Post: #1
Title: الدخل القش ..وما قال كش
Author: AMNA MUKHTAR
Date: 08-14-2012, 09:34 PM
Parent: #0
عرفتو منو ؟
|
Post: #2
Title: Re: الدخل القش ..وما قال كش
Author: AMNA MUKHTAR
Date: 08-14-2012, 09:37 PM
Parent: #1
الأجابة هى (الضل )..
.......
على قول حبوبتي الله يرحمها .
|
Post: #3
Title: Re: الدخل القش ..وما قال كش
Author: AMNA MUKHTAR
Date: 08-15-2012, 01:16 AM
Parent: #2
Quote: زعيم الأمة : تغيير النظام واجب وطني..من أراد التغيير فليأت إلينا ... ودريبات القش ما معانا
الصادق المهدي
دعا السودانيين للإتفاق على يوم أطلق عليه ( يوم مولد السودان الجديد ) للتظاهر والاعتصام
08-14-2012 10:32 AM
دعا زعيم حزب الأمة القومي الإمام الصادق المهدي ، السودانيين للإتفاق على يوم أطلق عليه ( يوم مولد السودان الجديد ) . وطالب بالخروج للساحات العامة للإعتصام والتظاهر عبر القوة الناعمة لإحداث التغيير في البلاد . ورأي المهدي خلال إفطار أقامته الأمانة العامة للحزب بدار الأمة ، أن السودان أمام خيارين ، : إما إتفاق سلام شامل وتحول ديمقراطي وإما إستقطاب حاد بين الشعب وجلاديه على حد تعبيره .
ووجه نداءً للشباب ( من أراد التغيير فليأت إلينا ، نجمع صفوفنا ، يربطنا خيط ويقطعنا سيف ، ودريبات القش ما معانا ). وقال ان إستمرار النظام بسياساته الحالية سيقود البلاد للتمزق والتفكيك . ورفض بشدة اي تقارب بين حزبه والمؤتمر الوطني الحاكم . وأبدى دهشته للتقارب مع نظام آيل للسقوط ، قبل ان يطالب بإطلاق سراح المعتقلين .
|
بالمناسبة دى ..
(دريبات القش ) يعني شنو ؟!
|
Post: #4
Title: Re: الدخل القش ..وما قال كش
Author: قيقراوي
Date: 08-15-2012, 02:21 AM
Parent: #3
Quote:
بالمناسبة دى ..
(دريبات القش ) يعني شنو ؟!
|
بالعربي ما بعرفا يا امونة ..
لكن بكلام سديق انا في مألوم تعأي : مافي سيدا .. منا منا !! (ؤ قام كدا لولو ليك يده اليمنى في حركة ثعبانية مااااكرة)
----------
دا المعنى العام البتستخدمو امي بت السيمت ربنا يديها العافية ..
تقول ليك شايفاك عملت ليك دريبات قش الايام دي!!
يعني فارقت الدرب العديل .. لدروب خفية .. غير مطروقة
والله اعلم
|
Post: #5
Title: Re: الدخل القش ..وما قال كش
Author: AMNA MUKHTAR
Date: 08-15-2012, 02:27 AM
Parent: #4
Quote: دا المعنى العام البتستخدمو امي بت السيمت ربنا يديها العافية ..
تقول ليك شايفاك عملت ليك دريبات قش الايام دي!!
يعني فارقت الدرب العديل .. لدروب خفية .. غير مطروقة
والله اعلم |
بالله دا المعنى يا قيقا ..
طيب هسه (الشباب ) يفهموا الكلام دا كيف ؟؟
سيف وخيط ودريبات قش وشنو ما عارفة ..
..........
دا( إسقاط نفسي) يا زميل ...
غايتو الشباب دربهم وااااضح ..وعارفين هم عايزين شنو ..
ما شفناهم كل يوم شايتين فى إتجاه ...يبروا ويستبروا .
|
Post: #6
Title: Re: الدخل القش ..وما قال كش
Author: قيقراوي
Date: 08-15-2012, 02:40 AM
Parent: #5
Quote:
طيب هسه (الشباب ) يفهموا الكلام دا كيف ؟؟
|
دا الزيت
-------
البقنع الامام منو لكن!؟
غير انو استخدم لغة غير مناسبة -في فهمي و وجهة نظري- فهي غير مقهومة للمخاطبين ..
وبي كدا ضاعت الرسالة
ديل جيل (كتمت) يا عمك
باها الراندوق دا معاكم بمشي .. ول ناكل محشي؟
اسي نقوم نجي نسيح ليكم في المنطقة دي!
|
Post: #7
Title: Re: الدخل القش ..وما قال كش
Author: AMNA MUKHTAR
Date: 08-15-2012, 02:52 AM
Parent: #6
Quote: البقنع الامام منو لكن!؟
غير انو استخدم لغة غير مناسبة -في فهمي و وجهة نظري- فهي غير مقهومة للمخاطبين ..
وبي كدا ضاعت الرسالة
ديل جيل (كتمت) يا عمك
باها الراندوق دا معاكم بمشي .. ول ناكل محشي؟
اسي نقوم نجي نسيح ليكم في المنطقة دي! |
عليك الله سيج وخد راحتك ..
خلي (القادة التاريخيين) ديل يعرفوا حاجة ..
فترنا من رانودق زمن حفروا البحر ...:)
وقال عايز يقود (الشباب ) قال ..
خلي أولا يديهم محاضرات فى (دريبات القش ) ...الهو خبرة فيها طبعا .....:)
|
Post: #8
Title: Re: الدخل القش ..وما قال كش
Author: الامين موسى البشاري
Date: 08-15-2012, 02:58 AM
Parent: #5
Quote: بالله دا المعنى يا قيقا ..
طيب هسه (الشباب ) يفهموا الكلام دا كيف ؟؟
سيف وخيط ودريبات قش وشنو ما عارفة .. |
أمونة بت مختار
أزيك ... لكن ما بالغتي ياخ
هاك دي عشان تعرفي انك بالغتي ولا لا؟
قالوا واحد من جدودنا الانصار القاطعين ديك
حلف يمين الا يمشــي يزور سيدو المهدي
قام كدا قطع ليك التذكرة وجاء لمقابلة سيدنا المهدي
وبعد المقابلة رجع البلد أها ناس البلد قعدوا يسألوا فيهو
أهل البلد: يا زول لقيت سيدنا كيف؟
هو: يا ناس هو سيدنا كمان بقولوا عليهو كيف
اهل البلد: وسيدنا قال ليكم شنو؟
هو: والله سيدنا دا اتكلم كلام... اتكلم كلام .. اتكلم
كلو كلو عجيب .. كلام كلو كلو عجيب
هو يتكلم ونحن بجاي نبكي ونتنخم
سيدي يتكلم ونحن نبكي ونتنخم ساي
سيدي يتكلم ونحن نبكي ونتنخم ساي
سيدي يتكلم ونحن نبكي ونتنخم ساي
لامن المخاطة دي جرت لينا في عراريقنا من البكي
أهل البلد: هاااااااي يا زول وسيدنا المهدي قال ليكم شنو؟
هو : شوف العويرين ديل كمان عليكـ الله
هو كلام ســيدي المهدي كمان بتفهم !! 
أها يا أمونة في ذمتك بالغتي ولا ما بالغتي؟
يعني لو كلام سيدي المهدي بتفهم بالسهولة دي
كيف يبقى سيدنا المهدي
كوني بخير
|
Post: #9
Title: Re: الدخل القش ..وما قال كش
Author: AMNA MUKHTAR
Date: 08-15-2012, 03:35 AM
Parent: #8
Quote: أهل البلد: هاااااااي يا زول وسيدنا المهدي قال ليكم شنو؟
هو : شوف العويرين ديل كمان عليكـ الله
هو كلام ســيدي المهدي كمان بتفهم !!
أها يا أمونة في ذمتك بالغتي ولا ما بالغتي؟
يعني لو كلام سيدي المهدي بتفهم بالسهولة دي
كيف يبقى سيدنا المهدي
|
قرقرقر يا قريبي ..
دستووووور يا سيدي .
؛؛؛؛؛؛؛؛؛؛؛؛؛؛؛
والله مرة فك ليهو كلام كدا ..خلي جرايد (الخرطوم ) ذااااتها محتارة ..
فما بالك بالهامشيين الزينا ديل .
كلام (مرمز ) دا يا مرسي ..وللا لاوندي ؟!
المهم إنشاء الله (الرسالة ) تكون وصلت لجميع (الأطراف ) ..
الظاهر الجماعة (تمنعوا عليه ) عشان كدا قال يفرد عضلاتو ويجيش الشباب ..
لكن على مين ..
فالشباب هايجين فى الفيسبوك .
|
Post: #10
Title: Re: الدخل القش ..وما قال كش
Author: AMNA MUKHTAR
Date: 08-15-2012, 03:46 AM
Parent: #9
| Quote: ووجه نداءً للشباب ( من أراد التغيير فليأت إلينا ، نجمع صفوفنا ، يربطنا خيط ويقطعنا سيف ، ودريبات القش ما معانا ). |
هسه عليكم الله ..شوفوا جنس الراندوق دا ..
دريبات قش شنو كمان البيتحشروا فيها الشباب ..!!
دى إهانة عديييييييييييييييل للشباب .
وتاني البيمشي يطلع من مسجد ..
يبقى سفاف تمباك وشراب سجاير سااااى ...:)
|
Post: #11
Title: Re: الدخل القش ..وما قال كش
Author: lana mahdi
Date: 08-15-2012, 09:54 AM
الضل الضل الضل
من الدروب التي عرفت:
درب ال40 في الواطااة
ودرب التبانة في السما
والدرب الراح في الموية ودة بتعرفوا حبوبتي طيّب الله ثراها
|
Post: #12
Title: Re: الدخل القش ..وما قال كش
Author: قيقراوي
Date: 08-15-2012, 12:36 PM
Parent: #11
Quote:
دريبات قش شنو كمان البيتحشروا فيها الشباب ..!!
دى إهانة عديييييييييييييييل للشباب .
|
الثيمة الاساسية لـ(دريب القش) انو ما بتأتر ..
اي الماشي فيو آمن عقوبة التعقب وقص الاثر!
--------
بالفهم دا بالله العندو دريبات قش منو اسي!؟
نحنا اولادنا في الحكومة ومساعدين رؤساء؟
ب الشباب ديل جوا مسجد السيد عبدالرحمن بي سجايرم وصعوطم دغرررررررري
المافي شنو كان؟
لنا يا اميرةٌ لنا
نسيتي الدرب الاخضر - عثمان حسين .. (معاك فرهد شباب الحب ورف علي جناح اخضر .. اللخ اللخ)
ؤ (درب الريد) العبروهو البلابل
ؤ (درب الحب) المشاهو زيدان .. عشانك
وهكذا دواليب
لكن اظن الامام عاوز يتلت ثنائ العاصمة ويبقوا ثلاثي العاصمة ساي ويغنوا:
معاي .. معايا .. بالدرب (العدييييييييييل)
نحنا في بداية طريقنا .. ليه تقول لي مستحيل!!؟
|
Post: #13
Title: Re: الدخل القش ..وما قال كش
Author: AMNA MUKHTAR
Date: 08-15-2012, 10:11 PM
Parent: #12
Quote: غير انو استخدم لغة غير مناسبة -في فهمي و وجهة نظري- فهي غير مقهومة للمخاطبين ..
وبي كدا ضاعت الرسالة
|
|
Post: #14
Title: Re: الدخل القش ..وما قال كش
Author: صبري طه
Date: 08-15-2012, 10:24 PM
Parent: #13
لك التحية أختي آمنة ...
أعتقد أنّ معنى دريبات القش هنا = أصحاب المواقف الرمادية
أو كما يُطلق على بعض زملاء المنبر بالرماديين ... زي ناس هناي وهناي
ــــــــــ
المُشكلة هي: من هو صاحب أكبر موقف رمادي ؟ 
|
Post: #16
Title: Re: الدخل القش ..وما قال كش
Author: دينا خالد
Date: 08-15-2012, 10:38 PM
Parent: #14
| Quote: امي بت السيمت ربنا يديها العافية .. |
بالللللللللللللللللللللللللللللللللللللللهى !!
حولاااااااااااااااااااااا ... وانا اقوووول ...
ـــــــــــــــــــــــــــــــ
يا امونه خلينى اطلق ليك خيالى شوية كدا
الدرب دا دايما بكون اسفلت
طوب ، خرصانه ، حاجه صلده وقوية لو مشى فيها
شنو داك ما بتتهايل ، لكن اتخيلى ليك درب من القش ؟
لو مشى فيه نمل ورررردلوب بجى منبطح ...
|
Post: #18
Title: Re: الدخل القش ..وما قال كش
Author: قيقراوي
Date: 08-16-2012, 01:17 AM
Parent: #16
كلاكيت للمرة التانية:
Quote:
بالللللللللللللللللللللللللللللللللللللللهى !!
حولاااااااااااااااااااااا ... وانا اقوووول ...
|
دا سيمتن آخر .. غنوا ليو (سيمت يا المرين)
بتعرفي السيموتة؟
---------
حسين شندي برضو امو اسمها بت المنا بت السيمت
والله صحي
لكن دا برضو سيمتن آخر
السواميت كتاااار هم .. انت قايلة شنو؟
بالمناسبة (شندي) دي ما اسم ابوهو ..
مرة واحد سالوهو من اسمو قال محمد ود حسين
فسألوهو [تعسفياً] : ؤ (حسين) دا امك ول ابوك؟
|
Post: #15
Title: Re: الدخل القش ..وما قال كش
Author: Hani Arabi Mohamed
Date: 08-15-2012, 10:25 PM
Parent: #1
هل قال (الشباب) جلدنا وما بنجرو في الشوك ؟
|
Post: #17
Title: Re: الدخل القش ..وما قال كش
Author: AMNA MUKHTAR
Date: 08-15-2012, 10:47 PM
Parent: #15
Quote:
الضل الضل الضل
من الدروب التي عرفت:
درب ال40 في الواطااة
ودرب التبانة في السما
والدرب الراح في الموية ودة بتعرفوا حبوبتي طيّب الله ثراها
|
لنا مهدي يا عزيزة ..
من بوستك الأخير داك ..
وحاسة بيكي سلكتي ليكى دريبات قش .......:)
هيك ..وللا مو هيك ؟
|
Post: #19
Title: Re: الدخل القش ..وما قال كش
Author: AMNA MUKHTAR
Date: 08-16-2012, 03:29 AM
Parent: #17
Quote: بالفهم دا بالله العندو دريبات قش منو اسي!؟
نحنا اولادنا في الحكومة ومساعدين رؤساء؟
ب الشباب ديل جوا مسجد السيد عبدالرحمن بي سجايرم وصعوطم دغرررررررري
المافي شنو كان؟
لنا يا اميرةٌ لنا
نسيتي الدرب الاخضر - عثمان حسين .. (معاك فرهد شباب الحب ورف علي جناح اخضر .. اللخ اللخ)
ؤ (درب الريد) العبروهو البلابل
ؤ (درب الحب) المشاهو زيدان .. عشانك
وهكذا دواليب
لكن اظن الامام عاوز يتلت ثنائ العاصمة ويبقوا ثلاثي العاصمة ساي ويغنوا:
معاي .. معايا .. بالدرب (العدييييييييييل)
نحنا في بداية طريقنا .. ليه تقول لي مستحيل!!؟ |
قيقا سلام من الله عليك ..
قول ليهو الدرب العديل دا مالوا ...عيبو لي ..
غايتو اهلنا وصونا وقالوا : أمشي عدل يحتار عدوك فيك .
وكمان ....مااااا (بروح ليك الدرب فى الموية ).
غايتو بأمانة كدا يا ناس ..
نفسي يوم أسمع أو أقرأ خطاب للزول دا ..أقدر أفهموا كلللللللله ..ولا يناقض أوله آخره !!
صعبة دي !!
|
Post: #20
Title: Re: الدخل القش ..وما قال كش
Author: aydaroos
Date: 08-16-2012, 09:47 AM
Parent: #19
الدرب ألمأتر * هو طريق النخب السياسية في التغيير زمان
نقابات وتجمع سياسي ،إضرابات ومظاهرات وكلام كتيييييييييييييير
عن الدستور والديمقراطية و ووووووو
وبعد داك يمسكها الصادق المهدي
وكل شعارات التغيير تروح شمار في مرقه.
دريبات القش الما بتتقص هي الحركات المسلحة ومجموعات الفيسبوك
وحركات المرأة والشباب وناس مركز وهامش وديمقراطية وعلمانية
وتقسيم ثروة وسلطة.
سلام آمنة مختار ،قيقراوي والمتداخلين
________________________________
الدرب المأتر : هو الدرب الذي يظهر فيه أثر من سلكوه قبلك
|
Post: #21
Title: Re: الدخل القش ..وما قال كش
Author: AMNA MUKHTAR
Date: 08-16-2012, 11:47 PM
Parent: #20
الأخ العزيز صبري السنة الجاية سودان جديد لنج بعون الله .
Quote: لك التحية أختي آمنة ...
أعتقد أنّ معنى دريبات القش هنا = أصحاب المواقف الرمادية
أو كما يُطلق على بعض زملاء المنبر بالرماديين ... زي ناس هناي وهناي
ــــــــــ
المُشكلة هي: من هو صاحب أكبر موقف رمادي ؟ |
سؤالك يجاوب على نفسه ..
ياخي( أبو كبير) دا كرهني اللون الرمادي فى اللبس ذاتو ...:)
|
Post: #22
Title: Re: الدخل القش ..وما قال كش
Author: تبارك شيخ الدين جبريل
Date: 08-16-2012, 11:50 PM
Parent: #21
أبّو كبير دي يعني عشان عبدالمحمود ابّو ودريبات القش بين الملازمين وودنوباوي؟
... المهم ....
|
Post: #23
Title: Re: الدخل القش ..وما قال كش
Author: AMNA MUKHTAR
Date: 08-17-2012, 00:06 AM
Parent: #22
Quote: يا امونه خلينى اطلق ليك خيالى شوية كدا
الدرب دا دايما بكون اسفلت
طوب ، خرصانه ، حاجه صلده وقوية لو مشى فيها
شنو داك ما بتتهايل ، لكن اتخيلى ليك درب من القش ؟
لو مشى فيه نمل ورررردلوب بجى منبطح ... |
يا دندون صعبتيها زيادة والله ..
النمل ما بمشي فى درب القش ..
النمل ممكن يمشي فى القش ذاتو .
|
|