Post: #1
Title: والله يابكري ابوبكر أفسدتَ لينا نَكهتك بحوامتك الكتيرة دي في البوستات .. الله يستر !! ..
Author: محمد الجزولي
Date: 12-31-2009, 03:37 AM
وأنا من جيل نشب وترعرع على أجاسا كريستي ، والشياطين الـ 13 ورقم صِفرهم ، والبردعي ..
وإكتشفوا الكنز .. والبحث عن فُضولي .. والحلوين تختخ وعاطف ولوزة ومحب ونوسة وكلبهم زينجر
ـــ
ودَخلت انا هذا المنتدى وانت مُقِل عن الكتابة إلا بحوبيبات ترميها عند اللزوم !! وبما أنني من الذين لم تغادرهم
الطفولة بعد .. ومتشبثين بتلك العقلية التي لها القدح المعلى في قشعرية لذيذة تسري في الجسم ..{الغموض} ! .. يفتقدها الكثيرون
من لم يحظوا بِبقاء الطفولة وغادروها لمستقر أخر .. ولا يحظى بها إلا الأطفال أنفسهم ..
ـــ
فكنتُ دائم أستخدم تلك الطفولة المُخَّزنة .. في النظر الى كينونتكم المكانية .. بأنك الغامض الذي يحرك هذا الأسفير الضخم
ويصارع الهكرز ويشطب ويأرشف ويسجِل ويوقِف .. وله أن يفعل مايشاء بهذا المنبر WOW ..
ووجود صورتك فقط في اي بوست حتى لو متلبسها عضو اخر يجعل القلب يتململ !
وكان كتيرك DONE 
ونواصل ..
ــــ
الليييييلةَ الله يستر ..
|
Post: #2
Title: Re: والله يابكري ابوبكر أفسدتَ لينا نَكهتك بحوامتك الكتيرة دي في البوستات .. الله يستر !! ..
Author: haroon diyab
Date: 12-31-2009, 05:29 AM
Parent: #1
Quote: وأنا من جيل نشب وترعرع على أجاسا كريستي ، والشياطين الـ 13 ورقم صِفرهم ، والبردعي ..
وإكتشفوا الكنز .. والبحث عن فُضولي .. والحلوين تختخ وعاطف ولوزة ومحب ونوسة وكلبهم زينجر |
وياله من جيل ....ومظلوم من لم يستمتع بمغامراتهم
وهل من عودة تاني.....؟
ود الجزولي
صباح الخير
|
Post: #3
Title: Re: والله يابكري ابوبكر أفسدتَ لينا نَكهتك بحوامتك الكتيرة دي في البوستات .. الله يستر !! ..
Author: mustafa mudathir
Date: 12-31-2009, 07:03 AM
Parent: #2
هههههههههههه
محمد!
والله دخلت على بكري بزاوية غريبة خلاس
ولكن برضو طريفة!
كدي نشوف ردو هو شنو وبعدين بجي راجع
بس ما تعتر ليك مشكلة باسورد وكدا!
كل سنة وانت طيب بالمناسبة!
يا بكري
" في الاول"
وبعدين
سيد البوست!!!!
التعديل لاضافة الاتي:
تعاااال يا بكري!
ياخي ما شحدناك ترفع لينا
بوستينا الاسمو
في متحف الفنون2
|
Post: #4
Title: Re: والله يابكري ابوبكر أفسدتَ لينا نَكهتك بحوامتك الكتيرة دي في البوستات .. الله يستر !! ..
Author: محمد الجزولي
Date: 01-01-2010, 00:27 AM
Parent: #3
الأعزاء
هارون دياب
ومصطفى مدثر
ومع إطلالة اول صباح في 2010 بالتوقيت الأسترالي لكم مني جميل الدعوات ومبارك التمنيات
بعام سعيد وصحي لكم ولأسرتيكما ..
ــــ
هارون دياب
شنو يافردة ؟ شايفك عملتها لي الذكريات وبعضٌ من حنين وإنبرَمته من موضوع المعلم وكده !! 
شامي ليك حاجة ؟ كان شامي كلم أخوك مافيها حاجة !
على فكرة نحن بنتلاقى في إسم دياب ده
ــــ
درش أخبارك ؟ وراجع ليك ..
|
Post: #5
Title: Re: والله يابكري ابوبكر أفسدتَ لينا نَكهتك بحوامتك الكتيرة دي في البوستات .. الله يستر !! ..
Author: mustafa mudathir
Date: 01-01-2010, 01:37 AM
Parent: #4
يا سلام يا محمد دي امنية جميلة
وبرضو نتمناها ليك!
محمد عوض الجزولي دياب
هارون دياب
كل سنة وانت طيب ياهرون
يا ابو الجزولي طفشت الراجل ساكت
شكلو ما ح يجي داخل هنا الا في سنة
عشرة!!!
لاحظ انحنا في كندا لسه في سنة تسعة!
|
|