Post: #1 Title: يا فرحنا يا هنانا... منى خوجلى معانا Author: Hala Hassan Date: 12-09-2009, 07:16 AM Parent: #0
حطت الطائرة فى مطار الخرطوم و على متنها الفرحة و الضحكة الدائمة،،،
الحنونة ماما جارة و الحبيبة منى خوجلى قدموا من بلاد الضباب إلى بلاد الشمس المشرقة
أتوا ليتمتعوا معنا بالشتاء الدافئ وليزيدوا أيامنا بهجة و ألق
كم نحتاج إلى الفرح فى وقت أصبحت فيه الضحكة صدفة و على قول جماعتنا الطيبين: ما حدش واخد منها حاجة
فى ظل العتمة و عدم وضوح الرؤية على كافة الأصعدة، لا يسعنى إلا أن اقول لكم،
نورت بيكم البلد يا منى
فنزلتم أهلا و حللتم سهلا،،،
Post: #2 Title: Re: يا فرحنا يا هنانا... منى خوجلى معانا Author: omer osman Date: 12-09-2009, 07:22 AM Parent: #1
مني الف حمداً للسلامة .......
شكراً هالة ...............
Post: #3 Title: Re: يا فرحنا يا هنانا... منى خوجلى معانا Author: Hala Hassan Date: 12-09-2009, 07:26 AM Parent: #2
الله يسلمك يا عمر عثمان،،،
نيابة عن منى، لحدى ما تصحى من النوم،،
عفوا جنابو،،،،
Post: #4 Title: Re: يا فرحنا يا هنانا... منى خوجلى معانا Author: Ahmed musa Date: 12-09-2009, 07:40 AM Parent: #3
حمدالله على السلامة (حبوبة) منى وشكراً هالة على الاخبار الجميلة الصباحية
Post: #5 Title: Re: يا فرحنا يا هنانا... منى خوجلى معانا Author: moaz elsir Date: 12-09-2009, 07:44 AM Parent: #4
الاخت هالة تحياتي واحترامي ,,, الخرطوم منورة ، حمد لله على السلامة مع تمنياتي لهم بقضاء اجازة سعيدة بين الاهل والاحباب
Post: #6 Title: Re: يا فرحنا يا هنانا... منى خوجلى معانا Author: عمر صديق Date: 12-09-2009, 07:50 AM Parent: #5
الف حمدا لله علي السلامة
Post: #10 Title: Re: يا فرحنا يا هنانا... منى خوجلى معانا Author: Hala Hassan Date: 12-09-2009, 08:04 AM Parent: #6
الله يسلمك يا عمر صديق،،،
_________________________________ نعتبر دة بمثابة بريك؟؟؟
Post: #83 Title: Re: يا فرحنا يا هنانا... منى خوجلى معانا Author: Muna Khugali Date: 12-15-2009, 12:25 PM Parent: #6
Quote: الف حمدا لله علي السلامة
الله يسلمك يا عمر صديق.. وشكرا علي الزيارة اللطيفه..
اها قندهار كيف؟؟
Post: #7 Title: Re: يا فرحنا يا هنانا... منى خوجلى معانا Author: ALZOLZATOO Date: 12-09-2009, 07:53 AM Parent: #5
الملكة منى
كل سنة وانت والوالدة بالف خير وكل ال خوجلي وهالة حسن كمان
نتمنى ان يطيب لك المقام وتكون اجازة ممتعة
بالله ياهالة الزولة دي ماتقصري واضبحي ليها خروف كرامة وسلامة من بتاع المظلات الجاء ناطي بي سقف المطبخ
بس بالله ابعدوها من الشربوت والاشياء المشابهة لانو بتخيل لي بعده الشربوت ممكن يدور عربية لووولز
يابختكم ويافرحكم بالمناسبة انتو منال وين
تحياتي
زاتوووو
Post: #12 Title: Re: يا فرحنا يا هنانا... منى خوجلى معانا Author: Hala Hassan Date: 12-09-2009, 08:19 AM Parent: #7
زااتووو،،
شكرا على التحية و العيدية الجميلة،،
Quote: بالله ياهالة الزولة دي ماتقصري واضبحي ليها خروف كرامة وسلامة من بتاع المظلات الجاء ناطي بي سقف المطبخ
منى أكيد بتستاهل الخروف،، لكن يا زااتوو لو شفتها بتضحك كيف من بتاع المظلات دة، إلا تحلف كيف تجيبوا ليها تانى،،،
Quote: بس بالله ابعدوها من الشربوت والاشياء المشابهة لانو بتخيل لي بعده الشربوت ممكن يدور عربية لووولز
هههههههههههههه، قالوا الشربوت الايام دى من المقومات الاساسية للحياة،،،
Quote: يابختكم ويافرحكم بالمناسبة انتو منال وين
منال موجودة، لكن تكون ما فاضية من الاكشن،،،
الله يعينها و يعين الجميع،،،
Post: #95 Title: Re: يا فرحنا يا هنانا... منى خوجلى معانا Author: Muna Khugali Date: 12-15-2009, 07:51 PM Parent: #7
Quote: الملكة منى
كل سنة وانت والوالدة بالف خير وكل ال خوجلي وهالة حسن كمان
نتمنى ان يطيب لك المقام وتكون اجازة ممتعة
بالله ياهالة الزولة دي ماتقصري واضبحي ليها خروف كرامة وسلامة من بتاع المظلات الجاء ناطي بي سقف المطبخ
بس بالله ابعدوها من الشربوت والاشياء المشابهة لانو بتخيل لي بعده الشربوت ممكن يدور عربية لووولز
يابختكم ويافرحكم بالمناسبة انتو منال وين
تحياتي
زاتوووو
انت بالزوول.. باقي لي كدي الخرطوم دي ادونا فيها عين! المرقات قلان! والله الجو سمح والاكل سمح وانا من الدور الفات قلت ليكم معدتي هي محور حياتي! اها نحنا قاعدين ننظم لمشية لقندهار بس خايفين خليل ابراهيم يزرنا هناك ونروح فيها بسبب شية! الشربوت ده انا ماشية ليه الشماليه عند حبوبة ..اخت الجردل جنب عنقريبي ومعاه الكوز واسكت أغرف! اها عليك الله نحنا ما ناس بسيطين وحلوين؟؟ جننا ناكل!
غايتو هجمة البراشوت بتروح بالاكل الكتير مع الحبان..ماك جايي؟؟
Post: #9 Title: Re: يا فرحنا يا هنانا... منى خوجلى معانا Author: Hala Hassan Date: 12-09-2009, 07:58 AM Parent: #5
Post: #78 Title: Re: يا فرحنا يا هنانا... منى خوجلى معانا Author: Muna Khugali Date: 12-15-2009, 02:11 AM Parent: #5
Quote: الاخت هالة تحياتي واحترامي ,,, الخرطوم منورة ، حمد لله على السلامة مع تمنياتي لهم بقضاء اجازة سعيدة بين الاهل والاحباب
شكرا يا معاذ السر.. لي سنه بحالها من الخرطوم عين الوطن وقلبه.. الحمدلله وصلتها وأمي بأمان..
الخرطوم منورة بناسها الحلوين..
Post: #8 Title: Re: يا فرحنا يا هنانا... منى خوجلى معانا Author: Hala Hassan Date: 12-09-2009, 07:54 AM Parent: #4
أحمد موسى،،
(حبوبة) منى ، قالت السفرية كانت مفاجاة،،
لكن أنا عارفاها، ما بهون عليها تكون بعيدة عن البلد أكتر من سنة،،،
Post: #11 Title: Re: يا فرحنا يا هنانا... منى خوجلى معانا Author: معاوية المدير Date: 12-09-2009, 08:08 AM Parent: #8
ســـلام هالة حسن...
التحايا عبرك لماما جارة والأخت منى...
كويييييس يا منى خلينى
الِم فيك كان ما
Post: #14 Title: Re: يا فرحنا يا هنانا... منى خوجلى معانا Author: Hala Hassan Date: 12-09-2009, 08:24 AM Parent: #11
معاوية المدير،، مالك مع منى؟؟
أبت تعرس ليك بتها و لا شنو؟؟؟
أعتبر التحايا وصلت و فى أمان،،،
Post: #97 Title: Re: يا فرحنا يا هنانا... منى خوجلى معانا Author: Muna Khugali Date: 12-15-2009, 08:32 PM Parent: #11
Quote: ســـلام هالة حسن...
التحايا عبرك لماما جارة والأخت منى...
كويييييس يا منى خلينى
الِم فيك كان ما
والله يا معاوية كله حصل فجأة! ياخ انا قلت السنة دي اقعد واساعد آيه وعبدالرحيم مع ياسين ويوسف.. وفجأة لقيت الموضوع اتغير وبقيت علي سفر.. يكون اتغرر بي يا ربي؟؟
المهم انا ماشية الشماليه بس الناس الموصلاني وهو البيحددوا المواعيد..
هل يوجد هناك اي بصيص امل في ان تحضر؟؟ وبهذا اتحاشي ضرباتك وكسير الراس..
Post: #13 Title: Re: يا فرحنا يا هنانا... منى خوجلى معانا Author: العوض المسلمي Date: 12-09-2009, 08:20 AM Parent: #8
----------------------------- كان كدة نمشي نقطر لينا سفرة للسودان قبال منى ما ترجع
ياريت تجي يا سيف.. عليك الله تعال حتي ولو ويك اند.. الخرطوم حلوة.. شاعر بكلمة حلوة دي؟؟ تلقاك عيون طيبة في الشارع وفي الاماكن العامة.. تبادلها نظرات اطيب بدون عقد وبدون خوف وقطعا بدون تردد.. يملاك التراب وتزهج وتنسي بعد شويه.. عارف الزعل والنسيان زي شنو؟؟ زي ولدك ولا بتك لما يضايقوك وبعدين يبتسموا ليك.. تنسي الزعل ذاتو كان في شنو.. الليلة اشتريت جوافه ريحتها وطعمها يجيبوك من وين وين.. ويوسفندي بصفقه الاخضر.. اهم حاجة عندي في البرتقال واليوسفيندي يكون فيهم صفقهم لسه.. بشعر لما اشوف الصفق بإنه الدنيا طبيعية ونقية!
Post: #19 Title: Re: يا فرحنا يا هنانا... منى خوجلى معانا Author: Hala Hassan Date: 12-09-2009, 09:35 AM Parent: #16
أخوى العوض،،،
إنشالله الناس كلها (ملمومة) دايما فى الخير،،
Post: #20 Title: Re: يا فرحنا يا هنانا... منى خوجلى معانا Author: عفاف الصادق بابكر Date: 12-09-2009, 11:10 AM Parent: #19
Quote: الحنونة ماما جارة و الحبيبة منى خوجلى قدموا من بلاد الضباب إلى بلاد الشمس المشرقة
الف حمدالله على سلامتهم .. والبلد منوره .. ماما جاره بيتك دافيء بوجودك .. الحنونه منى انشاء الله إجازه سعيده .. تتذوقى الفرحة والبهجة في كل ساعة فيها .. ما تعكرها اي شائبه من شوائب الزمن العجيب ..
هلوله .. شكرا للخبر الحلو .. يا طيبة
Post: #21 Title: Re: يا فرحنا يا هنانا... منى خوجلى معانا Author: Hala Hassan Date: 12-09-2009, 11:18 AM Parent: #20
يا عفاف، شكرا ليكى إنتى على تمنياتك الطيبة، و كلامك الزى العسل،،،
يا ريتى لو كنتى قريبة،،،،،،،،،،
Post: #23 Title: Re: يا فرحنا يا هنانا... منى خوجلى معانا Author: عفاف الصادق بابكر Date: 12-09-2009, 11:21 AM Parent: #21
Quote: يا ريتى لو كنتى قريبة،،،،،،،،،،
ياريييييت لو كنت قريبه ... نفسي ومناي أشوفكم كلكم في ساعة خير ..
Post: #26 Title: Re: يا فرحنا يا هنانا... منى خوجلى معانا Author: Hala Hassan Date: 12-09-2009, 11:35 AM Parent: #23
يا عفوفة،
Quote: ياريييييت لو كنت قريبه ... نفسي ومناي أشوفكم كلكم في ساعة خير ..
إنشالله عن قريب،،،
و نلقاكى دايما فى احسن حال،،،
Post: #22 Title: Re: يا فرحنا يا هنانا... منى خوجلى معانا Author: ياسر بيناوي Date: 12-09-2009, 11:19 AM Parent: #20
هاله حسن كل سنة وانتي طيبة
وانا اقول البلد دي مالا نورها زايد
الف الف مرحب بيك يا حبيبة الكل يا مني
خالص الود
Post: #24 Title: Re: يا فرحنا يا هنانا... منى خوجلى معانا Author: عمر سعد Date: 12-09-2009, 11:28 AM Parent: #22
بدل تخليها تنوم كان تخليها تمشى المسيره تاخد ليها عكاز عكازين اهو بيفكو برد لندن ده
تانيا تحياتى لماما جاره
تالتا ما تفكوها لو ما عملت ليكم ندوه عن دارفور او اى موضوع تختارو هى
رابعا ما تسلمى لى عليها
خامسا قولى ليها المس كوول ما بظهر فى التلفون
سادسا تحياتى ليك
سابعا مع السسلامه لانى مداوم ومزنوق زنقه العدو
Post: #27 Title: Re: يا فرحنا يا هنانا... منى خوجلى معانا Author: Hala Hassan Date: 12-09-2009, 11:42 AM Parent: #24
يا عمر سعد،،
أولا،، النوم برضو كويس، قالوا صحة،،،،،
ثانيا: هى قالت ما عندها مانع تمشى المسيرة، بس عكاز عكازين ما بتئدرش،،،
ثالثا و رابعا: سلامك بنوصلوا لماما جارة، لكن شكلتك نوصلها لمنى كيف؟؟؟ يعنى أسلم عليها فى الاول، و بعدين اسحب سلامى،
و لا أحسن، أدخل من غير ما اسلم و بعد الضيافة اقوم اسلم عليها؟؟؟
حلها لى لو سمحت،،،،
خامسا،، الندوة عندنا ليها مواضيع جاهزة (من خبرات الحياة)،،، ممكن تحضر و ممكن لا،، بس أحذرك ح نطلع منها بمواثيق عاجلة (كلها ضد ادم)،،، و قد أعذر من أنذر،،،
سادسا، تحياتك وصلت، و لك مثلها،،
سابعا و ثامنا و تاسعا،،،،،،، ما أعرفش،،،
الله معاك، خليتك بعافية،،،،
Post: #117 Title: Re: يا فرحنا يا هنانا... منى خوجلى معانا Author: Muna Khugali Date: 12-16-2009, 11:57 PM Parent: #24
Quote: بدل تخليها تنوم كان تخليها تمشى المسيره تاخد ليها عكاز عكازين اهو بيفكو برد لندن ده
تانيا تحياتى لماما جاره
تالتا ما تفكوها لو ما عملت ليكم ندوه عن دارفور او اى موضوع تختارو هى
رابعا ما تسلمى لى عليها
خامسا قولى ليها المس كوول ما بظهر فى التلفون
سادسا تحياتى ليك
سابعا مع السسلامه لانى مداوم ومزنوق زنقه العدو
ازيك ياعمر..
غايتو احسن حاجة الزول يحضر في وقت الاحداث علشان يشوف بعينه ومش بعين امانيه ولا اماني عدوه.. يعني يعرف الحاجات بحجمها الحقيقي ويحللها صح.. فاتتك أحداث..لكن الوقت ما متأخر حصل تعال امكن تحضر حدث ولا حدثين..
اسه احنا في طريق تنظيم ورشات خفيفة بمواضيع مختلفه نتشارك كلنا فيها.. ايه رايك تخطف رجلك وتجي تشاركنا؟؟
تاني انت مازدت من مكالمتك ديك ليه؟؟ ثالثا كمال لسه ماظهر..اتأخر ولا وصل؟؟ رابعا مشتاقين كتير جدا جدا..
Post: #25 Title: Re: يا فرحنا يا هنانا... منى خوجلى معانا Author: Hala Hassan Date: 12-09-2009, 11:34 AM Parent: #22
ياسر بيناوى،،
Quote: وانا اقول البلد دي مالا نورها زايد
طبعا، ما النور بيظهر أكتر فى وسط العتمة،،
و إنت طيب يا ياسر،، وين ما ظاهر؟؟؟
Post: #28 Title: Re: يا فرحنا يا هنانا... منى خوجلى معانا Author: فادية اليمني Date: 12-09-2009, 11:47 AM Parent: #25
هلول العسل
سلامات
منورة يا الملكة البلد
لكِ محبتى
Post: #29 Title: Re: يا فرحنا يا هنانا... منى خوجلى معانا Author: Hala Hassan Date: 12-09-2009, 11:57 AM Parent: #28
فدو،،
إيه رأيك منى سألت منك، و قالت دايرة تقابلك،،،،،
نشوفك قريب،،،،
Post: #30 Title: Re: يا فرحنا يا هنانا... منى خوجلى معانا Author: عبدالوهاب علي الحاج Date: 12-09-2009, 12:04 PM Parent: #29
هلول ياخ دا خبر بمليون جنيه استرليني حمد لله على سلامة الملكة وبت الاصول
Post: #31 Title: Re: يا فرحنا يا هنانا... منى خوجلى معانا Author: Hala Hassan Date: 12-09-2009, 07:10 PM Parent: #30
عبدالوهاب ياخ،،
أنا ما طماعة، دايرة منهم 50,000 بس، و نخليها قاعدة معانا على طول،،،،
قلت شنو؟؟؟؟
Post: #32 Title: Re: يا فرحنا يا هنانا... منى خوجلى معانا Author: عبدالوهاب علي الحاج Date: 12-09-2009, 07:48 PM Parent: #31
Quote: أنا ما طماعة، دايرة منهم 50,000 بس، و نخليها قاعدة معانا على طول،،،،
ههههههههههههه ياريت والله ياهندسة من ناحية دايرنها تقعد على طول دايرنها لكن المشكلة في المبلغ المعاي كلو باليورو شفت الحظ المعاكس دا
Post: #33 Title: Re: يا فرحنا يا هنانا... منى خوجلى معانا Author: Hala Hassan Date: 12-09-2009, 07:58 PM Parent: #32
يا الله،،،،،
أنا دايما حظى كدة،،،،،،
خلاص يا وهبة،،،
نخليها تسافر، ما مشكلة،،،،،
المرة الجاية، جهز الفكة،،،،،
Post: #34 Title: Re: يا فرحنا يا هنانا... منى خوجلى معانا Author: انعام حيمورة Date: 12-09-2009, 08:21 PM Parent: #31
أول حاجة وقبل كل حاجة
البوست دا حقي على مدار 3 سنين يعني عشان مشيتي لندن بقى حقك .. طيييييب
ثم تاني .. تسلم على انعام حفييييظ اكتر مني ليه ؟؟؟!!!
بس اقول ليك !!
ماااااا اظن
تكون جابت ليكم هدايا قدر حقتي ..
ياخ انا من امبارح سعيدددة وغايبة لي قريب 12 ساعة من المنبر ااحتقالا بقدومها ..
بس الشهادة لله بوستك حلو ودمو خفيف يشبه ستو ..
منوية حبيبتي الف الف حمد لله على السلامة والف حمد لله على سلامة ماما جارة ..
ويا
فرحنا
ويا
هنانا
وهلول معانا
Post: #35 Title: Re: يا فرحنا يا هنانا... منى خوجلى معانا Author: سمية الحسن طلحة Date: 12-09-2009, 08:33 PM Parent: #34
هالة أكيد انت زولة حلوة حتى لو ماشفتك لأنك مسمية على أمي لك سلامي وإحترامي
منى حمدالله على السلامة ومشتاقين طيب مادام كلكم مجتمعين ماتجي تدبري عملية لإختطافي من مسقط زي العملتوها لي انت وبنات حيمورة من المغتربين
تحباتي وسلامي لكل زول ولكل مكان كنا فيه سوا .
Post: #36 Title: Re: يا فرحنا يا هنانا... منى خوجلى معانا Author: انعام حيمورة Date: 12-09-2009, 09:46 PM Parent: #35
Quote: طيب مادام كلكم مجتمعين ماتجي تدبري عملية لإختطافي من مسقط زي العملتوها لي انت وبنات حيمورة من المغتربين
كانت لنا ايام حلووووة يارب تعود
مشتاقين ليك شديد يا سمسمة
Post: #37 Title: Re: يا فرحنا يا هنانا... منى خوجلى معانا Author: ناجية مصطفى Date: 12-09-2009, 09:57 PM Parent: #36
واكيد موعودين ببرامج جميلة ورائعة بروعة مني خوجلي
العزيزات هالة حسن انعام حيمورة
حمد الله على سلامة منى والوالدة العزيزة
ربنا اديهم العافيية واتمنى للجميع رفقة
طيبةبقيادة منو الجميلة ..واكيد برامج جميلة
انشاء الله كما عهدناكم
تحياتى للغاليات بنات خوجلى وللجميع
ولكم منى كل الود والامانى الطيبة
Post: #41 Title: Re: يا فرحنا يا هنانا... منى خوجلى معانا Author: Hala Hassan Date: 12-10-2009, 07:05 AM Parent: #37
العزيزة ناجية،،
شكرا للتحايا العطرة ،،
أتمنى لكى من كل شئ أجمله،،،
Post: #39 Title: Re: يا فرحنا يا هنانا... منى خوجلى معانا Author: Hala Hassan Date: 12-10-2009, 06:57 AM Parent: #35
Quote: هالة أكيد انت زولة حلوة حتى لو ماشفتك لأنك مسمية على أمي لك سلامي وإحترامي
الحمدلله، أخيرا لقيت زول كبير إسمو هالة،، و إنشالله تكون حبوبة،،،
تصدقى يا سمية،، أنا كنت زمان و أنا صغيرة شايلة هم الزول لما يكبر يكون إسمو هالة كيف؟؟ كنت مقتنعة إنو مفروض الواحدة تغير إسمها،، غايتو كنت حاجزة إسم (فاطنة)،،،
لووووووول،،،
تحلى إيامك يا سمسمة،،،،
Post: #38 Title: Re: يا فرحنا يا هنانا... منى خوجلى معانا Author: Hala Hassan Date: 12-10-2009, 06:53 AM Parent: #34
يا نعومة،
Quote: أول حاجة وقبل كل حاجة
البوست دا حقي على مدار 3 سنين يعني عشان مشيتي لندن بقى حقك .. طيييييب
ثم تاني .. تسلم على انعام حفييييظ اكتر مني ليه ؟؟؟!!!
و لا يهمك، البوست حسه حقك،، عشان مسجل بأسمى يعنى؟؟؟ حسسسه نكلم بكرى يفك التسجيل،،،
إنتى كيف بس تنكربى و تقعدى ليه،،،،،
و بعدين أقول ليكى سر صغير،، هى إنعام حفيظ سلمت عليها فى الاول ، و بعدين أنا سلمت على إنعام حفيظ،
و بعدين قامت منى سلمت على إنعام حفيظ،،،
يعنى منى سلمت عليها مرة واحدة بس،،،،، لوووووووولز،،،
صحصحوا معانا يا قوم،،،،،،،،،،،،
Post: #40 Title: Re: يا فرحنا يا هنانا... منى خوجلى معانا Author: مجدي عبدالرحيم فضل Date: 12-10-2009, 07:01 AM Parent: #38
ماما جارة
ومني خوجلي أشرقت الخرطوم بقدومكم تحياتي لكل الجيران بيت بيت
شكرا هالة
،،،،أبوقصي،،،،
Post: #42 Title: Re: يا فرحنا يا هنانا... منى خوجلى معانا Author: Hala Hassan Date: 12-10-2009, 07:14 AM Parent: #40
العزيز أبو قصى،،
Quote: ماما جارة
ومني خوجلي أشرقت الخرطوم بقدومكم تحياتي لكل الجيران بيت بيت
شكرا هالة
و أشرق البوست بنوركم،،
ليك على نحوم على الجيران بيت بيت، و نوصل ليهم التحايا،،،
بس لو سمحت حدد لينا ياتو جيران*،،،،
_______________ * بهزر،،،،،،
Post: #43 Title: Re: يا فرحنا يا هنانا... منى خوجلى معانا Author: Siham Elmugammar Date: 12-10-2009, 08:11 AM Parent: #42
يا هاله تحايا بقدر اى حاجه كده بس تكون كبيرة
بلاهى لو فى اى لمه بتاعت نسوان بس كلمينى
تمام يا زوله
Post: #44 Title: Re: يا فرحنا يا هنانا... منى خوجلى معانا Author: Manal Awad Khugali Date: 12-10-2009, 08:45 AM Parent: #43
طبعا اكتر زول في الدنيا ممكن يكون مبسوط وفرحان انا
في زول قال لي لزمن طويل ماشفتك فرحانة وسعيدة الا من يومين بس0 قلتي ليهوا تصدق جيت ماما ومني ادتني احساس بالامان
Quote: يابختكم ويافرحكم بالمناسبة انتو منال وين
موجودة وسط الحاجات الكتييييرة الفيها السمح والشين 0 انت كيفك ؟
سلاام يا ناجية وييييينك وكيف طارق 0 اها راس السنة كيف؟
هالة شنو العوارة دي ؟ شنو تجي وتمشي من غير ما الاقيك ؟ ما تخليها حلوة شوية
Post: #47 Title: Re: يا فرحنا يا هنانا... منى خوجلى معانا Author: Hala Hassan Date: 12-10-2009, 09:44 AM Parent: #44
Quote: هالة شنو العوارة دي ؟ شنو تجي وتمشي من غير ما الاقيك ؟ ما تخليها حلوة شوية
يا منال ياخى البيت محروس،، و بعدين ما تزعلى الجايات أكتر،،
إنتى بس خليكى موجودة مواعيد إحنا بنجى،،،
قصرت معاكى؟؟؟
Post: #45 Title: Re: يا فرحنا يا هنانا... منى خوجلى معانا Author: زهير الزناتي Date: 12-10-2009, 09:03 AM Parent: #43
يا سلام عليك يا هالة وعلي أخبارك الجميلة
سلام مربع للجدعان ... سلام لمني وماما جارة
سلام لكل أهل الوطن ... سلام لمني في الأيام الجميلة دي ..
ومرحب مرحب ... كل كلمات الترحيب اجدها تتقافز أمامي ...
الونسات الجميلة واللمات الحلوة والنقاشات الثرة حضرت في صحبة مني ...
_________________ هالة أظنه ما عيدنا عليك
كل سنة وإنت طيبة ... العيد مبارك عليك ...
في حالة عيدنا عليك ... برضو كل سنة وإنت طيبة
Post: #48 Title: Re: يا فرحنا يا هنانا... منى خوجلى معانا Author: Hala Hassan Date: 12-10-2009, 09:46 AM Parent: #45
Quote: هالة أظنه ما عيدنا عليك
كل سنة وإنت طيبة ... العيد مبارك عليك ...
في حالة عيدنا عليك ... برضو كل سنة وإنت طيبة
الزناتى، تطيب ليك أيامك ياخى،،
التحية وصلت،،
فضل سيدها،،،،
Post: #46 Title: Re: يا فرحنا يا هنانا... منى خوجلى معانا Author: Hala Hassan Date: 12-10-2009, 09:38 AM Parent: #43
Quote: يا هاله تحايا بقدر اى حاجه كده بس تكون كبيرة
بلاهى لو فى اى لمه بتاعت نسوان بس كلمينى
تمام يا زوله
يا سهام،،
أأأأأد النيل، ينفع؟؟؟؟
و بخصوص اللمة: تمــأم،،،،
أخبارك؟؟؟؟
Post: #49 Title: Re: يا فرحنا يا هنانا... منى خوجلى معانا Author: Siham Elmugammar Date: 12-10-2009, 10:07 AM Parent: #46
Quote: أخبارك؟؟؟؟
والله ما عارفه :(
Post: #50 Title: Re: يا فرحنا يا هنانا... منى خوجلى معانا Author: محمد ابراهيم قرض Date: 12-10-2009, 10:55 AM Parent: #49
حمدا لله على سلامة ضيوف البلد يا هالة .. بس ما تنسي تدعينا للمشاركة في البرامج المرتقبة التي تليق بالعزيزة منى واصدقائها ..
Post: #51 Title: Re: يا فرحنا يا هنانا... منى خوجلى معانا Author: Hala Hassan Date: 12-10-2009, 11:22 AM Parent: #50
الله يسلمك يا قرض،،،
Quote: بس ما تنسي تدعينا للمشاركة في البرامج المرتقبة التي تليق بالعزيزة منى واصدقائها ..
أكيد ح تكون فى صفوف المدعوين و المشاركين، و دة ح يكون من إختصاص ست الشى ذااااتوو، أى بت حيمورة،،،،
نسأل الله أن تكون تجمعاتنا كلها تجمعات خير،،،
Post: #52 Title: Re: يا فرحنا يا هنانا... منى خوجلى معانا Author: انعام عبد الحفيظ Date: 12-10-2009, 11:42 AM Parent: #50
يا فرحنا والله بـ منى خوجلي الخرطوم منورة بحضورها هالة الجميلة شكراً للأخبار الحلوة
Post: #54 Title: Re: يا فرحنا يا هنانا... منى خوجلى معانا Author: Hala Hassan Date: 12-10-2009, 11:56 AM Parent: #52
Quote: يا فرحنا والله بـ منى خوجلي الخرطوم منورة بحضورها هالة الجميلة شكراً للأخبار الحلوة
إنعام ست الكرامة،،،،
عفوا يا ستى،،،
(الحالة سلموا عليكم مرتين،،،،)
Post: #53 Title: Re: يا فرحنا يا هنانا... منى خوجلى معانا Author: كمال ادريس Date: 12-10-2009, 11:44 AM Parent: #49
Quote: أنا ما طماعة، دايرة منهم 50,000 بس، و نخليها قاعدة معانا على طول،،،،
هوووووووي ياناس الخرطوم ... الملكة ايام وبترجع... انتبهوا والله دي صفقة شجرة زحلقتا. الكرسي الملكى شاغر لحين عوتها بعد (أيام).
تحياتي صاحبة البوست والضيوف
Post: #55 Title: Re: يا فرحنا يا هنانا... منى خوجلى معانا Author: Hala Hassan Date: 12-10-2009, 11:59 AM Parent: #53
كمال إدريس،
Quote: هوووووووي ياناس الخرطوم ... الملكة ايام وبترجع... انتبهوا والله دي صفقة شجرة زحلقتا
. يعنى مافى طريقة نسمسر (من سمسرة) من وجودها معانا،،، جات على أنا يعنى؟؟؟
و بعدين بما إنها (متزحلقة) درجة أولى كدة (زى ناس بعرفهم)، قلنا نخليها معانا شوية، على الاقل لحدى ما الجليد يذوب،،،
قولو خير يا جماعة،،،،
Post: #56 Title: Re: يا فرحنا يا هنانا... منى خوجلى معانا Author: Hala Hassan Date: 12-14-2009, 07:46 AM Parent: #55
بالمناسبة يا جماعة،،،،
منى لسه فى البلد،،،،،،،،،،،،،
Post: #57 Title: Re: يا فرحنا يا هنانا... منى خوجلى معانا Author: Hala Hassan Date: 12-14-2009, 07:48 AM Parent: #56
و بما إنو أنا الناطق الرسمى فى الإجازة دى،،،
يبقى لازم أى زول يصل أو يتصل،،
ينتظر لغاية ما أجى أحصر العدد،،،
Post: #58 Title: Re: يا فرحنا يا هنانا... منى خوجلى معانا Author: Hala Hassan Date: 12-14-2009, 07:50 AM Parent: #57
مشيتى الحدث الكبير أمبارح يا منى؟؟؟؟
التقرير... التقرير، (لو سمحتى)،،،
Post: #59 Title: Re: يا فرحنا يا هنانا... منى خوجلى معانا Author: Tragie Mustafa Date: 12-14-2009, 07:53 AM Parent: #58
دي حسه بوستات تترفع في يوم زي ده يا هاله حسن والله انا خجلت لك....الناس في شنو و الحسانيه في شنو؟؟؟؟
Post: #60 Title: Re: يا فرحنا يا هنانا... منى خوجلى معانا Author: عبدالوهاب علي الحاج Date: 12-14-2009, 08:36 AM Parent: #59
فووووووووق تاااااني كيتن في جماعة كدا ونجدد ترحيبنا ببت الاصول ومنورة الخرطوم وافريقيا كللللللها
Post: #62 Title: Re: يا فرحنا يا هنانا... منى خوجلى معانا Author: Hala Hassan Date: 12-14-2009, 10:19 AM Parent: #60
Quote: فووووووووق تاااااني كيتن في جماعة كدا ونجدد ترحيبنا ببت الاصول ومنورة الخرطوم وافريقيا كللللللها
عبدالوهاب،، أنا كنت فاكراك حارس (الجريكانة)،،، أتاريك حارس حاجات تانية كمان،،،
لووووووووووول،،،
تراجى دى ياخى زولة قلبها أبيض،،، يا ريت لو كانت معانا فى أيام زى دى،،،،
Post: #61 Title: Re: يا فرحنا يا هنانا... منى خوجلى معانا Author: Hala Hassan Date: 12-14-2009, 10:15 AM Parent: #59
Quote: دي حسه بوستات تترفع في يوم زي ده يا هاله حسن والله انا خجلت لك....الناس في شنو و الحسانيه في شنو؟؟؟؟
تصدقى يا تراجى، كنت حاااسة إنك ح تجى و تقولى كدة،،
و بالمناسبة التقرير الفوق دة ما بخرج من الإطار الإنتى دايراهو،،،
كلنا فى الهم شرق،،،،،،،،،،،،،،،
طمنونا عليكم،،،،،
Post: #63 Title: Re: يا فرحنا يا هنانا... منى خوجلى معانا Author: انعام عبد الحفيظ Date: 12-14-2009, 10:38 AM Parent: #61
Quote: مشيتى الحدث الكبير أمبارح يا منى؟؟؟؟
التقرير... التقرير، (لو سمحتى)،،،
هلووووول إزيك ومنتظرين معاك التقرير غايتو منى دي لمن تجي الخرطوم بتتلون
Post: #64 Title: Re: يا فرحنا يا هنانا... منى خوجلى معانا Author: Hala Hassan Date: 12-14-2009, 11:03 AM Parent: #63
Quote: هلووووول إزيك ومنتظرين معاك التقرير غايتو منى دي لمن تجي الخرطوم بتتلون
وينك يا نعومة،، لقيتها ما مشت، تصدقى؟؟؟
لكن إحساسى** إنك إنتى مشيتى،،
إذن نحول ليكى المايك،،،
____________________ ** الايام دى إحساساتى كترت،، الله يستر،،،
Post: #65 Title: Re: يا فرحنا يا هنانا... منى خوجلى معانا Author: انعام حيمورة Date: 12-14-2009, 11:37 AM Parent: #63
يا هلول ..
الحدث الكبير شنو ؟؟
في خيانات حصلت ولا شنو ونحن ما عارفين ..
هووووي
انا قاعدة ومرابطة من منى خوجلي جات واي تقرير الا عن طريقي ..
Post: #66 Title: Re: يا فرحنا يا هنانا... منى خوجلى معانا Author: Hala Hassan Date: 12-14-2009, 11:56 AM Parent: #65
يا إنعام،
خيانة ما معانا،،
و (قديما) قالوا:
الخاين الله يخونوا،،،
"الحدث الكبير" ما عرفتيه؟؟ اسالى منى عنه،،،
و أنا،
بريئة يا بيه،،،،
Post: #67 Title: Re: يا فرحنا يا هنانا... منى خوجلى معانا Author: محمد عبد الماجد الصايم Date: 12-14-2009, 12:06 PM Parent: #65
باللاي شوفو الخيانات دي كيف؟
حمد لله على السلامة ياخ!
Post: #68 Title: Re: يا فرحنا يا هنانا... منى خوجلى معانا Author: Muna Khugali Date: 12-14-2009, 12:18 PM Parent: #67
آآآآآه ياعيني!
البومبان الجبان!
Post: #70 Title: Re: يا فرحنا يا هنانا... منى خوجلى معانا Author: Hala Hassan Date: 12-14-2009, 12:58 PM Parent: #68
منى،
أخيرا؟؟؟؟؟
حمدلله على السلامة تانى،،،
Quote: آآآآآه ياعيني!
البومبان الجبان!
يا حراام، إنتى جاية من البرد هناك للسخانة دى!!
طيب مش تحاسبى على ياسين دة شوية؟
ليها حق أمه،،،،،،،،
Post: #69 Title: Re: يا فرحنا يا هنانا... منى خوجلى معانا Author: Hala Hassan Date: 12-14-2009, 12:55 PM Parent: #67
ود الصايم،،
حمدلله على سلامتك برضو ياخ،،،
دى أيام دى تسيب فيها البلد؟؟؟؟
Post: #115 Title: Re: يا فرحنا يا هنانا... منى خوجلى معانا Author: Muna Khugali Date: 12-16-2009, 09:45 PM Parent: #22
Quote: وانا اقول البلد دي مالا نورها زايد
الف الف مرحب بيك يا حبيبة الكل يا مني
خالص الود
ازيك يا ياسر.. شكرا علي ترحيبك الكريم.. والسعاده في المحبة.. نحب من يحبنا ونعزه ونبحث عنه ونصله حتي لو في القمر.. ومحبتي لكم سبب حضوري للخرطوم..
علي فكرة..كل يوم نقول ننظم للمة نلقي الناس معزومة في حته! الناس دي كلها بتخطب وتعرس في شهر 12 طيب نتقابل متين يعني؟؟
غايتو مشوارين جايات قريب.. شارع النيل وقندهار..
استعد!
Post: #114 Title: Re: يا فرحنا يا هنانا... منى خوجلى معانا Author: Muna Khugali Date: 12-16-2009, 07:13 PM Parent: #20
Quote: الف حمدالله على سلامتهم .. والبلد منوره .. ماما جاره بيتك دافيء بوجودك .. الحنونه منى انشاء الله إجازه سعيده .. تتذوقى الفرحة والبهجة في كل ساعة فيها .. ما تعكرها اي شائبه من شوائب الزمن العجيب ..
هلوله .. شكرا للخبر الحلو .. يا طيبة
البلد منورة بأهلها ياجميلة.. ماما علي الرغم من مصابها الكبير وخروجها من الوطن بسبب ماحدث.. الا ان روحها تشرق عندما تصل الخرطوم.. مافي اجمل من الوطن.. ومافي اجمل من زولك حتي لو فيه سلبيات كثيرة.. وزولك ياهو الزول الحايم في الشارع.. البياع ولا السواق ولا التاجر او الموظف.. زولك ياهو الزول السوداني الطيب..والقدر مالحياة تلعب بيه تلقاه لسه طيب.. الوطن وبيت ابوك واحد.. مكانين ما بنقدر نخليهم..فيه عزناووجودنا الحقيقي لاننا جزء منه.. الاتنين خارجين من بعض وراجعين لبعض.. الانتماء والمعزة والذكريات..
........ ........
الفرحة والبهجة موجودات بالكوم يا عفة 2 .. عفة 1 عفاف المحرب..والارقام ليس للتفضيل بل للتفريق.. يللا تعالي وكملي فرحنا وبهجتنا..
شكرا حبيبتي..
Post: #103 Title: Re: يا فرحنا يا هنانا... منى خوجلى معانا Author: Muna Khugali Date: 12-16-2009, 09:40 AM Parent: #13
يا سلام عليك بالمسلمي.. فعلا عمده! فرحانة بزيارتك وبأنه ماما جارة شافت اولادها من سودانيزأون لاين..
اها نشد حيلنا شوية في البرامج.. باقي لي الوقت في الخرطوم معجون بسبيرتو.. اسة لينا 9 يوم ونص البكيات ما قضيناها ولا حتي بدينا المباركات! المهم في الجية المرة دي.. كمية المناسبات بين زميلات وزملاء البورد ماشاء الله وعيني بارده.. واكيد رأس السنه هانقضيه كلنا مع بعض اسرة كبيرة حلوة تتقارب في كل يوم أكتر..
يللا نتقابل بالدرب العديل ونوري البعيدين من حبايبنا من اهل المحبةانه فعلا مافي اطيب من التقارب والنية الحلوة..
شكرا يالعوض..
Post: #74 Title: Re: يا فرحنا يا هنانا... منى خوجلى معانا Author: Muna Khugali Date: 12-15-2009, 00:42 AM Parent: #4
Quote: حمدالله على السلامة (حبوبة) منى وشكراً هالة على الاخبار الجميلة الصباحية
احمد موسي ازيك وازاي اسرتك.. الخرطوم دي قدر مانقول نبعد شويه منها .. يسبقنا الشوق ليها! وكيف ما نشتاق ليها وهي ستنا وتاج راسنا؟؟
اظهر وبان عليك الامان..
Post: #81 Title: Re: يا فرحنا يا هنانا... منى خوجلى معانا Author: هاشم محمد الحسن عبدالله Date: 12-15-2009, 07:25 AM Parent: #74
الملكة منى والخالة جارة الف حمد لسلامة الوصول للخرطوم التى نورت وزادت القا بمقدمكم الميمون، نأمل ان تطيب لكم الاقامة خلال الاجازة وياليت تكون مدخلا للعودة النهائية للوطن الحبيب فأنتم جواهر يجب ان يزدان جيد الوطن بها على الدوام، تحياتى ومودتى .
Post: #93 Title: Re: يا فرحنا يا هنانا... منى خوجلى معانا Author: Hala Hassan Date: 12-15-2009, 05:57 PM Parent: #81
الأخ هاشم محمد الحسن،،
Quote: الملكة منى والخالة جارة الف حمد لسلامة الوصول للخرطوم التى نورت وزادت القا بمقدمكم الميمون، نأمل ان تطيب لكم الاقامة خلال الاجازة وياليت تكون مدخلا للعودة النهائية للوطن الحبيب فأنتم جواهر يجب ان يزدان جيد الوطن بها على الدوام، تحياتى ومودتى
معليش مداخلتك جات فى النص،، ما شفتها فى وقتها،،،
نيابة عن ماما جارة (منى تتكفل بالرد عن نفسها)،، اشكرك على كلامك اللطيف و تمنياتك العذبة،،،
تحياتى،،
Post: #73 Title: Re: يا فرحنا يا هنانا... منى خوجلى معانا Author: Muna Khugali Date: 12-15-2009, 00:25 AM Parent: #2
Quote: مني الف حمداً للسلامة .......
شكراً هالة ...............
سلام يا عمر..
شوفت جيتي حلوه كيف مواقيتها؟؟ بومبان وهلال..هنا بس!
منتظرنك..
Post: #71 Title: Re: يا فرحنا يا هنانا... منى خوجلى معانا Author: Muna Khugali Date: 12-14-2009, 01:34 PM Parent: #1
يا سلام يا هالة.. دي فعلا احلي ايام الواحد يجي فيها للخرطوم حبيبتنا.. امال ايه.. بحر وعدو وشتاء! الجماعة لقيتهم كلهم مكنكشين قالوا الدنيا برد.. طيب وينو البرد ده ياخوانا؟؟ الجو مايل للحر اكثر! قالوا لي لا..ده من تخنك ومن اللي عليكي!! اضطريت اعمل مصدقاهم وانه الدنيا برد..علشان ما اسمع تعليقات علي صحتي "الحلوه"
Post: #72 Title: Re: يا فرحنا يا هنانا... منى خوجلى معانا Author: طارق الكوتش Date: 12-14-2009, 01:58 PM Parent: #71
هاله ازيك اخبار عضلات ياسر حسن ( كزن ) شنو ؟
__________
منى خوجلى سلامات ونتمنى ليك اقامه طيبه وشتاء دافئ
Post: #75 Title: Re: يا فرحنا يا هنانا... منى خوجلى معانا Author: Amira Elsheikh Date: 12-15-2009, 01:10 AM Parent: #72
هلو,,,,
حمدلله الف سلامة على سلامة منى وماما جارة
اجازة ممتعة بين الاهل والاصحاب
هئهئ هئ هئ,,المرةدى بعتونى يامنى,,,
Post: #77 Title: Re: يا فرحنا يا هنانا... منى خوجلى معانا Author: Muna Khugali Date: 12-15-2009, 01:19 AM Parent: #75
Quote: هلو,,,,
حمدلله الف سلامة على سلامة منى وماما جارة
اجازة ممتعة بين الاهل والاصحاب
هئهئ هئ هئ,,المرةدى بعتونى يامنى,,,
اوعي تقولي انك ماجاية يا أميرة؟؟ والله الحفلة اتنظمت بشكل جميل وبنكون فاقدنك شديد مش دلوقتي بس..لكن برضه في رأس السنة..
كدي اديها محاولة جاده..خاصة اني مشتاقه امشي ابيت في حوشكم الكبير..
Post: #80 Title: Re: يا فرحنا يا هنانا... منى خوجلى معانا Author: Hala Hassan Date: 12-15-2009, 07:08 AM Parent: #75
Quote: هلو,,,,
حمدلله الف سلامة على سلامة منى وماما جارة
اجازة ممتعة بين الاهل والاصحاب
هئهئ هئ هئ,,المرةدى بعتونى يامنى,,,
أميرة الاميرة،،
إنتى الوين ياخى فاقدنك،،،
أوعى تكونى ما جاية إجازة السنة دى،،،
بالغتى،،،
و بعدين شايفاكى هناك قلتى لى أختفيت بعد ما سافرت،، تصدقى الحكاية دى ما ليها أى علاقة بالسفر،، بس مشغوليات كدة،،،
دايرة أتونس معاكى كتير،، ورينى مواعيدك كيف عشان أتصل عليكى،،،،
Post: #76 Title: Re: يا فرحنا يا هنانا... منى خوجلى معانا Author: WAD ELGAALI#4 Date: 12-15-2009, 01:18 AM Parent: #72
يا هاله اسمعى كلام يزعلك منى خوجلى جات ماجات دا مابنفعنا بى حاجه يعنى شنو منى فى لندن او الخرطوم بالله بطلى تلميع وخليك زوله حقانيه وثوريه منى دى ماحتفيدك باى حاجه احسن ليك تمسكى فى تراااجى دى انتى مابدورى تبقى وزيرة الشئون الهندسيه فى حكومة باقان اموم ول شنو المهم دى زاتومااوقات بوستات الترحيب انتو فى شنو والشوايقه فى شنو ومنى زاتو تذكرتا دافعنها ليها ناس الحكومه عشان تفشل المسيره تو ميك ذا لونق استورى شورت ياهاله بوست ماموفق ونرجو من بكرى سحبو وشطب كاتبته والمكتوب اليها ألا هل بلغت اللهم فاشهد
Post: #82 Title: Re: يا فرحنا يا هنانا... منى خوجلى معانا Author: Hala Hassan Date: 12-15-2009, 07:27 AM Parent: #76
ود الجعلى،، (كدة صاح)؟؟؟
Quote: يا هاله اسمعى كلام يزعلك منى خوجلى جات ماجات دا مابنفعنا بى حاجه يعنى شنو منى فى لندن او الخرطوم بالله بطلى تلميع وخليك زوله حقانيه وثوريه منى دى ماحتفيدك باى حاجه احسن ليك تمسكى فى تراااجى دى انتى مابدورى تبقى وزيرة الشئون الهندسيه فى حكومة باقان اموم ول شنو المهم دى زاتومااوقات بوستات الترحيب انتو فى شنو والشوايقه فى شنو ومنى زاتو تذكرتا دافعنها ليها ناس الحكومه عشان تفشل المسيره تو ميك ذا لونق استورى شورت ياهاله بوست ماموفق ونرجو من بكرى سحبو وشطب كاتبته والمكتوب اليها ألا هل بلغت اللهم فاشهد
قلت كدة؟؟؟؟؟
طيب.........
دايرة أسالك سؤال يا ود الجعلى،،
إنت قاعد وين؟؟؟؟؟
أسمع الجواب، و لنا فى الحديث بقية،،،
Post: #79 Title: Re: يا فرحنا يا هنانا... منى خوجلى معانا Author: Hala Hassan Date: 12-15-2009, 07:02 AM Parent: #72
طارق الكوتش،،
مبروك الكاس،،
لكن ياخى دة لعب دة،،،
الكورة السودانية دى، الواحد ما يتفرج بس يسمع النتيجة ،،،
ياخ دا احلى زول اوعى تزعلي منو على ضمانتي .. ههههههه
صحى ما بعرفوا،،
لكن إنتى عارفة زعلى ما بالساهل كدة،، أنا دايرة أعرف هو وين،،
عشان لو كان نايم ننتظرو يصحى،، بس أدى الحكاية،،،
و نصيحتو ينظر فيها و يفاد،،،
إيه رأيك؟؟؟؟
Post: #94 Title: Re: يا فرحنا يا هنانا... منى خوجلى معانا Author: ismeil abbas Date: 12-15-2009, 06:22 PM Parent: #90
ألأخت/هاله حسن... السلام عليكم..وكل عام وانتم جميعآ بخير..يارب...وألف حمدآ لله على سلامة ألأخت الغاليه منى.وما لينا فى الطيب نصيب....كان على ألأقل شوفته..وتحياتنا لماما جاره....
Post: #96 Title: Re: يا فرحنا يا هنانا... منى خوجلى معانا Author: Ahmed musa Date: 12-15-2009, 07:57 PM Parent: #94
ياخوانا البوست ده كلامه كتير منى ممكن نشوفها كيف ومتين البرامج شنو ؟؟؟؟
Post: #99 Title: Re: يا فرحنا يا هنانا... منى خوجلى معانا Author: Hala Hassan Date: 12-16-2009, 07:09 AM Parent: #96
Quote: ياخوانا البوست ده كلامه كتير منى ممكن نشوفها كيف ومتين البرامج شنو ؟؟؟؟
عندك حق يا أحمد موسى،، البرامج عند منى،،
لكن الظاهر المرة دى عايزة تقضيها بيات شتوى،،،،،
Post: #98 Title: Re: يا فرحنا يا هنانا... منى خوجلى معانا Author: Hala Hassan Date: 12-16-2009, 07:05 AM Parent: #94
المحترم إسماعيل عباس،،
Quote: ألأخت/هاله حسن... السلام عليكم..وكل عام وانتم جميعآ بخير..يارب...وألف حمدآ لله على سلامة ألأخت الغاليه منى.وما لينا فى الطيب نصيب....كان على ألأقل شوفته..وتحياتنا لماما جاره....
و عليكم السلام و الرحمة،، و كل عام و الجميع بألف خير يا رب،،
كنا نتمنى أن تكونوا معانا فى هذه الأجواء الشتوية (الخفيفة)،،
و على قول منى، الجو بيشجع على البرامج.... و من ثم الأكل،،
الله يستر علينا بس،،،،
تحياتك توصل بإذن الله،،،
Post: #100 Title: Re: يا فرحنا يا هنانا... منى خوجلى معانا Author: Rashid Elhag Date: 12-16-2009, 07:56 AM Parent: #98
الاخت الفضلي هالة ... تحياتي واحترامي لك وللأسرة وللجسورة بت خوجلي الخرطوم منورة ، حمد لله على السلامة مع تمنياتي لهم بقضاء اجازة سعيدة بين الاهل والاحباب ....ودي
راشد
Post: #101 Title: Re: يا فرحنا يا هنانا... منى خوجلى معانا Author: عبد الحميد البرنس Date: 12-16-2009, 09:13 AM Parent: #100
منى إنسانة محبة في زمن صار فيه الحب في حياة الناس كعابر سبيل. أيقظني ولدي أنيس قبل دقائق. هدهدته قليلا ونام. قلت أنظر في أحوال المنبر حتى يدفأ البيت (الجو بارد في كندا هذه اليام كما لو أن مشاعر سلبية أناخت بثقلها عليه ومضت). أسرني كل هذا الحب فكتبت. عودا حميدا طيبا(يا منى) وفيتوريا:
الشعب كالنيل في عمقه انفعال المنابع والشعب كالأُفق في صدره تنام الزوابع
نام الطغاة المساكين وانتهوا في المخادع والشعب مازال يمشي ويسترد المواقع
Post: #105 Title: Re: يا فرحنا يا هنانا... منى خوجلى معانا Author: Hala Hassan Date: 12-16-2009, 10:39 AM Parent: #101
Quote: منى إنسانة محبة في زمن صار فيه الحب في حياة الناس كعابر سبيل. أيقظني ولدي أنيس قبل دقائق. هدهدته قليلا ونام. قلت أنظر في أحوال المنبر حتى يدفأ البيت (الجو بارد في كندا هذه اليام كما لو أن مشاعر سلبية أناخت بثقلها عليه ومضت). أسرني كل هذا الحب فكتبت. عودا حميدا طيبا(يا منى)
عبدالحميد البرنس،، يا حليلكم و إنتو قاعدين فى البلاد الباردة دى، يا ريت تجوا تشاركونا الدفء دة،،
و فعلا الجو القارص البرودة، ما بتدفيه إلا اللمة الحلوة و المشاعر الدافئة،،،
الله يخلى ليك أنيس و يحفظو،،
امين،،،،،
Post: #102 Title: Re: يا فرحنا يا هنانا... منى خوجلى معانا Author: ALZOLZATOO Date: 12-16-2009, 09:16 AM Parent: #100
Quote: انت بالزوول.. باقي لي كدي الخرطوم دي ادونا فيها عين! المرقات قلان! والله الجو سمح والاكل سمح وانا من الدور الفات قلت ليكم معدتي هي محور حياتي! اها نحنا قاعدين ننظم لمشية لقندهار بس خايفين خليل ابراهيم يزرنا هناك ونروح فيها بسبب شية! الشربوت ده انا ماشية ليه الشماليه عند حبوبة ..اخت الجردل جنب عنقريبي ومعاه الكوز واسكت أغرف! اها عليك الله نحنا ما ناس بسيطين وحلوين؟؟ جننا ناكل!
غايتو هجمة البراشوت بتروح بالاكل الكتير مع الحبان..ماك جايي؟؟
ياملكة
انتي تمشي في اي حته معرضة للعين
مشية قندهار المرة دي ح يستضيفوكم فيها استضافة الابطال وح تقعدوا في صالة ا لفي آي بي بحكم انو بقيتوا اسياد الشئ زاته لوووووووووووووولز
بعدين حاولوا امشو الصباح مابتجيكم عوجة لانو خليل مواعيدو نص النهار لووووووووول يكه
بعدين انتي لقيتي جردل شربوت الكوز لزوموا شنو
تحياتي لي حبوبتك واشربي لي معاك بالنية بس ماتكتري من الشربوت لانو شايف الاكل بتاعكم كلو سلطات الشربوت عايز ليهو عضة سنينة ( نحن في الدمعات غرقنا ) وكده مع الاعتذار للاغنية
يمكن اجي ويمكن لا ولوجيت اكيد في السلطة ح يكون لينانصيب
ارقدي عافية
زاتوووو
Post: #104 Title: Re: يا فرحنا يا هنانا... منى خوجلى معانا Author: Hala Hassan Date: 12-16-2009, 10:36 AM Parent: #100
الكريم راشد الحاج،،
Quote: الاخت الفضلي هالة ... تحياتي واحترامي لك وللأسرة وللجسورة بت خوجلي الخرطوم منورة ، حمد لله على السلامة مع تمنياتي لهم بقضاء اجازة سعيدة بين الاهل والاحباب ....ودي
تسلم على التحيات العطرة، و يا ريت تجوا و تشاركوناالأفراح و البهجة،،،
اللهم إجعل ايامنا و إياكم كلها سعادة وحبور،،،
دمتم،،،،
Post: #106 Title: Re: يا فرحنا يا هنانا... منى خوجلى معانا Author: الطيب شيقوق Date: 12-16-2009, 11:21 AM Parent: #104
يا اخوانا الحسادة شنو ما كلمتونا وحاة اللله اول مرة عيني تقع في البوست دا
السودان منور ببت العوض
يلا يا هالةعليك بالسفن اب والروب خليها تتعتع في المشية
Post: #109 Title: Re: يا فرحنا يا هنانا... منى خوجلى معانا Author: Hala Hassan Date: 12-16-2009, 12:51 PM Parent: #106
ود شيقوق،
Quote: يا اخوانا الحسادة شنو ما كلمتونا وحاة اللله اول مرة عيني تقع في البوست دا
أنا ذاااتى قلت كدة، لكن عذرتك،،
تكون لسه بتاكل فى العنكوليب،،،
حمدالله على السلامة تانى،،،،
Post: #107 Title: Re: يا فرحنا يا هنانا... منى خوجلى معانا Author: حمد محمد احمد Date: 12-16-2009, 11:22 AM Parent: #104
هالة يا بتنا بنرحب بي ضيفتك ( وضيفك ضيفنا ) وترحيبك ده نوع من الكرم المتاصل فيك وانا عارف انو بوستك ده اول الغيث وفيهو بتعبري عن فرحك ونحنا زاتو فرحانين عشانك .. مرحب مرة اخري وان شاء الله اقامة طيبة
Post: #108 Title: Re: يا فرحنا يا هنانا... منى خوجلى معانا Author: انعام حيمورة Date: 12-16-2009, 11:35 AM Parent: #107
انعام حفيظ بقى عندها كاميرا وكمان بقت تنزل صور !!
اها عاد استعدي لي صورك الجاية
يا شباب الما شاف انعام حفيظ يحتل في البوست دا بس
---
المرايات عاكسة يافردة ههههه
Post: #111 Title: Re: يا فرحنا يا هنانا... منى خوجلى معانا Author: Hala Hassan Date: 12-16-2009, 12:55 PM Parent: #108
Quote: المرايات عاكسة يافردة ههههه
تصدقى أنا ذااتى شلت هم المرايات،،
لكن قال ليكى HD
المقلب حاصل،،،،
Post: #110 Title: Re: يا فرحنا يا هنانا... منى خوجلى معانا Author: Hala Hassan Date: 12-16-2009, 12:53 PM Parent: #107
Quote: هالة يا بتنا بنرحب بي ضيفتك ( وضيفك ضيفنا ) وترحيبك ده نوع من الكرم المتاصل فيك وانا عارف انو بوستك ده اول الغيث وفيهو بتعبري عن فرحك ونحنا زاتو فرحانين عشانك
حمد أخوى، ما بتقصر كلو كلو،، ود أصول و زول واجب،،، و بعرف كيف يكرم الضيفان،،،
لازم تتعرف على منى دى، ح نناديك فى أقرب لمة إنشاءالله،،،
Post: #112 Title: Re: يا فرحنا يا هنانا... منى خوجلى معانا Author: محمد السليمانى Date: 12-16-2009, 06:02 PM Parent: #110
التحايا العطرة للاخت العزيزة مني خوجلي
حقيقة سعدت بالمعرفة عن قرب وسعدت جدا بلقاء الاخوات الكرام انعام حيمورة
وانعام عبد الحفيظ وهالة حسن
نتمني لها اقامة طيبة بيننا
وتقبلوا سلام اخي وصديقي اشرف مصطفي
Post: #116 Title: Re: يا فرحنا يا هنانا... منى خوجلى معانا Author: omar arbab Date: 12-16-2009, 10:42 PM Parent: #112
الاخت هالة تحياتي الامتداد منورة ، حمد لله على السلامة مع تمنياتي لها بقضاء اجازة سعيدة بين الاهل والاحباب
جانا الخبر شايلو النسيم فى الليل يوشوش فى الخمائل هش الزهر بكت الورود وسالت مشاعر الناس جداول رجع البلد بعد السنين المره يادوب العيون سهرن هجد ياحليلو مارجع البلد وعيونا ما سهرن هجد فى عيونو شوق انهد لحب للناس للوطن ماغيرت ريدتو السنين ومابدل احساسو الزمن شفنا المشاعر الحلوه فى ساحاتنا بى الامال مشن انت ما نسمه فى الهجير انت ما راحة ضمير انت ما بهجة مشاعر انت ما رحلة عبير انت ماياكا الامير كيف نسيبك تمشى تانى وانت نورة البلد العذاب فارق طريقنا والعيون سهرن هجد
Post: #121 Title: Re: يا فرحنا يا هنانا... منى خوجلى معانا Author: Hala Hassan Date: 12-17-2009, 09:21 AM Parent: #116
Quote: الاخت هالة تحياتي الامتداد منورة ، حمد لله على السلامة مع تمنياتي لها بقضاء اجازة سعيدة بين الاهل والاحباب
الأخ عمر أرباب،، شكرا على الكلمات العذبة،،،
و نقول معاك،،
Quote: جانا الخبر شايلو النسيم فى الليل يوشوش فى الخمائل هش الزهر بكت الورود وسالت مشاعر الناس جداول رجع البلد بعد السنين المره يادوب العيون سهرن هجد ياحليلو مارجع البلد وعيونا ما سهرن هجد فى عيونو شوق انهد لحب للناس للوطن ماغيرت ريدتو السنين ومابدل احساسو الزمن شفنا المشاعر الحلوه فى ساحاتنا بى الامال مشن انت ما نسمه فى الهجير انت ما راحة ضمير انت ما بهجة مشاعر انت ما رحلة عبير انت ماياكا الامير كيف نسيبك تمشى تانى وانت نورة البلد العذاب فارق طريقنا والعيون سهرن هجد
Post: #118 Title: Re: يا فرحنا يا هنانا... منى خوجلى معانا Author: Hala Hassan Date: 12-17-2009, 08:09 AM Parent: #112
محمد السليمانى،، سعدنا بلقياكم،،،
و نعتبر دة بمثابة زمالة طويلة الامد إنشاء الله،،
تحياتى لأشرف مصطفى و الأسرة،،،،
Post: #119 Title: Re: يا فرحنا يا هنانا... منى خوجلى معانا Author: عفاف الصادق بابكر Date: 12-17-2009, 08:52 AM Parent: #118
Quote: انعام حفيظ بقى عندها كاميرا وكمان بقت تنزل صور !!
عن إذنك يا اميرة الشيخ نستلف منك الحصرية بتاعتك ... الليلـــــــــه ووووووووووووووووووووووووووب
Post: #120 Title: Re: يا فرحنا يا هنانا... منى خوجلى معانا Author: عفاف الصادق بابكر Date: 12-17-2009, 09:05 AM Parent: #119
Quote: يللا تعالي وكملي فرحنا وبهجتنا..
يا منينة تمر الجنينة ... السمحة الماها شينة ..
اتمنى يا منى اسعد بصحبتك انتي والحلوين المعاك ..
ما تعملوها انتي والحلوات النعومتين ومنوله وهلوله .. وتجو عندنا والله الامارات جو رهييييييييب مطر لذيذ .. يالله تعالوا بس انتو قولوا عووووك ..
Post: #122 Title: Re: يا فرحنا يا هنانا... منى خوجلى معانا Author: Hala Hassan Date: 12-17-2009, 10:02 AM Parent: #120
عفوفة، كيفك؟؟؟
Quote: ما تعملوها انتي والحلوات النعومتين ومنوله وهلوله .. وتجو عندنا والله الامارات جو رهييييييييب مطر لذيذ ..
شكرا يا ستى على الدعوة الكريمة،،
و بينى و بينك شتاء الخليج دة مابينا كلو كلو،،
إحنا الخليج ما بحلى لينا إلا فى عز الصيف،، من نهايات 5 كدة لغاية أغسطس،،
يعنى جو الهنا،،، لوووووووول،،،
Post: #123 Title: Re: يا فرحنا يا هنانا... منى خوجلى معانا Author: انعام حيمورة Date: 12-17-2009, 11:09 AM Parent: #122
هالة من بكرة بالله خليك مستعدة واخدي اجازة من العيال ..
عشان حدنا رشا شيخ الدين في بيت الفنون ..
Post: #124 Title: Re: يا فرحنا يا هنانا... منى خوجلى معانا Author: Hala Hassan Date: 12-17-2009, 11:42 AM Parent: #123
Quote: هالة من بكرة بالله خليك مستعدة واخدي اجازة من العيال ..
عشان حدنا رشا شيخ الدين في بيت الفنون ..
إنتى يا إنعام، يوم بكرة دة ما بالغ شوية،،
عندنا فيه 3 غداء و 2 عقودات و 4 أعراس (حفلات)،، و دة حسب ذاكرتى المحدودة،
و حسه كمان نزيد ليهم بيت الفنون،،،،
نتقطع؟؟؟؟
الله يعديه على خير،،،،،
Post: #125 Title: Re: يا فرحنا يا هنانا... منى خوجلى معانا Author: انعام حيمورة Date: 12-17-2009, 12:03 PM Parent: #124
وانا زيدي عليهم ديل كلهم 2 كرامة حج ههههه
والله غايتو الا ابيع الحاجة واشوف ليها سواق غيري ..
عشان اتقطع بالطريقة الصاح ..
Post: #126 Title: Re: يا فرحنا يا هنانا... منى خوجلى معانا Author: Mohammed Haroun Date: 12-17-2009, 05:40 PM Parent: #125
موسم الهجرة إلى الجنوب حيث الدفئ والشمس الطالعة ... محظوظين يا فرحكم ويا هناكم.
حينما خرجت إلى العمل صباح اليوم كانت درجة الحرارة صفر ....
تحياتي
Post: #128 Title: Re: يا فرحنا يا هنانا... منى خوجلى معانا Author: Hala Hassan Date: 12-27-2009, 09:10 AM Parent: #126
Quote: موسم الهجرة إلى الجنوب حيث الدفئ والشمس الطالعة ... محظوظين يا فرحكم ويا هناكم.
حينما خرجت إلى العمل صباح اليوم كانت درجة الحرارة صفر ....
محمد هارون،، صدقت والله بالجو الدافئ و الصحبة الجميلة،،،
لكن إنت يا حظك برضو بالإجازة و الفسحة الظريفة،،
متابعين معاك بهناك،
Post: #127 Title: Re: يا فرحنا يا هنانا... منى خوجلى معانا Author: Hala Hassan Date: 12-27-2009, 09:05 AM Parent: #125
Quote: والله غايتو الا ابيع الحاجة واشوف ليها سواق غيري
