أسماء قبيلة الدينكا

جرى العرف على ان يكون لكل إنسان إسم يميزه عن بقية اقرانه حسب العادات والتقاليد المتبعة فى مجتمعات بنى البشر.
كثيراً ما يختلط الأمر لدى البعض بخصوص أسماء أبناء مناطق جنوب السودان ويرجع ذلك إلى عدم المعرفة بهذه الأسماء واحياناً لصعوبة بعض الأسماء ... كما يحتمل أن يكون الخلط لشئ فى نفس البعض.
ما دعانى لكتابة هذا البوست هو تعميم الفائدة لأعضاء وقراء المنبر العام لسودانيزاونلاين أولاً ثم تصحيح بعض من خاطبنى يوماً بصيغة المؤنث (لعدم معرفته او لحكمه على من صورة البروفايل التى هى صورة الآنسة اليك ويك).
يجدر الإشارة إلى ان هذا البوست مجرد إجتهاد منى مع بعض المساعدة من عم لى (عسى وقتى ووقته يسعفانا لذلك) وساعمل جاهداً للتعريف على أسماء الدينكا (لانها القبيلة التى انتمى إليها) مع إيضاح معانى بعض الأسماء (ليس كلها ... حسب مقدرتى).
العادات المتبعة لتسمية المولود لن اخوض فيها كثيراً (يمكن لبعض الإخوة الأعضاء هنا توليها) فقط ساركز على الأسماء المعروفة منها والغير معروفة.



نجيكم بكرة


على فكرة:
حاتعامل مع البوست ده بى كل يوم مداخلة فى صميم الموضوع

Quote: نجيكم بكرة

بكرة ولا بعد بكرة ...!!!

منتظرنك يا زول يا رائع

كل الود
محمد كابيلا

موجهات عامة:
- غالبية أسماء الدينكا يكون تيمناً بالجد او الجدة.
- بعد مرور إسبوع من الولادة تذبح الذبائح (يحتمل ان يكون الطفل قد سُمِّى) ولكن فى التسمية قديماً يتم التقيد بالآتى:
• حق تسمية المولود فقط للأهل من ناحية الأب ويمكن للأم ان تسمى مولودها فقط فى حالة عدم وجود أهل المولود من جهة الاب.
• أحيانا يكون التسمية على حسب الحدث ومثال لبعض الأحداث:
- أحداث داخل الأسرة (وفاة شقيق او شقيقة مثلاً).
- الأزمات الكبرى التى تمر بالقبيلة كالحروب والمجاعات ... إلخ.
- مكان الولادة يمكن ان يأثر على إسم المولود فمثلاً إذا كانت المراة الحبلى فى طريقها لزيارة اقاربها فى جهة ما ووضعت مولودها فى طريق رحلتها هنا يأخذ المولود إسم محدد (سناتى لهذا لاحقاً)
• الأهل من جهة الأم ينادون الوليد بإسمه مقروناً بإسم الأم وإذا شاءت الأقدار وتربيت عند أهلك من جهة الوالدة سيكون الإسم الذى ينادونك به هو إسمك مقروناً بإسم الوالدة ولا عزاء للوالد هنا.

وين يا عمك



___________
مشتاقين يا مواطن

طيب خلينا في صميم الموضوع ..

بس قصة بكرة دي ما كريمة يآخ بعد شركنا اضنينا عشان نسمع ..

المهم بكرة بعده منتظرك ما تطول ..

لك تحياتي



** بالله شوفي لي معاك اسم ( ايوم ) دا يعني شنو ؟

فكرة جميلة

وراجنك

بوست أتوقع يكون مفيد شديد ..

زي بوست خالك بتاع العادات.

شكراً يااا ........ ((أشول)) .....

يا شول بطل حركات البوست ده مفروض تكتب فى عنوانو
اهداء خاص لسهام المجمر ...
بس اقول ليك شنو؟؟؟

قرنق + أبوك
قرنق إسم مذكر كما يعلم الجميع وابوك إسم مؤنث وهما عند الدينكا كآدم وحواء لاصحاب الديانات (اليهودية والمسيحية والإسلام) ويعتقدون إن هذه الأسماء أطلقت على الأولين من قبل الله.
قرنق وأبوك حسب الدينكا لديهم إبن يسمى دينق (بمعنى مطر) وهو جد عموم الدينكا.
دينق هو أشهر الأسماء للدينكا والمؤنث منه (أدينق) او (نياندينق) وتعنيان نفس معنى إسم دينق تماماً.









______________
آخر مداخلة وبعده نجى للناس الفوق ديل واحد واحد وبكرة نكمل باقى موضوعنا... سمح؟

Quote: Chol Achuang Deng

قبال كدا طلبت منك شرح واحد من ديل وعملت طناش
وقالوا كراع البقر جيابة...
يلا اشرح التلاتة ديل اول وبعدين ابقى (دليب).....
أو (اقايب) أو (اكوت)...
تخريمة:

Quote: بكرة

اتاريك موظف حكومي والبورداب ما عارفين واللا شنو؟
قير تور

شول سلامات

Quote: قرنق + أبوك قرنق إسم مذكر كما يعلم الجميع وابوك إسم مؤنث وهما عند الدينكا كآدم وحواء لاصحاب الديانات (اليهودية والمسيحية والإسلام) ويعتقدون إن هذه الأسماء أطلقت على الأولين من قبل الله. قرنق وأبوك حسب الدينكا لديهم إبن يسمى دينق (بمعنى مطر) وهو جد عموم الدينكا. دينق هو أشهر الأسماء للدينكا والمؤنث منه (أدينق) او (نياندينق) وتعنيان نفس معنى إسم دينق تماماً.

انا اثناء اهتمامي بديانة الدينكا كنت اظن ان دينق وابوك هما الاصل وان قرنق هو ابن لهما ...

ستكتب كل يوم... سأنتظرك أيضاً كل يوم ...
الناس في وطننا يجهلون الاخر لدرجة قد يثيرهم مقال عنوانه تساؤل عما إذا كان أحدهم قد رأى توأما جنوبياً وربما يحدث نفس الشيء في الجنوب ..!!
لم يتركونا نتذوق الوطن الا بمقدار ما يتذوق أحدهم خمراً سيئة تربك عنده حاسة الذوق وتجعله يتساءل: لم يشرب الناس ذلك الشيء المر؟؟!

سلام يا بنج ،

ياخ ده حيطلع أحسن بوست في العالم ، فكرتو سمحة ومثقفة ممتعة في نفس الوقت ، ومادة لدراسات الأسماء المقدسة ...

بس ما تنجضنا بقصة بُكره بُكره دي :)

فوق .

Quote: .بس ما تنجضنا بقصة بُكره بُكره دي :)

راجنك ياجميل

شول

وبعدين شنو حكاية دا اسم الكنيسة ودا اسم البلد .؟؟
لية الدينكاوى بيكون عندو اكتر من اسم .؟؟



راجينكـ ...

اخي شول
انا من الخاطبوك يوما ما بصيغة المؤنث
سؤالي هل اسماء مثل شول مشتركة للرجال و النساء

صديقتي الدينكاوية دكتورة نيافيت لها اخت صغرى تسمى اوير وقد ذكرت ان معنى اسمها هروب او شتات لانها ولدت اثناء خروج السكان من واو عند نشوب الحرب الاهلية الثانية
نيافيت نفسها تعني خديجة او الطفلة الناقصة

اها لقينني كيف

بوست شيق متابعين للمزيد

Quote: يا شول بطل حركات البوست ده مفروض تكتب فى عنوانو اهداء خاص لسهام المجمر ... بس اقول ليك شنو؟؟؟

محمد كابيلاعزراً خلينى ارد على الأخت سهام المجمر أولاً عشان بلعتنى اللالوب
سهام والله حقك على ياخ وفعلاً البوست ده إهداء خاص ليكى لانك اول زول كلمتها بخصوصه.
عموماً معليش بس عليك منى بوست تانى قريب (ما حاوريك عنوانو) إهداء خاص ليكى وامسحا فى وشى الشين ده.

Quote: بكرة ولا بعد بكرة ...!!! منتظرنك يا زول يا رائع كل الود محمد كابيلا

إن شاء الله إنتظارك ما يطول يا مان
حبابك الف

Quote: مشتاقين يا مواطن

وإحنا شوقنا كميات يا إنسان.
شايفكم قلبتو البتاع كلو يوم جمعة

Quote: ** بالله شوفي لي معاك اسم ( ايوم ) دا يعني شنو ؟

ما بوريك كان ما وريتنى هى من وين تحديداً
شيل الصبر يا مان

Quote: وراجنك

شكراً للمساندة يا جلال والله يديك العافية

Quote: شكراً يااا ........ ((أشول)) .....

البوست ده صنع خصيصاً لابوالعزائم أخوان ومن لف لفهم

Quote: اتاريك موظف حكومي والبورداب ما عارفين واللا شنو؟

يا قير داير تعمل فيها رايح مش ... مطلوب حضورك بشدة وكعب عالى وسفنجة والبوست ده إنت مشاركنى فيهو يا عم

Quote: ستكتب كل يوم... سأنتظرك أيضاً كل يوم ...

يديك العافية يا مدثر

Quote: سلام يا بنج ، ياخ ده حيطلع أحسن بوست في العالم ، فكرتو سمحة ومثقفة ممتعة في نفس الوقت ، ومادة لدراسات الأسماء المقدسة ... بس ما تنجضنا بقصة بُكره بُكره دي :) فوق .

الف تحية بنج ديد إبراهيم وإن شاء الله يكون بوست مفيد ياخ

Quote: راجنك ياجميل

شكراُ لطولة البال يا باسط مش زى صحبى ود الزين يجيك ناطى فى رقبتك بسؤال قبال تقول بسم الله

Quote: راجينكـ ...

مزمل حبابك يا فردة وسؤالك جوابو موجود بس تابع

Quote: اها لقينني كيف

لقيتك مية المية يا نازك وتابعى معانا ... سلم على الدكتورة صحبتك


لى قدام

Quote: بوست أتوقع يكون مفيد شديد .. زي بوست خالك بتاع العادات.

تتخيل يا محمد أخوى البوست بتاع خالى فتشت عليه فى الأرشيف وما لقيتو خالص؟؟؟!!!
كان البوست راح فيها يكون تعب ومجهود ضاع اوانطة ساى والله



افتكر البوست كان بعنوان:
هوى تعال هنا شوف عرس الناس ديل كيف



الرجاء من يجد البوست أعلاه تبليغ المسئول من هذا البوست للفائدة



الله يكون فى العون بس

الأخ شول
هنا مشاركة عبارة عن مادة نشرت من قبل بمجلة الأمانة التي تصدر بمجلس الوزراء وارجو منك
البحث عن العددين (22 و23) عام 2007 م.

Quote: ابناء الميت كنا تحدثنا وكتبنا في الحلقتين الماضيين عن الأسماء وشرحنا العديد منها ومناسباتها وهذه بعض منها وليست كل السماء التي نعرفها فهناك تسميات تعتمد على احداث معينة مثل وفاة زعيم او قيام مناسبة دينية كبيرة يحتفل بها الناس.فمثلاً (اضار) تسميه الدينكا للجنسين في وفاة زعيم او كاهن معروف او وفاة معمر في الاسرة او عميد الأسرة، وكذلك نجد ان (ياي) تعكس مناسبة سعيدة وعكسه تماماً (رياك) ... ومؤنث كل منهما :نيانياي ونيانرياك. ما يهمنا في موضوع اليوم عادة ما تزال سائدة في الدينكا وبعض القبائل النيلية الأخرى وهو موضوع حساس جداً خاصة بعد التغيرات الفكرية التي طرات وسط ابناء القبائل مما أوجد بعض الصراعات بين فريقين الول يرى ضرورة الحفاظ على كل الموروثات والفريق الثاني لا يرى فائدة للحفاظ على تلك العادات غير المواكبة لروح حياة العصر خاصة وسط من اعتنقوا الإسلام والمسيحية وليس لدي فكرة هل هناك من اعتنقوا اليهودية فلم يسبق لي مصادفة أحدهم بقول بأنه يهودي الديانة. من الأشياء الثابتة عند الدينكا الدخول لزوجة الميت من أحد افراد الاسرة وإنجاب الأطفال ليحملون إسم الشخص الميت.وليس هناك طلاق لزوجة الميت بل إنها تظل في عصمة الأسرة .وليس الأمر متوقف فقط على زوجة الشخص الذي يموت بعد الزواج إنما يتعدى الأمر ذلك فمثلاً الأسرة التي تموت لها طفل ذكر عندما يشب الأطفال المولودين بعده يتوجب عليهم مسقتبلاً التزويج له ، بمعنى آخر لو ولد لأسرة ما طفل ما عاش ليوم واحد فقط فهذا المولود يعطي إسماً ثم يدفن وبعد وصول الأطفال الذكور لسن الرشد يكون واجبهم الزواج بإسم الميت لإنجاب اطفالاً يحفظون لأحد افراد الأسرة وجوده وسط العائلة.وبقية الأمور تسير هكذا فمثلاً الأخ الذي يتوفى وله زوجة يتولى احد أخوانه او اقرباءه (أقرب شخص من ناحية صلة الدم) بشرط ان لا يكون ذلك له صلة قرابة بالمرأة ، فينجب اطفالاً بإسم المرحوم وتظل الأسرة حافظة للمرحوم إسمه. إذا كان الشخص المتزوج توفى زوله أولاد في سن الرشد فليس من حق اخوانه خاصة إذا لم يكونوا أشقاء الدخول لزوجاته الصغيرات فيتم عمل مفاضلة بين الأعمام وأبناء المرحوم ويفضل غالباً ابناء المرحوم الدخول على زوجات والدهم. أمر قبول زوجة الأخ أو الأب ليس متعلقاً بالتغييرات الفكرية فحسب ، لكن صاحب تلك التغييرات الأوضاع الإقتصادية وهذه بدورها نتجت عنها تغييرات إجتماعية كبيرة عبارة عن سلوك إجتماعي مختلف عن السلوك الإجتماعي السائد قبل ثلاثين عاماً السابقة.وبعمل مقارنة بسيطة مع أهلنا الدينكا قبل ثلاثين عاماً مع الأوضاع حالياً نجد إختلافات موضوعية تجعل الشباب في الوقت الراهن لا يقبلون كل ما كان لائق بالجيل السابق من آباءنا. كان الأباء يمتلكون ثروة حيوانية هائلة لغراض الفخر الإجتماعي ،هذه الأبقار يتم الزواج بها وقضاء بعض الواجبات الإجتماعية مثل الكجور والمناسبات .وللرجل دائماً تامين غذاء غير منكور فهو له أبقار حلوب بجانب الأغنام وله ذرة متوفر، من جانب آخر لم يكن للرجل في الدينكا مسؤليات اخرى غير إدارة البيت وهو مؤمن الطعام فليس مطلوب منه منصرفات دراسة او علاج او ملبس .وكان الرجل عليه الإنجاب وإدارة الموارد المتوفرة. إختلف حياة شباب اليوم فليس سهلاً القبول بزوجة أخيك او والدك أو احد أقرباءك ،فالأمر لا يتوقف على الإنجاب فقط.فالمراة التي تقبل بك عليك الصرف عليها بالعلاج والملبس ثم ان الطفال الذي يتم إنجابهم لا يمكنك تركهم بلا تعليم وعلاج وسكن غذاء.. هذه امور إقتصادية غيرت السلوك والتفكير للكثير من شباب اليوم بجانب الأفكار الدينية الجديدة التي تحرم هذه الممارسات. يا ترى هل تظل هذه الممارسة مستمرة خلال العشرين عاماً القادمة بنفس المنوال الذي هي عليه الان؟.سؤال لا يجب علينا التسرع في البحث عن إجابته فليام ستوضح لنا .

للدينكا علاقة قوية جداً بالطبيعة التى يعيشون فيها لذلك تجد أغلب أسماءهم هى أسماء حيوانات او نباتات أو الأحداث الطبيعية (كنا قد كتبنا عن جزء من علاقة الدينكا بالطبيعة (خاصى الحيوانات) فى هذا البوست المفقود والمذكور فى المداخلة أعلاه).
هنا يجدر بنا تصنيف أسماء الدينكا كالآتى:
أولاً: أسماء لها علاقة بالحيوانات:- (نذكر منها على سبيل المثال لا الحصر)
- كور (الأسد) – إسم مذكر مؤنثه (أكور) أو (نيانكور)
- كوج (النمر) – إسم مذكر مؤنثه (أكوج) او (نيانكوج)
- أقوك (القرد) – إسم مذكر مؤنثه (نيانقوك ... يحتمل الخطأ هنا)
- أنقوى (المرفعين) – إسم مذكر
- أون (الثعلب) – إسم مذكر ومؤنث أيضاً
- رو (فرس البحر) – إسم مذكر مؤنثه (نيرو)
- أكون (الفيل) – إسم مذكر
- أنيار (الجاموس) – إسم مذكر
- أرو (السلحفاة) – إسم مذكر
- أقانج (الورل) – إسم مذكر
- نيانق (التمساح) – إسم مذكر مؤنثه (أنيانق) او (نيانيانق)
- أموك (الظبى) – إسم مؤنث
- كيو (الغزال) أشتق منه الإسم أكيو – إسم مؤنث
- قونق (اب قنفد) – إسم مذكر
- شِر* (لا اعرفه بالعربية ولكنه حيوان معتد بنفسه لدرجة إنه عنده مسيره ولامسه قشة، يقوم بتدمير كل الحشائش فى هذا المكان ومساواته بالأرض) – إسم مذكر
- أجض (الدجاج) – إسم مذكر مؤنثه (نياناجض)
- مور او ميور (الثور) – إسم مذكر ومؤنثه ليست مشتقة منه ولكنها (أوينق) وتعنى البقر فى حين إن البقر أصلاً يسمى (وينق)


يمكن لبقية الإخوة إضافة ما يمكن إضافته وتصحيح ما يمكن تصحيححه

________________
المداخلة ده عشان خاطر عيون الناس الحلوة الجو مارين ومشاركين فى البوست ده

Quote: الأخ شول هنا مشاركة عبارة عن مادة نشرت من قبل بمجلة الأمانة التي تصدر بمجلس الوزراء وارجو منك البحث عن العددين (22 و23) عام 2007 م. Quote: ابناء الميت كنا تحدثنا وكتبنا في الحلقتين الماضيين عن الأسماء وشرحنا العديد منها ومناسباتها وهذه بعض منها وليست كل السماء التي نعرفها فهناك تسميات تعتمد على احداث معينة مثل وفاة زعيم او قيام مناسبة دينية كبيرة يحتفل بها الناس.فمثلاً (اضار) تسميه الدينكا للجنسين في وفاة زعيم او كاهن معروف او وفاة معمر في الاسرة او عميد الأسرة، وكذلك نجد ان (ياي) تعكس مناسبة سعيدة وعكسه تماماً (رياك) ... ومؤنث كل منهما :نيانياي ونيانرياك. ما يهمنا في موضوع اليوم عادة ما تزال سائدة في الدينكا وبعض القبائل النيلية الأخرى وهو موضوع حساس جداً خاصة بعد التغيرات الفكرية التي طرات وسط ابناء القبائل مما أوجد بعض الصراعات بين فريقين الول يرى ضرورة الحفاظ على كل الموروثات والفريق الثاني لا يرى فائدة للحفاظ على تلك العادات غير المواكبة لروح حياة العصر خاصة وسط من اعتنقوا الإسلام والمسيحية وليس لدي فكرة هل هناك من اعتنقوا اليهودية فلم يسبق لي مصادفة أحدهم بقول بأنه يهودي الديانة. من الأشياء الثابتة عند الدينكا الدخول لزوجة الميت من أحد افراد الاسرة وإنجاب الأطفال ليحملون إسم الشخص الميت.وليس هناك طلاق لزوجة الميت بل إنها تظل في عصمة الأسرة .وليس الأمر متوقف فقط على زوجة الشخص الذي يموت بعد الزواج إنما يتعدى الأمر ذلك فمثلاً الأسرة التي تموت لها طفل ذكر عندما يشب الأطفال المولودين بعده يتوجب عليهم مسقتبلاً التزويج له ، بمعنى آخر لو ولد لأسرة ما طفل ما عاش ليوم واحد فقط فهذا المولود يعطي إسماً ثم يدفن وبعد وصول الأطفال الذكور لسن الرشد يكون واجبهم الزواج بإسم الميت لإنجاب اطفالاً يحفظون لأحد افراد الأسرة وجوده وسط العائلة.وبقية الأمور تسير هكذا فمثلاً الأخ الذي يتوفى وله زوجة يتولى احد أخوانه او اقرباءه (أقرب شخص من ناحية صلة الدم) بشرط ان لا يكون ذلك له صلة قرابة بالمرأة ، فينجب اطفالاً بإسم المرحوم وتظل الأسرة حافظة للمرحوم إسمه. إذا كان الشخص المتزوج توفى زوله أولاد في سن الرشد فليس من حق اخوانه خاصة إذا لم يكونوا أشقاء الدخول لزوجاته الصغيرات فيتم عمل مفاضلة بين الأعمام وأبناء المرحوم ويفضل غالباً ابناء المرحوم الدخول على زوجات والدهم. أمر قبول زوجة الأخ أو الأب ليس متعلقاً بالتغييرات الفكرية فحسب ، لكن صاحب تلك التغييرات الأوضاع الإقتصادية وهذه بدورها نتجت عنها تغييرات إجتماعية كبيرة عبارة عن سلوك إجتماعي مختلف عن السلوك الإجتماعي السائد قبل ثلاثين عاماً السابقة.وبعمل مقارنة بسيطة مع أهلنا الدينكا قبل ثلاثين عاماً مع الأوضاع حالياً نجد إختلافات موضوعية تجعل الشباب في الوقت الراهن لا يقبلون كل ما كان لائق بالجيل السابق من آباءنا. كان الأباء يمتلكون ثروة حيوانية هائلة لغراض الفخر الإجتماعي ،هذه الأبقار يتم الزواج بها وقضاء بعض الواجبات الإجتماعية مثل الكجور والمناسبات .وللرجل دائماً تامين غذاء غير منكور فهو له أبقار حلوب بجانب الأغنام وله ذرة متوفر، من جانب آخر لم يكن للرجل في الدينكا مسؤليات اخرى غير إدارة البيت وهو مؤمن الطعام فليس مطلوب منه منصرفات دراسة او علاج او ملبس .وكان الرجل عليه الإنجاب وإدارة الموارد المتوفرة. إختلف حياة شباب اليوم فليس سهلاً القبول بزوجة أخيك او والدك أو احد أقرباءك ،فالأمر لا يتوقف على الإنجاب فقط.فالمراة التي تقبل بك عليك الصرف عليها بالعلاج والملبس ثم ان الطفال الذي يتم إنجابهم لا يمكنك تركهم بلا تعليم وعلاج وسكن غذاء.. هذه امور إقتصادية غيرت السلوك والتفكير للكثير من شباب اليوم بجانب الأفكار الدينية الجديدة التي تحرم هذه الممارسات. يا ترى هل تظل هذه الممارسة مستمرة خلال العشرين عاماً القادمة بنفس المنوال الذي هي عليه الان؟.سؤال لا يجب علينا التسرع في البحث عن إجابته فليام ستوضح لنا .

يا سلام عليك يا قير ياخ
إنت زول مشجع جداً جداً

المقال جميل والله وبيوضح جوانب عديدة للذين لا يعلمون عن الدينكا وعاداتهم

الف شكر وبالله كتر من نوع ده ياخ

الأخ شول
والله انا لسه بفتش الارشيف حقي وما لاقي المقالين اللي اتكلمت عنها..
المهم انت ممكن تمشي مجلس الوزراء أو اضرب لواحد من اخواني في الخرطوم والمجلات موجودة
في بيتي ممكن تستفيد منها لانو فيها بعض السماء الخاصة بين النوير والدينكا والشلك
خاصة اسماء التوائم وتلك المتعلقة بالكجور والمناسبات
هنا بعض النقد التي كتبت عن الأخطاء وكانت بصحيفة السوداني عام 2008 م

Quote: غياب تقديروإحترام سبق وتناولنا موضوع لا ينتبه له الكثير وخاصة من قبل عدد ليس بقليل من الإخوة المنادين بعروبة السودان ، وهذا الموضوع رغم هوانه الذي في بعض الأحيان يكون بدون قصد وفي أحايين كثيرة يكون مقصوداً في حد ذاته يتمثل النطق وكتابة الأسماء غير العربية خطأ ليس بسبب جهل القائم بالإتصال به إنما بسبب عدم إجتهاده في التعود عليه. من ابجديات الإنسان الشعور بالإلفة تجاه من تعيش معه وهذا الشعور ليس متعلق الأمان البدني بل يشمل حتى معرفة إسمك بالكامل . من الأشياء عايشتها وما تزال مستمرة بصورة واقعية عندنا في السودان مسألة النطق بالأسماء فكثير من المرات تجد المؤسسات السودانية لا يقوم موظفيها بكتابة الأسماء غير العربية بالطريقة الصحيحة بل وهذا ليست مسؤلية المؤسسات بقدر أنها مسؤلية شخصية لكل فرد. أو فالنعكس الصورة قليلاً:فهناك العديد من القبائل ذات الأصول غير العربية تجد افرادها يجيدون النطق وكتابة الأسماء العربية ..... إذن لماذا يحدث ذلك في حين لا يستطيع كل من يدعي اصله العربي النطق وكتابة الكلمة والإسم غير العربي؟ .هل يعني ذلك بأن السماء العربية اسهل من غيرها.. وهنا يجب مصاحبة حقيقة واحدة مهمة جداً هي غياب بعض الحروف والأصوات الموجودة في اللغة في اللغات الأخرى وهذا ظاهر وباين بوضوح وهو ما يسمى بالتلحين في الكلام..... او قل هل العاجم هم الأذكى من المنادين بعروبة السودان ولذا فهم لهم مقدرة إجادة اللغة العربية والنطق بها كما يريد أهلها التحدث بها؟. أم أن المنادين بعروبة السودان يرون أنفسهم في مكانة اسمى مما عليه هؤلاء الأعاجم ولذا فليس عليهم التعب ولتعب الفارغ للنطق ومعرفة اسماء عجمية لا فائدة من وراءها؟... هذه مجرد اسئلة تحتاج لإجابة فليس هناك أمراً غير مستساغ أكثر من أن يكون لك زميل دراسة او عمل لا يكلف نفسه سؤالك كيف تنطق إسمك لكنه ينطقه وفق هواه. حدث لي في العام 1993 م ان كنت في مؤتمراً كان المتحدث فيه ذلك اليوم أحد ابناء الإنجليز ، كنت واحد من الذين سيشاركون في النقاش .طلب المتحدث من المشاركين كتابة أسماءهم وبعدما كتبنا أسماءنا وقدمنا له الورقة صار ينادي علينا واحد تلو الآخر لنقرأ له ما كتبنا وهو يصغي لكل واحد من بإهتمام شديد واذكر بأنني وقفت بالقرب منه وردد إسمي ثلاث مرات بعدي (Geer Tor) حتى خيل لي في ذلك الوقت انه قد تعلم لغة الدينكا عندما ناداني.ونفس الأمر إختبرته في العام 2004 م وانا أعمل مع منظمة رعاية الطفولة البريطانية فالمشرفة الإنجليزية على البرنامج لم تكن تخطئ السماء لأنها تدرب نفسها على النطق بها. ما جعلني أسوق ما تقدم اعلاه هي ملاحظتي لعدم الإكتراث لكثير من الأمور التي ليست صعبة لكن الإستهتار يعمقها في القلوب.وغذا كان بعض الناس يظنون النطق الخاطئ في إسم صديقك غير العربي شيئاً سهلاً فهذا تقدير غير صحيح فالشخص الذي تحبه وتريده تعرفه جيداً وتستطيع معرفة لكنته .وحسب تقديري فهناك غياب تقدير وعدم إحترام لهؤلاء ولذا لا يجتهد الذين يخطئون في النطق والكتابة.

دا الكلام

حكمة اليوم
حتي لا تسئ بي الظن ...فهذا هو انا
حكمة الغد
ذيدونا علمآ ذيدونا


جزاك الله خيرآ

Quote: كور (الأسد) – إسم مذكر مؤنثه (أكور) أو (نيانكور)

كور هو الأسد ومن اسماء الأسد لا الحصر : يور - اجوانق - تيقلي - ملويل
وكذلك فهو يقال له نيانوود للإناث...

Quote: إسم مذكر مؤنثه (أكور) أو (نيانكور)

لا يؤنث المذكر (كور) بإضافة صوت التانيث (ا) إنما الصحيح
نيانكور) فهو مؤنث كور
أما (اكور) وتنطق(اكوور) بضم الواو الأول ، وعند مجموعة دينكا فدانق
لا تنطق الراء الواقع آخر المكملة فتنطق (اكوو) بضمم الواو فقط..
المهم (اكور) إسم إناث لكن ليس من كور الأسد إنما لون
واكور هي الأنثى البيضاء لها دائرتان سوداوين حول العينين.

Quote: كوج (النمر) – إسم مذكر مؤنثه (أكوج) او (نيانكوج)

أظنك اخي شول تقصد (كواج واكواجKuaj and Akuaj then Nyan-Kuaj) ثم نيانكواج... الالف خفيف بحيث لا تمد
اما كوج وكُوُج (الأول بفتح الكاف والثاني بضم الكاف والواو) فهما علمان قائمان بذاتهما

Quote: أون (الثعلب) – إسم مذكر ومؤنث أيضاً

افضل ان يكتب (اوان) وهو الشعلب كما ذكر شول ومن اسماء الثعلب (كواو)... هناك (ملونق اوان ) بالحركة
الشعبية والحاكم الحالي لشمال بحر الغزال.إسم الإناث (نياناوان)

Quote: أكون (الفيل) – إسم مذكر

يصعب لنا الشرح لغياب بعض الأصوات في اللغة العربية
المهم هناك (اكون) و(أكون)... الذي يعني الفيل يسمى به الذكور وهنا في البورد لدينا ابراهام اكون
(أكون) إسم إناث علم معنوي يعني الإعراض عن أمر وصر ف النظر أو إهمال لسبب قاهر أو مغضب.

نسيت ايراد إسماً آخراً هو (كوآج) وعندما تضاف اليه تتحول صوت الالف الى ال ونون فتنطق (كوانج..) كما
في اغنية (كوانج كواج) والأصل هو (كواج دا كواج)
كواج مييل هو زعيم منطقة شميل بمنطقة شمال بحر الغزال عاش وحكم في جزئين من القنرين الماضيين
وقد خلدته الأغنية التي تبث دون توضيح منطقته ونفوذه.
كواج حسب ما عرفت من بعض كبار الدينكا إسم تحريف من كواجا (وهو نفس نفس إسم شقيق زميلنا دمبيك
ياي ) وكواجا نفسه المقصود به (خواجة) لكن لغة الدينكا لا توجد فيها الأصوات (غ ،ق ،خ) فهي كلها (كا)
قير تور

-

Quote: أقوك (القرد) – إسم مذكر مؤنثه (نيانقوك ... يحتمل الخطأ هنا)

شول,
كيفك.
البوست جميل و فكرة فى الصميم.
بس حكاية نياقوك دى ما واردة, يعنى بت اسمها نياقوك دى صعب شوية. و بعدين الاسم دى مت الاسماء النادرة جدا و قد تجده عند بعض بطون الدينكا فى اعالى النيل.
و بالمناسبة, كان عندنا زميل اسمه ماقوك ايام الجامعة و كان مهرج جدا و قمنا بتعريب اسمه و كنا نناديه ب (ماقرد.) لتحقير.

فكرة جميلة و الله ربنا يقدرك عليها .


ـــــــــــــــــ

Quote: صورة البروفايل التى هى صورة الآنسة اليك ويك

Quote: سؤالي هل اسماء مثل شول مشتركة للرجال و النساء

يا نازك الطيب ازيك و سلامات
شول عند الجنوبيين إاسم رجل والمؤنث منو أشول بأضافة الالف
و عندنا نحن ناس الشمال بنسمى الشول بإضافة الالف و الام

شول لقيتنى كيف بلاهى وانا بعيد الدرس؟؟؟
شاطرة موووش

Quote: يا نازك الطيب ازيك و سلامات شول عند الجنوبيين إاسم رجل والمؤنث منو أشول بأضافة الالف و عندنا نحن ناس الشمال بنسمى الشول بإضافة الالف و الام شول لقيتنى كيف بلاهى وانا بعيد الدرس؟؟؟ شاطرة موووش

سهام,
سلامات.

فى حالات نادرة, اشول و ابوك و ادوت تطلق على الزكور عند اهلنا دينكا بور و اتوت و مندارى و بعض المجموعات النيلية فى اعالى النيل. مثل: السفير الراحل اشول دينق.

ياسلام ياشول ..

بالله بعد ما تنتهي من الاسماء كلمنا كمان عن الرقصات..
الصورة دي لرقصة من بعض شباب الدينكا في مطار أجيب







مشتاقين..

Quote: - شِر* (لا اعرفه بالعربية ولكنه حيوان معتد بنفسه لدرجة إنه عنده مسيره ولامسه قشة، يقوم بتدمير كل الحشائش فى هذا المكان ومساواته بالأرض) – إسم مذ

شول وضيوفه تحياتى.. بوست رائع جدا..


هذا اسمه (الضربان ) أو (الظربان) أو (اب ضربان) ولكن يضرب به المثل فى الحماقه ويقال( أحمق من الضربان)
حيث ان هذا الحيوان من حماقته ان صغاره تموت عطشا وجوعا فى فصل الخريف ..لأنه فى طريق رجوعه لصغاره وهو يحمل الماء
او الاكل يصارع ويقاتل كل ما يعترض طريقه من حشائش او حيوانات صغيره كانت او كبيره..حتى الانسان يخاف منه خوفا شديدا
حيث ان قواطعه حاده جدا ويتجه الى (عرقوب) الانسان او الحيوان مباشره ويقطعها ..

الاخ العزيز شول

تحياتي



وشكرا علي هذا البوست الشيق والمفيد

ومتابعين

شول
قبل فترة في العمل مر بي إسم دينق Deng
و لم أعرف لحظتها أن الإسم لرجل أو إمراة...
ذهبت لحيث تجلس و لم أجدها... يجلس جوارها أمريكي أسود صديق فسألته ان كانت لها علاقة بالسودان فقال لي لا إن أصولها صينية....فقلت قد تكون متزوجة سوداني فقال لي لا زوجها أيضا اصوله صينية....
لا أدري كيف ذهب هذا الإسم للصين ؟
تحياتي

بوست كامل الدسم
واصل يا شول
وسأذكر بعض المعلومات لو سمحت لي بذلك
احترامي

سلام ...

شول, و البقية ...

أنا already Named my first kid/son
"لوال" ...
Now, I am about to name the second (4months)
"نيال" !!!
عايز أعرف معني "نيال" بالظبط شنو!
أو تقريبآ حتي!

منتظر ...

شكرآ in advance

Quote: فى حالات نادرة, اشول و ابوك و ادوت تطلق على الزكور عند اهلنا دينكا بور و اتوت و مندارى و بعض المجموعات النيلية فى اعالى النيل. مثل: السفير الراحل اشول دينق.

طيب شول ده قادينا مالو
زول حمباك ساااااااااى


متابعة . . . . و إستمتاع

Quote: ما جعلني أسوق ما تقدم اعلاه هي ملاحظتي لعدم الإكتراث لكثير من الأمور التي ليست صعبة لكن الإستهتار يعمقها في القلوب.وغذا كان بعض الناس يظنون النطق الخاطئ في إسم صديقك غير العربي شيئاً سهلاً فهذا تقدير غير صحيح

أورد هذه المداخلة لاحساسى أن لها
علاقة بالمقتبس أعلاه:

قبل عقود من الزمان و قد كنا فى مرحلة الصبا
كانت تأتى جموع من الجنوبين للمدن الكبرى فى
الشمال و للعاصمة تحديدا تتصف هذه الجموع بانها
من قطاعات قرويةو غير متعلمة هدف جلهم العمل
كعمال يومية و كان العمل المفضل لديهم هو العمل
كعمال بناء (غير مهرة) كان جلهم من قبيلتى الدينكا
(بكل أنواعهم) و النويرو قليل من الشلك و الانواك
و بشكل أقل من القبائل الاخرى.
تشترك هذه المجموعات رغم إختلاف قبائلها بأن لها
أسماء غاية فى الغرابة و السهولة فى نفس الوقت .. يختار
الفرد منهم إسما ليستعملة طوال تواجده فى الشمال
كعامل يومية .. أذكر من بعض تلك الاسماء:-
تلفون حكومة
تلفون
تعبان
حكومة تعبان
و قس على ذلك
يحضرنى هنا أحد هؤلاء العمال و كان من قبيلة النوير حيث كان يقوم
بعدة مهام فى منزل الاسرة(ردم حفر-نقل بعض متاع المنزل)و كنا لا نقبل
عنه بديلا إلى ان أصبح (تيس)من الشخصيات المألوفة فى المنزل.
كان لا يقبل أن ينادى الوالدة عليها رحمة الله بإسمها إطلاقا فهى
بالنسبة له (امك دياء)أى ام ضياء نسبة لاسم اخى الاكبر و فى بداية
تواجده فى المنزل وقد كان ضياء غائبا لفترة طويلة من أجل الدراسة
سأل (تيس)الوالدة عن إسم أكبر أبنائها فصارت من ذلك الحين (امك دياء)
سألت (تيس)عن إسمه الذى يستخدمه فى الجنوب فذكر لى أنه يدعى (داكى)
و أعتقد أن معناها إن أسعفتنى الذاكرة (تور أغبش)فسألته بشكل مباشر
عن سبب تخليهعن إسم (داكى)بكل ما يحمل من جمال (من ناحية موسيقية الاسم)
و إستعمالة لاسم (تيس)؟؟فلم يجبنى إلى أن إختفى عن عالمنا.
يبقى السؤال: لماذا إختار هؤلاء البسطاء أسماء الاستخدامها فى مدن الشمال
رغم ما تحملة فى الغالب من معانى مضحكة (زول ساكت مثالا)

Quote: تتخيل يا محمد أخوى البوست بتاع خالى فتشت عليه فى الأرشيف وما لقيتو خالص؟؟؟!!! كان البوست راح فيها يكون تعب ومجهود ضاع اوانطة ساى والله افتكر البوست كان بعنوان: هوى تعال هنا شوف عرس الناس ديل كيف الرجاء من يجد البوست أعلاه تبليغ المسئول من هذا البوست للفائدة

حاضر يا بنج

أنت تسأل ونحن نجيب

البوست أهو ... تعال هنا يا انت شوف عرس الناس ديل كيف

بس ما تسأل الوداهو مكتبة صاحبك رأفت شنو؟ ....... إجابة السؤال ده عند عمّك بكري ..... ولا عزاء لدومبيك ياي

صباح الخير بتوقيت الخرطوم وما شاء الله عليكم كلكم وجاييكم بررررررررراحة يا ناس الله

بوست مفيد



متابعة لصيقة

يا بكري علق البوست ده فوق بالله

دي الحاجات التي تنفع الناس

الاستاذ الفاضل شول

لك التحية

Quote: دينق هو أشهر الأسماء للدينكا والمؤنث منه (أدينق) او (نياندينق)

عند الشلك الامر يختلف بعض الشئ فدينق أسم مذك ر كما هو الحال لدى الدينكا

أما (أدينق) فيكون أسم للمذكر اكثر منه مؤنث


و (نياندينق) أسم مؤنث و الجز الاول منه يعنى بنت + دينق .

و سؤالى إليك أخى الفاضل هو :

ما الفرق بين "شول" و "أشول" ؟

__________________________________

أنا عارف الاجابة لكن السؤال بغرض تعليمى

تعليق : الصورة بتاعت برفايلك دى هى الجايبة ليك اللخبطة يا أخوى

شول ازيك ..

بوست الموسم ..
حقيقي ممتع جدا ..

واصل ياراقي ..

Quote: دا الكلام حكمة اليوم حتي لا تسئ بي الظن ...فهذا هو انا حكمة الغد ذيدونا علمآ ذيدونا جزاك الله خيرآ

الف شكر عادل بلر والله يديك العافية

Quote: فكرة جميلة و الله ربنا يقدرك عليها .

تمام يا الصادق يا اخى والف شكر على المرور وتثنية الفكرة

سهام يا اختى شوفى رد زكريا معاك (غايتو البوست ده انا زاتى جانى فايدة منو كتير والله)

Quote: مشتاقين..

الملكة ... شوقنا كميات ورقصات الدينكا داير بوست تانى منجض ... بس اصبروا النخلص الشغل ده الأول وبعدداك نشوف البيحصل.

Quote: هذا اسمه (الضربان ) أو (الظربان) أو (اب ضربان) ولكن يضرب به المثل فى الحماقه ويقال( أحمق من الضربان) حيث ان هذا الحيوان من حماقته ان صغاره تموت عطشا وجوعا فى فصل الخريف ..لأنه فى طريق رجوعه لصغاره وهو يحمل الماء او الاكل يصارع ويقاتل كل ما يعترض طريقه من حشائش او حيوانات صغيره كانت او كبيره..حتى الانسان يخاف منه خوفا شديدا حيث ان قواطعه حاده جدا ويتجه الى (عرقوب) الانسان او الحيوان مباشره ويقطعها ..

غايتو يا عريس الله يديك العافية وشكراً جزيلاً على المعلومة ياخ

Quote: وشكرا علي هذا البوست الشيق والمفيد ومتابعين

تسلم أستاذ عمر صديق ويديك العافية

Quote: لا أدري كيف ذهب هذا الإسم للصين ؟

محمد شمس الدين يا اخوى هو إسم دينق براهو ... تونق ، مو ، شول (كوريين) وعييييييك اسامى كمية مشتركة بيننا مع الجماعة ديل ياخ ... غايتو الشغلة ده داير ليهو زول متخصص عديل يا عمك.
كن بخير

Quote: وسأذكر بعض المعلومات لو سمحت لي بذلك

يا خالد العبيد إنت ما محتاج إذن بالله علليك ... تعال رش العندك يا عمك ... طلع صاح مية المية وزيادة الخير خيرين ، طلع غلط بتلقى الصحيح منو من الشباب هنا.
تعال بالعندك يا عمك إذنك معاك وإعتبر البوست ده حقك.

Quote: سلام ... شول, و البقية ... أنا already Named my first kid/son "لوال" ... Now, I am about to name the second (4months) "نيال" !!! عايز أعرف معني "نيال" بالظبط شنو! أو تقريبآ حتي! منتظر ... شكرآ in advance

Ash سلامات لوال يعنى أحمر وهو لون ثور (الدينكا يسمون اولادهم على لون الثيران لاسباب ساذكر منها فى مداخلة اليوم (فى صميم الموضوع) وإسم نيال Nyal تعنى الركبة وأشهر من حملوا هذا الإسم الراحل وليم دينق نيال (نيال طبعاً اباه).
يديك العافية

Quote: متابعة . . . . و إستمتاع

إتجدع ساى يا ماضى جاتك مدردقة (ههههههههههه)

Quote: لماذا إختار هؤلاء البسطاء أسماء الاستخدامها فى مدن الشمال

ساجيب على سؤالك لاحقاً لانه يحتاج إلى إسهاب ياخ ... بس خليك منتظر كده ده

Quote: بس ما تسأل الوداهو مكتبة صاحبك رأفت شنو؟ ....... إجابة السؤال ده عند عمّك بكري ..... ولا عزاء لدومبيك ياي

غايتو ابصلعة مرات بيشطح شطحات عارفا براهو ... شايف خالى صحبك لابد وما عايز يجى ناطى هن.
اها دومبيك زاتو ما عندو مكتبة طيب انا مالى ما عندى يا بكرى اجدعوا هناك ياخ.
تحية موصولة لعمنا رأفت ميلاد ونتمنى زيارته فى هذا البوست عما قريب

Quote: بوست مفيد

يديك العافية يا شبكة (رجعتى ولّ لسع هنا معانا؟)

Quote: يا بكري علق البوست ده فوق بالله دي الحاجات التي تنفع الناس

هو بوستينا الفات جدعوا فى مكتبة صحبك رأفت باقى ليك يعلق البوست ده فوق
مرورك جميل يا جميل وتسلم ياخ

Quote: تعليق : الصورة بتاعت برفايلك دى هى الجايبة ليك اللخبطة يا أخوى

خلاس بنخت صورة مصاص دماء كان فى زول حيقول يا دراكولا
مرورك جميل يا الطيب ود رحمة وكلامك كلام الزول العارف الشئ تمام.
عموماً سؤالك التعليمى ده إن شاء الله نرد عليهو قريب ... خليك متابع

Quote: شول ازيك .. بوست الموسم .. حقيقي ممتع جدا .. واصل ياراقي ..

يديكى العافية يا بت الأمين ومرورك يسعد والله

Quote: شول كدوال أريت بوست موفق لـووج يعني غزال أيضا لي عودة إن شاء الله تحياتي

كدوال اريت بنج ديد
بالله عود وما تطول يا جعفر ياخ

سلام للكل

اها مداخلة الليلة قررب

الأخوان قير تور وزكريا اصبروا لى مداخلاتكم بجيها بى رواقة

Quote: لام ... شول, و البقية ... أنا already Named my first kid/son "لوال" ... Now, I am about to name the second (4months) "نيال" !!! عايز أعرف معني "نيال" بالظبط شنو! أو تقريبآ حتي! منتظر ... شكرآ in advance

اشرف زيك,
نيال حرفيا يعنى السماء او العلوة. و المعنى المجازى, حسب فهمى, هو البركة من فوق, يعنى بالعربى كدى مبارك.
بس فى مشكلة بسيطة, النطق مهم جدا, فالكلمة تنطق Nhial و الحرف Nh فى دينكا صعب جدا على غير الناطقين بغير اللغات النيلية و محتاج لواد جينق يدربك على نطق الكلمة. قوة النطق فى الحرف الاول, (the force of intonation or stress) اما لو بقت فى الحرف الثانى فسوف تبقى الكلمة Nh'ial و معناه (knee).
شوفت العوجة كيف.

شول
كدوال أريت
بوست موفق
لـووج يعني غزال أيضا
لي عودة إن شاء الله
تحياتي

سلام يا شول

Quote: - شِر* (لا اعرفه بالعربية ولكنه حيوان معتد بنفسه لدرجة إنه عنده مسيره ولامسه قشة، يقوم بتدمير كل الحشائش فى هذا المكان ومساواته بالأرض) – إسم مذكر

شر= الكرينديق في لغة الميما لكن برضو بالعربي شنو ما عارف.....

يا أخوانا بكري دا ما برفع لينا البوست دا فوق عشان ما نتعب شديد في الكواسة

تسلم يا شول وواصل و منتظرين

ثانياً: أسماء لها علاقة بالوان الثيران والأبقار:
الدينكا يسمون مواليدهم حسب لون الثور او البقرة وذلك للآتى:-
- عند إنقطاع المرأة عن الإنجاب (فى حالة مازالت فى سن الإنجاب) يقام طقس معين ينادى له عشيرة أخرى لإقامته (أى الطقس) وتذبح ثور من أجل ذلك.
عند ولادة هذه المرأة يسمى الطفل على لون الثور الذبيح.
- فى حالة الزواج كما هو معلوم يدفع مهر عبارة عن أبقار وثيران، يصادف ان يدفع بثور عزيز جداً على العريس كجزء من المهر لأهل الزوجة، هنا يمكن للعريس ان يسمى مولوده (إبنه) على لون الثوؤر المدفوع ويحتمل ان يلقب الإبن بلون هذا الثور فى حالة كان إسمه غير ذلك.
من هذه الأسماء على سبيل المثال لا الحصر: (ساذكر فقط الأسماء دون الإشارة للون الثور او البقرة وذلك للتعقيد الكبير إضافة لعدم تمييزى لجزء كبير من هذه الألوان كما يمكن لبقية الإخوة الإشارة لذلك إذا امكنهم ذلك واسعفهم وقتهم مع إضافة ما يمكن إضافته)
- مجوك Majok – علم مذكر
- ملوال Malual – علم مذكر مؤنثه الويل Alueil
- منقار Mangar – علم مذكر
- مجاك Majak – علم مذكر
- ميوم Mayom – علم مذكر مؤنثه ايوم (يحتمل الخطأ) Ayom
- مبيور Mabior – علم مذكر
- مشار Machar – علم مذكر
- مبيك Mabiek – علم مذكر
- مبيل Mabil – علم مذكر
- مفير Mapeir – علم مذكر
- مثيانق Mathiang – علم مذكر مؤنثه اثيينق Athieeng
- ميان Mayan – علم مذكر مؤنثه ايان Ayen
- ملو Malou – علم مذكر مؤنثه نيانلو Nyanlou (يحتمل ان تأخذ الإسم المؤنث معنى آخر)
- مقاك Magak – علم مذكر
- ماكول Makol – علم مذكر
- منيانق Manyang – علم مذكر
- مدينق Mading – علم مذكر
- ميار Mayar – علم مذكر مؤنثه يار Yar
- مليك Malek – علم مذكر مؤنثه اليك Alek


ده مداخلة الليلة ونتقابل باكر يا جماعة الخير

Quote: شر= الكرينديق في لغة الميما لكن برضو بالعربي شنو ما عارف..... يا أخوانا بكري دا ما برفع لينا البوست دا فوق عشان ما نتعب شديد في الكواسة تسلم يا شول وواصل و منتظرين

حافظ يا صحبى سلام عليك يا مان
البسمو شِر عند الدينكا بتلقاهو زول تغيان تغى شديد وقلبو حار للدين
الكرينديق إسم جميل يا مان




تسلم على المرور وإنت وكت تكون داير البوست ده فتش ساى بس يا مان لكن تقاهو فى رقبة البورد ما ظنيت

بوست موجع جدا ..بالنسبة لعيوني ..





متابعة شديد ..

شول
عليك الله بعدين احكى لينا عن عادات الزواج والطقوس عندكم ..
وحكاية الدينكاوى يسرق مرة عشان يعرسوها ليهو دى شنو .؟
مش ممكن يعرسها بدون ما يسرقها.؟؟







والله بوست كارب يامان واصل ...

Quote: - مجوك Majok – علم مذكر - ملوال Malual – علم مذكر مؤنثه الويل Alueil - منقار Mangar – علم مذكر - مجاك Majak – علم مذكر

ياشباب شول مايعمل لينا فيها عب كبير ويشحتف روحنا
هاكم بعض التراجم..
مجوك معناها الثور الاسود
مجاك معناها التور الاحمر

ياخى الله يشهد ده احسن بوست فى الخمسه سنوات الاخيرة
شول الله يخليك يازول يا سمح
والله السودان ده كان ختينا سا يسوس سمح سماح
شول بالله واصل فى الموضوع ده وماتنسى موضوعنا القديم
الدينكا عادات وتقاليد
انا شخصيا مدين ليك بالكثير..

تخريمة:
اخونا كور معانا هنا قال لى ذات مرة ونحن بنتكلم
عن اسماء الدينكا ياصديق الموج انا لقيت سعوديين ديل بسموا
باسماءنا مثلا نحن نسمى مشار هم يسموا مشارى نحن نسمى قرنق
هم يسموا القرنى..ملاحظة ذكية مش،،،

يسلموا عيونك يا داليا بت حافظ اختى انا ده
مرورك جميل جداً ياخ

Quote: مجوك معناها الثور الاسود مجاك معناها التور الاحمر

وسقط ود عمى صديق الموج فى الترجمة الصحيحة
يا موج مجوك هو ثور يتكون من لونين ابيض + أسود (لون جسمه ابيض وكل الرقبة والراس اسود)
مجاك ايضاً يتكون ايضاً من لونين مثل مجوك ولكن إستبدل اللون الأسود بالأحمر فى شرحمجوك أعلاه.

يا زول إنت قايلنى ما ناقش ولّ شنو

مرورك دائماً ما يسعدنى جداً يا ود الموج وتوقع منى تلفون عما قريب يا عجوز

تعديلاتك جميلة جداً ومشكلة كتابة لغة الدينكا مشكلة عجيبة جداً
عموماً الإقتباس أدناه:

Quote: لا يؤنث المذكر (كور) بإضافة صوت التانيث (ا) إنما الصحيح نيانكور) فهو مؤنث كور

هناك عشيرة تسمى (فيوم) من ملوال قير نيانق (أويل) يسمون البنت اكور (معلومة مؤكدة جداً)

ثم:

Quote: لغة الدينكا لا توجد فيها الأصوات (غ ،ق ،خ)

فقط اريد ان اتاكد من وجود (س) و (ش) SH لان غالب كلمات الدينكا التى تكتب عربياً وفيها حرف الشين يكون نطقهاالصحيح CH وليس SH
كما ان حرف القاف (ق) اظن وجودها فى لغة الدينكا


مع تقدير ومحبتى وشكرى وإعزازى لك أخى قير تور

Quote: عليك الله بعدين احكى لينا عن عادات الزواج والطقوس عندكم .. وحكاية الدينكاوى يسرق مرة عشان يعرسوها ليهو دى شنو .؟ مش ممكن يعرسها بدون ما يسرقها.؟؟

راجع البوست أدناه يحتمل ان تجد جواباً لسؤالك يا مزمل يا صاحب
تعال هنا يا انت شوف عرس الناس ديل كيف

شكراً يا مزمل ود خيرى

Quote: - مجوك Majok – علم مذكر - ملوال Malual – علم مذكر مؤنثه الويل Alueil - منقار Mangar – علم مذكر - مجاك Majak – علم مذكر - ميوم Mayom – علم مذكر مؤنثه ايوم (يحتمل الخطأ) Ayom - مبيور Mabior – علم مذكر - مشار Machar – علم مذكر - مبيك Mabiek – علم مذكر - مبيل Mabil – علم مذكر - مفير Mapeir – علم مذكر - مثيانق Mathiang – علم مذكر مؤنثه اثيينق Athieeng - ميان Mayan – علم مذكر مؤنثه ايان Ayen - ملو Malou – علم مذكر مؤنثه نيانلو Nyanlou (يحتمل ان تأخذ الإسم المؤنث معنى آخر) - مقاك Magak – علم مذكر - ماكول Makol – علم مذكر - منيانق Manyang – علم مذكر - مدينق Mading – علم مذكر - ميار Mayar – علم مذكر مؤنثه يار Yar - مليك Malek – علم مذكر مؤنثه اليك Alek

سلام يا شول ياراقي، والله بوست فى الصميم، وحبذا لو فتح بوست تاني عن الزواج عند الدينكا وعلى
الرغم أن الدينكا أكبر و أشجع قبيلة سودانية وقد تكون إفريقاً برضو (مالم تفتها قبيلة الزولو) أو
عالمياً، إلا من المؤسف أننا فى كتب التأريخ، قد ذكروها فى فقرة صغيرة جداً، وأذكرها حتى الآن:"الدينكا
من القبائل النيلية" والسلام، عليك الله فى إجحاف أكتر من كدا، علشان كدا نحن متعطشين لمثل هذه البوستات.

نرجع للموضع الأساسي وهو الاقتباس أعلاه، قد إلتبس علي الأمر، فهل هذه الأسماء وهى أسماء شهيرة جداً عن أهلنا
الدينكا هل هى فقط ألوان؟! أي أحمر أسود أصفر، أم هي ألوان تخص الحيوانات فقط، مع ملاحظة أنها كلها تبدأ
بحرف الميم، وأيضاً قط لاحظت فى قواعد لغة الدينكا - فى البوست هذا - أن أسماء التأنيث تبدأ ب"الهمزة" أو
إضافة "نيان".

مع وافر التقدير

Quote: شول اشوانق دينق

ويظهر يا شول إنو باب النجار مٌخلع!
غير معنى اسم "دينق" ما وريتنا شول و "أشوانق" ديل
معانيهم شنو؟!

Quote: نرجع للموضع الأساسي وهو الاقتباس أعلاه، قد إلتبس علي الأمر، فهل هذه الأسماء وهى أسماء شهيرة جداً عن أهلنا الدينكا هل هى فقط ألوان؟! أي أحمر أسود أصفر، أم هي ألوان تخص الحيوانات فقط، مع ملاحظة أنها كلها تبدأ بحرف الميم، وأيضاً قط لاحظت فى قواعد لغة الدينكا - فى البوست هذا - أن أسماء التأنيث تبدأ ب"الهمزة" أو إضافة "نيان".

سلامى وتحاياى يا النذير حجازى
- هى أسماء لألوان الثيران والأبقار والدينكا يسمون عليهم أبناءهم.
- ملاحظة دقيقة وفعلاً غالبية أسماء التانيث عند الدينكا تبدأ "بالهمزة" او "نيان"
- عن عادات الزواج عند الدينكا فراجع مداخلتى وردى على الأخ مزمل خيرى

Quote: ويظهر يا شول إنو باب النجار مٌخلع! غير معنى اسم "دينق" ما وريتنا شول و "أشوانق" ديل معانيهم شنو؟!

المعانى بتجيك قريب يا النذير خليك مراقب بس يا مان


تسلم على المرور والسؤال ياخ

Quote: كان لا يقبل أن ينادى الوالدة عليها رحمة الله بإسمها إطلاقا

عند الدينكا ... المرأة التى لم تنجب هى من تنادى بإسمها ولكن بمجرد ان انجبت بكرها تنادى بام (فلان) حتى من قبل زوجها وكذلك الرجل ينادى بابو (فلان).
فمثلاً والدى "أشوانق" ووالدتى (اوور) بعد إنجابهم اخى البكر (اقوير) اصبحا اوتوماتيكياً "وون أقوير" (ابو أقوير) و "مان أقوير" (أم أقوير) ولا عزاء لبقية الاطفال لان البكر هو الساس والرأس يا ماضى ابو العزائم يا صديق.

الله يرحم "مان ضياء" رحمة واسعة

للمشاركة او لتصحيح معلومة تعتقد إنها خاطئة مراسلة الإيميل أدناه:
[email protected]











فائق تقديرى وإحترامى

Quote: مجوك معناها الثور الاسود مجاك معناها التور الاحمر

الصحيح يا موج الآتى:
الثور الأسود يسمى مشار اما الأحمر فهو ملوال يا عزيزى

Quote: Quote: لغة الدينكا لا توجد فيها الأصوات (غ ،ق ،خ) فقط اريد ان اتاكد من وجود (س) و (ش) SH لان غالب كلمات الدينكا التى تكتب عربياً وفيها حرف الشين يكون نطقهاالصحيح CH وليس SH كما ان حرف القاف (ق) اظن وجودها فى لغة الدينكا

كما أشك فى وجود حرف (ف) F ولكن هنا حرف P وهى النطق السليم لكل إسم دينكاوى مكتوب بالعربية وفيها الحرف (ف)

شول زيك,
انصحك بإيجاد كيبورد لغة الدينكا لان الحروف العربية ليست كافية لتمثيل الغرافى لاسماء الدينكا: فمثلا, نطق الصوتى لحرف و او (o) فى لغة الدينكا لديه اكثر من التمثيل. فمثلا كلمة اموك (غزال) قد تكون كارثة لو نطقها غير الناطق باللغات النيلية,.
شئ اخر, لغة الدينكا من اغنى اللغات لوصف الالوان, فكل combination لاى لون عنده اسم فى الدينكا و يستحل ترجمة الالوان لغيابها فى اللغات المختلفة. فمثلا, كواج, اى نمر, هو لون النمر و مير مليك, اى الزراف, مليك هو اللون الذى يتميز به الزراف, جور مثيانق, اى العرب, brown people و مثيانق هو لون اهلنا فى الشمال.
دينكا اسم حديث جدا على مونجانق, او جينق و يعود الاسم الى الفترة التركية حين عقد سلطان دينق كار فى منطقة رنق (رنك) معاهدة مع الاتراك. جينق او مونجانق هو الاسم الصحيح للدينكا.

Quote: Achuang

يا مونج شايفك عملت طناش من عمك قير ..اشوانق معناها شنو؟؟؟
وتانى التوأم اذا كانوا ذكورا كيف يتم تسميتهم؟؟
واذا كانوا اناثا؟؟ أو ذكر وانثى..؟؟ واول مولود بعد التوأم ؟؟؟
والمولود الثانى ؟؟

وجاييك صادى برضو..يا حبيب...

يا سلام يا شول..
وده بوست في السلك..
وانا بالذات حيعمل لي ريفرش محتاج ليهو شديد
لانو الدينكا لانقوتش بتاعتي فكت شديد ياخي وبقيت اقانج كبير ياخي في الغربة دي




والاقانج هو الورل

Quote: وتانى التوأم اذا كانوا ذكورا كيف يتم تسميتهم؟؟

ادم موسى,
التوام يسمان Ngor و Chan والبعدهم مباشرة Bol.

اول مرة تعمل ليك حاجة كويسة
عامل راسك الكله مفلق شواكيش دة

شول
... شكراً للوليمة الدسمة.
متابعون .

Quote: معلومة عامة للفائدة: فروع دينكا نقوك التسعة هم: 1- ديل 2- ابيور 3- انيل 4- مانيوار 5- الى 6- بنقو 7- اشاك 8- اشوينق 9- مرينق

يا ضكطوووووووور ....

3، 5، 7، 8، دى أسامى مؤنثة؟ ... وإن كانت كذلك فمتى يسمى "خشم بيت" دينكا بإسم امرأة ... أو الأسهل تدلف لينا فى تفصيل هذه الأسما التسعة ... حبذا لو بدأت بفروع الدينكا ثم خشم البيوت وهكذا ... وانا عندى غرض فى النص ... وما داير افصح عنو!

"وعلّم قرنق الأسماء كلها"

(وبالمرّة تبذل معانا مجهود فى ألوان البقرة سَمِيّة نجمتنا "أليك ويك")



.. المهم ...

لدي صديق بل وزميل عمل من منطقة (شوي أباد) بالبحيرات مابين رمبيك والتونج
كان يدعى (أوان رياك) وأستاذي الدكتور / مجُوك والمتواجد بالسعودية حالياً
لم يرد إسم (ميار) (وأدُود) و (مييك) و (أقويك) و (لال)
وبالمناسبة لم تأتِ بإسم زميلي لاعب السلة العظيم (منوت)
عايزين معانيها
لعلمك ولدت ببانتيو في غرب النوير ولي جذور ودرست بالتونج كان منوت بمعهد التربية وكنت بالصناعية
قبل الإنتقال إلى كوستي.

مال مقواه ألونق قر قوالين، رويدو مو أروي مقواه، شيلوجا تيث كيه قرمار. (بالنوير يامان) حيث أنها أقرب للدينكا

تحياتي،،،

interesting post ya Chol
found a page from the Bible in Dinka




http://www.worldscriptures.org/pages/dinkabor.html

الأخ شول
تحياتي
هذا البوست من أجمل ما كتب، وهو مفيد للعامة وأرجو أن تزيد كما طلب منك الأخوة عن عادات وتقاليد الدينكا.
أما بخصوص ما ورد عن معني كلمة شر المذكورة أعلاه فهي لاسم حيوان اسمه الدربان وليس الظربان كما ذكر أخونا آدم

وهو حيوان غاية في الحماقة وسنتوسع في سيرته إن شئتكم.
عموما امضي ولا تتوقف
أخوك
فضل

صباح الخير بتوقيت كار توم يا ناس الله ونبتدى اليوم













_________
بالمناسبة اليوم ده حيكون قصير جداً لانو الليلة الخميس يا اخوانا

Quote: بالمناسبة اليوم ده حيكون قصير جداً لانو الليلة الخميس يا اخوانا

فعلاً يا شول الخميس قصير لانو يوم إداري صح؟

بالله واصل لينا سرعة قبال اليوم الاداري يديرنا

مع المحبة

شول

يعني انت طاقش اضاني اني كنت معاكم


لا ياخوي جيت راجعة

لكن متابعة البوست متابعة دقيقة وواصل فيهو

يا شول..
تحياتي يا زول يا سمح...
أيوه ياخي وربنا وقول لينا,خلينا نعرف بلدنا و ثقافتنا و اهلنا و ناسنا
بدل ...السياسة و الهم و الحرب..
علمنا و زيد من الجرعات الزي دي....
خلي الناس تعرف و تفهم...و تتنور.!!
ياخي موضوع مفيد و جميل و تثقيف ضروري.
الله يديك العافية
تسلم يا حبيب

يا سلام يا سلام لمن نسالم نبقى كيف !!
شكرا اخي على هذه الروعة
مستفيدين ومرابطين معاك يا زوول
وانشالله فاتحة خير تعلمنا لغة اهلنا
الدينكا بالمرة
بت فاطنة

جي باك


ياشول اخوي ..


عندي سؤال ..شايفة أعتداد الدينكا بالتسمية باسماء الحيوانات كبير ..هل ده ناتج عن إعتقاد أو


تبرك أو تفاؤل أو..او ..يعني مرتبط بشنو ؟

يا بكري علق البوست ده فوق بالله

دي الحاجات التي تنفع الناس

thanks Waleed ,good idea

Quote: شول زيك, انصحك بإيجاد كيبورد لغة الدينكا لان الحروف العربية ليست كافية لتمثيل الغرافى لاسماء الدينكا: فمثلا, نطق الصوتى لحرف و او (o) فى لغة الدينكا لديه اكثر من التمثيل. فمثلا كلمة اموك (غزال) قد تكون كارثة لو نطقها غير الناطق باللغات النيلية,. شئ اخر, لغة الدينكا من اغنى اللغات لوصف الالوان, فكل combination لاى لون عنده اسم فى الدينكا و يستحل ترجمة الالوان لغيابها فى اللغات المختلفة. فمثلا, كواج, اى نمر, هو لون النمر و مير مليك, اى الزراف, مليك هو اللون الذى يتميز به الزراف, جور مثيانق, اى العرب, brown people و مثيانق هو لون اهلنا فى الشمال. دينكا اسم حديث جدا على مونجانق, او جينق و يعود الاسم الى الفترة التركية حين عقد سلطان دينق كار فى منطقة رنق (رنك) معاهدة مع الاتراك. جينق او مونجانق هو الاسم الصحيح للدينكا.

يا ناس البورد ... خلو بالكم من أى مداخلة تبع زكريا جوزيف هنا فى البورد ... الزول ده عندى بعتبرو زول متخصص عديل.
الف شكر يا جوزيف بس حكاية الكيبورد الدينكاوى ده ما ظنيت فى فى الخرطوم.
غايتو بنحاول وكان فى كتابة غلط او فى تنبيه اهو البركة فيكم إنت وقير ودومبيك العامل رايح والبينو ... كتر خيركم وبارك الله فيكم.

Quote: يا مونج شايفك عملت طناش من عمك قير ..اشوانق معناها شنو؟؟؟ وتانى التوأم اذا كانوا ذكورا كيف يتم تسميتهم؟؟ واذا كانوا اناثا؟؟ أو ذكر وانثى..؟؟ واول مولود بعد التوأم ؟؟؟ والمولود الثانى ؟؟ وجاييك صادى برضو..يا حبيب...

يا آدم موسى ياخ ما تخلونى اكون زى الزول البكورك يا جماعة الحقونى ... شيل الصبر شوية
بعدين إحتمال اليوم نخصص للإجابة على الأسئلة المطروحة فى البوست دون النظر فى صميم الموضوع وباكر يكون فى مداخلتين من النوع ابو كديس فى الصميم.
خليك قريب وضرورى تجى راجع ياخ

Quote: يا سلام يا شول.. وده بوست في السلك.. وانا بالذات حيعمل لي ريفرش محتاج ليهو شديد لانو الدينكا لانقوتش بتاعتي فكت شديد ياخي وبقيت اقانج كبير ياخي في الغربة دي والاقانج هو الورل

يا كيكى من بوستك بتاع منو كده ديك مجروس ... عرفتك عندك خلفية محترمة جداً عن طونق مونجانق يا بنج
غايتو اخوك زاتو إحتمال يكون اقانج فى بعض جخانين طونق مونجانق تتخيل

Quote: اول مرة تعمل ليك حاجة كويسة عامل راسك الكله مفلق شواكيش دة

ياااااااااا مغربى اخبارك وياخ كجيتنا من البوست بتاع الزايكو تبع الكنغولي كوفى وشبكتنا حارقص الرقصة ده لو مازيمبى درشنا ... اها إن شاء رقصت بعد البشتنة وسف التراب
كويس إنك تشوف إنى عملت حاجة كويسة ياخ وراسى المفلق خليهو يا مان.
إحتمال نعمل بوست عن أدب الشوكشة والشكيس عند الدينكا (إهداء خاص لناس اليل)

Quote: شول ... شكراً للوليمة الدسمة. متابعون .

شكراً اخى احمد الصديق وبالله خليك قريب الضلع جاى فى الطريق

Quote: "وعلّم قرنق الأسماء كلها"

يا طبارك لقيتك معلم لكن
السؤال بنجاوبو بعد تشيل كلمة الضكطوووووور ده برا

Quote: interesting post ya Chol found a page from the Bible in Dinka

thanks Adil Osman

Quote: وهو حيوان غاية في الحماقة وسنتوسع في سيرته إن شئتكم.

يا زول تعال كب الكلام الداير تقولو هنا بس وإذنك معاك ياخ وشكراً على المرور والمشاركة
عادات الزواج عند الدينكا بتلقى جزء كبير منو فى بوست منزل ليهو رابط هنا فى البوست ده

Quote: فعلاً يا شول الخميس قصير لانو يوم إداري صح؟ بالله واصل لينا سرعة قبال اليوم الاداري يديرنا مع المحبة

الإدارة عليك الليلة يا مان وبطل حركات

Quote: لا ياخوي جيت راجعة

حمدلله على سلامة الرجعة وكويس خليكى متابعة معانا ياخ

Quote: يا شول.. تحياتي يا زول يا سمح... أيوه ياخي وربنا وقول لينا,خلينا نعرف بلدنا و ثقافتنا و اهلنا و ناسنا بدل ...السياسة و الهم و الحرب.. علمنا و زيد من الجرعات الزي دي.... خلي الناس تعرف و تفهم...و تتنور.!! ياخي موضوع مفيد و جميل و تثقيف ضروري. الله يديك العافية تسلم يا حبيب

شاكر لك مرورك يا هوارى ون كواج وشاكر لك كلماتك الطيبات

Quote: يا سلام يا سلام لمن نسالم نبقى كيف !! شكرا اخي على هذه الروعة مستفيدين ومرابطين معاك يا زوول وانشالله فاتحة خير تعلمنا لغة اهلنا الدينكا بالمرة بت فاطنة

نيان فاطنة سلامات وخليكى مرابطة والله يجيب الفيهو الخير للناس.

Quote: جي باك ياشول اخوي .. عندي سؤال ..شايفة أعتداد الدينكا بالتسمية باسماء الحيوانات كبير ..هل ده ناتج عن إعتقاد أو تبرك أو تفاؤل أو..او ..يعني مرتبط بشنو ؟

أشن كراج يا داليا وتساؤلك جميل وبنجاوبو الليلة يا نيانكاى

Quote: thanks Waleed ,good idea

شكراً ليك إنت ذاتك يا عبد القادر ومسرور بمرورك هنا.

يااااااااه ما شاء الله مالكم كتار كده ياخ

أول مشاركة عبر الإيميل:

Quote: الرائع شول و أنت توثق للأسماء والدلالات هذه إضافة ذكر إيفان بريتشارد في كتابه النوير أن للدينكا والنوير عشرة ألوان رئيسية لتسمية الثيران والثيران ذات اللون الواحد لها عشرة أسماء وذات اللون الخليط لها اثنا عشر اسما منها ماجوك : اللون الأبرق ماكور: أبيض وله نقاط حمراء أو سوداء حول عينيه. مايوم: أسود ورأسه أبيض ماقونق: لونه كلون الصقر. ماليك: أبيض وبه نقاط حمراء كبيرة ماكويك : ثور مخطط لونه كالفهد ماثيال : أحمر وكتفه أسود والألوان المركبة لها 27 اسم. مانيانق :ثور مخطط كما التمساح عادل سيدأحمد دول

شكراً أستاذ عادل سيد أحمد وما تنقطع بالله عليك

خالص الود

Quote: شايفكم قلبتو البتاع كلو يوم جمعة

هوي يا (مواطن)..
ماتلاوز ما تلخبت..
اخوك بره (القلبه)..





___________
حتي الان

صراحة بوست كامل الفائدة و زيادة ..

و ليت الأخ / بكري إنتبه لفائدته التثقيفية و رفعه إلى واجهة المنبر ..


..

شكراً يا شول ,,

Quote: هوي يا (مواطن).. ماتلاوز ما تلخبت.. اخوك بره (القلبه).. ___________ حتي الان

خلاص نرى لغاية ما تكون مع ناس القلبة
الله يخليك يا إنسان

Quote: شكراً يا شول ,,

وشكرً ليك إنت يا ود دهب ومرورك جميل

Quote: ما الفرق بين "شول" و "أشول" ؟

الفرق بين شول وأشول هى تماماً كالفرق بين عوض وعوضية.

Quote: واذا كانوا اناثا؟؟ أو ذكر وانثى..؟؟ واول مولود بعد التوأم ؟؟؟ والمولود الثانى ؟؟

أنظر إلى رد الأخ زكريا وأضيف لك الآتى:
فى حالة كان التوأم إناث تسميان: أنقير وأشان وأول مولود بعدهما إذا كان ولد فهو بول Bol وإن كانت بنت فهى نيبول Nybol او نيانبول Nyanbol.
التوم الأول: نقور Ngor وإن كانت بنت أنقير Angeir
التوم الثانى: شان Chan وإن كانت بنت أشان Achan

Quote: شايفة أعتداد الدينكا بالتسمية باسماء الحيوانات كبير ..هل ده ناتج عن إعتقاد أو تبرك أو تفاؤل أو..او ..يعني مرتبط بشنو ؟

رابط البوست ده بفيدك شديد يا داليا وبجاوب ليكى على تساؤلات كتيرة.
تعال هنا يا انت شوف عرس الناس ديل كيف

سأحاول ان تكون هناك مداخلة (فى صميم الموضوع) اليوم بقدر الإمكان وذلك للمشغولية وقصر اليوم كما ذكرنا فى مداخلة سابقة











محبتى وتقديرى

سلامات يا مان

Quote: سلامات يا مان

حبابك ود أبارو

Quote: اول مرة تعمل ليك حاجة كويسة

ايوة ياخ ثقفونا بدل تحرجونا(5)
كاااااااااك

بوست مميز يا صاحب

يا شول
البوست مميز
وكده انت بنج كبيير جدا بنجديد يعني

بالمناسبة الابنة الكبرى لزهير الزناتي الزميل في البورد بتاع سودانيز اونلابن
وردت ضمن اسماء البنات وهي ميار mayar


هذا البوست اضاء مناطق كانت محتاجة اضاء
ماما ربيكا زوجة الراحل د.جون قرنق
اسمها نياندينق والله شنو يا بنج ديد
شكري

سلام شول..
خلي في جدولك: جوك
كوال
بيونق

كن بخير ...

دا بوست يستحق ان نقيم فيه


لك التقدير اخي شول .. واصل كفاحك

مرور للتحية والمتابعة والاشادة بالبوست









...................حجر.

شــــــــــــــــول ديت

واصل بدون إنقطاع

كار توم

دى بالله دايرة قعدة واحدة واحدة ..............

تسلم يا صاحب

Quote: يا ضكطوووووووور .... 3، 5، 7، 8، دى أسامى مؤنثة؟ ... وإن كانت كذلك فمتى يسمى "خشم بيت" دينكا بإسم امرأة ... أو الأسهل تدلف لينا فى تفصيل هذه الأسما التسعة ... حبذا لو بدأت بفروع الدينكا ثم خشم البيوت وهكذا ... وانا عندى غرض فى النص ... وما داير افصح عنو! "وعلّم قرنق الأسماء كلها" (وبالمرّة تبذل معانا مجهود فى ألوان البقرة سَمِيّة نجمتنا "أليك ويك")

تبارك,
كيفك?
وجود حرف (آ) فى مقدمة الاسم او مؤخرته لا يعنى التآنيث بالضرورة و اعتقد ان الحرف عبارة عن (prefix) لاسباب قد تكون (definitional) و الدليل على ذلك هو وجود خيار prefix Nya) فى نيادينق و نياشول و نيبول,الخ. هذا يقابله suffix فى اسماء الرجال و الغريب ان الجنوبين المتعلمين لم يهتمو بهذا الامر. فمثلا, شول اشوانق دينق سيبدو غريبا لو نطق بالطريقة الغرافية التى يكتب به كاملا حيث ان النطق الصيح هو: شول اشوانقإى دينق, و ياى كوال شول (زكريا جوزيف) يصبح يان كوال شول, اى شول اشوانق ابن دينق و ياى ابن كول شول و يبدو ان موقع (prefix and the suffix) يحدده الايقاع (rhythm) فى الحروف. لاحظو ان (suffix) إى فى اخر اشوانق يعنى ابن و النون فى ياى يعنى (ابن).و هذا ينطبق على اسماء النساء, فمثلا, نيادينق معناه بت دينق (بت فاطنة و بت فضل و بت احفاد). و ال (prefix) آ فى ابوك مثلا وجوده هنا (is phonological) لان نيابوك , on the other hand, اسم انثى مشتق من بوك و نطقه و معناه مختلفان تماما من ابوك.


قبيلة الدينكا تتكون من عشائر و بنطون و الاخيرة تسمى "ماج طوك" و عادة تحمل اسماء النساء و عندنا فى تويج بول (عشيرة من عشائر دينكا تويج ) عندنا Pan Nyadeng) اى بيت نيادينق و هى احد اكبر بطون التويج و ينتمى اليها مانوت بول و بروفيسور دومنيك اكيج محمد و الراحل دكتور جاستن ياج اروب. و نيادينق طبعا إمراة.

عمّنا ياى كوال شول ....

والله اتشرّفنا ... واللغة الدينكاوية (بنطقها وحرفها وقواعدها النحوية) هل هنالك مشروع لحمايتها وإضافتها للمناهج الرسمية وتدريسها؟ لأننى لاحظت أن الاخ شول ضعيف قليلاً فى شرح تفصيل اللغة ... وربما تكون هذه مشكلة جيل بأكمله ... كما حدث لنا نحن النوبيين والبيجا ... وكما يحدث للفور والنوبة والبرتا ... وكل هذه مجموعات عرقية أساسية وذات ثقافات مهيمنة فى مناطقها ... وبداخل مناطقها توجد ثقافات أقليات ... ولغات مجموعات عرقية وقبائل أصغر ... وأحياناً تكون هذه القبائل الأصغر نسبياً هى قبائل كبيرة التعداد كالنوير والشلك والأنواك والباريا والفرتيت والزاندى فى الجنوب والزغاوة والمساليت والبرنو والبرقو والقرعان والتاما غرباً ... فى الشمال لغة الشوايقة ضاعت ولم يبق منها سوى بضع ألفاظ ذات علاقة بالنيل والجروف والسواقى وممارسة الزراعة والتمور وهلم جرا ... بينما تقسّمت النوبية بين الدناقلة والكنوز مقابل المحس والفادجّة وتغييرات لهجة عند السكّوت والحلفاويين وهكذا ... بينما فى الشرق تختلف لغة البنى عامر عن الهدندوة عن الحلنقة فى الألفاظ والنحو والإيقاع اختلافات كبيرة ...

أعتقد أن اللغة الدينكاوية لا تزال لديها فرصة Preservation لو بدأت الحركة من أجل ذلك الآن ...

عموماً إذا ما قدّر لينا نحضر زمن فيهو اللغة الدينكاوية بتتدرّس فى المدارس والجامعات ... انشالله أولادنا يحضروهو ...



... المهم ...

Quote: عمّنا ياى كوال شول .... والله اتشرّفنا ... واللغة الدينكاوية (بنطقها وحرفها وقواعدها النحوية) هل هنالك مشروع لحمايتها وإضافتها للمناهج الرسمية وتدريسها؟ لأننى لاحظت أن الاخ شول ضعيف قليلاً فى شرح تفصيل اللغة ... وربما تكون هذه مشكلة جيل بأكمله ... كما حدث لنا نحن النوبيين والبيجا ... وكما يحدث للفور والنوبة والبرتا ... وكل هذه مجموعات عرقية أساسية وذات ثقافات مهيمنة فى مناطقها ... وبداخل مناطقها توجد ثقافات أقليات ... ولغات مجموعات عرقية وقبائل أصغر ... وأحياناً تكون هذه القبائل الأصغر نسبياً هى قبائل كبيرة التعداد كالنوير والشلك والأنواك والباريا والفرتيت والزاندى فى الجنوب والزغاوة والمساليت والبرنو والبرقو والقرعان والتاما غرباً ... فى الشمال لغة الشوايقة ضاعت ولم يبق منها سوى بضع ألفاظ ذات علاقة بالنيل والجروف والسواقى وممارسة الزراعة والتمور وهلم جرا ... بينما تقسّمت النوبية بين الدناقلة والكنوز مقابل المحس والفادجّة وتغييرات لهجة عند السكّوت والحلفاويين وهكذا ... بينما فى الشرق تختلف لغة البنى عامر عن الهدندوة عن الحلنقة فى الألفاظ والنحو والإيقاع اختلافات كبيرة ... أعتقد أن اللغة الدينكاوية لا تزال لديها فرصة Preservation لو بدأت الحركة من أجل ذلك الآن ...

اتشرفت يا تبارك,

لغة الدينكا بخير و قد بدا الاهتمام بها خلال الفترة الحرب الاهلية الاخيرة و لغة دينكا هى احدى مجموعات اللغات النيلية للقبائل النيلية و هى اصلا منشقة من اللغة النوير, القبيلة الام للدينكا, و العكس غير صحيح. لغة النوير و لغة الدينكا متطابقان تماما و لا يحتاج الدينكاوى او النويراوى للمترجم لكى يفهمو بعضهم البعض (ذى مصرى و واحد سودانى) و نفس شئ مع شلك. الدينكا كلها تتحدث بلغة واحدة مع اختلاف اللهجات و لهجة دينكا ريك هى الافصحة فى لغات الدينكا و هى المستخدمة فى الكتابة. و لغة دينكا تدرس حاليا فى الجنوب فى مراحل الاساس فى مناطق الدينكا و تدرس فى جامعات كثيرة فى العالم و قد تعلمت كتابة لغة الدينكا فى كندا على يد صديقة كندية و الحكومة الكندية تعتمدها فى المحاكم (قضايا جنائية و مدنية) و هناك مترجمين (accredited) من قبل الحكومة هنا لخدمة مجتمع الدينكا فى شمال اميركا و انا بعرف واحدة ثقيلة الدم و ابيض اللون و عيون ذرقاء بتعمل و بتعيش مترجما الانجليزى و و طونق جينق. شوفت المصيبة دى كيف!!!!

و بالمناسبة, شول بيعرف لغة الدينكا اكثر منى و ال (adventage) العندى هو اننى درست علوم الالسنة (as undergrad) و تخصصت فى اللغات الرومانية, شوفت البلوة دى كيف? يعنى كلام بارم البقولو هو عبارة عن نظريات فى الصوتيات و المعانى و قد ياتى واحد متخصص فى لغة الدينكا و يمسح بى الارض.

ما يحدث للثقافة النوبية شئ مؤسف جدا و للمعلومة, فالدينكا و القبائل النيلية كلها هم جزء من كل النوبة فى الشمال و انا اعرف ان كثيرين من مثقفى النوبة يعرفون ذلك و لكن لا يريدون الاقتراب من الموضوع لاسباب نحن كلنا نعرفها. كيف اعرف ذلك? Ethno-Linguistics يوكد ان اصول لغات القبائل النيلية هى لغة النوبة.
و دى من كتاب المقدس:

Quote: Woe to the land of whirring wings along the rivers of Cush, which sends envoys by sea in papyrus boats over the water. Go, swift messengers, to a people tall and smooth-skinned, to a people feared far and wide, an aggressive nation of strange speech, whose land is divided by rivers. All you people of the world, you who live on the earth, when a banner is raised on the mountains, you will see it, and when a trumpet sounds, you will hear it. Isaiah 18:7

يا جماعة اسم قير تور تونق دى اسم عنيف جدا.
اسالوه?

Quote: يا شول البوست مميز وكده انت بنج كبيير جدا بنجديد يعني بالمناسبة الابنة الكبرى لزهير الزناتي الزميل في البورد بتاع سودانيز اونلابن وردت ضمن اسماء البنات وهي ميار mayar هذا البوست اضاء مناطق كانت محتاجة اضاء ماما ربيكا زوجة الراحل د.جون قرنق اسمها نياندينق والله شنو يا بنج ديد شكري

يا ود جادين,

ميار دى اسم ضكر يا اخوى و ما تخلع اخونا زهير ساكت. ما بتعرف سلفا كير ميار و لا شنو?

شول

مشتاقين ياخ

لز لينا رقمك بالله

يا كمرد دي فاتت علي والله
بمناسبة الزول الكبير دي
في حكاية قال كمندر ياسر عرمان للزول الكبير
قال عندما جينا مع الراحل دكتور جون قرنق الي الشرق سال مولانا خالد جادين (اخي الاكبر)
انت قبيلتك شنو؟
قال
يا بنج قبل الجيش الشعبي كنا دينكا امدرمان
لكن بعد الجيش الشعبي قبيلة مافي

فانحنا دينكا امدرمان
عشان كدة اعذرونا في هذا الخطا
مع ودي

عمنا يان ...

لقد لمست قوة النعرة القبلية عند الجنوبيين عموماً ... وكبرياء الإنتماء إليها ... حتى خيّل لى أنهم مختلفون جداً ... ورغم المعاناة والنزاعات القبلية المسلح الدائرة الآن بين الفينة والأخرى ... إلاّ أن المعلومة التى قدّمتها لنا هنا حول التقارب فى اللهجات ذات الأصل اللغوى الواحد والأصول القبلية المتقاربة قد أثلجت صدرى جداً ... واعطتنى شيئاً من الطمأنينة ... والله العلمُ نورٌ ...

كما أسعدتنى معلومة أن لغة الدينكا تدرّس الآن فى مرحلة الأساس فى الجنوب ... أعلم أن أقسام اللغات فى جامعات عالمية كثيرة تهتم بلغات نادرة وأحياناً منقرضة وغير حيّة ... ولكننى كنت أقصد الأدب الحديث بلغة الدينكا (فقد قرأت لجنوبيين يكتبون بالعربية من قبائل مختلفة) والشعر الغنائى وما شابه ...

أشكرك على هذا الإحساس الجميل الذى بعثته فيّ اليوم ... يضفى عليّ شجاعةً وثقةً وزهواً وأنا أقول "أنا افريقى ... انا سودانى" ...




... المهم ...

عزيز شول اشوانق
شكرا على هذا البوست الماتع والذي اعاد لي ذكريات صادقة وجميلة في مدرسة كمبوني حيث عرفت معنى اسماء بعض اصدقائي.


وافر تقديري وإحترامي

Quote: عمنا يان ...

تبارك,
كيفك.

هو ياى يا اخوى بدون إضافة الاب. الاسم معناه "عيد", اى اننى مولود فى مناسبة "كريسماس".

Quote: لقد لمست قوة النعرة القبلية عند الجنوبيين عموماً ... وكبرياء الإنتماء إليها ... حتى خيّل لى أنهم مختلفون جداً ... ورغم المعاناة والنزاعات القبلية المسلح الدائرة الآن بين الفينة والأخرى ... إلاّ أن المعلومة التى قدّمتها لنا هنا حول التقارب فى اللهجات ذات الأصل اللغوى الواحد والأصول القبلية المتقاربة قد أثلجت صدرى جداً ... واعطتنى شيئاً من الطمأنينة ... والله العلمُ نورٌ ...

النعرات القبلية مفتعلة من قبل الساسة فى الجنوب و قد دخل الساسة الشمالين الى المسرح حديثا. الفرق بين من هو النوير او الدينكاوى صعب جدا و يكاد يكون غير موجود و نفس شئ ينطبق على الكثير من القبائل النيلية. و ما لا يعرفه الكثيرين هو ان التحول من الدينكا الى النوير و العكس يتم الى يومنا هذا. مثلا, يصعب معرفة من هو النوير او من هو دينكاوى فى بعض مناطق بور و نقوك و حتى ريك فى واراب. و نفس شئ ينطبق على اللو او جورشول, نفس قبيلة الرئيس الاميركى اوباما, فى بحرالغزال,. ملوال قيرنيانق, او دينكا اويل, اكبر اقسام قبائل الدينكا, (تعداد سكانى لسنة 1982 كانوا ثانى وراء امدرمان فى السودان) نصفهم مختلـطون باللو و يصعب معرفة من هو اللو و من هو الدينكا. و نفس شئ ينطبق على اتوت, فهم اتوت و دينكا و نوير فى آن واحد و يذيد الطين بلة لو حاولت معرفة اتوت من الدينكاوى و النويراوى و منداراوى. نفس شئ ينطبق على الشلك و انواك و جورشول و اشولى و المورلى و مجموعات الباريا, فكلها قبيلة واحدة, تتحدث نفس اللغة بلهجات مختلفة و كلها انشرخت فى وقت ما من النوير و الدينكا.
الحوادث المؤسفة فى منطقة جونقلى بين النوير و الدينكا وراءها ايادى خفية, و قد تكون المحاولات الجادة لاعادة حفر قناة جونقلى علاقة بالحوادث. فاذا اراد النوير قتل الدينكا, فهم لا يحتاجون للذهاب الى جونقلى لملاقاة الدينكا, فالدينكا موجود مع نوير فى شمال و وسط اعالى النيل و بانتيو (ولاية وحدة). و غرب نوير هو شرق التويج و جنوبا مع ريك و اقار فىالبحيرات. يعنى المجاذر التى ترتكب ضد اهلنا فى البور عبارة عن جريمة سياسية هدفها تفريق منطقة جونقلى من البشر.

Quote: مليك Malek

شول وضيوفه الكرام
مليك (Malek) قرية صغيرة تقع جنوب مدينة بور وتبعد عنها بحوالي 17 كيلو وتقع على الضفة الشرقية للنيل الأبيض وهي ميناء تتوقف عندها البواخر الذاهبة إلى جوبا والعائدة منها . وفيها أقدم مدرسة أرسالية أولية افتتحت عام 1905 م . تلقى التعلم فيها معظم قيادات الحركة السياسية في الجنوب من مختلف المديريات الجنوبية الثلاث ومن ضمنهم جوزيف لاقو وأبيل ألير وآخرين ، وينتقلون منها للمدارس الوسطى في لوكا وبشري وعطار ..الخ . أمضيت جزءا من طفولتي في هذه القرية حيث كان والدي يمتلك متجرا يمد المدرسين وطلبة الداخلية بالمواد التموينية كالذرة والسكر..الخ . كان لوالدي علاقات طيبة مع مشايخ القبائل الذين يدرس أبناؤهم في تلك الإرسالية ويترددون للمدرسة لزيارة أبنائهم . بالإضافة إلى علاقات حميمة مع مدرسي المدرسة والقس دانيال الذي اصبح فيما بعد (بيشوب) . من أجمل الذكريات : الاحتفال بالكريسماس كل سنة ومباريات كرة القدم بين منتخب مركز بور ومنتخب ماليك ...كانت أيام يا وطني .

Quote: ايوة ياخ ثقفونا بدل تحرجونا(5) كاااااااااك بوست مميز يا صاحب

شكراً حسين المريخابى وحبابك فى البوست يا مان

Quote: هذا البوست اضاء مناطق كانت محتاجة اضاء ماما ربيكا زوجة الراحل د.جون قرنق اسمها نياندينق والله شنو يا بنج ديد

بالضبط يا مبارك ماما ربيكا إسمها نياندينق وشكراً على المرور وتحية خاصة لدينكا أم در.

Quote: سلام شول.. خلي في جدولك: جوك كوال بيونق كن بخير ...

حاضر يا عبداللع عثمان

Quote: دا بوست يستحق ان نقيم فيه لك التقدير اخي شول .. واصل كفاحك مرور للتحية والمتابعة والاشادة بالبوست

مرحب بحضورك وإقامتك وشكراً للإشادة يا حجر

Quote: شــــــــــــــــول ديت واصل بدون إنقطاع كار توم دى بالله دايرة قعدة واحدة واحدة .............. تسلم يا صاحب

تسلم يا عمر ديت وبنرجع لحكاية الصفات دى إن شاء الله

مرحب بمرورك يا تبارك
شكراً جوزيف للشرح الوافى والف تحية

Quote: مشتاقين ياخ لز لينا رقمك بالله

Done

شكراً الفاتح
شكراً جعفر إسماعيل

نهاركم سعيد وجمعة مباركة

مشاركة ثانية عبر الإيميل من الأخ محمود من الكلاكلة له التحية

Quote: سلام ياشول والله بوستك ممتع ومتميز ويقرّب الفهم لعادات وتراث أهل الجنوب عموماً والدينكا خصوصاً بالمناسبة معظم الأسماء التى ذكرتها تذكرنى إما بزميل دراسة أو صديق أو جار فى الحلة حيث إنصهار الشمال والجنوب أزلى فى تلك الأماكن. ففى الحله عندنا مجوك ومليك ومَلُوق...الخ وفى الدراسة عندنا كرويل(مره سألوه عن اسمو قال معناهو بقر أحمر) وأكيج (أو أكينج ماعارف الصاح ياتو) وأجوانق وديارا وتوت ونيال وكوور...الخ الرجاء شرح الأسماء باللون الأحمر إن أمكن** عاوز أسألك أيضاً من الأسماء الآتية هل لها معانى فى لغة الدينكا أم أتى بها المستعمر أم هى أسماء كنيسة؟: وليام ، جيمس ، بيتر ، مايكل ، جون، صمويل وبول وغيرها كثير لكن ديل أشهرهم تقريباً Quote: ما جعلني أسوق ما تقدم اعلاه هي ملاحظتي لعدم الإكتراث لكثير من الأمور التي ليست صعبة لكن الإستهتار يعمقها في القلوب.وغذا كان بعض الناس يظنون النطق الخاطئ في إسم صديقك غير العربي شيئاً سهلاً فهذا تقدير غير صحيح هذا الإقتباس صحيح جدا جدا بل والأسوء من ذلك أن بعض الشماليين يكاد لا يميز بين الجنوبي والنوباوي ناهيك عن أن يميز بين الدينكا والشلك والنوير والزاندي وغيرهم بل ربما يكون لم يسمع أصلاً بالقبيلة الفلانية او العلانية فى الجنوب. هذه مشكلة كبيرة جدا لابد من التوعية لا أريد أن أطيل عليك وربما أطل عليك فى رسالة أخرى ولك جزيل الشكر محمود السودان - الكلاكله

Quote: وأكيج (أو أكينج ماعارف الصاح ياتو) وأجوانق وديارا وتوت ونيال وكوور...الخ

يا أخ محمود الصحيح كتابة هو أكيج وهو الطفل الذى توفى أباه قبل مولده (كانت امه حبلى به حين وفاة أبيه).
عند النطق مثلاً إذا كان الإسم أكيج لوال فينطق أكينجإى لوال (راجع شرح الأخ زكريا فى الصفحة الأولى)

Quote: وجود حرف (آ) فى مقدمة الاسم او مؤخرته لا يعنى التآنيث بالضرورة و اعتقد ان الحرف عبارة عن (prefix) لاسباب قد تكون (definitional) و الدليل على ذلك هو وجود خيار prefix Nya) فى نيادينق و نياشول و نيبول,الخ. هذا يقابله suffix فى اسماء الرجال و الغريب ان الجنوبين المتعلمين لم يهتمو بهذا الامر. فمثلا, شول اشوانق دينق سيبدو غريبا لو نطق بالطريقة الغرافية التى يكتب به كاملا حيث ان النطق الصيح هو: شول اشوانقإى دينق, و ياى كوال شول (زكريا جوزيف) يصبح يان كوال شول, اى شول اشوانق ابن دينق و ياى ابن كول شول و يبدو ان موقع (prefix and the suffix) يحدده الايقاع (rhythm) فى الحروف. لاحظو ان (suffix) إى فى اخر اشوانق يعنى ابن و النون فى ياى يعنى (ابن).و هذا ينطبق على اسماء النساء, فمثلا, نيادينق معناه بت دينق (بت فاطنة و بت فضل و بت احفاد). و ال (prefix) آ فى ابوك مثلا وجوده هنا (is phonological) لان نيابوك , on the other hand, اسم انثى مشتق من بوك و نطقه و معناه مختلفان تماما من ابوك.

أجوانق يعنى الأسد
ديارا: الصحيح هو ديار Diear وتعنى الساق (تحت الفخذ)
اما توت فهو إسم يخص النوير ولست متاكداً إن كان هناك فرع من الدينكا يسمى هذا الإسم ولا أعرف معناه صراحة ولكن يمكننى السؤال.

Quote: عاوز أسألك أيضاً من الأسماء الآتية هل لها معانى فى لغة الدينكا أم أتى بها المستعمر أم هى أسماء كنيسة؟: وليام ، جيمس ، بيتر ، مايكل ، جون، صمويل وبول وغيرها كثير لكن ديل أشهرهم تقريباً

بالنسبة للأسماء وليم ، جيمس ، بيتر ، مايكل ، جون ، صموئيل فهى ليست أسماء تتبع للدينكا ولا لجنوب السودان فهى أسماء أجنبية بحتة.
اما الإسم بول:
إذا كان صاحبه يكتبه بول Bol فقطع شك هو إسم يتبع للدينكا وهو المولود بعد التوأم كما ذكرنا سابقاً
أما إذا كان صاحبه يكتبه بول Paul فبالتالى هو إسم أجنبى كسابقاتها.

ساعود إليك لبقية مشاركتك

الأسماء الخاصة:
إليكم بعض الأسماء الخاصة:
- أكيج Akech: وهو الطفل الذى توفى أباه قبل مولده (كانت امه حبلى به حين وفاة أبيه( وتعنى المرارة (عكس الحلاوة) وهو إسم مشترك للجنسين.
- ضيو Dhieu: بمعنى البكاء (حزن) ويسمى للطفل الذى يولد أثناء الأحزان مؤنثه أضيو Adhieuاو نيانضيو Nyandhieu.
- منوت + مجْوك * + شول (Manut + Majok + Chol) : يسمى فى حالة توفى إبن او أبناء كثر لإمراة وبعده ولد هذا المولود ومؤنث كل منهم على التوالى نيانوت Nyanut و أجوك Ajok او نيانجوك Nyanjok و أشول Achol.
- نقور وشان: أسماء التوأم ومؤنثهما كما ذكرنا سابقاً أنقير وأشان
- بول Bol: المولود بعد التوأم وهى بمثابة حامى التوأم ومؤنثه نيبول أو نيانبول.
- رياك Riak: ويعنى الخراب وهو الطفل المولود فى فترة الدمار والخراب ومؤنثه نيارياك Nyariak.
- مراج Maraj: وهو من الكلمة راج "Raj " بمعنى كعب او صعب ويسمى للمولود الذى ولد فى وقت عصيب (غالباً فى زمن المجاعة) ومؤنثه نيانراج Nyanraj.
- اضار Adhar: تسميه الدينكا للجنسين في وفاة زعيم او كاهن معروف او وفاة معمر في الاسرة او عميد الأسرة
- ياى Yai: المولود أثناء حدث سعيد ومؤنثه نياناياى Nyanayai
- أتير Ater: بمعنى (خلاف) ويسمى فى حالة وجود خلاف بين أسرتى العريس والعروس وهو إسم مذكر.


* هناك فرق ما بين مجوك (الإسم الخاص) ومجوك الإسم الذى ينتمى لتصنيف ألوان الثيران والأبقار فى النطق.

إحتمال ما أجى راجع إلا باكر


تحياتى

أسماء لها علاقة بالطيور:
هذه بعض الأسماء:
- كين Kein (طير البقر) – علم مذكر
- أشويل Achueil – تعنى الصقر – علم مذكر (يسمى أحياناً للإناث)
- أجيج Ajiej: (عصفور سوداء بالكامل) – علم مذكر
- قاك Gaak: (الغراب) – علم مذكر مؤنته أقاك او نيانقاك
- ويل Weil: (دجاج الوادى) – علم مذكر مؤنثه أويل* Aweil
- وود** Wood: (النعام) – علم مذكر
- الاك Alak: (لا أعرفه بالعربية) – علم مذكر
- تووت Twot: طائر برى أشبه بالأوز – علم مذكر
- أشور Achor: من (شور Chor) أعتقد إنه العقاب - علم مذكر
- امور Amor: (سرب) – علم مذكر
- مير Mer (الطاؤوس) – إسم مذكر

* أويل: ليست هى مدينة أويل لان النطق بينهما مختلف
** هناك وود Wod بمعنى (مراح) يسمى للذكور وإختلافهما فى النطق أيضاً ولكن عند الكتابة بحروف الدينكا يكون الفرق واضحاً.

هناك أيضاً هذه الأسماء ساتركه للشباب او ساعود له لاحقاً :
- أووم Awom
- اكيل Akiel
- تويق تويق Tweig Tweig
- كوور Koor
- نووق Nwog

شول

لك التحيه


والله بوست رائع ومفيد

واصل يا حبيب ومتابعين التوسيق


مودتى

Quote: انا اثناء اهتمامي بديانة الدينكا كنت اظن ان دينق وابوك هما الاصل وان قرنق هو ابن لهما ...

نيالج دينق أبوك هى عبارة تجدها فى دعاء الدينكا وتعنى إله دينق إبن أبوك عليه دينق هنا هو إبن أبوك.
يا عادل الأصل هو قرنق وأبوك ودينق هو إبنهما.


شكراُ يا صديق مطر للمرور والتشجيع

شكراً بكرى لرفع البوست




___________________
يا عادل يا صديق ... مداخلتك ده فتشتو لغاية آمنت ياخ

شول الحبيب

شكرا على البوست المميز والموفق والمزدحم بالمعرفة السودانية الاصيلة...


___________


بس داير تشوف لى عنان دا عندكم في ؟؟

ومودتى تغشاكم

أسماء لها علاقة بالطبيعة:
بعض من هذه الأسماء:
- دينق Deng: هو المطر – علم مذكر مؤنثه ادينق Adeng و نياندينق Nyandeng
- كير Kiir: هو النهر – علم مذكر مؤنثه نياكير Nyankiir
- قير Geer: هو الغبار الكثيف – علم مذكر مؤنثه أقير Ageer *
- يوم Yom: الهواء – علم مذكر.
- بوك Bok: الماء الغزير – علم مذكر (يحتمل أن يكون مؤنثه ابوك Abok)
- فيو Pieu: الماء – علم مذكر** مؤنثه افيو Apieu

* على الأقل صحيح عند دينكا ملوال ببحر الغزال.
** صادفنى هذا الإسم مرة واحدة فقط فى حياتى ولكن المؤنث منه مؤكد جداً.



حبابك يان كوال بار دم وردية واماض

حبابك عنان
بالمناسبة انا زول عربيى تعبان جامد كما الطونق مونجانق بتاعى فبالله تعال ورينا عنان معناهو شنو بالعربى فى الأول عشان نعرف بعدداك نفتى.



إنتو دايرين الواحد يجى المنبر بمختار الاصحاح ولّ شنو؟

شول,
كيفك.
قير تور تونق.

قير: الاعصار
تور: العاصفة
تونق: حربة, سيف

قير إى تور تونق

و يترجم: الاعصار بن العاصفة بن السيف.

هههههههه.

Quote: - Riak: يعنى الخراب

ما قلت إلا الحق .. والعزاء فى رياك مشار ..

البوست متعة .. يا شول .. خلاص أنا خليت بوستى الزارى فيهو الجندر ونايم معاك بهنا .. الحمدالله فكانى منهم شول

بريمة

سلام كبير يا شول
أخوك ما فاضى من الشكل ويادوب البوست وقع فى عينى وغرقت فيه .. لكن ياخ بتخربوا المتعة

Quote: Quote: بوست أتوقع يكون مفيد شديد .. زي بوست خالك بتاع العادات. تتخيل يا محمد أخوى البوست بتاع خالى فتشت عليه فى الأرشيف وما لقيتو خالص؟؟؟!!! كان البوست راح فيها يكون تعب ومجهود ضاع اوانطة ساى والله افتكر البوست كان بعنوان: هوى تعال هنا شوف عرس الناس ديل كيف الرجاء من يجد البوست أعلاه تبليغ المسئول من هذا البوست للفائدة الله يكون فى العون بس

لقيتوا زمااان فى مكتبتى .. ما عارف دخل كيف .. ومت بيه موت ..

غايتو بعد كلامك ده أخير أبرئ زمتى .. وعوضنا على الله

تعال هنا يا انت شوف عرس الناس ديل كيف

وبجيك راجع للبوست ده

تحياتى

Quote: أكون (الفيل) – إسم مذكر

الاخ شول ديت
بوست رائع جداً ونتمني أن تعرج على العادات والتقاليد عند قبيلة الدينكا لأهميتها ورسوخها وعراقتها وجمالها
عمنا عيسى ادم فضل الكريم تزوج من فتاة من قبيلة الدينكا (ونني) منذ مطلع السبعينات والآن اصبحت حبوبة بناتها تزوجنً جميعهنّ تدعى أكون فهل اكون اسم للمذكر فقط أو هذه الحالة استثنائية علماً بأن عمنا هذا اطلقوا عليه نسابته اسم ملوال اجوط

من أحمل ما قرأت

لك التحية

(ولتدم واحد أيها الوطن)

Quote: ياخى الله يشهد ده احسن بوست فى الخمسه سنوات الاخيرة شول الله يخليك يازول يا سمح والله السودان ده كان ختينا سا يسوس سمح سماح

اسمح لي يا شول أن أشارك بصورة لجميلتنا أليك ويك
فهي من أجمل الشخصيات التي أسرتني بسحرها عندما استضافتها تايرا
و بهرتني كذلك بقصتها الملهمة
و حديث تايرا كيف أن أليك اعادت تحديد مفهوم الجمال عند الأمريكيين
with her dark color
شكرا شول
على تعريفنا على ما غاب عنا
بفعل الأسلمة و الإستعراب
و عقد النقص

نهاركم سعيد وإن شاء الله كلكم بخير

يا يان كوال بالفعل إسم قير تور تونق إسم عنيف جداً والله ... الله يديك العافية

Quote: (ولتدم واحد أيها الوطن)

حسن حماد الله يديك الفى مرادك والبشرية أصلها واحد مهما تلون البعض.

يا سامى أليك ويك من ناحية جميلة فهى جميلة والروعة تكمن فى أن جمالها طبيعى وبدون تفتيحات للبشرة.
شاكر مرورك.

فى حالة كان هناك توأم ثانى بعد التوأم الأول (نقور وشان) يمكن أن يدخل الإسمين دينق وقرنق كمسمى للتوأم أو يمكن ان تختار الأسرة ما تراه مناسباً من أسماء للتوأم.
اما بالنسبة للمولود الذى يلى التوأم الثانى وفى حالة لم يسمى يسمى إحدهما بإحدى الإسمين دينق أو قرنق فيمكن أن يسمى المولود قرنق (بديلاً عن بول الذى سمى بعد التوأم الأول).
بالنسبة للإناث فتكون الإسم (ابوك) حاضرة بقوة أو أى اسماء يراهما الأسرة لتسمية التوأم.


خلاصة: لا يوجد تقيد كبير بخصوص تسمية التوأم الثانى والمولود بعدهما.

Quote: الدينكا تعني بنت المطر او الغمام او رزاز المطر وكانت حبلى بارزة بطنها ومع نزولها وسط المطر ولدت لتوها ولدا صغيرا جميلا بأسنان تامة فقالت (ألوت) للخلق من حولها : هذا الولد جاء معي من السماء واذا كنتم عايزين الولد الصغير يتكلم احضروا ثيران بيضاء واعملوا ولائم وذبائح وكرامة وبعد الذبائح والكرامات والأعياد ووسط جموع الناس سوف يتكلم الولدالصغير فعملوا بنصائحها وتجمعوا سريعا من فجاج الدينكا كلها وذبحوا الذبائح واقيمت الكرامات فجاء المطر منهمر غزيرا فقالت (ألوت) أن اسم الولد (دينج ديت ) وهو يحفظكم كلكم وان هذا الولد هو الصلة بيني وبينكم والله خالق الخلق أجمعين ثم نزل المطر غزيرا ومن خلال المطر والبرق والرعد طارت ألوت في السماء العليا تاركة (دينج ديت) مع جمهور الدينكا وتكلم دينج ديت حاثا أي شخص من الدينكا ومن يعش بينهم من أقوام آخرين لديه بقر ان يخصص منها بقرة ويحفظها بإسم دينج ديت وسط أبقاره وعندما يسمي الشخص ويخصص ابقار دينج ديت لا يحق له بيعها وانما يحسن تربيتها لتتكاثر عنده ويستفيد منها في الزواج وشرب اللبن واكل لحمها وكذلك يحفظون عدداً من الضأن والماعز باسم دينج ديت ، وفي مطلع كل سنة جديدة يزبح كل شخص وباسم دينج ديت ثورا كرامة وكذلك يذبح خروفا من ضأن دينج ديت السمينة كرامة وكذلك تذبح الكرامات من أبقار دينج ديت وماعزة السمان في مواسم الأمطار والحصاد وفي أول نضوج الذرة ولا بد أن تكون ذبائح دينج ديت من أفاضل خراف وثيران دينج ديت انتهت الخرافة أو الاعتقاد عند الدينكا وبالتالي فكل أفراد الدينكا وفي كل مكان لا بد من يسمون جزءا من أبقارهم واغناهم وضأنهم بإسم دينج ديت وكل أسرة تقريبا تسمى أحد أبنائها على الأقل باسم دينج تيمنا وتبركا باسم جد الدينكا وطغي عندهم حب الأبقار وتربيتها والذود عنها ، وجد الدينكا قال لهم في وصاياه ان الزواج بالأبقار وكذلك الدية والتعويض عن اجزاء الجسم كلها بالأبقار ودينج ديت قال لجميع الدينكا لا تقربوا الزنا ولا تسرفوا ولا تقربوا زوجات غيركم ولا تغدروا بغيركم وإذا جاءكم غريب او طريد ديار فأنتم أولى بإيوائه والبربه وضمه للقبيلة ونجد الدينكا في كل مكان يحفظون ويراعون ويطبقون وصايا جدهم دينج ديت هذه يُحافظون عليها ويتواصون بها أبا عن جد وبالتالي صار مجتمع الدينكا كأنقى المجتمعات واطهرها إذا ما قيسوا بغيرهم من هكذا تواجد الدينكا بالسودان وتوالدوا وتكاثروا وفق معايير أخلاقية يندر أن توجد في قبيلة نشأت في البدء بعيداً بعيدا عن أديان السماء وهي أخلاقيا تقطعا لا توجد في كثير من قبائل جنوب كغيرهم الشديدة على شرف المرأة إلى الحد الذي تزهق فيه عشرات الأرواح بينهم أو مع آخرين لان شرف الفتاة مصونة من بناتهم قد خدش ، ولذا تجد فتى الدينكا احرص على شرف الفتاة البكر اكثر من حرصها هي على نفسها ، فرغم الاختلاط التلقائي الذي تفرضه البيئة والحرية المطلقة بينهم وما كان ساندا من عادة التعري لوقت قريب إلا انه لم تُسجل وعلى طول تاريخهم حادثة اغتصاب لفتاة واحدة بينهم ورغم انهم بتلك الكثافة السكانية لا يزنون نساء غيرهم بل ويعافون المرأة التي وطئها غيرهم من الرجال والزمن قد يغير كل شئ فالدين الخالص لله وحده الحجاب والرجاء ، كما أن الدينكا لا يقرون بينهم الاسترقاق فعندما كانوا يحاربون في الماضي القبائل الأخرى ويأتون برجالها أسرى لديهم منذ وصولهم لديار الدينكا أحرارا بل واخوة لهم يتساوون معهم في كل شئون الحياة ويملكون المال ويزجونهم من بناته ويعتبرونهم كالإخوان والأشقاء تماما

شول ازيك ياصاحبي

دي حاجة كدة لمن اجيك تكس راجع
اظهر علينا يامان

Quote: سلام يا شول Quote: - شِر* (لا اعرفه بالعربية ولكنه حيوان معتد بنفسه لدرجة إنه عنده مسيره ولامسه قشة، يقوم بتدمير كل الحشائش فى هذا المكان ومساواته بالأرض) – إسم مذكر شر= الكرينديق في لغة الميما لكن برضو بالعربي شنو ما عارف..... يا أخوانا بكري دا ما برفع لينا البوست دا فوق عشان ما نتعب شديد في الكواسة تسلم يا شول وواصل و منتظرين

الحيوان دا .. إسمو الدربان .. أو أبون دربان بلغة البقارة ..
فى أمريكا إسمه Skung

--------------------
شول .. أمامك درب طويل يا أخى .. حتى الأن أنا كتبت بوستين عن اللهجة البقارية .. والثالث جاى فى الطريق .. ومازلت لم أصل نصف المسافة ..

بريمة

صباح الخيرات

سلام كبير يا شول
أخوك ما فاضى من الشكل ويادوب البوست وقع فى عينى وغرقت فيه .. لكن ياخ بتخربوا المتعة

Quote: Quote: بوست أتوقع يكون مفيد شديد .. زي بوست خالك بتاع العادات. تتخيل يا محمد أخوى البوست بتاع خالى فتشت عليه فى الأرشيف وما لقيتو خالص؟؟؟!!! كان البوست راح فيها يكون تعب ومجهود ضاع اوانطة ساى والله افتكر البوست كان بعنوان: هوى تعال هنا شوف عرس الناس ديل كيف الرجاء من يجد البوست أعلاه تبليغ المسئول من هذا البوست للفائدة الله يكون فى العون بس

لقيتوا زمااان فى مكتبتى .. ما عارف دخل كيف .. ومت بيه موت ..

غايتو بعد كلامك ده أخير أبرئ زمتى .. وعوضنا على الله

تعال هنا يا انت شوف عرس الناس ديل كيف

وبجيك راجع للبوست ده

تحياتى

Quote: يبقى السؤال: لماذا إختار هؤلاء البسطاء أسماء الاستخدامها فى مدن الشمال رغم ما تحملة فى الغالب من معانى مضحكة (زول ساكت مثالا)

لا زلت فى إنتظار الرد على السؤال حسب وعدك

(الآبرى الايام دى بدوب سريع خلاس .... مش ؟؟)

أخوي شول
كدوال

رغم أنني مقل في المشاركات وأفضل القراءة على الكتابة ... لكن هذا البوست يثير في الواقع في نفس المرء أشجاناً ولواعج شوق ..
درست عاماً من حياتي الدراسية بمدرسة ملكال الأميرية المتوسطة نهايات العام 1978 وبدايات 1979 .. ولي فيها أصدقاء وذكريات لا تنسى ... وملكال ذات طابع شلكاوي إلا أنها تعج بالقبائل النيلية الأخرى وخاصة الدينكا كونها حاضرة الإقليم ...
أخي جيمس قرنق منكوير كان أقرب الزملاء إلى قلبي .. لا أدري أين هو الآن ..
أغلب الطلاب في فصلي كانوا من الشلك والشماليين ، كان للمدرسة نهران يعني فصلين لكل سنة ،، شرق وغرب وكنت في أولى شرق ، وفي حصة الدين كان المسلمون في فصل غرب يأتون لفصلنا ويذهب المسيحيون في فصلنا للفصل الآخر ،، هكذا دون أية تعقيدات ...
لاحظت أن أسماء الجنوبيين عموماً تأثرت بالاستعمار البريطاني بداية من العشرينات من القرن العشرين فتجد أن معظم الأسماء الأولى غربية وأسماء الآباء محلية والأمثلة على ذلك كثيرة ولن نمشي بعيداً .. الراحل د.جون قرنق .. د. فرنسيس دينق ، مولانا أبيل ألير ، الرفيق جوزيف قرنق ، الفريق جوزيف لاقو .. وما عارف يا شول إنت مرقت من الحكاية دي كيف؟
الأسماء المذكورة طبعاً هي في الأصل أسماء ذات طابع ديني ،، فجون هو القديس يوحنا أو يحى عندنا في الإسلام وجوزيف هو النبي يوسف ... ومثلها كثير مثل بول (بولس) وماتيوس (متى) ومارك (مرقص) وجاكوب (يعقوب) ومايكل (ميخائيل) وهكذا ..
لولا معرفتي بأن اسم شول هو اسم مذكر لوقعت من قبل في نفس الخطأالذي وقع فيه البعض .. إلا أنني سرعان ما تصفحت البروفايل للتأكد ..
في حضرة مثل هذه الكتابات تطيب القراءة .. واصل أخي شول ...

مرحب حبابك طلال جبير ... الشغلانية الجايبو ده يعنى عايزنا نقوقلو ولّ كيفن.
بريمة محمد آدم حبابك فى ديار جيينق والف مرحب بيك.
عمى رافت ميلادأخبارك إن شاء الله الأولاد كلهم بخير ومنتظرين جيتك تانى.
ماضى أبو العزائم والله بجيك راجع فى الحتة الراجى الجواب عليهو إلا اليومين ديل أخوك مجهجه جهجهة السنين.

Quote: أخوي شول كدوال رغم أنني مقل في المشاركات وأفضل القراءة على الكتابة ... لكن هذا البوست يثير في الواقع في نفس المرء أشجاناً ولواعج شوق .. درست عاماً من حياتي الدراسية بمدرسة ملكال الأميرية المتوسطة نهايات العام 1978 وبدايات 1979 .. ولي فيها أصدقاء وذكريات لا تنسى ... وملكال ذات طابع شلكاوي إلا أنها تعج بالقبائل النيلية الأخرى وخاصة الدينكا كونها حاضرة الإقليم ... أخي جيمس قرنق منكوير كان أقرب الزملاء إلى قلبي .. لا أدري أين هو الآن .. أغلب الطلاب في فصلي كانوا من الشلك والشماليين ، كان للمدرسة نهران يعني فصلين لكل سنة ،، شرق وغرب وكنت في أولى شرق ، وفي حصة الدين كان المسلمون في فصل غرب يأتون لفصلنا ويذهب المسيحيون في فصلنا للفصل الآخر ،، هكذا دون أية تعقيدات ... لاحظت أن أسماء الجنوبيين عموماً تأثرت بالاستعمار البريطاني بداية من العشرينات من القرن العشرين فتجد أن معظم الأسماء الأولى غربية وأسماء الآباء محلية والأمثلة على ذلك كثيرة ولن نمشي بعيداً .. الراحل د.جون قرنق .. د. فرنسيس دينق ، مولانا أبيل ألير ، الرفيق جوزيف قرنق ، الفريق جوزيف لاقو .. وما عارف يا شول إنت مرقت من الحكاية دي كيف؟ الأسماء المذكورة طبعاً هي في الأصل أسماء ذات طابع ديني ،، فجون هو القديس يوحنا أو يحى عندنا في الإسلام وجوزيف هو النبي يوسف ... ومثلها كثير مثل بول (بولس) وماتيوس (متى) ومارك (مرقص) وجاكوب (يعقوب) ومايكل (ميخائيل) وهكذا .. لولا معرفتي بأن اسم شول هو اسم مذكر لوقعت من قبل في نفس الخطأالذي وقع فيه البعض .. إلا أنني سرعان ما تصفحت البروفايل للتأكد .. في حضرة مثل هذه الكتابات تطيب القراءة .. واصل أخي شول ...

كدوال اريت اخوى عبد الباقى والف شكر على مداخلتك الطاعمة ده ياخ وبنرجع ليهو فى دربنا الماشين فيهو ده.

Quote: النعرات القبلية مفتعلة من قبل الساسة فى الجنوب و قد دخل الساسة الشمالين الى المسرح حديثا. الفرق بين من هو النوير او الدينكاوى صعب جدا و يكاد يكون غير موجود و نفس شئ ينطبق على الكثير من القبائل النيلية.

شكرا للمعلومات القيمه فى هذا البوست
الملاحظه اعلاه صحيحه 100%

كما هى الحدود وهميه بين دول افريقيا وصنعها المستعمر
حيث توجد 177 اثنيه تفصلها هذه الحدود العبثيه
كذلك القبائل فى افريقيا
هى صناعه استعماريه
يجدر ذكر حديث احد زعماء قبيلة تسمى سسولى فى زامبيا
حيث قال اننا لم نكن سولى الا بعد عام 1937
قبلها لا يوجد شئ اسمه سولى
البريطانيين لتسهيل مهمتهم الاستعماريه عن سؤ نيه او لأنهم لا يعرفون شئ خلاف ذلك مرجعيتهم (والدوله القوميه)
اسسوا للقبليه فى افريقيا.............
الافارقه بدورهم شعروا ان هذا المستعمر الغريب يبحث عن قبيله (بواسطة انثروبولجيه وبحاثى علم الاجناس فيه)فكانوا عمليين وقالوا فلنعطه قبيله
they want a tribe so what give them a tribe
(من كتاب عن تاريخ افريقيا)
فى السودان سليجمان وبيتشارد قاموا بهذا الدور التاريخى...

كان ثوار 1924 يعذبون لأنهم رفضوا ذكر اسماء قبائلهم وكانوا يقولون انهم سودانيين فقط..
اين نحن الان منهم...............

شكراً أحمد أمين على المرور وتأمين حديث الأخ ذكريا جوزيف

عموماً إلى حين إنقضاء المشغوليات سنعود.

Quote: لدي صديق بل وزميل عمل من منطقة (شوي أباد) بالبحيرات مابين رمبيك والتونج كان يدعى (أوان رياك) وأستاذي الدكتور / مجُوك والمتواجد بالسعودية حالياً لم يرد إسم (ميار) (وأدُود) و (مييك) و (أقويك) و (لال) وبالمناسبة لم تأتِ بإسم زميلي لاعب السلة العظيم (منوت) عايزين معانيها لعلمك ولدت ببانتيو في غرب النوير ولي جذور ودرست بالتونج كان منوت بمعهد التربية وكنت بالصناعية قبل الإنتقال إلى كوستي. مال مقواه ألونق قر قوالين، رويدو مو أروي مقواه، شيلوجا تيث كيه قرمار. (بالنوير يامان) حيث أنها أقرب للدينكا تحياتي،،،

محل مداخلتك هنا يا عز الدين ما فى الصفحة الأولى.
تحية كبيرة ليك يا كوورمديت وبنرجع ليك لمداخلتك.

Quote: يبقى السؤال: لماذا إختار هؤلاء البسطاء أسماء الاستخدامها فى مدن الشمال رغم ما تحملة فى الغالب من معانى مضحكة (زول ساكت مثالا)

تخيل أخى ماضى عندما يكون هذا إسمك ويصر بعض الدينكا على مناداتك بى (ماض) مثلاً والذى يعنى التدخين (تدخين شجار طبعاً) ... ومع إلحاحك لهم بأن إسمى هو ماضى وليس ماض كما تنطقونه وتكتبونه وبعد كل هذا يواصل البعض فى مناداتك حسب هواهم قصداً منهم او لصعوبة نطق إسمك لهم.
هنا ومع إن هؤلاء بسطاء ... لكنهم يعتزون بأسماءهم ايما إعتزاز فانظر مثلاً ان ينادينى أحدهم بـ (شوال) بقصد منه او دونه او يقلب القاف جيماً نطقاً وكتابة مثلاً فى إسم (دينق) فيصير بقدرة قادر (دينج).
هناك الكثير من النساء اللائى عملن فى بيوت أهل الشمال تجد ان أسماءهم (حواء) او احياناً (ميرى) ... أحياناً هذه الأسماء يتم إطلاقه عليهن من قبل أصحاب البيوت اللائى يعملن عندهم وأحياناً يكونن قد أطلقن على أنفسهن هذه الإسماء لمنع التلاعب بأسماءهن أو لتسهيل المناداة على سيد المنزل.
قد يكون طارق جبريل الطلبه () قد لاحظ أن أقرانه من أهلنا، نسبة كبيرة منهم كانوا يحملون أسماء على شاكلة (جون)، (جيمس) او الأسماء الذى ذكرت فى مداخلتك موضوع الإجابة... ويمكن أن يعود ذلك إلى تسهيل نطق أسماءهم للمهندسين وزملاءهم من العمال غير الجنوبيين او الكف عن التلاعب بأسماءهم الذين بهم يعتزون.

خلاصة: إطلاق مثل هذه الأسماء قد يكون لأنهم لا يريدون للآخرين أن يعلموا بأسماءهم الحقيقية ولكن الغالب هو تسهيل النطق لغيرهم والكف عن التلاعب بأسماءهم والأسماء الأعجمية يمكن التلاعب بها أو كما قيل مع إنهم لم يقرأوا هذا ولم يكن يعلمون بذلك.


مودتى الأكيدة

بالله البوست ده لفح مننا اليوم كلو
ما قدرنا نشوف البلد الحاصل فيها شنو

يديك العافية يا شول
وعبرك التحايا لجميع المتداخلين إثراءاُ لهذا البوست المتميز

Quote: Quote: أكون (الفيل) – إسم مذكر الاخ شول ديت بوست رائع جداً ونتمني أن تعرج على العادات والتقاليد عند قبيلة الدينكا لأهميتها ورسوخها وعراقتها وجمالها عمنا عيسى ادم فضل الكريم تزوج من فتاة من قبيلة الدينكا (ونني) منذ مطلع السبعينات والآن اصبحت حبوبة بناتها تزوجنً جميعهنّ تدعى أكون فهل اكون اسم للمذكر فقط أو هذه الحالة استثنائية علماً بأن عمنا هذا اطلقوا عليه نسابته اسم ملوال اجوط

الأخ الرائع عبد الرحمن طبيق بعد السلامات
لقد إختلط عليك الأمر هنا ولكن لا ألومك فيمكن انا من فعل هذا الخلط.
أكون Akon علم مؤنث تعنى (الإستغناء عن شئ بفعل تأثير معين) ولكن الإسم الذى أوردته مع بقية الأسماء والمقتبس فى ردك لى هو اكون Akoon والذى يعنى الفيل.
كتابة الدينكا باللغة العربية وكما يحتمل بدرجة كبيرة إنك تعلم بها من الصعوبة بمكان خاصة فى كتابة بعض حروف لغة الدينكا التى لا توجد لها نظائر فى اللغة العربية.

سلامات لزوجة عمك (خالتى) ولعمنا عيسى آدم فضل الكريم ولأبنائهما كما لا تغفل عن تحايانا لأحفادهما.

لك التقدير

_________________
دينكا (وننى) ما عرفتو والله إلا كان قاصد كلمة تانية او تفضل بشرحها لنا او تحديد رقعتهم الجغرافية إن امكن للفائدة ولكى نكتب الإسم الصحيح فى حالة عرفنا المقصود.

Quote: بالله البوست ده لفح مننا اليوم كلو ما قدرنا نشوف البلد الحاصل فيها شنو يديك العافية يا شول وعبرك التحايا لجميع المتداخلين إثراءاُ لهذا البوست المتميز

الأخ أسامة الكاشف
الف شكر على زمنك الذى قضيته فى قراءة مشاركتنى وبقية إخوتك فى هذا الحوش الكبير عن أسماء الدينكا.
الف شكر وتقدير يا مان





_______________
الحق باقى اليوم ما إنو خلاص اليوم شتت

استاذنا الجليل شول عيظم التشكرات على التوضيح

Quote: أكون Akon علم مؤنث تعنى (الإستغناء عن شئ بفعل تأثير معين) ولكن الإسم الذى أوردته مع بقية الأسماء والمقتبس فى ردك لى هو اكون Akoon والذى يعنى الفيل.

تمت هذه الزيجة المباركة عربوناً لصداقة امتدت اجيال واجيال بين والدي الزوجين ولعله بالفعل تمت بالتأثير الايجابي في هذه العلاقة السمحة التي تمتد حتى الآن في كل الظروف والتواصل ما زال موجوداً

Quote: _________________ دينكا (وننى) ما عرفتو والله إلا كان قاصد كلمة تانية او تفضل بشرحها لنا او تحديد رقعتهم الجغرافية إن امكن للفائدة ولكى نكتب الإسم الصحيح فى حالة عرفنا المقصود.

الرعقة الجغرافية لدينكا وناني هي منطقة بحر الغزال - اقوك وملوال - المنطقة المجاورة لبحر العرب وفيما اعتقد وناني فخذ من افخاذ الدينكا وليس متأكداً أن من بينهم الناظر عبدالباقيي ايي اذكر من اغانيهم أوناني جي اريج - ناس جميلي المعشر إذا ما عرفته المقصود ممكن امدك بتفاصيل بالاتصال بالعمة اكون رأسا مع خالص التحية والودً

Quote: كون Akon علم مؤنث تعنى (الإستغناء عن شئ بفعل تأثير معين) ولكن الإسم الذى أوردته مع بقية الأسماء والمقتبس فى ردك لى هو اكون Akoon والذى يعنى الفيل. تمت هذه الزيجة المباركة عربوناً لصداقة امتدت اجيال واجيال بين والدي الزوجين ولعله بالفعل تمت بالتأثير الايجابي في هذه العلاقة السمحة التي تمتد حتى الآن في كل الظروف والتواصل ما زال موجوداً

لا لا لا يا حبيبنا عبد الرحمن طبيق ... بالجد الكلام ده ما كتبتو عشان تبرر كيفية تمام الزيجة ياخ.
ده إسمها من هى صغيرة (يحتمل الأطفال القبالها إتوفوا كتار فبذلك سمى هكذا والتوكل علها تعيش وها هى اليوم لها أحفاد)
ياخ والله حسستنى إنى قصدت الكلام ده ياخ ... بعدين هى كانت صغيرة ومصيرها ما كان معروف إنها يتزوجها عربى لو إفتكرت إنى قاصد كده يا ابوعابده.
عموماً ده ما كان القصد وإحتمال يكون خزلنى شرح المعنى بصورة لا توحى إنى قاصد الكلام يكون سلبى... معليش حقك على يا عبد الرحمن.

Quote: الرعقة الجغرافية لدينكا وناني هي منطقة بحر الغزال - اقوك وملوال - المنطقة المجاورة لبحر العرب وفيما اعتقد وناني فخذ من افخاذ الدينكا وليس متأكداً أن من بينهم الناظر عبدالباقيي ايي اذكر من اغانيهم أوناني جي اريج - ناس جميلي المعشر إذا ما عرفته المقصود ممكن امدك بتفاصيل بالاتصال بالعمة اكون رأسا مع خالص التحية والودً

بالطبع عرفت ماذا تقصد
تقصد وون أنى(عشيرة أنى) وهم من دينكا ملوال وأغنيتهم المشهور التى تقول:
أشيلا ويل ويل أشيلا ويل ويل تونق مكواج دا اكييج ريوج ... ون أنى اكييج ريوج ...إلخ الأغنية وهى أغنية حماسية تغنى فى وقت الحروبات كمورال للمقاتلين وهم بالفعل مقاتلون شرسون.

التحية لك أخى وأرجو ان لا تحمل كلامى ما لا يحتمله أو على الأقل ما لم أقصده فالزيجات التى تمت فى السبعينيات لم تكن هناك زيجات تمت بالغصب أو بالإكراه وأعلم ذلك جيداً فلك محبتى وتقديرى وإعتذارى.

أخوك شول أشوانق دينق

Quote: يا شول البوست مميز وكده انت بنج كبيير جدا بنجديد يعني بالمناسبة الابنة الكبرى لزهير الزناتي الزميل في البورد بتاع سودانيز اونلابن وردت ضمن اسماء البنات وهي ميار mayar

شول أشوانق البوست مبالغة عديل كده وزي ما قال ليك مبارك إسم ميار دا إسم
بعدة لغات وحينما قررت الإسم إعترض صديقي ياك وهو من أبناء بحر الغزال علي
الإسم بإعتباره إسم لمذكر . ولم يناديها طيلة تلك السنوات سوي بـ (ميور)
بإعتباره إسم لأنثي ، انا ميار في الحادية عشر من عمرها وهي سعيدة جداً
بإسمها وتكون في غاية السعادة حينما تلتقي بأي واحد إسمه ميار من أبناء
الدينكا ... بس الناس جننوني ميار يعني شنو ميار يعني شنو .. وكنا في
إنتظار الرد الشافي في بوستك ... ولكنك ذكرت بأن ميار إسم للون ..
هل هو اللون الأبيض حسبما عرفت أم لون آخر ...

Quote: شول أشوانق البوست مبالغة عديل كده وزي ما قال ليك مبارك إسم ميار دا إسم بعدة لغات وحينما قررت الإسم إعترض صديقي ياك وهو من أبناء بحر الغزال علي الإسم بإعتباره إسم لمذكر . ولم يناديها طيلة تلك السنوات سوي بـ (ميور) بإعتباره إسم لأنثي ، انا ميار في الحادية عشر من عمرها وهي سعيدة جداً بإسمها وتكون في غاية السعادة حينما تلتقي بأي واحد إسمه ميار من أبناء الدينكا ... بس الناس جننوني ميار يعني شنو ميار يعني شنو .. وكنا في إنتظار الرد الشافي في بوستك ... ولكنك ذكرت بأن ميار إسم للون .. هل هو اللون الأبيض حسبما عرفت أم لون آخر ...

(ميار) إسم لثور أبيض اللون وهو بنفس معنى إسم (مبيور) تماماً يا حبيبنا وأستاذنا زهير الزناتى.
الإسم المؤنث منه هو (يار) وهى تسمية للبقرة البيضاء.


.
.
.

انا غايتو لو قابلتها ما حاقول ليها (ميار) طبعاً حاناديها (يار)

دق دق غرامة غرامة


سلملى على الأمورة وكل أفراد الأسرة يا زهير وإن شاء الله نشوفها يوم.

لديصديق عزيز يا شول اسموا .... لادوا... فرق الزمن بيننا...

ياتري ما هو معني اسم لادوا يا شول..؟؟

Quote: لديصديق عزيز يا شول اسموا .... لادوا... فرق الزمن بيننا... ياتري ما هو معني اسم لادوا يا شول..؟؟

أخى أحمد محمد بشير بعد السلام
لادو إسم يخص قبائل الإستوائية وخاصة الناطقة بلغة البارى.

سأسل لك عن معنى الإسم واجيبك إن امكن




سلامات

الاخ شول,

شغل ممتاز. بس لدى ملاحظة فى موضوع ترجمة اسماء الدينكا حرفيا. كل الاسماء فى الدينكا لديها معانى مجازية سوا اقترنت اسماء الافراد بالبيعة او بالوان ثيرانهم او حوادث معينة. فمثلا, اسم مبيور/ميار او يار, و الاخير فى حالة البنت, كلها مشتقة من اللون الابيض, و اللون الابيض يرمز الى السلام و الاحترام و الاعتزاز عند الدينكا حيث ان المقصود من إشتقاق الكلمة هو المعنى المجازى للون و ليس تكريما للثور. و فى المقابل, فان من عبر "The right of passage" الى مرحلة الرجولة "اضوينق" او مرحلة الفخر لا ينادى باسمه مباشرة, بل بلون ثوره المفضل. مثال, جدك دينق كوال اروب, فهو معروف بدينق مجوك, و هذا لقب و اللون مجوك (يختلف معنا و نطقا من مجوك الذى يعنى عوض) و فى هذه الحالة فان كلمة مجوك تقابله كلمة السيد بالعربية او Mr. بالانجليزية.

Quote: بالطبع عرفت ماذا تقصد تقصد وون أنى(عشيرة أنى) وهم من دينكا ملوال وأغنيتهم المشهور التى تقول: أشيلا ويل ويل أشيلا ويل ويل تونق مكواج دا اكييج ريوج ... ون أنى اكييج ريوج ...إلخ الأغنية وهى أغنية حماسية تغنى فى وقت الحروبات كمورال للمقاتلين وهم بالفعل مقاتلون شرسون.

الرائع شول
فعلاً انا اعني ال وون اني وبالفعل يمتازون بالشجاعة والكرم وكنا نلعب مع ابناءهم يالها من ذكريات وأدتها الحروب اللعينة وأظن أن بعض من ترجمة هذه الاغنية المميزة نصاً ولحنا - اتمنى أن تغنيها فرقة كواتو - تتحدث عن الحماسة والشجاعة التي يمتازون بها وها هم يتفاخرون بنسبهم وحسبهم وبأسهم في القتال فوون أني لا يهابون الموت يا ما اروعهم هؤلاء الوون اني وشكراً لك كثير على التوضيح المميز

Quote: التحية لك أخى وأرجو ان لا تحمل كلامى ما لا يحتمله أو على الأقل ما لم أقصده فالزيجات التى تمت فى السبعينيات لم تكن هناك زيجات تمت بالغصب أو بالإكراه وأعلم ذلك جيداً فلك محبتى وتقديرى وإعتذارى.

أخي شول انا هنا قصدت المصادفة فقط ليس الا ونحن لولا هذه الحروب الشائهة لكنا اقرب جاريين في العادات والتقاليد وانا اعرف الكثير المشرق في حياة الدينكا ولعل الدينكا من اعظم قبائل السودان وانضرهم واوفاهم لك التحية

Quote: الاخ شول, شغل ممتاز. بس لدى ملاحظة فى موضوع ترجمة اسماء الدينكا حرفيا. كل الاسماء فى الدينكا لديها معانى مجازية سوا اقترنت اسماء الافراد بالبيعة او بالوان ثيرانهم او حوادث معينة. فمثلا, اسم مبيور/ميار او يار, و الاخير فى حالة البنت, كلها مشتقة من اللون الابيض, و اللون الابيض يرمز الى السلام و الاحترام و الاعتزاز عند الدينكا حيث ان المقصود من إشتقاق الكلمة هو المعنى المجازى للون و ليس تكريما للثور. و فى المقابل, فان من عبر "The right of passage" الى مرحلة الرجولة "اضوينق" او مرحلة الفخر لا ينادى باسمه مباشرة, بل بلون ثوره المفضل. مثال, جدك دينق كوال اروب, فهو معروف بدينق مجوك, و هذا لقب و اللون مجوك (يختلف معنا و نطقا من مجوك الذى يعنى عوض) و فى هذه الحالة فان كلمة مجوك تقابله كلمة السيد بالعربية او Mr. بالانجليزية.

good point

Quote: الرائع شول فعلاً انا اعني ال وون اني وبالفعل يمتازون بالشجاعة والكرم وكنا نلعب مع ابناءهم يالها من ذكريات وأدتها الحروب اللعينة وأظن أن بعض من ترجمة هذه الاغنية المميزة نصاً ولحنا - اتمنى أن تغنيها فرقة كواتو - تتحدث عن الحماسة والشجاعة التي يمتازون بها وها هم يتفاخرون بنسبهم وحسبهم وبأسهم في القتال فوون أني لا يهابون الموت يا ما اروعهم هؤلاء الوون اني وشكراً لك كثير على التوضيح المميز Quote: التحية لك أخى وأرجو ان لا تحمل كلامى ما لا يحتمله أو على الأقل ما لم أقصده فالزيجات التى تمت فى السبعينيات لم تكن هناك زيجات تمت بالغصب أو بالإكراه وأعلم ذلك جيداً فلك محبتى وتقديرى وإعتذارى. أخي شول انا هنا قصدت المصادفة فقط ليس الا ونحن لولا هذه الحروب الشائهة لكنا اقرب جاريين في العادات والتقاليد وانا اعرف الكثير المشرق في حياة الدينكا ولعل الدينكا من اعظم قبائل السودان وانضرهم واوفاهم لك التحية

thanks


up

شول الظاهر تقلت النومة
ونحن قاعدين نفتش في البوست
لقيناه حاتل في آخر التانية
بالله نوم بدري واصحى بدري

أها واصل من هنا

http://www.omniglot.com/writing/dinka.php

http://dinkalanguage.blogspot.com/

http://www.worldcat.org/search?q=su%3ADinka+language+Di...lish.&qt=hot_subject

طالعنا جانبا من هذا البوست بالمحلق الثقافى لصحيفه السودانى الصادره اليوم بالخرطوم الجمعه 16/10/2009 والذى يشرف عليه الاستاذ احمد طه ويبدو ان ذلك ادراكا لقيمه هذا البوست العلميه وقد تم الاشاره الى المصدر واسك الكاتب.
لاحظت تشابه طقوس واسلوب التسميه عند الدينكا بطقوس ذلك عند بعض القبائل النيجيريه كاليوربا والايبو تحديدا الى جانب قبيله الكيويو الكينيه وقبيله النوبه بكردفان تحيه لصاحب البوست على هذا المجهود المعرفى الذى يماثل بدرجه ما جهود العلامه فرانسيس مدينق دينق مجوك الذى كتب بالانجليزى عن بعض جوانب قبيله الدينكا كذلك جهود الاستاذ محمد كافى الى وثق للكجور عند النوبه:
ارجو من صاحب البوست حمايه الملكيه الفكريه لمجهوده الحاذق وتوثيق ذلك البوست ومحتواها عند جهه قانونيه كى لايتعرض مجهوده القيم لسرقه اسفيريه اوعلميه الامر الذى حدث مع الكثير من المواد المنشوره اسفيريا والتى تمتماز بمستوى علمى رصين

مكرر مع المعذره

أحمد ، شول
من خلال متابعتي للبوست أعتقد أن جهد كبير قد بذل في هذه المادة ، لذا أتفق مع رأي الأخ أحمد أن يقوم العزيز شول بتنظيم هذه المادة وتبويبها في شكل دراسة يمكن أن تنشر في وسائل الإعلام المختلفة أو عن طريق دار نشر ويمكنني مساعدة الأخ شول في مسألة النشر في كتاب ...

Quote: الحيوان دا .. إسمو الدربان .. أو أبون دربان بلغة البقارة .. فى أمريكا إسمه Skung

ابو دربان بتاعك دى او skung ما عنده علاقة بشير و ان كان الدينكا يطلقوا على الحقير و الخبيث و الجبان ب كى بولى, و يعنى ال skung.

****

****