التخديرة سنة كم آ جنا ؟ اها نحن من تخديرة المشروح حاضر آ سيد حاضر آ سيد حاضر آ كريل حاضر آ جيمس حاضر آ جرقاس فاتو الانقليز جونا سيد اظرط منهن ولقوها بريدة بروب حاضر آ سيد حاضر آ سيد نتسد نيتكن راجي الله عليكم بعد غتستوا حجر مشروحنا
مشينا للحيكومة واتكلمنا معاها قلنا ليهن بلى اخمكن ليشنوا خميتوا مشروحنا اهنا مرق علينا واحدا افيزر وقال يا عرب هييي اطلعوا برة وكان ما مسكنا منو ود الباع جملو كان لكمو لكمة واحدة خلا افرفر لكن خفنا من الرقبة وجرجرة المحاكم لكن جاينكن ابان رويسات حرم اكان امرقنن كرعينكن الممسحات ديل . . . . . ثورة اهل العوض جاتكن
Post: #12 Title: Re: أهل العوض احاحي ليهن رب العالمين Author: ismeil abbas Date: 01-10-2010, 03:20 PM Parent: #11
Post: #13 Title: Re: أهل العوض احاحي ليهن رب العالمين Author: Alshafea Ibrahim Date: 01-10-2010, 03:28 PM Parent: #12
سلام يغشاك ود البوش أكان كدي ولا كدي أنا منهم وفيهم وأكان ألله خلقني ما منهم الندامة والحسافة ليوم الدين ، كرم وشهامة ومروءة ورجالة أهل العوض حددت معالم إنسان السودان منو غيرهم بعزم على قبضة البليلة ، منو غيرهم لا يعرف أن يتناول كباية موية ناهيك من لقمة حافة داخل بيته .. هم عزي وفخري .. لك ولهم ملايين الشكر الشفيع ابراهيم
على بالطلاق آ بت الفرجوني جيتك دي تنضبح ليها الشائل جخخخخخخخخ ابشري آ بت الكلس قدامك تلبات اكان حر الكوع علي الحرام الواحد اطير فررررر نحن ناسا بالنا طويل ومابشنفق على الشينة علا آ بتي الحقارة مابرضاها والشافنو قداما داخل في الغريق وطاطنا فوقا الدم آ بت العم . . . تسلمي آ بت الكرام
Post: #19 Title: Re: أهل العوض احاحي ليهن رب العالمين Author: Yousif A Abusinina Date: 01-11-2010, 07:05 AM Parent: #18
بسم الله ود البوش
ات دحين صحيت من النوم يا زول دوبك وكيت فراشك يادوب نحن فراشنا صيوانة ليه عشرين شنة ولما الصيوان اتشرط من العشرين الاولى رحنا لى ناس كلازم وقلنالهم بندورنا صيوان من النوع طويل العمر لانوووووو فراش طويل بالحيل وزعزاينا مقيم ما زول فاتحة بكتحها بقوم برجع بيوشة . دحين يا اخوى عزاءءءءء اهل العوضى مستمر فى جميع حلال الجزيرة والمناقل والحرقة نوردين الفاتحة للغير قبل الكبير
اهل العوضى صابرين مو مستلمين ومفوضين امرهم للواحد القهار ذو القوة الجبروت قادر على ان يرد كيدهم لو بعد حين .
مودة معزة خاصة يا دفعة والاخص منها لاهل العوضى
Post: #20 Title: Re: أهل العوض احاحي ليهن رب العالمين Author: عبدالله ود البوش Date: 01-11-2010, 10:34 AM Parent: #19
ابوسنينة الكلس عوافي
انا وميتة كنا مبارين باللنادي البصل اب حلوق والمريسة ضوق ضوق اها امس مشينا انداية صقيعة سلامة لقيناها فاضية الا حمار ود اللخدر ياكل في المسكاب القديم رجعنا الحلة قلنا ليهم هيق ( في الفاضي ساهي ) الخربانة دي ما لا فاضية قال العيش للكل مافي آ سجمانين اها وقالوا لينا المشروح راااااااااااااح والرماد كالكن وضربنا الكوراك انا وميتة اخوي تبا لكم تبا لكم ماعارفين معناها شنو لكن سمعنا الجنيات بقولوا كدي
Post: #21 Title: Re: أهل العوض احاحي ليهن رب العالمين Author: عبدالله ود البوش Date: 01-11-2010, 10:43 AM Parent: #20
Post: #22 Title: Re: أهل العوض احاحي ليهن رب العالمين Author: عبدالله ود البوش Date: 01-11-2010, 10:48 AM Parent: #21
رمز الزير يا ختير رجعو المشروح آ جنيات حواشتي فوقا الدم
Post: #24 Title: Re: أهل العوض احاحي ليهن رب العالمين Author: جعفر محي الدين Date: 01-11-2010, 11:22 AM Parent: #23
والله يا ود البوش جبت نضما ختري الشيء ما مشروحكم الودر براه الضيق حاصل اكان في بحر أبيض أكان في الجزيرة وما جاورها الحقارة ملت البيوت إت دحين ما سمعت بجنياتنا ناس بحر أبيض كاتلوا في أرض أجدادن ناس الحيكومة ما كان عندهم رد غير الجبخانة أهل العوض كتار ونضار وما برضو الحقار
تسلم يا عبد الله
Post: #25 Title: Re: أهل العوض احاحي ليهن رب العالمين Author: فتحي الصديق Date: 01-11-2010, 11:31 AM Parent: #24
Quote: الشغلة بقت قلع ساي
وما نيل المطالب بالتمني .... سلام أخونا عبدالله
Post: #26 Title: Re: أهل العوض احاحي ليهن رب العالمين Author: عبدالله ود البوش Date: 01-11-2010, 11:45 AM Parent: #25
فتحي اخوي سلام عليك وعوافي والله كلامك دا قدر ما وديتو ما عرفت ليهو ات آ خوي جنانا ولا جنا المنجمين فوقنا عشان اللختساس ما اتخلبت علينا وكان كي ولا كي حبابك بس العرفة سمحة
Post: #27 Title: Re: أهل العوض احاحي ليهن رب العالمين Author: عبدالله ود البوش Date: 01-11-2010, 11:51 AM Parent: #26
جحفر اخوي سلام وعوافي حرم ما بنخاف من الجبخانة هيييييييييييع اخوك آ فاطنة يازول هوي اهل العوض ما بنقدرو طيبين وسمحين لكن كان حمى الكوع حرام جبخانة ما بتوقفن مادايرين مشاكل بس اختوا حواشاتنا حواشتي فوقنا الدم بيوت الغفرا ان شاء الله بهرتا تجيب الضهبان
Post: #28 Title: Re: أهل العوض احاحي ليهن رب العالمين Author: فتحي الصديق Date: 01-11-2010, 11:53 AM Parent: #26
أفووووووووووو آ ود ابوسنينة أخوي دحين اللرض والعرض الموت فوقن مو حلال نحن ما ماشين نضاربن الناس فوق ردهن نحن فوق واططنا قاعدين والبقولنا قوموا واحد فينا ميت نحن بموت فوق حقنا نحن اهل العوض مانا ناس مشاكل نحن بنحل الملولو واجدانا وصونا على الوطن . . . تقنتي بموت فوقو آ ود ابوسنينة اخوي
الاخ الكريم سيف اليزل نسجت حريرا خالصا زين هذا الخيط فاصبح له القا
الله ايديك العافية آ ود أخوي
Post: #42 Title: Re: أهل العوض احاحي ليهن رب العالمين Author: معتصم دفع الله Date: 01-12-2010, 04:54 PM Parent: #41
ها زول ها .. ماشين على الضهرية وبنجيك راجعين ..
أرقدو عافية ..
Post: #43 Title: Re: أهل العوض احاحي ليهن رب العالمين Author: Yousif A Abusinina Date: 01-12-2010, 05:23 PM Parent: #42
Quote: ماشين على الضهرية وبنجيك راجعين ..
ود البوش ارقد عافية اهل العوض بالكوم
اللراض هولك ما بتجيها عوجة ابشر بالخير بس ما ظنيه تخدر قريب اكربوا بطونك وابقوا عشرة على الحلال هجووووا مكان مطران ومخدر ووقيفات بحر ابيض وازرق
تباراكم عينى علية بااااااردة نضيف وحيموروا يقول وانارى الله يروكم منه انشاء الله
Post: #44 Title: Re: أهل العوض احاحي ليهن رب العالمين Author: عبدالله ود البوش Date: 01-13-2010, 06:53 AM Parent: #42
ماكان تشيل معاك لابتوبك للضهرية آ معتصم ولدي الحاجة الله اجعل فيها البركة اصلوا مابتنسى طوالي لابتوبي في الخرج مع الكندكة . . . . كنت قايلك جنا بندر آ معتصم ولدي هو تاريهو الشفوفية دي حقتنا
عوافي آ عشاء البايتات
Post: #45 Title: Re: أهل العوض احاحي ليهن رب العالمين Author: عبدالله ود البوش Date: 01-13-2010, 07:04 AM Parent: #44
Quote: ود البوش ارقد عافية اهل العوض بالكوم
اللراض هولك ما بتجيها عوجة ابشر بالخير بس ما ظنيه تخدر قريب اكربوا بطونك وابقوا عشرة على الحلال هجووووا مكان مطران ومخدر ووقيفات بحر ابيض وازرق
تباراكم عينى علية بااااااردة نضيف وحيموروا يقول وانارى الله يروكم منه انشاء الله
ود ابوسنينة
والله اتقول كنت بتنجع معانا شغلك دا مو شغل سمع ساي شغلك دا سمع وشوف
يحيى ابراهيم يسلم عليك
السلام دا ذكرني واحدة من قفشات اهلنا اتنين من عربك كانوا ضيوف مع واحد اها بعد اللكل واحد فيهن في باقي كسرة فوق حنكو اخوهو داير انبهو ليها بطريقة حريفة بحيث ان صاحب البيت ما يعرف حاجة قام قال ليهو : ود اب عيش اسلم عليك ماسحا يده على حنكو طوالي العربي الشفيف مسح حنكو وقال لاخوه : الله يسلمووووو .. اها رحلوا ولا لسع في بكانن داك
Post: #46 Title: Re: أهل العوض احاحي ليهن رب العالمين Author: Yousif A Abusinina Date: 01-13-2010, 09:36 AM Parent: #45
Quote: يحيى ابراهيم يسلم عليك
السلام دا ذكرني واحدة من قفشات اهلنا اتنين من عربك كانوا ضيوف مع واحد اها بعد اللكل واحد فيهن في باقي كسرة فوق حنكو اخوهو داير انبهو ليها بطريقة حريفة بحيث ان صاحب البيت ما يعرف حاجة قام قال ليهو : ود اب عيش اسلم عليك ماسحا يده على حنكو طوالي العربي الشفيف مسح حنكو وقال لاخوه : الله يسلمووووو .. اها رحلوا ولا لسع في بكانن داك
هاااااا المطموس بدور تقطع مصارينى بالضحك الله يسلمك ويسلمة وين هو يحيى فى اى بلد بذكررو بالحيل كسرتن بموية وبندورتن محمره فى المخلاية مالالالالا طلعت سريع كدة من حنيكوو
ود البوش فاكر قصة الخواجة اللكان فى حنتوب واهل العوض عزموووة فطور جابواااا لية لقمتن بمفروكة بامية يالله ويامين نقطع ؛ شالووامنها لقمة والمفروكة ابت تنقطع وقف على حيلوووووة والمفروكةابت تنقطع قامت معاااااة لما انقطع تفكريوا فيها واحتار قطعها بيدو الشمال وهو واقف .... ههههههههه
Post: #47 Title: Re: أهل العوض احاحي ليهن رب العالمين Author: عبدالله ود البوش Date: 01-13-2010, 09:56 AM Parent: #46
Quote: ود البوش فاكر قصة الخواجة اللكان فى حنتوب واهل العوض عزموووة فطور جابواااا لية لقمتن بمفروكة بامية يالله ويامين نقطع ؛ شالووامنها لقمة والمفروكة ابت تنقطع وقف على حيلوووووة والمفروكةابت تنقطع قامت معاااااة لما انقطع تفكريوا فيها واحتار قطعها بيدو الشمال وهو واقف .... ههههههههه
سمعنا بيها ساي يا اخوي كما سمعنا بقرايتكم بالردة كدا يا اب ردة سنة ولا اموت انا
عمك حبيب الله ود الباع جملو قال لبتو الليام دي سامع الجنيات بقولوا تتي حمامكم بدي ولا بعضي ؟ اها اكان في جنا قال ليك كدي قولي ليهو حمامنا بضبح جخخخخخخخخخخخخخخخ ماسكا كفه اليسرى في شكل سكين ضاغطا على مفصل كفه الايمن لانو اعسر يا ود ابوسنينة
يحيى ابراهيم نحن بنسمي ود جون وكان مشهور في حنتوب بـ ( ابونواس ) لانه وهوفي الصف الاول القى محاضرة شهيرة عن ابي نواس وهو طال عمرو الان مترجما في السفارة الفرنسية بالخرطوم زولك ظابط الفرنسي زبط جددددددددد للصباح
Post: #48 Title: Re: أهل العوض احاحي ليهن رب العالمين Author: العوض المسلمي Date: 01-13-2010, 10:05 AM Parent: #47
متابع
Post: #49 Title: Re: أهل العوض احاحي ليهن رب العالمين Author: عبدالله ود البوش Date: 01-13-2010, 10:29 AM Parent: #48
ات آ العوض اخوي ما سيد الشئ ذاتو وكان ما جيت ات آ شيخنا البحاحي لينا منو تور المراح بجيب الهوا من قرونو السيد اخوك جر عكازو وجا جاري لكن آ العوض اخوي تاني ما شفناهو برضو متابع بالطوالة ولا كيفن آ شيخ العرب نحن ماكتلنا خلاااااس . . .
تسلم آ العوض عارفنك زول تقيلة وبنجيك للحارة
انا لبقتي بموت فوقا .... حاح آ جراد حاح
عبدالله محمد عبدالله _ الرياض لكن حواشتي في ترعة العركي مكتب سرحان
Post: #50 Title: Re: أهل العوض احاحي ليهن رب العالمين Author: Mohammed Ahmed Saeed Date: 01-13-2010, 05:12 PM Parent: #49
تسجيل حضور ياعبداللة
معاك فى الرياض
حواشتى ترعة ابوفروع مكتب دلقا تالت بيت
وصابر وشوقى لعكازى المضبب وامانة مابعرف اصرف حتى الطوبة
Quote: وصابر وشوقى لعكازى المضبب وامانة مابعرف اصرف حتى الطوبة
امحداحمد اخوي عوافي وحواشتك سمحة طب تالت بيت دي حاجة سمحة خلاس لا ناكوس ولاردمية تشرب للشلابي وات تغني
جبت كلام عجيب قلت لي تصرف الحصحاصة ............ هيييييق اسمك دا عاجبني عجب امحداحمد ود سعيد دا ود اعمي في حلتنا دا لمن الصادق المهدي جاء للمصالحة سنة 1979م حلتنا عدمت ناطفي النار مشى امحمداحمد ود سعيد معاهن وقت السيد الصادق نزل من الطيارة وركب المارسيدس زولك ختا رقبتو تحت عجل المرسيدس وقال للسواق امش الجماعة جرو مسك في اللستك وقال حرم آ برجع حي انا جيت كرامة لود المهدي اطا فوقي واقصي رقبتي دي كعععععععععع حرم آ برجع حي انا جيت كرامة لود المهدي مابرجع حي ...........
Post: #52 Title: Re: أهل العوض احاحي ليهن رب العالمين Author: سيف اليزل برعي البدوي Date: 01-16-2010, 00:12 AM Parent: #51
الطيب البوليص حبابك وحباب اليوم الجابك ومبروك على خالك خالد زمان آ الطيب كنا في حفلة في العتامنة بمبارك ود الصالح الليل سرحان حفلة جد كانت رتينتا تسوي بخخخخخخخخخخ والعلالة كاتحة بهرتا تجيب الضهبان من اب عدارة اها مبارك ود الصالح بغني في ياحمامة مع السلامة راشد ود عبدالخالق قال لي خلاس ارح وقام لكز ود الجسير ما خلاس آ ود الجسير الفنان بغتي في يا حمامة مع السلامة ارحكن ود الجسير قال هيق بطارتي ويني ؟ راشد قال ليهو ما هدي بطارتك في ايدك ود الجسير قال ليهو دي ما بطاريتي وهو واقف لط قلنا ليهو عرفتها كيف دي ما بطارتك ؟ بطارتي قنيط دا ما فيها واشار للقماز اللحمر . . يا اخوي اتو دايرن تسكسكو في حفلاتكن وحفلات جنيات حنانكن انتظر المولود قرب
سيف اليزل لا يثبت الجميل الا جميل النفس عفيفها تشربت من طيبة اهل الجزيرة وصادف اهله طيبا فواحا ظلمنا كثيرا اخي سيف اليزل ولكن لابد لليل ان ينجلي ولابد للقيد ان ينكسر هذا النظام ان لم يرعوي فسيواجه بثورة المظلومين التي لابتغى ولاتذر ونحن بحاحي لينا رب العالمين خليك معاناونتوقع منك الكثير اكرر شكري وتقديري
Post: #65 Title: Re: أهل العوض احاحي ليهن رب العالمين Author: عبدالله ود البوش Date: 01-17-2010, 09:21 AM Parent: #64
سيف اليزل والله جبت نضميا سمح بالحيل كلام طاعم وحلو عجب اهل العوض كلهن والجنبهن الحضور كلو كان مبسوط من الكلام السمح دا دا معانتو السودان كلو اهل العوض انكت آ ود البدوي من جوة المخلاية امرق المدكن امرقو
سيف اليزل ود اخوي الفاني سريع عمك ما بعرف ارفع الفيديو من اليوتيوب العفين دا جيب لي آ جنا كلام محمد بادي (انا اخو البت اللكعت قرن الخمرة النازة) لقيتو في اليوتوب السجمان دا بس سجيت فيهو غلبني طب غلبني آ جنا الكع جيبو
Post: #73 Title: Re: أهل العوض احاحي ليهن رب العالمين Author: عبدالله ود البوش Date: 01-23-2010, 06:19 AM Parent: #72
دائما زول فزعة آ السيف الله اديك العافية نص التقة دي حقتك والسيوة والصميمة والبتاب شيلن ساي برا حساب
Post: #74 Title: Re: أهل العوض احاحي ليهن رب العالمين Author: عبدالله ود البوش Date: 01-23-2010, 07:47 AM Parent: #73
.
Post: #75 Title: Re: أهل العوض احاحي ليهن رب العالمين Author: almulaomar Date: 01-23-2010, 08:11 AM Parent: #73
زمان غشونا مره وقالو لينا إنتخبو رمز العربية وأختو رمز السكين أها قعدنا نغني ونبرطع العربية بتفسحنا والسكين بتجرحنا وفاز المرشح رمز العربية وحاتك إلا كتحنا بي التراب شافع صغير مورود مات فوق ضهر حمار ود موسى قبل بلوغنا الشفخانه وسيد العربية يشخر وما فاضي لينا ويا روح ما بعدك روح ، نحن تاني حا نتحدي ويمكن نكسب لو رشحنا الرمزو مخده. المزيرة أو السبيل دا ما بارد لأن الحيطه متكسه ليهو وكمان دي ما مزيرة قرية وين الشجرة ، والجداد وطيور الجنة وود أبرق يشربو من وين جايب ليك جرادل بلاستيك للنقاع يا أخي دي مزيرة أقل ما توصل به أنها متحنكشة == رب العالمين لأهل العوض والفنجاك والرشايدة والنوبه تيرا رب العالمين للجميع
Post: #76 Title: Re: أهل العوض احاحي ليهن رب العالمين Author: عبدالله ود البوش Date: 01-23-2010, 08:44 AM Parent: #75
الملاعمر بالتنقليزي ات وكت بتعرف تنقليزي قدر دا المقعد مع الطير ديل شنو ( واحد وش مصلح ) حبابك في دارك
Quote: زمان غشونا مره وقالو لينا إنتخبو رمز العربية وأختو رمز السكين أها قعدنا نغني ونبرطع العربية بتفسحنا والسكين بتجرحنا وفاز المرشح رمز العربية وحاتك إلا كتحنا بي التراب شافع صغير مورود مات فوق ضهر حمار ود موسى قبل بلوغنا الشفخانه وسيد العربية يشخر وما فاضي لينا ويا روح ما بعدك روح ، نحن تاني حا نتحدي ويمكن نكسب لو رشحنا الرمزو مخده.
اهل العوض كان ما فوزوا العوض مغشوشين انتخبوا مرشحكم العوض رمز التيبار . .
Quote: المزيرة أو السبيل دا ما بارد لأن الحيطه متكسه ليهو وكمان دي ما مزيرة قرية وين الشجرة ، والجداد وطيور الجنة وود أبرق يشربو من وين جايب ليك جرادل بلاستيك للنقاع يا أخي دي مزيرة أقل ما توصل به أنها متحنكشة
الجنيات الحنكش البصوروا ما بمشوا هناك آ اخوي للحلول خايفين تعضيهن النعجة ( ضع الوش المناسب ) . .
Post: #78 Title: Re: أهل العوض احاحي ليهن رب العالمين Author: عبدالله ود البوش Date: 01-24-2010, 06:28 AM Parent: #77
..
Post: #79 Title: Re: أهل العوض احاحي ليهن رب العالمين Author: عبدالله ود البوش Date: 01-25-2010, 10:30 AM Parent: #78
الشمالية كلها اهل العوض الجزيرة كلها اهل العوض دارفور كلها اهل العوض كردفان كلها اهل العوض الجنوب كلو اهل العوض الشرق العوض ذاتو الخرتوم ثليثيها وثلث الثلث الباقي وثلثي ثلث ما بقي اهل العوض
Post: #83 Title: Re: أهل العوض احاحي ليهن رب العالمين Author: almulaomar Date: 02-09-2010, 09:52 AM Parent: #76
Quote: ديل كلللللهن بدخلوا تحت مظلة اهل العوض فئويا
الدخول الفئوي ساهل لكين التأمل في الخروج ، فهناك من يخرج جهوياً وهناك من يخرج هامشياً وهناك من يخرج ولا يعود وهناك من يخرج عن النص وفئة ربما تخرج عن القانون أو النظام أو حتى الصف ، عدا عن أن المظلة لن تظلل كل هؤلاء وإن عظمت حتى ولو إتلفت الأنفس
Post: #84 Title: Re: أهل العوض احاحي ليهن رب العالمين Author: عبدالله ود البوش Date: 02-10-2010, 08:12 AM Parent: #83
الاخ almulaomar
تحياتي ما سمعت بنكتة الخواجة الكفت زولنا وقال ليهو انت وكت بتعرف انجليزي قدر دا المقعد مع الطير ديل شنو ؟ اها زي دا وين ما قبل فئوي ما عندو شغلة بالجيهة القاعد فيها
مرورك دائما ممتاز
Post: #85 Title: Re: أهل العوض احاحي ليهن رب العالمين Author: محمد النيل Date: 02-10-2010, 08:22 AM Parent: #84
الله يخلى ليكم مشروحكم ويحفظكم من طمع الصواينة والجابوهم
Post: #86 Title: Re: أهل العوض احاحي ليهن رب العالمين Author: عبدالله ود البوش Date: 02-10-2010, 08:47 AM Parent: #85
Quote: الله يخلى ليكم مشروحكم ويحفظكم من طمع الصواينة والجابوهم
الاخ محمد النيل
شكرا لمرورك ودعاك والله قادر على كل شئ اهلنا مساكين غير الدعاء دا ما عندهن شئ الله غالب
Post: #87 Title: Re: أهل العوض احاحي ليهن رب العالمين Author: اسامه هاشم Date: 02-10-2010, 09:02 AM Parent: #85
Quote: حاضر آ كريل
Post: #88 Title: Re: أهل العوض احاحي ليهن رب العالمين Author: عبدالله ود البوش Date: 02-10-2010, 09:29 AM Parent: #87
Quote: Quote: حاضر آ كريل
كريل ( فتح الكاف وسكون الراء ويا معرجة مفتوحة ) دا اسم مفتش انجليزي آ أسامة اخوي Karial اظنك وديتو مكان تاني ما كدي ؟ شكرا أسامة على المرور الطيب وتحياتي
Post: #89 Title: Re: أهل العوض احاحي ليهن رب العالمين Author: اسامه هاشم Date: 02-10-2010, 11:12 AM Parent: #88
Post: #91 Title: Re: أهل العوض احاحي ليهن رب العالمين Author: محمد المختار الزيادى Date: 02-22-2010, 01:28 PM Parent: #90
Quote: أهل العوض ضد القتلة والمجرمين
الله فى
Post: #92 Title: Re: أهل العوض احاحي ليهن رب العالمين Author: عبدالرحمن الحلاوي Date: 03-02-2010, 09:54 AM Parent: #91
ها ناس سلام ساي في الله ...الحكاية شنو ؟؟ الكترابة !! اتو آناس غشمان ساي ..الناس ديل دحين بيقدروا علينا ؟؟؟ بصحهم ...نحنا ناس ضبح سااااكت ...الترك العجم دخلوا على الشريف أحمد ود طه في الشرفا بركات ومعاهم الجني دااك ..ودحبوبة قال للشريف انا بقطع البحر أجيب سيفي أبدرق وبجيك في الحزة ..آها صلى الصبح مع شيخو ..وقنطروا الترك فوق دبة البحر..وأسروا الجنا دااك ورجعوهو لاهلو ..ونصحو الشريف بالرجوع لاهلو ويخلي (.........) ...أها جو الكفر النجوس علا الجماعة ما سمعو كلام ود طه ومشوا فوق درب أبواتم ديك ...وهسع ديل ماهن خلفا للزماااان ديلك ...علا وحات الله وكتاب الله كان دايرين يشوفوا الموت اللحمر خليهم يهبشوا حواشاتنا دي هيعععععععععع أخوك آفاطنة أبشري .
Post: #93 Title: Re: أهل العوض احاحي ليهن رب العالمين Author: Nasruddin Al Basheer Date: 03-02-2010, 10:49 AM Parent: #92
حضور من أجل رفع التمام يا ود البوش.. أسمعوا كلامي، لو ما شتلو السلاح، حقكم ما برجع.. الدرْوشة والمسْكنة ما بتجيب عمار..
أخوك: نصر الدين البشير أكبر متمرد في الجزيرة والداعي لانفصال الجزيرة
Post: #94 Title: Re: أهل العوض احاحي ليهن رب العالمين Author: عفاف أبو حريرة Date: 03-02-2010, 09:13 PM Parent: #93
وأحييت لي زمن فيه الرجال رجال بمعنى الكلمة :
زمن الرجال ما بينقمو بيتدرعو الحارة ام حمو على البتروح ما بيندمو بي شين حديث ما بينضمو عرفوا الحياة ورايهم سليم
زمن حقيقة الخير كتير زمن البلوله وحاج بشير زمن النشل بي ود الحمير وقلايب الشوك بالحمير والسيل يعوم فيه الهشيم
زمن الشيومات والصبق زمن الصواني امات طبق ناس فاطنه كركارن عبق فرح الجهال بي هين نبق وابواتنا ربايين يتيم
Post: #95 Title: Re: أهل العوض احاحي ليهن رب العالمين Author: عفاف أبو حريرة Date: 03-02-2010, 09:45 PM Parent: #94
الجابرية محمد الحسن حسن سالم (حميد ) كان ضحوية . وكنّا نسنّد في المحروت فجأة يدوي مكبر صوت قال الريس مار بي فوقنا من شغلتنا قلعنا عروقنا إن شغلتنا بلا ماروقنا فكّينالو حبل واسوقنا وإنماسكنا يطمّن روقنا قمنا جميع الحلة مرقنا البيشوفنا يقول وا شوقنا كان ضحوية وكانت عين شمش الله قوية وكان الريس في عربية واقف طولو تحت شمشية هللنالو وهلجنالو .. ولوحنالن بالطورية فرّ عبايتو وهزّ عصايتو وهزّو بنادقن الضابطية صفقنالن صفقة قوية زغردنالن .. وهّدن عندنا خمسة دقائق قدمنالو كتاب الله درقة وسيف .. تبروقة هدية قفة تمودة .. وفاس دهبية وكنا قبل بيّتنا النية وبين بنتين علّينا اليافطة اليافطة ام زيق الدمورية وانعبينا هتافاً واحد : ( الجابرية تحي الثورة دايرين بوسطة ومدرسة وسطى والشفخانة وسوق منضبطة ) روح باسم قام خاطبنا بنهج الثورة الصارم وحازم أمّن لازم من شفخانة والتعمير بالعون الذاتي أمّن لازم من شفخانة ومدرسة وسطى والتعمير بالعون الذاتي إلا البوسطة دي ينظر فيها اما السوق .. السوق منضبطة وبالتأكيد .. للتجار الأسعار واضحة للمستهلك باينة وواضحة وإن جاملتوهن تبقى الغلطة إنكيفنا .. رفعنا إيدينا وهزيناهن بالتأييد : ( لا تفريط في قوت الشعب سحقاً سحقاً للرجعية الجابرية ضراع الثورة بالإنتاج حا نبني بلدنا ) وكانوا في جيهة ونحنا في جيهة هُن إنهببو بالكابات .. وما همانا الصيف وعرقنا فات الريس وانفرتقنا انفرقنا على الجابرية كلنا ننضم وما صدقنا بالجابرية تجيها البوسطة الشفخانة ومدرسة وسطى قلنا يا ريت لو زارنا فطور وانحزمنا ضبحنا التور كنا اقلاّ ضمنّا النور أو ياريت لو زدنا الصفقة وعاش ويسقط ويوية اليوية كنا أقلاّ ضمنا الموية كنا بننضم بي إيدينا ( ده أحسن ريس مرّ علينا ) من الله خلقنا وشُفنا خلقنا . ده أول ريس ذاتو يجينا وكونه يجينا يقنّب بيننا .. يشوف البينا .. كفاية علينا آ الجابرية يجوكي الحكماء آ الجابرية تواصلي البرة آ الجابرية ولادك تقرا نمشي الليلة نصاقر الرادي نمشي الليلي نحضر النشرة كنا نرجع في كلماتو إلا في ستة من الجابرية قالوا تعبكم خارم بارم يذهب حاكم خلف الحاكم والجابرية تظل في حالا حلة حياتها تسر الظالم صدفة تموِّت وتحيا اطفالا لا جلكوز لا تقرا رسالة لا راح يطلع منها عالم ما بينصفكن إلاّ ضراعكن عبّو ضراعكم يا رجّالة وخلو بصركن دغري وسالم حكم العسكر ما بينشكّر كلّه درادر .. كلّو مظالم ما هو قدركن تحيو همالة مقصودين والقاصد فاهم وقاطعناهن .. حاربناهن تمّيناها البينا شتائم حالَتُن احسن ناس في الحلة إيدا نزيهة .. عقولا نبيهة وقلنا يفرزوا وقلنا فواهم يطلعوا فالصو وقطاع رحمة عينة شماتة وخارم بارم وإحنا القصّر واثقين فيها وقطعناها معاهم جملة وقاطعناهن وصاروا في جيهة ونحنا في جيهة مرّ اليوم .. الشهر .. الحول والجابرية بلد في حالا قواسي شيوخا .. مآسي أطفالا عذابات ناسا .. حلة تعافر ومقطوع راسا من القُرّاصة ولي قَرّاصا حلة تعافر ومقطوع راسا عشرين كيلو من الجابرية صبية تساسق بي كرّاسا آ الجابرية عذابك فينا لاكي القرية ولا كي مدينة وفد في وفد يقوم ويجينا عايزة دراسة واجراءات عون امريكي قرض ألماني وحاحاءات وحد ما نشوفلنا مسعولين مسعولين أو خواجات نجري نلم قدحاتنا عليها ترطن ترجع زي ما جات الشفخانة وعايزة دراسة ومدرسة وسطى وإجراءات لما المطوحة طالت بينا إنذكرنا العون الذاتي إنحزمنا وقلنا برانا نبني نقوم لي الشفخانة طوبة في طوبة .. وقومناها ويوما التمت جات السلطة عربي وعجمي ومرة رطانة الشفخانة ده ما هو بُكانا هاك يا تلتلة هاك يا ورطة وغصباً عنك يا الجابرية غصباً عنك يا أحوالا وحمياتا وموت أطفالا وحمرة عينكن يا رجالة قوة إنشكت بيننا النقطة وفي الجابرية تحوم الشرطة هووا كلاب الحلة وصنّوا ومن يوم داك ما شفنا الستة وفد الحلة السافر جانا قال إنأكد شاف الخرطة ونحن بدل نبني الشفخانة إنسرعنا بنينا النقطة الشفخانة ده ماهو بُكانا وكانت غلطة إنقلبت ورطة إنفاهمتو مع المسعول ؟؟؟ إنفاهمنا مع المسعول وقال حا يقوِّم للشفخانة ؟؟؟ أو يدفع لنا حق الطين مع إنو النقطة وكت بُنيانا قومتوها بلا زنزانة في تقديرنا كلام معقول كون يقوِّم لي الشفخانة حاجة تضحك .. محرقة ... هانة انتو تقيفو مع المسعول واللا الكنتو تقيفوا معانا وقلنا وخفنا نصد الجاي خفنا نفشل باقي الخطة فضلت جايي .. هي فضلت خطة وانفرقنا على الجابرية وانعلقنا تجينا البوسطة ومدرسة وسطى والشفخانة قصاد النقطة تجينا .. تجينا .. تجينا ... تجينا وما إنيقنّا .. ناس إنولدوا وواحدين ماتو لمّا الريس ودوشتو فاتو فاتو العسكر .. وجو الأحزاب ونفس الحلم إنجدد تاني نفس الوجع الراح تحتاني حتّلناهو جمعنا رفاتو نفس اليافطة في نفس الحتة : ( الجابرية تحيي الشعب دايرين بوسطة ومدرسة وسطى والشفخانة بديل النقطة ) فينا إنكلم شيخ الحلة صنقع .. دنقر .. سلم وصلّى وكانوا كلاب الحلة بهووا وقال كلمتنا تكون فد واحدي شان ننقوى ما ننزلا شان مشهادنا وعدل الحلة نحن نفوِّز حاج البلة وزاد هوهيو كلُّوب الحلة وبعضنا عارض .. ردّ وفاوض شيخ الحلة القام حمسنا بلة الحمش الزول ما دلة أول فاهم وقبلوا ولدنا وراح يحكملنا بي شرع الله هو .. هو .. هووا كلابنا لمّا استغرب شيخ الحلة وانفرقنا على الجابرية انفرقنا ويوم الليلة إنجمعنا عموم الحلة شيخ الحلة قرا القرآن صنّوا كلاب الحلة وهووا وبلة إنقدم سمّ وصلّى .. صنّوا شوية .. وهو هو هووا وقام إنكلم .. وعند إنكلم كان بينقسم النسوان الجاي تنهامز الصبيان الجاي تنغامز وكان بينبسّم وكانو كلاب الحلة بهووا شكّر وشتّم .. هو هو هووا حلّل وحرّم .. هو هو هووا هود سابنا .. وفات ودانا الآخرة وجابنا قاطعناهو وصوتو إنوطّا اصلاً واطي وتاني إنوطّا دايرين بوسطة ومدرسة وسطى والشفخانة بديل النقطة التموين وزيادة الحصة كهربا موية وسوق منضبطة بلة انبرع وقال ببنيهن هو هو هووا كلابنا واستغربنا قبل بالمرة لامن نهتف ترسى كلابنا لامن ينضم بلة يهووا بلة انحمس وقال بسقينا وبي إذن الله يضوّى الحلة هتف الشيخ وهتفنا وراهو : لا تبديل لشرع الله .. هو هو هو ولا ولاء لغير الله .. طاء طاء طاء عاش الفارس امل الحلة بلة الطاهر علي حسب الله بلة الطاهر علي حسب الله كبر فينا وقام إندلّى ولسة كلاب الحلة بهووا وزاد هوهيون كبشاً ضاع .. من مرحاتو وفاقع باع بلة الطاهر على بلاّع كانت أول مرة نشوفو يومنا الشفنا اللاندكروزر اللونا مخطط .. والبنوت الراسا مربط .. التنبوبر لوري مكوش أقمشة .. سكر .. حتى الفوفو وعتِّل تؤجر .. وامحى المنكر بي معروفو بلة الطاهر علي بلاع اكرمناهو .. اكرمنا ضيوفو يشبة مَرَتْ الشيخ في وشيو لولا الدقن الدشدش صوفو بلة خبارك ما بتشبهنا وعامل زولنا تاني نقول الزول برّانا نغير قولنا إلا كبار الحلة بقولوا بلة ده هولنا بلة ده أصلاً من ها الحلة إلا إنربّى وقرا في الخارج ورافق جدو الفتح التركي وسيرتو انقطعت في المهدية ومرة سمعنا استوطن برة وقام إنزوج من مصرية جابت علي .. علي جاب الطاهر حتى الطاهر خلّف بلة جدو اشيطن اخير ما لانا وبلة انسركن جاء وبرانا أقرب واحد لي حاج بلة أقرب واحد شيخ الحلة بلة الطاهر علي حسب الله أول مرة يصلي معانا قدمناهو وقام أمانا صوتو مرخرخ لمن يقرا يقرا ويقطع زي البطرا لامن يركع جسمو متختخ عند السجدة سجودو ممخمخ شيخ الحلة يقول عن امرو زول غرقان في الدين من عمرو ستة سنين قابض في جمرو ما فكاهو طريق الله .. صوتو وِدِرْ من كترة ذكرو وجسمو التختخو شدة صبرو قلنا حقيقة .. الزول بي عذرو وفتنا قناعة .. ومانا قناعة إلا الستة الصارو جماعة قالوا ده زول ترباتو مياعة ما بيشبهنا ورفعو وضاعة زول زول دنيا ودنيا صياعة قصة دينة ودقنو بضاعة واحنا اصواتنا .. يا إما مضاعة يا إما جهالة وناس متباعة وفي الحالتين آمالنا مضاعة وخارم بارم كونها بوسطة ومدرسة وسطى والشفخانة وموية نور كونو يجينا ده ما منظور وزيادة الحصة الزول زول سوق زول من جدو يلف ويدور ويا الجابرية ده مطلب عادل كونو تطيبي تكاتبي وتقري ضوك يشلع .. دشك يرشع واحنا دفعنا ضرائب بدري ولسه بندفع .. لسع .. لسع بس يا جماعة .. إن قضينا حياتنا تباعة وصنّيت رادي وقول في الفاضي خوفنا نقوم ما نلقى أراضي ونحنا أساسنا وراسنا زراعة والجابرية إن دايرة شفاعة ما بيشفع لها إلا ضراعا عبو ضراعكن يا رجالة وخلو بصركم دغري وسالم عبو ضراعكن يا رجالة شيخ الحلة أضلّ وضلّ واسألوا بُرّة وحاجة السُّرة عن التيبان وحكاية الصُّرة اللمّ البلة وشيخ الحلة مع شرع الله والناس ديل العارضين برة جرّبناهن كمين مرة تاني نجرب شان ننضرّ ويا الجابرية معاكي سلامة كان الفوقك ما فات مرة كان كلماتن ناشف ريقا وكانت مرة إلا حقيقة .. غلبنا نطيقا وين في الصرمة وقل القدرة سكتناهن بس ما صنّوا وقاطعناهن تاني المرة وبلة طريق الناس وخيارا فوزناهو وجانا زيارة كرمنالو التور وعرضنا وخليناهن برة الدارة دايرين بوسطة ومدرسة وسطى موية وكهربا والشفخانة زيادة الحصة وسوق منضبطة وصدوا كلاب الحلة يهووا ينضم بلة يهووا معاهو نهتف نحنا يزيد هوهيوا مافي شهر جاتنا الخرسانة جان السيخ .. الطوب .. الرملة جا الأسمنتى شكارة شكارة عديناهن ألف شكارة كرمنالن خيراً جانا وكل كلاب الحلة الهوّن طفشنالن بالجبخانة وفي صنانة تدودي الزانة انغالطنا كتير في بعضنا أولى المدرسة ؟ واللا البوسطة أولى المدرسة والشفخانة الشفخانة محل النقطة ونان النقطة .. نحنا أهالي وودنا صافي بينا معزة جرائم مافي وما بنحتاج لي شرطة ونقطة تحصل علة .. في شيخ الحلة وناس السلطة نحنا الإيدنا بنت لي النقطة والجيرنا ********** اطيانا ناس السلطة إن دارو النقطة شي بُكان أرض الشفخانة وما طالبانا خلاف زنزانة مدرسة بوسطة ستين طلبة وعشرين اوسطى شغالين ما ملو سخانة مدرسة بوسطة .. وقلنا غُنانا يا الجابرية .. الله أدانا حاج البلة المبروك جانا جاب المدرسة .. جاب البوسطة وبكرة يرجع للشفخانة نصحى نصابح موية الدُّش نمسى نلاقي الضو عمانا مدرسة بوسطة .. مدرسة بوسطة وتاوق .. تاوق .. تاوق ..تاوق .. تخ وفجأة تبين في السطح الخرطة وكب تنتصب الميضنة أخ أخ من حظك يا الجابرية سابع جامع بالجابرية وصدوا كلاب الحلة يهووا أخ يا الناس الحالُن قطّ هو .. هو .. هو .. هووووا في البلدان الحظها فاجع بق يا الصاح الماك متراجع حرِّق دبش الدنيا الغلطة بق وانفرق في الجابرية بق في ارحامنا في شافع نافع ترفعوا امو في حيطة الجامع يكتب يسقط دجل السلطة يسقط بلة وشيخنا التابع وكشفناك وكشفنا الخطة تحيا كلابك يا الجابرية يحيا ضراع الزيتُن طالع غُلب يصارع مر الواقع يحيا ترابك والطورية الجابرية تحيي الشارع دايرين كهرباء دايرين موية دايرين سلطة وسوف منضبطة دايرين هسة زيادة الحصة الشفخانة بديل النقطة دايرين بوسطة ومدرسة وسطى
Quote: حضور من أجل رفع التمام يا ود البوش.. أسمعوا كلامي، لو ما شتلو السلاح، حقكم ما برجع.. الدرْوشة والمسْكنة ما بتجيب عمار..
أخوك: نصر الدين البشير أكبر متمرد في الجزيرة والداعي لانفصال الجزيرة
اشكر ثورتك وقولة تجيضتك حقيقة الحق يؤخذ ولايعطى ومعروف عن المزارعين طول البال ياخي نحن كنا نزرع القطن من شهر تمانية زر : زراعة شل : شلح كد : كديب لق : لقيط قل : قليع عل : علاوة ار : ارباح نصرفا في شهر سبعة يعني انتظار 11 شهر ناس زي ديل الصبر ذاتو احتار فيهن يبقى حمل السلاح بعد نفاد الصبر وحينها ثورة الحليم والطوفان
شكرا نصرالدين البشير قائد ثورة الجزيرة
Post: #97 Title: Re: أهل العوض احاحي ليهن رب العالمين Author: Mustafa Mahmoud Date: 03-03-2010, 01:21 PM Parent: #96
احذرو اللصوص لصوص هذا الزمن احذروهم
افتحو العين الكبيرة عشان تشوفوهم مرحلة مرحلة تابعوهم أرصدو كل تحركاتم انتبهو ليهم وضحوا ليهم انكم انتو بتعرفوهم ***** سرقوا البلد كتلو الولد ونهبو الدهب وسرقو الأمل من اعين الناس الحيارى وكل معانات هذا البلد منسوبه ليهم ***** واصلو ما بتغيرو ديل اصلو من بتغيرو الا انتو تغيروهم شدو حيلكم وغيروهم
Post: #99 Title: Re: أهل العوض احاحي ليهن رب العالمين Author: عبدالله ود البوش Date: 03-04-2010, 06:45 AM Parent: #97
شكرا دكتور مصطفى محمود
Post: #100 Title: Re: أهل العوض احاحي ليهن رب العالمين Author: خالد المحرب Date: 03-04-2010, 06:58 AM Parent: #99
الاخ عبدالله صباح الخير من ضواحى اهل العوض قبل يومين مشيت الى ودبشاره بعد الحجر فى البطانه وجينا الصباغ فى زياره الى منطقة الدهب جينا فوق بيوت من الشعر بنسال من الشارع البودى ودبشاره مرقت علينا بنيه صغيره قبل ما نسالها من الشارع انشبكت فينا انزلو انزلو الفطور الفطور والله انا جسمى اقشعروخنقتنى العبره الشاهد انو الناس ديل اعنى اهل العوض نوعهم براهو لك التحيه والاحترام اخى العزيز
Post: #101 Title: Re: أهل العوض احاحي ليهن رب العالمين Author: عبدالرحمن الحلاوي Date: 03-04-2010, 07:06 AM Parent: #100
أصبحنا وأصبح الملك لله وحده نرفع البوست
Post: #102 Title: Re: أهل العوض احاحي ليهن رب العالمين Author: عبدالله ود البوش Date: 03-04-2010, 07:32 AM Parent: #100
العزيز خالد المحرب أهلنا ديل احيروك يا خالد في اي مكان خاصة جماعتكم ناس ابودليق علي الطلاق ديل الواحد اعزمك ما تمشي معاه اضاربك عديييييل كدا . . كنا في سفر ماشين على الصعيد كدي مرينا بقرية اسمها صقيعة سلامة وفجأة نشوف ليك شافع صغير جاري ورانا .... وقفنا افتكرناه داير اركب معانا وكنا فاطرين وشاربين الشاهي وما ناقصنا غير الزمن عشان نقطع المسافة الجنا واقف قدام العربية وقال عندكم واحد من اتنين اما تمشوا معاي بيتنا عشان تفطروا او تدهجوني بالعربية دي واموت قلنا ليهو وات الجابرك على دا شنو ؟ قال امي ( انا يتيم ) قالت لي ليك شهر ما جبت ليك ضيف اكلتو حاجة قاعد في البيت زي المرة ؟ الليلة كان ما جبت زول بنسميك المرية . اها اخير اموت ولا اخير ابقى مرية . قمت سألتو اها اكلك جاهز ولا بتاخرنا والله ما حاري اي اكل في البيت بس انا اوديكن وتاني امي على كيفا ان شاء الله تديكن موص زي دا اكيد امو زي بت ابوحريرة يا المحرب تقول لي شعرة جلدي كلبت يا خالد هنا ك تشوف العجاب العجاب ابوك آ حسن حرم نحنا المابشمي معانا نضاربو عديييييييييييييييييل كدي على الطلاق عمي بامسيكا الله يرحمو كان يربط الطريق للبصات السفرية عشان يأكلن وكل من سافر من المناقل للخرطوم يعرف عمي بامسيكا يمسك الدركسون ويقول للسواق تلف ولا الفوا انا .....
Post: #103 Title: Re: أهل العوض احاحي ليهن رب العالمين Author: abdelgadir mustafa Date: 03-04-2010, 07:39 AM Parent: #99
اخى عبدالله الدعوه لهذا الكيان موجوده الا دايره البتفرغ ليها والله اكان لقت البتفرغوا ليها تلاته يوم بس الا تلقى المفاوضات جاريه والحجازين واقفين من سوبا لكوستى نحن اهل الجزيره ملح هذا السودان تنوعا وعيا وفهما و الملح يا عبدالله ضرورى الا الناس ما بتفكرو ليهو الا فى نهايه الطبخه . ان الاوان ان نقف وقفه واحده وكغيرنا نطالب بالحقوق التى تحفظ كرامتنا واهلناو مشروعنافان تحقق ذلك كان بها وان لم يتحقق ففى ما فعله الاخرون اسوه لو اقتدينا باقلهم تمردا سنعيد الجزيره لسيرتها الاولى انظر لكل من حكم السودام منذ الازل ما كان يساوى ولو لا ان اهلنا فى الجزيره كانو له وقودا فى كافه المستويات البشريه بدعمه بعقول اولادنا او عضلاتهم او بسلاحهم ومن الحكام من استغلنا اقتصاديا كما قلت انت تمانين سنه منذ سنه التخديره هم ياكلو قروشناو اهلنا لهم الملاريا والبلهارسيا والسرطان نتيجه المبيدات وللاخرين قطنا ابيض طويل او قصير التيله وفولا تطبخ به خراف الجزيره وحملانها المدوعله او ذره يسد بها رمق الاخرين ونسكت ان تحدثنا قمحا ووعدا وتمنى. من غير الجزيره استقبلت اهلنا من كافه انحاء السودان والدول المجاوره ووفر لهم ماؤى وعمل وقوت فى كل الازمات منذ مجاعه سنه سته وحتى الان. اخى عبدالله واصل ما تقوم به فلابد من نكورك ونجوط حتى لا تقتسم جزيرتنا ونحن نتفرج ونغنى مع وردى الناس الى كانو السبب رمونى وصبحو فراجه
Post: #104 Title: Re: أهل العوض احاحي ليهن رب العالمين Author: عبدالله ود البوش Date: 03-04-2010, 07:50 AM Parent: #103
Post: #105 Title: Re: أهل العوض احاحي ليهن رب العالمين Author: عبدالله ود البوش Date: 03-04-2010, 07:55 AM Parent: #104
الاخ الثوري عبدالقادر مصطفى تحياتي
هي ثورة حتى النصر ثورة لنيل حقوقنا والحق ينتزع
شكرا عبدالقادر
Post: #106 Title: Re: أهل العوض احاحي ليهن رب العالمين Author: abdelgadir mustafa Date: 03-04-2010, 07:56 AM Parent: #104
نزيدكم من الشعر بيتكلمة عمر الحاج موسى ( رحمه الله ) فى إفتتاح تلفزيون الجزيرة
أهل مدنى ... عيوننا ... أرواحنا ... أيدينا ... سِـرّنا ... جهرنا ... كلها عشاق أحييكم وأسلم عليكم وأتمنى أن لو كان فمى فى يدى .
الأخوة الزملاء ... السيدات والسادة ... من مدنى حسناء الجزيرة وغادتها أحييكم ، من مدنى الـسُّـنـِّى الراقـدة على شاطىء النيل الأزرق مستحمة من مائه ... مستجمة على رماله ... مستدفـئة بحبابه ... مستـكـنة فى رحابه ... متوسـدة تربه وترابه ... حرفه وجرفه ... منها ... من مدنى أحييكم ويحييكم معى المشاهدون لحفلنا الحافـل الحفيل هذا ... إخوانكم وبناتكم وعمّاتكم وبنات عمّاتكم أراهم هناك صامتين مطرقين حامدين شاكرين ... هناك بدءاً بحنتوب التى تجلس بجانب مدنى كالهمزة على سطرها وصدرها ... جنوبـاً الى سنار فكوستى ... ثم شمالاً لتحتضن المنطقة الرابضة بين ذراعى النيل الخالد ... أبيضه وأزرقه ... هى الجزيرة ... هى المنطقة التى كان وسيظل لها دور الريادة والزيادة .
أنجَـبـتْ ومابَـرحَـتْ ... أعـطـَتْ وما إنـفـَكَّـتْ ... جَـادتْ ومافـَتِـئـتْ .
أنجبت ومابرحت السُّـراى أهل التـُّـقـَّـابـة والمسيد ... محمد ودمدنى ... دشين قاضى العدالة ... الشيخ الجنيد ... الشيخ أبو وداعة ... الشيخ الضرير ... الشيخ حلاوى ... الشيخ عمر ... الشيخ أبو قرون ... الشيخ أبو شيبه ... الجمرى ... بطران ... شـُمُّـو ... القدال ... عبد الباقى ... عوض السيد ... عوض الجـِـيـد ... عوج الدرب ... المسَـلـَّمى ... الكـِشـِّيـف ... المشمر ... تمساح التـُّرُك ... ودعيسى ... ود كـنـَّـان ... ود مضوى ... ود نفيع ... ود الترابى ... ود الشافعى ... ود بساطى ... ود ضيف الله ... ود عويضة ... ود خمجان ... ود نور الدايم ... ود التـِّكِـيـنـة ... فرح ود تكتوك ... دفع الله ود أب إدريس ... عبد الله ود أم مريوم ... برير ود الحسين ... هجو ود البتول ... قرشى ود الزين ... المسَـلـَّمى ود أب ونيسة ... الشاذلية ... السمانية ... القادرية ... الهندية ... الأنصار ... شيوخ الدباسين ... اليعقوباب ... الحسانية ... الركابية ... الحلاوين ... العركيين ... المسلمية ... والأعتذار لمن فاتنى ذكرهم فهو العالِم بعدتهم .
أعطت وماإنفكت الشعراء والأدباء ... الهادى أحمد يوسف ... أبو عركى ... ثنائى الجزيرة ... الكاشف ... أحمد الطيب ... حسين الزهراء ... الـمـَسـَّـاح ... محجوب عثمان ... الخير عثمان ... محمد الأمين ... عوض الجاك ... البنـَّا ... أحمد يوسف نعمة ... البوشى ...أحمد طه الفكى ... أحمد على طه ... جقود ... إبراهيم عمر الأمين ... رمضان زائد ... رمضان حسن ... حِمِّيدة أبو عُشر ... عمر محمد سمباى ... توفيق البكرى ... عمران ... الطيب بابكر ...عشامة ... محمد مسكين ... محمد الأمين القرشى ... حسن عبد اللطيف ... محمد عثمان عبد الرحيم ... حامد العربى ... إبراهيم مدنى ... بابكر صديق ... بابكر بدرى ... أحمد سالم ... عبد الحليم على طه والشريفة بت بلال .
ومن شعراء النومسوه : أبو كساوى ... ود تميم ... القـلـَّـع ... ود عبد الملك ... الشيخ حياتى وود سعد .
الجمعية الأدبية ... المهرجان الثقافى ... الدعوة لمؤتمر الخريجين ... حنتوب ... بخت الرضا ... الأبحاث ... بركات .
جـادت ومافـتـئـت الثـوّار ... الأرباب دفع الله ... أحمد وعامر المكاشفى ... ود الصليحابى ... ود برجوب ... المهدى ... ود حبوبة ... القرشى ... المزارعين ... العمال والطلاب .
وأهلى فى الجزيرة سيدى الرئيس نايرين وزينين ... طيبين وسمحين ومتسامحين ... حمالين شيل وحلالين شِـبـك وأخوان بنات ... يبشرون للثورة ويبشرون بها ... ويتحزمون لها ... ويغيرون عليها ... فهى لهم القوت والعشم والعَـشـا ... وهى الرجاء والأمان ... هى النجدة والفزعة والنديهة .
لأطفالها : هى اللبن وهى اللبا ... هى الحفيظة وهى القلادة ... هى الحُجـا وهى الحجاب وهى اللوح والشرافة .
لزرّاعها وعمّـالها : هى التاتيبه وهى القِـسِّـيـبـه وهى السويبه ... هى الرخـا وهى التخـا ... هى الدخرى وهى البكرى ... هى المطمورة وهى الشونه ... هى العد وهى السرف ... هى الجَمَّام وهى المترة ... هى التساب وهى أم رويق ... هى العبادى وهى الدعاش هى الحمله ... هى الشراية هى اللبنه ... هى السُّـقـْدة هى الـلـقـدة ... هى الشايه وهى التايه ... هى القمح وهى القطن ... هى المُـقـُد وهى السمسم .
لشبانها وشاباتها : هى النم هى الدوباى هى الشاشاى ... هى الشوف وهى الشاف ... هى الـحُـق وهى الحَقو ... هى العديلة وهى الجَبيرة وهى الحَريرة وهى الضَريرة وهى الوزيرة .
ولشِـيبها : هى العمار وهى العمار ... هى الودعة وهى الطية وهى العافية ... وأحباؤك هنا فى الجزيرة يكيلون فريك حبهم للثورة بالأردب ... وخضرة أملهم بالحواشة ... وعِـيـنـة خريف رجائهم بالجبهه والطـَرْفـه والخيرصان ... لابُـتـَّاب فى حب حبهم ولابـُور فى خضار أملهم ... ولا رهاب فى حقيقة رجائهم ... وهم لخير السودان يحرثون الأرض ويحلبون الضرع ويجمعون الزرع ويفرعون الفـرع ويلملمون الماء فى أب سته وأب عشرين فهو الحبيب القادم عـبـر الوهاد والنهاد والنهود خلاصة دموع عيون المكاده .
والشكر لك ولجمهورية ألمانيا على كل ماقدمت وستقدم ونحن مدينون لها بتلفزيون أم درمان والجزيرة ... ونريد أن نكون مدينين لها بتلفزيون كسلا وعطبرة وهم فاعلون .
والشكر لأهل مدنى ولأهل مدنى ولأهل مدنى فقد بردت ظلال ذراهم لنا وإحلولى جنى نعماهم لنا وصفا جمام نداهم لنا وموضع السجده والسنده فى الشكر لك سيدى الرئيس .
رجاؤنا أن تكون المحطة خيراً وبركة على الجزيرة ... أن تكون أنسـاً للياليها ... مُثـقـِّفـاً لبنيها ... مُعلمـاً لعُمالها ومُزارعيها ... منبراً لأدبائها ... قيثارة لشعرائها .
السادة المدعوون لنفرح بهذا اليوم فهو تجمعت فيه الرجال والنساء والأطفال ... حضنوا الطنبور ودقوا الدنقر ونقروا الشتم وإستافوا طيب المِسك والجلاد .
يوم يهنىء فيه الصغار الكبار ويهنىء فيه الكبار الصغار ويهنأ فيه الكبار والصغار ... وفيه تـُنـاغِـم العذارى العذارى ... ويستنفر الشباب الشباب وفيه يخرج البشر بشيشه ويهز العطف عطفه ويذر ذر الفرح عطره وفيه يشدو الصفاء ويصفق الهناء ... وترقص البهجة ويبشر البشر وفيه تزغرد السعادة للحاضر الأخضر والغد المعطاء ......... ودامت الأفــــــــــــــــــــــــــراح ..
Post: #107 Title: Re: أهل العوض احاحي ليهن رب العالمين Author: abdelgadir mustafa Date: 03-04-2010, 07:56 AM Parent: #104
نزيدكم من الشعر بيتكلمة عمر الحاج موسى ( رحمه الله ) فى إفتتاح تلفزيون الجزيرة
أهل مدنى ... عيوننا ... أرواحنا ... أيدينا ... سِـرّنا ... جهرنا ... كلها عشاق أحييكم وأسلم عليكم وأتمنى أن لو كان فمى فى يدى .
الأخوة الزملاء ... السيدات والسادة ... من مدنى حسناء الجزيرة وغادتها أحييكم ، من مدنى الـسُّـنـِّى الراقـدة على شاطىء النيل الأزرق مستحمة من مائه ... مستجمة على رماله ... مستدفـئة بحبابه ... مستـكـنة فى رحابه ... متوسـدة تربه وترابه ... حرفه وجرفه ... منها ... من مدنى أحييكم ويحييكم معى المشاهدون لحفلنا الحافـل الحفيل هذا ... إخوانكم وبناتكم وعمّاتكم وبنات عمّاتكم أراهم هناك صامتين مطرقين حامدين شاكرين ... هناك بدءاً بحنتوب التى تجلس بجانب مدنى كالهمزة على سطرها وصدرها ... جنوبـاً الى سنار فكوستى ... ثم شمالاً لتحتضن المنطقة الرابضة بين ذراعى النيل الخالد ... أبيضه وأزرقه ... هى الجزيرة ... هى المنطقة التى كان وسيظل لها دور الريادة والزيادة .
أنجَـبـتْ ومابَـرحَـتْ ... أعـطـَتْ وما إنـفـَكَّـتْ ... جَـادتْ ومافـَتِـئـتْ .
أنجبت ومابرحت السُّـراى أهل التـُّـقـَّـابـة والمسيد ... محمد ودمدنى ... دشين قاضى العدالة ... الشيخ الجنيد ... الشيخ أبو وداعة ... الشيخ الضرير ... الشيخ حلاوى ... الشيخ عمر ... الشيخ أبو قرون ... الشيخ أبو شيبه ... الجمرى ... بطران ... شـُمُّـو ... القدال ... عبد الباقى ... عوض السيد ... عوض الجـِـيـد ... عوج الدرب ... المسَـلـَّمى ... الكـِشـِّيـف ... المشمر ... تمساح التـُّرُك ... ودعيسى ... ود كـنـَّـان ... ود مضوى ... ود نفيع ... ود الترابى ... ود الشافعى ... ود بساطى ... ود ضيف الله ... ود عويضة ... ود خمجان ... ود نور الدايم ... ود التـِّكِـيـنـة ... فرح ود تكتوك ... دفع الله ود أب إدريس ... عبد الله ود أم مريوم ... برير ود الحسين ... هجو ود البتول ... قرشى ود الزين ... المسَـلـَّمى ود أب ونيسة ... الشاذلية ... السمانية ... القادرية ... الهندية ... الأنصار ... شيوخ الدباسين ... اليعقوباب ... الحسانية ... الركابية ... الحلاوين ... العركيين ... المسلمية ... والأعتذار لمن فاتنى ذكرهم فهو العالِم بعدتهم .
أعطت وماإنفكت الشعراء والأدباء ... الهادى أحمد يوسف ... أبو عركى ... ثنائى الجزيرة ... الكاشف ... أحمد الطيب ... حسين الزهراء ... الـمـَسـَّـاح ... محجوب عثمان ... الخير عثمان ... محمد الأمين ... عوض الجاك ... البنـَّا ... أحمد يوسف نعمة ... البوشى ...أحمد طه الفكى ... أحمد على طه ... جقود ... إبراهيم عمر الأمين ... رمضان زائد ... رمضان حسن ... حِمِّيدة أبو عُشر ... عمر محمد سمباى ... توفيق البكرى ... عمران ... الطيب بابكر ...عشامة ... محمد مسكين ... محمد الأمين القرشى ... حسن عبد اللطيف ... محمد عثمان عبد الرحيم ... حامد العربى ... إبراهيم مدنى ... بابكر صديق ... بابكر بدرى ... أحمد سالم ... عبد الحليم على طه والشريفة بت بلال .
ومن شعراء النومسوه : أبو كساوى ... ود تميم ... القـلـَّـع ... ود عبد الملك ... الشيخ حياتى وود سعد .
الجمعية الأدبية ... المهرجان الثقافى ... الدعوة لمؤتمر الخريجين ... حنتوب ... بخت الرضا ... الأبحاث ... بركات .
جـادت ومافـتـئـت الثـوّار ... الأرباب دفع الله ... أحمد وعامر المكاشفى ... ود الصليحابى ... ود برجوب ... المهدى ... ود حبوبة ... القرشى ... المزارعين ... العمال والطلاب .
وأهلى فى الجزيرة سيدى الرئيس نايرين وزينين ... طيبين وسمحين ومتسامحين ... حمالين شيل وحلالين شِـبـك وأخوان بنات ... يبشرون للثورة ويبشرون بها ... ويتحزمون لها ... ويغيرون عليها ... فهى لهم القوت والعشم والعَـشـا ... وهى الرجاء والأمان ... هى النجدة والفزعة والنديهة .
لأطفالها : هى اللبن وهى اللبا ... هى الحفيظة وهى القلادة ... هى الحُجـا وهى الحجاب وهى اللوح والشرافة .
لزرّاعها وعمّـالها : هى التاتيبه وهى القِـسِّـيـبـه وهى السويبه ... هى الرخـا وهى التخـا ... هى الدخرى وهى البكرى ... هى المطمورة وهى الشونه ... هى العد وهى السرف ... هى الجَمَّام وهى المترة ... هى التساب وهى أم رويق ... هى العبادى وهى الدعاش هى الحمله ... هى الشراية هى اللبنه ... هى السُّـقـْدة هى الـلـقـدة ... هى الشايه وهى التايه ... هى القمح وهى القطن ... هى المُـقـُد وهى السمسم .
لشبانها وشاباتها : هى النم هى الدوباى هى الشاشاى ... هى الشوف وهى الشاف ... هى الـحُـق وهى الحَقو ... هى العديلة وهى الجَبيرة وهى الحَريرة وهى الضَريرة وهى الوزيرة .
ولشِـيبها : هى العمار وهى العمار ... هى الودعة وهى الطية وهى العافية ... وأحباؤك هنا فى الجزيرة يكيلون فريك حبهم للثورة بالأردب ... وخضرة أملهم بالحواشة ... وعِـيـنـة خريف رجائهم بالجبهه والطـَرْفـه والخيرصان ... لابُـتـَّاب فى حب حبهم ولابـُور فى خضار أملهم ... ولا رهاب فى حقيقة رجائهم ... وهم لخير السودان يحرثون الأرض ويحلبون الضرع ويجمعون الزرع ويفرعون الفـرع ويلملمون الماء فى أب سته وأب عشرين فهو الحبيب القادم عـبـر الوهاد والنهاد والنهود خلاصة دموع عيون المكاده .
والشكر لك ولجمهورية ألمانيا على كل ماقدمت وستقدم ونحن مدينون لها بتلفزيون أم درمان والجزيرة ... ونريد أن نكون مدينين لها بتلفزيون كسلا وعطبرة وهم فاعلون .
والشكر لأهل مدنى ولأهل مدنى ولأهل مدنى فقد بردت ظلال ذراهم لنا وإحلولى جنى نعماهم لنا وصفا جمام نداهم لنا وموضع السجده والسنده فى الشكر لك سيدى الرئيس .
رجاؤنا أن تكون المحطة خيراً وبركة على الجزيرة ... أن تكون أنسـاً للياليها ... مُثـقـِّفـاً لبنيها ... مُعلمـاً لعُمالها ومُزارعيها ... منبراً لأدبائها ... قيثارة لشعرائها .
السادة المدعوون لنفرح بهذا اليوم فهو تجمعت فيه الرجال والنساء والأطفال ... حضنوا الطنبور ودقوا الدنقر ونقروا الشتم وإستافوا طيب المِسك والجلاد .
يوم يهنىء فيه الصغار الكبار ويهنىء فيه الكبار الصغار ويهنأ فيه الكبار والصغار ... وفيه تـُنـاغِـم العذارى العذارى ... ويستنفر الشباب الشباب وفيه يخرج البشر بشيشه ويهز العطف عطفه ويذر ذر الفرح عطره وفيه يشدو الصفاء ويصفق الهناء ... وترقص البهجة ويبشر البشر وفيه تزغرد السعادة للحاضر الأخضر والغد المعطاء ......... ودامت الأفــــــــــــــــــــــــــراح ..
Post: #108 Title: Re: أهل العوض احاحي ليهن رب العالمين Author: عبدالله ود البوش Date: 03-04-2010, 08:05 AM Parent: #107
ياسلااااااااااااااااااااااااااااااااااااااااام يا عبدالقادر ياخي من زمن طويل وانا ابحث عن هذه الكلمة الله يرحمو عمر الحاج موسى فقد كان بارعا . . وبنينت لهم جيشا يحذر النمل بعضه منه بعض ..... ما عندك كلمته الاخير في قاعة الصداقة .. ياريت لوتتحفني بها . . اشتم فيك رائحة ود حبوبة يا عبدالقادر . . للصبر لحدود وصبرنا فات الحد
Post: #109 Title: Re: أهل العوض احاحي ليهن رب العالمين Author: عبدالرحمن الحلاوي Date: 03-04-2010, 08:53 AM Parent: #108
حلف أبناء الوسط حلف سياسي للحفظ على هوية الجزيرة وإنسانها ومكتسباته يقوده أبناء الجزيرة بمختلف إنتماءاتهم السياسية والفكرية ، رجالات الخدمة المدنية والطرق الصوفية ونظار القبائل والعمد والمشائخ ومنظمات المجتمع المدني الفاعلة . أقترح أن يكون له موقع على الشبكة ومجموعات بريدية لتبادل الآراء والتفاكر والتشاور في كل قضايا إنسان الجزيرة وليكن بوست أخونا عبدالله ود البوش وبوست الأخ الشفيع إبراهيم نواة لهذا الجهد . التحية لأبناء وبنات الجزيرة في هذا المنبر
Post: #110 Title: Re: أهل العوض احاحي ليهن رب العالمين Author: abdelgadir mustafa Date: 03-04-2010, 11:07 AM Parent: #109
up
Post: #111 Title: Re: أهل العوض احاحي ليهن رب العالمين Author: Nazik Eltayeb Date: 03-04-2010, 12:19 PM Parent: #110
الشامخ ود البوش لك التحايا متابعة لهذا البوست منذ ولادته في 10 يناير 2010
