يا ثوار الخرطوم أفيدونا :الثورة دى عشان حرية وللاعشان إجراءات تقشفية ؟

أبواق النظام قالوا :الإحتجاجات هى مجرد تململ متوقع نتيجة للإجرآت التقشفية .

الصادق المهدي برضه ..ردد نفس الإدعاء دا ..

بعض الشعارات المرفوعة من بعض الثوار كانت منحصرة برضه فى حاجات زى إرتفاع الأسعار ورفع الدعم عن المحروقات
الخ ..

بعض الناشطين والثوار فى هذا الموقع والفيس بوك ، برضه يلوكوا فى نفس الكلام دا !!

طيب أنا بقى واثقة إنو ثوارنا الفى الأقاليم ديل ..
ما طلعوا عشان إجراءات تقشفية وللا بطيخ ..

ديل طلعوا ضد دولة ظالمة مجرمة
طلعوا عشان الحرية الغالية التى دفعوا ثمنها غاليا ولا زالوا
طلعوا عشان الموت اليومي ، والقصف ،والحصار
المذابح الجماعية ، التى أدت لإنفصال جزء من الوطن ، وستؤدي لتفتت ما تبقى منه

نحنا من بداية الهبة الجماهيرية دى صابرين وساكتين على مضض ..

ونحنا كل يوم نسمع فى الفضائيات ، وفى النت
حكاية الثورة القامت عشان إجراءات تقشفية ..!!


لكن بعد دا لازم الناس يكون عندها موقف وااااضح ..

فاذا كانت هذه الثورة عشان تقشف ، فيا لبؤسها من ثورة .


فهل وصل بالبعض التبلد وإنعدام الضمير لهذه الدرجة !!

لماذا لم يحرك الظلم والذبح اليومي لمواطنين سودانيين ثوار الخرطوم ؟!

إلا بعد ما الحكاية دخلت فى لحمهم الحي ..



فلو كانت هذه الثورة كما يروج لها ..
فما أغباها من ثورة .

الثوره بالنص





منصور

أها إتفرجوا ( على قول حبوبتي الله يرحمها ) /

الحركة الشعبية: أكدت مساندتها لمطالب الجماهير والخروج في جمعة الكهرباء


مع أحترامي لثوار الخرطوم ، وللحركة الشعبية .

ولكن إلى متى نسقط فى فخ حصر الثورة فى مجرد غلاء وسياسات تقشفية ؟

فهل نحن هذفنا الرئيسي الحرية ، وإسقاط هذا النظام المجرم ، ولا مجرد مطالب جزئية ؟

............

أنا شخصيا بخجل خجل شديد ، لما أشاهد تقارير الفضيات حول إن الإحتجاجات فى السودان هى ضد إجراءات تقشفية فقط .

Quote: الثوره بالنص منصور

الأخ منصور .

الهدف من البوست ليس السخرية من هذه الهبة الشعبية ..

ولكنه حول مفهوم الثورة عموما ..والهدف منها .

بل ونقدها ، وتصويب مسارها .

...............

مثلا أسماء الجمع مثل ( جمعة الكنداكة ) و ( جمعة دارفور بلدنا ) كانت أسماء مشرفة ..

أخرجت الثورة من الحيز الضيق الذى أراد أبواق النظام حصرها فيه .

وحلقت بها إلى آفاق إنسانية راقية ..
فى التضامن مع المرأة السودانية وما عانته من بطش نظام الجبهة الإسلامية ، وقوانينه التى تكرس للتمييز النوعي ، وإحترام تصدي نساء السودان لهذا النظام ببطولة وشجاعة تليق بتاريخهن العظيم .

والتضامن مع مواطني دارفور ضد التهميش والمذابح العرقية التى أندت جبين الإنسانية .

أها إتقرجوا تاااانى /

كيف نجبر الحكومة على تخفيض سعر الكهرباء؟

الناس مصرة تعاين للفيل أهو داااك ، وتطعن فى ضلو ...!!

هي خطوه ان يتململ الناس من اجراءات التقشف
التقطوا القفاذ وابنوا عليها

Quote: هي خطوه ان يتململ الناس من اجراءات التقشف التقطوا القفاذ وابنوا عليها

إلتقطنا القفاز يا وليد وينينا عليها ..إنت ما شفت ميثاقنا وللا شنو ..:)

ولسه حا نبني ونبني ..

لكن محبط جدا ، لما تجى تلقى حتى مناضلين وناشطين يقعوا فى الفخ دا ..
ناس عاديين معليش ..يمكن دا يكون المطلعهم .

لكن هل يعقل أن يكون دا فهم ناس منخرطين فى العمل العام !!

الغضب ما نار عويش)
"ابوفواز"
يوليو ٢٠١٢

تار البلد ..
الكان زمن تحت الغبن
قام ليه ريش ..
والغضب ما نار عويش
===
من شباب ..
زي الورد شوكهم
نجض تحت العويش ...
===
وفي يونيو السخن سخن
بي بنيات في البركس
زي الدهب فوق العريش ...
===
والأمل تلب نجض ..
تاريهو بكبر بي بشيش ...
===
ويا ناس الحكم
أبين دقون افيون
ووجها مدهن بالحشيش ..
===
راحت عليكم
سقطت عديل
وتاني الخدر ما فيش ...
===
اتلملموا الجنيات من ضحى
سدوا الشوارع بالمسا
والما بعرفهم قال نار عويش ...
===
سمح والله يا وطن !!
طاقيتك الحمرة
المحكرة في الجبين
وعينك المصرورة تنهر
تسوي العجايب من دغيش ...
===
هبتنا ما نسمة بحر ...
قومتنا ما نغمة ربيع ...
ثورتنا كنداكة انثاوية ...
غضبتنا كتاحة قومابية ...
تهدر وتهتف ؛
يا بلد تكبر تعيش
يا بلد تكبر تعيش
يا بلد تكبر تعيش

Quote: يا ثوار الخرطوم أفيدونا :الثورة دى عشان حرية وللاعشان إجراءات تقشف

انشاء الله اول ما اشوف الثورة دي اقوم أسألها ليك

طيب أسأل الحاجة (ثورة) دى يا وهبة الأمنجي ..
وقول ليها وقفتى الوقفة دى ليه قدام العساكر /

مع الاسف الماضي والحاضر وربما المستقبل
يقررون أن الســـودانيين يخرجهم ضيق المعيشه والجوع
وضيق الحالة الاقتصادية
ولم يخرجوا من قبل من أجل الحرية
تحديدا المركز وناس الخرطوم ديل يا آمنه
أي حكومة تود الاستمرار في الحكم عليها اراحة ناس المركز
لأن الاطراف لا دور يذكر لها في التغيير
لأن ابناء الاطراف دائما ما يرضون بالفتات
وزراء للعمل أو وزراء للرياضة أو وزراء للاشغال العامة ... الخ

this is Sudan love it or leave it

ولو leave it يكون احسن

الزولة دي موش بتاعة حزب الخضر والاوزون و وامنا الارض وحبوبتنا الكديسة ديك ولّ زولة تانية؟
الناس عايزة سخينة يا امنة يا اختي وما فاضين للرفاهية بتاعتكم دي

Quote: نحنا من بداية الهبة الجماهيرية دى صابرين وساكتين على مضض ..

لا يا امنة
قلتي لو "نجضت" نخوض مع الخايضين
ولامن "نفست"، دقيتي صدرك وجيتي مارقة
رمضان كريم



----------------------
معليش يا امنة
البتاعة مرقت ناشفة
و اول مرة "اظن" اداخل معاك
وبصراحة ما عارف "الخضر" ديل يطلعوا شنو
ممكن يكونوا ناس "كويسين"

آمونه يا غاليه تسلمي على بعد النظر
وتعالي شوفي طبظات الحزب الشيوعي كل ما حذرتي منه الشباب هاهم كهولهم يقننونه:

بيان سكرتارية الحزب الشيوعي..اسقطوا الانقاذ..هاك يا عاطف مكاوي!!

Quote: بيان من المكتب السياسي للحزب الشيوعي السوداني Wednesday, July 25th, 2012 برغم القمع والارهاب وحملات الاعتقال والتعذيب الوحشي للمعتقلين السياسيين، دخلت الاحتجاجات الجماهيرية شهرها الثاني التي قام بها طلاب جامعة الخرطوم وشملت طلاب الجامعات الأخري واحياء العاصمة والأقاليم، ورغم المد والجزر في الاحتجاجات , الا أن جذوتها ستظل متقدة حتي اسقاط النظام، لأن الظروف التي ادت الي اشتعالها مازالت قائمة ، بل ازدادت الأوضاع الاقتصادية والمعيشية سوءا وتفاقما، واستمر التدهور في قيمة الجنية السوداني، ووصل العجز في الميزانية الي ٩ مليار جنيه، وارتفعت نسبة التضخم الي ٣٧ ٪ واستمر الارتفاع الجنوني في أسعار السلع والخدمات، وزادت أسعار الكهرباء، وبالتالي يصبح لابديل غير مواصلة النزول للشارع واجبار النظام علي التراجع عن هذه الزيادات، ومواصلة المعركة حتي اسقاط النظام باعتبار ذلك المفتاح للحل الشامل للأزمة في البلاد. وامتدت المعركة لتشمل المهنيين والعاملين واسر المعتقلين مثل: الوقفات الاحتجاجية لأسر المعتقلين، والمحامين والاطباء والصيادلة والصحفيين، واضرابات عمال مصنع الاسمنت بعطبرة، والعاملين بجامعة الخرطوم، والممرضين في القضارف، واعتصام عمال الحفريات في مدني والمزارعين في منطقة القرير..الخ. وكلما تزايد اشتراك قوي المهنيين والموظفين والعاملين والمزارعين ودخولهم بقوة في المعركة من أجل تحسين اوضاعهم المعيشية والمهنية ، كلما ادي الي لاقتراب من تطور الاحتجاجات الي انتفاضة شعبية واسعة تقود الي اسقاط النظام، كما اكدت تجارب ثورة اكتوبر ١٩٦٤ ، وانتفاضة مارس- ابريل ١٩٨٥ م. يساعد علي ذلك الوضوح حول البديل « برنامج البديل الديمقراطي » المتضمن في والذي حدد خارطة الطريق لاسقاط النظام عن طريق المظاهرات والاعتصامات والعصيان المدني والاضراب السياسي، واستعادة الديمقراطية وتحسين الاوضاع المعيشية ووقف الحرب والحل الشامل والعادل لقضايا دارفور وجنوبي النيل الأزرق وكردفان وابيي والشرق، والقضايا العالقة مع دولة الجنوب، وضرورة استيعاب وتضمين مقترحات ومطالب كل القوي والحركات خارج تحالف قوي الاجماع الوطني، في الوثيقة، حتي يتم قيام اوسع جبهة من أجل اسقاط النظام وضمان انتصار الثورة بعد اسقاط النظام وعدم تكرار تجربتي ثورة اكتوبر ١٩٦٤ م وابريل ١٩٨٥ م، وحراسة الجماهير لثورتها بتواجدها المستمر في الشارع واليقظة الدائمة ضد محاولات اجهاضها والعودة الي الوراء. * ومن الجانب الآخر تزداد أزمة النظام تفاقما بعد أن اهتزت الأرض تحت اقدامه، وظن أنه خالد رغم مافعله من تشريد وتعذيب واعتقال الالاف من المعارضين السياسيين وتدميره للخدمة المدنية ونظام التعليم، ومؤسسات السكة الحديد والنقل الأخري والمشاريع الزراعية والمؤسسات الصناعية، وتمزيق وحدة الوطن بفصل الجنوب وتركيز السلطة والثروة في ايد قلة من الطفيليين الاسلامويين. ونشهد الآن افلاس النظام ولجوء قادته الي استغلال الدين والذي ماعاد ينطلي علي احد بعد تجربة ٢٣ عاما من الفساد والاستبداد والقهر ونهب ثروات البلاد باسم الدين، والمتاجرة بالعمل علي فرض الدستور الاسلامي الذي يفضي للدولة الدينية التي تؤدي للمزيد من تمزيق وحدة الوطن والقهر والنهب باسم الدين، ويصادر التنوع والتعدد في البلاد، مما يتطلب قيام أوسع منبر لتوحيد قوي الاستنارة في النضال من أجل الدولة المدنية الديمقراطية، ولجم مخاطر استغلال الدين في السياسة والتطرف والهوس الديني . اضافة الي أزمة مصادرة حريات الصحافة وتسيير المواكب السلمية، وحملات الاعتقال وتعذيب المعتقلين، كما تتفاقم أزمة دارفور بعد فشل اتفاق الدوحة بسبب عجز الحكومة عن التمويل، واعترف المسؤولون بالفشل، وتوصل أهل دارفور من خلال تجربتهم مع الانقاذ الي أن الأزمة لاتحل الا باسقاط النظام. * ويتصاعد الاستنكار الواسع للقمع خارج السودان والتضامن مع انتفاضة شعب السودان من منظمات حقوق الانسان والاحزاب الشيوعية والتقدمية والقنوات الفضائية، والمواقع الالكترونية والصحافة الاجنبية ، والأمم المتحدة والخارجية الامريكية والبريطانية والاتحاد الاوربي، ومظاهرات السودانيين في مدن العالم ودعمها لللاحتجاجات الجماهيرية في الداخل من أجل اطلاق سراح المعتقلين ووقف التعذيب ووقف القمع الوحشي للمظاهرات السلمية في البلاد. فلنشدد النضال من اجل: اطلاق سراح المعتقلين فورا. مواصلة النزول للشارع والنضال السياسي الجماهيري حتى اسقاط النظام. المكتب السياسي ٢٥ / يوليو/ ٢٠١٢ م

شفتي يا آمونه النبي خيبتنا؟!

تخيلي ده الحزب الشيوعي المخضرم صار ينطبق عليه المثل بتاع تمخض الجبل فولد فأرا.....
والبحزن مش قياداتهم الديناصوريه بقدر شبابهم البعلموا مبررين لكل حاجه!! حاله صعبه!

الثورة ضد الظلم ضد الاضطهاد ثورة من اجل الحرية والكرامة

البشاري يا بلدينا ..كيفك ورمضانك كريم .

Quote: مع الاسف الماضي والحاضر وربما المستقبل يقررون أن الســـودانيين يخرجهم ضيق المعيشه والجوع وضيق الحالة الاقتصادية ولم يخرجوا من قبل من أجل الحرية تحديدا المركز وناس الخرطوم ديل يا آمنه أي حكومة تود الاستمرار في الحكم عليها اراحة ناس المركز لأن الاطراف لا دور يذكر لها في التغيير لأن ابناء الاطراف دائما ما يرضون بالفتات وزراء للعمل أو وزراء للرياضة أو وزراء للاشغال العامة ... الخ this is Sudan love it or leave it

والله لوف إت لأنو بلدنا..
وليف إت دى ماااا بتحصل ، تغيير يعني تغيير حقيقي وناجع ..وحا يصل غصبا عن عين أى زول وأى حاجة .


والله حاسة إنو عمرنا كللو كنا بننفخ فى قربة مقدودة .

العزيزة آمنة

إحدى ممثلي الشباب وممثلي الهامش فينا
وقطعا من ممثلات المرأة الجديدة

أقدر أنكم تنبهونا دوما لرؤية الأشياء بصورة جديدة

موضوعك هذا أعطاني الفرصة لطرح فكرة كانت تخطر برأسي
وهي أن فتيل إشعال هذه الإنتفاضة لم تكن زيادات الأسعار التي أعلنها هذا الرجل

الماري أنطوانيتي
صاحب القصور المتعددة ومن بينها هذا القصر

والذي لا يعرف عن الشعب السوداني الكثير
لدرجة أنه يظن أن السودانيون لا يأكلون الكسرة
لأنهم لا يفضلونها (يمكن زول يتفضل يرسل ليهو قائمة تكلفة الدقيق والوقود وما إليه)

كنت أفكر أن فتيل الإشعال كان تصريحات شخص آخر

الباقر موسى

لاحظي أن من خرج أولا كان طالبات جامعة الخرطوم
قبل طلابها


الباقر

Quote: ولو leave it يكون احسن الزولة دي موش بتاعة حزب الخضر والاوزون و وامنا الارض وحبوبتنا الكديسة ديك ولّ زولة تانية؟ الناس عايزة سخينة يا امنة يا اختي وما فاضين للرفاهية بتاعتكم دي Quote: نحنا من بداية الهبة الجماهيرية دى صابرين وساكتين على مضض .. لا يا امنة قلتي لو "نجضت" نخوض مع الخايضين ولامن "نفست"، دقيتي صدرك وجيتي مارقة رمضان كريم ---------------------- معليش يا امنة البتاعة مرقت ناشفة و اول مرة "اظن" اداخل معاك وبصراحة ما عارف "الخضر" ديل يطلعوا شنو ممكن يكونوا ناس "كويسين"

الشفيع ..

الخضر ما ناس (كويسين ) حسب مفهومك للناس الكويسين ..
والعياذ بالله .

نحنا ناس (وحشين شديد ) .... (وش كديسة مكشر ) .

نقلاً عن "يوميات البشير" في الفيس بن أبي بوك.

آمنة مختار سلام ...

الأبجديات تقول إنو الثورة أشياء تراكمية تصل حد يجعل القشة تقصم ظهر البعير ... ولو لاحظتي المظاهرات تبدأ بشعارات مثل (لا للغالاء)، وما أن يتجمع الناس، حتى تسمعي (الشعب يريد). لا أظن التوانسة قذفوا ببن علي إلى مزبلة التاريخ لمجرد إهانة تعرض لها البوعزيزي على يد شرطية، ولا أظن سئ الذكر جعفر نميري أصبح تاريخ لأنو زاد رغيف العيش بضعة قروش.

بعدين مخاطبتك لثوار الخرطوم يفهم منها إنو سؤالك ليس موجه لثوار مدني - عطبرة - بورتسودان - القضارف - الأبيض وبقية المدن التي ثارت ..... صدقيني كل هذه المدن تحركت بضمير واحد، ولا ضير في أن يكون غلاء المعيشة أحد أسبابها. لأن غلاء المعيشة وليد الفساد والسياسات الفاسدة التي لا تأتي عن غير فاسدين.

أجدعي مع الناس ...... كلهم أهلك .... هامش ومركز ... هدفهم واحد.

ياقريبتى احزاب البلويت \يل مافى فرق بيناتهم كان راح حاج احمد الداى احمد شخصيا
والمثل بقول الماياكل بايده مابشبع ويا امنة مايهم ه########م يقول شنو ولاشعاراتهم تقول ايه كلهم بلويت

Quote: كراهية الناس للانقاذ ليس بسبب زيادة فاتورة الكهرباء او غلاء الاسعار فقط ،، يا المسلمى الانقاذ هذى هى الشيطان والشر الرجيم والناس تكره الانقاذ للاسباب الاتية 1/ الظلم البين 2/ الفساد 3/ مصادرة الحريات العامة والخاصة والشخصى منها 4/ البطش والتنكيل بالخصوم 5 / العنصرية المتبرجة 6/ احتكار الدين والسلطة والتجارة ومضايقه الناس فى قوت يومهم 7/ الجبايات الكتيرة التى ومن من ( الفقراء )والتى تذهب الى جيوب منسوبى الانقاذ ( الؤتمر الوطنى ) 8/ كل شىء ممكن ومفيد لابد وان تلوثه الانقاذ بما لديها من مقدرات عاليه جدا من سوء الاخلاق قاسم المهداوى

ملخص الحال من زميل المنبر

أمونة

آسف للتأخير

وعشان الموضوع دا ما يطول

أظن أن خروج طالبات الجامعة الذي فجر الإنتفاضة

- والخروج يتم عندما يشعر إنسان أن حياته لم تعد أفضل من مماته -

لا علاقة بتصريح هذه المأفونة



الباقر

وهذا هو تصريحها


الباقر

Quote: شفتي يا آمونه النبي خيبتنا؟! تخيلي ده الحزب الشيوعي المخضرم صار ينطبق عليه المثل بتاع تمخض الجبل فولد فأرا..... والبحزن مش قياداتهم الديناصوريه بقدر شبابهم البعلموا مبررين لكل حاجه!! حاله صعبه!

خيبتنا حا تكون بجلاجل يا أم حازم ..

لو إتكلنا على التنظيمات أم وشين دي .

أما شبابهم ديل ....طلعوا مبرراتية زى شباب الطائفية .

لكن العشم فى الأجيال الجديدة ..غير المؤدلجة .

Quote: الثورة ضد الظلم ضد الاضطهاد ثورة من اجل الحرية والكرامة

لك التحية (أبو الهيجاء ) ود مساعد .


لقب أبو الهيجاء أطلقه عليك أستاذنا صيام ، ولايق عليك لايق .

الحبيبة امنة الإجابة الشافية
من بوست الأخ هيثم طه المجاور..
دمت بالف خير ..

امنة مختار كيف حالك ..
لا ضير في ان يخرج الناس للثورة كل بسببه وكل حسب فهمه ووعيه المهم ان يضعوا الهدف نصب اعينهم ويعملوا على تحقيقه وفي النهاية المتسبب في كل اوجاعهم واحد والحرامي واحد والقاتل واحد و هو نفسه الممسك بمقص الرقيب ظل الله في الارض ..
المثقف والمنتمي للطبقة الوسطى تعوزه الحرية والفقير المعوز همه الاول لقمة العيش (95%) ومرضى الفشل الكلوي شفاهم الله مبلغ همهم ان يتوفر لهم الغسيل .. الفلاح الفقير الذي يقضي مع البهائم زمنا اكثر مما يقضيه مع اطفاله لا تهمه حرية التعبير ومنع الصحفيين من الكتابة وقد لا يسمع بهذا الامر اصلا وبالنسبة له فإن هذا لا يعدو عن كونه "كلام افندية ساي " ، لكنه يسمع بأن كيلو اللحمة اصبح ثمنه 40 جنيه "لأنها بتهبشو في اللحم الحي " واللحم الحي هو مربط الفرس .. ثوار دارفور لم يثوروا استنكارا لمذبحة الضعين ولا قصف ابراهيم شمس الدين لحي الملكية جوبا بالمدفعية الثقيلة .. لم يثوروا مطالبين بحرية التعبير عندما عزفت موسيقى النظام استهلالهاا لمقدم الطاغية الجديد .. لكنهم ثاروا عندما احرقت قراهم وانتزعت حواكيرهم .. انه "اللحم الحي" مرة اخرى ..
كل زول يرمي حجرو و "النملة بي قرصتا" .. المبشر انهم جميعا يسعون وراء شخص / لص واحد وسيقبضون عليه لا محالة ..
تحياتي جميعا