بلاوى حزب الخضر السوداني ...!!

مشكلتنا هى أولئك الذين ينضمون إلينا دون أن يطلعوا على برنامجنا ولا على نظامنا الأساسي ..

ودون أن يعملوا الهوم ويرك بتاعهم ويطلعوا على مبادئ حركة الخضر العالمية ..

أو ياخدوا أدنى فكرة ..عن نشاط أحزاب الخضر فى العالم وإنخراطها بقوة فى العمل السياسي .

كل فترة واحد أو واحدة يجو يقولوا لينا :
والله ما كنا فاكرين إنو دا حزب سياسي ..لذلك حا نضطر للإنسحاب ..

مع إن إسم التنظيم نفسه يدل على إنه حزب سياسي ..

وكذلك البرنامج ..
والنظام الأساسي .

وكذلك البوستات المفتوحة فى منابر الأسافير المختلفة ..

وكذلك موقعنا على الشابكة .

وكذلك مستنداتنا المنشورة فى قروبي الخضر فى الفيس بوك ..

وكذلك المستندات التى وزعت على الأرض فى السودان وحول العالم .



فلماذا التعامي ؟!

فقد ذكرنا مليون مرة ..إننا لسنا مجرد جمعية للإصحاح البيئي ..؟!

عضو إنضم لينا زمان من شمال أوروبا ..

قال إنه يرفض سودنة برنامج ونهج حزب الخضر ..
وإنه يريده أن يكون نسخة طبق الأصل من أحزاب الخضر الأوربية ( مع العلم إن هناك العديد منها ولكل منها برنامجه الخاص ) ..

وإنه يرفض أن يعتز حزب الخضر السوداني ويقتدي بالقامات السودانية السامقة ..


مع إنه على ما يبدو ..لم يكن لديه مانع من الإقتداء بالقامات الخواجاتية ..التى إنشأت فكرة الخضر !!

ومع إن هذا العضو يعلم تمام العلم ، إن لكل تنظيم خضر حول العالم خصوصيته التى تنبع من قضاياه وهمومه المحلية .

وعضو كتب فى قروب الخضر السودانيين على الفيس بوك :
إن جون قرنق هالك لأنه كافر ..وبن لادن شهيد لانه مسلم .

وعندما أوقفنا هذا العضو لممارسته التمييز الديني ..إتهمنا البعض بالدكتاتورية .

حا تشوفي بلاوي أكتر يا أمونة .. كل سنة وإنت طيبة ..

غايتو ما تضيعي وقتك ساكت مع الخضر ديل ... أغلبهم في الأصل حمر ....

تحياتي

وعضو إعترض بشدة وصلت درجة المشادة على عقد ندوات تثقيفية للأعضاء ، حول المفاهيم السياسية العامة ، مبادئ حركة الخضر العالمية ، ومبادئ حزب الخضر السوداني .

وكان التبرير الذى ساقه : إنه يخشى تطفيش الأعضاء الجدد ..والراغبين فى الإنضمام .

....

دى زى حكاية تطفيش الزبائن مش .....:)

أخونا محمد هارون
كل سنة وإنت بألف خير .

Quote: غايتو ما تضيعي وقتك ساكت مع الخضر ديل ... أغلبهم في الأصل حمر ....

قصدك يعنى زى البطيخة ؟!

صدقنى دى إشاعة ساكت .

وعضو يعترض على إنضمامنا لجمعية البيئيين مع إنه شخصيا عضوا فيها .

وعضو يعترض على عقد إجتماعاتنا فى دور الأحزاب الصديقة مع إنه يعلم جيدا إنها أأمن أماكن لعقد إجتماعاتنا ، خاصة إنه ليس لدينا دار بعد .

وعضو يعترض على تحالفنا مع القوى الجديدة فى سبيل إسقاط النظام ( لأنه كما يبدو ليس لديه نيه حقيقية فى السعى لإسقاطه ) .

وعضو إعترض بشدة على نشرى للمفاهيم السياسية الأساسية فى قروبي الخضر .

وعضو وضع مؤخرا صورة محمد عثمان الميرغني كصورة بروفايل فى الفيس بوك .

وعضو يمدح الجيش السواني ويدعى إن قوات الشعب المسلحة تقف دائما مع الشعب..

وكمان قال إنه ما شاف فى حياته جيش بيقيق مع حاكم فى الأزمات لأن الجيوش دائما ما تلزم جانب الشعب .

هكذا ...

وبالرغم من إننا أوردنا له أدلة من الواقع ...إلا إنه ما زال مصرا على آرائه .



..................

Quote: Quote: غايتو ما تضيعي وقتك ساكت مع الخضر ديل ... أغلبهم في الأصل حمر .... قصدك يعنى زى البطيخة ؟!

ارفع ايديكم عن البطيخ يا اخوانا!اقصد ارفعوا ارجلكم عن البنزين يا محمد هارون

بما اني كنت احمر .. اها شروط الطهارة من رجس الشيوعية كم غسلة ..
و كم منهن ترابيات!؟

الكلام دا واقف على راسو يا استاذنا
و ما المشكلة في الانتقال من الاحمر للاخضر او الرمادي!؟
دي كلها رايات سياسية لا اكثر ..
و الاحزاب السياسية بناءات اجتماعية بشيدوها الناس .. و هم الاعلى مش هي!
يعني بكلامكم دا الشيوعيين كان خلوا شيوعيتهم العتيدة دي .. ينتحروا طوالي و لّ كيف!؟
حيرتونا في ي ي ي راسنا دا و الله!

سمعت بي زول اسمو يوشكا فيشر!؟








-------

ثم الاهم من ذلك اتحداك انو تقول وااااحد بس من النماذج العرضتم امنة هنا كان شيوعي
من وين جبت قصة (اغلبهم) دي!؟
تتكلموا ساااي بس انتو ولّ كيف!؟

Quote: وعضو وضع مؤخرا صورة محمد عثمان الميرغني كصورة بروفايل فى الفيس بوك .

سلامات يا آمنة...
وضعها على بروفايل القروب ولاّ بروفايله الشخصي
لو بروفايل القروب يكون بالغ لو الشخصي يكون بالغ الحزب

وعضو آخر يتهرب من معظم الإجتماعات ..

وعندما نخو خطوة للأمام فى غيابه ، يغضب جدا ..ويعترض بشدة

بحجة إنه النصاب لم يكتمل !!

مع إنه يعلم جيدا ..إن هيكيلية الحزب وبناؤه التنظيمي لم يكتملا بعد ..


والسبب فى هذا التعويق هو نوعيته هذه من الأعضاء المتخاذلين ..وكساري المقاديف الفى كل خطوة عاملين مشكلة من مافى ..!!

وواحد ناوي يبقي عضو...يسأل


رسوم التسجيل كم؟؟

يقطع شيطانك يا امنة قطعتى مصارينى ..
شكلك كنتى هاااايجة وانتى بتكتبى ..

دا كلووو وعلى العليهم .. الرئيسة مجنونه ..
لوووووووووووب بضحااااااااااك والله ..

لكن انتى تعالى .. ديل بتجيبيهم من وين يا ختى ؟ ...
ما لقيتى ذى الاعضاء ديك ال اذا اشتكى منهم عضو تداعى بقية الاعضاء
بالسهر والحمى ؟؟











ــــــــــــــ
لكن عينى باردة بى (كراهتم) دى عملتوا اعضاء
كتار خلاس ... انظرى للجزء الما فاضى من الكوب ياخ ..

يقطع شيطانك يا امنة قطعتى مصارينى ..
شكلك كنتى هاااايجة وانتى بتكتبى ..

دا كلووو وعلى العليهم .. الرئيسة مجنونه ..
لوووووووووووب بضحااااااااااك والله ..

لكن انتى تعالى .. ديل بتجيبيهم من وين يا ختى ؟ ...
ما لقيتى ذى الاعضاء ديك ال اذا اشتكى منهم عضو تداعى بقية الاعضاء
بالسهر والحمى ؟؟











ــــــــــــــ
لكن عينى باردة بى (كراهتم) دى عملتوا اعضاء
كتار خلاس ... انظرى للجزء الما فاضى من الكوب ياخ ..

Quote: لكن انتى تعالى .. ديل بتجيبيهم من وين يا ختى ؟ ..

من نفسسسسس محل بكري بجيب البورداب


غالباً بلقوهم واقعين ساي

Quote: وعضو إعترض بشدة وصلت درجة المشادة على عقد ندوات تثقيفية للأعضاء ، حول المفاهيم السياسية العامة ، مبادئ حركة الخضر العالمية ، ومبادئ حزب الخضر السوداني . وكان التبرير الذى ساقه : إنه يخشى تطفيش الأعضاء الجدد ..والراغبين فى الإنضمام .

امونه والله كان سمعتى كلامى
العضو دا امسكو فى كلامو قوى وما تدوهو الواطة ...
اداكم النجيييييييضة ...










ــــــــــــــــــ
غايتو يا امون التسوى بى ايدك يغلب اجاويدك ..
تانى لووووووووول ..

زمنى دا كلو قايلة البلاوى دى بتقوم للحزب
بعد سن العشرين !!!














ــــــــــــــــــ
انتو حزبكم دا ضبحتو لى ؟؟
وااااااااى يا مصارينى ..

ايتانيا وسلامات يا امنه

معليش مشغول شوية

حا ارجع ليكي بمداخلة من البوست الاولاني

يمكن تريحك شوية .... من الهم التقيل ده ...

تحاياي

سلام تاني يااستاذة

مازلت مصر علي وجهة النظر الاولي

مع قناعتي بان حزب الخضر تجاوزها

او كاد.... لكن ربما المزاج السوداني

هو المسيطر علي النماذج التي قدمتيها....!!!!

المهم... للتذكير فقط

Quote: مع الاعتراف بانه ليس لدينا في الوقت الراهن احزاب يعتمد عليها بعد ان مل الجميع الاحزاب التقليدية اعتقد بانه الوقت المناسب بل والمناسب جدا لتكوين احزاب جديدة بعقول شابه متفتحة مسلحة بالعلم والايمان بهذا الوطن الكبير لكني.... اعتقد بعد ايماني الكامل بهذه المسودة المعقولة ( نحنا يادوب في البداية...!!!) بانه يجب ان لانبدا بفكرة حزب ...انما تكون الفكرة....( حركة ) مثلا : حركة الخضر السودانية تعمل في البد علي تثقيف افراد المجتمع بماهية الخضر...والبيئة والعمل علي اقامة ندوات وفعاليات ومشاريع بسيطة تجذب الشباب اليها ...وتوطر لعلاقة ثقة مع افراد المجتمع . ليتطور العمل بعد ذلك ليشمل الحياة العامة في السودان قبل ان يتحول الي حزب سياسي لديه مشروع طموح لقيادة البلد الي بر الامان وتحقيق اهدافه . الفكرة عظيمة والاهداف جميلة.... لكني وهذه وجهة نظر شخصية : لا احبذ البد باطلاق صفة الحزب علي هذا المشروع الجميل ...لحساسية المزاج السوداني من كلمة احزاب في بداياتها...والحاجة الي وقت حتي تستوعبه الفئة المستهدفة ...وهي فئة الشباب في المقام الاول مع الاعتراف بان ماعون المسودة المقدمة يستوعب الجميع اذا فهم الغرض والمقصد وطريقة ادارة الفكرة . والله من وراء القصد

وراجع ليكم ياخضر

سلام

Quote: مشكلتنا هى أولئك الذين ينضمون إلينا دون أن يطلعوا على برنامجنا ولا على نظامنا الأساسي .. ودون أن يعملوا الهوم ويرك بتاعهم ويطلعوا على مبادئ حركة الخضر العالمية .. أو ياخدوا أدنى فكرة ..عن نشاط أحزاب الخضر فى العالم وإنخراطها بقوة فى العمل السياسي

وما يبنى بيت ؟؟؟؟؟؟؟؟














ـــــــــــــ
الليلة خستكة معاك لما تصحى من الشربوت دا !!

سلام يا آمنة
و إنتِ قايلة ناس نقد و الترابي و الصادق و الميرغني ديل شيبو من هين؟ أي نعم هم ما صغار لكن نص الشيب الفي راسهم من زي ديل. و المسألة أخد و عطا هم يشيبوا بناس حزبهم و بالشعب السوداني كله و برضه بياخدوا الفيها النصيب من الهم و الغم.
يا هو دا حال العمل العام في السودان (و ما أبرئ نفسي كسوداني) تنظير و كل واحد بفهم الديموقراطية و الشورى بفهم إنه الناس يتشاوروا و يمشوا كلامه. و لسع أديها صنة شهر شهرين و حتلقي عندك تلاتة أحزاب خضر واحد أخضر فاتح و التاني أخضر غامق و التالت ليموني و نبقى في حزب الخضر الأصل و حزب الخضر القيادة الجماعية و ما عارف شنو. نحن الشعب الوحيد الممكن يكون فيه حزب عنده تلاتة أعضاء و ينشقوا لأربعة أجنحة.

والله حيرتونا يا خضر ..

ويا ناس البورد أفتونا فى حكاية فتح العضوية دى ..
فقد كنا نعتمد على مبدأي التثقيف والتنوير ..

ولكن من الواضح إن النوعية الإنضمت لينا دي ترفض هذين المبدأين من أصلو ..
لأنها ترى إنها مستنيرة ومثقفة بما يكقي .

فما العمل ؟!

خصوصا إن الأبعدناهم إتهمونا بالدكتاتورية .

Quote: بلاوي حزب الخضر السوداني....

لو اى زول جاب بلاويهو هنا كنتي حتنبسطي وتحمدي الله بالعندك




ألف مبروك تانى ولى قدام!

Quote: ثم الاهم من ذلك اتحداك انو تقول وااااحد بس من النماذج العرضتم امنة هنا كان شيوعي من وين جبت قصة (اغلبهم) دي!؟ تتكلموا ساااي بس انتو ولّ كيف!؟

كيفك قيقراوي ..

كلامك صحيح ..
فالأعضاء المنتظمين سابقا ..أكيد فهمهم للأمور بيكون مختلف
لأنه عندهم نوع من الوعي السياسي ..
إضافة إلى الخبرة التنظيمية السابقة .


وإهم حاجة ...بيكونوا متعودين على حكاية الدروس التثقيفية التوعوية دى ..وعارفين أهميتها .

Quote: وعضو وضع مؤخرا صورة محمد عثمان الميرغني كصورة بروفايل فى الفيس بوك . سلامات يا آمنة... وضعها على بروفايل القروب ولاّ بروفايله الشخصي لو بروفايل القروب يكون بالغ لو الشخصي يكون بالغ الحزب

الأخ ود البشرى سلامات .

وضعها فى بروفايله طبعا ..

تتخيل زمان كان أى زول نشوفه نشط فى القروب كنا نبقيهو آدمين
ربك ستر وحصلت المشاكل دى بدرى بدرى ..
وشلنا الآدميز الكتار ديل ...قبل ما يطيروا القروب .

......

أكيد طبعا مشكلة الحزب ..
لذلك حرصنا على عدم إدخال هذا العضو للقروب المغلق
وموقع الحزب
وخلينا بس فى قروب الخضر وأصدقاءهم .

لغاية ما نشوف حكايته شنو ..
خاصة إنو لسه شاب صغير .

لكن المشكلة جانى كمان ناطى لى فى حيطتى فى الفيس بوك ..
وكتب مدافعا عن مسيرة اليوم الأربعاء لدعم القوات المسلحة !!

Quote: وواحد ناوي يبقي عضو...يسأل رسوم التسجيل كم؟؟

مافى رسوم تسجيل
رسوم العضوية عشرة جنيهات سودانية فقط .

ولسه ما قبضنا مليم من زول ..
ما تشوف الناس ديل فصاحة ساكت ..
لا فى زول سلمنا إستمارة مليانة حتى الان ، لا رسوم عضوية .

ونحنا ذاتنا ما قادرين نورط نفسنا فى مسؤولية إستلام قروش من زول
قبل إكتمال هيكلة الحزب ومؤسساته التنظيمية ..
ولجنته المالية المؤسسة على قواعد محاسبية .

كل ما نقوم به الان هو بالمجهود الذاتى منى ومن عدد محدود من العضوات والأعضاء النشطين .

لوكي الصبر

وحافظي على جازك
:)

Quote: دا كلووو وعلى العليهم .. الرئيسة مجنونه ..

وانا ماااااا بضحك

Quote: الليلة خستكة معاك لما تصحى من الشربوت دا !!

كان صحت !!!!

Quote: مشكلتنا هى أولئك الذين ينضمون إلينا دون أن يطلعوا على برنامجنا ولا على نظامنا الأساسي

سلام يا امنة
ديل بكرة يشكلو حزب او احزاب مضادة
وهاك يا اسامي وتحالفات
حزب الخضر القيادة الثورية
حزب الخضر الديمقراطي حق
الحزب الاخضر الليبرالي " خل " - على وزن " طل "

ولك التحية

العشرة جنيهات السودانية فقط دي ...بقت حق الورقة
الفاضية...البتكتبي فيها بيانات العضوية
ما بتجيبوا ليك يأ بت مختار...
أما اذا فكرتي تطبعي البيانات
طباعة...فاستعدي لأن تدفعي من جيبك عشان تجمعي بيانات العضوية
ولو حولوها ليك...من اي حساب...حا يكون
حسابك مطالب...ولازم برضو تدفعي من جيبك عشان
تغطي حسابك او بتدخلي السجن

وكان صبرتي كمان شهرين تلاتة...
ما حا تجيب ليك حق الواو من الورقة
خليها الورقة...

عزيزتنا استاذة آمنة
كل عام و انت بخير

هذه هي المشاكل
ماهي الحلول بوجهة نظرك؟

سنة سعيدة و حلوة

Quote: يقطع شيطانك يا امنة قطعتى مصارينى .. شكلك كنتى هاااايجة وانتى بتكتبى .. دا كلووو وعلى العليهم .. الرئيسة مجنونه .. لوووووووووووب بضحااااااااااك والله .. لكن انتى تعالى .. ديل بتجيبيهم من وين يا ختى ؟ ... ما لقيتى ذى الاعضاء ديك ال اذا اشتكى منهم عضو تداعى بقية الاعضاء بالسهر والحمى ؟؟ ــــــــــــــ لكن عينى باردة بى (كراهتم) دى عملتوا اعضاء كتار خلاس ... انظرى للجزء الما فاضى من الكوب ياخ ..

مجنونة بس ...هم ما عارفينى ساى..

هسه أقوم أوريهم العينة وأهد عليهم المعبد بمن فيه ..

أسألى لى يا دينا بيلقوا محل ( الأعضاء ) القلتى عليهم ديل وين ؟
لأنى حاسة إنو الموضوع كدا فيهو حقارة جندرية من بعض العضوية ..

أما عن قصة الكوب المليان ..فصدقيني العبرة بالنوعية وليس الكمية يختى .

Quote: امونه والله كان سمعتى كلامى العضو دا امسكو فى كلامو قوى وما تدوهو الواطة ... اداكم النجيييييييضة ... ــــــــــــــــــ غايتو يا امون التسوى بى ايدك يغلب اجاويدك .. تانى لووووووووول ..

لول بس ..

أنا مافضل لى إلا أولول كمان ..

اللخو قايلنا فاتجين دكان .