Post: #11 Title: Re: عبد السلام جلود ده مالو كمان !! Author: Isa Date: 01-05-2010, 11:21 AM Parent: #8
سـلام يا الفاروق، يا زول وحسب ما بلغني من مصادر مطلعة وموثوقة، أب شنب دا وكت الله يهديه لا فاضي لي حيدر بورتسودان، ولا لي ياسر زااتو.. بالمناسبة ولأنك زول (زواق)*: بتعرف ياسر بورسودان؟، لو ما سمعتو ممكن أجيب ليك نموذج هنا، وعايز اسمع رايك فيهو لأنو بهمني جدا، لأنو أنا شايفو من أفضل الفنانين الموجودين منذ بدايته، إن لم يكن أفضلهم.. ومعليش لحرف مسار البوست..
*تحريف ال(زين) مقصود! تمشيا مع لغة البورد.. تحياتي لك ولعبدالسلام جلود البجضم العـود..
Post: #13 Title: Re: عبد السلام جلود ده مالو كمان !! Author: عمر الفاروق Date: 01-05-2010, 12:02 PM Parent: #5
ياسر إبراهيم الشهير بياسر بورتسودان؟؟ يا سلااااام ياخ هو إنت قايل أغنية حبيت عشانك كسلا دي نحن حبيناها لي شنو وحببنا فيها منو غير ياسر بورتسودان ده.. ده عندو صوت عجيب وغريب.. ياسر بورتسودان فنان فنان فناااان أنيق مهذب بيغني عشان بيحب الغنا ملتزم في طرحه الفني.. اختفى من الساحة وبقا يظهر ظهور خجول جدا حسب المناسبات.. استمتعت الفترة الفاتت بي طريقة البيغني بيها أغنية يا رشا يا كحيل.. اها عليك الله ما طلعت زواااااغ ؟
Post: #9 Title: Re: عبد السلام جلود ده مالو كمان !! Author: عاطف عمر Date: 01-05-2010, 11:15 AM Parent: #1
Quote: ده حيدر بورتسودان رفاعة ..
أصلو هو فنان ولا باص سفري
إحدي رائدات التعليم في رفاعة ذهبت للبنك لتصرف شيكاً باسمها بتلقائية ناولها موظف البنك ( البصامة ) كى تبصم نظرت إليه بقوة وتحدي وأردفت " أنا بوقع ما ببصم " أراد تلطيف الجو ، سألها " إنت من وين يا أستاذة ؟؟ " أجابته بنفس نظرة التحدي من رفاعة أجابها مواصلاً محاولته تلطيف الجو " والله كان مفروض أخمن كدا براى ، ما أصلهم بنات رفاعة مشهورات بالجمال قاطعته ومشهورات بالذكاء أيضاً
__________________
الفاروق
والله كان ما أخاف الكضب الزول دا ( بديك الملامح ) إنت زااااتك
Post: #12 Title: Re: عبد السلام جلود ده مالو كمان !! Author: عمر الفاروق Date: 01-05-2010, 11:22 AM Parent: #9
عاطف يا عمر: والله لم تأثرني ولم تشدني سوى هذه الرفاعة .. ياخ والله مشيت ليهم بي نظام انا ود الخرطوم يا زولاستحميت و لبست ليك البرمودة وانطلقت ليك في شوارع رفاعة طالبا اثر قلوب الجكسي( مااا ود الخرتوووم وكده ) . والله يا عاطف ولااا في زول قال لي تلت التلاتة كم ولاااا زول سأل فيني زاتو ..ياخ لممممن ارتحت ليك في كنكوجي.. تصدق يا عاطف مرا عمرها 90 سنة اتونست معاي بي الانجليزي والله انا غير يس ونو ما عرفت اقول ليها اي شي.. تخريمة : قووووول الصلعة شككتك إنو ده انا اها عاد شنب قدر ده اجيبو من وين ؟والله الا تعملوا لي شيرنق..
Post: #14 Title: Re: عبد السلام جلود ده مالو كمان !! Author: محمد عبد الماجد الصايم Date: 01-05-2010, 12:09 PM Parent: #12
الشنب خليهو الصلعة اللابسة نضارات دي شنو؟
Post: #15 Title: Re: عبد السلام جلود ده مالو كمان !! Author: داليا الكباشى Date: 01-05-2010, 12:18 PM Parent: #14
يو ار سو سمارت اند يور لانقوش ان زيس بوست از فيري نايس اند سموث .. صلاح لوكس سو هانسم ان زيس فوتو ..
---- ود الصايم الترجمه في الماسنجر ومعاها الكاتلوج
Post: #16 Title: Re: عبد السلام جلود ده مالو كمان !! Author: عصام علي أحمد Date: 01-05-2010, 12:26 PM Parent: #15
سلام لك ولحبيبنا صلاح من انبل واجمل الناس لو سمعت الفراش الحائر يا عمر من صلاح حتعيش في راس نعامة (دي لغة الديم) وكنكوجك سوف ينعدل حاله امهر عازف للعود واحلي زول وسلام للعمدة
Post: #19 Title: Re: عبد السلام جلود ده مالو كمان !! Author: محمد عبد الماجد الصايم Date: 01-05-2010, 12:55 PM Parent: #16
Quote: امهر عازف للعود واحلي زول
غايتو بالغت فيها دي يا عصام أمهر عازف عود ممكن نمشيها! مع أنو أحمودي لو سمعو ممكن يعتزل!
لكن قصة أحلى زول دي! ما مهضومة كللللو كللو!
Post: #17 Title: Re: عبد السلام جلود ده مالو كمان !! Author: سيف اليزل الماحي Date: 01-05-2010, 12:29 PM Parent: #15
.
عبد السلام جلود البنعرفو كان صوتو جميل فعلا، وكمان كنا بنقول ليهو ابو تفه.
.
Post: #18 Title: Re: عبد السلام جلود ده مالو كمان !! Author: بشير أحمد Date: 01-05-2010, 12:44 PM
التحية للاخ صلاح عبدالله.
________
تحياتي ياعمر.
Post: #20 Title: Re: عبد السلام جلود ده مالو كمان !! Author: عبد السميع دفع الله Date: 01-05-2010, 12:58 PM Parent: #18
عمــــر الفاروق
الزول دهـ انا شفته فى بوست رسالة الى مصطفى سعيد تحت اسم
عمــــــــاد عبدالله
والله الزول خجلنى غايتو كتاب جنس كتابة وبيكلم القلم كلااام (ماشاء الله )
بس احترت لان كلامه الى عبدالعنى يحمل الكثير من الفنتازيا وانا بصراحــــــة
خفت عليه من الشطحـــان والتحليق فى عالم (الخط الاحمر ), ولا ادرى لما تذكرت كتابات مصطفى محمود التى تاب عنها وتنكر لها قبل وفاته
بس لكن ..............ارجع واقول انه زوول اديب بمعنى ؟؟؟
Post: #24 Title: Re: عبد السلام جلود ده مالو كمان !! Author: عمر الفاروق Date: 01-05-2010, 01:41 PM Parent: #18
Fasting son : اها دي والله لا مسنجر ولا اس ام اس ولا كتلوج ولا خريطة الكنز بيفهمك ليها :)
Quote: الشنب خليهو الصلعة اللابسة نضارات دي شنو؟
والله التلبس ما فوووكا حاجة إلا هو كمان بالغ دي ما نضارات للصلعة دي ده مفروض يلبسا نضارات كيلبسو بتاع عالم البحار داك وارييييتو بعد ده تنستر وتقدر تشوف .. والله صلعتو دي الا لييزك حتى يحلها
Post: #25 Title: Re: عبد السلام جلود ده مالو كمان !! Author: عمر الفاروق Date: 01-05-2010, 01:56 PM Parent: #18
والله الواحد بقا ما عارفو ده بوست ولا MBC2 كل شويتين يقرا كلمة منحرف منحرف..
Post: #21 Title: Re: عبد السلام جلود ده مالو كمان !! Author: فايزودالقاضي Date: 01-05-2010, 01:22 PM Parent: #15
Quote: ود الصايم الترجمه في الماسنجر ومعاها الكاتلوج
لو رسلت ليك الترجمة بس كان قلنا دي اساءة لكن مادام رسلت الكتلوج دي شتيمة عديل يااخوي...
ياود الصايم ماتحرف البوست اكتر من كده ..
Post: #22 Title: Re: عبد السلام جلود ده مالو كمان !! Author: محمد عبد الماجد الصايم Date: 01-05-2010, 01:36 PM Parent: #21
ود القاضي يا عمكـ البوست جاي منحرف جااااهز! هسي دي صورة متوازي أضلاع؟
Post: #23 Title: Re: عبد السلام جلود ده مالو كمان !! Author: nazar hussien Date: 01-05-2010, 01:36 PM Parent: #21
يا عمر الفاروق...
صلاح عبدالله دا لو غنا ليك...أشوف في شخصك أحلامي حا يريحك في كنكوجك الوراني...
أما لو غنا ليك طاش الفراش الحائر... فأكيد كنكوجك حا يسيح... والا يبردو ليك بي... زرعوك وين يا العنب
Post: #26 Title: Re: عبد السلام جلود ده مالو كمان !! Author: عصام علي أحمد Date: 01-05-2010, 02:48 PM Parent: #23
Quote: لكن قصة أحلى زول دي! ما مهضومة كللللو كللو!
اها ياودالصايم ده عشان تأمن
Post: #27 Title: Re: عبد السلام جلود ده مالو كمان !! Author: عبد اللطيف بكري أحمد Date: 01-05-2010, 02:54 PM Parent: #23
Quote: Fasting son
غايتو ياود الفاروق أتلومت وغيرت المعنى وأديت اخونا دا صفة الله تلعم تكون حقتو!!
== زول بفك الريق بحجرين قبل الشغل تقول عليهو فاستنغ سن؟؟ ===
كدا ورونا الزول الفنان البجضم الفراش الحائر دا دربو بي وين؟؟
Post: #28 Title: Re: عبد السلام جلود ده مالو كمان !! Author: Isa Date: 01-05-2010, 04:20 PM Parent: #27
الفاروق.. ياخوي أنا أم بي سي ما بعرفا لا تو لا فور لأنهن ببساطة ما عندي.. لكن بوستك دا إنحرف، وتاني لا إنحراف معياري ولا جذر جتا تربيع سين ما برجعو.. عشان كدة خلينا نواصل، مع (الإعتزار) على قول ناس البورد..
Quote: ياسر بورتسودان ده.. ده عندو صوت عجيب وغريب.. ياسر بورتسودان فنان فنان فناااان أنيق مهذب بيغني عشان بيحب الغنا ملتزم في طرحه الفني.. اختفى من الساحة وبقا يظهر ظهور خجول جدا حسب المناسبات.. استمتعت الفترة الفاتت بي طريقة البيغني بيها أغنية يا رشا يا كحيل.. اها عليك الله ما طلعت زواااااغ ؟
يا زول أنا عارفك زوااغ وممكن تزوغ من نقطة المطرة زاتو.. لكن بس أقول ليك فعلا ياسر غايب عن سوق الكاسيت أو الإعلام، لكنو موجود في الساحة، وأزعم إنو ياسر أكتر فنان شغال حفلات خاصة.. عموما دي هدية ليك وللعزيز صلاح عبدالله شخصيتاً كدة:
Post: #29 Title: Re: عبد السلام جلود ده مالو كمان !! Author: عمران حسن صالح Date: 01-05-2010, 04:48 PM Parent: #28
Quote: ياسر بورتسودان
Post: #30 Title: Re: عبد السلام جلود ده مالو كمان !! Author: ismeil abbas Date: 01-05-2010, 05:52 PM Parent: #29
بوست دمو خفيف..ياعمر مع الفين وعشرة عليك الله قرض على كده...
Quote: اها عليك الله ما طلعت زواااااغ ؟
دى ما عندنا فيها شك...النجيضة عند Fasting son.....
تحياتى...
Post: #31 Title: Re: عبد السلام جلود ده مالو كمان !! Author: منتصرمحمد زكى Date: 01-05-2010, 06:28 PM Parent: #30
عمر ياخ ما تورينا الشخص ده منو بدل ما كلو زول يشوت في اتجاه .. والبوست ينحرف ...... كامل حيرتي
Post: #32 Title: Re: عبد السلام جلود ده مالو كمان !! Author: Salah Abdulla Date: 01-06-2010, 07:17 AM Parent: #31
لا حولااااااااااااااااااا..
هو الكلام ده كللللللللللو فيني أنا؟؟ عمر الفاروق خلاص فكوك؟؟ طيب يا ( عمك تنقو ) إنت .. لامي لي أولاد الحلة ، ومتكلين تشربوا في السجاير وتسفوا في التمباك وتشاغلوا وجايب لي القنوات الفضائية معاك وشغالين لي ؟؟
طيب يا فارات ..
جلود !!! أنا ؟؟ النضارة مالكم ومالها ، دي نضارة قراية ( القُرو الينفخكم ) .. أشوف ليكم كيف يعني؟؟؟ الدنيا ليل ، وراس سنة ، وجايي من التمرين ، أجي لابس نضارة ( لحام ) يعني ؟؟.. ليزك لصلعتي أنا ، يا عمك تنقو يا شين يا أب صلعة؟؟ غايتو الليزك (بما فيه ليزك الصلعة) نخليه يجربو ودالصايم (الحلو) ده أول ( متعودة)
يا تنقو ، العود أتعلمناه ، والغنا غنيناه ، عشان حركات الفنانين ( وأصحابهم ) دي عشان لمن ( تعتّر ) ليك غنية ، تمسك العود براك ، تغني ليك الغنية البتعجبك ، ليك براك، وبعد تنتهي وتخت العود تصفق لنفسك براك ، ثم تثني عليها.. وتتخارج..
------------------ كلو من ناس الدوحة ديل ، شايلين حسنا ..الواحد تاني ما يجي شاقي حلتكم دي يعني واللا شنو؟؟
Post: #33 Title: Re: عبد السلام جلود ده مالو كمان !! Author: Salah Abdulla Date: 01-06-2010, 07:23 AM Parent: #32
نسيت اقول ليك .. ياسر ابراهيم كان مقيم وشغال في الدوحة وصــاحـــبي ..
---------------------- والله الليله محل ما تقبل تلقاهم ( صــــــحباني)..
Post: #34 Title: Re: عبد السلام جلود ده مالو كمان !! Author: ASHRAF TAHA Date: 01-06-2010, 05:22 PM Parent: #33
