Post: #1
Title: خضر حسين عُقبال الترشح لرئاسة الجمهورية ... سباحة وخلاص اجتزتها ...!!!
Author: الرفاعي عبدالعاطي حجر
Date: 01-02-2010, 06:48 PM
ذكرتني صورة السباح خضر حسين انتخابات التوالي ديييك لما ترشخ كيجاب وكان كلو برنامجو اعادة العلاقات مع اسرائيل وبقية البرنامج سباحة عكس التيار وقتها برغم التوالي فأحترمت الرجل , نسأل الله تمام العافية لكيجاب وحظاً سعيداً للكابتن القادم بقوة وصاحب البرنامج الأُممي خضر حسين , نرجو ان يقتنع ويفكر في الترشح لرئاسة الجمهورية ... بدلاً عن العشرين العجاف ... واهو اولى من غيروووو.
*الصورة من موقع نوبة اون لاين.
.............................................................حجر.
|
Post: #2
Title: Re: خضر حسين عُقبال الترشح لرئاسة الجمهورية ... سباحة وخلاص اجتزتها ...!!!
Author: خضر حسين خليل
Date: 01-02-2010, 07:41 PM
Parent: #1
طيب وانت بتجيب الصورة دي هنا ما فكرت لو عكشو اخوك بتهمة (خدش حياء النهر)
اجارك الله يا رجل الواحد عشان جنس الكلام دة عام بي سروال طويل
الصورة دي كانت في الدميري شقينا البحر
طولاً وعرضاً لكن بي ده كلو صدقني دي كلها ما بتأكل عيش
في انتخابات (الرياسة)
غايتو
|
Post: #3
Title: Re: خضر حسين عُقبال الترشح لرئاسة الجمهورية ... سباحة وخلاص اجتزتها ...!!!
Author: خضر حسين خليل
Date: 01-02-2010, 10:33 PM
Parent: #2
السباحة
باقي لينا الرماية وركوب الخيل يا صاحب
|
Post: #4
Title: Re: خضر حسين عُقبال الترشح لرئاسة الجمهورية ... سباحة وخلاص اجتزتها ...!!!
Author: طارق جبريل
Date: 01-02-2010, 10:45 PM
Parent: #3
هو شقي الحال دة
خلى السعودية وبقى يبرطع في النيل
حجر كيفنك ياخ
|
Post: #5
Title: Re: خضر حسين عُقبال الترشح لرئاسة الجمهورية ... سباحة وخلاص اجتزتها ...!!!
Author: محمد الجزولي
Date: 01-03-2010, 01:45 AM
Parent: #4
نساند دعم الرئيس السباح بسروال طويل
خضر حسين أو شقي الحال كما ناداه الشقي الحال طارق ..
ــ
بس رمزو شنو ؟
أوعى تقول لي الحُقَة !!
ـــ
والتحيا لشقي الحالين وليك ياحجر ..
ــــ
تعرف بعد أربعين سنة من الحكم ممكن براحة الصورة
يجيبا ماضي أبو العزائم في أعلام وأمكان صور نادرة{الخُرطمية}
|
Post: #7
Title: Re: خضر حسين عُقبال الترشح لرئاسة الجمهورية ... سباحة وخلاص اجتزتها ...!!!
Author: خضر حسين خليل
Date: 01-03-2010, 06:01 PM
Parent: #5
ودالجزولي
كيفنك
وشوق الشوق للشوفي (ياخي)
ضارب في اطن النسج الحي
ياخينا وكتينا النبقي علي الترشح الرمز هين
وبما انو البلد كلها (.....) فما فرقت نخت
لينا (طا طاقية) ونشوف الممكن يحصل شنو ؟
وبمناسبة اللا مناسبة احكي ليك نكتة حصلت في الخرطوم من فترة
قيل والعهدة للراوي
انو في شاب مدمن كحول (عرقي بلح) المهم كلما يشرب يقبضوهو يودهو النظام العام
ومنها تاني يوم المحكمة أها يا ودالجزولي الزول ده بقي مكرر للقاضي
القاضي بقي يحكم عليهو بغرامة مالية بعد الاربعين جلدة
اول مرة غرموه مية الف
الرة التانية ميتين الف
المرة التالتة 400 الف
الكلام ده كلو طبعاً بالجنيه الجديد
المهم المرة الاخيرة بعدما اخد الاربعين سوط دخل للقاضي
وفجأة شال طاقية العسكري الواقف جمبو
وقال ليهو يامولانا
انا موش مواطن
القاضي قال ليهو (بلي) وبلي دي (من عندي)
المهم قال للقاضي :
طيب عندي اقتراح بسيط
القاضي قال ليهو اتفضل
قام قال للقاضي : يامولانا الطاقية دي مكتوب فيها شنو ؟
القاضي قال ليهو : مكتوب فيها قضاء السودان
قام قال ليهو : يا مولانا انا اقتراحي انكم تكتبو فيهو (قضاء السودان وقدره).
ــــــــــ
اها انا هسي بتخيل في بوست ابو العزايم
والله بالجد الا يبقي ليك قضاء وقدر
مودتي ياصاحب
|
Post: #6
Title: Re: خضر حسين عُقبال الترشح لرئاسة الجمهورية ... سباحة وخلاص اجتزتها ...!!!
Author: خضر حسين خليل
Date: 01-03-2010, 05:41 PM
Parent: #4
طارق جبرين
في زول صاحبنا قال فيما قال :
والنيل قصادك ما وراك
وبي قفاك حاجات كتيرة بتشبهك
اها انا ده طرفي من السعودية بنين وقبلنا علي النيل يمكن يقبل بينا
موش يمكن ياطارق
مودتي ياصاحب
|
|