Post: #1 Title: أنا حاولت أنساكـ Author: خدر Date: 10-30-2009, 04:12 AM Parent: #0
___ حاولت أنساكـ شِعر أحمد محمد الشيخ الجاغريو الحان و غناء أحمد محمد بركات المصطفي ___ أداء طارق ابوعبيدة ساكسفون ع.الرحمن حمدالنيل م.إستوديو جمال سـعيد
Post: #2 Title: Re: أنا حاولت أنساكـ Author: سلمى الشيخ سلامة Date: 10-30-2009, 04:34 AM Parent: #1
اسجع مع القمرى اسجع ياخ الله يطول عمرك ويخليك اغنية ما سمعتها بهذا الجمال قط لك الانحناء والتقدير لك ندى الايام القادمة
سجلت ليك حبى بث
Post: #3 Title: Re: أنا حاولت أنساكـ Author: هواري نمر Date: 10-30-2009, 04:39 AM Parent: #2
مولانا يا فنـــــــان الله يعلم..ما سامع شئ!
احنا ناس القوقل كروووووم.. شوف لينا طريقة .. شان نستمتع مع السامعين المستمتعين ...
Post: #4 Title: Re: أنا حاولت أنساكـ Author: محمد عثمان Date: 10-30-2009, 06:19 AM Parent: #3
خدر يا فنان..
شغل جميل جدا و طرب حد الثماله..
ياخى ربنا يديك العافيه..
Post: #24 Title: Re: أنا حاولت أنساكـ Author: خدر Date: 11-02-2009, 09:06 AM Parent: #4
شكرا يا محمد عثمان شكرا كتير .. الفضل لي شيخنا الجاغريو من قبل و من بعد
شكرا يا سومة و شكرا احمد المصطفي و الجاغريو المرقوك من بياتكـ
Post: #5 Title: Re: أنا حاولت أنساكـ Author: محمد عثمان Date: 10-30-2009, 06:25 AM Parent: #3
خدر يا فنان..
شغل جميل جدا و طرب حد الثماله..
ياخى ربنا يديك العافيه..
Post: #6 Title: Re: أنا حاولت أنساكـ Author: soma Date: 10-30-2009, 08:48 AM Parent: #5
جميــــل يا طارق تحياتى
Post: #7 Title: Re: أنا حاولت أنساكـ Author: 3mk-Tango Date: 10-30-2009, 09:47 AM Parent: #6
الاهداء الي الاخ اسامه مامون واحمد مامون
وذكري يوم في ابو ظبي ونحن نستمع الي تسجيلات طارق ابوعبيده ونتناقش حول الاغاني والمغني .
من هنا انا بقول لي اسامه هذا دليلي في هذا البوست .
ابوخالد .. يوم شكرك ما يجي ان شاء الله .
Post: #8 Title: Re: أنا حاولت أنساكـ Author: مدثر قرجاج Date: 10-30-2009, 09:56 AM Parent: #7
حلوة وجميله وغناء العميد كلو حلو مودتى
Post: #26 Title: Re: أنا حاولت أنساكـ Author: خدر Date: 11-02-2009, 09:31 AM Parent: #8
تنقو يا فنان اولا ليكـ وحشة و تانيا انا حاسي انو اسامة مامون ده كان ضدي وانت اسه ختيتها ليهو بالثابتة و قول ليهو طارق قال ليكـ انا جاييكـ قريب في ابوظبي و الحشاش يملا شبكتو مالكـ مختفي يازول .. اظهر ياتنقو الدنيا ملحوقة
قرجاج تشكرات كتيرة يا فنان ياخي العميد زاتو حلو خليكـ من غناهو
Post: #23 Title: Re: أنا حاولت أنساكـ Author: خدر Date: 11-02-2009, 09:03 AM Parent: #3
سلوم يا فنانة شكرا علي التقريظ من ناقد حصيف زيكـ ســــؤال هل حا اقدر الاقيكـ في زيارة واشنطون الشهر الجايي ؟
هواري نمر خليني اعافرها ليكـ يمكن تسمع و بالعدم تكون طالبني ليها في واشنطون إنشاء الله بالعود في البيت
Post: #9 Title: Re: أنا حاولت أنساكـ Author: انعام عبد الحفيظ Date: 10-30-2009, 02:10 PM Parent: #1
وريني كيف أنساك
Post: #10 Title: Re: أنا حاولت أنساكـ Author: rosemen osman Date: 10-30-2009, 02:19 PM Parent: #9
شكرا يا خدر .. آداء جميل جدا..
Post: #11 Title: Re: أنا حاولت أنساكـ Author: Adil Isaac Date: 10-30-2009, 04:00 PM Parent: #10
يا سلام يا طارق ماستر بيس....و إلى الأمام..
عادل
Post: #27 Title: Re: أنا حاولت أنساكـ Author: خدر Date: 11-02-2009, 09:34 AM Parent: #10
نعوم نهائي مافي طريقة سيكـ سيكـ
شكرا يا روز شكرا يا فنانة
Post: #12 Title: Re: أنا حاولت أنساكـ Author: ASHRAF TAHA Date: 10-30-2009, 04:13 PM Parent: #1
خدر يا طارق الخضر يديك العافية
Post: #29 Title: Re: أنا حاولت أنساكـ Author: خدر Date: 11-02-2009, 09:39 AM Parent: #12
دكتور عادل الجاغريو و احمد المصطفي في كل اعمالهم كانو ماستر بيس تشكرات علي الاطراء يا صاحب و حتي نلتقي قريبا
ويديكـ يا اشرف طة و التمنيات بكل جميل ليكـ
Post: #129 Title: Re: أنا حاولت أنساكـ Author: ASHRAF TAHA Date: 11-26-2009, 04:26 PM Parent: #12
*
Post: #13 Title: Re: أنا حاولت أنساكـ Author: salah ismail Date: 10-30-2009, 04:37 PM Parent: #1
وريني كيف الحي بودع روحوا
كان اللحن يجد من صوتك الملائكي الينا الطريق بعد كل هذه الاعوام لاول مرة يا ساحر الالحان عطفك بنا...يا خدر
يا ابوي البكا دا كملناهو وحياتك , خاصه انو سيد الاسم بيريدك شديد .. كصوت .. وكزول .. ساااي كده (موده اسفيريه ) ..!!
تحياتي يا صاحب .. كن بخير وسلم لي على روحك في الاعالي ...
Post: #15 Title: Re: أنا حاولت أنساكـ Author: Adam D.El-Asha Date: 10-30-2009, 05:52 PM Parent: #14
ياطارق
سلام ياوريف ...صوتك موغل حدي الدهشة..وأصابنا العشق مذ الوتر الداخل في القلب حياة..
تجرأناعسي أن نمتلك لك تسجيل يحيل ضباب الغربة لون وردي ...وطاردناك في الأسافير.. المسنجر ..الفيس بوك والوعد أن...عموما معليش
الله غالب.
معزتي
آدم العشا
Post: #16 Title: Re: أنا حاولت أنساكـ Author: الرشيد ابراهيم احمد Date: 10-30-2009, 07:06 PM Parent: #15
انت جميل يا خدر قلتها وساقولها انت جميل ياطارق
Post: #17 Title: Re: أنا حاولت أنساكـ Author: عبد الرحمن حمد النيل Date: 10-31-2009, 03:20 PM Parent: #16
حاولت انساك هي امتداد لقصيدة طار قلبي مني فبعد تاليف طار قلبي مني طلب منه اصحابه ان ينسي هذه الفتاة لانها تزوجت وعلي الفور الف حاولت انساك. لنا عوده للجاغريو
تسلم ياطارق
Post: #18 Title: Re: أنا حاولت أنساكـ Author: Mustafa Mahmoud Date: 10-31-2009, 06:50 PM Parent: #17
جميــــل يا طارق تحياتى
Post: #19 Title: Re: أنا حاولت أنساكـ Author: طارق عمر مكاوي Date: 10-31-2009, 07:34 PM Parent: #18
يا اا قدر شنو انت فنان رائع ! اراهــن انو في مصطفي جديد قادم !
وقول ودبيناوي قال بعد كدة لو قلت ما داير اغني والله ما قصرت تب
وانا حقي اخدتو في الغنية دي
والله بالجد ابداع ابداع
خالص ودي
Post: #22 Title: Re: أنا حاولت أنساكـ Author: الخير محمد عوض Date: 11-01-2009, 09:19 PM Parent: #21
مولانا خضـر
اطربني هذا الاداء ايما طرب... اداء متمكن ورايق وانيق وبصراحة اعجز لساني اللهو ( كي بوردي) في وصف الحالة التطريبية التي توغلت عظمي وانا استمع لك يا طارق يا فنان يا فنان يا فنان......... لك الجمال محل ما قبلت يا زول.
Post: #25 Title: Re: أنا حاولت أنساكـ Author: الجندرية Date: 11-02-2009, 09:08 AM Parent: #22
طالباك بالنبي يا خدر بعد ما الضيوف يمشو كان ما ختيت لي لنك الحفظ كيتن كدي على ود العجمي واحتياطاً كدا رسلها لي في الايميل
Post: #28 Title: Re: أنا حاولت أنساكـ Author: ابو جهينة Date: 11-02-2009, 09:37 AM Parent: #25
الله يديك العافية يا طارق أداء ممتع كعادتك
Post: #30 Title: Re: أنا حاولت أنساكـ Author: awad okasha Date: 11-02-2009, 09:43 AM Parent: #25
تسلم يا زول يا مبدع ... طلب خاص يا خدر ... لنك الحفظ بتاع قسيم الريد ... وحاة ربي لي هسه معذباني ...
Post: #31 Title: Re: أنا حاولت أنساكـ Author: Ashraf el-Halabi Date: 11-02-2009, 09:46 AM Parent: #30
صوت ينز تطريب وصاحبه ذكي وعارف كيف ويعني شنو غنا يا زول انت خسارة في الغربة ياخي ما ترجع البلد وتقلع المايك من السخلان الشرطوا طبلة أضانا ديل!
Post: #39 Title: Re: أنا حاولت أنساكـ Author: خدر Date: 11-02-2009, 11:51 AM Parent: #30
جلال داوود طلتكـ مفرحة يا صاحب شكرا كتير يا فنان
عوض عكاشة حاضرين يا سيدي يصلكـ و يجدك بخير
Post: #35 Title: Re: أنا حاولت أنساكـ Author: Emad Abdulla Date: 11-02-2009, 09:58 AM Parent: #25
قلتها ليك ..كل السمعتو منك كوم ، و النصيبة دي كوم براهو .. و حسك !! .. إنا لله .. حسك مطرّق بشنو يا ود اللزينا ؟ .. أمي تغنيها بطعم .. هذه الغنوة القاهرة ، .. و أحمد المصطفي بطعم و محمد سعد بطعم و صلاح عبدالله بطعم .. لكنك سبكتها يا صاحب ، كاملة النكهة و البهار .. و المزيكة دي شنو المعاك دي ؟ ليه حزنها أكبر من حزن الغنوة الأصلية ؟ تكون عشان آلات وحيدة يا ربي ؟ عود فرادي .. و ساكس مليان وحشة ؟ بتجي من وين شحنة الحاجات الجبتها مع الغنوة دي و غملتها جوه حسك ؟ تعرف في ليلك داك السمعتني ليها .. سبيت ليك و كبست و النوم راح شمار في مرقة . و مش تلفوني البيجيب المحازن آخر الليالي ده .. !! بجدعو .
...... اتذكرت الحجوة يا صاحب ، و الغول الكيشة : مريم مريم .. محمد أخوكي و د امك و ابوكي افتحيلي الباب : تقوم مريم تقول ليهو : أمشي .. حسك حس حمار ، حس اخوي انا الجرس النقّار . حسك نقّار يا اخوي .. الله يجهجهك زي ده طوالي .
اشرف ياخي في اصوات كتيرة برضو في السودان بتعرف الغنا و بتعرف تغني وانا قلت ليكـ قبل ده .. مافيني حيل لي ملاواة مِحن السودان الفنية و حبايلها
ود التوم .. يا صاحب حليل زمن الفنان بّسمع العارفين غناهو قبل ما يمرقو للناس اريت جيلي ده يقدر يواصل التقليد المفيد ده تعرف لمن سمعتك طرف الاغنية و انت اتشهدت و حكيت قصة امنا مع الغنية و كيف كانت بتغنيها .. اسقط في يدي وانت سيد العارفين سيرة الامات بتسوي فيني شنو النبي فيكـ شفتهن بغنن حلو كيف !؟ بدون معهد مزيكة او إتحاد فنانيين الله يرحمن و يديهن العافية
Post: #38 Title: Re: أنا حاولت أنساكـ Author: خدر Date: 11-02-2009, 11:49 AM Parent: #25
الخير عوض سلامة لسانكـ (كيبوردكـ ) من العجز وانت قايل البفرحك ده جاي مني !؟ يازول انا حي الله ناقل و ناقل الفرح ماهو فارح اللهم ارحم مطربينا العميد و الجاغريو وشكرا علي المديح الذي لا استحقه يا صاحب
اماني والله ضحكتني الضيوف يمشوا دي حاضر يا ستنا .. تصلكـ بخير
Post: #37 Title: Re: أنا حاولت أنساكـ Author: خدر Date: 11-02-2009, 11:20 AM Parent: #21
طارق مكاوي اخجبتني يا راجل شكرا كتير
بيناوي ليكـ علي احييهو ليكـ واديهو ليك بونيه كمان
Post: #34 Title: Re: أنا حاولت أنساكـ Author: خدر Date: 11-02-2009, 09:53 AM Parent: #18
ع.الرحمن الرجاء رفد البوست بسيرة الجاغريو يا صاحب لكل من يهمه الامر .. المواكن اعلاه هو نفسه عازف الساكسفون في الاغنية
دكتور محمود شكرا علي الورد يا راقي و نلتقي في 21 نوفمبر لنحتفل
Post: #33 Title: Re: أنا حاولت أنساكـ Author: خدر Date: 11-02-2009, 09:50 AM Parent: #16
ادم العشا والله وشي منكـ في الارض خجلان و ماعارف اقول شنو و ارمي اللوم علي منو علي الزمن الممحوق ولا علي الظروف الضاغطة ولا علي طرطشتي امسحها لي يا العشا في وشي و خليني اتشجع تاني و احاول ارسل ليكـ سي دي جديد بإحتفائكـ بي مجهودي القليل ده اكرر اعتذاري
الرشيد ابراهيم الحمدلله الذي سخر لنا هذا و شكرا لي كلماتكـ الجميلات
Post: #32 Title: Re: أنا حاولت أنساكـ Author: خدر Date: 11-02-2009, 09:46 AM Parent: #14
صلاح اسمعيل سلامات و تشكرات يا فنان مالقيت منكـ مسنجر يا صلاح يبدو انو كان عندك مشكلة في الارسال منتظر مسنجركـ من جديد
دلوش الجاغريو كتب الاغنية دي بعد اغنية (طار قلبي) يحكي الرواة يا داليا انو الجاغريو مشي النيل الازرق يجيب قروش عشان يتقدم لخطبة و زواج معشوقتو لمن رجع و لحظو العاثر .. رجع يوم زفافها علي فارس آخر فكتب (طار قلبي) وامتدت به الايام و الاصدقاء يلحون عليه لنسيانها فكتب لهم و لها و لنا حاولت انساكـ الجاغريو يا داليا في حبو كان فارس و في حزنو برضو فارس
Post: #36 Title: Re: أنا حاولت أنساكـ Author: محمد مكى محمد Date: 11-02-2009, 10:04 AM Parent: #32
Quote: بيناوي ليكـ علي احييهو ليكـ واديهو ليك بونيه كمان
بالجد الحركة الكنت عايزا منك صعبة عليك شديد لاني كنت عايز تعضيهو في اضانو
خالص الود
Post: #43 Title: Re: أنا حاولت أنساكـ Author: Osman Musa Date: 11-02-2009, 05:34 PM Parent: #42
خدر . يا خدر خاف الله فى الناس دى . ... حاولت أنساك . الجاغريو . الجاغريو دا شاعر غزل ومن المتيمين من جهات العيلفون . يقال يا خدر أن الجاغريو قد نشأ مع أنساك تلك . وكبرت فحجبها أبوها عنه فهام على وجهه يبكينا بمثل تلك الأشعار . شوالين سلامات
Post: #45 Title: Re: أنا حاولت أنساكـ Author: Osman Musa Date: 11-02-2009, 07:54 PM Parent: #44
الجاغريو
الشاعر الفذ الذي ولد بمدينة العيلفون في 1/1/1910م. واسمه (أحمد محمد الشيخ) والجاغريو لقب أطلقه عليه أحد أصدقائه يدعى حسن مضوي على أحد أبطال السينما آنذاك.. درس بخلوة الفكي الأمين وعمره (11) سنة وكان وقتها ينظم أجمل الأشعار، وأول نص غنائي كتبه العام 4391 باسم (جاهل نفورك) تغنى بها كرومة.. ثم أغنية (زهوري اليانعة) التي كتبها بحي السجانة العام 1936في صبية عمرها (11) سنة.. تنقل بين عدة مدن ومنها الدبيبة، وتوتي، وبري المحس، وعمل بالتجارة بين كوستي ووادي سيدنا وأخذ من كل هذه البيئات أشعاره الرائعة. تغنى له عمالقة الغناء بالسودان مثل عميد الفن السوداني أحمد المصطفى (52) أغنية وكان أول عمل مشترك هو «حبيبي أنا فرحان» التي أهداها الشاعر لأحمد المصطفى في يوم زواجه.. كما تغنى له مبارك حسن بركات بـ (200) أغنية أولها «هجروك حبي» وأيضاً تغنى له من الشباب ياسر تمتام، وفرفور وغيرهما.. كان الجاغريو ذا صوت جميل وله إلبوم بصوته يعزف له أحمد المصطفى بالعود إذ أنه بدأ يغني «بالرق» وكان يتميز بفن «الدوبيت». في العام 1969توقف النهر عن الإنسياب وتوفي الجاغريو وهو يلقي قصيدة بمناسبة الاستقلال.
Post: #46 Title: Re: أنا حاولت أنساكـ Author: خدر Date: 11-03-2009, 09:19 AM Parent: #43
Quote: لاني كنت عايز تعضيهو في اضانو
عثمان موسي سلامات تعددت الروايات يا صاحب الحقيقة لن نجدها إلا عند اقرب الاقربين لكن نحن كفانا الغنا البمرق من اوجاع الفنانيين ديل و ذادنا انو نغني غناهم و نُحيي سيرتهم بين الناس شكرا يا صاحب
Post: #47 Title: Re: أنا حاولت أنساكـ Author: أسامة عبد الجليل Date: 11-03-2009, 10:00 AM Parent: #46
خدر.. أصبر لي.
إنت يا أم يسار تنجبري..
والله لمن خلتني أسنتت.
الزول دا تاني قام على جنو..
Post: #48 Title: Re: أنا حاولت أنساكـ Author: عبدالله وداعه الامين Date: 11-03-2009, 10:35 AM Parent: #47
شكرا طارق شكرا صانع الجمال والغنا الطاعم
مودتي ومحبتي لك حبيبنا طارق
متعة الغنا عندك ورب البيت يا حنين
Post: #49 Title: Re: أنا حاولت أنساكـ Author: عمران حسن صالح Date: 11-03-2009, 10:54 AM Parent: #47
Quote: و حسك !! .. إنا لله .. حسك مطرّق بشنو يا ود اللزينا ؟ .. أمي تغنيها بطعم .. هذه الغنوة القاهرة ، .. و أحمد المصطفي بطعم و محمد سعد بطعم و صلاح عبدالله بطعم .. لكنك سبكتها يا صاحب ، كاملة النكهة و البهار .. و المزيكة دي شنو المعاك دي ؟ ليه حزنها أكبر من حزن الغنوة الأصلية ؟ تكون عشان آلات وحيدة يا ربي ؟ عود فرادي .. و ساكس مليان وحشة ؟ بتجي من وين شحنة الحاجات الجبتها مع الغنوة دي و غملتها جوه حسك ؟
يا خدر يا صاحب .. تعرف انا من زمن محمد حسنين بجيبوا في الترددات الجديدة عشان يجربوها بسمع الغُنا حقنا ده .. زمان كل ما الإذاعة تفتح ليها تردد جديد لي ناس الأقاليم بيقوموا يغلوا أغاني بس .. وازيدكـ من الشعر ، أمي الله يديها العافيه لامن كنت طفل بتعلق الرادي بعيد مني وهي في المطبخ بتجهز ملاح الغدء ( طازه يومياً ) .. أها بتجي ترفع الصوت لامن يجي يغني سيد خليفة ولا أحمد المصطفى . يعني يا جميل غنانا بعرفو من زمن الإذاعة كانت بتتسمع في الأقاليم .. ورسخت أغاني البلد كلها .. طنبور ولا دلوكه .. الغريب في حالات الفرح الفجائية ديكـ بتلقاني أبدأ أدندن بدون مناسبه لي أحمد المصطفى .. يمكن راسخ في ذهني يوم موتو إنو أبوي بكى .. دموعو نزلت شوووووووووووووو واستغفر . .... وكلام عماد الفي الكوت فوق إضافه لتداعياتي دي ...
Quote: سبكتها يا صاحب ، كاملة النكهة و البهار ..
Post: #50 Title: Re: أنا حاولت أنساكـ Author: سارة كرودى Date: 11-03-2009, 11:29 AM Parent: #49
أنــا حـــاولــت أنســـاكـ
خدر .. ..
انشاءالله قدرته ولو قدرته بالله اجدع لينا الوصفة للفايدة العامة ... ..
لانو صف ال delete طويل
Post: #51 Title: Re: أنا حاولت أنساكـ Author: ياسر عبدالعزيز الطيب Date: 11-03-2009, 11:47 AM Parent: #50
أهـا أنـا وقفت في الصف ده برضو ياأبو لقـاء وخالد ومستني الكوته حقتي. (تلفزيــون)
اتنين بس يامفتري!!!!! تديهم لنسيبتك ان شاء الله.
التعديل لإضافة الإحتجاج
Post: #52 Title: Re: أنا حاولت أنساكـ Author: الملك Date: 11-03-2009, 12:10 PM Parent: #51
إتصرف فى طريقة عشان انا احفظ الأغنية دى عندى,,,
عشان ما أحاول انساك
Post: #53 Title: Re: أنا حاولت أنساكـ Author: داليا حافظ Date: 11-03-2009, 12:36 PM Parent: #52
سارة كرودي خلاص دايرين تطلعوا فيني إشاعات موش !! الما قادر ينسي شيخنا الرقيق الجاغريو انا والله ناااااسي و العذاب زاتو ولا قاسي انتو يا جيل الفيس بوكـ جاهزين بالاستيكة خلاص سهر الليل و البكا و الدموع الدش قرضهم ؟
يا يويو يا تلفزيون قش خشمكـ و احمد سيدكـ والله ديل ذاتهم لو ما هرشتني الصباح ما كانو وصلوكـ بي هينة حاكم اخوكـ انت عارفو ما بجي إلا بالهرش
عبدالله وداعة ورب البيت انتو و الجاغريو و العميد جميلين و تطمنوا الواحد علي بلدو و روحو و ناسو شكرا عبدالله
عارف يا عمران يوم وفاة العميد انا كنت في لندن لحضور خطوبة صديق سمعت الخبر بعد نهاية إجرأت الخطوبة مباشرة و تعال شوف البكي و النخجي ياخي ناس المناسبة كانو قايلنو عمي قلت ليهم .. العم ده إلا اخو الوالد يا ناس !؟ ياخي انا بكيت كترة فنانيين في الغربة دي و كل بسبب مباراة الرادي من انا صغير زيكـ كدي
جود يا سمير الروح تسلم يا حبوب ما قصرت...اول مرة تقع عيني علي البوست ده
فتشنا رابط الحفظ ما لقيناه عارفك غتيت شوية في حكاية الرابط الداير يحفظ يـ حفظ من هنا وخلاص
Post: #60 Title: Re: أنا حاولت أنساكـ Author: عمران حسن صالح Date: 11-03-2009, 08:11 PM Parent: #59
لأني سالمتـــــــــــــــــــو ... إنا لله .. سماحه غريبة .. حنان الصوت وجمال الغنا معليش يا خدر الزول السمح ده يجي ويقعد معاكـ صوت وصورة ..
يا ربي فرحـــوا زي ما فرحنا يا رب
Post: #61 Title: Re: أنا حاولت أنساكـ Author: جمال سعيد Date: 11-03-2009, 09:48 PM Parent: #60
Quote: م.إستوديو جمال سـعيد
خدر الفنان سلامات وممتعنا كالعادة.. اها يا عبدالرحمن صدقت كلامى والا لا... ان شاء الله الجميع فى انتظار البوم كامل للاخ طارق نحن الان فى تشاور وورش واختبارات (اها يا طارق تمشى وين تانى انا وعدت الناس على لسانك...) دى كانت واحدة من الترشيحات تم تقديمها باحساس عالى وتطريب غير طبيعى كعادة هذا الخدر الفنان. لكن شايف طارق ابت نفسه الا ان يشارككم المتعه ومايحرمكم من هذا العمل الكبير اصلا من نظمة كاشعار وتلحين واداء.
انتظرونا فى رحاب اخر مع الرائع خدر وسوف نعود قريبا ومعانا الالبوم كااامل
عبدالرحمنحمد النيل (راستا) شغلك مريح جدا ماتمشى بعيد بالله... الود والاحترام جمال سعيد
Post: #62 Title: Re: أنا حاولت أنساكـ Author: Ishraga Mustafa Date: 11-03-2009, 11:16 PM Parent: #61
حاولت... ح ؤ ل ت
وكلما تقرب تصل الميز تقوم تسمع خدر وليلها يبقّ من تانى
-------- توبى يا صاحبتى وماتسمعى للجنون ده عشان ماتنفتح عليك طاقة الحنين
طروق كيفنك ابوي إنت آآآآطارق آآبتخاف الله فينا مالك إنت يا جنى قالولك نحن فضل فينا قلبا قدر دة وحات الله رقدنا خل ضُمة ضُمة
Post: #64 Title: Re: أنا حاولت أنساكـ Author: عمران حسن صالح Date: 11-04-2009, 08:30 AM Parent: #63
<>
Post: #65 Title: Re: أنا حاولت أنساكـ Author: طارق جبريل Date: 11-04-2009, 11:45 AM Parent: #64
الله يا ابو الطروق ياخي
Post: #68 Title: Re: أنا حاولت أنساكـ Author: خدر Date: 11-04-2009, 11:58 AM Parent: #63
يا ستنا انت و صاحبتكـ هينات انا البفكني من الحنين ده شنو الله ينعل الغربة و يقطع طاريها سلامي ليكن يا صاحبات
طارق جبرين والله يا طارق صدقت فترنا من النخجي تعالو نرجع كلنا يا ناس ما فترتوا يا طارق من الغربة دي !؟
Post: #67 Title: Re: أنا حاولت أنساكـ Author: خدر Date: 11-04-2009, 11:55 AM Parent: #61
شكرا يا عمران علي الفيديو و يارب ارحمهم و فرحهم زي ما فرحونا
ابشر يا جمال و شكرا لكل مساعداتكـ في إنجاز العمل و معاكـ علي الوعد بـ سي دي منوعات كامل عبدالرحمن شكلو قلبو مقطوع لحدي اسه من البروفات الحاره نلتقي للتنسيق يا صاحب و عبدالرحمن خليهو لي شكرا تاني كتير يا حلو
Post: #66 Title: Re: أنا حاولت أنساكـ Author: خدر Date: 11-04-2009, 11:50 AM Parent: #59
نادوس يا عبدالجليل خبر جميل ان انت هنا و هل من عودة هل .. قول يارب
بوبا مشتاقين كتير يا .. (يا الطال غيابكـ سنة و زيادة)
Post: #75 Title: Re: أنا حاولت أنساكـ Author: محمد المرتضى حامد Date: 11-04-2009, 03:01 PM Parent: #74
خدر السمح، يا خدر الأغنية دي تحديدا ترتبط لي بذكرى إنسان عزيز ، إنسان كان يحب هذه الأغنية ويحب أحمد المصطفى بشكل لايقبل المساومة، الزول دا مشى يا خدر وترك لي حبه وما كان يحبه ، أمانه وزاد، بقيت كلما ألاقي زول معه بعض ما ترك لي لا أملك ، دون أن يكون لي الخيار، سوى أن أحب ذلك الزول، باعتقاد أن فيه بعض من الذي مشى. غنِّي يا خدر، غنِّي.
Quote: مره مره خته لينا حاجة بتاعت فرفشه يعنى ممكن الشريعة جات (الكيزان يمتنعون) لوووول
يا دوبكـ لميتي لينا الكيزان يا سرور ياخي ديل برقصوا علي كل السلالم و البكا ده هو الحاجة الوحيدة الخلوها لينا امسكي فيهو قوي قبل ما يتذكروهو و يجو يقلعوهو والله الوكت داكـ طارق جبريل إلا يطلع الشجرة
محمد المرتضي يا صاحب .. عجبتني في كتاب اسمو ليلة لشبونة قريتو زمان للكتاب الالماني ماريا ريماركـ .. فكرة انو في واحد فقد صديقو في الحرب العالمية التانية و ظل كل يوم يشرب نخبين واحد ليهو و آخر لصديقو الغائب فأشرب يا صديقي نخبي و نخبكـ و نخب صديقكـ الغائب و نخب الجاغريو وردد مع كل نخب وريني كيف أنساكـ أنا حِرت في أمري
Quote: والله الوكت داكـ طارق جبريل إلا يطلع الشجرة
ابو الطروق كل شي ولا النخجي دة يمين يمنعوه علي اتمرد وادخل الصحراء من البركل
Post: #79 Title: Re: أنا حاولت أنساكـ Author: كمال سالم Date: 11-04-2009, 09:47 PM Parent: #78
Quote: إنشاء الله نلتقي في نوفمبر في لندن
يازول ناس لندن ديل مش جيرانكم الهيطه بالهيطه ؟؟؟ ( أقسم بوجناتها ) نوفمبر ده لو ماجيتنا فى الدوحه ( حأحاول أنساك ) .
خدر ( النبى فيك ) كان ماقلت خير ,, أمنيتى فى الدنيا قبل ما أموت أقعد معاك ومع صوفيا لورين قبل ماتموت ! نسق معاى بالتلفون ( 009745901792 )
Post: #80 Title: Re: أنا حاولت أنساكـ Author: خدر Date: 11-05-2009, 08:14 AM Parent: #79
Quote: ابو الطروق كل شي ولا النخجي دة يمين يمنعوه علي اتمرد وادخل الصحراء من البركل
بتعملها انت والله
Quote: أمنيتى فى الدنيا قبل ما أموت أقعد معاك ومع صوفيا لورين قبل ماتموت !
عليكـ الله يا كمال سالم يا اخوي شفتها مُنفنسه و بتقدم في (ميل ستريب) في حفل الاوسكار كيف !؟ رغم كل السنين دي واقفة زي الاسد .. يا زول قطع شكـ بتقعد معاها كان الله مّد في الآجال .. نوم قفا اما فيما يخص العبد الفقير الي الله .. ياخي ما دايرة ليها موت و حياة انت قايلني صوفيا لورين ولا الخواجة هاورز .. اديكـ تلفون و اجيكـ و نتونس في الفانية دي .. شكرا يا كمال ياخي.
Post: #81 Title: Re: أنا حاولت أنساكـ Author: سارة كرودى Date: 11-05-2009, 09:54 AM Parent: #80
والله ياخدر اول يوم الليلة اسمع الغنية .. ..
شغلته افكارى يا حالى أحلامى .. ..
ياخدر بالغته
Post: #82 Title: Re: أنا حاولت أنساكـ Author: الرفاعي عبدالعاطي حجر Date: 11-05-2009, 10:16 AM Parent: #81
Quote: منذ زمن بعيد لم يدوزن أحد عصب روحي...
تعرف وانا بسمع حاولت انساك تذكرت فتعجبت طارق ابوعبيدة
يكتب بإسم خدر وما فهمت حاجة ؟؟؟ لكن مضيت فتذكرت في رابطة
اركويت زول لعاب وحريف كان لازم يكون غناي زي كدا بجد اطربتني
حد الشجن وتاني حاجة شفتك كثير في بيت ربيع عبدالماجد ايام ساورا
الاولى والحماس داك بعدها ما عدت ارجع فقد حملنا العناء الى موانئ
وشواطئ افتقدنا معها كل جميل ...يا ليالي زمان طارق ابوعبيدة زول
جميل ولابد ان يكون صاحب صوت اجمل تحياتي بجد وتقديري لهذا الاداء المدهش
والواثق ونقلة نوعية في طريقة اداء اعمالنا الفنية وايصالخا لمصاف راق كما
تبدعه انت تسلم ورحمات الله تتغشى الجاغريو والعميد احمد المصطفى الانيق في كل
شئ ... الرفاعي عبدالعاطي فريق الزهرة زماااان ومربع 56 برضو زماااان هسع مربع
جدة لو بالغت خالص كدا بتسمع زول يغني في غرفة تطمئن انو زول حيسمعك مافي تخيل ؟!.
Post: #83 Title: Re: أنا حاولت أنساكـ Author: سيف اليزل الماحي Date: 11-05-2009, 11:16 AM Parent: #82
.
.
Quote: عليكـ الله يا كمال سالم يا اخوي شفتها مُنفنسه و بتقدم في (ميل ستريب) في حفل الاوسكار كيف !؟ رغم كل السنين دي واقفة زي الاسد ..
.
بالله إنتو برضو مكسرين في الحاجه صوفيا لورين، عارف زماااااان كنا بنمشي مع الخيلان سينما النيل الأزرق ولمن ننوم برجعونا البيت ويرجعو للدور التاني، مره الفيلم كان فيهو صوفيا لورين بالله غلبني النوم كلو كلو .. ومن وقتها وكلما عبرت بخاطري تنورة صوفيا لورين و"فنستها" الأخاذة تلك، جافت عيوني النوم .. وأكل روحي زباب السهاد.
أتنين من مجانين جامعة الخرطوم، مشو لأشهر حسناء عرفتها الجامعة منذ تأسيسها وحتى الآن، فقالا لها: يا أستاذة إنت أي حاجة كملتيها عشان كده نحنا قررنا نوديك الحج!
حسي ما تباصرو لينا الحاجة صوفيا لورين نجيبها الحج .. ينوبكم ثواب؟
أما إذا دار محور سؤالك عن الأغنية .. أصلك تشحتف فينا ليك سنين، ولاترغب أن تستوي على الجادة في مسائل الغنا .. وأعرف أن بدنك يقشعر عندما يقال الفنان طارق أبوعبيدة لكن على قول واحد كان صاحبنا زمااااان: ماذا تصنع مع الصوت؟ ماذا تفعل مع الأغنيات؟
وتقول: مابخشى فيك رقيب مابهمني العاذل
الله .. الله يا طارق أنا ماعرفت إنو العواذل ديل أولاد ستين صرمة، إلا بعد ترديدك لهذا المقطع! وما عرفت بهدلة ومذلة لحقت بهم، إلا بعد هذا الشجو الصوتي المبين .. أدبهم يا طارق .. فكم رموا بنا في أتون المناديل .. وقلبو موازين أمورنا العاطفية .. الله لا كسبهم!
ياصاحب.. هذا الدواء لايخرج إلا من صيدليتك،
عملت ليك قرار صوتي، وبقيت تغني بالهمس ... ما بترجع البلد!
يا سيف اليزل جنكـ سينما و بنات من انت صغير واسه داير تتمها بي صوفيا لورين بقي منكـ خوف شكلكـ بكرة بتجيبها كبيييييرة
ود جبرالله ضرب لي قبل فترة بضحكـ .. قال لي .. بضحكـ في شكلك كل ما يقولوا الفنان طارق ابوعبيدة اها يا سيف سمعت ليكـ بي زول بخاف من اسمو ؟ ده انا دا . وانت اسه تجي تكتبها لي !؟ خاف الله يا وغد .. الدنيا قبائل عيد ياخي خليني في غناي لي روحي و بعض القريبين و بالكتير صديق عاوز يعرس او عازل معفن
و الاغنية السودانية دي انت قايلها قاعده راجياني قول ماشاء الله .. آخر زيارة للسودان دخلت شركة إنتاج لقيت كاسيتات اكتر من شعر اجعص خنفس في السبعينات والله بقيت افتش لي بادي محمد الطيب وسط جبال المغنيين الجدد .. حتي نفقت سحابة نهاري و لم اظفر ببادي تقول لي غنا !؟
اما ان دار محور سؤالكم عن العوازل و الجاغريو و ما اليه من الكلام الجميل فده عاوز ليهو بوستات كتيرة يا صاحب الحكي ما حا يكمل .. تحياتي يا صاحب و ما تغيب
Post: #91 Title: Re: أنا حاولت أنساكـ Author: انعام عبد الحفيظ Date: 11-05-2009, 09:05 PM Parent: #85
حاولت أنساك وقلبي زاد في جروحو ورّيني كيف الحي بودّع روحو وريني كيف أنساك أنا إحترت في أمري سجّلت ليك حبّي ووهبتو ليك عمري أقضي الليالي أنوح أسامر الأنجم واسجع مع القمري شغلت أفكاري يا حالي أحلامي في مسرحك يا ليل مثّلت أفلامي جود يا سمير الروح بي نظرة لا تظلمني خفّف لآلامي يا ساحر النظرات عطفك على الولهان حطّمت آمالي دون ذنب يا دا الآن أنا برضي بيك ولهان والحب يزيد تشديد وفراقي ليك كيف هان ما بتدري بي عذري أنا عمري ليك باذل ما بخشى فيك رقيب ما بهمّني العازل أقسم بوجناتك أنا ما ببادل بيك مهما تكون هازل
Post: #86 Title: Re: أنا حاولت أنساكـ Author: نجاة محمد بابكر Date: 11-05-2009, 12:38 PM Parent: #83
سرور شكرا يا جميلة و اعملي حسابكـ من نوع الاغاني دي بعوق .. بعيد عنكـ شكرا تاني علي الاستماع
حجر سلامات يا فنان شرف كبير الليلة تزورنا رغم الالتباس نص كلامكـ عني و نصو التاني عن صاحبي المطرب جدا (طارق مختار) و زميلي السابق في فرقة ساورا ايضا .. فعلا زي ما قلت هو بني ادم مُطرب جدا .. ادعي معاي ربكـ يبعدو من الزهج و الاحباط الفي السودان لجنة قتل الأغنيات /إلى متى لووول ضحكتني قصة الزهرة جدة و الغنا في الحمام شكرا يا حجر ياخي و ممنونين (طارق انا و طارق التاني) بالزيارة الجميلة و الذكريات
عبدالرحمن والله اسه احكي الباقي للشباب وبالمناسبة السبت لو ما جيت شيل شيلتكـ ساي ياهو حسكـ المشيول هنا ده
والله يا عمران انا ذاتي مشتهي فيكـ و نسة والبيت كبيييير يشيلك انت والاولاد و الجيران بس انت تعال عشان ما يبقي كلام منابر ساي انا برجع من واشنطون في يناير و الدعوة تصلك في فبرائر شيل شيلتكـ
والله يا خدر طارق ده طيب الكان راجيك تنزل وصلة الحفظ وصلة الحفظ ختيتا فوق انا في اول مداخلة يا طارق عشان تاني ما تتلفت في انزال اي غنية حمل البرنامج ده عندك http://applian.com/asktoolbar/download.php بعد ما تستبه تقوم تعمل ليه شورت كت في حتة قريبة اي اغنية شغالة او تسجيل صوتي شغال في الجهاز بقوم يسجلها ليك بنفس الجودة وبحفظها ليك ام بي ثري ينفع للتسجيل من اليوتيوب الاذاعات وممكن تقطع حلقة كاملة وتشيل منها المفيد وكدة وتنقل للام بي ثري للعربية بسهولة
هو بنزل كتول بار في الاكسبللور لو ضايقك شيله من الاكسبلورر واعمله شورت كت في سطح المكتب افتحه قبل تشغيل اي صوت واول ما الصوت يبدا حيسجل ليك اتومتكلي بلا ملكيه فكرية بلا سيديهات محمية من النسخ بلا للاستماع فقط
___ حاولت أنساكـ شِعر أحمد محمد الشيخ الجاغريو الحان و غناء أحمد محمد بركات المصطفي ___ أداء طارق ابوعبيدة ساكسفون ع.الرحمن حمدالنيل م.إستوديو جمال سـعيد
زينب التجاني شكرا ليكـ يا ستنا و شكرا لفريق الزقازيق جيت بي هناكـ و لقيتكم ماشاء الله ربنا يدم الود بيناتكم و تحتفلوا بالصفحة المليون
حيدرنا الاستاذ السر قدور فعلا عمل نقلة في فكرة برامج المنوعات في السودان .. فنان شامل و مؤثق من طراز فريد اتمني ان القيه و ربكـ يبعد العوارض و يقرب البعيد (اللي هو انا )
قمرنا انا بعملها بي total record و acoustica mp3 لكن برنامجكـ ده شكلو كويس رغم انو التسجيل عموما بضعف الكواليتي بتاع الفايل شكرا علي لنك الحفط و علي كل شي يا فنان
بكور يا سمندلاوي يا زول ابشر تب انا وعدت و انت عارف اخوكـ خليني ارجع من واشنطون و ترقبني بالكتير في نهاية يناير بكون معاكـ جهز (الحنينة) الشوق ليها و ليك مطر يا حبيب
Post: #113 Title: Re: أنا حاولت أنساكـ Author: Yassir Tayfour Date: 11-08-2009, 02:06 AM Parent: #106
مورتون ياخي ما تجهجهني معاكـ .. انا جاي جاي غالبا في فبرائر .. حفل اوسلو ساهل انا عاوز اجي و اعقد ليكـ طوالي نخلص منكـ و نديكـ لي شابة تمسككـ نلتقي قريبا يا صاحب
طيفور الوغد شكرا كتير يا حلو و متوقع الاقيكـ في حفل العيد في فرجينيا بالعدم الكرسماس في نيويوركـ و بالعدم راس السنة البيت الابيض .. المهم لازم نتلاقي يا وغد
Post: #107 Title: Re: أنا حاولت أنساكـ Author: عبد الرحمن حمد النيل Date: 11-07-2009, 07:28 PM Parent: #100
Quote: عبدالرحمن والله اسه احكي الباقي للشباب وبالمناسبة السبت لو ما جيت شيل شيلتكـ ساي ياهو حسكـ المشيول هنا ده
انا ماببادل بيك مهما تكون هازل
Post: #108 Title: Re: أنا حاولت أنساكـ Author: عبد الرحمن حمد النيل Date: 11-07-2009, 08:18 PM Parent: #107
Quote: وبالمناسبة السبت لو ما جيت شيل شيلتكـ ساي ياهو حسكـ المشيول هنا ده
تعرف ياطارق جيت من الشغل نمت نومه لمن ناس المقابر عشمو فيني .. بحاول اصلك قبل ماتسافر
Post: #109 Title: Re: أنا حاولت أنساكـ Author: منصور عبد الرازق Date: 11-07-2009, 11:10 PM Parent: #108
اما تساؤل الجاغريو المنطقى الذى جسده خدر (طارق ابو عبيدة) متسائلا , ورينى كيف الحى يودع روحو ؟؟ فقد حولنى لمستمع مستلذ وانا فى المكتب رغم اننى فى حالة استماعى فى المكتب فان اول ما تبحث عنه اصابعى بحكم الموقع هو زر الأسكات المؤقت وهذه حالة مكانية خاصة سمعها معى واستغرب لجرأتى المكانية , زملاء العمل وجيران المكتب ولكن بعض اللذة قادر على اكسابك جرأة غير معتادة تحصنك من العيون المستغربة ابدعت يا طارق ابو عبيدة فى بعثك الجديد لهكذا اغنية وبالمناسبة فان صديقى وجارى العزيز فى الصحافة قاسم محمد صالح عندما كنا سوية اسابيع قليلة مضت هنا فى الرياض وعندما اسنبدت به الأشواق , وانتصفت ليالى الرياض الموحشة ولم يجيب احمد عوض عجوز على تلفوناتنا المتلاحقة لسماع اغنية ما لجأ اليك باحثا عن طرب مفقود (ساعتها) واسهب فى الحديث عنك رابطا اياك بالطرب مرة وناسبا الطرب اليك (مرات) حتى اننا اتهمناه وزجرناه ولكن حاولت انساك هنا يا خدر جعلت من قاسم عندنا فى وضعية الأنتصار المتأخر ساتصل به فورا واؤمن على كل كلامه الذى قال وأزيد عليه اتهاما جديدا معاكسا فى الأتجاه وزائدا فى القوة بأن مقاييسه الطربية تحتاج الى تعديل او قل الى وزنة اضافية يا خدر حبيناك من قلوبنا واخترناك يا حلو اميرا طربيا جديدا ساعة نحتاج ووقت ما نهوى وما دام عرفنا الدرب واطاتك اصبحت معانا
والله يا منصور قدر ما اكتب ليكـ رد القاهو اقصر من كلامكـ اعلاه فياخي والله انا خجلان عديل من كرمكـ و عاجز عن شكرا قاسم اخوي ما بقصر عارفو , زول طريب و كريم .. بكرمكـ بي اغنية قبل ما تشرب البارد ربنا يدم الصحبة يا منصور و العِرفة و المعروف شكرا كتير
طروق قالوا البلقي دلع و مايتدلعش يبقي ... انا سعيد بي إحتفائهم بالاغنية والله شكرا ليك و ليهم يا فنان
الأصدقاء زوار البوست كل سنة و انتو طيبين و كل أيامكم أعياد و إعتذاري الشديد عن التاخر في الردود علي كلماتكم الجميلات بحقي و حق شيوخ الحقيبه العظام ، لهم الفضل فيما أتيتكم به من أنغام أسالكم الترحم عليهم والدعاء لهم بحق هذا العيد فلهم في عنقي و أعناقكم دين كبير ، جملو أيامنا و ساندونا ردحا من الوقت حين هجرتنا الحبيبات حملونا على على أجنحة كلماتهم و كم بكينا معهم
اللهم ارحمهم بحق عيدك الكريم
Post: #134 Title: Re: أنا حاولت أنساكـ Author: بله محمد الفاضل Date: 12-12-2009, 09:06 PM Parent: #133
رغم غياب الصورة والتي أعتبرها مكملة تماماً لغناء كهذا تصعد بالروح إلى أوج الشجن
كم أنت جميل جميل وجميل
محبتي وكل عام وأنت وأسرتك بخير وسعادة
Post: #135 Title: Re: أنا حاولت أنساكـ Author: Magdi Ahmed Elsheikh Date: 12-20-2009, 08:00 PM Parent: #99
ياسلام عليك ياخدوري....
حاولت أنساك وقلبي زاد في جروحو ورّيني كيف الحي بودّع روحو وريني كيف أنساك أنا إحترت في أمري سجّلت ليك حبّي ووهبتو ليك عمري أقضي الليالي أنوح أسامر الأنجم واسجع مع القمري شغلت أفكاري يا حالي أحلامي في مسرحك يا ليل مثّلت أفلامي جود يا سمير الروح بي نظرة لا تظلمني خفّف لآلامي يا ساحر النظرات عطفك على الولهان حطّمت آمالي دون ذنب يا دا الآن أنا برضي بيك ولهان والحب يزيد تشديد وفراقي ليك كيف هان ما بتدري بي عذري أنا عمري ليك باذل ما بخشى فيك رقيب ما بهمّني العازل أقسم بوجناتك أنا ما ببادل بيك مهما تكون هازل
Post: #136 Title: Re: أنا حاولت أنساكـ Author: انعام عبد الحفيظ Date: 02-15-2010, 10:12 PM Parent: #80
وانت اسه ختيتها ليهو بالثابتة
..
