انا يبوس يد مرتو أو حبيبتو !!!!
---
إنتهى اليوم
وكان حدثا إستثنائيا
---
سألته بعدها ليه عملت كده
قال لي بخبث أردت ان اترك علامة في حياتها لا تنساها عمرها كله إسمها ( فلان ) اسمه هو
سألته كيف ؟
قال لي انا صادق لمن قلت ليها ما راح تلاقي في السودان راجل راقي زيي يبوس يدها
----
قابلته الصيف الماضي بعد مضى حوالي عشرين سنة على هذه الحادثة وتذكرناها وضحكنا وسألته
هل لايزال عند رأيه في السودانيين الرجال في بوس يد زوجاتهم
قال لي انا اعرف اخبارها
تزوجت من رجل سافر بها إلى الخليج
وبعد الزواج حولها من حبيبة إلى زوجة ماهرة في الطبيخ وتربية الاولاد ومراجعة دروسهم وتجميع الفلوس لبناء البيت وتجميع الذهب ولا تنسي الحنة والدلكة وشغل السودانيات ولم العدة والملايات .... الخ
لكنه نسى أن يبوس يدها
واحد عربجي
ماقلت ليك انا راجل راقي
قلت له
عداك العيب
انت فعلا راجل راقي
---
شدو حيلكم معانا والله اقسم بالله ازوغ واشوف بوست غيركم !!!
|
Post: #133
Title: Re: ***** المشـــاهدة لغـير المتـــزوجات فقــط ****
Author: كمال الشادي
Date: 01-26-2010, 02:54 PM
Parent: #132
الزولا الاسمها منال ست البوست ده
انا قنعت منها ظاهرا وباطنا
-----
وجن
يا وجن
وينك ؟؟؟
|
Post: #134
Title: Re: ***** المشـــاهدة لغـير المتـــزوجات فقــط ****
Author: منال
Date: 01-26-2010, 03:34 PM
Parent: #133
Quote: الزولا الاسمها منال ست البوست ده
انا قنعت منها ظاهرا وباطنا |
ههههههههههه
البركه فيكم ياكمال انت وحمد
تابعو البوست
انا عندى لفه بتفقد فى الرعايا وراجعه ...
|
Post: #135
Title: Re: ***** المشـــاهدة لغـير المتـــزوجات فقــط ****
Author: كمال الشادي
Date: 01-26-2010, 04:35 PM
Parent: #134
يا منال
تفقدي الرعية
برومانسية
مش
بنشافة !!
عليك الله الطلات النص كم
بطليها
وتعالي عديل
|
Post: #136
Title: Re: ***** المشـــاهدة لغـير المتـــزوجات فقــط ****
Author: حمد محمد احمد
Date: 01-26-2010, 06:54 PM
Parent: #135
السلام عليكم
الاخ العزيز كمال
الاخت منال متفقدة الرعايا دخلينا من ضمن هؤلاء الرعايا ( لو سمحت )
..
اولا ياكمال بوس الايد ده عند الفقرا بس
تبوس في فرق بينها وبين ( تسلم )
تبوس ايد زوجتك تقوم هي تفهم حاجة تانية
ابسط كلمة تقوله ليك ( ياراحل مالك ؟؟ )
يا كمال شفت الكلام بتاع ( السلام) او ( البوس ) في الايد ده ياهو زاتو الرومانسية ( جزء من الرومانسية )
..
|
Post: #137
Title: Re: ***** المشـــاهدة لغـير المتـــزوجات فقــط ****
Author: كمال الشادي
Date: 01-26-2010, 10:16 PM
Parent: #136
يا حمد
جيت والله جابك
الليلة يحلك الحلة بلا
في مكان سابق ذكرت الاتي :
Quote: اعتقد ان قمة الرومانسية ان تكون التفاصيل لكم فقط ( انت وهي )
|
Quote: لست من انصار العبارات المستهلكة
او المواقف المفتعلة
يجب ان تكون العلاقة حقيقية واثقة
انت ما تحس بحاجة غلط وهي كذلك
ونحنا قلنا في البوست حقنا باختصار ( الزمان والمكان والحال )
واقصد بالزمان
زمن الاباحة بالمشاعر فليس كل زمان مناسب
واقصد بالمكان
ما في اي حتة تقوم تقول كلامك
والحال
|
راجع ليك
|
Post: #138
Title: Re: ***** المشـــاهدة لغـير المتـــزوجات فقــط ****
Author: وجن
Date: 01-27-2010, 00:24 AM
Parent: #137
سلام عليكم
على الحاضرين على الغائبين
على الرومنسية والعاشقين
على البحريغسل وجه المدينة
من الحزن والدمع والأغنيات
أنا قريبه ومستمتعه جدا
بس بوس اليد دا ما ادونا ليو بين الأزواج الأ من وراء حجاب
أما عن والدي فكنا أنا وأخواني موضع تهكم الجيران حيث نقبل يد أبي وأمي في أي ملف
|
Post: #139
Title: Re: ***** المشـــاهدة لغـير المتـــزوجات فقــط ****
Author: Omayma Alfargony
Date: 01-27-2010, 01:55 AM
Parent: #138
ليس هناك شعور يعادله شعور القبلة تطبع على جبين الام والاب
ولا حين ترد لك منهما بالمثل متبوعة بالعفو والعافية.
اما الرجال وبوس يدين مراتاتهم :)...والسودانيين بالتحديد....حييشوفوه منقصة ودونية..
استاذ كمال...
امامك مشوار طويل تحفه الجبال والبحار والوحوش قبل الوصول الي قصر الاميرة المسجونة.
:).
|
Post: #140
Title: Re: ***** المشـــاهدة لغـير المتـــزوجات فقــط ****
Author: حمد محمد احمد
Date: 01-27-2010, 07:46 AM
Parent: #139
Quote: يا حمد
جيت والله جابك
الليلة يحلك الحلة بلا
|
الشادي
بله دا حلاهو الله
وانا الله بحلني !!
..
يا الشادي
هناك تفاصيل لا يمكن التصريح بها حتى لاقرب الاقربين
اعتقد ان الرومانسية قدسية العلاقة ( بتفاصيلها )
بلقى لي ناس يوافقوني في رأيي ده
الرومانسية ناعمة الملمس لا تحتمل الخدش لانه يشوهها
الرومانسية تتطلب الصدق الكامل والثقة الكاملة ليفهم ويحس الطرف الثاني بها
التفاصيل بتاعت مسك الايادي وبوس الايادي بتجي natural ( ده اذا جات !... وكان الزمان والمكان والحال مناسب )
عمق العلاقة احساس مشترك deep in your soul
شفت الزول النسى المذكرة بتاعتو في محطة القطر.. ده رومانسي
..
وجن
كلامك شفيف
..
اميمة
ابوك وامك ديل فوق القانون
بوسي زي ما عاوزة
مع العلم
الواحد ما بتذكر ابوهو باسو كلو كلو
الجيل الحديث احسن مننا شوية
حتى بنت اختي بتقول لي خالو انا بحبك شديد
بحس بالكلام ده في قلبي جوه
وكذلك بناتي
اما اولادي فلا يصرحون
...
|
Post: #141
Title: Re: ***** المشـــاهدة لغـير المتـــزوجات فقــط ****
Author: Amna Mohamed Arh
Date: 01-27-2010, 08:26 AM
Parent: #140
صباح الرومانسية عليكم كلكم
منال ست البوست والله سرقتي مننا اخطر لاعب (حمد) وأحرف مناقش (الشادي)
اهوا أنا بقيت اسكهم بجاي
مستمتعين بي نقاشكم شديد
|
Post: #142
Title: Re: ***** المشـــاهدة لغـير المتـــزوجات فقــط ****
Author: حمد محمد احمد
Date: 01-28-2010, 10:45 AM
Parent: #141
يا امنة
كمال الشادي دخل في الاندهاجة
لما يفضى بجي
...
العلاقة بين المرأة والرجل تشوبها الكثير من الشوائب
عاوزين ننقي العلاقة قدر المستطاع
مابنقول 100% وكدي نبدأ بالبسيط
ثقافة المعاملة بين المرأة والرجل عاوزنها تكون عند المتزوجين اولا
وبعدين لغير المتزوجين /ات
..
وزي ما قالو الاخوة المتداخلين نعلمها لاولادنا
ونعلمهم القديم الصاح والجديد المعدل
وكل زول عندو نظرتو للصاح
..
|
Post: #143
Title: Re: ***** المشـــاهدة لغـير المتـــزوجات فقــط ****
Author: كمال الشادي
Date: 01-29-2010, 02:01 PM
Parent: #142
العزيز حمد
Quote: يا امنة
كمال الشادي دخل في الاندهاجة
لما يفضى بجي |
اول حاجة الاندهاجة مصطلح عجبني وهو بالنسبة لي جديد مية المية
فعلا انا مشغول شوية الشباب عندهم امتحان بكرة
خلوني اراجع معاهم شوية
وبعدين بجيكم
|
Post: #144
Title: Re: ***** المشـــاهدة لغـير المتـــزوجات فقــط ****
Author: حمد محمد احمد
Date: 01-29-2010, 06:42 PM
Parent: #143
Quote: خلوني اراجع معاهم شوية
وبعدين بجيكم |
..
الله يكون في العون
|
Post: #145
Title: Re: ***** المشـــاهدة لغـير المتـــزوجات فقــط ****
Author: كمال الشادي
Date: 01-31-2010, 08:34 AM
Parent: #144
*
|
Post: #146
Title: Re: ***** المشـــاهدة لغـير المتـــزوجات فقــط ****
Author: Solafa Alagib
Date: 01-31-2010, 02:28 PM
Parent: #145
UP
بس ,,,,,دا كل اللي بقدر اقولو هسه
لكن موعودين بالجية بورقتي وقلمي
د:سلافا العاقب
|
Post: #147
Title: Re: ***** المشـــاهدة لغـير المتـــزوجات فقــط ****
Author: كمال الشادي
Date: 01-31-2010, 02:39 PM
Parent: #146
++++++
|
Post: #148
Title: Re: ***** المشـــاهدة لغـير المتـــزوجات فقــط ****
Author: حمد محمد احمد
Date: 01-31-2010, 08:21 PM
Parent: #147
Quote: بس ,,,,,دا كل اللي بقدر اقولو هسه
لكن موعودين بالجية بورقتي وقلمي
|
د سلافا
تعالي بالورقة والقلم وفندي الكلام السابق
حبة حبة..
ليكون لدينا اكثر من راي وتتوسع الرؤية
|
Post: #149
Title: Re: ***** المشـــاهدة لغـير المتـــزوجات فقــط ****
Author: كمال الشادي
Date: 02-01-2010, 11:01 PM
Parent: #148
الاخت العزيزة وجن
Quote: بس بوس اليد دا ما ادونا ليو بين الأزواج الأ من وراء حجاب
|
إنتى معانا والله مع الجماعة
نحن دايرين نطوع الظروف والناس عشان المسألة تنتهى ببوسة في يد الزوجة
تقومي تصعبيها وتخليها من وراء حجاب
ده شنو يا وجن
يا اميمية
شكلك كده يأسانه خالص من الموضوع ده
Quote: اما الرجال وبوس يدين مراتاتهم :)...والسودانيين بالتحديد....حييشوفوه منقصة ودونية..
استاذ كمال...
|
يا اميمية لو ردك النهائي نقفل الموضوع رأيك شنو ؟
|
Post: #150
Title: Re: ***** المشـــاهدة لغـير المتـــزوجات فقــط ****
Author: وجن
Date: 02-01-2010, 11:36 PM
Parent: #149
سلام على ديار الحب والرومنسية
والله أنا معاكم لكن تقول شنو
الرجل السوداني عنده حبة عقد ما بتتحل بأخوي وأخوك
هو ياالله يالله قادر يمسك يده كمان يبوسه والله أتمنى ذلك
هو بكون نفسه يعمله خصوصا لو كان رومنسي لكن في حاجات بتكون حامياه وخصوصا التربية
عشان كده ياريت نتجاوز الحته دي وتفتح لينا جبهه تانية للنقاش
دي مجرد وجهة نظر
|
Post: #151
Title: Re: ***** المشـــاهدة لغـير المتـــزوجات فقــط ****
Author: وجن
Date: 02-02-2010, 05:25 AM
Parent: #150
قبيل قلت ليك التربية وصادف ان صديقتي رسلت لي الإيميل دا قبل شوية
ياربت يفيدناويكون ديدنا عشان نطلع جيل كله حب وجمال ورومنسية وحنية
----------------------------------------------------------------------
يداً بيد عزيزتي الأم عزيزي الاب..
وكذلك الأخ والأخت فهو لكل افراد العائله ..
يقول الدكتور ميسرة طاهر ...
وسائل التربية بالحب أو لغة الحب أو أبجديات الحب هي ثمانية ...
1- كلمة الحب..،
2- نظرة الحب ..
3- لقمة الحب..
4- لمسة الحب..،
5- دثار الحب ..
6- ضمة الحب..
7- قبلة الحب ..
8- بسمة الحب..
الأولى : كلمة الحب .
"كم كلمة حب نقولها لأبنائنا ( في دراسة تقول أن الفرد إلى أن يصل إلى عمر المراهقة يكون قد سمع مالا يقل عن ستة عشر ألف كلمة سيئة ولكنه لا يسمع إلاّ بضع مئات كلمة حسنة ) .
إن الصور التي يرسمها الطفل في ذهنه عن نفسه هي أحد نتائج الكلام الذي يسمعه ، وكأن الكلمة هي ريشة رسّام إمّا أن يرسمها بالأسود أو يرسمها بألوان جميلة . فالكلمات التي نريد أ ن نقولها لأطفالنا إمّا أن تكون خيّرة وإلاّ فلا ..
بعض الآباء يكون كلامه لأبنائه ( حط من القيمة ، تشنيع ، استهزاء بخلقة الله ) ونتج عن هذا لدى الأبناء [ انطواء ، عدولنية ، مخاوف ، عدم ثقة بالنفس ] .
الثانية : نظرة الحب
اجعل عينيك في عين طفلك مع ابتسامة خفيفة وتمتم بصوت غير مسموع بكلمة ( أحبك يافلان ) 3 أو 5 أو 10 مرات ، فإذا وجدت استهجان واستغراب من ابنك وقال ماذا تفعل يا أبي فليكن جوابك { اشتقت لك ياابني } فالنظرة وهذه الطريقة لها أثر ونتائج غير عادية .
الثالثة : لقمة الحب
لاتتم هذه الوسيلة إلاّ والأسرة مجتمعون على سفرة واحدة [ نصيحة .. على الأسرة ألاّ يضعوا وجبات الطعام في غرفة التلفاز ] حتى يحصل بين أفراد الأسرة نوع من التفاعل وتبادل وجهات النظر . وأثناء تناول الطعام ليحرص الآباء على وضع بعض اللقيمات في أفواه أطفالهم . [ مع ملاحظة أن المراهقين ومن هم في سن الخامس والسادس الآبتدائي فما فوق سيشعرون أن هذا الأمر غير مقبول] فإذا أبى الابن أن تضع اللقمة في فمه فلتضعها في ملعقته أو في صحنه أمامه ، وينبغي أن يضعها وينظر إليه نظرة حب مع ابتسامة وكلمة جميلة وصوت منخفض (ولدي والله اشتهي أن أضع لك هذه اللقمة ، هذا عربون حب ياحبيبي) بعد هذا سيقبلها .
الرابعة : لمسة الحب.
يقول د. ميسرة : أنصح الآباء و الأمهات أن يكثروا من قضايا اللمس . ليس من الحكمة إذا أتى الأب ليحدث ابنه أن يكون وهو على كرسين متقابلين ، يُفضل أن يكون بجانبه وأن تكون يد الأب على كتف ابنه (اليد اليمنى على الكتف الأيمن) . ثم ذكر الدكتور طريقة استقبال النبي لمحدثه فيقول : { كان النبي صل ى الله عليه وسلم يلصق ركبتيه بركبة محدثه وكان يضع يديه على فخذيْ محدثه ويقبل عليه بكله } . وقد ثبت الآن أن مجرد اللمس يجعل الإحساس بالود وبدفء العلاقة يرتفع إلى أعلى الدرجات . فإذا أردتُ أن أحدث ابني أو أنصحه فلا نجلس في مكانين متباعدين .. لأنه إذا جلستُ في مكان بعيد عنه فإني سأضطر لرفع صوتي [ ورفعة الصوت ستنفره مني ] وأربتُ على المنطقة التي فوق الركبة مباشرة إذا كان الولد ذكراً أمّا إذا كانت أنثى فأربتُ على كتفها ، وأمسك يدها بحنان . ويضع الأب رأس ابنه على كتفه ليحس بالقرب و الأمن والرحمة ،ويقول الأب أنا معك أنا سأغفر لك ما أخطأتَ فيه.
الخامسة : دثار الحب.
ليفعل هذا الأب أو الأم كل ليلة ... إذا نام الابن فتعال إليه أيها الأب وقبله وسيحس هو بك بسبب ذقنك التي داعبت وجهه فإذا فتح عين وأبقى الأخرى مغمضة وقال مثلاً : ( أنت جيت يا بابا ) ؟؟
فقل له ( إيوه جيت ياحبيبي ) وغطيه بلحافه .
في هذا المشهد سيكون الابن في مرحلة اللاوعي أي بين اليقظة والمنام ، وسيترسخ هذا المشهد في عقله وعندما يصحو من الغد سيتذكر أن أباه أتاه بالأمس وفعل وفعل .
بهذا الفعل ستقرب المسافة بين الآباء و الأبناء .. يجب أن نكون قريبين منهم بأجسادنا وقلوبنا .
السادسة : ضمة الحب
لاتبخلوا على أولادكم بهذه الضمة ، فالحاجة إلى إلى الضمة كالحاجة إلى الطعام والشراب والهواء كلما أخذتَ منه فستظلُ محتاجاً له .
السابعة : قبلة الحب.
قبّل الرسول عليه الصلاة والسلام أحد سبطيه إمّا الحسن أو الحسين فرآه الأقرع بن حابس فقال : أتقبلون صبيانكم ؟!! والله إن لي عشرة من الولد ما قبلتُ واحداً منهم !! فقال له رسول الله أوَ أملك أن نزع الله الرحمة من قلبك .
أيها الآباء إن القبلة للابن هي واحد من تعابير الرحمة ، نعم الرحمة التي ركّز عليها القرآن وقال الله عنها سرٌ لجذب الناس إلى المعتقد ،، وحينما تُفقد هذه الرحمة من سلوكنا مع أبنائنا فنحن أبعدنا أبناءنا عنا سواءً أكنا أفراداً أو دعاة لمعتقد وهو الإسلام .
هذه وسائل الحب من يمارسها يكسب محبة من يتعامل معهم وبعض الآباء و الأمهات إذا نُصحوا بذلك قالوا ( إحنا ماتعودنا ) سبحان الله وهل ما أعتدنا عليه هو قرآن منزل لانغيره .
وهذه الوسائل هي ماء تنمو به نبتة الحب من داخل القلوب ، فإذا أردنا أن يبرنا أبناءنا فلنبرهم ولنحن إليهم ، مع العلم أن الحب ليس التغاضي عن الأخطاء
|
Post: #152
Title: Re: ***** المشـــاهدة لغـير المتـــزوجات فقــط ****
Author: منال
Date: 03-01-2010, 08:03 PM
Parent: #150
Quote: سلام على ديار الحب والرومنسية
والله أنا معاكم لكن تقول شنو
الرجل السوداني عنده حبة عقد ما بتتحل بأخوي وأخوك
هو ياالله يالله قادر يمسك يده كمان يبوسه والله أتمنى ذلك
هو بكون نفسه يعمله خصوصا لو كان رومنسي لكن في حاجات بتكون حامياه وخصوصا التربية
عشان كده ياريت نتجاوز الحته دي وتفتح لينا جبهه تانية للنقاش
دي مجرد وجهة نظر |
|
|