Post: #1 Title: Tommy Time : لكل الامهات و الامهات (to be) Author: smart_ana2001 Date: 09-08-2009, 01:16 AM Parent: #0
البورد (ما شاء الله) مليان امهات ...و كل ام عندهاstyle معين فى العناية باطفالها و بتربيتهم مريم صحبتى و انا فكرنا فى فتح البوست و نرجو من كل الامهات و امهات المستقبل يساعدونا بالاراء و الافكار. البوست ما محصور على الامهات بس....انا شخصيا قبل ان يكون عندى اطفال كان عندى نظريات كتيرة فى تربية الاطفال.....و ما كنت ببخل على الامهات حولى بنصائحى اخترت التعبير Tommy Time (و يعنى وضع الطفل الرضيع على بطنه) لانه موجود فى كل الثقافات اللى سالت فيها عن الموضوع ده الحبوبات فى السودان بيقولوا للامهات الجداد ان يضعوا اطفالهم على بطونهم....و اخصائيين الاطفال بيوصوا بنفس الشئ. و اخترت التعبير لان معناه اتغير تماما فى العشرة سنوات الفاتت...الان اطباء الاطفال بيمنعوا نوم الاطفال على بطونهم تماما...و لكن بيوصوا ببعض الوقت على البطن ... لكن لازم الطفل يكون صاحى و شخص كبير بيراقبه طوال ما الطفل على بطنه.
Post: #2 Title: Re: Tommy Time : لكل الامهات و الامهات (to be) Author: مريم بنت الحسين Date: 09-08-2009, 10:03 AM Parent: #1
سمارت العزيزة.. أولا سلامة يوسف، وان شاء الله، وما يشوف شر.. والله يا سمارت تربية الاطفال ده في حد ذاته عالم كبير، والآراء فيه متضاربة لدرجة اني لما محمود اتولد، وبقى كل زول يديني نظرية، قفلت اضنيني من الكل، وقررت اتبع طريقتين.. اني اقرا عن الموضوع باستفاضة، اثقف نفسي، والشي التاني اني اتبع قلبي في الموضوع.. وفي النهاية، كل ما تجي واحده تقول لي ده ما بعملوه كده، ولا ده ما صاح، بقول ليها .. انت عشتي تجربتك في تربية ابنائك، خليني انا اعيش تجربتي كمان...
بعد اذنك يا سمارت، لو نخلي البوست ده لمناقشة issues فيها خلاف.. وانا ممكن ابدا بمثال لقيت فيه خلاف كبير..
الطفل اول ما يتولد، في المستشفى بتقوم الممرضات بلفّه بصورة قوية كده بقطعة قماش عريضة.. الطفل بكون فعلياً مكتّف.. وملفلف خمسين لفّه.. اللفه دي ما موجوده عندنا في السودان، او على الاقل لو حصلت في المستشفى ما بتستمر مع الام لما ترجع البيت... الفيديو ده بوضّح شكل من اشكال اللف.. قبل ما اواصل شرح عن الموضوع:
في البلدان العشنها فيها كلها، اللفه دي حاجه معروفه، ومفروغ منها.. وبتستمر مع الطفل لحدي ما يكمل شهره الاول... في الاردن لقيناها مسألة عادية.. في دول الخليج (الامارات، قطر، السعودية)... لكن لما محمود اتولد، وقريت عن الموضوع، اكتشفته انه في دول غربية بتعمل الحاجه دي.. وليها تاريخ قديم.. وعادة تعتبر صحية جداً.. انا الكنت بلاحظه على محمود انه بنوم نوم عميق لما ألفه كده.. وبهدأ.. وحتى لو صاحي، ما بكون متضايق... قريت في مكان ما، انه اللفه دي بتخلي الطفل يحس بالدفء لانه بكون حاسي بالبرد بعد الخروج من بطن امه.. المكان الدافي جداً، للخارج.. الحاجه التانية، انه الطفل بكون كل اطرافه ملمومه داخل بطن امه.. لما يطلع، بكون محتاج لنفس العصره ديك.. غير كده، الطفل في عمره الصغير داك، بكون صعب انه الام او الاب يقدروا يشيلوه.. اللفه دي بتخلي شيله ساهل... وما بتعب من شيل الناس.. وما بتعب الطفل منه هو زاتو... لانه الشيل للطفل مزعج جدا... بقولوا ليك انه اللفه دي بس لحدي ما يتم عمر شهر.. لانه بعدها الطفل بحتاج يحرك كرعينه ويدينه... طبعا ده الوجه المشرق للموضوع ده من ناحيتي انا، لسبب ما اي واحده قابلتها من امهاتنا السودانيات بتعترض على الطريقة دي.. وبتقول انه الطفل بتكتف بالشكل ده... رغم اني بشوف انه الطفل اول ما تبدي تلفيه كده، لو كان ببكي، طوالي بسكت.. لاحظوا للفيديو الختيته، موش الطفل هدأ لما الممرضة كملت اللف؟
المره الجايه، حأتكلم عن موضوع النوم بالليل.. وكيفية مساعدة الطفل من عمر صغير انه ينوم لوحده، من غير "لولي"...
Post: #3 Title: Re: Tommy Time : لكل الامهات و الامهات (to be) Author: Mohammed Elhaj Date: 09-08-2009, 12:08 PM Parent: #2
سلامات يا سمارت 2001 ويا مريم.. وآدي قعدة في البوست الظهرت ملامحو الجميلة من أول مداخلتين.. بوست موفق شديد :)
Post: #4 Title: Re: Tommy Time : لكل الامهات و الامهات (to be) Author: Deng Date: 09-08-2009, 01:32 PM Parent: #3
يا سمارت.
أنتي فتحتي روضة جديدة ولا شنوا ؟
Post: #5 Title: Re: Tommy Time : لكل الامهات و الامهات (to be) Author: smart_ana2001 Date: 09-08-2009, 05:39 PM Parent: #4
سلامات مريم... اللفليف بتاع الاطفال ده انا دخلت ليه Class عديل كده. و انا ذيك تماما اندهشت لما عرفت ان الثقافة دى ما عندنا فى السودان. من ال resources المفيده جدا للامهات (خاصة فى السنة الاولى) : 1- كتاب ..What to Expect the First Year http://www.amazon.com/What-Expect-First-Arlene-Eisenberg/dp/0894805770 2- الموقع ده : www.babycenter.com/ و انا كنت (و حتى الان) ذى مريم صحبتى....بفتش فى النت عشان اعرف الحاصل شنو...و بعد كده بشاور قلبى.
Post: #6 Title: Re: Tommy Time : لكل الامهات و الامهات (to be) Author: smart_ana2001 Date: 09-08-2009, 05:40 PM Parent: #5
محمد الحاج....شكرا جزيلا... انا و مريم دى ذى ما قالت ام صحبتى : اولادنا "اولاد الكتاب". ما بنسمع كلام زول مغمضين...لازم نقرا و نعرف و نفكر.
Post: #7 Title: Re: Tommy Time : لكل الامهات و الامهات (to be) Author: smart_ana2001 Date: 09-08-2009, 05:41 PM Parent: #6
ازيك يا دينق....اللى عندى فى البيت ديل ما براهم روضة? خلينى انا....انت ما ناوى حتى تعمل ليك وااحد? ميامى دى ما لقيت ليك فيها حاجه كده و لا كده???
Post: #8 Title: Re: Tommy Time : لكل الامهات و الامهات (to be) Author: smart_ana2001 Date: 09-08-2009, 06:23 PM Parent: #7
اظن ان اقتراح مريم بان البوست يكون على المواضيع اللى عليها خلاف (ذى الف) اقتراح جميل جدا. و بالصدفه كانت ان فاتحة البوست عن النوم على البطن. من المواضيع دى موضوع دعك فروة الراس. لما قلت لام صحبتى اللى زارتنا ان طفلى ( اللى عمره 20 يوم) بيحب جدا لما ادعك ليه راسه بالفرشة و الصابون...الخالة كانت ح تتوفى. "كيف تعملى كده?" ...."دى حكاية خطرة جدا"...." ما تعملى كده تانى". دعك فروة الراس بالفرشة و الصابون يوصى به دكاترة الاطفال...و ده بيمنع تراكم القشرة اللى بنشوفه فى اطفال السودانيين (كتير جدا). الفرشه عبارة عن فرشة ناعمة جدا جدا و مخصوصة لراس الطفل الرضيع*. و يجب استعمال صابون (شامبو خاص بالاطفال) و يا ريت لو كان خالى من المعطرات. و الدعك لازم يكون خفيف جدا...و يوصى به حوالى 3 مرات فى الاسبوع. فى السودان (حتى قبل سنوات...احتمال الموضوع اتغير الان) الموضوع ده من المحرمات. {ما تهبشى راس البيبى} ح اجيكم راجعة بموضوع استعمال بدرة الاطفال (بدرة التلك) ___________________________ * الالواح فى جمجمة الرضيع بتكون مفتوحة (اظن فى مكانين او تلاته فى الراس) و ذلك لتسهيل الولاده الطبيعية. و تقدم العمر بتقفل الالواح.
Post: #9 Title: Re: Tommy Time : لكل الامهات و الامهات (to be) Author: Kostawi Date: 09-08-2009, 06:30 PM Parent: #8
بالله مرة مرة إتكلموا لينا عن الدايبر و الماركات الخطيرة
يا حليل دايبر القماش.
Post: #10 Title: Re: Tommy Time : لكل الامهات و الامهات (to be) Author: مريم بنت الحسين Date: 09-08-2009, 06:40 PM Parent: #9
الملفات دي من research center تابع لجامعة Wisconsin.. بتفصل في كل شهر كيف نتعامل مع الطفل، ونتوقع شنو في كل شهر.. انا كنت بنزلها في بداية كل شهر، واقعد اقرا.. واراجعها اكتر من مره خلال الشهر.. الجميل انها بطمئن الأم على تطور طفلها.. وعلى قدراته.. وبتذكر بالتطعيمات.. وكل شي...
love them
Post: #11 Title: Re: Tommy Time : لكل الامهات و الامهات (to be) Author: Rihab Khalifa Date: 09-08-2009, 07:24 PM Parent: #10
Quote: بنوم نوم عميق لما ألفه كده.. وبهدأ.. Mariam
سلام يا مريم و سمارت
موضوع جميل، و في الحقيقة انا بادية عنه كتاب، ان شاء الله اذا توفر الوكت، بستشيركم فيه في سودانيز، و لكن من المواضيع الفيه الحاجات الكونتروفيرشيال، زي نوم الطفل علي بطنه
بخصوص موضوع اللف يا مريم، غير الشعور بالامان، الاطفال و حتي سن الخمسه شهور تقريبا عندهم ريفلكس بيخليهم يحركو اطرافهم من غير اراده و هم نايمين، اسمه المورو moro ريفليكس او الستارتل startle ريفلكس، و هو دليل علي انه الموتور motor سيستم حق الطفل سليم، لمن يتلف، ما بيقدر يتحرك و بالتالي ما بيتزعج و بيكون نائم بصوره عميقة
في السودان لمن الطفل يتحرك كده و هو نايم، بيقولو ليك انه طاقاهو عين او مسحور، which might as well be بس التفسير العلمي موجود برضه and the two do not have to be mutually exclusive as a general rule i would think
الحاجه التانيه العاجباني، انه في السودان في الناس بتعرف الحاجه الغلط و لكن مرات الاسباب لمنع الحاجه دي بتكون غلط، مثلا حكايه انك لمن تكوني حامل بيقلولو ليك ما تنومي علي ضهرك لانه الحبل السري بيتلف علي رقبه الطفل و يخنقه، و دي تفسير ما صحيح و علي حسب ما قريت ما لقيت ليه حاجه علميه تسنده، منع الرقاد علي الظهر و خصوصا في الشهور الاخيره دي حاجه علميه لكن، و لكن السبب انه الطفل لمن ينزل الحوض بيكون نازل و وجهه مقابل بطنك، و هو من المفترض يكون مقابل ضهرك لولاده سهله، فسبحان الله، منعها من حبوباتنا و امهاتنا حاجه سليمه، بس السبب غلط
طبعا عشان يحاولو يعدلوهو طبيعي، دي فيلم هندي اتذكر انه الدكتوره صرفت لي كوره كبيره بتاعه الرياضه الفي الجيم دي، و قالت لي حاولي تحضني الكوره دي لمده نص ساعه تلاته مرات يوميها او علي قدر ما تقدري، حاجه بايخه بشكل و في النهايه سيادته برضه اصر انه يجي ووشه مقابل الدنيا، لووول
كان الله هون بجي راجعه، عندي كم بوست دين في رقبتي لازم اسددهم قبل ما الارشفه تحصل
Post: #12 Title: Re: Tommy Time : لكل الامهات و الامهات (to be) Author: smart_ana2001 Date: 09-08-2009, 08:52 PM Parent: #11
سلامات يا رحاب....يا ريت يكون عندك وقت تشركينا معك فى الكتاب.. و اتمنى يكون بالعربى...لان لاحظت انو ما فى كتب كويسه بالعربى فى المواضيع دى. كلامك صحيح عن انو (مرات) حبوباتنا بيكونوا عارفين الحجات صح...بس ما عندهم تفسير ليها. موضوع النوم على الظهر للحامل...بالاضافة لما زكرتيه فى كمان مشكلة تانية فيه و هى ان كل وزن بتاع الطفل بيكون على العمود الفقرى و الامعاء و الوريد الرئيسى البيودى الدم من الجزء الاسفل من الجسم الى القلب. عشان كده النوم على الظهر مكن يعمل مشاكل بتاعة سؤ هضم و مشاكل ارتفاع (او انخفاض) فى ضغط الدم. مكن برضو يسبب مشاكل فى التنفس و الدورة الدموية فى الجسم. مكن الحامل تنام على جنبها اليمين...لكن الاطباء بيقولوا افيد انها تنام على جنبها الشمال. النوم على الجنب الشمال بيساعد على مرور الدم و الغذاء للمشيمة. و بيخلى الكلى بتاعت الحامل تشتغل احسن. و ده بيطلع السموم و الماء الزائد من الجسم بالتالى بيقلل من التورم فى الرجلين و اليدين.
Post: #13 Title: Re: Tommy Time : لكل الامهات و الامهات (to be) Author: smart_ana2001 Date: 09-08-2009, 09:12 PM Parent: #12
كوستاوى مالك معانا ? ما عاجبك بوستنا ده ? الدايبر ده عامل ذى العربات ...من ال BMW ل هيونداى كلو بيشتغل...لكن كل زول و ميزانيته و زوقه
Post: #14 Title: Re: Tommy Time : لكل الامهات و الامهات (to be) Author: مريم بنت الحسين Date: 09-08-2009, 09:25 PM Parent: #12
فعلا انا كنت بحس انه النومه على الظهر ولو لثواني قليلة، بتكتم نفسي.. بس الحمدلله الامور مشت تمام... فعلا يا رحاب في حاجات كتيره النسوان بعرفوها، حتى لو للأسباب الغلط.. عشان كده انا بؤمن بإنه في علم كبير عندهم.. اكبر من العلم الوضعي زاتو.. لانه ياصديقاتي، النساء ديل بيولدوا من زمن سيدنا آدم.. ديل اتجمعت عندهم مجموعة من الdata بعمر الانسان زاتو..
بخصوص اللفه.. فعلا الطفل يا رحاب لما ما يكون ملفوف بكون بتخلّع كده.. وهو نايم بكون ما مرتاح.. لكن لما يكون ملفوف برتاح خالص.. انا ما كنت عارفه قصة الreflexes دي.. لكن حسي اتضحت لي...
سمارت، ما اعتقد انه رحاب كتابها بالعربي، حسي هي معانا ربطت في جملة، وقلبتها انجليزي..
محمد الحاج ودينق وكوستاوي..
مرحب بيكم في حضانة ماما سمارت، ونوّرتونا...
Post: #15 Title: Re: Tommy Time : لكل الامهات و الامهات (to be) Author: مريم بنت الحسين Date: 09-08-2009, 10:03 PM Parent: #14
تعرفي يا سمارت.. قصة ترقيد البيبي على البطن ده، انا ريحني مع محمود جداً... ما كان بتعب مع "التريع" والغازات في بطنه.. كنت برقده على بطنه شويه.. وبعداك بغيّر الرقدة.. طبعا بقولوا انه الطفل ما يرقد لوحده على بطنه، لانه ممكن نفسه يتكتم.. الواحده تخليه فترة قليلة.. وبعداك تقلبه...
بنت الحسين
Post: #16 Title: Re: Tommy Time : لكل الامهات و الامهات (to be) Author: smart_ana2001 Date: 09-09-2009, 04:00 PM Parent: #15
زيكم؟ اصحابك الامركان يا مريم اى حاجه ما يفهموا ليها راس من رجلين (و ما قدروا يصنفوها مرض عديل كده ) بيقوموا يسموها syndrome ده تعريفى انا ....لو عاوزه التعريف الرسمى امشى ويكى http://en.wikipedia.org/wiki/Syndrome
المهم..فى موضوع النوع على البطن ده غير انه نفس الطفل ممكن (لا قدر الله ) يتكتم..لكن كمان لقوا انه ال Sudden Infant Death Syndrome_SIDS_ اوموت الرضع المفاجئ بيحصل بزياده فى حالة نوم الطفل على بطنه (و فى حاللات تانيه كتيرة. موضوع الموت المفاحئ ده بجيه راجعة براحة بعد شويه.
من الحجات اللى بتتعمل عادى فى السودان و اظن فى كل العالم (حتى وقت قريب )هو استعمال بدرة الاطفال. بدرة التلك او بدرة الاطفال او talcum powder اتمنعت الان تماما للاطفال السبب انها بتتكون من حبيبات صغيرة جدا و ناعمة جدا من zinc stearate و magnesium silicates و حجات تانية صغيرة بتخليها ساهل جدا تتدخل رئية الطفل. ومرات ممكن الطفل يشيل البدرة و يختها فى وشو و ممن تخنوقوا و تكتم نفسو تماما( فى ارقام كتيرة جدا لحالات ذى دى ). فى كمان علماء تانيين بيفكروا انو ممكن يكون فى علاقة بين اورام الرئة و استعمال البدرة..بس الموضوع ما اكيد. ح اجيكم راجعة بموضوع اكل العسل لطفل عمرة اقل من عام واحد
Post: #17 Title: Re: Tommy Time : لكل الامهات و الامهات (to be) Author: smart_ana2001 Date: 09-09-2009, 04:06 PM Parent: #16
عارفه يا مريم الملفات بتاعة جامعة وسكنسون دى فعلا خطرة جدا يا ريت لوكان كندى زمن كنت ترجمتها و ختيتها هنا.على الاقل كل يستفيد منها اكبر قدر من الناس شكرا يا مريم
Post: #19 Title: Re: Tommy Time : لكل الامهات و الامهات (to be) Author: مريم بنت الحسين Date: 09-09-2009, 05:00 PM Parent: #17
والله يا سمارت فكره.. غايته انا لو فضيت في الزمن الجاي ده، بعملها.. لله والرسول
الملفات دي فادتني فائدة ما ليها حد
Post: #18 Title: Re: Tommy Time : لكل الامهات و الامهات (to be) Author: مريم بنت الحسين Date: 09-09-2009, 04:59 PM Parent: #16
Quote: المهم..فى موضوع النوع على البطن ده غير انه نفس الطفل ممكن (لا قدر الله ) يتكتم..لكن كمان لقوا انه ال Sudden Infant Death Syndrome_SIDS_ اوموت الرضع المفاجئ بيحصل بزياده فى حالة نوم الطفل على بطنه (و فى حاللات تانيه كتيرة. موضوع الموت المفاحئ ده بجيه راجعة براحة بعد شويه
انا فعلا سمعته انه في علاقة ما بين النوم على البطن.. وSIDS.... لكن في اسباب كتيره للحاجه دي.. حأخليها ليك تتكلمي عنها.. بُعدها الانساني مؤلم جداً.. عندي بت خالتي، طفلها مات بنفس الطريقة، سليم ومعافى وما عنده اي شي، نام وما صحى... والله انا لحدي حسي قلبي واجعني عليها...
Quote: من الحجات اللى بتتعمل عادى فى السودان و اظن فى كل العالم (حتى وقت قريب )هو استعمال بدرة الاطفال. بدرة التلك او بدرة الاطفال او talcum powder اتمنعت الان تماما للاطفال السبب انها بتتكون من حبيبات صغيرة جدا و ناعمة جدا من zinc stearate و magnesium silicates و حجات تانية صغيرة بتخليها ساهل جدا تتدخل رئية الطفل. ومرات ممكن الطفل يشيل البدرة و يختها فى وشو و ممن تخنوقوا و تكتم نفسو تماما( فى ارقام كتيرة جدا لحالات ذى دى ). فى كمان علماء تانيين بيفكروا انو ممكن يكون فى علاقة بين اورام الرئة و استعمال البدرة..بس الموضوع ما اكيد
دي معلومة جديدة لنج والله يا سمارت.. لكن انا الشي الكنت بتذكره انه محمود ما كنت بعمل ليه بدره خالص، انا بستعمل بامبرز، ما كنت بحس انه ما بتبلل بشكل يحتاج للبودره.. لكن حسي كده اديتيني مليون سبب اضافي عشان اما اعمله ليه...
Quote: ح اجيكم راجعة بموضوع اكل العسل لطفل عمرة اقل من عام واحد
جبتيها من ودانها.. لأنه انا دي خضته فيها كميه من المناقشات .. مبالغة... برضه حأخلي ليك النقطة دي برضه.. بس عشان اوضح وجهة نظري، الانا متأكده انها زي وجهت نظرك... no no no honey قبل ما يتم الطفل عمر سنة...
بالمناسبة.. عايزه نتكلم عن "متين" ممكن الطفل يتعلم ياكل.. لأنه في خلاف الاربعة شهور ستة شهور..
I'm so excited
Post: #20 Title: Re: Tommy Time : لكل الامهات و الامهات (to be) Author: smart_ana2001 Date: 09-09-2009, 06:07 PM Parent: #18
سلامات مريم و جميع الامهات...(و الاباء) كلامك صح 100% يا مريم.....العسل ممنوع للاطفال الاطباء بيمنعوا اكل العسل لاطفال اقل من عمر عام لان جهازهم الهضمى ما بيكون مكتمل. و ما بيقدر يهضم انوع كتيرة من البكتريا. احد انواع البكتريا دى متواجد فى العسل. و بيسبب botulism (Clostridium botulinum. و هو ذى تسمم غذائى. و هو نادر جدا. لكن لما يحصل ممكن يؤدى لموت الرضيع. اعراض التسمم البكتيرى ده بتظهر بعد حوالى 18 لى 36 ساعة. او الاعراض امسال شديد بعده بتظهر باقى الاعراض ذى صعوبة فى التنفس و البلع ...excessive drooling .... ضعف فى العضلات....الطفل كمان بيبدا يبكى بضعف شديد. المرض نادر جدا....لكن بيحصل...
Post: #21 Title: Re: Tommy Time : لكل الامهات و الامهات (to be) Author: smart_ana2001 Date: 09-09-2009, 06:26 PM Parent: #20
مريم يا ختى باقى الامهات ديل وين ? شكلنا ح نقعد انا و انتى نونس بعض....بينى و بينك...كده برضو كويس...اهو نستفيد من بعض.
موضوع الاكل ده كمان فلم هندى...ح اخليه ليك...لانى اعتبر (بضم الالف) ام فاشلة.
عارفه كمان يا مريم...انا بطلت اغالط نهائى...خاصة فى المواضيع دى. كل زول يربى بمزاجو....اللى عاوز ياكل عسل....ياكل عسل. انا بقول اللى انا شايفاه صاح و بريح ضميرى. لكن لما يقولى لى :" الكلام ده جبتيه من وين" ..."و احنا كلنا ربونا كده..." . بمسك لسانى على طوالى.
Post: #22 Title: Re: Tommy Time : لكل الامهات و الامهات (to be) Author: توما Date: 09-09-2009, 06:51 PM Parent: #21
مريم و سمارت تحايا وامتنان للبوست لانو الامومه دي اصعب مهنه في العالم
full time job as they say
طبعا موضوع الأكل ده عندنا باع طويل معاهو
وحاكتب تجربتنا
الايام دي مشكلتنا الحقيقيه هي (العناد) وووب ثم وووب من يوسف اليومين دي
مخي جد جد زح من محلتو
i will be back with details so we can discuss it
Post: #23 Title: Re: Tommy Time : لكل الامهات و الامهات (to be) Author: غادة عبدالعزيز خالد Date: 09-09-2009, 07:04 PM Parent: #22
جبتوا سيرة النوم على البطن؟ آخ ثم آخ ثم آخ على قولة الأخت توما طيب يا ستي... سمعت ذات الأقوال أن النوم على البطن قد يؤدي إلى وفاة الطفل لانه قد لا يستطيع تحريك رأسه لإسنتشاق الهواء وبالتالي يختنق ويموت فصرت أخاف من موضوع النوم على البطن خوفا مبينا وكنت أنوم هاشم وشهاب على ظهورهم المشكلة، أنهم لا ينامون إلا نوما متقطعا ويصحون سريعا وبطنهم تضايقهم النوم على البطن يريح الطفل ويجعله ينام لفترة أطول فكنت أكاد أجن.. أول ما ينام الولد ويرقد على سريره يقوم يصحى وأنا أكون ينقصني الطبيخ والنظافة وغيرهم من التفاصيل اليومية التي تنتظرني.. في ذات الأيام، وضعت صديقتي العزيزة طفلتها وكانت تنومها على بطنها والبنية تنوووووم.. وتنوووم.. وصاحبتي هادئة البال مطمئنة.. يا بت، أحتمال تتخنق، تموت؟ ما خايفة؟ وهي قلبها قوي.. يلا، إيدينا معاكم
Post: #24 Title: Re: Tommy Time : لكل الامهات و الامهات (to be) Author: Deng Date: 09-09-2009, 08:18 PM Parent: #23
Quote: ازيك يا دينق....اللى عندى فى البيت ديل ما براهم روضة? خلينى انا....انت ما ناوى حتى تعمل ليك وااحد? ميامى دى ما لقيت ليك فيها حاجه كده و لا كده???
أنتي حاسداني على الروقة والحرية دي ولا شنوا؟ أنا مشيت السودان ومافي واحد من أصحابي شجعني، كلهم قالوا لي أوعك. ميامي دي بتخلي الزول ما يركز أبدا.
Post: #26 Title: Re: Tommy Time : لكل الامهات و الامهات (to be) Author: مريم بنت الحسين Date: 09-09-2009, 10:22 PM Parent: #23
غادة ازيك.. عارفه لما البيبي الجاي يجي.. تقومي بعد تشبع (تختيها) على بطنها وهي نايمه.. وتكون جنبها.. بعد شويه بس.. رقديها على جنبتها.. وحتنوم ليك نوم العوافي ان شاء الله... انا طبعا براي قررت انها بت.. الناس البحبهم كلهم بتمنى ليهم البنات...
ربنا يقوّمك بالسلامة ان شاء الله..
Post: #25 Title: Re: Tommy Time : لكل الامهات و الامهات (to be) Author: مريم بنت الحسين Date: 09-09-2009, 10:15 PM Parent: #22
توما.. العناد ده انا عندي منّه عينه برضه... يا ستي.. الtimeout افضل دوا للعناد.. الدق ما بنفع.. والكلام ما بنفع، لو الطفل راسه قوي.. وده طبعا طريقته انك تختاري مكان في البيت، ممكن غرفته مثلا.. وتقولي ليه ده مكان العقاب.. اول ما يعمل حاجه غلط، تحذريه.. وتقولي ليه لو اتكررت بعاقبك.. في الغالب حيكررها.. توديه.. وعلى كل سنة من عمره تخليه دقيقه، يعني لو عمره 3 سنين، تخليه فيها 3 دقايق.. بعد الوقت ينتهي (وما تنسيه، لان الوقت الاطول ما مطلوب).. تمشي ليه.. وتشرحي ليه انت عاقبتيه لي شنو، وتوريه السلوك الصاح شنو.. لانه الاطفال في نص المشكلة، لو انت هايجة ما حيفهم انت زعلانه من شنو.. او انت عايزه منه يعمل شنو.. بعد عمر سنتين، انا بقيت بضرب شويه كده للتخويف، ولما يعمل حاجه كبيرة.. حسي بقيت التهديد بيه كافي لإنه السلوك الكعب شديد يوقف.. سمارت يمكن تقول الضرب لأ، لانهم هناك مهنضبين في امريكا.. لكن انا بدأت اؤمن بيه خاصة للولد.. لانه فعلا الاولاد عنيدين جداً.. بس اهم شي، انه الضرب ما يكون اول حل، وما يكون تشفّي.. يعني ما يكون هدفه انه الام تفش زعلها فيها.. وما يكون مؤذي..
وطبعا اهم حاجه الconsistancy.. يعني الإلتزام بنهجك في التربية، لو في حاجة انت ما سامحه بيها، ما تمرريها لو حصلت..
بنفس الطريقة، كافئ السلوك الكويس، عشان يحرص انه يعمله ليك.. لو قعد هاديء، صفقي ليه أو اشكريه.. او اتكلمي معاه انه هو زول شاطر، وانك مبسوطه منه.. ما تخلي الموضوع يمشي ساي.. لو عمل حاجه صاح، شجعيه عليها.. وجيبي ليه هدية، وقولي ليه دي عشان انت اليوم داك عملت كذا..
وربنا يورينا خيرهم
Post: #27 Title: Re: Tommy Time : لكل الامهات و الامهات (to be) Author: مريم بنت الحسين Date: 09-09-2009, 10:26 PM Parent: #21
سمارت.. ونسوت ونسوت ونسوت ..
بجوا حسي، قاعدات في موضوع البنطلون والطبيخ...
Post: #28 Title: Re: Tommy Time : لكل الامهات و الامهات (to be) Author: وجن Date: 09-10-2009, 00:04 AM Parent: #27
شكلنا ح نقعد انا و انتى نونس بعض....بينى و بينك...كده برضو كويس...اهو نستفيد من بعض بجوا حسي، قاعدات في موضوع البنطلون والطبيخ... عرفتي كيف يا عسل اولا ازيكم يا حلوات والله من أول مانزل البوست دا وانا من جمبو مازحيت وكلامكم كلو ماشاء الله في المليان من بداية اللفة مرورا بالعسل والنوم والعناد والاكل دا طبعا من منظوري الشخصي طبعا انا ما بختلف منكم كتير لآني قبل ما أنجب لمورة كنت بقرأ كتير وفي حالة بتاعت ترقب واستعداد بعد داك مرحلة بمرحلة كنا بنتمرحل معاها طبعا اللفة مهمة زي ماقلتو لتقوية الطفل وسهولة حمله بس بالنسبة لي كنت لازم استعين بخبير أجنبي نظرا لان الجميع معترض أو مابعرف والنوم على البطن بدأ عندي من مرحلة ما بعد الأربعين يوم لآنها كانت خلاص ( إن الإنسان على نفسه بصيرا) يعني بتقدر ترفع راسه وتتنفس لو حست باى ضيق وفعلا حسينا بالنوم بالنسبة ليها مريح لدرجة أبوها رفض يتقبل نصائح تفيد بالعكس طبعا التحشر الأبوي ظاهرة بعانوا منها بنات الزمن دا بالذات مع أول طفل أو من الأباء الأطباء ذلك والله أعلم وكنت بشربه بمجرد اكماله لشهر أعشاب لطرد الغازات ومساعدتها على النوم براحه تامه مكونه من يانسون وكابلي مع سكر النبات طبعا الوصفه دي ما من راسي دي من استشاري أطفال بعد معاناة شديدة وسهر الليالي الطوال والحمد لله من الزمن داك ماعانيت معاها من أي سهر العسل كذلك قريت عنه هو والملح في الشهور الاولى للطفل العسل بسمم واعتقد كل اللى بعترض على النظرية دي بأييد لكلام الرسول صلى الله عليه وسلم للرجل الذى قال ان العسل جرّى بطن صديقة فقال له الرسول صلى الله عليه وسلم في ما معناه صدق الله وكذب بطن أخيك أما بخصوص الملح فقرأت أن الكلى في الشهور الأولى تكون ضعيفة بالنسبة لتأدية مهامه فلذلك تفأديا لإرهاقها نتجنبه بعد داك طبعا الماء وما أدراك ما الماء والحبوبات البجو بالدس يقمتو للشافع جغمتين تلاته الحمد لله انا طبعا حبوبتي كانت في السودان آخر طفلة حضرتها في السودان من بنات الأسرة كانت حبوبتي قاعدة تقول لامها يابتي عايني الشافعة دي وحاة الله عطشانه هاهاهاها طبعا لمار شربت موية بعد الشهر الرابع بناءا على قرآتي في نفس الموضوع أما الأكل برضو بدأ في الشهر الرابع مجرد تذوق وبعد داك تطور مع الكتب الاقتنيته خصيصا لذلك واهم الكتب البنصح الامهات يقتنوها الكتب المبسطة البتوريك تتدرجي كيف في الاكل يعنى مع كل شهر تدخلي شنو وما تدخلي شنو طبعا أنا بديت بالزبادي والخضروات المسلوقة والعصائر الطبيعية بس عندي تحفظ في كثرة الموز والبرتقال عشان مشاكلهما الهضمية مع لمار المهم طبعا الحاجات دي بتختلف من طفل لطفل بس انا بشوف ان مسألة التبكير في الطعام دي مهمة لاني لاحظت أطفال من حولى بعانو معاهم اهاليهم بصورة غريبة وكل ما أسال عن السبب بلقى انهم ما أكلوهم من بدري طبعا هنا بتذكر اهمية الموازنة بين الرضاعة والاكل والرضاعة الطبيعية والصناعية والرضاعة دي موضوع براو قابل بكثرة للتحشر طبعا ما يفوتك يا مريم صاحبتك يوم السماية صاره وشه كيف من تحشر النسوان واحدة من صاحباتي جأت قعدت جمبي وقالت لي براحه كده افردي وشك دا عملتيها ظاهرة اي زول بجي يقول البت دي صارة لي المهم نرجع لموضوع الرضاعة الطبيعية طبعا كلنا سمعنا عن حملات الرضاعة المكثفة لتوعية الأمهات في السودان خصوصا واللى بتقول على ضرورة إرضاع الأم لطفلها فترة الست شهور الأولى كأدني فترة اذا تعذرت الرضاعة وذلك حتى نحمي أطفالنا من الأمراض واي طفل حُرم لاي سبب من الأسباب منها فهو عرضة لاشك للعديد من الأمراض طبعا القرآن قال بارضاع الطفل عامين كاملين لمن آراد أن يتم الرضاعة ولاحظت تشدد الاباء بالذات المستجدين بإلزام الأم برضاع الطفل سنتين حتى ولو كان على حساب صحتها ودا طبعا ماملزم بعد ما يكمل الطفل سنة كامله من الرضاعة الطبيعية فهو بإذن الله في مأمن من الأمراض ويكون قد أخذ المناعة الكافية ذلك والله أعلم من ناحيتي أرضعتها حتى أكملت سنتها الأولى لانها من وجهة نظري كانت الأنسب الطفل بعد كدا ببقى واعي وبيصعب معه الفطام الحمد لله صحته عال العال ومالاحظت لاي آثار سلبية على ذلك الأمر خصوصا اني كنت بديها حليب صناعي من أول يوم في الولاده .....زلاحظت لحاجه في وسط الأمهات والأباء ممكن أسالكم منها بتخوفوا شديد من الحليب مع ان الطبيب هو البوصي بالحليب ونتيجة الحليب دا مع الحليب الطبيعي بتكاتفوا عشان يساعدوا العظام والأسنان انها تمشي تمام ممكن أعرف السبب شنو ؟؟؟؟ الأكل طبعا ما بنصح أي أم بالحاجات الملونة والمعلبة البتنباع سواء في السوبرماركتات أو الصيدليات لآنها لآزم تحتوي على مواد حافظة المشاكله ما بتخفى على الجميع حاليا لمار فتحت وبقيت ماقادرة أسيطر عليها لا هي ولا أبوها بخصوص البطاطس المقرمشة دعواتك بس لآن كثرته مضرة بلا شك نجي للسيريلاك طبعا زمان أكلناهو لمن الله غفر لينا وأقسم بالله أكلتو مع أخواني التيمان أكتر منهم لكن بيني وبينك ما اتغير من زمان ماعارفة الزماااااان داك ما أظن موجود المهم سمعت عنه في قناة الام بي سي تقرير خلاصته انه بسبب تلبك في الأمعاء لدى الأطفال الحمد لله لمار ما حصل ضاقته لكن ولد صاحبتي كل يومين مودينه المستشفي بمجرد ما خلت السيريلاك بقى كويس الحمد لله المهم هسه صاحبتنا قربت للسنتين واكلته المفضله (دُراسه) البت دنقلاوية وكده أها أقول شنو بس بقوا على اتنين هي وابوها ..... مشكلتنا اليومين دي يا مريوم الحماااااام وما أدراك ما الحماااااااااام خلاص قربت أقول الرروووووووب في الدقيقة بتقول ماشة 10 مرات ماببالغ دي حقيقة أها عاوزة أمشي أفكها ليك في حبوبته وأختي وأرتاااااااااااااااااااااح حبة حبة بس صدقيني ما كتير لآني مابقدر ما بقول ليك انا وسواسه يعني حبة كده ماكتير انت وسوسة الأمات دي شنو شايفة موضة الوسوسة دي حائمة بالذات عند الأمهات المتعلمات !!!!!!!!!!!!!!!!! الطفل لما يكون صغير بكون في مرحلة التعلم بتقبل منك كل شئ عشان كده اي سلوك او اي كلمة حسيتي بيها ما في مكانه تعاجيها طوالي وعلاجه في المرحله دي ساهل جدا بالذات مع أتفاق الوالدين الطفل لازم يتعلم بتين ياكل بتين ينوم بتين يلعب أول مايقوم من النوم يعمل شنو لما يطلب حاجه يطلبه كيف ولازم ندرب الطفل على النوم في سرير خاص به بعيد عن والديه منذ أول يوم في ولادته بعد مايتم سته شهور تقوي قلبك كده وتنوميو في غرفة براو طبعا ما تكلمي امك ولا حبوبتك بقولوا ليك الشفع مابخلوهم براه قالوا شنو بتلفحوا ذلك والله أعلم التعويد مهم كان عندي جاره مصرية قالت لي قلت لزوجي البت دي لازم بعد دا نوديها غرفة براها ( عمره 6 شهور) قال ليها نعم يختي بتستعبطي حضرتك لوعاوزه روحي انت هاهاهاالمهم الطفل لو تمى سنه من عمره لابد لابد لابد تفصلي ليه غرفة للنوم واللعب وقضاء بعض الساعات فيها ولا بعد كده حاتبقي في يا أخوانا ويا أخوانا أريد حلا أها يا حلوات الموضوع دا جميل جدا الابتدرتوا الكلام عنه التربية ما ساهله وما مجرد ولادة وملحقاته التربية عاوزة صبر خصوصا عندما يكبر الطفل ويلحقه آخاه وتبدأ مرحلة التربية الحقيقة والسلوك الذي يجب ان نتبعه معهم أها بجيكم تاني الكلام كتييييييييييييير وشكرا على المعلومات القيمه وياريت فعلا لو تتكاتفي انت والجميلة سمارت وتترجموا لينا المواضيع الموجودة في الرابط السابق وان شاء الله البوست الجميل دا وكتاباتكم تصبح مرجع للأمهات لآن بعضهن لآزلن يفتقرن لأبسط قواعد الأمومة
Post: #29 Title: Re: Tommy Time : لكل الامهات و الامهات (to be) Author: smart_ana2001 Date: 09-10-2009, 03:46 PM Parent: #28
ما شاء الله ...كمية من الامهات ظهروا....شكرا ليكم و ربنا يخلى ليكم اولادكم ...و يقدركم عليهم (و على ابهاتهم..) سلامات يا توما.... العناد ده حاجه كده ربنا خلقها فى الاطفال من عمر سنة لحدى عمر 4 الى 5 سنوات. لازم يكونوا عندا ... ما تشتغلى بالعناد كتير.....لكن ابعدى من نظرية (انا عاوزاه يكون صحبى او صحبتى)...انت الام...انت ال Boss فى العلاقة دى. لو ما حكمتيهم من الان ..ما بتقدرى عليه لما يكبر. برضو لازم يعرفوا انك بتحبيهم جدا..لكن مع الحب ده ..ما فى تهاون فى الالتزام بالقواعد اللى وضعتوها .الاكل بمواعيد ...اللعب بمواعيد ...و النوم (اهم حاجه النوم) فى مواعيده. ربنا يعينك
Post: #30 Title: Re: Tommy Time : لكل الامهات و الامهات (to be) Author: smart_ana2001 Date: 09-10-2009, 03:57 PM Parent: #29
سلامات غادة..ربنا يخلى ليك اولادك و يوفقك... عارفه فى المواضيع دى بيكون الموضوع معقد جدا بالنسبة للام. يعن حوادث الموت دى ما كتيره (ربنا يحمى كل الاطفال)..لكنها بتحصل. عشام كده صحبتك ممكن يكون عندها 10 اطفال ..و كلهم بتنومهم على بطونهوم و (ان شاء الله ) ما يحصل ليهم حاجه. تجى ام تانيه تسمع كلام صحبتك.....و تحصل مشكله (لا قدر الله) عشان كده اعملى اللى حاسه بانه ح يريح قلبك! موضوع النوم ده جاينا بيه مريم بعد شويه..لكن انا عندى ملاحظة عن نوم النهار... ما تخلى طفلك ينوم بالنهار فى اوضه هاديه..انا كنت بخت طفلى فى غرفة المعيشه بالنهار حتى لو نام. التلفزيون شغال..خدمة المطبخ كلها فى راسه ..لكن اتعلم ينوم فى الجوطه بالنهار...ما جوطه شديده طبعا....لكن شويه جوطة.....و الانوار لازم تكون فاتحة ..عشان يعرف انو ده نهار و ده نوم نهار. عشان لما يجى الليل و الدنيا تضلم و تبقى هادية....يعرف كمان انو ده ليل. و نوم الليل غير نوم النهار.الحاجه دى انا بعملها من اول يوم فى حياة الطفل. و هسى بينوموا كويس بالليل (الحمد لله)
Post: #31 Title: Re: Tommy Time : لكل الامهات و الامهات (to be) Author: smart_ana2001 Date: 09-10-2009, 04:01 PM Parent: #30
دينق يا اخوى انت ح تعرس و تعمل اولاد عاجلا او اجلا... احسن تعملهم لما تكون بشبابك و عافيتك....ما بعد ما تعجز و تبقى ما قادر تجرى وراهم و الناس يعاينوا ليك فى ال Park و يقولوا :يا الله ده الاب ولا الجد؟؟؟؟ _____________________________________ يا زول انا بهظر معاك..و حاسداك ساااى ...استمتع بحياتك....و لما ربنا يهون ...بيهون اول ما تجيب اولاد نوم عينك (و قروشك ) ح يطيروا
Post: #32 Title: Re: Tommy Time : لكل الامهات و الامهات (to be) Author: smart_ana2001 Date: 09-10-2009, 04:10 PM Parent: #31
مريم....لقينك و الله خبيرة فى مواضيع القاب و الجزاء....ماشاء الله لكن كيف يعنى ضرب ما فى ؟ الضرب احيانا مهم جدا.... و انا عارفه انتى قاصده ضرب كيف؟ اكيد ما ح تجيبى ليك سوط و تنزلى فيهم ضرب. (ده هو الضرب اللى مادبين فيه الاهل فى امريكا) (رصعة.. رصعتين..فى اليد و بايدك ) كده ما بطلات .....بيجيبوا الراس....و على رائك ..خاصة للاولاد. بس ما تضربيهم و انتى زعلانه..و لازم يعرف انت عملتى كده ليه. بس العقاب بالحرامان من التلفزيون و ال timeout ممكن يكونوا احسن من الضرب....و بينى و بينك بتختلف من طفل لاخر... ان من سياسة الخصام فى العقاب .."انا زعلانه منك لانك عملت كده...و ما ح اتونس معاك لحدى ما تعتزر او توعد بانك ما ح تعمل كده تانى) بس دى عاوزه ليها زول شويه بيفهم 3 سنوات و اكبر
Post: #34 Title: Re: Tommy Time : لكل الامهات و الامهات (to be) Author: smart_ana2001 Date: 09-10-2009, 04:24 PM Parent: #32
سلامات يا وجن.... مداخلتك دى دايرة ليها قعدة طويلة....بمشى الشغل و بجيك راجعة لكن موضوع المويه ده كمان من المواضيع اللى انا تعبت جدا لحدى ما افهم الموضوع اصلا شنو ....و الدكاترة ديل ما لهم فى موضوع المويه.. باختار ده هو اللى انا فهمتو فى النهايه..احتمال يكون صح او غلط..انتو ورونى.. A-الطفل الرضيع اللى: 1-بياخد رضاعة طبيعيه او لبن خارجى (مخصوص للاطفال) (ما لبن بقر) 2- لسه ما بدا الاكل....يعنى بياخد لبن بس 3- عايش فى منطقه (ما حارة جدا) الطفل ده ما بيحتاج موية من بره....و ممكن تتاكدى من كده لو كان لون البول فى الدايبر (من غير لون) يعنى لو بقى بوله لونه اصفر (حتى ولو شويه صفار) معناها الطفل ده محتاج موية. B- اظن ان دكاترة الاطفال فى السودان قالوا للمهات ما تدوا الاطفال موية عشان خايفين من تلوث اللعدة اللى بيسقوا بيها الاطفال و تلوث المويه برضوا. C- الجؤ فى السودان حار جدا .....ما اظن انه فى كائن حى ممكن يعيش ن غير مويه و مع اول وجبة بتاعة اكل لازم تبدى تدى الطفل موية..و تبدى شويه شويه و تزيدوا.. بجيكم راجعة
Post: #33 Title: Re: Tommy Time : لكل الامهات و الامهات (to be) Author: انتصار محمد صالخ بشير Date: 09-10-2009, 04:12 PM Parent: #29
الاخوات الامهات
السلام عليكم
متابعة معاكم من البداية والله مهنة ام دى خدمة صعبة جدا جدا
عن نفسى كل الامور مشت بسهولة الى ان يصل سن الطفل الى سنتين وتبدا مشاكل العناد وعدم الاكل
دى قصص وروايات وتجارب وحيل لما تصلو ليها بحكيها ليكم ومنك نستقيد
انتصار
Post: #35 Title: Re: Tommy Time : لكل الامهات و الامهات (to be) Author: Kostawi Date: 09-10-2009, 05:10 PM Parent: #33
Post: #36 Title: Re: Tommy Time : لكل الامهات و الامهات (to be) Author: Rihab Khalifa Date: 09-10-2009, 07:38 PM Parent: #35
Quote: سمارت، ما اعتقد انه رحاب كتابها بالعربي، حسي هي معانا ربطت في جملة، وقلبتها انجليزي.. mariam
مريم الحقاره
خلاص يا سيبويه انتي، لووول
بصراحه؟ ده سبب من اسباب تاخري في نشره، في كتب كتيره بالانجليزي ممتازه، و حتي العربي في كم كتاب حايمين كويسين، لكن انا دايراهو كتاب سوداني في المقام الاول، يخص عاداتنا و تغذيتنا و اكلنا الموجود و مناخنا وتركيبتنا الاجتماعيه، و اهم من ده الحاجات المتعارف عليها في بيوتنا و نقدها بصوره واضحه توضح فوائدها و ضررها.
will be back in sha Allah
:)
Post: #37 Title: Re: Tommy Time : لكل الامهات و الامهات (to be) Author: Deng Date: 09-10-2009, 07:51 PM Parent: #36
سمارت أنا.
منوا قال لك أنا ما عندي أولاد؟
هو الاولاد ديل إلا بالعرس؟
دينق.
Post: #38 Title: Re: Tommy Time : لكل الامهات و الامهات (to be) Author: مريم بنت الحسين Date: 09-10-2009, 08:32 PM Parent: #28
Quote: وكنت بشربه بمجرد اكماله لشهر أعشاب لطرد الغازات ومساعدتها على النوم براحه تامه مكونه من يانسون وكابلي مع سكر النبات طبعا الوصفه دي ما من راسي دي من استشاري أطفال بعد معاناة شديدة وسهر الليالي الطوال والحمد لله من الزمن داك ماعانيت معاها من أي سهر
أم لمار يا عزيزة.. الشوام بعملوا نفس الحاجه.. واي اعشاب بتنفع.. انا بعرف الشاميات بغلو البابونج.. انا كنت بعمل الحلبه، لكن ما بغليها... بغلي لي حبة موية.. وبكب فيها اربعة ولا خمسه حبات حلبه... يعني في قعر الكباية بس.. وببردها بي حببه مويه بارده.. وذرة سكر وذرة ملح.. وبعداك تدي الطفل بالملعقة.. واحده او اتنين بالكتير..
Quote: أما الأكل برضو بدأ في الشهر الرابع مجرد تذوق وبعد داك تطور مع الكتب الاقتنيته خصيصا لذلك واهم الكتب البنصح الامهات يقتنوها الكتب المبسطة البتوريك تتدرجي كيف في الاكل يعنى مع كل شهر تدخلي شنو وما تدخلي شنو طبعا أنا بديت بالزبادي والخضروات المسلوقة والعصائر الطبيعية بس عندي تحفظ في كثرة الموز والبرتقال عشان مشاكلهما الهضمية مع لمار المهم طبعا الحاجات دي بتختلف من طفل لطفل بس انا بشوف ان مسألة التبكير في الطعام دي مهمة لاني لاحظت أطفال من حولى بعانو معاهم اهاليهم بصورة غريبة وكل ما أسال عن السبب بلقى انهم ما أكلوهم من بدري طبعا هنا بتذكر اهمية الموازنة بين الرضاعة والاكل والرضاعة الطبيعية والصناعية والرضاعة
كتير من الامهات بعانوا من موضوع الاكل ده.. غايته انا بتذكر انه اخصائي الاطفال قال لي محمود لحدي ستة شهور ما تأكليه.. طبعا في debate في موضوع ستة شهور او الاربعة شهور.. الامريكان بقولوا ستة شهور، والشي المتعارف عليه اربعة شهور.. غايته انا طبقته النظرية دي... وطبعا ما يفوتك.. اي مره حايمه كانت بتشاكلني.. كأنه انا بخلانه على الولد بالاكل.. لكن مشكلة عدم الاكل بعدين دي ليها علاقة بالتنشئة.. احنا في السودان، الامهات طوالي بحنّسوا الطفل ياكل... انا نظريتي كانت انه لما كان صغير، الاكل على شكل وجبات.. كنت بعملها اربعة او ستة وجبات.. حسب الكمية.. لكن هو كان عارف مواعيد وجبته متين.. بعد بقى يعرف.. بقيت بديه ياكل لما يطلب... لسببين.. انه يتعلم انه ياكل لما يجوع... ودي حاجه مهمة جداً.. انا شخصيا بعاني منها.. وهي عادات الاكل السيئة.. والشي التاني لو وقف اكل ما بحنسه يستمر.. عشان برضه يعرف حدود شبعه... والحمدلله محمود صحته كويسه خالص... واكله ما معذبني فيه.. بياكل اي شي.. الشي التالت انه ما بخليه يتدلع في الاكل.. الغدا في الصينية.. ما بخليه إلا يجربه.. لكن لو مثلا في شي في الغدا وانا عارفاه بياكله.. ما بديه فرصه يقول ما عايز.. ويطلب شي غير الموجود.. لانه الاطفال بعملوا الاكل وسيلة ضغط على الام.. خاصة لو حس انك مهمومة لانه ما اكل...
Quote: ولازم ندرب الطفل على النوم في سرير خاص به بعيد عن والديه منذ أول يوم في ولادته بعد مايتم سته شهور تقوي قلبك كده وتنوميو في غرفة براو طبعا ما تكلمي امك ولا حبوبتك بقولوا ليك الشفع مابخلوهم براه قالوا شنو بتلفحوا ذلك والله أعلم التعويد مهم كان عندي جاره مصرية قالت لي قلت لزوجي البت دي لازم بعد دا نوديها غرفة براها ( عمره 6 شهور) قال ليها نعم يختي بتستعبطي حضرتك لوعاوزه روحي انت هاهاهاالمهم الطفل لو تمى سنه من عمره لابد لابد لابد تفصلي ليه غرفة للنوم واللعب وقضاء بعض الساعات فيها ولا بعد كده حاتبقي في يا أخوانا ويا أخوانا أريد حلا
في سرير براه دي انا من قولة "تيت".. محمود ما بنوم معاي.. انا كنت مع اهلي وقتها.. ولدته عندهم.. حتى لما يكون صاحي ما كنت بشيله .. إلا قليل.. ولما يبكي، آخر خيار بكون الشيل... من عمر ايام.. كنت بخته في الكرسي بتاعه.. ولو عندي شغل في المطبخ.. هو بكون معاي لو صاحي... اتعود على صوت الخلاط.. واتعود انه ينوم براه من عمر بدري.. يعني كنت بتأكد انه كل شي تمام.. ونظيف.. وبرقده في سريره.. وقفل الباب (وقتها ما كان بقوم من السرير).. وبشغل الbaby monitor (على سيرته، ده هديتي المفضّله لأي ام جديدة)... وبتابعه من الهول.. ده ببقى وقت لي انا.. لو عندي شغل في المطبخ بشتغل.. لو عايزه ارقد قفا ساااي برقد.. وبعدها بشويه بحس انه حركته وقفت.. بمشي بغطيه.. وارقده كويس.. واستمر كده لحدي حسي.. ولحدي الان محمود ما بعرف انه زول ينوّمه.. بنوم براه..
أحلى حاجه عملتيها يا وجن موضوع القراية ده.. دي ساعدتك كتير.. وبتخلي الواحده قلبها راقد..
Post: #39 Title: Re: Tommy Time : لكل الامهات و الامهات (to be) Author: smart_ana2001 Date: 09-10-2009, 09:05 PM Parent: #38
دينق.....طبعا الاولاد ما بالعرس... لكن على الاقل تكون مستقر و تكون ساكن مع ام الولاد ديل. و لو ساكن مع الاولاد و امهم ...فانت يا صديقى فى حكم المتزوج ( ما امام الحكومة الامريكيه ) لكن قروشك رايحة ...رايحة , و نومك طاير...طاير. اما لو كنت فاتح للاولاد و امهم...فكده ممكن يكون عندك اولاد من غير عرس. لكن شد حيلك لما يكبروا....يشبكوك " انت ما كنت شغال بينا" و يشيلوا حسك!
Post: #40 Title: Re: Tommy Time : لكل الامهات و الامهات (to be) Author: smart_ana2001 Date: 09-11-2009, 04:08 PM Parent: #39
سلامات انتصار ...و مرحب بيك قلت لى مواضيع عدم الاكل دى عندكم برضوا حالتى انا قلت احنا عندنا bad genes ..انا لما كنت صغيرة كنت ضعيفة جدا....و ابو الاولاد برضو..
Post: #41 Title: Re: Tommy Time : لكل الامهات و الامهات (to be) Author: smart_ana2001 Date: 09-11-2009, 04:09 PM Parent: #40
كوستاوى....دى شنو الصور العجيبة دى؟
Post: #42 Title: Re: Tommy Time : لكل الامهات و الامهات (to be) Author: smart_ana2001 Date: 09-11-2009, 04:12 PM Parent: #41
سلامات يا رحاب ربنا يتم ليك الكتاب و يعينك ... انتى اكتبيه بالانجليزى و انا و سبويه...Ops.. قصدى مريم ممكن نترجمو.. رائك شنو يا مريم؟
Post: #43 Title: Re: Tommy Time : لكل الامهات و الامهات (to be) Author: smart_ana2001 Date: 09-11-2009, 04:27 PM Parent: #39
عارفه يا مريم فى مواضيع البكاء و الشيل دى..انا عملت بنظرية تانيه كلو كلو... من اول يوم يوم... لو بكى ..انا بشيله و اهدهدو لحدى ما يسكت بعدين بختو تانى فى سريرو. و حقيقى انا طفلى الاول (الحمد لله ) طبعو كان كويس جدا. ما بيبكى الا يكون جعان. و بالمناسبة فى مدرستين فى الموضوع ده: مدرسة خليه يبكى و يسكت (طبعا لو كان ما عندو مشكلة ...شبعان نظيف...ما برادن او مسخن او عيان) و فى مدرسة ..ما تخليه يبكى...شيليه و حنسيه لحدى ما يسكت و بعدين رجعيه لسريره
موضوع النوع ده كمان ان استحملت فيه كميه من الكلام من الناس... انا ذيك... من اول يوم بخت الطفل فى سريرو....بعد تلاته اسابيع لشهر بوديه غرفته. و بشغل المونيتر. بكون شايفاه و سامعاه. و الناس اكلو لحمى بالموضوع ده...لكن تقلت دمى وما اشتغلت بالموضوع و من اول ايام ..عندنا روتين بتاع النوم....قبل النوم بناخد اخر وجبه ..بعدها حمام دافى...و بعد كده بنلبس هدوم النوع (ده بعد ما تمينا كم شهر كده و بقى عندنا بجامات و كده) و بعده بنتونس مع ابونا شويه ..اول ما يبدا يدوخ بوديه سريره..الفكرة انو اوديه سريره بين صاحى و نايم...و اقول ليه تصبح على خير.و امشى...بينقنق شويه لكن بينوم بعد دقائق بالكتير. بجيكم راجعة مع ال Baby colic ..ما عارفه فى السودان بيقولوا عليه شنو
Post: #44 Title: Re: Tommy Time : لكل الامهات و الامهات (to be) Author: Deng Date: 09-11-2009, 06:43 PM Parent: #43
سمارت أنا.
مش برضه ممكن يكون بالتبني؟
Post: #45 Title: Re: Tommy Time : لكل الامهات و الامهات (to be) Author: smart_ana2001 Date: 09-11-2009, 07:23 PM Parent: #44
دينق....هسى فى امريكا دى البديك اطفال تتبناهم من غير ما يكون عندك Partner منو? يا اخى انا اصحابى اللى عاوزين يتبنوا روحهم بتطلع... لازم يكونوا متزوجين و مستقرين فى وظائفم....و بعد كده الموضوع بالمزاج...لازم الام اللى ح تديك طفلها تتكيف منكم. و الموضوع كمان مكلف من حوالى 25 الى 30 الف دولار. ________________________________ لكن بالجد... لو متبنى اطفال او عاوز تتبنى ....انا اوصى الناس تتبنى من السودان. الاجراءت صح طويلة....لكن افيد شديد للاطفال اللى ما لاقين اسر فى السودان . و عشان ما تزاحم الامركان اللى ما بقدروا يسافروا بره عشان يلقوا اطفال لتبنى. ____________________________________________ story short لو عندك اطفال بالتبنى (او بيلوجيين) نوم عينك ح يوحشك
Post: #46 Title: Re: Tommy Time : لكل الامهات و الامهات (to be) Author: مريم بنت الحسين Date: 09-11-2009, 08:22 PM Parent: #45
واااااااااااااااااااي منه... انا طبعا اساسا ما كنت عارفه ليه اسم.. لكن محمود لما كان عمره شهر، كان بمجرد ما المغرب يأذن.. انت يا محمود تدوّر بكى، لحدي ما يأذن العشا.. وكان وقتها رمضان.. انا كنت باكل معاهم في الفطور، وهو بكون قاعد جنبي في الصفره بي كرسيه.. وبخلص سريع سريع.. ونبدا ندوّر.. والله يا سمارت الموضوع استمر فترة طويلة.. وانا متأكده انه ما ناقصه شي.. ومحمود ما دخّل في خشمه حليب صناعي خالص.. موش لأني ما عايزه، لكن كده هو طلع للدنيا دي مقرر.. كان امي تعمل ليه البزّه، وتديه.. يقوم يلزها بلسانه.. ولما تدخلها بالقوة.. يقوم النزل في خشمه كله يتفه ليها.. نقوم مما المغرب يأذن.. انا بقعد قدام التلفزيون.. واخته في كرعينه.. واقعد.. وبحاول to disconnect من البكا، لانه بوتر.. ولانه مافي اي شي ممكن يخليه يقيف، انا جربته اي حاجه ممكنه.. بعد فترة كده فجأة وقف! ما اعتقد عنده اسم في السودان.. ممكن يفتكروه مغص..
على سيرة يمكن يفتكروه.. الفيديو ده رائع.. بوري الامهات لغة الاطفال... قالوا الاطفال كلهم عندهم اللغة دي، بتستمر لحدي عمر اربعة شهور.. بتخلي الام تفهم الطفل ببكي من شنو...
برجع بعدين
بنت الحسين
Post: #47 Title: Re: Tommy Time : لكل الامهات و الامهات (to be) Author: Solafa Alagib Date: 09-11-2009, 09:49 PM Parent: #46
يخسي عليكم كلكم يا سمارت ويامريم وياغادة ويا وجن ,,,,ما بتكلمونى بالبوست دا ليه يعني عشان قاعدة في الضلام ,,اقصد في السودان
د:سلافا العاقب احمد
التعليق الصغير دا علشان ماعارفة ابدا من وين ولا وين ولا وين
Post: #48 Title: Re: Tommy Time : لكل الامهات و الامهات (to be) Author: smart_ana2001 Date: 09-11-2009, 10:50 PM Parent: #47
سلامات د.سلافا قلنا نخليك لبوست الناس بتتزوج ليه.....صلنا كلنا هنا من تعب الاطفال و مشاكلهم نسينا احنا اتزوجنا ليه....just kidding
ان شاء الله بس كمان تكونى دكتورة اطفال...يا زوله حتى لو ما دكتورة اطفال...خلينى النسالك....الدكاترة ليه بيقولوا ان التسنين ما بيعمل وجع بطن و حمى? انا و الحمد لله ما عانيت مع مشاكل تسنين مع اطفالى....لكن و الله شايفه باقى الاطفال حولى....حالة صعبة شديد. زرزرت واحد صديق الاسرة دكتور فى الموضوع ده ...فقال لى التسنين بيسبب اكوله فى اللثه و طفل بيكون عاوز يخت اى حاجه فى خشمو عشان تريحو...الحجات دى بتكون ملوثه مرات و بتعمل وجع البطن و المشاكل..لكن التسنيين علميا ما بيعملى اى حاجه! اها يا دكتوره....الكلام رائك فيه شنو?
Post: #50 Title: Re: Tommy Time : لكل الامهات و الامهات (to be) Author: مريم بنت الحسين Date: 09-11-2009, 11:06 PM Parent: #48
سمارت وسلافا ازيكم.. غايته انا عندي عمي طبيب اطفال.. قال لي انهم اخيرا اعترفوا بانه في علاقة بين التسنين والحمى والاسهال البحصل للاطفال.. يبقى كده متفقين...
بجيكم بكره.. مضغوووووووووووووووووطه في موضوع كده..
Post: #49 Title: Re: Tommy Time : لكل الامهات و الامهات (to be) Author: Solafa Alagib Date: 09-11-2009, 11:05 PM Parent: #47
طبعا جهجهتو امنى افتح بوست الزواج بهناك تفتحو بوست الولادة بي هنا ,,,, المهم اجهز كلامى واجيكم ,,, يمكن بكرة,,, الله غالب
اسوي شنو.
تخريمة,,,, سيد جا لقانى مقهية في اللابتوب ,,,قال لي قصة تانى,,,, طبعا هو متعود لما سناء جعفر تنزل قصة بتكون دى حالتى
زى ا يام بنات ودالعمدة
Post: #51 Title: Re: Tommy Time : لكل الامهات و الامهات (to be) Author: Solafa Alagib Date: 09-12-2009, 08:11 AM Parent: #49
يخوانا فوق والله انتو ما عارفين الموضوع دا مهم كيف
Post: #52 Title: Re: Tommy Time : لكل الامهات و الامهات (to be) Author: smart_ana2001 Date: 09-12-2009, 10:37 AM Parent: #51
ليك الجنة -ان شاء الله - يا مريم على صبرك على محمود لما كان Baby colic دى حكايه صعبة شديد...و فعلا بتوتر. Baby colic هى الحاله الى فيها طفل سليم و معافى بيقعد يبكى من غير سبب واضح. موضوع البكاء -ذى ما مريم قالت- بيبدأ فجاءة وبينتهى برضو فجاءة. و غالبا بيبدأ فى عمر حوالى 3 اسابيع و بيستمر لحدى حوالى 4 شهور. بيحصل مع الاطفال اللى بياخدوا لبن صناعى و احيانا مع الاطفال اللى بياخدو رضاعة طبيعيه (برضو...ذى ما قالت مريم) الغريبة انه الطفل بيبكى فى وقت معين من اليوم..غالبا مع المغرب كده .....(برضو...ذى ما قالت مريم) سبب الموضوع ده ما معروف.. بعض الناس بيقولوا انها غازات محبوسة فى امعاء الطفل و بتضايقه. ناس تانين بيقولوا ان السبب فى الامعاء و البكتريا الموجوده فيها. فى مجموعة تالته بتقول ان السبب هو الجهاز العصبى بتاع الطفل بيكون غير مكتمل.... ده بيرجعنا للحركة الغير اراديه لليدين و الكرعين و اللى بتخلى الطفل يصحى روحو من النوم و عندنا بيقوا انه بيتخلع...و عشان كده قنا لازم نلف الطفل كويس عشان يقدر ينوم كويس. اغلب الاطفال بيروقوا لما يشيلوهم و يلولوهم...و البعض الاخر بيروق لو ادوه دواء بتاع غزات...و فى نوع تالت ما بيسكت الا يتعب من البكاء. الملاحظ برضوا انو الاطفال ديل بيبكوا اكتر لما نختهم على ظهورهم..و بيرتاحوا لما نختهم على بطونهم...لكن كمان نرجع لانو النوم على البطن خطر ..لان الطفل ممكن يكتم نفسوا و ما يقدر يرفع راسه و يتخنق. الاطباء بيوصوا الام انها تطول بالها...تطلب مساعدة الاب او اى زول ممكن يساعدها و يبدل معاها شويه فى الاهتمام بالطفل و شيله و حنسيه لحدى ما يروق .ذى ما قالت مريم البكى بوتر و بيتعب الاعصاب شديد. عشان كده بيقولوا للام لو كانت لوحدها و الطفل بيبكى و حست انها خلااااااص اعصابها تعبت و انه ممكن تموت من التوتر مع البكاء ( بيحصل و الله ) بقولوا للام انها احسن حاجه تعملها انا تبعد من الطفل . لو ممكن... امشى للجيران و قولى ليهم زول منهم يجى يمسك ليك الطفل لمده 15 دقديقة ان شاء الله بس ..تبعدى فيها من صوت البكاء. لو ما فى جيران ختى الطفل فى سريره و اقفلى باب الاوضه عليه و اذا كنتى لسه سامعه الصوت ..امشى الحمام و شغلى الدش....الطفل ح يكون لسه بيبكى ..لكن ما ح يحصل ليه حاجه... و بيقولا للام كده ...لان بيحصل ان الام ممكن تتوتر جدا خاصة مع عدم النوم - اللى بيكون حاصل اكيد من جدول الرضاعة- و اظن انهم بيخافوا ان الام ممن تهز البيبى شديد عشان يسكت...و دى حاجه خطرة جدا جدا. و ممكن تؤدى لى سندرم اخر اسمه Shaken baby syndrome و ده كمان موضوه براه....ح ارجع ليه فى نهاية البوست لانه موضوع تعيس جدا. المختصر المفيد ان هز الطفل شديد ممكن يعمل ليه خلل كبير فى الدماغ و ممكن يؤدى لموت الطفل. الحاجه الغريبه فى امريكا فى اى مستشفى من الحجات اللى بينبهوا ليها شديد جدا هى ان ينبهوا الاهل انهم ما يهزوا الطفل شديد ..حتى لو بالهظار...فى السودان اصلوا ما سمعت بالموضوع ده ..نهائى. _____________________________________________________________________
قبل ما طفلى الاول ما يهل علينا..مشيت Class بيعلموا فيها الامهات الجداد كيف يعتنوا بالطفل حديث الولاده...فى الكلاس الاستاذة -ممرضه - قال لينا ان البكاء غالبا بيحصل مع المغرب لان الطفل بيكون خلاااااص تعب من الشيل و اصوات الناس و الانوار و كل المؤثرات الخارجيه طوال اليوم..و ان البكاء بس هو طريقة الطفل فى اه يقول ليك ...كفاااااية.
Post: #53 Title: Re: Tommy Time : لكل الامهات و الامهات (to be) Author: smart_ana2001 Date: 09-12-2009, 10:50 AM Parent: #52
سلامات..د.سلافا شكرا على الطلة..و ان شاء الله نشوفك اكتر فى البوست و فى البورد عموما كيف يا دكتوره ما عارفين الموضوع ده مهم كيف؟ اكيد عارفين.....كان ما عارفين: كنا بنساهر و نقرا و نتعب و نغير كل شى فى حياتنا عشان اطفالنا؟؟؟ انا قبل ما يكون عندى اطفال كنت زول تانى تماما...بحب السهر و السفر و الحوامة...الان انا ما بقدر امرق من البيت لو ما عرفت الجؤ ح يكون كيف (على الاقل اعرف عشان استعد) ما بسافر اى حته لو ما عارفه الجؤ ح يكون مناسب (ما حر شديد و ما برد شديد... حاكم انا عايشه فى حته جوها خرافى و الاولاد طبعهم بابظ فيها....بقوا ما بيستحموا الجؤ المتقلب شديد) بنوم بدرى عشان اصحى معاهم بدرى....و كل مرقاتى- حتى العادية- بحاول اخليها حول جدول نومهم و اكلهم و لعبهم.
اها راجينك... و عشان ما تتحيرى تبدى من وين و عشان انتى زوله دكتوره و كده ...عاوزنك تتكلمى عن نقص الحديد(الانميا) فى الاطفال من عمر 6 شهور لحدى عمر 3 او 4 سنوات.
Post: #54 Title: Re: Tommy Time : لكل الامهات و الامهات (to be) Author: smart_ana2001 Date: 09-12-2009, 11:03 AM Parent: #53
عارفه يا مريم ..عمك دكتور الاطفال ده يكون عاوز يسكتك ساى... دكتور الاطفال بتاعنامطنش الموضوع ده تمام...خاصة لو طفلى ما حصلت ليه مشاكل مع التسنيين. فى مجلة قريت انو مكن التسنيين يعمل وجع بطن بس لانه بيكون فى زياده فى اللعاب اللى بيتفرز فى فم الطفل ايام التسنيين و ده ممكن يعمل اسهالات و مشاكل. و الله اعلم...
Post: #55 Title: Re: Tommy Time : لكل الامهات و الامهات (to be) Author: Mayada Date: 09-12-2009, 11:04 AM Parent: #53
موضوع قمّة الجمال...
متابعاكم وبرد ليكم لما اروق شوية...
تحياتي لكم جميعاً...
ست البنيـــــــــات
Post: #56 Title: Re: Tommy Time : لكل الامهات و الامهات (to be) Author: مريم بنت الحسين Date: 09-12-2009, 11:50 AM Parent: #55
لا حولااااااا ميادة انت حيّة... والله انا بقيت افتش في موبايلي القديم اشوف رقمك، عشان اعرف بالضبط مشيتي وين؟!!! البنية الحلوة دي اخدتك مننا، وبقينا نفتّشك.. ولا ده محمد الشيخ الاخدك؟ ;)
سلافا ازيك.. والله عارفينه موضوع مهم.. حسي انا في حاجات كتيره استفدتها، من كلام وجن.. ومن وكلام سمارت.. ومن ملاحظة رحاب .. حلو برضه اني ما حاسه نفسي نسيت كل شي... الناس بقولوا انه الواحده بعد الولادة بتنسى... لكن اهو ما نسيت...
سمارت... انا كنت بتفرج في التلفزيون.. ما كنت بركز مع محمود خالص، لحدي ما هو فعلا يفتر وينوم... كنت بعرف الساعة البقيف فيها من البكا.. الساعة 9 بالضبط، محمود بوقف السيمفونية، وبنووووووووم.. بعداك بصحى صحية صغيرونة الساعة 12 عشان بكون جعان من البكا.. بعدها بنوم نومه واحده، بصحى صحية صغيرونه مع الاذان.. وبنوم.. الساعة 9 بالصباح، بتجي امي تاخده.. بتكون منتظراه يصحى متين.. ويمشوا ويدوني فرصه انوم...مشكلة بقاء الام لوحدها دي في السودان ما موجودة.. الام عمليا بتكون محاصرة من جميع الجهات.. الطفل بكون عبئة موزعه على القبائل ههههههههه... انا قضيت اول شهرين مع امي... كانت هي المسؤولة عن انها تحمّي الطفل.. وتغير ليه.. لما كمل شهرين، بقينا انا وهو برانا.. بس الامور مشت بصورة ممتازه.. لحدي ما محمود وقف على حيله، ما كان متعب، وبنوم كويس خالص بالليل... ما حصلت لي مشاكل السهر مع الاطفال..
طبعا الفترة الاولى بتاعت اللفليف دي كانت اكبر متعه.. كنت حاسه انه هو مرتاح وانا مرتاحه...
موضوع السهر بالليل ده قصة براه طبعا.. الام الجديدة بتساهر مع الطفل سهر شديد.. ممكن يكون ما ببكي، لكن تكون هي شايلاه ومساهره معاه.. ده طبعا لانه هي بتكون خايفه عليه.. لكن ده بخلي الطفل يفتكر انه ده الوضع الطبيعي... لو نظيف، ما ببكي، شبعان.. يرقد في سريره.. والام ترقد تنوم.. لانه هو ممكن بالنهاريه ينوم وهي تفضل صاحية.. ده ببني إرهاق كبير .. لدرجة بتكون معاها ما قادرة تتعامل مع الطفل لما يكون في مزاج كويس.. حاجه مهمه جداً انه الام تاخد me time... وقت عشان يكون وقتها هي من غير ما تكون مع الطفل على طول.. وقت تاخد فيه حمام دافي... الطفل في الوقت ده، يكون مع ابوه.. او مع اي حد تاني... الام بعدها بترجع للطفل بشوق شديد.. وطاقة متجدده وروح معنوية عالية.. وبتقدر تأدي واجباتها بهمه عالية..
بنجيكم تاني
Post: #57 Title: Re: Tommy Time : لكل الامهات و الامهات (to be) Author: smart_ana2001 Date: 09-12-2009, 02:02 PM Parent: #56
سلامات يا Mayada الف مراحب....و شكرا جزيلا لكن يا ختى لو عندك اطفال روقه ماااافى كلو كلو....تقومى تحاولى و تجينا مع المشغوليات... انا فى واحد هنا بيكون قاعد بيكتب معاى...لكن عشان لو حميته الموضوع ح يحلى ليه...فانا عامله مطنشة. بعد شويه بيقنع و يمشى يشوف حاجه يعملها تكون بالجد ما بتتطنش!
انا برضوا يا مريم اول ايام ما كانت صعبة على فى طفلى الاول. امى (ربنا يديها العافية) ما قدرت تجينى و ما قدرت امشى ليها. و ابنى اتولد قبل مواعيده بحوالى شهر كامل. لكن (اسم النبى صاينو و حارسو...زوجى العزيز) قعد معانا فى البيت 3 اسابيع كاااملة. و اهم حاجه كان بيعملها انو بيخلينى اخد لى ذى 5 ساعات نوم من غير انقطاع بالليل و بيخلينى برضو اخد لى دش دافى الصباح.....كانت حكايةالنوم 5 ساعات دى نافعانى شديد. و لان ابنى حجمه كان صغير جدا ....كان بيصحى كل ساعتين عشان جعان. بعد ما كبر شويه (ذى شهرين كده) بقى ينوم احسن و ذادت لحدى 5 ساعات بالليل....لما وصل 3 شهور كنت بكون معاها النهار كلو و لما يجى ابونا من الشغل و يتغدى و يرتاح شويه. بيقعد معاه و بمشى انا الجم و برجع اخد دش محترم و ارجع تانى اشوف (حبيب القلب بيعمل فى شنو) و ذى ما قلتى يا مريم..فعلا كنت برجع ليه بمعنويات عاليه جدا جدا و مستعده لليوم الجديد.
و فعلا فى السودان الام ما عندها مشكلة فى منو ح يخلى باله من البيبى لما هى تكون عاوزه تنوم و تاخد دش. بنت عمى اللى متزوجه ابن خالتها اللى قاعده معاها فى البيت... لما جابت ابنها الاول كان معاها خالتهاو بنات خالتها اللى قاعدين معاها فى البيت اصلا وامها اللى جات لولادتها....الغريبه برضو كانت بتشكى من عدم النوم.
كنت ناويه المره الجايه اتكلم عن الخروج بالاطفال الصغار جدا من البيت (عمر ايام لحدى شهر)..لكن لقيت انو انا تجربتى ح تكون عن البلد اللى انا عايشه فيها و احتمال ما تكون بتتطبق فى السودان او فى الخليج او اوربا. لكن ورونى تجاربكم...اكيد ح نستفيد..
Post: #59 Title: Re: Tommy Time : لكل الامهات و الامهات (to be) Author: smart_ana2001 Date: 09-12-2009, 02:20 PM Parent: #57
فى ستايلين من التربية للاطفال الصغار جدا.. تختى ليك جدول ...يعنى تقررى انو ح ااكل البيبى كل ساعتين او تلاته ساعات..ح تشيليه من الساعة كده للساعه كده..باقى اليوم ح يكون راقد فى سريره و ح تحميه الساعة كده. الاستايل التانى هو على حسب الطلب..او ذى ما كنت مسمياه Parenting On Demand. يعنى يجوع و يبكى بديه ياكل...لما يزهج بشيله و احنسه....لما احس انه نشيط و معنوياه عاليه بخته على بطنه فى الارض عشان نعمل Tommy Time ...و كنا بنعمل وقت على بطنو حى قبل ما يقدر يرفع راسه براه. الحاجه الوحيده للى كان عندنا ليها مواعيد من اول يوم هى نوم الليل . قبله لازم حمام دافى و نطفى الانوار و اخته فى سريره...خلاص ..اليوم انتهى و ماشين ننوم. و حتى لو صحى كم مره بالليل ما بفتح الانوار ...عندنا سهارة فى غرفته. الصباح بنبدا الفوضى من جدبد.
بيقول الاطباء ان اهم حاجه للطفل عشان يتعلم ينوم بالليل كويس انو الاهل يعملوا ليه روتين. و الحاجه التانيه انو لما يصحى بالليل ما تتفتح الانوار...و برضوا مافى ضحك و ونسه لما يصحى بالليل. تفهميه انو لما يصحى بالليل انتو بتصحو عشان هو ياكل و بس ما عشان تلعبوا. و كنت لما طفلى يصحى بالليل ما بشاغله نهائى...صح لو بكى كنت بشيل و الولى و احنس ..لكن مافى ضحك ومشاغلات. لازم تعملى ليه موضوع صحيان الليل ممل جدا جدا جدا.
Post: #58 Title: Re: Tommy Time : لكل الامهات و الامهات (to be) Author: انتصار محمد صالخ بشير Date: 09-12-2009, 02:13 PM Parent: #56
اخواتى الكريمات
السلام عليكم
ساشرح لكم التجارب المحلية لسكان جزيرة مالطا حيث اقيم فى
Quote: Baby colic
وفى اشياء كثيرة فى بدايات حياة الطفل اولا من يولد الطفل ومن الاسبوع الاول ان تخرجى بالطفل يوميا مهما كان الجو صيف خريف لمدة نصف ساعة فى الفترة المسائية
عند الغروب وتبريرهم لذلك ان الطفل يصبح مقاوم لكل انواع الامراض ويرجع مهدود وتعبان ويعمل له حمام دافئ وياخذ رضعة ويوضع على بطنه الى خروج الغازات
وينام نوم هادئ طبعا عند ولادتى لطفلى الاول كانت معى الوالدة واختى كانت تاتينى الممرضة مرتين فى الاسبوع ولمدة شهر هذا نظام متبع واجبارى للامهات للطفل اللاول حسب قولهم لقلة الخبرة ولمتابعة الطفل
سألتنى هل ينام جيدا فى الليل قلت لها يبكى من ياتى المساء سألت عن برنامج الخروج قلت لها لم اخرج به وهوما زال صغير مسكت الولد لفلفته وربطته ووضعته فى المقع الخاص به
وطلب من اختى ان ترافقها وخرجت به لمدة نصف ساعة وعادت
وما شفتوا امى وعينكم ما تشوف الا النور دى بلد شنو دى الشافع يمرقوا بيه دا كلام شنو ياريت ولدتى فى السودان وعيييك
المهم الطفل رجع عملت ليه حمام دافئ واخذ رضعته وكملنا البرنامج واصبح برنامج يومى والطفل ينام بدون تعب او بكاء
وشئ اخر طلبت منى ان لا اشرب حليب كثيرا لانى ارضع طبيعى لان الحليب سبب رئيسى لغازات الاطفال واستبدله بالماء وبكميات كبيرة
دى واحدة من التجارب المحليه هنا وعندهم حاجات كثيرة والله تستغربى منها بس بتعطى نتائج كويسه
Post: #60 Title: Re: Tommy Time : لكل الامهات و الامهات (to be) Author: smart_ana2001 Date: 09-12-2009, 04:59 PM Parent: #58
Quote: وما شفتوا امى وعينكم ما تشوف الا النور دى بلد شنو دى الشافع يمرقوا بيه دا كلام شنو ياريت ولدتى فى السودان وعيييك
ضحكتينى يا انتصار....انا متخيلة امك شعورها يكون شنو... لكن ان شاء الله تكونى بقيتى تاكلى جبنة كتيرة و زبادى عشان تعوضى الكالسيوم اللى بيتاخد منك .لان من غير لبن لازم تعوضى بحاجه تانية. اناما بقدر اعيش من لبن ...عشان كده بشرب لبن منزوع الدسم نهائى حكاية الخروج من البيت و الله فكرة لذيذه...و فعلا ح تكون تغير جمييل ل Your little one شكرا يا انتصار ..و ما تبخلى علينا بتجارب تانيه
Post: #61 Title: Re: Tommy Time : لكل الامهات و الامهات (to be) Author: smart_ana2001 Date: 09-12-2009, 05:27 PM Parent: #60
Post: #62 Title: Re: Tommy Time : لكل الامهات و الامهات (to be) Author: مريم بنت الحسين Date: 09-12-2009, 09:27 PM Parent: #61
انتصار شكرا ليك لانك فتحتي ابواب جديدة نتكلم عنها... موضوع الطلعة مع البيبي ده انا سمعته برضه.. واعتقد انه ليه علاقة بالمكان الزول قاعد فيه.. الطلعه مع البيبي، برضه من اهدافها مساعدة الام على انها تستعيد قوامها بعد الحمل(بالمناسبة ده موضوع محتاجين نتكلم فيه، وخاصة المعضلة الضخمة بتاعت نربط البطن ولا لأ)... قصة طلعت البيبي والام من البيت قبل الاربعين طبعا فيها علامة استفهام كبيرة في السودان.. المراه في السودان قبل ما تتم الاربعين، لو قامت بعاينوا ليها عشره عشره.. والمايستنكروا الحاجه دي، بخافوا من العين، انها قامت بسرعة!
من اهم الحاجات البتقوي مناعة الطفل الرضاعة الطبيعية، وانه يتعرض للامراض، وانه الدوا يكون آخر حل، الطفل مناعته زي الكومبيوتر النظيف.. مافيها اي برامج... الامراض البتجي للطفل، بتخلي جهاز مناعته يتعرف على الامراض... الحاجه المخيفة هي الحمّى.. وطبعا في حالة ارتفاع الحرارة.. الام لازم تدي الطفل دوا يخفض الحرارة.. وطبعا تغسل اطرافه بمويه.. او يستحمى عديل..
على سيرة الاستحمام يا سمارت... خطوات حمام البيبي الجديد مشكلة للأم الجديدة.. نخت ده في الاجنده..
بنت الحسين
Post: #63 Title: Re: Tommy Time : لكل الامهات و الامهات (to be) Author: مريم بنت الحسين Date: 09-13-2009, 05:09 PM Parent: #62
أم يوسف ... انت وين يختي
Post: #64 Title: Re: Tommy Time : لكل الامهات و الامهات (to be) Author: smart_ana2001 Date: 09-14-2009, 06:48 AM Parent: #63
سلامات يا مريم... الويكاندبيكون عباره عن اشغال شاقة.... بجيكم بكرة....ان شاء الله
Post: #65 Title: Re: Tommy Time : لكل الامهات و الامهات (to be) Author: mamkouna Date: 09-14-2009, 10:59 AM Parent: #64
التحية و التجلة لكل الامهات الحلوات المنورين البوست الجميل دا و كمان تحية للابهات المتابعين
محسوبتكم ام قدييييييمة..من زمن الولادة بي خاتم النص و الاربعين يوم و سيرة البحر و مسيح البيبي بزيت السمسم :) مواضيعكم كلللللها شدتني و عاوزة اشارك فيها و زي ما قالت د.سلافا ما عارفين نبدا من وين!
عاوزاكم تحكوا عن تجربة الامومة نفسها..هل هيأتوا نفسكم ليها و لا جات كدا بالصدفة؟ هل تحسوا بالضجر و الزهج و تتمنوا لو كانت حياتكم مختلفة؟ هل بجيكم احساس بالضيق من اطفالكم ؟ الاجابات عن الاسئلة دي صعبة للغاية ...اوبرا افردت ليها حلقة كاملة اعتقد كان اسمها Quilt-free moms ....او حاجة بالشكل دا.. اعترفت خلالها كثير من الامهات انهن زهجانين من الامومة و انها غير ما توقعوا لكنهن لا يستطيعوا الإعتراف بكدا حتى لا يكونو امهات فاشلات.
عاوزاكم كمان تتكلموا عن اكتئاب بعد الولادة..أو ال Post-Partum Depression اسبابه..علاجه...من هن المعرضات للاصابة به؟
انا بحاول ارتب افكاري و اجي اكتب ليكم عن المعتقدات السائدة وسط حبوباتنا و مدى صحتها او عدم صحتها
انا شخصياً اؤمن ان الامومة..فطرة... لكن دا لا يمنع ان تدعٌم الفطرة بالعلم و المعرفة
ارقدوا عافية ...( في واحدة عندها أطفال بترقد ؟؟!! )
:)
Post: #66 Title: Re: Tommy Time : لكل الامهات و الامهات (to be) Author: مريم بنت الحسين Date: 09-14-2009, 02:08 PM Parent: #65
ممكونه ازيك.. اصلي ما بصدّق كلامك ده.. ياخ انت زولة روحك صغيرة بشكل، انا لو ما بتقولي (ممكوني) كان قلت ما متزوجة.. اسئلتك دي فيها افكار جميلة.. بالنسبة للتهيئة، دي نقطة مهمة جدا.. انا مع مولودي الاول ما وجدته ليها فرصة.. ما اتهيأت نفسياً ليها.. بس ما سببت لي اي مشكلة... لكن ان شاء الله في المره الجاية، عايزه اكون مستعده.. اهم طرق الاستعداد بعد ما يكون في صرار.. انه الام تعمل فحص شامل، تعرف نسبة الهيموقلبوين في الدم.. برضه الوزن حاجه مهمة انه الواحده تنتبه ليها من قبل الولادة.. وبعداك الfloicacid... يا ريت الدكتورات المعانا يجو يقولوا لينا اكتر عن فوائده.. انا الشي البعرفه انه بقي الطفل من التشوّهات.. برضه تاخد حبوب الحديد لو الدم فيه مشكلة..
اكتئاب ما بعد الولادة انا ما عندي معاه تجربة الحمدلله.. بس بعرف عن الbaby blues... الام بعد ما تولد، بتجيها حالة من الحزن والدبرسه كده.. سببها احساسها بانفصال الطفل عنها.. برضه اغلب الاهتمام الكانت بتلاقيه هي كحامل، بقى ينصب كله على الطفل.. غير كده.. التغيرات الهرمونية البتحصل بعد الولادة بتخلي الام مزاجها متقلب.. غير انه تجربة الولادة في حد ذاتها تجربة كبيرة جدا.. واثرها على الام كبير..
احنا عايزين المعتقدات السائدة بتاعت الحبوبات دي يا ممكونه.. لاني اعتقد انه فيها وجه حق كتير.. وفيها افكار قد ما يكون متعرض ليها العلم الحديث.. ياخ النسوان ديل بلدوا من زمن امنا حوا..
بنت الحسين
Post: #67 Title: Re: Tommy Time : لكل الامهات و الامهات (to be) Author: smart_ana2001 Date: 09-15-2009, 01:21 PM Parent: #66
الف الف مراحب بالعزيزه ممكونه.... قلت لى ام قديمة؟ انا ذاتى كان ممكن اكون ام قديمة لولا انى فكرت فى موضوع الاستعداد النفسى عشان اكون ام - و حقيقى- فى بدايه حياتى الزوجيه ما كنت جاهزة. و انتظرت لحدى ما حسيت انى بالجد عاوزه -و قادره- ابقى ام. عشان كده - و الحمد لله العلى القدير- انا كنت جااااهزة للمهمة الصعبة و سعيده جدا بيها. صحيا بالاضافة لما قالته مريم ..كملت كل التطعيم اللى ممكن اكون محتاجه ليه. استمتعت بكل مراحل اول حمل... من كتب فيها شرح كامل للتتطور بتاع الحمل شهريا لملابس الامهات الحوامل و للتجهيز للطفل القادم. عملت لى فائل بتاع Excel عشان اتابع فيه وزنى و زياده مقارة بالزيادة المطلوبه.It was a lof of fun ده الاستعداد النفسى للامومة...اما الامومة نفسها..فحقيقى هى اجمل مما توقعت....و بصراحة اسهل....خاصة انو اولادى طبعهم هادى جدا..ما لانى ام خطرة و طلعتهم هاديين..ابدا. السبب انو ابوهم زول هادى جدا...و انا برضو من الناس اللى بتحسب هادية. احتمال يجننونى لقدام... لمن نصل ثانوى عالى و كده - الله يستر- بجيك تانى للدبرسه اللى بتجى بعد الولاده ..من من النساء معرضات ليها. لكن للضمان كده... ما فى واحده فى السودان بيجيها بالساهل..اصلا الضيوف بيدوك فرصة تفكرى فى حاجه او تدبرسى؟ ما تفهمينى غلط...الضيوف حاجه كويسه للام...لكن ما كويسه جدا للطفل الجديد جدا.
Post: #68 Title: Re: Tommy Time : لكل الامهات و الامهات (to be) Author: smart_ana2001 Date: 09-17-2009, 04:33 PM Parent: #67
الامهات شكلهم بيستعدوا للعيد و الامهات to be اصلا ما هببونا من الاول! كل سنة و انتم طيبين
Post: #69 Title: Re: Tommy Time : لكل الامهات و الامهات (to be) Author: Rihab Khalifa Date: 09-17-2009, 04:47 PM Parent: #68
و انتي طيبه يا سمارت و زوارك الكرام
بوست جميل والله و مفيد, بس العين بصيره و الزمن قصير
Post: #70 Title: Re: Tommy Time : لكل الامهات و الامهات (to be) Author: مريم بنت الحسين Date: 09-17-2009, 11:12 PM Parent: #69
عليك الله اديي البوست لبكري عشان ما يمشي الأرشفه يا سمارت... انا ناوية اواصل فيه علي اي حال..انا كان ممكن اديه ليه، لكن انا اخترته البوست بتاعي بتاع Drupal.. وهو قال لكل زول بوست واحد ..
Post: #71 Title: Re: Tommy Time : لكل الامهات و الامهات (to be) Author: smart_ana2001 Date: 09-17-2009, 11:34 PM Parent: #70
رحاب و مريم....انا زيكم...حالتى صعبة الايام دى.. كتبت لبكرى يوده اللربع الجاى. ان شاء الله فى الايام الجايه الامور تتصلح شوية و اشوفكم هنا اكتر...و برضو اتشاف انا هنا اكتر
Post: #72 Title: Re: Tommy Time : لكل الامهات و الامهات (to be) Author: smart_ana2001 Date: 09-30-2009, 08:56 PM Parent: #71
سلامات لكل الامهات و امهات المستقبل ....و الاباء كمان مريم صحبتى...وينك؟
Post: #73 Title: Re: Tommy Time : لكل الامهات و الامهات (to be) Author: Maysoon Nigoumi Date: 10-01-2009, 05:39 AM Parent: #72
best post EVER great advice...and lots of common issues (its good to know you're not alone) poor dad when kooki was colic used to read "ayat" for his grandson ya akhwanna...when you get to toilet training give me a beep because i am "ghulub 7umari"!!lol
Post: #74 Title: Re: Tommy Time : لكل الامهات و الامهات (to be) Author: مريم بنت الحسين Date: 10-01-2009, 10:42 AM Parent: #73
انت يا سمارت انا ما عندي تلفونك ليه؟! عايزه اقول ليك كل سنة وانت طيبة....
عليك الله تاني البسلم علي ماشه ارد عليه!؟ ميسون النجومي بجلالة قدرها جاتنا وكتبت لينا... لا لا خلاص بعد ده.. والله كلامك رفع لي معنوياتي شديد.. كان عندي موضوع باااايخ كده خلصته منه امبارح والحمدلله... ونرجع نواصل البوست
potty training.. موضوع محتاج في اكتريته صبر.. وفي نفس الوقت الاستعداد... احنا عملناه قبل فترة كده.. والامور مشت تمام.. البقدر اقوله انه الاولاد ما زي البنات ابدا في الموضوع ده.. الولد بحتاج وقت طويل عشان يكون مستعد.. البت ممكن تتعلم من سنة ونص سنتين كده.. الولد ممكن يصل لحدي تلاته سنين.. محمود اتعلم عمره سنتين ونص.. وطبعا المحاولة البدري بتدخلك في مشاكل التبول في السرير (هي طبعا بمروا بيها كلهم، لكن الناس ما مستعدين ممكن يتعقدّوا... وتستمر معاهم) وبقولوا ليك انك تقدري تقيسي استعداده بانك تديه حاجه صغيييره يحاول يمسكها بي سبابته والوسطى، ده دليل انه قادر على التحكم بالعضلات الصغيرة... خلال اليوم، اتحملي شويه.. حيعمل بلاوي برّه.. لكن لازم يتعلم انه الشعور البحس بيه ده عنده نتيجة.. والنتيجة دي محتاج يعرف انها البمشي ليها الحمام... لاحظي انه الزول ده مما قام على الدنيا وهو ما مسؤول عن الموضوع ده... استحملي ليك اسبوع اسبوعين كده.. number 1 بتعلمها ليك سريع.. number 2 بتاخد ليها اسبوعين تقريبا... لما يعمل بره تقومي تتكلمي معاه، وتفهميه انه يمشي الحمام.. برضه نبيبه لما الناس يكونوا ماشين الحمام عشان يعرف انه الناس دي كلها بتعمل كده... محمود كان لما يحس بي number 2... في البداية طبعا برّه ساي.. وهو جاري مرات (معليش يا جماعة) ... بعد شويه كان خايف من الموضوع شديد... فكان يستمر ليه قريب النص ساعة جاري ويضرب الباب .. والحيط.. وكانت مأساة... لكن بالتحنيس.. وشويه شويه.. وكنت بقعّده في الحمام.. واجيب القصص يا يمه اقعد اقرا.. ونجيب معانا Barney عشان هو يكون relaxed... بالنسبة لي بالليل... حتمري بيها برضه... بس اهم حاجه انه ما تشاكليه.. فهميه انه لازم في الحمام.. وما يشرب سوائل قبل النوم... ويدخل الحمام قبل النوم.. انا مرات كنت بصحى باخد محمود الحمام وارجعه... لكن بعداك الامور استعدلت وما احتجنا.. هو نفسه مرات بصحى يقول لي ماشي..
Post: #75 Title: Re: Tommy Time : لكل الامهات و الامهات (to be) Author: smart_ana2001 Date: 10-01-2009, 04:24 PM Parent: #74
و كل سنة و انت يا مريوم و نادر و محمود و كل الاسرة الكبيرة بالف خير عندى نزلة الايام دى....بخليها تروح (عشان صوتى الجميل يرجع تانى) و بعدين بضرب ليك.* خلاص انا ح اعتمد عليك فى موضوع جرد المواضيع و توزيع المهام.
سلامات ميسون النجومى ....الف مرحب بيك .potty training ده فعلا برنامج. طبعا الامريكان و عيالهم ماخدين الموضوع على راحتهم خالص خالص. بيكونوا فى دايبر لحدى 4 سنيين مرات. مريم موضوع potty training عليك...مع انك اوفيتى و ما قصرتى. و بالمره اتكلمى عن "الدايبر راش"...احتمال يكون خالص حالص ما جاء لمحمود.لكن لو عندك اى معلومة عنو ..ما بطال. ________________________________________________ التلفون فى ايميلك. اضربى اى وقت. و ما تنسى ترسلى لى تلفونك.
Post: #76 Title: Re: Tommy Time : لكل الامهات و الامهات (to be) Author: Abdalla Ali Abdalla Date: 10-01-2009, 09:31 PM Parent: #75
This is a very important post, written by well educated and dedicated young mothers. Even though I am a Pediatrician by profession, but I have been doing child neurology for several years now. Mainly I deal with seizures, brain & muscle diseases, developmental delays, behaviors, Head Aches etc. So I will be able to give advice on those areas. The reason for my comment here, however, is to alert you to the problem of nutritional rickets, since it is resurfacing again, even here in the USA. The breast milk is deficient in Vitamin D. Another important source of that Vitamin is Sunlight. So the exposure to sunlight is very important. The Maltese women above were doing their babies a great favor by taking them out. I remember my own son, after he sat on time, he was delayed in walking. . I also felt his tone was low. His Pediatrician felt the baby is fine and we should give him some time. he felt, I, being a child neurology fellow at the time, was imagining things. But upon my insistence, and after reviewing my wife's feeding habits, we tested him and it turned out he does have vitamin D deficiency and starting to develop early signs of Rickets (Bab Aldictor Makhala). At any rate, Cow's milk is also deficient in both Iron and Vitamin D, that is why Pediatricians advice that you supplement with the baby formula after 6 months, and chose the right foods for the baby. You are doing a great service to every body here.
Post: #77 Title: Re: Tommy Time : لكل الامهات و الامهات (to be) Author: smart_ana2001 Date: 10-02-2009, 04:45 AM Parent: #76
السلام عليكم دكتور Abdalla Ali Abdalla و شكرا جزيلا على الكلمات الطيبات فى حق مريم و فى حقى و فى حق كل الامهات اللى شاركوا فى البوست . حقيقى انا سعيده جدا جدا بوجودك فى بوستنا ده. و عندى كميه من الاسئلة. انا عارفه ان الاطباء فى امريكا مشغولين دائما. عشان كده ح اكون شاكره جدا لو قدرت رديت علينا. و دى شويه اسئلة عن التغذية: 1-قبل كم يوم كنت بسمع فى الراديو ان الجمعية الامريكيه لاطباء الاطفال قررت ذيادة الكمية اللى مفروض ياخدها الطفال فى اليوم من Vitamin D يا ريت تورينى تفاصيل لموضوع ده. 2- حليب البقر (على الاقل فى الحتة اللى انا فيها) مضاف ليه Vitamin D . و مكتوب فى الجالون ان كمية Vitamin D فى الكوب الواحد حوالى 25% ممما يحتاجه الشخص الكبير فى اليوم. هل ممكن اعتبر ان 4 كبابى حليب ممكن تكون اكتر من كفايه لطفل (بخصوص Vitamin D. )؟؟؟* 3-عندى طفل معزبنى جدا فى الاكل. رسميا ما عنده انميا...لكن معدل الحديد عنده ما (بيشرح القلب).بديت ااكله اكل يكون بحبه و يكون فيه حديد. و فكرت فى الكبده. و هو فعلا حباها جدا. لكن قريت ان الكبده فيها too much Vitamin A . سؤالى : المشكلة شنو فى فايتمين A ? ما هى الاثار الجانبية ليه. و "?how much is "too much . __________________________________________________ * مع ان شراب اللبن مهم للاطفال لكن شراب اللبن الكتير (اكتر من 24oz او حوالى 4 كبابى) مضر للطفل. و السبب ان اللبن بيشبع الطفل و بيمنعه عن الاكل. و البن ذى ما قال د.عبد الله ما فيه حديد. و ممكن شراب اللبن الكتير يعمل انميا للطفل. ++++++++++++++++++++++++++++++++++++++++++++++++++++++++++++++++ مريم...الموضوع بقى جد.....اخصائيين اطفال عديل كده.
Post: #78 Title: Re: Tommy Time : لكل الامهات و الامهات (to be) Author: مريم بنت الحسين Date: 10-02-2009, 12:57 PM Parent: #77
اجي يا سمارت.. انا من امس راسي كبر.. وما عرفته زاتي اعبّر اقول ليه شنو...
بالنسبة للحليب.. انا ولدي ما بحب الحليب خااااالص... رغم انه رضع حليب لحدي عمر سنتين! لكن انا معوّضه ليه بالجبنه والزبادي.. يومي بياكل ليه كباية زبادي.. وبالعدم، جبنه cheeder slices.. او حليب شوكولاته مرات..
غايته يا سمارت انا اتجاوزته مرحلة التدقيق الشديد في الاكل لأنه محمود وصل مرحلة بياكل مع الناس.. البنسويه ناكله احنا، هو بياكله.. واحنا بنحاول قدر الامكان وجبتنا تكون متكامله وصحّية..
حأنتظر اسمع رد الدكتور معاك، للفائدة المستقبلية ;)
Post: #79 Title: Re: Tommy Time : لكل الامهات و الامهات (to be) Author: Abdalla Ali Abdalla Date: 10-03-2009, 10:20 AM Parent: #78
I appreciate your comments. Due to the lack of time, I will continue to write in English in the hope you will translate or share with others what you think is of value. Your questions were mainly centered on the Vitamins D & A as well as iron. I will be brief and would direct you to certain web sites for more information. Pediatricians in the USA & Canada depend on the guidelines and various policy statements that come out of the American Academy of Pediatrics (AAP). I encourage you to visit their web site on regular bases in order to know the latest. You would think this is only for professionals, but they do care about public awareness and provide a lot of good information for the non-professionals.. Vitamin D mainly functions to preserve Calcium and Calcium plays a vital role in muscle and brain function, beside its importance in bone building. The recent recommendation in 2008 reversed their 2003 statements and went back to 400 IU per day instead of 200. They also extend it to include babies from birth adults. Here is the link to the latest release: http://www.aap.org/pressroom/nce/nce08vitamind.htm. And here is the link to the clinical report in a pdf file: http://www.aap.org/pressroom/nce/nce08vitamind.htm. This will give you more information about rickets and vitamin D supplementation. Like I mentioned earlier, both breast and cow's milk are deficient in vitamin D. If your are giving your baby Vitamin D –fortified product, then you have nothing to fear. Remember to read the label of ingredients and make sure it contains the right amount and you can easily calculate how much he/she is taking based on the daily consumption.
Post: #80 Title: Re: Tommy Time : لكل الامهات و الامهات (to be) Author: Abdalla Ali Abdalla Date: 10-03-2009, 10:22 AM Parent: #79
Supplementing Vitamin A& B, and other fat-soluble vitamins, like K and E, carry the risk of over dose or what we call hypervitaminosis. I can’t imagine a baby develops this state from eating any kind of food including liver or as a matter of fact vegetables like carrots, roots, or sweet potato, which are very rich in vitamin A, unless you turn your baby into a Bugs Bunny. But, as you know, there are those who overdo stuff and it can happen. A single dose of a million units of Vitamin A can cause acute toxicity. And a daily dose of 15 to 20,000 units taken over weeks or months can cause chronic toxicity. These conditions usually occur in those who use Vitamin A products. As you might know, various skin preparations specially those for treatment of Acne (Retinoid-based) contain that vitamin. The symptom of toxicity may vary from common things like nausea and vomiting, decreased appetite, and hair loss to more serious stuff like increase in the pressure inside the skull with its all complications from head ache to vision damage as well as kidney and liver damage.
Post: #81 Title: Re: Tommy Time : لكل الامهات و الامهات (to be) Author: Abdalla Ali Abdalla Date: 10-03-2009, 10:23 AM Parent: #80
As for iron, while it is known that iron deficiency in a baby could lead to cognitive, & behavioral difficulties, as well as poor school performance later, however, there isn’t strong evidence to confirm that treating iron deficiency will reverse the above. This means, it is of paramount importance to prevent it from happening in the first place. While anemia is quite common during pregnancy, but as we always say, the baby is a parasite, and would usually take his/her needs from his mother and doesn’t care. Here is a link to a fact sheet on iron: http://ods.od.nih.gov/factsheets/iron.asp. And here is the AAP policy (a little bit old, I couldn’t find the latest) http://aappolicy.aappublications.org/cgi/content/full/p...104/1/119#Conclusion The bottom line is, if you are giving your baby iron-fortified products, like fortified Cow’s milk or serial, then you should be fine. The general concept is you treat anemia because of its effects in oxygen carrying capacity and heart/ circulation. That is of course true, but neurologists usually look into the cognitive, behavioral and some serious neurological disease that can occur from deficiencies in iron, folic acid and B 12, as a mother, you would also appreciate this matter more. I want you to continue your wonderful debate in Arabic and you will find us very good readers. Abdalla
Post: #82 Title: Re: Tommy Time : لكل الامهات و الامهات (to be) Author: Abdalla Ali Abdalla Date: 10-03-2009, 06:57 PM Parent: #81
This is just a correction. I meant Vitamins A & D and not B. The B group of Vitamins are water-soluble and usually do not have problems with over dose. As far as Anemia is concerns, Folic Acid, B 12 and B6 all can result in anemia if not taken adequately B 6 deficiency is a known cause of seizures in a newborn.. For pregnant women, daily folic acid is recommended from early on in order to prevent what we call neural tube defects. To make it simple, the neural tube in a developing embryo is the primitive organ that will end up making the central nervous system. Baby might get defects any where along that tube, from defects in the skull with a sac coming out of filled with spinal fluid and /or brain tissue, to defects in the spinal cord with a defect coming out in the back of the baby that contain spinal fluid and nervous tissue or poor development of the head. All these deformities are devastating to the baby and family. So it is crucial that the pregnant woman make sure she takes folic acid and treat anemia as early as possible.
Post: #83 Title: Re: Tommy Time : لكل الامهات و الامهات (to be) Author: smart_ana2001 Date: 10-04-2009, 05:39 AM Parent: #82
سلامات د.عبد الله...حقيقى انا عاجزة عن الشكر. لك شكرى و تقديرى و تقدير كل الامهات هنا لوقتك و جهدك معنا. الاغلبيه هنا لغتهم الانجليزية كويسه(او مثلى بيفكوا الخط). لكن ح اترجم ردود د.عبد الله للفائدة العامة. بس الله... نبدأ
Post: #84 Title: Re: Tommy Time : لكل الامهات و الامهات (to be) Author: مريم بنت الحسين Date: 10-04-2009, 07:05 AM Parent: #83
Post: #85 Title: Re: Tommy Time : لكل الامهات و الامهات (to be) Author: Dania Elmaki Date: 10-04-2009, 07:37 AM Parent: #84
كثر خيركم كثير من زمان والله نفسي افتح بوست للاطفال و الامهات لكن كنت كسلانه
اصبروا جاياكم مع تجاربي مع حمودي من الحمل لغاية وصلنا سنتين و 3 شهور
Post: #86 Title: Re: Tommy Time : لكل الامهات و الامهات (to be) Author: Dania Elmaki Date: 10-04-2009, 08:29 AM Parent: #85
معليش انا ما كنت متابعه من الاول و شكلي حارجعكم وراء شويه
موضوع النوم على البطن ده هنا في امريكا بيحذروك منه المستشفى الف مليون مره و بيدوك مليون كتيب عشان ما يكون عندك عذر, عشان كده دخلتني هلعه خصوصا انه بعرف ناس بنتهم 4 اسابيع ماتت في المهد, المهم كنت بقعد طوال الليل صاحيه و مرقداه على بطنه و بعاين ليه كل 10 دقايق و في الصباح بيدهوا لماما و بنوم انا. كنت بتسفيد من سهر الليل في موضوع شفط اللبن و وضعه في الفريزر و الصباح و انا نايمه بيكون عندهم مخزون كافي وحنجي لموضوع اللبن ده ثاني. النوم عودته من اول يوم انه في روتين و مع انه اخد وقت لكن من عمر 3 شهور خلاص عرف ينوم بالليل في مواعيد معينه و طوال الليل من الساعه 8 بحميه حمام دافي و بلبسه لبس النوم و اخر رضعه و نطفي النور, لمن كبر شويه و بقينا نتسوك بقى يفهم بعد المسواك النوم مافي اكل ولا شراب ولا سهر ثاني و الحمدلله ماشين على النظام ده و فعلا طفلك على ما تعوديه.
موضوع الاكل من البدايه قررت انه ياكل اكل صحي, عشان انا ما باكل صحي ما عاوزاه يطلع زيي, مع اني شغاله لكن كنت بعمل ليه الاكل في البيت كل اسبوع و اجمده, و مشيت حسب كلام الدكتور بدينا من سته شهور, جزر و كل اسبوع كنت بدخل نوع ثاني من الخضار او الفاكهه و اكثر عشرين دولار صرفتها استفدت منها كانا لخلاط اكل الاطفال الكهربائي, كنت بنجض الخضار في مصفى على البخار ما مسلوق و بعدها بطحنه و احفظه في علب بلاستيك صغيره حجم وجبه واحده, زي ما قلت بدينا بالجزر و كل اسبوع نضيف خضار او فاككهه و كنت بعمل ابل صوص و بير صوص برضه في الخلاط و لغاية ما وصلنا الدجاج و بنفس الطريقه مسلوق في مويه و معاه خضار على البخار و من دون اضافة ملح ولا سكر لاي وجبه و استمرينا على كده لغاية ما وصلنا الكسره و التقليه. رغم اني بحاول الاكل يكون بنظام و في مواعيد لكن ماما بتخرب علي :) لانه بيكون في رعايتها و انا في الشغل. اكثر خضار حباه يمكن عشان طعمه حلو القرع و البطاطا الحلوه و ديل ليهم كمان مفعول السحر في عملية التخلص من الفضلات و علاج الامساك لاحتوائهم على الياف ما عاديه, كمان الخوخ و المشمش بيخلوا الطفل منتظم جدا. لاني عانيت من سكر الحمل و كنت باخد انسولين اثناء الحمل نصحوني في المستفى ما اديه عصير اول تسعه شهور و اكتفي بالحليب و المويه و لمن بديت العصير رفضه تماما لكن الدكتور قال لي افيد ليه الفاكهه الطازجه مع المويه بدل العصير و فعلا بقينا حريصين و عىدناه انه ياكل حبتين فاكهه في اليوم. موضوع الحلاوه و البسكويت و الشكولاته للاطفال ده بجيب لي العصبي من زمان عشان كده ما ايدتها عمره كله و لمن احس بيه عاوز حاجه حلوه بديه فاكهه و لو مصر على حاجه حلوه بديه بلح لين و خلاص بقى البلح هو حلاوتنا ما عندنا غيرها. ضروري جدا تعويد الطفل على الاكل الصحي من البدايه عشان تجنبيه مشاكل صحيه في المستقبل و انا الحمدلله بفتكر انه لو في حاجه واحده انا عملتها صح مع احمد اني عىدته على الاكل الصحي.
نجى لموضوع الرضاعه و حفظ حليب الام في الفريزر, الموضوع ده مهم جدا لكل ام خصوصا لو كانت موظفه و لو ما موظفه برضه مهم خالص بيكون مفيد. انا كنت بساهر طول الليل اشفط و اعبي اكياس قدر رضعه و مرات ما بتكمل ربع رضعه لكن المهم في لبن في الفريز للطواري و لو انا نايمه و ما عاوزه اصحى ارضع او في ضيوف مقيلين و ما عاوزه ارضع قدامهم, اجرت الجهاز من المستشفى و اشترتي الادوات اللي بستخدمها انا و بحفظ فيها الحليب, نصيحه ما تشتروا الزجاجات اشتروا اكياس حفظ الحلي لانها ما بتاخد مساحه في الفريز. اللبن ممكن يكون صالح 6 شهور في الفريز. على فكره انا مع اني برضع طبيعي لكن كنت اخر رضعه بتكون حليب صناعي لانه ثقيل البيبي بينوم فتره اطول من لمن تكون رضعه طبيعيه عشان لبن الام خفيف و بيتهضم بسرعه.
اكثر حاجه متعبه في الولاده انه الواحده بتحس بنفسها مضغوطه شديد و خلاص البيبي سيطر على حياتها و ما بتقدر تعمل اي حاجه لنفسها, و ده غلط كبير, ما تخلوا البيبي في ايامه الاولى يسيطر على حياتك و ما ننسى اننا طالعين من ولاده و هرموناتنا متقلبه و طوال فترة الحمل الواحده مرهقه جدا و ممكن ما مهتميه بنفسها, انا شخصيا كان بيجيني شعور انه ما في وقت استحمى فيه رغم وجود امي و اختي معاي لكن قدرت براي اطلع من برنامج البيبي ده بعد اسبوعين و اول مشوار مشيته اني طلعت من غير ماما ما تعرف و مشيت بعربيتي الكوافير عملت نيو لوك و بعدها مشيت شربت ملك شيك في مكاني المفضل, المشوار اخد 3 ساعات و في خلالها جاني زي مليون تلفون من ماما و اني واحده مطرطشه و لازم ارجع و لو في زول جاء يبارك ليك حيقول شنو؟؟؟ لكن رجعت البيت و قررت اني اطلع ساعتين كل اسبوع انشاء الله بس اتمشى في الشارع على الاقل ما يجيني اكتئاب ما بعد الولاده من القفله مع البيبي و تغيير البامبرز و الرضاعه, ماما حلفت انه البيبي ما يشوف الشارع لمن يتم 3 شهور لكن كنت بعد خلص شهر بطلعه بالسرقه منها لو هي في مشوار لانه الدكاتره بيقولوا لازم يطلع و يختلط عشان يكون مناعه. حارجع لموضوع الاكتئاب بعدين
Post: #87 Title: Re: Tommy Time : لكل الامهات و الامهات (to be) Author: عفاف الصادق بابكر Date: 10-04-2009, 08:33 AM Parent: #84
سمارت .. كيفنك مريوم .. انتي طيبة .. وكل المتداخلين الامهات الحنينات .. كل سنة وكلكم طيبين .. موضوع جميل جمال اصلوا مافي اجمل منه .. والمفروض الامهات .. وما الامهات .. والعايزين يكونوا امهات .. لو بعد حين ..(حلوه ولو بعد حين دي ) كلهم يدخلوا هنا .. وممكن كمان الاباء يكونوا هنا موجودين .. لانه في بعض الظروف بكونوا متواجدين اكتر اكتر مع الام والبيبي .. وده حسب تجربتي .. طارق كان بعرف اكتر مني .. وساعدني كتير وانا بعيده من اهلي .. يعني غربه وكده .. عشان كده الاخوان ما يطنشوا البوست الحلوه ده ولازم يكونوا حضور .. لانه والله في اباء بيعيشوا تجربة الولاده وبكونوا لصقين اكتر .. انا متابعة الموضوع من قولت تيت .. وما خليتوا شيء .. ماشاء الله .. بس لما توصلوا للتربية وفنونها . هههههه ما حا اقصر معاكم .. لانه انا بحب متابعة الطفل وتربيته جدا جدا وتجاربي الحمدلله .. وبرجع ليكم كان فى العمر بقية
Post: #88 Title: Re: Tommy Time : لكل الامهات و الامهات (to be) Author: smart_ana2001 Date: 10-05-2009, 04:46 AM Parent: #87
العزيزه مريم ..اخدى راحتك..محل ما تلاقينى واقفه واصلى لحدى ما محمود يجى يقومك من الكومبيوتر
Post: #89 Title: Re: Tommy Time : لكل الامهات و الامهات (to be) Author: smart_ana2001 Date: 10-05-2009, 05:19 AM Parent: #88
ترجمة البوست الاول ...بتصرف* د. عبد الله اشار الى ان اطباء الاطفال فى امريكا و كندا بيعتمدوا على التوجيهات و التوصيات اللى بتطلع من الأكاديمية الأميركية لطب الأطفال. و الدكتور بيوصينا بزياره الموقع الخاص بالجمعية بصورة منتظمة للتعرف على اخر التوصيات. الموقع يهتم بتوعيه العامة من الناس و ليس للاطباء فقط. اشار د.عبد الله الى ان Vitamin D اهميته أساسا فى الحفاظ على وظائف الكالسيوم والكالسيوم يلعب دورا حيويا في وظائف المخ والعضلات ، بجانب أهميته في بناء العظام التوصية الأخيرة في عام 2008 عدلت توصية عام 2003 و اعادت الكمية الموصى بها الى 400 وحدة فى اليوم بدل 200 و حدة فى اليوم. كما أنها تمتد لتشمل الأطفال من الولادةالى البلوغ. ده الربط إلى أحدث إصدار : http://www.aap.org/pressroom/nce/nce08vitamind.htm. وهنا هو ربط التقرير السريري: http://www.aap.org/pressroom/nce/nce08vitamind.htm. الموقع فيه المزيد من المعلومات حول الكساح و فيتامين (د). د.عبد الله زكرنا بانه قال ان حليب الام او حليب الابقار لا يحتويان على vitamin D . لكن اذا كان الطفل بياخد لبن مضاف اليهvitamin D ف ما ح يكون فى مشكلة. و هو برضوا بيوصينا ان نقرا المعلومات الغذائية اللى بتكون فى علب اللبن و نشوف فيه vitamin D قدر شنو و و نشوف الطفل بياخد لبن قدر شنو لنعرف الطفل بياخد vitamin D قدر شنو فى اليوم. و اذا كانت كفايه. ________________________________________________________ د. عبد الله. .اذا كنت عاوزنى اترجم الكلا حرفيا let me know thanks مريم....ما ضررورى تتقيدى بطريقتى فى الترجمة...اخدى راحتك
Post: #90 Title: Re: Tommy Time : لكل الامهات و الامهات (to be) Author: smart_ana2001 Date: 10-05-2009, 05:49 AM Parent: #89
ترجمة البوست الثانى...بتصرف. د. عبد الله بيقول ان Vitamin A& B و غيرها من ال fat-soluble vitamins * ذى فايتمينات K and E تحمل في طياتها خطر التسمم من اخذ جرعة ذائدة او ما يدعوه الاطباء hypervitaminosis. د. عبد الله بيقول بانه ما بيتخيل انو الحالة دى ممكن تحصل من اى اكل بما فيه الكبده او اى خضار ذى الجزر والبطاطا الحلوة اللى فيهم كميات كبيرة من Vitamin A. ما لم تحول الام طفلها الى ارنب. لكن ذى ما كلنا عارفين فى ناس ممن يبالغوا فى اى شى. و ممكن التسمم ده يحدث. جرعة واحدة من مليون وحدة من فيتامين (أ) يمكن أن تسبب تسمم الحاد. وجرعة يومية من 15 الى 20،000 وحدة اخدت على مدى أسابيع أو شهور يمكن أن تسبب تسمم مزمن. الحالات دى عادة ما تحدث مع أولئك الذين يستخدمون منتجات فيتامين (أ). د. عبد الله بقول ان عدد من منتجات العناية باللجلد (خاصة تلك التي تستخدم لعلاج حب الشباب ) فيها فيتامين A . أعراض التسمم تتدرج من الأمور الشائعة مثل الغثيان والقيء وقلة الشهية ، وفقدان الشعر إلى أشياء الخطيرة مثل زيادة في الضغط داخل الجمجمة مع كافة المضاعفات الناجمة منه ذى وجع الرأس لمشاكل فى النظر لحدى فشل فى الكبد و الكلى . ____________________________________________________________________________________________________ *( حقيقى ما عرفت ترجمة دى ..هل هى فيتميانات زيتيه قابلة للذوبان ام فيتميانات قابلة للذوبان فى الزيت)
Post: #91 Title: Re: Tommy Time : لكل الامهات و الامهات (to be) Author: smart_ana2001 Date: 10-05-2009, 06:03 AM Parent: #90
ضحكتينى و الله....يديك العافيه يا مريوم... اها انا وقفت فى التانية.... لو عندك وقت ممكن تبدى فى الثالته ..او انا بجيها راجعه بعد ما تونس شويه مع دانيا و عفاف. _________________________________________ ما ح يفوتنى ان اشكر د. عبد الله مره تانيه على وقته و مجهوده. و يا امهات .....ما تترددوا تسالوا د.عبد الله.
Post: #92 Title: Re: Tommy Time : لكل الامهات و الامهات (to be) Author: smart_ana2001 Date: 10-05-2009, 06:40 AM Parent: #91
سلامات دانيا... يا زوله البوست ده كانه بوستك واحد... عن موضوع الاكل...حقيقى انا ما قاعده ارجى لحدى 6 شهور. 4 شهور بنبدا ناكل الرايس سريال. بس ما بدي اى لحوم لحدى عمر 6 شهور. و بنبدا ناكل بيض فى عمر 9 شهور. اما القمح فبحاول ااخره لحدى عمر سنة او على الاقل 9 شهور. ما فى اى مكسرات لحدى عمر سنتين. و كل التحفظات دى عشان الحساسيات. و حقيقى اكتر حاجه اندهشت فيها فى امريكا هى ان فى ناس فى الدنيا دى عندهم حساسية من الفول السودانى و ممكن يموتوا لو شموه بس. و فكرت كتير جدا" ليه احنا ما عندنا فى السودان حساسيات ذى دى؟" و بعد تفكير لقيت انه اكيد فى حساسيات بس ما معروفه. عندى بنت عمتى كانت بتعانى حياتها كلها من وجع بطن. ماف اى زول قدر يعرف مشكلتها شنو. بقت ضعيفةجدا من عدم الاكل. لحدى ما الزوله دى دخلت كلية الطب و فى سنة رابعة طب عرفت ان عندها حساسيه من القمح (بالتحديد Glutelins) .
و الله يا دانيا عينى بارده عليك و ما شاء الله على انك كنتى بتعملى اكل ابنك بروحك. حقيقى انا بديت اعمل كده. و لما اتكلمت مع طبيبنا بتاع الاطفال . قال لى بانه عمل كده لطفله الاول. لكن باقى اطفاله كانوا بياكلوا قيربر( قيربر هى منجات اطفال شهيرة جدا ..من الملابس للاكل ). و قال لى الدكتور بانه ما فى فرق بين الاكل اللى انا ح عمله فى البيت و بين الاكل الجاهز .خاصة اكل الاطفال فى الشهور الاولى. و فعلا عملت شويه بحث و لقيت ان قربر ما فيها اى مواد حافظة . فيها خطار و مويه بس. و بصراحة عندهم كميه كبيرة جدا من الفواكه و الخضار المتنوعة و مهما حاولت ما كنت ح اقدر اعمل كل الانواع دى لطفلى فى اسبوع واحد. خاصة و انى كنت براااااى . و ذى ما قلت الوالده ما قدرت تجينى فى طفلى الاول. بحييك تانى على اجتهادك على ان طفلك ياكل اكل صحى. انا حقيقى مرقت من البيت من اول يوم.فى يوم خروجى من المستشفى وقفت فى عيادة دكتورتى (ما كنت سايقه طبعا) عشان توقع لى على بعض الاوراق اللى كنت محتاجه ليها عشان ابدا اجازتى من الشغل.فى تالت يوم ..اظن... انى مشيت السوق انا و زوجى و طفلى الوليد عشان نجييب ليه (البيبى ) شويه حجات و من اليوم داك ما وقفنا ....كل يوم يومين فى السوق. بعد 10 يوم سقت و مشيت عشان اودع صديقتى اللى رجعت الهند نهائى و ما كنت ح اشوفها تانى....بعد شهر تماما مشينا مطعم و عشان نفسى كان فى سوشى. بعد 6 اسابيع رجعت الجم. الحمدلله صحتى و البيبى كانت كويسه. امى ما كان عندها اعتراض على الحجات دى ...لكن حقيقى زعلت جدا لما عرفت انى مشيت حفلة للكابلى فى مدينه اخرى و سبت طفلى مع ابوه و كان عمره اقل من شهرين. اظن اننا مفروض نتكلم اكتر عن الرضاعة الطبيعية . حقيقى عكس الشهير عن الغربيين (خاصة الامركان) بانهم ما بيحبوا الرضاعة الطبيعية. بعيشتى فى البلد دى لقيت ان اغلب الامريكانيات بيرضعوا لعمر سنة على الاقل.
Post: #93 Title: Re: Tommy Time : لكل الامهات و الامهات (to be) Author: smart_ana2001 Date: 10-05-2009, 06:46 AM Parent: #92
سلامات عفاف الصادق... كل سنة و انتى طيبه كلامك صحيح 100%. الاب لازم _بقدر الامكان_ يكون عارف الحاصل شنو. ان شاء الله نظريا بس. انا برضوا زوجى كان بيعرف احسن منى ...فى الاول بس. لانه كان الاكبر فى اخوانه و كان بيساعد والدته.و اناالاصغر فى اخوانى و ما حصل شلت لى طفل اصغر من 6 شهور فى حياتى. شكرا على مرورك.و ما تستنى لما نصل للتربية ...اكتبى عن الموضوع اللى بيعجبك.
Post: #94 Title: Re: Tommy Time : لكل الامهات و الامهات (to be) Author: smart_ana2001 Date: 10-05-2009, 07:06 AM Parent: #93
ممكن جدا تجى ام _ او ام مستقبل او اب او اى زول حايم_ و يقول لينا اننا Obsessed بموضوع التربيه و العناية بالاطفال. و اننا- كلنا- امهاتنا ربونا بالفطرة , و الحمدلله ما حصلت اى مشاكل . و ان عنايتنا فايته للحد . ح تخلى اولادنا يطلعوا مدلعين و فاكرين روحهم سنتر الدنيا. عاادى ممكن يجى زل يقول لينا الكلام ده. و حقيقى انا فكرت فى الموضوع ده كتير. و اوصى الامهات -بالاضافه لقراءة كل كتب العنايه بالطفل و تربيته- بقرايه كتاب اسمه : Parenting, Inc.: How the Billion-Dollar Baby Business Has Changed the Way We Raise Our Children مع كل الامنتجات اللى فى الاسواق للعنايه بالبيبى....و مع كل الضغط من المعلنيين على الامهات بشراء كل جديد لاطفالهم..ممكن عادى نطلع اطفال قايلين روحهم سنتر الدنيا. اثناء التحضير لطفلى الاول لقيت انو فى جهاز لتدفئة ال wipes عشان الطفل ما يبرد اثناء تغيير الدايبر. قلت فى سرى انى ماح اشترى الجهاز ده ابدا ابدا. بعد جاء طفلى ..و جاء الشتاء فكرت جديا فى شراء الجهاز. بس ما ح اقول ليكم اشتريته ام لا . بجيكم راجعة
Post: #95 Title: Re: Tommy Time : لكل الامهات و الامهات (to be) Author: Tabaldina Date: 10-05-2009, 08:50 AM Parent: #94
.. . البوست كلو ام يوسف وام لمار وام وائل بالله شفعكم ديل لمن تدخلوهم مرحلة الاساس ادونا خبر ..
_________
قالو الولادة هينة الكلام التربية شدوا حيلكم الزمن دا البرو الامهات .. الابهات دورهم ( نيل )
Post: #96 Title: Re: Tommy Time : لكل الامهات و الامهات (to be) Author: عفاف الصادق بابكر Date: 10-05-2009, 09:13 AM Parent: #95
تبلدينا .. كيفنك يا أخ
Quote: قالو الولادة هينة الكلام التربية شدوا حيلكم الزمن دا البرو الامهات .. الابهات دورهم ( نيل )
صحي والله الولاده هينه .. صعبه التربية .. لا لا لا الابهات عندهم دور برضوا إلا تكون انت زائق ساي .. موضوع التربيه ده خلي لي بجيهو ليك سمح ..
Post: #97 Title: Re: Tommy Time : لكل الامهات و الامهات (to be) Author: Tabaldina Date: 10-05-2009, 09:47 AM Parent: #96
.. . عفه ازيك .. غايتو انا ما عاجبنى الا الزمن الاتغيير دا .. !! زمن تربية الامهات .. طبعا بالمناسبة ظروف السودانيين بقت زى ناس الخليج الام هى معلمه ومدرسة ومربية ومراقبة .. الخ والاب بقى دا الزول الذى لا يفعل شئ حتى الطفل يحتمى من سطوة الام .. الواحد كدا بكون مرتاح يا عفاف من الهم _ اعتبار ما سيكون _
Quote: و حقيقى انا فكرت فى الموضوع ده كتير. و اوصى الامهات -بالاضافه لقراءة كل كتب العنايه بالطفل و تربيته- بقرايه كتاب اسمه : Parenting, Inc.: How the Billion-Dollar Baby Business Has Changed the Way We Raise Our Children
يا اسمارتى .. بالله الترجمه على الشريط براحه على الامهات الاخريات الناس دى ما كلها امهات دارسات لغات ..ولا احتمال يلقو النسخة المذكورة انت تعملى كالاتى : تلخصى اهم النقاط والوصايا بتاعت الكتاب فى فنون التربية الحديثة
Post: #98 Title: Re: Tommy Time : لكل الامهات و الامهات (to be) Author: مريم بنت الحسين Date: 10-05-2009, 10:25 AM Parent: #97
ترجمة المداخلة الثالثة من د.عبدالله
بالنسبة للحديد يا اخوانا، فمعروف انه نقص الحديد عند الطفل بأدي إلى مشاكل منها مشاكل سلوكية، وأداء ضعيف في المدرسة.. على الرغم من كده، فإن مافي دليل قوي يدل على انه علاج نقص الحديد، ممكن يعكس تأثيره السابق.. يعني بالواضح كده يا اخوانا، لو حصل نقص حديد، فإنه صعب اننا نوقف المشاكل البعملها.. بمعني ادق، من المهم جدا انه ما نعرض الطفل للمسألة دي من أولها.. بالنسبة للمرأة الحامل، الأنيميا عادية وموجوده بكثرة، بس طبعا الطفل زي ما الكل بعرف زول دمه تقيل وطفيلي هههههه، بياخد حقه تالت ومتلّت، وبياخد كل حاجاته من الام وما شغلته بيها.. واللنك ده فيه معلومات عن موضوع الحديد... http://ods.od.nih.gov/factsheets/iron.asp ودي توصيات الAPP (الأكاديمية الأمريكية لأطباء الاطفال)، وهي توصيات قديمة زي مابقول الدكتور ما لقى احدث منها http://aappolicy.aappublications.org/cgi/content/full/p...104/1/119#Conclusion
خلاصة الكلام انه لو انت بتدي طفلك منتجات معززة بالحديد، زي حليب البقر المعزز بالحديد او الرقائق (serial) فكده ما عندك اي مشكلة..محور الموضوع انك تعالجي الأنيميا لأنها بتأثر على قدرة نقل الاكسجين إلى القلب والدورة الدموية بشكل عام... طبعا ده صحيح.. لكن أطباء الأعصاب بنظروا للتأثيرات الإدراكية والمشاكل السلوكية وبعض الامراض العصبية الممكن تحصل نتيجة لنقص الحديد، و الفولك أسيد (حمض الفوليك) وفيتامين B12... وإلهي مهمة ليك كأم برضه... عايز اكمل معاكم بالعربي، وانا متأكد اننا حنكون قرّاء جيّدين ليكم... ___________________________
مريم الحسين، certified مترجمة سوداني انجليزي
Post: #99 Title: Re: Tommy Time : لكل الامهات و الامهات (to be) Author: مريم بنت الحسين Date: 10-05-2009, 10:26 AM Parent: #97
Quote: لكن باقى اطفاله كانوا بياكلوا قيربر( قيربر هى منجات اطفال شهيرة جدا ..من الملابس للاكل ). و قال لى الدكتور بانه ما فى فرق بين الاكل اللى انا ح عمله فى البيت و بين الاكل الجاهز .خاصة اكل الاطفال فى الشهور الاولى. و فعلا عملت شويه بحث و لقيت ان قربر ما فيها اى مواد حافظة . فيها خطار و مويه بس. و بصراحة عندهم كميه كبيرة جدا من الفواكه و الخضار المتنوعة و مهما حاولت ما كنت ح اقدر اعمل كل الانواع دى لطفلى فى اسبوع واحد. خاصة و انى كنت براااااى . و ذى ما قلت الوالده ما قدرت تجينى فى طفلى الاول.
انا برضه أكلته محمود Gurber، وانا زااااتي لما كنت صغيرة ماما اكلتني ليه.. عشان كده لما لقيته ما صدقته... اول حاجه اكلها حمودي لما كمّل ستة شهور، كانت البروكلي... وبعداك شويه شويه بقينا ندخل خضار.. طبعا Gurber، اهم حاجه فيه انك بعد ما تفتحيها ما ترجعي ليها تاني.. انا كنت بجيب احجام صغيرة.. ولو كملت، تمام.. ولو ما كملت ما بر جع بأكله ليها تاني...
عفاف إزيك... بالمناسبة، نادر برضه ساعدني كتير.. لكن اكتر شي في انه يديني وقتي الخاص me time... وكنت زي اي ام، بحس انه الحمام ده في مشكلة.. وبخاف اخلي طفلي براه.. ياخ الام اول ايامها بتكون سعرانه عديل كده.. انا بتذكر اني قررت في ذلك الزمان ألا أعود للعمل مهما كان!!!!!
تبلدينا.. الأبهات الايام دي مهووسين بأطفالهم اكتر من الامهات.. لما يجي تبلدينا الصغير، انا متأكده انك حتمشي تفتش موضوعنا ده في الارشيف ههههههههه... وبالمناسبة، نادر متابع البوست ده من اوله... رغم انه محمود بقى راجل....
بنت الحسين
Post: #100 Title: Re: Tommy Time : لكل الامهات و الامهات (to be) Author: smart_ana2001 Date: 10-05-2009, 01:09 PM Parent: #99
سلامات تبلدينا... كيفك يا اخى؟ قلت لى الاباء الايام دى ما جايبين خبر؟ اعمل حسابك...ده موضوع خطر جدا. حقيقى انا ما اتربيت كده...والدى -عليه رحمة الله_ كان عارف اى حاجه عننا و عن تربيتنا. و الحاجه اللى انا شايفاها الان حوالى فى اخواتى وازواجهم و اخوانى مع اسرهم انهم بيشاركوا فى تربية الاولاد. دى شكها موضوه جديده -الحمد لله - ما وصلتنا و ما وصلت اهلى فى السودان. ما تزعل منى يا تبلدينا لكن انا ح اتفشى فيك و اشاكلك. انا بتغاظ جدا من الناس اللى بيقولوا للاطفال "شفع". بكره الكلمة دى جدا.و طبعا ما بقدر اشاكل كل الناس. لكن ح اشاكلك انت. يا اخى ما تقول عليهم شفع. قول اطفال ...قول عيال. ان شاء الله حتى تقول قرود...بس ما تقول شفع. انت عارف يعنى شنو شافع؟؟؟؟ ما تزعل منى...ات ذى اخوى. و شكرا على المرور على بوستانا. عن الكتاب ما اظن اقدر الخصه...بس ح احاول امر على الفكرة العامة فيه.
Post: #101 Title: Re: Tommy Time : لكل الامهات و الامهات (to be) Author: smart_ana2001 Date: 10-05-2009, 01:16 PM Parent: #100
ده الموقع بتاع قيربر: http://www.gerber.com و فيه معلومات مفيده خاصة عن الرضاعة الطبيعية.
ح اجيكم راجعه بواحد من المواضيع اللى فيها وجهات نظر مختلفة و هو موضوع "السكاته" او ال Pacifier بمناسبة كلام دكتور عبد الله عن غذاء الام الحامل.. ممكن يامريم نرجع -سريع - و نتونس عن غذاء الام الحامل و شنو الحجات اللى مفروض تعملها و ما مفروض تعملها اثناء الحمل.
Post: #102 Title: Re: Tommy Time : لكل الامهات و الامهات (to be) Author: Abdalla Ali Abdalla Date: 10-05-2009, 02:48 PM Parent: #101
Thanks Ya Smart & Mariam. Well done. Just two points: when we say deficient we mean not containing enough and not completely lacking. So both human and Cow's milk contain some of the vitamins but not adequate for the stage of development. As for fat and water soluble; It just means in order for the digestive system to absorb the vitamin, it needs a fat medium. So those who have problems fats like those with gall bladder or liver disease can develop vitamin deficiency. As I said earlier, the B group like Folic Acid, B 1, B2, B6, B 12, Pantothenic Acid (B5) do not require a fat medium in the stomach or the intestine in order to be absorbed. I am sure this post soon is going to address the behavior like Autism. I was listening to the CNN on the radio this morning from home to work. They were talking about the increase in the incidence of Autism that stands now at a rate of 1: 90. An increase from 1:150 just few years back. I will wait until you guys finish with how to raise a healthy baby fist. Keep going.
Post: #103 Title: Re: Tommy Time : لكل الامهات و الامهات (to be) Author: smart_ana2001 Date: 10-05-2009, 08:36 PM Parent: #102
فى البوست الرابع د.عبد الله بيقول ان مشاكل التسمم من الفتميانات بتحصل من Vitamins A & D و ليس B و باقى الفايتميانت اللى بتحتاج لماء فى المعدة و الامعاء عشان الجسم يستفيد منها. بخصوص الانميا ...د.عبد الله بيقول ان نقص اى من :Folic Acid, B 12, and B6 ممكن يودى لانميا. نقص فايتمين B 6 معروف بانه بيسبب صرح فى الاطفال حديثى الولاده. المراة الحامل مفروض تبدا تاخد جرعة يومية من حمض الفوليك بدرى جدا فى الحمل عشان تمنع حدوث مشاكل فى الأنبوب العصبي. الأنبوب العصبي هو الخلايا اللى بتكون الجهاز العصبى الذي يتألف من الدماغ والحبل الشوكي.
المشاكل قد تحصل للرضيع في أي مكان على طول هذا الانبوب ، و مكن تكون فى شكل عيوب في الجمجمة مع كيس مملوءة بسائل الشوكي و/أو أنسجة المخ ، إلى وجود عيوب في الحبل الشوكي مع وجود خلل في السائل الشوكي والانسجة العصبية أو ضعف تطور في الرأس. المشاكل دى بتكون اثارها صعبة جدا على الطفل والأسرة. عشان كده مهم جدا جدا ان المرأة الحامل تتاكد من انها بتاخد كفاية من حمض الفوليك. و تعالج الانميا سريع جدا. ___________________________ شكرا د.عبد الله
Post: #104 Title: Re: Tommy Time : لكل الامهات و الامهات (to be) Author: smart_ana2001 Date: 10-05-2009, 09:21 PM Parent: #103
فى البوست اعلاه د. عبدالله بيصحح ترجمتى لما قلت ان اللبن ما فيه فايتمين د. الحقيقة ان الدكتور قال بانه ما فيه فايتمين د كفاية للمرحلة دى من عمر الطفل. د. عبدالله بيشرح لنا يعنى شنو fat soluble فايتميانات. بيقول انها فيتمينات بتحتاج لدهون عشان الجهاز الضمى يهضمها. عشان كده الناس اللى عندها مرارة او مشاكل فى الكبد ممكن يجيهم نقص فى الفايتمينات دى. ذى ما قال لينا د. عبدالله ... فايتمينات Folic Acid, B 1, B2, B6, B 12,B5 ما بتحتاج دهون فى المعدة عشان تتهضم. د. عبدالله اتكلم عن الAutism او داء التوحد. و ان عدد الحالات اللى شخصت بالمرض ده زادت من حالة فى كل 150 طفل الى حالة فى كل 90 طفل كما كان قبل سنوات قليلة.
Post: #105 Title: Re: Tommy Time : لكل الامهات و الامهات (to be) Author: smart_ana2001 Date: 10-05-2009, 09:36 PM Parent: #104
حقيقى الAutism مرض خطير جدا. ما متزكره سمعت الكلام ده وين( احتمال فى المسلسل التلفزيونى House MD ) بان درجات المرض مختلفة جدا جدا من زول بيكون بس ما بيحب بتكلم مع الناس و يختلط بيهم لحدى زول بيكون ما بيقدر يتواصل مع الناس حوله نهائى. صديقتى عندها طفل عمره حوالى 4 سنوات .. ما بيتكلم لسه. لما الاقيه بحاول اشغاله باى طريقة حتى لو اشيل لعبة من يده. بيصرخ و يبكى لكنه ابدا ما بيتكلم معاى. قبل شهور صدمت جدا لما لاحظت بانه ما بيعمل معاى eye contact نهائى. اصلا ما شفتو عمل eye contact مع اى زول. انا اظن بان الطفل ده عنده احدى درجات الAutism. لكن لاسف ما ح اقدر اتكلم مع صديقتى دى. احنا السودانين حساسيين جدا فى الموضوع ده.
Post: #106 Title: Re: Tommy Time : لكل الامهات و الامهات (to be) Author: انتصار محمد صالخ بشير Date: 10-05-2009, 10:03 PM Parent: #100
الاخوات الكريمات
اسمارت ومريومة
سلام عليكم
جيتكم راجعة ساواصل معكم باذن الله
بس النخلص من قراية الكلام الجميل الفوق دا
انتصار
Post: #107 Title: Re: Tommy Time : لكل الامهات و الامهات (to be) Author: مريم بنت الحسين Date: 10-05-2009, 10:54 PM Parent: #106
Quote: حقيقى الAutism مرض خطير جدا. ما متزكره سمعت الكلام ده وين( احتمال فى المسلسل التلفزيونى House MD ) بان درجات المرض مختلفة جدا جدا من زول بيكون بس ما بيحب بتكلم مع الناس و يختلط بيهم لحدى زول بيكون ما بيقدر يتواصل مع الناس حوله نهائى. صديقتى عندها طفل عمره حوالى 4 سنوات .. ما بيتكلم لسه. لما الاقيه بحاول اشغاله باى طريقة حتى لو اشيل لعبة من يده. بيصرخ و يبكى لكنه ابدا ما بيتكلم معاى. قبل شهور صدمت جدا لما لاحظت بانه ما بيعمل معاى eye contact نهائى. اصلا ما شفتو عمل eye contact مع اى زول. انا اظن بان الطفل ده عنده احدى درجات الAutism. لكن لاسف ما ح اقدر اتكلم مع صديقتى دى. احنا السودانين حساسيين جدا فى الموضوع ده
يا الله يا سمارت، والله اتأثرته بالموضوع ده شديد.. مسكينه صديقتك ... اول عرض واضح من الAutism هو عدم وجود eye contact... الطفل الautistic بكون ما بعاين ليك في عينك مباشرة.. وما ببدي اي عواطف تجاهك خالص... الرقم الكتبه د.عبدالله ده مخيف جداً.. وطوره ماشي في زيادة.. بدون ما يكتشفوا ليه مسبب او علاج.. الله يستر على الجميع
انتصار.. مرحب بيك.. ومنتظرينك
Post: #108 Title: Re: Tommy Time : لكل الامهات و الامهات (to be) Author: Dania Elmaki Date: 10-06-2009, 04:06 AM Parent: #107
واصلوا متابعين معاكم
موضوع الاكل انا اخترت اعمل الاكل في البيت لاني كنت بشعر بسعاده و انا بعمله لاحمد يمكن لاني كنت بحس بالذنب لاني بمشي الشغل و بخليه في البيت مع ماما. لكن القربر ما فيه اي كلام و صحي جدا. نشيت اقول ليكم اني بديت الرايس سريال من عمر اربعه شهور لكن عمل لاحمد امساك فظيع ماما قالت لي جربي اوتميل و فعلا من يومها ما عمل امساك ابدا و نصيحه لو الرز عمل امساك طوالي بدليه باوتميل رهيب و بيمشي البطن ممتاز جدا.
موضوع الكوليك و الغازات لقيت ليه حل هو الماء غريب, لكن ما اي ماء غريب, بعد بحث و اكتر من اتصال للدكتور لقين نوعين بس مصدقه عليهم ال اف دي ايه و احد اسمه كوليك ايس و الثاني بابي بليس غريب واتر, بصراحه جربت كوليك ايس و كان ممتاز جدا احيانا كنت بوضع منه في الفورميولا او في الحليب الكنت بشفطه. بخصوص الاعشان في دكاتره كتار بيحذروا منها للاطفال لكن انا سألت الدكتور من الحلبه و بعد ما عمل عليها بحث اظنه اتصل و قال ممكن اديها ليه, و لمن يكون عنده مغض كنت بغليها و بصفيها و مويتها بحل بيها الفورميولا و ريحتنا شديد.
Post: #109 Title: Re: Tommy Time : لكل الامهات و الامهات (to be) Author: smart_ana2001 Date: 10-06-2009, 07:17 AM Parent: #108
السكاته او الPacifier فى اطفال بيستمتعوا لما يتشالوا و يهدهدوا و فى اطفال بيكونوا مبسوطين و هم بيمصوا فى حاجه اى حاجه حتى لو ما جعانيين..و ده النوع اللى ممكن الام تستخدم ليه سكاته عشان يروق و يهدأ. الوصيه للام اذا كان طفلك شبعان و اتكرع و نظيف و اكيدما عندو مغص. و حتى بعد ما شلتيه وهدهتيه لسه زهجان و fussy ...نقول للام ززجربى السكاته. مع انى ما مقتنعه بالكلام الجاى ده ...بس لقيته فى اكتر من موقع فى النت . فى درسات بتقول ان الوفاة المفاجاءة للاطفال الرضع تقل كتير جدا فى الاطفال اللى بيستعملوا سكاته (و ما تسالونى ليه ...الله اعلم) طيب قلنا الفوائد . من مساوى استخدام السكاته انها بتزيد احتمال التهاب فى الاذن الوسطى للطفل. اطباء الاطفال بيوصوا الام اللى ناوية ترضع طفلها رضاعة طبيعية ان تاجل استخدام السكاته لحدى ما الطفل يتعلم يرضع تماما من امه. و الا الطفل ممكن يجيه nipple confusion و عموما الاطباء بيوصى بنفس الشئ مع الرضاعات الاخرى. لازم الطفل يعمل يرضع كويس من امه بعدين الام ممكن تديه لبن صناعى او سكاته. اهم حاجه ان تتاكدى ان الطفل شبعان بعدين تديه السكاته. و مهم جدا العنايه بيها و نظافتها بانتظام. عن السكاته و اثرها على اسنان الطفل...الاطباء بيقولوا انها ما بتاثر لو الطفل تركها قبل ما تبدا الاسنان الدائمة فى الظهور. و الايام دى كمان شايفه سكاتاتك -قالوا- ما بتضر بالاسنان و شكلها. الملخص..ممكن تدى طفلك سكاته. انا شخصيا ما استعملتها لاطفالى نهائى...و السبب ان كنت خايفه ان تقع فى الارض و طفلى يتناولها و يختها فى خشمو وتعمل لينا مشاكل.
Post: #111 Title: Re: Tommy Time : لكل الامهات و الامهات (to be) Author: مريم بنت الحسين Date: 10-06-2009, 10:14 AM Parent: #109
سمارت ازيك السكاته ولا الغشاشه او الpacifier.. اشتريتها قبل ما أولد.. وعجبتني الاشكال بس.. لما جينا للجد، رفضت تماماً إني استعملها.. كفاية اسمها ياخ "غشاشه"... وكنت بحس اني محتاجه اعرف شعوره في كل لحظة.. وما كنت ابداً عايزه اخدره بيها... نادر جاب لينا حاجه جميلة جداً.. اللعبة دي ريحتني شديد لما كان بكون متضايق.. حتى لما كان في بداية عمره.. هي زي الأشكال ملونه البتتخته في سرير الطفل، لكن portable.. وكمان قريبه ليدينه.. فكان بحاول يلمسها وهو راقد.. كانت بتشغله فترة طويلة جداً.. لحدي ما يجوع او يوسخ، يقوم يبكي... وشفتها افيد ليه، من ناحية.. تعتبر رياضة ليه لانه بحاول يوصلها بي يدينه وكرعينه.. على سيرة الرياضة.. ماما علمتني streaches اعملها ليه كل فترة.. ممكن المره الجاية اجي اكتب عنها...
Post: #110 Title: Re: Tommy Time : لكل الامهات و الامهات (to be) Author: مريم بنت الحسين Date: 10-06-2009, 10:03 AM Parent: #108
انا لما بديت مع الrice ما عمل ليه حاجه.. وكنت اصلا بديت في عمر 6 شهور... ما دخلنا في الحته بتاعت الoatmeal دي.. ماء غريب انا ما استعملته خالص لمحمود... موش لسبب معين.. بس باختصار ما اتذكرناه.. هههههههه استخدمته الحلبه... وكنت بشرّبها ليه بالملعقة عشان هو لحدي اللحظة دي ما دخل في خشمة بزّه.. كان رافض رفض بات.. ولحدي الآن ماما بتضحك عليه.. كانت تعمل ليه الformula.. وتجي تقعد، وتحاول معاه بالذوق، ما يرضى.. بالقوة.. يقوم يتف ليها الدخل في خشمه.. ويقعد يعاين ليها.. طبعا في النهاية انا حسمته امري.. وقلت بلا formula بلا بزّه بلا هم.. حاولت قصة الشفط دي، وبرضها ما نفعت معاه..
شكرا مره تانية .. ومنتظرين المزيد
Post: #112 Title: Re: Tommy Time : لكل الامهات و الامهات (to be) Author: انتصار محمد صالخ بشير Date: 10-06-2009, 10:38 AM Parent: #110
اخواتى الكريمات
السلام عليكن
ما شاء الله تجارب وافكار ومعلومات مفيدة جدا بس معليش ياريت ترتبو لينا الحاجات عشان شكل النقاش يكون ماشى متسلسل بداية من الحمل ومشاكله وتغذية الحامل ورعايتها
حسب مراحل الحمل الثلاثة ودور الازواج فى الدعم المعنوى للزوجات وبعد كدا الولادة ومرحلة النفاس وما فيها من عاداتنا والصحيح والغير صحيح فيها لان معظم النساء السودانيات
الواحدة تتعب جدا عشان تتخلص من زيادة الوزن الحادثة من الولادة والحمل وماهى التمارين المناسبة لذلك . ونجى للرضاعة ومشاكل الاطفال مع الرضاعة وهل كميات اللبن عند الام كافية ومشبعة
اذا لا البديل شنو وكيف تزيد الام كمية الحليب مع الغذا المناسب . حمام الطفل والعناية بيه والملابس المناسبة دا اعتقد كتبتو عنه كويس الطفال ومشاكل التسنين والعناد بتاع الاطفال والاكل ومشاكله ....
بصراحة كل المكتوب جميل ومفيد جدا لكل الامهات الجدد وحتى القداما كتبادل خبرات وتجارب من بعضنا
بس خلونا نسلسل عشان نمشى كويس لما نوصلهم المدرسة
عفوا اخواتى للمقاطعة
انتصار
Post: #113 Title: Re: Tommy Time : لكل الامهات و الامهات (to be) Author: مريم بنت الحسين Date: 10-06-2009, 12:29 PM Parent: #112
انتصار ازيك.. وشكرا والله على إعادة الصياغة.. اعتقد احنا كنا ماشين صاح.. بس الواحده فينا بتكون overwhelmed بتقوم تقول اي حاجه عارفاها.. الحماس زيادة :)...
نبدأ من الحمل.. ومن التخطيط ليه.. وطبعا الحمل المخطط احسن من ناحية الاستعداد النفسي والجسدي.. والأم أول ما تفكر في الحمل مفروض تاخد حبوب حديد وحبوب فوليك اسيد (حمض الفوليك).. عشان تضمن انه دمها يكون كويس لما يبدأ الحمل.. والفولك أسيد طبعا لحماية الطفل من التشوهات..
اول ما يبدأ الحمل بتمر الامر بتغيرات كتيره، بتختلف من واحده للتانية.. ممكن التغيرات تكون ملموسه.. وظاهرة.. وممكن ما تظهر خالص لدرجة المرأة نفسها ما تكون عارفه نفسها حامل ولا لأ... انا حابه أركز على قصة الوزن... وشنو هي الزيادة المناسبة... طبعا الزيادة الكلية في الوزن ممكن تصل لحدي 13 كيلو (30 رطل لناس الرطل).. باعتبار وزن الطفل ووزن الكيس بتاعه.. والسوائل الممكن تكون محبوسه في الجسم.. 13 كيلو دي للناس الأساساً وزنهم طبيعي او مثالي... النساء الوزنهم زائد... مفروض ما تتجاوز الزيادة عندهم 6 كيلو (13 رطل)... بمعنى آخر.. المرأة الوزنها زايد مفروض تنتبه لوزنها بحيث انها ما تزيد.. والحقيقة ممكن to diet... لانه الطفل كما أكد د.عبدالله أعلاه كائن طفيلي بياخد المحتاج ليه.. بس أهم حاجه ان الام تاخد كفاياتها من المواد الغذائية الأساسية.. وتقلل من الدهون السيئة والسكريات قدر الإمكان.. بالنسبة للرياضة أثناء الحمل، اليوجا خيار ممتاز... وYoutube مليان بفيديوهات يوجا للحمل اعملي search.. بي كلمة pregnancy yoga... بس بشكل عام بقولوا ليك ما تعملي رياضة ما كنت بتعمليها قبل الحمل، يعني ما تتعلمي رياضة جديدة اثناء الحمل... السباحة ممتازه .. وبالعدم، المشي احسن رياضة..
يا ريت لو تفصيلي لينا اكتر يا سمارت عن تجربتك من الناحية دي..
شكرا يا انتصار مره أخرى
Post: #114 Title: Re: Tommy Time : لكل الامهات و الامهات (to be) Author: smart_ana2001 Date: 10-06-2009, 07:01 PM Parent: #113
سلامات لكل الامهات( و امهات المستقبل) حقيقى يا مريم كل الاطباء بيقولوا لام ما تحاول تنزل و زنها ايام الحمل....ابدا... ابدا. فعلا الطفل "كائن طفيلى" و ح يسحب كل المتوفر من الغذاء { اذا فرضنا انه موجود غذاء}.. لكن انتى اللى ح تتعبى جدا. اهم حاجه (ذى ما قالت مريم)ان الام الحامل تبدا تاخد "فيتامينات ما قبل الولادة prenatal vitamins" اول ما تبدا تخطط للحمل. و فى حالة عدم التخطيط اول ما تعرف انها حامل. فى انواع من الprenatal vitamins بتتصرف برشته من الدكتور. و فى انواع ممكن تشتريها من الصيدلية من غير رشته. و اذا كانت صحة الام عموما كويسه ممكن تاخد prenatal vitamins من غير رشته. و انا بقول كده عشان ما تحتاج الام تنظر لحدى ما الحمل يتاكد و تقابل دكتور بعدين تبدى تاخد الvitamins اما لو كنتى بتحبى تخططى لكل شئ ...اعملى مقابلة مع طبيبك كلميه انك بتخططى للحمل و الدكتور -غالبا- ح يكتب ليك prenatal vitamins . عن الرياضة ...القاعدة العامة....ما تعملى رياضة ما كنتى بتعمليها قبل الحمل. حتى المشى...لو بديتيه بعد الحمل....ابدى براحة...براحة. لو كنتى بتجرى قبل الحمل ممكن تواصلى جرى (لو كانت صحتك و صحتة طفلك كويسه و الحمل ماشى كويس) و الاهم ان دكتورك قال ليك OK . المشكله الكبيره فى الجرى (او اى رياضه عاوزه حركة سريعة) ان مفاصل الام الحامل خاصة منطقة الحوض بتكون بدات "تتفرتق" شويه شويه استعدادا للولادة الطبيعية. عشان كده جسم الام الحامل ما بيكون متوازن تماما. عشان كده ذى ما مريم قالت اليوقا ممكن تكون انسب رياضة. جسم المراة الحامل بيرجع (المفاصل.. تحديدا الحوض) بيبدوا يرجعوا لحالتهم بعد 6 اسابيع. الجسم بيرجع لحالته(تانى...انا بتكلم عن المفاصل.. تحديدا الحوض) بعد حوال 6 الى 7 شهور. عشان كده بيقوا للمراة الحامل ما تلبس كعب عالى(مشاكل التوازن). من الجحات الى انا وقفتها تمام مع حملى الاول ما رجعت ليها ابدا حتى الان الصودا. وقفت الشاى و القهوة برضوا بالرغم من قول الدكاتره بان كبايه او اتنين فى اليوم is ok. لكن الدرسات اثبتت ان الكافين فى الشاى و القهوة بيصل لدم الطفل من خلال المشيمة. و انا بصراحة ما كنت عاوزه اطفال بتاعين مزاج just kidding. لكن بالجد لقوا ان الاطفال اللى امهاتهم كانوا بيشربوا شاى و قهوة بيخشوا فى caffeine withdrawal بعد الولاده
Post: #115 Title: Re: Tommy Time : لكل الامهات و الامهات (to be) Author: Dania Elmaki Date: 10-07-2009, 01:00 AM Parent: #114
سلام
مريم جيت ابرد نفسي عندكم
موضوع التخطيط للحمل مهم جدا و الاطباء بيعتبروه قمة الوعي و المسؤوليه, انا شخصيا لازم اخطط للحمل لاني مريضه بالسكري و منظمه بالدايت لكن في حالة رغبت في الحمل لازم اتناول انسولين قبل الحمل بفتره كافيه و اعمل برنامج مع الدكتور اني اراجعه كل اسبوعين و معاي الجدول بتاع نتيجة الفحص اليومي اللي بيوصل ل 5 مرات في اليوم, بعدها الدكتور بيقرر ممكن يحصل حمل ولا لا؟؟ انا شخصيا بحب استعد من بدري و بفتكر انه النظام ده مهم.
برجع ليكم بتفاصيل, يلا كلموني عن الحمل و عن الوحم و انا الوحم ده عندي معاه قصه رهيبه
Post: #116 Title: Re: Tommy Time : لكل الامهات و الامهات (to be) Author: مريم بنت الحسين Date: 10-07-2009, 10:51 AM Parent: #115
دانيا (عاااااااااااااافيه منك في الموضوع داك.. والله انت وسمارت فاشيني فشّه)
بالنسبة للوحم... الدكاتره كالعادة في منهم بقولوا ليك وهم.. لكن والله الوحم ده مافي شي حقيقي اكتر منّه.. عندنا واحده قريبتنا اخصائية نساء وولادة.. كانت تقول ليك، ده دلع نسوان ساي... اول ما اتزوجت وحملت..شافت بي عينها.. واتغيرت كل المفاهيم.. الوحم مسألة مزعجة جداً.. وبتخلي الواحدة زي المجنونة... حاسة الشم بتكون قوية .. والواحده بتحصل ليها حاجات كده ما مفهومه... أغرب حاجه، الحاجات البتكرهيها في الوحم، بتستمر معاك عقدة.. انا إلى الآن بحس بإحساس بايخ كده بما اشوف Dr.Phil...
بالنسبة للسكر بتاعك يا دانيا، هل هو سكر حمل، ولا سكّري؟ انا جاني سكر الحمل كعارض كده.. وارتفع مرتين، مره في الشهر الخامس، ومره في الشهر التاسع.. في الشهر التاسع خلا البيبي يتنفخ.. ويبقى حجمه كبير.. مما صعّب الولادة ..
لكن قريبتك الدكتوره دى بالغت...كيف يعنى دلع نسوان?? فى البلد دى ....او ل ما تصلى 6 اسابيع الدكتور بيبدا يسالك اذا حاسه بعدم شهية او ( عدم المؤاخده) طمام. اذا كان عندك طمام بيدوك ليه حبوب طوالى. و فى انواع من الحبوب على حسب شدة الحالة. الموضوع المهم برضوا هو سكر الحمل او Gestational diabetes . اختارى يا مريم واحد (السكرى او الوحم)و اكتبى فيه و انا برجع اكتب فى التانى. بعدها ممكن نتكلم عن الاختبارات المعملية المهمة اللى مفروض تتعمل اثناء الحمل. _________________________
عن مرحلة الحمل اتكلمنا عن: 1- رياضة الحامل 2- احسن طريقة انها تنوم. 3- الغذاء و الفايتمينات اللى مفروض تاخدها و اهميتها
**** لو فكرتوا فى اى حاجه تانيه فى مرحلة الحمل feel free انو تكتبوا فيها. لحدى ما نخلص من الحمل و نكمل موضوع العناية بالطفل حديث الولاده
Post: #118 Title: Re: Tommy Time : لكل الامهات و الامهات (to be) Author: smart_ana2001 Date: 10-07-2009, 04:32 PM Parent: #117
شكرا يا انتصار على ( اعادتنا لى الموضوع بصورة مرتبة) ذى ما قلتى- و امنت مريم- خلونا نخلص من موضوع الحمل الاول. بعدين مرحلة ما بعد الولادة مباشرة(النفاس) و بعدين نشوف ح نمشى على وين! ما يفوتنا- مريم وانا- نشكر كل الامهات اللى مروا علينا و الامهات اللى بيقرونا بس. و الامهات اللى بقوا ستات بوست ذى انتصار و دانيه و رحاب خليفة (اللى زاغت الان).
Post: #119 Title: Re: Tommy Time : لكل الامهات و الامهات (to be) Author: smart_ana2001 Date: 10-07-2009, 04:50 PM Parent: #118
نسينا نتكلم عن الام الحامل مفروض ما تاكل شنو. الام الحامل مفروض ما تاكل : 1-اى جبنة ما مبستره -لان فيها بكتريا ممكن تكون مضرة. 2-اى سمك كبار (ذى الحيتان)-لانه بيكون عايش لزمن طويل و اتراكم فى جسمه الزئبق اللى هو مضر جدا للانسان 3 اى لحم ما نجيض -دى معروفه ليه.( دى بتنطبق على انا....بحب السوشى جدا و اكتر حاجه مزعلانى كانت انى ما بقدر اكله) 4-اى حاجه فيها السكر بتاع ناس السكرى -حقيقى ما معروف لسه انو ممكن يعمل شنو للجنين عشان كده بيقولوا للام تتجنبه(احتمال يكون ما بيعمل اى حاجه) 5- الاسبرين و كل منتجاته...الا يكون الدكتور وصفه ليك لسبب معين. ____________________________________ من الحجات اللى مفروض الحامل تتجنبها برضو الساونا او bath يكون حار جدا...و معناه انها ما تملا البانيو بمويه حاره جدا و تقعد فيها لزمن طويل. حتى الدش مفروض درجة حرارة المويه تكون اقل من 100F ( دى كم درجه مؤوية??) و اظن الدخان بتاعنا احنا السودانين مفروض يدخل فى نفس القائمة دى. مفروض برضوا الحامل تشرب مويه كتيره...و ده بقلل من التورم بتاع الرجلين و اليدين اللى بيكون تراكم مويه فى الجسم. و ايوه...مفروض الام تشرب مويه زياده عشان تتخلص من المويه دى. ممن الام برضوا ترفع رجليها بمخده بالليل عشان تقلل الورم فى الرجلين. بجيكم راجعة
Post: #120 Title: Re: Tommy Time : لكل الامهات و الامهات (to be) Author: انتصار محمد صالخ بشير Date: 10-07-2009, 10:25 PM Parent: #119
العزيزات مريم ...اسمارت
السلام عليكم
طبعا التخطيط للحمل مهم جدا بس فى مشكلة احيانا صعب التخطيط بعد الولادة للطفل الاول قد تكون الام ترضع ومنقطعة عنها الدورة وبعد شوية تلقى الواحدة
دخلت فى قصة حمل جديد وهى جسمها لم ياخذ كفايته من الراحة عشان كدا شخصيا انصح النساء باستخدام المانع المناسب لوضعها وان كان اللولب هو الخيار الافضل
عشان الرضاعة.
الحاجة التانية قصة الوحم دى امر يختلف من مراة الى اخرى شخصيا لم امر بها وكان الامر عادى عندى وتعليلى الشخصى كنت مشغولة جدا بالدراسة
الراحة مهمة جدا للمراة الحامل يعنى نومة منتصف النهار تعطى المراة كمية من الطافة .
انا كنت اعانى من تورم فى ارجلى وعملت اختبار السكر وكانت النتيجة عدم وجود سكر الحمل بس نصحنى الطبيب بشرب كمية من المياه
ومن التجارب المحلية ان اضع ارجلى فى البحر وفعلا ساعدنى جدا بتخفبف الورم يمكن السبب ان مياه البحر مالحة لا اعرف بالضبط التفسير العلمى ليها
بس كان برنامج جميل ان اخذ معى كرسى واجلس وارجلى فى الماء وكانت فرصة للقراءة والتامل .
بعدين عليكم الله ما تنسوا تشرحوا لينا احساس الام عند اول تحرك للجنين فى بطنها والاصوات وتاثر الطفل عند سماعها شخصيا فاروق ولدى كان بحب
الموسيقى ويتحرك عند سماعها وسبحان الله هو فى بطنى .الان يحب جدا الموسيقى وممكن ماشين فى الشارع كعادة الاوربيين احيانا العزف فى المطاعم والشوارع
يقف يرقص تمام وانا وابوه ننتظر لما يخلص.وبرضو كنت بسمعه قران كتير ,
Post: #121 Title: Re: Tommy Time : لكل الامهات و الامهات (to be) Author: Dania Elmaki Date: 10-08-2009, 00:22 AM Parent: #120
ازيكم بنات
مريم, اصبري بنفشك اكثر و اكثر,
انا جاني سكري حمل في حملي باحمد, لكن استمر بعد الحمل, و احنا اصلا السكري عندنا وراثه, عامله ليه علاج بالنظام الغذائي لكن لمن اكفر في الحمل لازم اخد انسولين و اتابع مع دكتوري و ده عشان السكر يكون مظبوط طوال الحمل. لازم اخد انسولين قبل الحمل 3 شهور و اتابع مع الدكتور و كل اسبوع ارسل ليه نتائج الفحص الفاكس و اشوفه كل اسبوعين يعني نظام من غير اي لعب, و بنصح اي واحده عندها سكري تعمل كده م البدايه بالجد البرنامج ده رحمه و بيخليك مطمئنه على الجنين و بيحافظ علي صحتك و على البيبي. انا باحمد ولدوني اول يوم دخلت 37 اسبوع و ولدت قيصري عشان البيبي ما كان نازل كويس و بصراحه لو ربنا رزقني ثاني برضه حأختار قيصري لانها مريحه جدا.
موضوع الوحم ده انا غايتوا وحمي وحم لذيذ, ما في ريحه بتضايقني, لكن بتوحم على العطور و البخور, اول ما اقول لزوجي و لا صاحبتي نفسي في ريحه جديده ولا ماشه المول اشتري ريحه بيسالوني انت حامل؟؟ :) انا اصلا بحب العطور, لكن في الوحم بحب اجرب عطر جديد و لازم الطقم كامل و بحب البخور موت في الوحم, الحاجه الكرهتها في احمد كانت الدجاج و لهسع ما بحبه لكن القرف الشديد منه راح شويه, يعني كنت ما بقعد معاهم في السفره لو في دجاج. غير كده بحب الفراوله و الاناناس و زيتون.
لكن بتجيني دناوه كده ما عاديه, مره في الوحم كنت راقده مستشفى في ابوظبي و كنت حامل شهرين, المهم باللليل شامه لي ريحة جرجير, والله قمت من غرفتي تابعت الريحه, لقيتها في المطبخ, يمنيات بيقطعوا ليهم في سلطه, والله لو ما كانوا ادوني منها كنت مت, و عشان يدوني منها, مشيت سخنت ليهم بيزا كانت عندي في الثلاجه و عزمتهم عليها و هم يحلفوا و انا احلف و كنت حريصه اني اوريهم رقم غرفني عشان يجيبوا لي من السلطه و سالوني اتعشيتي قلت ليهم لا و فعلا جابوا ليه منها, طماطم و جرجير و بصل و ملح و ليمون, لكن كانت احلى سلطه في الدنيا, بس الليل كله ما نمت من الحموضه و كل شويه اقول للمرضه جيبي انتي اسيد :)
Post: #122 Title: Re: Tommy Time : لكل الامهات و الامهات (to be) Author: مريم بنت الحسين Date: 10-08-2009, 00:56 AM Parent: #121
Quote: بصراحه لو ربنا رزقني ثاني برضه حأختار قيصري لانها مريحه جدا.
دايرين نناقش النقطة دي يا جماعة.. لاني ما اول مره اسمعها...
وغايته يا دانية.. بجيك بالمهلة.. لكن جرجير!! جرجير يا دانية.. والله بالغتي
Post: #123 Title: Re: Tommy Time : لكل الامهات و الامهات (to be) Author: Dania Elmaki Date: 10-08-2009, 01:10 AM Parent: #122
جرجير يا مريم, معاه طماطم و بصل و ليمون حامض و ملح كثير, لا و شحدته كمن شحده لكن بطريقه راقيه خلتهم هم يحلفوا الا اكل منه, لكن بيني و بينك لو ما كانوا جابوا لي منو كنت حأضرب لسيف نص الليل يجيب لي جرجير في المستشفى :)
القيصريه دي انا حبيتها, كلها 45 دقيقه و انتهينا, بعد اسبوعين كنت بسوق و بطلع و بجي عادي و بعد 3 يوم خلاص ما احتجت لاي مساعده في اي حاجه و لمن طلعت البيت كنت بطلع السلم عادي لكن بستعمل المسكن للالم.
Post: #124 Title: Re: Tommy Time : لكل الامهات و الامهات (to be) Author: smart_ana2001 Date: 10-08-2009, 05:13 AM Parent: #123
سلامات يا انتصار.... مهم جدا ان الامهات يعرفوا ان الرضاعة ما طريقة من طرق منع الحمل!انا ما عارفه الناس جابت الفكرة دى من وين! و بالمناسبة فى حبوب منع حمل للمرضة و لا تؤثر على الرضاعة. شكلك و الله استمتعتى بالحمل ..بحر و موسيقى وكده..ما شاء الله.
Post: #125 Title: Re: Tommy Time : لكل الامهات و الامهات (to be) Author: smart_ana2001 Date: 10-08-2009, 05:22 AM Parent: #124
دانيه ..قصة الجرجير دى و الله مبالغة... و حكايه البخور و الريحة لذيذه برضو
Quote: بصراحه لو ربنا رزقني ثاني برضه حأختار قيصري لانها مريحه جدا
شكلك بس محظوظه كنت فى القيصرية..لان الحاجه اللى انا قريتها و شفتها عن القيصريةانها صعبة جدا...قولى الحمد لله. و اطمنك ..اذا ولدتى اول مرة قيصرى الاحتمال انك تولدى تانى مرة طبيعى ضعيف جدا جدا. و الاطباء غالبا ح يقول ليك انهم ما ح يخاطروا و يحاولوا يولدوك طبيعى. لو لقيت زمن ممكن ارجع اتكلم عن الموضوع ده تانى _______________________________________ ربنا يديك ذى ما عاوزه
Post: #126 Title: Re: Tommy Time : لكل الامهات و الامهات (to be) Author: smart_ana2001 Date: 10-08-2009, 05:57 AM Parent: #123
الوحم او ال Morning Sickness الغثيان والقيء يمكن أن تكون واحدة من العلامات الأولى للحمل وعادة ما يبدأ في حوالى الاسبوع السادس للحمل. الغثيان او الطمام ممكن أن يحدث في أي وقت من اليوم.. ما عارفه مسمينه Morning Sickness بالانجليزى ليه بالنسبة لمعظم النساء بيروح حوالى الاسبوع ال12 من الحمل. فى ناس بيستمر معاهم لنهاية الحمل. الوحمما ضار للك أو لطفلك ، ولكن إذا كان فى التقيؤ شديد بطريقة تمنع بقاء اى طعام فى المعدة احتمال يكون الام عندها حالة بيقولوا عليها hyperemesis gravidarum. الحاجه دى مضرة جدا اذا كانت شديده لان الجسم بيكون ما فيه اى مواد غذائية و برضو وعدم توازن الأملاح المعدنية. لو كان فى تقئ شديد مفروض الام تتكلم مع دكتورها و اكدي ح يشوفوا ليها حل. الغثيان فى الوحم غالبا ما يكون نتيجة لزيادة الهرمونات في الجسم. العديد من الاطباء بيفتكروا ان الغثيان ده مؤشر جيد لانه بيعنى ان المشيمة بتنمو بصورة كويسه. للتقليل من الغثيان الاطباء بينحوا الحامل بانها: 1-تاكل وجبات صغيرة. يعنى بدل 3 وجبات الام احسن تاكل 6 وجبات صغيرة. 2-ما تشرب ماء مع الاكل. تشرب ماء على الاقل نصف ساعة قبل او بعد الاكل 3-تشرب مويه بصورة منتظمة عشان ما يجيها dehydration 4-الصباح ممكن تاكل ليها بسكويته قبل ما تقوم من السرير...و ترتاح فى الرسرير حوالى 15 دقيقة قبل ما تقوم. 5-تتجنب الحجات اللى بتعمل ليها طمام 6-خلى زول تانى يطبخ ليك فى البيت و فتحى الشبابيك عشان ريحة الاكل تطلع من البيت 7- نوم بالنهار مهم جدا 8- تتجنب الجؤ الساخن..تقعد فى مكان درجة حرارته معتدلة 9-الليمون و الجنجر بيساعدوا فى التخلص من الطمام 10- بعض الناس لقوا انو اكل بطاطس مملح (قطعة واحده ) ممكن ترووح الطمام و تخلى الام تقدر تاكل وجبتها. 11- الرياضة برضو مهمة جدا للتخلص من اعراض الوحم 12- مفروض الام تتجنب الاكل اللى فيه بهارت كتيرة 13- ما ترقد بع الاكل طوالى 14- ما تفط وجبة..على الام ان تاكل كل وجباتها فى مواعيده 15- فى ناس بينفع معاهم المياه الكربونية...يعنى صودا بس مويه ما فيها نكهة او حت سكر. مويه و كربونات 16- فى ناس برضو بينع معاهم حبوب Vitamin B6 عشان تمنع الطمام اللى بيجى مع الحمل 17- فى حاجه اسمهاSea Bands ...و هى حاجه بتتلبس فى اليد و يقال بانها بتروح الطمام
Post: #127 Title: Re: Tommy Time : لكل الامهات و الامهات (to be) Author: smart_ana2001 Date: 10-08-2009, 09:24 AM Parent: #126
Post: #129 Title: Re: Tommy Time : لكل الامهات و الامهات (to be) Author: مريم بنت الحسين Date: 10-08-2009, 01:19 PM Parent: #128
Quote: -الصباح ممكن تاكل ليها بسكويته قبل ما تقوم من السرير...و ترتاح فى الرسرير حوالى 15 دقيقة قبل ما تقوم
سمارت، أعتقد قصدك على الcrackers، .. البسكويت المملح.. لأن في بداية الحمل الام بكون عندها دوخة، وفي الغالب، هبوط في الضغط...
بالنسبة للرضاعة.. هي مانع طبيعي، لكن خفيف.. جسم الام لما تكون بترضّع طبيعي بتفرز هرمون بتساعد في منع الحمل.. بس المنع ما بكون كامل.. عشان كده حبوب منع الحمل الخاصة بالرضاعة فيهاهرمون البروجسترون المابمنع إفراز الحليب.. والحبوب دي ما بتستمر معاك لفترة طويلة، وفعاليتها بتقل تقريبا بعد ستة إلى تسعة شهور من الحمل، وبتطلب الوضع بعد ذلك استخدام الحبوب مزدوجة الهرمونات (استروجين + بروجسترون).... بس الحبوب كلها انا اقتنعت عن تجربة انها مضرّه جداً.. وبتخلي المرأة في حالة زهج دائم، وضيق ودبرسه... ده غير الwater retention إلى هو احتباس الموية في الجسم والweight gain زيادة الوزن... وغيرها من المشاكل...
بالنسبة لسكري الحمل، فهو طبعا ما يعتبر مرض، بل عرض... يعني أثناء الحمل، الهرمونات بتقلل من عملية إفراز الأنسلوين في الجسم، مما يؤدي إلى زيادة السكر في الدم.. والبنكرياس بكون غير قادر على إفراز انسلوين كافي ليغطي احتياجات الام وطفلها.. وعادة بظهر في المراحل المتقدمة من الحمل.. وغالبا بزول بعد الولادة مباشرة، او في نسبة قليلة من الناس بستمر معاهم... أهم حاجه الام تعملها في مواجهة سكر الحمل، هو التقليل من الكربوهيدرات.. والسكريات.. وممارسة المشي قدر الإمكان.. في بعض الحالات بتضطر الام إنها تاخد انسولين.. لكن في حالات كتيره بتكون مافي حوجه.. وبالمحافظة العادية الامور بتمشي..
أكبر مشكلة في النساء العندهم سكري حمل، إنه الطفل وزنه بزيد، مما يسبب صعوبة في الولادة.. وغالبا ما يلجأوا للعملية القيصرية في حالة اطفال السكري...
وسكري الحمل ما ممكن إكتشافه، يعني ما عنده أعراض.. سوا الفحص الscreening البحصل مع الزيارات الشهرية.. من خلال إخذ عينة بول من الحامل.. ويتم إدخال شريط ملوّن يعطي دلالة وجود بروتين في البول.. إذا وُجد.. فإن هذا لا يعني بالضرورة وجود سكر حمل.. ولكنه مؤشر فقط.. يتم بعدها عمل فحص يسمى الGTT (اكعب فحص في التاريخ بالنسبة لي).. حيث تصوّم الام.. ويتم إعطاءها 100 جرام من العصير المركز (جلوكوز).. ويتم أخذ عينة دم.. بعد ساعة يتم أخذ عينة أخرى.. وهكذا لمدة ثلاثة ساعات.. والنتيجة بعدها ستظر وجود سكر أم لا..
النساء المعرضات لسكري الحمل.. هم البدينات .. ممكن تحديد مستوى البدانة بي البكون BMI ليها اكتر من 30.. لكن ما بالضرورة اي واحدة بدينة يكون عندها.. برضه وجود المرض في العائلة..
في قطر، لما ولدت محمود.. كان عندهم نظام انه العندها سكر حمل ووزن الطفل اكثر من اربعة كيلو، يتم عمل عملية قيصرية.. وبشكل عام لو وصل وزن الطفل اربعة كيلو، بعملوا قيصرية.. وجيت لقيت النظام ده هنا في السعودية برضه موجود... واعتقد الهدف تقليل مخاطر الولادة الطبيعية الممكن تحصل نتيجة زيادة وزن الطفل.. منها مثلا انه الطفل بكون معرّض لإنه يُسحب بالقوة أو باستخدام الvaccum الشفّاط.. مما يؤدي إلى بعض المشاكل..
سمارت.. منتظره اعرف اكتر عن العملية القيصرية.. لانه انا سمعت اكتر من واحده انه الموضوع أصبح بسيط.. ووالدتي لما ولدت آخر طفل عندها، اخوي الصغير (12 سنة) كانت بتشكّر في القيصرية شديد.. وبتقول انها اسهل من الطبيعي، حتى في مرحلة الrecovery... عايزه اسمع راي مضاد... وبرضه انا ممكن اجي اتكلم عن الـepidural او زي ما بسموها هنا الولادة من غير ألم.. ده عن تجربة طبعا..
دانية يا بتاعت الجرجير.. الناس تتشهى في steak في ملاح في فاكهة في خارج الموسم... بالعدم في فسيخ!...
انتصار.. تحية ليك.. وللوحم بمزاج.. بالنسبة لإنتفاخ الكرعين، وعلاقته بمياه البحر.. انا ممكن انظّر ليك.. الانتفاخ طبعا بحصل من الwater retention.. الانسجة بتاعت الجسم بتحتفظ بالموية، وغالبا الموضوع بحصل لانه نسبة الاملاح في الانسجة دي بتكون عالية، بتقوم تجذب ليها اي سوائل حايمة... لما تختي كرعينك في وسط مالح.. اكثر من ملوحة الانسجة عندك، بتشجع السوائل تطلع من الجسم إلى الوسط الاكثر ملوحة(اكثر تركيزن اكثر كثافة).. عن طريق المسام.. أنفع؟
تحياتي لكن جميعا، والله انا سعيدة بالبوست ده ايما سعادة..
بنت الحسين
Post: #130 Title: Re: Tommy Time : لكل الامهات و الامهات (to be) Author: smart_ana2001 Date: 10-08-2009, 05:44 PM Parent: #129
Post: #131 Title: Re: Tommy Time : لكل الامهات و الامهات (to be) Author: smart_ana2001 Date: 10-09-2009, 04:40 AM Parent: #130
الموقع اللى ختته انتصار فعلا من افضل المواقع على الاطلاق. انا اى حاجه بتحير فيها بمشى افتشها فى الموقع ده
Post: #132 Title: Re: Tommy Time : لكل الامهات و الامهات (to be) Author: smart_ana2001 Date: 10-09-2009, 05:41 AM Parent: #131
Quote: سمارت، أعتقد قصدك على الcrackers، .. البسكويت المملح.. لأن في بداية الحمل الام بكون عندها دوخة، وفي الغالب، هبوط في الضغط...
سلامات مريم هى فعلا كراكر...لكن ما عشان الدوخة بتاعة الهبوط فى الضغط...هى بس عشان ترفع معدل السكر فى الدم. بيفتكروا ان سبب الغثيان هو هبوط فى السكر فى المد عشان كده بيقولوا للام انها تاكل وجبات صغيرة كتيره و ما تجوع ابدا. دى فرصى برضو نتكلم عن الدوخه و لفة الراس اللى بتجى مرات مع الحمل.... الدوخه من الحجات العادية اللى بتحصل فى الجمل. السبب الرئيسى للدوخه هى ان ارتفاع الهرمونات اللى بتيخلى الاوعية الدمويه ترتخى و تتوسع ( relax and widen ) عشان تساعد فى مرور دم اكتر للجنين. لكن ده بيخلى رجوع الدم فى الاورده بطئ. و ده هو اللى بيخفض ضغط الدم و بالتالى بيقلل ال flow بتاع الدم للمخ و بينتج عن ده الدوخة دى. الدوخه برضو ممكن تحصل من انخفاض السكر فى الدم ..خاصة ان الجسم بيحتاج لزمن عشان يتاقلم على المتابولزم الجديده بتاعة الجسم مع الحمل. النساء اللى عندهم دوالى varicose veins او انميا بتجيهم دوخة اكتر. فى الثلث التانى من الحمل الدوخة ممكن تجى من الرقاد على الظهر. و ده بيخلى وزن البيبى يضغط على وريد رئيسى بينقل الدم من الجزء الاسف من الجسم الى القلب. دى شويه وصايا عشان تقلل من الدوخة... *- على الام تجنب الوقوف لزمن طويل. و اذا كان لازم تقيف احسن تحرك رجليها عشان تساعد حركة الدم فى رجليها. *- على الام برضو ان تقوم براحة و حتى لو كانت راقده..تجلس فى السرير براحة و بعدين تنزل من السرير براحة برضوا *- تاكل وجبات صغيرة ...و تكون بتاكل فى فاكه او خضار طوال اليوم.باختصار ..ما تستنى لما تجوع حتى تاكل. *-برضوا مفروش تتجنب تاخد دش حار. *- بعد الشهر الرابع..الام مفروض تتجنب النوم على ظهرها. *- لبس هدوم واسعه و ماااهلة to avoid restricting circulation *-برضوا الاكل اللى فيه حديد بيساعد فى تقليل الدوخة _____________________________________________________________ على الام ان تمشى الدكتور طوااالى اذا كان الدوخه معاها نزيف او معاها وجع بطن. مفروض برضوا الام تمشى الدكتور على طول لو كانت الدوخه معاها عدم وضوح الرؤية او صداع او زيادة فى ضربات القلب.
Post: #133 Title: Re: Tommy Time : لكل الامهات و الامهات (to be) Author: smart_ana2001 Date: 10-09-2009, 06:27 AM Parent: #132
Quote: منتظره اعرف اكتر عن العملية القيصرية.. لانه انا سمعت اكتر من واحده انه الموضوع أصبح بسيط.. ووالدتي لما ولدت آخر طفل عندها، اخوي الصغير (12 سنة) كانت بتشكّر في القيصرية شديد.. وبتقول انها اسهل من الطبيعي، حتى في مرحلة الrecovery
عارفه يا مريم ... ما دام ده كلام زول جربهم الاتنين معناها اكيد كلام صحيح. لكن...كل الكتب بتقول ان ال recovery بتاع الولاده الطبيعية اقل و اسهل. دى مخاطر الولاده القيصرية...دى حجات ممكن تحصل و ممكن ما تحصل...بس ال risk دائما موجود...
اللتهاب فى الرحم او المثانه ممكن يحصل فقدان الدم بيحصل اكتر فى الولاده القيصريه. امراة و احده لى ستة بيحتاجو نقل دم فى كل 100 حالة ولاده قيصريه مخاطر اصابه الbowel or bladder و دى بتحصل فى حالتين فى كل 100 حالة ولاده قيصرية ندبه او Scar tissue ممكن تحصل فى الرحم و تعمل مشاكل فى الولادات القادمة. حتى فى المستشفى برقدوك من 3 الى 5 يوم بعد الولاده ..ده لو مشت كويس جدا. الاطباء بيقولوا ان الزمن اللى بتحتاجه الام لل recovery بيتراوح من اسابيع لى شهور (على حسب) و ده بياثر على ال bonding بين الام و الطفل. فى ناس كمان البنج بتاع العمليه اوحتى مسكنات الالم البياخدوها بتعمل ليهم مشاكل. بالنسبة للطفل فى مخاطر بتاعة صعوبة التنفس (لقوا انو الاطفال اللى بيتولدوا قيصرى بيكون عنهم -مرات - صعوبع فى التنفس) الاطفال اللى بيتولدوا قيصرى بيكون عندهم Low APGAR scores و ده بيكون بسبب البنج. Low APGAR scores : حاجه بقيسوا بيها الصحة العاملة للطفل حديث الولاده. و اظن انهم بيعاينوا للون البيبى ...ضربات قلبه...العضلات والجهاز التنفسي. _________________________________________ عموما بقولوا للام الوالده قيصرى ما تدنقر اوتشيل حاجه اتقل من طفلها لمده 6 شهور. حتى الرياضة (غالبا) ما بيخلوها تبدا تتريض (تمارين البطن) قبل 6 شهور. فى الولاده الطبيعيه الام ممكن تتريض (تمارين البطن ) من اول اسبوع. لكن ده كلام الكتب....و فى النهاية كل زول تجربتوا بتكون مختلفة
Post: #134 Title: Re: Tommy Time : لكل الامهات و الامهات (to be) Author: smart_ana2001 Date: 10-09-2009, 07:49 AM Parent: #133
Quote: بالنسبة للرضاعة.. هي مانع طبيعي، لكن خفيف.. جسم الام لما تكون بترضّع طبيعي بتفرز هرمون بتساعد في منع الحمل.. بس المنع ما بكون كامل.. عشان كده حبوب منع الحمل الخاصة بالرضاعة فيهاهرمون البروجسترون المابمنع إفراز الحليب.. والحبوب دي ما بتستمر معاك لفترة طويلة، وفعاليتها بتقل تقريبا بعد ستة إلى تسعة شهور من الحمل، وبتطلب الوضع بعد ذلك استخدام الحبوب مزدوجة الهرمونات (استروجين + بروجسترون).... بس الحبوب كلها انا اقتنعت عن تجربة انها مضرّه جداً.. وبتخلي المرأة في حالة زهج دائم، وضيق ودبرسه... ده غير الwater retention إلى هو احتباس الموية في الجسم والweight gain زيادة الوزن... وغيرها من المشاكل...
كلامك صحيح يا مريم..بس عاوزه ازيد عليه ان االرضاعة ممكن تكون 98% مانع اذا كانت الام ما بتدى الطفل اى حليب صناعى...ولا حتى نقطة واحده..حتى الغشاشة غير مسموح بيها اذا قررت الام تستعمل الرضاعة كمانع للحمل. اذا كان الطفل بينوم بالليل اكتر من 6 ساعات و طبعا الام ما بترضعوا خلال الساعات دى ...بتبقى الرضاعة ما فعالة فى منع الحمل. المكشلة بتحصل فى حوالى سته شهور بسبب ان الطفل غالبا ما بيكون بدا ياكل و بالتالى بيقل اللبن اللى بياخده و بالتالى الرضاعة بتبقى ما فعالة. و ذى ما قلنا الخط رفيع جدا... حبوب الرضاعة دى فعالة جدا جدا و ممكن الام تستخدمها طول ما هى بترضع...و ابدا ما سمعت يا مريم انها ما فعاله بعد 6 شهور...خاصة و انها بتستخدم فى حالات تانيه غير الرضاعة. فى ناس بيكون عندهم حالات اخرى ما متزكراها الان لكن بيستعملوا الحبوب بتاعة الرضاعة لمنع الحمل و هم اصلا ما بيرضعوا. هى ما فعالة ذى الحبوب التانيه بس فعالة. اهم حاجه مع الحبوب هى الرياضة..حبوب من غير رياضة -خاصة لواحده عمرها اكتر من 35 سنة- ممكن تعمل جلطة...
Post: #135 Title: Re: Tommy Time : لكل الامهات و الامهات (to be) Author: مريم بنت الحسين Date: 10-09-2009, 10:46 AM Parent: #134
Quote: حبوب الرضاعة دى فعالة جدا جدا و ممكن الام تستخدمها طول ما هى بترضع...و ابدا ما سمعت يا مريم انها ما فعاله بعد 6 شهور...خاصة و انها بتستخدم فى حالات تانيه غير الرضاعة. فى ناس بيكون عندهم حالات اخرى ما متزكراها الان لكن بيستعملوا الحبوب بتاعة الرضاعة لمنع الحمل و هم اصلا ما بيرضعوا. هى ما فعالة ذى الحبوب التانيه بس فعالة.
انا لما محمود وصل عمر تسعة شهور، طبيبتي حولتني للحبوب المركبة..
الرياضة بعد الولادة دي نقطة مهمة برضها.. انا بتكلم عنها.. (حجزتها)...بجي برواقة بعدين
اها كده الحمل والولادة اتغطوا، لكن انا حابه والله اسمع عن تجربة دانية اكتر في موضوع الولادة القيصرية.. وعايزه اعرف انتصار رأيها شنو...
Post: #136 Title: Re: Tommy Time : لكل الامهات و الامهات (to be) Author: smart_ana2001 Date: 10-09-2009, 03:51 PM Parent: #135
سلامات يا مريم.... راجنك فى موضوع الرياضة بعد الولاده و راجين راى دانية و انتصار فى الولاده الطبيعية و القيصرية ممكن برضوا نتكلم عن الاكل المناسب للام فى اول ايام بعد الولاده. ممكن نتكلم عن العادات السودانيه (مديدة الحلبه و البلح) شنو اللى فعلا مفيد و شنو اللى بيسمن من غير فائده. ممكن نتكلم عن فوائد الرضاعة للطفل (دى اغلب الناس عرفنها) لكن اغلب الناس ما عارفين فوائد الرضاعة للام. _________________________________________________________________________ قبل ما نمشى لمرحلة ما بعد الولاده و لو لقيتى وقت برضو مرى سريييييع على الاختبارت الطبيه المفروض تعملها الحامل اثناء الحمل...و مواعيد كل اختبار.
Post: #137 Title: Re: Tommy Time : لكل الامهات و الامهات (to be) Author: Dania Elmaki Date: 10-09-2009, 05:53 PM Parent: #136
I will come back later.
Post: #138 Title: Re: Tommy Time : لكل الامهات و الامهات (to be) Author: smart_ana2001 Date: 10-10-2009, 07:43 PM Parent: #137
where is everybody?
Post: #139 Title: Re: Tommy Time : لكل الامهات و الامهات (to be) Author: Dania Elmaki Date: 10-11-2009, 01:35 AM Parent: #138
بنات كيفكم؟
انا موضوع القيصريه, انا بالنسبه لي البيبي ما كان نازل في الحوض, و لانه جان سكري حمل و ضغط جنين قرر الدكتور انه في 37 اسبوع او قبلها بيوم خلاص البيبي ممكن يطلع و يكون عادي, اصلا لانه جاني سكري الحمل و في السابع ضغطي ارتفع شديد ادوني حقن كورتيزون لانهم توقعوا اني ممكن اولد مبكر الحقن دي بتساعد رئة البيبي عشان تنمو بسرعه عشان يتنفس طبيعي في حالة الولاده المبكره, بس كمان الحقنه دي بترفع مستوى السكر في الدم, المهم دكتوري حب انه يعمل احتياطي بالحقنه دي. المهم ضغطي كان مرتفع و كنت متورمه و البيبي لسع ما نزل, الدكتور قرر انه بكره نعمل قيصريه, او اني امشي المستشفى اليله و يعملوا لي طلق صناعي 24 ساعه و لو بعد داك ماقدرت اولد طبيعي يعمل قيصريه, قلت على شنو, قيصريه. زوجي كان في الامارات و ما كان في وقت انه يحضر عشان العملية اتقررت قبلها بيوم واحد. المهم يوم العمليه مشيت صايمه و مشت معاي امي و اختي الصغيره 21 سنه, رقدوني و جهزوني للعمليه و وضعوني تحت المراقبه ساعتين. دخلت معاي اختي, بصراحه كنت كويسه لكن لمن دخلت غرفه العمليات حسيت بانه دي حاجه ما طبيعيه و اني مفروض انا اتوجع و اكورك و اسكلب و اصحي الناس بالليل و نجري المستشفى بالشنطه, احساس غريب انه حاجه ما طبيعيه. المهم الدكتور شرح لي بالظبط حيحصل شنو؟ و عرفني على دكتور التخدير و شرح لي الابيدورال حتعمل شنو و بيحصل شنو, المهم الابدورال الادوني ليها عشان يدخلوها ادوني حقنة تخدر المكان, و مسكني دكتوري من رقبتي عشان ما اتحرك و معاه ممرضه, المهم حسيت بنار من رجليني متحركه لفوق يعني سخونه و حراره كده و بعدها تلجت, قلت جاك الموت يا تارك الصلاه, كلمت الدكتور قال لي عادي و طبعا بديت افقد الاحساس تدريجيا من الاقدام للضهر فوق, غطوني ببطانيه النوع البيطلعوه من المايكرويف داك لذيذه, بعدها طبعا ختوا قدامي بارتشن عشان ما اشوف و اختي لبسوها و جات قاعده جنبي, انا ما حاسه باي حاجه و لا شايفه حاجه اختي على يميني و دكتور التخدير على شمالي بيتونسوا معاي, بعد ربع ساعه قلت لاختي الدكتور ده راجي شنو ما يبدأء تاوقت بورا البارتشن قالت لي زي الريدي كت يو اوبن, جواب مخيف, المهم انا و اختى بنتونس و بتحكي لي قصه لواحده ولدت قيصرري في السودان و انه البنج فك في نص العمليه و ما لقوا بنج ثاني و لمن جوا يخيطوا البطن الدكتور قال الخيط ده غلط ما ياهوا جيبوا خيط ثاني و لمن مشوا يفتشوا الخيط الكهرباء قطعت و كملوا الخياطه برتينه, و المصيبه بتحكي بالانجليزي و دكتور التخدير و دكتور الاطفال المستني البيبي عشان يشيلوا يطمئن عليه شبكونا اوه ما قاش, ريلي؟؟ ويري اس زيس؟؟ وات كونتري؟؟ اختي فضحتنا : المهم بعد شويه اختي قامت بالكاميرا تصور البيبي و مشت قصت الحبل السري و انا سامعه صوت البيبي, وروني ليه و شالوا طوالي دكتور الاطفال و ممرضته وزنوه و نظفوه و ادوه بزه, عشان كنت ماخده حقنة انسولين من الليل, و ادوني ليه, بصراحه اول ما ادوني ليه عاينت ليه و سالت الدكتور ولدي كويس و كل شئ تمام, قالي لي بيرفكت, قلت الحمد لله و اديتهم اسمه و لبسوني سوار المستشفى و حضنت ولدي و نمت حسيت اني ما قادره افتح ثاني و خلاص تعب الشهور ده كله انتهى و نمت و البقيه في العدد القادم
Post: #140 Title: Re: Tommy Time : لكل الامهات و الامهات (to be) Author: مريم بنت الحسين Date: 10-11-2009, 10:35 AM Parent: #139
دانية الملك هوووووي.. ما بنقدر ليك على الحلقات، ما تجهجينا عليك الله...
Quote: و اختى بنتونس و بتحكي لي قصه لواحده ولدت قيصرري في السودان و انه البنج فك في نص العمليه و ما لقوا بنج ثاني و لمن جوا يخيطوا البطن الدكتور قال الخيط ده غلط ما ياهوا جيبوا خيط ثاني و لمن مشوا يفتشوا الخيط الكهرباء قطعت و كملوا الخياطه برتينه, و المصيبه بتحكي بالانجليزي و دكتور التخدير و دكتور الاطفال المستني البيبي عشان يشيلوا يطمئن عليه شبكونا اوه ما قاش, ريلي؟؟ ويري اس زيس؟؟ وات كونتري؟؟ اختي فضحتنا
طبعا اختك هنا بالغت.. إيه الحكاوي المأسوية دي.. انت يا اخت دانية ما لقيتي غير القصة دي في الوقت داك؟ احكي ليها قصة فرايحيه.. الزولة بطنها مفتوحه.. وانت تديها في سيناروهات بتاعت ألفردهيتشكوك!
الإبدورال انا اخدتها في ولادتي الطبيعية.. اول ما الطلق سخّن شوية كده.. وكنت انا اصلا طالباها، جاتني اخصائية التخدير، اسمها مريم عبدالله، سودانية شغالة في مستشفى حمد في الدوحة.. قعدتني على حيلي.. وطلبوا منّي ما اتحرّك.. عملت لي الحقنة في ظهري.. وبعدها بشوية كده ارتحته راحه شديدة.. وكنت في دنيا تانية.. ونمممممممته.. وكل شوية تجي الدكتوره تفحصني.. وتمشي.. الدكتوره اسمها هند برضها سودانية.. عشان كده انا كنت مطمئنة شديد.. كانت ماما بتمشي وتجي.. بعد شويه كده بديت احس بألم خفيف، زادوا لي الجرعة بتاعت التخدير.. لكن انا متأكده انه الالم الكنت بحسه ولا 1% من الألم الحقيقي.. بعد شوية لما بدأت الولادة.. والامور كانت مستقرة.. محمود قرر انه ينوم، وعلى ما يبدو السبب كان التخدير.. وانا ضغطي ارتفع لسبب ما! فقرروا انه نبدا.. وفوق راسهم في استشاري لبناني شابكهم ICU is prepared.. وهم كلهم بتكلموا انجليزي، قايلني انا المنكشه ما فاهماهم.. اللبناني مُصر على القيصرية، وقرروا يدوني فرصه شوية، والسودانية مصرّة على الطبيعي، وبتشجعني.. وانا ما كانت فارقه معااي، بس عايزه اخلص من الورطة دي.. الساعة 6:03 مساءاً يوم 30/7/2006، الود الشقي ده مرق.. وبسبب سيناريو غريب، اكتشفوا انه انا كان عندي سكري حمل ظهر في آخر اسبوع وما كانوا مكتشفينه (قضيت آخر اسبوع من الحمل في المستشفى).. ومحمود طلع منفوخ.. ومسكونا في الrecovery room، لحدي ما اخد محمود حقن الانسلوين بتاعته.. واستقر سكر الفي الدم عنده.. وبعداك اخدونا الغرفة.. واللصقة الياها! من يومها الزول ده ما اتفرق منّي.. واقف لي في حلقي.. الحضانه انا البوديه واجيبه.. غايته السبت الجاي حيمشي المدرسة لأول مره براه بالبص.. من حسي قلبي مقطوع
المره الجاية بحكي عن الrecovery بعد الولادة الطبيعية... لما تجي دانية تحكي عن الrecovery من القيصرية...
سمارت.. قاعدين والله .. بس المشاغل احيانا بتضغط
Post: #141 Title: Re: Tommy Time : لكل الامهات و الامهات (to be) Author: Dania Elmaki Date: 10-11-2009, 04:32 PM Parent: #140
مريم, دانيه المكي, شنو انت و بريمه ماسكيني دانيه الملك دانيه الملك :)
اها برضه البقيه في العدد القادم :)
Post: #142 Title: Re: Tommy Time : لكل الامهات و الامهات (to be) Author: Dania Elmaki Date: 10-13-2009, 03:05 AM Parent: #141
مشيتو وين؟
Post: #143 Title: Re: Tommy Time : لكل الامهات و الامهات (to be) Author: smart_ana2001 Date: 10-13-2009, 05:59 AM Parent: #142
سلامات يا دانية...قاعدين ..بس لكن تقولى شنو...يوم الاتنين ده يوم صعب شديد خلاص. مريم..وينك؟
Post: #144 Title: Re: Tommy Time : لكل الامهات و الامهات (to be) Author: مريم بنت الحسين Date: 10-13-2009, 10:19 AM Parent: #143
ازيكم يا امهات.. والله انا امس كان off.. لكن مشيت اسجّل محمود في الpreschool.. واستلمته الكتب.. يوم السبت ببدأ أول يوم ليه... ومستعده للبكا (بكاي انا طبعا، لانه محمود بحب الاطفال والمدرسة)..
متابعة للكلام القلته.. عن recovery في الولادة الطبيعية.. طبعا في نظريات كتيرة بين النسوان.. منها استخدام (القرض المغلي مع الشاي) لتطهير الجرح.. والتعجيل بشفاؤه... ودي حاجة جربتها.. ونفعت معاي.. طبعا الام بعد الولادة بتقوم تفتكر انها عايزه سريع جدا ترجع للرشاقة الكانت عليها قبل الحمل.. وبتتخيل انها اول ما تولد بتضعف، وبطنها ترجع طبيعية.. لكن البحصل فعلياً إنه المرأة بتاخد فترة عشان ترجع عادية.. وواحدة من المقولات الكان بقولها لي نادر، إنه التغييرات الحصلت ليك دي أخدت تسعة شهور عشان تحصل.. على الاقل اديها نفس المدة دي عشان ترجع.. رغم انه تسعة شهور فترة طويلة لعودة الامور لطبيعتها.. لكن المقولة الهدف منها عدم الاستعجال.. زميلاتنا السعوديات في الكلية، الواحده بعد تولد بترجع بعد شهرين زي العروس... وما ممكن تقولي دي كانت والدة.. ولما سألتهم عن السر.. كان عندهم حاجتين.. الحاجة الأولى هي نظامهم الغذائي... قالوا لي انهم لحدي ما يكملوا الاربعين، ممنوع الواحده فيهم تاكل كربوهيدرات (خبز، رز، .. ) من اي نوع.. وبقولوا إنها بتنفخ البطن من غير فايدة.. في المقابل بياكل بروتينات لحوم دجاج سمك.. وعمليا أمهاتهم بحشوهم حشو بالاكل.. بياكلوا اكل خرافي.. بس يبعدوا عن الخبز والرز.. وطبعا عصائر.. الحاجه التانية بسموهو المشد الاندونيسي.. وده تأثير الخدم عليهم... الاندونيسيات بعد الولادة الواحده فيهم بتربط بطنها بحزام خاص طوله 20 متر.. لحدي ما ترجع مكانها... الحزام ده بتباع عندنا هنا بي 100 ريال.. طبعا احنا في السودان عندنا الحركة دي، لكن لحدي حسي النسوان بربطوا بالعمة... وهي طبعا ما convenient.. ومزعجه.. لانها ممكن تتفك.. الاندونيسيات ظبطوا الموضوع.. وسهلوا عملية الربط... يبقى السؤال التاريخي، نربط ولا ما نربط!!؟؟ اي طبيبة/طبيب حتسأليها حتقول ليك لأ ما تربطي.. وتقولي ليك ممكن تبدأ بتمارين خفيف وشويه شويه ترجع البطن.. النسوان الكبار حيقولوا ليك ايوه اربطي.. والنصحية لله.. انا شفته الربطوا بطونهم كيف والما ربطوا بطونهم كيف... دحين ورونا رايكم بالله... ده شكل الحزام الاندونيسي ما لقيت صوره اوضح. لكن زي ما باين، بيتم تصنيعه بصورة تجارية، ومشهور جدا هنا في السعودية ودول الخليج...
بالنسبة للتمارين بعد الولادة الطبيعية ممكن سريع جداً تبدا الام.. يعني من تاني يوم ممكن تبدا لو صحتها كويسه وما تعبانه.. او بعد اسبوع.. الولادة القيصرية عايزه ليها اسبوعين لشهر قبل ما تبدا الام اي حاجه.. والرياضة بتكون على اخف ما يمكن.. عشان عضلات جدار المعدة بتكون مفروقة عن بعضها لتفسح مجال لبيبي... الرياضة بتساعد العضلات دي عشان ترجع لوضعها الطبيعي.. اي بروز في البطن بعد داك بكون مزيج من السوائل الزائدة او الدهون... ومعروف انه الواحده لو نقصت وزنها بطنها بتنقص.. يعني ممكن تكون بتعمل sit ups اليوم كله.. لكن بطنها ما ترجع .. ليه، لانه العضلات مشدوده.. بس الدهون موجوده... اكبر واهم واسهل رياضة هي شفط البطن.. لانك ممكن تعمليها في اي مكان.. في رياضات بسيطة، الفيديو ده مثلا ممكن يوريكم امثلة عليها
في ناس بتحصل عندهم ترهل في الجلد بتاع البطن.. للأسف دي ضربة لازم زي ما بقولوا... ومافي ليها طريقة غير الtummy tuck يعني عملية تجميل تشيل الجلد الزائد.. او تلبس مشدات عشان ما يتشوه المنظر الخارجي.. والامور بتمشي .. دي ضريبة الصغيروني الجا دا..
بالمناسبة لإدرار الحليب، السودانيين بعملوا الحلبه... وعليها داااااااك يا السمن.. الحلبه بتساعد في إدرار الحليب وفي نفس الوقت.. بنظف المعدة.. ممكن الواحده تستفيد من الحلبه من غير الدهون المضره دي.. وذلك بإنها تعمل شاي حلبة.. او زي ما كانت والدتي بتعمل لي.. الحلبة مع الحليب.. تغليهم سوا.. وبطلعوا لزيزين جدا... عصير البرتقال الطازج أحسن طريقة لإدرار الحليب من غير مشاكل جانبية.. ودي حاجه برضي كنت لزمن طويل مستمره فيها.. يوميا بشرب كبايتين او تلاته من العصير.. ونفع معاي جداً..
Post: #145 Title: Re: Tommy Time : لكل الامهات و الامهات (to be) Author: smart_ana2001 Date: 10-13-2009, 05:03 PM Parent: #144
ازيكم يا امهات... مريم ما قصرت فى الرياضة و الrecovery بعد الولاده.... عاوزه بس اقول ان الرضاعة الطبيعية واحده من اهم الحجات اللى بتخلى الرحم ينكمش سريع لحجم ما بعد الولاده. لو لاحظتوا بعد الولاد مباشرة حجم البطن تقريبا بيكون ذى الحامل لمده 6 شهور. الرحم بيبدا يرجع براحة براحة .لكن لو الام رضعت طبيعى الرحم بيرجع سريع. و مفروض الام تحس بانقباضات الرحم اثناء الرضاعة خاصة فى اول ايام..دى يا جماعة علامة صحيه تماما. الرحم عاوز يرجع لحجمه الطبيعى. بجيكم راجعة
Post: #146 Title: Re: Tommy Time : لكل الامهات و الامهات (to be) Author: Dania Elmaki Date: 10-13-2009, 11:14 PM Parent: #145
بنوتات و امهات كيفكم
اها انا موضوع الحلبه ده ما قدرت عليه كله كله, قلت لماما ريحت الزول تبقى بسطرمه بسطرمه, المهم كنت برضع بالمويه, اخواني يجيبوا كرتونة مويه فيها 24 زجاجه و عندي ثلاجه صغيره في الغرفه, بس كنت بشرب اليوم كله و الليل كله, و الحمدلله اللبن كان بيكفي احمد و الباقي بجمده.
موضوع الربط ده ما جربته عشان القيصريه, لكن عملوا لي خياطه ليزر, من غير فتل ولا دبابيس, حرق بالليزر و خلاس و معاه عملوا شفط للمنطقه زاتها و دي ما طوالي بيعملوها, يعني لو الدكتور عاوز يعملها, و حتى الجرح زاته صغير جدا و هسع لا يكاد يرى بالعين المجرده. الرضاعه فعلا بترجع الرحم بسرعه, و اثناء الرضاعه بتحسي بانقباضات و ده معناه انه الرحم بيرجع محله.
اول 8 يوم بعد العمليه كنت بستخدم المسكن الادوني ليه في السمتشفى, و دي لاني بحس بالم بالجنب اليمين بيمتد لغايه الضهر جهة العمليه, يعني كنت ما بقدر انوم على جنبي اليمين نهائي, و غير كده الحقنه بتاعة الضهر و دنقرت اكتر من دقيقه يعني ل بغير لاحمد لازم اكون قاعده او واقفه لاني بحس برجليني بيضربوا في بعض و زي الكهرباء لكن الدكتور قال عادي بس ما ادنقر و من يومها كل شئ راح, الريكوفري كان تقريبا اسبوع و كنت بقدر استحمى و اغسل مكان الفتحه عادي ليفه و صابون و ما بحسن باي حاجه.
يا جماعه مالكم هجرتووا البوست ده انا كنا عاوزه اوصله الف صفحه و نفتح بوست التربيه, مالكم مشيتوا بعد ما خليتونا نسخن
Post: #147 Title: Re: Tommy Time : لكل الامهات و الامهات (to be) Author: smart_ana2001 Date: 10-14-2009, 07:20 AM Parent: #146
سلامات يا مريم و دانيه.... البوست و الله ما سبناه يا دانيه لكن الايام دى حالتى صعبة.
طبعا انا كنت فاكره ان الحلبة دى واحده من الخزعبلات بتاعتنا....كلن كنت بنفتش فى النت ولقيت انو فى حبوب حلبه بدوها للام عشان تزيد اللبن---سبحان الله- اهم حاجه ان الام تشرب مويه كتير.... و مع كل رضعة قبل ما تبدا تجيبى كبايه المويه تختيها جنبك. و مهم جدا ان الام تاكل خضار و تشرب لبن. اللبن مهم عشان الكالسيوم. اى حاجه تاكلها الام بتظهر نكهتها فى اللبن.عشان كده بيقولوا للام تاكل خضار عشان الطفل يتعود على نكهة الخضارات المختلفة و ياكلها لما يبقى بياكل لوحده.
موضوغ الربط ده حقيقى سمعت بيه فى السودان...لكن ما لقيته فى اى مكان هنا. لكن دكتورتى لما مشيت ليها للفحص بتاع ال 6 اسابيع ..سالتها اذا كان ممكن ارجع اجرى تانى. قالت لى :ايوه بس اربطى بطنك لما تكونى عاوزه تجرى. و حقيقى ما فكرت اقول ليها هل عموما احسن اربط بطنى ام لا! و فعلا نقصان الوزن بيحتاج لزمن ...و صبر. لكن الرضاعة ذاتها احسن من مليون رجيم. الرضاعة بتحتاج لحوالى 500 سعر حرارى فى اليوم الواحد. يعنى لو اكلتى ذى ما كنت بتاكلى عادى . ممكن تنقصى رطل كامل فى الاسبوع بالرضاعة بس. الاطباء بيوصوا الام المرضعة ما تحاول تنزل وزنها اكتر من رطلين فى الاسبوع. غير ان اللبن بينقص و برضوا المواد الغذائية (ذى الكالسيوم). المشكلة الكبيرة ان اى سموم فى الشحم اللى كان متراكم فى الجسم بتطلع للطفل فى اللبن . عشام كده الام المرضعه ممكن تحاول تنزل وزنها ..بس ما نزول سريع جدا. ___________________________________________________________________________ لى 3 سابيع ما شفت الجم بعينى....و حاسسه بالكلبظه حصلت.
Post: #148 Title: Re: Tommy Time : لكل الامهات و الامهات (to be) Author: smart_ana2001 Date: 10-14-2009, 07:31 AM Parent: #147
ح اجيكم راجعه عشان اكتب عن الدبرسه البتجى بعد الولاده Postpartum depression
شكلو عشان الدبرسه دى -جاء فى العرف السودانى - ان الام الوالده لازم يجيبوا ليها دهب.....فى شنو بيرفع المعنويات اكتر من الدهب؟* ____________________________________________________________________________________ *العده و الملايات و الهدوم و الجزم عندها نفس المفعول...بس بدرجات اقل (على الاقل بالنسبة لى انا) :D
Post: #149 Title: Re: Tommy Time : لكل الامهات و الامهات (to be) Author: مريم بنت الحسين Date: 10-14-2009, 10:59 AM Parent: #148
دانية ازيك.. انا وسمارت اختي دي.. من البداية حسينا انه التجاوب ما بالقدر المطلوب، لكن انا "سخصياً" مستمتعة جداً بالكتابة عن المواضيع دي.. ومبسوطه بمشاركاتكم انت وانتصار ورحاب الخليفة (رغم انها اختفت).. لكن فيكم الخير والبركة ان شاء الله... واحنا مستمرين وما حنقيف... انا متأكده انه في نساء كتيرات من البتابعوا من خارج البورد بستفيدوا من كلامنا دا.. والدليل السيدة الكتبت ليك يا دانية..
بالمناسبة، عذرا على الخلط في الاسماء الحصل.. الظاهر انا اخدتها من بريمة "الملك" دي... لكن المكي هو الملك هههه ولا شنو؟
محبتي وتقديري...
صاح طبعا انه الرحم عشان يرجع لوضع الطبيعي بحتاج وقت، والرضاعة بتخليه يرجع اسرع.. والانقباضات دي بتكون مستمره ومحسوسه في الايام الاولى، لدرجة انه اول ما الطفل يبدا الرضاعة على طول الواحده بتشعر بيها.. ومرات بتكون مؤلمة.. فيما يُسمى بمغص النفاس.. وهو ألم شديد بعد الولادة.. الحقيقة انا ما مريت بيه.. وكانت الsister كل شويه تجي تقول لي محتاج مسكّن.. اقول ليها لأ... ويمكن السبب الإبيدورال أو حقنة الظهر.. ما حسيت بالحاجه دي خالص.. ولا الرجفة بتاعت يا دانية ما حسيت بيها.. بس الحصل لي مباشرة بعد الولادة ضعف في الدم.. دمي من 12 بقى 8.. وطلبوا مني استمر في الحديد واخد حبوب فيتامين C.. بالنسبة للربط، انا لاني هنا، في حوار ضخم بين النسوان والاطباء .. الاطباء بقولوا لأ ما تربط وغلط.. النسوان يقول ليك من تاني يوم تربط.. انا بين الرأيين ديل، ربطه لكن في اليوم الحداشر تقريبا... عشان كده ما حأقدر اقول انه نفع ولا ما نفع.. لانه ما من البداية ربطته.. الربط طبعا بكون بعد الولادة طوالي.. يعني بالكتير بيوم ... بالنسبة لموضوع نكهات الاكل، ده شي معروف اي شي الام بتاكله، بجي للطفل في اللبن.. عشان كده الام تبعد عن البهارات التقيلة.. وتكتر من الخضار، موش عشان طفلها وبس، عشانها هي زاتها.. لانه في ميل لحدوث إمساك للأم بعد الولادة (ونفسي اهم السبب شنو بالضبط!).. الخضار بتساعدها كتير، غير انه فيها مواد غذائية ضرورية ليها ولطفلها...الموية مهمة جداً .. والحليب او الأجبان اي مصادر بتاعت كالسيوم، مهمة خالص.. وفي بلدان زي السعودية مثلا، بطلبوا من المرأة تاخد حبوب كالسيوم.. لانه هنا في مشكلة الخروج للشمس.. وفي نساء كتيرات ما بطلعوا إلا بالليل، مع ازواجهم، بالتالي تعرضهم للشمس بكون اقل.. مرض هشاشة العظام هنا واصل ارقام خرافية بين النساء...
في حاجه امي كانت بتقولها لي دايماً... تقول لي، ما تدي ولدك لبن الجوع.. وما تديه لبن الزعل.. وبتقول إنهم الاتنين بخلوا الطفل يكون متضايق وممكن يجيه مغص برضه... ما عارفه مدى صحة الحاجه دي .. ولا تفسيرها العلمي.. لكن اعتقد انها صحيحه.. لبن الجوع على ما اعتقد ما بكون فيه حاجه غير السوائل.. مافيه فايدة يعني.. اما لبن الزعل ده ما عارفينه ماله...
سمارت.. في انتظار الدبرسه
Post: #150 Title: Re: Tommy Time : لكل الامهات و الامهات (to be) Author: smart_ana2001 Date: 10-14-2009, 11:55 AM Parent: #149
سلامات يا دانيه...ذى ما قالت ليك مريوم....الموضوع -شكله ما مشجع_ لكن حقيقى البوست ماشى كويس. على الاقل احنا مبسوطين اننا بنتكلم عن تجاربنا!
Quote: بالنسبة لموضوع نكهات الاكل، ده شي معروف اي شي الام بتاكله، بجي للطفل في اللبن
يا مريم يا صحبتى .....ما تختى حسن الظن ساى فينى (وفى كتير من الامهات مثلى). انا فى حياتى ما حصل شلت لى طفل عمره اقل من 6 شهور قبل ما اجيب اولادى و اتعلم الشيل غصبا عنى . كنت بحب الاطفال جدا (و هم بيحبونى ) بس لازم يكونوا اكبر من 6 شهور. قبل كده ما بنتفاهم حتى. و ما كنت بعرف اى شئ نهائى عن الاطفال او العناية بيهم. عشان كده اى حاجه عرفتها كانت جديده جدا على.
Quote: في حاجه امي كانت بتقولها لي دايماً... تقول لي، ما تدي ولدك لبن الجوع.. وما تديه لبن الزعل.. وبتقول إنهم الاتنين بخلوا الطفل يكون متضايق وممكن يجيه مغص برضه... ما عارفه مدى صحة الحاجه دي .. ولا تفسيرها العلمي.. لكن اعتقد انها صحيحه.. لبن الجوع على ما اعتقد ما بكون فيه حاجه غير السوائل.. مافيه فايدة يعني.. اما لبن الزعل ده ما عارفينه ماله...
عارفه يا مريم الزعل ده حاجه معقدة جدا فى عقل الانسان (ما ح اقول قلبه..لان القلب عباره عن طرمبة عضليه مهمتها ضخ الدم من القلب الى الجسم ) و اظن (اقول "اظن") ان الانسان لما يزعل بتتفرز كميه من الهرمونات (او الانزيمات ..الله اعمل ) فى جسم الانسان....و ذى ماعارفين اى شى فى جسم الام بيمشى للطفل. انا لما ازعل بجينى صداع شديد و اكيد ما عاوزه طفلى يحس بنفس اللى انا حاسه بيه. ما تنسى توصلى تحياتى لوالدك.
الامساك اللى بيحصل بعد الولاده سببه بيكون ان الام ما اكلت لفترة طويلة. لو كانت الولاده طبيعيه ما بيخلوك تاكلى من ما تدخلى المستشفى. لو كانت قيصريةاصلا بيخلوك تصومى. لو الموضوع زاد عن يوم واحد السبب بيكون الادويه اللى ادوك ليها للالم اثناء الولاده او بعدها (Systemic narcotics ) و هى معروف عنها انها بتعمل امساك. السبب برضوا مرات بيكون نفسى خاصة اذا كان الام احتاجت ل episiotomy اثناء الولاده. الحل لموضوع الامساك ان الام تاكل اكل فيه الياف كتير و تشرب مويه كتير (خاصة لو كانت بترضع). و المشى برضو مهم جدا جدا. المشى ممكن يكون متعب فى البدايه لو الام كانت فى recovery من -section or an episiotomy . بالمناسبة كمان الامساك بيعتبر واحد من الاثار الجانبية للحديد (iron supplement ) اذا كانت الام بتاخده للانميا. فى البلد دى بيصرفوا للام stool softener طوالى بعد الولاده (على الاقل فى المكان اللى انا عايشه فيه). بجيكم راجعة
Post: #151 Title: Re: Tommy Time : لكل الامهات و الامهات (to be) Author: Dania Elmaki Date: 10-14-2009, 04:22 PM Parent: #150
بسم الله الرحمن الرحيم الاستاذة الفاضلة الكريمة دانية المكي سلام من اللةعليكم ورحمة منة وبركات واسعد اللة اوقاتك بكل خير Tommy time الحقيقة انا من المتابعين لسودانيز اون لابن .واتابع اليومين دي بوست العزيز ةاسمارت وهو اجمل بوست على الاطلاق . في الحقيية لي طلب صغير اذا امكن ان ترسلي لى ايميل لكل من مريم واسمارت بليز
مع امنياتي للك بالتوفيق وربنا يحفظ صغيرك احمد.
واللة يديك العافية يا دانية بردتي لي قلبي في بوست بريمة داك وبلغى اسمارت ومريم التحية للبوست الجميل وقولي ليهم في نساء من خارج المنبر مساكين ما عندهم باسويرد وعندهم بعض الاسئلة عشان كدة عايزة ايميل ضروري وكتر خيرك كتير Tamador Musa
South Africa
Durban
Post: #152 Title: Re: Tommy Time : لكل الامهات و الامهات (to be) Author: smart_ana2001 Date: 10-14-2009, 05:57 PM Parent: #151
سلامات Tamador Musa و شكرا على الكلمات اللطيفة...تسلمى يا ستى. ممكن تواصلى ترسلى لدانية فى ايميلها و هى ما ح تقصر ابدا ابدا....اصلا هى من ستات البوست. و ممكن برضوا ترسلى لى على [email protected] و شكرا تانى ______________________________ و ينك يا انتصار ? حتى صديق البوست دينق فتح لينا!!!
Post: #153 Title: Re: Tommy Time : لكل الامهات و الامهات (to be) Author: مريم بنت الحسين Date: 10-14-2009, 10:25 PM Parent: #152
العزيزة دانية، رسولة النوايا الحسنة.. ومنها إلى تماضر صديقتنا من خارج البورد...
وطبعا دانية فيها الخير والبركة.. ست البوست.. وكل مره بتدينا لكزه
انتصار قاعده قدام البحر.. ورحاب الخليفة شايله الcalculator وبتحب في المحاسبة!فتحوا لينا
Post: #154 Title: Re: Tommy Time : لكل الامهات و الامهات (to be) Author: انتصار محمد صالخ بشير Date: 10-14-2009, 10:26 PM Parent: #152
العزيزات مريم واسمارت ودانيا
سلام عليكم
كيفكم ,,,شايفة الصلاة على النبى البوست ماشى تمام
اريتكم امهات الهنا والسرور
كدى عليكم الله موضوع ربط البطن دا ما تمشوه ساى دا موضوع هام جدا ياريت تكون من الحاجات الهامة لاى واحدة على ابواب الولادة
وعن تجربتى الخاصة كنت بربط وكنت بجد فى الربط راحة غير عادية لانه مريح للظهر
وبرضو الابتعاد عن اكل النشويات هام جدا والتركيز على البروتينات والخضروات والعصائر الطبيعية .
وبالنسبة للحلبة معروف عنها شربها مع السكر يزيد الوزن وشربها بدون سكر تقلل
الوزن عشان كدا من الافضل للمراة النفساء ان تشرب الحلبة بالبن بدون سكر يساعدتها لزيادة الحليب دون زيادة وزنها
هنا عندى طرفه ظريفة لزوجة اخى ان شاء الله من يوم ما تضع مولودها وهى تبدأ الوحم الحقيقى بتصدقوا بالله دى ما تاكل الا تركين
وكمان غير مطبوخ حاجة كدا لونها رمادى ورائحتها حاجة عجيبة والغريبة بجيها لبن غير عادى فى ثديها قد يكون السبب بروتين السمك (عفوا التركين )
امهاتنا قالوا ذى الحالة دى اسمها وحم السرير .!!
Post: #155 Title: Re: Tommy Time : لكل الامهات و الامهات (to be) Author: Dania Elmaki Date: 10-15-2009, 00:53 AM Parent: #154
الامهات العسولات
سلام يا بنات البوست ده ماشي بطئ و نحن عاوزين نوصل مرحلة التربيه من الشهور الاولى و لغاية السن الوصلنا ليها مع الاطفال, انا غايتو مع التربل توس, و شكلنا كده حندخل على التربل ثري كمان. احمد هسع سنتين و اربعه شهور.
اها تعالوا ولدنا و رجعنا البيت, و بعد كده نواصل
انا كنت في السمشتفى 4 يوم عشان عملوا لاحمد كات سكان للكلى كانوا شاكين انه في شريين ضيق في الحمل, لكن الحمدلله طلع كل شئ تمام, اها ثاني يوم انا نايمه الصباح بدري جاني دكتور الولاده عشان الختان و سألني حتطهريه, و انا نايمه قلت ليه ايوه, و طبعا تاثير المسكن, انا كنت رضعته و نمت و هو معاي في السرير, انا مضاني على اقرار و شال ولدي و مشى, انا بعد 10 دقايق صحيت و ما لقيت ولدي و طقيت الكواريك و عندي كوابيس سرقوا ولدي, و احاول اكورك و صوتي ما طالع اتاري انا حلمانه بعد شويه, جابوا لي ولدي و واصلت نومي و نسيت الموضوع لمن صحيت جابوه ارضعه و جيت اغير ليه و لقيت الشاش و الرباط و انا اصرخ و ماما و اختي معاي لمن جات النرس و قالت لينا ما طهروه, المهم اول يومين انا كنت بنوم ولدي معاي و حماني النوم, ثالث يوم ماما قالت ليهم ما تجيبوه ليها و خلوه في الحضانه, و ادوه بزه خلوها تنوم و فعلا حسيت بارتياح شديد ثاني يوم.
اها لمن طلعنا البيت و نحن في الشارع قلت لاختي انا نفسي في ملك شيك كبير و مشينا سلفر داينر و ماما تشاكل فينا, شنو الطرطشه, ما سمعت النفساء بتتحاوم المهم وصلنا البيت و موضوع النفاس ده كان فيلم هندي, انا طبعا ما فاهمه حكاية النفاس و الفرش دي خالص, (تربية امريكان) اها المهم لقيت غرفتي ما ياها غرفتي, صاحبتي جات و فرتقت السرير الكبير و فرشت سريرين و ملايات غريبه كده ستان و مطرزه و ستاير مختلفه بنفسجي و فضي و خاتها لي قميص و روب ماتشينق مع الفرش و كمان الشبشب, الدنيا حر شديد و الغرفه بقت كاتمه من الستان و لا انا اتخيل لي ما عارفه و القميص الحرير و دانتيل حار زي النار, المهم اتاريها هي و ماما متوقعني اني البس و ارقد و اتغطي بالتوب البنفسجي و النسوان في الطريق, انا دايره انوم, و الكلام ده كله ما داخل لي في راسي, المهم امي و اختي و صاحبتي تحت في المطبخ, انا استحميت و عملت شعري كعكه و لبست لي نايت شيرت رمادي فيه ميكي ماوس كبير احمر و حاولت ارقد في الستان لكن كل شويه بتزلق غير الورد الفيه مطرز بالخرز بطعني, عشان كده مرقت ليهم ملايتهم و فرشت لي ملايه قطن لونها لبني و بلعت لي حبه و نمت و خليت ليهم البيبي, اها ديل تحت بيعملوا في مديده الحلبه و التمر و بيطلعوا في العده و راصين الخبيز, وصلوا النسوان و جاتني صاحبتي عشان تقول لي الناس جاينك فوق, لقت المنظر ده و حاولت تصحيني باي طريقه طنشتها و طردتها, ماما جات لاحقاها و يلا وب على وب علي ده شنو و شاكلوني و لمن ماما حلفت عليى و بتحنيس غيرت هدومي لكن من غير دهب و كشاكيش, المهم النسوان جوا و حلفوا ما يمشوا وحياتكم نمت خليتهم و اول ما مشوا صحيت رميت الملايه ثاني و لبست ميكي ماوس و قفلت غرفتي بالمفتاح, ما فتحتها الا الساعه 12 باللليل و لهسع زعلانه مني مااما و صاحبتي اني فضحتهم و انه النفاس كان حيكون حلو لكن سخافتي خربت عليهم. بيني و بينك السودانيين ما بيحسوا انه الام والده و تعبانه و عاوزه ترتاح, يعني اقعد البس دهب و اتمكيج و امثل تمثيليه بايخه عشان الناس و انا تعبانه و كله عشان المظاهر . يعدين شنو نتونس مع النفساء؟ هو النفساء فاضيه للونسه و لا عندها حيل؟؟ سهر و عدم نوم و كمان عازين يجوا يتونسوا؟؟ مشكله.
و نواصل بعد الفاصل
Post: #156 Title: Re: Tommy Time : لكل الامهات و الامهات (to be) Author: smart_ana2001 Date: 10-15-2009, 04:10 AM Parent: #155
Post: #157 Title: Re: Tommy Time : لكل الامهات و الامهات (to be) Author: مريم بنت الحسين Date: 10-15-2009, 10:08 AM Parent: #156
انتصار ازيك.. قلت لي الربط نفع معاك... لكن انا كنت فاكره الهدف منه انه البطن تدخل... هل ساعد في الحاجه دي؟ طبعا قصة الحلبة بالسكر ومن غيره دي جديدة علي.. لكن انا اصلا ما عندي شريعة مع السكر.. ويمكن عشان كده انا بعد الولادة وزني نزل شديد بسرعة...
دانية المكي.. والله فعلا كلامك صاح... الوالدة بعد المستشفى طوالي، يجوا كابسينها زيارات.. الواحدة بتكون مرهقة، والطفل ما مخليها ترتاح.. والولادة نفسها مرهقة، والحمل بتاع التسعة شهور بكون هد حيلها.. اصلا بتكون متألمه.. غير ألم الولادة، ألم الأيام الاولى من الرضاعة.. وبعد ده عايزنها تتعنكش في الدهب، وتلبس حاجات كده بتزلق ما تديك اي فرصة نفس... ويقعدوا قعدات طويلة، ويعملوها برنامج.. إحنا محتاجين إعادة صياغة للعادات الاجتماعية.. وممكن يدوها اسبوع كده ويجوها.. بتكون اتعودت على البرنامج الجديد...
بالمناسبة انت يا دانية قلت موضوع مهم جدا.. وهو طهارة الاولاد من هم صغار.. محمود ولدي طهروه في قطر (بعد سؤالي طبعا).. تاني يوم طوالي من ولادته... لما جابوه راجع، كان نايم.. والnurce قالت انه ممكن يصحى يبكي، لكن ولا صحى ولا بكى.. نام نومه طويييييله.. صحى بعدها عادي خالص، ولا بكى ولا يحزنون.. وبعداك الring العملوها ليه بعد الطهاره، وقعت قبل الصرّه بتاعته.. ولا حسينا بأي شي.. لذلك انا اؤيد موضوع الطهارة بدري ده 100%.. لانها بتعفي الطفل من تجربة قاسية..
دانية، محمود حيدخل الpreschool، وببدا يوم السبت ان شاء الله... والايام دي قاعده اقرا في كيفية تعليمه الstudy skills... عشان لما يكبر شويه ما يتعب ولا يتعبني في موضوع القراية ده... اها لما نجي للنقطة دي انا بمسكها ليكم.. برضه موضوع الكلام مهم جدا.. محمود عمره تلاته سنين ولانه ما عنده اخوان في البيت... ما بتكلم بطلاقة لسه.. انا سمعته عن حاجه اسمها It Takes Two to Talk® DVD A Guide to Promoting the Communication Development in Children with Language Delays عندكم يا ناس امريكا.. عايزه نكتب عن الحاجات دي اكتر لما يجي وقتها (كتبتها حسي عشان ما انساها)
محبتي لكن جميعا
Post: #158 Title: Re: Tommy Time : لكل الامهات و الامهات (to be) Author: انتصار محمد صالخ بشير Date: 10-15-2009, 10:46 AM Parent: #157
الغالية مريم
سلامات
Quote: قلت لي الربط نفع معاك... لكن انا كنت فاكره الهدف منه انه البطن تدخل... هل ساعد في الحاجه دي
جدا يا مريومة بتحسى براحة شديدة وان ظهرك فى وضع مريح وبرضو الربط برجع البطن بس عاوز صبر شويه
اصلا دى من عاداتنا فى شرق السودان وجود امى ساعدنى شديد
ولدى قريب من ولدك يا مريم الفاروق ولد 29/8/2006 الساعة السادسة مساء عندما ناتى لموضوع الكلام عندنا تجربة حلوة يمكن تستفيد منها الامهات
فاروق نزل المدرسة هنا عندنا نظام كلوج يبدا من عمر سنتين ونصف الى 11سنة ثم ينتقلو الى مبنى اخر لمواصلة الدراسة ومنها الى الجامعة
ونفس المعلمة تكون مستمرة معه الى الصف الثانى عدد الطلاب فى الصف 10 فقط بس الفاروق عشان ما اتكلم سريع ارسلته الان بعد اكمل الثلاث سنوات
الاخت دانيا ضحكتينى قلتى لى ستان اكثر ماتحتاج له الام هو النوم والراحة تحديدا الايام الاولى من النفاس غايتو انا فى النوم دا ولا بجامل اى زول
احترامى للجميع
Post: #159 Title: Re: Tommy Time : لكل الامهات و الامهات (to be) Author: انتصار محمد صالخ بشير Date: 10-15-2009, 03:25 PM Parent: #135
الاخت مريم
سلامات فعلا موضوع الحمل والولادة اخذ مساحة معقولة جدا والبركة فى معلوماتكم المفيدة
بجد تجربة الامومة عطاء بفطرة ربانية تعطى احساس بالسعادة
انتى عارفه يا مريم الولادة والحمل فى راى ساهلة الصعب هو التربية والرعاية لانها بجد مسؤليه كبيرة جدا
اتخيلى مخلوق فى يدك يحمل كاميرا ويبدأ فى التقاط الصور هنا تبدأ التجربة الحقيقية
Post: #160 Title: Re: Tommy Time : لكل الامهات و الامهات (to be) Author: smart_ana2001 Date: 10-15-2009, 08:37 PM Parent: #159
و الله انتوا امات لذاذ شديد جدا. زيارة النسوان دى عاديه (مع انى عندى فيها راى برضو) لكن اللى بتزهجى زيارة المستشفى ...و خاصة الرجال. انا ابدا ما بمشى لواحده والده فى المستشفى و كمان بشاكل الناس البمشوا. لما اكون ماشه المستشفى ما بقول لاى زول. عارفه اننا فى غربه و الناس لبعض لكن انا بصراحة ما ح احتاج ليهم فى اى شئ. فى طفلى الاول مشيت المستشفى انا و زوجى (اسم النبى صاينوا و حارسوا) و قفلنا التلفونات. ما فتحناها الا لما مرقنا من المستشفى. عاوزينى كمان اقعد اتلبس فى المستشفى? بعد ما مرقنا صحباتى شبكونى نفرش الاوضه و تلبسى شنو ما عارفه. قفلت اوضتى...و اى زول بيجى كنت عادى ممكن افتح ليهم الباب و بقعد اتونس معاهم فى الصالة بالاسكرت و البلوزه و الطرحة.و احيانا بالتوب. لكن و الله حقيقى كنت تعبانه و مستغربه. عشان كده من البوست و لكل السودانيين فى السودان و خارج السودان. وللرجال خاصة ما تزوا واحده فى المستشفى ...الحركة دى ما لذيذه. و حتى فى زيارات البيت...خليكم خفاف و ما تطولوا الزيارة. و ما ضرورى تمشوا فى لاسبوع الاول. ادوا الام و الطفل فرصة يفهموا الحاصل شنو. لكن كمان لازم اشكر صحباتى و الله ما قصروا كلو كلو- ربنا يديهم العافية- ما خلونى اطبخ لاكتر من شهر. عشان كده بقيت لو واحده ولدت فى الغربه و ما معاها اهلها بمشى 5 دقائق بس. اقول ليهم الحمد لله على السلامة و بكون شايله ليهم اكل يكفيهم يوم يومين. و بجيكم راجعه
Post: #161 Title: Re: Tommy Time : لكل الامهات و الامهات (to be) Author: Dania Elmaki Date: 10-15-2009, 11:13 PM Parent: #160
انت عارفه يا سمارت انا الزياره دي بكرهها كرايه شديده, لانه الام بتكون تعبانه, غير كده بتكون عاوزه تتعرف على البيبي و تقعد معاه شويه برايفت مومنت, انا غايتوا كنت عاوزه صاحبات ماما يمشوا عشان افتش ولدي اصبع اصبع و اشوف كل شئ تامي و تمام ولا لا. تصدقي انه الممرضه كتبت على الباب الزياره ممنوعه لانه ضغطي كان مرتفع شديد بعد الولاده و رغم اليافطه الناس كانت بتدخل. انا عارفه الناس طيبه و فرحانه معاي لكن كمان ما بفرحتهم و حبهم لي يرهقوني.
نحن الشعب السوداني ما بنحب اي شي غريب, و جديد علينا و بنعتبره شذوذ او خروج عن المألوف يعني مثلا في موضوع الهدايا سوى للنفاس او الزواج, انا بفتكر انه حكاية البيبي رجستري دي حاجه حلوه و جميله جدا, انا عملتها لكن ما كلمت بيها السودانيين بس اصحابي الامريكان, لانه ماما و صاحبتي قالوا لي حيقولوا بتفرض على الناس الهدايا, طيب, انتوا عاوزين تهدوا لي, و انا محتاجه لكده, احسن اكلمكم و لا تجيبوا لي من راسكم او اكون فرضت عليكم و النتيجه شنط مكومه من الملابس و مكرره و مقاسات غريبه و بس كان بخت اطفال المايقوما :). البيبي رجستري مفيد جدا و كل زول و ميزانيته من دولار لالف دولار. غير كده الشناف يعني انا والده و تعبانه جاتني واحده كده و شبكتني ما لك ما ضاربه منكير؟؟ فكي شعرك و على الاقل القصه, و بعد شويه, سلمكم متعب و انا رجلي واجعاني (قربي اقول ليها الطلعك شنو ما كان تقعدي في الصالون) المهم جوا نسوان كتار و الغرفه بقت زحمه و انا عاوزه ارضع و ما قادره و بطني الجرح واجعني و الحاجه مدوره فيني لمن ما لقت حاجه قالت لي غرفكم يا ناس امريكا ضيقه, ما زينا في السودان هسع كان ولدتي في البرنده و شالت ليك 4 سراير بدل الكراسي و السريرين ديل, ولمن كررتها لي قلت ليها يا حاجه انزلي فوق محل واسع, صاحباتي ديل نزل عيهم سهم الله زي ما بيقولوا و اول ما مشت فكوا الضحكه. و نواصل بعد الفاصل.
Post: #162 Title: Re: Tommy Time : لكل الامهات و الامهات (to be) Author: smart_ana2001 Date: 10-16-2009, 06:24 AM Parent: #161
مريم ..جاهزين انتى و محمود للمدرسه بكرة؟؟؟ قلبى معاكم ما تنسى تصوريه وهو طالع ..و ترسلى لى الصورة. ما تتجرسى...لما يجى ماشى المدرسة قولى ليه مع السلامة ..اديه بيق هق و خلى الوداع يكون سريع
Post: #163 Title: Re: Tommy Time : لكل الامهات و الامهات (to be) Author: مريم بنت الحسين Date: 10-16-2009, 09:13 AM Parent: #162
سمارت والله الجرسة حاصلة.. لكن دميعاتي بمسكن علي لحدي ما يجي البص ويفوت.. بعداك بديها بكية... انتظري الصورة.. والله انا لي يومين غالبني النون.. دي حاله دي
Post: #164 Title: Re: Tommy Time : لكل الامهات و الامهات (to be) Author: انتصار محمد صالخ بشير Date: 10-16-2009, 12:31 PM Parent: #163
مريومة سلام
كيف اليوم لمحمود فى المدرسة نحن اسبوع وللان اخر بكا طبعا هو مش انا
وعشان بكا الفاروق سمحت له ادارة المدرسة ان ارجعة الساعة 12 ظهرا بس من يوم الاتنين سيستمر الى الساعة 2:15
انشاء الله موفقين
سلامات اسمارت ودانيا
انتصار
Post: #165 Title: Re: Tommy Time : لكل الامهات و الامهات (to be) Author: smart_ana2001 Date: 10-16-2009, 05:04 PM Parent: #164
انتو يا جماعة حكاية الامهات اللى بيبكوا لمن اولادهم يمشوا المدرسة دى شنو؟؟؟ ما تزعلو منى ..انا بكاوى فيكم ساى. لكن قبل كم اسبوع كده كنت فى اسنسير (مصعد) ركبت معاى واحده وشها محمر و حالتها صعبة...حقيقى هى زميلتى فى الشغل بس ما بيناتنا غير "Hi" لما الاقيها فى الممرات. قمت سالتها "ان شاء الله خير؟" قالت و العبرة ح تكتلها ان اليوم اول يوم لابنها الوحيد فى المدرسة ..و بعدها انفقعت بالبكا...بقيت فى حنيس و معليش و عادى...و تانى يوم مشيت سالتها ولدها عمل شنو . طلع الولد كان مبسوط جدا فى المدرسة و تانى يوم صحى من الصباح عشان يمشى و يلاقى اصحابوا الجداد. لما رجعت شغلى و مشيت سجلت ابنى الاول فى الحضانه ادونى كتاب عشان اقراه عشان اعرف ان الوداع بينى و بين طفلى لازم يكون سريع و ما اتجرس . الكتاب ما كان فيه اى حاجه عن الطفل و جرسته....كل الكتاب كان عن جرسة الامهات.
Post: #166 Title: Re: Tommy Time : لكل الامهات و الامهات (to be) Author: smart_ana2001 Date: 10-16-2009, 05:32 PM Parent: #165
إكتئاب ما بعد الولادة نوع من أنواع الإكتئاب بس بيحصل بعد الولاده. و مرات بيبدا مع الحمل. و هو بالمناسبة منتشر جدا. حوالى 10 الى 15 فى المية من الامهات بيصابوا بيه بدرجات مختلفة. اعراضه ذى اى اكتئاب آخر:الشعور بالتعاسة و فقدان الاهتمام بالأمور التي تكون تهم المرأة عادة. و الفرق الوحيد هو أن هذه الأحاسيس تبدأ عادة خلال الأشهر الثلاثة التي تلى ولادة الطفل. كما إنه من الممكن الإصابة بإكتئاب ما بعد الولادة في مرحلة متأخرة و لكن إذا بدأت الأعراض بعد عام من تاريخ ولادة الطفل فمن غير المحتمل أن يسمى بإكتئاب ما بعد الولادة. اعراض الاكتئاب هى: الأحاسيس أو المشاعر: الشعور بالحزن و بالإنزعاج و باليأس البكاء بكثرة أو عدم المقدرة على البكاء الشعور بعدم القيمة تذبذب المزاج الشعور يتأنيب الضمير فقدان الاهتمام باى شئ فقدان الشعور بالمتعة و السعادة الشعور بالقلق و الذعر و الإنزعاج الشديد سرعة الغضب و الإنفعال عدم الشعور بالطريقة التي يجب عليك الشعور بها تجاه طفلك الأعراض الجسدية أو الجسمانية: الشعور بالتعب و بالإرهاق إضطرابات النوم عدم القدرة على الإسترخاء تغيرات في الشهية – الأكل الزائد أو الأكل بكمية غير كافية الأفكار- عندما يكون الناس في حالة إكتئاب يصبحون "خبراء" في التفكير السلبى الكئيب. عدم قدرة على التركيز عدم القدرة على إتخاذ أى قرارات أفكار مشوشة و غير منظمة التصرفات: تجنب الناس و عدم الخروج من المنزل عدم القيام بأشياء كنت بتحبيها و بتستمتعى بها عدم القيام بالواجبات اليومية – أو محاولة القيام بالكثير من الأشياء رفض القيام بأخذ قرارات الخلافات الكثيرة و الصراخ و فقدان القدرة عل التحكم في النفس
يمكن لأى امرأة وضعت طفلا الإصابة بإكتئاب ما بعد الولادة. لكن فى حجات بتخلى احتمال الاصابه اكتر ذى : إذا كنت قد أصبت بإكتئاب في الماضى إذا كانت الولادة في غاية الصعوبة لك إذا كان لديك صعوبات في حياتك الزوجية إذا كنت تمرين بظروف صعبة في حياتك ..خاصة المشاكل المالية إذا كنت تعيشين بعيده عن أسرتك و من اصحابك اللى كان ممكن يساعودك اذا كانت الام بترضع صناعى اذا كانت الام بتدخن إذا لم تكن أمك هنالك لتقديم يد العون لك لكن كمان ما اى واحده حصلت ليها واحده من الحجات الفوق دى لازم يجيها اكتئاب..بتختلف من زول لزول و بجيكم راجعه تانى __________________________________________________ منقول بتصرف من http://en.wikipedia.org/wiki/Postpartum_depression
Post: #167 Title: Re: Tommy Time : لكل الامهات و الامهات (to be) Author: Rihab Khalifa Date: 10-16-2009, 09:12 PM Parent: #166
يا سمارت و ضيوفك الكرام سلامات و اعذروني بتنطط ليكم زي فرقع لوز كده من سنه لسنه
عماله بنظم في فايلات الكمبيوتر، و مريت علي الفولدر بتاع ياسين، قلت انزل ليكم عينات من هلع اللستات الكان و ما زال ماسكني
Yassin travel bags DAILY HAND TRAVEL BAG Nappies (4)x Hand disinfectant Nappy disposal sacks Disinfectant wipes Baby wipes Cotton balls Changing mat (1)x Baby powder Healing cream Nappy crème Water bottle Milk (2)x Feeding bottles Water feeding bottle Bips (2)x Muslin square (1)x Sleep suit (1)x Gloves/mittens Hat (summer or winter)x Sun glasses Dummies Toys (book, rattle, musical)x Extra blanket Small towel Water thermos
+
SUITCASE
Bath Nappies Healing crème Nappy crème Baby powder (liquid and dry)x Cotton balls Wipes Balls (3) for holding water, cotton and dirt Small towels (4) Changing mat (2)x
FEEDING Feeding Bottles (3)x Sterilising tablets Sterilising container Milk (powder or other wise)x Milk mixer Cleaning brushes (3)x Washing up liquid Milk dispenser unit Baby food containers and spoons (3)x Cooling bag Baby food Kettle
+
MEDICINE Medical book Thermometer Medicine feeding bottle Medical pacifier Calphol Neurophen Insect repellent Insect net Cotton pads (ear)x Chin and chest crème Body crème Medical shampoo
Insect net Tooth gel
CLOTHES Sleep suits (6) Body suits - short sleeves (6)x Body suits - no sleeves (6)x Shirts Shorts Dungarees (2)x Blankets Muslin squares Grow bags (2), 1 tog and 2.5 tog
Socks Stockings Hats
--------------------- في حاجات دايره شرح و الا بيكون موقفي ما تمام لووول، مثلا، ليه تلاته فرش للبزازه، لانه كنت بستعمل دكتور براون، ممتازه لكن محتاجه ليها تلاته انواع من الفرش انا رضعت طبيعي لفترة تمانية اشهر ووقفت، لانه الموضوع بقي صعب علي، ياسين كان عنده مشكله لاكتوز انتورولانس، و كنت بحتاج اطلع اللبن بجهاز و اضعه في ماعون معقم و انقط عليه نقاط تكسر السكر الفي اللبن و انتظر نص ساعه حتي اديهو ليهو كان برنامج بايخ و لاول اربعه شهور كنت بنوم في اليوم حوالي تلاته لي اربعه ساعات علي بعضهم في النهاية اقنعتني الزائرة الصحية انه التعب و عدم النوم اثره بدا يظهر علي و علي ياسين، فوقفت و اديته لبن خارجي، دي نفس الزائرة القالت لي من قولة تيت، اديهو لبن خارجي
Post: #168 Title: Re: Tommy Time : لكل الامهات و الامهات (to be) Author: Dania Elmaki Date: 10-16-2009, 09:44 PM Parent: #167
رحاب ازيك
ما كان من الاول تديه لبن خارجي :)
انا غايتوا عشان كنت باخد انسولين, من البدايه كنت برضع و بديه فورميولا, اديته في الاول انفاميل لكن عمل ليه مغص الدكتور قال لي اديه سيملاك, و برضه عمل مغص لكمن خفيف, كنت بحل البودره في موية حلبه و نفع معاه لكن البيبي بقت ريحته بسطرمه, رغم الحمام اليومي و الصندليه, بس الصندليه سرها باتع :)
اكتئاب ما بعد الولاده انا مريت بيه بشكل خفيف, ما كان عندي اي شهيه للاكل و بقرف من اي اكل, و بتوتر من اي شئ و بتنرفز, الدكتور قال لي يمكن اكتئاب خفيف, و يمكن نرفزه بس من عدم النوم و الوضع الجديد.
أنا أحمد حاولت اوديه الروضه قبل شهرين, انا كنت كويسه ما بكيت لكن ماما اتجرست شديد و خاصمتني عشان كده مشى يوم واحد بس و خلاص قلنا اخليه شويه, هي اصلها ماشه السودان اجازه حاقوم ادخله في غيابها و لمن ترجع خلاص بس الخوف تقول عاوزه تشيله السودان معاها عشان ناس البيت يشوفوه
Post: #170 Title: Re: Tommy Time : لكل الامهات و الامهات (to be) Author: Rihab Khalifa Date: 10-16-2009, 10:08 PM Parent: #168
Quote: و رحاب خليفة (اللى زاغت الان) Smart
Quote: ورحاب الخليفة (رغم انها اختفت). Mariam
Quote: ورحاب الخليفة شايله الcalculator وبتحب في المحاسبة Mariam
لوول، غايتو شيل الحال عندكم
سلامات يا دانيا انتي بتقولي فيها يا دانيا؟ هو كده انا حاسة بذنب، كل ما يعيا اقول يا ربي?
الحلبه، جربتها، لكن ما ساعدتة كتير بحبها من انا صغيره، في الشتاء امي كانت بتعملها لينا الصباح مع الشاي و بتصر ناكلها قبل نمشي المدرسه، بس مع الولاده ما قدرت اكلها، كنت ببلعها حبوب مع كميات موية كتيره جدا، او امي بتغليها لي في اللبن، مع اني ما بحب اللبن خااالص من انا صغيره و الي يومنا هذا و بشربو زي الدواء
البيبي بلووز و ما ادراك ما البيبي بلووز
Post: #169 Title: Re: Tommy Time : لكل الامهات و الامهات (to be) Author: مريم بنت الحسين Date: 10-16-2009, 09:50 PM Parent: #167
انتصار ازيك.. محمود يادوب ماشي بكره... وانا من حسي العبرة واقفة لي... بجي اديكم التفاصيل بالليل ان شاء الله.... ويا سمارت بطلي مكاواه... بكره نقيف جنب الباص ونسمع البكى والتنهف وقشقشة الدموع (وحاجات أخرى)... شكرا على معلومات الدربسه بعد الولادة.. بس في حاجه بتمر بيها كل الامهات.. بتختلف عن الدبريشن ده.. في حاجه بسموها الbaby blue... الام بعد خروج الطفل منها، وبداية اهتمام الناس بيه، بدلا منها (بدون وعي طبعا).. مع شعورها بحجم المسؤولية، وقلة النوم.. مع الهرمونات بعملوا دبرسه خفيفة كده.. ممكن تطور لحاجه اكبر زي الانت وصفتيها.. وممكن تصل بالام لمرحلة ترفض فيها طفلها.. وترفض التعامل معاه.. وممكن تصل لإنها تأذيه... وده القال عنه الاخ صاحبك يا سمارت، توم كروز، انه وهم!
انا بجي راجعه بعدين.. عشان رحاب الخليفة دي دايره ليها مخمخه.. وقعده بمزاج.. دي قائمة شنو يا بت امي، انت راحلة؟
محبتي لكن
Post: #171 Title: Re: Tommy Time : لكل الامهات و الامهات (to be) Author: smart_ana2001 Date: 10-16-2009, 10:23 PM Parent: #169
سلامات يا رحاب .. اخدى راحتك يا اخى....بس عاوزين نشوفك اكتر. دكتور براون فعلا سرها باتع....صحيح اغلى شويه من باقى البزازات ..لكن تستاهل. اى ام عاوزه تدى اطفالها لبن من بره انا بوصيها بالماركه دى. فعلا نظافتها سغيله جدا...لكن نعمل شنو؟ ده الموقع بتاعهم ..بيشرحوا ليك الموضوع ده بيشتغل كيف http://www.handi-craft.com/products/bottles-howitworks.htm بالجد شوفوا الموقع بتاعهم ..حتتكيفوا من البزز دى
رحاب يا اختى فى شنطتكم دى مافى دايبر و لا حتى كتاب ..بالغتو و الله...just kidding الحاجه التانيه فى الفيس بوك شايفه يس لابس نظارة الشمس.....ما شاء الله عينى بارده. احنا عندنا نفس النظاره بنفس اللون ..لكن ولدى من اول اسبوع ابى يلبسها...و قدر ما حنست. ما فى فائده .و اللذيذ انو بيزعل منى جدا لمن الشمس تكون ضاربه فى وشه.
Post: #172 Title: Re: Tommy Time : لكل الامهات و الامهات (to be) Author: smart_ana2001 Date: 10-16-2009, 10:28 PM Parent: #169
انا المرحلة دى مريت بيها زماان يا مريم. ابنى الاول قعدت معاه فى البيت 5 شهور. كنا بنطلع انو هو كل يوم ناكل فى مطعم شكل.و اخر برمجه. قبل ما انزل الشغل باسبوع وديته الحضانه و اول يومين مشيت قعدت معاها عديل كده.تالت يوم قعدت ذى نص ساعة و جيتو راجعهة بعد ساعتين. رابع يوم ختيته و جيته بعد ساعتين و مشيت و جيته تانى بعد 3 ساعات. خامس يوم قعد كل اليوم and he did well لكن كان اسبوع عصيب جداجدا. هو الان من المشاهير جدا فى المدرسة كلها. كل يوم مرسلين لى صورة بحاجه عملها و كل المدرسة جاتت تتفرج عليه. و شكله هو كمان بيحب الدرما...ضاحك فى كل الصور. غايتو ..ربنا يديهم العافيه و يقدرنا عليهم
Post: #173 Title: Re: Tommy Time : لكل الامهات و الامهات (to be) Author: مريم بنت الحسين Date: 10-18-2009, 06:48 AM Parent: #172
ازيكم .. يا أمهات.. يوم امس كان يوم صعب جدا... مشيت مع محمود طول اليوم في المدرسة، وجيت راجعة معاه، عشان كده ما حصلت جرسه ولا بكى... لكن الليله مشى بالبص، واتجرسته جرسة شديدة.. بكيت لما الله غفر لي... البيت هااااااااادي، وانا قاعده براي.. وهو مشى مبسوط.. واتذكرته وصيتك يا سمارت، ودعته سريع وخليته مشى.. لكن قلبي انقطع.. وعشان قلقانه، نسيت اشيل معاي الكميرا اصوره وهو راكب.. بكره بشيلها ان شاء الله.... بالنسبة لصور أول يوم... نزلتها في الfacebook بتاعي... فتشوني يا اخوانا واضيفوني.. وعندكم دي صورة كده زي teaser...
عايزين نبدا التربية يا جماعة... المرحلة بتاعت الطفل في بداية عمره دي غطيناها في بداية البوست... ولا رأيكم شنو؟
Post: #174 Title: Re: Tommy Time : لكل الامهات و الامهات (to be) Author: Rihab Khalifa Date: 10-18-2009, 07:48 PM Parent: #173
Quote: انت راحلة؟ Mariam
:) you will be amazed that it all fits in a bag of this size
Quote: رحاب يا اختى فى شنطتكم دى مافى دايبر و لا حتى كتاب ..بالغتو و الله...just kidding الحاجه التانيه فى الفيس بوك شايفه يس لابس نظارة الشمس.....ما شاء الله عينى بارده. احنا عندنا نفس النظاره بنفس اللون ..... Smart
all included, there are other items, but I censored them from the list :) re the sun glasses, it was persistence o tawfeeg min rbna saai keep trying with it ya Smart, its good for his eyes later as you probably know
Post: #175 Title: Re: Tommy Time : لكل الامهات و الامهات (to be) Author: Solafa Alagib Date: 10-24-2009, 01:04 AM Parent: #174
up
Post: #176 Title: Re: Tommy Time : لكل الامهات و الامهات (to be) Author: Dania Elmaki Date: 10-24-2009, 03:32 AM Parent: #175
انا زعلانه اغيب يومين القى البوست في صفحة ميه؟؟ ده الامانه يا مريم و سمارت؟
Post: #177 Title: Re: Tommy Time : لكل الامهات و الامهات (to be) Author: مريم بنت الحسين Date: 10-24-2009, 05:49 AM Parent: #176
دانية ازيك.. معليش والله انا مزنووووووووووووووقه الايام دي، ما نقدر على زعلك إحنا، يومين كده ونجي نكتب بمزاج...
Post: #178 Title: Re: Tommy Time : لكل الامهات و الامهات (to be) Author: khaleel Date: 10-24-2009, 06:12 AM Parent: #177
سمارتي
هل هناك علاج للطفل كثير الحركة ووممكن يعمل ليك كارثة في البيت
Post: #179 Title: Re: Tommy Time : لكل الامهات و الامهات (to be) Author: توما Date: 10-25-2009, 05:07 PM Parent: #178
سلامات سمارت و مريم وكل الامهات الاضافو للبوست ولينا
وسعاده وامتنان بوجود دكتور عبد الله
البوست مهم ومفيد
حكيتو تجاربكم مع الولاده حتي القيصريه منها لكن مافي زول قال انو اتعرض لمشاكل اثناء او قبل الولاده انا مثلاً تجربتي كانت صعبه جدا نسبه لارتفاع الضغط وجاتني (Pre-eclampsia) او زي ما بقولو امهاتنا الكلبش دي طبعا مسأله خطره جدا وما اظن كان اكون هنا اسا لو ما لطف ربنا ورحمتو بالاضافه لوجودي في مكان متخصص جدا للاسف ( أو ما للاسف ما عارفه - ممكن اوريكم بعدين ليه) ما كان عندي اي فكره عنها لكن افتكر ضروري للحامل انها تعرف العلامات وتراقبها نسبه لارتفاع نسبه حدوثها لينا نحن السمر
برضو الطفل ال(Premature )المولود قبل أوانه وده برضو ليهو خصوصيته واحتمالات تعرضه لبعض الاشياء اكتر من الطفل المولود في أوانه
المسأله التانيه والمهمه جدا واللي هي لسه ما اتكلمنا عنها وقلتو بعد ما نتكلم عن الطفل السليم اولا وهي مسأله ذوي الاحتياجات الخاصه واللي هي كان لي تجربه متواضعه معاهم في مجال العمل واللي افتكر د. عبد الله حيساهم فيها زي ما قال التوحد كمرض ذو نسبه متزايده بالاضافه للامراض الأخري وللاسف هنا في السودان مافي وعي كافي ولا مراكز علاج متخصصه كفايه
ويا سمارت يا (ام يوسف برضو )... سمعت قصتك عن الطفل اللاحظتي أنو ما طبيعي أو شاكه في وجود علامات توحد عنده يا ريت لو تلقي طريقه تلفتي نظر أهلو بطريقه ما , انا عارفه المسأله حساسه لكن الوقت عامل مهم في حياه الطفل الزي ده وكل ما يبدأ العلاج ابدر بكون أفضل, وصدقيني نفع الحاجه اكتر من ضررها . انا مره في طفل لاحظت انو ما طبيعي وحسيت نفس احساسك ده وما عملت اي حاجه واسا ندمت ندم يا ريت لو كان عملت اي حاجه ,حتي لو ما انتي ممكن تلجأي لأي جهه رسميه وهم بتصرفو حتي في (hotlines )وما بتحتاجي تقولي انتي منو ذاتو .. معليش للملاحظه لو ازعجتك ممكن ببساطه تتجاهليها..
ولي عوده اكيده ان شاء الله
Post: #180 Title: Re: Tommy Time : لكل الامهات و الامهات (to be) Author: Solafa Alagib Date: 10-25-2009, 08:31 PM Parent: #179
up
Post: #181 Title: Re: Tommy Time : لكل الامهات و الامهات (to be) Author: Dania Elmaki Date: 10-26-2009, 06:02 AM Parent: #180
توما مرحب بيك
انا شخصيا تعرضت لمشاكل كثيره اثناء الحمل, منهاالسكر و ضغط الدم المرتفع, و حاعود بكل التفاصيل
مريم ازيك ليك وحشه, سمارت اختفت وين
Post: #182 Title: Re: Tommy Time : لكل الامهات و الامهات (to be) Author: توما Date: 10-26-2009, 11:34 AM Parent: #181
دانيا سلامات
مرحب بيك كمان وباضافاتك
الجماعه الظاهر مشدوهين شويه
حقو نستلمو ونمقلبهم
;)
Post: #183 Title: Re: Tommy Time : لكل الامهات و الامهات (to be) Author: smart_ana2001 Date: 11-01-2009, 05:43 AM Parent: #182
سلامات لكل الامهات.... معليش كنت مشغوله شويه.... ان شاء الله ارجع للونسه معاكم ..قريب.
Post: #184 Title: Re: Tommy Time : لكل الامهات و الامهات (to be) Author: Rihab Khalifa Date: 11-01-2009, 07:45 AM Parent: #183
Quote: حكيتو تجاربكم مع الولاده حتي القيصريه منها لكن مافي زول قال انو اتعرض لمشاكل اثناء او قبل الولاده Toma
سلامات يا توما والله النيه كانت في، بس الزمن ما مساعد
انا ولدت قيصري، ياسين الان عمره سنة و خمسة اشهر و ما شاء الله و الحمدلله في صحة ممتازة
في نهاية الشهر الثالث للحمل، و بعد فحوصات اولية، وجد الاطباء ما خيل لهم انه عدم انتظام في كرومسومات الطفل، و كان في شك انه الجنين عنده داوون سيندروم، و بالرغم من ان النسبة عموما للامهات الفي سني و بي خلفيتي كانت تكون مفروض ضئيله جدا، لكن النتائج الاولي قالت انه النسبه واحد من تمانية و ادوني الخيار انه ياخدو عينه من السائل الاميني و اختباره لانه ده نتيجته مؤكده ميه الميه، و الخيارات اذا تم التاكد من ان الطفل عنده الخلل الكرومسومي ده يا اما الاجهاض او المواصله في الحمل، و لكن هناك خطوره في فقدان الطفل جراء الاختبار لانه الاختبار انه بيدخله ابره طويله جدا خلال بطنك و ياخده السائل كما في الصوره و قد تنهار المشيمه جراء الاجراء المشيمه اسمها، صاح؟
pic courtesy of irishhealth.com
بالنسبه لي كان الخيار واضح، الاحتفاظ بالطفل تحت اي ظرف من الظروف، و لكن قررت المعرفه المسبقه، عشان الواحد يجهز نفسه نفسيا و ماديا لاستقبال طفل قد يحتاج رعايه اكتر و بصوره مختلفه اذا طلع عنده داون سيندروم، و زوجي اتفق معي انه ده الاجراء المناسب وحتي اتفقنا ان اتخلي عن وظيفتي للسنوات الاولي لرعايه الطفل اذا كان عنده داون سيندروم
من اصعب اللحظات المريت بيها خلال حملي كله، كانت يوم الاختبار، و بالرغم من ايماني التام بما كتبه الله و الرضاء به، لكن لمن وصلت المستشفي و بدات الدكتوره في انها تشرح لي خياراتي و كان من ضمنها خيار الاجهاض و حا يعملوهو كيف، بدات ابكي مع اني عارفه اني ما حا اختاره ابدا بارادتي، و ما توقفت من البكاء الا لمن وصلت البيت و نمت من فرط الاجهاد الاطباء الانجليز ديل مرات قاسين حبتين و لكن لسبب، بيحاولو يشرحو ليك من غير عواطف عشان ما تشوش عليك خياراتك، مثلا، واحد من خيارات الاجهاض انهم يدخلو يد طويله للرحم و يبداو في حصد الاطراف واحد واحد، و الي ان يصلو للراس تقوم اليد بتهشيمه حتي يسهل خروجه، و ده كله مفروض تسمعيهو باذن واعيه و قلب صاحي عشان تقرري
الان لمن اقرا انه شخص فقد طفل، بسترجع اللحظات دي و اقول، شوف ده طفل لا شفته لا عشت معاهو لا عندي معاهو ذكريات لا عيوني لاقو عيونه ولا قال لي ماما، و انا حزنت بالقدر ده، فما بالك بالعكس، و والله اجد نفسي ابكي و كانه يوم الاختبار لا شعوريا، حاليا انا ابكي و انا بكتب الكلام ده
المهم، كان انتظار اسبوع عصيب جدا، توقفت فيه حياتي تماما و كل ما اذكره هو المصلايه و سورة ياسين و في ذهني مقولة امي الخالدة المنقولة عن الحديث، يس لما قرأت له و بالرغم من انه الامر استغرق حوالي تلاته اسابيع من لحظة معرفتي لنتائج الاختبار الاول و حتي نتائج الاختبار التاني، اتفقت و زوجي ان لا نخبر احدا من اسرتينا او الاصدقاء، و كان من اصعب الاشياء الحديث مع امي بذهن مشوش دائما و هي طبعا حست انه في شي، و كنت اؤكد ليها انه مافي حاجه و دي فايده التلفونات مرات، الناس ما بتقدر تشوفك، و بعد ان اجريت الاختبار و رجعت المنزل و نمت و صحيت اتصلت بيها و اخبرتها و بكيت تااااني و طلبت منها ان تدعي لي و تتصدق لي و هداتني و ذكرتني انه امر الله، مهما حصل
المهم، ظهرت النتائج و كانت كويسة، انه نتيجه الاختبار الاول كانت غلط، و بتحصل معمليا في الاختبار ده لاسباب كثيره جدا
و استمر الحمل و الحمدلله بصوره طبيعيه و لكن سعادتة كان مصر يشرف الدنيا و هو في وضع مقلوب، و بيعاين للامام، و كان متوقع حجمه يكون كبير ده فيلم تاني
-------
بعد الولادة القيصرية حصلت لي مضاعفات لاني لم التزم بنصائح الطبيب بخصوص حركتي، و بصراحة حسيت بملل ما عادي، اليوم كله راقدة في السرير، فانفتح الجرح و صحيت يوم لقيت نفسي عايمه في دم من الجرح الانفتح تاني و طبعا ما حسيت بالالم لكمية البين كيلرز الكنت باخدها و منها مورفين سائل يعطي بالفم، و تااااااااااني دخلوني المستشفي و كالعاده ادوني خمسميه خيار. و ده فيلم تاني باحكيهو ليكم
---------
ما يستفاد من القصه الطويله، لووول، اكيد حا يختلف من زول لزول، ولكن بالنسبه لي:
اولا و اخرا القبول و الرضي التااااام ظاهرا و باطنا بحكم الله و دي ما حاجه ساهله ممارستها
تانيا، الاتفاق مع الزوج في كل التفاصيل الممكنه و لمختلف السيناريوهات، و بالرغم من انه الانسان بيحس انه فقد السيطره تماما، لكن بمناقشه التفاصيل و الاحتمالات، بيحس الانسان انه عنده سيطره و لو بسيطه علي الموقف
ثالثا، اشراك شخص مقرب للاسرة، و لكن باتفاق الزوجين، اذا حس الطرفان انهم بيحتاجو مساعده خارجيه، و حتي لو كانت المساعده دي في شكل جهه تالته تستمع ليهم و بس
رابعا، التقيد بتعليمات الطبيب حرفيا، بخصوص الحركه مثلا بعد العمليه و اثناء الحمل
خامسا، عدم اهمال اي من الاختبارات البتقوم بيها الام اثناء الحمل
سادسا، ان اقرا و اعلم نفسي ما استطعت بخصوص كل ما يخص حملي و عدم الاعتماد علي معلومات الطبيب او الزائره الصحيه فقط، لانه مرات خياراتهم البيدوك ليها بتكون مرتبطه بخلفياتهم و تجاربهم، و دي حاجه ما دائما كويسه و تخلي الانسان يتخذ القرار الصحيح
سابعا، والله فترت، بمشي و اجيكم، لوووووول I need to do some stuff before Yassin is back fromt he nursery Xx
Post: #185 Title: Re: Tommy Time : لكل الامهات و الامهات (to be) Author: smart_ana2001 Date: 11-02-2009, 06:39 AM Parent: #184
سلامات يا بنات (على قول دانية). ح ارجع ليكم كلكم نفر نفر (على قول ريه او سكينة ..الله اعلم)
لكن حسيت انى ما ح اقدر انوم لو ما رديت على رحاب خليفة. حقيقى بكيت و انا بقرا فى وصفك للحظات انتظارك للاختبار و النتيجه....لا حول ولا قوة الا بالله. ربنا يجازيك خير على صبرك و ايمانك وحمدك لله و ثقتك فيه فى وقت عصيب ذى ده. عارفه يا رحاب انا لما كلمونى بالاختبارات دى ....سالت الدكتورة لو كان فعلا داون سندرم فى اى حاجه ممكن يعملوها غير انهاء الحمل...فقالت لى لا. فقلت ليها ما عاوزه الاختبارات. خاصة و انو فى عمرى (و عمرك برضو) الحجات دى مفروض تكون نادره جدا(ذى ما قلتى )و الاختبار ما اجبارى بامر الولايه اللى انا فيها*. اتوكلت على الله و رفضت الاختبار.
Quote: اولا و اخرا القبول و الرضي التااااام ظاهرا و باطنا بحكم الله و دي ما حاجه ساهله ممارستها تانيا، الاتفاق مع الزوج في كل التفاصيل الممكنه و لمختلف السيناريوهات، و بالرغم من انه الانسان بيحس انه فقد السيطره تماما، لكن بمناقشه التفاصيل و الاحتمالات، بيحس الانسان انه عنده سيطره و لو بسيطه علي الموقف ثالثا، اشراك شخص مقرب للاسرة، و لكن باتفاق الزوجين، اذا حس الطرفان انهم بيحتاجو مساعده خارجيه، و حتي لو كانت المساعده دي في شكل جهه تالته تستمع ليهم و بس
شكرا على الدروس و العبر....و بينى و بينك التلاته الفوق ديل ممكن استعمالهم فى اى موقف تمر بيه الاسرة ..خاصة الامور الصحية (الصعبة ..شويه)..ربنا ما وراكم ليها. ___________________________________________________________ * لو كان عمرى اكتر من 35 سنة ..الاختبارت دى اجبارية من الولايه اللى انا ساكنه فيها.
Post: #186 Title: Re: Tommy Time : لكل الامهات و الامهات (to be) Author: توما Date: 11-02-2009, 02:03 PM Parent: #185
سلامااات للجميع
رحاب تحايا كثيره
طبعا دائما الحكي عن فتره الولاده معظمه صعب ومصحوب بدراما شديده بتختلف طبعا باختلاف التجارب
و فعلا تجربتك كانت صعبه والحمد لله اتجاوزتيها وربنا اراد ليك كل خير ربنا يحفظ ياسين .. يوسف ولدي عندو
imaginary brother - breviously was a friend اسمو ياسين
تعرفي يا رحاب اكثر حاجه أثرت فيني هي تعاملك انتي وزوجك مع الموضوع بصوره مبنيه اساسا علي الرضي التام والقبول
عارفه ماجد(زوجي الله يرحمو) كان بقول انو الصبر ما هو المشكله المسأله كلها في الرضي والرضي التام
just the way u said and did
وكانت هي اساس تعاملنا مع كل الحصل بعدها
ونصائحك جد ممتازه
عارفه الوعي ده هو اهم حاجه وعدم اهمال الملاحظات حتي الصغير منها
لانو بالجد ممكن تسبب مشاكل كبيره
غلبتني الكتابه بعد البكا ده
بجي تاني
thanx a lot Rihab for sharing
stay well
P.S.your arabic is good
(:
Post: #187 Title: Re: Tommy Time : لكل الامهات و الامهات (to be) Author: مريم بنت الحسين Date: 11-02-2009, 05:49 PM Parent: #186
سيداتي العزيزات... والله اتأثرت بالكلام الجديد ده.. ورغم اني الايام دي زعلانه من الكومبيوتر عديل كده.. فترته منه.. زهجته يا اخوانها.. كنت مزنوقة لي في قراية الايام الفاتت دي، وكل ما اشوفه بطني تطم... لكن لما قريت كلامكم ده.. مع وجود العزيزة "توما".. حسيت انه لازم اكتب....
رحاب الخليفه.. تجربتك فعلا مؤثرة.. وتخلي الانسان يفكر في كل المواقف الصعبة البمر بيها في حياته بشكل عام.. ربنا يصبّرنا ويرضّينا بقضاءه وقدره ... وربنا يخلي ليك ياسين..
توما.. ما كنت عارفه انه زوجك متوفي..ربنا يرحمه ويغفر ليه.. ويطرح البركة في ابنك ان شاء الله ويخليه ليك.. بس ياريت تشرحي لينا عن الimaginary brother بتاعه، لاني بديت الاحظ في محمود حاجات مشابهه.. يعني بقى بتكلم مع زول بصورة متقطعه كده... وما خطر لي انه ممكن يكون imaginary friend إلا حسي بعد قريت كلامك...
سمارت .. شكله البوست حيولع تاني :D... انا بعد ما اتصالح مع الكومبيوتر بجي اكتب ...
بنت الحسين
Post: #188 Title: Re: Tommy Time : لكل الامهات و الامهات (to be) Author: Dania Elmaki Date: 11-02-2009, 05:55 PM Parent: #187
I will be back
Post: #189 Title: Re: Tommy Time : لكل الامهات و الامهات (to be) Author: smart_ana2001 Date: 11-05-2009, 03:04 PM Parent: #188
سلامات خليل شكرا على الطلة...
Quote: هل هناك علاج للطفل كثير الحركة ووممكن يعمل ليك كارثة في البيت
لازم فى البداية اقول انى ما خبير فى الحجات دى .....و كل البوست دى كتبناه (احنا الامهات) من معايشة اطفالنا و من قرايه كتب و فتيش فى النت " طفل كتير الحركة دى حاجه نسبية جدا. احتمال يكون كتير الحركة لانه بيشرب ببسى كتير (الببسى فيه سكر و كافين و بيخلى الاطفال ذى فرقع لوز) او بياكل سكريات كتيرة. احتمال يكون محبوس طوال اليوم فى شقة صغيرة و ما ما قاعد يطلع يعلب فى اى منتزه او حديقة ...الاطفال عنهم طاقات كبيرة لازم يفرغوها و هى طبيعة فيهم خلقها ربنا عشان يتحركوا و يتعلموا. و احتمال برضوا يكون فى مشكلة نفسيةاو طبية و يبحب عرض الطفل على متخصص يشوف الحكاية شنو. ________________________________________________________ * فى طبعا الطبيبات ذى د.سلافة العاقب و كمان زارنا د.عبدالله فى نص البوست كده..ديل ممكن يدوك اجابه احسن من احسن من اجابتى.
Post: #190 Title: Re: Tommy Time : لكل الامهات و الامهات (to be) Author: smart_ana2001 Date: 11-05-2009, 03:11 PM Parent: #189
سلامات توما (ام يوسف) بخصوص ابن صديقتى اللى انا شاكه انو عندو مشكلة توحد...حقيقى اشعرتينى بالذنب.... ح افكر فى الموضوع و ح اشوف طريقة مناسبة لفتحه معهم....بس انا الايام دى مشغوله شويه.....دعواتكم انا اسفه على فقدك لزوجك ..ربنا يخلى ليك يوسف و تشوفيه ناجح و موفق و تشوفى اولاداولاده...قولى امين.
Post: #191 Title: Re: Tommy Time : لكل الامهات و الامهات (to be) Author: smart_ana2001 Date: 11-05-2009, 03:13 PM Parent: #190
مريم.. ان شاء الله الزهجة من الكومبيوتر راحت؟؟ كيق محمود مع المدرسة؟؟؟ و رينا شعوركم انتو الاتنين كان شنو فى اول يوم مدرسة
Post: #192 Title: Re: Tommy Time : لكل الامهات و الامهات (to be) Author: smart_ana2001 Date: 11-05-2009, 09:52 PM Parent: #191
و ينك يا دانيه? كل مره تقولى راجعه و ما نسمع منك _____________________________ مريم....بوستينا ده شكلو خلااااص ....وحل....عاوز ونش عشان يطلع
Post: #193 Title: Re: Tommy Time : لكل الامهات و الامهات (to be) Author: Dania Elmaki Date: 11-06-2009, 04:16 AM Parent: #192
بنات واحشني والله اخباركم شنو
انا كلما ادخل بكون من المكتب بتاوق بس و لمن ارجع البيت ما بلقى البوست بيكون مشى الصفحه العاشره .
اخباركم شنو, على فكره انا فتشتكم في الفيس بوك ما لقيتكم فتشوني انتوا بنفس الايميل البروفايل
بخصوص الكوبليكاشن في الحمل انا من البدايه حملي كومبليكاتد ضغط جنين مبكر رقدني مستشفى من الشهر الثالث مع انه ما كان عندي ضغط, و طوال الحمل كنت بمشي الدكتور كل اسبوع و باخد دواء ضغط, في السابع رقدت مستشفى عشان كانه شاكين انه عندي بري اكلامبسيا, اظن اسمه كلبش بالعربي.
الشئ المفزع انه انا رحعت امريكا و انا حامل 4 شهور (مريم مره سالتي انا كنت في ابوظبي بتين. انا لمن اتزوجت زوجي كان شغال في ابوظبي و عشت فيها 6 شهور و برجع ليك لموضوع ابوظبي ده ثاني) المهم الدكتور في امريكا قال انه في مشكله في الحبل السري انه فيه مشكله و انه فيه شريانين بدل ثلاثه لكن الدكتور ما كان مهتمي اها انا رجعت البيت و دخلت النت و قلت اشوف في شنو لقيت انه ده بيحصل في واحد في المائه من حالات الحمل و الاطفال ديل منهم 3 في المائه بيكون عندهم مشكله في القلب ولا الكلى اها يلا و قعدت ابكي و انوح اليوم كله و زوجي مسافر و امي بس مسكت المصحف و تدعي لي, ما نمت كله كله و سته صباحا مشيت لعياده الدكتور لقيتها مقفله قعدا في الارض جنب الباب الممرضات دخلوني و كنت منهاره لمن الدكتور جاء اتخلع من شكلي لكن بصراحه قعد معاي اكثر من ساعه يشرح لي و انه ما خايف من حاجه و انه ممكن يعمل لي فحوصات اتاكد و انه موضوع القلب تقريبا متاكد منه من الالترساوند لكن الكلى الا يوم البيبي يتولد, المهم مع اني كنت مطمئنه لكن طوال الحمل كنت خايف شديد, لمن ولدت احمد ثالث يوم اخدوه سوا ليه كات سكان للكلى و الحمد لله النتيجه طلعت نضيفه و عيدناه ثاني لمن بقى عمره سنه و خلاص ادونا كلين بيل اوف هيلث, الكومبليكاشن الثاني انه انا مريضه بالسكري و بتناول انسولين عشان كده في الحمل بكون مراقبه شديد و متابعه مع الدكتور و الحمل مع السكري مخيف لكن لو حافظنا بيكون ساهل و من غير مشاكل. انا مثلا لازم اقيس السكر خمسه مرات في اليوم و لازم اكتب النتيجه و كل اسبوع ارسلها للدكتور و اشوفه مرتين في الشهر للسكر و الحمد لله بحافظ شديد في الحمل غير من غير عمل بحس انه في روح انا بضرها لو اكلت حاجه حلوه او اهملت الانسولين.
اها ثاني في شنو, على فكره انا بكتب و انا نعسانه يعني سامحوني على الاستعجال سلام
Post: #194 Title: Re: Tommy Time : لكل الامهات و الامهات (to be) Author: Solafa Alagib Date: 11-06-2009, 11:55 PM Parent: #193
up
Post: #195 Title: Re: Tommy Time : لكل الامهات و الامهات (to be) Author: smart_ana2001 Date: 11-07-2009, 00:42 AM Parent: #194
مدام بديتوا تتكلموا فى الكمبليكشس...ده اللى حصل لى مع اول طـفل.... كنت كويسه جدا لحدى الشهر السادس ...كل الاختبارات تمام. و اصلا انا لحدى الشهر الرابع او الخامس ما كان باين على انى اصلا حامل. المهم فى شهر السادس جاتنى سفرة مع الشغل. يومين بس. السفرة لزيارة خزان مياه و سد و موقع مقترح لسد جديد فى مدينة على بعد 3 ساعات من المدينه اللى انا فيها. اتوكلت و مشيت ...معى حوالى 15 زميل لى من الشغل. كل السفره ماشه كويس الفندق مريح. كل وجبه فى مطعم نوع.المهم كان مفروض نشوف الموقع المقترح للسد الجديد...طلعت الحته ما فى ليها طريق عربات ....نهائى. مفروض نمشى hike حوالى 2 ميل لحدى ما نصل. الدنيا حر مبالغة ...درجه الحرارة 102 فهرنهايت. الموقع فى حته صحراء بس. و المشوار كلو طالع نازل. فى الرجعه نفسى بدا يضيق...حسيت انى ح اموت. المهم..قعدت ليهم فى الواطة. الامركان اتجرسوا. الادانى عصيروا او حلاوتو او مويتوا. الجا قعد معاى فى الواطه. و البعض كان وا عاوزين ي ضربوا للاسعاف. المهم بعد شويه رجعت اتنفس كويس و شربت كل المويه اللى دونى ليها(بعد ما كملت مويتى). و بقيت ماشه براحة...براحة. معاى واحد بيكون كده فى الخمسينات ...قال انو لقا عزر عشان يمشى براحة. اول ما وصلت عربيتنا فتحت لى كم علبه مويه فى راسى و الصرحة مع شويه الهواء بردت شويه. قلعت الكداره و كنت ح اجن لما شفت رجلى.....ورم خرافى. قدرت ادخل الجزمة تانى لكن من غير رباط. و من اليوم داك و لحدى نهاية الحمل ورم الرجلين ما راح. كان شديد لدرجة ان جلدى كان بيوجعنى. و مشيت اشتريت لى جزمة 3 مقاسات اكبر منى و بقيت لابساها للشغل ....للمرقه لاى حاجه. بعد الموضوع ده بحوالى شهر عرفت انو عندى سكر حمل. كان مفروض افحص دمى 4 مرات فى اليوم. و اكتب النتائج و اوريها للدكتوه فى كل زياره. خوفتنى الدكتوره و قالت لى لو ما نظمتى اكلك الطفل ح يسمن و احتمال يتولد بسكرى. او يجيه فى عمر صغير. اتجرست او كم يوم بعد كده سبت اكل النشويات و السكريات نهائى. السكر فى دمى بقى نااازل شديد طواالى. اصابعينى كلها مقدده من الفحص 4 مرات فى اليوم. و شلكى زدت الموضوع عن حده. لانى من الشهر السابع وزنى ما زاد. و لما البيبى طلع (قبل مواعيدوا بشهر كامل) طلع وزنه صغير جدا. ___________________________________ الحاجه المخليانى اعمل حسابى شديد الان فى الاكل ان الدرسات اثبتت ان النساء اللى بيجيهم سـكر حمل....غالبا بيجيهم سكرى من النوع التانى لما يصلوا عمر 40 سنة. لكن يمكن تفادى الموضوع لو نقصوا وزنهم و اتريضوا بالنظام. ما يستفاد من القصة: I have no idea
Post: #196 Title: Re: Tommy Time : لكل الامهات و الامهات (to be) Author: Dania Elmaki Date: 11-07-2009, 01:19 AM Parent: #195
سمارت ازيك, انا الورم ده حصل لي ثاني يوم من وصولي من ابوظبي, عشان الطياره و الرحله كانت متعبه عن طريق لندن و وصلت نيوجيرسي و قعدت في المطار 9 ساعات عشان الجليد و مافي اي هوتيل لانه في دورة العاب في المنطقه, المهم وصلت بيتنا فرجينيا بعد 11 ساعه ممن وصولي امريكا, ماما و بابا جوني المطار و استحميت و نمت كنت هلكانه, ما لاحظت حاجي على وشي, ثاني يوم صحيت حسيت بوشي ما طبيعي مشيت الحمام لقيت ليك شفايفي على قول ماما بقوا شلاليف مورمات و كل واحده في اتجهاه بعيد من الثانيه و جلدهم مشرط و رجليني مورمات لدرجه الجلد عليه خطوط, نلزت تحت لماما و صرخت من المنظر و مع انه الدنيا برد و تلج لاننا في يناير مشينا المستشفى و انا لابسه شبشب ابوي :) لانه مافي شئ دخل رجلي
ما يستفاد من القصه, والله على قولك ما معروف لكن بنوثق تجاربنا
Post: #197 Title: Re: Tommy Time : لكل الامهات و الامهات (to be) Author: مريم بنت الحسين Date: 11-07-2009, 06:47 AM Parent: #196
دانية وسمارت السكرات... انا برضه جاني سكر حمل... في الشهر الرابع، رغم اني زولة جوّاطه في الاكل عادة.. لكن لما حملت بقيت مهتمة بصحتي... اكلت كمية من اكرز خرافية... دخلت اكل الخضار بصورة اكبر في يومي.. اهتميت عشان ما يزيد وزني كتير.. وكل حاجه باخدها low fat او zero fat.. ولو اكلت carbs، باكلها Whole grains... وعلى الرغم من كده ظهر لي في الscreening في الشهر الرابع... لكن لما عملوا لي الفحص ما ظهر شي، لكن الدكتور قال لي خلي بالك، انت عندك استعداد.. بعدها ما ظهر خالص إلا مرة تانية ف التاسع، ومحمود اتنفخ نفخت السواد.. وكنت قريبه جداً من العملية... وزني من الخامس بقى ماشي في الناقص.. وكان بسبب محافظتي من جهة، وبسبب الوحم الطلع روحي من جهة أخرى... انا إلى يوم الولادة كنت مستمرة في الترجيع.. وكان موعدي الثابت، مع أذان المغرب... افضل زهجانه ومتضايقة إلى ان اطلع الفي بطني، وارتاح.. وده خلا الدكتور يقلق... قاموا عملوا لي ultra sound عادي، والبيبي طلع سليم، الوزن كان بنقص منّي انا...
________________________________________________ سمارت.. البوست ده اصله ما برجع.. انا منتظره نتكلم على الhoroble twos... لما الطفل يبدا يمشي... ده افظع فترة مريت بيها مع محمود... دانية .. اضفتك في الfb...
Post: #198 Title: Re: Tommy Time : لكل الامهات و الامهات (to be) Author: Dania Elmaki Date: 11-07-2009, 06:57 AM Parent: #197
مريم ازيك
انا اصلا عندي سكري عشان كده كنت عارفه من البدايه
المشكله انه في السابع جاتي شرفه حقة ايسكريم, وحاتك كنت باكل العلبه كلها الفاميلي سايز, انا موضوع الترجيع ده ما كان عندي ابدا الحمد لله و كنت بستغرب من الناس البيتوحمو و يرجعوا يكرهو العطور و الريحه, انا وحمي بحب الريحه بكل انواعها, عندي صاحبتي لمن تكون حامل بقطع علاقتي بيها :) اي حاجه تقول ليك ريحتها دجاج و زفره, و المشكه بتتنرفز و تكورك من شدة الضيق من الر يحه.
انا دايره اجي لموضوع الوحم ده و عاوزين ونخش التربيه و التربل توس و من اسبوع بس عرفت انه في تربل ثريس كمان الله يستر
Post: #199 Title: Re: Tommy Time : لكل الامهات و الامهات (to be) Author: smart_ana2001 Date: 11-07-2009, 09:21 PM Parent: #198
ازيكم يا بنات.... عارفه يا مريم انا من الناس اللى ممكن اقول ليك انا اخر مره رجعت قبل 5 سنيين. و بكون متزكره تماما المرات اللى رجعت فيها فى حياتى. لكن بالرغم من كده انا بيجينى طمام من اقل حاجه. لو كنت راكبه فى عربيه فى الكرسى الخلفى لمده طويله راسى بيلف. لو ركبت مركب او سفينه صغيره راسى بيلف. اخر مره ركبت رولاكوستر كان قبل 7 سنوات . و عشان لافات الراس دى كنت خائفه جدا من الحمل و الوحم. الغريبه ما حصل لى حاجه...لكن اهم حاجه كانت انى بكون باكل اليوم كلو . بكون شايله حاجه فى يدي باكل فيها طواااالى . ولازم اكل برتين كتير. ما تتخيلى انا كنت باكل لحم قدر شنو. و فواكه وخضار...انا عموما بتزيد وزنى الكاربوهيدريتات. عشان كده ما ذدت كتير من اكل اللحم. لكن الله يقدر و اجوع او ما اكل لزمن طويل. بيجينى طمام و لفة راس ما بتنتهى ابدا. الحاجه الغريبه اللى حصلت لى هى انى زهجت من كل ارياحى (العطور) القديمة...و كانت فرصه جميلة انى اشترى ارياح جميلة جديده. دانيه ...شرفه الايسكريم دى انا ماسكانى حياتى كلها.
Post: #200 Title: Re: Tommy Time : لكل الامهات و الامهات (to be) Author: Solafa Alagib Date: 11-08-2009, 00:22 AM Parent: #199
الimaginary brother الوحم المضاعفات(السكري) كثرة الحركة
تحياتي وتقديري لكن جميعن متداخلات وقارئات
سعدت واستمتعت بمعرفة تجارب مختلفة ,,,, مختلفة في الاشخاص والدول والعادات وحتى القناعات
كثرة الحركة مادايما دليل مرض والشاهد انو اغلب الاطفال بيمرو بفترةنشاط مفرط بعض الشئ لكن ما يزعج هو الHyper active syndrome
بالجد الطفل بيصبح كائن تستحيل السيطرة عليهو وبيصاحب الحالة دى تدهور في المستوى الدراسي وغالبا غالبا بيكون السبب نفسي بحت
وبنحتاج زيادة كمية الحب والتعاطف والدعم النفسي واهم من دا كلو لو حسيتي (او حسيت) انو بالجد طفلك نشاطو غير طبيعي (زايد او ناقص)
لازم وبسرعة استشارة طبيب نفسي0
الظاهر اننا كلنا في البوست دا لذيذين و(طاعمين),,,, انا كمان بيجيني سكرى الحمل (علي مرتين),,,, وما تقولو لى عشان دكتورة بتتحملى
دايما بيقولو اصعب المرضي الاطباء,,,,,, من اسوأ لحظات حياتي كانت لحظة اخد حقنة الانسولين براي(تلاتة مرات في اليوم),,,,, لكن في سبيل
الحفاظ علي صحة ( يزن )ونموه الطبيعي كنت (ولازلت) مستعدة اخد الانسولين بعيوني,,,, خاصة بعد تجربة فقدانى لابنتي البكر (فرح) اللي بقت
لينا(انا وسيد) طير في الجنة0
العملية القيصرية ما كانت خيار مطروح بالنسبة لينا ابدا,,,الطبيعي زيو ما في برغم الوجع,,,,اى نعم كل واحد بمضاعفاتو لكن القيصري
كلامو براهو,,,,كفاية جدا مضاعفة الadhesions ,,,, لكن مع الزيادة المتواصلة لحجم يزن وهو لسه ماكمل تسعة شهور في بطنى كان لابد من
العملية ,,,,,اخترت مستشفي سوبا عشان اسباب كتيرة اولا انى اشتغلت فيها اول shift لي وانا طبيبة امتياز واعرف نظام المشفي جيدا in and
out والتانى انو في المشفي افضل غرفة nursery علي الاطلاق في السودان وانا حاحتاج ليها عشان البيبي من ام (مسكرة),,,اما اهم حاجة عندى
كانت البنج spinal او نصفي زى مابيقولو
اظرف حاجة(والله ماااكانت ظريفة شديد)انو يزن قرر يجي في زمنو هو اللي اختارو مش اللي اختارو استاذى بروف طلب ,,,,يعني بدل 18\2\2009
علي الاقل رقم يقبل القسمة علي 2,,,,, جا وبمنتهى الوجع يوم 17\2\2009 الصبااااااااح بدرى في شكل emergency بدل elective
بس نعستا لكن بجي راجعة باذن الله للوحم وال imagination
دامت لكم الصحة
د:سلافا العاقب
Post: #201 Title: Re: Tommy Time : لكل الامهات و الامهات (to be) Author: smart_ana2001 Date: 11-08-2009, 06:13 AM Parent: #200
رحاب خليفة و توما...ما تجو انتو كمان و تقولوا جاكم سكر حمل!!!! النسبة يا جماعة قالوا 10 % بس من الحوامل بيجيهم سكر حمل. لكن شكلو النسبة فى البورد ده اعلى شديد!!! على راى د.سلافة ...طاعمات د. سلافا..الحمد لله ربنا عوضك..و ربنا يجعل فرح شفيعة لوالديها.
Post: #202 Title: Re: Tommy Time : لكل الامهات و الامهات (to be) Author: مريم بنت الحسين Date: 11-08-2009, 07:00 AM Parent: #201
مبروك يا سمارت الصفحة التالتة
د.سلافا .. تحية وسعيدة جدا بانضمامك لينا... وكنت عايزاك تتكلمي اكتر عن الفرق ما بين الولادة الطبيعية والولادة القيصرية... انا بشوف الrecovery time في الاتنين هو نفسه.. قابلته نسوان جربوهم الاتنين وفضّلوا القيصرية على الولادة الطبيعية.. انا تجربتي كانت مريرة.. رغم اني ولدته طبيعي، إلا إني اخدته 15 يوم لحدي ما اتكمنت من الحركة عادي..
بالنسبة لل(ADHD (Attention Deficit Hyperactivity Disorder... وهو يعتبر الحالة الextream لفرط الحركة، فهو متلازمة بقت ليها وجود رقمي.. او يمكن ما مكانوا مدينها اسم من زمان وهي حالة فعلا صعبة، وواضح جدا الفرق بينها وبين الطفل النشيط العادي... الطفل العنده ADHD بعاني من قلة الانتباه.. وحركة كثيرة جداً تمنعه في بعض الحالات من النوم، بسبب حاجته المستمرة للحركة.. من اهم الحاجات البتصاحب الحالة دي، إنه الطفل بتأخر جدا في الكلام، لانه ما بقعد عشان ياخد اللغة .. ولا بركز عشان يفهم... الطفل برضه ملول جداً، وبنتقل من نشاط إلى آخر بسرعة شديدة.. بكون شكله كأنه ما سامعك وانت بتتكلمي معاه، صبره قليل، وممكن يعبّر عن كده بإنه يجوط الحاجه القدامه.. الطفل في الحالة دي بكون مرهق لأهله جداً... وبحتاج رعاية خاصة، وطبعا لازم الاستشارة النفسية ... والعلاج أيضاً بيتضمن أحيانا إعطاء أدوية تهديء الطفل... مسبباته ما محدده تماماً منها وراثية ومنها ليها علاقة بالاكل ومنها ما ليه علاقة بالبيئة الفيها الطفل، ومنها ايضاً ما هو نفسي...الاهل البكون عندهم طفل مصاب الADHD هم نفسهم محتاجين متابعة نفسية، ودعم معنوي لانهم بكونوا تحت ضغط كبير..
محمود ولدي حركته كتيره جداً.. لكن ما وصلت للمراحل دي.. هي الحركة العادية وزايادها الحبسة في الشقة... لكن بجي يتونس عادي، ونتفاهم، وبسمع الكلام، لفترة كده كنت خايفة يكون عنده، عشان كده قريت عن الموضوع واكتشفته انه ديك مراحل صعبة جداً.. حمودي بس طفل "نشيط"... والله يعين الأمهات الاطفالهم عندهم المتلازمة دي..
بجي تاني كالعادة
Post: #203 Title: Re: Tommy Time : لكل الامهات و الامهات (to be) Author: Solafa Alagib Date: 11-08-2009, 10:18 AM Parent: #202
صباحاتكم وضيئة ومساءتكم مضيئة,,,,,,بالجد يا سمارت مبروك الصفحة التالتة
بت الحسين ,,,,جميع المتواجدين ,,,قراء ومتداخلين,,,,سلامات
انا من الناس(النسوان)اللى جربو الاتنين,,,الطبيعية في ولادتى الاولى والقيصرية في التانية ,,,والفرق اكيد كبير لكنstill انا مابنصح
ابدا ابدا بالقيصرية ,,,بالنسبة لفترة الpuerperiom او ال recovery(نفس المعنى)هو ببساطة فترة النفاس ودى بتختلف في حاجات بسيطة من
ام للتانية لكن بتتشابه في التفاصيل العامة واهم سبب للتعب والالام في الفترة دى(خاصة في افريقيا والدول النامية)هو الFGM or female
genital mutilation او الختان,,,
انتى يا ام محمود بس عشان كانت اول مرة ليك وبتحسي انو اى حاجة فيك بقت مختلفة حتى مشاعرك,,,,بالنسبةلى الامر كان عبارة عن كميات من
Post: #204 Title: Re: Tommy Time : لكل الامهات و الامهات (to be) Author: Solafa Alagib Date: 11-08-2009, 12:03 PM Parent: #202
صباحاتكم وضيئة ومساءتكم مضيئة
بالجد ياسمارت مبروك الصفحة التالتة,,,,,,تحياتي وتقديري لكل الموجودين,,,, قراء ومتداخلين
استمتعت جدا بالتجارب المختلفة باختلاف الناس والدول وحتى القناعات
انا يا بت الحسين من الناس اللي جربوا الاتنين ,,,,الطبيعية في المرة الاولى والقيصرية في التانية,,,, لكنstill ما بنصح ابدا ابدا
بالقيصرية عشان الطبيعي مافي زيو,,,, والفرق بين الاتنين بيكمن في الاسباب المؤدية للتانى(القيصري),,,,
فترة الrecovery او النفاس ودى تعرف ب puerperium هي بين35 الي 40 يوم من المفترض ان يستعيد الجسم( السليم اساسا)طبيعتو,,,اما ما
يصاحب الفترة دى من تغيرات (احيانا مزعجة)بيكون غالبا بسبب الFGM )female genital mutilation)او الختان
انتى يامريم بس بتكونى عشان اول مرة ليك حسيتي بانو اى حاجة فيك غريبة حتى مشاعرك ودا الحصل لي في المرة الاولي مجموعة من التفاعلات
الم,,,, سعادة ,,,خوف
تعليقك عن نشاط محمود,,,, الامر عادي اللي انا بقصدو مختلف تماما,,,, بس للاسف احنا كسودانيين مااتعودنا لا في البيوت ولاحتى في النظام
الدراسي(جامعى او مدرسي) الاهتمام بالصحة النفسية ويمكن دا سبب عدم او تأخر اكتشاف حالات التوحدAutism
دامت لكم الصحة
د:سلافا العاقب
Post: #205 Title: Re: Tommy Time : لكل الامهات و الامهات (to be) Author: Solafa Alagib Date: 11-08-2009, 12:52 PM Parent: #204
الرد نزل علي مرتين حاولت امسح واحد الشبكة رفضت نهائي تستجيب لطلبى ,,,, منكم العذر والمعذرة
الوحم موجود وحقيقي وبتتفاوت انواعو ودرجاتو حسب اشياء كتيرة جدا منها(مش كلها)الوضع النفسي للحامل ,,, البيئة الاجتماعية المحيطة
بالحامل وبالزوجين,,,, النشأة الاولي للحامل من قبل ماتتزوج(يعني مثلا هل كانت دلوعة مجابة الطلبات),,,بل حتى اسباب الزواج هل هو زواج
عن حب وتفاعل وانتماء ,,,هل هو زواج اهل او اى من الزوجين مجبور علي هذا الخيار,,,, الشاهد انو الوحم هو مجموعة عوامل نفسية غير
ملموسة او مرئية,,,احيانا الوحم بيسبب مشاكل صحيةونفسيةومرات بيسبب الآم جسدية متفرقة ومتفاوتةوكل العلاجات والمعالجات اللى ذكرتوها
لعلاج الوحم مجدية تماما,,,, انا الحمد لله ماعندى تجربة مع الوحم ومابحس باى تغيير ولاحتى الناس اللي من حوالى بحسوا باي حاجة غريبة
فيني,,,,معليش علي الصراحة لكن كل الوحم او التغيير اللي بلاحظو,,,,, زيادة تعلقي بأبو يزن الغير عادي(طبعا هو بيكون مبسوط جدا
Post: #206 Title: Re: Tommy Time : لكل الامهات و الامهات (to be) Author: Solafa Alagib Date: 11-08-2009, 01:25 PM Parent: #205
ال imaginary friend تجربة ما عشتها واتمنى الا اعيشها( هي ليست بهذا السؤ)لكن تدل دايما علي خوف الصغير من شئ ما,,,,الظلام,,,ولادة الام
لطفل جديد,,, الانتقال لمدرسة جديدة ومفارقة الاصدقاء عشان كدا الظاهرة دى بتكون من عمر سنتين ونص لحدى تلاتة سنوات واحيانا بتفضل لحدى
عمر سبعة سنوات.عادة بينصح اختصاصيي علم النفس السلوكى عدم الضغط علي الطفل لاقناعو بعدم وجود هذا الصديق بل بمحاولة احتواء المشكلة
واحتواء طفلك لمعرفة السبب الاساسي لهذا الخيال,,,والشاهد اننا كلنا في وجود ضغوط نفسية شديدة قد نلجأ لاحلام اليقظة واحيانا الواحد
يكلم روحو عديل,,, المشكلة لدى الاطفال هى الخلط بين الحقيقة والخيال,,,وبالمناسبة ما دايما الصديق دا بيكون انسان بنى ادم يعنى
احيانا بيكون واحد من الحيوانات المحببة للطفل,,,,وقد يستخدموللهروب من العقاب بسبب خطأ ما
Post: #207 Title: Re: Tommy Time : لكل الامهات و الامهات (to be) Author: smart_ana2001 Date: 11-08-2009, 05:25 PM Parent: #206
مبروك ليك انت يا مريم الصفحة الثالثه...متزكره ؟؟؟ده ما بوستى براى ..و لا عاوزه تزوغى؟؟؟؟؟
Post: #208 Title: Re: Tommy Time : لكل الامهات و الامهات (to be) Author: smart_ana2001 Date: 11-08-2009, 05:46 PM Parent: #207
Quote: الوحم موجود وحقيقي وبتتفاوت انواعو ودرجاتو حسب اشياء كتيرة جدا منها(مش كلها)الوضع النفسي للحامل ,,, البيئة الاجتماعية المحيطة بالحامل وبالزوجين,,,, النشأة الاولي للحامل من قبل ماتتزوج(يعني مثلا هل كانت دلوعة مجابة الطلبات),,,بل حتى اسباب الزواج هل هو زواج عن حب وتفاعل وانتماء ,,,هل هو زواج اهل او اى من الزوجين مجبور علي هذا الخيار,,,, الشاهد انو الوحم هو مجموعة عوامل نفسية غير ملموسة او مرئية,,,احيانا الوحم بيسبب مشاكل صحيةونفسيةومرات بيسبب الآم جسدية متفرقة ومتفاوتةوكل العلاجات والمعالجات اللى ذكرتوها لعلاج الوحم مجدية تمام
سلامات د.سلافا....الغريبه فى الكتب و الابحاث اللى انا قريتها بتقول ان السبب الرئيسى للوحم هو تغيير الهرمونات المفاجئ فى الجسم. و الشاهد على كده ان الوحم موجود فى كل الثقافات و المجتمعات...و بنفس النسب. موجود فى النساء فى الهند فى افريقيا فى اوربا و فى امريكا ..و بنفس النسب. و الحاجه اللى بتخلينى اعتقد انو الموضوع فيزياى (بنسبة كبيرة و ليس نفسى بس ) هو انه فى اغلب من 90 % من النساء اللى بيتعرضوا ليه بينتهى فى الشهر الرابع. و ده الوقت اللى بيتعود فيه الجسم على زياده الهرمونات و بيقل مستوى زيادتها فى الجسم. _______________________________________________________ شكرا ليك على مساعدتى و مريم على الكتابه فى البوست ده...و على مشاركتك البروفشنال
Post: #209 Title: Re: Tommy Time : لكل الامهات و الامهات (to be) Author: smart_ana2001 Date: 11-08-2009, 05:53 PM Parent: #208
مريم.... غايتو انتى محمود ده كل ما تقرى عن حاجه تجى تقولى كنت شاكه فى محمود.و فى النهايه تقتنعى انو ما عندو حاجه....خلى الولد فى حالوا.... ما تزعلى انا بكاوى فيك سااااى.
شكرا على المعلومات القيمة د.سلافة
Post: #210 Title: Re: Tommy Time : لكل الامهات و الامهات (to be) Author: Dania Elmaki Date: 11-08-2009, 07:00 PM Parent: #209
بنات سلام
مبروك الصفحه الثالثه و برجع ثاني لانه بمجرد ما جيت اكتب احمد جاء يقفل اللابتوب
Post: #211 Title: Re: Tommy Time : لكل الامهات و الامهات (to be) Author: smart_ana2001 Date: 11-08-2009, 09:18 PM Parent: #210
انتو يا جماعة انتصار وين؟
================================== اظن اننا غطينا الحمل و الولاده و الاكل للام فى اول ايام بعد الولاده...و العنايه بروحها ..كيف تتريض..و غطينا كيفية العناية بالطفل الصغير جداجدا. لو عاوزين ممكن نمشى لقدام ..او لو فى شى تانى عاوزين تتكلموا فيه!!!! اظن اننا ممكن نمشى لعمر سنة فما فوق بعد كده...لكن لو اى واحده فينا خطرت على بالها حاجه عاوزه تقولها فى اى عمر او مرحلة ما نتردد. اواتفقنا على كده... بجيكم راجعة بكيف على الام و الاب يبنوا الثقة فى النفس للطفل فى عمر سنة ل 3 سنوات او الtoddler
Post: #212 Title: Re: Tommy Time : لكل الامهات و الامهات (to be) Author: Solafa Alagib Date: 11-09-2009, 00:12 AM Parent: #210
حكايتى مع تربية الاطفال بدت من بدرى جدا,,,, يمكن ما تصدقوا لو قلت ليكم من قبل زواجى بحوالى عشرة سنين وانا طالبة ثانوى في القديمة
بنات,,,,كنتا ولازلت من عاشقات مجلة سيدتى وزهرة الخليج من ايام ما كانت امى الله يرحما بتجيبا لينا بيض واسود وورق عادى قبل ايام الورق
المصقول والملون,,,,, وماقصروا زهرة الخليج ادتنى موقع البيبي سنتر وسيدتى ادتنى ملف طفلك عالم خاص ودا قصة تروى في حد ذاتا
Post: #213 Title: Re: Tommy Time : لكل الامهات و الامهات (to be) Author: Dania Elmaki Date: 11-09-2009, 01:58 AM Parent: #212
انا برضه يا سلافا علاقتي بالتربيه بدات من بدري, يمكن لاني الكبيره و كنت بساعد في تربية اخواني, و عندي اخوي اصغر مني بثمانيه سنين لكن يعتبر ولدي تقريبا لانه كان و مازال قريب لي جدا من هو طفل و لغاية الليله هو مهندس طيران ماشاء الله عليه.
من زمان برضه كنت بهتم بالسايكولوجي بتاع الطفل و بشوف دايما ردود افعال الاطفال في مواقف معينه و مؤمنه تماما انه التربيه مسئوليه كبيره اكبر من الحمل و الولاده و اللي ما بيقدرى على التربيه من البدايه مفروض ما يولد. اولا انا ضد الضرب بكل انواعه, لكن ممكن لايت تابينق في اليد عشان الطفال يعرف انه ده غلط خصوصا قبل ما يكون محصول لغوي كبير, انا شخصيا ما نفعت معاي لانه حمودي بيفتكرها لعبه و لو ضربته في ضهر ايده بيضربني في ايدي و يضحك. :)
التايم اوت مفيد جدا لقيته لكن بعد عمر سنتين, يعني لمن اخته في سريره و اقفل التلفزيون و امشي بيفهم انه عمل غلط بشرط ما تزيد عن عشره دقايق. برجع لموضوع التربيه ده ثاني
انا بعتبر انه التغذيه و تعليم العادات الغذائيه جزء مهم جدا من التربيه (يمكن انا عندي سكري و عندي عقده) ما عارفه لكن زي ما ذكرت في بداية البوست انا كنت حريصه جدا اني اعلم احمد الاكل السليم و الصحي و فعلا هسع بياكل اكل صحي يمكن لانه الشكولاته و الحلويات ما بيعرف طعمها اصلا فما بيتشبك فيها و لو اديتها ليه بيرجعها بعد ما يدوقها. و برضه لي عوده عشان ده وقت السناك و ما في صبر
Post: #214 Title: Re: Tommy Time : لكل الامهات و الامهات (to be) Author: مريم بنت الحسين Date: 11-09-2009, 06:02 PM Parent: #213
Quote: مريم.... غايتو انتى محمود ده كل ما تقرى عن حاجه تجى تقولى كنت شاكه فى محمود.و فى النهايه تقتنعى انو ما عندو حاجه....خلى الولد فى حالوا.... ما تزعلى انا بكاوى فيك سااااى.
ههههههههههههههههههههههههههههههههه، والله ضحكته لما دمّعته.... نسوي شنو يا سمارت، مرات العلم مصيبة... وطبعا البوست بوستينا سوا...
انا سعيدة جداً بوجود صاحبتي سلافا هنا.. وعارفه انها بتدفق حنية بالجنبات.. عشان كده عرفتها أم مميزة...
دانية ازيك... الضرب انا اختلف معاك فيه، ويمكن لأنك لسه ما وصلتوا مرحلتنا... انا كنت ضده فترة طويلة، لكن بعد ما تم سنتين وشوية، بديت اضربه.. لكن الشي البضربه فيه ده معناه شي شديد وقوي... مع وجود الtime out برضه.. وفي الحته دي، تربية البنات بتختلف عن تربية الاولاد، بتصور إنه أم البت ممكن تقول كلام مختلف.. لكن الولد تربيته محتاجه شدّة شوية.. انا برضه بدأت موضوع التربية دي مع اخوي الصغير، وبيني وبينه 18 سنة... لما جيت اربي محمود، ما حسيت بمشكلة ...
برجع بالمهلة... الليلة محمود صحاني مخلوعة، لحدي حسي مزاجي جايط! بقى يتكلم وهو نايم، وينادي..!
Post: #215 Title: Re: Tommy Time : لكل الامهات و الامهات (to be) Author: smart_ana2001 Date: 11-09-2009, 08:51 PM Parent: #214
Quote: الليلة محمود صحاني مخلوعة، لحدي حسي مزاجي جايط! بقى يتكلم وهو نايم، وينادي..!
ما عارفه الناس الفاهمين ممكن يقولوا ليك شنو...لكن -انا شايفه- ان الوضوع ده عادى. انا شخصيا -حتى الان- لمن اكون مرهقة جدا بتكلم كلام ما مفهوم مرات....مرات...(او كهذا قالوا لى!) و الله انتو امهات تشرحوا القلب.....كلكم كان عندكم سابق خبرة فى التربية مع اخوانكم او حتى ثقافه سااكت. انا علاقتى بتربية الاطفال كانت ذى علاقتى بالطب ( انا ما عندى اى علاقة بالطب...حتى صحباتى الدكتورات قاطعتهم الايام دى). ما عندى علاقة بالتربية - قبل اولادى- لانى كنت اصغر اخوانى. تكون اختى الكبيره هسى بتدعى انها اتعلمت التربية فينى.... هى اختى ذاتها اللى بتشتكى - دائما- انى خربت عليها اولادها و دلعتهم اكتر من الازم. حتى صحباتى بيقولوا انى بدلع اولادهم و بخليهم يعملوا اى حاجه عاوزنها. حقيقى انا بخلى الاطفال يعملوا اى حاجه عاوزنها طول ما الحاجه ما مصيبه. و اظنى قلت قبل كده فى البوست ده انى قبل اولادى ما حصل شلت طفل عمره اقل من 6 شهور
Post: #216 Title: Re: Tommy Time : لكل الامهات و الامهات (to be) Author: Solafa Alagib Date: 11-09-2009, 11:53 PM Parent: #215
حبايبي الحلوين,,,,,, قراء ومتداخلين
مساء الخير عليكم
ازيك يا دانية وازى حمودى,,,انا علاقتى بالتربية كانت بدايتا علاقة قراية ساي,,,زى ما قلت ليك مجلة زهرة الخليج كانت اول مكان اقرا فيهو
عن الbabaycenter.com ومهما وصفت انو الموقع دا افادنى قدر شنو ما حاقدر اوصل ليك(فجأة اتذكرت صحبتي وحبيبتي هبة عثمان (سمرية)وبقول
ليها ربنا يعوض اجهاضك ويجعلو ليكم رصيد في الجنة)0
اما ملف طفلك عالم خاص دا ملف في الاعداد القديمة من سيدتى كانت بتكتبو الصحفية المصرية سلوى الخطيب اللي كانت مبعوثة لنيل درجة
الماجستير واكتشفت انها حامل وبدت تراقب تغيرات جسمها وحياتا عموما وبقت تسال وتناقش وقررت يكون دا الماجستير وبدت تكتب عن طفلك
عالم خاص وكل كل كل مايخص الطفولة من لحظة ما عرفت انها حامل لحدى ما عمر ابنها اصبح عمرو,,,,,,, سبع سنوات,,, الملف ممتع جدا وبدون
سبب وجيه في وقتها جمعتا كل الاوراق دى في بوكس فايل(اكليسير)كبير لازال موجود معاى لحدى هسي,,, وبرجع ليهو دايما وبستفيد منو كتير
وكمان زمان لما امى الله يرحما ويحسن اليها ولدتنا كلنا في مشفي عبدالرحمن عتبانى(الدايات)كانت السورات او السسترات الانجليزيات بيوزعو
عليهم كتيبات جميلة جدا ووافية حتى فيها اسماء المواليد ومعانيها,,,فكانت دى حصيلتى التربوية اللي استعديت بيها لاستقبال يزن
مريم الحسين والله ربنا وحدو عالم مقدار الحب والاحترام حقك جواى ,,,,,, والقلوب شواهد
انتى يا ام محمود بالغتى كيف يعني مندهشة من انو محمود بيتكلم وهو نايم!!!!! بالاضافة للسبب المنطقى جدا اللى ذكرتو سمارت انا اضيف
كمان انو محمود دا ياخوانا دخل بيئة جديدة تماما وناس واماكن جديدة وحياة مختلفة عن حياة ماما وبابا في البيت وطبيعي انو يجي البيت
وهو شايل الحاجات دى في عقلو الباطن اللي بينطق بيها تلقائيا وشوية شوية حايستعدل ويتعلم يعبر بعقلو الظاهر مش الباطن لما يبتدى يحكي
عن اصحابو وعن الابلة وحصة الموسيقي وحفلة الاستقبال وكدا
Post: #217 Title: Re: Tommy Time : لكل الامهات و الامهات (to be) Author: Solafa Alagib Date: 11-10-2009, 00:08 AM Parent: #216
لو سمحتو لى انا برضو من راي سمارت اننا نبدا نمشي لقدام مع عيالنا ونصل عمر سنة وما فوق واى واحدة عنت ليها حاجة بعد داك تتكلم
عنها عادى0
ولوسمحت لى سمارت انا بستاذنا في وضع ايميلي واستعدادى التام لاستقبال اى مداخلة من القراء والقاريئات وعرضها كاملة بدون حذف
Post: #218 Title: Re: Tommy Time : لكل الامهات و الامهات (to be) Author: smart_ana2001 Date: 11-10-2009, 01:05 AM Parent: #217
Quote: مبروك الصفحه الثالثه و برجع ثاني لانه بمجرد ما جيت اكتب احمد جاء يقفل اللابتوب
انتو عندكم ظاهرة قفل الابتوب دى برضو??? ربنا يعينكم. انا حقيقى استسلمت...و بقوا لما يقفلوا لى الكومبيوتر بقول "شكرا" و بمشى اشوف موضوع تانى.
اخدى راحتك يا د. سلافه.....و الله ما بتحتاجى اذن فى حاجه فى البوست ده. تعتبريه ذى كانه بوستك واااحد.
ذى ما قلت ما كان عندى علاقة بالتربية...لكن الاطفال بيحبونى جدا (اقول بكل الفخر) لانى كنت مستعده اتونس العب و اعمل اى حاجه معاهم. اخر مره مشيت السودان (قبل 3 سنوات) قضيت اغلب الاجازه فى لعب الحجلة مع بنت اختى و ال paystaion مع اخوها. ابن صديقتى العزيزه جدا جدا بيزعل لما ازورهم و ما اتونست معاه مدة معقولة من زمن الزيارة. حقيقى فى اطفال اذكياء جدا و الونسة او اللعب معاهم ممتع جدا
Post: #219 Title: Re: Tommy Time : لكل الامهات و الامهات (to be) Author: Dania Elmaki Date: 11-10-2009, 02:08 AM Parent: #218
بنات ازيكم
سمارت والله الكمبيوتر ده حمودي ده بيغير منه رسمي و لمن يلقاني قاعده فيه لازم ينطط حوالي شويه يلفت نظري و لمن اطنش شويه بيقفلوا لي.
بصراحه يا مريم انا موضوع الضرب ده ما قدرت عليه, يمكن لاني مقتنعه انه العنف لا يولد الا العنف, غير كده مره واحده ضربت احمد ضميري المني ثلاثه يوم يمكن لمن احمد يكبر شويه اغير نظرتي ليه.
زمانا نحن ربونا بالحدره او النظره و القرصه (قديمه و تربية حبوبات) و كنا من النظره بنفهم اهلنا عاوزين شنو و بنخاف لكن هسه والله مش تعايني لو تقهي مافي طفل بيعاين ليك. ما حاقول تربيتنا كانت غلط لكن ما ممكن نربي بيها اولادنا هسه عشان الزمن اتغير. انا مؤمنه تماما بانه الطفل لازم يتعلم المسئوليه و يكون صاحب امه و ابوه من بدري جدا و لازم اشراكه في النقاشات و الحوارات و ده مهم لنمو شخصيته لكن طبعا في مواضيع مناسبه لسنه. من البدايه لازم نتعامل مع الطفل بانه انسان ليه عقل كامل و واعي و ناخد رايه في حاجات بسيطه حتى لو كانت لبسه ولا لعبه و ما نفتكر انه ما بيفهم. اها برجع ليكم احمد اتجنن من اللابتوب
Post: #220 Title: Re: Tommy Time : لكل الامهات و الامهات (to be) Author: توما Date: 11-10-2009, 08:26 AM Parent: #219
يا امهات سلامات كتيره
وستات البوست سمارت ومريم
معليش للقطعه
لكن مستمتعه بالبوست ده جدا لانو الزول بلقا روحو في كلام كتير بتقولوهو
شكرا ليكم برضو ولاحساسكم اللطيف , ماجد زوجي الله يرحمو كان عضو هنا يمكن بتتذكروهو بي عبد الماجد فرح
اتلاقينا هنا وكتبنا كتير سوا قبل وبعد العرس
وقبل وبعد يوسف
ربنا يرحمو ويخلي يوسف وشكرا للدعوات , امين يا رب
بالنسبه لموضوع الحمل القربتو تقفلوهو
سكري ما جاني لكن ود عمو الضغط ما قصر وصلني العمليات
وقعد معاي لفتره بعد الولاده واللي هو ادوني ليهو حبوب ضغط عديل
لكن بعد فتره كده راح
لكن شكلو قفله اللاب توب العندنا برضو دي حترجعو لي تاني
اما عن كلام الليل خليهو ساكت با مريم
نحن بنتونس عديييييييل
لووووووووول
اما عن ال
imaginary friends
or brother as in yousif's case
it is not that bad ya dr.solafa mush ???
من الحاجات القريتها برضو والربطتها بحاله يوسف انو من اسباب وجود الصديق او الاخ الخيالي ده هو البحث عن الصحبه companionship
بعدين المفروض انو نتعامل معاها بقبول وليس برفض ابدا
عجبتني الجمله دي
the nicest thing we can do is welcome these mystical people into the family with open arms
وبرضو انو الاطفال اساسا اذكياء وجواهم عارفين انو
isn’t truly real. But parents must be careful to never speak of the friend in those terms.
في حاله يوسف الحاجه دي الغريبه انها ما مستمره لكن متقطعه ومتباعده مرات
يمكن تتكلمو عنها لمن تصلو عمر سنتين معليش للنطيط ده المشكله الكلام جاب الكلام وانا اساس زهايمري فظيع البمشي تاني ما بجي
بجي تاني
وراكم
اتقدمو لينا
Post: #221 Title: Re: Tommy Time : لكل الامهات و الامهات (to be) Author: مريم بنت الحسين Date: 11-11-2009, 07:15 AM Parent: #220
غايته انا قفلت اللابتوب ما عندي... لكن وقتي البكون فيه في اللابتوب، بكون عارفه انه محمود مخطط لجريمة...
بالنسبة للسنة الأولى، يمكن اصعب حاجة انا بتذكرها هي مرحلة تطليع الانياب... محمود تعب مع المرحلة دي جداً.. واعتقد انها دايما بتكون اصعب مرحلة من التسنين.. وبدايات المشي... محمود مشى من عمر 11 شهر... كان واقف على حيله من عمره تسعة شهور.. لكن فضل شهرين خايف يمشي، لان الفترة ديك كنا انا وهو قاعدين في البيت، وما بنلاقي اطفال كتيرين في عمره... وبتذكر انه قدر يمشي لما لاقينا ولد بنت خالي، في عمره تقريبا وماشي... محمود على طول تاني يوم مشى... والحمدلله قدرت صورت اللحظة ديك.. ووثقتها بي فيديو... نادر كان موجود لكن نايم هههههههه اتخيلوا راقد في الهول معانا، وما حضر اللحظة المهمة ديك...
العمر ده بيبدا فيه الفضول بتاع الطفل.. بكون عايز يهبش اي شي... وبالتالي، لازم الام تكون عاملهchild proofing للبيت.. بمجرد ما يبدا الطفل يتحرك، لازم اي حاجه مؤذيه تترفع بعيد عنه الطفل، بحيث ما يقدر يصل ليها، اي حاجه ممكن تتكسر.. او تجرح او مواد تنظيف .. كلها مفروض تكون بعيده عنها... انا لما بدينا المرحلة دي... جبته locks لدولايب المطبخ كلها(الصور).. أمي كانت بتفضي الدولاب التحتانية كلها.. لكن انا لقيت الاقفال دي ساعدتني مؤقتاً.. والطفل في المرحلة دي محتاج مراقبة مستمرة.. والحمام يتقفل منّه.. لازم نتأكد انه البيت كل آمن للطفل... أول حاجه نعملها إننا ننزل لمستوى الطفل ونحوم البيت كلّه، نشوف لو في اي حاجه من مستواه ممكن تأذيه.. في حلول كتيره.. زي مافي مخاطر كتيره.. (الطَب) بي الباب، السلم لو موجود داخل البيت، الحواف الحادة..
الصورة الفوق دي lock بمنع الباب يتقفل على يد الطفل
دي بتمنع الطفل يفتح الباب ويطلع
دي بوابة خاصة للسلم
دي قطعة صغيرة بتغطي الكهرباء من الطفل، وهي مهمة لحدي ما يفهم الطفل تماماً خطورة الكهرباء
القطعة دي بتخفي الحواف الحادة بتاعت الطاولات....
وزي ما ملاحظين القائمة بتطول... كل الصور انا جبتها من موقع فيه الحاجات دي اسمه www.kidsafeic.com....
وبما إننا لسه بنتكلم عن السلامة... هنا في الدول العربية مافي قانون بلزم الأهل بإنهم يضعوا الطفل في car seat.. ومفروض يتعلم من عمر صغير إنه يقعد فيه .. عشان لما يكبر ما حيقبل لو اتعود يقعد مع أمه ... طبعا المسألة خطيرة جداً.. وهنا عادي ممكن تلقى الام قاعدة قدّام وشايلة طفلها.. وفي منه اشكال كتير وبختلف حسب العُمر... بس الواحد يستثمر في كرسي ممكن يقعد فترة كويسه، ومتين.. وممكن يقعد للأطفال البعده.. يعني ندفع كتير، عشان يقعد وعشان يكون safe للطفل... في انواع combo ممكن يكون car seat وpushchair .. لكن انا بفضّل انه يكون الcar seat ثابت في مكانه...
برضه مفيد للطفل في المرحلة دي انه الأحذية البلبسها تكون لينه جداً.. عشان عضلات كراعه بتكون محتاجه تتشد... ولو في طريقة، الافضل يمشي من غير حذاء لفترة مناسبة...الكلام عن الاحذية ذكرني موضوع الflat foot، محمود عنده (ههههههه) ... وصف الحالة هي إنه القوس الموجود اسفل القدم بكون ما موجود .. زي في الصورة دي
غالبية الاطفال قبل عمر سنتين بكونوا flat foot وبتكون الاربطة بتاعت القدم ما مشدودة، لذلك قبل العمر ده ما ممكن نشخّص إنه في حالة flat foot... بسمع كتير إنه العنده flat foot بتعب من الجري، لكن على الشايفاه ده، انا كنت بسيب البيت لو كان ما flat foot... الخبر الكويس التاني إنه ما يدخّلوه الجيش... هههههههه...
بالنسبة للعلاج، الموضوع نفسه فيه levels، في مراحل منّه بتتطلب تدخل جراحي.. وفي مراحل خفيفة زي بتاعت حمودي كده.. لكن في كل الاحوال، الطفل في سنواته الاولى يفضّل إنه يمشي حافي عشان يقوّي أربطت القدم عنده.. المسألة دي مهمة لكل الاطفال..
اتمنى إني أكون غطيت جزء من المواضيع المهمة في السنة الأولى... وفي انتظار تعليقاتكم وتجاربكم وإضافاتكم...
محبتي
Post: #222 Title: Re: Tommy Time : لكل الامهات و الامهات (to be) Author: smart_ana2001 Date: 11-11-2009, 08:09 AM Parent: #221
عارفه يا مريم انا اصلا ما فكرت فى موضوع الفلات فوت ده....شكرا على المعلومات القيمة...و برضوا ما كان عندى فكرة انو مرات بيتدخلو جراحيا لتصحيح الوضع. عن child proofing عاوزه اضيف ان بعد تركيب الاقفال فى دولايب المطبخ ممكن تخلى واحد من الدوالايب من غير قفل و تختى فيه شويه ملاعق خشب و اغطية بلاستك عشان الطفل يحس انو عمل حاجه لما يفتح الدولاب و يبدا ينكت فيه...و برضوا بينصحوا لام انها تغير الحجات اللى فى الدولاب ده كل كم يوم كده عشان الطفل ما يزهج و يبدا يعافر فى باقى الولايب.
Quote: والحمام يتقفل منّه..
عن الحمام..عاوزه اقول انو _بعيد الشر عن كل الاطفال- بس فى اطفال كتار ماتو غرقنا فى السايفن لان الاهل سابوا باب الحمام مفتوح. _____________________________________________________________________ جزم الاطفال فى العمر اللى بتعلموا فيه المشى (لو عاوزه تشترى جزمة بالمواصفات اللى قلتيها) سعرها ما رخيص فى بلدنا دى. قبل حوالى شهر انا اشتريت جزمة ب 24 دولار انا عارفه تماما ان طفلى ح يلبسها لمده شهر بالكتير. بعد كم يوم لقيت موقع فيه جزم شويه اسعارها ارخص ..بنفس المواصفات بس الجزم شكلها ما حلو جدا.... ده موقع فيه جزم صحية و قيافة...enjoy http://www.zappos.com/n/es/d/722670783/show_all/1/page/1.html
Post: #223 Title: Re: Tommy Time : لكل الامهات و الامهات (to be) Author: مريم بنت الحسين Date: 11-12-2009, 07:38 AM Parent: #222
والله انا محمود في البيت بخليه يمشي حفيان معظم الوقت.. لما نطلع بلبسه جزم عادية.. ما حاسه انه المسألة دي مأثره عليه ... ولا محدده نشاطه.. بس برضه متابعه المسألة .. واحده من خططي لمحمود إنه يمارس لعبة رياضية معيّنة.. يكون بحبها.. نشاط رياضي يحافظ على نشاطه وعلى لياقته، ويملا وقته.. طبعا في امريكا الأمور دي بتحصل automatically في المدارس.. ويتم التنسيق ليها حتى في الاجازة.. لكن عندنا لازم الخطط دي تخطيط وترتيب من الأهل.. عندي صديقتي مصرية.. عندها بنتين وولد.. البنت الكبيرة بتلعب سكواش بصورة محترفة.. عمرها 10 سنوات.. لما جات السعودية، وعشان البنات هنا اساسا ما عندهم حصة رياضة في المدرسة، الام عانت جداً عشان بنتها تواصل تدريب وممارسة للرياضة دي.. وكانت بتمشي معاها إلا داخل أرامكو (دي بلد جوه البلد) عشان تقدر تمارس رياضتها.. بنتها الاصغر منها بتركب خيل.. وحاليا بتساعد ولدها عشان يختار رياضة... بتقول لي إنه أداءهم الدراسي بكون ممتاز مع وجود النشاطات دي... المهم في القصة إني عايزه اتابع وضع محمود.. وهل حيعيقه ده عن ممارسة بعض الرياضات.. رغم إنه دايما السباحة موجودة.. وهي رياضتنا المفضّلة انا وهو...
د.سلافه.. افيدينا
Post: #224 Title: Re: Tommy Time : لكل الامهات و الامهات (to be) Author: Solafa Alagib Date: 11-13-2009, 11:42 PM Parent: #223
السلاااااااامو عليكم
عساكم جميع بخير
طبعا يا مريم الرياضة مهمة ومهمة شديد كمان وتعتبر واحدة من اهم وسائل تخفيف الضغوط والكم الهائل من المسؤليات للكل وبالتالى اطفالنا
من باب اولى,,,, وعمرها الرياضة ما كانت سبب اعاقة تفوق او تقصير متميز ودايما اكثر المتميزين دراسيا اللي عندهم رياضة بيبرعوا فيها
والرياضة عموما بتدي لذة نفسية وجسدية واضحةبل ان ممارسة الرياضة بانتظام بيزيد من شهية الاطفال للاكل والسوائل وممكن استغلال الحكاية
دى في ترغيب الاطفال فى الاكل الصحي ونحاول بقدر الامكان نكون قدوة لاطفالنا,,,, يعني مثلا بدل ما نتحنط قدام التلفزيون ممكن ببساطة
نمارس كلنا كاسرة رياضة المشي وممكن نشارك اطفالنا رياضة التنس او السباحة زى ما قلتى,,,,, من وسائل التربية المساعدة مراقبة هوايات
Post: #225 Title: Re: Tommy Time : لكل الامهات و الامهات (to be) Author: Dania Elmaki Date: 11-14-2009, 00:40 AM Parent: #224
بنات ازيكم
موضوع الفلات فوت ده برضه نحن بنعاني منه و كمان الكراع عريضه جدا :) ما بنلقى مقاسنا ولا جزمه مريحه لاحمد غير في سترايد رايت و ده جزمته من 45 دولار و انت ماشه لفوق, مره اشتريت صندل للصيف لاحمد و لقيته ب 55 دولار, المهم بعد اسبوع كده طلعنا مشوار اتلفت لقيته بيرمي فيه من الشباك, والله طوالي رجعت جبته :)
موضوع السيفتي ده مهم جدا كمان, انا عملت جايلد بروف للبيت كله, اقفال للباب و الحمام و فيش الكهرباء و الدواليب و المطبخ و غيره لكن للاسف قبل عمر سنتين عرف يفكهم كيف و هسع ببساطه بيجيب لي غطاء الفيشه في ايده و ما عارفه اعمل شنو في الموضوع ده. عمر سنتين دي طبعا عمر اكتشاف و تقليد و لاحظت لاحمد دائما بينتبه لو انا بوصل في الفيديو و لا غيره و بكره القاه بيعمل في نفس الانا كنت بعمل فيه.
موضوع الرياضه برضه مهم جدا جدا مع الاكل الصحي لان العقل السليم في الجسم السليم, عندنا هنا في فرجينيا ماي ليتل جيم و جيمبوري و ديل بيعلموا كلاسس حسب العمر و الام والطفل بيكونوا فيها مع بعض لغاية عمر 3 سنوات بعدين ممكن يكون فيها الطفل فيها موسيقى و رقيص و العاب حلوه, احمد بيحبها جدا بنمشي ليها مرتين في الاسبوع.
Post: #226 Title: Re: Tommy Time : لكل الامهات و الامهات (to be) Author: Solafa Alagib Date: 11-15-2009, 11:05 PM Parent: #225
غايتو انتن كسلانات كسل,,,,,,,,,,,,,, انا بفتش لي ساعة في بوستنا دا
upppppppppppp
Post: #227 Title: Re: Tommy Time : لكل الامهات و الامهات (to be) Author: Dania Elmaki Date: 11-16-2009, 00:09 AM Parent: #226
انا كنت مشغوله مع صاحبتني في عرسهاالحمدلله اللليله خلاص الصبحيه و رجعنا البيت
انا امنت بالمثل البيقول العروسه للعريس و الجري للمتاعيس.
Post: #228 Title: Re: Tommy Time : لكل الامهات و الامهات (to be) Author: مريم بنت الحسين Date: 11-16-2009, 06:24 AM Parent: #227
فوق عشان ما قرا يقرا.. وننتقل لموضوع جديد
Post: #229 Title: Re: Tommy Time : لكل الامهات و الامهات (to be) Author: Solafa Alagib Date: 11-17-2009, 11:52 PM Parent: #228
سلامات يا ناس يارايقة
Post: #230 Title: Re: Tommy Time : لكل الامهات و الامهات (to be) Author: smart_ana2001 Date: 12-13-2009, 10:46 AM Parent: #229
سلامات يا جماعة..... و الله مشغوليات السودان ما بتخلص....لكن بجيكم...قريب ان شاء الله
Post: #231 Title: Re: Tommy Time : لكل الامهات و الامهات (to be) Author: lana mahdi Date: 12-13-2009, 12:50 PM Parent: #230
ياخواننا البوست دة عاجبني جنس عجب عليكم الله ما يتأرشف جاية أدلو بدلوي(: يا سلام سمارتي و مريوم وكل الحبيبات بي هنا بوست الموسم بالجد محبتي لنا
Post: #232 Title: Re: Tommy Time : لكل الامهات و الامهات (to be) Author: smart_ana2001 Date: 12-28-2009, 01:49 PM Parent: #231
كل سنة و انتو طيبين بمناسبة عيد الضحية و راس السنة الهجرية و الكرسماس و راس السنة الميلادية الجاينا بعد ايام. اهو رفعنا البوست للربع الاول من سنة 2010 ..لكن ربنا يقدرنا على الكتابة فيه
Post: #233 Title: Re: Tommy Time : لكل الامهات و الامهات (to be) Author: smart_ana2001 Date: 12-31-2009, 00:11 AM Parent: #232
سلامات يا لنا.... كيفك? و كيف بامبى? راجنك و راجين دلوك....ان شاء الله ملعقة بس....اى حاجه... بس مرى علينا. __________________________ البوست ده بالجد بيعبر عن حال الامهات....
Post: #234 Title: Re: Tommy Time : لكل الامهات و الامهات (to be) Author: Dania Elmaki Date: 12-31-2009, 02:53 AM Parent: #233
انا جيت
Post: #235 Title: Re: Tommy Time : لكل الامهات و الامهات (to be) Author: مريم بنت الحسين Date: 12-31-2009, 07:38 AM Parent: #234
قبل الأرشفه نزّلته موضوع عن التطعيم ضد H1N1 بعد ما جاني خطاب من مدرسة محمود حول نيتهم تطعيمهم ضدها.. حبيت اشارككم في القرار الاتخذته، والما كان هيّن ابداً... محمود اخد التطعيم يوم الاثنين الماضي، في نفس اليوم الاخد فيه التطعيم كان عادي جداً.. من ناحية نشاطه او من ناحية درجة حرارته... وانا احتياطاً اول ما جا من المدرسة اديته خافض للحرارة... يوم الثلاثاء مشى المدرسة.. لما رجع، لاحظته انه عيونه واقعه.. تعبان... ومنهك.. رغم انه نشاطه برضه عادي... بس الطفل ما برقد للمرض... بالليل درجة حرارته ارتفعت لكن ارتفاع طفيف... واستمرت طول الليل.. ارتفاع بسيط جداً.. لكن طبعا انا قلقته.. كان معاه قحه ناشفه.. لكن خفيفه.. يوم الاربعاء ما خليته يمشي المدرسة .. فضل في البيت معاي، وندمته طبعا من اول خمسة ثواني، لانه جنني جن... بس الحمدلله قعد وارتاح... الحرارة مستمرة لحدي الليلة الخميس.. لكن اخف من الأول... وهو عادي جداً، ما عنده اي اعراض تانية.. حتى القحة راحت... الحمدلله...
النتيجة الطلعت بيها، انه لو ده التطعيم كده، المرض زاته يكون كيف!
القرار صعب.. وما بقدر بأي حال أقول لأم انها تعمل زيي أو ما تعمل... لانه الاتجاهين صعبين... بس الساعدني على اتخاذ القرار اني ما لقيت دليل علمي يثبت انه في مشكلة، ولقيت ادله عملية كتيرة تثبت انه مافي مشكلة... والفصل كان في عبارة قالها مازن اخوي... "أي تطعيم اديته ليه مما ولديته، عنده نفس النسبة الخايفين منها حسي في التطعيم ده"... وبعد ده كله، اتوكلته على الله... وربنا يوفّق ان شاء الله
محبتي لكن جميعاً يا امهات.. وكل عام وانتن بخير
Post: #236 Title: Re: Tommy Time : لكل الامهات و الامهات (to be) Author: smart_ana2001 Date: 01-03-2010, 04:19 PM
سلامات يا مريم.... و مبروك التطعيم....و عقبالنا. كانت مواعيدنا بتاعة التطعيم الاسبوع الفات...لكن كان عندنا نزلة _خفيفه_ يوم التطعيم. فالدكتور قال انو ما بيطعموا لما الزول يكون عيان. مواعيدنا الجديده الاسبوع الجاى. و كل البيت ح يتطعم.
و ذى ما قلتى .....ده من القرارات اللى ما بتقدرى تقولى لزول اعملها او لا. مع انو نسبة الناس اللى بتحصل ليهامشاكل فى التطعيم قليلة جدا...لكن موجوده.
Post: #237 Title: Re: Tommy Time : لكل الامهات و الامهات (to be) Author: انتصار محمد صالخ بشير Date: 01-03-2010, 09:28 PM Parent: #236
العزيزات مريومة واسمارت وكل زوار البوست
سلامات وكل سنة وانتو طيبين جيناكم راجعين
بسبب مشغوليات انقطعت عنكم
ومبروك الصفحة الثالثة عقبال الصفحة 30
Post: #238 Title: Re: Tommy Time : لكل الامهات و الامهات (to be) Author: رشا سالم Date: 01-04-2010, 03:38 PM Parent: #237
لا حولااااااااااا !
البوست دا كان وين وما لاقاني طول الوكت دا؟
ياخ انتوا بتتكلمو بلساني والله وبتكتبوا الكلام الفي راسي
ونفس تساؤلاتي وحيرتي..غايتو يحلكم مني الله :)
تاني انا مهيتة ومبيتة هنا..
هسه كدا بالسريع كدا وروني اسوي شنو:
ريل بتي عمرها سنتيت وشهر ولسه قادلة بالبامبرز
ما بتاكل الا لما انا اقرب ادخل في حالة بتاعت تشنج وشلل رعاش..
ما بتنوم الا بعد الساعة واحدة صباحا..
بتدق اخوها الاصغر منها(عمره عشرة شهور) دق العيش..
............
عليكم الله ساعدوني انا خلاص دخلت في حالة بتاعت يأس كامل..
قدر ما احاول اطبق فيها نظرية تطلع فاشلة..
خالص مودتي وحبي ليكم يا اسمارت ودانية ومريم وسلافة وكل المروا من هنا..
Post: #239 Title: Re: Tommy Time : لكل الامهات و الامهات (to be) Author: انتصار محمد صالخ بشير Date: 01-04-2010, 04:21 PM Parent: #238
الاخت رشا
سلامات
والله حنيت عليك شديد
ريل دى اول حاجة لازم تتخلصى من مسالة البامبرز دى عن تجربتى مع الفاروق ولدى ودى كانت نصيحة امى الله يعطيها العافية
عندما وصل عمره 4 شهور اشتريت ليه قصرية صغيرة فى شكل لعبة وبها اصوات وبدأت اجلسه عليها ويوميا فى الصباح ومرة اخرى
فى المساء كدا قدرت ان اعوده ان يتبرز فيها اصبحت مسالة البول وطبعا الطفل عشان بشرب حليب كتير وبكون كثير التبول
وبالتدرج تعود عليها واصبحت ان اتركه فى البيت بدون بامبرز عند الشهر العاشر من عمره بس لازم اكون لصيقه به عشان اسمعه لما
يقول لى ماما ببى وكدا بقيت استخدم البمبرز فى الخروج ومرات كتيره بحرجنى برغم وجود البمبرز هو عاوز القصريه
ما بتصدقى انا كنت بشيل شنو فى شنظة مستلزمات ولدى غطاء التوليت عشان اجلسه عليه لما يقول عاوز توليت فى اى حمام .
سنة ونصف دى كنا بنمشى اى محل بثقة بدون بامبرز,
ريل يا رشا عايشه حالة غيره من اخوها الصغير اعطيها شويه اهتمام حسسيها انها الاميره وخليها تساعدك فى اطعام اخوها تحت اشرافك
لانها بصراحة مظلومة لانها صغيرة جدا .
اشترى قصرتين ليها ولاخوها واجلسيهم معا فى التوليت والغى البامبرز نهائيا فى البيت صحيح بتتعبى فى االاول بس مكسبك سيكون هى واخيها معا
طبعا هسع يجوك الناس العندها خبرة وعلم ويشرحو ليك الحاجات العلمية بصراحة امهات يرفعوا الراس
Post: #241 Title: Re: Tommy Time : لكل الامهات و الامهات (to be) Author: رشا سالم Date: 01-05-2010, 04:02 PM Parent: #239
الاخت الحبيبة انتصار..شكرا علي الرد السريع..
Quote: الاخت رشا
سلامات
والله حنيت عليك شديد
ريل دى اول حاجة لازم تتخلصى من مسالة البامبرز دى عن تجربتى مع الفاروق ولدى ودى كانت نصيحة امى الله يعطيها العافية
عندما وصل عمره 4 شهور اشتريت ليه قصرية صغيرة فى شكل لعبة وبها اصوات
وحاتك يا انتصار من عمرها خمسة شهور انا حاولت اقعدها..لكن كل ما اختها
في البتاعة دي ..تعصب جسمها زي الخشبة وتحلف ما تقعد فيها!
وكل ما اسأل لي زول يقول لي خليها تكبر شوية..لماهسه كبرت كتير!
Quote: ريل يا رشا عايشه حالة غيره من اخوها الصغير اعطيها شويه اهتمام حسسيها انها الاميره وخليها تساعدك فى اطعام اخوها تحت اشرافك
لانها بصراحة مظلومة لانها صغيرة جدا .
والله هي الغلطة كانت في انها صغيرة وانا ولدت تاني بس الحمدلله ربنا رزقني بجمال حبيب قلبي..
وانا من اول يوم عارفة موضوع الغيرة دا..يعني من اول يوم جيت البيت بعد الولادة
ختيتو في السرير وختيت ليها زي خمسة شوكلاتات وناديتها عشان تتعرف عليهو..
اول حاجة عاينت ليهو سمح وهبشتو وبعد داك شالت الشوكولاتة وووتااااااااااح ادتو
ليك كف صاموتي! طبعا دا كان اول كف ومن ديك وعيك..كل ما عينها تقع عليهو
تروح مدياهو ضربة.. انا والله بقيت ما بشيل جمال قدامها لكن برضو ما مقتنعة
غايتو الله يهديهاويشيل الغيرة دي من قلبها..
شكرا يا انتصار وربنا يخلي ليك عيالك..
Post: #240 Title: Re: Tommy Time : لكل الامهات و الامهات (to be) Author: مريم بنت الحسين Date: 01-04-2010, 04:36 PM Parent: #238
سمارت... الله لا يوريك السواها فينا التطعيم.. والله يا سمارت احنا اتطعمنا دور الليلة.. لحدي يوم امس الحمى في السما!ما بتصل الاربعين.. لكن 38 ونص ... شغالين تحاميل وادوية، مازن قال لينا ما تدوه حاجه فيها antihestamin لانها بتلغي مفعول التطعيم... لكن الواحد بس بقول انه لو ده التطعيم المرض كيف! انا ناوية اتطعم خلال اليومين الجايات.. عندي سفرة قريبة، ماشه اهيّص...ما عندي وقت لمرض الله يغتيكم ويهوّن عليكم البرنامج ده
انتصار مبروك عليك انت كمان الصفحة التالتة، وكويس انه سمارت انتبهت ونقلته للربع ده قبل الارشفة
رشا سالم ياخ مرحبتين واهلا وسهلا... ايوه كده، احنا وصلنا لمرحلة قلنا كل العندنا، الدماء الجديدة بتساعد في فتح آفاق جديدة للكلام... بالنسبة لبنتك، البامبرز ده تحدي كبير... ومحتاج منّك صبر.. واستعداد.. لانه عبارة عن تدريب، يعني ختي في بالك انه في حوادث عرضية حتحصل... بنتك حتتعمل رقم (1) بسهولة... رقم(2) هو حيكون حدث اكبر في حياتكم كلكم.. والله احنا لما محمود نجح فيه، رقصنا وصفقنا وفرحنا فرحة شديدة... لانه موضوع ما ساهل علي الطفل... بالنسبة لي... محمود خليت اولا من غير بامبرز، الدكتور بتاعه قال لي .. خليه يشوف البول (سوري على الكلمة) لانه هو ما بعرفه... لازم يعرفه، ويربط بين الشعور القبله، والنتيجة... انت عشان ما يتوسخ بيتك، وتبقى في مسح ونظافة... وديها كل ساعة تقريباً للحمام، وقعديها.. وشغليها ليها الماسورة... شيلي معاكم لعبتها المفضلة، احنا كنا بنشيل كتاب.. ونقعد نقرا ونتونس.. عشان ما يزهج... بعد شويه حتفهم الموضوع.. ده غالبا حياخد منّك تقريبا اسبوع كده... او اقل... علّميها كلمة معينة تقولها .. يعني لو عملتها في الواطة، قولي ليها pee pee عشان تعرف تقول شنو لما تجي تمشي... طبعا بتحتاجي تجيبي ليها حاجه تضيّق حجم المقعد ليها، او ممكن نونية طبعا....
بالنسبة لعلاقتها مع اخوها، انا عندي طفل واحد بس عشان كده كلامي على علاقتها بأخوها حيكون تنظير ... لكن بحاول... اي سلوك انت ما شايفاه مناسب.. اول حاجه تتعمل، العقاب.. حددي ليها مكان محدد في البيت.. وقولي ليها ده مكان time out... لو عملت حاجه غلط، قعّديها فيه لمدة دقيقتين.... وبعداك اشرحي ليها سبب العقاب، وانك انت بتتوقعي منها تعمل شنو، عشان تعمله المره الجايه وما تغلط.. ولو خلت السلوك ده، كافئيها عليه... العقاب ممكن برضه يكون بي حرمانها من حاجه بتحبها.. لعبة أو تلفزيون او اي شي... (شريرين احنا)...
الاكل ده بقى موضوع آخر.. حسب ما انا شايفه، الفرق العمري بين اطفالك، قليل.. وبنتك بشكل اساسي عايزاك تهتمي بيها.. وبتلفت انتبهاك ليها بي الاكل، لانك اكيد انشغلتي عنها بأخوها الصغير... دي غيرة اكيده.. وغير كده الاطفال لما يحسوا بيك بتقلقي من موضوع الاكل ده بستخدموه ضدك.. وتعملها ليك مكاواه.. الدواء للموضوع ده "التجاهل التجاهل التجاهل".. علمّيها تاكل لما هي تكون عايزه، موش لما انت تحسي انها حسي عايزه.. هي بقت في عمر بسمح ليها بكده.. ولو لسه ما بتعرف تتكلم... علّميها اشارة تعملها ليك لما تكون عايزه تاكل.. محمود كان بعمل إشارة في يدّه في اتجاه خشمه لما يكون جعان.. والحمدلله لحدي حسي ما عندي اي مشكلة معاه في موضوع الاكل ده... لما يجوع بطلب وبياكل... النوم ده، ليه علاقة بيومها بالنهارية بمشي كيف... هل بتطلع تلعب ولا قاعده في البيت.. لازم تبذل مجهود عشان تنوم ليك بالليل... الطفل القاعد في البيت لازم يكون برضه عنده برنامج... ويتحرك كتير عشان يطلع الطاقة دي.. اللعب اهم حاجه للطفل، بنظم النوم والاكل كمان... برضه في عمرها ده، بتحتاج لي نومه صغيرة كده nap زي ساعة كده بالعصر، في اطفال لو ما اخدوها ما بقدروا ينوموا بالليل...
برجع تاني.. وشكرا لوجودك
Post: #242 Title: Re: Tommy Time : لكل الامهات و الامهات (to be) Author: انتصار محمد صالخ بشير Date: 01-05-2010, 05:30 PM Parent: #240
امهات سلام
Quote: لو سمحتو لى انا برضو من راي سمارت اننا نبدا نمشي لقدام مع عيالنا ونصل عمر سنة وما فوق واى واحدة عنت ليها حاجة بعد داك تتكلم عنها عادى0
انا سعيدة جدا بانضمام اخواتنا الطبيبات بيننا دكتورة سلافة ودكتورة رشا اكيد بوست تحفة بوجود الخبرات العلمية والعملية
Post: #243 Title: Re: Tommy Time : لكل الامهات و الامهات (to be) Author: smart_ana2001 Date: 02-17-2010, 11:53 PM Parent: #242
ازيكم يا جكس اها يا جماعة.... بالجد.... البوست ده بتقدروا تكتبوا فيه و خلاص نقفله?? انا شخصيا براى ما بقدر عليه! لكن لو اتشجعتوا معاى ممكن نواصل
Post: #244 Title: Re: Tommy Time : لكل الامهات و الامهات (to be) Author: مريم بنت الحسين Date: 02-17-2010, 11:58 PM Parent: #243
انا سخسياً غرقانه للركب... لكن لو اديتوني دفره .. ممكن اقدر اواصل
Post: #245 Title: Re: Tommy Time : لكل الامهات و الامهات (to be) Author: Dania Elmaki Date: 02-18-2010, 03:47 AM Parent: #244
انوم احمد و اجيكم, المشكله انا تعبانه شديد و احتمال كبير ينومني هو
Post: #246 Title: Re: Tommy Time : لكل الامهات و الامهات (to be) Author: smart_ana2001 Date: 02-21-2010, 08:31 PM Parent: #245
مريم صحبتى (ست البوست)....دانية , انتصار, صحباتى و كل اللى مروا على البوست (خاصة د.عبد الله).....سلامات. ما اظن نقدر نكتب فى البوست اكتر من كده (فى الوقت الحالى). و اظن اننا كتبنا كفاية لعمر طفل من (الحمل) لحدى عر سنة واحده. لو ربنا مد فى ايامى (ان شاء الله) ممكن فى المستقبل احاول اكتب بوست تانى عن عمر سنة لعمر 3 سنوات . خاصة انو عمر0 لسنة واحده مختلف تماما من عمر سنة فمافوق.
ربنا يخلى ليكم اولادك كلكم و يجعلهم من الصالحين...
Post: #247 Title: Re: Tommy Time : لكل الامهات و الامهات (to be) Author: Rihab Khalifa Date: 02-22-2010, 07:21 AM Parent: #246
Quote: رحاب خليفة و توما...ما تجو انتو كمان و تقولوا جاكم سكر حمل!!!! Smart-inti
سلامات يا سمارت انتي، لوول عليك الله اسمك ده الخلاك تفكري فيه شنو؟
معليش للتقصير، و الله ده من احب البوستات لقلبي، لكن العين بصيرة و الساعة قصيره
لا لا، ما جاني سكر في الحمل و الحمدلله، و لكن الدكتورة كانت خايفة علي من الضغط علي اعتبار اني من افريقيا و قالت نسبة ارتفاع الضغط في الزي حلاتنا ديل كبيره، و اتذكر انها سالتني بتاخدي كالسيوم كفاية قلت ليها لا احب اللبن، و قامت طواااالي صرفت لي حبوب كالسيوم و ده تنوية لدور الكالسيوم و اللبن، فهمنا الفي بيوتنا انه كويس لعظام الام و الطفل عشان كده ضروري، و لكن حسب ما فهمت من الطبيبة دي، انه اخر ابحاث تؤكد ضرورة الكالسيوم ايضا لتجنب مشاكل الضغط الناتجة من الحمل و البتضر الطفل و الام، خصوصا في الشهور الاخيره